14703
Сувязь з рэдакцыяй — @SvabodaBelarus Даслаць навіну ў Signal можна па нумары +37068643669
Рада бясьпекі ААН разгледзіць пытаньне парушэньня Расеяй паветранай прасторы Эстоніі
Эстонскі ўрад упершыню за апошнія 34 гады ініцыяваў тэрміновае пасяджэньне Рады бясьпекі ААН для разгляду пытаньня аб парушэньні Расеяй паветранай прасторы Эстоніі.
«19 верасьня тры ўзброеныя расейскія зьнішчальнікі на 12 хвілін увайшлі ў паветраную прастору Эстоніі і тым самым парушылі тэрытарыяльную цэласнасьць Эстоніі і прынцып Хартыі ААН аб устрыманьні ад пагрозаў сілай», — заявіў міністар замежных спраў Эстоніі Маргус Цахкна, паведаміла агенцтва BNS.
Кіраўнік МЗС Эстоніі нагадаў, што перад гэтым інцыдэнтам расейскія дроны ўварваліся ў паветраную прастору Польшчы, адзін дрон зафіксаваны ў паветры над Румыніяй.
«Усе гэтыя інцыдэнты — частка маштабнага шаблёну, якім Расея стварае эскаляцыю рэгіянальнай і глябальнай напружанасьці. Падобныя дзеяньні Расеі патрабуюць міжнароднай рэакцыі. Дзеяньні Расеі не адпавядаюць абавязкам, прынятым сталым сябрам Рады бясьпекі, і былі непрымальныя ў выпадку кожнага іншага ўдзельніка ААН», — сказаў Маргус Цахкна.
У Крыме назвалі беларускіх пабрацімаў Сімферопалю і Феадосіі
https://smarturl.click/OL17A
«У нас ужо горад Віцебск стаў пабрацімам гораду Сімферопаль, а горад Наваполацак Віцебскай вобласьці — пабрацімам гораду Феадосіі, і гэтак далей. Там ёсьць шэраг эканамічных праектаў, культурных і сацыяльных», — паведаміў кіраўнік рэгіянальнай нацынальна-культурнай аўтаноміі «Беларусы Крыму» Раман Чагрынец у этэры крымскага тэлеканалу «Крым 24».
Беларусь пачала ўмацоўваць кантакты з анэксаваным Расеяй Крымам пасьля расейскага поўнамаштабнага ваеннага ўварваньня ва Ўкраіну ў 2022 годзе:
ℹ️У верасьні 2022 году пагадненьне аб супрацы падпісалі Менск і горад Севастопаль,
ℹ️У сакавіку 2023 году дамову аб супрацы падпісалі Віцебскі аблвыканкам і акупацыйныя ўлады Крыму.
ℹ️У чэрвені 2024 году ўлады Віцебску і Віцебскай вобласьці падпісалі пагадненьні з акупацыйнымі ўладамі Сімферопалю, Феадосіі і Сакаўскім раёнам Крыму, а таксама падпісалі пратакол намераў аб стварэньні свабоднай эканамічнай зоны «Віцебск — Крым».
Прэзыдэнт Чэхіі: на правакацыі Расеі супраць краін NATO трэба адказваць вайсковымі мэтадамі
Прэзыдэнт Польшчы Пэтр Павэл заявіў, што Расея вядзе агрэсіўную вайну ня толькі супраць Украіны, а і правакуе краіны NATO, правяраючы рашучасьць Альянсу і гатоўнасьць да абароны.
«Гэта абсалютна безадказныя паводзіны Расеі», – сказаў Пэтр Павэл, камэнтуючы парушэньне Расея паветранай прасторы Эстоніі і Польшчы, паведаміла ruski.radio.cz.
Паводле яго, парушэньне паветранага прастору можа стаць падставай для выкарыстаньня абаронных мэханізмаў арганізацыі, «уключна зь зьнішчэньнем парушальніка».
«Калі мы будзем толькі на словах асуджаць расейскія правакацыі, яны будуць працягвацца. Расея заўсёды адказвае: «Таму што мы можам». Адзіны спосаб іх спыніць – жорсткая рэакцыя, у тым ліку вайсковымі мэтадамі. [...] Паддавацца злу проста немагчыма», – заявіў прэзыдэнт Чэхіі.
Ужо сёньня: Міжнародны дзень міру; дзень нараджэньня Віктара Івашкевіча
Падзеі 21 верасьня ў беларускай і сусьветнай гісторыі
21 верасьня ў сьвеце адзначаюць Міжнародны дзень міру. Гэтую дату Генэральная Асамблея ААН абвясьціла ў 1981 годзе, задумаўшы такі дзень дзеля ўмацаваньня ідэалаў міру як унутры дзяржаваў і народаў, так і паміж імі.
У гэты дзень у 1959 годзе нарадзіўся Віктар Івашкевіч, палітычны дзяяч, журналіст, адзін зь лідэраў нацыянальнага адраджэнскага руху.
https://smarturl.click/qBxmO
Трапны стрэл з адлегласьці 4 км. Украінскі снайпэр пабіў рэкорд
Кулі ўкраінскага снайпэра трапілі ў двух расейскіх салдат з адлегласьці 4 км. Гэта новы рэкорд самага далёкага трапнага стрэлу снайпэра. Яшчэ нядаўна гэты вынік здаваўся немагчымым. Жаўнеру дапамагалі дрон і штучны інтэлект.
Вось дэталі рэкорду.
https://smarturl.click/MGnzx
Закрыцьцё Польшчай пераходаў зь Беларусьсю не спыняе мігрантаў, якія штурмуюць мяжу. Вось статыстыка
Мяжу Польшчы зь Беларусьсю цалкам закрылі ў ноч на 12 верасьня. Занепакоенасьць Варшавы выклікалі вучэньні «Захад-2025». Але 16 верасьня ўлады краіны заявілі, што мяжа застанецца закрытай і пасьля расейска-беларускіх манэўраў.
Аднак гэта ня значыць, што зь Беларусі ў Польшчу не трапляюць людзі.
https://smarturl.click/OL1mz
Асноўнае за 18 верасьня
• МУС Польшчы заявіла, што мяжа зь Беларусьсю застаецца закрытай, бо сытуацыя застаецца напружанай, там шмат бесьпілётнікаў
• Польшча разьлічвае на дапамогу Кітаю ў крызісе на беларускай мяжы, — кіраўнік МЗС Сікорскі
• Пачаўся суд над фігурантамі «малочнай справы», у тым ліку раней набліжанымі да Лукашэнкі чыноўнікамі і мэнэджарамі
• Зрэзаў скуру. Гутарка з хлопцам, якога прымусілі зьнішчыць татуяваньне з Пагоняй у калёніі
• «Мне засунулі бутэльку ў рот, каб засталася мая ДНК». Мікола Дзядок пра падкінутыя «кактэйлі Молатава», катаваньні ў турме і анархізм
• КДБ абвясьціў «экстрэмісцкім фармаваньнем» дасьледчы цэнтар BEROC
• Збор грошай вызваленым палітвязьням на BySol перавысіў 110 тысяч эўра
• МУС Беларусі: Бяз пашпарта беларусы ня могуць выяждаць за мяжу
• Колькасьць беларусаў з дазволам на жыхарства ў Літве ад пачатку году скарацілася больш як на 10%
Польшча заявіла пра актыўнасьць дронаў на мяжы зь Беларусьсю. Яна застанецца закрытай
Міністар унутраных спраў Польшчы Марцін Кервіньскі заявіў, што Польшча адкрые мяжу зь Беларусьсю тады, калі гэта будзе бясьпечна. Пакуль жа гэта ня так.
«Учора ўвечары памежная служба назірала ўзмацненьне актыўнасьці беларускіх і расейскіх бесьпілётнікаў, якія спрабавалі перасячы польскую паветраную прастору», – сказаў ён.
«Відавочна, што сытуацыя на польска-беларускай мяжы застаецца вельмі і вельмі напружанай», — дадаў Кервіньскі.
17 верасьня беларускае МЗС заявіла, што праз 10 дзён пачне «прымяняць прадугледжаныя законам меры» да амаль паўтары тысячы польскіх фураў, якія не пасьпелі пакінуць Беларусь да закрыцьця мяжы. Выехаць празь мяжу зь Літвой ці Латвіяй Беларусь ім не дазваляе.
Асноўнае за 17 верасьня
• «ПіК Свабоды». Калі палякі адкрыюць мяжу?
• МЗС прыгразіў польскім перавозчыкам у заяве пра «добрасуседзкі» працяг дазволу на выезд на 10 дзён
• Лукашэнка выказаўся пра сытуацыю са Статкевічам, згадаўшы турму: «Забралі яго»
• «Калі былыя сілавікі трапляюць за краты, яны ўспамінаюць правы чалавека»: Максім Вінярскі пра сваё зьняволеньне і салідарнасьць беларусаў
• Пяць мітаў лукашэнкаўцаў пра 17 верасьня
• Вызваленьне палітвязьняў, дэпартацыя ці экспатрыяцыя? Разьбіраемся, што адбылося. ВІДЭА
• Палітвязьнямі ў Беларусі прызналі яшчэ 17 чалавек
• «Вясна»: На 170 памілаваных — 283 новых палітвязьняў
• Міністэрства гандлю ЗША патлумачыла, якія санкцыі супраць «Белавія» засталіся ў сіле
• Куды цяпер беларусы едуць адпачываць. Тлумачым з Гурневічам
Ва ўкраінскі палон трапілі яшчэ трое грамадзян Беларусі, якія ваявалі на баку Расеі. Усе яны былі суджаныя
https://smarturl.click/oVvRB
Ва Ўкраіне сьпіс беларускіх палонных павялічыўся яшчэ на тры чалавекі, і цяпер ва ўкраінскім палоне знаходзяцца 13 грамадзян Беларусі, якія ваявалі на баку Расеі.
Перадача палонных беларусаў у рамках расейска-ўкраінскіх абменаў апошні раз адбылася сёлета 10 чэрвеня. Пасьля гэтага пра абмен беларусаў не паведамлялі.
🇵🇱 Польшча, калі закрывала мяжу зь Беларусі, думала найперш пра бясьпеку, а не выдаткі
https://smarturl.click/QbZ1Y
«Лёгіка бясьпекі падказвае: спачатку — бясьпека, а потым ужо ўлічваюцца выдаткі», — заявіў заявіў прэс-сакратар МЗС Павал Уроньскі падчас перамоў у Варшаве зь міністрам замежных спраў Кітаю Ван І.
На гэтых перамовах Польшча патлумачыла, што вымушана была пайсьці на такі крок праз «неаднаразовыя правакацыі зь беларускага боку» і «дэструктыўныя дзеяньні Расеі».
«Мы спадзяёмся, што гэтыя дзеяньні Масквы і Менску сустрэнуць процідзеяньне з боку Кітаю», — заявіў прадстаўнік польскага МЗС.
Украінскі МЗС жорстка адрэагаваў на сустрэчу Лукашэнкі з кіраўніком акупаваных тэрыторый Херсоншчыны
https://smarturl.click/E14e5
15 верасьня Аляксандар Лукашэнка прыняў у Менску кіраўніка часова акупаваных тэрыторый Херсонскай вобласьці. МЗС Украіны назвала гэта чарговым сьведчаньнем грубай пагарды Лукашэнкі «да сувэрэнітэту і тэрытарыяльнай цэласнасьці Ўкраіны, усяго ўкраінскага народу».
Там заявілі, што любыя ўгоды з акупантамі нікчэмныя паводле міжнароднага права. І прыгразілі новымі санкцыямі.
«Выклікае асаблівае зьдзіўленьне трызьненьне Аляксандра Лукашэнкі пра тое, што ён „савецкі чалавек“, для якога Ўкраіна і Херсоншчына „таксама ягоная зямля“.Читать полностью…
Нагадваем, што СССР ужо больш за тры дзесяцігодзьдзі як на сьметніку гісторыі.
Туды ж рана ці позна адправяцца і абодва настальгуючыя непрызнаныя дзеячы, якія сустракаліся сёньня ў Менску.
А Ўкраіна была, ёсьць і будзе цэласнай у міжнародна прызнаных межах», — гаворыцца ў афіцыйным камэнтары ўкраінскага МЗС.
«Для яго Беларусь — найвышэйшая каштоўнасьць». Жонка Статкевіча расказала, чаму ён застаўся ў Беларусі
http://svaboda.org/a/33531012.html
«Для Міколы застацца сабой заўсёды было важней, чым знаходзіцца ў бясьпецы і на волі. Ён заўсёды казаў: „Нашы каштоўнасьці каштуюць роўна столькі, колькі мы гатовыя за іх заплаціць“».
З Марынай Адамовіч, жонкай Міколы Статкевіча, пагутарыла спэцкарэспандэнтка «Новой газеты Европа» Ірына Халіп.
Блогер «Шэры Кот» і дацэнтка Дуліна пра высылку зь Беларусі
https://youtube.com/live/4ifpGvg73s4
Ці могуць улады ЗША дазволіць сабе ўльтыматумы на перамовах з рэжымам Лукашэнкі пра вызваленьне палітвязьняў? Як дамагчыся, каб рэпрэсіі ў Беларусі спыніліся? Пра гэта ў праграме «ПіК Свабоды» кажуць былыя палітвязьні – Дзьмітры Казлоў, вядомы як блогер «Шэры Кот» і выкладчыца італьянскай мовы, экс-дацэнтка МДЛУ Натальля Дуліна.
Мінулай ноччу ў Расеі гарэў НПЗ і два цягнікі сышлі з рэек
У ноч на 14 верасьня ўкраінскія дроны атакавалі буйны нафтаперапрацоўчы завод у горадзе Кі́рышы Ленінградзкай вобласьці, там усчаўся пажар.
У Ленінградзкай вобласьці двойчы сышлі з рэек цягнікі.
У адным выпадку — з 15 чыгуначнымі цыстэрнамі (паводле расейскага боку — пустымі, паводле ўкраінскага — з палівам).
У другім — пад адхон зьехаў лякаматыў. Машыніст загінуў.
Фота — ENews112
Расея за апошнія сем дзён атакавала Ўкраіну больш як 1500 дронамі, 1280 авіябомбамі і 50 ракетамі
«У гэтай зброі знайшлі тысячы замежных кампанэнтаў, больш за 132 тысячы — з розных краін. Эўропа, Амэрыка, Кітай, Японія і дзясяткі іншых. Усе гэтыя тэхналёгіі дапамагаюць Расеі ствараць зброю ў вялікіх маштабах. Усе дзеля тэрору супраць нашых людзей», — заявіў Уладзімір Зяленскі.
Прэзыдэнт Украіны перакананы, што калі цяпер Расею не спыніць, то яна стане пагрозай для краін Эўропы і Ціхаакіянскага рэгіёну.
«Моцныя санкцыі — інструмэнт, які дапаможа гэта спыніць. Трэба перакрыць усе магчымыя шляхі паставак, абыходу санкцый, ціснуць на краіны і асобныя кампаніі, якія ім дапамагаюць. [...] Мы разьлічваем, што 19-ы пакет санкцыяў Эўразьвязу будзе сапраўды балючым і што Злучаныя Штаты далучацца да эўрапейцаў», — падкрэсьліў Уладзімір Зяленскі.
На фота: Уладзімір Зяленскі, архіў
Хто жыве ў Горватавым «Доме». Ліст да менскага сябра пра «панскі прыгнёт»
https://smarturl.click/JnR5x
Што думаюць, чым пераймаюцца і на што спадзяюцца беларусы ў вымушанай эміграцыі. Пра гэта ў новым лісьце да свайго менскага сябра піша Сяргей Дубавец.
На фота: палац Горватаў ў Нароўлі. Архіў
Беларуская мова і беларуская рок-музыка. Моўны тэст
https://smarturl.click/8pmJx
Добрая сучасная музыка па-беларуску адыграла велізарную ролю ў нацыянальна-моўным усьведамленьні ўжо некалькіх гэнэрацыяў. Ці ў вашай памяці жывуць беларускія сьпеўныя цытаты й назвы гуртоў? Праверце сябе.
Фота ілюстрацыйнае
Літву — галоўнага праціўніка БелАЭС — выбралі ў Раду кіраўнікоў МАГАТЭ
У Раду кіраўнікоў Міжнароднага агенцтва атамнай энэргіі (МАГАТЭ) на наступныя гады выбралі адзінаццаць дзяржаваў, у тым ліку Літву.
У першым квартале 2026 году экспэрты МАГАТЭ маюць намер ацаніць бясьпеку эксплюатацыі БелАЭС.
https://smarturl.click/7vaBa
Новы штам каронавіруса «Стратус» — у Беларусі
Новы штам каранавіруса SARS-CoV-2 XFG атрымаў неафіцыйную назву «Стратус». Па словах спэцыялістаў Міністэрства аховы здароўя, ён «актыўна займае сваю нішу» ў структуры восеньскіх інфэкцый.
На першы погляд «Стратус» выглядае бяскрыўдна: лекары запэўніваюць, што цяжкай цячэньня ён не выклікае. Вось як яго распазнаць.
https://smarturl.click/dwWVJ
«Затрымалі, паклалі, пачалі зьбіваць, душыць падушкай»
Фрагмэнты інтэрвію палітвязьня Міколы Дзядка для Радыё Свабода.
Цалкам размову глядзіце на Youtube
Польскія ўлады пацьвердзілі, што дом у Вырыках пацярпеў не ад дрону
Міністар-каардынатар спэцслужбаў Польшчы Томаш Семоняк пацьвердзіў, што дом у вёсцы Вырыкі, што за 10 км ад белаурскай мяжы, пашкодзіў не залётны дрон.
У інтэрвію Polast News Томаш Семоняк не зрабіў катэгарычнай заявы, але зь ягоных дыпляматычных фармулёвак усё ж стала зразумела, што ў дом трапіла ракета.
Міністар спаслаўся на высновы пракуратуры, якая выключыла вэрсію зь бесьпілётнікам, і спытаўся: «Калі не бесьпілётнік, то што тады?».
Ён пагадзіўся, што памер пашкоджаньняў, бачны на фатаграфіях дому, не адпавядае таму, што мог бы нарабіць дрон. І адзначыў, што інцыдэнт, верагодна, стаў вынікам прымяненьня зброі польскімі або саюзнымі пілётамі падчас апэрацыі па нэўтралізацыі расейскіх бесьпілётнікаў, якіх, як заявіў міністар, было больш за 20.
⛽️🇷🇺 Бэнзін у Расеі імкліва даражэе, у Крамлі робяць выгляд, што праблемы няма. А што ў Беларусі?
https://smarturl.click/AxDD0
Усё больш рэгіёнаў Расеі пачалі сутыкацца з недахопам бэнзіну. Паліўны дэфіцыт закрануў ужо больш за 10 суб’ектаў фэдэрацыі, у тым ліку Ніжагародзкую, Растоўскую, Разанскую вобласьці, а таксама акупаваны Расеяй Крым. Крэмль праблему з палівам публічна не прызнае, фэдэральныя тэлеканалы запэўніваюць, што прычына ўсяму — нібыта турыстычны сэзон.
МЗС і Мытны камітэт абвясьцілі, што «па-добрасуседзку» даюць палякам яшчэ 10 дзён.
Зь Беларусі да закрыцьця мяжы не пасьпелі выехаць 1453 польскія фуры.
Выяжджаць празь Літву ці Латвію Беларусь ім забараніла ў 2023 годзе.
Прычым Мытны камітэт адзначыў, што перавозьнікі могуць зьвярнуцца па працяг дазволу.
А МЗС у пазьнейшай заяве прыгразіла па сканчэньні адтэрміноўкі «прымяніць усе прадугледжаныя законам меры ў поўным аб’ёме».
У заяве гаворыцца пра «чалавечнасьць», «здаровы сэнс» і «жэст добрай волі». А Пра зьняцьцё забароны на выезд церазь Літву і Латвію — не.
Напярэдадні ў Польшчы заявілі, што не адкрыюць мяжу да зьнікненьня небясьпекі для польскіх грамадзян у Беларусі.
ℹ️ Перавозьнікаў за парушэньне тэрмінаў выезду могуць пакараць штрафам
• да 1260 рублёў — для фізычных асоб
• да 30% ад кошту «прадмета парушэньня» — для юрыдычных.
Пяць мітаў лукашэнкаўцаў пра 17 верасьня
https://smarturl.click/PLRW
17 верасьня ў Беларусі цяпер адзначаецца Дзень народнага адзінства. Лукашэнка прыдумаў гэтае сьвята пасьля пратэстаў у 2020 годзе на хвалі антыпольскай гістэрыі.
Дата 17 верасьня 1939 году зьвязаная з пачаткам ІІ сусьветнай вайны, якая для беларусаў стала адной з самых трагічных старонак гісторыі. Давайце па чарзе разгледзім міты і клішэ, якімі сёньня карыстаецца прапаганда, каб стварыць вакол яе рамантычную і сьвяточную атмасфэру.
🇱🇹Старшыня Сейма Літвы: «Зробім усё, каб палітвязьні ў Беларусі былі вызваленыя»
15 верасьня старшыня Сейма Літвы Юозас Олекас сустрэўся са Сьвятланай Ціханоўскай. Ён падкрэсьліў, што Літва прыкладзе ўсе намаганьні дзеля вызваленьня беларускіх палітвязьняў, паведаміла LRT.
«Мы рады, што частку палітвязьняў ужо вызвалілі. Але яшчэ каля тысячы застаюцца за кратамі. Будзем рабіць усё, каб яны выйшлі на волю».
🪖 У вучэньнях «Запад-2025» бярэ ўдзел 7 тысяч вайскоўцаў
Пра гэта 15 верасьня заявіў міністар абароны Беларусі Віктар Хрэнін.
Зь іх 6 тысяч беларусаў і каля тысячы — расейцаў.
↘️ Гэта амаль удвая менш, чым анансавалася раней (каля 13 тысяч удзельнікаў).
Паводле афіцыйных паведамленьняў, падчас папярэдніх вучэньняў «Запад» на тэрыторыі Беларусі таксама было каля 13 тысячаў вайскоўцаў.
Сумарна ж з Расеяй лічба магла быць большай. Напрыклад, у 2021 годзе агульная колькасьць удзельнікаў вучэньняў дасягала 200 тысяч.
🚤 Сёлета, апроч Беларусі, вучэньні «Запад» праводзяцца ў расейскіх водах Балтыйскага (каля 600 вайскоўцаў) і Баранцава (каля 200 вайскоўцаў) мораў.
Лукашэнка назваў Херсонскую вобласьць «новым рэгіёнам Расеі»
https://smarturl.click/7vaMX
Аляксандар Лукашэнка сустрэўся з кіраўніком расейскай акупацыйнай адміністрацыі Херсонскай вобласьці Ўладзімірам Сальдам, які ва Ўкраіне асуджаны на 15 гадоў за дзяржаўную здраду.
Лукашэнка назваў вобласьць «новым рэгіёнам Расеі» і заявіў пра гатоўнасьць супрацоўнічаць у сфэры сельскай гаспадаркі, паставак тэхнікі і будаўніцтва.
«Я вельмі добра ведаю, якую ўвагу надае Ўладзімір Уладзіміравіч Пуцін разьвіцьцю гэтых рэгіёнаў. Ідзе прыстойнае фінансаваньне», — дадаў Лукашэнка.Читать полностью…
Не выходзіць на сувязь бард Аляксей Галіч
Праваабарончы цэнтар «Вясна» паведаміў, што перастаў выходзіць на сувязь сьпявак, гід і пэдагог Аляксей Галіч. Паводле словаў ягоных сяброў, сувязь з Аляксеем зьнікла каля 2 тыдняў таму, яго тэлефон выключаны. Ён не выходзіць на працу ў сваёй гімназіі № 15 Менску.
У самой гімназіі на пытаньне, дзе настаўнік Галіч, адказалі, што ня могуць даць такіх зьвестак. Сілавыя органы таксама нічога не паведамляюць пра яго.
Паводле крыніц Свабоды, сьведкі бачылі, як Галіча выводзілі з дому два чалавекі.
Вайсковы аналітык: Пуцін і Лукашэнка адпрацоўваюць тры стратэгіі вайны з Захадам
https://smarturl.click/qB1G9
Хоць афіцыйна паведамляецца пра ўдзел у вучэньнях «Захад — 2025» каля 18 тысяч вайскоўцаў (зь іх прыкладна 5,5 тысячы расейскіх), вайсковы аглядальнік BILD Юльян Рёпкэ папярэджвае: невялікая лічба ня мусіць уводзіць у зман наконт сапраўднай небясьпекі вучэньняў. На ягоную думку, Пуцін і Лукашэнка адпрацоўваюць тры стратэгіі супольнай вайны супраць Захаду:
▪️Ядзерны сцэнар
▪️Сувалскі калідор
▪️«Барацьбу з дывэрсантамі»
«Захад – 2025» ня толькі дэманструе гатовасьць Пуціна і Лукашэнкі да магчымай канфрантацыі з Захадам, але і стварае падставы для ўнутраных рэпрэсій у Беларусі пад выглядам «барацьбы з ворагамі», робіць выснову вайсковы аглядальнік BILD.