17325
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Ад пачатку расейскага ўварваньня колькасьць зьнішчанага агнём лесу ва Ўкраіне вырасла ў 30 разоў, Каб іх аднавіць, спатрэбяцца намаганьні пакаленьняў
З агульнай плошчы ўкраінскіх лясоў у 10,4 мільёна гектараў амаль 3 мільёны гектараў лясоў пацярпелі ад баявых дзеяньняў. Канфлікт зьнішчыў 800 000 гектараў украінскага лесу.
Так, у пачатку вайны расейскія войскі захапілі Нацыянальны прыродны парк «Сьвятыя горы». Калі ў верасьні 2022 году ўкраінскія сілы вярнулі парк, там усё было абвуглена, усеяна варонкамі ад снарадаў, перарыта акопамі і траншэямі, усыпана наземнымі мінамі і неразарванымі боепрыпасамі. Праз 2 гады ад іх разгарэўся буйны пажар, які выпаліў 7000 гектараў парку:
Больш пра экацыд ва Ўкраіне: https://smarturl.click/W3ZlD
Пасьля Пуціна. Калі ў Беларусі скончыцца дыктатура
Менск становіцца татальна залежным ад Масквы ва ўсім — і ў эканоміцы, і ў ваеннай сфэры, і ва ўнутранай палітыцы. А ці здольны Лукашэнка захаваць у Беларусі рэпрэсіўны дыктатарскі рэжым у выпадку, калі ў Расеі адбудуцца істотныя палітычныя зьмены? — Пра гэта разважае Віктар Багдзевіч, узгадваючы прыклады з гісторыі:
https://smarturl.click/mpRYm
85 год таму СССР напаў на Фінляндыю
30 лістапада 1939 году пачалася савецка-фінская вайна. Чырвоная армія ўварвалася ў Фінляндыю і разьлічвала на хуткую перамогу, але супрацьстаяньне зацягнулася. Яно каштавала СССР значных ваенных стратаў і паказала нізкую баяздольнасьць савецкага войска. У вайне быў і беларускі акцэнт.
Пра іншыя падзеі 30 лістапада ў гісторыі чытайце ў матэрыяле «Ўжо сёньня»: https://smarturl.click/aJoYq
🔥 Рэкорд курсу даляра, Лукашэнка ў Пакістане. Вынікі тыдня
Лукашэнка наведаў Пакістан на фоне грамадзкіх пратэстаў і чарговы саміт АДКБ у Астане. Даляр у беларускіх абменьніках зноў падаражэў. Падзеі тыдня тлумачыць палітычны аглядальнік Свабоды Валер Карбалевіч.
https://www.youtube.com/watch?v=cdU1Rj2hbfA
Куды за мяжу едуць вучыцца беларускія студэнты. Апублікавалі дадзеныя
Колькасьць студэнтаў у Беларусі зьніжаецца прыкладна на 5% за год. За апошнія 10 гадоў ад 400 тысяч студэнтаў засталося крыху больш за 200 тысяч.
https://smarturl.click/yqBzk
Гэты шчэбневы завод ва Ўкраіне належаў Беларусі, а цяпер там кіруе кіеўская кампанія. Што пра яе вядома
Да вайны завод належаў Гомельскаму гарадзкому дарожнаму будаўніча-рамонтнаму трэсту. Яго актывы арыштавалі пасьля расейскага ваеннага ўварваньня. Завод не працаваў з 2022 году. Але і датуль прадпрыемства не было сярод пасьпяховых.
https://smarturl.click/G6abg
Падпісвайцеся на Свабоду ў radio_svaboda">TikTok!
Там вы знойдзеце шмат цікавых кароткіх відэа на розныя тэмы. Відэа апошняга тыдня:
👆🏻 Чаму мы пішам «кляса»? Тлумачым гэтае правіла «тарашкевіцы» (гл. відэа вышэй)
👉🏻 Лёс Язэпа Драздовіча. radio_svaboda/video/7440540371471420728">Расказваем пра аднаго з найбольш знакамітых беларускіх мастакоў
👉🏻 Расказваем, radio_svaboda/video/7441282864450145591">чаму Лукашэнка зноў узяўся за «дармаедаў»
👉🏻 Ці разумеюць беларусы ўкраінскую мову? radio_svaboda/video/7441639056775122232">Праверце сябе
👉🏻 Праўладныя блогеры: radio_svaboda/video/7442011416250404152">глядзім, што зь імі стала пасьля 2020 году
👉🏻 Чаму ў Беларусі расьце даляр і чаго чакаць далей? radio_svaboda/video/7442373590453996856">Што пра гэта кажуць эканамісты
Ідзе галасаваньне за «Беларускае слова 2024 году». Яно мае быць зусім новае ці з новым значэньнем, магчымы і выбар ужо вядомага, але важнага сёлета слова. Кароткі сьпіс 10 словаў-прэтэндэнтаў уклалі экспэрты і чытачы сацыяльных сетак. Галасуйце!
Читать полностью…
На мяжы Беларусі з ЭЗ зноў чэргі. Выезду ў эўрапейскія краіны чакаюць больш за 2 тысячы грузавікоў
З 1 сьнежня 2024 году Літва ўводзіць электронныя чэргі для грузавікоў на межах зь Беларусьсю.
https://smarturl.click/0ena8
Фармальна беларускі бізнэс застанецца прыватным, але стане яшчэ больш кантраляваным, — эканаміст Кавалкін
Эканаміст Уладзімер Кавалкін аналізуе, што адбываецца з курсам беларускага рубля, і дае свой адказ на пытаньне, ці сапраўды ўлады будуць прызначаць сілавікоў кіраваць прыватнымі прадпрыемствамі.
https://smarturl.click/gpadD
Паліцыя разагнала антыўрадавыя пратэсты ў Тбілісі. Шмат затрыманых
Пасьля заявы прэм’ер-міністра Грузіі Іраклія Кабахідзэ пра згортваньне эўраінтэграцыі краіны ў Грузіі з новай сілай пачаліся антыўрадавыя пратэсты. Улады адказалі сілавым разгонам. Ёсьць пацярпелыя, у тым ліку журналісты.
https://smarturl.click/Ado8O
75 гадоў таму ў савецкай ссылцы памёр Адам Станкевіч
Адам Станкевіч — беларускі каталіцкі сьвятар, грамадзкі дзеяч, гісторык, літаратар. Аўтар артыкулаў пра Вітаўта, Скарыну, Каліноўскага і іншых выбітных дзеячоў беларускай гісторыі.
Адзін з заснавальнікаў у Вільні беларускай друкарні імя Францішка Скарыны (1926—1940), у якой выдадзена ня менш за 146 найменьняў беларускіх рэлігійных і сьвецкіх кніг, Беларускага каталіцкага выдавецтва. Памёр у 1949 годзе ў савецкай ссылцы.
Пра іншыя падзеі гэтага дня ў гісторыі чытайце ў матэрыяле «Ўжо сёньня»: https://smarturl.click/LYVol
«Можна падумаць, рэпрэсіі спыніліся». Праваабаронцы заўважылі новую тактыку ўладаў у асьвятленьні барацьбы з палітычнымі апанэнтамі
«„Пакаяльныя відэа“ — непрымальнае відовішча, абразьлівае для затрыманых людзей. Але праваабаронцы атрымлівалі дадатковую інфармацыю пра маштабы рэпрэсій у Беларусі. Цяпер затрыманых не паказваюць. Можа, гэта зьвязана з так званымі „выбарамі“, каб не ўзбуджаць людзей. Але рэпрэсіі не спыніліся. Мы ўсё ведаем, праз розныя каналы. Сілавікам ня ўдасца схаваць свае злачынствы».
❗️❗️Як расейскія вайскоўцы стварылі ў Нароўлі фільтрацыйны лягер на пачатку поўнамаштабнай вайны. РАСЬСЬЛЕДАВАНЬНЕ
Расейскія вайскоўцы на пачатку поўнамаштабнай вайны стварылі ў Нароўлі фільтрацыйны лягер. Яго дакладнае месцазнаходжаньне ў Беларусі удалося знайсьці падчас расьсьледаваньня, праведзенага журналістамі Беларускага расьсьледніцкага цэнтру сумесна зь беларускай рэдакцыяй Радыё Свабода і ўкраінскім выданьнем «Схемы». Лягер разьмяшчаўся на тэрыторыі дзяржаўнага прадпрыемства «Прыпяцкі альянс».
Празь яго праходзілі як украінскія вайскоўцы, так і цывільныя, якіх падазравалі ў працы на ўкраінскія спэцслужбы. Некаторыя праваабаронцы назвалі гэты лягер адным з самых жорсткіх у стаўленьні да палонных. Падрабязьней у расьсьледаваньні:
https://smarturl.click/dpEZE
6% жыхароў Беларусі маюць інваліднасьць, дзяцей з інваліднасьцю 17 тысяч
У Беларусі пражывае больш за 549 тысяч людзей з інваліднасьцю, гэта 6% насельніцтва краіны, паведаміла намесьніца міністра працы і сацыяльнай абароны Марына Арцёменка. Найбольш людзей маюць II групу інваліднасьці — 225,3 тысячы чалавек, самая малалікая — I група:
https://smarturl.click/8E298
❓Запытайся ў Дубаўца. Чаму ў беларусаў няма эмпатыі да суайчыньнікаў? Катуюць у турмах, абражаюць, чыняць усякія прыкрасьці...
25 гадоў на Радыё Свабода Сяргей Дубавец знаходзіць сэнсы беларускага жыцьця і адказвае на вашы пытаньні.
На маю думку, трэба адрозьніваць беларусаў ад тых, што пачуваюцца расіянамі, не беларусамі. Мы бачым, як расіяне з аднолькавай лютасьцю забіваюць як украінцаў, так і сваіх суайчыньнікаў. Цяжка ў расіянаў знайсьці масавыя праявы салідарнасьці, чаго ў беларусаў мы маем мноства прыкладаў. Салідарнасьць — якраз тое, што адрозьнівае беларускую нацыю ад расейцаў як імпэрскага народу. Колеры нашай салідарнасьці і эмпатыі бел-чырвона-белыя.
💌 «Гісторыі тыдня» — зьбіраем для вас самае цікавае ў адным лісьце!
Сёньня расказваем пра фільтрацыйны лягер для ўкраінцаў у Нароўлі (у 2020-ым), як беларусы трапляюць у базы вышуку Расеі, СНД і Інтэрполу, пра новую тактыку ўладаў перад выбарамі, чаго чакаць ад росту даляра, як мяняецца беларуская адукацыя, як творцы прыдумляюць будучыню і шмат што яшчэ!
Падпісвайцеся і чытайце: http://eepurl.com/ijMaIv
Вынесьлі прысуд у справе аб выбуху на Сьветлагорскім ЦКК
У выніку выбуху, які адбыўся у 2023 годзе, загінулі трое чалавек — супрацоўнікі прадпрыемства ва ўзросьце 31, 24 і 42 гадоў.
Па факце трагедыі крымінальную справу ўзбудзілі супраць намесьніка начальніка цэху.
https://smarturl.click/M1RMb
Чарговая краіна ў Эўропе дазволіла эўтаназію
Галасаваньню ў парлямэнце папярэднічалі напружаныя дэбаты, якія доўжыліся больш за пяць гадзін. Праціўнікі законапраекту выказвалі асьцярогі, што невылечна хворыя людзі будуць прасіць аб эўтаназіі не з уласнага жаданьня, а каб ня быць клопатам сваякам або пазбавіць іх выдаткаў на догляд хворага.
https://smarturl.click/op3Ya
Як прыдумляюць будучыню. Расказвае пісьменьніца Заміроўская
Ці можна сказаць, што творцы – пісьменьнікі, мастакі, стваральнікі кіно – прыдумляюць той сьвет, у якім мы жывем – у тым ліку новыя тэхналёгіі і сацыяльныя нормы? Пра гэта ў падкасьце «Куды коціцца сьвет» расказвае пісьменьніца Тацяна Заміроўская.
https://youtu.be/Np4ASIdhryI
У Парыжы пасьля рэстаўрацыі ўпершыню адчыніў дзьверы сабор Нотр-Дам
На адкрыцьці выступіў прэзыдэнт Францыі Эманюэль Макрон. Першапачаткова ён плянаваў выступіць унутры сабору. Гэта выклікала рэзкія пратэсты грамадзкасьці, якая нагадала, што царкоўныя будынкі не павінны выкарыстоўвацца для палітычных сходаў і выступаць унутры сабору не дазвалялася нават францускім каралям.
https://smarturl.click/JD0bD
Як у Беларусі фальшуюць выбары. 15 спосабаў падману
«У Беларусі няма выбараў у звыклым для ўсяго астатняга сьвету разуменьні гэтага слова. Гэты працэс нават нельга назваць фальсыфікацыямі ў звычайным сэнсе. Тут ствараецца проста нейкі паралельны сьвет падману і хлусьні»,— піша Валер Карбалевіч.
https://smarturl.click/8E2q7
Чужы тарпанападобны конь замест свайго палескага. Што за жывёлу спрабуюць расьсяліць па Беларусі
Калісьці дзікія тарпаны служылі ў коньніцы Вялікага Княства Літоўскага. Потым яны вымерлі. Пяць гадоў таму ў Беларусь завезьлі тарпанападобных коней. Там, дзе яны жывуць, можа стаць больш качак і кірляў, алені і зубры атрымаюць доступ да лепшага харчу. Але гэта не нашчадкі тарпанаў, а новы штучны від. Свабода пагаварыла з эколягам пра тое, чаму добра расьсяляць гэтых коней па Беларусі, а чаму ня вельмі.
https://smarturl.click/Zy8Z2
У Кіеве пасьля расейскай атакі дронамі пацярпела паліклініка. У Расеі зноў гараць нафтабазы
У выніку апошняй расейскай атакі на энэргетыку Ўкраіны атамныя электрастанцыі зьнізілі магутнасьць працы. Па ўсёй краіне ўвялі графікі адключэньня электраэнэргіі.
Празь некалькі гадзін пасьля гэтага ўдару Расея пачала новую атаку дронамі.
https://smarturl.click/67kRB
«Беларуская апазыцыя мае добрыя шанцы». Падаляк пра перамовы з дарадцам Ціханоўскай і магчымасьць пераменаў у Беларусі
На думку дарадцы Офіса прэзыдэнта Ўкраіны, прадстаўнікі беларускіх дэмакратычных сілаў атрымалі легітымнасьць «праз працэдуру выбараў 2020 году» і маюць пэўны ўплыў, «асабліва сярод маладога пакаленьня, якое не падтрымлівае архаічнага рэжыму Лукашэнкі».
https://smarturl.click/Zy8OY
Ковід, вайна, шок. Як і чаму ў Беларусі адбываюцца скачкі курсу даляра
Даляр у беларускіх абменьніках зноў падаражэў. Курс амэрыканскай валюты расьце кожныя таргі, пачынаючы з 11 лістапада. Расказваем, чаму гэта адбываецца і ад чаго залежалі скачкі курсу апошнія 10 гадоў.
https://smarturl.click/dpEd6
Грузчыкі і рознарабочыя замест праграмістаў і распрацоўнікаў: паглядзелі, як цяпер выглядае рынак працы і якія работнікі найбольш запатрабаваныя ў Беларусі.
Читать полностью…
Галоўнае за 28 лістапада
❗️Расьсьледаваньне: Як расейскія вайскоўцы стварылі ў Нароўлі фільтрацыйны лягер на пачатку вайны ва Ўкраіне
🗣 «Можна падумаць, рэпрэсіі спыніліся». Праваабаронцы заўважылі новую тактыку ўладаў у асьвятленьні барацьбы з палітычнымі апанэнтамі
👫 Разарваныя сем’і. Як беларусы, якія ня могуць прыехаць на радзіму, сустракаюцца з блізкімі на нэўтральнай тэрыторыі
🎥 Расказваем, як беларускія ўлады спрабавалі скапіяваць выбарчы досьвед Ціханоўскага і што з гэтага атрымалася
💰 Даляр на менскай біржы падаражэў на 6 капеек, эўра — на 12. Якія курсы ў абменьніках
🙍🏻♀️ «Робяць усё, каб не было мараў». Лекары дасьледавалі, як беларуская турма ўзьдзейнічае на жаночае здароўе
🙍🏻♂️ Палітзьняволенага журналіста Ігара Карнея зноў будуць судзіць
🚀 Пуцін у Астане папярэдзіў пра новыя ўдары ракетамі «Арэшнік» па Ўкраіне. Лукашэнка прапанаваў разьмясьціць іх у Беларусі
✍🏻 Пра рытуальны саміт АДКБ у Астане і амбіцыйныя прапановы Лукашэнкі разважае аналітык
📚 Крамлёўскі інстытут прапануе перапісаць гісторыю Беларусі на аснове ідэяў «рускага сьвету» і «адзінага народу», — «Бюро»
Фільтрацыйны лягер у Нароўлі. Новыя падрабязнасьці
Журналісты Беларускага расьсьледніцкага цэнтру (БРЦ) сумесна зь беларускай рэдакцыяй Радыё Свабода і ўкраінскім выданьнем «Схемы» вызначылі месцазнаходжаньне расейскага фільтрацыйнага лягера на тэрыторыі Беларусі. Ён разьмяшчаўся ў горадзе Нароўля, што за 40 кілямэтраў ад украінскай мяжы, і дзейнічаў на пачатку поўнамаштабнага расейскага ўварваньня ва Ўкраіну ў 2022 годзе.
Пра гэты лягер у праграме «ПіК Свабоды» расказаў кіраўнік БРЦ Станіслаў Івашкевіч:
🎥 ВІДЭА цалкам: https://youtu.be/LKzx6jSFONc
Эўрапарлямэнт не прызнаў вынікі выбараў у Грузіі. Грузія прыпыняе перамовы па ўступленьні ў ЭЗ да 2028 году
Эўрапарлямэнт зацьвердзіў рэзалюцыю, якая не прызнае вынікі парлямэнцкіх выбараў у Грузіі і заклікае да незалежнага, міжнароднага і празрыстага расьсьледаваньня абвінавачаньняў у маніпуляцыях з вынікамі галасаваньня 26 кастрычніка, а таксама да правядзеньня новых выбараў.
Тым часам прэм'ер Грузіі заявіў, што краіна адмаўляецца ад перамоваў аб уступленьні ў Эўразьвяз да 2028 году і ад усіх бюджэтных грантаў з боку ЭЗ:
https://smarturl.click/Zy8RW