17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Перадвыбарчыя трывогі Лукашэнкі: ці ўсё пад кантролем?
5 лістапада Аляксандар Лукашэнка правёў нараду на тэму выбарчай кампаніі. У ёй удзельнічалі кіраўнікі шэрагу ведамстваў, у тым ліку і сілавых. З заяваў, якія прагучалі на нарадзе, стала зразумела, што сумневу ў зыходзе выбараў Лукашэнка ня мае, аднак прадбачыць наперадзе неназваныя пагрозы і небясьпекі, падсумоўвае аналітык Юры Дракахруст:
https://smarturl.click/4k2xd
За кратамі ў Беларусі пяць сьвятароў, яшчэ 11 сёлета судзілі ў адміністрацыйных справах
Агульная лічба фактаў рэпрэсій супраць сьвятароў зь верасьня 2020 году дасягнула 74 выпадкаў: рэпрэсіі зьведалі 19 праваслаўных, 25 рымска-каталіцкіх, 5 грэка-каталіцкіх і 25 пратэстанцкіх сьвятароў, падлічылі праваабаронцы:
https://smarturl.click/O0Yp3
Вынесьлі першы вырак за «адмаўленьне генацыду беларускага народу»
55-гадовага тынкара зь Менскага раёну Андрэя Савіцкага асудзілі на 3 гады калёніі агульнага рэжыму, абвінаваціўшы яго ў «адмаўленьні генацыду беларускага народу» (ч. 1 арт. 130-2 КК), а таксама ў «абразе» Лукашэнкі (ч. 1 арт. 368 КК). Падставай для перасьледу сталі допісы ў «Аднаклясьніках» пра Хатынь і Лукашэнку.
Працэс над Андрэем Савіцкім паводле артыкулу аб генацыдзе — першы з часу прыняцьця ў студзені 2022 году закону «Аб генацыдзе беларускага народу»:
https://smarturl.click/Dapx0
У ЗША асноўны дзень галасаваньня на выбарах прэзыдэнта. 80 мільёнаў выбарнікаў прагаласавалі датэрмінова
Як чакаецца, вынік прэзыдэнцкіх выбараў у сямі «хісткіх штатах» вызначаць зыход змаганьня паміж былым прэзыдэнтам Дональдам Трампам, кандыдатам ад Рэспубліканскай партыі, і віцэ-прэзыдэнткай Камалай Гарыс, кандыдаткай ад Дэмакратычнай партыі.
https://smarturl.click/W3p2D
Паводка ў Валенсіі. Відэа
Праз наступствы залеваў загінулі ўжо больш за 200 чалавек. Каралеўскую сям'ю закідалі брудам у час візыту ў пацярпелы рэгіён.
Менчуку прысудзілі прымусовае псыхіятрычнае лячэньне за «падрыхтоўку да ўдзелу ў ваенных дзеяньнях»
У Менскім гарадзкім судзе 8 кастрычніка асудзілі 25-гадовага Аскера Алахвердзіева. Падрабязнасьці справы невядомыя, але вядомы прысуд — прымусовае лячэньне.
https://smarturl.click/YzYLa
Каму, апроч Лукашэнкі, дазволілі зьбіраць подпісы для ўдзелу ў выбарах
«Падтрымаць Лукашэнку». Праўладны камуніст, генэрал запасу, былая прэс-сакратарка МУС. Каму дазволілі зьбіраць подпісы за вылучэньне кандыдатам у прэзыдэнты. Каротка расказваем пра кожнага.
https://smarturl.click/Dap3m
Як ставяцца жыхары суседніх краінаў да беларусаў і Беларусі?
Дасьледаваньне старэйшага супрацоўніка Цэнтру новых ідэяў Генадзя Коршунава апублікаванае на сайце Цэнтру. Яно праводзілася ў межах праекту «Новыя дыяспары Ўсходняй Эўропы». Коршунаў піша, што беларусаў часта бянтэжаць лічбы, якія дэманструюць недавер альбо нелюбоў з боку краінаў-суседак. Але ў аўтараў дасьледаваньняў выклікае зьдзіўленьне іншае: тое, што рэспандэнты да беларусаў ставяцца больш станоўча, чым таго чакалі дасьледчыкі. https://smarturl.click/5OBv3
Асноўнае за 4 лістапада
📌 ЦВК дапусьціла да збору подпісаў 7 прэтэндэнтаў на ўдзел у выбарах прэзыдэнта
📌 30 гадоў абяцаньняў. Пра што Лукашэнка пісаў у сваіх перадвыбарчых праграмах і што з гэтага выканаў
📌«ПіК Свабоды».«У Беларусі выбары — як у „ДНР“ і „ЛНР“», — Саша Філіпенка пра выбары ў ЗША, кампанію ў Беларусі і падставы для аптымізму
📌 Сярод беларускіх дыпляматаў за мяжой плянуецца вялікая кадравая ратацыя. Лукашэнка кажа пра «здраднікаў» у МЗС
📌 Праваабаронцы расказалі дэталі нядаўніх затрыманьняў: сілавікі прыходзілі ў справе аб «змове»
📌 Лукашэнка прызначыў новых кіраўнікоў «Беларуськалію» і «Белнафтахіму»
📌 «Ваенная таямніца». Як і чаму ў Беларусі ліквідуюць прыватныя моўныя школы
📌 «Вельмі сумленныя праекты зь беларускім кодам». Што можна паглядзець ў беларускім конкурсе «Паўночнага зьзяньня»
📌 Інкамунікада — «бяз права перапіскі». Як Лукашэнка вярнуў у турмы для палітычных сталінскія парадкі
📌 «Грамадзяне Малдовы мэнтальна ўжо даўно ў Эўропе», — малдоўская экспэртка Ібрагімава пра вынікі прэзыдэнцкіх выбараў
📌 Якія мэты Пуціна: дакумэнты ад 2022 году раскрываюць пляны Расеі на пасьляваенную Ўкраіну
Грузінская апазыцыя абвясьціла пра пачатак штодзённых пратэстаў
Ад сёньняшняга дня акцыі грузінскай апазыцыі будуць штодзённымі. Пра гэта заявіў адзін зь лідэраў «Кааліцыі за перамены» Ніка Мелія на мітынгу каля будынка парлямэнту Грузіі ў Тбілісі.
Удзельнікі мітынгу пратэстуюць супраць вынікаў парлямэнцкіх выбараў 26 кастрычніка, якія яны лічаць сфальшаванымі. У фальсыфікацыях абвінавачваюць кіруючую партыю «Грузінская мара» мільярдэра Бідзіны Іванішвілі, якая была аб’яўленая пераможцам на выбарах. https://smarturl.click/XyYVM
Сярод беларускіх дыпляматаў за мяжой плянуецца вялікая кадравая ратацыя. Лукашэнка кажа пра «здраднікаў» у МЗС
Кіраўнік МЗС Рыжанкоў пасьля нарады ў Лукашэнкі паведаміў пра будучую вялікую ратацыю сярод беларускіх дыпляматаў за мяжой. «Не таму, што нейкая экстраная сытуацыя, нехта скажа — выбары... Вельмі важна, каб вока не замылілася, — гэта раз. І другое — каб ён не пачаў глядзець на двухбаковыя адносіны вачыма таго боку, а ня нашага».
Зьвяртаючыся на нарадзе да старшыні КДБ, Лукашэнка сказаў, што разьлічвае на новага міністра ў тым, каб у МЗС не было «гэтых нягоднікаў, якія здраджвалі нам часта». https://smarturl.click/RAMzl
ЦВК дапусьціла да збору подпісаў 7 прэтэндэнтаў на ўдзел у выбарах прэзыдэнта
Цэнтральная выбарчая камісія (ЦВК) Беларусі ўхваліла рашэньне аб рэгістрацыі яшчэ 3 ініцытыўных груп грамадзян для збору подпісаў выбарнікаў на падтрымку вылучэньня кандыдатаў. Сёньня зарэгістравалігрупы Сяргея Бобрыкава, Ганны Канапацкай і Сяргея Сыранкова.
Выбары ў Беларусі адбываюцца ва ўмовах палітычнага крызісу, шырокамаштабных рэпрэсій і, паводле міжнародных арганізацый, носяць несвабодны і недэмакратычны характар. У Беларусі не засталося афіцыйна зарэгістраваных апазыцыйных партыяў і незалежных грамадзкіх арганізацый. https://smarturl.click/8E6D7
«Ваенная таямніца». Як і чаму ў Беларусі ліквідуюць прыватныя моўныя школы
«Была праверка ДФР. Раптоўна адключылі ўнутраныя сэрвэры, плятформы. Потым быў яшчэ адзін „трывожны званок“: своечасова ня выплацілі заробак. А 22 кастрычніка шэф паставіў перад фактам: Streamline ліквідуюць». Расказваем падрабязнасьці закрыцьця Streamline і іншых прыватных моўных школаў.
https://smarturl.click/vwv5g
Беларусь павялічыла пастаўкі масла ў Расею, але яго на расейскім рынку не стае
У Расеі са сьнежня 2023 году масла падаражэла на 25,7 адсотка, павелічэньне цэн выклікала выпадкі крадзяжоў масла ў крамах.
https://smarturl.click/e5YD5
Лукашэнка прызначыў новых кіраўнікоў «Беларуськалію» і «Белнафтахіму»
Як паведамляе прэс-служба Лукашэнкі, новым дырэктарам «Беларуськалію» стаў Андрэй Рыбакоў (на фота).
Старшынёй «Белнафтахіму» стаў Ільля Ікан, які раней узначальваў «Полацак-Шкловалакно».
Супраць усіх ці байкот? Спрэчка пра «бязвыбары»
Ці ёсьць прынцыповая розьніца — галасаваць супраць усіх ці цалкам байкатаваць абвешчаную ўладамі прэзыдэнцкую кампанію? Ці можа выбар тактыкі на нешта паўплываць у сытуацыі, калі ўжо 30 гадоў выбары ў Беларусі не былі сумленнымі, празрыстымі і свабоднымі і калі амаль з кожнай выбарчай кампаніяй міжнародныя арганізацыі адзначалі пагаршэньне іх умоваў?
Пра гэта ў праграме «ПіК Свабоды» спрачаюцца намесьнік прадстаўніка Аб’яднанага пераходнага кабінэту ў пытаньнях транзыту ўлады Арцём Брухан і прадстаўнік руху «Вольная Беларусь» Павал Вусаў:
ВІДЭА цалкам: https://youtu.be/gwLO1S8btzA
Пяцёра плюс Канапацкая. Ці здольныя ўлады на тонкую перадвыбарчую гульню
«У Беларусі гэта сёмыя прэзыдэнцкія выбары. Але ніколі раней не было зарэгістравана так мала ініцыятыўных груп — усяго сем. Усім зразумела, што прозьвішчы тых прэтэндэнтаў, ініцыятыўныя групы якіх зарэгістраваныя, былі ўзгодненыя на самым палітычным версе. (...)
Калі глядзець аб’ектыўна, то наўрад ці хто з прэтэндэнтаў (акрамя Лукашэнкі) рэальна зможа сабраць патрэбную колькасьць подпісаў», — піша аналітык Валер Карбалевіч:
https://smarturl.click/w9Eom
Былыя палітвязьні, актывісты, сваякі ўцекачоў. Да каго прыходзяць з арыштамі сілавікі перад выбарамі
«Гэтыя масавыя аблавы сьведчаць пра тое, што нічым, акрамя рэпрэсій, Лукашэнка ня можа ўтрымаць сваю ўладу. Гэтыя падзеі шмат хто прагназаваў — што рэпрэсіі напярэдадні так званых выбараў будуць узмацняцца. Да іх застаецца каля трох месяцаў, вось і пачалася „спэцапэрацыя“ пад кодавай назвай „выбары-дурыбары“». Праваабаронца — пра масавыя арышты па ўсёй Беларусі.
https://smarturl.click/2qklR
Беларуска з Чарнігава пасьля сьмерці мужа трапіла ва ўкраінскі лягер для мігрантаў
Як стала вядома Свабодзе, беларуска прыехала ў Чарнігаў у 2021 годзе да мужа-ўкраінца і на гэтай падставе кожны год атрымлівала дазвол на часовае пражываньне ва Ўкраіне. У Чарнігаве яна жыла разам з мужам і сьвекрывёй.
https://smarturl.click/9z45D
Ва Ўкраіне за падрыхтоўку ўдару па вайсковым аэрадроме асудзілі грамадзянку, завэрбаваную расейцамі ў Беларусі
У выніку расейскага абстрэлу вайсковага аэрадрому ў Івана-Франкоўску ў 2022 годзе загарэўся склад з палівам, загінуў адзін чалавек, атрымалі раненьні тры вайскоўцы і дзьве цывільныя супрацоўніцы аэрадрому.
https://smarturl.click/RAM4b
У Вашынгтоне узмацнілі бясьпеку напярэдадні прэзыдэнцкіх выбараў, якія адбудуцца сёньня ў ЗША
Читать полностью…
Сёньня дзень народзінаў Кастуся Езавітава
5 лістапада 1893 году нарадзіўся Кастусь Езавітаў, беларускі палітык, гісторык і публіцыст, удзельнік абвяшчэньня незалежнасьці Беларускай Народнай Рэспублікі 25 сакавіка 1918 году, сябра Рады БНР, міністар вайсковых спраў БНР (расстраляны НКВД у 1946 годзе). Партрэт Кастуся Езавітава аўтарства Вячкі Целеша.
Больш падзей гэтага дня — у матэрыяле «Ўжо сёньня»: https://smarturl.click/gpYJw
Праваабаронцам стала вядома, што 31 кастрычніка і 1 лістапада да шэрагу людзей па ўсёй краіне прыходзілі супрацоўнікі КДБ у рамках новай крымінальнай справы, заведзенай паводле арт. 357 КК («Змова ці іншыя дзеяньні, учыненыя з мэтай захопу дзяржаўнай улады»).
Читать полностью…
«Грамадзяне Малдовы мэнтальна ўжо даўно ў Эўропе», — малдоўская экспэртка Ібрагімава
Палітоляг Галія Ібрагімава аналізуе вынікі прэзыдэнцкіх выбараў у Малдове, расказвае, як у Кішынёве ўспрынялі паводзіны афіцыйнага Менску падчас малдоўскай выбарчай кампаніі, і тлумачыць, чаму другое прэзыдэнцтва Маі Санду будзе вельмі няпростае. https://smarturl.click/Dap8E
Саша Філіпенка пра выбары ў ЗША, кампанію ў Беларусі і падставы для аптымізму
Што адбываецца, калі заключаеш угоду з рэжымам і вяртаесься на радзіму. Пра актуальнае гучаньне рамана Сашы Філіпенкі для беларусаў пагаворым з самім пісьменьнікам. Спэктакль паводле «Крэмулятара» неўзабаве пакажуць у Празе. Пісьменьнік лічыць, што зьмены ў Беларусі зробяць людзі, якія жывуць у Беларусі, а таксама гаворыць пра тое, як могуць паўплываць на сытуацыю ў Беларусі вынікі выбараў у ЗША.
https://youtu.be/flsPoQEeFgE
Якія мэты Пуціна: дакумэнты ад 2022 году раскрываюць пляны Расеі на пасьляваенную Ўкраіну
У распараджэньне праекту «Система» трапілі першыя прапановы Расеі па мірнай дамове з Украінай, складзеныя неўзабаве пасьля поўнамаштабнага ўварваньня ў 2022 годзе і перададзеныя на перамовах у Беларусі.
Гэты дакумэнт, які раней не публікаваўся, дазваляе зразумець, чаго менавіта Расея дамагалася ў першыя тыдні вайны, якой яна бачыла будучыню Ўкраіны ў выпадку яе капітуляцыі — і чаму гэтыя ўмовы былі невыканальнымі. https://smarturl.click/z2aVJ
Стаў вядомы вырак курсанту Акадэміі МУС за «здраду дзяржаве» і «падрыхтоўку да ўдзелу ў вайне»
21-гадовага курсанта Акадэміі МУС Ільлю Нарышкіна асудзілі на 15 гадоў калёніі. Яго судзілі ў закрытым рэжыме ў Горадзенскім абласным судзе. https://smarturl.click/Q1pJp
Памёр беларускі каталіцкі сьвятар і скрыпач Пётра Карнялюк
4 лістапада на 55-м годзе памёр айцец Пётра Карнялюк, пробашч францішканскага кляштара ў Маскве, душпастыр беларусаў каталіцкага веравызнаньня Масквы і Маскоўскага рэгіёну.
https://smarturl.click/W3poX
Фігуранта «справы Ціханоўскага» Арановіча 5 месяцаў трымаюць у рэжыме інкамунікада
Аляксандар Арановіч знаходзіцца ў зьняволеньні амаль 4,5 года. У красавіку 2021 года яго асудзілі да 6 гадоў калёніі паводле двух крымінальных артыкулаў. Пазьней Аляксандру ўзмацнілі пакараньне і перавялі ў магілёўскую турму.
https://smarturl.click/gpYaD
Інкамунікада — «бяз права перапіскі». Як Лукашэнка вярнуў у турмы для палітычных сталінскія парадкі
Новае слова ў праваабаронцаў, інкамунікада (поўная ізаляцыя ад вонкавага сьвету), насамрэч ня мае дачыненьня да нейкіх навацыяў у турэмнай сыстэме.
Наадварот, яно сьцірае розьніцу паміж сёньняшняй вязьніцай і турмою сталінскіх часоў. Тады гэта называлася «бяз права перапіскі», піша Сяргей Дубавец.
https://smarturl.click/l5YVB