روايات يمنية📚🇾🇪

18 Jul 2025 22:34

YEMEN💰EXCHANGE

قناة أسعار الصرف والذهب يومين👌💰

أحدث الاسعار العملات وذهب في صنعاء وعدن💵💎

/channel/+UzdbaRxU4lsMhaQd

للاشتراك مجانا تفضل من هنا👆

روايات يمنية📚🇾🇪

17 Jul 2025 23:46

YEMEN💰EXCHANGE

قناة أسعار الصرف والذهب يومين👌💰

أحدث الاسعار العملات وذهب في صنعاء وعدن💵💎

/channel/+UzdbaRxU4lsMhaQd

للاشتراك مجانا تفضل من هنا👆

روايات يمنية📚🇾🇪

17 Jul 2025 19:59

❤️

بـارتـات يـومنـا الخميـس 👆🏻😍

روايات يمنية📚🇾🇪

17 Jul 2025 19:57

.

البــارت 109 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


امه: مع ياابني من الخبالة هيا مه، ماصدقنا تتزوج نشتي نفرح

سندس واقفة بغيرة: ليش وانا مابين افرحش بعرسي او كيف؟

امها دمعت: انتين بنكبر ونتعب عليكن ويجوا يشلوكن، اشتي افرح بابني ومرته وجهاله ملان البيت

رنا سمعت كلمة جهاله تذكرت جملة انتي مابتخلفيش تغيرت ملامحها طحس القلص من يدها للارض الكل شافها

ام خالد: هنا قدو حما قوي يابنتي اخرجي شمي هواء شويه

ام رنا: مابلا تشتحط ، مادخل الهوا تمسك القلص سوا

ام خالد غمزت لها تسكت

سندس: مش منها من اللي شل حسها وهو واقف قبالها

خالد لفت لها كيف بتقلب المواقف لضحك مسك ساعدها قحصها

سندس: يو يامجنون فلتني قوووا فلتني حريوة عتطبع يدي..يمماه حاكيه رنااا

رنا: امانة فلتها حرام

خالد شافها: عشانش انتي والا كنت شاخليها تبطل لقانة وفضول وصلت له رسالة من سام..

بيقرا مشي شوية للحوش

سام: تصدق بالصدفة وصلت دعوة للبيت تخيل من عيتزوج

خالد بمزحة: هههي بايخة، كرم طبعا من عيتزوج

سام رد: يااخي اكلمك صدق، وصلت دعوة أمل عرسها يوم الخميس والعريس من اهل زوجتي

خالد: الله يوفقها ويستر عليها

سام: تصدق اول مابسرت الدعوة قلت بيني وبين نفسي الله يستر لاتهرب هههه

خالد: خلاص ياصاحبي ماعد اشتي اذكرها قد انا مرتبط وهي الله يفتح عليها ابرد لك ، وبالذات ان العريس من اهل زوجتك يامنعاه بحق العيش والملح اللي بيننا لاذكرت شي ولاكأنك تعرفها ، خلي البنت تستقر وتبدأ حياة

سام: الله المستعان من قلك شافعل شي مثل هذا

خالد: مش انت اكيد ، بس مقصدي تكلم المرة انت داري كيف هن مايجلس سر عندهن والمجتمع حقنا مايرحمش

سام: ياصاحبي انا فدا لقلبك ولايهمك ابشر من عيني

رنا شافته ماسك تلفونه له ربع ساعة بيراسل فكرت حد عرف ووقعت مشاكل بينه وبين امير خرجت لاعنده وقفت: خالد

خالد لفت لها بسرعة: ها روحي

رنا ابتسمت وبتتلفت للطيقان وباب المطبخ كلهن عيونهن عليهم: لحد يسمعك

خالد ضحك: مافي نفسش تشتي شي؟

رنا: مابلا بين ابسرك متحمس بتراسل خفت لو في معك مشكلة والا شي

خالد ضحك: الغيرررة يو منش بس

رنا: اي غيرة، اصلا دارية ماعتحاكيش حد بس شفت وجهك حسيت به شي

امها: يارنااا هيااا عيحرقين خرجيهن من التنور

سندس شافتهم منسجمين: شاخرجهن انا ياعمة والله ماتقدري عليهم وضحكت

خالد: انا فدا للي دارية ماعد بش حد يهمني واحبه غيرها، هذا ياروحي سام رسل لي يقلي وصلت لمرته دعوة عرس امل

رنا: امل حق (ماقدرت تقول حبيبتك) قالت حق ماليزيا

خالد: ايوه المهم العريس يقرب لمرته وجالس يعلق على الموضوع ويتليقن لاتهرب

رنا: يو لايتحاكى لمرته وتوقع مشاكل

خالد شاف بعيونها بحنية: انا فد للطيبة حقي، قد كلمته، قلت له لاعد يذكرها بخير ولاشر، الله يستر عليها وعلينا

رنا هزت راسها: هيا اطلع غرفتك والا اخرج دور عمل ، بنات خالك يشتين ينزلين يعاونين

خالد: ومافيها ينزلين اصلا ماشبسرش حد وانتي قبالي

رنا ابتسمت بخزا: خااالد

سندس سحبته ودهفته: شرررق علينا والله بكرة معنا يوم من الصبح وقدو مغرب اخرج هيا يشتين ينزلين يعاونين

صفية لحقته بتبكي: خالد راعي

خالد شافها: مالش ليش بتبكي؟

صفية: بنتي طعفرت الصباغ الاحمر فوق فستانها عتشلني نشل لها فستان

خالد: لبسيها من اللي معها

صفية: مايسبرش فستان يوم الحفلة خالتها  العروسة وعنسير معها لصنعاء قوا يااخي

خالد: هيا ناهي لكن النسوان والله انكن مبعسسات

رنا جالسة مترددة شافت سندس: ياخالد وانا اشتي اسير السوق

خالد: هيا ناهي ، شافها بجدية مخبي المزح وانتي يتخايلش لو قد بين احبش شاشلكن

رنا ضحكت عارفة ملامحه لما يمزح هزت راسها: ايوووه عتشلنا

خالد: يلا البسين

@rewayatyamania المصدر الأول للروايات

في المطبخ..
الجدة جالسة تتفرجهن: والله انهم معاذير

الجد ضحك: والله مااخلي لهم حالهم شاسير معهم خاطركن..


فوق السيارة وصل فتح الباب وطلع

صفية نزلت له من الكرسي الامامي: جي ياجد هنا

جدها: مع اشتي اجلس جنبها (شاف خالد من المراية) حياك الله ياجد هيا ادعس ها نرجع وعادو بساع (بدري)

خالد شاف جده في المراية وبسرعة شاف رنا ورجع بينه وبين نفسه: يو والحنبة ذلحين لو فيها خير صفية لاتلهيه وتجابره وتشكي له من بنتها لفت لها

صفية شافته تفاقدت الباب

خالد رفع حواجبه يأشر لها

صفية بصوت مشاورة بس مرتفع الكل بيسمعه: ماهو الباب حق رنا

خالد: اشر لا

صفية بمشاورة بيسمعوها: باب رنا

خالد ضبح من غبائها رفع صوته: جدي الهيه جابريه اشكي له من حياتش شاركيه كل شي والا مابلا دحس الا على خالد

الوحيدة اللي فهمت قصده وضحكت بصوووت رنا

الجد: مابش زواج الا بشرط

خالد: هيا ناهي عاد جدي...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

17 Jul 2025 19:56

.

البــارت 107 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


خالد: مالش جالسة في المطبخ قد غسولت انا

رنا: مش قادرة ادخل انت قرحت الموضوع وهربت

خالد: طيب ومافيها ، كل يوم والثاني قبال عيني يتحاكوا على خطيب وناس جوا وناس ساروا لأي حين اراعي لما يشلوش عليا

رنا: بس ابسرت ابي كيف غثي

خالد: اي والله كنت راكن جدي وافق وانه خوفني عمي بس ولاعليش الا اجلس بعده بعده لما يضبح

رنا شافت صفية: بين اكلم

خالد: قلي لها خالد مالش مفتجعة

رنا بتضحك ساكتة

خالد من الطاقة شاف صفية بيداعيها: بتحاكيني

رنا بتضحك: انت مجنون والله انك زيدت بها لو يسمعوا

خالد: ايوه اشتي يسمعوا والا اقلش راعي شانزل الديوان ليش متخبيين منهم شانزل اناقشهم ابسر ليش لا، يا اقتنع او اقنعهم

رنا غلقت وماسكة وجهها بتشرح لصفية


في الديوان

خالد دخل: مساء الخير

امه بفرحة: ذلحين راعي للعدة حقها تتم وبعدا تخطب

خالد: يعني عتبطلين جوا لها وساروا

ام رنا ضحكت: زكاكم عقولكم بس

خالد: يعني موافقين

جده مبتسم

ابو رنا: انا ياابني من التعب اللي فيني هذا كرهت زواج الأقارب لو عليا لافعل قانون امنعه لكن دام فحصتوا خلاص

خالد انحرج كلهم بيشوفوه حاول يتهرب: طيب تموا تجابروا.. وخرج دلا بعدين مشي بسرعة اول ماخرج من باب الديوان

سندس ماشية للمطبخ تمت تكلم كرم وهن جالسات بيتجابرين

خالد مشي من جنبها بسرعة وقف وملامح جادة فيها ابتسامة بهدوء: وافقوا وخرج طلع لغرفته اتصل لكرم

سندس: سمعتي ماقال كرم ابسرتي

صفية: ماقال

سندس: تخيلي ياصفية اخوش المعرص هذا كان يحبها ولا قلنا ولاقلها ولافعل شي جلس مدعمم كاتمها داخل قلبه

صفية شافت رنا ساكتة: بس بين احس رنا قد ماجننت به قد ماذلحين مابش في حسها منه صح

رنا شافتهن ضحكت: المشكلة انكن خواته ، الصدق انكسفت منه وانا صغيرة وذلحين مش عارفة اعبر عن مشاعري له ، اما الحب والله اني احبه من صغري وزد ذلحين كيف بيسعدني ويسندني ونساني همي، شعور ان حد شاريش هكذا ومسيمخ للكل بعد ماكنتي واحدة مهمشة عند مش مااقدرش ماعد باقي بعده!! ماتشتين اقول حتى لو ما كنت احبه شاحبه صميل على هذا كله

@rewayatyamania المصدر الأول للروايات

بعد اسبوع..
ام احلام وهي رجعين من بيت ناس يشوفوا بنت لأمير

احلام: طرحنا لهم خبر وعلى الله

امير بيجابر في التلفون مبتسم: كيف شكلها

امه: ماشاءالله حالية

امير: وطبعها

احلام: كلهن بيمثلين المسكنة والاخلاق في البداية لوما يرجع يبان كل شي على اصوله

امها: ريحيلش من الناس كم حذرتش ، ابسري على حريق دم انتي فيه وطبينتش

احلام: قد انتي بتعايريني يمه اكثر من الناس

امها: قلت لش بطلي الحكا في الناس خلاص كل شي سار بخيره وشره

امير: المرة الجاية مااشتيش يا احلام تتدخلي رجاء

احلام: ايوه اجلس بديهن علينا لو مايقلبين فوقك انت الاول

امير شاف امه: اشهدي عليها انا والله ماعد اسكت لها لاتخليني اقوم الطمش تتأدبي

احلام انصدمت من امير اول مرة يكلمها هكذا !! ايش حصل له ، حنقت منه واتصلت لزوجها يجي لها

امير: تسير الله معها، ذلحين كيف عنفعل بشنطة الخطبة

امه: شابيع لك جنيهاات معي بس بشرط تسير تشتغل ترجع للسعودية تشتغل وترجع تتزوج وتشلها

امير: قد وعدتش قلت حاضر ضروري تذلوا الواحد وشارجع لش الجنيهات

احلام: ها على وقاحة كيف بتحاكي امي

امير قام يشتي يضربها

امه مسكته: سيري غرفتش ذلحين
.
.

في التلفون..
خالد: يعني مقصدهم عيعاقبوني حين قلت اشتيش بيت جدش

رنا: امي قالت اجلس هنا لو مانتزوج

خالد ضحك: جبر كلمة نتزوج تذكري يارنا حين كنتي تقليها وانتي صغار واحنا بنلعب

رنا ضحكت

خالد: اوعدش اسعدش العمر كله مااغثي لش قلب واعيشش ملكه


في المطبخ
ام خالد: تصدقي يا اختي كم كان نفسي رنا لخالد من زمان

ام رنا: واحنا مامنعنا الا مرض ابوها

ام خالد: ذلحين مابش فيهم شي الله يسعدنا بسعادتهم ويفرحنا بهم

ام رنا: آمين الله يتمم لهم على خير
.
.

بعد ايام واسابيع..

تجهيزات عرس سندس اول اسبوع عرسها

سندس: يو ريت والله وقد تمت عدتش نتزوج سوا، والا درينا قبل مانحدد يعني تخيلي بعد عرسنا بأسبوع عتكمل قهر

رنا: سهل هذه فرحتش عيشيها واحنا بعدش يفعل خالد عرس انا مابش داعي

سندس: ليش ماعتفرحيش بخالد؟

رنا: بالعكس مش انتي متخيلة كيف انا حاسة بجبر خاطر بس من القيل والقال

سندس: طز يقلوا مااشتوا اصلا قد خطبوا له ماعلينا منهم عيشي حياتش وافعلي كل شي وذلحين لقيت لش فستان يجنن ابسري

رنا: قصدش لعرسش قد شليت

سندس: مع لخطوبتش

رنا: هيا ناهي شازيد افعل خطبة

سندس ضحكت: عتفعلي كلهن

رنا: بعدا انتي اصلا مابحد

سندس: شاجي ياسعم شافوت مناسبتين انتي وخالد

رنا ضحكت: مدري بين احس...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

17 Jul 2025 19:54

.

البــارت 105 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


رنا رجعت من محل كانت فيه: قوا ياصفية جي قوا اشتري هذا لبنتش للعرس قوا جي ابسري مااحلاه..سحبتها ومشيت

سندس شافت خالد: مسكينة كيف روحها في الجهال الله يسخر لها

خالد بضبح بيسافط رجع الطرحة حق البرقع على عيونها: والله مامسكينة الا انتي... شاف المحل والله انها ذواقة المحل فخم بقوة

سندس: موديلات الفساتين تركية

خالد: كما كرم ذوقه اوروبي مايعجبه حقكن المطرز والمنفش والمطنفس خيرات

سندس ضحكت: والله مامسكين الا انت، قد عرفت ذوقه وبعدين بين استشيره في اشياء وهو صور لي فستان من محل عجبه سألني مقاسي

خالد ضحك: الله يوفقكم ويسعدكم ياعين اخوش انتي


بعد مارجعوا

خالد: ماعد تشتين تسيرين بقعة

صفية: مع هيا روحني بسرعة قد زوجي اتصل ورسل خيرات خزا منه

خالد: سندس

سندس: قد انا تاااعبة والله

رنا: يكفي اليوم كل يوم شوية

سندس: اليوم البنات بيتفرجين لك كلهن لو دريت ان انا قلت لك تحلق

خالد: وانا ماحلقت الا لواحدة تبسر وسامتي في حضرة عشقها كيف

صفية: يهي يهي ومن هي هذه ان شاءااله

خالد رفع عينه: عتقلكن بنفسها لوما تقرر

رنا متوترة ومبتسمة

سندس شافتهم: خالد.. رنااا لاتخلونيش الخفج حد يتحاكى

صفية لفتت لها: انتي داريه من هي؟

خالد: هي بتفعل نفسها مش دارية وهي دارية بالذات بعد تخزينة امس

سندس تحمست قربت طرف الكرسي: والله لوماتتحاكوا الاثنين لافضحكم واقل انكم بتحبوا بعض

صفية صاحت: رجعت بتحب رنا؟

سندس صاحت حضنتها: رنا

صفية قدها جنب بيتها: يعني الله يقلعكم صدق ماشروحش ولاشنزل خطيني عندكم ابسر ماقصتكم

خالد ضحك: انزلي هيا عيب زوجش مايسبرش

صفية: والله مااروح لوما ادرا، شاتصل له الآن استأذن

@rewayatyamania المصدر الأول للروايات

بعد ماوصلوا البيت

خالد: انا الصدق شاطلع وماشنزلش الا حين يرقدوا

سندس: يو نسيت نطرحش بيت جدتش

ام خالد: سهل قد ابسرتكم تأخرت جلست هي هانك.. ومشيت للديوان

رنا فرحت عشان تجلس مع البنات وبتسأل نفسها البنات وعشانه فقدت له امس وهو يوم

صفية: هيا اطلعين نصلي ونبسر ماقصة خالد حاكينا يارنا وهن بيطلعين الدرج وهو قدامهن: يحاكيكن هو مادراني انا ماعيقول

خالد من راس الدرج: بين احبش ماشاقول.. وطلع بسرعة غرفته يتجهز للصلاة

صفية وسندس سحبنها للغرفة: تحاكي كل شي من البداية يلا الآن ذلحين

رنا: طيب اصلي

سندس: الحمام مشغول تحاكي

رنا بتكلمهن ايش قلها

صفية: وايش رأيش انتي

رنا: انا اخذت تجربتي يا صفية وخالد ايش ذنبه يشل واحدة قدي معقدة

سندس: اسكتي قلك معقدة ، انسيه والا عتجلسي تفكري فيه عمرش كله مايستاهلش ، احرقي قلبه ووافقي خالد طيب

رنا: هو عشان طيب مش ساخية عليه

صفية: بس خبالة ماادخلش انتي اختارش هو خلاص بطلي رحامة وحركات هندية

رنا ضحكككت

صفية سارت لاعند خالد بيرتب الاشياء اللي اشتراها: جي لهنا عادو بيجهز الشنطة

صفية: ماقصتك

خالد: احبها واشتيها مابش قصة

صفية: عادك ذكرت

خالد: مانسيت بس ماكان وضعنا مناسب وقتها الآن مابش مانع مراعي تتم عدتها بعد عرس سندس على طول شاشلها واخبيها في قلبي

خالد: حاكيت جدي ورفض بالبداية بعدين وافق

صفية فرحت: يو يارب يفرحني بكم يعني الاكياس اللي كنت تناولني كلها حق شنطة خطبة لرنا

خالد: ايوه

صفية ضحكت: بس بين احسها مش موافقة متحسسة انك تستاهل واحدة مش مطلقة

خالد: ايوه ماعليش منها شاشلها غصب عنها

صفية ضحكت.. دخلت سندس

خالد هرب خرج لقيها وهي بتنزل: وين عتسيري جي عاونيني فيهن

رنا ضحكت: قد كمل دوري وانت دبر روحك.. نزلت

وهن لحقين بعدها

ام خالد: هيا عشاء يابنات انزلين

قربين وام رنا وصلت: اتصلت جارتش والرجال حاكى ابوش ودامهم ناس محترمين موافقين

خالد قام طلع غرفته شل شنطة الخطبة ونزل: والله مايسبر ياعمة انا قد تحاكيت قبل الكل

الجد بيضحككك: مابتفعل؟

خالد: اخطب ذلحين اجلسوا مكنوني جاء خاطب سألوا عليها

رنا منصدمة بتتفرج البناات كاتمة ضحكتها وماسكة فمها

ام رنا: لمن تحاكيت؟

خالد: اخطب رنا، عاد انا كنت شاقلكم كلمت جدي

ام خالد: وانا بين امكنك ياابني اخطب لك ابسرت لك بنت وانكم متفقين جاهزين ماشاءالله

ابو رنا لفت للاب: وكيف توافق يابه؟ وانت داري ان انا رافض زواج من الاسرة ، ضبح قام من فوق العشاء


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

17 Jul 2025 19:53

.

البــارت 103 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


الجد: ماشاوصيك لأنني شايفها من ذلحين في عيونك

خالد حضن جده وحبه فوق راسه: هي اصلا عيوني بكلها

الجد: سير ادي المفرس وجي نوضع البقعة هذه  ننقل الشجر

خالد تمام بدأ يشتغل معه في الحوش


في غرفتهن..
سندس بتوريهن اللي اشترين: وهذا والكل ذوق رنا

امها: روعة ليش ماشليتي اثنين

صفيه: قلت لها قالت مع تشتي تنوع

ام رنا: هذا حالي يابنتي نوعي بس شلي اثنين

صفية: تمام اليوم نسير لاني اشتي ارجع بيتي

سندس بضبح: ياعمة خلي الفارغة هذه رفيدة تسير بدل رنا، احتاجها والله انها ضخمة ذوقها حالي

صفية: وانا اشهد الصدق ، مااقدرش انسق ابدا ، هي امس ساعدتنا

ام رنا عشانهن: يلا تمام وحين ترجع رجعنها لبيت جدتها ورفيدة ترجع

سندس: حاضر

@rewayatyamania المصدر الأول للروايات

في بيت جدتها تمت رفعت ونظفت وطبخت وهي مراعية تتأكد امس كان مريض او خزن؟
اتصلت لسندس

سندس: تجهزي عنتغدا ونجي لاعندش امش رضيت تجي معنا

رنا فرحت وذكرت انها عتخرج معه مسكت قلبها بيدددق: يا سندس اشتي اسألش خالد امس خزن؟

سندس بتداعي: ياااخالد

رنا: خلاص اسكتي لاتصيحيش وتسأليه انا سألتش انتي

خالد دخل قدو تاعب من الشمس والزراعة: ادي لي ماء

سندس: ماشاصيحش قد جاء شاسأله، خالد انت خزنت امس؟

خالد: هذا كرم؟

سندس: هيا ناهي ماذلحين لو مسكت تلفون قدو كرم، والله انها رنا

خالد ضحك: قلي لها ماخزنش

رنا سمعت صوته ومستغربة كيف اعترف لها الليل وذلحين مش باين عليه

سندس: هيا تجهزي انتي وياه عنخطى بعد الغداء نشتي نوصل بدري قبل الزحمة

رنا: تمام

خالد بيكلم نفسه ايووه فرصة وانا اطلع ابسر كم معي زلط


في غرفة الجد..
الجدة معصبة: ياحج ماضرتنا الا تيه الكلمة ابن عمها اولى من الغريب، سمعت ماقالوا الدكاترة يكفي كيف طلعت عيني مع ابني ماعد اشتي حد يجرب الجعجعة ووجع القلب على ابنه

الجد: بنقلش فحصوا بخيرين بتفهمي او ماشي

الجدة: ناهي بخيرين والبقية عيقلدهم وجهالهم بعدهم

الجد: يهي يهي عاد الحجة حقي بتهم الذرية كلها ، بعقلش يامرة

الجدة: والله انه انت اللي بتجنن انت وياهم

الجد ابتسم بابتسامة شيطنة والتجاعيد حول عينه: ماافعل مجرب له ، تذكري حين كنت ابدي للحوش لو اشتي ابسرش ارجم الحجار لاعرض الخزان وانتي تبدي من الشاقوص ماابسر الا عيونش

الجدة ضحكت وخزيت غطت طرف فمها باللثمة

الجد: بخيرين مافيهم شي خليهم ، والجيل هذا قدو واعي ماعيسخوش هم على عيالهم

الجدة: مابين ابسرش اللي انت بتبسره وبعدا ابو رنا عيرفض قد انت داري كيف كان يجنن حين نقل وهم جهال خالد لرنا ورنا لخالد


بعد الغداء تجهزين وخرجين بالسيارة

خالد متحمس بيتمرى في المراية وبيرتب اطراف الشنب بعد ماحلق لحيته

سندس شافت لصفية: يوه ماله
.
.

بعد الغداء تجهزين وخرجين بالسيارة

خالد متحمس بيتمرى في المرايه وبيرتب اطراف الشنب بعد ماحلق لحيته

سندس شافت لصفية: بسم الله وهذا ماله قدو بيلمع هكذا وشم العطر لخارج

صفية: قد انتي دارية ابسر امس البناات اشكال وانواع

خالد لفت لها بإحباط من جملتها: وانا حق هذه الاشياء؟ قد عمري لفت لبنت وتبسرتها وقعيت ولاحقتها

سندس ذكرت ايام طفولته برنا: ايوه

خالد لفت للمراية: اي حين ياكذابة قد ابسرت بنت عيب والله ماهو طبعي اللي ارضاه لكن بين ارضا على بنات الناس

سندس: اعصابك، انا مقصدي رنا..

خالد حس قلبه امتسك معقول قد سندس ملاحظة

سندس بتكمل كلامها: رنا وانتوا جهال كنت تجلس تتبسرها
...ضحكت فجأة ياخالد كنت تحبها وتتبسرها بس ليش اوقات تقوم تضربها او تحانكها

خالد ضحكك وبيسوق وقف جنب بيت جدة رنا وطرق لها: كانت تقرح قلبي معاندة ومحارشة

رنا كانت واقفة فتحت الباب وخرجت وهي بتشوف للارض وطلعت متوترة كيف تقابله بعد اعترافه لها بتفتح الباب

خالد لفت من الطاقة وشافها

رنا وهي بتطلع: ايش فيه متغير منور مبتسم يمكن عشان كلمني مبتسم لي يعني ذاكر

سندس: اهلا بالمحارشة بختي قد بنعامل لش معاملة تعب ماهو هذا

رنا ضحكت: ليش محارشة

صفية: خالد بيتذكر ايام المجهالة

رنا يعني كلمهن مافعل

كأنه قرأ افكارها خالد بيبرر لها لاتفهم غلط: قالين ليش كنت اتبسرش واحنا صغار...شرح لها الموقف

رنا ضحكت: كنت تستاهل المحارشة

خالد: وذلحين عتحارشي بي

رنا بتشوفه ويشوفها في المراية وبتهز راسها ايووه

سندس: مافعلت تحارش بك

خالد ضحككك بيكركر: قلك مخزن

رنا ضحككككت من ضحك خالد ومن وضعهم

صفية: ابسري على تفاهة فيهم بيتسارروا سكتة واحنا ولا داريات بشي

سندس: يعلم الله مامخططين ، مقلب؟

خالد ضحككك

رنا وهي بتضحك: ماشي والله

خالد رفع صوت المسجلة

رنا متحمسة تسمع ايش هذه المرة عيسمعها ، بتتفرج من الطاقة وبتشوف لأول مرة...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

17 Jul 2025 19:52

.

البــارت 101 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


خالد: اطلعين السيارة الآن بسرعة مشوار ضروري جدي قال

سندس: ياخالد تلفوني عيطفى

خالد مستعجل: مش وقت تلفونش اطلعي قلت

طلعين مشي

الجد واقف في الطاقة بيضحك عليه: الملعون هذا والله انه كان بيحبها كنت اتخايل حين طلب يخطبها انه غاوي وحب جهال، الله يسامحني بس حين وافقت لها تتزوج بأمير وكسرت قلب خالد وقلبها مع واحد مايستاهل
.
.

في المستوصف..

رنا: ليش ابي فيه شي؟

خالد: قسما بالله مافيه شي ، بس لسبب

سندس: او عنفعل فحص كورونا

خالد: انزلي سكتة وانتي

رنا: ليش احنا الثلاثة بس

خالد: بعدين عتعرفين سكتة يلا ادخلي واجلسي يارنا

وانا شادخل بعد ماتتمي..

واقف خارج..

@rewayatyamania المصدر الأول للروايات

في البيت..

الجده: انت هكذا عتخلي الناس تصدق الكلام عليهم

الجد: الناس وهو مابش شي تكلموا ، وذلحين عيتكلموا وينسوا، اذا بيحبها وهي موافقة ليش لا خليهم

الجده: البنت ماقد تمت العدة

الجد: واحنا ماقد عنوافق ذلحين بس على الاقل نعرف ، لو به شي شاحجز لخاالد يسافر على طول
.
.

بيت امير

مواصلات يتكلمين وشافنه جالس بالساعات يضحك ويجابر بالالغاز يدخل غرفته ويخرج..

امها بصوت واطي: والله العظيم انها ماكذبت رنا فرغة واصل ومدري من معه مجابرة قد ابوش قليه عيقرح منه دري انه باع ارض وسدد بدله وانه راكن رقده اكل شرب سمرة وعيضيع عمره لا عمل ولا مرة

احلام: طز فيه

امير بالسماعات مش داري ايش بيقولين
.
.

في البيت بعد مارجعوا..
سندس: ذلحين ليش فعلت لنا فحص

خالد: ابسري هو احنا في بلادنا مابنهتم بهذه الاشياء ولا ضرورية اي اثنين يفحصوا قبل الزواج عشان فصيلة الدم والثلاسيميا وفيروسات الكبد..الخ

رنا: وياسعم هو شرط كرم او كيف؟

خالد: انتين ليش يعجبكن تفعلين تحقيق

رنا: دغزوني بالإبر وانا مالي دخل وماتشتي نحقق معك

سندس: والله ان احنا هبل انا وانتي قد كنا عنحمل مع صفية لداخل مع جينا معه

خالد: هيا من الدلع هي الا ابرة

سندس: قلك دلع

رنا: شكله مابيحس

خالد ضحك: والله انو انتي اللي مابتحسي ، ارحميني بس

رنا ضبحت: من ايش ارحمك مالك معلق هذه اليومتين محد بيرحمك

خالد بيضحك: هانت يارب تمها على خير

سندس شافته بنص عين وشافتها وسحبتها من يدها: ادخلي والله انه ناوي يلحق فاتح المجنون اللي في حارتنا

رنا مشيت معها وبيضحكين عليه

خالد دخل لاعند جده: فعلنا فحص ذلحين كيف

جده باستغراب: طلعت النتيجة؟

خالد: مع

جده: راعي وارجع لي

خالد: طيب فرضا مابش شي ماافعل

جده: تجي تتقدم لها ساعك ساع غيرك وبعدا تراعي لوما توافق ونوافق كلنا

خالد بضبح: ياجد ليش الحركات هذه واحنا اهل

جده: هكذا عندي بناتي يجوا لهن ويتشرطين ويدلعين على مايشتين

خالد: خيرة الله ، طلع غرفته..


وهي في الغرفه..
امها: تجهزي والبسي يلا

رنا: اين؟

امها: عتسيري عند جدتش (ام امها) تاعبة اجلسي عندها الفتره هذه اوبهي لها

رنا: طيب يمه والكسوة اشتي اخرج مع سندس

امها: مش ضروري كما فؤاد اللي عيشلكن سرتي

رنا: يعني ذلحين الموضوع عشان خالد

امها: ايوه ، يتخايلش مابين ابسر خرجة دخلة مجابرة واصل ونظرات وحركات

رنا بصدمة: يمه ايش من حركات مابش شي والله

امها: بغير جنان لاتحلفيش، اسمعيني وبس يلا شاراعي لش نازل نسير نبسرها انتي تمسي وانا ارجع

الليل ضبح بدونها لي البيت وافتقد لها..

دخل صفحتها في الفيس لقيها اونلاين بدأ يختلق اعذار يكلمها: صفحتش حالية قوي

رنا فرحت شافت رسالته ردت

خاالد: البيت طافي بدونش

رنا: يلا سهل افتهن شوية

خالد: قلت لش مشكلتش مابتحسي

رنا ضحكت: جالس انت والاحساس

خالد: ايوه جالس لوما تحس وتفهم

رنا: وين هي اسكه قلي رقمها والا بيتها اسير ادكمها في راسها جننتك وجننتنا معك هرمتنا عليها

خالد: اقلش شي ، هل لو قلت لها ان انا بين احبها واموت فيها لدرجة غصب عني في كل مرحلة من عمري حبيتها وتمنيتها ، فكرت في الطفولة انه حب وقلت غوا ، حاكيت جدي عليها وانا في الاعدادية قال عادك جاهل ومابش عندنا بنات يراعين لوما تتم مدرسة وجامعة وتتوظف

رنا بتقرأ وهي حاسة قلبها بيدق ليششش نكر حبهم وذكر حبها من هذه اللي كان يحبها وفضلها عليها وكيف ماحست هذك الفترة انه كان بيحب واحدة

مصدومة وضابحة من هذه البنت

خالد: ايس افعل يارنا اسكه قلي لي

رنا بضبح: قلها تحمد الله وتشكره عادها بتزنط عليك وانت زيدت بها ، ذليت نفسك قوي يااخي ماتشتيك طز فيها

خالد ورا الشاشة بيضحكككك

صفية دخلت: خالد عتسير تشتري حليب لبنتي

خالد بحماس: والله ماهووو ووووقت يا صفية ابدا

صفية: خالد قوا عاد البقالة فاتحة بين ابسرها من الطاقة

خالد: فؤاد حاكيه، جدي قلي لجدي يخرج بحجر الله ياصفية مش وقت

صفية: جدي...





📚 @rewayatyamania 🇾🇪

روايات يمنية📚🇾🇪

16 Jul 2025 20:58

❤️

بـارتـات يـومنـا الاربعـاء 👆🏻😍

روايات يمنية📚🇾🇪

16 Jul 2025 20:57

.

البــارت 99 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


في الديوان..
الكل التفت للباب شاف جدها دخل

الجده شافته قامت: يوه صرفوا مااداك ياحج

الجد: واحنا مالحقناش من حقهم البعاسس هذه جي نلحق لنا صورتين معهم

النسوان ضحكين

الجد وقف بينهم الاثنين حضن سندس: هيا صوري يابنت


بعد الحفلة والناس روحوا والكل بيتعشى..

رنا: وين سندس

رفيدة غمزت لها واشرت لها (طالع بتتصل)

خالد حب يشاغله جالس يتصل له وهو انتظار كنسل الاتصاال

خالد عاد الاتصال مرتين

كرم: ها خالد ماتشتي

خالد: ماذلحين ايش اشتي ها نذالة بتكنسل وعادك قبل اسبوع بتلاحقني

كرم ضحك: الله يسخر لك ياصاحبي باللي نفسك تشغلك وتخلي لي حالي

خالد ضحك: بس اقلك لاتاخذ راحتك زيادة

كرم بيضحك: قفل حرمتني في الخطوبة ماذلحين مرتي لاتخليني احظرك

خالد قام من فوق العشاء ياخذ راحته بالكلام: هنجم هنجم بعيني عادها عندي لاتخليني اطلع ادعيها واخليها تنشغل للصبح ترفع

كرم: مالك على مرتي شاجي اشلها

خالد ضحك: قلها قلش خالد انزلي تعشي لايسحبش بشعرش

كرم: والله ان انا سجلت مكالمتك شاسمعها

الجدة شافت رنا: ماشاءالله يابنتي ماقد تميتي العدة حقش واليوم بيسألوا عليش واحدة من اللي جت مع اهل العريس

خالد رفع راسه شاف الجدة ورنا

رنا مطنشة

الجده: والثانية قريبة بنت عمي تشتيش لابنها

صفية: لو هم ناس سوا ليش ماتقلي عاد انتي في العدة

خالد قاطع: صفية ادي الشاهي من قفاش

رنا ناولتها الشاهي اللي جنبها هي وصفية

صفية: واقهريهم امير وامه

امها: ماتفعلش شي امد تقهر حد ، تشتي تتزوج تتزوج لنفسها ماعلينا منهم

خالد: ياريتش توقعي ربع تفكير امي، ماهو حقكن الكلام هذا

الجد لاحظ ردود فعل خالد الايام هذه: وانت اي حين عتسافر؟

خالد: ماعد شاسافرش

الجد: طيب والعمل؟

خالد: لما اخطب

امه ضحكت: ليش الناس ياابني العكس مايخطبوا الا بعد العمل

خالد: لو اشتغلت في العمل ماعد شفضاش اخطب

الجد مركززز عليه ونظراته ورنا: في نفسك حد اخطبها لك؟

خالد اول نظرة جت على رنا ولفت لاعنده: ايوه

الكل صاح: يهااااي يهي

رنا ساكتة ليش بين احسه معي قوي هذه الفترة وهو معه واحدة يخطبها ، يعني عشان وضعي بيعطف عليا

الجد: وانتي يارنا موافقة على اي واحد من اللي جوا اليوم

رنا: ولا واحد ماعد اشتيش اتزوج

خالد لفت لها وبيشوفها

الجد الوحيد بين الكل ملاحظ للي بيحصل: مش هو على ماتشتي

رنا لفتت له: ماقصدك؟

الجد: عتوافقي وبرضاش

ام خالد: الله يعوضها ويفرحنا بهم

سندس نزلت وهي مستحية وفارحة

الجد: وين انتي تمينا نتعشى

سندس خافت من جدها: هاا كنت بين اصلي (بهررت لرنا ورفيدة يسكتين)

خالد شافها ضحك: ماشاءالله مؤمنة

الجد: صليتوا جماعة والا كل واحد وحده

الكل ضحكك عليها

سندس استحت وتخبت ورا رنا

الجد: ياسعم شيبت وخرفت مش انا داري بحركاتكم حق اليومين تيه

@rewayatyamania المصدر الأول للروايات

ثاني يوم تجهزين صفية وبناتها ورنا وسندس يسيرين مع خالد صنعاء يبدأين يتكسين

رنا: نسير شارع جمال اول

صفية: ماشي نخليه بعدا نسير اول اي مول اشتي لبناتي فساتين فخمة

خالد: اسمعي انتي وهي مابش بترول والدنيا طوابيررر وعيقرح المهر مساربة ياسندس،  انا شاشلكن بقعة واحده عتكتسين لها ولكن وتجهزين عرس كامل من هذا المكان

رنا بضحكة: خالد عادو يتخايل له انه مسافر بيحلم قلك مكان واحد مش داري كيف بنتعب دوار من محل لمحل

خالد: هيا انا اوريش ونبسر بعدا من بيحلم انا والا انتي

صفية: من هي ياخالد اللي تشتيها اعزمها عرس سندس نبسرها

خالد شاف رنا: اعزمش انتي، هي بدون عزومة بيتها ومملكتها

سندس صاحت: الله من هذه

رنا ضبحت من مدحه لها بعدين بتسأل نفسها انا ليش بين اغير ؟! اهدأي يكفي وانا صغيرة تبهذلت هذه المرة نظراته لي هي اكيد صعبت عليه بطلاقي واللي حصل معي ماعيحب واحدة مثلي

خالد قاطعها: وااا رنا مالش ساكتة ، بنحاكيش

رنا: ماسمعت

سندس ضحكت: قد تلفتين السيارات اللي جنبنا لهنا يجاوبين بدلش

رنا ضحكت: ناهي سرحت طننت

خالد عصب من السيارة اللي قدامه ضرب دلا على السكان

رنا غمضت عينها وماسكة وجهها

خالد بيشوفها في المراية مافهم مالها

صفية: مالش

رنا فتحت شافت خالد هادئ (تذكرت امير لما كان يعصب ويشتم ويلاعن وينزل يضارب): توقعت خالد عيعصب ويندع صوت

خالد ضحك: اي حين قد ابسرتيني هكذا فعلت

رنا داخل نفسها ماقد شفت منك الا كل خير ، انت غير الناس

صفية: ياخالد انا معك شلنا المكان اللي قلت عليه

خالد: قصدش معرض (شو عرسي)؟


/channel/+Ecxq_OzMYh40M2E0



📚 @rewayatyamania 🇾🇪

روايات يمنية📚🇾🇪

16 Jul 2025 20:54

.

البــارت 97 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


خالد لقطها بيده الافصاص طرح راسه على الوسادة وسارح في سقف الغرفة بيفكر كيف يبدأ يلمح لها ، كيف يقلها ، طيب كيف نفسيتها هل متقبلة، ليش كل ماوقع لها عرض زواج بترفض مش عشاني اكيد، لأن للآن مش حاسس منها انها فاهمة اعجابي بها ، يعني اصبر عليها مااشتيش انكسف، يكفي اللي حصل لي قبل بس والله مااقدر اعيش بدونها ايش يعني هذا، يعني حب اكيد

خارج واقفة باب الغرفة خايفة حد يدخل ويعرف انه داخل وهي كانت نوم

النسوان شايفات واحدة بفستان احمر شعرها مفتوح طويل مموج اسود ، لابسة اكسسوار رقيق ومكياج بسيط خفيف بارز جمال عيونها ونعومة ملامحها
: هذه رنا ؟؟

واحدة: يوه البنت هذه كيف تغيرت لما كبرت وقعت ثانية قمرية، كيف سخي عليها

واحدة ردت: الصدق تشتين الصدق، والله ان البنت واهلها اخلاق ماقد ابسرنا منهم شي ولاسمعنا كلمة على حد في الحارة

واحدة ردت: والخبابير كلها هذه والمقالعة مع ام امير

ردت عليها: هو حين انتي صاحبتها انتي وبنتش صاحبة احلام اذانكن مفتوحة لاي حد مانا الصدق مصدقة عيوني واذني ماعد ازيد افتحها لمخلوق

متكية على الباب سارحة بتفكر

ام خالد طلعت شافتها واقفة والنسوان وحدهن: رنا قمتي يابنتي

النسوان: هي رنا؟ ماعرفناهاش ، ماشاءالله قمر سبحان الله صدق كيف كبرت واحلوت

من داخل الغرفة بيسمع

رنا: ايوه قمت

ام خالد شافتها مطننة قربت بتفتح باب الغرفة: ادخلي ارتاحي شوية ماقد بش نسوان خيرات شكلش نوم

رنا بربشة وارتباك: لا ياعمة خلاص

ام خالد: قفلتي الباب؟

رنا: ايوه داخل اشياء..سكتت

رفيدة: ياعمة جاوبي بسرعة نازل

ام خالد نزلت هي والنسوان

رنا بتشاوره من الباب وتدق: ياخالد

خالد سمعها فز نطتين من فوق سريره للباب فتح الباب ومد يده: ها تشتي التلفون

رنا مدت يدها سحبت التلفون شخطته بظفرها:
آسفة

خالد ضحك نفسه يخلي يده مايردها

رنا شايفه يده: خلاص شليت التلفون شكرا ، ذلحين كيف عنفعل

خالد: ينفع انزل

رنا: راعي شابسر لما مابش حد وبسرعة تهرب

خالد داخله نفسي اهرب لقلبش وتغلقي عليا

رنا: خالد سمعتني؟

خاالد: سامعش والله بس بين اتخيل

رنا: ايش تطمن انا شبسر الطريق واقلك ؟

خالد: متطمن والله ما متعبني الا لاني متطمن

رنا: ياخاللللد بتسمعني

خالد رفع صوته: صيحي جعل مايصيح غيرش

رنا ضحكت: اصلا مابتجاوب وانا قلبي في ارجلي كيف جيت قالوا انك خارج

خالد: كنت عند عمي ادي له العلاج وركعت العصر وتجابرنا شوية وجيت غرفتي

رنا شافت سندس وصلت من الكوافير سحبتها: تعالي انقذينا

سندس: انقذ من؟ كيف مكياجي ؟
فتحت الباب ودخلت: خالد هنا

خالد: حانب

سندس: ايش انقذكم؟

@rewayatyamania المصدر الأول للروايات

خالد: مش وقت اقطبي الرجال مراعيين لي وانا متعذر لهم عنحكي لش بعدا

سندس بتبعد المقرمه والبالطو: كيف انا ؟

رنا من خارج ورا الباب: سندسسس قوااا مش وقت قلي لي مانفعل النسوان بيجين..سمعت خالد بيقول

خالد: لو اخترتي فستان احمر ، احلى من الوردي ، ولو خليتي شعرش مفتوح عيقع احسن وضحكك

رنا بهررت يوه على وقاحة يعني شافني !!انا صحيت وهو مقفي يوو والفعلة شافني..دقت الباب بسررررعة بعد بعض: هيا تصرفوووا بعيني ياخالد والله ماراحت لك

خالد ضحك: هي غرفتي من قلش تجي

سندس خرجت لاعند رنا: مالكم حد يفهمني

رنا: اسمعي الآن شانزل اقول طريق يدخلين المكان وانتي تنزلي معه لما يخرج من الحوش لديوان الرجال ( ديوان خاص للرجال في الحوش)

خالد مايشتي يبعد عطرها من الشال ماتعطر لفه حول رقبته وطرح الكوت من فوقه: يلا شانزل

رنا مسكت الفستان ونزلت بسرعة مابش حد ، داعت رنا وخرج للحوش طلعت هي ورنا للغرفة وحكت لها اللي حصل

سندس بردة فعل باردة: بسس هذا اللي حصل على سماجة فيكم ياسعم مايعرفش عادي

رنا: كنت راقدة بتفهمي بشعري والفستان

سندس متوترة: رنا سهل عادي يعرفش انا ماشفعل اللي مايعرفني تخيلي يبسرني هكذا بشعري والفستان

رنا: على الاقل احلى من اول شوفة مشعفلة بتكنسي

سندس: يو والفعلة شكله اهبل حين خطبني.. وضحكت

رنا: يلا شانزل ابسرهم ولو تشتي شي رني لي
.
.

في الديوان الكل بيتلفت ويأشر عليها: هذه هي اللي فعلت الكوشه والتنظيم كامل

رنا بتسمع وتشوف نظرات ودهشة واللي تشكرها واللي تقول روعة والي تقول افخم تنظيم قد حصل ، واللي تطلب منها تسوي لها تنظيم عرسها، حست معنوياتها ارتفعت انبسطت الارهاق والتعب كله راح
.
.

بعد ماعقدوا الرجاال ..
كرم: طيب جي معي شوية هكذا وانسني لنص الديوان واخرج

خالد: ولا ربعه ولاشبر بغير جنان انا اعرفها ، ماتشتي مش هو غصب

كرم: ...


(( يا أيها الذين ءامنوا صلوا عليه وسلموا تسليما))
اللهم صل على سيدنا محمد وعلى اله🌹


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

16 Jul 2025 20:53

.

البــارت 95 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


الكل مستغرب من بتكلم

سندس: يعلم الله من هذه ، الصدق فيني فضول شاسير ابسر

فؤاد: بس قلة عقل خليها لو تشتي تسمعيها كانت جلست

سندس بمحانكة: مابش بيني وبينها خباي.. وطلعت

الجد شاف خالد حالق وجالس بياكل مبصم ضابح: وانت اي حين شافرح بك ، وافعل لك زفة ملان الحارة هذه كلها

خالد ضحك: لوما افهم اللي بيحصل

الجد استغرب: ايش بيحصل؟ قصدك المطار ، او عادك ناوي ترجع

خالد ضحك: انا فدالك ياجد ، والله لوما يترتب مخي قسما بالله انت ثاني من يعرف

الجد: وليش احد قبلي؟ ليش مش انا الاول او تحاكي الحجة.. أشر على جدته

خالد: الاولى الحريوة ، الثانيه انت

الجد: ها لو هكذا مابش مانع موافق

@rewayatyamania المصدر الأول للروايات

في غرفتها..

رنا بتكلم جارتها اللي في السعوديه: وهذا كل اللي حصل، لاهربت مع ابن عمي ولا حين دريت انه مابيخلف لاتصدقيه شرحت لش الموقف كله

جارتها: كم كان نفسي اقلش وانتي هنا ، ليش متحملة عصبيته وجنانه وحرمانه لش ومزاجيته كله الا الاحترام يا رنا ، وزد فوق هذا كله تقلي فعل هكذا في مصر

رنا: ماكنت شاتكلم والله لانه عيب ، بس مش راضي يسكت اعظم من النسوان بيكلم الناس كلهم هذا الشي، وانا مضطرة ومن حقي ابرر وادافع على نفسي

رنا: والله فقدت لش قوي

جارتها: وانا والله صدقيني ولا عيلقى مثلش بنت ساع الوردة مؤدبة في حالها قمر حميش صابرة على جنانه كنت اعصب بدلش انا،، خيرة الله غثيتيني والله

رنا: لاتغثيش انا مبسوطة وارتحت ورجعت لي روحي كنت حاسة ان انا طافية مش حاسة بطعم شي والآن مرتاحة قوي

سندس بعد ماقفلت: جالس بيتحاكى مش وقع ورقة

رنا: قالت حاكاهم قبل بس قالت تخليني شوية وتتصل

سندس: اها

رنا: خلاص مااشتيش افتح سيرته جي ادي ورقة وقلم وجي نخطط كيف نفعل الديوان

سندس ادت ورقة وقلم وجلسين

دخلت رفيدة بعد ماغسولت وجلست معهن ينسقين
.
.

ثاني يوم الصبح

فوق الصبوح
سندس بتتدلع على جدها: مابش لك صبوح

رنا بتشوفها وتضحك لفتت خالد بيشوفها بعفوية وهي مبتسمة: اسمع الشحت ذلحين

خالد نظراته العميقة لها بصعوبة بعدها وشاف جده وسندس

ام رنا: عيب خلي جدش يجلس يابنت

سندس: يدي زلط واسمح له

الجد ضحك خرج خمسمية من جيبه ناولها

سندس ضحكككت وردتها لجيبه وسحبت الباقي كلها وبتعد

الجد بيلاحقها بالعصية وهي تهرب منه وتكمل تعدها

ابوها: وليش يعني جدش وانا مابين افعل

سندس بفرحة: حقه مبروووكة بتكفي والله،  سحبت مبلغ لفة ألوف

جدها: ها السلبطة، سهل شاشل ضعفهن المهر حقش عيوصل ليدي

الكل بيضحك عليهم

سندس بدلع وثقة غمضت عينها: ماشي عادك عتوفي انت وياه(اشرت لابوها)
اشتي عرس مايقل عن عرس بناات صنعاء

خالد: يوووه قرحت ميزانية صاحبي، هو كريم وانتي استغلالية

رفيدة: ايوه حارش له

رنا: حرام عليكم والله ماهي هكذا

سندس: هي رنا اللي تشتيها والله ماهو انا تشتي تسير السوق

خالد: عادها بتدافع لش مانبعتي الا فوقها

رناضحكت: هي قصدها نشتيها للتجهيزات حق حفلة العقد ، بس من الفرحة ماعرفت تعبر

فؤاد: هي حفلة عقد مش عيد ميلاد تتبدعين ، شادي لكن كرسي جاهز مزين من عند صاحب حق تزيين سيارات

سندس ضحكككت: وادخلك انت نزفك بدلي

فؤاد عصب: بس خبالة والله ل

خالد بصوت مرتفع صاح: فؤاد ، مززح

فؤاد بصياح: بتسمع ماقاالت تزفني انا وسط النسوان

خالد ضحكككك ويشتي يتكلم رجع يضحك

رنا بتشوفه وتضحك

الكل رجع يضحك من ضحك خالد

خالد: انا مقدر يااخي هذه ردة الفعل الرجولية، بس لو نجي للموضوع مافيها شي اضحك، في عرسك عتدخل ويزفوك وسط نسوان، عادي خذ الموضوع بروح رياضية ليش العصبية والعيفطة هذه

سندس: والله انه هكذا الرجولة ياخالد ساعك متفهم داري مافي عقل الواحد

خالد ضحك: انتي اسكتي ماكان قصدش هكذا، انا بين انصحه لنفسه مش اي شي يستفز رجولتك

رنا داخل نفسها ايش العقل هذا ياخالد كم كنت اكره فلسفتك وانت صغير وعنادك وقفالتك

الجد جالس مركز لنظرات خالد وخجل وهروب نظرات رنا: ذلحين يارنا زلطي عتسير لشي سوا عتبيضي وجهنا

رنا: ايوووه متأكدة وشاجهزه قبل بيوم لو ماعجبها نخلي حد يجي يسبر لها الكوشة

سندس مسكت يدها: ماااشي على اتفاقنا وتخطيطنا عجبتني قوووي فكرتش متحمسة

خالد: اوصلكن ؟ مابش معي شي

الجد: انا احتاجك ياخالد، خلي فؤاد يشلهن

خالد كان نفسه هو يروح بس: حاضر ياجد

ام رنا: خليهن يسيرين هن وانتي افعلي الغداء

ام خالد: يو مع انا شاطبخ وهن يسيرين مادراهن ماتشتي رنا

ام رنا: وانتي يارنا من اي حين ، ياسعم تعرفي؟ خلينا يابنتي بدل اللعب بالزلط ندي واحدة تجي تسبر الكوشة

خالد شافها انكسفت: ...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

16 Jul 2025 20:52

.

البــارت 93 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


خالد: شاخطب قلك اقرر احب، بس مراعي للعدة

كرم: الحمدلله به سبب يمسكك شوية من تسرعك، وأمل عندها امل ترجع لو هدأت مشاكلها

خالد لفت نص لفته عقد حواجبه باستغراب وشافه بنظرة استفهامية

كرم: بتسأل كثير مابتشوف تعليقاتها في الفيس؟على منشوراتك

خالد هز راسه لفوق بعدم الاهتمام

كرم: ذلحين يااخي استحي على نفسك علقتوني، قد عتخطب وهذا يتزوج ويخلف وانا محد معبرني

خاالد: وبعد اسبوع ايش

كرم: خيرات اسبوع

خالد بضبح غلق قارورة الماء: يااخي انا اللي مااعرفش كيف افعل لانا قادر اجلس بالبيت قدام نظراتها ولا قادر ابعد ولا عارف اتصرف انه عادي ساع اول

كرم: جي هنا شقتي فاضية امد

خالد: اقلك مااشتيش افلتها

@rewayatyamania المصدر الأول للروايات

في الصالة..

سندس لرنا: يووه شوفي مااحلى الصالة والكوشة وتنظيم العرس واوووو يعلم الله من صلح لهم هذا كله يو خورت لعرسي والعقد

رنا: انتي دارية ياسندس وعد افعل لش حاجة تجنن قوي لو تشوفي كيف كنت افعل.. سكتت شوية وكملت كلامها

كنت افعل الصالة حق بيتي كلها كأنها كوشة لما اخور نفعل لنا أجواء ويفلت ويخرج ولا يدي اصحابه

سندس: خلاص افعلي لي بس مش ساع اللي كنتي تفعلي له

رنا ضحكت: تمام
.
.

في الصالة

كرم مسك يده: يا خالد انت فاقد لايامك مع امل وبتتذكرها وبتحاول تنساها بواحدة ثانية

خالد: طيب النسيان نسيت تعرف ليش؟؟ تعرف لما حد يهد اشياء كبيرة بتعب وصلت لها عشان نتم فرحتنا لما توصل اعلى درجة وتفلت للارض خلاص تنسى وتكره ياصاحبي

كرم: بس هي ماقسست عليك

خالد: فلتتني وسط الطريق ضايع وحدي ورجعت !! ايش اجلس ابكي على العمر اللي كان عيكون معها خلاص حاولت وقدرت انسى ليش انت بترجع تذكرني بها

كرم: خايف تكون لحظة منك تهور وتستعجل القرار وانت وبنت عمك في وضع مش للكسر مرة ثانية، اعرفوا بعض شوية لك منها عشر سنوات هي تغيرت وانت

خالد: انسى العقل وصدق قلبك ياصاحبي اتبع احساس قلبك وانا بتبع احساسي واشوف وين شوصل

كرم يشتي يتكلم

خالد: خلاص ياكرم صح في ذكريات بتذكرني بها بس اول مااذكر كيف تركتني وهنت عليها بين انسى اي شي، خليني اعيش حياتي

كرم: تمام انا قلبي عليك بس لاتزعل مني اشتي لك خير والله


بعد ماكمل العرس وجاء يرجعهم من العرس وهن فوق السيارة

امه: خزنت؟

خالد: ايوه

سندس: ياخالد لقينا لك بنت تجنن

خالد بدون مايحس شافها في المراية بس ظلام

صفية: ودعوتش يارفيدة سارت لاختش جوا لرنا خطاب وانتي مع

ام خالد ضحكت: بعدا ماشاءالله شكلهم مرتاحين

خالد بضبح: لو مرتاحين خلاص يعني موافقين؟

رنا: ايش من مرتاحين ياعمة ، مش داريه انتوا ليش سكتوا كنتوا تقلوا لهم ماشي مش موافقه انا رافضة اتزوج

امها: وماعتجلسي تفعلي

رنا: اكمل ادرس اشتغل افعل اي شي عادي

خالد ضبح من ردة فعلها ساكت

صفية: مالك ياخالد ساكت

امها: مخزن

رنا: ياخالد البنية حالية

خالد ساكت

مستغربين كلهم

سندس بدأت تتنمر عليه وعلى تخديرته

خالد ليش الكل بيحاول يبعدني عنها ، ليش كرم اكثر واحد يعرفني مش مصدق اللي حاسس به قد بين اقل بين احبها، طيب هي لما تشوفني مابتحس نظراتي لها

صفية صاحت: خالد

رنا: اول مرة تخزن؟

خالد سمعها: ايوه

رنا ضحكت: عشان هكذا خلين له حاله

خالد مش دارية انش اللي شاغلة حالي وبالي كيف افعل بروحي يصدقوا ان انا حبيتش وكنتي في باالي بس الظروف اجبرتنا على اللي عشناه

صفية: خالد ادي تلفونك افتح لبنتي تلعب شغلتني

خالد فتح تلفونه ومد يده: ها افتحي لها انتي بين اسوق

رنا اقرب واحدة سحبت من يده التلفون

صفيه: رنا افتحي لها اي اغنية اطفال

وصلت رسالة من امل

الاشعار من فوق ماسنجر
(خالد ممكن نتكلم، ممكن ترد عليا، وحشتني)

رنا ارتبشت ناولت بنت صفية بسرعة

سندس: صفية كل مااتذكر البنت اللي لابسة ساع فستانش وكانت ترقص هكذك افتجع لحلمش

صفية بتضحك: بس عيب الله يهديش لاتحشي.. وتتذكر وتضحكك

رفيدة: كانت تشرح الاغنية كلها بالرقصة

وصوت ضحككك الا صوتين خالد ورنا كل واحد في وادي

سندس شافت رنا: وانتي مالش عقلتي وهانك طفحتي ضحك

رنا لفتت لهن: ها ، ماقلتين

صفية: يهياااه تأثرت من تخديرة خالد

سندس: خالد خزنت لرنا

خالد ضااابح من القات لانه اول مرة وعشان رنا قالت ماعتتزوج وعشان كلام كرم

صفية رجعت تمزح على سندس: لازم ترقصي رقصتش هذه في العقد

سندس: واوقع ساع احلام

ام خالد ذكرت: انتين داريات ماوقع باحلام قلك زوجها تزوج عليها

بدأين يتناقشين ورنا مستغربة بس ماعلقت على الموضوع بشي
.
.

في بيتها..
احلام بتبكي لامها: تخيلي قد له شهر من حين ماهو متزوج ولا كلمني وانا اقل ماله تغير كيف له توظف، بطل القات واللبس والحلاقة واصل


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

16 Jul 2025 20:52

.

البــارت 91 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


خالد: رنا امس فعلت عشاء واكلت تعشيت

امه: عتخليني اخطب لك واحاكي رنا وخواتك والكل نبسرلك ونخطب لك

خالد حب يدها: ذلحين فعلتي لي صبوح عتذليني به قدش تشتي تزوجيني

امه ضحكت: هيا الحجة عندي

خالد ضحك: لاتخليني اضحك واتكلم تاعب امانة خلوني ارقد ولاتخلي حد

جدته دخلت بخلطاتها عشان الكدمات

خالد: يووو والشم مالكم عليا امانة عذاب هذا مش هو علاج

ابوه دخل: قوم البس نسير القسم نكمل

خالد قام بتعب مع ابوه يهرب من خلطة جدته اللي امتلت شم الغرفه منها ، اول ماخرج شافها واقفة من خارج

رنا مشيت شوية بعدين رجعت بربشة تبرر موقفها: اين جده

خالد بيمشي للحمام: هذك بتطير الجن حرام لو في شي جني في الغرفة لايطير من علاجها

رنا ضحكككت

خالد استغرب من ضحك بصوت لفت لها بعد ماضحكت ورجع مشي وهو مبتسم
.
.

بعد ساعات رجع من القسم هو وابوه وامير وابوه

الجد: مافعلتوا

ابو خالد: كتبوا تعهد امير مايتعرض له ويفتح موضوع البنت ، وهذا مايرد بضرب و..من هذا الهدار

@rewayatyamania المصدر الأول للروايات

بيت امير..
الاب دخل: ماعترضاش تتحاكى يعني ، الثنتين تجين لهنا

الام واحلام واقفات

الاب: والله العظيم وحرام وطلاق لوما تقلين من اللي تحاكى لاتخرجين من البيت الثنتين

احلام صاحت: يو ياا اباه الله يهديك، هو انا حاكيته اللي قالين النسوان

ابوها بيدور رقم زوجها: كم حذرتش وقلت لش بطلي، ارجعي عند زوجش التهي بالجهال وبمشاكلش وخلي للناس حالهم يله
.
.

بعد اسابيع..

خالد: هيا تجهزين بكرة عنطلع صنعاء عرس سام

امه: مانطلع نفعل احنا معزومات الثالث

خالد: حلفوا وقال امه بتتحرا تجين غداء الخميس والثالث

سندس فارحة: هيا نسير عيب عشان خالد

رنا شافتها مبتسمة ونظرات فيها كلام تفهمه سندس

سندس شافتها ابتسمت واشرت تسكت

خالد بيشوفهن: ماشاءالله بتفهمين على بعض بالاشارة

رنا ضحكت

سندس: ورنا؟

خالد: ياسعم انها سندريلا

سندس: اقصد معها العدة

ام خالد: لها شهر تمت عدتها..

الجدة قاطعتها: ثلاثة اشهر

ام خالد: قصدش ياعمة، هي الا خرجة سهل العدة كما تزوجت

رنا قاطعت: مااشتيش اتزوج

خالد شافها

ام رنا سارت تجاوب التلفون

واحدة من جارتهم: يو يا اختي ماتوقعناهاش منكم ابدا

ام رنا: ايش؟

جارتها: انتي دارية ماوقع باحلام والسبب قصة رنا وابن عمها واللي بينهم

ام رنا: وماهو اللي بينهم انتي الثانية؟ مابش بينهم شي بطلوا تطلعوا خبر، احلام من يوم يومها بتتحنوق عتردوها فوقنا

جارتها: هيا ناهي مش هي حنقة تيه المرة، زوجها تزوج

ام رنا بعصبيه: شي معش خبر انتي وهن ، تزوج قلتوا بنتي.. عصبت قفلت
وجالسه تفكر في كلامها

خالد: ذلحين هيا اقطبي ياسندس تشتين السوق

سندس: ايوه الله يحفظك هيا رنا

ام رنا: سيري انتي ياسندس وهي عتجلس ابوها تاعب

ام خالد: ماتشتي وانا شفعل بدلها انزل افعل شي؟

ام رنا: ماع تطلع تجلس جنبه وانا اسير ابدي على امي وارجع

رنا: حاضر، خلاص ياسندس اشتري لي انتي على طريقش قدش دارية

ام رنا: وانا شطلع البس وانزل.. لحقت رنا ودخلت الغرفة وقفلت: اسمعي الكلمتين هذه في اذنش لاتزيدي الدخلة والخرجة مع خالد مش هو اخوش ، وبطلوا السمرات في الحوش مابش جلسة من اليوم تجلسي تتغدي سكتة وكملتي وسرتي غرفتش

رنا استغربت: ليشش ماحصل؟

ام رنا: كيف ماحصل ازيد اعلمش الصح والعيب قدش عاقلة يابنتي، الناس مابترحم الكلام ، وبعدا هو والكل ماعيقل عليش

رنا: خالد ولابيقول شي هذا تفكيركم انتوا ولابنفعل شي غلط ، انتوا اللي بتجلسوا تفكروا غلط هكذا

امها كملت تلبس: هذا اللي عندي تقلي حاضر وبس.. وخرجت

رنا تنهدت بضبح
.
.

في السوق
سندس بتقايس الفستان جنب خالد

خالد بعد منها وبيتلفت حوله الناس: مالش يامجنونة

سندس: بين اقايس طول رنا يعني لما بتوقف جنبك

رجعت الفستان جنبه

خالد ماسك نفسه: سندسسسس بس خبالة قايسي بنفسش، اعتقد هذا عليها
.
.

بعد ماحبست نفسها في الغرفة من كلام امها لثاني يوم تجهزين للعرس ومانزلت تتغدا مش قادرة تواجه نظرات خالد بعد كلام امها

سندس: هيا رنا قد خالد بيطرق تأخرنا لاتنسي الطريق

رنا: يااختي شعري تعبني طووويل مارضي يكمل اقلش خلاص بقي خصلة سهل عتتغطى ببقية الشعر، اسبقي قلي لهم شانزل ذلحين

سندس: هيا قد الكل فوق السيارة

رنا كملت مستعجلة كحلت عيونها ورسمت الرسمة والايلاينر وبان جمال عيونها اكثر ولونها لون البن على قولة خالد وهي صغيرة ماسكة البرقع وطرف البالطو والفستان وبتنزل دلا بالكعب من الدرج

خالد دخل يدي ظرف حق سام نسيه شافها وهي بتنزل..

شافها متنح في عينها وابتسامة ملان وجهه من الدهشة

رنا مستغربة ماله نظراته آخر فترة هذه مش عارفة ايش وكيف وفين تروح وهو واقف مكانه





📚 @rewayatyamania 🇾🇪

روايات يمنية📚🇾🇪

15 Jul 2025 20:37

❤️

بـارتـات يـومنـا الثلاثـاء 👆🏻😍

روايات يمنية📚🇾🇪

18 Jul 2025 22:21

🔥👇قنوات معتمدة من التلجرام👇🔥

إتصفح الاعلان وسوف تجد كل ماتريد👇

k📚روايات وقصص مميزة @storykaligi
kروايات يمنية @rewayatyamania
kارشيف روايات يمنية @archiveRY
kمستندات روايات @storykaligi_1
kبجنان صنعاني @bejnansanani
kاجمل الاغاني @sanaa25
kصنعانيات @sananyat6
kللعآشقين @liveyou1

kالأصدقآء @zjgivguchjjeopp1086
kالبيت الصنعاني @housesanaani
kهمسات @hamasat_el7ob_22
kصوت القلب @cardiacsounds
kالفن اليمني @Naghamyemen
kسلي على قلبك @nokat23
kطبية @Pharmacist1992
kنكت فقرات مقاطع العاب @nukat11

kخواطر انجليزيه @LikeMohammed
kمعلومة @Ma3lomah_wa_Kossa
kصنعاء فديت روحش @okdsanaa
kهمس القصيد @htt_hms_algsed
kالشهيد صدام @eeekkkhalhgag
kشهقه حزن @QueenAmy_33
kقلب طفلة @childhoods2a
kقسوه سندريلا @Noorcon
kكبرياء رجل @samoo52
kل وتيني @sosooa_s14
kكلام ذهب @bsjejejjeb
kمجروحه @majroha0
kصديقات @m170242
kفضفضة الم @xcvb0
kغامضه @raano82
kالشوق @guixelcy
kعشقي @Alkimer
kإيفلند @iifle


kلبنان @CedarofLebanonNajw
kبوح محبين @Loveforevertop
kحب دون لقاء @dkvkkvkdkrg
kمنوعات عامة @Aseer_love_5
kشموخي @KhrbshatYamane
kاوراق اسمين @hemsa6667
kدعاء اليوم @Alameri000
kملكه الحب @mostmA1
kمشاعر حب @sgfjkhgk
kخربشات ﭑبيه @abih_5
kالحبر والقلم @roq222
kلوتيني @L_WatEeNi
kغزل تايم @love77e
kلفقيدي @oo_ee1
kتحطم @anazalia
kنقشات @ngosh
kهواجيس راقيه @dshff
kيمنيه @Yemeni_Varieties

kقصص انجليزية مفيدة @engstory23
kمطيرفة @RoRoAhmedMohmed
k⚜الحياه حلوه⚜ @lovesanania
kالشهيد الصالح @alshedalsaleh
kحب @Hob_fey_mhab_areeh
kمدلازة صنعانية @sana_a2020
kكبريا الصنعاني @Hfyd0Hfyyd
kدموع حب @DAMmooa01
kهلوسات يمانية @Wiz_gilr
kشوق المشاعر @Ffahad55
kحديث الذات @ellerimde
kلمة صنعانية @Raid2025
kهمسة خجل @Wwoovv
kمشاعر @Hamssssssss
kلحضات جميلة @afff_a
kمقيل وسمره @m_s_ye
kمجروحه @Shee_Nnn
kكل جميل @httpsgrd
kسامضي @semoo01
kبحه حزن @b7t7zan
kأروين @AROINFOG
kمالا نهايه @mo_oim
kوناسه @amec2018
kنبضات @So_delw5
kانساك @D124H
kقيتاره @getarh
kيمانيه @pglmy
kالامل @gggup
kفتاه @sjkjf
kبعثره مشاعر @bxjck
kالدنيا عتب @shqama
kنبض قلب @PHTHLIA
kلأقلامنا حكايا @our_pens
kحب صنعانية @ilove3you
kمشعات صنعانية @sanaill
kالاصلاتي @Soosoo_2020
kخربشات قلم @Scribble20
kخواطر اختي @My_sister_H
kاهات عاشق @Ahatachq
kمتفائلون @AsoomaMalooka
kتلفونات للبيع @XiaomiYemen

kملاذي انت @Tyeefy
kذاكرة القلب @AHWquite
kصنعاء القديمه @oldsana
kروياتي @az_m_2005
kهتان @yemenxn
kأسعار العملات @Yemenis_Exchange
kمن اعماق قلبي @omkklobww0
kقلب من ورق @galp_mn_warg

kروايات يمنية
/channel/+Ecxq_OzMYh40M2E0

kسام ميوزك
/channel/+VZE56V6tQZ4hA4wQ

kقصص مميزة
https://t.me/joinchat/AAAAAD1p6TqBBTyITQumpA

kأسعار الذهب وصرف
/channel/+UzdbaRxU4lsMhaQd

kنكت سام صنعاء😆👇
https://t.me/joinchat/WU4ZscEyGaeyQqSr
━☆


للاشتراك ⇦ @STAR_TWASULBOT

روايات يمنية📚🇾🇪

17 Jul 2025 23:05

🔥👇قنوات معتمدة من التلجرام👇🔥

إتصفح الاعلان وسوف تجد كل ماتريد👇

k📚روايات وقصص مميزة @storykaligi
kروايات يمنية @rewayatyamania
kارشيف روايات يمنية @archiveRY
kمستندات روايات @storykaligi_1
kبجنان صنعاني @bejnansanani
kاجمل الاغاني @sanaa25
kصنعانيات @sananyat6
kللعآشقين @liveyou1

kالأصدقآء @zjgivguchjjeopp1086
kالبيت الصنعاني @housesanaani
kهمسات @hamasat_el7ob_22
kصوت القلب @cardiacsounds
kالفن اليمني @Naghamyemen
kسلي على قلبك @nokat23
kطبية @Pharmacist1992
kنكت فقرات مقاطع العاب @nukat11

kخواطر انجليزيه @LikeMohammed
kمعلومة @Ma3lomah_wa_Kossa
kصنعاء فديت روحش @okdsanaa
kهمس القصيد @htt_hms_algsed
kالشهيد صدام @eeekkkhalhgag
kشهقه حزن @QueenAmy_33
kقلب طفلة @childhoods2a
kقسوه سندريلا @Noorcon
kكبرياء رجل @samoo52
kل وتيني @sosooa_s14
kكلام ذهب @bsjejejjeb
kمجروحه @majroha0
kصديقات @m170242
kفضفضة الم @xcvb0
kغامضه @raano82
kالشوق @guixelcy
kعشقي @Alkimer
kإيفلند @iifle


kلبنان @CedarofLebanonNajw
kبوح محبين @Loveforevertop
kحب دون لقاء @dkvkkvkdkrg
kمنوعات عامة @Aseer_love_5
kشموخي @KhrbshatYamane
kاوراق اسمين @hemsa6667
kدعاء اليوم @Alameri000
kملكه الحب @mostmA1
kمشاعر حب @sgfjkhgk
kخربشات ﭑبيه @abih_5
kالحبر والقلم @roq222
kلوتيني @L_WatEeNi
kغزل تايم @love77e
kلفقيدي @oo_ee1
kتحطم @anazalia
kنقشات @ngosh
kهواجيس راقيه @dshff
kيمنيه @Yemeni_Varieties

kقصص انجليزية مفيدة @engstory23
kمطيرفة @RoRoAhmedMohmed
k⚜الحياه حلوه⚜ @lovesanania
kالشهيد الصالح @alshedalsaleh
kحب @Hob_fey_mhab_areeh
kمدلازة صنعانية @sana_a2020
kكبريا الصنعاني @Hfyd0Hfyyd
kدموع حب @DAMmooa01
kهلوسات يمانية @Wiz_gilr
kشوق المشاعر @Ffahad55
kحديث الذات @ellerimde
kلمة صنعانية @Raid2025
kهمسة خجل @Wwoovv
kمشاعر @Hamssssssss
kلحضات جميلة @afff_a
kمقيل وسمره @m_s_ye
kمجروحه @Shee_Nnn
kكل جميل @httpsgrd
kسامضي @semoo01
kبحه حزن @b7t7zan
kأروين @AROINFOG
kمالا نهايه @mo_oim
kوناسه @amec2018
kنبضات @So_delw5
kانساك @D124H
kقيتاره @getarh
kيمانيه @pglmy
kالامل @gggup
kفتاه @sjkjf
kبعثره مشاعر @bxjck
kالدنيا عتب @shqama
kنبض قلب @PHTHLIA
kلأقلامنا حكايا @our_pens
kحب صنعانية @ilove3you
kمشعات صنعانية @sanaill
kالاصلاتي @Soosoo_2020
kخربشات قلم @Scribble20
kخواطر اختي @My_sister_H
kاهات عاشق @Ahatachq
kمتفائلون @AsoomaMalooka
kتلفونات للبيع @XiaomiYemen

kملاذي انت @Tyeefy
kذاكرة القلب @AHWquite
kصنعاء القديمه @oldsana
kروياتي @az_m_2005
kهتان @yemenxn
kأسعار العملات @Yemenis_Exchange
kمن اعماق قلبي @omkklobww0
kقلب من ورق @galp_mn_warg

kسام ميوزك
/channel/+VZE56V6tQZ4hA4wQ

kروايات يمنية
/channel/+Ecxq_OzMYh40M2E0

kقصص مميزة
https://t.me/joinchat/AAAAAD1p6TqBBTyITQumpA

kأسعار الذهب وصرف
/channel/+UzdbaRxU4lsMhaQd

kنكت سام صنعاء😆👇
https://t.me/joinchat/WU4ZscEyGaeyQqSr
━☆


للاشتراك ⇦ @STAR_TWASULBOT

روايات يمنية📚🇾🇪

17 Jul 2025 19:58

.

البــارت 110 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


الجد: مابش زواج الا بشرط

خالد: هيا ناهي عاد جدي ذلحين عينتقم مني انتقام مافعلت ياخلق الله كل يوم وطلعين شروط

جدها ضحككك: مابش لك خرجة من البيت انت وهي، والله مامسلي على قلوبنا غيركم ، تتزوجوا وتجلسوا عندي

خالد فرح: ايوه ياجد هكذا ، فتح الزفة للأخير وبيسوق


وصلوا المكان

الجد لخالد: الله الله ، رعاها الله ايامنا ما مع المرة غير الستارة واللثمة ويدها من الحطب والمزحقة قدي الا يابسة ساع ايدي الدجاجة ، وانا بين اقل ليش قصر نظري مابين ابسر فيتامينات هكذا

خالد بيضحك رنا وصفية هربين من جنبه يضحكين دخلين المحل

واحدة بتبيع سمعت الجد قالت له: والله ان احنا بنحطب وندور غاز ونسارب بترول ونجمع القرش فوق القرش نوفي صرفة البيت ونشتغل خارج وداخل البيت وبنذاكر للجهال وبنفعلهن كلهن ياحج قد احنا وقت غير وقتكم لاتحسدونا بحجر الله ، كنتوا تطرحوا راسكم ولابتهموا شي الارض والخيرات والبير والماء متوفر ولاهم ولا حرب ولا دين ولا شي

الجد تأثر من كلامها: والله يابنتي ماقصدي شي انا ارحم من حق القرية عمري كله مابين ابسر الا اللي قلت لش اليوم جيت وابسرت العجب ، والا ماانتي وامثالش هنا هاااه (مسك راسه) انتين اعظم زوجات وامهات وبنات وخوات حفظش ربي وششتري من عندش للحجة اطيب خاطرش حين غثيتش

كملوا ورجعوا زحمة البيت والعرس..

@rewayatyamania المصدر الأول للروايات

ليلة الثلاثاء يوم الحفلة حق رنا

كانت رنا بتجهز الديوان ليوم الحفلة والشباب وصفية وام خالد وامها بيساعدين

خالد: مارأيش الاعمدة هذه نخليها في الزواية ووصلي معها الديكور اللي عتفعليه ورا الستارة

رنا: نجرب

بعد ماكملوا وبيتعشين

ام رنا: ماعنقول للناس يابنتي بسرتي يوم النقش كيف سألين وطنشتهن مادريت مااقل ماعيتحاكوا عليكم

رنا: للمه تطنشي مابنفعلش شي غلط ، بغض النظر عن الكلام وكل اللي حصل وان احنا بنبرر لهم من حقي اعيش، انا ظلمت نفسي ومحد عاش معي اللي عشته ولاعد بين اهم احد يتحاكى من مااتحاكى، خطيبي وابن عمي وعيقع زوجي وخلاص الناس هولا اتعبونا وضيعوا اعمارنا نشتي نعيش يمه انا عن نفسي مابين اهمش حد وانتي بردي قلبش ودعممي

خالد بيشوفها ماعد قدر يكمل ياكل من ابتسامته ملان وجهه

امه شافته ضحكت: هيا اوبه تشترغ

رنا شافت عمتها ابتعدت ملامح الضبح واستحت وضحكت

امها تأثرت وتذكرت اللي مرت به بنتها وفعلا حست انه صح ماعليها من الناس

صفية: كيف كانين مايخرجين من هنا وصاحبات وكل شي ومن حين ماصاحبتهن ام امير قلبين علينا هذا دليل مهما فعلتي للناس مابيملى عينهم شي

سندس: مش وقت المحاضرااات عرررسي ياخلق الله اقطبوووا الدنيا منعوثة والوقت شررق اي حين عتكملين

صفية شافتها بنص عين: ماعد بحد العريس يشغلش بتهرمينا اوامر

خالد ضحك شاف الساعة: هيا خاطركن شاسير عنده وشمسي لبكرة هانك من السيرة والجية وفؤاد عندكن وعياال خالي

رنا رفعت راسها شافته نظرة وداع وتملي عينها منه

خالد شافها والعيون كلها حولهم  تهرب سريع من نظراتها ومشي

سندس: خالد بغير خبالة الخميس تروح محد غيرك عيوصلني للكوافير ويشلني بيت خالي

خالد: ذاحين على مااتفقنا تسيري كوافير في صنعاء ونشلش منه لبيت خالي يجوا المخرجين منه؟

سندس شافت جدها: ايوه اذا جدي موافق

جدها: مابش فرق جدش هذك وانا واحدي ومااشتيش تتعبي يابنتي تمام وانا شاكون هانك


يوم الصالة
وصل لهن للكوافير فتح الباب لسندس وبعدين رنا، طلع وفتح الزفة: الله يديم السعاده علينا زفيت اختي وصفية وعقبال حبيبة قلبي وآخر العنقود رفيدة

سندس: ليش جت بنت صفية معك ، لاتضيع قوا خليها معك ياخالد هذه الايام بيخرجين ويضيعين

خالد: جننت امها وهي عندي فوق السيارة لاتقلقين

رنا: خلاص انا شاشلها معي احسن شانتبه لها اضمن انت منشغل

على نزلتهن للصالة نزل خالد وماسك سندس: بيغلقين على وجهكن كيف عاد تستضين

رنا وطت تمسك ذيل الفستان بنت صفية بتلاعبها طيرت البرقع وبان نص وجهها

خالد رفع حاجبه وصاح فوق بنت صفية: هاااه مع هيا ادخلين هاا فيسع

وقف معهن باب الصالة

رنا: وانت ماعد باقي الا تدخل عند النسوان خلاص ارجع

سندس: هيا بيذوب المكياج من غيرتكم على بعض اقطبوني دخليني يارنا

خالد ضحك اشر لها باي ومشي


كان العرس منظم مرتب بسبب رنا اشرفت على الكوشة وكل شي فيه

احلام: ابسري على لبس وعلى فساتين فوقهن مطقمات كلهن الظاهر اهل العريس ادوا لهن هذا مش ذوقهن

امها: اهجعي يابنتي خلاص

احلام: قوا اسأليها من وين فستان بنتها عجبني قوي

امها: اسألي انتي

احلام: قلك منظمة مدري كيف على كيف عادي كله به احسن

امها: خلاص اسكتي وصلت خطيبة امير وامها مااشتيش حقش المرض هذا


/channel/rewayatyamania/55248



📚 @rewayatyamania 🇾🇪

روايات يمنية📚🇾🇪

17 Jul 2025 19:56

.

البــارت 108 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


رنا: هيا ناهي شازيد افعل خطبة

سندس ضحكت: عتفعلي كلهن

رنا: بعدا انتي اصلا مابحد

سندس: شاجي ياسعم شافوت مناسبتين انتي وخالد

رنا ضحكت: مدري بين احس ماعدوش من حقي افرح بين اهم نظرات الناس

سندس: خبلا اصلا مادخلهم ماعاشوا اللي عشتيه انتي وحدش يحق لش تقرري وتسعدي نفسش وتخلي الناس آخر همش ، ذلحين ابسري هذه لانا شوب بتدي اشياء تجنن هيا اخترت لش هذا الفستان

صفية وصلت: عتبطلين مجابرة وقومين جهزين مكان لبنات خالي وخالتي عيوصلين من صنعاء

سندس: انا حريوة لحد يحاكيني ماكرهاً طولين اظافري

صفية: ناهي لش اول وآخر من عتتزوج

رنا: قد كل شي جاهز بخرنا وجهزنا انا ورفيدة

صفية: يو لكن القوا، شانزل اجهز معهن عشان نكعك

سندس: وين خالد؟ اشتي ينفعني

رنا: في صنعاء مع كرم

سندس: ابسري على وقاحة مفلت عرس اخته وجالس مع صاحبه

صفية ضحكت: بتغيري على اخوش من زوجش ماشاءالله

خالد رسل لرنا: قد حجزت ثياب للعرس والدعوات

رنا انصدمت: اي حين؟

خالد: بعد شهر

رنا: شالحق اتجهز بعد شهر

خالد: ماتحتاجيش شي شاخرجش ألف بش السوق كله جمعية وحجزنا وشليتش لو عليا لاشلش بعد اسبوع على طول بس اشتي افعل عرس حنان طنان شاتزوج حبيبة قلبي

رنا: بعد عرس سندس شارجع بيت جدتي عشان احس ان انا حريوة وتفقد لي

خاالد: طيب يعني شاخلي زواجنا بعد عرسهم مباشرة

رنا ضحكت: هذا وانا كنت عايشة عندك العمر كله

خالد: تشتي تحرميني من بسرتش تحملي..

@rewayatyamania المصدر الأول للروايات

بيت أمير..

ام احلام بتتكلم في التلفون: بين اقل اسير العرس عيب احنا جيران وكل شي في بابه

مرة جارهم: انتي في نفسش تسيري امد توريهم خطيبة امير

ام احلام ضحكت: ومافيها لابسروها ، تشتي الصدق والله ماعد في حسي المطابزة قد كل واحد شل قسمه ماذلحين نعيش ونهجع المشاكل والهدار الله يوفق ابني وهي يسخر لها

مرة جارهم: انتي دارية قد خطبها خالد طرح كلمة مراعيين تتم عدتها وتتزوج قالوا عيعرسوا على طول

ام امير معصبة من اللي سمعته بس مضطرة تبين للي بتوصل لها كلام انها مش مهتمة: يعرسوا على عافيتهم

جارتها: يوه ماحصل لش يااختي ليش قد انتي هكذا ضعيفة

ام امير: يعني مانفعل قلدش الله، وبعدين كم جهد واحد يتحمل غيبة ونميمة يكفي خلين لنا حالنا

جارتها: ماشاءالله ماذلحين حين مابش في يدكم شي قلتوا خلين لنا حالنا

احلام وصلت بشنطة ثيابها وجهالها

ام امير: قد جيتي حانقة

احلام: استغفر الله ، جيت عندكم يعني ماشاجي الا حانقة، جيت نتعرس

ام امير: اين تتعرسي

احلام: عند سندس او نسيتي كنا خباير ، انا مادخلني من السامجة رنا، شاسير امد..

امها: لاعد تبدعي بنفسش اجلسي بس

احلام: اتحدى واحد يبدع بي ابسري ماشفعل به بس

امها صيحت: عتسيري تفعلي مشاكل مابش سيرة

احلام: والله ماافعل شي ماغير اسير ابسر

امها: قد انا فارحة اخوش سافر يشتغل اسكه المشاكل حقه عتجي انتي تفعلي لنا هدرة

احلام: خلاص قلت والله مااتحاكى

لقيت الدعوة حقها شافتها: يهي يهي زوجها من بيت فلان الفلاني مرتاحين وتجار

امها: مادخل الصيت يابنتي هذك اختها صفية زوجها الا مدرس وماشاء الله على اخلاق وفهنة فيها ولا قد يوم حنقت بيت اهلها وقالوا فارشة بيتها ياسلام سلم

احلام: سبرت لهن مابلا انا حظي اعوج مش انا دارية على ايش

امها: ولاعتدري طالما نيتش وعينش على خلق الله
.
.

في البيت..
خالد دخل بالصرفة هو وفؤاد للمطبخ وهن بيكعكين: طعمونا

امه: عادهن حاميات

ام رنا: بعدا التناوير محوزات راعوا خارج

رنا اشرت له من وراهن لا ينتظر

سارت سكبت لهم ، ٢ شاهي وشلت كعك ملان صحن وسكتة دلا دلا من وراهن مشيت ومدت الصحن بسرعه ناولته

ام خالد مسكت يدها بممازحة: ابسري لاعد به حياء ولاشي قبال عيننا

خالد: لاعد تزيدي يمه عمتي بين احس لو عليها لاتاكلني

ام رنا ضحكت: مابلا ياابني نخطى على اللي يسبر واللي مايسبرش

خالد جلس في درجة باب المطبخ يشرب الشاهي وياكل: وماهو اللي مايسبرش؟ قد قلت سهل خليتوها تسير بيت جدها تمام، بس مثلا هذه اللحظة وكلكم محوشين حولها ليش مايسبرش

ام رنا: مدري هكذا طبعنا وعاداتنا

خالد: مش شايف فيها صح او غلط، العادات والتقاليد لو بدون سبب ومبالغ فيها مش هي قرآن حرام لو نخالفها

امه: انت قد زيدت بها ياابني والله ماعد بتستحوش

خالد ضحك شاف رنا: اسمعني هولا باصمات العادات والتقاليد بصم

رنا ضحكت اشرت له عيذبحنها لو تكلمت

خالد بصوت مرتفع: انتي اجلسي ساكتة بس وانا شاقلهم وجهة نظري يعني انا وسط ابي واعمامي وجدي وامي وامها والاهل كلهم ، كل اللي بيحصل نظرة وكلمة عادية وبس وبعدا لاتضبحونيش باقي ايام وتوقع مرتي لاتخلنيش اول يوم العدة اعقد عليها ونسافر مانشتيش عرس

امه: مع...





📚 @rewayatyamania 🇾🇪

روايات يمنية📚🇾🇪

17 Jul 2025 19:55

.

البــارت 106 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


ابو رنا بيمشي للديوان

ابو خالد: اجلس تعشا

ابو رنا طنش ومشي

الجد: خلوه لحد يحاكيه انا شاتفاهم معه

ابو خالد لفت لابنه: ايش صنف لك انت وهكذا هذا الساع تفعل!

ام رنا: ماعد انتوا جهال ، ذلحين تصرفاتكم قدي صدق

خالد: ايوه صدق ياعمة مالش او حد عيلعب في موضوع ساع هذا

الجد شاف السفرة رجعت صياح وكل من بيتشارع مع الثاني للشباب: هيا كل واحد غرفته ، وانتين قومين رفعين وغسولين والكبار الحقوني للديوان

سندس بفصله والجو حامي: ريت والله وجدي غلط وقال الشباب يرفعوا ويغسولوا

رنا قلبها بيوقف من اللي حصل انصدمت بكلام سندس اللي كلهم سمعوه وماضحك غير جدها وفؤاد

خالد ضابح من ردة فعلهم وخايف

رنا متوترة من ضبح خالد بترفع كل الصحون للصحن الكبير وقفت تشتي توطي تتحمله

خالد رفعه ولفت لها: ثقيل عليكن

الجد اشر لابو خالد ومرته وام رنا وصفية: هيا هاا

ام رنا ضبحت وسارت الديوان وهي بتتصل لاخوها يجي يشل رنا عند امها

صفية ضحكت: هيا امي وابي وجدي سيروا بعدهم نقوم نكنس البقعة

@rewayatyamania المصدر الأول للروايات

في الحوش
مراعية خالد يخرج من المطبخ تدخل هي وسندس يغسولين

سندس: ذلحين مارأيش انتي ماعيحصل

رنا: كنت متأكدة عيرفضوا عيقلوا ليش يشلني ليش مايتزوج واحدة

سندس: انتي بطلي افلام هندية مادخلهم اذا صاحب الشأن اختارش

رنا: يمكن عمتي

سندس: على فكرة امي ولاقالت شي ساكتة واثناء الكلام هزت راسها حسيت موافقة

رنا: ماله خالد تأخر

سندس مدري مشيت بديت تشوفه وضحكت: بيغسول والله عشنا وشفنا يارنا

رنا شافته: خالدد؟؟؟ مراعياات لك تخرج واحنا عنغسول

خالد: عادي كنت متعود في الغربة لما أضبح اقوم ارفع واغسول انسى الضبح

سندس ضحككككت: ساعش يارنا ، يعني لو تصايحتوا الاثنين عنجي والبيت بيلمع

خالد ضحك شافها: لحالش ياسندس مامفتهن الا انتي

سندس شافتهم: وانتوا يومين وسبر الوضع خلوهم يهدؤوا

خالد شاف رنا يدها في فمها نفس الوقفة اللي توقفها وهي متوترة لما كانت صغيرة رجل قدام رجل وساندة نفسها وكتفها للباب: وانتي اهم شي عندي موافقة

رنا ضحكت خبت وجهها للجهة الثانية

خالد ضحك رجع يغسل الصحن وطرحه: جي كملي ياسندس راح الضبح

سندس ضربتها: جحفة هيا ادخلي بدله انتي ساع مافلت الغسولة بسببش

رنا ضحكت هربت من وقفة خالد جنبها ورجعت تغسول بدله

سندس: يوه مااحلى مرة اخي وهي طيبة تستمع الكلام

خالد: اصلا قد اخوش غسول لها نص الغسولة

رنا مبتسمة وهي بتغسول

خالد فلتهن ومشي طلع غرفته

سندس: مقدرة احساسش تخزي والله يجي كرم يسألني هكذا مارأيش فيني حين تقدمت وافقتي وو واستحي مااعرفش ما اقله

رن التلفون اسمه صاحت: يوه كل مااذكره يتصل

رنا ضحكت: القلوب عند بعضها

سندس اشرت لها تسكت وفتحت: الو

سندس بخزا وعينها على الارض: مساء النور ، صدق ماابسرتش الرسالة، ها تطمن مابش شي وخالد ماجاوب كان بيتعشى معنا،

كرم: ايوه اتصلت له الآن قفل قال عيتصل لي بعدا صوته ضابح ماله

سندس ضحكت: اصلا صاحبك فعل لنا جو اكشن قبل شوية طرح شنطة الخطبة وسطنا واحنا بنتعشى خطب بنت عمي هكذا فجأة لما حنب اللجع في فم الكل

كرم: اخيرا تشجع فعلها يعني قالها

سندس شافت رنا وبهررت وبتأشر لها باليد الثانية وتتكلم بحركة الفم بس

رنا مافهمت بتأشر لها: ايش.. قربت تسمع معها

سندس فتحت الصوت

كرم: كم اهرمنا آخر فترة من بعد مارجع وحين هي موجودة خلاص ولاعد بسرناه

رنا استحت وبتضحك ماسكة فمها

سندس: ايوه هو من حين رجع ذكر يحب وهي قباله من صغرهم

كرم: انا عارف اخوش اكثر منش، انتي دارية حين سافر كان يجلس يخط اسمها يرسمه رسم بعدة انواع خط يبدأ يرسم عيون وبعدا يخبي ونقله ليش يقلنا حب الطفولة ويرفض يتم يرسمها لانبسرها.. وضحك

سندس ماسكة وجهها وشافت رنا

رنا مقوسة فمها باستغراب ومنسجمة بتسمع

كرم: ولما احاول اعرف منه ماحصل كان ينكسر ويقل خلاص الله يسعدها ويهنيها وين ماكانت ماينفعش اذكرها

سندس: جعلي مكسر عليك ياخالد انت ورنا

كرم: وانتي مالش تتكسري وانا لمن، بطلي الدعاء هذا كم مرة حاكيتش

سندس: حاضر

كرم: حضر لش الخير ياقمر وحشني صوتش

سندش شافت رنا ارتبشت غلقت مكبر الصوت وهربت للحوش تكلمه

رنا ضحكت عليها تمت غسلت يدها ومش عارفة تطلع او تجلس خايفة من امها

حست تلفونها في جيبها وضع هزاز خرجته تشوف مافي اتصال ، بس اتصل وهو في يدها بتقلب في النت

خالد: مالش جالسة في المطبخ قد غسولت انا

رنا: مش قادرة ادخل انت قرحت الموضوع وهربت

خالد: طيب ومافيها ، كل يوم والثاني قبال عيني يتحاكوا على خطيب وناس جوا وناس ساروا لأي حين اراعي لما يشلوش عليا

رنا: بس ابسرت ابي كيف غثي

خالد: ...





📚 @rewayatyamania 🇾🇪

روايات يمنية📚🇾🇪

17 Jul 2025 19:54

.

البــارت 104 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


خالد رفع صوت المسجلة

رنا متحمسة تسمع ايش هذه المرة عيسمعها ، بتتفرج من الطاقة وبتشوف لأول مرة نظرتها غير عيونها مركزة على تفاصيل مرحة في الشارع مثل ضحك شباب بيتكلموا واقفين ولمبات عرس في حارة ، سيارة مزينة، بنات صغار بيرقصين داخل السيارة بتتحيلى لهن وبدأت شدتها الكلمات سمعتها ولفتت له لقيته بيشوفها من نفسه

خالد شافها من الطاقة سارحة بيركز نظرة قدامه ونظرة للمراية اللي جنبه وبيلمحها فيها

اول ماوصلوا المعرض

خالد بيمشي مع صفية متحمل بنتها

ورنا وراه هي وسندس

رنا شافت ثنتين بنات جايات وبيتفرجين له ويتشاورين سمعت آخر كلمة منهن: واووو وسيم

سندس: ضحكت سمعتي ماقالين الله يقلعهن لو سمعهن؟

رنا كانت مابتضحك ليش حاسة ان الشعور مستفز لها،
بتغير عليه بتحبه ،
معقول من اعتراف في يوم وليلة والا كيف !!

سندس فلتت رنا وبتمشي لاعند المحل

خالد لفت لهن ورجع هو وصفية

صفية: يا بنتي اول اخطي عند الثيابات المهم

سندس: تعرفي اهم شي عندي ايش

رنا: الشنط والجزمات قد الدواليب حقش ملان

سندس بتتحيلا للشنطة: روعة هذه تحسي بفخامة وهي في يدش وشكل مختلف عن اللي في السوق اديها لو سمحتي

خالد لفت لرنا: وانتي ماتخوريش شي؟

رنا بهررت له: ماشي

خالد مشي من جنب صفية وراح لناحيتها: انا قد حاكيتش او مع؟

رنا حست الموضوع مهم من جدية ملامح خالد ونبرة صوته: ماهو؟

خالد لفت شوية على جنب ومقابل لها وحدها عينه بعينها: بين احبش يامخزن، كتبتها وسجلتها وذلحين وعيني في عينش

رنا شافته وتلفتت لكل اللي موجودين حاسة بتوتر واحراج وكأن الكل سمع معها اخذت نفس عميق وهو مبتسم بصوت واطي: خالد بس جنان مش خارج

سندس جت لاعندها: هيا مالكم ماتختاروا معي

خالد: شالبسهن انا او ماشي؟

رنا شافت صندل: واوو هذا يجنن الموديل ادوه في كسوة صاحبتي عجبني قوي

خالد انتظر لما خرجين واشتراه ولحق بعدهن

@rewayatyamania المصدر الأول للروايات

في البيت..
الجد والجدة بيتكلموا مع كل واحد فيهم يشوفوا رد ام خالد وابوه وامها وابوها بس ماقالوا انهم لبعض

ام رنا: ذلحين والله مااخلي بنتي هكذا تفرح فيها كل ماشافتها ام امير شازوجها وافرح بجهالها

الجد: ايوه اكيد

ام رنا: بس هي تبطل العناد ماعديش راضية من مرة حسبهم وامرهم لله
.
.

في البيت الثاني بيت امير

امير بيتكلم مع واحدة في التلفون: ليش انتي هكذا شايفة نفسش ، انا مابش واحدة قدرت عليا ، كلمتي بتمشي على الكل خلاص لاتحاكينيش غلقي يلا...

اتصل لصاحبه وجالس يضحك معه: يااخي بنات مريضات يصدقين اي حد قلهن احبك، وبعدا هذه غيرهن جنية شتمتني قالت بطل تتصل وو اول شي تخايلت بتقلد عليا حركات الادب بس بعدها منها صدق البنت ولا حركة هنجمة.. بس يا اما اكسر راسها والا اشلها الصدق يكفينا بنات بيبيعين عشرة ويهربين مع اي حد

دخلت امه بعد ماكانت بتتسمعه: غلق

امير بضبح: بين اتحاكى اصه ويغطي الميكرفون

امه صيحت: قلت لك غلق ذلحين لاسمع بك اللي بيتحاكى معك واربيك انت وهو

امير شافها ماسكتت قفل وقام وقف معصب: ليشششش ترفعي صوتش وانا بين اتحاكى في التلفون مع الرجال

امه: ومافيها لو سمع صوتي؟؟ هاااا بتصيح مافيها يا وقح ياضايع

امير معصببب: استغفر الله العظيم من هذه الليلة شكلها دبور

امه: على راسك ياعاصي والديك مافيها لو سمع صاحبك صوتي حاكيني لانك وقح وبتساير وقحين مثلك لو انت محترم وداري ايش الام والصاحبة والمرة، انا كذبت بنت الناس وظلمتها وربي خرج الظلم عقاب عاقبني بك واختك ، تشتي الصدق هذك انت ماعتتغير

امير: ظلمتيها هذه البياعة الخاينة

امه: والله مابياع وخاين الا انت، ماهي بنت ناس صبرت عليك رفعت يدها الله يسخرلها ويعوضها ويفرح قلبها يمكن ربي يرجع يهديكم مادريت كيف اكفر عن ذنبي وظلمي لها

امير معصب: يسخر لها صاروخ يسخر لها البايعة اللي فلتتني

امه بعصبية وضبح بتدكمه في راسه: فوووق من الكذبة اللي كذبتها انت واختك وصدقت، اعقله هربت منك سمعتك في المستشفى بتكلم البنت وحاكت البنت وبيعت ذهبها

امير: هو امد تتعالج

امه: ياريت يتعالج مخك ياابني ،العيب في من للمه تتعالج هي حاكيني كذبت وصدقت نفسك او جننت، الله يعوضش يارنا بحق كل كلمة جرحناش فيها

امير: ولاعيعوضها ولا حد عيرضى يشل واحدة مثلها بايعة ناكرة العشرة مش هي حق عيشة، كيف ضعت بسببها ها

امه شافته: مابش فايدة فيك قلت اصلح الغلط بالغلط وانه وقع غلط اكبر منه ، ضايع من يومك..
.
.


في صنعاء في المعرض
صفية: والله مااروح الا وقد شليت حاجتي وحاجة بناتي زوجي عيغثى مني كل يوم خرجة

رنا رجعت من محل كانت فيه: قوا ياصفية جي قوا اشتري هذا لبنتش للعرس قوا جي ابسري مااحلاه..سحبتها ومشيت





📚 @rewayatyamania 🇾🇪

روايات يمنية📚🇾🇪

17 Jul 2025 19:52

.

البــارت 102 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


صفية دخلت: خالد عتسير تشتري حليب لبنتي

خالد بحماس: والله ماهووو ووووقت يا صفية ابدا

صفية: خالد قوا عاد البقالة فاتحة بين ابسرها من الطاقة

خالد: فؤاد حاكيه، جدي قلي لجدي يخرج بحجر الله ياصفية مش وقت

صفية: جدي يخرج قسما انك قد انت بتخرف الله يعينك

رنا بزعل وضبح وغيرة شويه بس مستعدة تساعده: ياخالد تشتي احاكيها؟

خالد: ياريت ، وقلي لها انتي مابتحسيش

رنا: مع شاحاكيها والله بعقل وانت لاتزيدش الجنان هكذا فيها عتزنط عليك

خالد بيضحككك ومتحمس حاسس انه قرب يعترف لها: شوفي تزنط تفعل اللي تشتيه قد ملكت قلبي وروحي والله لاجنن فيها جنان

رنا ضبحت: ناهي هيا ادي الرقم طز فيك اجنن والا مااشتيت

خالد: مالش ضبحتي

رنا: الصدق لانك صدمتني كيف حبيتها في الطفولة، مش كنت بتحبني ليش تخرط وعادك جاهل

خالد طنن قدام الكلمة وبيضحك كتب: ايوه حبيتش

رنا: وكيف حبيتها

خالد: ماتسأليني كيف حبيتها

رنا: هات رقمها هيا

خالد: طبع لها رقمها وبتوتر ماسك وجهه ودقنته بيمسح لحيته وعينه على الشاشة مركززز

رنا شلت الرقم وبتلصقه في خانة الاتصال وداخل نفسها: نبسر من هذه التافهة اللي زيدت الزنط خالد الشخصية اللي راكز وعاقل وو وقع هكذا ابسر مالها..

اتصلت مكتوب انا (ماكانت حافظة رقمها بس مسجلته)
انا ، كيف انا؟ شكله غلط

رنا تطبع: خالد شكلك غلطت رسلت رقمي

خالد: قلت لش مابش معش احساس وفيسات ضحك، حبيتش وقد تلفونش بيقلش انا ماازيد افعل تحسي وتفهمي

رنا باستغراب مش فاهمة عليه: قصدك انا؟

خالد: ايوووه انتي يارنا افهمي تعبتيني مابتقرأيش احبشششش طيب اسمعي
( سجل لها صوت: احبش يارنا ياحب طفولتي ومراهقتي وسبب ضياعي في شبابي وذلحين حين رجعتي لي شاقلش احبش واشتيششش حلالي)

رنا بتسمع مبهررة ماسكة وجهها ابتسمت لما عادت تسجيل الصوت مرة مرتين بتتفرج حولها: هي بتحلم؟ يعني نظراته كانت اعجاب مثل ماحست..

خالد مراعي لها بيرسل قلوب ويشوف بيوصلين لها تمت المشاهدة..

@rewayatyamania المصدر الأول للروايات

خالد مابش صبر لطنانتها ورسايلها اتصل اتصال

رنا تكنسل حاسة قلبها بيدددق ومصدومة

خالد اتصل مرة ثانية

رنا جاوبت ضحكت اول ماسمعته قال

خاالد: اخيرا قلتها وافتهنت

رنا: خالد انا حاسة انك تاعب صدق حين فعلت فحوصات

خالد: والله مانا مريض ، بس عتمرضيني وتجلطيني انتي

رنا: طيب كيف ذلحين حبيتني، احسك متسرع ياخالد يمكن حين

خالد: لاتقليش يمكن ولامتسرع حب طفولة اقلش

رنا: بس حبيت لما كبرت

خالد: ماانكرش وشاكون صريح معش حبيت لانه ماعد كان بيدي شي وقتها غير ارتبط وعرفتها فعلا حبينا بعض بس مابش نصيب وانكسرت منها ولما شفتش اول مرة واحنا راجعين بغض النظر انش بنت عمي مااعرفش ليش دخلتي قلبي يعني احساسي لاعندش شي ثاني انتي احسش حاجة اعرفها قووووي قريبة من قلبي قوي ضيعتش مرة ومستحيل اضيعش هذه المرة

رنا: كيف ضيعتني

خالد: تعرفي يارنا حين قالوا عيخطبوش وجلست اقلش هو وهو سرت كلمت جدي بهذلني قال عادك جاهل بطل قلة عقل اخطب لك قلت له كان لاتخليها تنخطب قال ماعتعنس البنية وهي مراعية لك، ثانيا حلفت يمين ماواحد فيكم يتزوج الثاني اخوة كلكم غثيت اقتهرت مابينت خفت من ابي وامي وعمي وعمتي يضربوش او يصيحوا فوقش

رنا تنهدت: يو ياخالد ماصنف لك تنبش الكلام هذا كله الآن

خالد: ليش مضايقش؟

رنا: مش مضايقني بس انا كنت احس يمكن استبعدت نفسي لان قد اخذت تجربتي وتعقدت منها مافكرت تفكر فيني والصدق انت تستاهل احسن

خالد: هاتي احسن منش وانا موافق اسكه ادي لي واحدة تدخل قلبي ....شاف جده بيمشي

رنا: مالك سكتت

خالد: اهلا ياجد حياك الله انت بكلك في غرفتي ماشاءالله اول مرة تجي لهنا من حظي اليوم الغرفة حقي زوار ومحد بيعبرني

رنا بتضحك في الخط

جده: اي حين عتغلق اشتي احاكيك

رنا: هيا ابسره وانا اسير ادي العلاج لجدتي قبل ماترقد.. قفلت وهي ملخبطة مش عارفة ايش بتسوي شافت العلاجات وبتكلم نفسها

الجد: قبل ماارقد اشتي اقلك لاقد تحاكي حد ولاتحاكيها انك تشتيها، لما نبسر الفحص حرام تكسر قلبها

خالد انصدم انه قد استعجل هز راسه: تمام

مسك نفسه لاعد يتصل لها وجلس للصبح منتظر النتيجة اول ماطلع الضوء راح وجالس يلوي قدام الباب لما فتحوا


بعد ساعات وقريب الظهر اخذ النتيجة
كل شي سليم هو وياها وسندس..

وصل لاعند جده كان واقف بيقصقص الشجر اليابسات ناوله الفحص وهو مبتسم: ها كل شي سليم

الجد شاف اللهفة في عيونه: ذلحين جهز مبلغ حق شنطة خطبة لو وافقت ، تدي مثل الناس كلهم وتتقدم رسمياً لي وعمك..

خالد: حاضر من عيني وايش ياحج مافي نفسك

الجد: ماشاوصيك لأنني شايفها من ذلحين في عيونك

خالد حضن جده وحبه فوق راسه: هي اصلا عيوني بكلها

الجد: سير ادي...





📚 @rewayatyamania 🇾🇪

روايات يمنية📚🇾🇪

16 Jul 2025 22:33

🔥👇قنوات معتمدة من التلجرام👇🔥

إتصفح الاعلان وسوف تجد كل ماتريد👇

k📚روايات وقصص مميزة @storykaligi
kروايات يمنية @rewayatyamania
kارشيف روايات يمنية @archiveRY
kمستندات روايات @storykaligi_1
kبجنان صنعاني @bejnansanani
kاجمل الاغاني @sanaa25
kصنعانيات @sananyat6
kللعآشقين @liveyou1

kالأصدقآء @zjgivguchjjeopp1086
kالبيت الصنعاني @housesanaani
kهمسات @hamasat_el7ob_22
kصوت القلب @cardiacsounds
kالفن اليمني @Naghamyemen
kسلي على قلبك @nokat23
kطبية @Pharmacist1992
kنكت فقرات مقاطع العاب @nukat11

kخواطر انجليزيه @LikeMohammed
kمعلومة @Ma3lomah_wa_Kossa
kصنعاء فديت روحش @okdsanaa
kهمس القصيد @htt_hms_algsed
kالشهيد صدام @eeekkkhalhgag
kشهقه حزن @QueenAmy_33
kقلب طفلة @childhoods2a
kقسوه سندريلا @Noorcon
kكبرياء رجل @samoo52
kل وتيني @sosooa_s14
kكلام ذهب @bsjejejjeb
kمجروحه @majroha0
kصديقات @m170242
kفضفضة الم @xcvb0
kغامضه @raano82
kالشوق @guixelcy
kعشقي @Alkimer
kإيفلند @iifle


kلبنان @CedarofLebanonNajw
kبوح محبين @Loveforevertop
kحب دون لقاء @dkvkkvkdkrg
kمنوعات عامة @Aseer_love_5
kشموخي @KhrbshatYamane
kاوراق اسمين @hemsa6667
kدعاء اليوم @Alameri000
kملكه الحب @mostmA1
kمشاعر حب @sgfjkhgk
kخربشات ﭑبيه @abih_5
kالحبر والقلم @roq222
kلوتيني @L_WatEeNi
kغزل تايم @love77e
kلفقيدي @oo_ee1
kتحطم @anazalia
kنقشات @ngosh
kهواجيس راقيه @dshff
kيمنيه @Yemeni_Varieties

kقصص انجليزية مفيدة @engstory23
kمطيرفة @RoRoAhmedMohmed
k⚜الحياه حلوه⚜ @lovesanania
kالشهيد الصالح @alshedalsaleh
kحب @Hob_fey_mhab_areeh
kمدلازة صنعانية @sana_a2020
kكبريا الصنعاني @Hfyd0Hfyyd
kدموع حب @DAMmooa01
kهلوسات يمانية @Wiz_gilr
kشوق المشاعر @Ffahad55
kحديث الذات @ellerimde
kلمة صنعانية @Raid2025
kهمسة خجل @Wwoovv
kمشاعر @Hamssssssss
kلحضات جميلة @afff_a
kمقيل وسمره @m_s_ye
kمجروحه @Shee_Nnn
kكل جميل @httpsgrd
kسامضي @semoo01
kبحه حزن @b7t7zan
kأروين @AROINFOG
kمالا نهايه @mo_oim
kوناسه @amec2018
kنبضات @So_delw5
kانساك @D124H
kقيتاره @getarh
kيمانيه @pglmy
kالامل @gggup
kفتاه @sjkjf
kبعثره مشاعر @bxjck
kالدنيا عتب @shqama
kنبض قلب @PHTHLIA
kلأقلامنا حكايا @our_pens
kحب صنعانية @ilove3you
kمشعات صنعانية @sanaill
kالاصلاتي @Soosoo_2020
kخربشات قلم @Scribble20
kخواطر اختي @My_sister_H
kاهات عاشق @Ahatachq
kمتفائلون @AsoomaMalooka
kتلفونات للبيع @XiaomiYemen

kملاذي انت @Tyeefy
kذاكرة القلب @AHWquite
kصنعاء القديمه @oldsana
kروياتي @az_m_2005
kهتان @yemenxn
kأسعار العملات @Yemenis_Exchange
kمن اعماق قلبي @omkklobww0
kقلب من ورق @galp_mn_warg

kروايات يمنية
/channel/+Ecxq_OzMYh40M2E0

kقصص مميزة
https://t.me/joinchat/AAAAAD1p6TqBBTyITQumpA

kأسعار الذهب وصرف
/channel/+UzdbaRxU4lsMhaQd

kنكت سام صنعاء😆👇
https://t.me/joinchat/WU4ZscEyGaeyQqSr

kسام ميوزك
/channel/+VZE56V6tQZ4hA4wQ
━☆


للاشتراك ⇦ @STAR_TWASULBOT

روايات يمنية📚🇾🇪

16 Jul 2025 20:57

.

البــارت 100 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


اول ماوصلين..

رنا شافتهم مشيوا: جي نقي

سندس: اين

رنا اشرت لها ال بوث رقم٧٨

سندس: يووه على عبايات عرايسية تجنن

صفية لفتت لهن هي وخالد ورجعوا واقفين

اللي بتعرض لهم: معنا خصم خاص للعرايس

سندس: طيب اشتي العباية هذه شكلها حق عروسة يابنات صح

رنا: ايوه عجبتني

صفية: عجبتني الجلابية هذه قوي شليها ياسندس مطرزة تجنن

رنا: وانا عجبتني بس مكتوب خصم خاص للعرايس يعني لسندس بس

خالد حب يشاغب ويلمح لها يمكن تفهم: ممكن نشوف هذه لو سمحتي عجبت مرتي

كلهن لفتين لاعنده رافعات حواجبهن والبرقع مرفوعة نفس الشكل

خالد ماسك نفسه من الضحك مواصل الكلام: ها عجبتش ياروحي

رنا مبهررة

صاحبة المعرض: وعشان ثنتين عرايس خصم لكل واحدة عشرين في المية ووالله قطع نادرة مش مكررة حبة من كل شكل ونوع

خالد شاف رنا مبهررة بيبرر: عشانكن النسوان اختي ومرتي ودحس وبعسسة لبست مثلي اشترت مثلي

كملين يشترين منها عبايات وجلابيات ومشين

رنا: ليش قلت مرتي حسستني ان به عسكري

خالد بيضحك: عشان تكسبي الخصم

رنا: بس حرام الكذب

خالد: الكذاب يعاقبه الله، وحاشا لله نكذب، مادراش ويجي يوم ون..

صفية جت: مالك انت فضحتنا بخرطك

خالد ضحك: بين اتكسى لمرتي انا حر ماعليكن

سندس بهررت وشافت رنا: جنن ؟؟! والا انا جننت !

رنا شافته مبهررة بضبح: هو جنن

صفية مسكت يده: تعال حاكيني انا اختك، حبيبتك صاحبتك زمان تذكر حين كنت تكلمني بكل شي، مامعك بين احس الفترة هذه جلستك هنا مش طبيعية ماعد رجعت ليش

خالد بضحكة وراها اشياء مبهمة: بيتنا وكملت دراستي اين اسير!

صفية: خالد والله ان انا حاسة في شي بس ماعد احناش جهال اغلط في توقعي

خالد شاف رنا جاية: مش وقت اصبري

@rewayatyamania المصدر الأول للروايات

في مكان ثاني..

احلام وصلت جالسة تشكي لامها من طبينتها وزوجها

أمير جالس ماسك التلفون وبيسمعهن يجابر ويتعرف على بنات جديدات

امها: مش وقت عاد انا شاجننش لو تبسري رنا قالوا فعلت ديكور مدري كيف على كيف قد نسوان الحارة كلهن بيتحاكين قالين ساع حق المسلسلات

احلام بقزازة: من هي والله ماتعرف تفرش ماسة عيد ساع الناس عادها عتفعل لاتصدقيش

امها: هيا ناهي مااصدق كلهن قالين ، واللبس لو تبسري قالين قمرية وانها قدها مدري كيف على كيف

احلام: مانفعل لها واحنا ، شبعت عيشة مع اخي وجت تزنط على النسوان

أمير ضابح

ام احلام: ومازد اقلش جوا لها ناس بيسألوا عليها امس قالوا ملان الديوان يشتوها وقلك عيراعين تتم العدة

احلام بعصبية: تستاهلوا فارحين بها قمتوا تخطبوها

امير عصب: خلاص وانتي من اللغاجة مالكن عتجلسين تعجنين الدنيا بهداركن

احلام: وهو مابيفعل بيشتغل؟
.
.

رنا: كلمها كيف تحس بدون ماتقلها

خالد: خايف من ردة فعلها لاني ماعد اقدر انرفض مرتين

رنا: لو بتحبها صدق ماعترفضك ، وزد ماشاءالله عليك

خالد فرررح تشجع شوية

رجعين سندس وصفية


وروحوا بعد ماوصلوا البيت..

رنا جاوبت التلفون وهم بينزلوا من السيارة وبتتكلم معها والكل بيسمعها وهم بينزلوا الاكياس

( مش عشان شي بس مدري احس مش جاهزة اتزوج ولو بعد العدة ،
جارتها اللي كانت في السعودية: انتي قلي لهم اخو جارتي ارمل ومعه ثلاثة اطفال وعادو شاب ثلاثيني وموظف ومعه بيت وطيب والله يارنا لايسعدش)

رنا مستحية ومش عارفة ترد: مش على الطيبة ، يلا تمام شاكلم اهلي لانش حلفتيني)

خالد قفل باب السيارة بسرعة ودخل لاعند جده..

ياجد.. وينو جدي .. يا اهل البيت

جده: مالك؟

خالد مسك يده: جي ما احاكيك

الجد خاف لايكون حصل شي: مالك

خالد: اسمع انا ..

شاف رنا بتمشي

الجد شافه: انت واصل عينك عليها، ولاقد تجمعتوا ساع الكناري هدرة ولا تنجح

خالد ضحككك مسك قلبه وحب راس جده: انت حسيت وهي مارضيت تحس تعبتني

الجد: مابش داعي تحس اللي في بالك مرفوض

خالد بدهشة وخوف: ياجد ليش

الجد: ابوها فيه ثلاسيميا وانا ياابني ماعد قدرت يوجعني قلبي على حد ولا انتوا ترضوا لجهالكم التعب لو حصل

خالد: الله ياجد قل الكلمة بدون فال شوعة صدقني ماعيقع شي

الجد: سوي فحوصات ولها ولاتقلها السبب وبعدا شبسر انت والا اللي تقدموا لها لانه ماتجوز خطبة على خطبة تختار هي اللي عتوافق عليه..

خالد ماانتظر جده يكمل كلامه: خاطرك


رنا واقفة هي وسندس بالبالطو: هن الاكياس هولا كلهن تأكدي

خالد: جين تأكدين

خرجين بعده

خالد: اطلعين السيارة الآن بسرعة مشوار ضروري جدي قال

سندس: ياخالد تلفوني عيطفى

خالد مستعجل: مش وقت تلفونش اطلعي قلت

طلعين مشي

الجد واقف في الطاقة بيضحك عليه: ...


/channel/rewayatyamania/55248



📚 @rewayatyamania 🇾🇪

روايات يمنية📚🇾🇪

16 Jul 2025 20:55

.

البــارت 98 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


بعد ماعقدوا الرجاال ..
كرم: طيب جي معي شوية هكذا وانسني لنص الديوان واخرج

خالد: ولا ربعه ولاشبر بغير جنان انا اعرفها ، ماتشتي مش هو غصب

كرم: يااخي قد كركبت نفسي كركبة امد اعقد اشوفها تقلي مااشتيش والله لادخل

خالد رحمه: يلا شاوانسك لباب الديوان والباقي الله يعينك ياصاحبي

كرم ضحك وقوى قلبه

دخل كرم يتصور معها..

كرم ماسك يد خالد بقوة سحبه معه لداخل وبابتسامة من تحتها كلام بالهمس: والله ماتفلتني تصور معها ذكريات

خالد قدو محرج كلهن ملثمات مش شايف حد قدامه غير سندس ، كانت بتصور رنا ويدها ترجف من الخجل رغم انها مغطية عيونها بس متوترة لاحظ يدها وخاتمها والفستان باين من البالطو
شاف كرم مسك يد سندس ووقف جنبها

خالد قرب يشاوره: الصدق مش مستوعب ان صاحبي خطب وعقد على اختي وهكذا قبال عيني يدك في يدها خليني اخرج قبل مانتضارب

كرم ابتسم وضحككك ماقدر يمسك نفسه

سندس لفتت له شويه ونزلت نظرها

كرم قرب يكلمها اللي حصل وقاله خالد وهي ضحكت

رنا خرجت بنات صفية عشان ازعجين سندس

بنت صفية الصغيرة جالسة تفتش لها وتطير اللثمة وتضحك

لفتت لخالد واقف باب البيت من خارج في الحوش: الد الد

سارت واحدة لاعنده وواحدة تشتي رنا

خالد بيمازحها: ماجابش عندي يلا عند امش

بنت صفية: لا ماما مع ، بس رنا هنا

خالد: رنا حالية صح

البنت هربت من حضنه وراحت: خالو قال رنا حالية

رنا انحرجت: وهو شوعة

البنت هربت تحارش قالت له

خالد دخل واقف باب البيت وهي باب الديوان من خارج: مابتعلميهن

رنا شاورتها: هو شوعة صح

البنت بتضحك عليه: قالت انك شووعة

خالد بيشوفها عينه عليها وبيشاور بنت اخته اللي جنبه بصوت عالي تسمعه رنا: بس هي حالية قوووي

رنا انحرجت لما كررها: خالد خليهن عندك وانا ارجع

خالد: حاضر

@rewayatyamania المصدر الأول للروايات

داخل في الديوان بيتصوروا يشوفها بسرعة وتستحي تنزل عينها

كرم مبتسم ماسك الضحكة: انا خجول بس قويت قلبي، لاتفعليش هكذا شاهرب بعدا

سندس: تمام بس مدري مستحية هكذا واحد اول مرة اشوفه ويشوفني

كرم ضحكك ماسك فمه: مش هي اول مرة هذه نتيجة بسرة اول مرة

سندس بتضحكك وشوية تمسك نفسها لان امها بتبهرر لها

كرم: بس ماطلعتيش شبه خالد ابدا

سندس: اهم شي احسن؟

كرم رفع عينه وشافها ابتسم: قوي احسن، وطلعتي فرفوشة

سندس بابتسامة وعينها على النسوان: هو انا لما اتوتر اضحك

كرم: وايش اللي يوترش

سندس: لما اخزا

كرم شافها: انتي دارية انش حالية قوي

سندس ضحكت

كرم: وضحكتش تجنن

سندس بتضحككك

صفية قربت تشاورها: بسسس كركرة من حين طلع وانتي ممشخرة ماعيقلوا الناس

سندس بتشاورها: اللي ماعجبه يااختي يروح انا اليوم اسعد واحدة في الدنيا ومايهمني حد

صفية ضحكت وبعدت من جنبها

النسوان بيتشاورين هيا اي حين عيخرج نشتي نجلس نتفرط

واحدة من النسوان بتشاور اللي جنبها: جين نسير  بيت ام امير اكيد ذلحين سابكة جوها ومداعة وفهنة

الجدة: سلمين عليها

خالد بيداعي

الجدة: جاوبي يارنا ياصفية جاوبين

رنا خرجت: ها خالد

خالد كأنه بيوازن رسمة عينها بنظراته

رنا: ماهوو؟

خالد: مدري والله العظيم نسيت

رنا شافته ونظراته ضحكت: صلِ على النبي

خالد: عليه افضل الصلاة والسلام ،سبحان الله العظيم

رنا مستغربة لفتت وراها تشوف لمن بيقول سبحان الله: خالد؟؟ مالك

خالد شاف نسوان خارجات مشي بسرعة ونزل من الدرج حق الحوش وتخبى تحت الدرج لايحصل عليها كلام

خرجين وهي واقفة قربت من الدرابزين حق الدرج وطت راسها تشوف وين

خالد رفع راسه ضحك

رنا: هن لابسات مالك تخبيت؟

خالد: مااشتيش يبسرونا واقفين يطلعوا عليش كلام مااشتيش تغثي ولاحد يزيد يقول فيش الا كل خير

رنا: هااه عشان هكذا، طيب والله ماعد في حسي من حد طز يقولوا مااشتوا


الجد خرج من الديوان يشتي يطلع يتصور مع سندس شاف خالد بيجابر واحدة مرة ملثمة مصدوووم

بيتأمله وهو يمشي لاعندهم بيضحك ويجابر بحماس وهي واقفة من هي هذه !! هذا الساع بتجابره وسط البيت ولاتستحي قرب منهم

الجد: اخطبها لك بدل اللغاجة لاعد حياء ولاشي مجابرة وسط البيت

خالد افتجع اول ماسمع اخطبها لك شاف جده وتصنم

رنا: يوه ياجد ماعرفتنيش

الجد طلع وهو بيكركر يضحك: هذه رنا ، ومالش اين عتسيري، انتي دارية مااستضيش في الليل

رنا مسكت يده: ياجد عاد باقي نسوان داخل

الجد: وانا ماافعلهن، الحريو داخل؟

رنا: ايوه

الجد: خلاص بعدي ادخل اتصور معهم

خالد بيضحك

الجد: وانت مامعك هنا مفلتين الناس وجالسين هنا

رنا انحرجت ودخلت معه

خالد رجع عند ابوه واعمامه للديوان


في الديوان..
الكل التفت للباب شاف جدها دخل

الجده شافته قامت: يوه صرفوا مااداك ياحج

الجد: ... 





📚 @rewayatyamania 🇾🇪

روايات يمنية📚🇾🇪

16 Jul 2025 20:54

.

البــارت 96 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


ام رنا: وانتي يارنا من اي حين ، ياسعم تعرفي؟ خلينا يابنتي بدل اللعب بالزلط ندي واحدة تجي تسبر الكوشة

خالد شافها انكسفت: ياعمة لو خرب شي عليا انا متأكد انها حاجة فخمة

ام خالد: هيا سيرين بساعتكن تجهزين مااشتيش تتاخروا للعشي

خالد سحب فؤاد: جي اتفاقد معي السيارة قبل ماتسير

فؤاد لحقه للحوش

خالد بصوت واطي: اسمع شاكمل انفع جدي واجي لصنعاء وانت ترجع

فؤاد عصب: يااخي بطل مش هو السوق اللي قفا راسي مشوووارر بعقلك انت!

خالد مسك دقنته وباس راسه: استمعني هيا قوا عشان اخوك

فؤاد: تمام ناهي

@rewayatyamania المصدر الأول للروايات

في السوق..
سندس: يوووه هذا الورد بكله رناااا

رنا: اسكتي اصه فضحتينا ناهي احتاجهن

سندس: مارأيش هذا ؟؟ نفس لون فستاني

رنا: لا هذا عيعكس مع مكياجش احسن والاكسسوار وبعدا ماينفعش نفس اللون بس شي يمشي معه يكسر شي غامق وفاتح

سندس: يوه يارنا ياويلش لو يوقع شي شوعة قد انا متحمسة


بعد ماكملين مشاويرهن

سندس: قد انا ميتة جوع وعطش وكل شي

رنا: وانا.. سكتت شافت خالد ماسك التلفون بيتصل هو وفؤاد بيسأله وينك

سندس شافتها بتتفرج للباب لفتت خالد

خالد: ها خليك بس نخطى سوا ماجيت بسيارة

فؤاد: تمام

مشيوا للسيارة

سندس: خالد قد احنا جاوعات

خالد: ماتشتين؟

سندس: مارأيش يارنا؟

رنا: اي شي انا مش جاوعة ، عاطشة

خالد: طيب نشتري الآن ماء وقف يا فؤاد بقالة

فؤاد: ياجلدة جاوعات تشتري ماء، على حسابي وانا خورت نسير مطعم

رنا خافت من امها: مش ضروري

سندس: الا ضروري

خالد: رنا ايش اللي اشتريتيه؟ الخانة ملان هذا عنتعرس كلنا على الزينة هذه

رنا: ايوه اليوم مش انت مخدر، مارأيك, في اللي ابسرناها لك..

خالد قاطعها: بقالة شانزل الآن ونتكلم بعدا عتوصفين لي الحريوة قدام اخي!

خالد طلع وقبل ماتتكلم وتفتح الموضوع فتح اغنية ورفعها للأخير ( ياتاعبني، تامر حسني)

فؤاد: هذه قديمة

خالد: كانت تعجبنا زمان

رنا: ايووه صح اول ماتعلمت السواقة ياخالد تذكر؟

خالد ضحك: وانتين تجننين من الطاقة وامسك بريك وكلكم فوق بعض

رنا: الله ، ايام كانت تجنن

خالد: والآن احلى

سندس: من تعبتك؟

رنا تشتي تلفت تتليقن عليه

خالد شافها في المراية: واحدة مش راضية تحس بي

ربشتها نظراته وكلامه...! يقصدها او من يقصد

وبعد مشاويرهم واكلوا ورجعوا ، بدأين تنظيف البيت وتجهيز  قبل حفلتها بيوم

الكل واقف في الديوان بيتفرج

خالد: راعي ثقيل عليش شاتحملها انا

سندس: يوه يارنا باقي عمل خيرات ماقد تميتي

رنا: لو تطلعوا كلكم وتنزلوا الصبح ياسلام احب اشتغل وحدي

خالد حس انها مقيدة بحكم لبسها مسك فؤاد: هيا عنطلع نرقد

سندس: وانا اطلع اكمل اكوي الفستان الخياطة ردته ملعوز
.
.

يوم الحفله الظهر..
الكل دخل اندهش: واوو هذا بيتنا؟ انتي يارنا

سندس بتأنيب ضمير: ماقد رقدت للآن

رنا: سهل اهم شي عجبش

سندس: كيف تعلمتي هذا كله

رنا: رحت عرس مرتين وشفت وحبيت التنظيمات هذه

ام خالد: عتجلسين تتجابرين هيا واحدة تجي تعاوني في المطبخ رفيدة وعمتش بيفعلين غداء، نشتي نتم الكيك

رنا: حاضر ياعمة سندس عتسير الكوافير


وقت العصر كملين جهزين كل شي لبسين تصلحين

ام خالد شافت رنا قدها منعسة: سيري يابنتي ارقدي لش ساعتين تعب عليش

رنا: والله ان انا مصدعة بس الغرفة عيدخلين ويخرجين النسوان

ام خالد: سيري غرفه خالد مابحدهم ولاعد عيدخل فيها وهدوء

رنا: حاضر قيميني لما يجين النسوان

ام خالد: حاضر

رنا طلعت طرحت راسها ونوووم

خالد كان عند ابوها رجع غرفته يشل تلفونه والمفتاح شاف واحدة ممددة شعرها طووويل اسود ، حتى وهي مغمضة رموشها مغطية جفونها ويدها تحت خدها

بسرعة قفى وجهه ومشي يشتي يخرج دخلين نسوان في الصالة بيبعدين البالطو رجع وهو مقفي: رناااا ...رناا

رنا نكزت خافت شافته مقفي: يووو مااداك قالوا مابحد

خالد: انا حانب النسوان في الصالة شاغمض ومقفي اخرجي وغلقي عليا

رنا بتشوف نفسها مابش جنبها غير الشال حقه سحبته طرحته فوق راسها واكتافها وخرجت ورجمت الشال للغرفة وقفلت الباب واقفة وماسكة الباب بتصلح شعرها قلبها بيدددددق خاااايفة شافها او لا ولو حد يعرف انو في الغرفة النسوان اللي في الصالة هن نفسهن اللي بيتناقلين خبر هربتها مع خالد

هو قفل على نفسه بالمفتاح رفع الشال من الارض شم عطرها، حس وجهه احمر راح فتح الطاقة وبينه وبين نفسه: الصدق هكذا ماينفعش انا شاتكلم اصارحها ولو رفضت اخرج من البيت ، جلس فوق السرير تلفونها وفص من فستانها...





📚 @rewayatyamania 🇾🇪

روايات يمنية📚🇾🇪

16 Jul 2025 20:53

.

البــارت 94 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


في بيتها..
احلام بتبكي لامها: تخيلي قدله شهر من حين ماهو متزوج ولا كلمني وانا اقل ماله تغير كيف له توظف، بطل القات واللبس والحلاقة واصل

امها: قلت لش بطلي التفاريط والحنوقة وقالت قلتي وتدخلي في مشاكل الناس مابتسمعيش كنتي عتغيريه بدل الفرغة

احلام بكيت: ذلحين حتى لما الواحد يشتكي لكم هو غلطان
قفلت وطلعت اخته

اخت رزق: ابسرتي طبينتش

احلام بعصبية: جايه تحانكي

اخت رزق: ماشي والله انتي عندش كل شي محانكة جيت اقلش تشتحطي على روحش وتبطلي شكوية وتبسري ماناقصش وعند غيرش

احلام: ماناقصني ! اسكه قلي لي

اخت رزق: ابسري في رجاال بيتزوجوا على نسوانهم ومابش فيهن شي، لكن انتي الصدق يامرة اخي فيش عتسمعي بدون صياح ومشاكل شاقلش تتغيري عتناكري ويتخايلش ان احنا فارحين فيش شاخطى

احلام: ماشي شاسمع اسكه قلي لي في ايش هي احسن مني!

وصل على كلامها زوجها: خليها وانا شاقلها انا

أحلام: اخيرا ذكرت ان معك بيت

رزق: هذا اول طبع فيها ماتسمعش تقاطع بمشاكل

اخته قامت وعلى خرجتها: سدوا مادخلني

رزق قفل الغرفة وجلس

احلام: ماعتعتذرش؟

رزق: على ايش؟

احلام: حين تزوجت عليا؟

رزق هز راسه: لا من حقي اتزوج

احلام: الله يعني بايع قل انك بايع يلا

رزق: ياشيخة ولامرة قدرت اناقشش بعقل واصل اسلوبش مستفز ، مشاكل في البيت مع امي مع اختي مع سلايفش وعاد انتي ترجعي من بيتكم اسمع مشاكل اخوش ومرته واهلها ونسوان حارتكم مليت، كم مرة اقلش اشتي حد يتفهمني اتغير وانش سمعتيني نفس كلام اهلي ، انت فاشل انت مش حق عيشة انت، خليتوني فعلا هكذا

احلام ماسكة خصرها وباستهزاء: وياسعم هي ايش فعلت؟

رزق: تفهمتني شجعتني، قالت سهل خذ وقتك والتغيير حبة حبة، انت ماشاءالله ذكي ومتعلم جرب ادي لنفسك فرصة، رتبت حياتي

احلام: طلقها

رزق: مابين العبش عشان اطلق اعجبش جلستي ماعجبش الله معش

احلام: مابش تفتح لي بيت ومصاريف جهال وانا الله معي

رزق: مابش معي عجبش جلستي هنا

احلام بتسمعه وهي عارفة ان ابوها قلها ماعد بش لش رجعة للبيت يكفي المشاكل اللي فعلتيها، وابوها واقف مع زوجها انه من حقه يتزوج مافعل شي كبير عشان ترجع وتتطلق (رجع لها كل عملها ووقفتها مع اخوها)

@rewayatyamania المصدر الأول للروايات

وصلوا البيت ..
خالد طلع غرفته وجلس فتح التلفون وبيشوف الرسايل وبينزل حالات تهنئة لسام شاف رسائل امل ، تجاهلها وغير ملابسه ونزل

البنات كملين يفعلين عشاء ومنتظرات الكل يجلس عشان يقربين..

صفية: انا شاسير ابدل لبنتي ترقد

سندس: طيب وانا ورنا عنخطط للعقد

رنا شافت خالد واقف في باب البيت: اولا شوفي عاد باقي في عيوني كحل؟

سندس: مش قوي ماعد عيبعد، شوية بين رموشش مش باين

رنا: طيب شوفي نحتاج بكرة نسير صنعاء نشتري الاشياء اللي نحتاجها

سندس: تمام شاحاكي خالد او فؤاد يشلونا

رنا: شفعلش هكذا سلاسل ورد مع الاضاءة ونغير لون الستارة قفاه و

خالد جاء: سندس افعلي لي شاهي او قهوة اي شي

سندس ورنا كانين باب المطبخ بيتجابرين

رنا واقفة محرجة هكذا صمت بينهم: بين احس القات ضايقك لاعد تخزن

خالد: انا عشان صاحبي، بعدا مش هو من القات في شي ثاني

رنا فكرت في بالها لايكون زعل منها عشان تدخلت مع امه وقالت يخطبين له ويمكن هو يشتي يرجع لامل: انا آسفة لو تفيضلت اليوم وكان مضايق من موضوع الخطبة عشان نبسر لك واحدة

خالد ضحك وين راح حسها: مع مش عشان هذا ، بس تذكري اللي حاكيتش عليها امل

رنا: خطيبتك؟

خالد: كانت عتقع لكن.. ماعلينا، رسلت لي وغثيت ان انا ساع اللعبة بسهولة فلتتني وذلحين ذكرت هكذا ترسل وتسأل عليا وتقلي وحشتني

رنا: وانت ماقلت لها

خالد: ولا قلت لها شي ، قلت لش انتي

رنا مافهمت: ماقلت لي؟

خالد ضحك: الموضوع حاكيتش انتي

ام رنا: ما لو نركن عليكن لانموت جوع يا مجابرة ياتلفون في ايديكن

خالد: والله ان رنا مظلومة قلي سندس واصل تلفون رفيدة ، رنا ها ولا في يدها شي

امها بهررت لها واشرت تدخل المطبخ: ورنا من حين فعلت لها صفحة الصور ماعد بيشغلهن غير التلفون

رنا عشان لاتكسف خالد: يلا عنقرب ذلحين قد كل شي جاهز

سندس: ياعمة والله ان رنا اللي فعلت العشاء بقي الشاهي مراعيات له يفور

خالد: ايش من صور؟

سندس ناولته الشاهي وبتشرح له صفحة رنا

وهم بيتعشوا

رنا تلفونها رن قامت جلست وردت عليها : حيا وانتي كمان وحشتيني ، هاا  لا مش في مصر ، رجعت اليمن ،، ايوه من قلش؟ اها عشان الشقة يمكن.. لاتصدقيش ماحصلش هذا كله ، انتي اكثر واحدة كانت عارفة كل شي شايفة وسامعة بأذنها... قامت وخرجت طلعت للغرفة تتكلم على راحتها

الكل مستغرب من بتكلم

سندس: يعلم الله من هذه ، الصدق فيني فضول شاسير ابسر

فؤاد: بس قلة عقل خليها لو تشتي تسمعيها كانت جلست

سندس...





📚 @rewayatyamania 🇾🇪

روايات يمنية📚🇾🇪

16 Jul 2025 20:52

.

البــارت 92 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


شافها متنح في عينها وابتسامة ملان وجهه من الدهشة

رنا مستغربة ماله نظراته آخر فترة هذه مش عارفة ايش وكيف وفين تروح وهو واقف مكانه

خالد شافها وقفت منتظرة يبعد ركز مسح شعره ومبتسم: ممم ماعاجلتش حين .. هذا كعب والدرج.. شافها نزلت غالط كلامه المربوش: شاطلع ادي الورق

رنا مش عارفة ماله وايش حصل لها لما شافها بهذه النظرة واقفة جنب السيارة وهن ملان متزاحمات

سندس: لمن مراعية هيا اطلعي

رنا كانت بتفكر في الموقف: وين اطلع

صفية: يهيييي ماعد رنا مدري وين حسها اطلعي احتشري

رنا بتشوف ام خالد جالسة قدام فوقها بنات صفية وخلفها امها وصفية وسندس ورفيدة باقي زوة صغيرة لها طلعت كانت ورا كرسي خالد وجالسة في طرف الكرسي يعني ماسكة الكرسي الامامي حق السواق

خالد نزل بسرعة شاف طرف البالطو فتح الباب: البالطو حقكن

رنا سحبته

خالد بيتفرج ليدها والصباغ ونظرتها هذه اللي بتذبح مثل السهم قفل الباب وطلع وبيفكر والله مانا داري هو مايسبرش اجلس في البيت والا الوضع طبيعي والا بين احبها

سندس: ماالك ساكت؟افتح لنا اغاني؟

خالد فتح وجلس يقلب اغنية بعد الثانية

سندس: ايوه هذه خليها

رفيدة: طيب هذه

صفية: مالك يااخي طفي احسن قرحت قلبنا سارين الحاليات كلهن

خالد سمع الاغنية اللي يشتيها رفع الصوت وبيسرع بالسيارة فتح الطاقه ومبتسم وسارح

امه جلست تغني وتصفق هي وبنات صفية فوقها
( ياكحيل الرنا ماذا الورش)

بنت صفيه: هذه رنا ، اسير عند رنا

خالد سمع بنت اخته لفت تلقائيا للمراية الجانبية شافها

رنا كانت في الطرف وقريبة ملامحها

خالد فجأة مسك بريك

رنا مسكت الكرسي ويدها مسكت الكوت بعدتها بسرعة وسكتت محرجة لفتت له للمرايه تشوفه مبتسم

@rewayatyamania المصدر الأول للروايات

خالد في الطريق بدأ يتأكد من شعوره ايش ، اعجاب وحب بس عقله بيرفض يقتنع مبرمج على انه بنت عمه اخته..الخ

امه قاطعت افكاره: ياخالد قررت اخطب لك اليوم شابسر بنات في العرس

رفيدة: وانا ورنا يارب ننخطب

خالد بضبح: بتسمعين الجيل هذا

ام رنا: ماسطانا نقل موافقات لو حد تقدم وهذه بتدعي بالصوت

الكل بيضحكين

صفية: سهل الغوا

ام رنا: اين غوا واين هبالة اختها تزوجت في عمرها

رفيدة: عاد انا ١٤ هي تزوجت ١٥

خالد غار: رفع صوت الاغنية للأخير

امه وطت الصوت: كسرت راسنا مالك

خالد: بتتحاكين كلكن في نفس الوقت

امه: شاخطب لك قلت

رنا عشان امها وسوء الفهم حبت تثبت مابش شي: قل لنا كيف مواصفاتها ياخالد وابسرنا اليوم نتوزع في كل بقعة نبسر لك احسن واحدة

خالد: ماعتقدريش تبسريها

صفية وسندس بيتشاورين: يوه رجع لحبيبته؟

سندس: سمعتي ماقال لها ماتقدريش تبسريها

صفية: الله يعين بس لو رجع لها انه سامج

سندس: هو حر خليه يفعل مااشتى

امه: ليش مانبسرهاش لهذه الدرجة معدومة

خالد ضحكك وبيتلفت للمراية يشوف السيارات اللي جايات وراه لمح عيونها ولف وسارح بيفكر فيها ويعيد الاغنية

جالسات يتجابرين لما وصلين صالة العرس..

صفية شافت رنا: واوو روعة فستانش ، رووعة

سندس: وانا؟

صفية: حالي والله بس عجبني موديل فستان رنا

سندس: شكلي شاخلي خالد يتكسى لي على ذوقه

رنا ضحكت وتفكرها بتمزح: ياسعم هذا ذوق خالد؟؟؟

سندس: والله انه اختاره اصلا أحترت قبالي خيرات ومااشتيش نلبس سوا

صفية ضحكت ضربتها: خزيتي بها

رنا شافت نظرة امها: اصلا مش انا دارية امي قالت أجلس عند ابي وخرجت سندس خليتها تشل لي فستان مااشتيش من الاولات

صفية حاولت تبين لها انه عادي مافي داعي تبرر بمزحة: يله اكتشفنا موهبة خالد لعرس سندس يختار لنا كلنا هو

رنا بتشوف الفستان في المراية وبتتذكر نظراته لها


في نفس اللحظة في الصالة..
جالسين هو وكرم فوق الكوشة جنب سام

كرم بيسلم مع سام اللي بيطلعو يباركوا

خالد بيخزن

كرم: اوو كيف لك بتخزن !

سام: من اي حين؟؟

بانحراج وجمالة: يااخي احرجتني كل هذا عشاني حين انا حريو

خالد: اهجع قال عشانه، انا لحد يسألني على شي، لو شفتوا خالد واحد ثاني لاتقلوا ليش ، كيف

كرم شافه ضحكك لفت لسام

سام رجع يسلم على الناس اللي بيباركوا له

كرم جلس جنب خالد خرج له عودي: هذا لك

خالد منسجم مع الاغاني وبيغني

كرم مستغرب: به تطورات

خالد بابتسامة وهو بيغني رفع حاجبه ومسك قلبه

كرم ضحك وهز راسه باستغراب: انا خايف عليك تاكل ضربة ثانية بعد الاولى

خالد منسجم مع كلمات الاغنية ويأشر له بيده: لا لا

كرم: يااخي اديت لي فضول

خالد تنهددد: يااخي والله انه حب

كرم: جنة لك، احنا داريين وقلنا لك بدري تقرر

خالد: شاخطب قلك اقرر احب، بس مراعي للعدة

كرم: الحمدلله به سبب يمسكك شوية من تسرعك، وأمل عندها امل ترجع لو هدأت مشاكلها

خالد لفت...





📚 @rewayatyamania 🇾🇪

روايات يمنية📚🇾🇪

15 Jul 2025 22:16

🔥👇قنوات معتمدة من التلجرام👇🔥

إتصفح الاعلان وسوف تجد كل ماتريد👇

k📚روايات وقصص مميزة @storykaligi
kروايات يمنية @rewayatyamania
kارشيف روايات يمنية @archiveRY
kمستندات روايات @storykaligi_1
kبجنان صنعاني @bejnansanani
kاجمل الاغاني @sanaa25
kصنعانيات @sananyat6
kللعآشقين @liveyou1

kالأصدقآء @zjgivguchjjeopp1086
kالبيت الصنعاني @housesanaani
kهمسات @hamasat_el7ob_22
kصوت القلب @cardiacsounds
kالفن اليمني @Naghamyemen
kسلي على قلبك @nokat23
kطبية @Pharmacist1992
kنكت فقرات مقاطع العاب @nukat11

kخواطر انجليزيه @LikeMohammed
kمعلومة @Ma3lomah_wa_Kossa
kصنعاء فديت روحش @okdsanaa
kهمس القصيد @htt_hms_algsed
kالشهيد صدام @eeekkkhalhgag
kشهقه حزن @QueenAmy_33
kقلب طفلة @childhoods2a
kقسوه سندريلا @Noorcon
kكبرياء رجل @samoo52
kل وتيني @sosooa_s14
kكلام ذهب @bsjejejjeb
kمجروحه @majroha0
kصديقات @m170242
kفضفضة الم @xcvb0
kغامضه @raano82
kالشوق @guixelcy
kعشقي @Alkimer
kإيفلند @iifle


kلبنان @CedarofLebanonNajw
kبوح محبين @Loveforevertop
kحب دون لقاء @dkvkkvkdkrg
kمنوعات عامة @Aseer_love_5
kشموخي @KhrbshatYamane
kاوراق اسمين @hemsa6667
kدعاء اليوم @Alameri000
kملكه الحب @mostmA1
kمشاعر حب @sgfjkhgk
kخربشات ﭑبيه @abih_5
kالحبر والقلم @roq222
kلوتيني @L_WatEeNi
kغزل تايم @love77e
kلفقيدي @oo_ee1
kتحطم @anazalia
kنقشات @ngosh
kهواجيس راقيه @dshff
kيمنيه @Yemeni_Varieties

kقصص انجليزية مفيدة @engstory23
kمطيرفة @RoRoAhmedMohmed
k⚜الحياه حلوه⚜ @lovesanania
kالشهيد الصالح @alshedalsaleh
kحب @Hob_fey_mhab_areeh
kمدلازة صنعانية @sana_a2020
kكبريا الصنعاني @Hfyd0Hfyyd
kدموع حب @DAMmooa01
kهلوسات يمانية @Wiz_gilr
kشوق المشاعر @Ffahad55
kحديث الذات @ellerimde
kلمة صنعانية @Raid2025
kهمسة خجل @Wwoovv
kمشاعر @Hamssssssss
kلحضات جميلة @afff_a
kمقيل وسمره @m_s_ye
kمجروحه @Shee_Nnn
kكل جميل @httpsgrd
kسامضي @semoo01
kبحه حزن @b7t7zan
kأروين @AROINFOG
kمالا نهايه @mo_oim
kوناسه @amec2018
kنبضات @So_delw5
kانساك @D124H
kقيتاره @getarh
kيمانيه @pglmy
kالامل @gggup
kفتاه @sjkjf
kبعثره مشاعر @bxjck
kالدنيا عتب @shqama
kنبض قلب @PHTHLIA
kلأقلامنا حكايا @our_pens
kحب صنعانية @ilove3you
kمشعات صنعانية @sanaill
kالاصلاتي @Soosoo_2020
kخربشات قلم @Scribble20
kخواطر اختي @My_sister_H
kاهات عاشق @Ahatachq
kمتفائلون @AsoomaMalooka
kتلفونات للبيع @XiaomiYemen

kملاذي انت @Tyeefy
kذاكرة القلب @AHWquite
kصنعاء القديمه @oldsana
kروياتي @az_m_2005
kهتان @yemenxn
kأسعار العملات @Yemenis_Exchange
kمن اعماق قلبي @omkklobww0
kقلب من ورق @galp_mn_warg

kروايات يمنية
/channel/+Ecxq_OzMYh40M2E0

kقصص مميزة
https://t.me/joinchat/AAAAAD1p6TqBBTyITQumpA

kأسعار الذهب وصرف
/channel/+UzdbaRxU4lsMhaQd

kنكت سام صنعاء😆👇
https://t.me/joinchat/WU4ZscEyGaeyQqSr

━☆


للاشتراك ⇦ @STAR_TWASULBOT

روايات يمنية📚🇾🇪

15 Jul 2025 19:56

.

البــارت 90 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


امه: ليش ماقلت لها ليش خليتها تتعالج

امير معصب: يعني الناس تعرف ان العيب فيني انا!!!

امه: مافيها من الله

امير: كيف تجزمي تتحاكي هكذا ع ابنش تقلي عادي

احلام: لاتدافعيش عليها ماتستاهل سيري اسألي بنت امي خيرية ماقالت لهن تشتي خالد

امير خرج معصب شل صميل وخرج

في الحارة على رجعته واقف جنب الباب بيدور اين المفتاح وبيضوي بتلفونه

امير رزع الباب وقرب جنبه: انا كنت شاكك ماذلحين صدقت بفمها قالت هذه الوقحة ال.... ال....

خالد مسكه من ثيابه

امير بكل عصبية ضربه بالعصية في يده وبعدين كتفه

خالد دهفه يشتي يمسك الصميل

امير بيصيح: ضرب اصابعه ويده

بيسمعين صوت.. سكتين وسمعين صياح

صفية دخلت تصيح ورنا جريت فتحت الباب واقفة وراه بتسمع

خالد عصب رجم الادوية والمفاتيح وسحب الصميل منه وركضه للارض وضربه ضربه

خرج ابوه مسكه ومسك الصميل سحب خالد لداخل البيت وقفل في وجه امير

كان امير يدق الباب

خالد متشنج ومتعصب: بتسمع كيف بيفعل وعاد انت بتسحبني ساع الجهال يابه فلتني لو سمحت

ابوه: ايش حصل

خالد شرح له اللي حصل ورنا واقفة ماسكة وجهها بتبكي بتشوف خالد وبتسمع اللي انقال وكيف خالد اقتهر عليها واللي عاشت معه العمر كله قال عليها هكذا ؟؟

الجد عرف باللي حصل اتصل لابو امير

وابو خالد خرج وحده وغلق على خالد: هذه المرة انا شاوريك اين طريقك شاف الادوية ومفاتيح في الارض شلهن

رنا شافت في فمه دم دخلت بسرعة تدي فاين ناولت صفية

صفية ناولته: لاعد تتكلم اسكت

رنا شافته محرجة ماقدرت تبقى بعد اللي حصل له بسببها دخلت وقفلت على نفسها الغرفة

خالد بيداهف يشتي يخرج

ابوه: وين عتسير

خالد: اسير اشتكي به والا والله العظيم لادعسه دعس بسيارتي

ابوه خلاه وخرج معه

@rewayatyamania المصدر الأول للروايات

بعد ساعات في القسم ومحضر وراح معهم عسكري ودق لأمير الباب شافه كمان انضرب..

دخل خالد البيت جلس في الحوش ضابح..

الوقت متأخر واغلب اللي في البيت رقدوا..

ابوه: عتطلع ؟

خالد: شوية واطلع


في الطاقة
جالسة تشوفه من ورا الستارة وتدخل قلبها بيحرقها عليه

سندس راقدة

رنا بتصحيها: سندس

سندس: هاا مسرع اذن

رنا: جي معي ننزل للمطبخ

سندس بكلمات ثقيلة وهي نوم: افتحي دولابي به جعالة

رنا ضبحت: سنددددس اخوش تاعب وانتي نوم كيف لش قلب قووومي

سندس ضبحت: ماافعله طيب

رنا: حرام جي ننزل نفعل له اي شي

سندس بضبح باقي شوية وتبكي: مابين اهناش النوم ساع الاعلانات المصرية ارقد ساعة وصفية تقيمني وانتي وجدتي والاذان ويشتونا نبكررر من سبع مانفعل مدري نطلع بدل الشمس

رنا ضحكت ضربتها: اخوووش ياخبيثة قومي هيا من الكسل

سندس بضبح: ناهي هيا يا القلب الحنون ، امه فلتته ورقدت ماعليش انتي ماعليش

رنا سحبتها وبتدهفها: اوووص لحد يقوم انزلي سكتة

سندس: ظلمي ياريت وانتي ترجعي تفتجعي ساع زمان

رنا على خرجتها للحوش: قد قوي قلبي ماعد بيخاف من شي

خالد شاف لمبة المطبخ ولعت جالس يكلم سام يواسيه برسايل: وانت يااخي تشتي عرس في اسبوعين والصالة جنب البيت مابش معك حل غير تراعي شهر سهل عيخطى بدون ماتحس

سام: وانت عتجلس هكذا بدون زواجة ولا شغل مالك

خالد: مالي! ماصدقت ارجع بعد السنوات هذه كلها، وترجع روحي القديمة بعد ماطفيت في الغربة يااخي ابوه العمل وابوها زواجه مااشتيش

سمع الا صوتها بتداعيه

رنا: خالد

سندس واقفة جنبها بتتقعم وبتغمض عينها

خالد وقف بصعوبة جسمه مدقدق: ها ؟ ليش سامرات وخرجتين هذا الساع

رنا ناولته الطاسة: قد برد تقدر بالمصاصه تشربها

خالد بيشوف قصبة عصير وشربة عدس مخلوطة: اشربها بهذه؟

رنا: ايوه عشان ضرسك

خالد ماعرف ايش يقول مافي كلام هذه اللحظة غير احساس ، حاسس بحنان بيطبطب على اوجاعه

رنا بتتهرب من نظراته اللي آخر فترة بتطول في عينها: لاتنسى علاجك ، تصبح على خير.

سندس واقفة: اخيرا

رنا سحبتها: هيا ماضرش لو فعلتي هكذا

سندس: ضرني عيطير النوم

خالد ماكان له نفس بس عشانها شربها ودخل طرحها في المطبخ شرب علاجه وطلع رقد
.
.

ثاني يوم كملو يصتبحوا

الجده: خالد عادو راقد

رنا داخل نفسها: اخيرا حد ذكره ، مستحيه تتكلم هي

سندس: تاعب في غرفته

ام خالد: اغرفي له صبوح وطلعيه الحقيني اصحيه ابسره


في غرفته
خالد متضايق من ضوء الشمس لعيونه نكز بيغطي وجهه

امه دخلت: لاعد ترجع في نوم اصتبح

خالد: مابش نفس

امه: مابلا ضروري تاكل قد غثيت امس رقدت ونسيتك بغير عشاء ، اي حين ياابني عتخليني اخطب لك قوا

خالد: رنا امس فعلت عشاء واكلت تعشيت

امه: عتخليني اخطب لك واحاكي رنا وخواتك والكل نبسرلك ونخطب لك

خالد حب يدها: ...


/channel/rewayatyamania/55248




📚 @rewayatyamania 🇾🇪