14703
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
5 гадоў прайшло пасьля знакавых для Беларусі падзей 9 жніўня 2020 году
У той дзень у Беларусі адбыліся прэзыдэнцкія выбары. Яны прайшлі ва ўмовах масавых фальсыфікацыяў. Паводле агучаных ЦВК зьвестак, Аляксандар Лукашэнка набраў 80,1%, Сьвятлана Ціханоўская — 10,2%. На шмат якіх участках незалежныя назіральнікі фіксавалі несумненную перавагу Ціханоўскай. Міжнародная супольнасьць ўрэшце не прызнала вынікі выбараў.
Ужо ўвечары 9 жніўня пачаліся масавыя пратэсты, якія працягваліся некалькі месяцаў і сталі самымі масавымі ў гісторыі краіны. Улады адказалі на пратэсты гвалтам, затрыманьнямі, катаваньнямі, і рэпрэсіямі, якія набылі небывалы маштаб у найноўшай гісторыі Беларусі і не спыняюцца дагэтуль.
Паводле арганізатараў, у канфэрэнцыі «Новая Беларусь», якая праходзіць у Варшаве, бяруць удзел 420 чалавек, у тым ліку прыблізна 50 дыпляматаў. Усе яны прыехалі з 16 краін сьвету.
На фота: заля ў Варшаўскім унівэрсытэце адбываецца канфэрэнцыі
У Варшаве праходзіць канфэрэнцыя «Новая Беларусь»
https://smarturl.click/WR8AO
На канфэрэнцыі, якая будзе доўжыцца два дні, плянуецца абмеркаваць стратэгію дзеяньняў дэмакратычных сіл для зьмяненьня сытуацыі ў Беларусі.
Канфэрэнцыю «Новая Беларусь», прымеркаваную да пяцігодзьдзя жнівеньскіх падзеяў 2020 году, адкрыла Сьвятлана Ціханоўская.
«Гэтая рэвалюцыя яшчэ ня скончаная, пакуль мы разам, пакуль мы працягваем барацьбу — мы не прайгралі. Я не разумею людзей, якія прапануюць адмовіцца ад 2020 году і перагарнуць старонку. Гэта той год, калі мы адчулі сябе нацыяй», — заявіла Сьвятлана Ціханоўская.
Паводле яе, на канфэрэнцыі плянуецца абмеркаваць, што рабіць далей, бо новы час патрабуе новых форм. Сярод тэм — як вызваліць палітвязьняў, як умацаваць беларускі рух у сьвеце, як падтрымаць тых, хто ўнутры краіны і як прыцягнуць рэжым да адказнасьці.
На фота: Сьвятлана Ціханоўская ў часе выступу на канфэрэнцыі
Рада БНР: правядзеньне новых дэмакратычных выбараў усіх узроўняў застаецца галоўнай палітычнай мэтай
https://smarturl.click/e0WZY
«Аднаўленьне дэмакратыі ў Беларусі, правядзеньне сумленных выбараў усіх узроўняў па агульнапрынятых дэмакратычных стандартах у цалкам незалежнай беларускай нацыянальнай дзяржаве, мае заставацца галоўнаю беларускаю палітычнаю мэтаю на гэтым гістарычным этапе».
Як адзначаецца ў заяве Рады БНР да 5-й гадавіны жнівеньскіх падзеяў 2020 году, гэтая дата «прыпадае на час, калі тысячы адданых Беларусі сыноў і дачок знаходзяцца ў вязьніцах, а сотні тысяч былі вымушаныя пакінуць Бацькаўшчыну, калі Лукашэнка, выконваючы жаданьне Масквы, зьнішчае нацыянальную ідэнтычнасьць беларусаў і фактычна праводзіць палітыку этнацыду».
На фота: Старшыня Рады БНР Івонка Сурвіла, архіў
115 гадоў таму, 9 жніўня 1910 году, нарадзілася Ларыса Геніюш, пісьменьніца, дзяячка беларускага адраджэньня, сакратар Рады БНР, зьняволеная ГУЛАГу ў 1948 — 1956 гадах.
Пяць гадоў таму, 9 жніўня 2020 году, у Беларусі адбыліся прэзыдэнцкія выбары. Яны прайшлі ва ўмовах масавых фальсыфікацыяў. Паводле агучаных ЦВК зьвестак, Аляксандар Лукашэнка набраў 80,1%, Сьвятлана Ціханоўская — 10,2%. На шмат якіх участках незалежныя назіральнікі фіксавалі несумненную перавагу Ціханоўскай. Ужо ўвечары 9 жніўня пачаліся масавыя пратэсты і затрыманьні. Апошнія набылі маштаб рэпрэсіяў, якіх не было ў найноўшай гісторыі Беларусі. Вынікі выбараў не прызнала міжнародная супольнасьць. Рэпрэсіі працягваюцца дагэтуль.
Больш пра падзеі і даты гэтага дня ў гісторыі Беларусі і сьвету чытайце ў матэрыяле «Ўжо сёньня»:
https://smarturl.click/JnMjv
Максім Знак стаў ляўрэатам прэміі Цэнтру Вацлава Гаўла
Цэнтар Вацлава Гаўла ў Нью-Ёрку прысудзіў прэмію Disturbing the Peace беларускаму праўніку і палітзьняволенаму Максіму Знаку. Пра гэта абвешчана 8 жніўня на сайце арганізацыі.
Максім Знак — адзін з лідэраў перадвыбарчага штабу Віктара Бабарыкі, асуджаны ў Беларусі на 10 гадоў зьняволеньня паводле палітычна матываванага абвінавачаньня. Ён прызнаны праваабаронцамі палітвязьнем і з 2021 году знаходзіцца за кратамі.
У заяве Цэнтру Вацлава Гаўла ідзецца, што Знак стаў «сымбалем інтэлектуальнага супраціву», а ягоная кніга турэмных апавяданьняў «Зэкамерон» «стала сьведчаньнем сілы літаратуры за кратамі».
Прэмія Disturbing the Peace штогод уганароўвае «аўтараў, якія, як і Вацлаў Гавэл, выяўляюць адданасьць правам чалавека і зьведалі перасьлед за свае перакананьні».
Лукашэнка заявіў, што «не плянуе» балятавацца на наступных выбарах
https://smarturl.click/xV4QO
Аб адсутнасьці плянаў балятавацца на наступных прэзыдэнцкіх выбарах Аляксандр Лукашэнка заявіў у інтэрвію журналісту амэрыканскага выданьня Time Сайману Шустэру.
«Не, я зараз ужо не пляную, ужо не пляную», — сказаў ён.
Па яго сьцьвярджэньні, на прэзыдэнцкую пасаду ня будзе прэтэндаваць і малодшы сын Мікалай Лукашэнка. «Не, ён не пераемнік. Я так і ведаў, што ты хочаш спытаць. Не, не, не. Вось ты ў яго спытай — ты яго можаш так моцна пакрыўдзіць гэтым», — сказаў Лукашэнка. Пры гэтым ён «дапусьціў, што наступным прэзыдэнтам Беларусі можа стаць чалавек, які будзе праводзіць крыху іншую палітыку».
Супрацоўнікі МУС зьбіраюць генэтычны матэрыял сваякоў палітэмігрантаў — праваабаронцы
https://smarturl.click/7vQ5R
Пра збор супрацоўнікамі Міністэрства ўнутраных спраў «генэтычнага матэрыялу (сьліны)» сваякоў палітэмігрантаў паведамляе праваабарончы тэлеграм-канал MAYDAY. TEAM.
Паводле зьвестак праваабаронцаў, за «апошнія два тыдні» ў Магілёўскай вобласьці зафіксавана некалькі такіх выпадкаў. Гаворка пра сваякоў «актывістаў і былых палітвязьняў, якія зьехалі з краіны».
«Прычынай называюць фармаваньне базы даных ДНК, каб у выпадку неабходнасьці людзей за мяжой „можна было апазнаць“. Аднак сапраўдныя матывы супрацоўнікаў РАУС і РУУС ня ясныя», — гаворыцца ў паведамленьні.
Лукашэнка адказаў на пытаньне амэрыканскага журналіста пра вызваленьне Марыі Калесьнікавай
https://smarturl.click/e0WjY
У інтэрвію часопісу Time Аляксандар Лукашэнка заявіў, што вызваленьне палітвязьняў стала вынікам ягоных перамоваў з ЗША, а сучасная беларуская апазыцыя ня мае да гэтага ніякага дачыненьня.
«Я кажу: ну, слухайце, гэтая Сьвятлана Ціханоўская ўжо плачацца, як хоча ўзьяднацца. Сям’я там, дзеці, двое дзетак. Добра, я прыму рашэньне па Ціханоўскім. Гэта было маё рашэньне. Але цяпер я бачу, што незадаволеныя вы, Захад, і асабліва беглыя незадаволеныя, што я яго адпусьціў» — сказаў Лукашэнка.
«Я думаю, задаволеныя. Але сваякі Калесьнікавай таксама плачуць», — адрэагаваў Сайман Шустэр.
«Калесьнікавай? Ну, няхай плачуць. Што Калесьнікава, што іншыя. Яны ж налічылі больш за 1000 [палітвязьняў]. Дык чым яны ад Калесьнікавай адрозьніваюцца? Калесьнікава і Ціханоўскія — іх віна ў тым, што яны ўцягнулі многіх людзей у гэта і кінулі», — сказаў Лукашэнка.
Журналісты ўстанавілі імёны амаль 123 тысяч загінулых ва Ўкраіне расейскіх вайскоўцаў
З пачатку вайны Расеі супраць Украіны загінулі як мінімум 122 883 расейскіх вайскоўцаў. Па дадзеных, сабраных з адкрытых крыніц, 53% зь іх — добраахвотнікі, мабілізаваныя і зьняволеныя, раней ня зьвязаныя з войскам. Пра гэта гаворыцца ў зводцы Расейскай службы ВВС, складзенай сумесна з "Медиазоной" і камандай валянтэраў.
27% устаноўленых загінулых — добраахвотнікі, 14% — зьняволеныя, 11% — мабілізаваныя. З пачатку вайны загінулі 5540 афіцэраў, у тым ліку 12 генэралаў. Асабліва адчувальныя страты малодшых камандзіраў, што падрывае тактычную зладжанасьць падразьдзяленьняў.
Ва Ўкраіне лічаць нязначнай колькасьць расейскіх войскаў, якія прыбылі на вучэньні «Захад-2025»
https://smarturl.click/mBXnO
У Дзяржаўнай памежнай службе Ўкраіны адсочваюць інфармацыю аб перакіданьні расейскіх войскаў для ўдзелу ў супольных вучэньнях «Захад-2025», якія адбудуцца ў верасьні.
«Мы ўважліва сочым за сытуацыяй. Сапраўды, тэхніка зьяўляецца, вучэньні абвясьцілі. Тая колькасьць, якую мы цяпер адсочваем на тэрыторыі Беларусі менавіта расейскіх сіл, — дастаткова нязначная. На цяперашні момант гэта больш інфармацыйная кампанія з боку ворага, чым рэальная пагроза», — сказаў сьпікер Дзяржаўнай памежнай службы Ўкраіны Андрэй Дземчанка. (На фота: расейскія вайскоўцы на экскурсіі ў Менску, красавік 2025)
Пуцін паведаміў прэзыдэнтам дзьвюх краін СНД пра вынікі перамоваў з Уіткафам аб Украіне
https://smarturl.click/ReDJm
Прэзыдэнт Расеі Ўладзімір Пуцін 8 жніўня патэлефанаваў прэзыдэнтам Узбэкістану і Казахстану Шаўкату Мірзіёеву і Касыму-Жамарту Такаеву.
У абнародаваных Крамлём паведамленьнях аб гэтых размовах адзначаецца, што Пуцін падзяліўся зь імі «ацэнкамі размовы з адмысловым пасланьнікам прэзыдэнта ЗША Стывам Уіткафам», якая адбылася 6 жніўня.
Лукашэнка прыдумаў, як можна абысьці замежныя санкцыі на продаж беларускіх угнаеньняў
https://smarturl.click/vd7BE
Лукашэнка параіў аграрыям спосаб абысьці санкцыі, якія ўвялі супраць Беларусі за фальсыфікацыю вынікаў выбараў 2020 году і за падтрымку расейскай агрэсіі супраць Украіны.
«Угнаеньні няма куды прадаць? Угнаеньні можна прадаць праз прадукты харчаваньня. Мяса, малако заўсёды маюць попыт», — працытаваў Аляксандра Лукашэнку дзяржаўны тэлеканал АНТ.
Пры гэтым вядома, што ў студзені-чэрвені 2025 году ў Беларусі сфармавалася адмоўнае гандлёвае сальда — мінус 3,184 мільярда даляраў. Паводле афіцыйнай статыстыкі, у прыватнасьці, у гэты пэрыяд вытворчасьць у сельскай гаспадарцы ўпала на 2,6% у параўнаньні зь мінулым паўгодзьдзем.
Літва вызначыла дату завяршэньня дэмантажу ліній электраперадач зь Беларусьсю
https://smarturl.click/e0WmR
Літоўскі апэратар электрасетак Litgrid паведаміў, што лініі электраперадач, якія аб’ядноўвалі энэргетычную сыстэмы Літвы і Беларусі, дэмантуюць да канца 2026 году.
У кампаніі падкрэсьлілі, што дэмантуючы апошнія лініі электраперадач з Калінінградам і Беларусьсю завяршаецца гістарычны этап трансфармацыі інфраструктуры, зьвязаны з поўнай інтэграцыяй у энэргетычную сыстэму Эўропы, якая абслугоўвае больш за 400 мільёнаў спажыўцоў у 26 краінах.
У гандлёвай сетцы «Санта» пратэрмінаваныя прадукты знайшлі ў траціне крамаў
Праект «Народны кантроль» пачаў праверку пасьля таго, як масавыя захопленыя водгукі аб сетцы «Санта» выклікалі падазрэньні ў Міністэрства антыманапольнага рэгуляваньня і гандлю. У сакавіку ў апошнія дні галасаваньня ў рамках праекту «Народны кантроль» колькасьць станоўчых водгукаў карыстальнікаў на адрас «Санты» рэзка вырасла, ствараючы ўражаньне бездакорнай працы.
Аднак ведамства ўлічыла звароты незадаволеных грамадзян і праверыла крамы сеткі. Маніторынг гандлёвых аб’ектаў «Санты» выявіў у 90% з іх парушэньні заканадаўства. Пры гэтым у кожнай трэцяй краме знайшлі пратэрмінаваныя прадукты. Сярод прадукцыі з скончаным тэрмінам прыдатнасьці — дзіцячае яблычнае пюрэ, марынаваныя таматы чэры, заправа «Галіна Бланка» і паўфабрыкаты зь мяса птушкі.
Сетцы выдалі прадпісаньні аб устараненьні парушэньняў, супраць юрыдычнай асобы пачалі адміністрацыйную вытворчасьць. Пры гэтым «Санту» вырашана выключыць з канчатковых вынікаў «Народнага кантролю» для таго, каб не дапусьціць іх скажэньня.
Эўрапарлямэнт: узмацненьне кантролю Расеі над Беларусьсю ўяўляе сур’ёзную пагрозу для рэгіянальнай бясьпекі
https://smarturl.click/AxRbv
Дэлегацыя Эўрапейскага парлямэнту выступіла з заявай, прымеркаванай пяцігодзьдзю падзей у Беларусі.
У ёй адзначаецца, што 9 жніўня 2020 году беларусам адмовілі ў праве на дэмакратычны выбар прэзыдэнта, бо вынікі выбараў былі сфальсыфікаваныя, а наступныя пасьля гэтага пяць гадоў адзначыліся ўзмацненьнем залежнасьці рэжым Лукашэнкі ад Крамля, бязьлітасным кантролем над усімі аспэктамі грамадзкага жыцьця і ліквідацыяй дэмакратычных інстытутаў.
«Узмацненьне кантролю Расеі над Беларусьсю ўяўляе сурʼёзную пагрозу для рэгіянальнай бясьпекі і сувэрэнітэту Беларусі. [...] Гэтае паглыбленьне залежнасьці значна аслабіла незалежнасьць Беларусі, фактычна ператварыла яе ў дзяржаву-сатэліт Расейскай Фэдэрацыі. Мы рашуча выступаем супраць любога вонкавага ўмяшаньня ў справы Беларусі і пацьвярджаем, што будучыню Беларусі павінен вызначаць выключна яе народ».
Фота ілюстрацыйнае
Канфэрэнцыя «Новая Беларусь» праходзіць у Варшаўскім унівэрсытэце, які шмат гадоў дапамагае беларускай моладзі.
Як паведаміў Ян Маліцкі, дырэктар цэнтра ўсходнеэўрапейскіх дасьледаваньняў Варшаўскага ўнівэрсытэту, гэтая навучальная ўстанова ўжо падрыхтавала 96 беларусаў, якія змогуць працаваць дыпляматамі пасьля зьмену рэжыму ў Беларусі.
Дональд Трамп: сустрэча з прэзыдэнтам Расеі адбудзецца 15 жніўня на Алясцы
https://smarturl.click/MGjbR
Прэзыдэнт ЗША Дональд Трамп заявіў, што ягоная сустрэча з прэзыдэнтам Расеі Ўладзімірам Пуціным адбудзецца 15 жніўня на Алясцы.
Як паведаміла Расейская служба Радыё Свабода, у Расеі гэтую дату пацьвердзілі і патлумачылі месца сустрэчы тым, што гэты амэрыканскі штат знаходзіцца блізка да мяжы з Расеяй.
Афіцыйных падрабязнасьцяў аб заплянаванай сустрэчы пакуль няма.
Адказваючы на пытаньні журналістаў увечары 8 жніўня пасьля падпісаньня дакумэнту паміж Азэрбайджанам і Армэніяй, Трамп ня выключыў, што патэнцыйная мірная дамова паміж Расеяй і Ўкраінай будзе ўключаць «абмен тэрыторыямі».
Уладзімір Зяленскі заявіў, што тэрытарыяльнага абмену ня можа быць.
На фота: Дональд Трамп на падпісаньні дакумэнтаў паміж Азэрбайджанам і Армэніяй, 8 жніўня 2025
Паўмільёна рэпрэсаваныя, паўмільёна ў эміграцыі: уражальныя лічбы пра беларусаў пасьля 2020 году
https://smarturl.click/4OGbY
Пяць гадоў таму ў Беларусі адбыліся прэзыдэнцкія выбары, якія суправаджаліся небывалай хваляй пратэстаў і самымі жорсткімі рэпрэсіямі ў найноўшай гісторыі краіны — статысячныя маршы, тысячы затрыманых і асуджаных… Празь пяць гадоў рэпрэсіі не спыніліся.
Свабода сабрала лічбы, якія паказваюць, як зьмянілася за гэты час Беларусь і жыцьцё беларусаў.
Фота ілюстрацыйнае
Азэрбайджан і Армэнія падпісалі ў Вашынгтоне мірную ўгоду пры пасярэдніцтве Трампа
Прэзыдэнт Азэрбайджану Ільхам Аліеў і прэм’ер-міністар Армэніі Нікол Пашыньян дамовіліся пра адмову ад ваеннага супрацьстаяньня і аднаўленьне дыпляматычных адносін. Лідэры разам з прэзыдэнтам ЗША падпісалі дэклярацыю «Маршрут Трампа дзеля міжнароднага міру і росквіту».
Дакумэнт забясьпечвае стварэньне транспартнага калідора, які злучае асноўную тэрыторыю Азэрбайджана з горадам Нахічэвань праз Армэнію. Армэнія заключае партнэрства з ЗША для разьвіцьця гэтага калідора, якім цягам 99 гадоў будзе кіраваць амэрыканская кампанія.
Прэзыдэнт ЗША Дональд Трамп заявіў, што «яны ваявалі 35 гадоў, а цяпер сталі сябрамі — і застануцца імі надоўга». Аліеў адказаў, што праз некалькі месяцаў будзе распрацавана Хартыя стратэгічнага партнэрства паміж Баку і Вашынгтонам. Аліеў таксама прапанаваў Пашыньяну разам вылучыць Трампа на Нобэлеўскую прэмію міру.
Фота: Reuters
У Кіеве пахавалі ўкраінскую журналістку, якая загінула ў расейскім палоне
https://smarturl.click/OLj2o
Вікторыя Рошчына працавала ў такіх выданьнях як «Українське радіо», «UA: Перший», hromadske, «Українська правда», «Новости Донбасса», «Цензор.нет» і Ўкраінскай службе Радыё Свабода.
У сакавіку 2022 году расейскія вайскоўцы затрымалі яе на часова акупаваных тэрыторыях Украіны, але потым адпусьцілі. Улетку 2022 году Вікторыя Рошчына спрабавала другі раз трапіць на часова акупаваныя тэрыторыі Ўкраіны, а 3 жніўня зьнікла. 24 красавіка 2025 году стала вядома, што цела Вікторыі Рошчынай вярнулі ва Ўкраіну. Тады высьветлілася, што цела вярнулі безь некаторых унутраных органаў, што ўказвае на катаваньні, якія яна перажыла.
Галоўнае за 8 жніўня
📌 2020 год як пункт адліку. Некалькі высноваў з нагоды пяцігадовага юбілею. Аналіз Валера Карбалевіча
📌 Акцыі беларусаў да пятай гадавіны падзеяў 9 жніўня. Дзе і што адбудзецца
📌 Журналіст Time распавёў, як афіцыйны Менск хацеў заплаціць за інтэрвію з Лукашэнкам
📌 Лукашэнка адказаў на пытаньне амэрыканскага журналіста пра вызваленьне Марыі Калесьнікавай
📌 «Пуцін не крыважэрны». Лукашэнка ня верыць, што расейскія войскі абстрэльваюць мірныя гарады Ўкраіны
📌 Супрацоўнікі МУС зьбіраюць генэтычны матэрыял сваякоў палітэмігрантаў — праваабаронцы
📌 Ва Ўкраіне лічаць нязначнай колькасьць расейскіх войскаў, якія прыбылі на вучэньні «Захад-2025»
📌 У Польшчы пяцёх беларусаў абвінавачваюць у дывэрсіях і шпіянажы
📌 Беларуская праваслаўная царква вярнула ў лягатып згадку пра прыналежнасьць да РПЦ
📌 «Кінулі не радзіму, а кінулі мяне». Як жывуць беларусы, чые дзеці зьехалі зь Беларусі пасьля 2020 году
2020 год як пункт адліку. Некалькі высноваў з нагоды пяцігадовага юбілею. Аналіз Валера Карбалевіча
https://smarturl.click/dwnyk
Як вядома, вялікае бачыцца на адлегласьці. Вось ужо і пяць гадоў прайшло з тых векапомных падзей, якія, верагодна, нашы нашчадкі назавуць галоўнымі ў найноўшай беларускай гісторыі, а можа і ў больш працяглым гістарычным пэрыядзе. Таму што ўпершыню беларускі народ намерыўся стаць суб’ектам палітыкі, узяць свой лёс ва ўласныя рукі.
У Польшчы пяцёх беларусаў абвінавачваюць у дывэрсіях і шпіянажы
https://smarturl.click/nVLGb
Пяцёра беларусаў абвінавачваюцца ў актах сабатажу і дывэрсіях у Польшчы, а таксама ў працы на замежную выведку. Пра гэта «Белсату» паведамілі ў Нацыянальнай пракуратуры Польшчы. Перад паседжаньнем Рады міністраў Польшчы, якое адбылося яшчэ 29 ліпеня прэм’ер-міністар краіны Дональд Туск расказаў, што агулам 32 чалавекі былі затрыманыя праз «падмацаваныя канкрэтнымі доказамі» падазрэньні ў працы на расейскія спэцслужбы. Адзін з затрыманых ужо асуджаны і знаходзіцца ў турме, а яшчэ 31 чалавек, сярод якіх беларусы, расейцы, украінцы — чакалі суду праз падазрэньні ў супрацы з расейскімі спэцслужбамі, якія рыхтавалі дывэрсіі і напады.
«Пуцін не крыважэрны». Лукашэнка ня верыць, што расейскія войскі абстрэльваюць мірныя гарады Ўкраіны
https://smarturl.click/5Z450
Аляксандар Лукашэнка заявіў, што прэзыдэнт Расеі Ўладзімір Пуцін не зьяўляецца крыважэрным, а расейскія войскі не абстрэльваюць мірныя гарады і цывільнае насельніцтва.
«Ня трэба тут казаць пра тое, што Пуцін бамбіць мірных. А што, Зяленскі разьбіраецца ў тым, куды паляціць бесьпілётнік і іншае? Яны на нашу тэрыторыю то з аднаго, то з другога боку залятаюць, недзе ўжо з паўсотні зафіксавалі... Пуцін не крыважэрны. Як бы вы яго ні апісвалі там, у Амэрыцы... Ён ведае, што такое сям’я, дзеці... і малаціць там па мірных... ну слухайце, вайна! Ёсьць інфармацыйна-псыхалягічныя апэрацыі, якім вы навучылі ўкраінцаў. Я ведаю, як Буча рабілася. Таму ня трэба тут казаць, што Пуцін там бамбіць мірнае...», — сказаў Аляксандар Лукашэнка ў інтэрвію журналісту выданьня Time Сайману Шустэру.
Журналіст The Time распавёў, як афіцыйны Менск дамагаўся інтэрвію з Лукашэнкам
https://smarturl.click/3Q95X
🗣 «Не адразу было зразумела, чаго хочуць пасярэднікі. Я ніколі ня быў у Беларусі і шмат пра яе не пісаў, хоць мае публікацыі аб жыцьці яе суседзяў, Расеі і Ўкраіны, далі мне ўяўленьне пра гісторыю Лукашэнкі. [...] Яго рэжым зьяўляецца адным з самых рэпрэсіўных і ізаляваных у сьвеце, з жахлівымі дачыненьнямі і амаль поўнай адсутнасьцю гандлю з чатырма зь пяці сваіх суседзяў і амаль поўнай залежнасьцю ад пятага: Расеі», — напісаў журналіст.
Сайман Шустэр таксама паведаміў, што «чыноўнік ураду Лукашэнкі», які тэлефанаваў яму наконт інтэрвію, спытаў пра кошт за арганізацыю такой публікацыі для The Time.
Беларуская праваслаўная царква вярнула ў лягатып згадку пра прыналежнасьць да РПЦ
У назьве зноў зьявіліся словы «Маскоўскі патрыярхат», заўважыла ініцыятыва «Хрысьціянская візія». Гэта адбылося пасьля таго, як Сынод РПЦ заявіў Менску, што ўсе назвы залежных цэркваў павінны зьмяшчаць фармулёўкі «Расейскай праваслаўнай царквы» або «Маскоўскага патрыярхату».
Пэўны час у Беларусі ўжывалі фармулёўку «Беларуская праваслаўная царква» бяз згадкі Маскоўскага патрыярхату.
У Берасьці пачаўся працэс банкруцтва пахавальнай фірмы, уладальнікаў якой асудзілі за махлярства
Размова пра таварыства з абмежаванай адказнасьцю «Империя гранита». Зьвесткі пра пачатак працэсу ў Эканамічным судзе Берасьця зьмясьцілі ў Адзіным дзяржаўным рэестры зьвестак пра банкруцтва.
Фірму зарэгістравалі ў 2019 годзе. На дату разбору ў дачыненьні яе адкрылі 115 выканаўчых працэсаў на агульную суму звыш 1 млн рублёў. Больш за 18 тыс. даўжнік не даплаціў у бюджэт. А на ранейшым судзе ў крымінальным працэсе высьветлілася, што пара сужэнцаў, якая валодала прадпрыемствам, засталася вінная кліентам 721,2 тыс. рублёў.
Сваёй віны пара не прызнала, суд першай інстанцыі асудзіў сужэнцаў на 9 і 7 гадоў зьняволеньня. Прысуд пакуль яшчэ могуць абскардзіць.
Што Армэнія і Азэрбайджан атрымаюць ад перамоў пад эгідай Трампа?
https://smarturl.click/3Q9VB
🇦🇲 Армэнія і 🇦🇿 Азэрбайджан могуць наблізіцца да падпісаньня гістарычнай мірнай дамовы або хаця б абвясьціць пра яе дасягненьне, калі прэзыдэнт ЗША Дональд Трамп прыме іх лідэраў у Белым доме.
Матэрыял падрыхтавалі Армянская і Азэрбайджанская служба Радыё Свабода.
#rfe_rl
Офіс Ціханоўскай падвёў вынікі 5 гадоў працы ў лічбах
https://smarturl.click/DYVo3
🔸 35 краінаў не прызналі Лукашэнку і падтрымалі дэмсілы як легітымных прадстаўнікоў Беларусі
🔸 20+ краінаў — дзейнічаюць Народныя амбасады
🔸 200+ мерапрыемстваў у партнэрстве з дыяспарай і амбасадамі
🔸 26 парлямэнтаў стварылі групы сяброў дэмакратычнай Беларусі
📄 20+ законапраектаў і праект новай Канстытуцыі
⚖️ 5000+ юрыдычных зваротаў апрацавала каманда прававой дапамогі
🎓 2000+ студэнтаў атрымалі міжнародныя стыпэндыі
🤝 2+ млн эўра — дапамога рэпрэсаваным праз Міжнародны гуманітарны фонд
📌 4 маштабныя кампаніі:
• «Бязвыбары-2024»,
• «Плятформа 2025»,
• «Бязвыбары-2025»,
• «Новая Беларусь»