16588
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
🇺🇦 «„Дэнацыфікацыя“ павінна пачацца з Масквы» — МЗС Украіны адрэагаваў на агучаныя Лаўровым умовы міру
https://smarturl.click/Jnxlk
Міністэрства замежных спраў Украіны адрэагавала на ўмовы Расеі для заключэньня мірнага пагадненьня, агучаныя кіраўніком расійскага МЗС Сяргеем Лаўровым.
🗣 «Належная „дэнацыфікацыя“ павінна пачацца з Масквы, улічваючы яе стаўленьне да іншых этнічных груп — азэрбайджанцаў і іншых народаў Паўднёвага Каўказу, Цэнтральнай Азіі, украінцаў, крымскіх татараў і іншых. Ваяўнічая рыторыка Лаўрова дэманструе, што Расея адхіляе мірныя намаганьні і зьвяртаецца да ультыматумаў тыпу 2022 году», — напісаў сьпікер МЗС Украіны Георгій Ціхі ў сацсетцы 📱.
У МЗС Украіны заклікалі партнэраў неадкладна «ўдарыць па гэтых расейскіх „дэнацыфікатарах“ новымі, жорсткімі санкцыямі, каб вярнуць іх да рэальнасьці»
📚 У Менску сарвалі вечарыну памяці паэткі Ларысы Геніюш
У галерэі «Парасон» 8 ліпеня мелася адбыцца вечарына пра жыцьцёвы і творчы шлях беларускай паэткі.
Але падзея трапіла пад атаку прапагандыстаў — Азаронак, Гладкая, Гігін, Бондарава ды іншыя абрынуліся на арганізатараў у сваіх тэлеграм-каналах. У выніку абвестка пра вечарыну зьнікла.
✒️ Ларыса Геніюш (1910–1983) — беларуская паэтка, дзяячка беларускага адраджэньня, захавальніца архіваў БНР. Разам з мужам была пазбаўленая чэскага грамадзянства і выдадзеная ў СССР, грамадзянства якога, нягледзячы на катаваньні і лягеры камуністычнага рэжыму, так і ня ўзяла.
У 2003 годзе пры зэльвенскай царкве з дабраславеньня мітрапаліта Філарэта ўсталявалі ейны бюст. У 2023 годзе яго цішком зьнесьлі.
🔗 Крыніца — Еўрарадыё
🚒 У Расеі згарэў чарговы аўтобус МАЗ
https://smarturl.click/nVkRV
У Іркуцку 5 ліпеня практычна цалкам згарэў рэйсавы аўтобус.
Аўтобус загарэўся на прыпынку, гаворыцца ў паведамленьні МНС. Пацярпелых няма.
Адміністрацыя Іркуцку паведаміла, што пажар узьнік у маторным адсеку, аўтобус эксплёатаваўся з 2013 году, тэхагляд прайшоў паўмесяца таму.
Беларускія аўтобусы рэгулярна загараюцца падчас руху ў РФ і Беларусі, прычынай гэтага называюцца санкцыі, уведзеныя супраць МАЗу дэмакратычнымі краінамі, якія пазбавілі прадпрыемства часткі якасных камплектуючых.
🔗 Фота — МНС Іркуцкай вобласьці
🇱🇹🇩🇪 Ціханоўская абмеркавала з прэзыдэнтамі Літвы і Нямеччыны працяг працы па вызваленьні палітвязьняў
https://smarturl.click/DY4lm
Гэта адбылося 6 ліпеня ў Вільні на ўрачыстым прыёме ў Наўседы з нагоды Дня дзяржаўнасьці Літвы, паведамляе прэс-служба Ціханоўскай.
На прыёме ў прэзыдэнта Літвы прысутнічаў муж дэмакратычнай лідэркі, былы палітвязень Сяргей Ціханоўскі.
Падчас гутаркі абмяркоўвалася таксама падтрымка беларускай грамадзянскай супольнасьці, дэмакратычных сіл, актывістаў і незалежных СМІ.
ℹ️ Дзень дзяржаўнасьці Літвы адзначаецца 6 ліпеня ў гонар меркаванай даты каранацыі князя Міндоўга ў ліпені 1253 году.
🇷🇺 Расея дазволіла служыць у войску не грамадзянам
Прэзыдэнт РФ Уладзімер Пуцін падпісаў закон, які дазваляе асобам без расейскага грамадзянства заключаць кантракты на службу ў Узброеных сілах Расеі.
Прыняць такі закон вымусіла патрэба ў «неадкладным прыняцьці дадатковых мераў па даўкамплектаваньні Ўзброеных сіл», — гаворыцца ў тлумачальнай запісцы.
Ва Ўкраіне з 2023 году ўжо налічылі больш як 700 беларусаў, якія ваююць на баку Расеі.
Амаль сто зь іх загінулі, некалькі трапілі ў палон.
🔗 Крыніцы — ТАСС, t.me/hochu_zhyt
У Мазыры затрымалі пацыентку анкалягічнага дыспансэру
https://smarturl.click/nVkYO
Праваабаронцам стала вядома аб затрыманьні пацыенткі анкалягічнага дыспансэру ў Мазыры Ірыны Левінай. Гэта адбылося 25 чэрвеня на выхадзе з установы. Жанчыну затрымалі некалькі чалавек у поўнай выкладцы і з дручкамі на вачах пацыентаў і мэдычнага пэрсаналу.
Вядома, што жанчына праходзіла хіміятэрапію. На 30 чэрвеня ёй прызначалі чарговую працэдуру.
Як паведамілі праваабаронцы, Ірыну затрымалі ў сувязі з палітычна матываванай справай. Зьмест абвінавачаньняў пакуль невядомы. Паводле апошняй інфармацыі, жанчыну зьмясьцілі ў СІЗА ў Гомлі. Ірына выхоўвае малалетняе дзіця.
Фота ілюстрацыйнае.
📩 Грузінскія ўлады даслалі ў адміністрацыю Трампа «абразьлівы» ліст
Кіраўніцтва Грузіі (партыя «Грузінская мара») даслала — «пагрозьлівы, абразьлівы і несурʼёзны» ліст у адміністрацыю Дональда Трампа неўзабаве пасьля таго, як ён стаў прэзыдэнтам ЗША.
Пра гэта апавяла амбасадарка ЗША ў Грузіі Робін Даніган.
🔹 Ліст быў настолькі нечаканы, што «Вашынгтону спатрэбіўся час, каб скласьці адказ».
🔹 Перад гэтым амбасадарка перадала грузінскім уладам прапанову ЗША спыніць антыамэрыканскую рыторыку.
📌 Цяпер ЗША рыхтуюць новы закон Megobari (грузінскае слова «сябар»), які ўзмацняе кантроль за сувязямі Грузіі з Расеяй і Кітаем.
🗣 «Адносіны паміж нашымі ўрадамі знаходзяцца ў вельмі складанай сытуацыі, і я думаю, што рэпутацыя Грузіі сапраўды пацярпела», — сказала дыпляматка.
🔗 Крыніца — Грузінская служба Радыё Свабода
↘️ Ці стане BRICS стратэгічнай плятформай будучыні — аналіз Валера Карбалевіча
https://smarturl.click/E1AV0
🔸Сёлетні саміт BRICS у Бразыліі не атрымаў такога вялікага рэзанансу, як мінулагодні форум гэтай арганізацыі, які прайшоў у расейскай Казані. Ён трохі зьбіў ажыятаж вакол гэтай арганізацыі.
🔸Хоць год таму Беларусь атрымала статус дзяржавы-партнэра BRICS, аднак Лукашэнка на саміт у Бразылію не паляцеў. Беларусь прадстаўляў кіраўнік МЗС Рыжанкоў.
🔸Надзеі Расеі ператварыць BRICS у антызаходнюю арганізацыю не спраўджваюцца. Большасьць краін BRICS не зацікаўлены ў зломе цяперашняга сусьветнага парадку — яны, хутчэй, імкнуцца яго проста ўдасканаліць.
У Расеі праз атакі ўкраінскіх дронаў затрымалі вылет амаль двух тысяч рэйсаў, частку зь іх скасавалі
https://smarturl.click/oV47w
Транспартны каляпс у аэрапортах Расеі, які пачаўся ў ноч на 5 ліпеня праз атакі ўкраінскіх бесьпілётнікаў, на раніцу 7 ліпеня прывёў да затрыманьня амаль двух тысяч рэйсаў, каля 500 вылетаў самалётаў скасавалі.
Як паведаміла Расейская служба Радыё Свабода з спасылкай на Расавіяцыю, 88 рэйсаў перанакіравалі на запасныя аэрадромы.
Як вынікае з сайту менскага аэрапорту, расейская кампанія «Аэрафлёт» скасавала 7 ліпеня два рэйсы зь Менску ў Маскву і два – у зваротным кірунку.
На фота: аэрапорт Шарамецьева, Масква. Архіў
Калі Іран і Ізраіль былі найлепшымі сябрамі. Архіўныя фота
https://smarturl.click/20bkX
Да таго як рэвалюцыя 1979 году зрынула іранскую манархію, Тэгеран і Тэль-Авіў абменьваліся турыстамі і таварамі, а не ракетамі і дронамі.
Публікацыю архіўных здымкаў да 1979 году падрыхтаваў Эймас Чапл.
#rfe_rl
Блогерку з Мазыра асудзілі на калёнію за ўдзел у пратэстах 2020 году
https://smarturl.click/nVkYO
Як стала вядома праваабаронцам «Вясны», палітзьняволеную блогерку і актывістку Паліну Зыль асудзілі паводле арт. 342 Крымінальнага кодэксу («удзел у дзеяньнях, што груба парушаюць грамадзкі парадак»). За ўдзел у акцыях пратэсту ў 2020 годзе ён прызначылі адзін год калёніі.
Вядома, што ў 2020 годзе дзяўчына падтрымала пратэсты супраць фальшывых выбараў і гвалту, яна адбывала тады адміністрацыйны арышт.
Паліну Зыль затрымалі ў лютым 2025 году.
Фота ілюстрацыйнае
«Людзі зьвяртаюцца да нас у адчаі». Як зараз працуе «гарачая лінія» «Вясны»
https://smarturl.click/zdGaJ
Супрацоўнікі «Вясны» расказалі, што за пяць гадоў апрацавалі больш за 18 тысяч зваротаў аб дапамозе. Зараз беларусы ўсё часьцей баяцца зьвяртацца па дапамогу.
Менскі офіс праваабарончай арганізацыі «Вясна» быў разгромлены ў сярэдзіне ліпеня 2021 году. Сілавікі прыходзілі ў «Вясну» і раней, аднак пасьля апошніх арыштаў кіраўніцтва і ператрусаў арганізацыя вымушана працуе з-за мяжы. Гэта накладвае адбітак на магчымасьці аказваць дапамогу рэпрэсаваным і назіраньне за сытуацыяй у галіне правоў чалавека, расказваюць у размове з Свабодай каардынатарка «гарачай лініі» «Вясны» Алена і Дзьмітры з Уладзімерам, якія працуюць у грамадзкай прымальні.
Усе яны пагаджаюцца размаўляць на ўмовах ананімнасьці, пад зьмененымі імёнамі. Супрацоўнікі «Вясны» цярпяць ад рэпрэсіяў і праз чатыры гады пасьля арышту кіраўніцтва, лічаныя супрацоўнікі выступаюць у мэдыя публічна.
Фота ілюстрацыйнае
«Табе канец!». Ліст да менскага сябра пра беларускае адзінства
https://smarturl.click/p24YX
Чым жывуць, пра што думаюць, чым пераймаюцца і на што спадзяюцца беларусы ў вымушанай эміграцыі. Пра гэта ў новым лісьце да свайго менскага сябра піша Сяргей Дубавец.
На фота: Сяргей Ціханоўскі на мітынгу ў Варшаве, 26 чэрвеня 2025, ілюстрацыя
У Тэхасе маштабная паводка, ёсьць ахвяры
У цэнтральнай частцы штату Тэхас (ЗША) працягваецца паводка, якую выклікалі моцныя залевы, калі за некалькі гадзін выпала месячная норма ападкаў.
Як паведаміла агенцтва Reuters, колькасьць ахвяр раптоўнай паводкі дасягнула сама меней 78 чалавек, у тым ліку 28 дзяцей, бо пошукі дзяўчынак, якія зьніклі бязь вестак у летніку працягваліся, а боязь новых паводак прымусіла эвакуяваць валянтэраў-ратавальнікаў.
Фота агенцтва AFP
25 гадоў таму быў выкрадзены тэлеапэратар Дзьмітры Завадзкі
https://smarturl.click/3QX4g
Дзьмітры Завадзкі, беларускі журналіст, супрацоўнік Грамадзкай расейскай тэлевізіі (ОРТ, цяпер — Першы канал) зьнік 7 ліпеня 2000 году, на той момант яму было 27 гадоў.
Раніцай таго дня Завадзкі выехаў з дому ў Нацыянальны аэрапорт Менск сустракаць Паўла Шарамета, карэспандэнта ОРТ па Беларусі, які прылятаў з Масквы. Машыну знайшлі на стаянцы аэрапорту з павыціранымі адбіткамі пальцаў, Зьмітра ў ёй не было. З тых часоў Завадзкага больш ніхто ня бачыў.
Фота зь вечарыны памяці Зьмітра Завадзкага ў Менску, архіў
🇵🇱 Мігранты атакавалі польскіх памежнікаў камянямі, бутэлькамі і кіем зь цьвікамі — Памежная ахова Польшчы
З 4 па 6 ліпеня спынена каля 175 спробаў нелегальнага пранікненьня на польскую тэрыторыю з боку Беларусі, вынікае з паведамленьня Памежнай аховы Польшчы.
Адзначаюцца «вельмі агрэсіўныя» паводзіны мігрантаў мінімум на двух зь сямі згаданых у зводцы памежных пастоў. У прыватнасьці, паведамляецца, што «іншаземцы, якія знаходзіліся за тэхнічнай загародай, некалькі разоў кідалі ў польскіх патрулёў бутэлькі, камяні і кій з убітымі цьвікамі» (на фота).
З пачатку 2025 году зафіксавана больш за 14 600 спробаў незаконнага перасячэньня польска-беларускай мяжы.
📹 «Разы тры ці чатыры траціў прытомнасьць»
Салдат украінскай нацгвардыі Максім Юрчанка трапіў у расейскі палон на самым пачатку поўнамаштабнага ўварваньня.
Татуіроўка з трызубцам на ягонай руцэ не спадабалася расейскім сілавікам. Яны білі яго да страты прытомнасьці.
А Максім, каб татуіроўка стала ня бачнай, парэзаў руку і зрабіў так, каб рана загнаілася і трызубца стала не відаць.
У дадатак да фальшывага сайту Ціханоўскага зьявіўся гэткі ж тэлеграм-канал
7 ліпеня ў канале «Краіна для жыцьця» зьявілася папярэджаньне пра фэйкавы тэлеграм-канал, які прапануе запоўніць форму, каб далучыцца да каманды Сяргея Ціханоўскага.
Адметна, што наваствораны тэлеграм-канал, які набірае запісы ў каманду Ціханоўскага, сам перадрукаваў гэтае папярэджаньне і паставіў спасылку на патрэбную форму.
Будзьце ўважлівыя і асьцярожныя.
Праваабаронцы інстытуту Dignity: Беларусь зноў лідзіруе ў паказьніках катаваньняў
https://smarturl.click/VR64Q
Працоўная група па барацьбе з катаваньнямі Плятформы «Грамадзянская салідарнасьць», у якую ўваходзяць прадстаўнікі праваабарончых і грамадзкіх арганізацый з шасьці краін рэгіёну АБСЭ (Армэнія, Беларусь, Казахстан, Малдова, Расея і Ўкраіна), прадставіла вынікі вымярэньня Індэксу забароны катаваньняў за 2024 год.
Шосты год запар Беларусь паводле гэтага паказьніку заняла апошняе месца, паведамляе праваабарончы цэнтар «Вясна» са спасылкай на дадзеныя Інстытуту супраць катаваньняў Dignity (Данія).
🎸 10 ліпеня на Падляшшы пачынаецца фэстываль TUTAKA-2025
https://smarturl.click/zdG7o
🗣 «На паляне Барык у Падляшшы зьбяруцца беларусы з усяго сьвету, каб разам стварыць унікальную прастору культуры, салідарнасьці і сустрэч», — гаворыцца ў абвестцы арганізатараў.
📍 Фэст пройдзе на 2 гектарах маляўнічага ўрочышча Барык з 10 па 13 ліпеня, у 30 км ад Беластоку і ў 20 км ад мяжы зь Беларусьсю.
Ад пачатку Фэстываль абуджаных TUTAKA задумваўся як прастора сучаснай беларускай культуры на Падляшшы, у рэгіёне, дзе спакон веку жывуць і захоўваюць сваю тоеснасьць этнічныя беларусы.
🗣 «Пасьля падзей 2020 года ў Беларусі, як гаворыцца ў абвестцы арганізатараў, фэст атрымаў новае значэньне. Ён стаў месцам сустрэч беларусаў Падляшша і сьвету, усіх прыхільнікаў беларускай культуры і сяброў Вольнай Беларусі».
Расейскія Тэлеграм-каналы: экс-міністар транспарту Раман Старавойт наклаў на сябе рукі
https://smarturl.click/VR644
Былы кіраўнік Міністэрства транспарту Расеі Раман Старавойт, які ў панядзелак, 7 чэрвеня, быў адпраўлены ў адстаўку прэзыдэнтам Расеі Ўладзімірам Пуціным, наклаў на сябе рукі.
Пра гэта паведамляюць тэлеграм-каналы Shot, Mash і 112. Паводле папярэдняй інфармацыі, побач з Старавойтам знойдзена агнястрэльная зброя.
Старавойт стаў міністрам у траўні 2024 году, да таго ад 2019 году займаў пасаду губэрнатара Курскай вобласьці.
📹 Ці магчымы «ўдар па лукашызьме», які абяцае Ціханоўскі
🔸Што магчыма і што трэба рабіць беларускім палітычным актывістам у цяперашніх умовах?
🔸Пра што варта прасіць заходніх партнэраў — дабівацца вызваленьня палітвязьняў ці зьмены рэжыму?
Пра гэта ў жывым эфіры Свабода Premium дыскутуюць прадстаўнік руху «Вольная Беларусь», палітоляг Павал Вусаў і прадстаўнік Сьвятланы Ціханоўскай у канстытуцыйнай рэформе і супрацы з парлямэнцкай супольнасьцю Анатоль Лябедзька.
https://www.youtube.com/watch?v=NQ3cYo70nOs
У Беларусі надалей скарачаецца экспарт і расьце дэфіцыт у гандлі таварамі
https://smarturl.click/OL6ka
У Нацыянальным статыстычным камітэце Беларусі паведамілі вынікі замежнага таварнага гандлю за першыя пяць месяцаў году.
Як вынікае з афіцыйнага паведамленьня, у студзені–траўні 2025 году экспарт тавараў каштаваў 15,654 мільярда даляраў, што на 3,3 % менш за леташні паказьнік такога ж пэрыяду, а імпарт — 18,259 мільярда даляраў (на 2,4 % больш, чым летась).
Такім чынам сфармавалася адмоўнае гандлёвае сальда ў –2,605 мільярда даляраў.
Гэтая статыстыка ня ўлічвае гандлю паслугамі, зьвесткі пра яго не апублікаваныя.
Эўразійскі банк разьвіцьця канстатуе, што спад экспарту Беларусі выкліканы спадам попыту на яе прадукцыю на вонкавых рынках.
Фота ілюстрацыйнае.
У выніку начных і ранішніх абстрэлаў Харкава пацярпелі 43 чалавекі. Адзін з бесьпілётнікаў пацэліў у тэрытарыяльны цэнтар камплектаваньня і сацыяльнай падтрымкі (колішнія ваенкаматы. – РС).
У Запарожжы раненьні атрымалі 17 чалавек. У горадзе таксама зафіксавалі пацэльваньне ў тэрытарыяльны цэнтар.
У Беларусі махляры запалохваюць «справамі ў КДБ», каб грамадзяне адкупляліся
https://smarturl.click/j78Yz
У Сьледчым камітэце Беларусі паведамілі аб пашырэньні махлярскай схемы выманьваньня грошай у грамадзян, калі іх запалохваюць «справамі ў КДБ» нібыта кіраўнікі арганізацыяў, у якіх яны працуюць.
У паведамленьні, у прыватнасьці, апісваюцца два выпадкі ў Гомельскай вобласьці.
Фота ілюстрацыйнае
У Беларусі кадравы дэфіцыт зноў вырас — у эканоміцы амаль чвэрць мільёна вакансіяў
https://smarturl.click/0Byw8
Як паведаміла выданьне «Люстэрка», 6 ліпеня ў агульнанацыянальным банку вакансіяў было 215 469 прапановаў.
У красавіку арганізацыі Беларусі шукалі 200 691 працаўніка.
Найбольш працаўнікоў патрабуюць у Менску — 59 905. У Менскай вобласьці — амаль 35,3 тысячы вакансіяў, у Берасьцейскай — 26,9 тысячы, у Віцебскай — 22,8 тысячы.
На фота: дзень адчыненых дзьвярэй на БелАЗе, ілюстрацыя
У Беларусі вырасьлі тарыфы на жыльлёва-камунальныя паслугі і электрычнасьць
https://smarturl.click/e01Yk
Тарыфы на ацяпленьне, электрычнасьць і гарачую ваду вырасьлі ў чэрвені 2025 году.
Чакаецца, што ў ліпені беларусы атрымаюць плацёжкі за некаторыя паслугі па падвышаных тарыфах, піша «Люстэрка».
У прыватнасьці, тарыф на цеплавую энэргію для патрэб ацяпленьня і гарачага водазабесьпячэньня цяпер складае 27,2323 рубля за 1 Гкал (было 24,7187 рубля). Плату падвысілі на 10,2% (да 27,2323 рубля за 1 Гкал). Для двухпакаёвай кватэры ў Менску на 50 квадратных мэтраў, у якой прапісаны адзін чалавек, за спажыты аб’ём ацяпленьня ў 1,0163 Гкал па новых тарыфах трэба заплаціць 27,68 рубля. Гэта на 2,56 рубля больш, чым было б за травень. Для кватэр, у якіх ніхто не зарэгістраваны, а таксама для «дармаедзкіх» тарыфы паднялі з 1 студзеня. Яны прыкладна ў 4,8 разы вышэйшыя за льготныя.
Фота ілюстрацыйнае
Саміт БРІКС у выніковай дэклярацыі згадаў вайну ва Ўкраіне, але асудзіў толькі напады на расейскія цывільныя аб’екты
https://smarturl.click/gg6Yw
У 31-старонкавай дэклярацыі саміту БРІКС у Рыа-дэ-Жанэйра Ўкраіна згадваецца толькі адзін раз, пры гэтым «найбольш рашуча» асуджаюцца нядаўнія напады на Расею.
Удзельнікі саміту БРІКС у Рыа-дэ-Жанэйра ў выніковай дэклярацыі выказалі надзею на мірнае пагадненьне ў вайне паміж Расеяй і Ўкраінай, дзякуючы бягучым дыпляматычным намаганьням.
На саміце выступіў міністар замежных спраў Беларусі Максім Рыжанкоў.
На фота: саміт краін БРІКС, Рыа-дэ-Жанэйра, Бразылія, 6 ліпеня 2025 году
Сьледчыя заявілі, што пажар, у якім загінулі бабуля і ўнучка, адбыўся з-за падпалу
Па факце пажару ў вёсцы Культура (Пухавіцкі раён Менскай вобласьці), у якім 5 ліпеня загінулі бабуля і ўнучка, завялі крымінальную справу, паведаміў Сьледчы камітэт Беларусі (СК).
Сьледча-апэратыўная група, якая працавала на месцы здарэньня, з прыцягненьнем супрацоўнікаў МНС устанавіла, што пажар узьнік у выніку падпалу, гаворыцца ў прэс-рэлізе.
На фота: вынікі пажару. Крыніца — Сьледчы камітэт Беларусі
Расея не спыняе атакі на Ўкраіну, у Харкаве – 27 параненых
У ноч на 7 ліпеня расейскія войскі атакавалі Харкаў.
Як паведаміў мэр горада Ігар Церахаў, у выніку ўдару дронамі раненьні атрымалі 27 чалавек у двух раёнах Харкава.
Расейскія войскі рэгулярна абстрэльваюць Украіну з розных відаў узбраеньня – ударнымі дронамі, ракетамі, кіраванымі авіябомбамі.
Кіраўніцтва Расеі зьняпраўджвае тое, што расейская армія наносіць мэтанакіраваныя ўдары па цывільнай інфраструктуры і мірным насельніцтве.
Украінская ўлада і міжнародныя арганізацыі кваліфікуюць гэтыя ўдары як ваенныя злачынствы Расейскай Фэдэрацыі і пераконваюць, што яны маюць мэтанакіраваны характар.
На фота: наступствы расейскіх абстрэлаў Харкава