-
قناة لخدمة اهل البيت للتواصل خاص هذا المعرف @aborok
قصيدة بحق الزهراء عليها السلام
برد حضنچ ... سكن ونچ.. دحاچيني.. دحاچيني
انة بنيتچ ... بعد وكتچ ... تجافينة
الحسن ينحب... علي امترب... تشوفينة
بچة حسينچ ... اعله رجلينچ ... تهل عينة
ابهجر چنچ ... سكن ونچ ... دحاچيني.. دحاچيني
=============================
ثگل همي ... فگدت امي... صعب وضعي
بعد عينچ ... صحت وينچ... يهل دمعي
البعُد يجرح ... الهجر يذبح ... صحت رجعي
ابزغر سنچ ... سكن ونچ.. دحاچيني..دحاچيني
=============================
صعب حالي... بعد مالي... جفن غافي
تحن روحي... من اجروحي... لحضن دافي
افز وانشد....علية ايرد... الصدى كافي
غمض جفنچ... سكن ونچ... دحاچيني.. دحاچيني
==========================
اجي لگبرچ... واشم عطرچ... اجر حسرة
ارد داري... بدمع جاري... على الزهرة
ادير العين... اصد لاوين... الچ ذكرة
ثگل حزنچ... سكن ونچ... دحاچيني.. دحاچيني
==========================
ذبل جسمي... نحل عضمي... من غيابچ
يضل نوحي ... بعد روحي... على بابچ
بعد شصبر... دمع يمطر... على مصابچ
الجرح منچ... سكن ونچ... دحاچيني دحاچيني
========================
أسالكم الدعاء رائد الاسدي
قصيدة بحق الزهراء على طور (شيعوا نعش الطاهرة المظلومة)
يلله ياشـــــــيعة بحــــزن شــــيعوها
الهادي واهل البيت هالحظروها
_________________
فوكَ نعش الطاهرة الهادي ارتمة
مـــــفرع الراس ويصــــيح فاطمة
وللنعش وكَفت خديجة لاطمة
لفاطمة الزهرة الدموع اجروها
__________________
يلله كثروا النوح واجروه الدمع
حـــــــــيدر الكــــرار حاظر منفـــجع
ايصــــيح وايلاه ياكســـر الضـــلع
الزهرة من شم الهوة حرموها
_________________
الحسن عالراس يلطم والصدر
آه يا يمه صـــــرخ بـــــيها شكـــــثر
حافي الرجلـــين مذهول الفكر
امهم بغفلة وغدر فكَدوها
_________________
يعــــــثر ابمــمشاه ويكَوم ويطيح
هذا حال حــسين يا يمه يصيح
وزينــــــــــب تناديها دلالي جريح
وصاح ابو فاضل سوة حاطوها
__________________
يلله ياشـيعة علي لبسوا الـسواد
والمنادي ايصيح ويصير الحداد
خل نعـــــــزي بفاطـــــمة زين العباد
وي ملائكة السما شيلوها
__________________
الامام الباقــــــر اعله امه حـــــــزن
تقدم التابوت ويصـــــيح بشجن
هاي روح الهادي ملفوفة بچفن
العين حمرة والضلع كسروها
___________________
دم على الوجنات تجري دمعتة
جعـــفر الصادق ينـــوح لجــــــدتة
وي المعـــــزين يلــــطم هامـــــــــتة
صدورهم من اللطم ادموها
__________________
تعـــــنه من بغـــــداد مكــــسور الكَلب
شايل التابـــــوت وعــــيونه تصــــــب
يندب الكاظم على الماتت غصب
انشلت چفوف الذي عصروها
__________________
الرضا ابنعش امه يشتم ريحتة
شاهد الهادي ونزعها اعمامـــــتة
واجت معصومة تنادي تبعـــــتة
ويالنعش طلعوا ولا عافوها
_________________
اقروا الها الفاتحة صوت ارتفع
الجواد ايصـــــــــيح وبكَلبه وَجَع
وصل حزنه لفاطمة حد الجزع
بزهرة سنين العمر كتلوها
__________________
فوكَ متن ابنه علي الهادي اتنچة
نوب فــــوكَ الهام عشــــــرة شابچة
ونوب لازم صفحتة اعليها وبچة
ساعد الله كَلوبهم واسوها
___________________
عاف سامرا واجه محمل الم
الامام العــــسكري وناح ولطم
السيدة نرجس اجت وي الحرم
الفاتحة وسط الكَلب نصبوها
___________________
يحظر التشييع ودموعة مطر
يمـــــشي ويانه الامام المنتظر
اطلــب الها الثار امك تنــــــتظر
كَبة امكم ياوكت تبنوها
___________________
أسالكم الدعاء رائد الاسدي
قصيدة جديدة بحق الزهراء عليها السلام
انحلفچ بچف الكفيل وعــينة
يم حسن من الخدم سجلينة
===================
نحزن اباول رواية وننتحب
لم گبر عن الخلايق منحجب
الخادم بسجلچ يزهرة ينكتب
مسجل وبيدچ صبح تدوينة
====================
بكل سنة مصابچ علينا من يمر
الدمع بالعين يــــبقى ينهـــــمر
للرواية الثانية ايظل مـــستمر
والنعش نطلع سوة مشيعينة
===================
بالرواية الثالثة الكل تنفجع
بالتشابيه بحزن من ننجمع
نصيح واويلاه ياكسر الظلع
ونرفع أصوات العزة لمهدينة
==================
نجدد وياچ العهد يا فاطمة
وتطلع تعازي المواكب لاطمة
بكلمن يخدمچ يزهرة عالمة
اليخلص بعهدة أو وفي تعرفينة
==================
ناس مشاية اطلعت يم الحسن
والگلب مكسور يا زهرة وحزن
اعليچ بالمجلس مدامعنا جرن
مصيبتچ طول السنة اتبچينة
===================
ناس تخدم ناس زوار اعتنت
يالزچية يم گبر حيدر اجت
بالنجف رايات خظرة رفرفت
نواسي بمصابچ علي والينة
==================
بكل سنة تشييع رمزي انشيعة
نعشچ وعين اليحبچ دامعة
انتي بس ترضين المر نجرعة
لجلچ وخدام الچ حسبينة
===================
أسالكم الدعاء رائد الاسدي
قصيدة بحق الزهراء عليها السلام على طور (خيرة الله من الخلق ابي)
خيرةُ اللهِ ومِن صلبِ النبي
أحرقوا الدارَ عليها الظالمين
===================
لم يخافوا اللهَ جيشاً اقبلوا
إنها الحربُ عليكم معلنين
===============
أحرقوا الدارَ على خيرِ النسا
فاطماً قالوا (وإن) قالَ اللعين
==================
دفعوا البابَ ولاذت خلفَهُ
عَصروها أسقطوا منها الجنين
==================
ومضى المسمارُ في أضلاعِها
فاطماٌ صاحت ايا فضة اسندين
===================
قُتل المُحسنُ هيا أسرعي
إحمليهِ عني صاحت بأنين
====================
أيُ ذنبٍ قد بدى مني لكم
وتجازوني إنا بنتُ الأمين
===================
تقضي كُلَ الليلِ تشكو ألماً
لم تَذُقْ طعمَ الرُقادِ منها عين
====================
حسنٌ ثم حُسينٌ جــــنبُها
زينبٌ كانت تئنُ كلَ حين
==================
منزلُ الزهراءِ امسىٰ مظلماً
غاب عنهُ نورُ أُمِ الحسنين
===================
وعليُ الدمعُ أدمى جَفْنَهُ
يبكي مَنْ كانت لهُ خيرَ مُعين
===========≠=======
كسرت مِنهُ الفؤادَ عندَما
مرَ فوقَ الضلعِ بالغُسلِ اليدين
====================
شابَ منهُ القلبُ والجَفْنُ معاً
يعتريه الشوقُ دوماً كلَ حين
====================
أسالكم الدعاء رائد الاسدي
َموال مع مولد للنبي صلى الله عليه وآله وسلم
في ساقِ عرش الله كان محمداٌ
نورٌ تلألأ قبل الخلقِ قد وجدا
والطيبين الــ آل كانوا بجنبهِ
لهم قد انشأ الاكوانُ ربي الاوحدا
قد اشرق الهادي فيا شمسُ اغربي
صلوا عليه واله رغم العدا
=====================
يهادينة يهادينة يرحمة ونازل علينة
======================
فرحنة بمولد الهادي ورد وشموع ضوينة
بفرح كل شيعي الك نادة يهادي وينشر الزينة
يمهدي مبارك انادي والك نبعث تهانينة
الف عالخير يا شيعة ابو صالح ينادينة
محمد طلعت انوارة علينة ونورة يهدينة
سعيد ويا كبر حضة يمن بسمك عناوينة
يخاتم للرسل كلها يخاتم للعلي دينة
رحمنة الباري بالهادي نجاة من الخطر لينة
==================
أسالكم الدعاء رائد الاسدي
مولد بحق النبي محمد صلى الله عليه واله وسلم....... بعد كل شطر يجاوب الجمهور (الهادي محمد)
منكم ارد اسمع جواب بصوت عالي رددوا
الهادي محمد
--------------------------------------------------
ياهو من نور الجلالة انخلق وباسمه فخر
ياهو اسمة بالعرش نور اعله ساقة وانحفر
ياهو لجلة الكون صار ونورة بالكون انتشر
نورة من نور الجليل بالبشر مالة مثيل
ياهو عصر الجاهلية زالة وي كلمن كفر
=\=\=\=\=\=\=\=\=\=\=\=\=\=\=
ياهو من اجلة بسمانة انفطر نصين الكَمر
ياهو معجزتة الجبيرة نزل قران بسور
ياهو للايتام بيت وحصن من اكبر خطر
رحمة من رب السمة للخليقة قدمة
ياهو للباري حبيبة وحبة جُنة من سقر
=0=0=0=0=0=0=0=0=0=0=
ياهو اسرة للجليل وللسمة السبعة عبر
ياهو والد فاطمة البظعة الشفيعة للبشر
ياهو اول من دخل بالكسة المعروف الخبر
من امير المؤمنين الحسن اولادة وحسين
ياهو خاتم الانبياء وابو المهدي المنتظر
======================
ياهو لوصارالحساب ابأيدة للمذنب سِتَر
ياهو بالمحشر شفيع وامتة تجوز الخطر
ياهو يوكف عالصراط ابيدة ياخذنة وأُمر
هناك هوة النة شفيع اليعرفة مايظيع
ياهو من هول القيامة تحت ظلة نستتر
=======================
أسالكم الدعاء رائد الاسدي
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
قصيدة بحق النبي (ص)
بوية خذني وياك ما احمل بُعد
من مشيت الروح ممرودة مرد
--------------------------------------------
يانظر عيني يســــــباح الكَلب
دمعي من فركَاك مابطل يصب
ماخذتني وياك يا بوية شعجب
تدري بي كَلبي حنين ومو جلد
-------------------------------------------
تدري بي كَلبي حنين اعلى الاهل
والابــــو لو راح الـــمدمع نزل
يا مُحمد چا بعد المــــــــن اظــل
حزني بوية عليك ما شافة احد
---------------------------------------------
حزني بوية عليك ما شافة بشر
الدمع نهران عالوجنة انحــــــدر
من ونيني عليك دلالي انفطــــــر
من رحت لليوم كل ساعة نشد
---------------------------------------------
من رحت لليوم كل ساعة اون
ليل وي نهار ما ابطل الحــــــــزن
وياك يابوي تمــــنيت اندفــــــن
بوية من تغيب ماشــــوفك بعد
----------------------------------------------
بوية من تغيب ما شــــوف الفرح
من الحزن والنـــوح دلالي انجرح
عليك بس بيت الحزن بيتي صبح
كَمت اشوفك كل كتر لاوين اصـد
-----------------------------------------
كَمت اشوفك كل كتر وبكل مچان
بوية يل كلك على كبــــــرك حـنان
اشــهدُ أَن محــــــــــــمد بـــالاذان
تمرد الروح وتــــــفت مني الچـبد
----------------------------------------
تمرد الروح وتفتت مهــــــجتي
بوية يا ذخري بدنيتي وسلوتي
من رحت عني شسوي بدنيــتي
حالي حال الضيم للهم اســــتعد
----------------------------------------------
أسالكم الدعاء رائد الاسدي
قصيدة بحق النبي محمد(ص) على لحن (كَلي يالميمون) ولها الحان اخرى
يارسول الكون تسمع اونيني
بــــتك الزهـــراء لا تـــــــخليـــني
*******
الابو لو راح يفجع عيالة تصبح حزينه
الچنت وياه امدلله ابجالة غمضت عينه
ما انام الليل غايب هلالة انه الحنيـــــنه
يالغيابك آه وحسرة تاذيني
يا نضر عيني
____
شما عمرنا ايصير نبقه احبابه ينبع محنه
عمــــــرة ما مرتاح فدوة لترابه يتعب لجلنه
چلـــمه مـــحلاهه لوصحت يابه الكَاها جنه
بيك كَلبي انصاب وخلصت سنيني
يا نضر عيني
________
من يطــب للدار والدي ايسرني ينشد علية
ياحسافة الموت بالابو اغدرني راح من ادية
آه يا فـــــــــــــركَاك بوية مرمـــرني شفت الاذية
وياك اريد الموت هم يواريني
يا نضر عيني
_______
ياعظم فكَدة محد ايعرفة بس اليفكَدة
وحشة غيابة نار ماتطــــــفة كَلبي شيهودة
ماكَطعت النوح انحب بلهفة اذاني بعُدة
بالدليل النار بوية تچويني
يا نضر عيني
_____
بالكَبر ياحـــــــيف نايــــم الغالي حـــــدر الترايب
من خذاك الموت غير احوالي شفت المصايب
نفتركَ وتـــــروح ماتجي أبالي مجبورة اعاتب
دمعتي من تروح بوية تعميني
يا نضر عيني
_____
يا الاهي ادعوك عجل بمــــــوتي واخذ الامانة
ابچي ليل انهار ماسكت صوتي خالي مچانة
اليشـــيعك كون شال تابـــــــــوتي اواحد عزانة
للابو اشتاكَيت ربي تدريني
يا نضر عيني
_______
أسالكم الدعاء رائد الاسدي
قصيدة تقراء ثكَيل ونزال للنبي
امودع الله وياك ياهاديــــــنة
خيم الهم من مشيت علينة
----------------------------------------
اظلم الكون وعلى مصابك حزن
ويندب القرآن يالهادي ويـون
مكَابل المحراب ودموعة جـرن
ايتام من بعد النبي ظليـــنة
--------------------------------------------
العدل والتوحيد بيك اتصـوبن
النبوة والامامة اشـــــــكَد بچن
وبسمك الميعاد صاح وكَلبة حن
تنوح اصول الدين وتواســينة
-------------------------------------------
ذن فروع الدين جنك لاطـمات
ينوح اجاك الصوم وتنوح الصــــلاة
الخمس يندب واجة الحج والزكاة
ياهو بعدك يالنــــــــــبي يحــيينة
-------------------------------------------
الامر بالمــــعروف وياه الـجهاد
ونهي المنكر رفعوا اعلام الحداد
والموالات بحزن لبست سواد
والتبري لجلك اتـــــهل عـينة
-------------------------------------------
بعدك الاسلام ظل ابلا مــــــــعين
يامحمد يندب الدين وحــــــزين
تلطم اعلى الراس كل المسلين
بعدك الاســلام ﷲ ايعـــينة
-------------------------------------------
نزلت الاملاك تذرفلك دمــــع
وبالسماوات السبع ون ينسمع
والارض صاحت دليلي منفجع
فراكَك بسهم الحزن راميــنة
-------------------------------------------
اظلم الكون وحزن حتى الهـوة
من الكَمر والشمس محجوب الظوة
والانس والجن عليه ناحوا سـوة
اعلى النبي ثوب الحزن غاطينة
----------------------------------------
انبياء الله حظـــــــــرت بالعـزاء
تواسي اهل الارض بالون والبكاء
وترفع اصوات العزة لهل السمــاء
اه من يومة شكــثر ياذينــــــــــة
-----------------------------------------
أسألكم الدعاء رائــــــد الاسدي
قصيدة بحق الامام الحسن عليه السلام
اليوم للشيعة طلع ناعيها
مات مسموم الحسن واليها
==================
اليوم گلب حسين اصبح منكسر
محني چنة هلال دمعة ينهمر
كل موالي اليوم يلطم عالصدر
وشيعتك ثوب الحزن غاطيها
==================
اصبح الناعي يردد مقتلة
راح يا شيعة ابن عقد الولة
اجروا وي زينب دموع الهاملة
اتنوح ومصاب الحسن ماذيها
===================
نوحوا يا شيعة وبعد لبسوا السواد
وخل ترفرف بالسما اعلام الحداد
ناحت املاك السما السبع الشداد
دموعها اعله ابن النبي تجريها
=======================
آه وا ويلاه مضلوم الحسن
حيل يا شيعة علي لطموا بشجن
حتى بالموت انضلم گوة اندفن
اجنازتة سهام العدة ترميها
=====================
هذا نعش ابن النبي يا مسلمين
ينرمي بسهام حقد الضالمين
ليش ما يندفن يم جدة الامين
بالبقيع اجنازتة امواريها
===============++++
أسالكم الدعاء رائد الاسدي
قصيدة للمشاية
لبيك لبيك ابا عبدالله
------------------------------------
ثابت عهدنا وللحشر كَلناها
لجلك رخيصة ارواحنا بعناها
فوكَ الثُريا الراية عليــــــــــــــناها
مثل الجسد والروح حبك شلناه
---------------------------------------
ياخذ كَلبنا الشوكَ ياوليــــــــــــــنة
نطوف ونلبي وانحج اتعنينة
نعزيك ونعزي بحزن مهديــنة
مصابك يعيش وللحشر ماننساه
--------------------------------------------
هاي الملاين اعتنت وتنــــــــــــادي
شوكة بعيون البغضتك وتعادي
اتباها خادم وافتخر باســــــيادي
احنا عبيدة ونفتخر بايعــــــــــــناه
-------------------------------------------
مثلك نصيح بصوت لا مانخظع
نوصل نزورك لو جسمنة اتكطع
حبك يغالي بالكَلوب اتربــــــــــــــــع
نفديلك انحور ودمة لوجه الله
-----------------------------------------
حبك جمعنة وجينة الك مشاية
مرفوعة بالعالي ترف الرايــــــــــة
والحشد واكَف عالحدود حماية
لجلك يبو اليمة العمر ما هماه
-------------------------------------+--
بسمك حـــــــــشدنا صول وطباها
روس النواصب بالجدم داساها
ظلمة اعلى كل العادتك سواها
راية نصر بالحومة رفت يمناه
-----------------------------------------
بحزامة شدالة علكَ واتعــــــنة
فرحان مو رايح حرب للجنة
ابيا حسين ايصول ما يتونة
عالساتر ايرفرف نصر عالي لواه
أسالكم الدعاء رائد الاسدي
قصيدة للمشاية زيارة الأربعين
يحسين يا اغلى الناس نتعنة الك مشاية
حبك ســــكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
==========================
حبك سكن دلالي يا اغلى من كل غالي حبيتك
اغفى وافز جدامي وبيقضتي واحلامي لاگيتك
مشاية اجينا والاهل عفناها الدنيا ابوجودك سيدي محلاها
انة بمحبتك عالخلكَ اتباها الباري روحك للعشكَ سواها
يالتارس الدنيا احساس مجنونة بيك هواية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
=============================
كل خطوة الك محسوبة بسجل الخدم مكتوبة هنيالك
الحُـــجة لازم بيــــدك توصل تواسي ايريدك يبرالك
اليلزم بآل النبي ايلزمونة لليخلص الهم حاشة ميعوفنة
وغاد ايعرفهم همة ويعرفونة والجنة عدهم للخدم مضمونة
امن الكوثر انحصل كاس والعذب نشرب ماية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
===========================
انباهي البراية ابحبك نحيى ونموت ابدربك والينة
ولهســــبب تلگانة نسير ونجد ممشانة اشتاگينة
يامن على اسرار الخلايق عالم حكَ اليعرفك بالعشكَ ظل هايم
افتخر لجل حسين اصبح خادم مسرور گلبي بخدمتة ومو نادم
الخدمة تاج اعله الراس ترضون عدنا الغاية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
=========================
قطب الارض يالضامي يمك خذتني اجدامي ملهوفة
من كل بلد تــــتعنة لگبرك تــــــطب للجنة وتطوفة
كل الارض يم گبتك جاذبها والمهدي واكف شيعتة ايراقبها
النية السليمة ينعرف صاحبها بسجل الخدم بيدة غدة يكتبها
محسوبة حتى الانفاس للگصدتك عناية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
==============================
من البحر نگصدلك حد النحر نوصلك والينة
من الــــمهد نهواكم حد اللحد وياكم ضلينة
خدام الكم نفتخر بالخدمة نحمد الباري ونشكرة ابهالنعمة
ياربي كل خادم نريد اتسلمة كل عام يرجع عدة نفس الهمة
من الزغر دكَ الساس للموت منطي حچاية
حبك سكن بالدلال شيعة ونضل وفاية
لبيك لبيك ابا عبدالله لبيك لبيك ابا عبدالله
===========================
أسالكم الدعاء رائد الاسدي
قصيدة للإمام السجاد عليه السلام الإمام الباقر عليه السلام ينعى والده..... جديد محرم ١٤٤٢
انـــحب واجري عيني وما اگطع ونيني
روحي اعله الابو تذوب رايح ما يجيني
======================
انه الفاگد وحگي من انوحن حيل
عيني اعله الابو ما تســتراح الليل
انه الباقــــر وگلبي علــــيك اعليل
بوية ابشوفتك چانت همومي اتزيل
انسى غيابك شلون ساكن وسط العيون
بوية بغيـــبتك دوم اتچوة بحــــنيني
__________________
الفاگدلة ابو ايحــــس ابالم گلبي
اطـــــيني الصبر عالفـــرگة يا ربي
ياعيني اعله ابوي اجري ودمع صبي
عيـــني اعله الدرب ظلت الك تربي
نايم حدر التراب عن عيني الابو غاب
آه ياوكت الغروب ياخذ كل سنيني
----------------------------------------------
شمعة واحــــتركَ يا بوية بغيابك
ياخـــذني الحنيـــن واوگف ابابك
ارسم صورتك وانحب على مصابك
وأكثر احتركَ من تنـــشد احبابك
تبچي وتنشد عليك احبابك تناديك
نعقد مجلس انياح انه وكل بنيني
----------------------------------------
راح الچان الي ذخر والي تچوة
چان ابكل حياتي والدي سلوة
المفاركَ ابو انياحة وبچي يهوة
الحياة ابلا ابو صعبة وفلا تسوة
رايح سلوة الروح يسوة الونة والنوح
أظل مطلوب الك دين ما وفيتة ديني
---------------------------------------------
ما اصـــدكَ تغيب وتــــبتعد عني
أشعر انتة عايـــش تســـتمع وني
صوتك دوم اسمعة وانظرك چني
يا وسفة الدهر خان وخذك مني
ما عني غبت يوم انه بعازتك دوم
عشرة ابطول السنين بين الهم وبيني
--------------------------------------------
أسألكم الدعاء رائد الاسدي
قصيدة في يوم الدفن جديد محرم ١٤٤٤ هـ
ها يبن اخوي وصفلي حالتة
ابحر السموم خلينا جثتة
====================
تعبان اشوفك يا علي وامترب الراس
وبعيونك ايلالي الدمع مخنوكَ الانفاس
ابن امي جسمة اعله التراب بحافر انداس
ومن طاح ابو اليمة شفتها اتفرهد الناس
بتراب اديك اشتمها ريحتة
ابحر السموس خلينا جثتة
=======================
السجاد...
يابس ابوي امن العطش وبگلبة نيران
يا عمة وبساعة ذبحتة ايصيح عطشان
رشيت ماي اعله الگبر من جيت دفان
شحچيلچ ابحالة اشفت دلالي حيران
عطشان ابوي وعدانة ذبحتة
ابحر السموس خلينا جثتة
========================
گلبي انشده من شوفتة ومتيه الافكار
عريان جثة اعله الرمل ومغطة بغبار
حر وسموم ابكربلة وبيها الرمل حار
يا عمة بالحر والشمس هالثالث انهار
ريت العيون عمية ولا شافتة
ابحر السموس خلينا جثتة
======================
شلت ابحصيرة جثتة اموذر عالتراب
ولمن شفت حال الابو دلالي انصاب
مگطوع اصبعة شاهدت گطعوه الاجناب
منظر ابوي وخنصرة عن بالي ما غاب
اصبع اديه سلابة گطعتة
ابحر السموس خلينا جثتة
=====================
نزلت ابوي ابحفرتة ومن نحرة اسمعة
وسد على صدري الطفل اذاني وضعة
مشابكٌ شفتهم بالگبر وبعيني دمعة
مر الصبر وانة بحزن بالگوة اجرعة
حاچاني صوت من نحرة طلعتة
ابحر السموس خلينا جثتة
======================
أسألكم الدعاء رائد الاسدي
قصيدة بحق الزهراء عن السيدة زينب
مو وكت نومة ييمة فاطمة
من زغر سني عليچ معلمة
----------------------------------------------
ارد اعاتب والعــــتب ياذي الكَـــلب
والدمع نهران مــــن عيني يــصب
شلون دارچ يالحنــــينة ليهة اطب
موحشة خلافچ ييــــمة ومظـــلمة
----------------------------------------------
محد ايحاچيني يمة من اصـــــــيح
عليج ادور نوب اكَوم ونوب اطيح
فدوة حاچيـــني ترة كَلبي جريــــح
بــــيه شـــبت نار يمة ومــــظرمة
--------------------------------------------
للمچان البــــي كَعدنة دوم احـــــن
واذكر اشكـَلنة وحچينة بس اون
ماينام اللـــــيل يايـــــمة الجـــــفن
بالحزن دلالـــــي من زغرة انرمة
----------------------------------------
نلتم حسين وحـــسن وانة وننوح
نذكر امنة وتلـــــچم بينة الجروح
عكَب عينچ يالحنـــينة وين اروح
وخيمة چنتي فـوكَ راسي مخيمة
----------------------------------------------
يمة كَلـــــبي اشتاكَلچ طال البعد
حظنچ الدافـــــــي بعد ماظن يرد
والله من رحتي انمرد كَلبي مرد
رحتي مكســـــورة ظلع ومألمة
---------------------------------------------
حسرتچ ماتطلع ابكَلـــــبي تظل
والله ماانساچ حـــــــد يوم الاجل
اون ليل نـــــــــهار يمة وما امل
ومن لــــذيذ النوم جفني لحرمة
------------------------------++-------
امن اصد للبســــمار دمعاتي تسيل
صواب ظلعچ بالكَلب صاباني حيل
مكَابلة الباب واجـر حسرة وعويل
شما اشوفة بعـــــــيني متلطخ دمة
--------------------_-------------------
حزنچ ايظل بالكَـــــــلب ما ينسي
وصورتچ من عيني ابد ماتنمحي
لكَظي عمري عليچ دمعات وبچي
وياي كَام اتنوح امــــــلاك السمة
----------------------------------------
أسالكم الدعاء رائد الاسدي
قصيدة بحق الزهراء عليها السلام عن الإمام علي عليه السلام جديدة
يا زهـــــرتي كلما اصد ذبلانة من دون الورد
الچانت حياتي ودنيتي راحت يوسفة وماترد
**************************
عشنا اعله حب الله سوة أجمل عمر يازهرتي
كل ذكــرياتي البألامس وياچ اجني ابوحدتي
مثلچ فلا يوجد بــــشر آه شكبرها وحشتي
رحتي وخذيتي كل علي يالچنتي كلشي بدنيتي
بعدچ فلا يسوة العمر ومنين اجيبلچ صبر
فگد الحبيب اشگد صعب يمرد بقى بگلبي مرد
=======================
بعـــــدچ علي لا مو علي يالفگدچ ايبچي علي
ابيض صبح حتى الرمش حزني ابد ما ينجلي
صعبة التعيش ويا سوة بحزنك يتركك تبتلي
مو نصي كلي فاطمة روحي وحياتي وكل هلي
يازهرة فگدچ مو سهل ميت لچن شكلي عدل
عايش جسد بعدچ اظل تچويني نيران البُعد
=======================
اتنفــــسچ مـــــثل الهوة وروحي بصفاتچ هايمة
هسة اعله گبرچ انتحب بُعـــــدچ دليلي ايألمة
من گبرچ لگبرچ عشت كل ساعة اصيحن فاطمة
ياربي عجل مــــــوتتي واجمعنا يا رب السمة
بعدچ عيوني اشگد بچن يا فاطمة يم الحسن
مشتاگة روحي لشوفتچ يا رايح لگبرچ وَرد
=======================
الهم إذا صاب الگلب انظرلچ يروح بعجل
يالرحمة الله شوفتچ تفتحلي أبواب الامل
بعدچ يزهرة اتألمت هم فگدچ اعلية جبل
احسب ليالي وانتظر يا ساعة يلفيني الاجل
عافيتي چانت شوفتچ جرحت دليلي فرگتچ
من راسي لجدمي حزن فگدچ مرد حتى الچبد
=======================
صعبة الي مثلچ ينفگد عشرتنة ابد ما تنسة
انــتي الوحيدة فاطمة بت النبي وخير النسة
مگابل مكانچ وانتحب وياذيني لو صار المسة
طولچ اشوفة بكل كتر يالكل حياتي تارسة
كل لحظة اشوفلچ اثر بعيوني محفورة الصور
ما ينتهي حزن الگلب حد نومتي بوسط اللحد
===========================
أسألكم الدعاء رائد الاسدي
عمت عيني على ام حسين... بالبسمار صابوها
======================
عمت عيني على الزهرة ... بالبسمار صابوها
تنوح وتسچب العبرة ... بالبسمار صابوها
ويلي بخدچ السطرة ... بالبسمار صابوها
وحمرة من تشوف العين ... بالبسمار صابوها
=========================
مصابچ ماكو مثلة مصاب ... بالبسمار صابوها
مكسور الضلع بالباب .. بالبسمار صابوها
ويلي الزهرة ما تنهاب... بالبسمار صابوها
نوحوا شيعية يموالين... بالبسمار صابوها
========================
كل عام اليمر ننعاچ ... بالبسمار صابوها
عايش بالگلب ذكراچ... بالبسمار صابوها
ضلعچ يالزچية اذاچ ... بالبسمار صابوها
ليل نهار بس تبچين ... بالبسمار صابوها
=======================
حيدر هالمسه حزنان... بالبسمار صابوها
رايح منة اغلى انسان... بالبسمار صابوها
ياويلي الدهر خوان ... بالبسمار صابوها
كلنا الليلة حزنانين.... بالبسمار صابوها
=====================
يالمهدي الزچية اليوم... بالبسمار صابوها
من بعد القهر وهموم ... بالبسمار صابوها
ننتضرك يمهدي تگوم... بالبسمار صابوها
ثار امك يغايب دين ... بالبسمار صابوها
=====================
أسألكم الدعاء رائد الاسدي
هوسات بحق الزهراء عليها السلام عن السيدة زينب عليها السلام
حيل مهضومة.. حيل مهضومة.. صحت يالزهرة يمة حيل مهضومة
======================
من اشم بيها .. من اشم بيها.. تشيبني العباية من اشم بيها
======================
رايحة عيوني.. رايحة عيوني .. ييمة ابيوم رحتي رايحة عيوني
=================
حيل ياذيني .. حيل ياذيني.. الباب اشما اشوفة حيل ياذيني
===================
ما ترد لينة .. ما ترد لينة.. عمت عيني الحنينة ما ترد لينة
===================
موحشة اعلينة.. موحشة اعلينة.. الدار اخلاف شخصچ موحشة علينة
====================
ما نطب ليها.. ما نطب ليها.. حجرتچ يالزچية ما نطب ليها
====================*
كون مدفونة .. كون مدفونة.. تمنيت انة وامي كون مدفونة
=====================
ما تحاچيني.. ما تحاچيني.. احاچي اهدومها امي ما تحاچيني
======================
موش ويانة .. موش ويانة.. نفز بالليل وامي موش ويانة
====================
تشوف بلوانة.. تشوف بلوانة .. يريت ام المحنة تشوف بلوانة.
=====================
حيل ما بية .. حيل ما بية.. اجت لية اربعينچ حيل ما بية
====================
أسالكم الدعاء رائد الاسدي
هوسات للنبي صلى الله عليه واله وسلم
بساق العرش اسمك منكتب من نور
الهادي وأهل بيتة بالليالي بدور
بالعرش اسمة انكتب وبكل گلب محفور
والدنيا..... بنورة يضويها
=====================
لجلك الله سوة الأرض والاكوان
مُحمد ماحصل بالكون مثلة انسان
رحمة لكل عبادة نزلة الرحمٰن
وللباري..... عبدة ومحبوبة
====================
نور مولدك والدنيا ضواها
بالهادي وعترتة الدنيا محلاها
كلمن والة طه وعترتة الأطهار هدية من الإله الجنة خلاها
ومبارك..... مولد هادينا
======================
أسالكم الدعاء رائد الاسدي
💎تمـيـز بأخــتيارك💎السته الذهبيه
👑افـضـل اللستات في التليجرام👑
🤲هداء ثواب هذه العمل ألى روح والديه
الفاتحه رجااا
💞تمتع بتصفح أجمل القنوات⇩⇩💙
ها انا اضع بين ايديكم طرق تنير دروبكم
تهديكم الى ذلك النور الالهي❤️🌱
لمن احب الانضمام قنوات مفيدة👇🏻👇
╭━─━─━─≪ ஜ▲ஜ ≫─━─━─━╮
▒⇦قصص و خواطر📚
▒⇦فقرات و مسابقات🏁
▒⇦مشاعر راقية💗
▒⇦نشر روابط قروبات وتس🔗
▒⇦الكتابة با الصور🏞
▒⇦شعر حسيني عذب
╰━─━─━─≪ ஜ▲ஜ ≫─━─━─━╯
⁽✺⃕₎ ٱلمۘديۧر مۘلأ عليۧ ٱلوٱسۜطيۧ ⁽✺⃕₎
👁🗨لــ أضافة قناتك✅
تصــــفح أجـــــمل القنوات⇓⇊💚
ياالله⬇️
🕊🕊🕊🕊🕊🕊
• ⓪⓶k » ✺⃕ قصٱئد وٱلحٱن خدٱم ٱلحسين ع ✺⃕
• ⓪⓶k » ️قناة نعي للشعراء️
• ⓪⓶k » مخزن قصائد للشعراء
• ⓪⓵k » ♡حب الحسين يجمعنا♡
• ⓪⓵k » قناة عبق الانتظار 313
🔺🔺🔺🔺🔺🔺
• ⓪⓵k » قناة الهوسات الحسينيه
• ⓪⓵k » الشاعر رائد الاسدي
• ⓪⓽h » طاووس الجنة
• ⓪⓼h » لقاء العاشقين
• ⓪⓼h » قناة النعي رائد الاسدي
🔺🔺🔺🔺🔺🔺
• ⓪⓼h » قناة احباب الزهر
• ⓪⓼h » مسيرة العشق الحسيني لخادمة الزهراءع أم حوراء البركاوي
• ⓪⓻h » منتجات عراقية وعالمية
• ⓪⓺h » قصائد منبريه مكتوبه
• ⓪⓹h » نسمات
🔺🔺🔺🔺🔺🔺
• ⓪⓹h » ️نسمات حسينية ️
• ⓪⓸h » قناة الشاعر قصي القاسمي
• ⓪⓷h » الشاعر زيد الحدراوي
• ⓪⓷h » ستوريات حسينية باسميه
• ⓪⓷h » قناة بنات الزهراء للعلم
🔺🔺🔺🔺🔺🔺
• ⓪⓷h » خدام ام البنين ؏ لنشر القصائد والالحان
• ⓪⓶h » الشاعر باقر علاء للقصائد الحسينية
• ⓪⓶h » الرادود علي الدلفي
• ⓪⓶h » جنون العاشقين
• ⓪⓶h » الرادودالملامحمدابوسجادالكعبي
🔺🔺🔺🔺🔺🔺
• ⓪⓶h » قناة نعي هوسات بحق أهل البيت ع
• ⓪⓶h » قناة ملا مصطفى السعد
• ⓪⓵h » صدقة جارية لجدتي..
• ⓪⓵h » الشاعر ضرغام الجابري
• ⓪⓵h » عباس العبودي الواسطي
🔺🔺🔺🔺🔺🔺
• ⓪⓵h » الشاعر عباس حسن العتابي
• ⓪⓵h » هيئة ثوار الامام الحسين ع
• ⓪⓵h » الشاعر الحسيني ابو عباس الدراجي
• ⓪⓵h » فڪيف بالزهراء دون علي!! وڪيف بالعراق دون الحجه: قال ﷲ لحب كن فكان علي️..
• ⓪⓵h » الناشر مصطفى السعد
🔺🔺🔺🔺🔺🔺
• ⓪⓵h » محبو أهل البيت رسول الله و لتعجيل الفرح امامنا 2
• ⓪⓼h » استوريات جميع الرواديد
• ⓪⓼h » استوريات حسينيه
• ⓪⓻h » يا مهدي الروح ³¹³
• ⓪⓺h » تلحين القصائد الحسينية .. لبيك يا حسين
🔺🔺🔺🔺🔺🔺
• ⓪⓺h » قناة ملا مصطفى السعد
• ⓪⓹h » جمال وموضه👰 صور وأشعار. قصص وأذكار📌 🕊🕊🕊🕊🕊🕊📌
👈 بوت لتواصل المحضورين
بأدارة ملأ علي الواسطي
👈قناة نعي كل ماهوه جديد لكافة الشعراء
قناة تجنن كل جديد👉🥀
(تثبيت الدعم نصف ساعه)
👆🏻غير مبري الذمه الذي ما يثبت نص ساعه بدون نشر اللسته 👆🏻
❌المسح تلقائيا علينا❌
⚖
على محبة الزهراء ع اشتركوا👇👇
رباطات للنبي (ص)
حيل مفجوعة.. حيل مفجوعة عليك الزهرة ناحت حيل مفجوعة
================+++
لا تخليني.. لا تخليني .. يبو القاسم وحيدة لا تخليني
====================
لا دفنونة .. لا دفنونة .. ابوي وارد اودعة لا دفنونة
====================
حيل حزنانة .. حيل حزنانة .. اشم بهدوم ابيي حيل حزنانة
=====================
بيك مصيوبة .. بيك مصيوبة .. عمت عيني الزچية بيك مصيوبة
====================
اسالكم الدعاء رائد الاسدي
قصيدة بحق النبي محمد (ص) عن الزهراء
يامحمد.. تنــــــادي الزهرة حزينة
يامحمد.. انطـــــــَـفة نور المدينة
يامـحمد يامحــمد يامحمد
-----------------------------
ينوح دين الله وينادي يامحمد يا امين
لجلك الاسلام ينحـب كَلبة مجروح وحزين
الزهرة صاحت يتمتني ها يسيد المرسليـن
فاركَتنة ليش نادة الحسن وينادي الحسين
من عفتنه انكَلبت الامة علينة
يا محمد يا محمد يا محمد
-----------------------------
فاطمة الزهرة تنادي انهدم بيت الفقير
وصرنة يابوية يتـــامة بعد بيمن نستجير
اتيتم الاسلام كــــلة بعدك ازغير وچبير
واظلم الكون بغيابك راح نور البي ينير
ابغيــــــــابك ايتــــام يابوية بقينة يامحمد يامــــحمد يامحمد
-----------------------------
بوية ال البيت تدري انفجعوا بهذا المصاب
فاركَـتنا ويتمتنـا عـــــاتبوا هذا العتاب
دارت الايام بيهم من نمت تحت التراب
انكَلبت اعلى اعقابها امتك يوم طولك عنةغاب
حاربونـة ولو تشوف اشصار بينة يامحمد يامـحمد يامحمد
__
چنت دوم اتوصي بيهم الكتاب وعترتك
بوية بعدك حاربـونة شوف حالت امتك
شوف حال الامة بعدك ابعـترتك خانتك
مارعوا هالدين بعــدك وبغيابــــك نكرتك
انكرونــة من غفت عينة ولينة
يامحمد يامحمد يامحمد
-----------------------------
حاربوني اعلى البواچـي وعلى دمعات الحزن
طلعوني من المـدينة ما رظوا بـــيهة اون
وكَطعوا الشجرة من ننوح عليك يمهة استچن
بوية من يوم العفتنة شفنة اشكال المحن
نـــشتكيلـك بوية ما تسمع بچينة
يامحمد يامحمد يامحمد -----------------------------
حاربوا دين الالـه وحچيك لحيدر نسوه
بوية والكرار بعدك حاربـــوني وحاربوه
كل شي منك ظل الـية بـوية بالكَوة خذوه
هجموا اعلى الدار بعدك بيتي بالنار احركَوه
اظلمونـي ما رعوا كَلبي او ونينة
يامحمد يامحمد يامحمد
========================
أسالكم الدعاء رائد الاسدي
قصيدة بحق النبي صلى الله عليه وآله وسلم الزهراء عليها السلام تنعى والدها المستهل على لحن (جسام يا ضنوتي) والنص لحن حديث
وياك كون بكَبر.. بوية.. بوية ويدفنوني
يالخذت فرحتي ما ردت دنيتي
بوية بوية ويدفنوني
===================
انحب وعاتب بالدهر ياخذ اعزاز شمالة
الفاركَ ابية يا خلكَ يصير الحزن چتالة
مايوجد ابكل البشر والدي وماكو امثالة
ابن واخو أم وابو كلهن احس بفعالة
اتمنى أدير العمر.. لجلك.. لجلك يخلوني
خل تجي موتتي ما ردت دنيتي
بوية بوية ويدفنوني
=======================
گمت أشعر بهظم اليتم من فارگاني الوالد
محد يــحس فگد الابو بس اليتيم الفاگد
تضلم الدنــيا بغيبـــتة الوالد وگلـــبك مارد
بعدك يبو القاسم شفت ظيم وظلمني الحاقد
يابوية لمن رحت... بعدك... بعدك يظلموني
رخصت دمعتي ما ردت دنيتي
بوية بوية ويدفنوني
=========≠================
ما اصدكَ اتغيب واظل بالگوة اعيش وحسرة
بعـــد الابو لـــمن رحل صعبة الحـــياة ومرة
أظلم احس نور الصبح گلبي الفگد شيصبرة
يابوية وين انطي الوجه انة العزيــزة الزهرة
بس دمعتي والالم ... عگبك... عگبك يسلوني
عاشرت حسرتي ما ردت دنيتي
بوية بوية ويدفنوني
============================
شلون ادخل لبيتك بعد وطولك تغيب رسومة
حدر الترايب مــــندفن ما ادري شنهي علومة
كون ابگبر واحد ســوة مدفـــونة ريت بيومة
ليش اليـــون لجل الابو اعله الونة كلها تلومة
ما ابطل من البچي... وادري... وادري يلوموني
دوم الك ونتي ما ردت دنيتي
بوية بوية ويدفنوني
==========================
نعمة شـــكبرها يالابو اشكــر الباري عليها
أغلى واعز من النفس من تفگد تحس بيها
فراكَ الابو علة بگلب وماكو دوة يداويها
جمرة وتوجر لو مشة وما تگدر اتـــطفيها
بالنار احسه انچوة... گلبي... گلبي وتسمعوني
ما طفت جمرتي... ما ردت دنيتي
بوية بوية ويدفنوني
====================
أسالكم الدعاء رائد الاسدي
قصيدة للمشاية طور اهوازي
اجتك سيدي الخدام واترفرف رواياها
تگطعلك طويلة دروب ليك الشوكَ جاباها
آيحسين ومصابة آيحسين ومصابة
(==================)
مشاية ولحد الموت مانترك مصاب حسين
مصباح الهُدى وللناس سفينة واحنا غرگانين
ذنوب محملين هواي يغفرهن مشي الرجلين
بخدمتك مانرد ونخاف وشرف هالخدمة نلگاها
آيحسين ومصابة آيحسين ومصابة
============================
كون انعرف ابو السجاد من تمشيلة رجيلنة
نترك كل حقد عالناس ننضف گلوبنة وجينة
ما نمشي بعكس ما راد ونسير بدربة خلينة
هاي الغاية والمطلوب الحسين المنة راداها
آيحسين ومصابة آيحسين ومصابة
======================
تواسي زينب الحوراء مشي بالاربعينينة
بدربك للنساء انشوف بعضهن عدها سلبية
شقة وتمضحك ومكياج چن تمشي لعرس هية
مو چن رايحة لحسين الروحة لخدرچ اطاها
آيحسين ومصابة آيحسين ومصابة
=========================
خدم عدنا بذهب تنقاس تخلص وي ابو اليمة
بنفسة يخدم المضلوم ويزود بخدمتة الهمة
يجازيه الحسين اضعاف مكانة ايرفعة للقمة
التخلص وي ابو السجاد جاه ورفعة جازاها
آيحسين ومصابة آيحسين ومصابة
=========================
الف هنيالة كلمن زار الحُسين وعارف بحقة
يرد چنة انولد بالحال ذنوب اعليه ما تبقة
حبك من نزل للناس اهو كل واحد ورزقة
عالفطرة الگلب لحسين گام الخدمة يهواها
آيحسين ومصابة آيحسين ومصابة
=========================
اسالكم الدعاء رائد الاسدي
جديد قصيدة للإمام الحسن عليه السلام على لحن (انه العليل المسبي للشام) الحاج باسم وأيضا تقرأ نعي
ها يا عزيز الروح مسموم
ها يا عزيز الروح مسموم
=================
يحني الظهر يا فگد الاخوان
يصيب الگلب ويعوف نيشان
مسوم مات الحسن حزنان
يحن الگلب وينوح مالوم
=================
التمت يولي اخوانك اعليك
سم الغدر يا حيف ماذيك
فوكَ الفراش امسبل ايديك
زينب تطيح اعليك وتگوم
==================
يا حيف لا أم لا ابو وياك
يوم المنية والسم آذاك
دارت عيونك تنظر عظاك
مثل الحمام اعله الاخو تحوم
===================
ابفگد الاخو ما تسكت عيون
ومثل الحسن چا وين يلگون
اليفگد اخية يصبر شلون
ابنص الگلب والعين مرسوم
==================
چلمة يخوية تهيج الجروح
وانت العزيز الساكن الروح
يحلالي صار ابچاي والنوح
صاح الحسين وگلبة مهموم
=======≠========
البيت وحشة يالچنت نور
گلب اليحبك عفتة مكسور
تبچي اعله گبرك تشعل ابخور
احبابك اترش ماي كل يوم
==================
راح الاخو وكل شي حلو راح
حزام الظهر من الظهر طاح
بهموم يگظي اليوم ونياح
من الهوة يا حيف محروم
==================
ما ينسى ونگول ننساه
فت الگلب والروح فرگاه
حگي من اصيحن آه ويلاه
گلبي اعله اخوي اليوم ملچوم
=================
أسألكم الدعاء رائد الاسدي
قصيدة للمشاية
نتعنة زوار .. لعزنا اولينة ... مشاية جينة.. هزنة الحنين
مشتاگة الگلوب.. للغاضرية .. لبن الزچية . هزنة الحنين
جيناك ... للحضرة خطار
جيناك ... يالوالي زوار
هزنة الحنين .. هزنة الحنين
====================
مشاية اجيناك يالعدنا غالي
شما تبعد ادروب لا ما نبالي
نمشيلك ايام نسهر ليالي
نتباها خدام واعلينا والي
بحبك مجانين.. نتفاخر بهاي.. تلگانة مولاي.. هزنة الحنين
لا ما نسيناه ..لترابة خدام.. نمشيلة كل عام.. هزنة الحنين
جيناك ... متهنة الاخطار
جيناك ... يالوالي زوار
هزنة الحنين ... هزنة الحنين
===================
عاهدنا كل عام نحييها ذكراك
عايش بالگلوب لا لا مننساك
يا سيدي بشوكَ زوار اجيناك
يگضي العمر دوم نتمنى وياك
يالساكن الروح ..تمشي بدمانة ..نشمك هوانة .. هزنة الحنين
الدنيا بلاياك... ما تسوة كلشي .. نتعنة نمشي .. هزنة الحنين
جيناك ... يا سر الاسرار
جيناك ... يالوالي زوار
هزنة الحنين ... هزنة الحنين
==================
انواسيكم اليوم يا اشرف الناس
وياكم انصيح حد گطع الانفاس
ويانة تمشون صرتوا النة حراس
كلشي النة تنطون وابلاية مقياس
أهلاً يزوار ..چنكم تصيحون.. يالجيتوا تمشَون .. هزنة الحنين
ها يالموالين.. تدرونة نشتاك.. الكم يعشاكَ.. هزنة الحنين
جيناك ... وابكل الاعمار
جيناك ... يالوالي زوار
هزنة الحنين .. هزنة الحنين
=================َ
تسعر بالگلوب الكم حرارة
والشيعي للموت ما تطفى نارة
بنيران الاشواكَ الكم اُسارة
ولذلك اتشوف زحف الزيارة
نگصد ملايين .. يالوالي الكم.. نفخر خدمكم.. هزنة الحنين
تلگونة يكرام.. يهل المحنة.. ليكم وصلنة.. هزنة الحنين
جيناك .. ما تنطفي النار
جيناك .. يالوالي زوار
هزنة الحنين ... هزنة الحنين
====================
أسألكم الدعاء رائد الاسدي
قصيدة للمشاية جديد
من البحر ...... حد النحر
يحسين الك مشاية
يحسين الك مشاية
==================
بلهفة گلب.. يمشي المحب.. يالغالي الك عاهدنا
نصون العهد... أباً وجــــد... يفدي العمر واحدنا
حبكم عقيدة ومعتقد والشيعي يوفي بحبة
انــــتم املنة ونعـــقتد للهادي انـــتم قربة
الخالف نهجكم سيدي خاسر وتيه دربة
بس اليحبكم ما خسر حبكم يوصلة لربة
فاز وربح .... كلمن صبح
يحسين الك مشاية يحسين الك مشاية
=================
تعادل حجج .... بيها الفرج.... زيارة حسين الضامي
ابحر وبرد .... دوم استعد ... تندل دروبة اجدامي
ما بيني وبينك عشكَ ابلهفة وشغف اتعنة
مشاي اجيلك واعتني حبك فلا امل منة
امشي بطريقك وأعتقد اوصل لحد الجنة
لو تعبت اجدامي زحف اوصل الك واتهنة
ازحف زحف .... راية ترف
يحسين الك مشاية يحسين الك مشاية
=====================
راحة نفس..... بيها يحس.... كلمن مشه لمحبوبة
واليمشي الك.... ايحفة الملك... مغفورة كل ذنوبة
ياربي عجل بالفرج نمشي ونناجي الباري
يرعانة ابو صالح هتف احفظ يربي انصاري
وحسين ابو أليمة استعد ياهله ابكل زواري
وبالحظرة ابو فاضل وگف اهلا اجيتوا لداري
الطب كربلة ..... مية هلة
يحسين الك مشاية .... يحسين الك مشاية
=================≠=========
من أقصى الجنوب.. لسيد القلوب. خدمة وخدم متروسة
صبح ومسه.... الكل جالسة.... بالله وعلي محروسة
كل خادم تشوفة ملك بحسين من يتسمة
خدام الحسين ونعم طول الدرب ملتمة
تاج وفخر بيها افتخر كلها تصيح الخدمة
لو تعب واحد بالدرب فزعولة شدوا عزمة
عز وشرف.... غاية وهدف
يحسين الك مشاية.... يحسين الك مشاية
=======================
أسالكم الدعاء رائد الاسدي
قصيدة بحق السجاد
نجري الدمع عالسجاد جد وابو والاحفاد
من يمر يوم ابن حسين عـــن الحزن تحچي العين
-------------------------------
اعله فطرتنة نحب حسين واولادة
وتعلمــنة من اهلنة نخدم السادة
النبي ســيد علينة هوة واحفادة
سادتنــــة وأئمتنة ولنة القادة
علمني ابوي وجدي للهادي اوفي بعهدي
اعله ابنة نظل حزنـــاين عـــن الحزن تحچي العين
--------------------------------
رظعنة من صــدر امنة محبتهم
وهلنة علمونة شـــلون خدمتهم
نحزن من تمر بينة مـــصيبتهم
اهل بيت النبي والدنيا خانتهم
زين العباد الليلة دمع الحزن يجريلة
لمصابة حزنان الدين عن الحزن تحچي العين
---------------------------------
صبر صَبر وتعدة كل وصف صبرة
شاف اشـــلون ابية منكَطع نحرة
وعمة ابلا جفـوف ومرمي عالغبرة
وشاف عظيـدة الاكبر جثة متوذرة
وبعينة شاف القاسم أمخلي عرسة ونايم
بالدمع كَظاهه ســــنين عن الحزن تحچي العين
--------------_---------------------
ما بطل ونينة ولا دمـع عينة
وتعلمنة الحزن من حزنة والينة
نريد انساعد المظلوم بــونينة
نقيم ابكل سنة وننصب تعـازينة
نقيم العزة للمظلوم وللحشر هالعادة ادوم
يومك علي ماناسيـــن عـــن الحزن تحجي العين
------------------------------
شاف من الزمان امصايب واهوال
وحمل من المصايب والقهر اشكال
حزن البيه ماتكَدر تحمــلة جبال
الم حزنه شديد ايشيب الاطـــفال
خالد يظل ما ننساه بكل سنة نجدد ذكراه
شما انقدم احنة مقصرين عن الحزن تحچي العين
-----------------------------------------
لبس ثوب الحزن وتحمل الآهات
شكثر كَلبة حمل من دنيته شوغات
ليل انهار عينة تسچب الدمعــات
مجرة دموع صار ابوجهه مرسومات
دموعة تصب ليل انهار بخدودة حفرت انهار
حزن الكلب عالطيـــبين عـــن الحزن تحچي العين
-------------------------------------------
اسالكم الدعاء
رائد حسن الاسدي
قصيدة يوم الدفن
كَوموا يا بني سد دفنوا الحسين
حطوا بالكَبر من غير تچفين
--------------------------------------
ثالث يوم مرمــــي اعــلى الترايب
چبدة من العطــــش ويــــلاه ذايب
يعين الله الــــعقيلة اعله المصايب
تنوح علــــيه وتهل دمـــعت العين
---------------------------------------
حفروا اهنا حفيرة وحطوا الانصار
ناموا عالوطية ثــــــــالث انــــــهار
بكَلبي من شفــــــتهم شـبوا النــــار
وخلوا بالكَلب حـــــــسرات وونين
------------------------------------------
حطوا اهنا حبيب ابحفرة وحدة
وبيدي بالكَبر انــــة ارد اوســــدة
ماقصر حبيب ابــــيوم شـــــــــدة
صار معين يوم المــــاكوا معــين
-----------------------------------------
خل انروح كلــنة للشريـــــــــــعة
النة چفوف عالــشاطي كَطيعة
ظيعنة ابغيابة شلــون ظيــــــــعة
من صابة العمد والــراس نصين
---------------------------------------
عمي انصاب كَلبي ابطيحتك هاي
ميت عالـــــشريعة ابحسرة الماي
ياعمــــــــي مصابك فتت احشاي
ما امل البـــــــواچي طول السنين
----------------+---+------------------
امشــــــونة انـــروح للوالد ندفنة
اموذر بالســـيوف اشلون احظنة
ارد اشبــــــــــع وداع اليوم منة
يا بوية ابدليـــــلي صابني البين
-----------------------------------------
يا بوية اعلى صدري طفلي خليه
صوت من النـــحر يسمع يحاجيه
وحط ايدي عليــه ارد اشبكَ عليه
يا بوية ابـــــــيك تــــــدري حنين
---------------------------------------
جيبولي حـــــــــصيرة انلم الاكبر
جسمة بكربلة عضــــــــيدي توذر
وحط القاسم وكَلـــــــــــبة تمرمر
هاي كَبور اهلــــــــــنة يا موالين
أسألكم الدعاء رائدالاسدي -