-
قناة لخدمة اهل البيت للتواصل خاص هذا المعرف @aborok
مشاهدة "عباس يالشوفك دوة بصوت الملا ياس الشبلي الشاعر رائد الاسدي" على YouTube
https://youtu.be/QMSc2G3PM-c
مشاهدة "نزال (زينب عليهم نادته ) الموفق والمبدع الرادود طالب الفراتي كلمات رائد الاسدي" على YouTube
https://youtu.be/4T39xzdVBao
مشاهدة "الحسين طاح وسحگتة الخيالة بصوت الرادود فلاح العگيلي و محمد العگيلي كلمات رائد الاسدي" على YouTube
https://youtu.be/xKLcXTJH2mw
مشاهدة "عباس يالشوفك دوة الرادود ياس الشبلي الشاعر رائد الاسدي" على YouTube
https://youtu.be/d59mRN0JtWs
مشاهدة "يا حريمه ويا هضيمة الرادود عقيل الخليفاوي الشاعر رائد الاسدي" على YouTube
https://youtu.be/7IGPxG2NXqU
مشاهدة "يزينب حظري دمعچ بصوت الرادود محمد مردان التركماني طوز خور ماتو الشاعر رائد الاسدي" على YouTube
https://youtu.be/DWRywPUjcdQ
سامحيني يالحنينة بصوت الرادود حليم الرميثي الشاعر رائد الاسدي محرم ١٤٤٣ هـ
https://youtu.be/QwAsWWYDdn0
عندما وصل بني أسد و وقفوا على الجثث ولم يعرفوهم
اليوم ثالث نايم ابتــربانها
بالطفوف وما حظر دفانها
================
حسين ما واحد يشبها من البشر
شلون فوكَ الگاع ومـــوذر وذر
ليــــش دفانة تأخر ما حـــظر
خل يجيب الماي يروي ابدانها
----------------------------------
(الانصار عليهم السلام)
هذا ابن طه النبي وسيد الشباب
والأنصار وياه كلمن نجمة غاب
هاي شياب وشباب أعله التراب
ليش تبقى ابلا دفن فرسانها
------------------------------------
(القاسم عليه السلام )
هالشباب زغير وبلاية چفن
هالشمايل تشبه هواي الحسن
عليه يا كثر السيوف اتخالفن
ماكو رحمة اعليها من عدوانها
-------------------------------------
(على الأكبر عليه السلام )
وبعد هذا الشاب يشبه للرسول
ابهالجنازة اتحيرت منا العقول
لو يشوفة الهادي چا عنه شيكٌول
مگطع أوصال ابظرب جيمانها
------------------------------------
(الرضيع عليه السلام )
آه واويلاه هالمنـــظر صعب
طفل بعدة زغير ما عدة ذنب
بالگماط ودمة من نحرة يصب
ما تهود الروح من احزانها
-----------------------------------
(الحسين عليه السلام)
مررظة عظامة سحكَ هذا الجسم
من الطبر ما عاد جسمة ينلزم
باقي ابن سيد البشر بس الرسم
طبر بالسيف ورمح بسنانها
----------------------------------
(العباس عليه السلام)
ذاك من بعيد ظيغم منجدل
مگطع الچفين ومترس نبل
مثلوا تمثيل بيهم بالچتل
الشباب وشيب وي رضعانها
---------------------------------
أسألكم الدعاء رائد الاسدي
مايعرفونة يجدح شرار
مايعرفونة تاه القــــــــــرار
علي هــــذا لو علي الطباها
-------------------------------------------
مادرة الجيــــش وتحير ياهو من عدهم حمل
حيــــدر الكــــــــرار هــــــــذا لو علــــــــــي الاكبر نزل
ماجت الطــــفت باهلهة بطل ظل يــردم بطل
من نزل لــــــيهم كلبــــــها وفعل بيهم مافعــــــل
من تعلاها سوح القتال
من تعلاها بچــة الرجال
علي هذا لو علي الطباها
-----------------------------------------------------
شرجــــــعة حيدر علينا موش ميت من زمن
والنــــــجف عنا بعيــــدة وبكبر بيــها اندفــــــــن
من بعيد الصوت نادة انة الاكبــــر للمحــــــن
علي وابن حسين انة للــــــــــعدو بيــــها علن
ارتجز بيها ابــن الحــــــسين
ارتجز بيها اعلى الظالمين
علي هــــذا لو علي الطباها
-------------------------------------------------
من عــــــلي الكــــــــرار زودة فارس ابوكت الحرب
فقــــــــط كــــــــــــرار ويــلاكي ما يفــــــــــــر او ينغــــــلب
مايحط درع اعلى صدرة اوكت الملاكةصعب
ما يخــــــــــاف من المنيــــــــة صامد وميـــــت كلب
شافة جدامة خاف الشمر
شافة جدامة صاح ابذعر
علــــــــي هــــذا لو علي الطباها
----------------------------------------------------
يكلب الجيــــــش بحملـــتة الميمنة اعلى الميسرة
تســــــــمع صيـــــاح العســاكر شردوا جاكم حيدرة
الجيش خل يكشف عورتة ماكو بالطف مغفرة
ودوا لبــــــــن زياد طــــــارش ما نحارب معــــــــذرة
لا تلاكونة يشطر شطر
لا تلاكونة ويــــن المفــر
علي هــــذا لو علي الطباها
-----------------------------------------------------
من علي ماخذ صفاتة وبالحرب منة شبه
زلزل الجيش وتبختر ظل يراقب منتبــــه
سدها ابواب القــــــتال اوين صاحوا نتجه
منين ما تشرد جنودة لا كتة وجه ابوجه
كلمن ايشوفة ظل يرتجف
كلمن ايشوفة يشرد زحف
عــــلي هــــــــذا لو علي الطباها
---------------------------------------------------
تفتــــــــر عليه العســــــاكر وهوة واكف بالوسط
ادور المــــــشــراد منــــــــــة ايمين بيسار انخبط
ياهو متعني اعلى موتة خل يجيني لو زمط
ابموقفة ويالجيش خلة فوك الحــــروف النقط
يزمخ عليها غيض وزعل
يزمخ عليها حــل الاجــــل
علــــي هــــذا لو علي الطباها
----------------------------------------------------
أسالكم الدعاء رائد الاسدي
رباطات هوسات للطم في ليلة ونهار العاشر
ولا تذبحونة = ولا تذبحونة خلوه ارد اودعة ولا تذبحونة
=====================
هجمت الخيل = هجمت الخيل يخوية تلاحگونة هجمت الخيل
======================
كاسرة ظلوعة = كاسرة ظلوعة خيل الاعوجية كاسرة ظلوعة
=======================
يابسة ارياگة = يابسة ارياگة فلا واحد يرحمة يابسة ارياگة
==========================
صاح ذباحة = صاح ذباحة..اخذنا الثار منك صاح ذباحة
======================
ترست الگاع = ترست الگاع لحم وعضام منة ترست الگاع
==========================
راح والينة = راح والينة علينا الگوم هجمت راح والينة
==========================
أسالكم الدعاء رائد الاسدي
قصيدة بحق مسلم ابن عقيل جديد محرم ١٤٤٣ هـ
ويلاه ويلاه مسلم ويلي ويلاه
ويلاه ويلاه يا غربتة ويلاه
بالكوفة مغدور كل سچة مجرور
ويلاه ويلاه مسلم ويلي ويلاه
====================
اهل النفاق اهل الغدر ما رعت حالة ورحمتة
وحدة بلا ناصر طلع والكوفة طلعت غدرتة
مسلم رسول ابن النبي حاير وحيد ابحيرتة
كل ميت وحرمة الة واكرامة لازم دفنتة
مظلوم مظلوم صعبة الحالة مظلوم
مظلوم مظلوم يا حسافة مظلوم
خيل العدة ادور كل سچة مجرور
ويلاه ويلاه مسلم ويلي ويلاه
========================
عن الله هادينا ذكر كل جثة لازم تندفن
التمثيل بالميت نهى عنة رسول الله بحزن
مسلم يجرونة بحبل وخصمة فلا رفلة جفن
جسمة تهشم ونكسر مليان ظربات وطعن
مهشوم مهشوم صدرة وراسة مهشوم
مهشوم مهشوم جسمة كلة مهشوم
طعنات وكسور كل سچة مجرور
=======================
اشگد ظلم واشگد حقد ما واحد الگلبة انكسر
مو لجل الإسلام وعرب رحموه من اجل البشر
مچتوف ودمومة تصب يرتطم جسمة بكل حجر
هاني اوية مسلم بالحبل محد يواسيهم حظر
بهداي بهداي شوية رحمة بهداي
بهداي بهداي يالتجرة بهداي
اللحم منثور كل سچة مجرور
=======================
تتفرج الناس اطلعت لا مسلم البيهم اضن
مسلم غريب ابهالبلد والكوفة حاسبها وطن
يالخنتوا من گبلة علي اليوم ينعاد الزمن
انتم اهل مكر وغدر واهل المصايب والفتن
خانوه خانوه اهل الكوفة خانوه
خانوه خانوه يا هضيمة خانوه
بي خصمة مسرور كل سچة مجرور
========================
بس طوعة ظلت تنتحب صوب المدينة اتوجهت
يهل الغريب اتحاشموا للكوفة افزعولة نخت
بعيدين عنها وما دروا ما وصل صوت الحشمت
لا تگدر وتفزع صعب بيا سچة راحوا تيهت
بونين بونين بس تنادي بونين
بونين بونين يا عمامة بونين
ما تگدر اتثور كل سچة مجرور
=======================
أسالكم الدعاء رائد الاسدي
قصيدة مقدمة المجلس لتحضير المجلس للطم لكل ليلة يقرأ نص من القصيدة
السلامُ على الحسين وعلى ال الحسين
--------------------------------------------------
الليلة الأولى والثانية والثالثة
ليلة الاول مـــحرم للــحزن والهم بداية
بيها ظعن حسين يمشي وتمشي وياه المناية
ســاعد الله المهدي كَلبة من عظم هاي الرزاية
عجل ابثـــــارك امامي وللـحزن خلي نهاية
ونادي بيـــن الخافقين السلام على الحسين
----------------------------------------------
ليلة الرابــــــع محرم ليلة امصاب العلـيلة
راح ابوها وماخـذاها ياهو غيرة تشــتكيلة
مدللة وجانت عزيـزة وظلت وحيـــدة وذليلة
لا ابو يمها ولا امهـا وجنها سفرتهم طويلة
تنادي بأشواق وحنين السلام على الحــسين
---------------------------------------------
ليلة الخامـــــــس محرم ليلة المـــــــظلوم مسلم
البايعوا نـــكروا عهدهم بغربـــــتة بس الله يعلم
حاوطتة جــــيوش امية وهوة وحدة شلون يسلم
من على قصر الامارة عالـــغريب حسين سلم
نادا بالصـوتِ الحزين الســـلام على الحسين
---------------------------------------------
ليلة الســــــادس محرم التمــت انصار العقيدة
اجمعوا وبـصوت واحد فدوة الك يبن الصميدة
احنا كلنا انروح فدوة حسين يسلم بس نريدة
الدنية ما تســـوة بدونة وبالعــمر موتة وحيدة
هذا صوت العـــاشقين الســـلام على الحسين
--- ---------------------------------------------
ليلة السـابع محرم ليلة العـباس صارت
نزل للميدان مغـظب علية جيوش الكفر دارت
الشجاعة الحيدرية وغيرة العباس فارت
اتوسط الكَوم وخزرهم الروح كَبل الروس طارت
نادا مقطوع اليـدين السلام على الحسين
-----------------------------------------------
ليلة الثـامن محرم ليلة الـعريس جاسـم
عرس ابدم الشـهادة يمشي وي ركب الهواشم
من الشهد احلى ويعمي الموت عندي وانة عازم
حنتي من دم وريـدي واغفى مابـين الصوارم
صاح مرضوخ الجبين السلام على الحسين
---------------------------------------------
ليلة التـاسع محرم ليلة بيها مصاب الاكبر
ليلة وداع ونيــاحة والدمع بيـها تنثر
اشبه الناس ابمحـمد جسمة عالغـبرة توذر
من العطش ذايب دليلة وكَلبة من حزنة تفطر
صـوت حُزناٍ وانين السلام على الحسين
--------------------------------------------
ليلة العــاشر محرم ليلة حسين ورظـيعة
ماتمر ليـلة ابحزنها عالبشر اعـظم فجيعة
كل محب يحسين نادة الليلة المـوادع يشيعة
ابين اديه من ذبحوا ابنة وظاكَت اعليه الوسيعة
نادا كـل العالمـين الســــلام على الحسين
=========================
أسالكم الدعاء رائد الاسدي
قصيدة مقدمة عزاء لكل ليلة مقطع من القصيدة
بحال مهدينة الله يعلم ابهالمصاب اشكَد تألم
شلون حالة من يشاهد ليلة ......... محرم
----------------------------------------------
(ليلة الاول والثاني والثالث)
ليلة عالمهدي تمر باعـــــظم رزية
بيها سار الظعن لارض الغاظرية
وظلت ديار الاهل وحـــشة وخلية
عجل بثارك يبن حامي الحـــــمية
بالفرج عجل ظهورك شيعتك تطلب حظورك
بجاه هاليـــــلة العلينة ليـلة ...... محرم
--------------------------------------------
(ليلة الرابع)
ليلة عالمهدي تمر بأعظم رزية
العليلة تنوح والدمــــــعة جرية
ظلت ديار الاهل وحشة وخلية
عجل بثارك يبن حامي الحمية
بالفرج عجل ظهورك شيعتك تطلب حظورك
بجاه هاليـــــلة العلينة ليلة الرابع محرم
--------------------------------------------
(ليلة الخامس)
ليلة عالمهدي تمر بأعظم رزية
مسلم المــظلوم ظل جثة رمية
ظلت ديار الاهل وحشة وخلية
عجل بثارك يبن حامي الحمية
بالفرج عجل ظهورك شيعتك تطلب حظورك
بجاه هاليـــــلة العلينة ليلة الخامس محرم
-------------------------------------------
(ليلة السادس)
ليلة عالمهدي تمر بأعظم رزية
تعنت الانصار لارض الغاظرية
ظـلت ديار الاهل وحشة وخلية
عجل بثارك يبن حامي الحمية
بالفرج عجل ظهورك شيعتك تطلب حظورك
بجاه هاليـــــلة العلينة ليلة السادس محرم
__________________
(ليلة السابع)
ليلة عالمــهدي تمر بأعظم رزية
بيها ابو فاضل صريع الغاظرية
ظلت ديار الاهل وحــشة وخلية
عجل بثارك يبن حامي الحمية
بالفرج عجل ظهورك شيعتك تطلب حظورك
بجاه هاليـــــلة العلينة ليلة السابع محرم
---------------------------------------------
(ليلة الثامن)
ليلة عالمهدي تمر بأعظم رزية
بيها عرس ابن الحسن بالغاظرية
ظلت ديار الاهــــل وحشة وخلية
عجل بثارك يبــــن حامي الحمية
بالفرج عجل ظهورك شيعتك تطلب حظورك
بجاه هاليـــــلة العلينة ليــلة الثامن محرم
-------------------------------------------
(ليلة التاسع)
ليلة عالمهدي تمر بأعظم رزية
الاكبر تكَــطع وذر بالغاظـــرية
ظلت ديار الاهل وحشة وخلية
عجل بثارك يبن حامي الحمية
بالفرج عجل ظهورك شيعتك تطلب حظورك
بجاه هاليـــــلة العلينة ليلة التاسع محرم
----------------------------------------------
(ليلة العاشر)
ليلة عالمهدي تمر بأعظم رزية
بيها الحـــسين انذبح بالغاظرية
ظلت ديار الاهل وحشة وخلية
عجل بثارك يبن حامي الحمية
بالفرج عجل ظهورك شيعتك تطلب حظورك
بجاه هاليـــــلة العلينة ليـلة العاشر محرم
---------------------------------------------------
أسألكم الدعاء
رائد الاسدي
قصيدة شور بحق القاسم عليه السلام عن الامام الحسين عليه السلام جديد محرم ١٤٤٣
حطة اعله الصدر ويصيح يوليدي.. ياجسام يابوية
مكسور الـــظهر ويصيح يوليدي.. ياجسام يابوية
ابني وگرة عيوني ياجسام يابوية
بمصابك يفجعوني ياجسام يابوية
يا وسفة يبوية اتروح من ايدي
==========================
الحگني يعمي من اجاه الصوت... يا جسام يابوية
يعثر گام ساعة ساعة راد ايموت... ياجسام يابوية
كتالك اكتلة لو يطب بحوت... ياجسام يابوية
انت من الحسن سلوة ياجسام يابوية
راحت ريحتة الحلوة ياجسام يابوية
يا وسفة يبوية اتروح من ايدي
====================
يا شمعة شبابك يبني طفوها
ومن دمك چفوف ايديك حنوها
مفجوعة بمصابك رملة خلوها
تعجن حنتك ضنها
تاليها رحت عنها
يا وسفة يبوية اتروح من ايدي
======================
من نار العطش گلبك جمر يسعر
ومن فوكَ الضمة نار الشمس والحر
وبسيوف الاعادي طايح مطبر
شلون تحملت روحك
ضامي وتنزف جروحك
يا وسفة يبوية اتروح من ايدي
=====================
من اوصل الخيمة امك شگللها
وتشوفك جنازة ابيدي شايلها
احا يالولد فرگاه شيحملها
يا فگد الولد شدة
راح وما الة ردة
يا وسفة يبوية اتروح من ايدي
=====================
امك تنتظر وعيــــونها ربية
من اتشوف حالي الگامة محنية
خاف اتموت لو اجت عينها اعلية
امك حگها لو ماتت
مذبوح الولد شافت
يا وسفة يبوية اتروح من ايدي
====================
أسالكم الدعاء رائد الاسدي
قصيدة في نهار يوم العاشر وما بعده جديد محرم ١٤٤٣ هـ
اويلاه يا فاطمة اويلاه يا فاطمة
======================
يا يمة بتچ بالغرب اويلاه يا فاطمة
واخواني نومة اعالترب اويلاه يا فاطمة
ما اوچد بعيني الدرب اويلاه يا فاطمة
لهالحالة موش معلمة اويلاه يا فاطمة
=====≠=========
بالحافر حسين انهشم
صدرة ويعاين للحرم
من ظهرة مطلاع السهم
مذبوح سابح بالدمة
==============
صوب الشريعة التفت
ناديتة يا خوية وخفت
العباس طولة ماشفت
مطروح حالة مؤلمة
===============
جاسم والاكبر والطفل
انظرهم وعيني اتهمل
والعيلة مچتوفة بحبل
والنار بينا مظرمة
===============
بالنار شبت خيمتي
ومحد اجاني من اخوتي
يايمة شوفي حالتي
اعلية الاعادي ناقمة
================
مچتوفة بحبال اليسر
والعيلة حاديها الشمر
ويتأمر اعلينا زجر
ما چني بت حامي الحمة
================
نسوان يبچن بالضعن
وايتام ما عدهم وطن
وعليل حاير بالزمن
من الشمر شيسلمة
================
ظلام ما رحمونة ابد
حبل بحبل بينا انعقد
لا تچوة عدنا ولا سند
بس العليل انحشمة
================
أسالكم الدعاء رائد الاسدي
مشاهدة "نزال قوي جداً (واحسيناً واحسين) الموفق والمبدع الرادود طالب الفراتي كلمات رائد الاسدي" على YouTube
https://youtu.be/yEGyG4YHKYo
مشاهدة "من البحر... حد النحر بصوت الملا علي الرميثي كلمات رائد الاسدي" على YouTube
https://youtu.be/GvIUnlC9BKk
مشاهدة "ليش يا موت الرادود علي الطويني الشاعر رائد الاسدي" على YouTube
https://youtu.be/iRnNqOV4zes
مشاهدة "خيرة الله أسير الكربِ الرادود محمد مليح الشاعر رائد الاسدي" على YouTube
https://youtu.be/H8RqYGtGw3I
مشاهدة "انخاك يارب العرش يعالي بصوت ستار الكعبي الشاعر رائد الاسدي" على YouTube
https://youtu.be/nmUTeVK6MfU
مشاهدة "يا حادي النوكَ بصوت علي العبادي كلمات رائد الاسدي" على YouTube
https://youtu.be/JGmGkex8-0I
مشاهدة "يا ويلي جريبة الگوم الرادود شفيع الجابري الشاعر رائد الاسدي محرم ١٤٤٣ هـ" على YouTube
https://youtu.be/JaPZ8W1UIqU
واحسينا. واحسين
-----------------------
نصيح بعدك يا ولينة ... واحسينا واحسين
حركَوا خـــيمنة علينة ... واحسينا واحسين
وصــــلت النار لعبــــينة ... واحسينا واحسين
وبالحبال مچتفين
---------------------------
عالجمر حافي مشينة ... واحسينا واحسين
بس مشيتوا اتسلبينة ... واحسينا واحسين
انحشم ومحد يجينة ... واحسينا واحسين
وحاوطتني الظالمين
-------------------------------
انظر لحال الزواچي ... واحسينا واحسين
شبعت رقية بواچي ... واحسينا واحسين
سلبوا منها التراچي ... واحسينا واحسين
وين ياعمة الحنــــين
-----
نركض اعله الشوچ حافي ...واحسينا واحسين
بالچـــــفوف الجــــمر طافي ... واحسنا واحسين
ورمت منهــــــم اچــــــــــتافي ... واحسينا واحسين
بالسياط ملوعين
----------------------------
ايد الم بــــيها خواتي ... واحسينا واحسين
وايد اجر بيها عباتي ... واحسينا واحسين
اخـــــــذ ياربي حياتي ... واحسينا واحسين
ماتوا اهلي الطيبين
---------------------------
نركض وكل ساع نعثر ... واحسينا واحسين
وتاهــت الاطفال بالبــر ... واحسينا واحسين
ماكو رحمة الله واكبــر ... واحسينا واحسين
علينة ظحكوا شامتين
-------------------------_-----
أسألكم الدعاء. رائد الاسدي
طريقة ثانية قصيدة لطم سريعة مع رباطات هوسات بحق الامام الحسين عليه السلام
خلوه ارد اودعة ولا تذبحونة خلوه ارد اودعة
=========================
ابن امي اشوفة يدير بعيونة خلوه ارد اودعة
متعيني عليه المنخطف لونة خلوه ارد اودعة
وحيد اعله الرمل عدوان يولونة خلوه ارد اودعة
لا تذبحونة لا تذبحونة خلوه ارد اودعة ولا تذبحونة
======================
هاي الخيل اجت وعليه مجموعة ...
خوية ادنة عنهن اندب ابلوعة ....
اسمع بالحوافر طگت ظلوعة....
كاسرة ظلوعة كاسرة ظلوعة خيل الاعوجية كاسرة ظلوعة
=======================
يلوج من العطش والدنيا حراگة...
ظعف من الطعن مابيه الملاگة...
ليش الگوم كلها لذبحة سباگة...
ناشفة ارياگة ناشفة ارياگة فلا واحد يرحمة ناشفة ارياگة
===================
ريت العاشر ولا طلع مصباحة...
اجانة الجيش فازع كلة بسلاحة..
يصيحلي عدوي وعالي صياحة..
صاح ذباحة صاح ذباحة اخذنة الثار منك صلح ذباحة
=====================
سحگتة الحوافر كسرت عضامة...
من فوكَ الجراح بجسمة وسهامة...
داسوا جثتة من راسة لجدامة..
تارسة الگاع تارسة الگاع لحم وعضام منة تارسة الگاع
=======================
أسألكم الدعاء رائد الاسدي
طريقة ثانية ولحن مختلف قصيدة بحق مسلم ابن عقيل عليه السلام
ويلاه ويلاه مسلم ويلي ويلاه
بالكوفة مغدور كل سچة مجرور
وعيونة لحسين
====================
اهل النفاق اهل الغدر ما رعت حالة ورحمتة
وحدة بلا ناصر طلع والكوفة طلعت غدرتة
مسلم رسول ابن النبي حاير وحيد ابحيرتة
كل ميت وحرمة الة واكرامة لازم دفنتة
بالكوفة مظلوم وسابح بالدموم
خيل العدة ادور كل سچة مجرور
وعيونة لحسين
========================
عن الله هادينا ذكر كل جثة لازم تندفن
التمثيل بالميت نهى عنة رسول الله بحزن
مسلم يجرونة بحبل وخصمة فلا رفلة جفن
جسمة تهشم ونكسر مليان ظربات وطعن
ما فزعوا انصار ما چنة خطار
بطعنات وكسور كل سچة مجرور
وعيونة لحسين
=======================
اشگد ظلم واشگد حقد ما واحد الگلبة انكسر
ما چنهم اسلام وعرب چنهم صنف غير البشر
مچتوف ودمومة تصب يرتطم جسمة بكل حجر
هاني اوية مسلم بالحبل محد يواسيهم حظر
وياه بهداي ما شارب الماي
اللحم منثور كل سچة مجرور
وعيونة لحسين
=======================
تتفرج الناس اطلعت لا مسلم البيهم اضن
مسلم غريب ابهالبلد والكوفة حاسبها وطن
يالخنتوا من گبلة علي اليوم ينعاد الزمن
انتم اهل مكر وغدر واهل المصايب والفتن
بالكوفة خانوه يا وسفة غدره
بي خصمة مسرور كل سچة مجرور
وعيونة لحسين
========================
بس طوعة ظلت تنتحب صوب المدينة اتوجهت
يهل الغريب اتحاشموا للكوفة افزعولة نخت
بعيدين عنها وما دروا ما وصل صوت الحشمت
لا تگدر وتفزع صعب بيا سچة راحوا تيهت
نادت بالونين ارجع يالحسين
ما تگدر اتثور كل سچة مجرور
وعيونة لحسين
=======================
أسالكم الدعاء رائد الاسدي
قصيدة تقرأ للتطبير على لحن يا فاطمة قومي إلى الطفوفِ
يا سامعاً حي على العزاءِ
من الرؤوسِ انزلوا الدماءِ
حيدر حيدر
____
نطبرُ فوق الرأسِ لا نبالي
رخيصةٌ دِمائُــــنا للغالي
نطبُرها الرؤوس بالعسالي
لن يوقفَ الحزن بنا الوباءِ
حيدر حيدر
_
ننعاك طولٌ الدهر بالنحيبِ
نطبر بالسيف على الغريبِ
نستذكر المصاب لا يغيبِ
لبيك لبيك علا النداءِ
حيدر حيدر
____
يا ضامياً مُلقاً على الرمالِ
قد قطعتهُ شفرت النصالِ
تمظي الدهورُ وهو لا يزالِ
مُؤيداً من قبلِ السماءِ
حيدر حيدر
____
طبراً وسحقاً والسهامُ فيهِ
والخيلُ فوق الصدر تعتليهِ
لا اخــــوةٌ تاتيهِ لا بـــنيهِ
مُجزرين عانقوا البيداءِ
حيدر حيدر
_
شيبتهُ حمراءُ من دماهُ
فوق القنا مرفوعةً تراهُ
زينبُ وا ويلاهُ وا ويلاهُ
صبراً أيا ربِ على البلاء
حيدر حيدر
_
تظرب بالمحملِ منها رأسا
صار لنا ظرب الرؤوس درسا
مصيبة الحسين كيف تنسا
يُدمي القلوبِ طف كربلاء
حيدر حيدر
_
أسألكم الدعاء رائد الاسدي
https://t.me/joinchat/AAAAAE3MsSvzdWHhyM2r8Q
ملاحظة قد تكون بعض حركات الحروف ليست في مكانها الصحيح لأن القصيدة كتبت على عجالة استميحكم عذراً
جديد قصيدة بحق الامام الحسين عليه السلام محرم ١٤٤٣ هـ القصيدة مأخوذة من الزيارة الجامعة
أشهد أن الحسين شهيد الله
أشهد أن الحسين ذبيح الله
..
عن عقيدة حسين حبك مو عواطف بينا
حسين عالفطرة محبتك كلمن وتكوينا
بالعرش قبل الخليقة اسمك مدونينا
حسين بأمر الباري باقي لان حبك دينا
فاز كلمن مشى بدربة ومَن والاه
أشهد أن الحسين شهيد الله
======================
بيك مجنونة العقول حسين يبن الزهرة
اطيت لجل الباري كلشي اطاك عزة وقدرة
قصتك بالطف ذكرها يعيش عبرة وعبرة
يالعشت وسط الگلوب وبالعقول الحرة
بالگلب لجلك حرارة انمزجت ابـ آه
أشهد أن الحسين شهيد الله
=======================
حسين رب العرش خلة بيك سرة الاعظم
ورحمة من الله وسلام وبيك دينا اتمم
داعي لله بكل كيانك واضح ومو مبهم
من العرش جل جلالة اعليك بالطف سلم
سلم وصلى اعله جسمك من شافاه
أشهد أن الحسين شهيد الله
=====================
عنكم الراغب امامي هذا حتما مارق
فاز من بيكم تمسك لازماكم لاحق
كلمن بحقكم يقصر يأبو الاكبر زاهق
بين هذا وبين ذاك هواي يصبح فارق
يرتفع عدكم مكانة وعالي الجاه
أشهد أن الحسين شهيد الله
====================
اليواليكم يوالي الباري يهل الرحمة
واليعاديكم يعادي الله والذل سهمة
اليحبكم يحب الله وهاي اكبر نعمة
والبغضكم يبغض الله خل يراجع امة
بالنسب مشكوك امرة من عاداه
أشهد أن الحسين شهيد الله
=====================
أسالكم الدعاء رائد الاسدي
قصيدة بحق الانصار جديد محرم ١٤٤٣ هـ
يبو اليمة انصارك بالحرب فقارك
هية بس الليلة هية بس الليلة
======================
شما تصير العسكر تترس الماي و بر
خل عددهم يكثر روسهم تتكسر
اليدنة الك يا ويلة هية بس الليلة
=====================
بالحرب ما نركع لو وذر نتگطع
يبو اليمة وتسمع ما نهاب ونرجع
سارجين كحيلة هية بس الليلة
=====================
يبو اليمة انعاهد نحچي والله الشاهد
نموت واحد واحد تحت امر القائد
النفس نفديلة هية بس الليلة
=====================
سيوفنا ابشر بيها بالرگب نثنيها
يا هو يوصل ليها امصيتة ابطاريها
من تلاگي العيلة هية بس الليلة
=====================
شاب بينا وشايب من غرامك ذايب
روحة بالچف جايب حاضر ومو غايب
انت بس توميلة هية بس الليلة
=====================
كلة جيشك قادة اعلن استعدادة
ايروح بأمر اسيادة فدوة لجل السادة
چلمة بس احچيلة هية بس الليلة
=======================
بالنفس منبالي انت عدنا الغالي
اول انت وتالي راسك ايضل عالي
ما نضنها اطويلة هية بس الليلة
======================
عدنا بالطف موعد او يالشهادة انجدد
بصوت كلنا نردد دين الك ونسدد
وبالوعد نوفيلة هية بس الليلة
======================
أسالكم الدعاء رائد الاسدي
قصيدة من الأرشيف
كَمر هاشم واخوتة وفاية
والفخر لم البنين ابهاية
=====================
نبع طــــــاهر منبعك يابوالفضل
للشهامة والوفة انتــــــــة الاصل
من علــــي الكرار وارث هالفعل
والاخوة بســــــــــــــمك مسماية
-----------------------------------------
ربتك ام البنــين الطـــــــــاهرة
والعِلم منبـــــعة عودك حيدرة
وبالشجاعة انتـــة سبع الكَنطرة
وبالمعارك حامـــل انتة الراية
-----------------------------------
حكَها بيك ام البنيــــن اتفاخرت
كعبة للاخلاص والغيرة صرت
وبيك كل اهل العــقول اتحيرت
انتة للخوة ذرة وتـــــــــــــچاية
=-=-=-=-=-=-=-=-=-=-
ذخر رتك يبني يا راعي الــعزم
يمة اوصيك واريدك تلـــــــــتزم
بالطفوف اتعاظدوا وشدوا الحزم
سور لحسين اوكَفوا وحــــــماية
====================
خادم انة لعترة الهادي الشفيع
بالظعينة اتكفلت وامرچ اطيع
كلها يمة بشاربي حتى الرظيع
يرظى رب الكون عندي الغاية
-----------------------------------------
قدم اخوانك فدة لسبط الرسول
يمة هاي وصية واسمع ما اكَول
وسجل اسمك ياكَمر وي الچتول
بدمكم لدين النــــــــــــبي شراية
-----------------------------------
يمة انة وخوتي فدوة لحسين
نعاهــــــدچ والله يا ام البنين
احنا نــتوذر لجل يسلم الدين
كلنة لجـــل حسين يمة فداية
=-=-=-=-=-=-=-=-=-=-
والله شلتوا راسي ليوم الحشر
وانة حكَي بيكم من ارد افتخر
انتوا ظحيتوا ييـــــــمة بالعمر
وهذا اعظم درس للــــــوفاية
===============
أسالكم الدعاء رائد الاسدي
قصيدة وصية ام البنين لأولادها من الارشيف
اليوم صوت ام البنين ينادي
فدوة لجل حسين كل اولادي
====================
انة ربيت وتعبت وكبرت
ولاجلهم ليل يا ليل اسهرت
وانة حب حسين الهم رظعت
لخدمة المظلوم جان مرادي
====================
لخدمت المظلوم جانت نيتي
يمة اوصيكم اسمعوا وصيتي
صيروا عنوان الوفة ياظنوتي
بكربلة حاموا بنات الهادي
===================
بكربلة حاموا حمة ال الرسول
وخلوا بيكم دوم محتارة العقول
عفية يولادي اسمعوا مااكَول
وبالاخص عباس لب افادي
====================
وبالاخص عباس حماي الظعن
بشاربك يمة خواتك اطلعن
انت حاميهن وصير الهن وطن
ادري بيك الزود انتة الحادي
====================
ادري بيك الزود ياظنوة علي
وبيك ياعباس كل هم ينجلي
وخلي دين الله بدمكم يعتلي
وانتة لجل الدين عمرك هادي
===================
وانتة لجل الدين دمك بايعة
والدليل ابطيحتك عالمشرعة
الوفة لحسين منك منبعة
عفية وفيتوا الربة يولادي
===================
عفية وفيتوا الربة ما ظلي دين
حكَي لو سموني انة ام البنين
اربعة اولادي فدة لجل الحسين
وبالحزن اكَظي العمر وسوادي
===================
بالحزن اكَظي العمر واعمي العيون
فركَتك يحسين صعبة وما تهون
شلتوا عني بعيد ما ظنكم تجون
خلافكم دمعي شرابي وزادي
====================
أسالكم الدعاء رائد الاسدي