14478
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Ужо сёньня. 86 гадоў таму Беласток стаў абласным цэнтрам БССР
https://smarturl.click/Y3gme
📅 4 сьнежня
1665 — пачаў дзейнічаць Берасьцейскі манэтны двор.
1926 — другое ўзбуйненьне БССР: далучаныя Гомельскі і Рэчыцкі паветы.
1939 — пасьля далучэньня Заходняй Беларусі да БССР была створаная Беластоцкая вобласьць з цэнтрам у Беластоку (сёньня — Польшча).
1989 — Генэральная Асамблея ААН ухваліла канвэнцыю супраць наймітаў.
1989 — у Маскве кіраўнікі краін Варшаўскага дагавору асудзілі ўвод войскаў у Чэхаславаччыну ў 1968 годзе.
🌱 Нарадзіліся: Каміла Марцінкевіч, Райнэр Марыя Рыльке, Франсіска Франка, Лазар Гінзбург (Лазар Лагін).
🕯 У памяці: Амар Хаям, Томас Гобс, Вера Харужая, Мікалай Аладаў, Франціш Бартуль.
Прэм’ер-міністарка Літвы анансавала ўзмацненьне адказнасьці за кантрабанду
https://smarturl.click/ggm24
Прапановы па зьмене Крымінальнага кодэкса для ўзмацненьня адказнасьці за кантрабанду рыхтуецца ўнесьці ў Сойм урад Літвы, заявіла 3 сьнежня прэмʼер-міністарка Інга Ругінене, перадае LRT.
Што прапануюць:
• ліквідаваць магчымасьць адміністрацыйнага пакараньня, пакінуць толькі крымінальнае,
• ацэньваць маёмасьць падазроных і іх сваякоў,
• даць Службе расьсьледаваньня фінансавых злачынстваў правы антытэрарыстычнага падразьдзяленьня,
• абмежаваць колькасьць SIM-карт, якія можа купіць адзін чалавек,
Ругінене нагадала, што МЗС рыхтуе пакет больш жорсткіх санкцый ЭЗ супраць Беларусі.
Літва ўручыла ноту беларускаму паверанаму. А зь Беларусі зноў паляцелі шары з кантрабандай
https://smarturl.click/p2LwA
3 сьнежня ў МЗС Літвы выклікалі часовага паверанага ў справах Беларусі і ўручылі яму ноту пратэсту.
Прычынай сталі няспынныя гібрыдныя атакі кантрабандысцкімі шарамі з тэрыторыі Беларусі, якія парушаюць працу Віленскага аэрапорта і ствараюць пагрозу бясьпецы грамадзянскай авіяцыі.
А таксама блякаваньне літоўскіх грузавікоў з прычэпамі, якім улады Беларусі не дазваляюць вярнуцца назад у Літву.
МЗС Літвы папярэдзіла, што пакідае за сабой права прыняць контрамеры на нацыянальным, эўрапейскім ды міжнародным узроўнях, каб прыцягнуць улады Беларусі да адказнасьці.
А 19:36 у гэты ж дзень Віленскі аэрапорт чарговым разам спыніў прыём і адпраўку рэйсаў праз пагрозу сутыкненьня самалётаў з кантрабандысцкімі шарамі, запушчанымі зь Беларусі.
Як беларус стаў папулярным пасьля допісу, што ідзе дахаты нападпітку
Ігар, звычайны рабочы зь Віцебску, стаў папулярным у сацыяльных сетках пасьля таго, як апублікаваў шчыры допіс пра сваё вяртаньне дадому нападпітку.
Пост набраў больш за 100 тысяч падабаек і 4 тысяч камэнтароў.
Людзі з розных краін фактычна ў жывым часе хваляваліся і цікавіліся лёсам Ігара.
«Справа ж ня ў тым, што ён там бухі, справа ў тым, што сумленны», — напісаў адзін з камэнтатараў.Читать полностью…
У Менску адкрылі будынак новага суду, дзе можна будзе «онлайн весьці судовыя працэсы і разглядаць пытаньні бязь яўкі бакоў»
https://smarturl.click/aRx25
З 1 студзеня ў будынку на вуліцы Мясьнікова, 5 пачнуць працаваць 27 судзьдзяў.
Патрэба ў ім зьявілася пасьля таго, як апэляцыі вырашылі разглядаць не ў абласных эканамічных судах ці гарадзкім эканамічным судзе Менску, як раней. Бо праз гэта атрымлівалася, што адзін і той жа суд быў судом і першай, і другой інстанцый.
У новым судзе «створаныя ўсе магчымасьці для таго, каб у рэжыме онлайн весьці судовыя працэсы і разглядаць пытаньні бязь яўкі бакоў», — адзначыў старшыня Вярхоўнага суду Валянцін Сукала.
Фота — Менскі гарвыканкам
🛩 Аднаўляюцца авіярэйсы паміж Беларусьсю і Ізраілем
https://smarturl.click/9oqxy
Квіткі на люты і сакавік ужо прадаюцца на сайце авіякампаніі Arkia.
Пачынаючы з 2 лютага, рэйсы будуць выконвацца ў панядзелкі і пятніцы ў абодва бакі. Працягласьць палёту — ад 3:30 да 3:50. Кошт квіткоў на сёньня 244–273 даляры ў адзін бок.
Arkia — другі па велічыні грамадзянскі авіяперавозчык Ізраілю з 6 самалётамі.
ℹ️ 30 траўня 2022 году «Белавія» паведаміла, што ўлады Ізраілю адмовілі ў абслугоўваньні ейных самалётаў у аэрапорце Тэль-Авіву. Так спыніліся рэгулярныя палёты зь Менску ў Тэль-Авіў, якія ажыцьцяўляліся з 1996 году.
У 2021 годзе санкцыі супраць «Белавія» ўвёў ЭЗ. У 2022 — ЗША.
У верасьні 2025 году санкцыі ЗША супраць «Белавія» былі часткова зьнятыя. Сярод іншага зьняцьце санкцый адкрывае магчымасьць рабіць рэйсы ў Ізраіль. Разам з тым, «Белавія» пра аднаўленьне рэйсаў у Ізраіль на сваіх самалётах не паведамляла.
🇮🇱 Ізраіль ня ўводзіў санкцый супраць Беларусі.
Улады Беларусі абавязалі замежныя фуры выкарыстоўваць навігацыйныя плёмбы, гэта датычыць перавозьнікаў зь Літвы, Польшчы і Латвіі
https://smarturl.click/p27QE
Гэта дазваляе ў рэжыме рэальнага часу адсочваць рух транспарту і фіксаваць ускрыцьцё грузавых адсекаў.
Навігацыйныя плёмбы павінны абавязкова выкарыстоўвацца пры ўезьдзе ў Беларусь з Латвіі, Літвы і Польшчы на грузавіках, а таксама на парожніх аўто, зарэгістраваных у Эўразьвязе.
Акрамя таго, іх трэба выкарыстоўваць пры перавозцы небясьпечных грузаў.
«ПіК Свабоды». На чыім баку беларусы ў вайне?
https://www.youtube.com/watch?v=yMaWFH6op0s
1️⃣ На чыім баку беларусы ў вайне?
2️⃣ Ці хочуць беларусы ў NATO?
3️⃣ Мігранты, палітвязьні, вайна, ядзерная зброя — што кажуць беларусы ў апытаньні Chatham House.
4️⃣ Як ставяцца беларусы да працоўных мігрантаў і да памілаваньняў палітвязьняў? Ці зьмянілася іх стаўленьне да вайны Расеі з Украінай? Які выбар робяць апытаныя паміж Расеяй і Эўропай?
У праграме «ПіК Свабоды» пра вынікі апошняга апытаньня гараджанаў Беларусі апавядае кіраўнік праекту «Беларуская ініцыятыва» брытанскага Chatham House, доктар паліталёгіі Рыгор Астапеня.
Кіраўнікі МЗС краін NATO адрэагавалі на заявы Пуціна аб гатоўнасьці да вайны з Эўропай
https://smarturl.click/y6ZEL
🇳🇱 Міністар замежных спраў Нідэрляндаў: «Павелічэньне нашых выдаткаў на абарону — гэта ня нешта „для паказухі“, а неабходнасьць для рэгіёну і Эўропы».
🇱🇻 Міністар замежных спраў Латвіі: «Мы захоўвалі мір з моманту стварэньня NATO. Гэта наша задача, і гэта тое, што мы будзем рабіць».
🇳🇴 Міністар замежных спраў Нарвэгіі: «За 76 гадоў існаваньня NATO ніводная іншая краіна не нападала на краіну NATO, бо мы заўсёды гатовыя абараняцца і зьяўляемся самым моцным ваенным альянсам у гісторыі».
🇱🇹 Міністар замежных спраў Літвы: «Расея ўяўляе і будзе ўяўляць прамую ваенную пагрозу для NATO — незалежна ад таго, ці будзе дасягнута пагадненьне аб спыненьні агню».
Палата прадстаўнікоў ухваліла бюджэт на 2026 год з дэфіцытам 4,3 млрд. рублёў і зьмены ў падатковым заканадаўстве
https://smarturl.click/B4ZxM
Паводле праекту рэспубліканскага (дзяржаўнага) бюджэту, налета прадугледжваецца 54 384,3 млн рублёў даходу. Асноўныя крыніцы падатковых даходаў бюджэту — падатак на дабаўленую вартасьць, акцызы, падатковыя даходы ад замежнаэканамічнай дзейнасьці.
За год у сьвеце за краты трапілі 93 праваабаронцы. Спэцыяльныя дакладчыкі ААН запатрабавалі іх вызваленьня
https://smarturl.click/w4bWW
Міжнародныя экспэрты ў правах чалавека выступілі з сумеснай заявай аб адвольным працяглым утрыманьні праваабаронцаў пад вартай.
Паводле аўтараў заявы, апошнімі гадамі праваабаронцаў пастаянна і надоўга зьмяшчаюць пад варту да суду і даюць ім працяглыя тэрміны турэмнага зьняволеньня, пры гэтым часта трымаючы іх у бесчалавечных і прыніжальных для годнасьці ўмовах. Праваабаронцы цярпяць ад катаваньняў, жорсткага абыходжаньня і ціску. Некаторыя памерлі ў турме.
Літоўскія перавозьнікі, фуры якіх заблякавалі ў Беларусі, заплянавалі акцыі пратэсту на трасе М1 і ў цэнтры Вільні
https://smarturl.click/GgZdQ
У Асацыяцыі перавозьнікаў Літвы заявілі, што на наступным тыдні перавозьнікі плянуюць пратэст на праспэкце Гедзіміна ў Вільні. А незалежныя перавозьнікі хочуць перакрыць трасу М1 пад Мар’ямпалем.
🇪🇺 Эўразьвяз вырашыў спыніць імпарт прыроднага газу з Расеі ў 2027 годзе
https://smarturl.click/JnZYx
Так званыя спотавыя закупкі газу, якія ажыцьцяўляюцца без папярэдніх кантрактаў, будуць спыненыя да чэрвеня 2026 года. Пастаўкі звадкаванага газу па доўгатэрміновых кантрактах павінны спыніцца 1 студзеня 2027 года, а пастаўкі газу па трубаправодах — 30 верасьня 2027 года.
Японцы на першым месцы сярод сталых карыстальнікаў Duolingo — праграмы для вывучэньня моваў. Беларусы — трэція
https://smarturl.click/xVbRQ
Ужо другі год запар — і трэці раз за чатыры апошнія гады — Японія заняла першае месца сярод краінаў з найбольш сур’ёзнымі вучнямі. Яны вызначаюцца паводле сярэдняга часу, які праводзіцца ў навучаньні. Далей ідуць Вугоршчына (№ 2), Беларусь (№ 3), Расея (№ 4) і Нямеччына (№ 5).
Калі глядзець на мовы, якія выбіраюць у гэтых краінах, на першай пазыцыі ідзе гішпанская, далей ангельская, затым італьянская. А чацьвертае і пятае месцы нечаканана занялі валійская і нарвэская мовы.
Ужо сёньня. Міжнародны дзень асобаў з інваліднасьцю
https://smarturl.click/w4bo7
📅 3 сьнежня
1775 — упершыню ўзьнялі амэрыканскі сьцяг. Ён яшчэ адрозьніваўся ад сучаснага — меў брытанскі «Юніён Джэк» у верхнім куце.
1918 — Рада і Ўрад БНР пакінулі Менск і пераехалі ў Вільню.
1921 — у Менску створаная Беларуская кантора Дзяржбанку РСФСР — структура, пераемнікам якой лічыцца Нацыянальны банк Беларусі.
1939 — у Бэрліне пачала выходзіць газэта «Раніца».
1965 — The Beatles выпусьцілі альбом Rubber Soul, які стаў паваротным пунктам у іх творчасьці.
1967 — хірург Крыстыян Барнард зрабіў першую ў гісторыі пасьпяховую перасадку чалавечага сэрца.
1991 — распушчаны Камітэт дзяржаўнай бясьпекі СССР.
1992 — адпраўлена першае SMS-паведамленьне.
🌱 Нарадзіліся: Рыгор Крушына, Міхась Кукабака, Данута Бічэль-Загнетава, Озі Осбарн.
🕯 У памяці: Робэрт Льюіс Стывэнсан, П’ер-Агюст Рэнуар, Вера Кляйнміхель, Рыта Млодак, Ірына Ждановіч, Вітаўт Кіпель.
СМІ: ЭЗ унясе Расею ў сьпіс краін з высокай рызыкай фінансаваньня тэрарызму
https://smarturl.click/OLyzo
ЭЗ уключыць Расею ў сьпіс краін з высокай рызыкай адмываньня грошай і фінансаваньня тэрарызму, пішуць Politico і Le Monde з спасылкай на крыніцы і дакумэнт, які распрацоўваецца.
Унясеньне ў чорны сьпіс цягне за сабой
• узмацненьне кантролю за фінансавымі апэрацыямі,
• комплексную праверку па ўсіх зьдзелках наконт бенэфіцыяраў і паходжаньня грошай,
• зьдзелкі будуць ухваляць спэцыяльныя камісары эўрапейскай службы па барацьбе з адмываньнем грошай.
Група распрацоўкі фінансавых мер барацьбы з адмываньнем грошай яшчэ ў 2023 годзе прыпыніла сяброўства Расеі ў арганізацыі з прычыны поўнамаштабнага ўварваныя ва Ўкраіну, але тады ня стала ўносіць у якія-небудзь сьпісы.
Афіцыйнай аб’явы пра ўключэньне ў сьпіс на момант публікацыі навіны не было.
Асноўнае за 3 сьнежня
• «Я глыбока паважаю беларусаў, зь якімі служу». Гутарка з амэрыканскім мэдыкам палку Каліноўскага
• На чыім баку беларусы ў вайне? «ПіК Свабоды» з сацёлягам Рыгорам Астапенем
• «Менск адчуў, што „пайшла карта“», — Кавалеўскі ацэньвае магчымасьці Літвы
• Сямейнае турнэ па дыктатурах. Што Лукашэнка шукаў у М’янме, Амане і Алжыры
• Калі дзяржаўныя інтарэсы губляюцца ў сямейных: што хаваецца за паўднёвым ваяжам Лукашэнкі
• Японцы на першым месцы сярод сталых карыстальнікаў Duolingo — беларусы трэція
• ЗША і Расея не знайшлі згоды наконт мірнага пагадненьня ва Ўкраіне
• Эўразьвяз вырашыў спыніць імпарт прыроднага газу з Расеі ў 2027 годзе
• «Нэўтральнасць» беларускіх фрыстайлістаў, лыжнікаў і сноўбардыстаў правераць перад допускам да адбору на Алімпіяду
• Кіраўнікі МЗС краін NATO адрэагавалі на заявы Пуціна
• У ЗША перасталі разглядаць іміграцыйныя запыты ад грамадзян 19 краінаў. Ці тычыцца гэта беларусаў?
• Аднаўляюцца авіярэйсы паміж Беларусьсю і Ізраілем
• Літва ўручыла ноту пратэсту беларускаму паверанаму. А зь Беларусі зноў паляцелі шары з кантрабандай
Як Рыма з Амэрыкі ратуе каліноўцаў ва Ўкраіне
https://smarturl.click/AxXqg
Рыма Журайціс, пакінуўшы працу ў фінансавай сфэры ў ЗША, далучылася да палку Каліноўскага ва Ўкраіне, каб аказваць мэдычную дапамогу жаўнерам.
Раней яна ўдзельнічала ў мітынгах беларускай дыяспары ў Чыкага.
Вяртацца да звычайнага жыцьця яна плянуе толькі пасьля перамогі Ўкраіны.
Калі дзяржаўныя інтарэсы губляюцца ў сямейных: што хаваецца за паўднёвым ваяжам Лукашэнкі
https://smarturl.click/13oMb
Лукашэнка зладзіў доўгі ваяж па паўднёвых краінах. Ён наведаў М’янму, Аман, Альжыр, зноў Аман (дзе прабудзе да выходных). Пры гэтым паездка ў Аман нагадвала сямейны візыт, піша Валер Карбалевіч.
💬 Падчас перамоваў з султанам Амана склад беларускай дэлегацыі быў вельмі незвычайны. Не было беларускіх чыноўнікаў — прысутнічалі сам Лукашэнка і ягоныя сыны Віктар і Мікалай.
💬 Сямейныя інтарэсы сталі аддзяляцца ад дзяржаўных нават фармальна.
💬 Гандлёвы абарот Беларусі з Альжырам моцна вырас апошнім годам, дасягнуўшы $50 млн. У асноўным за кошт экспарту беларускіх харчовых прадуктаў.
💬 Па выніках візыту ў Альжыр падпісана шмат розных дакумэнтаў. Але досьвед мінулых паездак Лукашэнкі ў розныя краіны сьведчыць, што яны ў мінімальнай ступені ўплываюць на разьвіцьцё эканамічных адносін.
Сямейнае турнэ па дыктатурах. Што Лукашэнка шукаў у М’янме, Амане і Альжыры
https://www.youtube.com/watch?v=Ed-UMJ_qTb0
Паветраныя ўдары, абстрэлы і гвалт — гэта 🇲🇲 М’янма, адна з самых ваенізаваных і небясьпечных краінаў сьвету. І менавіта сюды Лукашэнка прылятае не адзін, а разам з сынамі, пачынаючы сапраўднае сямейнае турнэ па «далёкай дузе».
Пакуль сыны Мікалай і Віктар зьяўляюцца на ўсіх афіцыйных сустрэчах, сярэдні сын Дзьмітры нечакана ўзьнікае ў 🇮🇩 Інданэзіі на перамовах пра ўгнаеньні. У выніку візыт выглядае не як дзяржаўная місія, а як падарожжа сям'і, якая выкарыстоўвае зьнешнюю палітыку ў асабістых інтарэсах.
Што гэта было? Тлумачыць Дзьмітры Гурневіч.
🇺🇸 У ЗША перасталі разглядаць іміграцыйныя запыты ад грамадзян 19 краінаў
https://smarturl.click/e0ApR
Адміністрацыя Дональда Трампа прыпыніла разгляд усіх іміграцыйных запытаў ад грамадзян 19 краін пасьля страляніны па двух вайскоўцам Нацыянальнай гвардыі ў некалькіх кварталах ад Белага дома ў Вашынгтоне.
❗️Беларусі ў сьпісе няма.
Забарона тычыцца грамадзянаў
🇦🇫 Аўганістана
🇧🇮 Бурундзі
🇻🇪 Вэнэсуэлы
🇭🇹 Гаіці
🇾🇪 Емэна
🇮🇷 Ірана
🇨🇩 Конга (ДРК)
🇨🇺 Кубы
🇱🇾 Лібіі
🇱🇦 Ляосу
🇲🇲 М’янмы
🇸🇴 Самалі
🇸🇩 Судана
🇸🇱 Сьера-Леонэ
🇹🇬 Тога
🇹🇲 Туркмэністана
🇹🇩 Чаду
🇬🇶 Экватарыяльнай Гвінэі
🇪🇷 Эрытрэі
«Менск адчуў, што „пайшла карта“», — Кавалеўскі ацэньвае магчымасьці Літвы разьвязаць крызіс
https://smarturl.click/OLZ5A
Кіраўнік Агенцтва трансатлянтычнага супрацоўніцтва Валер Кавалеўскі: «Такое адчуваньне, што Менск адчуў, што „пайшла карта“ пасьля таго, як Злучаныя Штаты пачалі размаўляць пра вызваленьне палітвязьняў».
💬 «Праўда заключаецца ў тым, што па-ранейшаму на Беларусь глядзяць як на пагрозу, як на сатэліта Расеі».
💬 «Захад можа лёгка адмовіцца ад дыялёгу».
💬 «Захад можа адмежавацца ад Беларусі, выбудаваць гэтую мяжу, гэтую сьцяну на мяжы з Беларусьсю, выбудаваць мэханізмы стрымліваньня пагрозы на цэлыя дзесяцігодзьдзі наперад. І таму пераацэнка сваіх магчымасьцяў з боку Менску вельмі небясьпечная для нашай краіны».
→ Цалкам інтэрвію глядзіце ў праграме «ПіК Свабоды» на YouTube.
Расейскія войскі ўдарылі па Днепрапятроўскай вобласьці — некалькі чалавек загінулі
https://smarturl.click/5ZXkj
Расейскія войскі ў ноч на 3 сьнежня ўдарылі бесьпілётнікамі па горадзе Цярноўка, у якім жыве больш за 20 тысяч чалавек (на фота).
Як мінімум двое чалавек загінулі і трое пацярпелі.
За ноч Расея атакавала Ўкраіну 111 бесьпілётнікамі. 27 зь іх пацэлілі ў 13 месцаў, паведамілі Ўзброеныя сілы Ўкраіны.
Мінабароны Расеі заявіла пра 102 зьнішчаныя ўкраінскія бесьпілётнікі за ноч. У Тамбоўскай вобласьці ўсчаўся пажар на нафтабазе. Некалькі цыстэрнаў былі пашкоджаныя ў Варонескай вобласьці.
«Нэўтральнасьць» беларускіх фрыстайлістаў, лыжнікаў і сноўбардыстаў правераць перад допускам да адбору на Алімпіяду
https://smarturl.click/XDgRW
Міжнародная фэдэрацыя лыжнага спорту і сноўборду (FIS) праверыць спартоўцаў і дапаможны пэрсанал зь Беларусі і Расеі на адпаведнасьць патрабаваньням для атрыманьня статусу «індывідуальнага нэўтральнага спартоўца» на зімовых Алімпійскіх і Паралімпійскіх гульнях 2026 году.
Раней нэўтральны статус некаторых спартоўцаў у асобных відах спорту выклікаў сумневы. Нацыянальны алімпійскі камітэт Украіны пратэставаў супраць павярхоўных захадаў.
Былую кіраўніцу эўрапейскай дыпляматыі Магерыні вызвалілі пасьля затрыманьня
https://smarturl.click/13RnD
Бэльгійскія праваахоўныя органы вызвалілі Фэдэрыку Магерыні, рэктарку Каледжу Эўропы і былую Высокую прадстаўніцу ЭЗ у замежных справах, пасьля яе затрыманьня.
🇱🇹 Літва ў 2026 годзе плянуе прызваць у войска пяць тысяч чалавек
https://smarturl.click/WR5V9
Структура прызыву ня будзе аднастайнай: амаль чатыры тысячы юнакоў будуць прызваныя на дзевяцімесячную пачатковую службу, 90 чалавек з патрэбнымі для войска спэцыяльнасьцямі адслужаць тры месяцы, яшчэ 450 чалавек будуць прызваныя на тры-чатыры месяцы пачатковай падрыхтоўкі або ў межах праграмы наданьня вайсковай спэцыяльнасьці, разьлічанай на тры гады. Яшчэ 650 чалавек за 160–200 дзён пройдуць праграму падрыхтоўкі малодшых афіцэраў.
▫️На чыім баку беларусы ў вайне?
▫️Ці хочуць беларусы ў NATO?
▫️Мігранты, палітвязьні, вайна, ядзерная зброя – што кажуць беларусы ў апытаньні Chatham House.
▫️Як ставяцца беларусы да працоўных мігрантаў і да памілаваньняў палітвязьняў? Ці зьмянілася іх стаўленьне да вайны Расеі з Украінай? Які выбар робяць апытаныя паміж Расеяй і Эўропай?
У праграме «ПіК Свабоды» у 16:30 пра вынікі апошняга апытаньня гараджанаў Беларусі раскажа кіраўнік праекту «Беларуская ініцыятыва» брытанскага Chatham House, доктар паліталёгіі Рыгор Астапеня.
«Я глыбока паважаю беларусаў, зь якімі служу». Гутарка з амэрыканскім мэдыкам палку Каліноўскага
https://smarturl.click/AxXqg
Рыма Журайціс кінула жыцьцё ў ЗША і ратуе жаўнераў ва Ўкраіне. Фінансавы офіс яна прамяняла на відовішча разарваных канцавінаў і вантробаў. Часам усё, чаго яна хоча, – гэта гарачы душ. Але вяртацца да цывільнага жыцьця Рыма плянуе толькі тады, калі скончыцца вайна.
ЗША і Расея не знайшлі згоды наконт мірнага пагадненьня ва Ўкраіне ў час пяцігадзінных перамоваў у Крамлі
https://smarturl.click/Regnx
Перамовы паміж ЗША і Расеяй пра спыненьне вайны ва Ўкраіне ў аўторак не прывялі да прарыву, бо Крэмль заявіў, што ў ключавым пытаньні тэрыторыі «кампрамісу» пакуль не дасягнулі.
«Некаторыя прапанаваныя фармулёўкі нам не пасуюць, і праца будзе працягвацца», — сказаў галоўны памочнік прэзыдэнта Расеі Юрый Ушакоў.
Тым часам міністры замежных спраў краін NATO сустрэнуцца ў Брусэлі 3 сьнежня, каб абмеркаваць далейшую падтрымку Ўкраіны і абарончы патэнцыял альянсу.
🇪🇺 Хто ў Эўропе больш за ўсіх выдаткоўвае грошай на абарону?
https://smarturl.click/8pwQv
У 2024 годзе краіны Еўрасаюза накіравалі на абарону 343,2 млрд €, піша Euronews.
📌 44% усіх выдаткаў прыйшліся на Нямеччыну і Францыю.
• 🇩🇪 — 90,6 млрд €
• 🇫🇷 — 59,6 млрд €
Далей —
• 🇮🇹 Італія — 32,7 млрд €
• 🇵🇱 Польшча — 31,9 млрд €
• 🇪🇸 Гішпанія — 22,7 млрд €
Разам першая пяцёрка забяспечвае 69,2% абаронных выдаткаў усяго ЭЗ.
📈 У 2025 годзе выдаткі дасягнуць 392 млрд € (рост на 98% у параўнанні з 2020-м), мяркуе Эўрапейскае абароннае агенцтва.