17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Моўны тэст: Едзем на лецішча!
А што вы робіце на лецішчы? Нястомна капáеце і полеце, каб цешыцца ўраджаем? Ці толькі дыхаеце сьвежым паветрам у гамаку над стрыжаным газонам? У кожным разе гэты тэст для вас.
https://smarturl.click/2q7VW
Парлямэнцкая асамблея АБСЭ прызнала дзеяньні Расеі генацыдам украінскага народу
Рэзалюцыю прынялі ў дзень адкрыцьця летняй сэсіі ў Бухарэсьце. Агулам у ёй 70 пунктаў.
https://smarturl.click/5OEq2
Здымак з тэлеграм-каналу ўкраінскага прадстаўніка на сэсіі Паўла Фралова
40 гадоў таму пачаўся рэгулярны рух на першай лініі Менскага мэтро
Мэтро ў беларускай сталіцы будавалі 7 гадоў. У 1984-м у ім былі толькі 8 станцый. Праезд каштаваў 5 савецкіх капеек. Гэта была дзявятая ў СССР сыстэма рэйкавага пасажырскага транспарту. Сёньня мэтро ў Менску ўключае ў сябе ўжо тры лініі.
Больш падзей гэтага дня ў гісторыі чытайце ў матэрыяле «Ўжо сёньня»: https://smarturl.click/nyoQV
Асноўныя падзеі і найважнейшыя публікацыі Свабоды 29 чэрвеня
Адключэньне чарговых банкаў ад SWIFT, ліміт на перавод у ЭЗ больш за 100 тыс. эўра. Што азначаюць сэктаральныя санкцыі ЭЗ супраць Беларусі
Дэлегацыю афіцыйнага Менску не дапусьцілі на сэсію Парлямэнцкай асамблеі АБСЭ ў Румыніі
Ва Ўкраіну вярнуліся 5 чалавек, якія былі арыштаваныя і засуджаныя ў Беларусі. Хто яны?
У Чарнігаве ўсталявалі мэмарыяльную дошку Кастусю Каліноўскаму
Эўразьвяз распаўсюдзіў на Беларусь санкцыі, якія раней увёў супраць Расеі
У Беларусі анамальная сьпёка. 28 чэрвеня зафіксавалі 10 тэмпэратурных рэкордаў
«Куды коціцца сьвет». Як жыве Вялікая Брытанія пасьля «Брэксыту» і якія зьмены наперадзе
Чаму жанчынам у гомельскай калёніі штучна ствараюць дэфіцыт пракладак
ЗША перададуць Украіне перахопнікі СПА і боепрыпасы на $150 млн
У новы пакет дапамогі, у прыватнасьці, увойдуць перахопнікі СПА HAWK і артылерыйскія боепрыпасы калібра 155 мілімэтраў. Пра гэта паведамілі два прадстаўнікі Белага дома, перадае Reuters.
Вашынштон адказвае на просьбы Кіева аб падтрымцы ў галіне супрацьпаветранай абароны, бо Расея ў апошнія тыдні наносіць ракетныя ўдары па ўкраінскіх энэргетычных аб'ектах. https://smarturl.click/9zmRG
Лукашэнка назваў прыкладам патрыятызму САХР, які зьвязваюць з палітычнымі забойствамі
Спэцыяльны атрад хуткага рэагаваньня (САХР) унутраных войскаў МУС, «які стаў легендарным», «будучы прыкладам сапраўднага патрыятызму, мужнасьці і адвагі, і ў далейшым будзе верна служыць краіне і народу», сказаў Лукашэнка, віншуючы былых і цяперашніх байцоў з 25-годдзем утварэньня фарміраваньня.
САХР удзельнічаў у падаўленьні пратэстаў пасьля сфальсыфікаваных прэзыдэнцкіх выбараў 2020 года.
У 2019 годзе былы баец САХР Юрый Гараўскі заявіў, што 7 траўня 1999-га ён быў у складзе «эскадрону сьмерці», які на загад заснавальніка САХРу Дзьмітрыя Паўлічэнкі выкраў і забіў экс-міністра ўнутраных спраў Юрыя Захаранку, 16 верасьня таго ж года — былога кіраўніка ЦВК Віктара Ганчара і бізнэсоўца Анатоля Красоўскага. https://smarturl.click/1d7xW
У Радзе Эўропы заявілі, што трыбунал за агрэсію супраць Украіны павінен улічваць ролю кіраўніцтва Беларусі
Пра гэта гаворыцца ў прынятай 26 чэрвеня ў Страсбуры рэзалюцыі Парлямэнцкай асамблеі Рады Эўропы (ПАРЭ), прысьвечанай прававым аспэктам, зьвязаным з дзеяньнямі Расеі супраць украінскага народа.
Рада Эўропы вядзе перамовы з Украінай аб такім трыбунале.
Лукашэнка падтрымаў расейскае ваеннае ўварваньне ва Ўкраіну 24 лютага 2022 году і дазволіў скарыстаць тэрыторыю, вайсковую інфраструктуру і паветраную прастору Беларусі для ўварваньня расейскай арміі і абстрэлаў гарадоў Украіны.
https://smarturl.click/EeEg0
Стала вядома, як перадавалі Ўкраіне яе грамадзян, вызваленых зь беларускіх турмаў
Вызваленых зь беларускіх турмаў украінцаў перадалі праз сухапутную мяжу Беларусі і Ўкраіны, потым даставілі верталётам у Кіеў, дзе ў аэрапорце «Жуляны» іх ўжо сустракалі прадстаўнікі ўладаў, сябры і сьвятары.
Служба бясьпекі Ўкраіны апублікавала відэа вызваленьня ўкраінскіх грамадзян. Як бачна на ім, іх перадалі ўкраінскаму боку на мяжы Берасьцейскай і Валынскай абласьцей, мяжу яны прайшлі пехатой, а потым іх даставілі ў Кіеў на верталёце.
Як відаць на відэа, некаторыя перамяшчаюцца на інвалідных вазках.
https://smarturl.click/l57O6
Эўразьвяз распаўсюдзіў на Беларусь санкцыі, якія раней увёў супраць Расеі
Эўразьвяз ухваліў абмежавальныя захады, накіраваныя супраць беларускай эканомікі, у адказ на ўдзел Беларусі ў ваеннай агрэсіі Расеі супраць Украіны.
Новыя абмежаваньні адносна Беларусі накіраваныя на гандаль, паслугі, транспарт і перадухіленьне абыходу ўжо існуючых санкцый.
Гэта ўключае сярод іншага забарону на імпарт зь Беларусі золата, алмазаў, гелію, вугалю, сырой нафты. Гэта зроблена, каб Беларусь не рабіла рээкспарту з Расеі забароненых тавараў.
Якія яшчэ санкцыі ўвёў Эўразьвяз, можна пачытаць тут:
https://smarturl.click/ppoXX
Як жыве Вялікая Брытанія пасьля «Брэксыту» і якія зьмены наперадзе
У Вялікай Брытаніі 4 ліпеня маюць адбыцца парлямэнцкія выбары, пасьля якіх, пэўна, зьменіцца ўрад.
Як гэта можа паўплываць на брытанскую палітыку і на падтрымку Ўкраіны?
Якія вынікі «Брэксыту» (выхаду Брытаніі з Эўразьвязу)?
Ці можна гаварыць пра брытанскі характар і брытанскі гумар?
Пра ўсё гэта ў падкасьце «Куды коціцца сьвет» расказвае Павал Шаўцоў, юрыст-міжнароднік, які практыкуе ў Лёндане з 1990-х гадоў, зьяўляецца апекуном лёнданскай Бібліятэкі імя Францішка Скарыны і намесьнікам старшыні Згуртаваньня беларусаў у Вялікай Брытаніі.
https://youtu.be/d-o29qzK5ac
Ціханоўская заявіла, што «з палёгкай даведалася, што пяць палітычна асуджаных украінскіх грамадзян вызваленыя ў Беларусі»
На сваёй старонцы з сацыяльнай сеткі Х Ціханоўская падзякавала прэзыдэнту Ўкраіны Зяленскаму і «ўсім, хто працаваў над тым, каб гэта стала магчымым».
«Мы павінны вызваліць больш за 1.400 беларусаў, якія ўсё яшчэ ўтрымліваюцца ў якасьці палітычных зьняволеных, многія з іх — за падтрымку Украіны», — падкрэсьліла Ціханоўская.
На фота вызваленыя ўкраінцы ў аэрапорце ў Кіеве, 28 чэрвеня 2024
Ад расейскай ракеты ў горадзе Дніпро пацярпелі дзіця і цяжарная жанчына
Ва ўкраінскім горадзе Дніпро на месцы ўчорашняга расейскага ўдару пяць чалавек лічацца зьніклымі бязь вестак.
На раніцу 29 чэрвеня вядома пра аднаго загінулага і 12 параненых. Сярод пацярпелых — дзіця і цяжарная жанчына.
https://smarturl.click/EeEA4
Чаму жанчынам у гомельскай калёніі штучна ствараюць дэфіцыт пракладак
Улады зноў прыдумалі, як зрабіць жыцьцё зьняволеных жанчын, у тым ліку палітычных, яшчэ больш невыносным.
Перадаць у гомельскую калёнію пракладкі цяпер можна толькі двойчы на год, піша Наста Захарэвіч.
https://smarturl.click/71z37
Угодкі вывазу тысяч жыхароў Заходняй Беларусі ў Сібір
29 чэрвеня 1940 году адбылася адна з найбуйнейшых дэпартацыяў жыхароў Заходняй Беларусі ў Сібір. Толькі за адзін гэты дзень савецкія ўлады вывезьлі 23 тысячы чалавек.
Больш гістарычных падзей дня ў матэрыяле «Ўжо сёньня»:
https://smarturl.click/JDABw
Байдэн прызнаў няўдалае выступленьне на дэбатах, але заявіў, што будзе змагацца далей і пераможа Трампа
Прэзыдэнт ЗША Джо Байдэн на сустрэчы з выбарцамі ў пятніцу заявіў, што не зьбіраецца сыходзіць з выбарчай гонкі.
«Я ведаю, што я не малады чалавек, калі казаць відавочнае, — цытуе Байдэна агентва Reuters. — Мне ўжо ня так лёгка хадзіць як некалі, я ўжо не размаўляю так гладка, як некалі, я не дэбатую так добра, як некалі».
«Я б ня ўдзельнічаў у выбарах, калі б ня верыў усім сэрцам і душой, што я магу зрабіць гэтую працу. Стаўкі занадта высокія,» — сказаў Байдэн.
Агенцтва Associated Press адзначае, што выступ Байдэна на дэбатах 27 чэрвеня выклікаў заклапочанасьць ягоных прыхільнікаў, бо ў яго было мноства запінаньняў, паўзаў і ягоныя ціхія выказваньні часам было цяжка зразумець. Cярод дэмакратаў пачаліся дыскусіі наконт таго, ці варта Байдэну адступіць у якасьці кандыдата ад іх партыі. https://smarturl.click/LYQal
Запытайся ў Дубаўца. Для чаго 3 ліпеня ўлады зьбіраюцца правесьці «рэканструкцыю генацыду» на «лініі Сталіна»?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
Мэта правакацыйная — выклікаць нэгатыўную рэакцыю людзей, каб пасьля абвінаваціць іх у «адмаўленьні генацыду». Бо якая яшчэ можа быць рэакцыя нармальнага чалавека на «гульню ў Хатынь»? Ура, малайцы, перамога?.. Не. Фашысты спалілі вёску, а «рэканструктары» быццам хочуць сказаць нам: «Можем повторить». З кім яны сябе атаясамліваюць? Пэўна, ня з простымі беларусамі, што згарэлі ў страшным хляве. Тыя, загіблыя, патрабуюць спачуваньня, жалобы і ціхае памяці, а ніяк не сьвяточнай гульні ў барбараў.
Пасольства Беларусі ў Ізраілі патлумачыла новы парадак уезду ў краіну
Сыстэма дазволаў пачне дзейнічаць з 1 жніўня. На працягу ліпеня падаць заяву можна будзе бясплатна, а з 1 жніўня падача заяўкі будзе каштаваць 25 шэкеляў (6,20 эўра па сёньняшнім курсе).
https://smarturl.click/jkoJ8
Расейскія войскі абстралялі горад Вальнянск у Запароскай вобласьці: загінулі сем чалавек, у тым ліку двое дзяцей. Яшчэ 18 чалавек паранены
Як паведаміў кіраўнік Запароскай абласной ваеннай адміністрацыі Іван Фёдараў, удары прыпалі па аб’екце крытычнай інфраструктуры, краме і жылым дамам Вальнянска.
У мясцовых тэлеграм-каналах паведамляюць, што пад абстрэл патрапіў цэнтар горада, у якім у гэты час было шмат людзей. https://smarturl.click/EeER0
У Чарнігаве ўсталявалі мэмарыяльную дошку Кастусю Каліноўскаму
У Чарнігаве на вуліцы Кастуся Каліноўскага ўсталявалі мэмарыяльную дошку ў гонар кіраўніка паўстаньня 1863 году на доме, у які патрапіў снарад у пачатку сакавіка 2022 года падчас расейскага ўварваньня ва Ўкраіну.
Вуліца, на якой ушанавалі памяць Кастуся Каліноўскага, раней насіла назву дзеяча часоў Другой сусьветнай вайны Сьмірнова. Перайменаваньне ў гонар Каліноўскага адбылося ў 2024 годзе.
Устаноўку і выраб мэмарыяльнай дошкі ініцыяваў дабрачынны фонд «Вільна Білорусь». https://smarturl.click/e5oWk
Адключэньне чарговых банкаў ад SWIFT, ліміт на перавод у ЭЗ больш за 100 тыс. эўра. Што азначаюць сэктаральныя санкцыі ЭЗ супраць Беларусі
Эўрапейская Рада сёньня прыняла дадатковыя сэктаральныя санкцыі, накіраваныя на фінансавы сэктар Беларусі:
абмежаваньне прадастаўленьня SWIFT Белаграпрамбанку, Банку Дабрабыт і Банку разьвіцьця Рэспублікі Беларусь, а таксама іх беларускім даччыным структурам;
забарона апэрацый з Нацыянальным банкам Беларусі, зьвязаных зь кіраваньнем рэзэрвамі або актывамі, а таксама прадастаўленьнем дзяржаўнага фінансаваньня для гандлю з Беларусьсю і інвэстыцый у Беларусь;
істотнае абмежаваньне фінансавых паступленьняў зь Беларусі ў ЭЗ, забарона прымаць дэпазыты, якія перавышаюць 100 000 эўра ад беларускіх грамадзян або рэзыдэнтаў Беларусі, трымаць рахункі беларускіх кліентаў у цэнтральных дэпазытарыях каштоўных папер ЭЗ, а таксама прадаваць каштоўныя паперы, намінаваныя ў эўра, беларускім кліентам;
забарана пастаўкі ў Беларусь банкнот эўра. https://smarturl.click/4kvGm
У Лёндане прайшла беларуска-ўкраінская канфэрэнцыя па эўраінтэграцыі
Канфэрэнцыя праходзіла ў Каралеўскім інстытуце абаронных дасьледаваньняў, яна была арганізаваная Warwick Ukraine-Belarus Hub у супрацы з Офісам Сьвятланы Ціханоўскай, «Украінскай прызмай», Унівэрсытэтам Warwick.
Як паведаміла прэсавая служба Офіса Ціханоўскай, асноўная тэма канфэрэнцыі – шляхі эўрапейскай інтэграцыі для Беларусі і Ўкраіны. Сярод удзельнікаў былі амбасадар Дырк Шубэль, былы прэм’ер Літвы Андрюс Кубілюс, эўрадэпутатка Мірыам Лексман, эўракамісар Віргініюс Сінкевічус, віцэ-прэзыдэнтка Globsec Алена Кудзько, Франак Вячорка і Дзяніс Кучынскі з Офісу Сьвятланы Ціханоўскай, Леся Руднік з «Цэнтру Новых ідэй», журналістка Ганна Любакова, дасьледчыцы Алена Карасьцялёва і Тацяна Чуліцкая.Канфэрэнцыя адбываецца ў Лёндане напярэдадні брытанскіх выбараў. Важна, каб Беларусь была ня толькі ў прыярытэтах палітыкі ЭЗ, але таксама і Вялікабрытаніі», – адзначыў Франак Вячорка. https://smarturl.click/RAX0l
Палітвязьня Цімура Рызапура будуць судзіць за «непадпарадкаваньне адміністрацыі калёніі»
Праваабаронцам «Вясны» стала вядома, што 10 ліпеня ў судзе Ленінскага раёна Магілёва над Цімурам Рызапурам распачнецца новы суд паводле ч. 2 арт. 411 КК (злоснае непадпарадкаваньне адміністрацыі калёніі).
Цімура Рызапура затрымалі 30 верасьня 2020 года ў Берасьці. Увечары 10 жніўня, калі ён вяртаўся з працы дадому, яго падстрэлілі гумавымі кулямі пяць разоў: адзін раз — у жывот і чатыры разы — у ягадзіцу. Пазьней яго абвінавацілі ва «ўдзеле ў масавых беспарадках» паводле ч. 2 арт. 293 КК.
Цімуру прызначылі 4,5 года зьняволеньня. Цяпер зноў будуць судзіць.
На фота зьлева Цімур Рызапур
«Вясна»: у беларускіх турмах яшчэ застаюцца ўкраінскія палітвязьні і асуджаныя за антываенную пазыцыю
Праваабаронца «Вясны» Павал Сапелка вітаў вызваленьне 5 палітвязьняў-украінцаў і заявіў:
«Мы падкрэсьліваем, што ў заняволеньні застаюцца яшчэ некалькі грамадзян Украіны, асуджэньне якіх зьвязана з рэалізацыяй імі правоў і свабод і ў тым ліку абумоўлена вайной, якая ідзе ва Ўкраіне. Мы таксама нагадваем пра дзясяткі беларусаў і беларусак, адвольна асуджаных у сувязі з іх антываеннай пазыцыяй або падтрымкай барацьбы Украіны з расейскай агрэсіяй. Вызваленьню гэтых людзей павінны і, як мы бачым, могуць спрыяць украінскія ўлады».
На фота: падчас сустрэчы вызваленых цывільных украінцаў у Кіеве
У Беларусі анамальная сьпёка
28 чэрвеня зафіксавалі 10 тэмпэратурных рэкордаў.
Найбольш сьпякотна было ў Вілейцы — 32,9 градуса вышэй за нуль. Ранейшы максымум складаў 32,4 градуса.
У Менску да паўтарэньня рэкорду дня не хапіла 0,1 градуса (31,4 супраць 31,5 у 2022 годзе).
Паводле прагнозу Белгідрамэта, сьпякотнае надворʼе на ўсёй тэрыторыі Беларусі захаваецца да 1 ліпеня, на паўднёвым усходзе — мінімум да 2 ліпеня.
Месцамі чакаецца да 35-36 градусаў.
На архіўным фота Менск у сьпёку.
https://smarturl.click/Zyez2
Запытайся ў Дубаўца. Ці не прывядзе крызіс у Каардынацыйнай Радзе да яе самаразбурэньня?
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
«Разбурэньне КР патрэбнае Лукашэнку і тым, хто праводзіць ягоную палітыку. Рада мусіць знайсьці сама сябе ў каардынатах гістарычнай пераемнасьці — ад Вярхоўнага Савету 12-га скліканьня, пасьля якога ні выбараў, ні парлямэнту ў Беларусі ўжо не было. У тым колішнім парлямэнце ішла ўнутраная барацьба, але ўсе антаганісты разумелі найпершую каштоўнасьць самога гэтага органу ўлады, пляцоўкі, безь якой усе іншыя тэмы і дэбаты правісаюць у паветры і страчваюць сэнс».
Думкі, выказаныя ў аўтарскіх рубрыках, перадаюць погляды аўтараў і не адлюстроўваюць пазыцыю рэдакцыі.
❓Задайце ваша пытаньне. Telegram: @SvabodaBelarus; Signal: +37068643669
Зьявілася відэа, як сустракалі вызваленых зь беларускіх турмаў украінцаў
Увечары 28 чэрвеня зьявілася навіна аб вызваленьні зь беларускіх калёній пяці палітзьняволеных.
Украінcкія ўлады дабіліся вызваленьня сваіх грамадзян па абмене як палонных.
Так на волі апынуліся Натальля Захаранка, Павел Купрыенка, Людміла Ганчарэнка, Кацярына Бруханава, а таксама фігурант «справы ў Мачулішчах» Мікалай Швец.
Офіс прэзыдэнта Ўкраіны апублікаваў відэа сустрэчы з вызваленымі.
Дэлегацыю Беларусі не дапусьцілі на сэсію Парлямэнцкай асамблеі АБСЭ ў Румыніі
Палата прадстаўнікоў Беларусі з гэтай нагоды выступіла з пратэстам.
Там назвалі нядопуск дэлегацыі «прыкладам адкрытай прадузятасьці і дыскрымінацыі».
Улады Румыніі не дапускаюць удзелу дэлегацый Расеі і Беларусі ў 31-й штогадовай сэсіі Парлямэнцкай асамблеі АБСЭ, якая пройдзе ў Бухарэсьце з 29 чэрвеня па 3 ліпеня.
Прычынай стала агрэсіўная вайна Расеі супраць Украіны, якую падтрымаў Аляксандар Лукашэнка.
https://smarturl.click/AdnjO
Каардынацыйная рада вырашыла, што адзінай мовай яе афіцыйных дакумэнтаў будзе беларуская
Рашэньне было ўхваленае аднагалосна.
Апрача таго Каардынацыйная рада прыняла зьмены ў статут, якія дазваляюць яго шараговым дэлегатам сумяшчаць мандат і пасаду ў Абʼяднаным пераходным кабінэце.
Што яшчэ вырашыла Каардынацыйная рада, і што гэта за орган, можна пачытаць тут:
https://smarturl.click/dpo56
Ва Ўкраіну вярнуліся 5 чалавек, затрыманыя ў Беларусі, у тым ліку абвінавачаны ў дывэрсіі супраць расейскага самалёта А-50
Украіна вярнула з расейскага палону 10 чалавек. Сярод іх пяць чалавек, затрыманыя на тэрыторыі Беларусі.
Пра гэта паведаміў сёньня прэзыдэнт Украіны Ўладзімір Зяленскі. Ён падзякаваў Ватыкану за ролю ў вызваленьні людзей.
«Яшчэ пяць цывільных, якія былі захопленыя на тэрыторыі Беларусі і пазбаўленыя свабоды: Мікалай Швец, Натальля Захаранка, Павал Купрыенка, Людміла Ганчарэнка і Кацярына Бруханава. Усе яны ўжо вызваленыя і дома — ва Ўкраіне», — напісаў Зяленскі. https://smarturl.click/e5o65
Навошта Лукашэнка мяняе чыноўнікаў. Вынікі тыдня з Карбалевічам
27 чэрвеня Аляксандар Лукашэнка зрабіў кадравыя прызначэньні ва ўрадзе і ў сваёй адміністрацыі. Міністар замежных спраў Расеі Сяргей Лаўроў наведаў Беларусь. А МЗС Кітая падае сыгнал Беларусі ў пытаньнях мігранцкага крызісу. Палітычны аглядальнік Свабоды Валер Карбалевіч падводзіць вынікі тыдня. https://www.youtube.com/watch?v=DKKfW554Jio