14478
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
24 сваякі Ўладзіміра Пуціна займаюць пасады, зьвязаныя з дзяржавай або буйным дзяржаўным бізнэсам
Пра гэта піша выданьне «Проект».
Найбольш высокія пасады займаюць прадстаўнікі роду стрыечнага брата прэзыдэнта Яўгена Пуціна:
• Анна Цывілёва — намесьніца міністра абароны,
• Сяргей Цывілёў — міністар энэргетыкі,
• Міхаіл Пуцін — намесьнік старшыні праўленьня «Газпрама».
Іншая галіна сям’і кантралюе «РусГідра».
Даход ад дзяржструктур атрымліваюць таксама ўсе чатыры вядомыя жанчыны Пуціна — Людміла Ачарэтная, Аліна Кабаева, Сьвятлана Крываногіх і Аліса Харчава, а таксама дзьве ягоноыя дочкі — Марыя Варанцова і Кацярына Ціханава.
Паводле «Проекта», гэта рэкорд для расейскіх кіраўнікоў за апошняе стагодзьдзе. У Барыса Ельцына, якога крытыкавалі за кумаўство, на дзяржаўных пасадах было ня больш за пяць родзічаў.
Асноўнае за 6 лістапада
• «Мы ж рэсурс, які трэба прадаць». Вялікае інтэрвію з Паўлам Вінаградавым
• Амэрыканскі бок трымае слова, аслабляючы санкцыі адносна «Белавія», — амэрыканіст Пянькоўскі
• На «Нафтане» быў пажар, яго тушылі 17 адзінак тэхнікі
• Калі ў Беларусі паспрабуюць пабудаваць завод для вырабу «шахедаў», Украіна глядзець на гэта проста так ня будзе, — украінскі экспэрт
• Пуцін заснаваў Дзень моваў народаў Расеі. Экспэрты кажуць пра палітыку лінгвацыду ў РФ
• МЗС Беларусі адхіліў зварот ураду Літвы аб пропуску грузавікоў, заблякаваных на беларускай тэрыторыі
• Чарга на выезд у Польшчу расьце далей, цяпер у ёй каля 3000 легкавікоў і 155 аўтобусаў
• Урад Беларусі заплянаваў на 2026 год больш штрафаў і канфіскацыяў маёмасьці
• Ціханоўская ўпершыню сустрэлася з кіраўнікамі ўраду і парлямэнту Аўстраліі
• На Саакашвілі і лідэраў апазыцыі ў Грузіі завялі новую крымінальную справу
• Ці вырастуць зноў ядзерныя грыбы? Да чаго можа прывесьці пагроза Трампа аднавіць ядзерныя выпрабаваньні
🦬 З вобразам зубра ў Беларусі цяпер будзе асацыявацца і алькаголь
https://smarturl.click/MG5a3
Савет міністраў пастанавіў наносіць выяву зубра на ўсе пляшкі з алькагольнымі напоямі.
Побач з выявай будуць яшчэ два радкі тэхнічнага коду — нумар ліцэнзіі, зьмена і дата вытворчасьці.
Апроч таго, на ўсёй алькагольнай прадукцыі будуць розныя акцызныя маркі, па якіх можна вызначыць:
• ці яна імпартаваная,
• ці вырабленая або разьлітая ў Беларусі,
• ці арыштаваная або канфіскаваная.
🍾 Усяго — 15 варыянтаў марак для розных па паходжаньні, аб’ёме і тыпе напояў.
Аднаго з чатырох пацярпелых ад выбуху на «Беларуськаліі» перавялі на амбуляторнае лекаваньне
https://smarturl.click/L36zd
Але два пацярпелыя па-ранейшаму знаходзяцца на штучнай вэнтыляцыі лёгкіх.
Лекары адзначылі станоўчую дынаміку стану пацярпелай жанчыны, паведаміла Міністэрства аховы здароўя.
31 кастрычніка «Беларуськаліі» разарвалася ёмістасьць з-пад салянай кіслаты. Ударная хваля пашкодзіла таксама суседні рэзэрвуар з салянай кіслатой, частка якой выцекла вонкі.
Ад хімічных апёкаў і траўмаў пацярпелі чацьвёра работнікаў — адна жанчына і трое мужчын.
МУС дадало ў «сьпіс экстрэмістаў» яшчэ 15 чалавек
https://smarturl.click/oVqXO
Сярод іх — адвакатка Сьцяпана Латыпава Кацярына Жаўтанога. Яна адбывае пакараньне.
• Анастасія Грыцкевіч, 31 год, ч.1–2 арт. 361-4
• Вадзім Дзярюгін, 45 гадоў, ч.1–2 арт. 361-4
• Кацярына Жаўтанога, 43 гады, ч.1 арт. 130
• Кацярына Зайцава, 23 гады, ч.1 арт. 361-4
• Дзмітрый Карповіч, 24 гады, ч.1–2 арт. 361-4
• Андрэй Крывашэй, 32 гады, ч.1–2 арт. 361-4
• Максім Ланскіх, 34 гады, ч.1 арт. 130
• Тацяна Лукʼянцава, 39 гадоў, ч.1 арт. 342; ч.1–2 арт. 361-4
• Анастасія Нікалаева, 25 гадоў, ч.1–2 арт. 361-4
• Аляксей Перавалаў, 22 гады, ч.1 арт. 361-4
• Аляксей Прохарчык, 37 гадоў, ч.1–2 арт. 361-4
• Дарʼя Пучыла, 27 гадоў, ч.1–2 арт. 361-4
• Алена Суляк, 31 год, ч.1 арт. 361-4
• Юлія Фэнэр, 52 гады, ч.1 арт. 342; ч.1–2 арт. 361-4
• Павел Чырын, 30 гадоў, ч.1–2 арт. 361-4
ℹ️ 130 — распальваньне варожасьці.
342 — удзел у беспарадках.
361-4 — садзейнічаньне экстрэмісцкай дзейнасьці.
Усяго ў сьпісе цяпер 5957 чалавек, піша «Вясна»
«На тле вайны ва Ўкраіне неяк нам радавацца...». Лукашэнка адкрыў мост і заклікаў украінцаў ехаць у Беларусь
https://smarturl.click/VR1a0
Аляксандар Лукашэнка заявіў, што абноўлены мост цераз Прыпяць пабудавалі для беларусаў і ўкраінцаў, і заклікаў грамадзян Украіны прыяжджаць у Беларусь.
«Мы адкрытыя. Калі ласка, прыяжджайце, украінцы. Мы з задаволеньнем вас прымем. Вашым сем’ям, вашым дзеткам забясьпечым такое жыцьцё, як беларусам у пляне адукацыі, аховы здароўя», — працытавала Лукашэнку дзяржаўнае агенцтва БелТА.
«Для нас украінцы — гэта добра. Гэта вельмі працавітыя людзі, якія разумеюць нас і размаўляюць з намі на адной мове. Тым ня менш, бяда прыйшла ў дом нашага суседа. Мяркую, што ўстаканімся мы з гэтай праблемай», — заявіў ён.
МЗС Беларусі адхіліў зварот ураду Літвы аб пропуску грузавікоў, заблякаваных на беларускай тэрыторыі
https://smarturl.click/DYkj3
Міністэрства замежных справаў Беларусі заклікае Літву скасаваць рашэньне аб закрыцьці мяжы.
Пра гэта гаворыцца ў заяве прэс-сакратара МЗС Руслана Варанкова. Паводле яго, «аб прыняцьці якіх-небудзь паасобных захадаў ня можа быць і гаворкі».
Ён адзначыў, што Беларусь не нясе адказнасьці нэгатыўныя наступствы рашэньня Літвы, «якія аказаліся шматграннымі — ад праблем з грузавым транспартам да істотнай шкоды, нанесенай ня толькі беларускім грамадзянам і бізнэсу, самому літоўскаму боку, але і грамадзянам трэціх краін, уключаючы дзяржавы ЭЗ».
Літоўская нацыянальная асацыяцыя аўтамабільных перавозьнікаў LINAVA раней заявіла, што тысячы грузавікоў і паўпрычэпаў зь Літвы ўсё яшчэ затрымліваюцца ў Беларусі.
Пасьля наплыву кантрабандных паветраных балёнаў у кастрычніку Кабінэт міністраў Літвы вырашыў закрыць мяжу зь Беларусьсю да 30 лістапада.
🇦🇺 Ціханоўская ўпершыню сустрэлася з кіраўнікамі ўраду і парлямэнту Аўстраліі
https://smarturl.click/4OyDG
6 лістапада Сьвятлана Ціханоўская сустрэлася з прэм’ер-міністрам Аўстраліі Энтані Альбанэзэ ў ягонай канцылярыі ў Канбэры. Гэта першы выпадак, калі аўстралійскі прэм’ер прымае беларускага палітыка на такім узроўні.
Прэм’ер Аўстраліі выказаў поўную падтрымку беларускім дэмакратычным сілам і беларускаму народу.
Затым Ціханоўская сустрэлася з старшынём Палаты прадстаўнікоў Аўстраліі Мілтанам Дыкам. Перамовы адбыліся ў будынку парлямэнту ў Канбэры.
Асноўнай тэмай сустрэчы стала прапанова Ціханоўскай аб стварэньні ў аўстралійскім парлямэнце адмысловай групы «За дэмакратычную Беларусь». Мілтан Дык выказаў падтрымку гэтай ініцыятыве.
Падобныя групы ўжо дзейнічаюць у 23 краінах.
Армэнія дазволіла выезд беларусцы, унесенай у міжнародны вышук з палітычных прычын
https://smarturl.click/9o7Az
У 2020 годзе Натальля (імя зьменена дзеля бясьпекі) удзельнічала ў мірных пратэстах і ўваходзіла ў кіраўніцтва чату, дзе беларусы абмяркоўвалі сытуацыю ў краіне. Яе затрымлівалі паводле палітычных артыкулаў, пасьля допыту яна была вымушана пакінуць Беларусь.
Калі ў Беларусі паспрабуюць пабудаваць завод для вырабу «шахедаў», Украіна глядзець на гэта проста так ня будзе, — украінскі экспэрт
https://smarturl.click/Rek1x
Украінскі экспэрт Ігар Семівалос, дырэктар Цэнтру блізкаўсходніх дасьледаваньняў, аналізуе матывы шматлікіх беларуска-іранскіх афіцыйных сустрэчаў і прагназуе рэакцыю Кіева, калі вырабленыя ў Беларусі «шахеды» паляцяць у бок Украіны.
🧑🏼🚒 Пажар на «Нафтане» патушылі
Разам з тэхнічным пэрсаналам аб’екту ратаўнікі наладзілі падачу ў зону аварыі інэртных газаў для нэўтралізацыі гаручых рэчываў і матэрыялаў.
Цяпер у МНС паведамілі, што пажар удалося патушыць цалкам.
Дзяржаўная кампанія знайшла альтэрнатыву аўтамабільным грузаперавозкам у Літву
https://smarturl.click/Jnkgq
Альтэрнатыўны маршрут у Літву пралягае праз чыгунку з Маладэчна, паведамляе прадпрыемства «Белмытсэрвіс». Чыгуначныя зносіны паміж Літвой і Беларусьсю не закрытыя, таму прапануецца чыгуначны маршрут.
На «Нафтане» загарэлася дызэльнае паліва
Як паведамілі ў Міністэрстве надзвычайных сытуацыяў, у ААТ «Нафтан» у Наваполацку на вышыні 20 м загарэлася дызэльнае паліва тэхналягічнай прылады.
Пажар зьлякалізавалі. На месцы здарэньня працуюць 17 адзінак тэхнікі і больш за 70 чалавек асабовага складу МНС.
Згодна з папярэдняй інфармацыяй, пацярпелых няма.
Ці вырастуць зноў ядзерныя грыбы? Да чаго можа прывесьці пагроза Трампа аднавіць ядзерныя выпрабаваньні
https://smarturl.click/MG5Xx
ЗША абвінавачваюць Расею і Кітай у сакрэтных ядзерных выпрабаваньнях.
Прэзыдэнт Дональд Трамп заявіў, што калі яны выпрабоўваюць, то і Амэрыка мусіць. Яго падтрымалі «ястрабы» ва ўрадзе.
У Маскве гэтай заяве абурыліся, але сам Пуцін ужо загадаў рыхтавацца да магчымых выпрабаваньняў.
Апошнія сапраўдныя выпрабаваньні зь ядзернымі выбухамі адбыліся ў ЗША і Расеі калі 30 гадоў таму. Пасьля гэтага былі толькі тэсты без дэтанацыі.
Экспэрты папярэджваюць, што калі хоць адна краіна парушыць забарону, астатнія пойдуць тым жа шляхам — і сьвет зноў увайдзе ў небясьпечную ядзерную гонку.
#rfe_rl
Больш за чвэрць цыгарэт у Літве — кантрабандныя. Зь іх каля 75% — беларускія
https://smarturl.click/e0kX1
Дасьледчая кампанія Nielsen апублікавала вынікі свайго аналізу нелегальнага тытунёвага рынку ў Літве.
Аб’ём нелегальнага рынку цыгарэт у Літве ў другім квартале дасягнуў 26,7%, піша Delfi са спасылкай на дасьледаваньне.
Для параўнаньня: доля нелегальнага рынку цыгарэт у Латвіі складае 18,6%, у Эстоніі — 17,3%, а ў Польшчы — толькі 6,7%.
73,5% неабкладаных падаткам цыгарэт, якія паступаюць у Літву, вырабляюцца ў Беларусі, яшчэ 11,3% прыбывае з Польшчы.
Паводле ацэнак, Літва штогод страчвае больш за 70 млн эўра нявыплачанага акцызнага падатку з-за нелегальных цыгарэт.
📈 З Новага году на 18% павялічыцца мінімальны заробак
https://smarturl.click/WRGk9
З 1 студзеня 2026 году ён складзе 858 рублёў.
Мінімальны заробак у Беларусі павінен быць ня меншым за 30% ад прагнознага сярэдняга заробку. Плаціць менш за яго працадаўца ня мае права.
Павышэньне адбываецца штогод.
За апошнія пяць гадоў найбольшае — у 2023-м (+21%), найменшае — у 2021-м (+6,7%).
🕯 Памёр знаны беларускі фотажурналіст Яўген Коктыш
5 лістапада на 86‑м годзе жыцьця памёр беларускі фотажурналіст Яўген Коктыш. Пра гэта паведамілі ягоныя родныя на старонцы ў Facebook.
«Неймаверна добры, сьветлы, сумленны, шчыры Чалавек. Вельмі клапатлівы, жыцьцярадасны, адкрыты, ён з усімі знаходзіў агульную мову. Бясконца адданы сваёй прафэсіі, не шкадаваў на яе ні часу, ні сілаў», — напісалі ў «Фэйсбуку» родныя фотажурналіста.
🇷🇺 У Расеі ўпершыню ўсчалі справу за пошук «экстрэмісцкіх матэрыялаў»
https://smarturl.click/9mAzQ
Пра крамольны пошукавы запыт аднаго з карыстальнікаў у ФСБ паведаміў апэратар сувязі.
У Сьвярдлоўскай вобласьці дайшла да суду справа супраць жыхара Каменск-Уральскага, які, паводле ФСБ, шукаў у інтэрнэце зьвесткі пра полк «Азоў» і «Рускі добраахвотніцкі корпус», паведаміў екацярынбурскі тэлеграм-канал It's My City.
Адвакат заявіў, што мужчына толькі толькі праглядзеў інфармацыю і палічыў яе непрымальнай, а ў матэрыялах справы — толькі дзьве «карцінкі» і допыт абвінавачанага.
Суд адправіў справу на дапрацоўку.
Закон, які прадугледжвае штраф за «пошук экстрэмісцкіх матэрыялаў», дзейнічае ў Расеі з 1 верасьня. Гэта першая вядомая справа паводле новай нормы.
💵 Беларусы працягваюць здаваць валюты больш, чым купляюць
https://smarturl.click/JnkEx
🍁 У кастрычніку людзі прадалі амаль на 160 мільёнаў даляраў больш, чым набылі, паведаміў Нацыянальны банк.
👤З пачатку году розьніца паміж продажам і набыцьцём склала ўжо бяз малага 1,4 мільярда даляраў.
🏢 Зь юрыдычнымі асобамі сытуацыя адваротная — кампаніі купляюць болей, чым прадаюць: у кастрычніку на 258 мільёнаў, а з пачатку году — на 2 мільярды даляраў.
«Мы ж рэсурс, які трэба прадаць». Вялікае інтэрвію з Паўлам Вінаградавым
📱 https://youtu.be/c7_FQdq6lzo
Вялікае інтэрвію з Паўлам Вінаградавым — грамадзкім актывістам і былым палітвязьнем, які атрымаў пяць гадоў зьняволеньня за допіс у Facebook з крытыкай Аляксандра Лукашэнкі, Франака Вячоркі, Паўла Латушкі і Дзяніса Дудзінскага.
У размове са Свабодай Павал Вінаградаў распавядае, як у ягонай справе Лукашэнку зрабілі «пацярпелым», тлумачыць, як адміністрацыя турмы выкарыстоўвае «нізкі статус» для прыніжэньня і кантролю над палітвязьнямі, і чаму ён сьвядома застаўся ў Беларусі, хоць меў магчымасьць зьехаць.
Павал падрабязна апісвае ўмовы ў Горадзенскай турме, расказвае, як падхапіў тубэркулёз, а таксама дзеліцца думкамі пра стан беларускай эміграцыі, пра тое, чаму палітвязьні могуць выйсьці на волю раней за тэрмін і чаму галоўнае пытаньне для Беларусі — не «ці зьменіцца ўлада», а «калі яна зьменіцца».
У вёсках на Гомельшчыне зносяць старыя хаты, а на іх месцы садзяць дрэвы
https://smarturl.click/lAqwg
Пра новую практыку распавялі ў вёсцы Асарэвічы Брагінскага раёну Гомельскай вобласьці, дзе сёлета адкрылі новую памежную заставу. Там на месцы зьнесенага прыватнага дома пасадзілі дрэвы.
Для мясцовых уладаў знос «лядашчага і пустога жыльля» застаецца важным кірункам дзейнасьці, паведаміў «Маяк Палесся».
З 2008 году ў сельсавеце зьнесьлі 265 хатаў.
Цяпер у ім 738 жыхароў — на 41% менш, чым было ў 2009-м.
🇬🇪 На Саакашвілі і лідэраў апазыцыі ў Грузіі завялі новую крымінальную справу
https://smarturl.click/9o7Z7
У чым іх абвінавачваюць цяперашнія ўлады →
• сабатаж,
• садзейнічаньне варожай дзейнасьці замежнай дзяржавы,
• фінансаваньне дзеяньняў супраць канстытуцыйнага ладу і нацыянальнай бясьпекі,
• заклікі да гвалтоўнай зьмены ўлады,
• дапамога Захаду ва ўвядзеньні санкцыяў супраць мясцовых чыноўнікаў і бізнэсмэнаў,
• перадача інфармацыі пра гандаль нафтапрадуктамі і ваенны сэктар Грузіі.
Каго абвінавачваюць →
1️⃣ Георгі Вашадзэ — лідэр партыі «Стратэгія Агмашанэбелі».
2️⃣ Ніка Гварамія — былы міністар юстыцыі і адукацыі (за кратамі).
3️⃣ Бадры Джапарыдзэ — сустаршыня партыі «Лела».
4️⃣ Зураб Джапарыдзэ — лідэр партыі «Гірчы — больш свабоды».
5️⃣ Ніка Мелія — старшыня партыі «Адзіны нацыянальны рух» (за кратамі).
6️⃣ Міхэіл Саакашвілі — былы прэзыдэнт Грузіі (за кратамі).
7️⃣ Мамука Хазарадзэ — лідэр партыі «Лела».
8️⃣ Эленэ Хаштарыя — кіраўніца руху «Дроа».
Урад Беларусі заплянаваў на 2026 год больш штрафаў і канфіскацыяў маёмасьці
https://smarturl.click/3Q7vB
Паступленьняў ад канфіскацыі маёмасьці ўлады Беларусі плянуюць налета спагнаць у чатыры разы болей, чым сёлета.
Пуцін заснаваў Дзень моваў народаў Расеі. Экспэрты кажуць пра палітыку лінгвацыду ў РФ
https://smarturl.click/QbwZJ
Тым часам, паводле апошніх перапісаў насельніцтва, амаль усе мовы народаў Расеі масава страчваюць носьбітаў, нават калі адпаведныя этнічныя групы колькасна растуць.
У МУС заявілі, што сёлета зь Беларусі дэпартавалі ўжо 3,6 тысячы іншаземцаў
https://smarturl.click/OLg1z
Паводле статыстыкі МУС, за дзевяць месяцаў сёлета ўжо больш за 3,6 тыс. іншаземцаў былі дэпартаваныя зь Беларусі. У гэтай лічбе 1,3 тыс. мігрантаў, якія парушылі памежны рэжым.
Кіраўнік МУС Беларусі Іван Кубракоў падкрэсьліў, што іншаземцы прыходзяць у аддзелы грамадзянства і міграцыі, дзе зь імі праводзяць прафіляктычную работу.
Белстат зафіксаваў пагаршэньне вынікаў працы ў апрацоўчай прамысловасьці
https://smarturl.click/dwLWJ
Нацыянальны статыстычны камітэт апублікаваў вынікі працы эканомікі Беларусі за тры кварталы 2025 году.
🚗🚙🛻 Чарга на выезд у Польшчу расьце далей, цяпер у ёй каля 3000 легкавікоў і 155 аўтобусаў
https://smarturl.click/13B96
Вядома, што машыны стаяць у чарзе больш за тры дні.
Пасьля прылёту зь Беларусі балёнаў з кантрабанднымі цыгарэтамі літоўскі ўрад закрыў два пункты пропуску на мяжы з Беларусьсю. У выніку зьявіліся доўгія чэргі легкавікоў і аўтобусаў на выезьдзе зь Беларусі ў Польшчу.
Амэрыканскі бок трымае слова, аслабляючы санкцыі адносна «Белавія», — амэрыканіст Пянькоўскі
https://smarturl.click/lAqLL
Амэрыканцы працягваюць сваю палітыку пакрокавых узаемных саступак з рэжымам Лукашэнкі. І на гэта не ўплываюць ані шатдаўн у ЗША, ані канфлікт паміж Літвой і Беларусьсю, мяркуе амэрыканіст, дарадца Агенцтва эўраатлянтычнага супрацоўніцтва Антон Пянькоўскі.
• «Вялікая ўгода», пра якую казаў Лукашэнка, бачыцца малаімавернай.
• ЗША вызначылі стратэгію адносна Беларусі і ня будуць мяняць яе з прычыны кантрабанды цыгарэтамі.
• Вашынгтон — на баку Вільні, але, на думку цяперашняй адміністрацыі ЗША, пытаньне бясьпекі эўрапейскіх краінаў — гэта найперш эўрапейскае пытаньне.
• Расея не зацікаўленая ў пабудове асобнай камунікацыі паміж Менскам і Вашынгтонам.
Ужо сёньня. Дзень сьмерці архітэктара Лявона Вітан-Дубейкаўскага
https://smarturl.click/Y3w51
📅 6 лістапада
1595 — Слуцак захапілі запароскія казакі атамана Севярына Налівайкі.
1842 — у Горы-Горацкай земляробчай школе заснавалі батанічны сад.
1860 — Абрагама Лінкальна выбралі прэзыдэнтам ЗША.
1927 — у Вільні заснавалі партыю «Беларуская хрысьціянская дэмакратыя».
1945 — заснаваны Менскі матацыклетна-роварны завод.
1987 — адкрыты Дзяржаўны музэй гісторыі беларускай літаратуры.
2018 — у Курапатах усталяваны дзяржаўны мэмарыяльны знак.
2019 — у Слоніме адкрылі помнік Міхалу Казімеру Агінскаму.
🍃 Нарадзіліся: Фабіян Саковіч, Леанард Ходзька, Радаслаў Астроўскі, Лейб Найдус, Язэп Воўк-Левановіч, Віктар Войтанка, Мікола Гарулёў, Аляксандар Баль, Марына Золатава.
🕯 У памяці: Лявон Вітан-Дубейкаўскі, Віктар Каліноўскі, Міхал Кулеша, Лукаш Голад, Станіслаў Станкевіч, Стэфанія Станюта, Мікалай Ільніцкі, Алесь Шут.
Асноўнае за 5 лістапада
• Прэцэдэнт Падлеўскай. Былую палітзьняволеную маглі дэпартаваць у Беларусь праз памылкі польскіх службоўцаў
• У Беларусі войска будзе ўдзельнічаць у вырашэньні ўнутраных канфліктаў. Якія яшчэ зьмены ўхвалілі 5 лістапада
• Латушка: Грукацца ў дзьверы амэрыканцаў і эўрапейцаў Лукашэнку прымушае эканоміка
• Чаму Літва закрыла мяжу цяпер, хоць балёны зь Беларусі лятаюць ужо даўно?
• Тлумачым з Гурневічам. Што камунізм зрабіў зь Беларусьсю
• Грамадзянку Беларусі арыштавалі за незаконны ўвоз авіяцыйных складнікаў з ЗША ў Расею
• Беларускі «Альфа-Банк», які трапіў пад санкцыі ЭЗ, паведаміў аб спыненьні супрацы з сэрвісам Apple Pay
• Руіны найстарэйшай драўлянай царквы абяцаюць перавезьці з-пад Ваўкавыску ў скансэн пад Менскам
• Пачынаецца завочны суд у справе ініцыятывы «Сумленныя людзі»