-
قناة لخدمة اهل البيت للتواصل خاص هذا المعرف @aborok
دفن الاجساد
يلله افزعولة بعراضة وخل نكَوم لدفنــتة
موش من شيمة عربنا الميت اتظل جثتة
---------------------------------------------------
اليوم ثالث صاير الها هالجثث فوكَ التراب
لا غسل لاچفن ظلت اه من هذا المصاب
اموذرة بسيف المنية كهول واطفال وشباب
اطيب من الطيب صارت ياهو نشتم ريحتة
--------------------------------------------------
هذا ابن بت الرسول ونايم بحر الشمس
لاهدم عدة ويسترة سلباه منة الرجس
جثة مسحوكة بحوافر بيها اثار الرفس
مرضرض مكسرة ضلوعة ال مية خلتة
--------------------------------------------------
ﷲ واكبر يا جماعة هالطفل شنهي الجناه
بالسهم مصيوب نحــرة كَلبة مارف الرماه
مكَمط ومكَطوع راسة والرمل صـاير غطاه
يا بني سد شوفوا حالة العطش فت چبدتة
--------------------------------------------------
اه يا حال الشـباب عليه كثروه النياح
ماسلم ياوسفة جسمة مكَطع ابيض الصفاح
ماكتر سـالم نشيلة شلنا واحد ثاني طاح
چا ابوه شلون حـــالة من نظرها حالتة
--------------------------------------------------
هذا عريس الشباب ولابس احمر شالسبب
من نزف نحرة اوريدة ثوبة بالدم انخضب
ماكو يا ظلام رحمة وين نخوتها العرب
سيوف ورماح وعساكر ليش صارت زفتة
---------------------------------------------------
ياحرب دارت رحاها وطحنت انصار الحسين
هالجثث ابطال كلها وعالتـراب اموسدين
نيف وسبعين واحد كالاضاحي مذبحين
وكَفوا لحد المنيــة للحسـين ونصرتة
---------------------------------------------------
ذاك من بعيد واحد طايح اعلى المشرعة
حاضن الجربة اعله صدرة والچفوف مكَطعة
سهام صدرة الصوبنة من كَفاه شو طالعة
ما تلكَة الـكَاع بيدة وعلة صدرة طيحتة
أسالكم الدعاء رائد الاسدي
قصيدة في نهار يوم العاشر عن السيدة رقية عليها السلام
يا حريمه .. وهضيمه .. الخيم حرگوها
والجـريمه .. اليتــيمه .. فلا رحـمـــوها
وآ ويلاه .. وآ يلاه .. يا والدي
****
بوية سوط عدانه .. طكَ المتون
رحمه هاي الوادم .. ما يرحمون
طگاني .. وانه اگله رقية
يا ظالم .. ارحم العلوية
حسبالي .. بي حنان شوية
اصبر شلون
ما رحمني .. وضربني .. بحقد جراني
منه ياويل .. يجر حيل .. يبوية آذآني
وآ ويلاه وآ ويلاه ياوالدي
_
عـمه زينــــب عمه .. والدي وين
يرضى بنته بحيرة .. تهمل العين
يا بوية .. بتك تخليها
محتارة .. والعده تسبيها
وخيامك .. محد ايطفيها
بوية يحسين
آيـــــوالي .. سؤالي .. سمعت ونيني
لية ماجيت .. تعنيت ..تنشف عيني
وآ ويلاه وآ ويلاه يا والدي
_
گلــبي تلهـب نارة .. واسمع اعداي
صاحوا اعله العيله .. شربوا الماي
بيديني .. ماي ادور وينك
ياويلي .. ضامي مخلينك
اتلفت .. ما تصدلي بعينك
تايهه الراي
ما شربته .. وجلبته .. اخط بجدامي
كون اصل ليك .. وارويك .. يميت ضامي
وآ ويلاه وآ ويلاه يا والدي
__
وين اروح بــدونك .. گلب محتار
من الخــــيم رجلية .. اتچوت بنار
حاچيني .. يالتهشم صدرك
تحميني .. ارد الوذ بكــــــترك
عالغبرة .. مچفي گطعوا نحرك
والرمل حار
تچوي الابدان .. يعطشان .. رمال طفوفها
بتك اتنوح .. يمذبوح .. اجت من خوفها
وآ ويلاه وآ ويلاه يا والدي
__
طفله انه زغيرة .. والگلب ذاب
شفت ابوي امدد .. فوكَ التراب
هاظمني .. يا نهار العاشر
اشكيلك .. بيه شنهي الصاير
ما ادري .. هيچ سوة الحافر
گلبي انصاب
ماكو اخيام .. والايتام .. تون مفجوعة
عنهم بعيد .. يصنديد .. سمعت اللوعة
وآ ويلاه وآ ويلاه يا والدي
***
أسالكم الدعاء رائد الاسدي
الانصار
____
خيرةُ اللهِ اســـــــيرُ الكُربِ
كُلُنا اليومَ فداءٌ للحُسين
__
هبت الانــــــصارُ فُرسانُ الوغىٰ
فأزالوا الجيشَ في طرفةِ عين
____
انهم قــــــومٌ لدُنيا طلقــــوا
رغبةً في أُخرى دار المتـقين
--------------------------
كالليوثِ اقــــبلوا في منظرٍ
يرهبُ القومَ يسرُ الطاهرين
_
ننصرُ الحقَ واصحابَ التُقىٰ
اننا الــيومَ اتيـــــــنا ثائـرين
____
اشوسٌ اقعسُ كان صامداً
هكذا كانوا جميعَ الناصرين
___
جاءَ للطفِ حبـــــيبٌ مُـــسرعاً
شاهراً سيف المنونِ لا يلــــين
__
ثم عابسْ وبــريرٌ اقـــــبلوا
مَلكُ الموتِ لهم جاء قرين
____
نضربُ الاعناقَ لانخشى الردىٰ
نادىٰ جونٌ ثم نادوا اجمعــــين
_
جاءَ هفهافٌ وحُــرٌ و وهــــــــب
مُسلمٌ بالموتِ اوصىٰ بالحسين
_
دارت الحــــــربُ رحا مُعلــنةً
نصرُ دمٍ ضد سيف الظالمين
__
كانــــوا نيفاً معَ سبعــــين اتـوا
ينصرونَ الدينَ جاءوا معلنين
___
آخرُ القومِ ســـــويدُ الخثعمي
خرَ مَلقياً على الارضِ طعين
__
واعتلىٰ صــــوتُ المُنادي قائلاً
قد قتلنا الليثَ فلنسبي العرين
__
وسويدٌ كان حــــياً لم يزل
قاتلَ ثم قُتلْ يامؤمنـــــــين
___
أسالكم الدعاء رائد الاسدي
قصيدة بدون حرف الراء بحق العليلة
طول ياليل ابوداع الغالي
خاف ما اشوفة بعد للـتالي
------------------------------------------------
تجهزن كلهن خــــواتي وانة لا
واسـمع يكَلن لبــونة اختنة چا
شلون بيها ما بعد تحمل بلا
دمعة وهموم وسكَم چــــتالي
-----------------------------------------------
آه ياليـــل البُعد ليلك صعب
عذبتني وآه الك وسط الگلب
الدموع عليك من عيني تصب
كَامــــت ظنـوني تجول ابالي
------------------------------------------------
خاف لوعات الكَلب مايحتمل
لوعتي ظليت وحدي ابلا اهل
فوكَ دايي انوب حطيتوا علل
ما شفت ياليــل نوحي وحالي
------------------------------------------------
للصبح ما انام عيني شابحة
من يحين وداع كَلبي تذبحة
بوية من اتشيل بعدك نايحة
ابيتي مدفونة بغياب الوالي
------------------------------------------------
ياعلي انـــخاك وگفها الشــــمس
خل يطول الليل محزونة النفس
لا يجي المصباح خلها تنحبس
مظــــــلم البيـت بغــــيابة وخالي
------------------------------------------------
خاف عني ايشيل ويطول الامد
والزمان ايطـــول ويظل للابد
واكَعـــد اترجاه ميعود بعد
الــــدمع يالـيل ظـل يــــحلالي
=================
أسالكم الدعاء رائد الاسدي
قصيدة جديدة للخدمة محرم ١٤٤٥ هـ
انـــت تطيني الاريدة سيدي يبن الصميدة
ومن تعلمت القصيدة خدمتك صارت هدف
==========================
شحچي عن ياهي واسولف وانت اسخى من السحاب
بحاجتي من اگصد ضريحك َ كل طلب عندي مُجاب
الحاجة تُقضى بصافي نية وگلب صافي ومو ضباب
نازل من الباري رحـــمة وللحوائج انت باب
ربي وفقني لخدمتة عمري للخدمة نذرتة
دربك اول ما سلكتة خدمتك صارت هدف
==========================
اليـريد القـــربى لله بحب ابو اليمة يذوب
خادم ايصير وخدمتة بيـها تنشال الذنوب
حب ابو السجاد نعمة تهوى شخصة شگد قلوب
أحمد الله ودوم اشكرة حبة دلاني الدروب
اعمى لو مرة تركتك دربي اشوفنة ابخدمتك
انة اول ما عرفتك خدمتك صارت هدف
==========================
الخدمة عند الناس ذلة وانت الي يخدمك امير
يرتفع شانة ابخــدمتك مو ذليل ابعز يصــــير
العزة والجاه وكرامـــة تــــطي ما الهن نظير
ابخدمتك صافي النية هذا معروف المصير
خادمك بيدك مصيرة الجائزة العندك چبيرة
بالبشر ماكو نظيرة خدمتك صارت هدف
==========================
حسين لله اقرب وسيلة بابة ادكَة ابكل امر
شما تضكني الدنيا عندة كل عسر يصبح يسر
ابقى ثابت وابقى اخدمة لآخر ايام العمر
وما اوفي حســـين حقة ناذر سنيني نذر
عاهدت الله ورسولة كل حرف الكم اگولة
انت عشگي من الطفولة خدمتك صارت هدف
===========================
من وعيت الدنيا واسمع عن كرم طه وهلة
ابكل زيارة حسين اندبة لو رحت طف كربلة
ربي كون اتوفــق اخدم واسمي امة اتسجلة
اطاني ما اطلب واريدة اسمـى وارفع منزلة
من زغر چانت اماني واحمد الله وفقاني
حسين خادم توجاني خدمتك صارت هدف
===========================
أسألكم الدعاء رائد الاسدي
قصيدة بحق الامام الحسين عليه السلام جديد محرم ١٤٤٥ هـ
يحسين الخيال ايروح يمك يا حبيب الروح
ياخذني الجمال البيك شحلاتك وانت ما مذبوح
========================
ارسملك صور بالبال واهيم ابنضرت عيونك
لونك بالحقيقة اشلون الله اليعـــلم بلونك
عجيب اتجاسروا يحسين بالطف ويذبحونك
ينور البالعرش ضويت كل ضنهم يطفونك
يالمثلك فلا مخلوق جمالك عالجمال ايفوق
للباري حبيبة حسين شحلاتك وانت ما مذبوح
========================
جميل بكل وضع مولاي مذبوح وجسد دامي
شحلاتك من اصد عليك وانضر للوجه ضامي
جننت البشر يحسين بحبك كل گلب رامي
يالمالكني اضل اهواك يعايش حتى باحلامي
راسك بالرمح وينور ما توصل جمالة الحور
اهواك واضل مجنون شحلاتك وانت ما مذبوح
=========================
اسمك من نذكرة انشوف جسمك منگطع نحرة
ونشوف الخيول اتجول فوگة وكسرن صدرة
بتصويرك لكون انشوف وجهك يبتسم ثغرة
لا اذن اسمعت لا عين شافت مثلة بالمرة
الشافك جنت الله يشوف يالمالك وصف موصوف
أحلى من الجنان هواي شحلاتك وانت ما مذبوح
==========================
عالفطرة نحب حسين ويجري بكل عركَ بينة
جننة الوصف مو شوف شحال الشافك بعينة
من طين البشر مخلوق شخصك يختلف طينة
الباري بكل عناية حسين صاغ ابأيدة تكوينة
مأسورة بجمالة گلوب بيها أغلى واعز محبوب
من الذر عشگنة حسين شحلاتك وانت ما مذبوح
==========================
ربي ارزقني اشوف حسين ياربي ولو لحضة
والشافك گبل ليـــموت هنيالة اشكبر حضة
شوف العين اشوفك كون وبهذا الفخر احضة
حتى ابموتتي ارتاح ابوجهك عيني مغمضة
وابموتي اغمض العين كون بصورتك يحسين
ابوجهي تبتسم بالموت شحلاتك وانت ما مذبوح
==========================
اسالكم الدعاء رائد الاسدي
بندرية بحق السيدة زينب وابا الفضل العباس عليهما السلام على لحن قصيدة محمد الحلفي الله الله الله.. جديد محرم ١٤٤٥ هـ
ويلاه ويلاه ويلاه گلبي الدهر صاباه
ويلاه ويلاه ويلاه لو ميتة كون وياه
======================
من ودعني وشال الجود
ظليت ادعي الباري ايعود
سالم والينة
تروي عيالي بشربت ماي
واترويني وتروي ضماي
يا عم سكينة
راح وما رد للاطفال
وتنشد چا وين الكفال
ما رد اعلينة
گلبي ابهظم ناداه لو ميتة كون وياه
====================
وسط الخيمة سكينة تنوح
متانيتك يا بعد الروح
لا تبطي اعليها
وعيون رقية اعله الباب
وتنشد چا شنهي الاسباب
ما يرجع ليها
عبدالله متاني اترويه
ويلوج من النار البيه
وانت اتطفيها
تدري العطش اذاه لو ميتة كون وياه
===============≠=======
بعدك يا ابو الغيرة اشلون
لو بينا الگوم ايعيلون
محد يرحمنا
اندير العين شمال ايمين
محد منكم يا طيبين
انصيح ويسمعنا
حسين بحافر صدرة انداس
ومگطوعة چفوف العباس
ياهو اليكفلنة
بعدك صحت چم آه لو ميتة كون وياه
=========================
خيامي احترگت خوية بنار
وگلبي خلافك حيرة احتار
من ضيم البية
حرمة وما بين العدوان
وبس أيتام وبس نسوان
ملتمة اعلية
شدوا بيدي الگوم احبال
وجمر الخيمة ابرجلي انشال
ويطفي برجلية
وگلبي الهجر چواه لو ميتة كون وياه
=====================
أسالكم الدعاء رائد الاسدي
قصيدة بحق العليلة كأني بالامام الحسين عليه السلام يخاطب العليلة عندما استعدوا للرحيل جديد محرم ١٤٤٥ هـ
صوبتي الگلب بوية العليلة
فوكَ امصيبتچ علة ونحيلة
بهدومچ تلمين جدامي تطيحين
صوبتي الگلب بوية العليلة
=====================
الله يعين گلبي من اصد ليچ.. تحظرين بثيابچ
اشوفچ گمتي تمشين وتطيحين.. صوبني مصابچ
حنين وگلبي ما يحمل يجافيچ .. اذاني عتابچ
اخاف اعليچ من اگعد وحاچيچ.. يفجعني جوابچ
بديارچ تضلين من اگلچ
عنچ ياالعزيزة اتشيل اهلچ
خوفي من تردين جدامي تطيحين
====================
تحظر للسفر كل ضعن الاحباب.. وانوينا نسافر
يبنيتي مچانچ انتي بالبيت .. يالمكسورة خاطر
عينچ بالعتب متروسة ودموع.. واعلينا تناضر
احنا انشد ضعنا وانتي تبچين.. ودموعچ تناثر
يتباچة الضعن كلة اعله حالچ
هودج بالضعن يابوية مالچ
ويانة ما تروحين جدامي تطيحين
======================
وحشة ابيـــوتنا من عنها ماشين .. والهم بيها نازل
يستاحش البيت واهلة غياب .. هذا البينا حاصل
شمعة ابيتي ظلي تنور البيت .. من تمشي المحامل
ما يصلح تظل ابلاية سكان .. مهجورة المنازل
ادري ابوحشة البيت اشكبرها
وعلة البالگلب يصعب جبرها
بفراگي تشيبين جدامي تطيحين
========================
ضمي اعتابچ ودمعات العيون .. من يرجع ضعنة
ينراد الدمـــع من تلفي العيال .. وترد الوطنة
ما افجع دليلچ بالذي ايصير .. لو عنچ رحلنة
هذا آخر وداع وبعدة الفراكَ .. يطشر شملنة
ياكل بالگلب يا بوية الفراكَ
عنچ راح اروح لارض العراكَ
كل اهلچ تفگدين جدامي تطيحين
=======================
ها يم البنين و يا ام الاطياب.. حفضيلي الامانة
هاي ابنيتي يمچ تبقى بالدار... ومفارگچن انة
لو طر الضعن ونسافر انريد... ما تحمل جفانة
تكسر گلبي وگلوب الميامين ... من تطلع ورانة
تنگل بالجدم من تمشي گوة
وياكم اريد اخذوني فدوة
كل خاطر تكسرين جدامي تطيحين
======================
أسالكم الدعاء رائد
قصيدة بحق ابو الفضل العباس عليه السلام
العفت كلشي اعله موده دعيت الله يعودة
اوصيه اعله حالة الدمع فاض اعله جودة
---------------------------------------------------------
اللاهي يا مجــــــــــيب المضطر وتعلم بـحالي
يموت من الحزن كَلب المشوا عنه الغــــوالي
غالي ولــــــو رحــــت مايــــنكَطع عنك سؤالي
حد كَطع النفــس عايــــش تظل دوم بخـيالي
يربي انخاك احرسة وطن بالغربة احسة
وطن ماكو مثالة الدمع فاض اعله جودة
______
عزيــــــــزك يا كَلـــب من يعتني صــــوب المنية
تحظر يا كَلب لا ترتـــجي من عـــــــــدة جــــــية
شبه ميتة صـــرت من ودعت راعي الحمية
اشم بيه واون وعلـــــيه درت باثنــــــين ادية
بدمع رشيتة مكَفاه واصيحن الله وياه
مشة وكَلبي برالة الدمع فاض اعله جودة
_______
عطــــــشانة الك كَاع لمــــــطر اروىٰ بحـــناك
يا كلـشي الي يا ابا الفـضل واحد زمانك
احــــذر وانــتبه مـن العطـش يابس لسانك
محـتاجة ترد خـوف الكَلب هـــــــــذا اوانك
لو طحت اعله التراب اخاف ايطيح الحجاب
من اذكرة بالكفالة الدمع فاض اعله جودة
_______
ياساقي العطاشة امن العذب اروي دلـيلك
يم جــــرف النهـر من تمـــــتنع موتك يجيلك
يا بحـــــر الوفه بـين البـشر ماكو مثيلك
ما بين العطش ســـيف وحرب كَوة الله حيلك
اريدك ساعة الضيج يخوية بلل الريج
صفكَ يمنة بشمالة الدمع فاض اعله جودة
______
عيني يالرحت تــــربي اللوة وصوبك اصدها
كَلبي منخمش مدري شحصل روحي شمردها
لصوب المشرعة حسين ايعثر راح وكَصـدها
رد محـني الضهر ولخيمتك طـيح عمـدها
فكَد يسرة واليمين يكَلي وطافية العين
او ودالچ رسالة الدمع فاض اعله جودة
*******
أسالكم الدعاء رائد الاسدي
قصيدة الوداع في ليلة العاشر
جديد محرم ١٤٤٢ هـ
يزينب حظري دمعچ اجيت الليلة اودعچ
ما تركـتچ مــــــن زغـــــر يا بعـــــــد كل العمــــــر
_______________________
الحسين::
عمــــري كله وياچ يصـــــــبح كان ما كان
نعيش ليلتنه الاخيرة ابدمعة واحزان
يا اعز مـــن روحي عندي واغله انسان
كل حياتي وياچ واشعر كَلبي عطشان
وداعچ هدم الحيل قريب ويخلص الليل
رايح ايطر الفجر يا بعد كل العمر
_____________________
زينب::
سنين عشنا بروح وحدة موش روحين
خلصن وهالليلة تكَظي هاي السنين
شوف ما شبعانة منك وانته بالعين
يمي واشتاكَ لحنانك خوية يحسين
عمر خلصته اشتاكَ اموت ابطاري الفراكَ
كَلبي ما يحمل هجر يا بعد كل العمر
_________________________
الحُسين::
ألاخت وألام حسبتچ كل حياتي
لحظة لحظة وياي عشتي بذكرياتي
وداعچ ابهاليلة اصعب من مماتي
بيچ اوصيچ واوصي ابكل بناتي
صعب يا وكت الوداع يروح ويخلص بساع
خوية منچ شعتذر يا بعد كل العمر
____________________________
زينب::
من فكَدنه امنه وابونه والحسن غاب
انته ابوي وانته امي واغله الاحباب
عندي يا ابو اليمه اغله من الهوه الهاب
لهسه من جرح الغوالي كَلبي ما طاب
العزيز اشلون اودعة يظل بعيوني دمعة
الله يطيني الصبر يا بعد كل العمر
_______________________
الحُسين::
بالــــــــدمع مرســــومه والهم اه ياليله
كل خليل ايـــــــــوادع اليــــوم ابخليله
شــــــوفتچ چانت الي كل هم تـــزيله
شمعة وتذوب بحزن شفت العقيله
صعب يا كسر الكَلوب اشوفچ شمعة وتذوب
اتحملي يا ام الخدر يا بعد كل العمر
_________________________
زينب::
باچر العاشر يصبّح منه ويلي
طول ابليلك علينه ها يليلي
واحد لواحد اودعه وما يجيلي
ماتظل اعيون عدي من عويلي
صبح باچر منايه واضل ابلايه رايه
باچر انصير ابعسر يا بعد كل العمر
________________________
أسالكم الدعاء رائد الاسدي
أتزلزل العسكر هذا البرز حيدر
فارس بدر وحنين أمنين أجانة منين
::::::::: ::::::::::::::::::::::::::::::::::::
الاكبر من برز للمعركة غظبــان
خلة خيولهم داست على الفرســان
من الخوف انكسر عسكر بني سفيان
طلع حيدر نظن لنصرة العطشــان
حيدر رجع هاليوم هذا البرز للكَوم
خلانة محتارين أمنين اجانة منين :::::::::::::::::::::::::::::::::::::::::::::::::
دخيلك ياعلي رد سيفك ارحمنـة
خدم عدك نصير ولاتذبـنـــة
نحب جدمك يحيدر كَول آمرنـة
لاتحمل يبو الحملات الك صحنة
ارحمنة يا كرار لاتجرد البتار
فاركَنة من اسنين أمنين اجانة منين ::::::::::::::::::::::::::::::::::::::::::::::::::::::
علي ابن الحسين آنة علي جــدي
ياويلة اليجيني ويوصل لحـــدي
ولو من العطش انة يبس چبــدي
كل فارس اذبحة وعاللأرض اردي
ويلة اليكَابلني انة الحرب فني
صيحوا ابن الحسين امنين اجانة أمنين
------------------------------------
شجاعة حيدر وغيرة ابو فاضـل
وصبر حسين عدي ياهو أينـازل
بسيف الحكَ اطشر كل جمع باطل
اذا بيكم بطل خـل يطلع ايقاتــل
من الزم الميدان ماتوكَف الفرسان
اتصيح الصوبين أمنين اجانة منين ::::::::::::::::::::::::::::::::::::::::::::::::
سمعت حسين ابوي ايصيح انصروني
ما هاب ال مية خـل يلاكَونــي
مثل جدي علي كَـاموا يشوفوني
علي الكرار اسمعهـم ينادونـــــي
هالفارس ابسيفة منة اخذ حيفة
الحاربنة ابصفين أمنين اجانة منين
أسالكم الدعاء رائد الاسدي
قصيدة بحق علي الاكبر عليه السلام جديد محرم ١٤٤٢ هـ
انخاك يارب العــــــرش يعالي
ياربي رد الغالي لجل الغالي
بجاه الحُسين اتوسل يارب دعائي أتقبل
__________________________
الچان الهــوة الاتنفـــسه وشايلتة بصبي عيني
بالطف يبس عودة وذبل شــــــــوفة علي تاذيني
فراكَ الولد نار بحــــــطب ابنص الكَلب تچويني
يالرايح لكَـــــــطع النــــــحر شبكَة وداع اطيــــــني
لله بحبيبة اتوجهت نخيـتة
سالم علي الاكبر يـــرد لبيتة
اعله ابني دليلي اتزلزل يارب دعائي أتقبل
___________________________
ياكَلبي اصـــبر والصبر مُــــــــر وتجـــــــــرع مُـــــــــرة
لـبني بخيالي تنــــرسم اجمل صــــــور للعـــــــشرة
تاذيــني لو حن الكَلب هلبت اموت بـــــــحسرة
شيبني توديعي لعلي وجرح البكَلبي شكبرة
ام التــــــــودع للـــــــــمات ابـــــــنها
تنلف يكون ابطلعتة ابچفنها
ابموتي اللاهي اتعجل يارب دعائي أتقبل
__________________________
امـــــــك واطلبك بالـــــــــــربه وسهر الليالي وتعبي
طــــــول وداعك يالـــــــــــولد ما دامك انته بكَربي
اترس عيوني بشوفتك واتـــوجه ادعي لربي
ياربي بولــــيدي اللــــــــطف ارحمني وارحم كَلبي
مكــــسور كَلبي وخاطري يـــــيمة
كل ساعه نحرك اختنكَ واشمة
ما عندي لغيابك حل يارب دعائي أتقبل
_______________________
يالرجعت شـــمس الضهر هذا ابنك اصــــــفر لونة
يابس لسانة من العطش وهد الحديد امـــــــتونة
ردلي علي بجاهك علي شمسي واموت بدونة
لاحت علامات الهـــــــــجر يمـــــــشي ويدير عيونة
لب الكَلب عني مـــــشة لمنية
خاف الولد يتفرهد من ادية
شلون لغيابة اتحمل يارب دعائي أتقبل
_________________________
شمعة حياتي شاهدت بريح القدر مطفــية
انظر للحسين اخـــتلف وجهة ويصد اعلية
شيصبرة كَلب الـوالدة افـــــرك كَمت بيدية
تييه طريــــــــجة والدك من سمع الحكَ لية
ايكَوم ويطيح وماعرف طريجة
لوما الشماتة چا يــــــــشكَة زيـــجة
ثوبة ابدموعة اتبلل يارب دعائي أتقبل
_________________________
ماي وتــــــــــبدة اعله الترب راح الولد مــن ايدي
رد محني الحسين الظهر وينادي بوية وليدي
جـــــــدامي اشوفن جثتك ياروحي لا لتهـــيدي
تشـــــبع هـــــــــــوة ما لحكَت صار الحزن ترديدي
جـدامي اشوفن جثتك خظــــيبة
ايموت بحزن كون المشة حبيبة
موتي ويأبني اتأمل يارب دعائي أتقبل
_________________________
أسالكم الدعاء رائد الاسدي
قصيدة بحق علي الاكبر عن الامام الحسين عليهما السلام
كَلبي صاح بصوت بوية
چنها روحة موت بوية
بوية اكثر عذبتني من مشيت اودعتني
---------------------------------------------------
ودعتك وادري اتخلــــيني وللموت اتروح
يوليدي اشكَد صاح خلافك كَلبي المجروح
يابوية اخذ الروح وامــشي مــااريد الروح
يالاكبر رايح ماترجـــــــع بالطف مذبوح
من شبكَت عليك بوية
كَلبي حسب بيك بوية
وبوداعك حيرتني من مشيت اودعتني
---------------------------------------------------
احسب يابوية بخطواتك وكل لحظة اتفوت
من تبعد عني ابكل خطوة تـكَرب للموت
يوليدي وهاي آخر نضرة وهذا اخر صوت
احذر من تنزل ميدانـك جيــش الطاغوت
كَلبي يلهب نار بوية
ايحسب ومحتار بوية
للمنية سلمتني من مشيت اودعتني
---------------------------------------------------
اتكَطع من ودعتك كَـلبــي اظلمت دنياي
من طولك ماشبعت عــيني يا ظي عيناي
ما اندل دربي من اسمعتك تـــيهت الراي
اتعثر نوبة ونوبة انهـــض ولصـوبـك جاي
كَلبي فر وصاح بوية
مني الاكبر راح بوية
يبني كلش مرمرتني من مشيت اودعتني
---------------------------------------------------
ارد امتد عالغبرة وانحب وي طولك طول
لحظات وانتة امودعنــي ما عندي حلول
دور ايدك واحظني ابلهفة و وداعي ايطول
كَمت اتراجف لمن شفت يبني ومذهــول
حالك اصعب حال بوية
للگلـــــب چـــــتال بوية
بنص دليلي صوبتني من مشيت اودعتني
---------------------------------------------------
فك عينك يبني وحاچيني جرحك ماذيك
لو اگدر ظمـــدتة ابروحي ويهود عليك
كون ابايدي ايصح يوليدي بالعمر اشـريك
مترد شو بجوابي اعلية امدد رجليك
لاتغمض العين بوية
انة ابوك حسين بوية
من رحت شو ماخذتني من مشيت اودعتني
---------------------------------------------------
من ارجع لمـــــك شخبرها بالخيمة هناك
وعيون لصوبك مشــبوحة طول فرگاك
وتدري اشكَد يصعب يوليدي لو ما تلگاك
شلون ارجع وانت ابهالحالة مغمض عيناك
ما شبعت اوداع بوية
لا ترحل بساع بوية
وبسكتك محنتني من مشيت اودعتني
--------------------------------------------------
أسألكم الدعاء رائد الاسدي
مايعرفونة يجدح شرار
مايعرفونة تاه القــــــــــرار
علي هــــذا لو علي الطباها
-------------------------------------------
مادرة الجيــــش وتحير ياهو من عدهم حمل
حيــــدر الكــــــــرار هــــــــذا لو علــــــــــي الاكبر نزل
ماجت الطــــفت باهلهة بطل ظل يــردم بطل
من نزل لــــــيهم كلبــــــها وفعل بيهم مافعــــــل
من تعلاها سوح القتال
من تعلاها بچــة الرجال
علي هذا لو علي الطباها
-----------------------------------------------------
شرجــــــعة حيدر علينا موش ميت من زمن
والنــــــجف عنا بعيــــدة وبكبر بيــها اندفــــــــن
من بعيد الصوت نادة انة الاكبــــر للمحــــــن
علي وابن حسين انة للــــــــــعدو بيــــها علن
ارتجز بيها ابــن الحــــــسين
ارتجز بيها اعلى الظالمين
علي هــــذا لو علي الطباها
-------------------------------------------------
من عــــــلي الكــــــــرار زودة فارس ابوكت الحرب
فقــــــــط كــــــــــــرار ويــلاكي ما يفــــــــــــر او ينغــــــلب
مايحط درع اعلى صدرة اوكت الملاكةصعب
ما يخــــــــــاف من المنيــــــــة صامد وميـــــت كلب
شافة جدامة خاف الشمر
شافة جدامة صاح ابذعر
علــــــــي هــــذا لو علي الطباها
----------------------------------------------------
يكلب الجيــــــش بحملـــتة الميمنة اعلى الميسرة
تســــــــمع صيـــــاح العســاكر شردوا جاكم حيدرة
الجيش خل يكشف عورتة ماكو بالطف مغفرة
ودوا لبــــــــن زياد طــــــارش ما نحارب معــــــــذرة
لا تلاكونة يشطر شطر
لا تلاكونة ويــــن المفــر
علي هــــذا لو علي الطباها
-----------------------------------------------------
من علي ماخذ صفاتة وبالحرب منة شبه
زلزل الجيش وتبختر ظل يراقب منتبــــه
سدها ابواب القــــــتال اوين صاحوا نتجه
منين ما تشرد جنودة لا كتة وجه ابوجه
كلمن ايشوفة ظل يرتجف
كلمن ايشوفة يشرد زحف
عــــلي هــــــــذا لو علي الطباها
---------------------------------------------------
تفتــــــــر عليه العســــــاكر وهوة واكف بالوسط
ادور المــــــشــراد منــــــــــة ايمين بيسار انخبط
ياهو متعني اعلى موتة خل يجيني لو زمط
ابموقفة ويالجيش خلة فوك الحــــروف النقط
يزمخ عليها غيض وزعل
يزمخ عليها حــل الاجــــل
علــــي هــــذا لو علي الطباها
----------------------------------------------------
أسالكم الدعاء رائد الاسدي
عندما وصل بني أسد و وقفوا على الجثث ولم يعرفوهم
اليوم ثالث نايم ابتــربانها
بالطفوف وما حظر دفانها
================
حسين ما واحد يشبها من البشر
شلون فوكَ الگاع ومـــوذر وذر
ليــــش دفانة تأخر ما حـــظر
خل يجيب الماي يروي ابدانها
----------------------------------
(الانصار عليهم السلام)
هذا ابن طه النبي وسيد الشباب
والأنصار وياه كلمن نجمة غاب
هاي شياب وشباب أعله التراب
ليش تبقى ابلا دفن فرسانها
------------------------------------
(القاسم عليه السلام )
هالشباب زغير وبلاية چفن
هالشمايل تشبه هواي الحسن
عليه يا كثر السيوف اتخالفن
ماكو رحمة اعليها من عدوانها
-------------------------------------
(على الأكبر عليه السلام )
وبعد هذا الشاب يشبه للرسول
ابهالجنازة اتحيرت منا العقول
لو يشوفة الهادي چا عنه شيكٌول
مگطع أوصال ابظرب جيمانها
------------------------------------
(الرضيع عليه السلام )
آه واويلاه هالمنـــظر صعب
طفل بعدة زغير ما عدة ذنب
بالگماط ودمة من نحرة يصب
ما تهود الروح من احزانها
-----------------------------------
(الحسين عليه السلام)
مررظة عظامة سحكَ هذا الجسم
من الطبر ما عاد جسمة ينلزم
باقي ابن سيد البشر بس الرسم
طبر بالسيف ورمح بسنانها
----------------------------------
(العباس عليه السلام)
ذاك من بعيد ظيغم منجدل
مگطع الچفين ومترس نبل
مثلوا تمثيل بيهم بالچتل
الشباب وشيب وي رضعانها
---------------------------------
أسألكم الدعاء رائد الاسدي
قصيدة طور اهوازي بحق السيدة زينب عليها السلام في نهار العاشر
ياويلي جريبة الگوم والعباس مـــو يمي
وينك يبن ابوي الحيد يامن تشرك بهمي
يا عباس يا خوية يا عباس يا خوية
=======================
وصلت غارت العدوان ولصوب الخيم يردون
بيديهم مشاعل نار كل جيش العدة ايركضون
ناس اتفرهد الصيوان وناس بخيمتي يحرگون
وين اطي الوجه ياصوب راحت همتي وعزمي
يا عباس يا خوية يا عباس يا خوية
============================
وصلونة والف ياحيف انظر خيمتي احترگت
ياوسفة ولونة انذال كلها اعله الخيم هدت
بحبال وعصي وسياط ويلي دروبنا انسدت
هذا اليبچي ذاك الطاح هذا من الظرب مدمي
يا عباس يا خوية يا عباس يا خوية
========================
طشينة اعله كبر الگاع والسب والشتم بية
وانة اركظ والم ايتام علوية اعله علوية
باگوها التراچي الگوم عمة صاحت رقية
امسح دمها وانة ايسيل من شد الحبل دمي
يا عباس يا خوية يا عباس يا خوية
=========================
يا ويلي على السجاد ذبلان الوجه اصفر
ينظر عيلتة ومحتار بحبال اليسر تنجر
يعينة الباقر ابهالحال وعليهم حبل مفتر
ريتك يالكفيل اتشوف صاح بصوت يا عمي
يا عباس يا خوية يا عباس يا خوية
==========================
جابوها لسبينه النوكَ هزلة ابلا غطة ولا ظل
حادينا العدو الچتال بالحر والصحارة ايچل
والروس بسنان ارماح جدام الحرم يحمل
فگدك والسموم الحار هنة الغيرن رسمي
يا عباس يا خوية يبا عباس يا يا خوية
=========================
كل احنا بحبل مشدود من واحد لعد ثاني
والحادي يجرنة بحيل قصدة ايذلنة ونعاني
وخواني اسف بس روس وانة انظر على اخواني
يلعب بيها ظل الريح والناس بحجر ترمي
يا عباس يا خوية يا عباس يا خوية
=========================
أسالكم الدعاء رائد الاسدي
قصيدة بحق الامام الحسين عليه السلام جديد محرم
خِيــــرةُ اللهِ بأمــي وأبــــــي
خرَ ملقياً على الارضِ طعين
===================
قد قضى الانصارُ جمعاً صُرعوا
لم يهابوا الموتَ كانوا صادقين
===================
واجهوا الموتَ بقلبٍ مؤمِنٍ
عاهدوا اللهَ وأوفوا طائِعين
===================
ثم جاءَ بعدَهم الُ النبي
قُتُلوا لم يبقَ للسبطِ مُعين
====================
قُطِّعتْ أوصالُهُم في نينوى
في طريقِ الحقِ دوما ثابتين
===================
نادا يا أصحابيَ أبطالَ الصفا
كم أُنادي لم تجيبوا ساكتين
====================
واجَهَ القومَ بقلبٍ صابِرٍ
مفرداً بين أُناسٍ ظالمين
=================
لم يخافوا اللهَ في سبطِ النبي
اظهروا في قتلهِ الحقدَ الدفين
=================
قتلوه ثم نادوا واعلنوا
قد أخذنا الثأرَ في يومِ حنين
===================
ثــم نادوا يا جيادُ أقبـــِـلي
خرَ مَنْ مِنهُ جميعاً خائِفين
==================
لم تُرَى خيلٌ بمثلِ ما أتوا
اعوجياتٍ تُخيفُ الناظرين
===================
وذهاباً واياباً قــــد غـــدوا
يسحقوه واعتلوا صدرَ الحسين
===================
طحنوا اظلاعَهُ طحن الرحا
قُطِّعت اوصالْهُ يا مؤمنين
===================
أسألكم الدعاء رائد الاسدي
قصيدة بحق ابا الفضل العباس عليه السلام جديد محرم ١٤٤٥ هـ...
(على لحن يمة اذكريني من تمر زفت شباب)
خوية ابو فاضل . ينكسر ضهري بجفاك
للمنية اتروح . وانة اضل حاير وراك
يا نضر عيني يا ابو الحمية
ينكسر گلبي لو شفت طايح لواك
خوية ابو فاضل.. ينكسر ضهري بجفاك
========================
خوية ابوداعك صوبت گلبي ومشيت
وابلا چفوفك عالارض لمن هويت
للنبل صاير جسمك رمية
ينكسر گلبي لو شفت طايح لواك
================
عالنهر طايح . وشاهدت يمة الزنود
وراس ابو الغيرة . يا وسف طرة العمود
وتبدة جودك فوكَ الوطية
ينكسر گلبي لو شفت طايح لواك
===================
ضامي اشوفنه . والعذب چان اباديه
يابسة ارياگه . من عمت عيني عليه
ما شرب منة لجل الخوية
ينكسر گلبي لو شفت طايح لواك
=====================
اشسوت ابحالي . كربله ويوم الطفوف
بالسهم عينك . راحت وما ظن تشوف
موتتك صارت ما بين ادية
ينكسر گلبي لو شفت طايح لواك
======================
فوكَ الوطية . امدد ودمك يسيل
وانة بغيابك . يالاخو حملي ثجيل
وحدي عفتوني بالغاضرية
ينكسر گلبي لو شفت طايح لواك
===================
بالخيم زينب . ظلت اتاني الكفيل
يا هو النة بعدك . للحمل لمن يميل
لو رحت عنها تمشي سبية
ينكسر گلبي لو شفت طايح لواك
=====================
اسالكم الدعاء رائد الاسدي
قصيدة مقدمة العزاء لتحضير المجلس لكل ليلة مخصص نص واحد فقط تذكر اسم الليلة
=======================
الاول . الثاني . الثالث
بحال مهدينة الله يعلم ابهالمصاب اشكَد تألم
شلون حالة من يشاهد ليلة الاول محرم
----------------------------------------------
ليلة عالمهدي تمر باعـــــظم رزية
بيها سار الظعن لارض الغاظرية
وظلت ديار الاهل وحـــشة وخلية
عجل بثارك يبن حامي الحـــــمية
بالفرج عجل ظهورك شيعتك تطلب حظورك
بجاه هاليـــــلة العلينة ليـلة ...... محرم
----------------------------------------------
(الرابع)
بحال مهدينة الله يعلم ابهالمصاب اشكَد تألم
شلون حالة من يشاهد ليلة الرابع محرم
======================
ليلة عالمهدي تمر بأعظم رزية
العليلة تنوح والدمــــــعة جرية
ظلت ديار الاهل وحشة وخلية
عجل بثارك يبن حامي الحمية
بالفرج عجل ظهورك شيعتك تطلب حظورك
بجاه هاليـــــلة العلينة ليلة الرابع محرم
----------------------------------------------------
(الخامس)
بحال مهدينة الله يعلم ابهالمصاب اشكَد تألم
شلون حالة من يشاهد ليلة الخامس محرم
=========================
ليلة عالمهدي تمر بأعظم رزية
مسلم المــظلوم ظل جثة رمية
ظلت ديار الاهل وحشة وخلية
عجل بثارك يبن حامي الحمية
بالفرج عجل ظهورك شيعتك تطلب حظورك
بجاه هاليلة العلينة ليــلة الخامس محرم
----------------------------------------------------
(السادس)
بحال مهدينة الله يعلم ابهالمصاب اشكَد تألم
شلون حالة من يشاهد ليلة السادس محرم
======================
ليلة عالمهدي تمر بأعظم رزية
تعنت الانصار لارض الغاظرية
ظـلت ديار الاهل وحشة وخلية
عجل بثارك يبن حامي الحمية
بالفرج عجل ظهورك شيعتك تطلب حظورك
بجاه هاليلة العلينة ليــلة السادس محرم
====================
(السابع)
بحال مهدينة الله يعلم ابهالمصاب اشكَد تألم
شلون حالة من يشاهد ليلة السابع محرم
=======================
ليلة عالمــهدي تمر بأعظم رزية
بيها ابو فاضل صريع الغاظرية
ظلت ديار الاهل وحــشة وخلية
عجل بثارك يبن حامي الحمية
بالفرج عجل ظهورك شيعتك تطلب حظورك
بجاه هاليـــــلة العلينة ليلة السابع محرم
----------------------------------------------------
(الثامن)
بحال مهدينة الله يعلم ابهالمصاب اشكَد تألم
شلون حالة من يشاهد ليلة الثامن محرم
=======================
ليلة عالمهدي تمر بأعظم رزية
بيها عرس ابن الحسن بالغاظرية
ظلت ديار الاهــــل وحشة وخلية
عجل بثارك يبــــن حامي الحمية
بالفرج عجل ظهورك شيعتك تطلب حظورك
بجاه هاليلة العلينة ليـلة الثامن محرم
--------------------------------------------------------
(التاسع)
بحال مهدينة الله يعلم ابهالمصاب اشكَد تألم
شلون حالة من يشاهد ليلة التاسع محرم
=======================
ليلة عالمهدي تمر بأعظم رزية
الاكبر تكَــطع وذر بالغاظـــرية
ظلت ديار الاهل وحشة وخلية
عجل بثارك يبن حامي الحمية
بالفرج عجل ظهورك شيعتك تطلب حظورك
بجاه هاليلة العلينة ليـلة التاسع محرم
-----------------------------------------------------
(العاشر)
بحال مهدينة الله يعلم ابهالمصاب اشكَد تألم
شلون حالة من يشاهد ليلة العاشر محرم
=======================
ليلة عالمهدي تمر بأعظم رزية
بيها الحـــسين انذبح بالغاظرية
ظلت ديار الاهل وحشة وخلية
عجل بثارك يبن حامي الحمية
بالفرج عجل ظهورك شيعتك تطلب حظورك
بجاه هاليـلة العلينة ليلة العاشر محرم
---------------------------------------------------
أسألكم الدعاء رائد الاسدي
هذه القصيدة عن موقف حقيقي وهو عندما زرت المخيم في كربلاء رايت شباك خيمة السيدة زينب وشباك خيمة الامام الحسين عليهما السلام
واحد بجانب الاخر وكان هناك ضوء احمر عندما شاهدته رأيت بعين البصيرة اخر وداع بين الامام الحسين والسيدة زينب في الخيمة فبدأت كتابة هذه القصيدة عند الشباك ... جديد محرم ١٤٤٥ هـ
احمر ضواها الخيمة لمن شفتة
آخــــر وداع وية الاخو اتذكرتة
ايودع بزينب گام الحسين واحد يصد للثاني بالعين
؛=====================
هالليلة من گعدوا سوية.. بخيمة وحدة
گبالي اشـــوف معاتب.. ومدمع تبدة
شفت الحزن بأم الحزن .. متعدي حدة
باچــــر يگلها روحــــتي.. ما منها ردة
گبالي اشوف الغالي ودع غالي
هالموقف المفجع يعيش ابالي
چني انضرلهم بالصواوين واحد يصد للثاني بالعين
======================
ضهر بضهر شفت الخيم .. وگبالي لاحوا
حسين اعله زينب منحني .. وبحرگة ناحوا
ومن كثر ما طاح الدمع .. بالخيمة طاحوا
موقفهم گبالي انرسم .. ما لحضة راحوا
واحد على الثاني انكسر دلالة
كل واحد يسولف لخية احوالة
الله اليعينك مالك معين واحد يصد للثاني بالعين
==========================
وداع الاخو يفت الگلب.. ويشيب العيون
من هسة زينب شيبت .. لو راحوا شلون
مو واحد ايفگدة الگلب .. كلهم يروحون
الله اليعينچ بت علي .. ياخوية يم عون
منضر كسر گلبي شفتها اتذكرة
من چانوا ايلعبون يم الزهرة
يا خوية راحت ذيچ السنين واحد يصد للثاني بالعين
========================
منضر صعب شفتة بألم .. خلالي چم داي
شفت الشــــفاه امفطرة .. وبعازت الماي
وچن خشبة من گد العطش .. لسانك يمولاي
بگلبك لهب جمر الغضه .. متحمل هواي
حر وعطش والعسكر امطوگينة
وباچر على الغبرة يشوف ابنينة
دامي الگلب يالگلبك احنين واحد يصد للثاني بالعين
=========================
أصعب رزية اعله البشر .. بوداع الخوان
يالعندي أغلى من النفس .. دلالي حيران
يحسين اودعك للذبح .. وچمالة عطشان
يبن امي باچر وحدي .. وبلاية وليان
أغلى واعز من الهوة ومن روحي
كون انذبح بالحومة وي مذبوحي
بعين البصيرة شفت الاثنين واحد يصد للثاني بالعين
======================
اسالكم الدعاء رائد الاسدي
قصيدة بحق مسلم ابن عقيل كأني بمسلم ينتضر اهله يأتون الى زيارته لانه يعلم انهم قادمون خلفه جديد محرم ١٤٤٥ هـ
آه يا هلي يهل المحنة حن الگلب الكم يهلنة
ادري وراي اتسير الضعون
مروا اعله مسلم موش تنسون
======================
تصد اعله الدرب عيني اتاني احبابي بية أتمر
يضل حي الشهيد المات يحس وعايش ويشعر
هلي كلهم محنة وطيب هلي الكسر الگلب تجبر
يبن عمي العزيز حسين ابن عمك الك ينطر
بگبري واتاني جيت احباب ياوسفة ماصح بالگبر باب
دوم لدربكم تربي العيون
مروا اعله مسلم موش تنسون
=================
شعور اليوم الي بگلبي غريب وما شفت مثلة
احس يطلع يريد ايروح يتاني اعله الدرب اهلة
الفاركَ كل هلة وناسة اعله گلبة الفرگة مو سهلة
اذا يسمع يجــون بيوم تطيــــب ابروحة كل علة
چنكم تجون اليوم يهلي منكم ولا طارش وصلي
متانيــــكم وما گاطع ظنون
مروا اعله مسلم موش تنسون
======================
وصلتوا الكوفة وانة انطر ودليلي اتعذب بشوگة
تفطر گلبي من الشــوكَ واحس امگطعة اعروگة
ظعنكم شفتة بس نسوان وعبيها اعليها محروگة
واشوفن بس علي السجاد وعبرتة بصدرة مخنوگة
شفت الضعن ماهو الحسين واعله المهازيل النساوين
والبالضعينة اغراب يحدون
مروا اعله مسلم موش تنسون
=========================
ترد لية العـــــمر ساعات اسألك يا الهي بهاي
اريد اتلگة اهــــل بيـــتي واشربهم بدية الماي
اشوف من العطش والضيم متغيرة الوجوه اهواي
وبالوجوه الرعب والخوف مرسوم وفگدت الراي
گلبي لهب نار لحميدة شوفتها واخوتها يريدة
هذا انة يمكم لا تــــتيهون َ
مروا اعله مسلم موش تنسون
=====================
وصية لبنتي عد طوعة انشدوها شجرة اعلية
غريب وما بگتلي انصار بس طوعة وفت هية
طحت من القصر للگاع وحبل من رجلي ليدية
وجروني اعله طول السوكَ وتكسر كل عظم بية
ما صح بدية واطلع الكم هذا انة موش بعيد عنكم
من طوعة انشدوا حالي شلون
مروا اعله مسلم موش تنسون
======================
اسالكم الدعاء رائد الاسدي
قصيدة بحق السيدة زينب عليها السلام
بت علي وخير النساوين فكروا مسبية
امتداد الثورة لحسين ثورة صارت هية
بزينب الدين انتصر والكفر ظهرة انكسر
ثورة صارت هية
======================
زينب ومن بعد ما طاح الحُسين فرحوا امسلبيها
ما دروا دم ابو اليــــمة البالوريد هو نفسة البيها
ذلت ايزيد بقصر حكمة العظيم ياهو يوصل ليها
تحچي من مركز قيادة بكل صمود والحبل بيديها
ما تذل الحرة هـــيهات بت علي معروفة
زينــــــــب ربات الاباة ذلت اهل الكوفة
بنهج اخوها والاثر الكفر ظهرة انكسر
ثورة صارت هية
======================
التنسبي عد الطغات الظالمين تنذل ايخلوها
وزينب اتوقعـــــوا تنذل لزيد اتسرعوا سلبوها
صح اسيرة وبالحبل مچتوفة حيل وللقصر طبوها
هدمت عرشة وصبح هو الاسير اتورطوا جابوها
القضية ابعكس تندار والحكَ اتعلاها
شما يحاول ذلها يحتار شامخة يلگاها
ثبتت نصر النحر والكفر ظهرة انكسر
ثورة صارت هية
======================
فكد كــــــيدك يا يــــزيد ولا نهاب العلي علانة
أسعى سعيك احنا نبقى مخلدين ابآخرة ودنيانة
انت ايامك عدد واحنا النعيش خسر مَن عادانة
احنا ال الــــنبي وانـــتم طُلقاء ها يبن مرجانة
شما تحاول احنا باقين وانت من يتبدد
احنا نبقى بطول السنين كل وقت نجدد
سكتت كلمن حظر والكفر ظهرة انكسر
ثورة صارت هية
=======================
زينب وبس هية مــــرت بالزمان الوريثة لأمها
شافت اهوال التهد حتى الجبال والحزن لازمها
ورثت الكرار بالــحكَ ما تلين الشمس شيضمها
بالحنان حســـين صارت للعيال رايتة سلــــمها
حطمت صرح الطواغيت والخصم هاباها
الهه صار بكل وكت صيت والزمن عاداها
بيها الاسلام افتخر والكفر ظهرة انكسر
ثورة صارت هية
========================
هية عنوان الصـــبر والانتصار منها ناخذ عِبرة
صوتها الثوري يدوي بكل زمان ما تموت الحرة
صح حزينة والحزن فاق الخيال وبالعيون العبرة
بس بقت تمشي على نهج الحُسين وكملتها الثورة
صعبة لمن تطب ديوان عالغريبة هواية
من عليها الكان ما كان حققتها الغاية
ما تذل اخت الگمر والكفر ظهرة انكسر
ثورة صارت هية
==========================
أسألكم الدعاء رائد الاسدي
قصيدة ليلة الوداع ليلة العاشر بين السيدة زينب عليها السلام واحبابها جديد ١٤٤٤ هـ
ليل الوداع اشسوة بينة شيبنة من اتوادعينة
واحد يودع الثاني شيبني حال اخواني
=============================
من اصــــعب ايام العمر ليلة وداع العاشر
ابخيمة الچبيرة اتجمعوا احبابي والكل حاضر
صار الحچي چلمة ودمع والجفن ضل مساهر
كل لحضة احسنها بسنة شاب الگلب والناضر
يا زينب ايصيحون كلهم احباب الگلب لا ما املهم
دلالي ضل يعاني شيبني حال اخواني
============================
فگد الولد يدمي الگلب ياعمة اوصي بأمي
واسيها من يلفي الخبر جسام طايح مدمي
امي الحنينة ام الوفة حنيها عمة بدمي
حلمي اموتن وي هلي وباچر أحقق حلمي
للخيمة باچر ما يزفوون باچر شهيد وتجري العيون
بعمي الابو وصاني شيبني حال اخواني
==========================
شمعت شبابي لو طفت عمة وتغمض عيني
يعينچ علي يا ام الصبر لو وصل صوت ونيني
مگطع اجي فوكَ المتن وخلفي الابو ايناديني
بعدك على الدنيا العفا مصابك علي ماذيني
تناديني امي ياضوة العين ويتجمعن كل النساويين
امگطع وصل تلگاني شيبني حال اخواني
==========================
اعله الخال ثلثين الولد كل الخلكَ تدريها
العباس خالي ومن اهد الحومة العب بيها
عون انة ابنچ بت علي ربات ايدچ تعرفيها
وي خالي باچر مقتلي روحي لخوالي افديها
وداعچ ييمة باچر ادموع گلبچ علية ايلوج مفجوع
موت الشرف ناداني شيبني حال اخواني
===========================
ميت على لساني الحچي بالگوة احچي حچاية
صح بالمعارك چن اسد لاچن حنين هواية
من هسة ميت من بدت زينب تودع الراية
تمشين من بعدي بيسر لا كافل ولا حماية
عنچ يزينب امشي بالجود مگطوعة من عباسچ ازنود
ويمچ رقية اتاني شيبني حال اخواني
=============================
ما مر على گلبي مثل لحضة وداعي لزينب
گامت صور باچر تمر فوكَ الهزل تتـــسلب
شميني واشتم ريحتچ ياخوية اجيت ابمطلب
صدري من اودعچ للحرب للخيل يصبح ملعب
باچر الخيل ابصدري ادوس واعله الرماح امعلگة الروس
حالچ يزيد احزاني شيبني حال اخواني
===========================
أسالكم الدعاء رائد الاسدي
المــــواقف تــــــنعرف بــــــرجالها
والــــــزلم تنــــقاس مــن افعالها
----------------------------------------------
جــــرد البــــــتار والــــوة عــــــــنانها
علي الاكبر يطرد بــــــــشجعانها
الموش كَدها لا يطب ميدانها
هاي ساحتــــنا ومنــــو اليدنالها
------------------------------------------------
احــــــنه منــــــزلنه عظــــيم وشانه
مانسولف تحچي بــس افعالنه
مايظل واكَف عــــدو جــــــدامنه
احنه بالحــــومة نصــير ابطالها
------------------------------------------------
يكَلب الحومة بحملتة وسيفه
علي الاكبر مـــــــن يطبها بكيفه
اليوم ملك المــوت نازل ظيفه
وال هاشــــــم تـــــكرم الطــــــبالها
------------------------------------------------
اينعت للمــــوت روس ازلامها
وللحصاد اينوش بيها ولامها
حزماها حــــزام مــــن اعلامها
ال مــــية المــــوت ظل يبرالها
------------------------------------------------
الكَاع من رمح الفرس مخسوفة
الجــــيش بالميــدان مات بخــوفة
صولتة اعلى الكَوم ما مشــيوفة
بيدة يعــــصرها ويطــــشر وشالها
------------------------------------------------
عــــود فارسهم بكر يتــــــقاوة
وي ابن حيدر يطب يتلاوة
صار نصين بظربتة مــساوة
ظــــــــربــــتة فــــــقار ما ثــــــنالها
------------------------------------------------
كَام تــــتلاهب غــــــضب نيــــرانة
بالحــــــــرب كــــرار ما يتــــــــــــوانة
حــــوطاهم بالوســــط عــــدوانة
وين تطي الوجه شل احوالها
------------------------------------------------
بالوسط خــــــيل وزلم حــــطاها
اشــبه النقــــــطة ابــــحر خــــلاها
راح طشــــــــرها ورجع لــــــــماها
الجيش ميمنتة تطكَ بشمالها
------------------------------------------------
أسالكم الدعاء رائد الاسدي
قصيدة بحق علي الاكبر عن الامام الحسين عليهما السلام
كَلبي صاح بصوت بوية
چنها روحة موت بوية
بوية اكثر عذبتني من مشيت اودعتني
---------------------------------------------------
ودعتك وادري اتخلــــيني وللموت اتروح
يوليدي اشكَد صاح خلافك كَلبي المجروح
يابوية اخذ الروح وامــشي مــااريد الروح
يالاكبر رايح ماترجـــــــع بالطف مذبوح
من شبكَت عليك بوية
كَلبي حسب بيك بوية
وبوداعك حيرتني من مشيت اودعتني
---------------------------------------------------
احسب يابوية بخطواتك وكل لحظة اتفوت
من تبعد عني ابكل خطوة تـكَرب للموت
يوليدي وهاي آخر نضرة وهذا اخر صوت
احذر من تنزل ميدانـك جيــش الطاغوت
كَلبي يلهب نار بوية
ايحسب ومحتار بوية
للمنية سلمتني من مشيت اودعتني
---------------------------------------------------
اتكَطع من ودعتك كَـلبــي اظلمت دنياي
من طولك ماشبعت عــيني يا ظي عيناي
ما اندل دربي من اسمعتك تـــيهت الراي
اتعثر نوبة ونوبة انهـــض ولصـوبـك جاي
كَلبي فر وصاح بوية
مني الاكبر راح بوية
يبني كلش مرمرتني من مشيت اودعتني
---------------------------------------------------
ارد امتد عالغبرة وانحب وي طولك طول
لحظات وانتة امودعنــي ما عندي حلول
دور ايدك واحظني ابلهفة و وداعي ايطول
كَمت اتراجف لمن شفت يبني ومذهــول
حالك اصعب حال بوية
للگلـــــب چـــــتال بوية
بنص دليلي صوبتني من مشيت اودعتني
---------------------------------------------------
فك عينك يبني وحاچيني جرحك ماذيك
لو اگدر ظمـــدتة ابروحي ويهود عليك
كون ابايدي ايصح يوليدي بالعمر اشـريك
مترد شو بجوابي اعلية امدد رجليك
لاتغمض العين بوية
انة ابوك حسين بوية
من رحت شو ماخذتني من مشيت اودعتني
---------------------------------------------------
من ارجع لمـــــك شخبرها بالخيمة هناك
وعيون لصوبك مشــبوحة طول فرگاك
وتدري اشكَد يصعب يوليدي لو ما تلگاك
شلون ارجع وانت ابهالحالة مغمض عيناك
ما شبعت اوداع بوية
لا ترحل بساع بوية
وبسكتك محنتني من مشيت اودعتني
--------------------------------------------------
أسألكم الدعاء رائد الاسدي
قصيدة بحق علي الاكبر عليه السلام جديد محرم ١٤٤٢ هـ
وداع فراكَ ومشابكَ منية
وداع الاكبر ويحسين ابية
احس كَلبي تفطر اودعك بوية مكَدر
======================
صعب تدري الوداع اشلون اودعك
هدم حيلي يالاكبر هذا وضعك
على خدودك نزل نهران دمعك
اخاف تروح للحومة شيرجعك
يبعد الشوف ما اشوفنه دربي
لطريج الموت ظلت عيني تربي
اصيحن يبني الاكبر اودعك بوية مكَدر
========================
تريد الماي مني منين اجيبة
علي كَلبي مثل كَلبك لهيبة
يغالي اصبر على هاي المصيبة
مثل جمر الغضا كَلبي لهيبة
احظنك حيل بوية وخلي اشمك
عليلة عليك وسط الخيمة امك
الكَلب منها تمرمر اودعك بوية مكَدر
=======================
تريد اتروح عني الله وياك
تصوبني بدليلي لحظة جفاك
بس اتغيب عني تلتم اعداك
تتوذر وذر ويخضبك ادماك
تناديني واشيلن جدمي كَوة
جفاني الي حسبته لكَلبي سلوة
اصد جسمك توذر اودعك بوية مكَدر
========================
يا سيف اليصيبك كَلبي ينصاب
كل ساع اوكَف واوكَع عالتراب
تيهت الدرب يااغلة الاحباب
صوتك من وصلني بالهوة الهاب
على الدنيا العفا يوليدي بعدك
انوح وارد احط خدي اعله خدك
الكَلب بعدك تحير اودعك بوية مكَدر
=======================
احشم من اجيلك ياضوة العين
اللحكَوا يا بني هاشم يطيبين
نشيلة ونكَصد لصوب الصواوين
تتاني امك يبوية بدمعة و ونين
شجاوبها اذا تنشدني عنك
حنينة وتنحرم يالغالي منك
دمعها يترس البر اودعك بوية مكَدر
=======================
فجعني يا عزيزي بيك دهري
رحت عني وخذت وياك عمري
اشوفك عالترب ودماك تجري
اريد امتد واحطك فوكَ صدري
اريد اشبع وداع وكَلبي يلهب
ابمصابك يالولد كَلبي تصوب
اشوفك كلك احمر اودعك بوية مكَدر
*******************
اسالكم الدعاء
رائد الاسدي
جديد محرم ١٤٤٣ هـ قصيدة شور بحق علي الأكبر عليه السلام
ابيوم الودعـــــتني يمة يمة
ابنص گلبي صبتني يمة يمة
آه يالاكبر آه يالاكبر آه يالاكبر آه
----------------------------------
من طبيت للخيمة أبأخـــــــــــــــير وداع
ماظليت اشوفـــــــــــك شو مشيت بساع
صفكَت ايد اعلى ايد وصحت الاكبر ضاع
ودمـــوعي اعله خــــدي وتنثر اعله الكَاع
من رحت وعفــــتني يمة يمة
ابنص كَلبي صبتني يمة يمة
آه يالاكبر آه يالاكبر آه يالاكبر آه
-----------------------------------
بعد ما شوف طـــــــولك يا نـظر عيني
وصوتك ما اسمـــــــعة وما تحاچـيـني
ياهو ايصــــــــيحلي يمة ويناديــــــني
فدوة وياك اخـــــــــذني ولاتخلـــــيني
رحت وماخذتــــني يمة يمة
ابنص كَلبي صبتني يمة يمة
آه يالاكبر آه يالاكبر آه يالاكبر آه
---------------------------------
من شــــفت يـــيمة للخـــــيم رديت
حمدت الله وشـــكرتة يبني وصليت
يظل سالم واشـوفة يا الاهي ادعيت
تودعني وترد يولـــــــــيدي ماظنيت
والله شيبـــــــتني يمة يمة
ابنص كَلبي صبتني يمة يمة
آه يالاكبر آه يالاكبر آه يالاكبر آه
------------------------------------
روحت موت چنـــــــها گلبي ايگلي
ولو مني رحت چا بالعـــــــمر شلي
من بعدك يالاكبر ياهو ايظــــــــلي
چم لچمة ابدليلي وداعك ايخـــلي
ابحــــچيك محنتني يمة يمة
ابنص كَلبي صبتني يمة يمة
آه يالاكبر آه يالاكبر آه يالاكبر آه
-----------------------------------
شو رديت لية اعلى المــتن مشيول
ومدد اشوفك يبني ومچـــــــــــتول
وياك اتمددت يوليـــدي طول بطول
منك ما شبـــــــــعت وداع يا مدلول
ابموتك موتتـــــــني يمة يمة
ابنص كَلبي صبتني يمة يمة
آه يالاكبر آه يالاكبر آه يالاكبر آه
=======================
أسألكم الدعاء رائد الاسدي