-
قناة لخدمة اهل البيت للتواصل خاص هذا المعرف @aborok
قصيدة بحق ام البنين
__
شكَد تمنيت تخلص ايام العـــمر وياكم
شكَد تمنيت بالمنية اكَبال عيني الكَاكم
بس ادير بعيني محد ايباريني
------------------------------------------------
يمه تاذيــــني من اعــيد الذكريات
شوفتي الكم يمه تعنيلي الحــــياة
تخــــــطر ابالي تحــظرون المـــمات
انــــــــــــه أم وعندي ذني الامــنيات
بعلتي كون اربعة اولادي يجــون اكَبالي
بعلتي كون كل ولد ينشدني عن احوالي
اشتكي الياذيني محد ايباريني
------------------------------------------------
يمه وافــتــــــــني المنــيه ما تجــــون
اعلى باب الــــدار اديــــــرن بالعيــون
شكد چنت مرات تاخذني الضنون
بالمنيه عــــــــيوني يــمه اتغمــــــــضون
آه يالولاد من صحت ماضنكم تسمعوني
آه يالولاد مافزع واحد يغـــمض عيوني
لكبري ايوديني محد ايباريني
------------------------------------------------
يــــــــــمي العـباس كَاعد حسبـيت
بالمنــــــــيه وهــسه ادور ما لكَـيت
يمسح ابيده اعلى راسي اتصوريت
وايدي يــــسبلها اذا انه اتـشاهديت
يكَعد وياي ابني كل ساعة يحبني براسي
يكَعد وياي ونشبع وداع وتروح انفاسي
حسرتي تچويني محد ايباريني
------------------------------------------------
يــــمه حاچيــــــــني يكَلي وبعــويل
(جعفر) ودمعه اعلى خدينة يسيل
يصــــــيح يايمه فطــرتــــيلي الدليل
هــــــذا حلمي وما تحـــقق مستحل
چانت احلام انه أم وحكَي من ارويها
چانت احلام امنية عدي اعــيشن بيها
شوفتك تحييني محد ايباريني
------------------------------------------------
اسمع صياح وبواچي والنحـــيب
لنه(عون)يصيح يا فكَد الحــــبيب
صورة ابني الصــــورتها ماتغــــيب
خابت آمالي وبعد ضني يخيب
هاي الضنون چنت احسبها وضنن بيكم
هاي الضنون خابت وما ينسمع طاريكم
وحدي مخليني محد ايباريني
------------------------------------------------
ينكَط الماي ويحاچيني الحنـــين
ينوح (عبدالله) ويكَلي ترحلــــين
كون هذا يصير وبعــين الــــــيقين
موش بس احلام يا كَلبي الحزين
قصتي هاي كلشي سولفته جرة بأحلامي
قصتي هاي راح امـــوت ولا ولد جدامي
دمعتي تواسيني محد ايباريني
*
أسالكم الدعاء رائد الاسدي
قصيدة بحق ام البنين عليها السلام
يارحمه الله الواسـعة يم البنـــين الاربعة
باب الفرج للمحتار عدها يصير الماصار
ام البنين الاربعة
--------------------------------------------------
ام البنـين اتميـزت بيها العقول اتحيرت
انخاها لوحاجة اكلفت كل حاجة تطلبها كَظت
انخاها وانته ملهوف ومشي عليها الحسين
تطي الحوائج بالايد تكَظيلك برمشه عين
هاي العفيفة الطاهرة خل يدري بيها الما درة
هايه خزانة الاسرار عدها يصير الماصار
------------------------------------ ----------
بالدنيا لو صابك عسر انخاها يتحول يسر
بالشدة اقره من تـــمر الفاتحة تسهيل امر
أسأل عليها التاريخ من فاطمة ماكو اثنين
نحسبها بعد الزهراء باب الله للمحتاجين
معروفة ساعات الشدد فاز الندبها وانسعد
منقولة عنها الأخبار عدها يصير الماصار
------------------------------------------------
حيدر ترة ايعرفچ عدل واختارچ بحكمةوعقل
ياهي الي مثلچ تحتمل تطي الولد لجل الكتل
اطت ولدها قربـان والباري كلشي اطاها
صارت مَثل بالايــثار باب الفـرج خلاها
بيها دعـُـائك ينسمع والهم بسـمها يرتفع
هيبتها من الكرار عدها يصير الماصار
--------------------------------------------------
ام البـنين ام الوفه بالحاجة تدري وعارفه
علمها حيدر كل صفه عدها الفرج عدها الشفه
اطلبها دوم بأخلاص الـشدة تنحل بساع
ما تعتذر ام عـباس تشـفي جميع الاوجاع
بالــشدة دايم تنذكر ماتـسد باب وتعتذر
يرضى لرضاها الجبار عدها يصـير الماصار
------------------------------------------------
صارت مثل بالمرحمة وعن فاطمة هم فاطمة
المخلص الله ايكرمة كل طلب منها ايتممة
عدها الوفه ماله حدود وي النبي واحبابة
خلاها للـعالم بـــاب الباري ماسد بابة
اذكرها من تدعي العلي لاشك همومك تنجلي
اذكرها عند الاسفار عدها يصير الماصار
------------------------------------------------
اقسم عليچ ابحيدرة وابنچ الكَطعوا منحرة
والبطل سبع الكَنطرة وزينب الحرة الصابرة
قبلـينا عـدچ خدام وسجلينة من خدامچ
نطلب شفاعة من حسين فدوة لتراب اجدامچ
بسمچ طلبنه نرفعة وانتي شفيعة مشفعة
ياحرة عدچ خطار عدها يصير الماصار
أسالكم الدعاء رائد الاسدي
عمت عيني على ام حسين... بالبسمار صابوها
======================
عمت عيني على الزهرة ... بالبسمار صابوها
تنوح وتسچب العبرة ... بالبسمار صابوها
ويلي بخدچ السطرة ... بالبسمار صابوها
وحمرة من تشوف العين ... بالبسمار صابوها
=========================
مصابچ ماكو مثلة مصاب ... بالبسمار صابوها
مكسور الضلع بالباب .. بالبسمار صابوها
ويلي الزهرة ما تنهاب... بالبسمار صابوها
نوحوا شيعية يموالين... بالبسمار صابوها
========================
كل عام اليمر ننعاچ ... بالبسمار صابوها
عايش بالگلب ذكراچ... بالبسمار صابوها
ضلعچ يالزچية اذاچ ... بالبسمار صابوها
ليل نهار بس تبچين ... بالبسمار صابوها
=======================
حيدر هالمسه حزنان... بالبسمار صابوها
رايح منة اغلى انسان... بالبسمار صابوها
ياويلي الدهر خوان ... بالبسمار صابوها
كلنا الليلة حزنانين.... بالبسمار صابوها
=====================
يالمهدي الزچية اليوم... بالبسمار صابوها
من بعد القهر وهموم ... بالبسمار صابوها
ننتضرك يمهدي تگوم... بالبسمار صابوها
ثار امك يغايب دين ... بالبسمار صابوها
=====================
أسألكم الدعاء رائد الاسدي
قصيدة بحق الزهراء عليها السلام عن الإمام علي عليه السلام جديدة
يا زهـــــرتي كلما اصد ذبلانة من دون الورد
الچانت حياتي ودنيتي راحت يوسفة وماترد
**************************
عشنا اعله حب الله سوة أجمل عمر يازهرتي
كل ذكــرياتي البألامس وياچ اجني ابوحدتي
مثلچ فلا يوجد بــــشر آه شكبرها وحشتي
رحتي وخذيتي كل علي يالچنتي كلشي بدنيتي
بعدچ فلا يسوة العمر ومنين اجيبلچ صبر
فگد الحبيب اشگد صعب يمرد بقى بگلبي مرد
=======================
بعـــــدچ علي لا مو علي يالفگدچ ايبچي علي
ابيض صبح حتى الرمش حزني ابد ما ينجلي
صعبة التعيش ويا سوة بحزنك يتركك تبتلي
مو نصي كلي فاطمة روحي وحياتي وكل هلي
يازهرة فگدچ مو سهل ميت لچن شكلي عدل
عايش جسد بعدچ اظل تچويني نيران البُعد
=======================
اتنفــــسچ مـــــثل الهوة وروحي بصفاتچ هايمة
هسة اعله گبرچ انتحب بُعـــــدچ دليلي ايألمة
من گبرچ لگبرچ عشت كل ساعة اصيحن فاطمة
ياربي عجل مــــــوتتي واجمعنا يا رب السمة
بعدچ عيوني اشگد بچن يا فاطمة يم الحسن
مشتاگة روحي لشوفتچ يا رايح لگبرچ وَرد
=======================
الهم إذا صاب الگلب انظرلچ يروح بعجل
يالرحمة الله شوفتچ تفتحلي أبواب الامل
بعدچ يزهرة اتألمت هم فگدچ اعلية جبل
احسب ليالي وانتظر يا ساعة يلفيني الاجل
عافيتي چانت شوفتچ جرحت دليلي فرگتچ
من راسي لجدمي حزن فگدچ مرد حتى الچبد
=======================
صعبة الي مثلچ ينفگد عشرتنة ابد ما تنسة
انــتي الوحيدة فاطمة بت النبي وخير النسة
مگابل مكانچ وانتحب وياذيني لو صار المسة
طولچ اشوفة بكل كتر يالكل حياتي تارسة
كل لحظة اشوفلچ اثر بعيوني محفورة الصور
ما ينتهي حزن الگلب حد نومتي بوسط اللحد
===========================
أسألكم الدعاء رائد الاسدي
قصيدة بحق السيدة الزهراء عليها السلام
يمة يازهــــــرة يالحـــنينة ييمة
فدوة حاچيني يبعد الروح چلمة
شو غريبة نومتچ فدوة حاجي بنيتچ
---------------------------------------------------------
يمة هالنومة غريــبة نومـــتچ موش ابمحــــلها
صحت بوية بعالي صوتي امي چن كَرب اجلها
ياحسن يحــــــسين خوية راحت الماكو مثلها
اكَعدوا خل نلــــــتم سوية اعله امنا والدمعة نهلها
شلون كَلبج طاوعچ تمشين عنة
زغار احنة وشوف منچ ما شبعنة
ولادچ احنة وسلوتچ فدوة حاچي بنيتچ
------------------------------------------------
يمة بالدلال حـــسرة تحيريت اشلون اودعچ
ردت بوداع المـــنية كون احظـننچ واحبچ
يلچم بالبوسة خدچ ويلچم بالشبـكَة ظلعچ
امددة كَبالي اشوفچ ما شبـــــعت وداع منچ
وداعچ ايفت الكَلب ويمرمر الحال
مو سهل توديعچ انتي حيل چتال
ودعيني بروحـــــتچ فدوة حاچي بنيتچ
-----------------------------------------------
يمة اخــــير وداع هذا امودعة الله يالزچية
نظري يم كَلب الحنين وشوفي اولادچ خطية
انريد نتوادع ييــــــمة منچ وداع المنـــــــية
دوري ذرعانچ علينة يمة احظـــنينة سوية
يمة شوفي حسين كَلبة فرفح اعليچ
لازم ابرجلــــيچ يايمة ويحاچـــيچ
مرمرتني حالتــــــــــچ فدوة حاچي بنيتچ
-----------------------------------------------
يمة شــــفت النعش عني بالظلام بعيد شالـــوه
صحت نعش امي الحنينة فدوة بس شوية خلوه
بوية تابوت الــــــــعزيزة للوداع ابهيدة فتــحوه
هذا اخير وداع منــــــها كَلبي ياهالناس ارحموه
بلكي من امي العزيزة تشبع العين
وخل يودعها الحسن وانوب الحسين
ارد اشمن ريحتچ فدوة حاچي بنيتچ
-----------------------------------------------------
يمة هذا مصلى جبتة كَومي صلي يالــحنينة
الحسن وحـسين يمي شما ذكرنة امنة بچينة
اهنا ييمة شكَد كَعدنة اهنا ييمة شكَــد حچينة
حتة لو بالطيــف مرة مري يايـــــــمة علينة
شما صحت يمة يجاوبني صدى البيت
يمة بس اهمل دموعي عليچ ظليت
يالمشيتي بسفرتچ فدوة حاچي بنيتچ
---------------------------------------------------
يمة راح اكَعد واكَابــــل هالمچان واشكي هــمي
واذكر ايام العشــــــتها يالزچية وانتــــــي يمي
فركَتچ هدمت حيـــلي ومرمرتني ونحل عظمي
يمة روحي وياچ راحت والبقة بالبيت جســــمي
يمة اطب للدار وسفة وما الاكَيچ
حيل اشم ريحة هدومچ وابچي عليچ
والله صعبة فركَتچ فدوة حاچي بنيتچ
========================
أسالكم الدعاء رائد الاسدي
قصيدة بحق الزهراء عليها السلام
من بعد الغوالي بس الهم صفالي
ياباب الحزن ادميــــت العيــــون
خذت احباب كَلبي وما يردون
------------------------------------------------
يم كَلب الحنــــــين هواي حنيت
يا زهرة وعــــطرها تارس البيت
تكَظي ايام عمري وياچ ظنيت
اتنفس حزن وهمــــــــــــوم ظليت
انه ام المصايب فاركَت الحبايب
ما ابطل ونيني ودمع الجفــــون
خذت احباب كَلبي وما يردون
------------------------------------------------
متعودة اعلى طولچ ساكن العين
ظل خالي المچان البي تكَعديــــن
كل رمشت جفن نزلن دمعتــــــــــين
وحشة البيت ردي يــــــم الحــسين
البيت اظلم علينة ماهية الحنينة
دلالي بغــــــيابچ دوم محــــــــزون
خذت احباب كَلبي وما يردون
------------------------------------------------
وسط البال رسمچ عايش احلام
بعد اشلون اشوفچ عيني متنام
صوبني بدليلي هجــــــــرچ اسهام
يالبلبـــــــــيت رحمه خلافــــچ ايتام
ايتيم الماهي امة الدنيا عليه ظلمة
شيــــعوض حنانچ واصبر شلون
خذت احباب كَلبي وما يردون
------------------------------------------------
اذا صار العــــصر ويصــــير الغروب
يكسر بالخــــــــــواطر يكــــسر كَلوب
وي صواب ظلعچ كَلبي مصيوب
وياكَلـبي ندى من حركَتة ايذوب
عني بساع شلتي مخنوكَة بعبرتي
الدمعة اعلى خدي وشاحبة اللون
خذت احباب كَلبــــــــي وما يردون
------------------------------------------------
ملاني الصــبر من فركَه الاحباب
كل لحـظة ومصابچ يرسم الباب
اعاتب بالدهر شيــــــــــفيد العتاب
وطولچ يالحنينة حــــــدر التراب
ما انساه رسمچ بالبسمار دمچ
بكَليبي الحزن والنوح مسجون
خذت احباب كَلبي وما يردون
------------------------------------------------
وي فتــــــحت الباب اتفز الجروح
اسمع صوت آخ يصــيح مبحوح
صواب امي العزيزة يمرد الروح
حدر الباب اخيي ايلوج مذبوح
حزنچ ما نسيتة وسط الروح بيتة
يالبعدچ حياتي عــبرة وشجون
خذت احباب كَلبي وما يردون
أسالكم الدعاء رائد الاسدي
قصيدة بحق الزهراء عن الامام علي عليهما السلام
يالروحي تهواچ ما اكَدر انساچ
بهم وقهر عفـتيني وياج اخذتي سنيني
--------------------------------------------------
وية نعشچ احلى ايام العمر خـــــذتيها
حسرة ودموع وبواچي بالكَلـب عفتيها
يالزچية صعبة حالي فركتـــچ تاذيها
روحي مجوعة ابغيابچ والحزن غاطيها
ما تنشف العين لخير النساوين
دم بُعدچ ايبچـيني وياچ اخذتي سنيني
--------------------------------------------
يالعفتي وسط الـــــــــروح آه اونة
بنعشچ مشة الدفــــــــان وابعد عنة
شكَد چنت احـــــسب واحلم واتمنة
ومن رحتي يالزهرة كَطعت الظنة
اخذيني وياچ يعذبني فركَاچ
من رحتي ما خذتيني وياچ اخذتي سنيني
--------------------------------------------
اتمنى موتي ولا اشوف الفركَـــــــة
ابالي تعيش وياچ اخر شبــــــــــــكَة
وتاكل ابروحي من مشيتي الــحركَة
مثلچ حنيـــــنة بالبـــــشر ويــن الكَة
ما ابطل النوح لو تطلع الروح
فراكَچ صعب ياذيني وياچ اخذتي سنيني
___________________________
ايهزني الحنين ودمعي يجرح خدي
بس ذكريات ويـــــــاچ ظلت عندي
من اتذكر العشرة الـــــمواجع تبدي
تمر الليالي وانة انوح لــــــــوحدي
ما اكَدر انساه العمر الكَظيناه
هنا چنتي اتحاچيني وياچ اخذتي سنيني
-----------------------------------------------
منچ فلا شبعت عيــوني وشلتي
كلش قليلة ايام عشـــنة ورحتي
تبقى تعيش ايامــــــچ ابذاكرتي
مدري شيريد وياي ظالم وكتي
من صابچ الباب لب الكَلب صاب
والسطرة صابت عيني وياچ اخذتي سنيني
--------------------------------------------------
فراكَ النحبهم بينة يــــزرع حســـرة
وصعبة الليالي اتمر علينة وكَـــشرة
شيصبرة دلالي خــلص كل صـــبرة
وياچ اخذتي الــــروح ها يالـــزهرة
يجرحني الغياب وفراكَ الاحباب
بحلامي بس مريني وياچ اخذتي سنيني
------------------------------------------------
أسألكم الدعاء رائد الاسدي
قصيدة بحق المحسن سقط الزهراء
يالمشيت ازغير دللالي انمرد
يبني لا ناغيت لا نمت ابمهد
------------------------------------------------
احسب حساب الليالي وانتظر
كَلت من تصير افرح وابــــــــتشر
صابك البسمار وي ظلعي ابغدر
من زغر ياحــــيف شو راح الولد
------------------------------------------------
چانــــت ابالي اناغــــــــيك ابــــــفرح
صدري لو ناغــــــيت يايمة انشرح
رحت يالمحسن ودلالي انــجرح
طير جــــــنة وراح للباري وصعد
------------------------------------------------
اكَعد اتصــــــور تجيني وي اخـوتك
وتترس البيت وتسرني بظحكتك
ما تــــــــمر عالبال يبــــــــني روحــــتك
عــــــني راح بعيد وبــــــساع انــــفكَد
------------------------------------------------
حســــبيت اتعيش وأخــوانك سوة
ويالحسن وحسين صيرولي دوة
كَلــــــــبي من النوح يايــــــــــــــمة خوة
ما تهنــــــــــيت ابفــــرح لحظة ابــــــــــد
------------------------------------------------
توكَف لزينب حماية عنــــدي ظن
بجالكم ماتهتم ابجــــــــــــــور الزمن
لچن بعد ايام عــــــــمرك ما بــــــــدن
ورحت لا صرتلها تچوة ولا سند
------------------------------------------------
صارت احلامي رماد وبالهــــوة
لا عشــــــت وياي لا كَلبي ارتوة
من طحت للكَاع دلالي انچوة
يبني الله وياك ما شوفك بعد
------------------------------------------------
ريت كَاضي وياك يايمة العمر
والله لفراكَك بعد ماظل صــبر
وصل لجدك سلامي من تمــــر
كَله بــــــــــــس ايام ظلها عــــــــــدد
------------------------------------------------
راح اعيش ايام وانطر موتتي
يمة يالمحسن قريبة جيـــــــــتي
يبني علة موت هاية علــــــــتي
كَلبي لجل الموت يايمة استعد
أسالكم الدعاء رائد الاسدي
قصيدة بحق الزهراء على طور (شيعوا نعش الطاهرة المظلومة)
يلله ياشـــــــيعة بحــــزن شــــيعوها
الهادي واهل البيت هالحظروها
_________________
فوكَ نعش الطاهرة الهادي ارتمة
مـــــفرع الراس ويصــــيح فاطمة
وللنعش وكَفت خديجة لاطمة
لفاطمة الزهرة الدموع اجروها
__________________
يلله كثروا النوح واجروه الدمع
حـــــــــيدر الكــــرار حاظر منفـــجع
ايصــــيح وايلاه ياكســـر الضـــلع
الزهرة من شم الهوة حرموها
_________________
الحسن عالراس يلطم والصدر
آه يا يمه صـــــرخ بـــــيها شكـــــثر
حافي الرجلـــين مذهول الفكر
امهم بغفلة وغدر فكَدوها
_________________
يعــــــثر ابمــمشاه ويكَوم ويطيح
هذا حال حــسين يا يمه يصيح
وزينــــــــــب تناديها دلالي جريح
وصاح ابو فاضل سوة حاطوها
__________________
يلله ياشـيعة علي لبسوا الـسواد
والمنادي ايصيح ويصير الحداد
خل نعـــــــزي بفاطـــــمة زين العباد
وي ملائكة السما شيلوها
__________________
الامام الباقــــــر اعله امه حـــــــزن
تقدم التابوت ويصـــــيح بشجن
هاي روح الهادي ملفوفة بچفن
العين حمرة والضلع كسروها
___________________
دم على الوجنات تجري دمعتة
جعـــفر الصادق ينـــوح لجــــــدتة
وي المعـــــزين يلــــطم هامـــــــــتة
صدورهم من اللطم ادموها
__________________
تعـــــنه من بغـــــداد مكــــسور الكَلب
شايل التابـــــوت وعــــيونه تصــــــب
يندب الكاظم على الماتت غصب
انشلت چفوف الذي عصروها
__________________
الرضا ابنعش امه يشتم ريحتة
شاهد الهادي ونزعها اعمامـــــتة
واجت معصومة تنادي تبعـــــتة
ويالنعش طلعوا ولا عافوها
_________________
اقروا الها الفاتحة صوت ارتفع
الجواد ايصـــــــــيح وبكَلبه وَجَع
وصل حزنه لفاطمة حد الجزع
بزهرة سنين العمر كتلوها
__________________
فوكَ متن ابنه علي الهادي اتنچة
نوب فــــوكَ الهام عشــــــرة شابچة
ونوب لازم صفحتة اعليها وبچة
ساعد الله كَلوبهم واسوها
___________________
عاف سامرا واجه محمل الم
الامام العــــسكري وناح ولطم
السيدة نرجس اجت وي الحرم
الفاتحة وسط الكَلب نصبوها
___________________
يحظر التشييع ودموعة مطر
يمـــــشي ويانه الامام المنتظر
اطلــب الها الثار امك تنــــــتظر
كَبة امكم ياوكت تبنوها
___________________
أسالكم الدعاء رائد الاسدي
قصيدة بحق الزهراء عليها السلام
برد حضنچ ... سكن ونچ.. دحاچيني.. دحاچيني
انة بنيتچ ... بعد وكتچ ... تجافينة
الحسن ينحب... علي امترب... تشوفينة
بچة حسينچ ... اعله رجلينچ ... تهل عينة
ابهجر چنچ ... سكن ونچ ... دحاچيني.. دحاچيني
=============================
ثگل همي ... فگدت امي... صعب وضعي
بعد عينچ ... صحت وينچ... يهل دمعي
البعُد يجرح ... الهجر يذبح ... صحت رجعي
ابزغر سنچ ... سكن ونچ.. دحاچيني..دحاچيني
=============================
صعب حالي... بعد مالي... جفن غافي
تحن روحي... من اجروحي... لحضن دافي
افز وانشد....علية ايرد... الصدى كافي
غمض جفنچ... سكن ونچ... دحاچيني.. دحاچيني
==========================
اجي لگبرچ... واشم عطرچ... اجر حسرة
ارد داري... بدمع جاري... على الزهرة
ادير العين... اصد لاوين... الچ ذكرة
ثگل حزنچ... سكن ونچ... دحاچيني.. دحاچيني
==========================
ذبل جسمي... نحل عضمي... من غيابچ
يضل نوحي ... بعد روحي... على بابچ
بعد شصبر... دمع يمطر... على مصابچ
الجرح منچ... سكن ونچ... دحاچيني دحاچيني
========================
أسالكم الدعاء رائد الاسدي
يحسين يا اغلى الناس نتعنة الك مشاية
حبك ســــكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
============
للشاعر رائد الاسدي
༺༺༺༻༻༻༺༻
༺༺༺༻༻༻
༺༺༻༻
༺༻
#الخادم_غازي_الساعدي
قصيدة لقضاء الحوائج وشفاء المرضى جديد محرم ١٤٤٢ هـ
سائل اجيتك يا حُـــسين العافية
خادم يدكَ بابك ابنيتة الصافية
يالتعرف ابنيتي حققلي امنيتي
__________________
يالعزيز اعله الله اسألك وانته باب الله الي
بجاهك العد الله اطلب وأسأل العالي العلي
تسمعني يا ابــــو اليمه ادري وجوابك رحمه
اسأل تشافي كل داي او كل مريض اتسلمه
يحسين اسألك وانته دمعة بعيني
مـــــن البلاء وكل مـــــرض تشفيـــني
احفظني لبيتي حققلي أُمنيتي
___________________
كل مـــرض يعحز العالم عــــــــنه ويحير العقل
شوية من تربتك يشفه وبالعلاج اشكَد سهل
حتى العلكَ ماينقاس من حظرتك يشفي الناس
شده اعله ايدك وانخاه بصادق النيه وإحساس
يالتستجاب ابكَبتك كل دعوه
يا ابو الشهامه والكــرم ومــروه
اشمرله چفيتي حققلي أُمنيتي
______________
يوصل لاعلى المراتب الطب ويوكَف بعد
بس ابو السـجاد عنده مرتبه ما الهه حد
يدخل ضريحك معلول اعمى ولونه مشلول
حتى الخبيث اتشافيه صحه وسلامات اينول
آيا حُســـــــــــين ابلهـــــــــفة لو كَلــــناها
ابحركَت كَلب من تطلع شمحلاها
سلملي عافيتي حققلي أُمنيتي
_____________________
يم ظريحك لمن اوصل بيه اشمن ريحتك
ايــــــبلل الشـــــباچ دمعي يا حُســين امروتك
الزم ابشباچك حيل ودموعي عالخد تسيل
اتوسلك يا مـــــــولاي عدك يبو اليمه دخيل
عبدك واجيتك وانته تدري ابحالي
رايـــــــــد طلــــبتي يا حبيـــــبي الغالي
بالشدة عوچيتي حققلي امنيتي
________________________
سر عجيب الي بحظرتك يختلف كلشي تحس
جــــنة الله ومـــــن تطــــبها بيها ترتاح النفـــــــــس
يمك رفعت ايدية واطلب بصافي النية
ابدي بسلامي وادريه ايرد السلام اعلية
مـــــن عـــــــندة ما اشـــــبع ولا املــــنه
امشي بطريقه وادري دربه الجنه
من عندة تربيتي حققلي امنيتي
______________________
أسالكم الدعاء رائد الاسدي
قصيدة للمشاية جديد
من البحر ...... حد النحر
يحسين الك مشاية
يحسين الك مشاية
==================
بلهفة گلب.. يمشي المحب.. يالغالي الك عاهدنا
نصون العهد... أباً وجــــد... يفدي العمر واحدنا
حبكم عقيدة ومعتقد والشيعي يوفي بحبة
انــــتم املنة ونعـــقتد للهادي انـــتم قربة
الخالف نهجكم سيدي خاسر وتيه دربة
بس اليحبكم ما خسر حبكم يوصلة لربة
فاز وربح .... كلمن صبح
يحسين الك مشاية يحسين الك مشاية
=================
تعادل حجج .... بيها الفرج.... زيارة حسين الضامي
ابحر وبرد .... دوم استعد ... تندل دروبة اجدامي
ما بيني وبينك عشكَ ابلهفة وشغف اتعنة
مشاي اجيلك واعتني حبك فلا امل منة
امشي بطريقك وأعتقد اوصل لحد الجنة
لو تعبت اجدامي زحف اوصل الك واتهنة
ازحف زحف .... راية ترف
يحسين الك مشاية يحسين الك مشاية
=====================
راحة نفس..... بيها يحس.... كلمن مشه لمحبوبة
واليمشي الك.... ايحفة الملك... مغفورة كل ذنوبة
ياربي عجل بالفرج نمشي ونناجي الباري
يرعانة ابو صالح هتف احفظ يربي انصاري
وحسين ابو أليمة استعد ياهله ابكل زواري
وبالحظرة ابو فاضل وگف اهلا اجيتوا لداري
الطب كربلة ..... مية هلة
يحسين الك مشاية .... يحسين الك مشاية
=================≠=========
من أقصى الجنوب.. لسيد القلوب. خدمة وخدم متروسة
صبح ومسه.... الكل جالسة.... بالله وعلي محروسة
كل خادم تشوفة ملك بحسين من يتسمة
خدام الحسين ونعم طول الدرب ملتمة
تاج وفخر بيها افتخر كلها تصيح الخدمة
لو تعب واحد بالدرب فزعولة شدوا عزمة
عز وشرف.... غاية وهدف
يحسين الك مشاية.... يحسين الك مشاية
=======================
أسالكم الدعاء رائد الاسدي
قصيدة بحق السجاد
نجري الدمع عالسجاد جد وابو والاحفاد
من يمر يوم ابن حسين عـــن الحزن تحچي العين
-------------------------------
اعله فطرتنة نحب حسين واولادة
وتعلمــنة من اهلنة نخدم السادة
النبي ســيد علينة هوة واحفادة
سادتنــــة وأئمتنة ولنة القادة
علمني ابوي وجدي للهادي اوفي بعهدي
اعله ابنة نظل حزنـــاين عـــن الحزن تحچي العين
--------------------------------
رظعنة من صــدر امنة محبتهم
وهلنة علمونة شـــلون خدمتهم
نحزن من تمر بينة مـــصيبتهم
اهل بيت النبي والدنيا خانتهم
زين العباد الليلة دمع الحزن يجريلة
لمصابة حزنان الدين عن الحزن تحچي العين
---------------------------------
صبر صَبر وتعدة كل وصف صبرة
شاف اشـــلون ابية منكَطع نحرة
وعمة ابلا جفـوف ومرمي عالغبرة
وشاف عظيـدة الاكبر جثة متوذرة
وبعينة شاف القاسم أمخلي عرسة ونايم
بالدمع كَظاهه ســــنين عن الحزن تحچي العين
--------------_---------------------
ما بطل ونينة ولا دمـع عينة
وتعلمنة الحزن من حزنة والينة
نريد انساعد المظلوم بــونينة
نقيم ابكل سنة وننصب تعـازينة
نقيم العزة للمظلوم وللحشر هالعادة ادوم
يومك علي ماناسيـــن عـــن الحزن تحجي العين
------------------------------
شاف من الزمان امصايب واهوال
وحمل من المصايب والقهر اشكال
حزن البيه ماتكَدر تحمــلة جبال
الم حزنه شديد ايشيب الاطـــفال
خالد يظل ما ننساه بكل سنة نجدد ذكراه
شما انقدم احنة مقصرين عن الحزن تحچي العين
-----------------------------------------
لبس ثوب الحزن وتحمل الآهات
شكثر كَلبة حمل من دنيته شوغات
ليل انهار عينة تسچب الدمعــات
مجرة دموع صار ابوجهه مرسومات
دموعة تصب ليل انهار بخدودة حفرت انهار
حزن الكلب عالطيـــبين عـــن الحزن تحچي العين
-------------------------------------------
اسالكم الدعاء
رائد حسن الاسدي
قصيدة بحق السيدة زينب عليها السلام في طريق السبي
ميل عني ياهوة ارجوك ميل
لا تطيح معصبي ما بية حيل
عالهزل تدري سبية ابحبل مچتوفات ادية
---------------------------------------------------
ياهــوة بربك احلفك انـتة هم عندك رحم
صرت وياهم علينا چي شفت ماكو زلم
ردنة مــنك تفزعنة سـاعة العسكر هجم
ليش ماهبيت حيل اتزيحهم عن الخيم
وكون من اتهب تشيل وياك صوتي
وللمعارة اتروح وتوصلة لخوتي
ما يصير الصار بية ابحبل مچتوفات ادية
---------------------------------------------------------
شنهي عــذرك بالقيامة وبالحشر عنــــد الحساب
لو نشد جــدي علينا وكثر اعلــــيك الــــعتاب
من مشن بالطف سـبايا تهب وتطـــيح الحجاب
شتعتذر يـاهوة لجـدي وشنهي عندك من جواب
كون بيدك ياهوة شايلك اتراب
وياهوة انريدك تنثرة بعين الاجناب
ماتشاهدني ال مية بحبل مچتوفات ادية
---------------------------------------------------
تنـظر الــوادم عليـــنا وانتة ويـــــاهم صفيت
احـنة من بـيت النبوة چان من عدنا استحيت
ما كسر كَلـبك عتـابي حايرة لوحـــــدي بقيت
اتهب عليهم ريح صرصر من شفتني حســبيت
لملم الغيم ابعجل غطي سمانة
بعين شامت ياهوة لحد يرانة
بالظلام استر علية ابحبل مچتوفات ادية
===========================
ياهوة بجدرانك احفر صورة من طف كربلة
ودوم وياك ابنســيمك صوت حزنـــــي شايلة
ذكر الكون ابمـصابي والجرة اعــــله العايلة
بلكي عنك يغـــفر الله والثــواب اتحــــــصلة
صور لامة محمد حال الايتام
انتة شاهدت المصاب وحركَ الخيام
وشاهدت بالغاظرية ابحبل مچتوفات ادية
-----------------------------------------------------
ياهوة مر اعلى اخوتي وشيل كـــل كَطرة دمة
وعندك احفـظهن امانة واصـــــعد لرب السمة
ويـاك راويه لمــــحمد وفاطمة وحامي الحمة
وصيح دم حسين هذا ولمـــي بــــيدك سلمة
اتجيب قطرات وترد من دم الحسين
واصبغ اطلوع ومغيب وياك صوبين
وانقل لامي الزچية ابحبل مچتوفات ادية
---------------------------------------------------
عندي مطلب بعد اسمعة ما بــــعد عــــــدك عذر
حاظر ويـــــاي ابمصابي والجرة اعله ام الخدر
ياهوة ابـذاكرتك اكـــتب واحچي عن ام الصبر
صوتي وامصابي اريــدة توصـــلة للبـــيدة الامر
كَلة يامهدي ترة زينب سبوها
وصار حداي الظعن چتال اخوها
وكَلة ترضة الهاشمية ابحبل مچتوفات ادية
_________
أسالكم الدعاء رائد الاسدي
قصيدة بحق ام البنين عليها السلام جديد محرم ١٤٤٤ هـ
تانيتكم ... يهل المحنة يالعميتوا عيوني
تانيتكم ... ام البنين ام الوفة اتعرفوني
لمن جفوني احبابي بس الهوة ايدكَ بابي
====================
محلاه چان البيت من تلتم الاحباب
لا اسمع بطاري الهجر لا اسمع غياب
الدنيا دارت وانچفوا ماي اعله التراب
مجروح گلبي ومن مشوا خزن ولا طاب
ناديتكم ... موحش البيت وبلكت اتسمعوني
ناديتكم.... بنص الگلب يا سلوتي صبتوني
ما اضن يبرة صوابي بس الهوة ايدكَ بابي
=======================
چندوب اگل للروح كافيچ تنوحين
باچر يجون من السفر بيهم تفرحين
طالت المدة وما رجع محبوبي الحسين
منتظرة لا هوة الرجع لا من نسواين
محتارة ... شنهي الخبر يهل الوفة خبروني
محتارة ... چم يوم سفرتكم تضل علموني
محد يردلي جوابي بس الهوة ايدكَ بابي
=======================
انشد عليكم يا هلي واتنطر اخبار
لاطارش المنكم رجع لا جيتوا للدار
ميتين لو عدلين مدري اشصار ما صار
يا يمة گلب امكم يضل ملتهبة بي نار
باحلامي ... گامت تخوفني من اشوف اطيوفكم
باحلامي ... ما ادري شنهي يالمشيتوا ظروفكم
من نومي افز لعتابي بس الهوة يدكَ بابي
========================
بالديرة عفتوني جسد من يوم الوداع
امشي وحگكم بس رسم ينشاف عالگاع
ما حسبت شمل الاهل يطشر بساع
روحي لجل روحك فدة يحسين تنباع
يوليدي ... من يوم روحتكم متت بدياري
يوليدي ... من حزني ليلي متصل بنهاري
حسبت خاب حسابي بس الهوك ايدكَ بابي
===========================
حسبات تاخذني و ترد يا يمة حسبات
يومية اودي اويالهوة الكم سلامات
حرمة وچبيرة لوحدي وشبعانة لوعات
محد يباريني ومشن عني العزيزات
تمنيتكم ... يمي وتطيب اجروحي ويرد لوني
تمنيتكم ... شلونچ ييمة اسمع اتنشدوني
شيبت حتى اهدابي بس الهوة ايدكَ بابي
==========================
أسألكم الدعاء رائد الاسدي
قصيدة بحق الزهراء عليها السلام على طور (خيرة الله من الخلق ابي)
خيرةُ اللهِ ومِن صلبِ النبي
أحرقوا الدارَ عليها الظالمين
===================
لم يخافوا اللهَ جيشاً اقبلوا
إنها الحربُ عليكم معلنين
===============
أحرقوا الدارَ على خيرِ النسا
فاطماً قالوا (وإن) قالَ اللعين
==================
دفعوا البابَ ولاذت خلفَهُ
عَصروها أسقطوا منها الجنين
==================
ومضى المسمارُ في أضلاعِها
فاطماٌ صاحت ايا فضة اسندين
===================
قُتل المُحسنُ هيا أسرعي
إحمليهِ عني صاحت بأنين
====================
أيُ ذنبٍ قد بدى مني لكم
وتجازوني إنا بنتُ الأمين
===================
تقضي كُلَ الليلِ تشكو ألماً
لم تَذُقْ طعمَ الرُقادِ منها عين
====================
حسنٌ ثم حُسينٌ جــــنبُها
زينبٌ كانت تئنُ كلَ حين
==================
منزلُ الزهراءِ امسىٰ مظلماً
غاب عنهُ نورُ أُمِ الحسنين
===================
وعليُ الدمعُ أدمى جَفْنَهُ
يبكي مَنْ كانت لهُ خيرَ مُعين
===========≠=======
كسرت مِنهُ الفؤادَ عندَما
مرَ فوقَ الضلعِ بالغُسلِ اليدين
====================
شابَ منهُ القلبُ والجَفْنُ معاً
يعتريه الشوقُ دوماً كلَ حين
====================
أسالكم الدعاء رائد الاسدي
قصيدة جديدة بحق الزهراء عليها السلام
انحلفچ بچف الكفيل وعــينة
يم حسن من الخدم سجلينة
===================
نحزن اباول رواية وننتحب
لم گبر عن الخلايق منحجب
الخادم بسجلچ يزهرة ينكتب
مسجل وبيدچ صبح تدوينة
====================
بكل سنة مصابچ علينا من يمر
الدمع بالعين يــــبقى ينهـــــمر
للرواية الثانية ايظل مـــستمر
والنعش نطلع سوة مشيعينة
===================
بالرواية الثالثة الكل تنفجع
بالتشابيه بحزن من ننجمع
نصيح واويلاه ياكسر الظلع
ونرفع أصوات العزة لمهدينة
==================
نجدد وياچ العهد يا فاطمة
وتطلع تعازي المواكب لاطمة
بكلمن يخدمچ يزهرة عالمة
اليخلص بعهدة أو وفي تعرفينة
==================
ناس مشاية اطلعت يم الحسن
والگلب مكسور يا زهرة وحزن
اعليچ بالمجلس مدامعنا جرن
مصيبتچ طول السنة اتبچينة
===================
ناس تخدم ناس زوار اعتنت
يالزچية يم گبر حيدر اجت
بالنجف رايات خظرة رفرفت
نواسي بمصابچ علي والينة
==================
بكل سنة تشييع رمزي انشيعة
نعشچ وعين اليحبچ دامعة
انتي بس ترضين المر نجرعة
لجلچ وخدام الچ حسبينة
===================
أسالكم الدعاء رائد الاسدي
قصيدة بحق السيدة الزهراء عليها السلام
يالزچية.... اخر وداع ارد اوعچ يالحنينة
يالزجية.... وداع المفاركَ ييمة ودعينة ------------------------------------------------------
يالنويتي السفر عنا وما تجين بعد شمـلي وياچ ماظن ينجمع
فكي ذرعانچ اريد اشبع وداع وارد اخلصة اليوم بعيوني الدمع
يمة اولادچ نگول الله عليچ لاتخلــينة بوداعچ ننفجع
الحسن يبچي والحسين
زغار واحنة ملوعيــن
غاب طولچ يمـة عنا وما يجينة
وداع المفاركَ ييمة ودعينة
-----------------------------------------------------
حرت شحچيلچ ييمة من الهموم انمرد كَلبي عليچ من الحزن
يمة من رحتي بعد ما جاني نوم كَوة يغــفة الليل مرات الجفن
طيفچ ايمر بية واكَعد يمة اصيح وبمچانچ اكَعد وابچي واون
انشد عليچ المچان
ما اجت ام الحنان
اكَعدي يايمة ترة بتــچ حزينة
وداع المفاركَ ييمة ودعينة
---------------------------------------------------
اذكر البسمار وصـواب الظلوع ومن اشوف الباب دمعاتي تصب
واذكر من انصاب ظلعچ طاح اخوي وي طيحت محـسن انصاب الكَلب
كَبال عيني صـــورتچ لا ما تروح شلون يمة الدار بعـدچ ليـها اطب
يبقى طولچ للمــشيب
كَبال عيني ومايغيب
عايشة اويانة فلا لحظة نسينة
وداع المفاركَ ييمة ودعينة
==========================
كَبال كَبرچ يمة انة شكَد بچيت واشتم تراب الكَبر بي ريحتچ
زينب انة يالحــنينة انشد عليچ فدوة حاچيني طويلة سكتتچ
يمة من طم الكَـبر حيدر ابوي هم لچم ظلعچ ييمة وصطرتچ
آه يصـــــــواب الظلوع
اجرة من عيني الدموع
شلون اوصـفلچ حزن كَلبي اونينة
وداع المفاركَ ييمة ودعينة
------------------------------------------------------------
مثل حزنچ عالنبي حزني عليچ وابكثر ما نحتي راح ابچي وانوح
ومثل دمعچ دمعي مابطل مسيل ومثل كَلبچ كَلبي بي صارت جروح
شكَد تمنيت العمر يكَظي واموت حتة يمة للكَـــبر وياچ اروح
اخذيني يمة للكَبر
شلي بعدچ بالعمر
بالحزن اكَظي العمر كلها سنـينة
وداع المفاركَ ييمة ودعينة
--------------------------------------------------------
(جواب الزهراء)
يمة دوم وياچ ابقى بـــكل مكان عايـشة وياچ كل محنة اجيت
يمة بمصاب الحـسن مثلچ انوح بكــثر ما نحتي ييمة انة بچيت
ويوم اخوچ حسين ظل اعله التراب هم ثـلث تيام يا يمة بقيت
تحيرت يوم الســــــبوچ
وياچ اظل لو وي اخوچ
شكثر انة وياچ يمة تلوعيـنة
وداع المفاركَ ييمة ودعينة
==========================
أسألكم الدعاء رائد الاسدي
قصيدة بحق الزهراء
ﮔبر أمك لو تعلي اسوارة...
كلها مشاية تجي زوارة…
________________
كَوم يامهدي بعد ما ظل صبر.
انملئت الدنيا ظلم جور وكفر.
لدولة العدل الالهي ننتظر.
كَوم خلي العادتك محتارة
________________
اطلب بثار النبي والة الاباة.
يبو صالح حطم عروش الطغاة
وعيد للاسلام من ثاني الحياة.
انت مضمون الوحي واسرارة
__________________
للبقيع اكَصد وابني المكَبرة.
تلكَة بيه اكَبور غطاها الثرة
الكَبة توصل كون كَبر الطاهرة
وانشر بكل الارض اخبارة
________________
صيح ياهالناس من چبد السمة
هذا كَبر امي الزچية فاطمة.
ايحيي بالزوار ليه القادمة
فتح البيبان لم خطارة
__________________
يلة شيلوا اعلامكم شدوا الرحال
نصبوا اخيام المواكب عالرمال
جنة الله اتصير ماتقبل سؤال
ولا تهابون الدرب واخطارة
___________________
للكَبر زوار نتعنة زحف.
بالسواد وفوكَنة الراية ترف.
احنة شيعة بالمواقف ننعرف.
كل مواكبنة تجي هدارة
__________________
بالصحن تلكَانة كل جمعة نزور.
احنة مطلوبين نوفي الها نذور.
نطوف شباچ الزجية ابلا شعور.
فاز من حب الظريح وزارة
__________________
بينة شوك سنين لديار الغرب
نار جانت تاكل بكلب المحب
نقبل الشباچ ما تشفى الكَلب.
شيطفي من كَلب اليحبكم نارة
_________________
أسالكم الدعاء رائد الاسدي
قصيدة رئيسية بحق الزهراء عن الامام علي عليهما السلام
حسرتي عليچ چبــيرة حسرتي عليچ
حسرتي كون الاخيرة حسرتي عليچ
انتي روحي ومهجتي ظلمة بعدچ دنيتي
------------------------------------------------------
حسرة كلش مؤلمة چنت اصد لفاطمة
تخفي اللآلام
اسمع آه بكل نفــس تــلچم بيها احــــــس
ليلي ما انام
عاشت ابأصعب وضع من اثر كسر الضلع
ابأخر ايام
عني شالت بالعجل بسرعة وافاها الاجل
وصارت احلام
عمري وياچ دفنته عمري وياچ
ليلي بعدچ سهرته عمري وياچ
صعبة صارت حالتي ظلمة بعدچ دنيتي
------------------------------------------------
لفاطمة حزني دهر وكَلبي بالفركَة انفطر
وتدمع العين
وياچ كل لحظة عمر وماكو لفراكَچ صبر
يم الحسين
يم حسن كلبي انكسر ودمعي طوفان انفجر
بخدي نهرين
الحسرة بالحسرة تجر يعصرن بروحي عصر
لا ترحلين
رحتي لاوين يزهـــــرة رحتي لاوين
حيدر عليچ شيصبرة رحتي لاوين
تجري لجلچ دمعتي ظلمة بعدچ دنيتي
----------------------------------------------------------
اكَعد وابچي واحن ويمي اولادچ تون
دمعي سچاب
اصبح وامسي بدمع واذكر مصاب الضلع
وعصرة الباب
امسح بدم الطــــــــفل المحسن وعيني تهل
من المصاب
سمعي زينب تنتحب والحسن دامي الكَلب
حسينچ انصاب
ادمه العيون غيابچ ادمه العيون
آه يا لوعــــــة مصابچ ادمه العيون
وياچ ماتت فرحتي ظلمة بعدچ دنيتي
-----------------------------------------------------------
كون يرجعلي الامــــــر يمچ احفرلي كبر
وانسه الهموم
يا حزن فكَدچ صعب لو ردت دارچ اطب
وشفت الهدوم
روحي بعدچ تحتضر وطيفچ كَبالي يمر
ابالي مرسوم
ذكرياتچ كــــل كتــــــــــــر وبعدچ اشمرة الصبر
وكَلبي مالوم
فكَد الاحباب هظمني فكَد الاحباب
بأم حسن من فجعنـي فكَد الاحباب
ريت يمــــــــــچ دفنتــــــي ظلمة بعدچ دنيتي
------------------------------------------------
موتــــــچ بكَلبــــي جــــــــرح يلي مثلچ مايصح
بعدچ انسان
يم حسن روحي بسجن بابة حسرات وحزن
وهمي سجان
سافــــــر وياچ الفـــــــــــــرح دمعي يازهرة انفضح
للخلكَ بــــــــان
آنه عنــــــــــــوان الصــــــــبر بالمصايب من تمــــــــر
وكل الاحزان
اجزع عليچ يبــــــــــــــظعة اجزع عليچ
عني بُعدچ شيــــــجرعة اجزع عليچ
دوم اسمعچ ونتي ظلمة بعدچ دنيتي
------------------------------------------------
مصيبتچ ما تنسه انتي ياخير النسه
عايشة وياي
خلف فراكَچ الــــــــم بكَلبي وآهات وندم
وضايع دواي
شكَد تمنيت الممات انتي چنتيلي حياة
ماتصح هاي
خذتي يادنيا الخليل عفتي دمعاتي تسيل
آه يدنياي
البُعد طال علية البُعد طال
يوم الفراكَ منية البُعد طال
عني راحت جنتي ظلمة بعدچ دنيتي
------------------------------------------------
أسالكم الدعاء رائد الاسدي
قصيدة بحق الزهراء عليها السلام
الفـــــراكَ الفــــــراكَ ياذيـــني
للاحزان للاحزان عفتيني
------------------------------------
زينب انه بنيتچ...فدوة اروح لدمعتچ...عذبتني ونتچ...والآهات
يالكسر ظلعچ صعب...حالچ ايفت الكَلب...امددة وعينچ تصب...عالوجنات
بالدلال بالدلال صبتيني
للاحزان للاحزان عفتيني
----------------------------------------
نظرة بعيونچ شفت...يمنة يسرة تلتفت...نظرة اوداع اعرفت...للاحباب
الحسن وحسين اجوا...ركض للوالد مشوا...ماتت امنة حشموا...داحي الباب
يزهراء يزهراء حاچيني
للاحزان للاحزان عفتيني
----------------------------------------
اليفكَد امة ينكسر...ابد ما ينفع جبر...بعد ماعدي صبر...لا والله
وحشة داري مظلمة...آه يمة فاطمة...ريت عيني بالعمة...وا ويلاه
احن ليچ احن ليچ تدريني
للاحـــزان للاحــزان عفتيني
--------------------------------------------
يمة ما اسمع بعد...حظنچ الدافي انفـكَد...غاب طولچ وابتعد...عن العين
نلتم ابوكت العصر...امنة ماهي بالكَبر...الحسن وانه انتظر...وي حسين
على الباب على الباب يا عيني
للاحزان للاحزان عفتيني
---------------------------------------------
آه يا باب الحزن...عملتك تدمي الجفن...ماسمعت امي تون...يابسمار
بعدة دمچ والاثر... فوكَ بسمار القدر...ذكرياتچ والصور ... وسط الدار
بالاحلام بالاحلام زوريني
للاحزان للاحزان عفتيني
-------------------------------------------
أسالكم الدعاء رائد الاسدي
قصيدة بحق الزهراء عن السيدة زينب
مو وكت نومة ييمة فاطمة
من زغر سني عليچ معلمة
----------------------------------------------
ارد اعاتب والعــــتب ياذي الكَـــلب
والدمع نهران مــــن عيني يــصب
شلون دارچ يالحنــــينة ليهة اطب
موحشة خلافچ ييــــمة ومظـــلمة
----------------------------------------------
محد ايحاچيني يمة من اصـــــــيح
عليج ادور نوب اكَوم ونوب اطيح
فدوة حاچيـــني ترة كَلبي جريــــح
بــــيه شـــبت نار يمة ومــــظرمة
--------------------------------------------
للمچان البــــي كَعدنة دوم احـــــن
واذكر اشكـَلنة وحچينة بس اون
ماينام اللـــــيل يايـــــمة الجـــــفن
بالحزن دلالـــــي من زغرة انرمة
----------------------------------------
نلتم حسين وحـــسن وانة وننوح
نذكر امنة وتلـــــچم بينة الجروح
عكَب عينچ يالحنـــينة وين اروح
وخيمة چنتي فـوكَ راسي مخيمة
----------------------------------------------
يمة كَلـــــبي اشتاكَلچ طال البعد
حظنچ الدافـــــــي بعد ماظن يرد
والله من رحتي انمرد كَلبي مرد
رحتي مكســـــورة ظلع ومألمة
---------------------------------------------
حسرتچ ماتطلع ابكَلـــــبي تظل
والله ماانساچ حـــــــد يوم الاجل
اون ليل نـــــــــهار يمة وما امل
ومن لــــذيذ النوم جفني لحرمة
------------------------------++-------
امن اصد للبســــمار دمعاتي تسيل
صواب ظلعچ بالكَلب صاباني حيل
مكَابلة الباب واجـر حسرة وعويل
شما اشوفة بعـــــــيني متلطخ دمة
--------------------_-------------------
حزنچ ايظل بالكَـــــــلب ما ينسي
وصورتچ من عيني ابد ماتنمحي
لكَظي عمري عليچ دمعات وبچي
وياي كَام اتنوح امــــــلاك السمة
----------------------------------------
أسالكم الدعاء رائد الاسدي
قصيدة بحق السيدة الزهراء عليها السلام عن السيدة زينب عليها السلام
راحت عزيزت گلبي ياعيني مدمع صبي
امي العزيزة ومن مشت عشت الالم والحسرة
صوبتي گلبي بغيبتچ يابعد روحي الزهرة
راح عزيزت گلبي
==========================
يالعافية وكلچ دفو بيتچ حزين خلافچ
ياطيبة ياراحت نفس يرتاح كلمن شافچ
آه يالحنينة ويم هلة وماكو بشر بأوصافچ
شيصبرة گلبي بغبتچ عايش يتاني اطيافچ
مريلي مرة بليلي يمة البُعد هد حيلي
گلبي انكسر يمة وبعد كسر الگلب شيجرة
صوبتي گلبي بغيبتچ يابعد روحي الزهرة
راح عزيزت گلبي
==========================
لو چل علي ليل البُعد والوحشة تاكل روحي
وحظنچ الدافي منفگد ياهو اليطيب جروحي
مسامر انة وليل ودمع سهرانة زايد نوحي
بس غمضت عينچ غدت مهدومة كل صروحي
وياچ اعيش ابجنة يا يمة لمن چنة
رحتي وبقيت ابلا امل والعين منچ حمرة
صوبتي گلبي بغيبتچ يابعد روحي الزهرة
========================
الام حنينة يا خلكَ ماكو ابمثل طيبتها
لو راحت ايغيب الفرح ويروح وي روحتها
نعمة چبيرة الام ترى محد عرف قيمتها
بس الفگد امة ايعرف من يفتقد شوفتها
الراحت امة من ايدة ايصير الحزن ترديدة
الفرگة صعبة يم حسن گلبي بعد شيصبرة
صوبتي گلبي بغيبتچ يابعد روحي الزهرة
==========================
التثگل همومة يصد لمة وتزيح اهمومة
بشوفتها ترتاح النفس عد البشر معلومة
شحال الفگد امة وبقى بالون يخلص يومة
مثل الجبل هم الگلب الناس ليش تلومة
عطرچ بقى بثيابچ اشتم واصد لبابچ
بسمار البلضلعچ نبت خلالي جرح شكبرة
صوبتي گلبي بغيبتچ يابعد روحي الزهرة
==========================
تچويني نيران الهجر وشگد صعب فگد امي
اتذكر ايام المــــضت وايام چانت يــــمي
من راحت امي تحيرت المن اسولف همي
امي واعز من الهوة وياي تمشي بدمي
شم الهوة ما اريدة وامي علية بعيدة
كون المشت امة وجفت وياها يخلص عمرة
صوبتي گلبي بغيبتچ يابعد روحي الزهرة
========================
أسألكم الدعاء رائد الاسدي
جديد قصيدة بحق الزهراء عليها السلام
يالساكنة ابوسط الروح گلبي بغيابچ مجروح
صحت بشجن يم الحسن
گلبي بغيابچ مجروح
==================
يا بعد روحي يم حسن نعشچ بدي واريتة
واليدفن ابأيدة المحب اتصير المگابر بيتة
يم گبرچ اگعد وانتحب گبرچ دمع رويتة
المـثلچ ابد ما ينسى طولچ غصب جافيتة
بگبرچ واريدن ملگاچ طول العمر ما انساچ
طول الزمن يم الحسن
گلبي بغيابچ مجروح
=======================
فگدچ صعب يا فاطمة بالفرگة ذايب گلبي
من رحتي ماتت فرحتي عيني لمچانچ تربي
جبـــناها عالمر وحلو وينزاح يمچ تعــــبي
هسه الحزن ثوبي صبح بالگوة اوچد دربي
يالزهرة ذبلت عيناي بعدچ نشف منها الماي
اشموعچ طفن يم الحسن
گلبي بغيابچ مجروح
====================
عشرت عمر هسة انتهت بس ذكريات اصبحتي
خلصت مثل لمح البصر غـــدار خاين وكـــتي
كل لحــظة بيها اتذكرچ تمشـــين بالدم چنتي
يا زهرة اناديچ ابــحزن گلـــبي بغيابچ صبتي
ياهو اليعوض فرگاچ تمنيت اموت انة وياچ
سنينچ گظن يم الحسن
گلبي بغيابچ مجروح
====================
صعبة التحبة اتودعة ويروح اغلى احبابك
تحاچيه بأحزان ودمع ما يرد ليك جوابك
يا گلبي لاموك البشر محد يعرف مصابك
ابفرگة الحبيب اتألمت ياذيني حيل غيابك
يالزهرة ما انام الليل يالماخذة وياچ الحيل
گلبي انسحن يم الحسن
گلبي بغيابچ مجروح
======================
ابلياچ أيامي التجي ضلمة وحزن غاطيها
حسرات وآهات ودمع يازهرة راح اگضيها
ذكراچ تبقى ابكل كتر كل ذكرى ابچي عليها
چا غير انتي ام الحسن روحي الي عايش بيها
ابفرگاچ يا اغلى الناس شاب الگلب وي الراس
دمعي انعلن يم الحسن
گلبي بغيابچ مجروح
=======================
أسألكم الدعاء رائد الاسدي
قصيدة للمشاية زيارة الأربعين
يحسين يا اغلى الناس نتعنة الك مشاية
حبك ســــكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
==========================
حبك سكن دلالي يا اغلى من كل غالي حبيتك
اغفى وافز جدامي وبيقضتي واحلامي لاگيتك
مشاية اجينا والاهل عفناها الدنيا ابوجودك سيدي محلاها
انة بمحبتك عالخلكَ اتباها الباري روحك للعشكَ سواها
يالتارس الدنيا احساس مجنونة بيك هواية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
=============================
كل خطوة الك محسوبة بسجل الخدم مكتوبة هنيالك
الحُـــجة لازم بيــــدك توصل تواسي ايريدك يبرالك
اليلزم بآل النبي ايلزمونة لليخلص الهم حاشة ميعوفنة
وغاد ايعرفهم همة ويعرفونة والجنة عدهم للخدم مضمونة
امن الكوثر انحصل كاس والعذب نشرب ماية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
===========================
انباهي البراية ابحبك نحيى ونموت ابدربك والينة
ولهســــبب تلگانة نسير ونجد ممشانة اشتاگينة
يامن على اسرار الخلايق عالم حكَ اليعرفك بالعشكَ ظل هايم
افتخر لجل حسين اصبح خادم مسرور گلبي بخدمتة ومو نادم
الخدمة تاج اعله الراس ترضون عدنا الغاية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
=========================
قطب الارض يالضامي يمك خذتني اجدامي ملهوفة
من كل بلد تــــتعنة لگبرك تــــــطب للجنة وتطوفة
كل الارض يم گبتك جاذبها والمهدي واكف شيعتة ايراقبها
النية السليمة ينعرف صاحبها بسجل الخدم بيدة غدة يكتبها
محسوبة حتى الانفاس للگصدتك عناية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
==============================
من البحر نگصدلك حد النحر نوصلك والينة
من الــــمهد نهواكم حد اللحد وياكم ضلينة
خدام الكم نفتخر بالخدمة نحمد الباري ونشكرة ابهالنعمة
ياربي كل خادم نريد اتسلمة كل عام يرجع عدة نفس الهمة
من الزغر دكَ الساس للموت منطي حچاية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
===========================
أسالكم الدعاء رائد الاسدي
جديد قصيدة للإمام الحسن عليه السلام على لحن (انه العليل المسبي للشام) الحاج باسم
ها يا عزيز الروح مسموم
ها يا عزيز الروح مسموم
=================
يحني الظهر يا فگد الاخوان
يصيب الگلب ويعوف نيشان
مسوم مات الحسن حزنان
يحن الگلب وينوح مالوم
=================
التمت يولي اخوانك اعليك
سم الغدر يا حيف ماذيك
فوكَ الفراش امسبل ايديك
زينب تطيح اعليك وتگوم
==================
يا حيف لا أم لا ابو وياك
يوم المنية والسم آذاك
دارت عيونك تنظر عظاك
مثل الحمام اعله الاخو تحوم
===================
ابفگد الاخو ما تسكت عيون
ومثل الحسن چا وين يلگون
اليفگد اخية يصبر شلون
ابنص الگلب والعين مرسوم
==================
چلمة يخوية تهيج الجروح
وانت العزيز الساكن الروح
يحلالي صار ابچاي والنوح
صاح الحسين وگلبة مهموم
=======≠========
البيت وحشة يالچنت نور
گلب اليحبك عفتة مكسور
تبچي اعله گبرك تشعل ابخور
احبابك اترش ماي كل يوم
==================
راح الاخو وكل شي حلو راح
حزام الظهر من الظهر طاح
بهموم يگظي اليوم ونياح
من الهوة يا حيف محروم
==================
ما ينسى ونگول ننساه
فت الگلب والروح فرگاه
حگي من اصيحن آه ويلاه
گلبي اعله اخوي اليوم ملچوم
=================
أسألكم الدعاء رائد الاسدي
https://youtube.com/watch?v=h7Z8H1VY9-M&feature=share
Читать полностью…
قصيدة للإمام السجاد عليه السلام الإمام الباقر عليه السلام ينعى والده..... جديد محرم ١٤٤٢
انـــحب واجري عيني وما اگطع ونيني
روحي اعله الابو تذوب رايح ما يجيني
======================
انه الفاگد وحگي من انوحن حيل
عيني اعله الابو ما تســتراح الليل
انه الباقــــر وگلبي علــــيك اعليل
بوية ابشوفتك چانت همومي اتزيل
انسى غيابك شلون ساكن وسط العيون
بوية بغيـــبتك دوم اتچوة بحــــنيني
__________________
الفاگدلة ابو ايحــــس ابالم گلبي
اطـــــيني الصبر عالفـــرگة يا ربي
ياعيني اعله ابوي اجري ودمع صبي
عيـــني اعله الدرب ظلت الك تربي
نايم حدر التراب عن عيني الابو غاب
آه ياوكت الغروب ياخذ كل سنيني
----------------------------------------------
شمعة واحــــتركَ يا بوية بغيابك
ياخـــذني الحنيـــن واوگف ابابك
ارسم صورتك وانحب على مصابك
وأكثر احتركَ من تنـــشد احبابك
تبچي وتنشد عليك احبابك تناديك
نعقد مجلس انياح انه وكل بنيني
----------------------------------------
راح الچان الي ذخر والي تچوة
چان ابكل حياتي والدي سلوة
المفاركَ ابو انياحة وبچي يهوة
الحياة ابلا ابو صعبة وفلا تسوة
رايح سلوة الروح يسوة الونة والنوح
أظل مطلوب الك دين ما وفيتة ديني
---------------------------------------------
ما اصـــدكَ تغيب وتــــبتعد عني
أشعر انتة عايـــش تســـتمع وني
صوتك دوم اسمعة وانظرك چني
يا وسفة الدهر خان وخذك مني
ما عني غبت يوم انه بعازتك دوم
عشرة ابطول السنين بين الهم وبيني
--------------------------------------------
أسألكم الدعاء رائد الاسدي
قصيدة للسبي بعد مقتل الحسين عليه السلام
ياهو بيكم عدة غـيرة احنة ماعدنا عشيرة
ياهو منكم عدة رحمة ويكَعد ايحاسب ضميرة
-------------------------------------------------------------
ليش ما خفتوا غضب الله وقــــــــــدرتة
من ذبحتوا حسين واولادة وصحبتة
وعالهزل مسبية تالي تروح اخــــــــــتة
ما تخافون ﷲ من طكَيتوا بتــــــــــــــــة
حرم لا حول ولا قوة اوادم الماعدها نخوة
والدهر طشر اهلها الوجه المن تديرة
-------------------------------------------------------------
بنار رجلينا تجوت كمنا حافــــــــي
ياهو ابكلبة رحم ويكول كافــــــي
محد الايتام كلها لاتخــــــــافـــــــــي
اعلى التراب تنام يانوم العوافي
بزر عز وشان عالي شلون لو ماعدها والي
اليتيم شلون حالة اوين ما يدري مصيرة
-------------------------------------------------------------
انة زينب يا خلك ﷲ اصطفانــــــــــــي
وربي بيدة من زغر سني رعانــــــــــــي
ستري ستر ﷲ يعالم زينب انــــــــــــــي
شلون مسبية وغصب دهري خذاني
حبل وسياط وعساكر والحرم مكسورة خاطر
لا ولي عدها وتندبة اندور من ديرة لديرة
---------------------------------------------------
صرنة فرجة والخلكَ تنظر علــــــينا
مدري نشكَف سوط لو نستر بدينا
من عمت عين الزمان اشسوة بينا
احنا عــــــــلويات يـــــا امة نبيــنا
بالعلاوي احبال تنشد ياخلكَ جدنا محمد
ﷲ ما يرضة ورسولة عالهزل تمشي اسيرة
--------------------------------------------------------
موش وصاكم رسول بوصيــــــــــتة
وصة بالقران ثم بال بيــــــــــــــتة
ليش هذا ابنة ذبحتوه ورعيــــــتة
ماشفت واحد الة اهتزت حميتة
ليش وي عترة نبيـكم النبي غاظب عليكم
من ذبحتوا ابنة وحبيبة هاي عد الله چبيـرة
---------------------------------------------------
ليش تتباچة الحرم وانتم تظحــــكون
ما كسرنا كَلوبـــكم يالمــــــا ترحمــــــون
شوفوا حالتــــــــنا اذا من الله تخــافون
اطفال مفجوعة وحــــــرم بيها تهينون
دمعة الايتام حمرة والولتها الناس كَشرة
والحرم ازرك متنها من الچـبيرة للزغيرة
أسالكم الدعاء رائد الاسدي