16743
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Збор на калядныя падарункі дзецям палітвязьняў пасьпяхова закрыўся
Фонду ўдалося сабраць 25 125 эўра з патрабаваных € 24 800, то бок перавысіць плянаваную суму збору.
https://smarturl.click/G61vd
«Перасьлед выйшаў за межы Беларусі». Праваабаронцы паведамілі, як у 2024 годзе рэжым рэпрэсаваў людзей у выгнаньні
На фоне падрыхтоўкі да чарговых прэзыдэнцкіх выбараў беларускія ўлады узмацняюць рэпрэсіі супраць грамадзян ня толькі ўнутры краіны, але і тых, хто быў вымушаны зьехаць за мяжу празь перасьлед.
https://smarturl.click/Q15QY
Байдэн даручыў Пэнтагону нарошчваць пастаўкі ўзбраеньняў Украіне паскоранымі тэмпамі
Заява прагучала пасьля вестак аб нанясеньні Расеяй масіраваных удараў па ўкраінскай энэргасыстэме.
https://smarturl.click/B6nwj
Засакрэчаныя прысуды, запалоханыя адвакаты. Як у Беларусі праходзяць суды над тымі, хто пасьпеў зьехаць за мяжу
Падсудныя ня ведаюць сутнасьці абвінавачваньняў. Прызначаныя адвакаты баяцца кантактаваць са сваімі падабароннымі. Юрысты патлумачылі Свабодзе, што ня так з завочнымі судамі.
https://smarturl.click/l5lwq
Галоўнае за 25 сьнежня
🛩 У Казахстане разьбіўся пасажырскі самалёт азэрбайджанскіх авіяліній
🚨 У пракуратуру зноў выклікаюць беларусаў, якія раней заплацілі за свае данаты
⛓️ Кіраўніку зьліквідаванай партыі «Зялёныя» Зьмітру Кучуку прысудзілі 6 гадоў калёніі
🎄 Як сустрэлі Каляды ў Беларусі і іншых краінах. ФОТА
🏍 Кандыдаты ў прэзыдэнты Беларусі апублікавалі дэклярацыі. У Гайдукевіча два матацыклы і машына, а Лукашэнка маёмасьці не пазначыў зусім
🇨🇿 «Хацелася б ведаць, што некалі мы зможам паказаць свае працы». Беларус у Чэхіі дапамагае мастакам на эміграцыі і зьбірае калекцыю іх твораў
📜 «Гісторыя на Свабодзе». Абруселыя літоўскія князі былі носьбітамі культуры, на падставе якой ўзьнікла беларуская нацыя — Аляксандар Груша
🏗 «Я б хацеў вярнуцца ў Беларусь і рабіць нашыя гарады лепшымі» — былы палітзьняволены Ільля Трахтэнберг у праекце «Скрадзеная маладосьць»
Як сустрэлі Каляды ў Беларусі і іншых краінах. ФОТА
✝️ 25 сьнежня каталіцкія, грэка-каталіцкія, пратэстанцкія, а таксама значная частка праваслаўных вернікаў сьвяткуюць Божае Нараджэньне.
Прыход Ісуса Хрыста (Езуса Хрыстуса) на сьвет у Бэтлееме лічыцца адным з асноўных сьвятаў хрысьціянскага сьвету. Свабода паглядзела, як сёлета сустрэлі вялікі дзень хрысьціяне на плянэце.
📸 Больш здымкаў у нашай галерэі: https://smarturl.click/5Ovjp
Асыміляцыя балтаў славянамі — ключ да разуменьня ВКЛ?
Хто такія праваслаўныя літвіны? Ці былі такія ў Вялікім Княстве Літоўскім? Што гісторыкі разумеюць пад паняцьцем «Русь» у XVI стагодзьдзі і ці была Русь на тэрыторыі сучаснай Беларусі? Пра гэта і пра іншае мы гаворым з доктарам гістарычных навук, супрацоўнікам Інстытуту гісторыі Польскай акадэміі навук Аляксандрам Грушам.
ВІДЭА: https://www.youtube.com/watch?v=-c1r7RRdYFA
У Амстэрдаме агучылі прысуды ў справе нападаў на ізраільцянаў пасьля футбольнага матчу
Суд у Амстэрдаме прызначыў турэмныя тэрміны да паўгода чатыром абвінавачаным у справе аб нападах на заўзятараў ізраільскага футбольнага клюбу «Макабі», які адбыўся ў горадзе ў пачатку лістапада. Яшчэ адзін падсудны, якому 19 гадоў, атрымаў 100 гадзінаў грамадзкіх працаў.
Ёсьць тыя, хто палічыў вырак занадта лагодным.
https://smarturl.click/nyMJ4
Кіраўніку зьліквідаванай партыі «Зялёныя» Зьмітру Кучуку прысудзілі 6 гадоў калёніі
Таксама яму прызначылі 500 базавых велічыняў штрафу. З улікам яе павелічэньня ад 1 студзеня, гэта 21 тысяча рублёў.
https://smarturl.click/4kWVX
Кандыдаты ў прэзыдэнты Беларусі апублікавалі дэклярацыі. У Гайдукевіча два матацыклы і машына, а Лукашэнка маёмасьці не пазначыў зусім
Лукашэнка традыцыйна паказаў у дэклярацыі, што нібыта не валодае ніякай маёмасьцю: ні нерухомасьцю, ні транспартнымі сродкамі. А побач зь ім пазначаная жонка, зь якой, паводле ранейшай інфармацыі, ён не жыве ўжо шмат гадоў.
⚠️ Выбары ў Беларусі адбываюцца ва ўмовах палітычнага крызісу, шырокамаштабных рэпрэсій і, паводле міжнародных арганізацый, носяць несвабодны і недэмакратычны характар. У Беларусі не засталося афіцыйна зарэгістраваных апазыцыйных партый і незалежных грамадзкіх арганізацый.
https://smarturl.click/z2WZZ
У Казахстане разьбіўся пасажырскі самалёт азэрбайджанскіх авіяліній
Азэрбайджанскі авіяляйнэр разьбіўся ў горадзе Актаў у Казахстане. Міністэрства надзвычайных сытуацый Казахстану паведамляе, што 42 чалавекі, праўдападобна, загінулі. Колькасьць ахвяр, як і агульную колькасьць пасажыраў, якая была на борце, яшчэ будзе ўдакладняцца.
❗️ Інфармацыя абнаўляецца тут: https://smarturl.click/4kWGY
Ужо сёньня: 25 сьнежня вернікі бальшыні хрысьціянскіх цэркваў сьвяткуюць Божае Нараджэньне
Каталіцкія, грэка-каталіцкія, пратэстанцкія, а таксама значная частка праваслаўных вернікаў сьвяткуюць Божае Нараджэньне.
Іншыя падзеі гэтага дня — у матэрыяле «Ўжо сёньня»: https://smarturl.click/O04xo
«Чым больш хісткая пазыцыя аўтакрата, тым мацнейшая ў яго патрэба імітаваць народную падтрымку», — Рудкоўскі
Палітоляг Пётра Рудкоўскі адказвае на пытаньне, навошта ўладзе ажно 5 кандыдатаў у гэтай выбарчай кампаніі, разважае пра ролю Ганны Канапацкай і прагназуе, якія зьмены ў Беларусі адбудуцца пасьля 26 студзеня.
https://smarturl.click/kjM86
У Беларусі за «экстрэмізм» асудзілі грамадзяніна, які 11 гадоў таму запусьціў кампанію віншаваньня вэтэранаў
Праваабарончы цэнтар «Вясна» паведаміў, што ў Беларусі за «экстрэмізм» асудзілі ўраджэнца Валожына Нікадзіма Бельскага, які 11 гадоў таму натхніў моладзь адпраўляць паштоўкі вэтэранам да 9 траўня.
Праваабаронцы мяркуюць, што днямі ён ехаў у госьці ў Беларусь і на літоўска-беларускай мяжы трапіў пад пільную ўвагу сілавікоў — яго імя зьявілася 24 сьнежня ў судзе Верхнядзьвінскага раёну з абвінавачаньнем у «распаўсюдзе экстрэмісцкіх матэрыялаў» (ч. 2 арт. 19.11 КаАП).
https://smarturl.click/l5lBg
Урад Украіны прапанаваў выключыць беларускую мову зь пераліку тых, якія патрабуюць абароны і падтрымкі
Урад Украіны на пасяджэньні 24 сьнежня ўхваліў законапраект аб унясеньні зьменаў у некаторыя законы ў сувязі з абнаўленьнем афіцыйнага перакладу Эўрапейскай хартыі рэгіянальных або мінарытарных моў.
Цяпер беларуская мова ня будудзе лічыцца мовай меншасьцяў, якая патрабуе асобнай абароны і падтрымкі ва Ўкраіне.
Беларуская мова — адзіная сярод тытульных моваў дзяржаваў постсавецкай прасторы, якой пагражае зьнікненьне.
https://smarturl.click/dpM5o
На пратэстах пасьля прэзыдэнцкіх выбараў у Мазамбіку загінуў ужо 121 чалавек
Праз два дні пасьля абвяшчэньня вынікаў выбараў у Мазамбіку сытуацыя ў паўднёва-ўсходняй афрыканскай краіне абвастраецца. З турмы строгага рэжыму ўцяклі зьняволеныя.
https://smarturl.click/z2WE8
«Гэты год паказаў рост цікавасьці да беларускай гісторыі». Гісторыкі пра вынікі 2024 году
2024 год стаў багатым на падзеі ў сфэры беларускай гістарычнай навукі і адукацыі. У Эўрапейскім гуманітарным унівэрсытэце была заснаваная праграма «Гісторыя», выйшлі дзясяткі гістарычных кніг ня толькі ў Беларусі і эўрапейскіх краінах, але і за акіянам, у Злучаных Штатах Амэрыкі.
https://smarturl.click/O04Ae
Тлумачым з Гурневічам. Адкуль узялася фраза «чай з малінавым варэньнем»? Відэа
Многія беларусы ведаюць мэм пра «чай з малінавым варэньнем». Гэта была рэпліка Лукашэнкі на анонс жорсткага пытаньня ад польскага журналіста ў 2015 годзе. На той сустрэчы прысутнічала і Арлета Бойкэ, тагачасная карэспандэнтка польскай грамадзкай тэлевізіі TVP. У інтэрвію «Свабодзе» яна разважае пра прапаганду Лукашэнкі і Пуціна і тое, як зь ёй змагацца.
ВІДЭА: https://youtu.be/3dwMna0Y7FY
Дзень памяці Баляслава Пачопкі, Язэпа Германовіча, Міколы Касьпяровіча і Антона Ждановіча
26 сьнежня 1937 году ў Менску бальшавікі расстралялі актора Антона Ждановіча (Антука Крыніцу) і этнографа і мовазнаўцу, галоўнага завадатара краязнаўчага руху Мікалая Касьпяровіча. У гэты ж дзень у 1940 году памёр пад сьледзтвам НКВД Баляслаў Пачопка (на выяве) — уніяцкі сьвятар, сталы аўтар «Нашай Нівы», рэдактар-выдавец першай каталіцкай газэты «Biełarus».
У 1978 годзе пайшоў у іншы сьвет Язэп Германовіч (Вінцук Адважны), сьвятар, пісьменьнік, вязень ГУЛАГу, дзеяч паваеннай эміграцыі ў Вялікай Брытаніі.
Больш падзей гэтага дня ў гісторыі — у матэрыяле «Ўжо сёньня»: https://smarturl.click/W3Mme
Легендарны беларускі футбаліст Сяргей Алейнікаў знайшоў працу ў Баўгарыі
Сяргей Алейнікаў падпісаў кантракт на 2 гады зь «Лякаматываў» з гораду Плоўдзіў. Ён будзе працаваць у гэтым клюбе спартовым дырэктарам.
🇧🇬 Што яшчэ вядома?
https://smarturl.click/YzM5m
Арцём Шрайбман: Сёлетні год быў паваротным
Як расейска-украінскі канфлікт адбіўся сёлета на палітыцы Лукашэнкі і пазыцыі дэмсілаў? Што ў стратэгічным балянсе ў Эўропе мяняюць ядзерныя гарантыі Расеі для Беларусі? Ці патрэбны Беларусі ўдзел у гіпатэтычных мірных перамовах па Ўкраіне? На пытаньні Юрыя Дракахруста адказвае палітычны аналітык Арцём Шрайбман.
ПОЎНАЕ ВІДЭА: https://youtu.be/cPKOmvWWNtY
У хвасьце самалёту, які разьбіўся ў Казахстане, знайшлі шмат дзірак
Азэрбайджанскія Telegram-каналы апублікавалі відэа задняй часткі пасажырскага самалёту, які разьбіўся пад Актаў. У хвасьце шмат дзірак. Пра іх паходжаньне спрачаюцца, але дакладнай інфармацыі няма.
На борце было 67 чалавек, загінуў увесь экіпаж, 29 пасажыраў выжылі, але частка ў цяжкім стане ў шпіталях.
Падрабязнасьці тут, матэрыял абнаўляецца: https://smarturl.click/4kWGY
Здымак зь відэа азэрбайджанскіх тэлеграм-каналаў, зьнятага на месцы крушэньня
Вугорскі архіў апублікаваў невядомыя раней здымкі Румынскай рэвалюцыі, якая зрынула дыктатара Чаўшэску
Падзеі, якія паклалі канец камуністычнай дыктатуры ў Румыніі, пачаліся 35 гадоў таму ў Тымішаары. Менавіта ім прысьвечаныя знойдзеныя здымкі.
Іншыя здымкі тут: https://smarturl.click/EejMg
У пракуратуру зноў выклікаюць беларусаў, якія раней заплацілі за свае данаты
Дэталі новага перасьледу пакуль невядомыя. Раней людзей прымушалі «добраахвотна» выплаціць суму, якая ў некалькі разоў перавышала іхныя ахвяраваньні на розныя пратэставыя ініцыятывы.
https://smarturl.click/w9M6n
«Я б хацеў вярнуцца ў Беларусь і рабіць нашыя гарады лепшымі» — былы палітзьняволены Ільля Трахтэнберг у праекце «Скрадзеная маладосьць»
«Мне зь дзяцінства была цікавая архітэктура. У Савецкай Беларусі мой прадзед Навум Яфімавіч Трахтэнберг быў вядомым архітэктарам. Ён будаваў Менск пасьля вайны. Архітэктарам быў і мой дзед», — кажа Ільля.
У фільме Свабоды «Скрадзеная маладосьць» ён расказаў пра затрыманьне, час у калёніі, а таксама пра тое, чым займаецца цяпер і пра што марыць.
ТЭКСТ: https://smarturl.click/l5lD1
ВІДЭА: https://youtu.be/fmlilhDu8vI
«Хацелася б ведаць, што некалі мы зможам паказаць свае працы». Беларус у Чэхіі дапамагае мастакам на эміграцыі і зьбірае калекцыю іх твораў
«Мы з жонкай жывем на зарплату. Таму ня можам шмат грошай выдаткоўваць. Але па магчымасьці набываем карціны беларускіх мастакоў на выгнаньні. Тым самым мы даём ім працу — бо за гэтыя грошы яны набудуць пэндзлі, фарбы, паперу. Мы ня хочам, каб гэтыя імёны таленавітых людзей зьніклі. Маем надзею, што з часам гэтая калекцыя вернецца ў Беларусь». Беларус — пра збор калекцыі карцін мастакоў на выгнаньні.
https://smarturl.click/qlMO9
Расейская армія нанесла ўдар па Крывым Рогу. Ракета трапіла ў жылы дом
Паводле мясцовых уладаў пацярпелі мінімум 13 жыхароў, загінуў адзін чалавек. Ратавальныя работы працягваюцца.
Раней Паветранаыя сілы УСУ абвяшчалі паветраную трывогу, зьвязаную з імаверным выкарыстаньнем расейскімі вайскамі балістычнай зброі і набліжэньнем хуткаснай цэлі да Крывога Рогу.
Фота наступстваў удару: Reuters
Старшыня Рады Беларускай Народнай Рэспублікі Івонка Сурвіла павіншавала беларусаў з Калядамі
«Не пакідайце веры ў будучыню! Толькі вера, што кашмар ня вечны, што прыйдзе час, калі і яму прыйдзе канец, дазволіць нам дачакацца нашай вольнай дзяржавы, у якой і нам будзе дадзена „людзьмі звацца“! Прыгожа кажа пра гэта наш Васіль Быкаў: без спадзеву на сьвятло і цяпло, на свой дом і сваю сям’ю — у гэтым драпежным сьвеце нікому няма і ня будзе жыцьця. А мне ўжо восемдзесят гадоў гэты спадзеў памагае жыць», — адзначаецца ў віншаваньні Івонкі Сурвілы.
https://smarturl.click/mpM79
270$ на лячэньне аднаго чалавека ў год. Што хаваюць улады пра праблемы ў мэдыцыне
Вэрхал у шпіталях праз прымус галасаваць за Лукашэнку, усё большы кантроль дзяржавы над прыватнай мэдыцынай, рэгуляваньне цэн на мэдычныя паслугі, эміграцыя мэдыкаў. Падсумоўваем вынікі 2024 году ў мэдыцыне разам з намесьнікам прадстаўніцы Аб’яднанага пераходнага кабінэта ў сацыяльнай палітыцы, доктарам Станіславам Салаўём і каардынатаркай Фонду мэдычнай салідарнасьці, доктаркай Лідзіяй Тарасенкай.
Глядзіце гутарку цалкам: https://youtu.be/DJRj9m25F2Y
Кандыдаты на выбарах-2025
23 сьнежня Цэнтральная выбарчая камісія (ЦВК) Беларусі зарэгістравала пяцёх кандыдатаў у прэзыдэнты: Аляксандра Лукашэнку, Алега Гайдукевіча, Сяргея Сыранкова, Ганну Канапацкую і Аляксандра Хіжняка. Расказваем, хто яны.
Выбары ў Беларусі адбываюцца ва ўмовах палітычнага крызісу, шырокамаштабных рэпрэсій і, паводле міжнародных арганізацый, носяць несвабодны і недэмакратычны характар. У Беларусі не засталося афіцыйна зарэгістраваных апазыцыйных партый і незалежных грамадзкіх арганізацый.