Хакейную зборную Беларусі не дапусьцілі да ўдзелу ў чэмпіянаце сьвету-2026
Такое рашэньне прыняла міжнародная фэдэрацыя хакею, пішуць расейскія СМІ. Спачатку рашэньне прынялі па зборнай Расеі, затым стала вядома і пра забарону для беларусаў. Камюніке з тлумачэньнем сваіх дзеяньняў ІІХФ абяцае выпусьціць крыху пазьней.
Першынство сьвету налета прыме Швайцарыя, турнір адбудзецца ў Цюрыху і Фрыбургу.
Зборная Расеі з 2022 году не дапускаецца на хакейныя турніры сярод юнакоў, моладзі і дарослых пасьля паўнамаштабнага нападу гэтай дзяржавы на Ўкраіны. З таго ж часу не пускаюць на міжнародную арэну і каманды Беларусі з той прычыны, што рэжым Лукашэнкі, які знаходзіцца пры ўладзе ў краіне, дапамагае расейцам у вайне.
Суседнія краіны Беларусі рыхтуюць супольную заяўку ў UNESCO па ўключэньні традыцыі дня Куцьці ў сьпіс спадчыны
Літва, Украіна і Польшча рыхтуюць супольную заяўку на ўключэньне агульнай для краін традыцыі дня Куцьці ў Рэпрэзэнтатыўны сьпіс UNESCO нематэрыяльнай культурнай спадчыны.
https://smarturl.click/Q1yO3
Пачынаецца новы працэс над былымі супрацоўніцамі парталу Tut.by, цяпер завочны
У Менскім гарадзкім судзе 4 лютага пачынаецца завочны суд над былымі супрацоўнікамі закрытага ўладамі парталу Вольгай Лойкай, Аленай Талкачовай, Кацярынай Ткачэнкай. Суд над журналісткамі і юрысткай будзе закрытым, як і працэс, які праходзіў у ліпені 2024-га, таксама без прысутнасьці падсудных, якія знаходзяцца за мяжой.
https://smarturl.click/4klxm
Дэпартацыя, адмова ў грамадзянстве нованароджаным? Што цяпер можа пагражаць беларусам у ЗША
«Ня тое каб мы ў гістэрыцы, але ў паніцы, страху і жаху. На нас папросту абвешчана паляваньне. Кіраўнікі нашых фірмаў папярэджваюць, каб мы былі вельмі пільныя — пазьбягалі кантактаў з паліцыяй, не начавалі разам зь нелегальнымі мігрантамі, бо „пад шумок“ могуць і нас затрымаць. Ня ведаю, што будзе далей».
Трамп заявіў, што хоча атрымаць ад Украіны рэдказямельныя мэталы ў абмен на дапамогу
Прэзыдэнт ЗША Дональд Трамп падпісаў указ аб прызначэньні Кіта Келага спэцпрадстаўніком па Ўкраіне і Расеі. Да інаўгурацыі Трампа Келаг казаў, што хоча знайсьці рашэньне для завяршэньня вайны за 100 дзён.
«Мы дасягнулі значнага прагрэсу ў дачыненьні да Расеі і Украіны», — сказаў Трамп, не ўдакладняючы падрабязнасьцяў.
Прэзыдэнт ЗША таксама выказаў зацікаўленасьць у набыцьці ўкраінскіх рэдказямельных мэталаў у абмен на дапамогу з боку ЗША:
https://smarturl.click/pp66X
Галоўнае за 3 лютага
👫 Зь беларускай Марыяй Зайцавай, якая загінула на фронце ва Ўкраіне, разьвіталіся ў Кіеве. ФОТА
✍🏻 ЦВК Беларусі агучыла канчатковыя лічбы прэзыдэнцкіх выбараў, не прызнаных у дэмакратычным сьвеце
🗣 Міжнародны алімпійскі камітэт прызнаў легітымным пераабраньне Віктара Лукашэнкі на кіраўніка НАК Беларусі
👨🏻⚖️Вынесьлі завочны вырак эканамісту Данэйку. Хроніка перасьледу 3 лютага (абнаўляецца)
🇱🇻 МЗС Латвіі плянуе абмежаваць прыём заяў на візу для грамадзян Беларусі
💰 «Невядома, калі мы атрымаем наступны заробак». Як прыпыненьне падтрымкі ад ЗША паўплывала на беларускія СМІ і НДА
🇺🇸 Трамп можа ліквідаваць агенцтва замежнай дапамогі, «каб зэканоміць мільярды». Падрабязны аналіз
📚 Відэаблогер Макар Валынкін выдаў кнігу пра беларускую моладзь пасьля 2020 году
🎥 «ПіК Свабоды». «У „нізкі статус“ спэцыяльна накіроўваюць вядомых людзей»
Міжнародны алімпійскі камітэт прызнаў легітымным пераабраньне Віктара Лукашэнкі кіраўніком НАК Беларусі
МАК прызнаў вынікі выбараў Генасамблеі Нацыянальнага алімпійскага камітэту Беларусі, у выніку якіх Віктара Лукашэнку пераабралі кіраўніком арганізацыі на другі тэрмін, і ўнёс папраўкі ў рашэньне ад сакавіка 2021 году, згодна зь якімі гэтыя выбары «прызнаюцца праведзенымі належным чынам», гаворыцца ў камэнтары прэс-службы МАК для @zerkalo_io.
У 2021 годзе МАК не прызнаў Віктар Лукашэнку легітымным кіраўніком НАК, калі той зьмяніў на пасадзе свайго бацьку. Аляксандар Лукашэнка пакінуў пасаду пад ціскам МАК у сувязі з рэпрэсіямі ў дачыненьні да спартоўцаў пасьля прэзыдэнцкіх выбараў 2020 году:
https://smarturl.click/nyA0O
За «здраду дзяржаве» будуць судзіць 29-гадовага мытніка, яму пагражае да 15 гадоў зьняволеньня
У Менскім гарадзкім судзе 14 лютага ў закрытым рэжыме пачнуць судзіць мытніка Віктара Вараб’ёва. Яго Абвінавачваюць паводле 5 крымінальных артыкулаў: «здрада дзяржаве», «перавышэньне службовых паўнамоцтваў», «садзейнічаньне экстрэмісцкай дзейнасьці», «удзел у экстрэмісцкім фармаваньні» і «арганізацыя і падрыхтоўка дзеяньняў, якія груба парушаюць грамадзкі парадак, альбо актыўны ўдзел у іх».
Хроніка перасьледу 3 студзеня (абнаўляецца):
https://smarturl.click/op0MB
За апошні год колькасьць школ і вучняў Беларусі скарацілася
Паводле інфармацыі Белстату, на пачатак 2024/2025 навучальнага году ў Блеарусі была 3721 установа дашкольнай адукацыі — на 0,77% менш, чым на пачатак 2023/2024 году (3750). Там выхоўвалася 338,3 тысяч дзяцей (-4,89%; 355,7 тыс.):
https://smarturl.click/l5amB
Зь беларускай Марыяй Зайцавай, якая загінула на фронце ва Ўкраіне, разьвіталіся ў Кіеве.
Беларуская добраахвотніца Ўзброеных сіл Украіны Марыя Зайцава загінула ў баі пад Пакроўскам Данецкай вобласьці 17 студзеня.
Трэцяга лютага апоўдні ў Кіеве адбылося разьвітаньне зь беларускай Марыяй Зайцавай, якая загінула на фронце, змагаючыся за Ўкраіну. Пра гэта Свабодзе паведамілі яе сябры.
Марыя удзельнічала ў пратэстах 2020 году і 9 жніўня была параненая шумавой гранатай у Менску каля стэлы. Тады ёй зрабілі некалькі апэрацый у Беларусі, а пасьля вывезьлі на лячэньне ў Чэхію.
Пасьля пачатку поўнамаштабнай вайны яна далучылася да абаронцаў Украіны.
16 студзеня, напярэдадні гібелі, Марыі споўнілася 24 гады.
Фота чытача
Відэаблогер Макар Валынкін выдаў кнігу пра беларускую моладзь пасьля 2020 году
«Мне здавалася, што шлях пісьменьніка больш складаны: ты пішаш «у стол», публікуесься ў нейкіх часопісах, выдаеш кнігу за свой кошт. А я трапіў у найлепшае беларускае выдавецтва: маё імя стаіць побач з Джонам Толкінам, Джоан Роўлінг, Альгердам Бахарэвічам».
Здарэньне ў Ашмянах — хлопчыка траўмавала футбольная брама
11-гадовы школьнік павіс на папярочцы брамы ў час гульні з аднагодкамі ў спартовай школе. Брама ўпала на хлопца і траўмавала яго. Ён шпіталізаваны. Сьледчы камітэт заявіў, што завёў крымінальную справу і апублікаваў відэа з камэры відэаназіраньня. Усе абставіны расьсьледуюцца.
Праваабаронцы паведамілі пра самагубства вязьня калёніі «Віцьба-3»
Гэта 50-гадовы грамадзян Расеі, асуджаны паводле «наркатычнага» артыкулу на 16 гадоў зьняволеньня.
Улады пра самагубства дагэтуль маўчаць.
https://smarturl.click/e5dBD
У Жлобінскім раёне ад выбуху загінулі тры чалавекі
Увечары 2 лютага ў вёсцы Лугавая Вірня Жлобінскага раёну грымнуў выбух. Загінулі тры чалавекі, яшчэ двое зь цяжкімі траўмамі трапілі ў лякарню.
https://smarturl.click/RAjzD
105 гадоў таму памёр Антон Шабуня, палітык, адзін зь лідэраў БСГ
3 лютага 1920 году памёр Антон Шабуня, палітык, адзін зь лідэраў Беларускай сацыялістычнай грамады (БСГ.) Падпольная мянушка Фама. На сваёй кватэры па цяперашняй вуліцы Інтэрнацыянальнай у Менску і ў фальварку каля Пухавічаў ладзіў кансьпірацыйныя сустрэчы. Адзін з заснавальнікаў кніжнага таварыства «Мянчук», якое выдавала і распаўсюджвала беларускія кнігі.
https://smarturl.click/l5a1m
Генпракурор Швед падвёў вынікі працы «камісіі па вяртаньні» і паабяцаў відэа з тымі, хто вярнуўся з-за мяжы
«Работа камісіі будзе працягвацца. Мы лічым, што яна робіць свой унёсак у вырашэньне шэрагу пытаньняў», — лічыць Андрэй Швед.
https://smarturl.click/JDQ4k
У Дэмакратычнай Рэспубліцы Конга на захопленай паўстанцамі базе заўважылі беларускія бесьпілётнікі
У афрыканскай краіне паўстанцы захапілі бесьпілётнікі. Высьветлілася, што яны беларускай вытворчасьці.
https://smarturl.click/vwXp5
Памёр Іосіф Навумчык
Вядомаму палітычнаму і грамадзкаму дзеячу было 86 гадоў.
Настаўнік паводле адукацыі, Іосіф Навумчык да сярэдзіны 1980-х зрабіў пасьпяховую кар’еру ў кіроўнай камуністычнай партыі: на пасадзе сакратара Віцебскага абкаму КПБ курыраваў ідэалёгію і сацыяльную сфэру. Затым чвэрць стагодзьдзя ўзначальваў Віцебскую абласную Раду ТБМ.
https://smarturl.click/G6m2g
Сёньня — дзень народзінаў Тадэвуша Касьцюшкі
4 лютага 1746 году ў маёнтку Мерачоўшчына каля мястэчка Косава нарадзіўся Тадэвуш Касьцюшка, нацыянальны герой Беларусі, Польшчы, ЗША, ганаровы грамадзянін Францыі, кіраўнік вызвольнага паўстаньня 1794 году. Лічыцца адным з самых вядомых у сьвеце ўраджэнцаў Беларусі.
Пра іншыя падзеі 4 лютага ў гісторыі чытайце ў матэрыяле «Ужо сёньня»: https://smarturl.click/ZyJq2
У Літве за апаганьваньне мэмарыяла ахвярам рэпрэсій у Беларусі судзяць прарасейскага блогера
У Віленскім гарадзкім акруговым судзе працягваюць разглядаць справу супраць пралукашэнкаўскага і прарасейскага блогера Лаўрынаса Рагельскіса. Яго абвінавачваюць у «падбухторваньні» і «апаганьваньні памятнага месца» за апаганьваньне мэмарыялу памяці загінулых пасьля прэзыдэнцкіх выбараў-2020 беларусаў каля беларускай амбасады ў Вільні.
Падчас судовага паседжаньня 3 лютага Лаўрынас Рагельскіс назваў загінулых у 2020 годзе беларускіх актывістаў «удзельнікамі дзяржаўнага перавароту»:
https://smarturl.click/JDQQD
Што азначае жыцьцё за кратамі ў «нізкім статусе»
У 20.30 паводле менскага часу на ютуб-канале Свабода Premium пачнецца жывая трансьляцыя з удзелам блогера, былога палітвязьня Вадзіма Ермашука ( Вадзімаці), які расказаў пра тое, як сядзеў у Бабруйскай папраўчай калёніі з так званым «нізкім сацыяльным статусам», а таксама праваабаронцы і былога палітвязьня Леаніда Судаленкі. Падчас трансьляцыі мы абмяркуем наступныя пытаньні:
➖ Што цяпер можа адбываецца з Палінай Шарэндай-Панасюк?
➖ Празь якія выпрабаваньні і зьдзекі праходзяць палітвязьні за кратамі і па вызваленьні?
➖ Чаму жыцьцё вязьняў і палітвязьняў «зь нізкім сацыяльным статусам» за кратамі застаецца адной з найбольш закрытых тэмаў у беларускім грамадзтве?
Далучайцеся да жывой трансьляцыі, задавайце свае пытаньні:
🎥 https://www.youtube.com/live/Bh2jGb1mzlI
Яшчэ адна спартоўка зь Беларусі атрымала польскае грамадзянства
Беларуская лучніца Карына Казлоўская атрымала польскае грамадзянства. Пра гэта яна сама днямі распавяла ў Інстаграме. Раней Казлоўская ўжо прадстаўляла Польшчу на міжнародных спаборніцтвах:
https://smarturl.click/W32Y4
Маск заявіў, што Трамп «пагадзіўся» на закрыцьцё USAID. Белы дом пакуль не камэнтуе
Агэнцтва ЗША па міжнародным разьвіцьці (USAID) знаходзіцца на мяжы закрыцьця, сьцьвярджае дарадца адміністрацыі Трампа, мільярдэр і гендырэктар Tesla Ілан Маск. Ён сьцьвярджае, што дэталёва абмяркоўваў з прэзыдэнтам ЗША пытаньне аб USAID, і Трамп нібыта «пагадзіўся, што мы павінны закрыць яго».
Белы дом пакуль не камэнтаваў гэтую заяву. 2 лютага Трамп абвясьціў аб плянаваных звальненьнях у кіраўніцтве USAID, заявіўшы, што агенцтвам «кіруе купка радыкалаў-вар’ятаў»:
https://smarturl.click/O0n8O
#rfer_rl
Стала вядома, колькі «Беларуськалій» патрабуе ад Літвы за спыненьне транзыту сваёй прадукцыі
2 сьнежня 2024 году «Беларуськалій» зьвярнуўся ў Пастаянны арбітражны суд у Швайцарыі з паўторным пазовам. Раней працэс спынілі праз тое, што беларускі бок ня змог унесьці аванс у памеры 300 тысяч эўра для пачатку разгляду. У рамках цяперашняга пазову «Беларуськалій» патрабуе спагнаць зь Літвы 12,9 мільярда даляраў у якасьці кампэнсацыі нанесенай шкоды:
https://smarturl.click/B6vR5
Стала вядома пра суд і шпіталізацыю відэаапэратара Толчына, які выйшаў па памілаваньні
Невядомы цяперашні стан здароўя Толчына. Крыніца праваабаронцаў у Гомлі паведаміла, што Андрэя Толчына прымусілі штодня хадзіць у РАУС ды адзначацца.
Дэталі ў хроніцы перасьледу 3 лютага: https://smarturl.click/op0MB
ЦВК агучыла афіцыйныя вынікі прэзыдэнцкіх выбараў
Канчатковыя вынікі ад ЦВК:
Аляксандар Лукашэнка — 5 136 293 галасоў (86,82%)
Сяргей Сыранкоў — 189 740 галасоў
Алег Гайдукевіч — 119 272 галасоў
Ганна Канапацкая — 109 760 галасоў
Аляксандар Хіжняк — 102 789 галасоў
❗️Выбары ў Беларусі пры Лукашэнку носяць несвабодны і недэмакратычны характар. Перад выбарамі адбываліся масавыя запалохваньні, затрыманьні, у краіне за кратамі застаецца больш за тысячу палітвязьняў.
Вынесьлі завочны вырак эканамісту Данэйку, у тым ліку за «змову з мэтай захопу улады»
Эканаміста Паўла Данэйку завочна асудзілі да 12 гадоў калёніі ў «справе Каардынацыйнай рады».
https://smarturl.click/RAjpD
Жэст адчаю і непрымірымасьці. Пра што сьведчаць растаптаныя сьцягі
У сеціве разгарэлася дыскусія вакол таго факту, што ў Вільні на беларускай акцыі ўдзельнікі патапталіся па лукашэнкаўскім чырвона-зялёным сьцягу. Думкі ў дыскусіі падзяліліся на супрацьлеглыя: камусьці такі ўчынак «эстэтычна непрымальны», хтосьці, наадварот, за тое, каб «культываваць нянавісьць»...
У кожным разе гаворка ідзе пра сымбалічны жэст і, каб даць яму ацэнку, трэба зразумець гэтую сымболіку: што яна значыць, піша Сяргей Дубавец.
https://smarturl.click/1dlao
«Невядома, калі мы атрымаем наступны заробак». Як прыпыненьне падтрымкі ад ЗША паўплывала на беларускія СМІ і НДА
«У нас амаль уся аўдыторыя ў Беларусі, а калі прадпрымальнік зь Беларусі разьмесьціць у нас рэкляму, ягонаму бізнэсу будзе канец на наступны дзень». Як прыпыненьне фінансаваньня ЗША паўплывала на беларускія мэдыя і НДА і ці змогуць яны безь яго існаваць.
https://smarturl.click/Yz8WM
Галоўнае за 2 лютага
📌Як у нераце. Украінскі салдат расказаў, як перажыў 80 жудасных дзён на перадавой на Данбасе
📌Ці добра вы ведаеце гісторыю тэрытарыяльных набыткаў і страт Вялікага Княства Літоўскага? ТЭСТ
📌Трамп павысіў мыты для Канады, Мэксікі і Кітаю. Названыя краіны адрэагавалі
📌Беларусы сталі радзей здымаць грошы з карткі
📌Беластоцкія беларусы зьбіраюць грошы на захаваньне магіл выбітных суродзічаў у горадзе
📌Экс-прэзыдэнт Украіны Парашэнка выступіў супраць новых выбараў у час вайны