Telegram-канал renmae - دەرووناسی و پەروەردەی منداڵ: Unsorted

دەرووناسی و پەروەردەی منداڵ

27 Feb 2024 19:52

بەهەشت و دۆزەخ لەناو مالدا

ژن و پیاو دەتوانن بە چەند جوملەیەک ماڵ بکەنە بەهەشت یان دۆزەخ
.
پیاو لە سەر ئیشەکەی دەگەڕێتەوە، بێگومان ئەندازەیەک ماندووە کە دەگاتە لای خاتونەکەی دەیەوێ وەک نازێک بەسەر ژنەکەیدا، باسی کاروبارو ماندویەتی ئەو ڕۆژەی بکات، ئێرە دووڕیانی دۆزەخ و بەهەشتە.
- ئەگەر بەرەو بەهەشت بێت:
ژنەکە بەهیچ شێوەیەک باسی ماندوویەتی خۆی ناکات، بەڵکو دەڵێ: یاخوا بەقوربانتبم هاوسەرە ئەزیزەکەم، بەخوا ئەزانم زیاد لە حەد خۆت بۆ ئێمە ماندوو دەکەی، کەم پیاو هەیە ئەوەندە خەمی ماڵ و منداڵی خۆی بخوات، بێنە با قاچەکانت بۆ بشێلم.
بەدەم زەردەخەنەوە دەکەوێتە قاچ وشان و مل شێلانی مێردەکەی، پاشان عەسرەچایەکی بەتام و کەمێ چەرەس دەخاتە بەردەمی، ئینجا شان لەشانی توند دەکات و بەم جۆرە قسەو هەڵسوکەوتانە ماڵی بۆ دەکاتە بەهەشت.
ئێستا کاتی ژنەکەیە، کە دەزانێت مێردەکەی تەواو، ئارامەو حەساوەتەوە، هەر بەو ڕۆمانسیەتە باسی ماندویەتی خۆی بۆ مێردەکەی دەکات، هەر لە لێنانی چێشتی بەتام و خاوێنی ماڵ و بەمناڵ ڕاگەیشتن، ئەویش یەک لەدوای یەک ماندوونەبوونی لێدەکات و قوربانی دەست و پلی ژنی خۆی دەبێت و دڵنیای دەکاتەوە کە جوانی و ڕەونەقی حاڵ و ماڵ بە تۆوەیە، ئەگەر تۆ نەبی نە من و نە مناڵ بوونمان نابێ، لەئاست هەموو کارەکانیدا دنیایەک ڕێز دەنوێنێ.
......
ئەگەر بەرەو دۆزەخ بێت:
کاتێ پیاو دەیەوێ وەک نازێ باسی مانوویەتی خۆی بکات، ژن دەڵێ: بۆ هەرتۆ ماندووی یەعنی من هیچم نەکردووە؟ پیاوی هەموو کەس ئیش دەکات و وەک تۆش ناکەن، من مناڵم شتوە، جلم شتوە، مناڵەکانت ئیمانیان نەهێشتووم، دراوسێکان هاتنەسەرمان، مردووم ئەوەندە هەڵسوڕاوم، ئیتر پیاوی داماو هیلاکیەکەی دەبێتە چەند هێندەو شەڕ بە دارو بەرد دەفرۆشێ، چونکە لە جیاتی ئەوەی مانوویەتی دەرکرێ ماندووتر ئەکرێ، بە پێچەوانەشەوە ڕاستە، کاتێ ژن دەیەوێ ژیرانە باسی ماندویەتی خۆی بکات، پیاو دەڵێ: جا چیت کردووە، خۆ هەمووی کارەباییە، ئەوە گسک و غەسالەو قاپشۆر، ئیتر ژن دەزانێ هەرچەند ماندووبووە بەلای مێردەکەیەوە هیچ نیە، بۆیە قێز لەو ژیانە خاڵیە دەکاتەوە، ئاوا ماڵ لەیەک دەکەن بەدۆزەخ.
ئێستا بەهەشت یان دۆزەخ؟؟
#بۆهاوسەرانbohawsaran