16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
«Беларусы працуюць больш за эўрапейцаў». Чаму Лукашэнка зноў гаворыць аб працоўных мігрантах?
https://smarturl.click/DYed3
Эканамічны аглядальнік Андрэй Махоўскі, аўтар праекту «Оптимум» на YouTube-канале «Белорусы и рынок», разважае, ці паедуць працоўныя мігранты ў Беларусь, і тлумачыць, чаму словы Лукашэнкі аб прадукцыйнасьці працы беларусаў — недарэчнасьць.
На фота: праца на будоўлі ў Менску, архіў
Улады заявілі пра імклівы рост мэдычнага турызму ў Беларусь. Але да статыстыкі ёсьць пытаньні
https://smarturl.click/Qbma6
Кіраўнік галоўнага ўпраўленьня арганізацыі мэдычнай дапамогі Міністэрства аховы здароўя Беларусі Леанід Недзень заявіў аб павелічэньні патоку мэдычнага турызму на 20 %.
«Усё большую папулярнасьць сярод замежных грамадзян з кожным годам набывае мэдычны турызм. Так, у 2024 годзе з гэтай мэтай нас наведалі больш за 160 тысяч грамадзян з 159 краін сьвету. У параўнаньні з 2023 годам колькасьць лекаваных замежных грамадзян вырасла на 20%», — сказаў Леанід Недзень на прэсавай канфэрэнцыі ў Менску.
Сярод заежнікаў найбольш запатрабаваныя стаматалягічныя, афтальмалягічныя, кардыялягічныя і кардыяхірургічныя паслугі, паслугі ў галіне анкалёгіі, пратэзаваньня суставаў, трансплянтацыі клетак, органаў і мэдычныя паслугі ў санаторыях.
На ілюстрацыйным фота: Горадзенскі абласны клінічны кардыялягічны цэнтар, архіў
Супрацоўнікі Нацыянальнага парку „Прыпяцкі” апублікавалі відэазапіс паводзінаў рысі, зроблены відэапасткай. Спэцыялісты зафіксавалі гучнае мяўканьне. Яны мяркуюць, што такім чынам самец кліча сваю “сяброўку“.
Паслухайце і вы, як гукае рысь.
Больш за 50 эўра за 180 км дарогі. Чаму растуць цэны на аўтобусныя квіткі зь Менску ў Вільню
https://smarturl.click/WR6Lk
На чэрвень 2025 году аўтобусы застаюцца адзіным відам грамадзкага транспарту, якім можна дабрацца зь Менску ў сталіцы бліжэйшых краінаў Эўразьвязу — у Вільню, Рыгу і Варшаву. Зь Беларусі ў Польшчу, Літву і Латвію па-ранейшаму ня ходзяць цягнікі і ня лётаюць самалёты. Моцна абмежаваны таксама рух церазь мяжу на асабістых аўтамабілях. Цэны аўтобусных квіткоў пры ўсім гэтым дасягнулі рэкордных велічыняў і надалей растуць.
Высьвятлялі, чаму так адбываецца.
Фота ілюстрацыйнае
Маск публічна пашкадаваў пра свае пасты аб Трампе
https://smarturl.click/OLexz
«Шкадую пра некаторыя свае пасты аб прэзыдэнце [Дональдзе] Трампе на мінулым тыдні. Яны зайшлі занадта далёка», – напісаў Маск у сацсетцы X.
Канфлікт заснавальніка SpaceX м Tesla Ілана Маска і Дональда Трампа пачаўся 5 чэрвеня, калі Дональд Трамп сказаў журналістам, што «расчараваны» ў Ілану Маску, нягледзячы на іх ранейшыя «цудоўныя» адносіны.
Прычынай расчараваньня стала крытыка Маскам законапраекту аб падатковых ільготах, які Трамп назваў «вялікім прыгожым законапраектам».
На фота: ілюстрацыйны каляж
У Беларусі з 1 верасьня спыняць усе прыватныя адукацыйныя праграмы ў дашкольных установах
https://smarturl.click/j748Y
Міністэрства адукацыі Беларусі выключыла з палажэньня аб установе дашкольнай адукацыі права індывідуальных прадпрымальнікаў рэалізоўваць адукацыйныя праграмы.
Як адзначаецца ў адпаведнай пастанове Міністэрства адукацыі, гэтая норма пачне дзейнічаць з 1 верасьня 2025 году.
У ведамстве патлумачылі, што гэтая норма ўведзеная абноўленай рэдакцыяй Кодэксу Беларусі аб адукацыі.
На ілюстрацыйным фота: дзіцячы садок у Гомлі, архіў
Ужо сёньня: 130 гадоў Леапольду Родзевічу
11 чэрвеня 1895 году нарадзіўся Леапольд Родзевіч (1895–1938, Лагойскі р-н), пісьменьнік, драматург, публіцыст, палітычны і грамадзкі дзяяч. Пад уплывам «Нашай нівы» пачаў пісаць па-беларуску. У 1914 пераехаў у Вільню, перад наступам нямецкіх войскаў у 1915 годзе пакінуў горад. З 1919 года жыў у Менску, у 1921 годзе зноў вярнуўся ў Вільню. Рэдагаваў беларускія газэты Вільні: «Беларускі звон», «Наша будучыня» (1922—1923), з 1921 дзеяч Беларускай рэвалюцыйнай арганізацыі (БРА).
Ахвяра сталінскіх рэпрэсій.
Больш падзей 11 чэрвеня ў гісторыі чытайце ў матэрыяле «Ўжо сёньня»: https://smarturl.click/4Oppx
Візыт кіраўніка МЗС у Маскву як трамплін для падвышэньня статусу
https://smarturl.click/B4een
Максім Рыжанкоў адчайна змагаецца за падвышэньне статусу Міністэрства замежных спраў і свайго асабістага. Найперш, ён імкнецца павялічыць ролю МЗС у стасунках з Расеяй. А таксама бярэ на сябе прапагандысцкія функцыі.
Украіна ўвяла санкцыі супраць кіраўніка Беларускага Чырвонага Крыжа
https://smarturl.click/ZXppv
Дзьмітрыя Шаўцова абвінавачваюць у дачыненьні да незаконнага вывазу ўкраінскіх дзяцей з акупаваных Расеяй тэрыторыяў.
Колькасьць ахвяраў страляніны ў Грацы дасягнула 10 чалавек. Адзін зь цяжкапараненых сканаў у шпіталі.
Яшчэ адзін чалавек застаецца ў крытычна цяжкім стане, паведаміла агенцтва Reiters.
«Важные истории» : ФСБ можа сачыць за карыстальнікамі Telegram
https://smarturl.click/zd666
За інфраструктуру заснаванага Паўлам Дуравым мэсэнджара Telegram адказваюць кампаніі, якія адначасова з гэтым абслугоўваюць комплексы расейскіх спэцслужбаў, што выкарыстоўваюцца для сачэньня за грамадзянамі. Гэта, як сьцьвярджаецца ў расьсьледаваньні, ставіць пад пагрозу бясьпеку дадзеных карыстальнікаў Telegram па ўсім сьвеце.
📈 Колькасьць карыстальнікаў нядаўна перавысіла мільярд.
Намесьнік генэральнага пракурора Стук патлумачыў праваабаронцу Судаленку, за што той атрымаў завочны прысуд
https://smarturl.click/mBll0
Праваабаронцу «Вясны» Леаніду Судаленку ўдалося дакладна высьветліць, за што ж яго засудзілі завочна праз год, як ён выйшаў з калёніі. Стала вядома, што ў справе фігуруюць ня толькі «Вясна», але і недзяржаўныя мэдыя, у тым ліку Радыё Свабода.
Украіна і Малдова маюць далучыцца да эўрапейскага роўмінгу ад наступнага году
https://smarturl.click/zd66A
Эўразьвяз запрашае краіны-кандыдаты далучыцца да гэтай часткі свайго адзінага рынку ўпершыню ў гісторыі.
Яны далучацца да рэжыму мабільнага роўмінгу Эўразьвязу 1 студзеня 2026 году.
«Сьцяг для ўсіх», «Як Панну Марыю надрукаваць на туалетнай паперы». Розныя думкі пра бел-чырвона-белы сьцяг на фэстывалі «Baltic Pride»
https://smarturl.click/Y3pjv
На шэсьці ў Вільні 7 чэрвеня ў рамках ЛГБТК-фэстывалю «Baltic Pride» была беларуская калёна, у якой ішлі актывісты, праваабаронцы, чальцы Аб’яднанага пераходнага кабінэту Беларусі, прадстаўнікі ЛГБТК-супольнасьці.
Яны несьлі вялікі бел-чырвона-белы сьцяг, што стала прычынай і крытыкі, і пагрозаў расправіцца з удзельнікамі шэсьця, у тым ліку ад імя беларускіх ваяроў ва Ўкраіне. Свабода сабрала розныя думкі наконт бел-чырвона-белага сьцяга на віленскім шэсьці.
Новы пакет санкцыяў Эўразьвязу мае пашырыць фінансавую блякаду Беларусі
https://smarturl.click/8pxdL
Эўрапейская камісія падрыхтавала новы, ужо 18-ы, пакет санкцыяў супраць Расеі і Беларусі за агрэсію супраць Украіны.
Сярод прапановаў — поўная забарона на апэрацыі зь беларускімі банкаўскімі структурамі.
Пра гэта Свабода даведалася ад інфармаваных крыніц у Брусэлі.
Расея перадала Ўкраіне целы 1212 загінулых вайскоўцаў
https://smarturl.click/VRvb0
У Каардынацыйным штабе Ўкраіны ў пытаньнях абыходжаньня з ваеннапалонным паведамілі аб рэпатрыяцыі 1212 вайскоўцаў, якія загінулі ў баях з расейцамі на тэрыторыі Курскай, Харкаўскай, Луганскай, Данецкай, Запароскай і Херсонскай вобласьцяў.
Як адзначаецца ў паведамленьні, перадачы цел з Расеі спрыяў Міжнародны камітэт Чырвонага Крыжа.
Расейскія ўлады пакуль нічога не паведамляюць аб вяртаньні целаў сваіх загінулых вайскоўцаў.
За некалькі дзён да перадачы цел загінулых Расея абвінаваціла Ўкраіну ў зрыве абмену і адмове прымаць целы загінулых вайскоўцаў. У гэтую інфармацыйную кампанію уключыўся і міністар замежных спраў Беларусі.
Фота ілюстрацыйнае.
Аршанскі завод «Легмаш» мае трапіць у 18-ы пакет санкцыяў Эўразьвязу
https://smarturl.click/8pxdL
Паводле дакумэнтаў, да якіх атрымала доступ Радыё Свабода, «Легмаш» стане адным з чатырох прадпрыемстваў, якія маюць трапіць у новы санкцыйны сьпіс Эўразьвязу.
Альянс расьсьледнікаў Беларусі яшчэ ў траўні 2024 году заявіў, што гэты завод можа працаваць на расейскую вайсковую прамысловасьць, удзельнічаючы ў вытворчасьці дэталяў снарадаў для расейскіх сыстэмаў залпавага агню БМ-21 «Град». Злучаныя Штаты ўвялі санкцыі супраць гэтага прадпрыемства ў жніўні 2024 году. Пазьней «Легмаш» трапіў пад санкцыі Канады і Вялікай Брытаніі.
Новы пакет санкцыяў яшчэ мусяць узгадніць прадстаўнікі ўсіх 27 краін Эўразьвязу. Прыняцьце дакумэнту чакаецца цягам чэрвеня.
Фота ілюстрацыйнае.
У Лос-Анджэлесе ўвялі камэнданцкую гадзіну на тле пратэстаў супраць міграцыйнай палітыкі Трампа
https://smarturl.click/oVl4A
Абмежаваньні пачнуць дзейнічаць з 20:00 па мясцовым часе да 06:00.
Паводле мэра гораду Карэн Бас, такое рашэньне прынятае для таго, каб «спыніць вандалізм і марадэрства». У выніку пратэстаў ужо пацярпелі дзясяткі аб’ектаў гарадзкой інфраструктуры, удакладніла мэр Лос-Анджэлеса.
Раней паведамлялася аб разрабаваньні 23 гандлёвых кропак у цэнтры гораду.
На фота: затрыманьне пратэстоўца, Лос-Анджэлес, 10 чэрвеня 2025
У Беларусі дазволілі будаваць аб’екты ў абыход зацьверджаных генплянаў гарадоў
https://smarturl.click/Y3pJ1
У Беларусі «удасканалілі нюансы архітэктурнай, горадабудаўнічай і будаўнічай дзейнасьці.
Як паведамілі на тэлеканале «Беларусь 1», у адпаведнай пастанове ўраду Беларусі прадугледжана права абласных і Менскага гарадзкога выканкамаў будаваць аб’екты «з адступленьнем ад зацьверджанага горадабудаўнічага пляну».
Гэтая норма набыла юрыдычную моц 6 чэрвеня, але яна не распаўсюджваецца на тэрыторыю індустрыяльнага парку «Вялікі камень», зямель сельскагаспадарчага прызначэньня і ляснога фонду.
Фота ілюстрацыйнае
Сваякі памерлага ў ЗША Аляксандра Класкоўскага хочуць пахаваць яго ў Беларусі
https://smarturl.click/201bm
Сваякі Аляксандра Класкоўскага зьвярнуліся па дапамогу ў арганізацыі рэпатрыяцыі цела ў Беларусь і ягонага пахаваньня.
«Вельмі хацелася б пахаваць яго ў Беларусі, але ня ведаю, наколькі гэта рэальна», — напісала Вольга Класкоўская, сястра памерлага Аляксандра.
У Беларусі зь блізкіх сваякоў знаходзіцца толькі ягоная маці Людміла.
На фота: Аляксандар Класкоўскі ў часе акцыі пратэсту ў Менску супраць фальсыфікацыі вынікаў выбараў 19 сьнежня 2010 году. Архіў
У Харкаве ў выніку абстрэлаў параненыя 60 грамадзян. Расейскія войскі прасоўваюцца на Данеччыне
https://smarturl.click/ReYRx
Расейскія войскі актывізавалі ўдары па Харкаве, Днепрапятроўскай і Херсонскай абласьцях.
Паводле падлікаў украінскага боку, расейскія войскі за апошнія 24 гадзіны нанесьлі па вайсковых пазыцыях і населеных пунктах Украіны чатыры ракетныя і 90 авіяўдараў, пры гэтым колькасьць запушчаных баявых дронаў дасягнула 3158 адзінак.
На фота: наступствы расейскага абстрэлы жылога сэктару Харкава 7 чэрвеня 2025 году
МНС Беларусі будзе выкарыстоўваць бесьпілётнікі, каб высачыць «стыхійныя» пляжы
https://smarturl.click/p2llb
На працягу лета ў Беларусі плянуюць масавы маніторынг месцаў купаньня. Размова як пра дазволеныя пляжы, так і пра «стыхійныя». Выкарыстаньне дронаў для гэтых мэтаў у ведамстве назвалі вельмі эфэктыўным крокам.
Галоўнае за 10 чэрвеня на Радыё Свабода ❤️
🖊Расея ўначы атакавала Кіеў і Адэсу. Пад ударам радзільня і хуткая дапамога. Ёсьць ахвяры
🖊Генэральны сакратар NATO заклікае павялічыць патэнцыял СПА альянсу на 400%, а інакш «трэба пачаць вывучаць расейскую мову»
🖊Мара пра мільянэра. Чаму беларускія школы за мяжой працуюць пад пагрозай закрыцьця
🖊Вялікі тэатар Беларусі зьбіраецца на гастролі ў акупаваны Крым. Многія артысты супраць
🖊У аўстрыйскім Грацы ў школе адбылася страляніна. Ёсьць ахвяры
🖊«Мой сьвет разбурыўся». Гісторыя былога беларускага добраахвотніка ва Ўкраіне, якому патрэбная дапамога пасьля цяжкай траўмы
🖊«Сьцяг для ўсіх», «Як Панну Марыю надрукаваць на туалетнай паперы». Розныя думкі пра бел-чырвона-белы сьцяг на фэстывалі «Baltic Pride»
🖊Візыт кіраўніка МЗС у Маскву як трамплін для падвышэньня статусу
🖊Расея і Ўкраіна правялі чарговы этап абмену палоннымі ў фармаце «ўсе на ўсіх». Сярод іх — адзін беларус
Навукоўцы знайшлі дзікарослыя расьліны, якія лічыліся зьніклымі ў Беларусі
https://smarturl.click/nVllX
Дзікарослыя расьліны, якія называюцца сітнік стыгійскі і вераніка ілжывая. Што пра іх вядома?
Сталі вядомыя імёны расейскіх вайскоўцаў, якіх лячылі ў Беларусі пасьля няўдалай апэрацыі Расеі па захопе Кіева
https://smarturl.click/w4557
Журналісты Беларускага расьсьледніцкага цэнтру супольна з Украінскай і Расейскай службамі Радыё Свабода, пры падтрымцы суполкі ўкраінскіх хакераў KibOrg вэрыфікавалі інфармацыю аб параненых расейскіх вайскоўцах, якія знаходзіліся на лячэньні ў Беларусі ў часе і пасьля апэрацыі па захопе Кіева.
Генэральная пракуратура прымусіла тры IT-кампаніі заплаціць супрацоўнікам 3,8 млн рублёў
https://smarturl.click/kZ22Q
Паводле інфармацыі ведамства, агульная сума запазычанасьці склала 3 млн 800 тысяч рублёў, якую працадаўцы завінаваціліся 675 работнікам.
Расея і Ўкраіна правялі чарговы этап абмену палоннымі ў фармаце «ўсе на ўсіх». Сярод іх — адзін беларус
https://smarturl.click/Qbmm6
На тэрыторыі Беларусі адбыўся другі этап абмену палоннымі паміж Расеяй і Ўкраінай у фармаце «ўсе на ўсіх», пра які дамовіліся на перамовах у Турэччыне. Беларус Яўген Камянькоў знаходзіўся ва ўкраінскім палоне з вясны 2024 году.
Вялікі тэатар Беларусі зьбіраецца на гастролі ў акупаваны Крым. Многія артысты супраць
https://smarturl.click/DYeX0
Трупу павязе ў Крым расеец Арцём Макараў — галоўны дырыжор і мастацкі кіраўнік менскага Опэрнага. Паралельна Макараў працуе галоўным дырыжорам Маскоўскага дзіцячага музычнага тэатру імя Наталіі Сац.
Тэатар цісьне на артыстаў, у тым ліку намякаючы на праблемы ў далейшай кар’еры. Тым ня менш нямала людзей напісалі адмовы, у прыватнасьці ў аркестры.
🎞 Лукашэнка разьнёс «Беларусьфільм» за няякаснае кіно. Міністар культуры: «Кіношнікі разьехаліся. Але мы іх вернем»
https://smarturl.click/L3GaO
«Глядзець проста няма чаго! — абураўся Лукашэнка. — Канчаткова страчаны сямейная, юнацкая і дзіцячая аўдыторыі».
«Няхай вырабляюць, прадаюць і жывуць. Не — да пабачэньня. Колькі можна дапамагаць? Яны ж фактычна вісяць на плячах дзяржавы. А за што даваць грошы?» — заявіў ён.
«Мой сьвет разбурыўся». Гісторыя былога беларускага добраахвотніка ва Ўкраіне, якому патрэбная дапамога пасьля цяжкай траўмы
https://smarturl.click/VRvGn
Удзельнік мірных пратэстаў і былы беларускі добраахвотнік атрымаў цяжкую траўму, пасьля якой ня можа працаваць.
Ён зьвярнуўся праз BYSOL па дапамогу.
Свабода пагутарыла з 33-гадовым Яўгенам «Тыграм» аб пратэстах 2020 году, эміграцыі, пра год у палку Каліноўскага і няпростае вяртаньне ў мірнае жыцьцё.