16589
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Беларускі АМАП перамог на чэмпіянаце памяці Кадырава ва ўнівэрсытэце імя Пуціна ў Чачні
https://smarturl.click/MGxwx
Каманда менскага АМАПу заняла першае месца на XII Адкрытым чэмпіянаце па тактычнай стральбе, які праходзіў у Гудэрмесе на базе Расейскага ўнівэрсытэту спэцназа імя Пуціна. Спаборніцтвы былі прысьвечаныя памяці першага прэзыдэнта Чачні Ахмат-Хаджы Кадырава.
Удзел узялі каля 400 сілавікоў з Расеі, Беларусі і Кувэйта. Каманда менскіх сілавікоў апярэдзіла байцоў са Смаленску і з акупаванай Хэрсонскай вобласьці. Гэта ўжо другая запар перамога менскага АМАПу.
Пераможцаў узнагароджваў 17-гадовы сын Рамзана Кадырава Адам. Яму самому там жа ўручылі новы мэдаль — «Абаронца Чачэнскай Рэспублікі». Ён ужо мае ня менш за 17 узнагарод, у тым ліку званьне Героя Чачэнскай Рэспублікі і Ордэн Кадырава. А таксама займае некалькі высокіх пасадаў, у тым ліку адказвае за бясьпеку кіраўніка Чачні і курыруе чачэнскае МУС.
Крыніцы — pressmvd, RKadyrov_95
Што ня так зь «першым поўным мэдычным абсьледаваньнем Лукашэнкі»
https://smarturl.click/ggOYy
25 жніўня Аляксандар Лукашэнка заявіў, што прайшоў дэталёвае мэдычнае абсьледаваньне, якое нібыта паказала, што ён здаровы.
Але ўсе гады пры ўладзе ён меў асабістага лекара і нават асобны шпіталь.
Свабода паспрабавала разабрацца, якія праблемы са здароўем мае Лукашэнка і якая практыка публікацыі мэдычных аглядаў кіраўнікоў дзяржаў існуе ў розных краінах сьвету.
🇺🇦 Ва Ўкраіне хочуць дазволіць некаторым маладым мужчынам выяжджаць за мяжу
https://smarturl.click/JnWLq
Народныя дэпутаты прапануюць Вярхоўнай Радзе дазволіць мужчынам ва ўзросьце да 25 гадоў выяжджаць за мяжу падчас вайны.
На іх думку, забарона стварае перашкоды для сувязяў зь семʼямі і радзімай, прымушае шукаць незаконныя шляхі выезду і ўскладняе вяртаньне моладзі дадому.
Для старэйшых за 25 абмежаваньне застанецца.
Літва пачала вучэньні каля мяжы зь Беларусьсю
https://smarturl.click/nVQYX
25 жніўня ў Літве стартавалі чатырохдзённыя вайскова-палявыя тактычныя вучэньні «Адважны грыфон».
У іх задзейнічаныя каля 500 жаўнераў вайскоўцаў. Мэта — праверыць мабільнасьць і баявую гатоўнасьць.
Вучэньні праходзяць у Сьвянцянскім, Салечніцкім, Віленскім і Электрынайскім раёнах, тры зь якіх мяжуюць зь Беларусьсю.
Удзел Вудзі Алена ў Маскоўскім міжнародным тыдні кіно выклікаў гнеў МЗС Украіны
Вядомы амэрыканскі рэжысэр, актор, сцэнарыст і пісьменьнік Вудзі Ален напярэдадні ўзяў удзел у буйным расейскім мерапрыемстве, прысьвечаным кінематаграфіі. Гэты ўчынак справакаваў вялікую незадаволенасьць у Кіеве, дзе лічаць, што Расея спрабуе залучаць усясьветна вядомых дзеячаў для вяртаньня на міжнародную арэну.
Удзел Вудзі Алена ў фэстывалі Міністэрства замежных спраў Украіны назвала „ганьбою і абразаю ахвяраў, якіх зазналі ўкраінскія рэжысэры і акторы ў час вайны, якую Расея працягвае супраць іхнай краіны“.
„Беручы ўдзел у фэстывалі, які аб’ядноўвае прыхільнікаў Пуціна, Ален вырашае заплюшчыць вочы на зьверствы, якія Расея чыніць ва Ўкраіне кожны дзень на працягу 11 гадоў“.
Таксама ва Ўкраіне заявілі, што мастацтва ніколі не павінна выкарыстоўвацца дзеля „адбельваньня“ ваенных злачынстваў, якія ўчыніла Расея ў час баявых дзеяньняў.
79-гадовы Ален вядомы доўгай працай у кіно. Ён узаемадзейнічаў з такімі рэжысэрамі як Квэнтын Тарантына, Мартын Скарсэзэ і многімі іншымі. Ён зьняў такія вядомыя фільмы як Amarcord, Match Point і шэраг іншых.
Стала вядома аб звароце сваякоў зьніклага актывіста Котава ў турэцкую паліцыю
https://smarturl.click/b5OYB
Выканаўчы дырэктар Беларускага фонду спартовай салідарнасьці Аляксандар Апейкін паведаміў, што Анатоль Котаў 21 жніўня вылецеў з Варшавы (Польшча) у Стамбул (Турэччыны) у асабістых справах, але ўвечары таго дня перастаў выходзіць на сувязь.
«Сваякі Анатоля падалі заяву ў турэцкую паліцыю і консульства Польшчы ў Стамбуле. Гэта адзіная сапраўдная інфармацыя. Любая іншая інфармацыя не адпавядае рэчаіснасьці і зьяўляецца домыслам», — напісаў Аляксандар Апейкін на сваёй старонцы ў Facebook.
Як Лукашэнка раней вызваляў палітвязьняў і што ён за гэта атрымаў
https://smarturl.click/VRXmx
Беларусь жыве пад санкцыямі з 1997 году. За наяўнасьць у краіне палітвязьняў Эўразьвяз і ЗША тройчы ўводзілі санкцыі: у 2006-м, 2010-м і 2020-м. Узгадваем, як гэта было.
Расея атакавала Ўкраіну больш чым сотняй бесьпілётнікаў. Памежжа пацярпела ад абстрэлаў з артылерыі, ёсьць ахвяры
https://smarturl.click/VRXmn
У апэратыўным камандаваньні Паветраных сіл Украіны паведамілі, што расейскія войскі ў ноч на 25 жніўня атакавалі Ўкраіну 104 бесьпілётнікамі Shahed з розных расейскіх рэгіёнаў і анэксаванага Крыму.
🪖 У Сумскай і Харкаўскай абласьцях ёсьць ахвяры
🪖 На поўдні Ўкраіны Расея актывізавала сваю авіяцыю
🪖 Баявыя дзеяньні на фронце не спыняюцца
Лукашэнка заявіў, што прайшоў дэталёвае мэдычнае абсьледаваньне, якое нібыта паказала, што ён здаровы
https://smarturl.click/MGxkp
🗣 «Бог ведае, чаго яны са мной толькі ні рабілі. Яны нават залезьлі мне ў мозг. Яны зрабілі рэнтген кожнага майго ўчастку цела… Пагрукайце па дрэве, я шчасьлівы. Усё нармальна».
Лукашэнка заявіў, што нават спэцслужбы «дружалюбных» краінаў цікавіліся ягоным здароўем. Ён заявіў, што вынікі аналізаў і абсьледаваньняў апублікуюць. Праўда, да гэтага пра здароўе Лукашэнкі і ягоныя візыты да лекараў амаль нічога не паведамлялі 31 год, што ён утрымлівае ўладу ў Беларусі.
Ужо сёньня: 34 гады таму Беларусь стала незалежнай
https://smarturl.click/E1dW1
У 1991 годзе на нечарговай сэсіі Вярхоўнага Савету Беларусі Дэклярацыі аб сувэрэнітэце Беларусі надалі сілу канстытуцыйнага закону, што дэ-юрэ азначала абвяшчэньне незалежнасьці. Была прыпыненая дзейнасьць КПБ-КПСС.
Таксама ў гэты дзень у 1609-м — Галілео Галілей у Вэнэцыі ўпершыню дэманструе тэлескоп.
у 1804-м — у Сьвіслачы адкрылі 6-клясную гімназію, адным са знакамітых вучняў якой быў Кастусь Каліноўскі.
у 1840-м — расейскі царскі ўрад скасаваў дзеяньне ў Беларусі Статуту Вялікага Княства Літоўскага 1588 году.
у 1915-м — нямецкія войскі занялі Брэст-Літоўск.
у 1919-м — выйшаў першы нумар рэдагаванай Янкам Купалам газэты «Звон».
Нарадзіліся: Валеры Сьлюнчанка, архітэктар, Яўгенія Мальчэўская, паэтка, Уладзімер Арлоў, пісьменьнік.
Памерлі: асьветнік Сімяон Полацкі, навуковец Васіль Несьцярэнка, літаратар Пятро Васючэнка.
На фота дэманстрацыя каля Дому ўрада ў жніўні 1991 года. Крыніца — radabnr.org
ЗША ўхвалілі продаж Украіне трох тысяч далёкабойных ракет ERAM
https://smarturl.click/L3EAO
Ракеты з радыюсам дзеяньня 450 кілямэтраў аплацяць эўрапейскія краіны.
Адміністрацыя прэзыдэнта ЗША ўхваліла продаж Украіне 3350 ракет павялічанага радыюсу дзеяньня ERAM, піша The Wall Street Journal з спасылкай на свае крыніцы.
Ракеты маюць прыбыць ва Ўкраіну прыкладна праз шэсьць тыдняў.
З словаў суразмоўцаў выданьня, пакет узбраеньняў коштам 850 мільёнаў даляраў, які ўключае «і іншыя найменьні», фінансуюць у асноўным эўрапейскія краіны.
Для выкарыстаньня ракет ERAM Украіне спатрэбіцца ўхваленьне Пэнтагону.
На фота ракета ERAМ
З расейскага палону вярнулі экс-мэра Херсона, выкрадзенага расейцамі ў пачатку вайны
24 жніўня падчас абмену палоннымі быў вызвалены былы мэр Херсона Ўладзімір Мікалаенка. Гэта пацьвердзіла яго пляменьніца Ганна Коршун-Самчук, паведаміў тэлеканал «Суспільне».
Сам ён ужо зьвязаўся з жонкай і першымі яго словамі былі «Слава Ўкраіне».
Уладзіміра Мікалаенку выкралі расейскія вайскоўцы 18 красавіка 2022 года.
Доўгі час пра яго месцазнаходжаньне нічога не было вядома, пакуль Міжнародны камітэт Чырвонага Крыжа не пацьвердзіў, што ён знаходзіцца ў палоне.
Уладзімір Мікалаенка кіраваў Херсонам з 2014 да 2020 года і быў удзельнікам мясцовага Эўрамайдану.
Рэйс «Белавія» з Баку ў Менск адклалі, пасажыры кажуць аб праблемах з самалётам
Рэйс авіякампаніі «Белавія» з Баку ў Менск затрымалі на некалькі гадзін.
Па раскладзе вылет рэйса B2-740 павінен быў адбыцца 24 жніўня ў 04:45, а прыбыць у Менск самалёт меў у 7:40. Аднак пасажыры паведамілі, што да гэтага часу знаходзяцца ў аэрапорце Баку або зьехалі ў гатэлі, піша Onliner. Пасажыры кажуць, што ў самалёта праблемы з рухавікамі.
Рэйс выконваецца самалётам Boeing 737-300.
Афіцыйнай інфармацыі аб прычынах затрымкі рэйса ад авіякампаніі пакуль няма.
У раскладзе менскага аэрапорту ўказана, што прыбыцьцё рэйса з Баку адкладзенае.
🇺🇦 Зяленскі на Дзень незалежнасьці Ўкраіны абяцаў «не прайграць» вайну з Расеяй
https://smarturl.click/0Bmam
Прэзыдэнт Украіны Ўладзімір Зяленскі адзначыў Дзень незалежнасьці Ўкраіны, заявіўшы, што яго краіна «не прайграе» сваю барацьбу супраць Масквы на фоне новых падзей на полі бою і дыпляматыі з высокімі стаўкамі вакол спыненьня поўнамаштабнай вайны, якая ідзе ўжо тры з паловай года.
«Украіна яшчэ не перамагла, але яна дакладна не прайграе», — сказаў Зяленскі падчас тэлевізійнага звароту да нацыі 24 жніўня.
Бесьпілётнікі атакавалі расейскі порт Усць-Луга, узьнік пажар
https://smarturl.click/xVl6Y
Губэрнатар Ленінградзкай вобласьці Расеі Аляксандр Дразьдзенка пацьвердзіў інфармацыю пра атаку бесьпілётнікаў на порт Усць-Луга.
Паводле яго слоў, інцыдэнт адбыўся раніцай, і падчас адбіцьця атакі нібыта зьнішчылі дзесяць бесьпілётнікаў.
Тым не меней паведамляецца, што абломкі бесьпілётнікаў сталі прычынай пажару на тэрмінале «Наватэк», як распавёў расейскі чыноўнік. На месцы здарэньня працуюць пажарныя і супрацоўнікі МНС. Паводле папярэдніх зьвестак, ніхто не пацярпеў.
З-за гэтай сытуацыі рэйсы ў галоўным аэрапорце Санкт-Пецярбурга «Пулкава» часова прыпыненыя.
На фота пажар на тэрмінале «Наватэк» пасьля атакі дронаў у 2024 годзе
Пяцёра чалавек загінулі ў аўтааварыі на Берасьцейшчыне
https://smarturl.click/dwl9J
Сёньня каля 16:30 паблізу вёскі Чамелы ў Івацэвіцкім раёне здарылася цяжкая аварыя з удзелам трох аўтамабіляў.
👉 Паводле папярэдняй інфармцыі, кіроўца BMW выехаў на сустрэчную паласу і сутыкнуўся з Volkswagen. У легкавікі таксама ўрэзаўся грузавік MAN.
Загінулі 5 чалавек: двое мужчын з BMW і сям’я з Volkswagen.
Дзіця з гэтага ж аўтамабіля з траўмамі шпіталізавалі.
Крыніца — skgovby
🇵🇱 Прэзыдэнт Польшчы наклаў вэта на закон аб дапамозе уцекачам з Украіны
https://smarturl.click/4OV2x
Караль Наўроцкі адмовіўся падпісваць закон аб дапамозе ўкраінцам у Польшчы. Ён падкрэсьліў, што праграма «800+» і бясплатная мэдыцынская дапамога павінны распаўсюджвацца толькі на тых украінцаў, якія афіцыйна працуюць у краіне.
Урадавы праект прапаноўваў захаваць ранейшыя правілы: падтрымку атрымлівалі ўсе ўкраінцы, незалежна ад працы.
Іншыя ініцыятывы Наўроцкага:
⏳ Падаўжэньне тэрміну для атрымання польскага грамадзянства з 3 да 10 гадоў.
🚷 Больш жорсткае пакараньне за незаконнае перасячэньне мяжы — да 5 гадоў турмы.
🚫 Прыраўнаньне сымболікі ўкраінскіх нацыяналістаў часоў ІІ сусьветнай вайны да нацысцкай і камуністычнай.
📵 У якіх сытуацыях школьнікам дазволяць карыстацца мабільнымі прыладамі
https://smarturl.click/WRXpk
З 1 верасьня ў Беларусі вучням забаронена карыстацца смарфтонамі. Але ёсьць выключэньні:
✅ Можна
Прылады для маніторынгу здароўя (напрыклад, кантролю цукру ў крыві) — па мэдычных паказаньнях і з дакумэнтам ад урача.
Пляншэты без інтэрнэту і SIM-карты для электронных падручнікаў — для дзяцей з праблемамі апорна-рухальнага апарату.
Электронныя кнігі без інтэрнэту — індывідуальна, па рашэньні школы.
❌ Нельга
Смартфоны і тэлефоны.
Іншыя прылады з доступам у інтэрнэт ці мабільнай сувязьзю.
У Гомлі завочна асудзілі кіраўнікоў і супрацоўнікаў BySol і ByHelp
https://smarturl.click/vdjv8
Гомельскі абласны суд завочна прызначыў вялікія тэрміны пакараньня заснавальнікам і супрацоўнікам фондаў BySol і ByHelp:
🔸 Андрэй Стрыжак і Аляксей Лявончык (на фота) — 18 гадоў калёніі, штраф 252 000 рублёў.
🔸 Аляксандра Жук, Аляксей Кузьмянкоў, Аляксандар Лапко, Яраслаў Ліхачэўскі, Аляксандар Падгорны — па 16 гадоў калёніі, штраф 231 000 рублёў.
Іх абвінавацілі паводле 14 артыкулаў Крымінальнага кодэксу, у тым ліку за «стварэньне экстрэмісцкага фармаваньня», «фінансаваньне экстрэмісцкай і тэрарыстычнай дзейнасьці», «падбухторваньне да саўдзелу ў здрадзе дзяржаве», «тэракт», «паклёп на Лукашэнку» і іншыя.
Стала вядома, за што сям’ю менскага прадпрымальніка Саўрыцкага адправілі ў калёнію на пяць гадоў
https://smarturl.click/B4ybn
Прысуд прагучаў яшчэ ў лістападзе, але толькі цяпер сталі вядомыя падрабязнасьці справы.
Сям’ю Саўрыцкіх з трох чалавек асудзілі за «распальваньне іншай сацыяльнай варожасьці» (ч. 3 арт. 130 КК). У лістападзе летась Генадзя, Ірыну і іх дачку Віялету Вярбіцкую асудзілі да пяці гадоў калёніі. Цяпер жанчыны адбываюць тэрмін у гомельскай жаночай калёніі № 4, а мужчына — у магілёўскай калёніі № 15.
Праваабаронцы даведаліся, у чым была сутнасьць абвінавачваньня.
Журналіста Алега Супрунюка пакаралі трыма гадамі пазбаўленьня волі
БАЖ паведаміў, што 8 жніўня журналіст зь Берасьця Алег Супрунюк быў асуджаны да 3 гадоў пазбаўленьня волі з адбыцьцём у калёніі агульнага рэжыму. Яго прызналі вінаватым ва ўдзеле ў «экстрэмісцкім фармаваньні».
Паводле пракуратуры, у якасьці ўдзельніка «экстрэмісцкага фармаваньня», якім прызналі Беларускую асацыяцыю журналістаў, ён напісаў ня менш за 43 артыкулы.
Да суду больш за паўгода журналіста ўтрымлівалі пад вартай у СІЗА.
Алег Супрунюк вядомы як рэпартэр, які асьвятляў сацыяльна і грамадзка значныя праблемы Берасьцейшчыны, працаваў у газэце «Брестский курьер», онлайн-выданьні «Пёршы рэгіён», супрацоўнічаў з іншымі незалежнымі выданьнямі.
❗️Алегу Супрунюку ў верасьні будзе 58 гадоў. Ён мае інваліднасьць, і ёсьць перасьцярогі, што за кратамі стан здароўя журналіста можна значна пагоршыцца.
Ва Ўкраіне загінуў яшчэ адзін беларус, які ваяваў на баку Расеі. Што пра яго вядома
https://smarturl.click/xVlDL
Аб тым, што ён ваюе на баку Расеі, стала вядома ў красавіку, калі ўкраінскі дзяржаўны праект «Хачу жыць» апублікаваў прозьвішчы 742 грамадзян Беларусі, якія падпісалі кантракты з расейскай арміяй. Тады Аляксандар Паўлавіч Раманенка яшчэ быў жывы. 26 верасьня яму мела б споўніцца 28 гадоў.
Рада БНР павіншавала з угодкамі незалежнасьці Беларусі: «Ня час цяпер беларусам біцца паміж сабой»
https://smarturl.click/vdjVw
З нагоды 34-й гадавіны аднаўленьня беларускай незалежнасьці ў 1991 годзе Старшыня Рады БНР Івонка Сурвіла выступіла са сьвяточным зваротам.
«Аднаўленьне Незалежнасьці адбылося ў выніку намаганьняў палітычнага авангарду нацыянальнай дэмакратыі — Беларускага Народнага Фронту. Аднак за 25 жніўня 1991 году былі стагодзьдзі змаганьня нашых продкаў, усіх тых, хто не зьмірыўся з пакаваньнем спачатку царскай, а потым камуністычнай імпэрыі», — напісала Івонка Сурвіла.
У Менску перафарбавалі ў колеры «Белавія» яшчэ два Airbus A330-200
Раней беларускаму нацыянальнаму авіяперавозьніку дасталіся тры самалёты Airbus, якія сталі новым тыпам тэхнікі для кампаніі. Плянавалася, што адзін зь іх выйдзе на маршруты адразу, а два — цягам году. Як паведамляе канал ОтВинта | Авиация Беларуси, на мінулым тыдні два астатнія самалёты сапраўды перафарбавалі ў колеры «Белавія».
Свабода ў сваім сумесным з праектам «Бюро Мэдыя» расьсьледаваньні раней высьветліла, што Airbus A330-200 трапіў у Беларусь праз фірму-пракладку, зарэгістраваную ў афрыканскай дзяржаве Гамбія. Самалёты вырабленыя ў Эўропе. Такім чынам, рэжым Лукашэнкі знайшоў спосаб, як абысьці санкцыі Эўразьвязу, уведзеныя за прымусовую пасадку самалёта 18 траўня 2021 году.
Тры самалёты завезеныя ў Беларусь 17 жніўня 2024 году. На той момант яны належалі гамбійскай кампаніі «Magic Air». Усім самалётам на сёньня больш за 20 гадоў.
Раней кіраўнік «Белавія» Ігар Чаргінец гаварыў пра тое, што другі з атрыманых кампаніяй самалётаў пачне працаваць прыкладна ў сярэдзіне жніўня.
Галоўнае за 24 жніўня
🔸Украіна адзначае Дзень незалежнасьці. Зяленскі сьвяткаваньні на абяцаў «не прайграць» вайну з Расеяй
🔸Прэм’ер Канады Марк Карні ў Кіеве заявіў пра дапамогу Ўкраіне зброяй і фінансамі
🔸Бесьпілётнікі атакавалі расейскі порт Усць-Луга
🔸Украіна і Расея правялі 17-ты з пачатку году абмен палоннымі праз тэрыторыю Беларусі
🔸Беларусь гадавіну абвяшчэньня незалежнасьці адзначыць 25 жніўня. Прайдзіце ТЭСТ пра жнівеньскія падзеі 91-га
🔸Чэргі на ўезд зь Беларусі ў Польшчу, Латвію і Літву зьменшыліся, але машын там ўсё яшчэ тысячы
🔸Гарадзкая рада Франкфурта-на-Майне абмяркуе ўшанаваньне Васіля Быкава
🔸У Варшаве адкрылася выстава «Горкія зёлкі» пра ахвяр Галакосту ў Беларусі, Латвіі і Літве
🔸Экспэрты па харчаваньні распавялі, чаму і як трэба есьці ківі
На фота вызваленыя з расейскага палону ўкраінскія байцы і цывільныя
З расейскага палону вызвалілі ўкраінскага журналіста, захопленага ў 2022-м
Прэзыдэнт Украіны Ўладзімір Зяленскі пацьвердзіў факт абмену з Расеяй палоннымі і падзякаваў ААЭ за пасярэдніцтва:
«Сёньня нашы людзі вяртаюцца дадому. Салдаты Ўзброеных сілаў, Нацыянальнай гвардыі, Дзяржаўнай памежнай службы і мірныя жыхары. Большасьць з іх у палоне з 2022 году».
Украіна і Расея правялі 17-ты з пачатку году абмен палоннымі праз тэрыторыю Беларусі
https://smarturl.click/kZODx
Як паведаміла Міністэрства абароны Расеі, бакі перадалі адна адной па 146 чалавек.
Акрамя таго, Расеі вернутыя восем яе грамадзян — жыхароў Курскай вобласьці.
«Цяпер расейскія вайскоўцы знаходзяцца на тэрыторыі Рэспублікі Беларусь, дзе ім аказваецца неабходная псыхалягічная і мэдыцынская дапамога», — гаворыцца ў паведамленьні.
Чэргі на ўезд зь Беларусі ў Польшчу, Латвію і Літву зьменшыліся
https://smarturl.click/DYnJ0
4.885 легкавых аўтамабіляў і 65 аўтобусаў чакала выезду з Беларусі ў краіны Эўразьвязу па стане на 24 жніўня, падлічыў Позірк.
Днём раней на гэты час было 5.190 машын і 116 аўтобусаў.
Самым загружаным напрамкам застаецца Польшча. На 10 гадзін у пункце пропуску Берасьце (з польскага боку Тарэспаль) было 4.625 легкавых аўтамабіляў.
Да чэргаў прывёў мігранцкі крызіс на межах Беларусі і ЭЗ, саўдзел Лукашэнкі ў расейскай вайне ва Ўкраіне, з-за чаго многія памежныя пераходы былі закрытыя.
Фота з чаргі на мяжы ў Польшчу архіўнае
Экспэрты ў харчаваньні расказалі, чаму і як трэба есьці ківі
https://smarturl.click/mByn0
Экспэрты ў харчаваньні сьцьвярджаюць, што ківі заслугоўвае звацца найбольш карыснай садавіной, піша The New York Times.
Што важна ведаць пра ківі? 🥝
🔸Гэтая садавіна зь зялёнай, жоўтай ці чырвонай мякацьцю багатая на клятчатку і вітамін С.
🔸Ківі вельмі карысныя для страваваньня і сну.
🔸Ківі багатыя на пажыўныя рэчывы.
🔸Клятчатка ў кішэчніку зьвязваецца з «дрэнным» халестэрынам, дапамагаючы выводзіць яго з арганізму.
🔸Ківі могуць дапамагчы заснуць.
Як правільна есьці ківі? 🥝
🔸Дыетолягі рэкамэндуюць дадаваць ківі ў смузі на сьняданак, рабіць зь ім садавінныя салаты або дадаваць яго ў грэцкі ёгурт.
🔸А таксама рэкамэндуюць есьці ківі цалкам, разам з лупінай.
Гарадзкая рада Франкфурта-на-Майне абмяркуе ўшанаваньне Васіля Быкава
2 верасьня рада нямецкага горада Франкфурта-на-Майне, дзе 2 гады жыў Васіль Быкаў, будзе разглядаць прапанову беларускай ініцыятывы ўсталяваць тут памятную шыльду Быкаву, піша Reform.news.
Гэтае пытаньне стаіць другім пунктам парадку пасяджэньня рады горада, пасьля чаго будуць дадзены адказы на пытаньні і прапановы прысутных.
У 2001-2002 гадах Васіль Быкаў разам з жонкай Ірынай жыў і працаваў у выгнаньні ў гэтым нямецкім горадзе, тут сярод іншага ён запісаў успаміны Барыса Кіта, зь якім блізка сябраваў пад час свайго знаходжаньня ў Нямеччыне.
Народны пісьменьнік Беларусі Васіль Быкаў нарадзіўся ў 1924 годзе, памёр у 2003 годзе.
На фота Васіль Быкаў з Барысам Кітом у Франкфурце-на-Майне. 2001