834
Haitham Al-Lami
رقيه عليها السلام
راس ابوي اگبالي جابوه ابطشت
نحره دافي وبحضن نحره متت
...................
من بعد ايـــــــــام مرت علــــسبي وعلــفرگه
راس ابوي الغالي اجاني وانه موش امصدگه
أذني راويته وگلتـــــــله امتوني صارت زرگه
بويه مو بس الــــــعبايه روحي هم محترگه
والدي الـمن بعده حيل اتعذبت
نحره دافي وبحضن نحره متت
...................
ابـموضع السجده يَـبويه شفت اثر هد حيلي
بـنص جبهتك حفره اشاهد عن سببها احچيلي
بويه أثر لحجاره هايه هيچ احس تحليلي
وي دم جبهت حبيبي يا مدامع سيلي
لَـسّـه ينزف جرحه لمن شاهدت
نحره دافي وبحضن نحره متت
...................
بويه شيباتك بديه چنت امشط بيها
شيبه نورانيه لكن انته الـمحليها
لحيه بيضه اذكرها چانت چن گلب راعيها
امخضبه ومدميه هسه والترب غاطيها
من عذابي ومن هضم ما عاينت
نحره دافي وبحضن نحره متت
...................
امفطره اشفافك يبويه امن العطش ذبلانه
امبين اعليك ابذبحتك مهجتك عطشانه
زرگه چن امتوني شفتك ليش اسئلك آنه
يمكن ابسوطه عدوك صابك ابـديوانه
علــشفاهِ الذابلاتِ اتـألمت
نحره دافي وبحضن نحره متت
..................
بويه شو كل الملامح مو الك يلـغالي
امترب الخدين اشوفك شنهي اول تالي
امسومر امن الشمس خدك وسفه اشوفه اگبالي
امسلهمه اعيونك لچنها بالدموع اتلالي
والدي اعله اعيونه حين السلمت
نحره دافي وبحضن نحره متت
...................
راس ابوي احسين شلته وعاينيت لـنحره
وصرت احس الموت اجاني وگلبي ودع صبره
شافت اعيوني ابوريده اثنعش طبره وطبره
وحلفيته اوياه اروحن بالزچيه الزهره
بالزچيه الزهره حين اتوسلت
نحره دافي وبحضن نحره متت
...................
سيد علي عبدالزهره الناجيЧитать полностью…
وين كضيت العمر وين كافي امن الهجر وين جا يمته تمر
يابو صالح
****
يابو صالح نار هجرك ما يطفيها البحر
ما شفت انسان مثلك عايش وهالكد صبر
اسال ويالمهدي عنك دورت ماكو اثر
صوره الك بالبيت عدنه احله من كل الصور
بيك روحي اتعلكت بيك جم شده كضت بيك كتله امن الجمر
يابو صالح
*
عيني للسرداب ودعي بلكت احضي بشوفتك
غيبتك يالمهدي طالت يمته تنشر رايتك
انه مو يعكوب كلبي وانته يوسف فركتك
عمت من البجي عيوني امنيتي اشمن ريحتك
غاب شمعة دنيتي غاب وتصب دمعتي غاب عن عيني البدر
يابو صالح
**
انقذ العالم يمهدي بعينك تشوف الظلم
البعض بوجودك تشكك والكلب شابع هظم
والفساد انتشر تدري وهتكوا شهور الحرم
يابو صالح هذا يومك ليش منك ننحرم
شوف ترويع وقتل شوف ذبحو جم طفل شوف آثار الذعر
يابو صالح
****
ارفع جفوفي ونادي العجل مولاي العجل
جارت الدنيه علينه وغير جيتك ماكو حل
شيب امن الغيبه راسك وجفنك امن الون ذبل
ازرع بروحي الاماني ووكف ابابك خجل
هاي مرت جم سنه هاي ما شفت الهنه هاي لوحه امن الصبر
يابو صالح
***
يابو صالح نستجيرك سيدي من هالفتن
اقتربت الساعه ونريدك ترجع الهذا الوطن
سيدي بسامره باجر توكف وتخطب علن
والامان يعود لينه بطعلتك يبن الحسن
ذاب كلبك سيدي ذاب وامنين ابتدي ذاب من كثر الصبر
يابو صالح
****
عايش بديره غريبه وتنزف جروحك الم
انته كل مغرب تنادي ليش حركوها الخيم
اتصيح ليش الطفل ضامي وحرمله صابه بسهم
وجدك بذيج الصحاري ولا ضلع منه سلم
ليش جدك ينذبح ليش راسه اعله الرمح ليش ضهرك ينكسر
يابو صالح
*
تمت
تحسين الخفاجي
طول الزمــن ٠٠ اعلوم الحسن
بين البشـــــر يتســولفــــن
هذا كريم اهل البيت ٠٠ وسيد شباب الجنه
ــــــــــــــــــــــــــــــــــــــــــــــ
يخلص حچيــنه وماتكـفي احروفـه
وجه الــكرم لو هذا وجـهه انـشوفـه
مدري اشكتب ربنه الحسن بچفوفه
بيده انرسم ٠٠ خير ونِعَــم
ظنوة عــلي بحــر الكرم
هذا چبير الكرار ٠٠ بصيته الحلو اتشيمنه
ــــــــــــــــــــــــــــــــــــــــــــــ
اهل السوالف بالحچي محتاره
ابياصيغه تنـقل للخلـگ اخباره
وشلون توصل يم كهف اسراره
ابن الهله ٠٠ والبسمله
اهل العبه نعرف هله
والمرحبه ابين اشفاه ٠٠ البيها سمع يتهنه
ــــــــــــــــــــــــــــــــــــــــــــــ
للـــضيــف تخـفـگ عاليه راياتـــه
الخطاره مملوحه تجي احچاياته
مفتوح بابه بكــــل وكت محلاته
عن موگده ٠٠ تحچي العده
ناره توج للــــــــــي بده
وادلاله سود امن النار ٠٠ ومن الجمر تتحنه
ــــــــــــــــــــــــــــــــــــــــــــــ
الزاره ايتعجب من فزعته وملگـــاه
وجهه بوجه خطاره يضحك محلاه
والمـــرحبه ماتــفـــتـرگ دوم اويـاه
امضيفه گصب ٠٠ وچـنه ذهـب
هذا الحسن شيخ العرب
يتشكل الضيفه اشكال ٠٠ ويبقه ايتشكر منه
ــــــــــــــــــــــــــــــــــــــــــــــ
ريحة گهوته چانت ترد الروح
بالهيل چانت دلّته بيده تفوح
ويتعافى كلمن للحسن چان يروح
بدلته الدوه ٠٠ المنها ارتوه
يتشافى ويشم الهوه
وتتلايم جروحه بساع ٠٠ كلمن أكل من صحنه
ــــــــــــــــــــــــــــــــــــــــــــــ
ازغير الكرم لاچن كبر وي عمره
يفرش سمه ماچنه فارش سفره
مبروكه بسم الله وعلي والـــزهره
بي فد صفه ٠٠ زاده شفه
سولفو اهل المعرفه
يتهنه من طب الدار ٠٠ ويبقه يسولف عنه
ــــــــــــــــــــــــــــــــــــــــــــــ
اهل الكرم مٍـتعـجبـــــه بشخصيته
ومحد وصل حد خيره واعزوبيته
حتى الوحـــي يــتهنه چــان ابيته
شلون القلم ٠٠ يوصف علم
شيوصفه موج الكرم
كل نيته چانت لله ٠٠ صافي الگلب والمعنه
ــــــــــــــــــــــــــــــــــــــــــــــ
حيدر بشار الدراجي
للاربعين
رحت عنك واجيتك حسره ودمع بچيتك
عله الشط ما لگيتك
يالطولك نهر .. وينك يعباس
مكسورة ظهر .. وينك يعباس
****
عله الناگه خلص خويه حچي عيوني
اجيتك يالگمر وسمع حچي متوني
درب السبي اخ السبي .. يضربني كل ساعه اجنبي
خلف الله متني بهل عبي .. سترته
كل ما صحت يا كافلي .. خويه الشمر يتعنه الي
عالشط يگلي بت علي .. ذبحته
يتنومس بعثرتي .. كل ما نظر دمعتي
ماكو بچي اسكتي
صحت امن القهر .. وينك يعباس
مكسورة ظهر .. وينك يعباس
****
طحت انته يخويه وحرگو اخيامي
وجمرات الخيم مطبوعه بجدامي
خيل وزلم يا بالفضل .. منا حرگ منا هزل
اركض ولم ابيا طفل .. بواچي
اصعبها لرقيه اركضت .. مجروحه للشط تلتفت
گالتلي ياعمه انبگت .. تراچي
السلبها هم سلبني بچعب الرمح ضربني
ظل يضحك ويسبني
جدم اختك عثر .. وينك يعباس
مكسورة ظهر .. وينك يعباس
****
الشمس ما يوم لاحت يالگمر طولي
الما يسوون گامو هسه يصبولي
ماكو بعد ام الخدر .. مسبيه يندهلي الشمر
ايعت الحبل بيه ويجر .. جريمه
بگد غيرتك صار الحزن .. للكوفه ودونه ونون
النه بعد محد يحن .. هضيمه
ذباحك السباني .. بعازة چفوفك اني
ظليت الك اتاني
ما منك اثر .. وينك يعباس
مكسورة ظهر .. وينك يعباس
****
الوحي يستاذنك لو بابي دگه ايريد
يوگفني اعله بابه شلون تالي ايزيد
هل وگفه خويه مؤلمه ما لاگت البت فاطمه
حطنه بخرابه وبس سمه .. غطاها
انا الچنت لمدلله .. بچفي ورگبتي سلسله
موتي صرت اتوسله .. وراها
اشسوه بعدها بيه .. لم الخلگ عليه
وگالالي خارجيه
ردتك يالگمر .. وينك يعباس
مكسورة ظهر .. وينك يعباس
****
وي روحك عسنها ما بقت روحي
اموتن بس ارد اصحه عله جروحي
لا عدله انا ولا متت .. اتلاگه وياك احسبت
الديرة هلي اتردني ردت .. يغالي
وحدي ارد بهل ضعن .. وجروحي ما يتلاحمن
احمر دمع خويه الزمن .. بچالي
يل ملتقانه حسره .. لسه النهر انظره
لا طول الله عمره
معمية بصر .. وينك يعباس
مكسورة ظهر .. وينك يعباس
****
الشاعر اياد الديراوي
خويَه وَينك .. وَحشَه مااﮔدَر أنَام
خويَه وَينك .. تارِس عيوني الظلَام
اِلـﮔمَر ماحِس ابوجُودَه
اوّين ارُوح الدنيه سُوده
وانطفَـت حتّه الخيَام
خويَه وَينك .. تارِس عيوني الظلَام
***
خويه رَغم اخيَامي جَمره وخِدري اصبَح كالهَشيم
النَار ردّت عنـّـي وَحشه وضَوّت الكون الإلِيم
وابضِوَاها ﭼنت ارَاقِـب اهنا يتيمَه اهنا يتيم
اهنا صِبع مـﮔطـُوع اشِيلَه اهنا عَـبايه اهنا حَريم
واليتـَـامه .. ﭼنها اسرَاب الحمَـام
خويَه وَينك .. وَحشَه مااﮔـدَر أنَام
***
خويه لِيله ومِـن ثِـﮔـلهَا تنحِني السَـبع الشِدَاد
ليله مو مثل الليَالي انصبغَت بلـُون السَـواد
لو عمـر عِشرين عـندي يمكِـن اتحَمّـلها عَاد
شلون يَبن الزهرَه وآنه عمري عالخَمسين زَاد
والهضِيمه .. اعليّه مَمنوع الكَلام
خويَه وَينك .. وَحشه مااﮔدَر أنام
***
خطوَة اجدَامِي مَتاهَه وايـدِي تتوَﭼّـه ابعَذاب
ﭼفـُوفي جَمرَه امتُوني نار ورَاسي غطّاه التِراب
مِثلي لِـيلـه ومثلي سِكنه ومِثلي مَهمومه الربَاب
احتَارَن ابفـﮔد الغَوالي وتالِـي حَارَن بالحِجاب
والنتِـيجه .. اقرَينه عالخِدر السَلام
خويَه وَينك .. وَحشَـه مااﮔدَر أنام
***
اسمَعـِت من ابعِيد وَنـّـه اتذوّب اﮔلـُـوب الحَديد
ونـَبرَة الصوت اعرَفِـتها وخلّت احـزاني تِـزيد
بويه مَحرُوﮔـات اديـّـه وَينك احضَر يالعِجيد
هَـايه اثارِيهَـه رُقيـّه اتنـَـادي والِدها البعِـيد
اهتَز كيَاني .. وﮔلبي مِن اضلُوعي هَام
خويَه وَينك .. وَحشَـه مااﮔدَر أنام
***
خويـَه وَينـك ماتجيني وتـﮔطَـع اصوَات النيَـاح
ارد احِط راسي اعلى صَدرك واشعر اتطِيب الجِراح
وَلـَو يابو اسكِينه ادري بِـينه ناعِي الفرﮔـه صَاح
وادري ميعـُود التِهَـشـّم وابد مَـاايرِد الّي راح
وعالليالي .. بعـَد ماينفـَع مَلام
خويَه وَينك .. وَحشَـه مااﮔدَر أنام
---------------------------------
لقمان لعيبي البدران
نزله.......... (((وستوديو)))
بخطــوة الزايـر. هلا.
بصـرخه صاحت كربله
هلا. بالمشايه. هلا بالمشايه
___
نمشي خطوات. مسافات. نون المصيبتك
شنهو حر صيف. يمــولاي. نروح الكـبـتك
شفــنه انواع المشولك شايب يكـوده لولد
مكَـٍرم وجاي الضريحك زحف جاي ولاكعد
الله سير كلش الـــجلك ياحـسين ع الوعد
أحنه شيعه وأنتـه حبنــه مانعـــوفك الأبد
طلعـت آلااف الألوف
رايه شالو بالجـفوف
عايف البـــيت وهــله بصرخه صاحـت كربله
___
طلعت الناس. ملايــــين تلاكي أم الخـدر
رجعت بروس للطـفوف. يويلي من اليسر
رجعت بدمـعه عذرها الدمعه بيها تلاالي
وعايفه بديره غربها.رقيـــه بنــت الغالي
تكله لا تنـشد يخـويه ماتطــمن أحـوالي
نكصد بدمعه حزنه نواسـي أخت الوالي
رجعت الأرض الطفوف
تسعه يم كبره وتـطوف
رقيــه مـــو بالــــقافله. بصرخه صــاحت كربله
___
خادم يـصيح. يـــــزوار. علي وياكم علي
فدوه مشـاي يله وياي مبـيتك يم هلي
فـدوه يازاير تمـرنــه الجلك أفرش عينـي
والله اغـطيك برمــشها يل تـزور حسـيني
من اخدمك ها يزاير خـدمه تسوى سنيني
خاف أقــصر أنه بــيــها ماأكــمل دينـــي
الخدمه أحله من العمر
الخـادم يــنادي بـعــذر
الخادم بصـيتك عـــله. بصرخه صاحـت كربله
___
سفرت حسين حتى. الطير. شبع منها وقنع
كل سنه تزود للمعشوك يعشـكي الماكطع
سفرت وحده بهل مواكب تنمد بطول الدرب
زايد الخير وننافـس خلهـا تــسمع الغــــرب
العالم يحير بفعلنه عدنه سهـله وموصــعب
فـــدوه ياالزاير تـــمرنه أفــرح أنه من تطب
الزاير بكل خطوه حــــج
المهـــدي ندعيله بـــفرج
بالفـــــرج ندعـــي إله بصرخه صاحـت كربله
___
الشاعر الحسيني
مرتضى مكطوف الموالي
مقطع صوتي من mlahythmallamy
Читать полностью…
هذا اللفاني ابنومتي امنين
ياعمه زينب هذا الحسين
ويگلي بهداي. يله امشي وياي
.............
ياعمه تدرين التعب هدملي حيلي
ونساني همي والهظم شنهوه ليلي
كلما اريد اغفه الفرس تلچم دليلي
اتذكر اتدوس الابو واصرخ يويلي
وذبحة ابوي امگابله العين
ياعمه زينب هذا الحسين
واتكثر ابچاي يله امشي وياي
................
ياعمه حافر للهضم مكسور بيه
وخنجر يحز ابمنحري للغاضريه
يم عون شوغات شكثر شافت رقيه
يعصرني شوگ الوالدي كل مغربيه
وابداخلي ليه اسمع اونين
ياعمه زينب هذا الحسين
وياذيني الماي يله امشي وياي
...................
اليله روحي محيره وشنه التريده
شفت الحسين ابنومتي ونمت على ايده
وگتله زمانك يالابو ليه اشيعيده
شيرده يابتي الذي گطعو وريده
جسمه انسحگ واخوانه ميتين
ياعمه زينب هذا الحسين
وامطشره احشاي. يله امشي وياي
...............
كتله من بعد الخدر نمشي بهزيله
حسين ترضه ابنيتك تصبح ذليله
بويه يا حال اليتم يكتلني ليله
عمه حچيي الوالدي ايمرد دليله
وحسين ليه يدمع العين
ياعمه زينب هذا الحسين
وخله ايده الي افياي يله امشي وياي
...............
عاتبيته وسولفت كل المحاجي
وشفت عودي عمه كثر بالبواجي
يارقيه ايگلي چاوين التراچي
گتله بويه ابومتكم يهلي الزواچي
جرهه ويگلي لاتصيحين
ياعمه زينب هذا الحسين
وما عندي حماي يله امشي وياي
.................
العين ياعمه احس غمض جفنهه
اوداعة الله وهاي امانه اتوصلنهه
للعيله ابحالتي امن اتخبرنهه
اختج الماضن حزن يشبه حزنهه
ودي سلامي من تردين
ياعمه زينب هذا الحسين
خل تبجي بهداي يله امشي وياي
خادم اهل البيت علي الزرگاني
(السيده رقيه ع)
اصيح ... جيبولي الراس الحظني
اصيح ... فراگ الغالي متعبني
اجه الراس بطشت// بعد ما صيحت
≈≈≈≈≈≈≈≈≈≈≈
التقينه من بعد فتره طويله
واخيرآ راح اسولف واشتكيله
من حظنته راحت همومي الثگيله
وعتذرلي ماگدر يفتح شليله
بحزن ... ظميته الصدري ابقوه
بحزن ...بس ملگا چن مو هوه
على نحره نمت//بعد ما صيحت
≈≈≈≈≈≈≈≈≈≈≈
قدمولي بطشت شي بس ماعرفته
انه حسبالي اكل جابو رفظته
مااريدآ اكل راسه انه الطلبته
وصله فوگه وخرتها بعيني شفته
عجيب ... راس امغيرين اوصافه
عجيب ... من الطگ ماهنه اشفافه
بعد كلشي شفت//بعد ما صيحت
≈≈≈≈≈≈≈≈≈≈≈
گبل عيني بويه گلبي الشافك
حيل متغيره يبويه اوصافك
واخيرآ هل رمح قرر وعافك
الخيزرانه مارده بويه شفافك
شفت ...الراس ابعصه يطگونه
شفت ... امچان التربه يكسرونه
خفت كلش خفت// بعد ما صيحت
≈≈≈≈≈≈≈≈≈≈≈
ليش هيجي سنونك انته مكسريهن
عيونك الحلوه الاحبهن رمل بيهن
شفافك البيهن بستني مذبليهن
مفطرات ودم يبس بويه عليهن
يبوي... وظعك كلش اذاني
يبوي... بس هل كلمه يصيح الساني
وي راسك سولفت // بعد ما صيحت
≈≈≈≈≈≈≈≈≈≈≈
مااسولف انته بعيونك شفتنه
چنت شاهد عل شمر لمن يعتنه
بس جسد امشي وغلاتك من عفتنه
انته ماميت عدل وحنه الي متنه
سبي ... وراسك جان ايبارينه
سبي ... ماعافانه ايفيي علينه
الك شكرآ گلت// بعد ما صيحت
≈≈≈≈≈≈≈≈≈≈≈
يلمحلي كلشي عالي وشحلاتك
يلا انزل حان موعدها صلاتك
البقه براسك رمح موش ابحياتك
وهوه من الهز وصل بويه اللهاتك
رمح ... يهتز فاطرلك راسك
رمح ... نابت ومظيع انفاسك
شكثر بويه متت// بعد ما صيحت
≈≈≈≈≈≈≈≈≈≈≈
تمت_ ازهر الزيدي
رايح يسئلوني وين لنور الحسين
رف الگلب
وأنا اعمى وما اشوف ويمك اطوف
ماكو صعب
........
تدروني امشي اله
حن گلبي ولكربله
بس يمه كلشي حله
وهالزاير وامدلله
مشي مشي لارض الحسين مشي مشي لارض الحسين
.......
أنا يمه ولا اخاف اليمه طاف
حج واعتمر
يا من ادور دواء بس كربلاء
يم الكمر
......
كل ناسي فدوه الك
وكل طاغي يمه هلك
بالحضره روحي علك
يا تاجي وكلشي ملك
مشي مشي لارض الحسين مشي مشي لارض الحسين
......
يا حسين ابدي السلام ادخل أمام
إذن إلي
ما اعوفه وللمماة وهوه النجاة
يا كل هلي
.......
محيرني كلش تره
مكطعينه ما چن جره
ومضمونك بالاخره
يم فاطم ويم حيدره
مشي مشي لارض الحسين مشي مشي لارض الحسين
.......
أنا زاير يم حبيب قسمة ونصيب
وبدفتره
حسين يقبل مني هاي ماي احلى ماي
من اذكره
........
تجويني نار الخيم
ومتعني من العتم
ما ننسه راعي العلم
مصيوبة عينه ابسهم
مشي مشي لارض الحسين مشي مشي لارض الحسين
.........
حسين الحمداني
يالنويتو للزيـــاره ٠٠ علي كون ويّاكـم
راية العباس رفت ٠٠ هيه تتلگـــــاکم
ــــــــــــــــــــــــــــــــــــــــــــــــ
يالعقدتو النيه ٠٠ بالعشگ مبنيه
هاي ** فطره يامحلاها
كل عمل لابدّه ٠٠ نيه قبله اتأكده
هاي ** مسأله اعرفناها
للمشي نيتكم ٠٠ فدوه اروحن الكم
هاي ** من صدگ گلناها
اخضر شمحله دربكم بالدمـع ساگينه
والورد يفرح سمعكم هالدرب ماشينه
(( للماشي ذبيت عيوني ))
يا عطر هيل ونشمه ٠٠ والوفه بممشاكم
راية العبـــاس رفت ٠٠ هيه تتلگـــــاکم
ــــــــــــــــــــــــــــــــــــــــــــــــ
بالحديث المسند ٠٠ هل اجر من ينعد
كل ** خطوه من تخطوها
مسجله ومكتوبه ٠٠ ثابته ومحسوبه
كل ** ساعه من تمشوها
والاجر عالزهره ٠٠ والدمع والعبره
كل ** دمعه لو تبچوها
الكم بكل خطوه تنعد يالمشيتو الكـــــربله
امن الاجر سبعين نعمه يم حبيب امسجله
((مقبوله وحسين الكافل ))
وابو السجاد برحمته ٠٠ والكرم خصاكم
راية العبــــاس رفت ٠٠ هيه تتلگـــــاکم
ــــــــــــــــــــــــــــــــــــــــــــــــ
يالتعبكم راحه ٠٠ بليله وبمصباحه
من ** من رفعتو الرايه
فرض چنها اعليكم ٠٠ ماتمل رجليكم
من ** من تجي المشايه
والله ماقصرتو ٠٠ كلشي اله قدمتو
من ** منكـــــم الوفايه
تنتظركم هالمـــواكب كل سنه اتانيكم
خوان عدكم بالخدامه تفرح أبطاريكم
((هنياله من يخدم زاير ))
ومن تصلون الجماعه ٠٠ والله يا محلاكم
راية العبــــــاس رفت ٠٠ هيه تتلگــــاکم
ــــــــــــــــــــــــــــــــــــــــــــــــ
يالدربكم جنه ٠٠ شگد سمعنه عنه
صار ** قصّته معروفه
امن السمه وياكم ٠٠ چم ملك ماشاكم
صار ** بالمشي منشوفه
ربي زيد النعمه ٠٠ ادعو ابهل كلمه
صار ** والرزق بطفوفه
اليشكر الباري يزيده ويغدق اعليه النعم
انطاكم الحيل ومشيتو المامشه شابع ندم
((من حيدر الحيل البيكم ))
شيعة حسين ومحمد ٠٠ هالاسم سماكم
راية العــــــباس رفت ٠٠ هيه تتلگــاکم
ــــــــــــــــــــــــــــــــــــــــــــــــ
نمشي وبكل هِمه ٠٠ تبقه هاي النعمه
كون ** للمشي ايوفقنا
هالدرب يهدينه ٠٠ وما تزل رجلينه
كون ** هالعمل يعتقنا
هالمشي والخدمه ٠٠ هاي اكبر نعمه
كون ** يرضى بي خالقنا
ونهدي چم خطوه الربعنه بطيب خاطر وبهنه
بالنيابه نزور عنهم ما اجو هاي السنه
((نهديله من طيب انفسنه ))
يرضى ابو اليمه عليكم ٠٠ شكرا المسعاكم
راية العباس رفت ٠٠ هيه تتلگـــــاکم
ــــــــــــــــــــــــــــــــــــــــــــــــ
حيدر بشار الدراجي
قصيدة ( جرح الشام ) تقرأ بطريقة التراث قصيدة حمزه الزغير الماي شلون اشربنه او بطريقه حديثه
جــرح الشــام فــلا يلتــام
تسعـــر جمـــــرة أمصــابه
*---------------*---------------*
جـــرح الشام مـا يهجع
ولا يگطع ابـــد نــزفــه
جــرح الفــاگده إخـوتها
ابـــد لا تعتقــد يشفــه
مو سهله الحرم بالسوگ
الشــامت بيــها يتشــفه
ولا بالعشره اظـم وجهي
وعــن الگـــوم اتخــفــه
وتشــوف الناس أخـــت عباس
تمشي ويــاهـــا ســــلابــه
*---------------*---------------*
جــرح الشــام يــاذيني
ويظل يلچمهن أجروحي
اشــد كــل نايبــات البين
جمــر يتــلاهب أبروحي
نوحــي لغيبت الخــــوان
يبقى لجرحه اشد نوحي
لان ذبـاح يمشــي ويــاي
ويمـــي راس مذبـوحــي
تجــري العيـــن لاخــوي حسين
من اشوفن شيبت اخضابه
*---------------*---------------*
جــرح الشــام اشــد وأكلف
من جرح الطفوف أضعـاف
شــافــو زينــب الشمـــات
وگبــل چـانت ولا تنشـــاف
مسبيه أعله هــزل النــــوگ
وعلى البلدان ظــل تنطـاف
گلبي مــن الطفــوف ينـوح
وعليه جـرح السبي ينظاف
جـــرح نـــزفـــه فـــلا يشفــــــه
بگلبي يوجــــع أصــــوابـــه
*---------------*---------------*
جرح الشـام ظـل للـدوم
يصعــد بالنفـس نيــران
اشـد مــن نــار خيمــاتي
لمّن طــاحـــوا الخّــوان
بيــت الطبـــه جــبرائيـل
أطبه امچتفــه بـديـوان
گلبي مــن الحزن مذبوح
ويضحك ابن أبو سفيان
نظـــر لينـــا شمــت بينـــا
وگلبــي راد غيـــابـــــــه
*---------------*---------------*
جــرح الشـام منــه يلـوع
گلبـــي ولا يكــف ويهيــد
مــن طبينا لأرض الشـــام
بسبينا الناس عدهم عيـد
وشفت ثغر العميد حسين
يضربــه ابخيزرانه أيـزيد
وشفت رايــة گمــر هاشم
يوسفه انحملت أبغير أيــد
صحــت وسفــه لـــون چفـــه
يـــرد ويشــاهـــد أحبـــابـــه
**
الشاعر
موسى البديري
صاح الحَنين السِاكن بروحي
لِحسين اخِذني وطيّب جروحي
المجلس عَزاه هُويت
واعلى اللطم رُبِـيت
بوِجداني عِنده بيت
مِن الضُوه
***
آنه كل صِيتي بخِدِمتك يالتِشرُّفني
ولوما تَسدِيدك إليّه منهو يعرُفني
بدَهري لو تظلُمني كلها إنتَ تِنصفني
وحاشه عن حُبك يغالي الدنيا تِحرِفني
بيك التِزامي الگَطعة انفاسي
والغيرة ثوره وتصعَد ابراسي
آنه الصِنِت هَـوَاك
أعمى اقصَدِت ضُواك
وگلبي ابنَبع رِضاك
حَل وارتوَى
**
بدنيِتي وسيرة حياتي هذا قانُوني
أهلي واخواني وصحُبتي واليعرفُوني
ما أحب إسمي أگلـهُم لو تحـبُّوني
عَبد ابو اليـمّه اوخِلَافـه لاتنادوني
حسين النَسيم بروحي والرِيّه
وكل الأسامي اگباله مَلـغِـيّه
بِدموعي عالسِنين
كاتِبلـه بالحَنين
بس حبَّك اليَقين
وانتَ الدوَه
**
لو خِلَص عاشورك اشعر خِلصَت ايامي
ومن يمُر ترجع جديده الخطوَه بجدَامي
اسلاحي شُوغاتي اوّنيني بصُولة احلامي
وادري أرجع منها خاسِر لو خِله الهَامي
توفيقي إنتَ ورَوعة احروفي
ورُوج الخيال الدَاعَب اجرُوفي
إنت ابكِياني صوت
بتَصريحي والسكوت
ولو ينگطع أموت
بگَطع الهوَه
=========
لقمان لعيبي البدران
من ترف الراية
حانت المشاية
ــــــــــــــــــ
من ترف راية ضريحك بالسما للعالي
يعني ننصبها المواكب للخدم يالوالي
تجي ازحوف لكربلائك سيدي يالغالي
كل سنة تزود المواكب بالزمان الحالي
نعمه منك هاية
حانت المشاية
ــــــــــــــــــ
كعبة للزوار گبرك من تجي وتطوفك
الف عمره والف حجة ازيارتك بطفوفك
تصيح لبيك وتردد هالجموع احروفك
تمسح بعطفك عليهم وبحنان اجفوفك
تقرأ ليهم اية
حانت المشاية
ــــــــــــــــــ
الملائك بأربعينك تنزل وي انصارك
تعزب وي اهل الخدامة ترحب بخطارك
بالكرم بيبان صحنك تنفتح كل دراك
وبالشمس مولاي انته تضلل لزوارك
ضللت بالصاية
حانت المشاية
ــــــــــــــــــ
لهفة مشاية بطريقك بالعشگ خدامك
بيوتهم تخلى ويجونك لان تخلى اخيامك
هالمواساة لجنابك ولعظيم أيامك
هالمشي بلكت يخفف سيدي من أسهامك
درعك احنه وثاية
حانت المشاية
ــــــــــــــــــ
المواكب سفرة وحدة والخدم جف واحد
هذا يعمل ذاك يطبخ ماكو واحد كاعد
كلها قادة بالمواكب مو فقط بس قائد
حسين سلطان اليخدمة والعشگ بي شاهد
شاهد الحب غاية
حانت المشاية
ــــــــــــــــــ
يالطريقك جنة الله الخدم كلها بخيرك
هذا مايك هذا زادك كله من تدبيرك
هذا من جيسك حبيبي وماكو منة غيرك
تروي كل عطشان گاصد من عذب مي بيرك
وبثوابك ماية
حانت المشاية
ــــــــــــــــــ
حسين مشاية لحضرتك تمشي لجل اعيونك
ولجل زينب بالمسيرة من مشت بضعونك
حرم واطفال بطريقك والله ما ينسونك
ازغار واكبار وشباب بدربك يگصدونك
الك جم اولاية
حانت المشاية
ــــــــــــــــــ
هلا بالزوار انته تصيح بأجمل صورة
ستبشروا زوار گبري أذنوبكم مغفورة
يالبذلتوا بأربعيني أجهودكم مشكورة
الزارني باجر أجيلة بگبرة روحي تزورة
هالعهد بحجاية
حانت المشاية
ــــــــــــــــــ
الشاعر زين العابدين الشمري
ذكرى استشهاد الامام السجاد ع
_
ديره ديره.. تحدي بضعون لمنايا ..
تبچي المن.. للرمح لو للسبايا ..
وانته وحدك يالعليل... المن يون الدليل
للرمح لو للسبايا
.......... ........
1
وحدك بين المنايا.. حگه دمعك من يهل
عالرمح شفت الهواشم.. والفواطم عالهزل
حاير وبالعين كلمه .. الهظم ما ينحمل
ودك اعله الرمح روحك .. ولا مكيديها ابحبل
والله حيره ..تسكت اتنخكك عبرتك ..
تبجي كلها .. تفرح بطيحت دمعتك ..
ذبحو الخل والخليل .. المن يون الدليل
للرمح لو للسبايا
...............
2
يل بيك ايعيل كلشي .. راحتك صارت ونينك
انت اول رحله للهم .. تكتب ومجتوفه ادينك
هنانه ذكره هنانه ضحكه .. وعالرمح شالو حنينك
بخيلهم مثل اهل بيتك .. انت هم امطشرينك
بس خيالك .. هذا يمشي وي المنيه
الروح يمهم .. ساحكتها الاعوجيه
الالم ترس الشليل .. المن يصير الدليل
للرمح لو للسبايا
.............................
3
وليت الغمان تكتل .. وانت وحدك من طحت
ليا رمح تندار عينك .. كلي اذا طكو بنت
كوه كوه اتشيل جدمك .. ولاجل عماتك صرت
عالناكه وحده وحده .. فوك ظهرت صعدت
عمه عمه .. تصعد وينزل دمعها
والجبيره .. بسيف كدامك دفعها
حكه دمعك من يسيل .. المن يصير الدليل
للرمح لو للسبايا
............................
4
كلش ابعيده المسافه .. وتدعو اكثر تبتعد
الصحاري اهواي احسن .. من حجي وادم تضد
لو كرب ضعنك اولايه . . ينمرد كلبك مرد
تدري ابعيون المدينه .. اعليك وكحه من تصد
وينه وينه .. تسمع الوادم حجيهم
عل السبايا .. من ضحك تسمع بجيهم
كلها بضعونك تعييل .. المن يصير الدليل
للرمح لو للسبايا
..........................
5
بين الولايات حاير .. ودمعة الحاير جمر
عالدفوف العين تنظر ..من تطب سوك العصر
الكال والكالو ثكيله .. عالاذن لمن تمر
ونظرت الشمات كلفه .. تريد دنيا من الصبر
بدمع عينك ..سالفه ودك تكلهم
اهلي ماتوا .. واني هم ميت مثلهم
عالجفن نارك تهيل .. المن ايون الدليل
للرمح لو للسبايا
................
ايوب يوسف الطوگي
( اهوازي)
يحسين الحره أتـلگـاها
ردت وأيتامك و يـاهــا
===================
ردت زينب امن الشام -- من تگوم ماتگدر
من تتذكر العباس -- كل نگلت جدم تعثر
رمله اتصيح ياجسام -- ليلئ أتصيح يلأكبر
تتعب من سواد الليل -- تتمنه الفجر ينطر
زينب گصدت الحومه
تمشي أوحيل مهظومه
مثل الزهره مظـلومه
ماواحد يعرف معناها - يحسين الحره اتلكاها
=======================
من تذكر رقيه اتطيح -- زينب تعثر أبهمهه
صاحت ياعلي السجاد --ريت اليوم اضل يمهه
وكت الغسل گام يسيل --من كثر الضرب دمهه
تعرف وليت الضلّام -- لنهم ضيعو عـمّـهـه
طفله أوضلت اوحيده
واحنه انسير بالبـيده
عمّه ادروبنه ابعيدهه
آثار السوط أبيمناها -- يحسين الحره اتلگاها
=======================
من كثر الحزن والضيم -- زينب حيل تعبانه
گالت عـمّـه يالسجاد -- وين الـدهـر ودانه
مـانتوقـع انـا وياك -- ندخـل لأبن مـرجانـه
ردينه بطـريق الشوم -- بس الـروس ويانه
گالت وين كفالي
حال الضيم ياحالي
أمشي أدمعتي اتلالي
لوحاضر من دم سواها - يحسين الحره اتلگاها =======================
زينب ردت ابيا حال .. تمشي وشايله الرايه
كـل مـوكب تـمـر أعليهه .. تتـفـگـد الـمشايـه
ما تقبل تمر ابسوگ .. تـكـره طـاري الولايه
وياهـا العـليل اينوح .. كـلـمـا يسمع اقـرايه
راجع يحدي بضعونه
يمشي وتهمل اعيونه
باقي الالـم بمـتونـه
آلآم الطف ما ينساها-- يحسين الحره اتلگاها
=====================
كل چادر تشوفه اتروح - يمه ايفيض مدمعهه
تبچي ام الخدر بهداي -- خاف الناس تسمـعـهه
ما مرها الفرح هيهات -- دوم الحـزن تابعـهـه
تمشي او تحسب الخدام -- باچـر ماتضيعـهـه
ماتنسه الخدم كله
بالـدفـتر تسجلـه
بالشدات توصلـه
كل خادم باچر بحماها --يحسين الحره اتلگاها
=======================
فاخر علي الشبيبي
انه الشافت عيوني اعظم رزيه
ذبحوا هلي ابوادي الغاضريه
بالطف ذبحوا اقمار وسلبوا كل الاطهار
وهايه ياخلگ اعظم رزيه
***
انه السجاد مرتني مصايب
الطفل منها يصير بساع شايب
شفت والدي نايم عالترايب
موذر قطع بسيوف النواصب
بالطف يوم عاشر وداسته الحوافر
ورضت صدره خيل الاعوجيه
انه الشافت عيوني اعظم رزيه
***
عشت عمري اجرن اه بعد اه
واصرخ كربله منج يويلاه
الصار وجرى بيج شلون انساه
جمر مصابج الدلالي جواه
شفت بيج اهلي ميتين وحرگوها الصواوين
جنود ابليس اولاد الدعيه
انه الشافت عيوني اعظم رزيه
***
وبعد ياناس يم شاطي الشريعه
وگع عباس وجفوفه گطيعه
على المظلوم هاي اعظم فجيعه
صاح انكسر ظهري ابن الوديعه
من طاح ابوالرايه صعبه اعليه هايه
رجع محني الظهر للهاشميه
انه الشافت عيوني اعظم رزيه
***
وعيني نظرت الاكبر توذر
وحال الوالد اعله ابنه تغير
ينادي يالهواشم بعد مگدر
اشيل اوليدي دلالي تفطر
وحگ رب البريه ماظل حيل بيه
مصابه اوحگ علي اثر عليه
انه الشافت عيوني اعظم رزيه
***
وابن عمي على التربان شفته
غارك بالدمه ودم راسه حنته
وامه تصيح هذا الماحسبته
جاسم للمنيه تصير زفته
ابني شلون انساه العمر ماريده بعداه
علي للموت دمعاتي جريه
انه الشافت عيوني اعظم رزيه
***
الله يعين گلبك يابو صالح
جم بدر ابدر نظريت طايح
وبذنك تسمع اصوات النوايح
ونظر عينك على ام الخدر شابح
يمته ترفع الواك وتاخذ ثار جداك
حسين بنينوى الماشرب ميه
انه الشافت عيوني اعظم رزيه
***
خادم اهل البيت / ابومحمد العاشور (07810010732)
جيتك اركض وجدمي بالنار انجوه
جيتك اركض وضايع عليه الهوه
الدنيه دخان ..ومامش امجان
*
بنفس مخنوك اجيت اركض .. يبويه والجدم حافي
تشب نيران المخيم.. وادور حضنك الدافي
اتراكض والدمعه بعيني .. وتلجمني الجمره التجويني
يطلع واحد شايل سوطه ..ارد اوصلك ميخليني
دم بذاني .. وسوطه بمتوني انطوه
دم بذاني .. وانت يابويه الدوه
الدنيه دخان ..ومامش امجان
*
الابو خيمه تكول الناس ..وانه الضلت بلا خيمه
يبويه وانكسر ضهري .. يتيمه وفرت بهيمه
يالعايف بالدنيه ابنيه .. ماشبعت منك حنينيه
ثلث اعوام ومارحموني ..وماخلو بذني الترجيه
وعلوجهي مدري جم طيح طحت
وعلوجهي صطره يابويه صحت
الدنيه دخان ..ومامش امجان
***
انعصر كلبي وانه زغري يتيمه واكسر الخاطر
افكدت امي ورحت انت يبويه بحالتي اصاير
فاركت امي بأول عمري .. انه الصرت ايتيمه بزغري
ماتغفه عيوني اله بحضنك ..يالي بحال ابنيتك تدري
هذا حالي ..ليش كلبي ينشلع
هذا حالي ..اركض بخدي الدمع
الدنيه دخان ..ومامش امجان
***
اجاني اليل واشم عطرك هوه الله التارس الريه
انه وذاك السبي شنهو واصير بزغري مسبيه
بحبال ابنيتك شدوها ..سطرو خدها ومارحموها
مسبيه ومارحمو حالي ..جروني وزينب جروها
والهضيمه ..العمري مايلوك الحبل
والهضيمه .. اركب شلون الهزل
الدنيه دخان ..ومامش امجان
***
صرت امشي وادير العين وادور نضرت عيونك
يمن تدري بجرح كلبي اموتن بويه من دونك
عطشانه وياديره امشيها ..ليش عيونك ما الكيها
وياديره انطب طفله زغيره ..والدها بحضنه مخليها
وذكروني.. بحضنك اليسوه العمر
وذكروني..وضاع حلمي من الزغر
الدنيه دخان ..ومامش امجان
***
يخلوني بخرابه اكعد يبويه وهاجت اجروحي
ردت منك تجيني بطيف وفز بدمعتي ونوحي
نامت عيني وشفتك ضامي ..عطشان واكف جدامي
يبنيتي اتناديني بهيده ..من امجانج طلعي اسهامي
رت اشبكك ..وانضر اثار السهم
رت اشبكك ..وخايفه يهيج الألم
الدنيه دخان ..ومامش امجان
***
تمت
احمد الخفاجي
مقطع صوتي من mlahythmallamy
Читать полностью…
منهو اليمسح دمعاتي
من وزن المفتون
شعر ـ دكتور كاظم المعقلي🔸🔸🔸🔸🔸👇🔸
مجروحه وجروحي اشگد
والدمعه تحرگ بالخد
منهو اليمسح دمعاتي
ويواسيني بمأساتي
آه ياروحي........ آه ياروحي
🔸🔸🔸🔸🔸🔸🔸
من بعد چتل الخوّان.. صارت مصيبه اعليه
حركولي حتى الصيوان.. والوسعه ضاگت بيه
كل الهوا اصبح دخّان... سم ينزل اعلى الريه
ام الخدر اسمي الچان ... هسه اصبح المسبيه
كلشي انگلب صار الضد
والحق يصحصح لابُد
يظهر بالخطب الآتي
ويواسيني بمأساتي
آه ياروحي........ آه ياروحي
🔸🔸🔸🔸🔸🔸🔸
من بعد حرگ الخيمات.. فرت جميع اعيالي
آيا خواتي الثكلات... آياصريخ اطفالي
قدّمو للعطشانات... ماي الزلال اگبالي
بالشربه نزلت دمعات... كل وحده ذكرت غالي
وأم الرضيع اتروّت
صرختها بالطف دوّت
وينه اليسمع صرخاتي
ويواسيني بمأساتي
آه ياروحي........ آه ياروحي 🔸🔸🔸🔸🔸🔸🔸
آنا الچنت عند الناس.. رمز الخدر بس آنا
مسبيه بعد العباس... للطاغيه ابديوانه
گادتني زمرة ارجاس.. رغماً لأبن مرجانه
لا كافل ولا حراس ... بس العليل اويانه
وبمجلسه الكون ارتج
وبلهجة اخواني الهج
صبري ايلملم شوغاتي
ويواسيني بمأساتي
آه ياروحي........ آه ياروحي
🔸🔸🔸🔸🔸🔸
ديرة غرب صح وأجناب... والصوره أبشع صوره
وخـْطَبت چن داحي الباب.. مابيّـنـِت مكسوره
عندي من الحسين اخطاب ... ماحِدِت عن دستوره
رغم اللي بيّه من امصاب ... آنا الأكمّـل دوره
الناطق الرسمي ابحق
للثوره صرت الملحق
سيف اخواني ابچلماتي
ويواسيني بمأساتي
آه ياروحي........ آه ياروحي
🔸🔸🔸🔸🔸🔸
درب السبي اشگد ماطال... لبوة أسد تلگاني
من يمي روس الابطال... طول الدرب ترعاني
مسبيه.. لا منهو الگال.. چان السبي لعدواني
من خلو ابايدي احبال... مانقّصَت من شاني
لو ثگل حملي ولو خف
لا انثني ولا اضعف
بت حيدر كل اوقاتي
ويواسيني بمأساتي
آه ياروحي........ آه ياروحي
🔸🔸🔸🔸🔸🔸🔸
والشام أيا درب الشام... آيالخرابه البيها
من دِوَت بين الايتام... صرخة رقيه اشبيها
فزت خذتها الأحلام... تتلاگه وي واليها
وصرخت رقيه ابآلام... وصلت سمع طاغيها
بالطشت جابوه يهتز
راس الحسين اللي انحز
زيّد ونّه لوَنـّاتي
ويواسيني بمأساتي
آه ياروحي........ آه ياروحي
🔸🔸🔸🔸🔸🔸
وبمجلس ايزيد اشرار ... للطاغيه من اخذوني
أحچي ابلسان الكرار ... وام الحسن شافوني
گتله وتشب بيه النار ... كد كيدك وسِمعوني
واسعىٰ السعي ابهالاقطار... استصغرك يدروني
واجهته مهلاً مهلاً
لاتطش جهلاً جهلاً
حزني يصارع آهاتي
ويواسيني بمأساتي
آه ياروحي........ آه ياروحي
🔸🔸🔸🔸🔸🔸
الأربعين
رايتي .. بدربك صارت مناره
رايتي .. تقره اوياي الزياره
دموع .. تنثر فوگ المشايه
وآه.. تطلع من هاي الرايه
يا حسين يا حسين
****
كل عام اعله هالونه .. آنه الگبرك اتعنه
بعت الدنيا كلها بأربعينك واشتريتك
يحسين انته موضوعي .. روحي وگلبي ودموعي
بكل خطوه تراني وداعِتك مقتل قريتك
يا معنى بعباراتي .. يالراسمها خطواتي
وآنه بحرگت الوگفت عله التله بچيتك
بهل الرايه الحزن غيّم .. يشبه نار المخيم
بلوعت سكنه وارقيه يبو اليمه اعتنيتك
دمعتي .. وي دمعات اليتامه
دمعتي .. للحرگوها خيامه
ماي .. لخيامك جبت اويايه
وآه .. تطلع من هاي الرايه
يا حسين يا حسين
****
متروس الدرب حرگه .. بين اللطمه والشهگه
كل موكب يمر انه اشترك صرت بعزائه
خدامك تبچيني .. اهلا زاير حسيني
من اعرگ يجي الخادم ينشفني بردائه
اتفضل شايب ايگلي .. إنته أغلى من أهلي
لجلك سيدي روحه فرشها بكل سخائه
يالباطف عطش گلبك .. محد يعطش بدربك
من أجل الحبيب إشرب صبح كلمن ندائه
هالعشگ .. ما مثله يبو اليمه
هالعشگ .. كلمن يجري وي دمه
اليوم .. وضحت يحسين الغايه
وآه .. تطلع من هاي الرايه
يا حسين يا حسين
****
بيك الهج يبو الاكبر .. چني صاعد المنبر
وارث نغمه صارت والدرب يكثر جماله
كلّي هايم بذكرك .. اشتم سيدي عطرك
عايش آنه بيك وهل هوه مالي بداله
بلا قيمه چنت آني .. انته اللي ارفعت شاني
يحسين اليحبك ظل يحبه ذُل جلاله
يا هنيالي مجنونك .. عابس صرت أنه وجونك
اشكبره بعينك التشبه من اصحابك خصاله
عابسي .. آنه وجون وحبيبك
عابسي .. يا سهم الذي يصيبك
دوم .. روحي ويه الوفايه
وآه .. تطلع من هاي الرايه
يا حسين يا حسين
****
صوره برايتي تطلع .. من عدها ونين اسمع
چن حرمه تصيح انهظ يخويه اعله الشريعه
زينب يم ابو فاضل .. شفته المدمع السايل
كل دمعه التطيح اتنزز چفوف الگطيعه
راح ارحل يبو الغيره .. ما معروفه يا ديره
ميت باچر امن ارجع منو إلها الوديعه
هسه احنه نگللها .. كل مشايتك الها
نتلگاها يم گبرك يبو الرحمه الوسيعه
بالصحن .. نتلاگه اويه الفواطم
بالصحن .. خادم يلزم بخادم
سور .. كلنه انصير وحمايه
وآه .. تطلع من هاي الرايه
يا حسين يا حسين
****
خضره الرايه لو حمره .. اتهمنه نظرة الزهره
نوصلك يبو اليمه وحدر گبتك نرفها
بسمِ الله عله اعتابك .. صد يالغالي لحبابك
من بابك لعد شباچك الرايه نزفها
وحده اتسولف بثارك .. وحده تلطم النارك
نبرة منذبح بيهن فقط انته اتعرفها
يالسحگتّك العشره .. منك ردنه بس نظره
نظرات المحن يا سيدي نفهم عزفها
نظرتك .. رحمه ارزقنه هالرحمه
نظرتك .. من الله أصبحت نعمه
انريد .. چفك يتعالى افيايه
وآه .. تطلع من هاي الرايه
يا حسين يا حسين
****
الشاعر اياد الديراوي
مُحَرَّم يخلص وماتخلص الآه
وابد والله ماننسه حُسيناه
يجي شهر الجروح وتنگضي ايّامه
واحنه اعله العهد لحسين لطّامه
لمصابه ننوح ونبچي ليتامه
مَنكُف مِن دمعنه ودگة الهامه
لحسين العهد بالدَّم كتبناه
وابد والله ماننسه حسيناه
.........................................
مُو مَوْسِم جَرِحنه وينتهي ابفتره
ولا عَبرَتنه ساعه وتخلص العَبره
عله طول السَّنَه انقيم العَزَه ونقره
نار الطف تضل بالروح متوجره
عزاء حسين مِتنه وماتِركناه
وابد والله ماننسه حسيناه
.........................................
بداية كل سَنَه لآخِرهَه حِرگتنه
مو بس ابمحرم هذه لوعتنه
مِن اتهِل لبو السَّجاد دمعتنه
نگول ام الحسن وحسين حِظرتنه
اشگد غالي الدَّمِع وِالهُم رِخَصناه
وابد والله ماننسه حسيناه
..............................................
نِعِد اشهور وايَّام العَزاء حسين
وندعي الباري كون انعيش هالشهرين
ابمحرم وابصفر بالخدمه مشغولين
لان يختلف بيهن حتى دمع العين
شهر عاشور رغم الحزن نهواه
وابد والله ماننسه حسيناه
...........................................
حلاة ابيوتنه بالقِطَع والرايه
وابكل عام نحسب للسنه الجايه
نتمنّه الحياة اتطول والغايه
نحظر بالعَزَه وانروح مشايه
مَحلاه ياطريق حسين مَحلاه
وابد والله ماننسه حسيناه
..........................................
مَحلاهه الخَدَم للخدمه مِتحزمه
وتحزن لو گظن شهرين ابو اليمَّه
يارب بالحسين وفاطمه أمَّه
ثبت اگلوبنا اوَّفقنه للخدمه
بياض اوجوهنه هالدرب شفناه
وابد والله ماننسه حسيناه
سيد علي الموسوي
يخواني للشام عزيزتكم تره اتروح
والعاشت آهات سبيه امحمله اجروح
*******
اروحن ياهلي بالدمعه ظليت....صارو حدر التراب
اشوف نوگ هزله وگامت اتميل...يلچم حتى الصواب
ذبحني الشامت بحداي الضعون..يسأل وين الاحباب
ردتهه الفزعه منهم كون بالحين...ما ظل ويه الاجناب
هذا السبي شوف عذاب وهمي وحزان
والفرگة احسين غريبه عشت الاوطان
*******
يگوطر بالضعن ياوسفه الاجناب...وين اهل المحنه
غيم والنجم ما يطلع ابليل....غايب عنه اهلنه
عجيبه الناس صارت بس ينظرون.محد
يفزع النه
تشتت والهضم يجمعنه بجروح....رايح كل شملنه
بالحسره ظليت غريبه وتهزل النوگ
والعاشت النوح تموت ابطبت السوگ
*******
عگبكم رايحه ونده يالاعزاز......غورگ دم جفوني
عفتهه الروح يمكم آه يالحنان...دمعاتي ابعيوني
احشم بلكي من عدهم يفزعون..زينبهم يجوني
عذاب ونايبه چم ديره طبيت...صارت كل شجوني
تذبحني الأحزان وعيشن كربله وياي
والعافت احسين خضيب ورايد الماي
*******
تميل الناگه بيه وعثرت اجروح.....چنهه اگبال اخوتي
اشوف الموت يمي يحوم مشبوح.بالطف
كونه موتي
گبل ماچان ظلي اتشوفه هالناس..يسمع
هسه صوتي
يدهري وياي ما انصف گضه اهموم...كل
ونه ابسكوتي
مشاني الأفراگ يدهري وگض الصفاح
چن ماتت الروح شفتهه اگبالي الرماح
*******
ثگيل افراگم ويهدم الحيل..... هاي الفرگه مره
بچيت اگبالكم وبهدوة الليل....صارت كلها حسره
متت والشامت ايعاين للضعون....چان بسهمه نظره
غريبه وطبت الديوان الاجناب...آه ابگلبي جمره
بالكوفه طبيت عجيبه وتنظر الناس
وسمع يگولون وحيده ابلايه عباس
*******
يويلي الروح ماتت گبل الحسين ..يم شامي المصيبه
زينب وينهه وين الدواوين ....خويه اصبح غريبه
يسب حيدر تعنه ويلطم الراس...شيبه اشگد خضيبه
نواعي الشام صار ايفزز المات......يوم الطف نحيبه
محتاره ظليت يخويه ابديرة الشام
حرمه ونساوين تموت اگبالي الأحلام
*******
تمت بعون الله تعالى الشاعر___يوسف_الفتلاوي
أجـينه مـن السبي انـجـر الجدم گوه
تـلـگـونــه يـهـلـنـه ابــداعــة الـخــوه
*---------------*---------------*
رديــنــه حــرم والـبـيـن سـابـيـهـه
حـرايـركـم شـمـر والزجـر حاديـهـه
الظـعـينـه اتـسلـبت وتريد اهاليهـه
نـزلـوهـه اضـعـون الـخِـدر
*---------------*---------------*
مـلـيـّنـه الـبـواچـي ولـوعـة الـغـربـه
مـن الشـام نشكي ومـحنـتـه ودربـه
حـالـتـنـه أجـيـنـه مـؤلـمـه وصـعبـه
للوالي الحـرمـه اتـسـولـف
*---------------*---------------*
نـيـران الـحـزن والـلـوعـه حـراگــه
الوالي ابغـيـبـتـه مايـرحـم افـراگـه
فـارگـنـه الــدهـر ونـريــد نـتـلاگــه
اشـتـاگيـنـه ألـكـم يالهيبه
*---------------*---------------*
نسولف بالضعن والشام وجروحـه
المدامع والمناحه اليـوم مسموحه
روحـتـنـه بغرب يامصعب الروحه
بجروحهـه الـشـام ايعلعـل
*---------------*---------------*
طــرينـه الـبـراري وبـعـدت الـديـره
خلـصـنـه السبـي وجيناكـم بحيـره
لاويـن الـوجـه بـجـفـاكــم انـديـره
مـدفـونـه الـغـيـره ويـاكـم
*---------------*---------------*
يـاهـوه الـيـشـيـد لـلـحـرم خـيـمـه
عذبـنـه الـزمـان بمحنـتـه وضيـمـه
مـشونـه بـشـتـم وبظلمت الـهـيـمـه
وَإذانـه بحـچـيّـه الـشـامـت
*---------------*---------------*
✍ خادم الحسين ع
الشاعر رعد الجريخي
هله تنگل هله
صاحت كربله
يزوار الحسين
يزوار الحسين
ـــــــــــــــــــــــــــ
فتّحت بيبانها.. وافرشت ذرعانها
كربلاء.. كربلاء
توسعت للزاير .. محد يظل حاير
كربلاء.. كربلاء
من گلب ولسان نادت هله بــــــزوار الغريب
الحـمدلله عـالسلامه ليش طولتـو المغيـــب
عام كامل انتظركم جرحي بيكم خل يطيب
احمد الباري الرزقني وصار الي بيكم نصيب
هلا ابهذا الـــــرزق
گعدنا اعلى الطرق
يزوار الحسين
يزوار الحسين
ـــــــــــــــــــــــــــ
الله خصها بهل رزق ٠٠ قبله صارت للعشق
كربلاء.. كربلاء
هالكره الارضيه.. شدت اله النيه
كربلاء.. كربلاء
موسم الحجاج مره اتـــــلث ملاين العدد
وهيئة الحج والوزاره اتحير وتريد المدد
واحـــنه كل هاي المواكب سهله مابيها شدد
اسبعطعش مليون زايـر كربله صارت مهد
يحيرون العقل
ولا واحد يمل
يزوار الحسين
يزوار الحسين
ـــــــــــــــــــــــــــ
كربله چنها الحسن.. تنطي ماتطلب ثمن
كربلاء.. كربلاء
سفره بيها تنفرش.. الأكل منها ينـتـعش
كربلاء.. كربلاء
چن مضيف الحسن صارت ماتشيل اسماطها
كله تــــخـسر من تــــــزامط كربلاء بزماطها
السفره ابـــــوجــسام بيده چنه هوه الحاطها
عالارض بـيـده الكريـمه ابـــــو محمد خاطها
تِسد عين الشمس
وابــــد ماتنطمس
يزوار الحسين
يزوار الحسين
ـــــــــــــــــــــــــــ
طلعت المشايه.. رايه تسبگ رايه
كربلاء.. كربلاء
على الباري اتوكلو.. لبو اليمه اتحزمو
كربلاء.. كربلاء
خلو الدنيا بظهرهم واختلف حسبانهم
فرغت بيوت الخدامه واغلگو بيبانهم
رادو الخير الربعهم فزعوا جـــــيرانهم
للمضيف وللضيافه حسين هوه الجابهم
يخدمون بصـــدگ
وگلبهم محــــترگ
يزوار الحسين
يزوار الحسين
ـــــــــــــــــــــــــــ
هالمواكب والخدم.. نصبت اهناك الخيم
كربلاء.. كربلاء
عدها مو من العمر.. هاي ايام وتمر
كربلاء.. كربلاء
والله من تـرجـع لهلها تـشبع احزان وقهر
وتنتظر للسنه الجايه وتنتظر شهر بـشهر
صارت الهم هالزياره رزق من رب البــشر
كل سنه وتطلع ربعنه امن البحر حد النحر
بصحن راعي العلم
يگعدون الخدم
يزوار الحسين
يزوار الحسين
ـــــــــــــــــــــــــــ
حيدر بشار الدراجي
#مجالس_محرم_الحرام 1447 هـــ
مولاتي السيده رقيه عليها السلام
🔹🔸
طفله وخبــــرهــا حسره بصدرهـا
عن حال الحسين يسولف نظرهــا
ــــــــــــــــــــــــــــــــــــــــــــــــــــــــــــــــ
جانت رقيه اتعيش بحظان الحسين
طفله واميره اتكون بنت السلاطين
هسه يتيمه حــال عن الاهـــل وين
ياخذها دمـــــع الاه ويردها الاونين
الكاسر ظهرها وطشر عمرهـــا
والدها الحنين يسولف نظرهــا
ــــــــــــــــــــــــــــــــــــــــــــــــــــــــــــــــ
طفله ابعروش الورد مـــو مالت ابعاد
ماخذ نظرها الدمع بت شيخ الامجاد
شتخلف النيران بس طـــــاري الارماد
مختلفه بت حسين بيها الجـــرح حـاد
يكبر كســرهــا بعملة دهرهـــا
ظلـــت بالاونين يسولف نظرهــا
ــــــــــــــــــــــــــــــــــــــــــــــــــــــــــــــــ
كـــل التريــــده ايصير دللهـــا ابوهـــا
لو رادت اهيه افيـــاي يركض اخوهـــا
من تعطش على الماي العمها خذوها
وهسـه الدلال ايروح طفله و سبوهــا
رايـــح صبرهــا وخيها وكمرهــا
معصوبة العين يسولف نظرهــا
ــــــــــــــــــــــــــــــــــــــــــــــــــــــــــــــــ
ملجومــــه بنت حسين طفلــه ويتيمه
الشافت ابوهـــا ايموت شتظن سليمه
راح الوجـــع عالروح نــــار على خيمــه
محـــد بقـــى يانــــاس والدنيا هيمــــه
طفله وقدرهــــا وهــــذا امرهـا
وتمشي الى اين يسولف نظرهــا
ــــــــــــــــــــــــــــــــــــــــــــــــــــــــــــــــ
شافت بلايا شكثر من عدها الاخيــــام
الراحــــت بأمــــان الكمر ردت بــلالام
من طاح ابوهــا صــــدك ماقبلت اتنام
وموتتها فـــوك الطشت كتلتها الاحلام
النــــار وجمرها وشامت يجرهـا
وشدوها الايديـن يسولف نظرهــا
ــــــــــــــــــــــــــــــــــــــــــــــــــــــــــــــــ
الشاعـر : فيصل عاشــور المنصوري
في رثاء طفلة الحسين رقيه (س)
احچيلك • أنـــــــتظر طيفَك يمر
وابچـيلك • بويه ذابحــني الهجر
واشكيلك • ابزينب شسوَه الشمر
(احچيلك )
°°°°°°°°°°°°°°°°°°°°°°°°°°°°°°°°°°°°°°°°°°
اشهَگ ابعبـــــرة حزن/ المـــايعرفك مايحِن
وانـــــه دمك
آه يـَــــاشوگي عليك/ لهفتي لچفُوف ايديك
خذنـي يمك
واگف ابفكري لگيت/ روحي اترد لو أجيت
بسْ أشمك
بويه محتــــــــار العقِل/ مايشبهونك شڪِل
ويـــن أضمك
انحييلك • لو تمرنـــــه يا شمس
وانعيلك• ابگلبي اليـــوم وأمس
وبديلك • عتبي لو جَانه الرجس
(احچيلك )
°°°°°°°°°°°°°°°°°°°°°°°°°°°°°°°°°°°°°°°°°°
المَلگه اتريد الچفوف / وانت مذبُوح بسيوف
شلون احضنك
جسمك امگطــــع ألفّ / روحي الروحك ترفّ
وين أبوسك
اتمنى بس نگعد سوَه / بيــــدي حطّلك دوَه
ابروحي المك
الشفِتك اسگيها ماي / وبالعبي نسوي فِيــّاي
ضُمني اگلك
انسوِيلك • شطوط ماي من البحَر
نفــديلك • الگلب قبـــــــــل النظر
نهــديلك • وننـــــذر الجيتك دَهر
(احچيلك )
°°°°°°°°°°°°°°°°°°°°°°°°°°°°°°°°°°°°°°°°°°
بويــــــه ذبلانِه صرت / دَم عله چفوفي شفت
الحبل گصني
طفله وبهـــــــاي العمُر / ابواهس سنين الزغُر
الوكت ذبني
الطرق رايـــــد يرع /وعالنياگ ابيـــــا شرع
عذبــــــنّي
حاضره ويــــــــــا الكفر / رايـــــده عون ونفُر
گوم ردني
امشيلك • ياذخر حيــدر علي
ادعيـلك • بس تــرد سالم الي
انحييلك• يا بجيــت كل هلي
(احچيلك )
°°°°°°°°°°°°°°°°°°°°°°°°°°°°°°°°°°°°°°°°°°
مــــرَه احسب للفجر / مــــــرَه انطُر للعصر
الهيبـــه ردته
ردت انسِه ومانسيت / وداعتك لجلك عميت
وابچي سڪتِه
امصلا افــــرش للصَلا / اغلا انتَ من الغلا
ابروحي شفته
العالم ابعيني سوَاد/ الحسره تـــاڪل بالفؤاد
اتــــردلي يمته
اعــميلك •اعيون لجلك لو ردِت
اضحيلك • مرَه طولك لو شفت
ادخيـلك •ردلي يـــــابويه متت
(احچيلك)
°°°°°°°°°°°°°°°°°°°°°°°°°°°°°°°°°°°°°°°°°°
ويا العده نمشي ابيسر/ والضعَن يحدي زجر
بگلبي جمرَه
عـــالدلال امعودَات /وعالنيـــــاگ امربطات
القصه مرَه
امدنگه امشي اويا البنات / بالخرايب بايتٓات
الغربه خطره
ابعزتك حــدّ الممات / علمتني اعله الحيات
ابقَه حــــره
انوديلك • ارواحنــــــه لجلك ثمن
ارحيلك •فــــــاجِعه ابگلبي اندفن
يرضيلك •اموت واهدومي الچفن
(احچيلك)
°°°°°°°°°°°°°°°°°°°°°°°°°°°°°°°°°°°°°°°°°°
ڪ. حيدر مكي النصاري
²⁴محرم ¹⁴
نزله
بالغرب وحدي عمه يالمهدي احضر لعمتك
ــــــــــــــــــ
حيرتي يوليدي حيرة ودهري متحزم الي
ومن اريد انهض انادي يا محمد يا علي
جفني غيمة من المادمع بالهظم من يمتلي
روحي قربان يصبرها قربتاً من تبتلي
بالحمد ابدي عمه يالمهدي احضر لعمتك
ــــــــــــــــــ
عمه يالمهدي بغيابك وانته تسمع قصتي
من وكع شايل علمنا مني وكعت دمعتي
أظهر وشوف الجرالي عمه وانظر حسرتي
قلبي ما يحمل مصيبة وحزني يشرح حالتي
والزمن ضدي عمه يالمهدي
احضر لعمتك
ــــــــــــــــــ
عمه من حرگو خيمنه بلا خيم ظل الخدر
ياصبر ينفع جرحته ويادمع يكفي الصبر
من بعد عزنا وفخرنا وي ابو فاضل عمر
جابوا النوگ الهزيلة وصعدونه بكل زجر
والغرب يحدي عمه يالمهدي احضر لعمتك
ــــــــــــــــــ
تدري يالمهدي من اجينة لكربلة من أرض الوطن
لا نخاف ولا نبالي بهالسفر يبن الحسن
والله حاطتنة السلامة وبس أمان اعله الضعن
وهسه نمشي بلا سلامة من غدر هذا الزمن
يا نفع يجدي عمه يالمهدي
احضر لعمتك
ــــــــــــــــــ
من بعد موت الهواشم والله ما ظل كل أمل
لا عشيرة ولا حماية وغربة ما واحد سئل
عالرمل ذبحوا أهلنا وهسه احنا بلا اهل
وضاگت الدنيا الوسيعة عمه من عودي انجتل
مابقوا عندي عمه يالمهدي
احضر لعمتك
ــــــــــــــــــ
اني أكابر عالمصايب والألم نفس الألم
قلبي من ذبحوا اخوتي يحترك وي الخيم
وعيني من دمعتها صارت جنها جود وبي سهم
ولدي فدوه اعله الترايب حيلي لحسين انهدم
فدوه كل ولدي عمه يالمهدي احضر لعمتك
ــــــــــــــــــ
يمتى تظهر يا فرجنا وتأخذ بثار الذبح
وبظهورك يا علمنا وامرك بحق يتضح
والضلامة الحنا بيها عمه والهم بنشرح
ينجلي لليل المصايب باجر وانته الصبح
ياشمس وعدي عمه يالمهدي احضر لعمتك
ــــــــــــــــــ
الشاعر زين العابدين الشمري
يسجاد الصبر
من وزن التجليبه --
شعر – دكتور كاظم المعقلي
****
يسـجاد الصبر يالدافن أحبابك
مضت بيك المواجع والدهر نابك
____
مضت بيك المواجع وانت كاتمها
ألف حسرة أسى ال بس الله عالمها
مصابك سيدي الهالشيعه هاظمها
يأيوب الصبر موهيـِّن امصابك
_ ____
يأيوب الصبر يلماتمل صبرك
يمن لاذ الصبر واتستر بكترك
يمن ثكل الطفوف اتكوَّم بظهرك
يلبوجه النوايب ماتسد بابك
___
يلبوجه النوايب واكف بزودك
جزَت كل الحدود وعبرت احدودك
عليل بكربله وأحزانك تعودك
يبو الخلك الفضي المابيـَّن اعتابك
_____
يبو الخلك الفضي الفوك النجم شانك
عفا الكلبك صبر وتحمَّـل احزانك
يبن خير العمل رب العرش عانك
سهم كلمن تصوّب بالكلب صابك
_____
سهم كلمن تصوب صابك ابجبدك
عطش والهم يهزك بيده ويردك
لحود الطف شفتها وصبـَّحـَت لحدك
هِلت بيدك بأراضي الملحمه اترابك
_____
هِلِت بيدك تراب ابلوعه وبحسره
متت كبل الذبيح الرضرضو صدره
دفنت اسنينك وساعاتك ابگبره
لارض جدك رجعت ابجمرة اصوابك
_____
لارض جدك رجعت وتشرح الحاله
تبين له اشجره الاولاده وعياله
توضح له السده ابنسوانه وأطفاله
يجدي اتكله سبـّو آية اكتابك
______
يجدي اتكله ردينه ابقهر وبهم
اجينا وتصرخ الشهكه ابنزيف الدم
تركنا احسين ابوي المنذبح والعم
عليهم كل سيوف اعدانا تتشابك
_____
عليهم كل سيوف اهل الغدر تمتد
يجدي وراس ابوي اعلى الرمح ياجد
دَعَوْه الخارجي ومحد نغر محد
اهالي الشام اجت محد يَجَد هابك
______
اهالي الشام اجت يالمصطفى امعيده
صرح عزها ابدماء ابن النبي امشيده
سبي الخـدَّر شهامتهم نسل هنده
وفوا لهل النفاق ونكرو القابك
______
يزين العابدين الماخُفَت نورك
لأن هز الطغاة وينذكر دورك
غمض جفنك يبو الباقر لچن سورك
يظل طول الابد ومحوّط اطنابك
___
يظل طول الدهر تحجي الامم مجده
وعد رب البريه وماخلف وعده
الك ياسيدي الشيعي انمرد چبده
جميع اهل المجد مسبيه بغيابك
ـ******
استشهاد الامام السجاد ع
ما متت لسه عجيب والنفس ما منگطع
يا زمن رد للطفوف عيني خل تشبع دمع
****
ما اگولن مات حزني حزني حاشه ما برد
چم مصيبه عيوني شافت ليش ما ميت بعد
فوگ صدر حسين ابويه شمر شفته من گعد
إنذبح والخيل يركض بلايه رحمه اعليه صعد
شلون يدخل ريتي ريح وحافر امهشِم ضلع
يا زمن رد للطفوف عيني خل تشبع دمع
****
بكربله كل لحظه چانت ينولد بيها جرح
مُحتمل لسه اني عايش لان تلوهني الذبح
بحز وريد حسين عيني غمْضت وما تنفتح
تالي من فكّت رمشها راسه شفته اعله الرمح
الصار ساعتها عظيم شلون راسه يرتفع
يا زمن رد للطفوف عيني خل تشبع دمع
****
تارس الدخان صدري لسه اشعر بالألم
ابعلْتي والخيمه اللي شبّت إنشغل فكري نعم
الكربله رد يا زماني انظر الباقي الخيم
شلون ركضت عمتي زينب او وين هامت بالحرم
ياهي داست عالجمر ارد اشوفنه الوضع
يا زمن رد للطفوف عيني خل تشبع دمع
****
ماتت اختي بالخرابه اگبالي صارت يا زمن
لكن بليلة الوحشه إلتراچي اتشلعن
ركضت اليا صوب مدري والسياط اتحزمن
شويه من عبدالله اطول والمتون اتورمن
ارقيه ادري اشگد بچت السوط لا ما ينجرع
يا زمن رد للطفوف عيني خل تشبع دمع
****
حرورة دموعي چوتني لچن ما يشفه الگلب
ارد اشوف شلون زينب عالهزيله تنضرب
إلتهيت بحبل اديه وبس دمه چفوفي تصب
حال عمتي ما نظرته وآنه اعرفنه صعب
چان يحديها الشمر عمّتي اشگد تنفجع
يا زمن رد للطفوف عيني خل تشبع دمع
****
يا زماني طلب عندي للشريعه خل نمر
مثل ابوي حسين اريدن ظهري عالشط ينكسر
ابو فاضل هذا عمي چفوفه وسفه تنبتر
فوگ صدره جوده نايم بالسهم مرمي ويخر
عينه مصيوبه ابسهم وانفجر بيها نبع
يا زمن رد للطفوف عيني خل تشبع دمع
****
باقي موقف ارد اشوفه وعمري تخلص لهفته
من مشت لحسين ابويه شلون عمتي عرفته
راس ما عنده عجيبه وين زينب باسته
صدره مهشوم بحوافر شلون بالله شمته
الليل تارس ناظري بس ونين الينسمع
يا زمن رد للطفوف عيني خل تشبع دمع
****
الشاعر اياد الديراوي