17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
15 верасьня — дзень памяці Язэпа Драздовіча
Язэп Драздовіч, беларускі мастак, археоляг, пісьменьнік, этнограф і фальклярыст першай паловы XX ст., памёр 70 гадоў таму, у 1954 годзе.
У ягонай графіцы, жывапісе, маляваных дыванах і разьбярскіх творах цудоўным чынам сумясьціліся захапленьне мадэрнам, сымбалізмам і народнай творчасьцю. Зь ягоных фантастычных твораў многія (нават самыя блізкія сябры) сьмяяліся, лічылі яго вар’ятам. У выніку ж сёньня Драздовіч — адзін з самых вядомых і адметных мастакоў Беларусі:
https://smarturl.click/yqJqJ
Жыхароў Віцебска затрымалі пасьля размовы з правакатарам
Адзін з затрыманых сказаў падчас размовы з правакатарам «Жыве Беларусь!», «Слава Ўкраіне!», а таксама, што хацеў бы атрымаць зброю ў ваенкамаце і паказаць «волю народа», піша «Вясна».
https://smarturl.click/XyoGL
Пасьля сустрэчы Байдэна і Стармэра Ўкраіна наблізілася да дазволу на нанясеньне ўдараў па Расеі заходняй зброяй
Калі і на якіх умовах Украіна можа атрымаць дазвол на ўдары ў глыб Расеі заходнімі ракетамі і іншай высокадакладнай зброяй.
Аналіз карэспандэнта Радыё Свабода ў Вашынгтоне Тода Прынса.
На фота: прэзыдэнт ЗША Джо Байдэн сустракаецца з прэм’ер-міністрам Вялікабрытаніі Кірам Стармэрам.
https://smarturl.click/0eLEv
Улады Чэхіі, Польшчы, Славаччыны, Аўстрыі і іншых краін Цэнтральнай Эўропы на фоне моцных дажджоў рыхтуюцца да паводак
У Румыніі паводкі ўжо пачаліся, там загінула ад іх пяць чалавек.
У краіне закрытыя 13 участкаў дзяржаўных і мясцовых трас. У некаторых населеных пунктах вада дасягнула трох мэтраў.
На фота паводка ў польскім горадзе Глухалазы.
Што адбываецца там і ў іншых краінах, можна пачытаць тут:
https://smarturl.click/5OdA2
Для каго небясьпечная Марыя Калесьнікава
Наста Захарэвіч піша пра лёс палітзьняволенай Марыі Калесьнікавай:
«Як шмат рэжым адабраў у Марыі Калесьнікавай? Скласьці поўны сьпіс не атрымаецца, бо ён працягвае расьці, дый няма ў нас поўных зьвестак пра яе цяперашняе здароўе. Страты мы разам зь ёю яшчэ падлічым пазьней, цяпер жа ёй трэба проста выжыць, а для гэтага — выйсьці з турмы.
Ня трэба казаць, што яна камусьці небясьпечная. Трэба дабівацца яе вызваленьня».
https://smarturl.click/kjXJO
«Белсат» адказаў расейскім уладам на прызнаньне непажаданай арганізацыяй
У Генэральнай пракуратуры Расеі 13 жніўня паведамілі аб прызнаньні непажаданай на расейскай тэрыторыі дзейнасьць замежнай арганізацыі Belsat, Belsat TV, Belarusian Satellite (Польшча).
Прычынай гэтага рашэньня назвалі «дыскрэдытацыю ўнутранай і зьнешняй палітыкі расейскіх уладаў, стварэньне нэгатыўнага вобразу Расеі і крытыка інтэграцыйных працэсаў у межах саюзнай дзяржавы».
У тэлеканале адказалі: «Дыскрэдытацыяй расейскай улады займаюцца самі расейскія ўлады».
На фота выканаўца абавязкаў дырэктара «Белсату» Аляксей Дзікавіцкі
https://smarturl.click/aJaDq
Хрэнін у Пэкіне заявіў, што Беларусь будзе нарошчваць вайсковае супрацоўніцтва з Кітаем
Заява прагучала ў інтэрвію міністра абароны Беларусі Віктара Хрэніна Цэнтральнаму тэлебачаньню Кітая.
Цытаты з інтэрвію Віктара Хрэніна дае прэсавая служба Мінабароны Беларусі:
«Я назіраў на свае вочы на вучэньні, што і кітайскія, і беларускія вайскоўцы дзейнічалі ў адной камандзе. І ім не патрэбен быў перакладчык — яны разумелі адзін аднаго. Мы маем зносіны на адной мове ў ваенным пляне. І гэта дарагога каштуе».
На фота Віктар Хрэнін на 11-м Сяншаньскім форуме, 13 верасьня 2024. Фота Міністэрства абароны Беларусі
https://smarturl.click/bamD6
Не сачылі за падзеямі тыдня? Для вас усё самае важнае — у суботняй email-рассылцы Свабоды
Гэта зручна і эканоміць ваш час: гатовая падборка самых цікавых і эксклюзіўных публікацый і відэа бягучага тыдня, а яшчэ цікавыя тэсты й матэрыялы па беларускай мове і гісторыі — у адным лісьце. Пачытаць сёньняшні выпуск можна тут.
💌 Падпісвайцеся на рассылку, так вы нічога не прапусьціце!
👉🏻 http://eepurl.com/ijMaIv
Сёньня — гадавіна адкрыцьця Купалаўскага тэатру
14 жніўня 1920 году ў Менску адкрыўся Беларускі дзяржаўны тэатар (цяпер Нацыянальны акадэмічны тэатар імя Янкі Купалы), галоўная драматычная пляцоўка краіны.
У жніўні 2020 году «купалаўцы» публічна асудзілі гвалт сілавікоў у дачыненьні да мірных дэманстрантаў, пасьля чаго быў звольнены дырэктар тэатру Павал Латушка, а за ім на знак салідарнасьці звольніліся больш за 60 супрацоўнікаў тэатру. Звольненыя акторы заснавалі незалежную трупу «Купалаўцы». Пасьля гэтага пачалася «русыфікацыя» тэатру.
https://smarturl.click/qlZBB
Асноўныя падзеі і найважнейшыя публікацыі Свабоды 13 верасьня
Галоўная пагроза для беларускай эканомікі — эканамічны спад у Расеі, і гэта рэальная пэрспэктыва, — эканамістка Лузгіна
Пачаў пра дружбу, скончыў пра варажнечу. Пра што сьведчыць сустрэча Лукашэнкі з прадстаўнікамі нацыянальных мяньшыняў
Лукашэнка пачаў рыхтавацца да чарговага пераабраньня. Вынікі тыдня з Карбалевічам
Былы камандуючы NATO кажа, што рабіць зь Беларусьсю і за што ён пляскае ў далоні Лукашэнку
У Берасьці за ўдзел у пасьлявыбарных пратэстах асудзілі адразу 11 чалавек
Гісторыку Ігару Мельнікаву прысудзілі 4 гады калёніі за інтэрвію незалежнаму СМІ
«Суцэльная хлусьня». Чалавек, якога у сюжэце БТ назвалі «куратарам японскага шпіёна», пракамэнтаваў абвінавачаньні
Зяленскі пра неабходнасьць зьбіцьця расейскіх бесьпілётнікаў краінамі-суседзямі: «Толькі Беларусь адзначылася»
Летась больш за 280 тысяч беларусаў упершыню атрымалі дазволы на жыхарства ў Эўразьвязе
Ня толькі халаднік. Чые калдуны, зуброўка і крупнік? Гутарка з гісторыкам
Пабудаваў электрастанцыю, піўзавод і шпіталь для прастытутак. Расказваем, што для Менску зрабіў Караль Чапскі і што ад гэтага засталося
«У мяне ніколі не было такой думкі, што Лукашэнка кудысьці сыдзе», — Аляксандар Кныровіч у праекце «Сьведкі Лукашэнкі»
Лукашэнка пачаў рыхтавацца да чарговага пераабраньня. Вынікі тыдня з Карбалевічам
Аляксандар Лукашэнка правёў нараду, прысьвечаную «актуальным унутрыпалітычным пытаньням і падрыхтоўцы да правядзеньня палітычных кампаній».
Аналітык Свабоды Валер Карбалевіч пра асноўныя задачы на новы выбарчы сэзон. https://www.youtube.com/watch?v=KIV4AWzXLrA
Супраць палітвязьня Міколы Дзядка, якому засталося быць у зьняволеньні паўгода, завялі новую крымінальную справу
У 2020 годзе Міколу Дзядка асудзілі на 5 гадоў зьняволеньня, ён павінен быў выйсьці з турмы 25 красавіка 2025 году. Але на палітвязьня, анархіста Дзядка ў турме завялі новую крымінальную справу.
Пра гэта паведамляе выданьне «Новы час» са спасылкай на ўласныя крыніцы.
Паводле інфармацыі крыніцаў новая крымінальная справа заведзеная паводле арт.411 Крымінальнага кодэксу — «Злоснае непадпарадкаваньне патрабаваньням адміністрацыі папраўчай установы». Па гэтым артыкуле прадугледжанае пазбаўленьне волі на тэрмін ад аднаго да трох гадоў. https://smarturl.click/71Ld7
Зяленскі пра неабходнасьць зьбіцьця расейскіх бесьпілётнікаў краінамі-суседзямі: «Толькі Беларусь адзначылася»
Прэзыдэнт Украіны заклікаў краіны-партнэры ўхваліць рашэньне аб супольным зьнішчэньні расейскіх ракет і бесьпілётнікаў ва ўкраінскім небе.
«Хаўрусьнікі разам зьбіваюць ракеты і дроны ў небе на Блізкім Усходам. То чаму дагэтуль няма аналягічнага рашэньня пра супольнае зьбіцьцё расейскіх ракет, іранскіх шахедаў у небе Ўкраіны? Прычым гэта ня робіцца і тады, калі ракеты і дроны накіроўваюцца літаральна на тэрыторыю нашых суседзяў», — сказаў Зяленскі на штогадовай сустрэчы Ялцінскай эўрапейскай стратэгіі.
Уладзімір Зяленскі дадаў: «Пакуль што толькі Беларусь адзначылася збіцьцём расейскіх шахедаў». Гэтыя словы выклікалі ў аўдыторыі сьмех і воплескі.
«Я ня думаў, што ў такім фармаце гэта будзе. І гэта сапраўды, я мяркую, зьневажальна для моцнага дэмакратычнага сьвету», — падкрэсьліў Уладзімір Зяленскі.
Ня толькі халаднік. Чые калдуны, зуброўка і крупнік? Гутарка з гісторыкам (+ рэцэпт)
Як вы лічыце, чый халаднік? А калдуны? Хто прыдумаў зуброўку? І чаму палякі сьмяяліся над бацьвіньнем і кішкай? Свабода разам з гісторыкам Алесем Белым склала топ-7 страваў, якія аб’ядноўваюць беларускую, літоўскую і польскую кухні:
https://smarturl.click/M1oG4
Падпісвайцеся на Свабоду ў radio_svaboda">TikTok!
Нашыя журналісты публікуюць там унікальныя кароткія відэа і карткі на розныя тэмы. Відэа апошняга тыдня:
👆🏻Калі зьявілася беларуская мова? Расказваем паводле пісьмовых крыніц (гл. відэа вышэй)
👉🏻 Чырвоная кніга Беларусі-2025: radio_svaboda/video/7411976499055693062">глядзім, што ў ёй зьменіцца
👉🏻 Бітва пад Воршай. radio_svaboda/video/7412343809964543238">Узгадваем цікавыя факты гэтай старонкі беларускай гісторыі
👉🏻 У Беларусі гараць лясы, тарфянікі і кустоўе. radio_svaboda/video/7413075615685020933">Сабралі практычныя парады, што рабіць падчас пажару
👉🏻 Эканоміка на Свабодзе. radio_svaboda/video/7413440761351441669">Якія ў беларусаў узаемаадносіны з грашыма і ці ашчаджаюць яны
👉🏻 Лукашэнка наведаў студэнтаў. radio_svaboda/video/7413826167729392902">Тлумачым, як насамрэч праходзяць такія сустрэчы і ці ёсьць у іх сэнс
👉🏻 «Тры Натальлі Лукашэнкі». radio_svaboda/video/7411594414700727558">Распавядаем пра знакамітае жаночае трыё
Асноўныя падзеі і найважнейшыя публікацыі Свабоды 14 верасьня
Пасьля сустрэчы лідэраў ЗША і Вялікабрытаніі заявы аб выкарыстаньні Ўкраінай заходніх ракет у Расеі не было
Але Ўкраіна ўсё ж наблізілася да дазволу на нанясеньне ўдараў па Расеі заходняй зброяй. Аналіз карэспандэнта Радыё Свабода ў Вашынгтоне Тода Прынса
Больш за сто палоненых у Курскай вобласьці расейскіх вайскоўцаў прывезьлі ў Беларусь падчас абмену, Украіна пацьвердзіла вызваленьне з Расеі 103 сваіх палонных
Дэпутат Дзярждумы прапанаваў падарваць ядзерную бомбу над Расеяй, каб напалохаць Захад
Чым скончацца для Пуціна ягоныя тэрытарыяльныя заваёвы ва Ўкраіне?
Новы блог Віктара Багдзевіча з гістарычнымі паралелямі
Associated Press напісала пра русыфікацыю Беларусі: «Сёньня Лукашэнка расплачваецца Пуціну сувэрэнітэтам»
«Белсат» адказаў расейскім уладам на прызнаньне непажаданай арганізацыяй
Жыхары Цэнтральнай Эўропы рыхтуюцца да паводак, у Румыніі першыя ахвяры патопу
На фота вызваленыя з расейскага палону ўкраінскія вайскоўцы
Дэпутат Дзярждумы прапанаваў падарваць ядзерную бомбу над Расеяй, каб напалохаць Захад
Год таму з такой ідэяй выступала прапагандыстка Маргарыта Сіманьян.
Дэпутат Дзяржаўнай думы ад кіроўнай партыі «Адзіная Расея» Андрэй Калесьнік прапанаваў падарваць ядзерную бомбу на тэрыторыі РФ.
Сваю прапанову ён матываваў тым, што, на яго думку, многія замежныя палітыкі пачалі забываць пра пагрозу, якую нясе ядзерная зброя. Таму, лічыць дэпутат, Расея павінна нагадваць сьвету аб гэтай небясьпецы.
На фота дэпутат Дзяржаўнай думы Андрэй Калесьнік
https://smarturl.click/Q1oa3
Бізнэсовец Кныровіч: «Беларускае чынавенства пераўтварылася ў цалкам карупцыйную сыстэму»
Блогер і прадпрымальнік Аляксандар Кныровіч разважае пра тое, як нармальныя чыноўнікі падчас кіраваньня Лукашэнкі паступова пераўтвараліся ў карупцыянэраў:
«Сыстэма разьвіваецца, і людзі ў ёй пачынаюць разумець, як працуе арганізм у гэтай нібыта «сацыялістычнай» эканоміцы. І гэта натуральная разьвіцьцё сыстэмы, яна не магла прыйсьці ні да чаго іншага. Калі міністр зарабляе пару тысяч даляраў заробку, а кіруе мільёнамі даляраў — то ён будзе красьці. Іх заробкі ў суадносінах зь іхняй адказнасьцю вельмі малыя».
Цалкам інтэрвію з Аляксандрам Кныровічам у праекце «Сьведкі Лукашэнкі» глядзіце тут:
https://www.youtube.com/watch?v=rJBSQmABUPs&list=PLacsfWov01Mz55WHxllpeD0QMN8Jf-m3R
Больш за сто палоненых у Курскай вобласьці расейскіх вайскоўцаў пасьля абмену прывезьлі ў Беларусь
Узамен перададзеныя 103 ваеннапалонныя Ўзброеных сіл Украіны.
«Цяпер усе расейскія вайскоўцы знаходзяцца на тэрыторыі Рэспублікі Беларусь, дзе ім надаецца неабходная псыхалягічная і мэдыцынская дапамога, а таксама ім далі магчымасьць зьвязацца са сваякамі», — паведаміла расейскае вайсковае ведамства.
Абмен пацьвердзіў прэзыдэнт Украіны Зяленскі. Гэта ўжо другі абмен за два дні.
На фота ўкраінскія вайскоўцы, якія вярнуліся з расейскага палону.
https://smarturl.click/B6L3w
Associated Press напісала пра русыфікацыю Беларусі: «Сёньня Лукашэнка расплачваецца Пуціну сувэрэнітэтам»
Журналісты Associated Press у пачатку артыкула расказваюць гісторыю 15-гадовага беларуса Мікалая, які сёлета выявіў, што настаўнікі і адміністратары ягонай школы больш не называюць яго такім імем. Замест гэтага яны называюць яго Нікалаем, ужываючы расейскі эквівалент ягонага імя.
Больш за тое, заняткі ў яго школе — адной зь лепшых у краіне — цяпер вядуцца на расейскай мове, а не на беларускай, на якой ён размаўляў большую частку жыцьця. Горад і школу журналісты не называюць зь меркавантняў бясьпекі іх суразмоўцы, бацькі Мікалая.
На тэму русыфікацыі ў Беларусі ў артыкуле выказваюцца таксама беларускія і замежныя палітыкі і экспэрты.
На архіўным фота Аляксандар Лукашэнка і Ўладзімір Пуцін
https://smarturl.click/0eLyv
Пасьля сустрэчы лідэраў ЗША і Вялікабрытаніі заявы аб магчымасьці выкарыстаньня Ўкраінай заходняй зброі на тэрыторыі Расеі не было
Раней прэзідэнт Байдэн сказаў, што «працуе» над запытам Украіны па ракетах вялікай далёкасьці.
Прэзыдэнт ЗША Джо Байдэн і прэм'ер-міністар Вялікабрытаніі Кір Стармэр на сустрэчы 13 верасьня пацьвердзілі сваю «нязьменную падтрымку» Ўкраіны, гаворыцца ў заяве Белага дома пасьля перамоў. Тэма паслабленьня абмежаваньняў на прымяненьне Кіевам зброі далёкага дзеяньня ўглыб тэрыторыі Расеі ў дакумэнце ня згадваецца.
Злучаныя Штаты абмежавалі выкарыстаньне Ўкраінай амэрыканскай зброі далёкага радыюсу дзеяньня з-за асьцярогі, што гэта можа прывесьці да эскаляцыі вайны і, магчыма, падштурхнуць Расею да выкарыстаньня ядзернай зброі.
https://smarturl.click/vwJ2g
👆🏻 Запытайся ў Дубаўца. Хто больш выгадны Беларусі на пасадзе прэзыдэнта ЗША: Трамп ці Гарыс?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Я б задаў гэтае пытаньне беларускім палітвязьням, якія па справядлівасьці мусяць быць прыраўнаныя да ўкраінскіх ваеннапалонных. Бо рэпрэсіі ў нас і напад на Ўкраіну — адна зьява, адна вайна, дзе ваююць тыя самыя бакі: Масква, якая спачатку «зачысьціла» Беларусь, і Кіеў, для нападу на які Масква такім чынам стварыла сабе беларускі пляцдарм. Больш выгадны той прэзыдэнт ЗША, які ў кожным разе будзе не зацягваць крызісныя сытуацыі, а разьвязваць іх цывілізаваным парадкам. Беларусі будзе больш выгадны той, хто будзе больш выгадны Ўкраіне.
Чым скончацца для Пуціна ягоныя тэрытарыяльныя заваёвы ва Ўкраіне
Досьвед ХХ стагодзьдзя паказаў: кожны раз, паспрабаваўшы выправіць «несправядлівыя» межы, разбурыўшы дзеля гэтага многія краіны, панёсшы калясальныя людзкія страты, агаломшаныя эўрапейскія лідэры, нібы працьверазеўшы, разумелі, што ўсталяваныя коштам такіх калясальных ахвяраў новыя межы мала чым лепшыя за папярэднія.
Пра гэта чарговы тэкст Віктара Багдзевіча.
https://smarturl.click/VDdv4
Шнобэлеўскую прэмію далі за вывучэньне дыханьня праз анус. Шнобэля ў 2013 атрымаў Лукашэнка за забарону аплядысмэнтаў на вуліцах
У ЗША ўручылі Шнобэлеўскую прэмію за адкрыцьці, якія прымушаюць «спачатку засьмяяцца, а потым задумацца».
Цырымонія прайшла ў Масачусэцкім тэхналягічным інстытуце ў ноч на 13 верасьня — упершыню пасьля чатырох гадоў яе правядзеньня онлайн з прычыны абмежаваньняў, зьвязаных з COVID-19. Узнагароды пераможцам у дзесяці галінах навукі ўручалі сапраўдныя нобэлеўскія ляўрэаты.
У галіне фізіялёгіі перамаглі японскія навукоўцы, якія высьветлілі, што сысуны могуць дыхаць праз анус. Цяпер навукоўцы праводзяць выпрабаваньні на людзях-добраахвотніках.
Шнобэлеўскую прэмію міру прысудзілі вядомаму амэрыканскаму псыхолягу Бэрэсу Скінэру, які памёр больш за трыццаць гадоў таму. Журы адзначыла яго праект выкарыстаньня жывых галубоў усярэдзіне ракет для навядзеньня іх на цэль. Прэмію ў галіне фізыкі атрымаў амэрыканскі вучоны за ўсебаковае дасьледаваньне плавальных здольнасьцяў мёртвай стронгі.
У 2013 годзе Шнобэля атрымалі Аляксандар Лукашэнка і менская міліцыя. Лукашэнка — за забарону публічных аплядысмэнтаў, міліцыя — за арышт аднарукага інваліда, які нібыта пляскаў у ладкі. https://smarturl.click/RAom8
«У мяне ніколі не было такой думкі, што Лукашэнка кудысьці сыдзе», — Аляксандар Кныровіч у праекце «Сьведкі Лукашэнкі»
«Я ніколі ня верыў у гэта. Я і зараз ня веру, што Лукашэнка можа кудысьці адысьці. Пакуль не памрэ, ён будзе сядзець на сваім троне», — кажа блогер і прадпрымальнік Аляксандар Кныровіч.
Летась больш за 280 тысяч беларусаў упершыню атрымалі дазволы на жыхарства ў Эўразьвязе
У 2023 годзе беларусы атрымалі 281 279 першых дазволаў на жыхарства ў краінах Эўразьвязу — гэта 7,5% ад агульнай колькасьці выдадзеных летась дазволаў, сьведчаць новыя зьвесткі Эўрастату.
З усіх першых ДНЖ, атрыманых беларусамі летась, 52,3% выдалі на падставе працы, па 2,6% — для атрыманьня адукацыі і для ўзьяднаньня сям’і, 42,5% — зь іншых прычынаў. 90,9% усіх ДНЖ выдала Польшча:
https://smarturl.click/0eLB7
Адна справа расьсьледуецца, 60 заяваў правяраюць. У Вільні абмеркавалі міжнародную адказнасьць беларускага рэжыму
13 верасьня ў Вільні прайшла міжнародная канфэрэнцыя «Адказнасьць за злачынствы і парушэньне правоў чалавека ў Беларусі». Яна была арганізаваная Цэнтрам права і дэмакратыі Justice Hub сумесна з офісам дэпутата Эўрапарлямэнту Дайнюса Жалімаса ў рамках праекту «Ўмацаваньне шляху да правасудзьдзя для ахвяраў злачынстваў рэжыму».
Літоўскія і беларускія палітыкі, урадоўцы, праваабаронцы, адмыслоўцы ў галіне права і грамадзкія актывісты абмеркавалі прыцягненьне да адказнасьці Аляксандра Лукашэнкі і прадстаўнікоў ягонага рэжыму. У цэнтры ўвагі былі юрыдычныя і палітычныя мэханізмы, якімі можна карыстацца: завядзеньне справаў паводле «ўнівэрсальнай юрысдыкцыі», выкарыстаньне міжнароднага трыбуналу і больш моцныя міжнародныя санкцыі. https://smarturl.click/67LeB
Былы камандуючы NATO кажа, што рабіць зь Беларусьсю і за што ён пляскае ў далоні Лукашэнку
На пытаньні Радыё Свабода адказаў Філіп Брыдлаў (Philip Breedlove), былы вярхоўны галоўнакамандуючы Аб’яднаных узброеных сілаў NATO ў Эўропе.
Відэа: https://youtu.be/TpaX93NHIjY. Тэкставая вэрсія https://smarturl.click/l5yXB
Гісторыка Ігара Мельнікава прысудзілі да 4 гадоў калёніі за інтэрвію незалежнаму СМІ
Паводле вэрсіі пракуратуры, 26 студзеня 2022 года ў Польшчы Мельнікаў нібыта «ў мэтах ажыцьцяўленьня экстрэмісцкай дзейнасьці, у тым ліку папулярызацыі мэдыярэсурсаў экстрэмісцкай накіраванасьці, уцягваньня ў экстрэмісцкую дзейнасьць большай колькасьці грамадзян, распаўсюджваньня экстрэмісцкіх матэрыялаў», даў інтэрвію «Эўрарадыё» і тым самым спрыяў экстрэмісцкай дзейнасьці.
Узгаданае інтэрвію сярод іншага тычылася працы гісторыка за мяжой, правядзеньня ім навуковай выставы ў Варшаве, ролі гісторыі ў грамадзтве.
На момант публікацыі інтэрв'ю “Эўрарадыё” не было прызнана “экстрэмісцкім фармаваньнем”. Рашэньне аб гэтым прынята МУС 20 ліпеня 2022 года. https://smarturl.click/2qL0Z
Расея і Ўкраіна абмяняліся палоннымі. Беларусаў сярод іх няма
Украіна і Расея правялі чарговы абмен палоннымі, у межах якога на ўкраінскую тэрыторыю вярнуліся 49 грамадзян, а на расейскую — 44. Як паведаміў амбудсмэн Украіны Дзьмітро Лубінец, упершыню Ўкраіне ўдалося вярнуць дадому адразу 23 жанчын.
Як паведамілі Свабодзе ва ўкраінскім праекце «Хачу жыць», сярод перададзеных Расеяй ва Ўкраіну і Ўкраінай ў Расею беларусаў няма:
https://smarturl.click/aJaRg