2643
خدمة رسائل ربانية للرسائل الدعوية لنشر المقتطفات الدينية والصوتية والمقاطع والاذكار. 👇👇👇👇👇👇👇👇👇👇👇 للتواصل مع مدير القناة للتبادل الاعلانى https://t.me/Rasail_rbanih
لو مش هاتقدر تحافظ علي أذكار الصباح والمساء
يبقي علي الأقل ماتسيبش الـ٧ أذكار دول
١- بِسم اللَّه الَّذي لا يَضُرُّ مَع اسمِهِ شَيءٌ
في الأرض وَلا في السمَاء وَهُو السمِيعُ العليم
(ثلاث مرّات)
٢- أَعُوذُ بِكلماتِ اللَّهِ التَّامَّاتِ مِن شَرِّ ما خَلَق
(ثلاث مرّات)
٣- تَحصنّت بذِي العِزّة والجَبروت واعتصمت بِربّ المَلكوت
وَتوكلّت على الحَيّ الذي لا يموت
اِصرف عنّا الأذي، إنّك على كُلّ شيءٍ قَدير
(ثلاث مرّات)
٤- اللَّهُمَّ عَافِني فِي بَدَنِي اللَّهُمَّ عَافِني فِي سَمعي
اللَّهُمَّ عَافِني فِي بَصَري، لَا إِلَه إِلَّا أنت
اللَّهُمَّ إِنِّي أَعُوذُ بِكَ مِنَ الكُفر وَالفَقر
وَأَعُوذُ بِكَ مِن عَذَابِ القَبرِ، لَا إِلَه إِلَّا أنت
(ثلاث مرّات)
٥- اللَّهُمَّ إِنِّي أَعُوذُ بِك مِنَ الهَمِّ وَالحَزَن وَالعَجزِ وَالكَسَل
وَالبُخل وَالجُبن وَغَلبة الدَّين وَقَهر الرِجَال
(ثلاث مرّات)
٦- الفاتحة + سورة الإخلاص + سورة الفَلَق + سورة الناس
(ثلاث مرّات)
٧- آية الكُرسيّ + أخر آيتين في سورة البقرة
(مرّة واحده)
بما ان اليوم اول ذي القعده محتاجين ناخد بالنا انه هو واحد من "الأشهر الحُرُم" اللي ارتكاب الذنوب فيها بتبقى أشد وزراً وأعظم حرمة من الأشهر العادية !
قال تعالي "إِنَّ عِدَّةَ الشُّهورِ عِندَ اللَّهِ اثنا عَشَرَ شَهرًا في كِتابِ اللَّهِ يَومَ خَلَقَ السَّماواتِ وَالأَرضَ مِنها أَربَعَةٌ حُرُمٌ ذلِكَ الدّينُ القَيِّمُ فَلا تَظلِموا فيهِنَّ أَنفُسَكُم "
طب ازاي نستغل الشهر الكريم ده ؟!!
- اللي بيصلي النوافل بياخد حسنات مضاعفة بإذن الله ..
- الي بيدل على خير يحتسب الأجر اكتر من اي ايام تانية ..
- اللي بيذكر ربنا الأيام دي ذكره اكبر من اي وقت تاني ..
- كذلك احتساب المرض والألم والأذى كله كله مضاعف ..
اوعي تستهون بالشهر ده اعمل فيه خير قد ما تقدروا ..
هي ايام معدودة بس كل شيء فيها عظيم عند ربنا ..
فيالا بينا نجدد توبتنا : تبنا إلى اللّٰه، ورجعنا إلى اللّٰه، وندمنا على ما فعلنا، وعزمنا على ألا نعود ، يارب اعنا واعف عنا ..
#أحمد_زيدان
📌 حكم الصلاة منفرداً
خلف الصف الذي لم يكتمل ....
السؤال :
فضيلة الشيخ, إذا صلى خلف الصف رجل والصف الأول لم يكتمل، فما حكم صلاته مع أنه جاهل؟
الجواب :
الصحيح : أنه إذا صلى خلف الصف منفرداً ولم يكن الصف قد كَمُل الذي أمامه أن صلاته باطلة، وأن عليه الإعادة ولو كان جاهلاً؛ لأن النبي صلى الله عليه وسلم رأى رجلاً يصلي خلف الصف فأمره أن يعيد الصلاة، ولم يقل : هل كنت تعلم أم لا؟
الشيخ ابن العثيمين رحمه الله
| لقاء الباب المفتوح [132]
اختار حاجة واحدة من اللي كنت بتعملها في رمضان وحاول تحافظ عليها بعد رمضان، هتقربك من ربنا وتقدر تزود عليها بعد كده طاعات تانية.
قراءة قرا6ن ولو صفحة، سنة الفجر، سنة المغرب، صلاة الوتر، معصية كنت بتسيبها، جبر خاطر، أمر بالمعروف، صلاة الضحى، ركعتين قيام ولو خفاف، أو أي حاجة غيرهم. واللي يعرف يزود يزود، وربنا يعينا جميعا ويردنا إليه ردا جميلا.
هل تعلم ما هو "صيام الدَّهْر" !؟
قال رسول الله ﷺ:
"مَن صامَ رَمَضانَ ثُمَّ أتْبَعَهُ سِتًّا مِن شَوَّالٍ، كانَ كَصِيامِ الدَّهْر"
و يجوز صيام هذه الأيام من ثاني أيام العيد ،
تقبل الله طاعتكم❤️
#باسم_عليوة
#نصيحتي_اليوم
الجمعة المغرب ....ليلة 27 رمضان
وما أدراك ما ليلة 27 رمضان !!!
أخطر وأهم ليلة في السنة .. وقد تكون حسب همتك أفضل وأسعد ليلة في حياتك
هنحط مع بعض برنامج بسيط وخفيف وقابل للتطبيق لليلة دي ...
الليلة هتبدأ من المغرب لحد الفجر تقريبا 9 ساعات ...متخيل 9 ساعات في السنة يغيروا حياتك!!!
عشان كده عاوزين فعلا نُري الله مننا خير في الكام ساعة دول
وعشان كده من أذان المغرب تكون مستعد/ة
ومهم جدااا ... تنجز مشاويرك قبل المغرب
وللبنات ... تنجزي أي حاجه تقدر تعمليها في أعمال البيت بالنهار وتبقي فاضية من المغرب
_أهم حاجه تستقبل بيها الليلة دي قرار بالتوبة من الذنوب..عهد إنك مش هترجع للذنب ده تاني ....طيب لو مش قادر؟؟!
ادعي ربنا إنه يعينك على القرار ده
ده أهم حاجه تستقبل بيها الليلة دي التوبة والدعاء إن ربنا يعينك عليها
_البرنامج يبدأ من صلاة المغرب تصلي جماعة للرجال وفي أول الوقت للبنات وتفطروا وترجعوا سريعا للمصحف
_الأدعية لازم تكون جاهزة ومن أول المغرب لسانك شغال مش بيقف ..بالذااااات (*اللهم إنك عفو تحب العفو فاعف عني، اللهم أعتق رقبتي من النار*)
_هتصلي العشاء وتبدأ تصلي قيام
*الرجال ....في المسجد طبعا
*البنات ....لو قدرتي تنزلي المسجد يبقي ممتاز جداااا
ماقدرتيش تنزلي المسجد..يبقى هتصلي في بيتك على قد ماتقدري ركعتين ركعتين وتفضلي قاعدة في مكانك متوضية مستقبلة القبلة بتدعي وتصلي وتقولي أذكار وهكذا ...
_صلاة القيام بتبدأ من العشاء لحد الفجر ،..تعبت من الصلاة تدعي ،خلصت دعاء تقول أذكار
واهم واخطر وقت في الليلة هو *الساعه الاخيره قبل الفجر*... هي اصلا ف الايام العاديه مهمه
مابالك ف رمضان وكمان العشر الاواخر
وكمان ليله 27 رمضان !!!!
_ طول 9 ساعات... مفيش نت
لا للاشعارات
لا للفيس و الواتس
_لو طالب/ة وعندك مذاكرة .....
معلش ضحي بالمذاكرة الليله دي
مش مهم مذاكره الليلة دي مجتش عليها
_لو وراكي بيت تنضفيه ....
معلش مش لازم ترويق وتنضيف الليله دي
هما 9 ساعات وبعدها اعملي اللي انتي عاوزاه
_لو انتي حائض ... ولا يهمك
عندك كنووووز تقدري تستغليها بس ركزي...
▪︎الدعاء ..(استقبلي القبلة وادعي كتييير بكل اللي عاوزاه )
▪︎اقرأي قرآن من موبايل
▪︎الاذكار (كتاب أذكار خلصيه كامل ماانتي مش وراكي صلاه)
▪︎اياكي الشيطان يحبطك
بالعكس .....انجزي ف الدعاء والأذكار وقراءة القرآن
_ماتنسوووش وانتوا بتدعوا....
تدعوا لنفسكم بخيري الدنيا والاخره
وادعي لأهلك ،وامتك ، وبلدك
《اطلب كل اللي نفسك فيه》
بس ماتنساش أهم دعوتين..
《اللهم انك عفو تحب العفو فاعف عني》
و
《اللهم اعتق رقبتي من النار》
#ليلة_27
#العشر_الأواخر
#رسايل_رمضان
عن عائِشةَ رَضِيَ اللهُ عنها قالت :
" قلتُ : يا رسولَ اللهِ، أرأيتَ إنْ عَلِمْتُ أيُّ ليلةٍ ليلةُ القَدرِ، ما أقولُ فيها؟ قال : قُولي : اللَّهُمَّ، إنِكَّ عَفُوٌّ تُحِبُّ العَفوَ فاعْفُ عَنِّي".
رواه أحمد والترمذي•
فلتعبد الله بإصرار و لتعجل إليه ليرضى
تأمل لماذا..
ليرضى
يبقى خلاصة الكلام اللي فات ده كله إيه
في العشر القادمة.... خليك على الباب
داوم الطرق عليه؛ ملتمسا مرضاة الله وفضله
لا تتململ حتى يُفتح لك
ولتوقن أنك إن صدقت فهو سبحانه بإذنه وكرمه منه = سيفتح
فهو سبحانه الفتاح
وهو خير الفاتحين
محمد علي يوسف🖋️
#حياء_مسلمه
ليلة القدر.... اللحظات الحاسمة والكلام العملي
معلش السطور القادمة هتاخد منك في حدود ١٠ دقائق قراءة بس ممكن ترتب لك دماغك في العشر ليالي القادمة وتصنع فارقا كبيرا في حياتك أو تغير شيئا من خططك أو تحثك على أمر ربما دعتك نفسك للتكاسل عنه.
فسامحني لو تقلت عليك وحاول تقرأها للآخر أرجو بعد قراءتها نشرها ما أمكن حتى لو لم تنسبها إليَّ فمفيش مشكلة 😊
ندخل في الموضوع على طول وبكلام بسيط من غير مقدمات
باختصار حضرتك مطلوب منك في هذه العشر أشياء محددة تلخصها كلمة واحدة
(الالتماس)
تقدر تعتبرها كلمة السر
الكلمة المشتركة في أغلب أحاديث ليلة القدر
"خرجتُ لأُخبِرَكم بليلةِ القَدْر، فتَلاحَى فلانٌ وفلانٌ؛ فرُفِعتْ! وعسى أنْ يكونَ خيرًا لكم؛ فالْتمِسوها في التَّاسعةِ والسَّابعةِ والخامسةِ"
تأمل الكلمة
فالتمسوها..
"أُريتُ ليلَةَ القدْرِ، ثُمَّ أيقظَنِي بعضُ أهلِي فنُسِّيتُها؛ فالْتَمِسوها في العَشرِ الغَوابِرِ"
" إنَّ ناسًا منكم قدْ أُرُوا أنَّها في السَّبع الأُوَل، وأُرِي ناسٌ منكم أنَّها في السَّبع الغَوابِر؛ فالْتمِسوها في العَشْر الغَوابِرِ"
تتكرر الكلمة في مختلف الروايات
الالتماس
وكلمة أخرى أيضا تتكرر
التحري
" تَحرُّوا ليلةَ القَدْر في العَشْر الأواخِر من رمضانَ"
رواية أخرى عند مسلم
وقال رسول الله صلى الله عليه وسلم: (تحروا ليلة القدر في الوتر من العشر الأواخر من رمضان) رواه البخاري ، ونحوه لمسلم
الاعتكاف نفسه يعد صورة من صور هذا الالتماس والتحري
بتلك النفسية عليك أن تقبل على هذه الأيام والليالي
نفسية الباحث عن الشيء الثمين
المنقب عن الكنز العظيم
الملتمس للفوز المتحري للفضل
وأي جائزة وأي فضل
خطأ شائع أن يقال هي ليلة تعدل بضعا وثمانين عاما
بل هي خير من ذلك
خير من ألف شهر...
تستكثر؟
تستعظم؟
فما عند الله أكثر وأعظم وهو الشكور الكريم ﷻ
بالمناسبة العدد لا يشترط أن يفيد التحديد في مثل هذه المواضع من القرآن إنما هو يفيد التكثير برقم يعرفه العرب لكن القيمة أكبر بكثير من الألف
والليلة في أثرها على البشرية وبركتها قد تكون خيرا من آلاف الشهور
طيب.... كيف أبحث عنها وكيف أدركها إدراكا يقينيا؟
الإجابة ببساطة = بلاش تنشين 😊
أحسن في كل الليالي العشر بلا استثناء
بدءا من هذه الليلة على فكرة باعتبار كون الشهر غالبا هذا العام تسعا وعشرين يوما فتظل الليالي المنشودة عشرا وبالتالي تبدأ من الليلة
ليلة العشرين
هكذا قطع ابن حزم فقال في المحلى (إن كان الشهرُ تسعًا وعشرين فأول العشر الأواخر بلا شك ليلة عشرين منه)
ثم ذكر احتمال كونها الليلة المنشودة أصلا!
تخيل!
نعم أقر أن ثمة ليال فرصتها أعلى لكن اعلم أنه لا توجد ليلة من ليالي العشر إلا وورد فيها حديث أو قول معتبر يصلح أن يجعلها الليلة المقصودة
أكثر من عشرين قول اختلف العلماء فيهم حول تحديد ليلة من عشر
فلماذا المخاطرة إذاً ؟
الحل بسيط
وهو ما اختاره النبي ﷺ
عن عَائِشَةَ رضي الله عنها قالت كان النبي صلى الله عليه وسلم إذا دخل الْعَشْرُ شَدَّ مِئْزَرَهُ وَأَحْيَا لَيْلَهُ وَأَيْقَظَ أَهْلَهُ. متفق عليه.
وعنها أيضا أن رسولُ الله صلَّى الله عليه وسلَّمَ كان يُجاوِر في العَشْر الأواخِر من رمضانَ
ها هي واضحة
يجاور في العشر
يجتهد فيها ويحيي ليله
فيها كلها
وماذا أفعل فيها تحديدا؟
يجيبك النبي ﷺ عبر حديثين رئيسين في شأنها
الأول: مَن يَقُمْ ليلةَ القَدْرِ إيمانًا واحتسابًا،غُفِرَ له ما تَقدَّمَ من ذَنبِه.. متفق عليه
والثاني حين أجاب سؤال أم المؤمنين عائشة رضي الله عنها يا رسولَ الله، أرأيتَ إنْ علمتُ أيَّ ليلةٍ ليلةُ القدْر؛ ما أقول فيها؟ قال: قولي: اللَّهُمَّ إنَّك عفُوٌّ تحبُّ العفوَ، فاعفُ عنِّي
يبقى ببساطة مرة أخرى
القيام
والدعاء
هم عشر ليالي = تقومهم كلهم
وما تنساش هديتين عمليتين بخصوص القيام
الأولى
في صحيح مسلم عن عثمان بن عفان رضي الله عنه عن رسول الله صلى الله عليه وسلم هو: من صلى العشاء في جماعة فكأنما قام نصف الليل ومن صلى الصبح في جماعة فكأنما صلى الليل كله
والثانية
قال رسول الله ﷺ "مَنْ قَامَ مَعَ الإِمَامِ حَتَّى يَنْصَرِفَ كُتِبَ لَهُ قِيَامُ لَيْلَةٍ" رواه الترمذي وصححه الألباني
سهلة أهي..
حافظ كل الليالي دي على صلاة القيام خلف إمام حتى ينصرف وحافظ على جماعتي العشاء والصبح
ثم ماذا؟
ماذا بين الصلوات المفروضة وصلاة القيام فردا أو جماعة؟
بين ذلك وأثناءه وبعده عليك بأهم خصيصة لليلة بعد الأجر والثواب
الدعاااااااااء زي ما النبي ﷺ أوصى أمنا عائشة رضي الله في الحديث اللي ذكرناه منذ سطور
اﻟﻠﻬﻢ ﺇﻧﻚ ﻋﻔﻮٌّ ﺗﺤﺐ اﻟﻌﻔﻮَ ﻓﺎﻋﻒُ ﻋﻨي
يبقى نركز على الدعاء المذكور خصوصا ثم الدعاء بمطلقه عموما
ونلاحظ إنه أوصاه قبل الدعاء بثناء
بمناجاة وذكر لصفة من صفات الله واسم من أسمائه الحسنى
العفو
الذي يحب العفو
عشان كدة العلماء قالوا إن الدعاء من العبادات المشروعة في ليلة القدر
باعتبارنا دخلنا بالعشر الأواخر إن شاء الله..
قد تشعر أن الأيام الـ 20 اللي مضوا كانوا سريعين جدا لدرجة أنك يراودك إحساس بعدم إنجاز شيء وبينازعك حديث: رغم أنف امرئ أدرك رمضان ولم يغفر له وأن الزخم المبذول لا يكافئ استعدادك النفسي لرمضان من قبل رمضان..
ولكن في محاولة استدارك الحمد لله،
فالعشر الأواخر فيهم خلاصة الشهر كله يعني لو أدركتها حق إدراكها هتملى الفجوة اللي لا بد من الشعور بها.. اعكف كل الليالي واترك لهو الحديث في النهار وكثف عبادتين بشكل كبير: القرآن والدعاء
إذا اعتبرنا العشر الأواخر فترة نقاهة العائد هيكون عظيم جدا ولو مستغلتش الفترة دي كويس هينتهي الأمر زي رمضان الماضي :).
بنتحسر على كل دقيقة لم تصرف بصورة حسنة
فاستعن بالله وخلي مصحفك وسجادتك على مقربة منك وخلي الدعاء على لسانك دائما.. لأمتك واخوانك المستضعفين أولا ثم نفسك وما تحب ثانيا. ♥️
#حياء_مسلمه
في كل يوم دُعاء...
عَنْ أَبي هُريَرةَ، عن النَّبِيِّ ﷺ قَال:
(تَعَوَّذُوا بِاللَّهِ مِنْ جَهْدِ الْبَلاءِ، وَدَرَكِ الشَّقَاءِ، وَسُوءِ الْقَضَاءِ، وَشَماتَةِ الأَعْدَاءِ)
فكان الرسول ﷺ يستعيذ من كل ما يصيب المرء من شدة ومشقة، ولا طاقة له بتحمله ومن الوصول للشقاء والهلاك ومن كل سوء وحزن وفرحة الأعداء ببلائه.
فاحرص على الدُعاء به فقد كان النبي ﷺ يُكثر من هذا الدعاء، وأمر به..
#عائده_لله
يوم السبت الجاي إن شاء الله هتكون أول ليلة وترية في العشرة الأواخر .. اللهم بلغنا ليلة القدر واياكم 🤲🏻
Читать полностью…
«هذا - عباد الله - شهر رمضان قد انتصف، فمن منكم حاسب فيه نفسه لله وانتصف؟ من منكم قام في هذا الشهر بحقه الذي عرف؟ من منكم عزم قبل غلق أبواب الجنة أن يبني له فيها غرفا من فوقها غرف؟ ألا إن شهركم قد أخذ في النقص، فزيدوا أنتم في العمل، فكأنكم به وقد انصرف. فكل شهر فعسى أن يكون منه خلف. وأما شهر رمضان فمن أين لكم منه خلف»
لطائف المعارف (ص338)
من الأشياء التي انتشرت بكثرة بسبب فقد العلم واتباع الهوى: قصد إخراج زكاة المال في رمضان.
بعضهم أخرها عن وقتها وقد وجبت قبل هذا الوقت، وبعضهم يعجلها ولم تجب بعد ليخرجها في هذا الوقت، وبعضهم يغير في حول الزكاة حتى يوافق هذا الوقت!!!
وهذا كله لعب وهراء.
استقيموا يرحمكم الله، فمثل "لولا اختلاف الأذواق لبارت السلع": "لولا اختلاف الحول لضاع الفقراء".
#كبسولات_فقهية
#الزكاة
.
من أكل أو شرب ناسيا .. فصومه صحيح.!
• قال رسول الله صلى الله عليه وسلم:
من نسي وهو صائم فأكل أو شرب فليتم صومه، فإنما أطعمه الله وسقاه .
البخاري 1933 ومسلم 1155
• قال ابن باز: مبينا صحة صوم من أكل أو شرب ناسيا:
وهذا من تيسير الله ونعمته، والصائم بشر يعرض له النسيان فإذا أكل ناسيا أو شرب ناسيا فإن صومه صحيح، سواء كان فرضا أو نفلا والحمد لله، وعليه أن يتم صومه
الحمد لله الذي أنعم علينا بتبدُّل الأحوال وتقلُّبِ القلوب،
لو ابتلانا بدوام الرخاء لاسترسلنا في الشهوات،
ولو ابتلانا بدوام الشدّة لأحاط بنا العجز واليأس،
بل هو يُقلِّبنا بين القبض والبسط في كل وقت وحين.
الحمد لله أن حظوظنا من الدنيا ناقصة،
أفراحنا على وجل،
وقلوبنا لا تأمن انتكاسات الأيام،
سبحانه يُرَبِّينا بلُطفه.
لولا الرخاء لما رُزِقنا نعمة الشكر على الرخاء،
ولولا الشدائد لما رُزِقنا الافتقار إليه،
الحمد لله القابض الباسط
اللطيف الخبير
الحمد لله بعدد ما تقلَّبت أحوال العباد.
هل يجوز الجمع بين صيام السِّت من شوال وبين صيام القضاء الواجب ؟
كما ورد بفتوى : مركز للأزهر الشريف للفتوى :
الْحَمْدُ لِلهِ، وَالصَّلَاةُ وَالسَّلَامُ عَلَىٰ سَيِّدِنَا وَمولَانَا رَسُولِ اللهِ، وَعَلَىٰ آلِهِ وَصَحْبِهِ وَمَنْ وَالَاهُ. وبعد؛
فصحة الجمع بين نية القضاء الواجب وصوم النافلة من المسائل التي اختلف فيها العلماء،
والأولى ألا يُشغَل يوم الفريضة بصيام غيرها، ثم إذا أتم العبد الفريضة صام ما شاء من النوافل.
وإنما يجوز الجمع بين نيتين لمن نوى صيام سُنَّتَين في يوم واحد، كصيام يوم من ست شوال في يوم الاثنين مثلًا.
#باسم_عليوة
#نصيحتي_اليوم
سمعت شيخ بيقرأ "الْمُلْكُ يَوْمَئِذٍ لله"
تذكرت وقتها لما بمر بموقف أحس فيه بالضعف أو إني مظلوم وممكن حد يجي عليا بسبب سلطته أو قوته؛
فتأملت كيف أن الله سبحانه هو "الملك" الذي له المُلك التام، وإن مفيش حد مهما بلغ من قوة يملك ليا ضر أو نفع إلا بإذنه.
سبحانه مالِكَ المُلك.
#عائده_لله
هل تبدأ المرأة بقضاء رمضان أو بست شوال؟
إذا أرادت الأجر الوارد في حديث : (مَن صام رمضان ثم أتْبعه ستا من شوال كان كصيام الدهر) .. فعليها أن تتم صيام رمضان أولا ثم تتبعه بست من شوال لتنال الأجر المذكور فيه.
أمّا من جهة الجواز فيجوز لها أن تؤخر القضاء بحيث تتمكن منه قبل دخول رمضان التالي.
الإسلام سؤال وجواب
🌿لماذا شرع الله زكاة الفطر؟
بعد صيام ثلاثين يومًا في رمضان، نختم بزكاة الفطر، فما الحكمة في ذلك؟
✍️فرض الله زكاة الفطر على كل مسلم، صغيرًا كان أو كبيرًا، غنيًا أو فقيرًا، وذلك باتفاق المذاهب الأربعة.
- فهي تجبر خلل الصوم.
- طهرة للصائم من اللغو والرفث.
- طعمة للمساكين.
- شكر للمنعم على الصيام.
- حصول الأجر والثواب لمن أداها في وقتها.
- تمام السرور على المسلمين يوم العيد
- وزكاة للبدن الذي أبقاه الله عامًا جديدًا.
🍃 ولأجْل ذلك وجبَت للصَّغيرِ الذي لا صَومَ عليه، والمجنونِ، ومَن عليه قضاءٌ قبل قضائِه.
والقَدْرُ الواجِبُ في زكاةِ الفِطرِ صاعٌ مِن طَعامٍ، وهو مَذهَبُ الجُمهورِ.
🍂 فلا تنس زكاة الفطر، واحتسب بنيتك كل ما فات.
#عائده_لله
*إذا كنت تدعو وتزاحمت في قلبك حوائجك*
*فاجعل كل دعائك أن يعفو الله عنك*
*فإن عفَا عنك*
*أتتك حوائجك من دون مسألة🍃* .
تخيل واحد غني جداً قرر انه يدي لواحد هدية ١٠ مفاتيح ل ١٠ خزن
كل خازنة فيها مليون جنيه ماعدا خازنة واحدة فيها ١٠٠ مليون
فيقوم الشخص ده يقرر انه هياخد مفتاح خازنة واحدة بس ويجرب يفتحها
ممكن يطلع فيها ١٠٠ مليون وممكن مليون بس
تفتكر هتقول ساعتها عليه ايه؟
مجنون اكيد! ما ياخد كل المفاتيح ويفتح كل الخزن واكيد هيطلعله في ال١٠ خزن ال١٠٠ مليون جنيه!
تخيل بقى انت بتعمل كده كل رمضان؟
ولله المثل الأعلى ربنا مدينا في آخر ١٠ ليالي في رمضان ليلة بعبادة اكتر من ٨٣ سنة!
متخيل؟ عمر بحاله في ليلة بس!
الفكرة فيها انها مش معروفة انهي واحده بالظبط فيهم عشان تجتهد في العبادة.
فتيجي انت تجرب في ليلة واحدة بس ويا طلعت ليلة القدر يا مطلعتش هي؟
طب اللي كان بيعمله سيدنا النبي ايه؟
عن عائشة رضي الله عنها قالت (كان رسول الله صلى الله عليه وسلم يجتهد في العشر الآخر ما لا يجتهد في غيره) رواه مسلم (2/832).
فالحاصل إنك لو اجتهدت وقمت وصليت ودعيت في العشر الأواخر فأكيد انت ادركت ليلة القدر.
مصلتش من اول رمضان؟
قصرت شوية؟
مفيش مشكلة رمضان لسه مخلصش
مش يمكن ربنا يعتقك ويعف عنك في الليالي دي؟
اذكركم ونفسي بالاجتهاد في هذه الليالي لعل الله يعف عنا ويعتق رقابنا من النار.
اللهم إنك عفو تحب العفو فاعف عنا
#منقول
قال سفيان الثوري: الدعاء في تلك الليلة أحب إليّ من الصلاة، قال: وإذا كان يقرأ، وهو يدعو، ويرغب إلى الله في الدعاء والمسألة، لعله يوافق الليلة.
ومراده أن كثرة الدعاء أفضل من الصلاة التي لا يكثر فيها الدعاء
وإن قرأ ودعا كان حسنًا
وقد كان النبي صلى الله عليه وسلم يتهجد في ليالي رمضان، ويقرأ قراءة مرتلة: لا يمر بآية فيها رحمة إلا سأل، ولا بآية فيها عذاب إلا تعوذ، فيجمع بين الصلاة، والقراءة، والدعاء، والتفكر، وهذا أفضل الأعمال، وأكملها في ليالي العشر وغيرها...
طيب ينفع أصلي التهجد بهد ما صليت التراويح في مسجد أو لوحدي؟
أيوة ينفع إن شاء الله
وحتى لو صليت الوتر مع الإمام في التراويح
ينفع تصلي كمان بعدها بس لا تصلي وتر مرة أخرى لأنه لا وتران في ليلة
يعني تصلي بس مثنى مثنى
وتدعوه وتناجيه في سجودك ولحظات قربك منه وأقرب ما يكون العبد من ربه وهو ساجد
وتتلو كلامه الذي به شرف هذه الليلة
نعم.... هذه هي الحقيقة التي ربما يغفل عنها البعض
شرف هذه الليلة بل شرف الشهر كله بسبب القرآن
"شهر رمضان الذي أنزل فيه القرآن"
"إنا أنزلناه في ليلة القدر"
"إنا أنزلناه في ليلة مباركة"
المشترك = الإنزال
إنزال القرآن
يبقى من الأعمال المهمة أيضا في هذه الليلة أن يكون لك حظ من القرآن تلاوة
سماع
تدبر
عمل
الاحتفاء بهذه الليلة = احتفاء بالقرآن
فأين احتفاؤك به؟
يبقى قيام وقرآن ودعاء
بس كدة؟
مافيش أعمال تانية؟
طبعا فيه
الليلة دي كما ذهب فريق من أهل العلم = ليلة مضاعفة استثنائية
خير من ألف شهر زي ما قلنا
ليلة يتجلى فيها معنى اسم الله الشكور وعطائه الجزيل لعباده
فقالوا أن أي عمل صالح يرجى مضاعفته في تلك الليلة
بر والدين
صدقة وإنفاق
ذكر وتبتل
صلة رحم
سعي في حاجة أخيك ومنفعة الناس
وعفو وتصافح وتصفية قلب
وتلك الأخيرة بالذات لها قيمة مخصوصة ليلة القدر
اطلع كدة كم سطر وتأمل أول حديث ذكرته لك
شوف لفظ "فتلاحى فلان وفلان"
تنازع
تخاصم
شجار وقع بين اثنين من الصحابة رضي الله عنهم
قيل هما كعب بن مالك وعبد الله بن أبي حدرد
فرُفعت!
يا إلهي...
أي مخاطرة تلك التي يخاطرها المشاحنون وقاطعو الأرحام في تلك الليلة
رسول الله ﷺ بين خير من مشى على الأرض بعد الأنبياء ويقول رُفعت
قيل رفع العلم بموعدها
وقيل رفع فضلها ذلك العام
أي شؤم للتدابر والتباغض والتشاحن أكثر من هذا
يبقى نقدر نقول إن من الأعمال الجميلة في تلك الليالي أو الاستعداد لها = السلام
هي ليلة سلام
السلام من خصائصها
ومن مقاصدها
التصافح والتغافر
والعفو
"ألا تحبون أن يغفر الله لكم"
ثم الاعتكاف اللي الحمد لله هذا العام في مساجد كثيرة
طيب ما هو انا مش هأقدر أعتكف اعتكاف كامل عشان ظروف شغلي
ينفع اعتكف جزئيا؟!
ظاهر الأحاديث أنه ينفع
صحيح العكوف الكامل في المسجد الذي أشبهه كل عام بغرفة العناية المركزة
لكن نصوص أغلب الأحاديث مطلقة وفيها فضل عام للمكث في المساجد
ألا تعتقد أن موعد دخول القلب إلى تلك الخلوة الإيمانية قد حان؟
القلب الذى عانى طويلا من أمراض متتابعة تضعفه و تكسوه بطبقة سميكة من الران الذى يحجب عنه نور الوحى = لابد له من وقفة
إن الإيمان ليبلى فى هذا القلب كما أخبرنا نبينا صلى الله عليه و سلم ويحتاج منا إلى أن نتعهده بالرعاية و العناية
الانقطاع عن العوائق و العلائق و التفرغ للقلب
الاعتكاف من أهم فوائده ومقاصده وضع القلب تحت وسائل الإنعاش وأن يتصل بممدات الحياة من قرآن ذكر و قيام وانقطاع عن الغفلات والملهيات
أن يعكف القلب قبل البدن لمدة عشرة أيام بعيدا عن منابع الشهوات ومهاوى الفتن
عندئذ يتلذذ القلب باتصاله بوسائل إنعاشه وأجهزة استشفائه
وأخيرا سأختم لك بنصيحة أظن أنها قد تشكل فارقا محوريا في هذه الليالي بالذات
إذا استشعرت تأخرا فى الفتوحات الإيمانية أو افتقدت التقلب فى خاشع الدمعات بينما تجد إلى جوارك من يكادون يذوبون تأثرا و خشية ويسمون فى معالى الخشوع و التلذذ بالعبادة
فالحقيقة أن هذا قد يكون اختبارا تحتاج لأن تفهمه وتدرك أبعاده
يا عزيزي ليس شرطا أن تكون هذه علامة قسوة قلب أو دليلا على احتجاب القبول أو انعدام رضا الرب ﷻ
إن الاختبار قد يكون ها هنا للصدق و ليجيب الإنسان سؤالا حرجا عن أولويات نياته و ترتيب مقاصده
هل أعبده لأرضى أم ليرضى
هل أتهجد فقط لأتلذذ و أستمتع أم أقنت من الليل ساجدا و قائما حذرا من عذاب الآخرة و رجاء رحمة ربه
إن التلذذ و الاستمتاع بالعبادة و البكاء من خشية الله و مشاعر السمو و أحاسيس العلو فى سماوات التذلل و التقلب فى درجات الخشوع و الإخبات هى بلا شك من فتوحات العبودية و بركات القنوت و فيوضات الركوع و السجود
لكن النية الأعظم و المقصد الأسمى للعبادة و العمل الصالح هو إرضاؤه
أن يرضى و يغفر هذا هو الفوز سواءا جاء الاستمتاع و حضرت اللذة أو تأخرت
أن هنا لترضيه
لتعبده وتلتمس عفوه
والمهم أن تبقى على الباب
ألا تكل أو تمل حتى إذا استبطأت حضور تلك المشاعر
ليلة القدر ليست كـ ١٠٠٠ شهر ❌
ليلة القدر خيـر من ١٠٠٠ شهر ☑️
والله يضاعف لمن يشاء 🤍
تذكروني بدعوة صالحه ولكم بالمثل 🤲🏻
بشرى عظيمة .. لمن لازم تلاوة القرآن في المسجد.!
ثواب آية واحدة فقط تُقرأ في المسجد أعظم عند الله = خير من ناقة عظيمة ثمينة.!
وختم القرآن كاملا في المسجد = خير من ملك ملك ٦٠٠٠ ناقة عظيمة ثمينة.
• عَنْ عُقْبَةَ بْنِ عَامِرٍ رضي الله عنه، قَالَ:
خَرَجَ رَسُولُ اللهِ ﷺ وَنَحْنُ فِي الصُّفَّةِ، فَقَالَ:
أَيُّكُمْ يُحِبُّ أَنْ يَغْدُوَ كُلَّ يَوْمٍ إِلَى بُطْحَانَ، أَوْ إِلَى الْعَقِيقِ، فَيَأْتِيَ مِنْهُ بِنَاقَتَيْنِ كَوْمَاوَيْنِ فِي غَيْرِ إِثْمٍ، وَلَا قَطْعِ رَحِمٍ؟
فَقُلْنَا: يَا رَسُولَ اللهِ! نُحِبُّ ذَلِكَ قَالَ:
أَفَلَا يَغْدُو أَحَدُكُمْ إِلَى الْمَسْجِدِ فَيَعْلَمُ، أَوْ يَقْرَأُ آيَتَيْنِ مِنْ كِتَابِ اللهِ عَزَّ وَجَلَّ؛ خَيْرٌ لَهُ مِنْ نَاقَتَيْن وَثَلَاثٌ؛ خَيْرٌ لَهُ مِنْ ثَلَاثٍ وَأَرْبَعٌ؛ خَيْرٌ لَهُ مِنْ أَرْبَع وَمِنْ أَعْدَادِهِنَّ مِنَ الْإِبِل.
مسلم.
• تخيل عندما تختم تلاوة كتاب الله كاملا الذي يزيد عدد آياته على ٦٠٠٠ آية أنك نِلت من الثواب ما هو خير وأعظم عند الله من مِلك ل ٦٠٠٠ من الإبل الكوماء (يعني السمينة عظيمة السنام) وهي من أغلى وأنفس إبل العرب
فلتحزص على أن تختم كتاب الله في المسجد ولو مرة أو بعض مرة لتنال هذا الثواب العظيم
#حياء_مسلمه
شدوا المآزر واتركوا الأشعارا
في شهركم لتخففوا الأوزارا
ولتسلكوا درب النبي وآله
فبهم منار هدى الحياة أنارا
ولتغنموا في العشر كلّ فضيلةٍ
واستبشروا بثوابها استبشارا
ولتتركوا أهل الضلالة إنهم
قومٌ غووا واستكبروا استكبارا
🌙 #دعوة_صائم 💥
💥" لا تنسوا إخوانكم المستضعفين في غزّة والسودان وكل مكان من الدُّعاء .. رَحِم الله شهدائهم وثبت أقدامهم وانتصر لهم" 🔊
#أبواب_السماء
#فطارك_عندنا
#عائده_لله
-بقولك يا اتش، زكاة الفطر بتطلع إزاي؟
=بتطلع صاع من الطعام (رز، تمر، زبيب، فول، عدس، لوبيا.. إلخ)
-يعني إيه صاع؟
=يعني أربع مدود
-فهمت أنا كده 😁
=يعني تملى كف إيديك الاتنين من الطعام وتوزنهم، وتعمل كده 4 مرات. هو ده الصاع
=وأنا هقعد أعمل كده وأوزن؟
- طيب خلاص، هى تقريبا 3 كيلو إلا ربع عن كل فرد (هو الحقيقة الصاع بيختلف بين كل طعام والتاني حسب كثافته) بس قول 3 كيلو وخليك في الأضمن والأحوط.
-طيب ينفع أطلع كيلو رز وكيلو عدس وكيلو تمر؟
=لأ- مينفعش تقسم ال 3 كيلو على أكتر من صنف، طلع ال 3 كيلو من صنف واحد
=طيب ينفع أطلع أكتر من 3 كيلو؟
-آه ينفع، وكل متزود في الدنيا، ربنا يزودلك في الدنيا والآخرة.
=طيب ينفع أطلعها فلوس؟
-آه ينفع، بس الطعام أولى، لأن من أخرجها طعاما أجزأت عنه بإجماع العلماء من غير خلاف. ولأنه فعل النبي صلى الله عليه وسلم بلا خلاف.
=معنى كلامك إن الموضوع خلافي والأفضل أطلعها طعام بس ممكن أطلعها فلوس،صح؟
-آه الموضوع خلافي والأفضل تطلعها طعام. وممكن تطلعها فلوس لو ده فيه مصلحة للفقير، وده مذهب الإمام أبي حنيفة.
=طيب أنهي الأحسن، فلوس ولا طعام؟
-ممكن تسأل الفقير، تقوله تاخدها فلوس ولا طعام، وممكن نقول بردو على حسب حالة الفقير، يعني لو دخلت بيته وملقتش عنده أكل، ممكن تديهاله طعام، ولو دخلت البيت ولقيت ناس كتير مثلا جايباله رز، يبقى طلعها فلوس، ولو لقيته مثلا محتاج فلوس لعلاج أو لأي حاجة، يبقا اديهاله فلوس، ويا سلام لو تديهاله أكل وتتصدق كمان بفلوس لو تقدر، وتوسع عليه كده ^ ^
-طيب لو مش هعرف أوصل للفقير؟
= يبقى تدي الفلوس لشخص أمين بيجمعلها، أو لجامع انت بتثق في القائمين عليه.
-طيب لو هطلعها فلوس هحسبها إزاي؟
= لو هتطلع رز مثلا، يبقا تشوف تمن كيلو الرز كام وتضرب في 3، لو تمر، يبقا تشوف تمن كيلو التمر كام وتضرب في 3
-طيب انت بتطلعها إيه؟
=أنا بطلعها حبوب.
-طيب ينفع أطلعها أكل مطبوخ؟
=لأ
-طيب ينفع أطلعها لبناء مسجد أو مستشفى أو أي صدقة جارية أو هدوم؟
=لأ
-طيب أطلعها عن ولادي الصغيرين اللي لسه مصاموش؟
=آه طلعها
-طب الواد اللي لسه في بطن المدام؟ 😁
=لأ متطلعلوش ده 😁 (مش واجب، بس سيدنا عثمان بن عفان قال تطلعله على الاستحباب)
-طيب ينفع أطلعها عن أهلي (عن أبويا وأمي وإخواتي)؟
=آه ينفع، بس لازم تقولهم إنك هتطلعها عنهم، لأن دي عبادة، والعبادة لازم يكون مصاحبها نية من اللي هيعملها. فلازم تقولهم عشان ياخدوا نية.
-طيب ينفع أطلعها وأديها لأبويا وأمي لأنهم فقراء؟
=لأ مينفعش، لأنه واجب عليك تصرف عليهم
-طيب ينفع أديها لإخواتي أو لحد فقير من قرايبي؟
=آه ينفع طالما هما فقراء
-طيب لو متخانق مع مراتي، أطلعلها بردو؟
=آه 😁 لأنه واجب عليك بردو تصرف عليها. انت غريب أوي 😁
-طب أطلعها لجدي الله يرحمه؟
=لأ يعم ده مات خلاص 😁
-طيب ينفع أطلعها عن القطة اللي بربيها في بيتي؟
=لأ مش بتطلع عن الحيوانات
-طيب لو واحدة ست ومصامتش رمضان خالص عشان كانت حامل أو بترضع، تطلع؟
=آه
-طيب ابن خالتي عايش في أمريكا، يطلعها في مصر ولا في أمريكا؟
=يطلعها في أمريكا.. يحسب قيمة الصاع في أمريكا بكام. وممكن يطلعها في بلد شديد الفقر مفيش مشكلة
-طيب لو مش عارف يوصل لمسلمين فقراء في أمريكا؟
=يبقى يطلعها في مصر أو في بلد بيشتد فيه الفقر
-طيب هى بتطلع امتى؟
=الأفضل قبل العيد بيوم أو اتنين وفي قول بأنها ممكن تطلع من أول رمضان.
-طيب آخر ميعاد ليها امتى؟
=مغرب يوم العيد
-إيه ده ! يعني مش لحد قبل صلاة العيد؟
=آخر ميعاد ليها مغرب يوم العيد، هو صحيح وقت كراهة، بس ينفع تطلعها
-طب افرض طلعتها بعد المغرب؟
=هتبقى صدقة مش زكاة
-افرض غصب عني طيب أخرت؟
=غصب عنك إزاي؟
-يعني اتفاجئت إن بكرة العيد
=اتفاجئت ازاى يعني؟ 😁
-يعني نمت بالليل وراحت عليا نومة وصحيت بعد المغرب
=ساعتها هتبقا معذور، وينفع تطلعها بعد المغرب، كمان لو اعتمدت على حد يطلعهالك وهو مطلعهاش، انت ساعتها معذور، وينفع تطلعها بعد ميعادها
-طيب معلش آخر سؤال
=ارحمني 😁
-ايه الأحسن، أطلعها أكل ولا فلوس؟
.
بوست كل سنة وكل سنة وانتوا طيبين 😁
#Hisham_Hafez
.. ||
▪️ تأملت حالةً عجيبةً، وهي أن المؤمن تنزل به النازلة، فيدعو، ويبالغ، فلا يرى أثرًا للإجابة، فإذا قارب اليأس، نظر حينئذ إلى قلبه، فإن كان راضيًا بالأقدار، غير قنوط من فضل الله -عز وجل- فالغالب تعجيل الإجابة حينئذ؛ لأن هناك يصلح الإيمان، ويهزم الشيطان، وهناك، تبين مقادير الرجال. وقد أشير إلى هذا في قوله تعالى: {حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ} .
▪️وكذلك جرى ليعقوب عليه السلام؛ فإنه لما فقد ولدًا، وطال الأمر عليه، لم ييأس من الفرج، فأخذ ولده الآخر، ولم ينقطع أمله من فضل ربه: {أَنْ يَأْتِيَنِي بِهِمْ جَمِيعاً} . وكذلك قال زكريّا عليه السلام: {وَلَمْ أَكُنْ بِدُعَائِكَ رَبِّ شَقِيًّا} .
▪️ فإياك أن تستطيل مدة الإجابة، وكن ناظرًا إلى أنه المالك، وإلى أنه الحكيم في التدبير، والعالم بالمصالح، وإلى أنه يريد اختبارك، ليبلو أسرارك، وإلى أنه يريد أن يرى تضرعك، وإلى أنه يريد أن يأجرك بصبرك ... إلى غير ذلك، وإلى أنه يبتليك بالتأخير، لتحارب وسوسة إبليس، وكل واحدة من هذه الأشياء تقوي الظن في فضله، وتوجب الشكر له، إذ أهلك بالبلاء للالتفات إلى سؤاله، وفقر المضطر إلى اللجإ إليه غنًى كله.
-"صيد الخاطر / ابن الجوزي "
كيف تصفو لنا العبادة فى رمضان !
"الشيخ وجدان العلي".