17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
У Пакістане ў выніку сутыкненьняў сунітаў з шыітамі загінулі 16 чалавек
Сама меней 16 чалавек, у тым ліку тры жанчыны і двое дзяцей, забітыя ў выніку сутычак на паўночным захадзе Пакістану. Гэта наступствы даўняга канфлікту.
https://smarturl.click/ppvEW
👆🏻Запытайся ў Дубаўца. Ці верыце вы, што ў кожным чалавеку ёсьць штосьці добрае?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Думаю, штосьці добрае кожнаму даецца ад нараджэньня. Важна гэтае штосьці разгледзець і разьвіваць з маленства. Ад гэтага залежыць, што ў выніку адзін вырастае з сэрцам, а другі з помпай у грудзях. І ўсё было б ня так трагічна, калі б чалавек з помпай не атрымліваў аблудным чынам уладу або зброю ў рукі. Тады ён робіцца падобным да монстра або зомбі. Беларусы сёньня праходзяць гістарычнае выпрабаваньне выпадковай уладай і пачынаюць разумець, наколькі важна, хто імі кіруе, як шмат залежыць ад кожнага грамадзяніна і што выбары павінны быць сумленнымі.
140 гадоў з дня нараджэньня Баляслава Пачопкі
13 кастрычніка 1884 году нарадзіўся Баляслаў Пачопка, дзяяч беларускага хрысьціянскага руху, сталы аўтар ґазэты «Наша Ніва», рэдактар-выдавец першае беларускае каталіцкае ґазэты «Biełarus», (1913—1915), уніяцкі сьвятар.
Больш падзей гэтага дня чытайце ў публікацыі «Ўжо сёньня»: https://smarturl.click/gp1EO
Здымак catholic.by
13 кастрычніка ў гісторыі
1910 — у Санкт-Пецярбургу ў друкарні Пянткоўскага выходзіць другі паэтычны зборнік Янкі Купалы «Гусьляр».
1929 — у Менску пачаўся рух трамваяў.
1960 — з канвэеру Беларускага аўтамабільнага заводу ў Жодзіне сышоў першы 40-тонны самазвал.
1999 — 25 гадоў таму у сыстэме каталіцкай царквы Беларусі загадам папы Яна Паўла II на просьбу кардынала Казіміра Сьвёнтка створаная Віцебская дыяцэзія, якая ўваходзіць у склад Менска-Магілёўскай мітраполіі.
2020 — раніцай у цэнтры Менску міліцыянты схапілі аднаго з уласьнікаў крамы „Первый цветной“ Максіма Харошына разам з жонкай. Мужчыну брутальна зьбілі ў міліцыі, адкуль яго адразу адправілі ў шпіталь.
Пра іншыя падзеі і даты гэтага дня ў гісторыі Беларусі і сьвету чытайце ў матэрыяле: https://smarturl.click/gp1EO
У Беларусі маюцца выпадкі заражэньня варыянтам каранавіруса ХЕС
COVID-19, «на жаль, нікуды ня зьнік», ён «па-ранейшаму цыркулюе», заявіў намесьнік галоўнага ўрача Менскага гарадзкога цэнтра гігіены і эпідэміялёгіі Рыгор Гяцюк.
Не прыводзячы канкрэтных дадзеных, ён паведаміў, што ў параўнаньні зь мінулым годам колькасць выпадкаў захворваньня ў 2024-м зьнізілася.
Доктар паведаміў, што цяпер, прынамсі, у Менску цыркулюе штам амікрон і яго новыя падвіды — FLiRT і XEC.
«Мы пакуль ня схільныя прадбачыць нейкую экстраную сытуацыю, — заявіў ён. — Я ня думаю, што яны будуць значна ўплываць на эпідэміялягічнае становішча. Нашыя ўстановы гатовыя — гатовыя для дыягностыкі, гатовыя для аказаньня мэдыцынскай дапамогі, таму, я думаю, сытуацыя будзе кантраляванай». https://smarturl.click/YzaXl
За першую дэкаду кастрычніка краіны ЭЗ спынілі на 60% менш спробаў нелегальнага пранікненьня з Беларусі, чым год таму
За першую дэкаду кастрычніка суседнія краіны ЭЗ прадухілілі 710 спробаў мігрантаў нелегальна перасекчы мяжу зь беларускай тэрыторыі — на 39,6% менш, чым 1–10 верасьня (1.175), і на 60% менш, чым 1–10 кастрычніка 2023 года (1.774), сьведчыць праведзены «Позіркам» аналіз дадзеных іх памежных службаў.
Зьніжэньне актыўнасьці нелегалаў за гэты пэрыяд у гадавым вымярэньні зафіксаванае на ўсіх напрамках: на польскім — на 15,8%, латвійскім — на 81,5%, літоўскім — на 89,2%.
Міграцыйны крызіс на мяжы Беларусі і краінаў ЭЗ цягнецца з вясны 2021 года. Улады суседніх эўрапейскіх дзяржаў лічаць яго «гібрыднай атакай», арганізаванай рэжымамі ў Менску і Маскве. https://smarturl.click/4kdVY
IT-спэцыяліста зь Сянна будуць судзіць за данаты
21 кастрычніка ў Віцебскім абласным судзе ў закрытым рэжыме пачнуць судзіць 48-гадовага Валерыя Мефадзіенку, паведамляе праваабарончы цэнтар «Вясна».
Яму інкрымінавалі ч. 2 арт. 361-2 КК («фінансаваньне экстрэмісцкай дзейнасьці») і ч. 2 арт. 290-1 КК («фінансаваньне тэрарыстычнай дзейнасьці»).
На гэтым тыдні разглядалі 21 крымінальную справу за «садзейнічаньне экстрэмісцкай дзейнасьці» ці «фінансаваньне дзейнасьці экстрэмісцкага фармаваньня». Паводле гэтых двух артыкулаў у Беларусі асуджаныя ўжо 314 чалавек. Большасьць з іх асудзілі на пазбаўленьне волі. https://smarturl.click/nyGQb
«Ня мы да іх прыйшлі». Як украінскія танкісты ваююць на Пакроўскім напрамку. Фотарэпартаж
На Пакроўскім напрамку танкісты 25-й Січеслаўскай брыгады працуюць на танку Т-80 і ўдзень, і ўначы, часта — без абеду і сну. Іх задача — спыняць пастаянныя «мясныя штурмы» пяхоты расейскай арміі. Як ваююць украінскія танкісты, глядзіце ў фотарэпартажы ўкраінскай службы Радыё Свабода, які падрыхтаваў фотакарэспандэнт Сяргей Нужненка. https://smarturl.click/8EqMx
Партугалія пачне выдаваць гуманітарныя візы. Іх змогуць атрымаць і беларусы
Парлямэнт Партугаліі ўхваліў законапраект аб стварэньні гуманітарнай візы, паведаміла газэта Correio da Manhã.
Закон дазволіць людзям, якіх пераследуюць на радзіме, атрымаць спэцыяльную візу ў Партугалію, каб, прыехаўшы, папрасіць у ёй палітычны прытулак. Цяпер гэта можна зрабіць па турыстычнай візе, якую трэба атрымліваць у краіне грамадзянства ці ў іншай — пры наяўнасці ВНЖ.
Гуманітарныя вызы змогуць атрымліваць і грамадзяне Беларусі, паведамляе дарадца лідэркі дэмакратычных сілаў Беларусі Сьвятланы Ціханоўскай Франак Вячорка. https://smarturl.click/O02jA
«Калі палякі паспрабуюць адцяць захад Украіны і Беларусі...». Што стаіць за «польскімі» страхамі Лукашэнкі
Што замоўчвае Лукашэнка, калі раз за разам агучвае свае страхі пра пагрозу, якая нібыта ідзе з-за Бугу. І пры якіх абставінах такая пагроза можа стаць рэальнай — але не для беларускай дзяржавы, а для ягонага асабістага рэжыму. Піша Віктар Багдзевіч. https://smarturl.click/xBQEQ
12 кастрычніка 1925 году ў Бэрліне пачалася Другая ўсебеларуская канфэрэнцыя. Беларускія палітыкі, якія паверылі, што ў БССР можна рэалізоўваць ідэалы нацыянальнага адраджэньня, пераконвалі сваіх калег-эмігрантаў спыніць барацьбу з бальшавікамі. На канфэрэнцыі паўнамоцтвы ўраду БНР былі перададзеныя ўраду БССР. Аднак старшыня Рады БНР Пётра Крачэўскі і ягоны намесьнік Васіль Захарка гэтага рашэньня не прызналі.
12 кастрычніка 2022 году ўвечары каля адабранага ўладамі касьцёлу Сьвятых Сымона і Алены ў Менску прайшла разьвітальная імша. Набажэнства ў парафіяльным доме храма правёў пробашч Уладзіслаў Завальнюк.
Пра іншыя падзеі і даты гэтага дня ў гісторыі Беларусі і сьвету чытайце ў матэрыяле:
https://smarturl.click/Xy6L6
Галоўнае за 11 кастрычніка
📌 Стала вядомае імя новага спэцыяльнага дакладчыка ААН аб правах чалавека ў Беларусі
📌 «ПіК Свабоды». Навумчык: Пазьняка не цікавіць імідж, ён кажа тое, што не гавораць іншыя
📌 Даляр пабіў гадавы максымум і цяпер каштуе 3,3 рубля. З чым гэта зьвязана і што будзе далей
📌 34 мільярды рублёў. Як павялічваецца падатковая нагрузка на беларусаў
📌 З аўкцыёну прадалі офіснае памяшканьне, якое належала Эдуарду Бабарыку
📌 Польшча ўскладняе візавыя правілы пасьля карупцыйнага скандалу. Гэта датычыць і гуманітарных візаў
📌 Непажаданыя іншаземцы ў Літве. Сёлета сярод іх 224 беларусы, летась быў 1421. Некаторых вывезьлі прымусова
📌 Сёлетнім ляўрэатам Нобэлеўскай прэміі міру стала арганізацыя ацалелых пасьля атамных бамбаваньняў Японіі
📌 «Васьміног», «Кніжны воз», «Раю». Топ-5 беларускіх адукацыйных праектаў для дзяцей
📌 Вернасьць Пуціну і Крамлю. Вынікі тыдня з Карбалевічам
📌 Да ваеннай паразы Расеі пакуль вельмі далёка, — ізраільскі аналітык Гендэльман
Стала вядомае імя новага спэцыяльнага дакладчыка ААН аб правах чалавека ў Беларусі
11 кастрычніка ў Жэнэве на паседжаньні 57-й сэсіі Рады правоў чалавека ААН на пасаду спэцыяльнага дакладчыка аб Беларусі быў прызначаны Нілс Муйжніекс, экспэрт у сфэры абароны правоў чалавека з 25-гадовым досьведам.
Муйжніекс нарадзіўся 31 студзеня 1964 году ў Лос-Анджэлесе (ЗША) у сям’і латыскіх эмігрантаў. Пры падачы заяўкі на пасаду дакладчыка ААН аб правах чалавека ў Беларусі ён указваў, што мае «высокую матывацыю ўзяць на сябе гэты мандат», бо «цьвёрда перакананы ў неабходнасьці ўнесьці свой уклад у паляпшэньне сытуацыі з правамі чалавека ў Беларусі».
https://smarturl.click/VDEvx
Непажаданыя замежнікі ў Літве. Сёлета сярод іх 224 беларусы, летась было 1421. Некаторых вывезьлі прымусова
Са студзеня па жнівень 2024 году ў Літве не дазволілі жыць і працаваць амаль 36 тысячам замежнікаў і анулявалі 11,5 тысячы часовых відаў на жыхарства — у 3,3 разы больш, чым за той жа пэрыяд 2023 года.
Цяпер грамадзяне Расеі і Беларусі, якія маюць або калі-небудзь мелі сувязі зь дзяржаўнымі структурамі, могуць быць дэпартаваныя зь Літвы, нягледзячы на наяўнасьць у гэтай краіне працы, сям’і або бізнэсу. У групу рызыкі трапляюць былыя вайскоўцы-кантрактнікі, дзяржаўныя службоўцы, уключаючы паліцэйскіх, настаўнікаў, работнікаў прадпрыемстваў з дзяржаўным удзелам і зьвязаных з абаронай. Можна паспрабаваць абскардзіць адмову ў судзе, але большасьць падобных справаў вырашаюцца на карысць дзяржавы.
https://smarturl.click/LY1G3
«Расейскі рубель аслаб да даляра, гэта паўплывала на беларускую валюту»
Даляр дасягнуў рэкорднага гадавога значэньня. Па выніках таргоў на Беларускай валютна-фондавай біржы 10 кастрычніка даляр стаў каштаваць 3,3 рубля. Усе іншыя валюты адносна беларускага рубля патаньнелі.
Расказваем, чаму гэта адбываецца і што будзе далей.
https://smarturl.click/W3xyk
Беларускія грыбы называйма па-беларуску! Тэст
Назвы грыбоў — словы, засвоеныя ня ў школе ці з расейскіх сэрыялаў, а ад дзядоў-бацькоў. Таму грыбаўніцтва — тая галіна, дзе беларускія словы ведаюць і ўжываюць нават самыя расейскамоўныя беларусы. Гэта жыцьцёва важна, бо за назвамі — практычныя веды пра добрыя і неядомыя грыбы.
А беларускія народныя назвы грыбоў — асобны паэтычны сьвет: у ім жывуць і травеньская красулька, і буцяновыя яйкі, і шчыранькі добрык. У кожнай гаворцы свой набор словаў. Але тэст, як правіла, пра найбольш пашыраныя грыбныя назвы, і ўсё ж няпросты. Удачы!
https://smarturl.click/VDEng
Чаму становіцца папулярным выдаваць паэзію на некалькіх мовах? Вольга Гапеева расказала пра свой новы зборнік
Новая кніга паэткі Вольгі Гапеевай выйшла на трох мовах. Такое ў сучаснай беларускай літаратуры здараецца рэдка. Пагаварылі з аўтаркай пра яе трылінгву, мастацкія праекты, міжнароднае прызнаньне, а яшчэ пра тое, чаго цяпер бракуе беларускай літаратуры.
https://smarturl.click/mpJ1O
💌 Самае цікавае на Свабодзе за тыдзень у адным лісьце!
Пра топ-15 карысных беларускіх адукацыйных праектаў для дзяцей і дарослых, беларускі «квэст як атрымаць візу», незайздросны лёс настаўнікаў, падвышэньне падаткаў і ня толькі — чытайце ў нашай рассылцы.
Падпісвайцеся і чытайце: 👉🏻 http://eepurl.com/ijMaIv
У Грузіі тры тэлеканалы аштрафавалі за адмову паказваць ролік кіруючай партыі з кадрамі з Украіны
Суд у Тбілісі аштрафаваў тры грузінскія тэлеканалы за адмову разьмяшчаць у эфіры перадвыбарчы ролік кіруючай партыі «Грузінская мара», у якім былі кадры разбураных у выніку вайны будынкаў ва Ўкраіне.
У роліку «Грузінскай мары» паказаны чорна-белыя кадры разбураных у выніку вайны будынкаў і гарадоў ва Ўкраіне з надпісам «Не вайне!». Насупраць гэтых кадраў паказаныя будынкі і іншыя аб’екты ў Грузіі з надпісам «Выберы мір».
Раней тэлеканалы заявілі, што партыя «Грузінская мара» «працягвае спэкуляваць на трагедыі ўкраінскага народа для сваёй палітычнай кампаніі і зараз патрабуе ад тэлеканалаў трансліраваць амаральныя банэры, якія яна вывесіла на вуліцах, на рэкламных шчытах». У заяве таксама гаворыцца, што тэлеканалы «ня маюць намеру, нават ускосна, падтрымліваць расейскую прапаганду „Грузінскай мары“ і здзек з украінскага народа». https://smarturl.click/Xy6jG
Асноўныя падзеі і найважнейшыя публікацыі Свабоды 12 кастрычніка
Партугалія пачне выдаваць гуманітарныя візы. Іх змогуць атрымаць і беларусы
Лукашэнка запрасіў у Беларусь жыхароў Гішпаніі, якая не прызнае яго легітымнасьць
«Ня мы да іх прыйшлі». Як украінскія танкісты ваююць на Пакроўскім напрамку. Фотарэпартаж
Boeing скароціць 17 тысяч працоўных месцаў на фоне маштабнага страйку
Экспэрт патлумачыў, як можа зьмяніцца палітыка Літвы адносна Беларусі, калі на выбарах перамогуць левыя ці радыкалы
«Калі палякі паспрабуюць адцяць захад Украіны і Беларусі...». Што стаіць за «польскімі» страхамі Лукашэнкі
Польшча плянуе часова прыпыніць дзеяньне права на прытулак. Латушка: мы разьлічваем на салідарнасьць зь беларусамі
Прэм’ер-міністар Польшчы Дональд Туск 15 кастрычніка на пасяджэньні ўраду прэзэнтуе міграцыйную стратэгію Польшчы, адным з элемэнтаў якой стане часовае прыпыненьне права на прытулак.
«Калі, напрыклад, я сёньня гучна заяўлю, што адным з элемэнтаў міграцыйнай стратэгіі будзе часовае прыпыненьне права на прытулак, заснаванае на тэрытарыяльным прынцыпе, і я буду настойваць на прызнаньні гэтага рашэньня ў Эўропе, то гэта будзе таму, што мы добра ведаем, як гэта выкарыстоўваюць Лукашэнка, Пуцін, кантрабандысты, гандляры людзьмі. Тое, як гэтае права на прытулак выкарыстоўваецца, наўпрост супярэчыць сутнасьці права на прытулак», — заявіў Туск.
З нагоды плянаванага прыняцьця міграцыйнай стратэгіі выказаўся намесьнік кіраўніцы Аб’яднанага пераходнага кабінэту, кіраўнік Народнага антыкрызіснага ўпраўленьня Павал Латушка:
«Я вельмі ўдзячны Польшчы і палякам, што Польшча стала краінай, дзе многія беларусы знайшлі абарону і салідарнасьць... Права на прытулак таксама важнае для тых беларусаў, якія ўцяклі ад тэрору і ўжо знаходзяцца ў Польшчы, просяць прытулку. Важна аддзяліць рэжым Лукашэнкі ад беларускага народу». https://smarturl.click/dpylk
Лукашэнка зноў выступае за мэліярацыю
Плянам разьвіцьця Гомельскай вобласьці пацікавіўся ў старшыні аблвыканкама Івана Крупко Аляксандар Лукашэнка падчас наведваньня гарадзкога пасёлка Карма, дзе праходзяць «Дажынкі-2024».
«Узімку вы мне адкажаце, што мы будзем рабіць з Гомельскай вобласьцю, — цытуе яго прэс-служба. — Думайце ў цэлым пра Гомельскую вобласьць, што будзем рабіць. Землі трэба адрадзіць, мэліярацыю трэба правесьці і культура земляробства павінна быць ідэальная».
Паводле навукоўцаў, каля 10% глебаў на тарфяніках, што выкарыстоўваюцца ў сельскай гаспадарцы, у рознай ступені дэградаваныя. «Самая праблемная профільная дэградацыя тарфянікаў — гэта водная і ветравая эрозія глебаў, — заяўляў у 2022 годзе супрацоўнік Інстытута глебазнаўства і аграхіміі НАН Віталь Лапа. — Асноўная маса зямлі, схільнай да ветравой эрозіі, знаходзіцца на Палессі, дзе актыўна праводзілася мэліярацыя. 10 гадоў таму было 212 тысяч гектараў дэградаваных тарфянікаў, сёння — 312 тысяч гектараў». https://smarturl.click/xBQ4O
Лукашэнка запрасіў у Беларусь жыхароў Гішпаніі, якая не прызнае яго легітымнасьць
Нягледзячы на «сучасную трансфармацыю сьветапарадку», грамадзяне Беларусі і Гішпаніі застануцца «прыхільнікамі самастойнага і незалежнага шляху разьвіцьця, носьбітамі традыцыйных каштоўнасьцяў», у прыватнасці «міру, сям’і і стваральнай працы на карысьць Айчыны», заявіў Аляксандар Лукашэнка.
Такім чынам ён павіншаваў 12 кастрычніка народ гэтай дзяржавы з Днём гішпанскай нацыі.
Гішпанія як частка ЭЗ не прызнае Лукашэнку легітымным прэзыдэнтам Беларусі.
На сустрэчы з дэмакратычнай лідэркай Сьвятланай Ціханоўскай 5 кастрычніка 2023 году ў Гранадзе на палях саміту Эўрапейскай палітычнай супольнасьці прэм’ер-міністар Гішпаніі Пэдра Санчэс заявіў, што сытуацыя з правамі чалавека ў Беларусі зразумелая гішпанцам, бо ў свой час яны самі прайшлі праз дыктатуру. https://smarturl.click/JDjMx
Экспэрт патлумачыў, як можа зьмяніцца палітыка Літвы адносна Беларусі, калі на выбарах перамогуць левыя ці радыкалы
Літва падышла да парлямэнцкіх выбараў 13 кастрычніка ў сытуацыі эканамічнага росту, зьніжэньня інфляцыі і росту даходаў насельніцтва. Але пры добрых эканамічных паказьніках сацыёлягі адзначаюць рост левых і нават радыкальных настрояў.
Гэты парадокс, а таксама беларускі кантэкст літоўскіх выбараў у інтэрвію Свабодзе тлумачыць Вітаўтас Брувярыс, галоўны рэдактар літоўскага агенцтва навінаў ELTA. https://smarturl.click/aJ3pY
👆🏻Запытайся ў Дубаўца. Дэмакратычныя сілы разважаюць пра гуманнасьць, якой часам не бывае месца падчас вайны, нехта загіне. Ці няма тут супярэчнасьці?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Калі б беларускае грамадзтва, якое ў цэлым не падтрымлівае вайну, і яго прадстаўнікі думалі такім чынам, яны б прыпадобніліся да расейскага грамадзтва, якое збольшага прымае вайну як дадзенасьць, дзе «нехта загіне». Беларусы разумеюць, што гэта ніякая ня дадзенасьць, а асьляпленьне, тое, што адбываецца, калі не «разважаюць пра гуманнасьць», таму каштоўнасьць чалавечага жыцьця і не бярэцца пад увагу. З гледзішча здаровага сэнсу, гэта адсутнасьць навыку бачыць у іншым сябе.
Суд у Маскве арыштаваў беларуса, які ўдарыў па сьцяне Крамля малатком. Гэта былы палітвязень
Цьвярскі раённы суд Масквы арыштаваў на 15 сутак ураджэнца Беларусі Аляксандра Фралова, які абліў фарбай і пашкодзіў фасад будынка Дзяржаўнага гістарычнага музэю ў Крамлі.
Паводле праваабарончага цэнтру «Вясна», у студзені 2022 году суд Жлобінскага раёну асудзіў Аляксандра Фралова да паўтара года «хіміі» па артыкуле аб грубым парушэньні парадку (арт. 342 КК). Паводле гэтага артыкулу звычайна судзяць удзельнікам пратэстаў. У лістападзе 2023 году ён выйшаў на свабоду.
https://smarturl.click/O026z
Вернасьць Пуціну і Крамлю. Вынікі тыдня з Карбалевічам
За што Лукашэнка атрымаў ад Пуціна ордэн вернасьці Расеі, і як улады абараняюць беларускае неба ад вайсковых бесьпілётнікаў.
Палітычны аглядальнік Свабоды Валер Карбалевіч падводзіць вынікі тыдня.
https://www.youtube.com/watch?v=s3To26AuENM
Навумчык: Пазьняка не цікавіць імідж, ён кажа тое, што не гавораць іншыя
У праграме «ПіК Свабоды» былы дэпутат Вярхоўнага Савету і публіцыст Сяргей Навумчык ацэньвае прызнаньне сёлетняй Нобэлеўскай прэміі міру японскай арганізацыі «Ніхон Хіданкё», а таксама разважае пра апошнія заявы Зянона Пазьняка наконт Віктара Бабарыкі і Марыі Калесьнікавай.
https://youtu.be/pu8RTV9GMHQ
Украіна заклікала МАК адхіліць беларуску Ірыну Курачкіну ад удзелу ў чэмпіянаце сьвету ў барацьбе ў Тыране
Міністар моладзі і спорту Ўкраіны Мацьвей Бедны і прэзыдэнт Нацыянальнага алімпійскага камітэту Вадзім Гутцайт заклікалі прэзыдэнта Міжнароднага алімпійскага камітэту Томаса Баха і кіраўніка Міжнароднай фэдэрацыі барацьбы Нэнада Лалавіча не дапускаць спартоўцаў з Расеі і Беларусі да чэмпіянату сьвету ў барацьбе, які адбудзецца 28-31 кастрычніка ў Тыране (Альбанія).
Мова ідзе пра тых спартоўцаў, якія ўдзельнічалі ў прапагандысцкіх мерапрыемствах або выказвалі сваю падтрымку расейскай агрэсіі супраць Украіны. Сярод такіх спартоўцаў украінскія чыноўнікі назвалі, у прыватнасьці, беларуску Ірыну Курачкіну і двух расейскіх спартоўцаў — Абдулрашыда Садулаева і Завура Ўгуева. Гэтыя спартоўцы кваліфікаваліся на турнір у Тыране ў якасьці «нэўтральных атлетаў». Ірына Курачкіна выграла ліцэнзію на Алімпіяду ў Парыжы, але так туды і ня трапіла.
https://smarturl.click/w90w7
Ва Ўкраіне будуць судзіць украінцаў за арганізацыю перавозкі пасажыраў праз Эўропу і Беларусь у Данецк
Транспартнымі паслугамі займаліся жыхары Данецкай вобласьці.
https://smarturl.click/Yza3v