روايات يمنية📚🇾🇪

17 Oct 2024 21:06

.

البـارت 28 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


بعد دقائق
رُقية اللي بتفعل الايلاينر بعد ماكملت تفعل له الظل (ايشدو) 

ريما: اقسسم بالله ياكوافيرة سبككتيه ابسري مااحلااا الميك اب في عيونه لانهن واسعات وجفونه كبار

رانيا بهيام: والله شدفني (اعجبني)  

رهف مكنت رُقية الروج: وهذذي اللمسة الأخيرة ل القمر حقنا

رُقية ابتسمت وشلت الرووج وحطت له بعد ماحددت شفايفه

كملت وبسرته: صلوووووات على كااااامل الصفااات

ريما: يمممممه ع الجممااال يذوووب

رانيا: ماشاء الله ابسرين وهو راقد والحلا ولما يفتح عيونه كيف عيقع ياااربي

رهف بتتأمله: الصدق الصدق ماعجبني الا حواجبه

رُقية ضحكت: ماكثرت لهن القلم لانهن حلوات من الله وكثيفات

ريما بسرت الساعة: عيقووم بعد شووية يلاه ارفعين هولا

شلين علبة المكياج وبيرتبين الغرفة اللي هم فيها قبل يقوم وبيتفرجنّه بإعجاب وضحكة
.
.

الساعة 6 مغرب
عند مصطفى
وصل لاذمار وبيتصل ل عمه ومابيرد: اووووف وين اسير ذلحين مش انا داري وين بيت عمي الجديد

شرد ل ثواني وبسر نفسه قريب من فلة يوسف وقرر يتصل له
ضغط رقمة ودق له

@rewayatyamania المصدر الأول للروايات

عند يوسف فتحين التلفزيون وجالسات وكل واحدة منتظرة يوسف لما يقوم ويبسر نفسه وماعتكون ردة فعله

بدأ يفتح عيونه وتلفونه رن

رُقية لمحته قام وبتحاول تمسك ضحكتها ورجعت نظرها للتلفزيون

شل التلفون ورد بصوت خاامل: الووووووه

مصطفى: حيييا بالاالوووو مالك بتموت

يوسف ارتكز ورزح ظهره: حييياك

مصطفى ضحك: شكلك نوووم

يوسف بدأ يستوعب: مدري كيف رقدت كم السااعه

مصطفى: اممممممممم انت في البيت

يوسف وبيبسر خواته مركزات مع التلفزيون: ايووا ليش بتسأل

مصطفى: ء هههههه عادي يلاه يلاه شتصلك بعدا

يوسف: مالك مستعجل

مصطفى ضحك: لما تصحصح

غلق الخط وخطي متجه للڤلة


يوسف لف لهن: كم الساعة

لفتت له رانيا وبتتأملة وكاتمة ضحكتها: ء

ريما لفتت له هي ورهف وبيتأملين وبيمسكين ضحكتهن بالغصصب

يوسف بيبسرهن بشك: مالكن بتبسرنّي هكذا ولفت ل رُقية اللي بتبسر التلفزيون: وزير العصابة ليش ساكت

لفتت رُقية وضحكت ماتقدر تمسك ضحكتها اببدا: هههههههه "وبترقيع" والله مناسب الاسم عليا ههههههههههههههههههههههه

يوسف بيحس ان في وجهه شي بس مش مستوعب لأنه عاده قام من النوم ومستغرب من تصرفاتهن وكيف بيمسكين ضحكتهن بالغصصب


خارج
نزلوا من الباص ووتين ماسكة ل ابوها

في هذه اللحظه وصلت سيارة مصطفى

نزلت نرجس وبتصيح ل ميار: واللله انننها حقيييي انااااا وانننتي حشيها

ميار بحدة: ليييش بتصيحي عاد احنا في الشاارع

وتين بحدة ل نرجس: مالش انتي وياها

خطي صاحب الباص وعمار فتح باب الحوش وبيدخل الاكياس

مصطفى بيبسرهم

وتين بسرت السيارة وماركزت على السواق وركنت انه يوسف ارتبكت وبتأشر لهن يدخلين

لف ل الحارس اللي فتح له البوابة ولف بالسيارة ودخل
.
.

كاان يدوور بالسياارة في الحووش الكببير ويضرب بالبوووري

البنات افتجعيين لاهو ابوهن

رهف نشف ريقها وبهمس: اقسم بالله لايذبحونا

وقف يوسف وفتح الطاقة وعرفه مصطفى واستبشرت ملامحه: هذذا مصطفى مشش معقوول

رُقية بهرررت: مّااااااااااشي

لف لها: مالش

ريما بإرتباك: ههه هههه سير سير الحمام غسل وجهك بسررعة

قد عيتكلم وسمع صوت مصطفى: يووووسف يييييه

ابتسم وخطي مطنش لهن: والله انه مصطفى وخرج

كل واحده بسرت الثانية بخووف

رانيا: اييييش ااادى المرريض المعقد هذا ذلحين

رهف وريما ورقية خطيين لاعند الطاقة وبيبسرين ومرتبكات وخايفات من مصطفى لأنه يجلس يعلم يوسف عليهن علشان ينتقم منهن ويكرررهين مصطفى موووت بسبب طبعه
.
.

نزل من فوق السيارة وخطي لاباب الڤله وقد بيدق ويووسف فتتح: حييييييييييا

تصصصنم مكاانه وبيتأمله لالحظه فكرر انها بنت بس بسره وانه بالثوب وصوته وطوله وعرضه يوسف واستوعب ومفتتح عيونه ومفهي

يوسف قرب وحضنه: ليييش ماتقوول لي انننك جااايي

مصطفى مسكه من اكتافه وابعده عنه بهدوء: يوسف!

يوسف قطب حواجبه: مع ابن عمه مالك

مصطفى استوعب ان خواته اكيد السبب وضحككك بصووته كله: ههههههههههههههههههههههههههههههههههههههههههههههههههههههههههههههههههههههههههههههههه

.
.
داخل عندهن كل واحدة مسكت على فمها وبتضحك بخوف من ردة فعل يووسف

يوسف بيضحك ببلاهه: ههههه مالك

جلس على الارض ومسك على بطنه وخلاص قد عيطففح وبيأشر على وجهه: هههااابسهههههررههه هههههههههههههههههووجههههههههههههككههههههههههههههههههههههههههههههههههههه





📚 @rewayatyamania  🇾🇪

روايات يمنية📚🇾🇪

17 Oct 2024 21:06

.

البـارت 26 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


يووسف سمع صووتها وحس بشعوور غرريب

عمار بضحكة وقف: هتلر عتذبحنني خاطررك

يووسف ضحكك حين قال هتلر: ههههههههههه الله يسهل لها

بسره بنظرات وضحكك: بعتني وانت اللي ماسك لي من اول

ضحك يوسف وعمار عطاه ظهره وخطي

فتح الباب وبسرها وابتسم وحك حاجبه بعشوائية: سلام هههه

بتبسره بنظررات ومتكتفة: مابتتحاكا انت ويااه من اووول

عمار قرصها في انفها وهو عااارف مااتحب هذه الحرركة وضحك وهوه ماسك انفها: ماددخلش صااحبي

وتين بصيياح وعصبية: عمممممممممار

ضحك وفك لها وهرب

مسكت على انفها بووجع ولحقته: اناااا اووووريك ياابو السناافر

كان بيسمع بلهفه ومش داري ليييش مُهتتتم كُل هذا الاهتمام وبيبتسسم ضحك بخفة وتمتم: هتلر!!!!
.
.
في ڤلة ابومازن

ابو مازن لف ل ام مازن: نتصل لها الآن

ام مازن: لا انتظر لابعد المغرب

رؤى اللي معباية دم وفاقدة وعيها وفي حال يُرثى له

@rewayatyamania المصدر الأول للروايات

الساعة اربع عصرر في بيت ابو يوسف

جالس هو وخواته وامه ويوسف مكن امه القات حقه تغسلهن 

رُقية غمزت ل رهف تجي جنبها وبهمس: لو يخزن يوزرسيف لايقع فينا ملل اكثر من نملة أرملة حانبة (عالقة) في لبانه "علكة" مذحلة (خاربة)

رهف ضحكت بصوتها: ههههههههههههههههههههه مابتشعوذي (بتخبصي) 

يوسف ورانيا وريما لفوا: مالكن

رُقية قبصتها في يدها وبهمس: اصصصص

يوسف بسرهن بشك: ماقد بتطبخين لنا

ريما لفتت له ببلاهه: لا لا مانطبخ الا الاربع ايش بيطبخين

رانيا ضحكت: اليوم بالله عليكن خلين يوزر بحاله يخزن ويفتهن علاميد يفكر بموضوع الخطبة براحته ويحبكها سوا

لف لها: من خلااش وكيلة على احاسيسي

بسرته بنظرات وخرجت لسانها: إتجمل لك ل ثور

ضحك يووسف ولف ل رُقية: ماقد بتخططين ياعصابة العفاريت

رُقية بكذب: هههههه ههههه مادخلنا منك ومابنخطط ما بتخبص مالك

بيبسرهن بشك وتكلمت رهف: ء خوات وبيتحاكين وضحكين مادخلك

يوسف: اها

رُقية ورهف بصوت: إييييييييه

يوسف رزح ظهره: عنبسرر

وقفت رُقية وخرجت من عندهم متوجهه للمطبخ وبتضحك وبتحاول تكتم

ورانيا وريما لحقين وراها وبقيت رهف عنده
.
.

في بيت جديد علينا...

ام زيد (رحاب): الآن ياسماء اي حين عتكلمي وتين ان احنا عنزورهم

سماء: ان شاءالله بكرة ويممه مارأيش لو نستعجل بالعرس ونسويه بعد العيد مباشرةً

ام زيد: ابوش ماعيقول يمكن رافض ووتين مارأيش عتوافق

سماء بضيق: مدري وبعدين هي الآن الوحيدة اللي بتصرف عليهم

دخل ابو زيد وسمع كلامهن: جااالسات في هذذذك السييرة

ام زيد بضيق: يارجال وانت مااقتنعت الولد مايشتي الا وتين مانفعل له

ابو زيد بكبر: ماشخطب ل ولدي بنت تصرفاتها مثل العيال ومتولدنّة ولسانها وقلة أدبها ماقد بسرتهن عند أحد وتفعل اللي في راسها مهما كان ايش هذا وبعدين مابش معاهم ما ياكلوا كيف اديها تطمع بنا وبزلطنا

سماء بقهر: ياباه لاتتكلم هكذذا وتييين ماهي من هذا النووع وفيها عزة نفس وكرامة ماش هي عند احد وبعدين وتين من اي حين بتتصرف مثل العيال واي حين قليلة أدب!!؟

يعني خلاص عندك اللي مايسكت عن حقه ومايسكت عن الظلم قد لسانه طول وقد هو قليل أدب وهي بالأصل أكبر هادئة ومؤدبة

ابو زيد بسر لها بنظرات وتكلم ل ام زيد: زييييد ماشخطب له الا من ناس اكابر مناسبين لنا وهذا آخر كلاااااام
.
.

عند وتين خرجت هي وابوها واخوتها للسوق يتسوقوا ماعدا محمد وهو للآن نايم ومارضا يقوم وقد وتين مفتجعه عليه

.
.
نرجع لابيت يوسف
رُقية بكذب ل امها: يممه قد خالتي أم وفاء بتتصلش من اول وقد هو شرق عليش

ام يوسف: اكمل اغسل ليوسف القات

ريما بإبتسامة: اناشاغسلهن لاتقلقي سيري عند صاحبتش بس

ام يوسف بسرتهن وبهدوء: مش تجننينه خلنّه بحاله تمام

رُقية بتمسك ضحكتها بالغصب: تماااموو

خرجت ام يوسف وهن ضحكين وتكلمت رُقية بهمس: اديتي اللي قلت لش

ريما: ايييه اشترريته اليوم وخرجته وكانت علبة صغيرة فيها ماء

رُقية بهدوء وعينها عليها: ما عيضره

ريما: مــع هو منوم طبيعي يعني للي بيواجهوا سهر وبعدين عيشرب منه ويتنظم نومه ويوزر عيرقد بس ساعة

رُقية ابتسمت بخبث وبتضحكك: اليوم عنتسلى قووووي

ريما بضحكة: ايواه عنتسلى وبعدين عنبكي يوزر عيذبحنا ويرجمنا للكلاب مش انتي دارية بعصبيته يقتلب جزار

رُقية: اصصص هو داري بنا وكم ياايام سوينا له مقالب ومابيسخى علينا يلاه يلاه هاتي العصير


بعد دقائق خرجت ام يوسف وسارت عند صاحبتها

دخلت رُقية بالعصير وريما بالقات ورانيا بتوضع له المدكى ورهف بتجهز له الماء وكل واحدة في عمل

يوسف بيبسرهن ومستغرب مستحيل يخدمنّه الا وبه إنَّ وتكلم من بين ضحكته: بنات من الاخير مابش معي زززلط





📚 @rewayatyamania  🇾🇪

روايات يمنية📚🇾🇪

17 Oct 2024 21:04

.

البـارت 24 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


وتين ضحكت: رمز المحطة ملطام ل نرجووس يفكنا من لقانتها

نرجس بتضحك: اوووف لييتش ماكنتي مززاجية وليييتش لاانتقلتي لاهذا المزاج يعلق النظام وتجلسي فيه

وتين ضحكتت: هههههههههههههههههه طييبب عتوريش لما ارووح كيف نظام محطااتي يالغجةةة

غلقت الاتصال ولفتت ل عمار اللي بيبسرها وبيضحك

ضربته بخفةة وبتضحك: وانت ما يضحكك يله وقف لنا باص ووصلنا للمطعم

مسك يدها وخطي: تأمري أمر دكتورة هتلر
.
.

نرجع لافلة ابو مازن
ابو مازن بتفكير: يعني قصدش نضربها ونعذبها ونصورها ونرسلهن ل وتين تبسرهن 

ام مازن: ايوا علشان وتين ذكية ماعتصدق اذا هددناها كلام ماعتصدق الا اذا بسرت بعيونها

رؤى اللي مربووطة وفمها مغللق ب لصقة وبتسمعهمم ومقهوووورة ولا كأن هي في يد ابوها كأن هي عند مُجرمين أستخطفوها 

ابو مازن طييب هاتي السياط

ضحكت بخبث وسارت أدته ومكنته وعينها على رؤى اللي بتبكي وبتمتم بصيياح بس مابيطلع صوتها لان فمها مغلق

خلس الكوت ورفع اكمامه وقرب وبدأ يضرربها بقلب قاااسي وكأنها جمممااد قدددامه ماااهي انسااانة

كااانت تصيييح صيااااح يوووجع القلب وتتوجع رفعت نظرها لافووق ودموووعها بينززلين بحرررقة وبتمتم وتصييح: يااالله يااااااااالله يااااااااااااااالله

  ✨في خبايا الظلام كُنت أغرق في بحور القسوة؛  كنت أغوص في عالم لايعرف الرحمة فـ يا ارحم الراحمين ارحمني برحمتك لقد زُهِقّت رووحي ألماً ✨ كتاباتي 
.
.

بعد نص ساعة وصلوا للبيت بعد مااشتروا لهم الغداء من المطعم وادت لكل واحد مايحب وعمار فاارح ومرتااح

يوسف بسرهم لأنه كان تحت الشجرة اللي في الشارع اللي بينهم

عمار بسر يوسف: اووووووه ماعد بسرتك في المعمل ساممحني نسسسيتك

وتين كالعادة ولا لفتت له وهو لمحها بسرعة فتحت باب حوشهم ودخلت وبصوت حاد ل عمار: عماار لاتتأخرر

يوسف بيمثل زعل: بالله عليك تدخل مع اختك المعمل ولاعاد تلف لي ولا تكلمني

عمار اوجعه قلبه: اووووف والله آسسف قد انت داري ضاعت افكاري من المشكلة اللي حصلت

@rewayatyamania المصدر الأول للروايات

يوسف تنهد: اهم شي ايش زد سويتوا

عمار: ولا شي عمي خطي وماعد تكلم واختي مارضيت تسسحب الشكووى
وتذكر: ايوووة صح اختي كلمتنا انك ساعدتها تمسك هذا النذل وبلغتوا الاثنين ل ذلك اشكررك والله ان انت بتتعب معانا خيرات يايوسف

يوسف ابتسم برضا: هذا واجبي ياصاحبي

عمار: تسلم الله يحفظك ووقفتك معانا ومع اختي ماشنساها اببدا

ابتسم يوسف وبتردد: ء ا عمار كنت اشتي اسألك

عمار: ايش تفضل

يوسف: موقف اختك اللي تكلمت به مع عمك حيرني قوي يعني عمها بمقام ابوها وتتكلم معه بهذك الطريقة كيف يعني

عمار ابتسم: هههههه معك حق انت باتفكر مثل الباقيين ويقولوا الحق على اختي اللي مابتتكلم مع عمها بإحترام بس ء....

وقاطعه: لا لا مش قصدي انها مابتتكلم بإحترام قصدي كيف تكلمت معه كأنه مُجرم ماهو عمها وكأنه شخصص غررريب يعني طريقة كلامها معه وعمكم ولكل تصرفه وصياحه كيف ولا كأن انتوا عيال أخوه وحتى هذك السافل ولده كييف يتهجمم على بنت عمه ويحاول يخطفها ويسرقها وهي لحالها ، بس الحمدلله البنت طلعت ذكية وعرفت تتصرف وماافتجعت ، وانا كنت موجود والا يعلم الله ايش كان عيسوي بها

عمار تنهدد بقهرررر: اااااااااااه بسس انت عارف واسأل الناس كلهم لما يكلمونا ان هذاك الظالم عمنا نستحي ننطق كلمة ياعم تصدددق قد بنكره دمنّا انه واحد وان دمّة دمنّا بنكره إسم عائلتنا لانه مثل إسمه بنكره كُل شي مُرتبط به

يوسف: .....
.
.

داخل البيت
دخلت لاعندهن وكانين جالسات في الغرفة

وتين: سلااااااام

نرجس: اووووووف واخيييرا انني جاااائعة جداً جداً جداً جداً جداً

ميار لفتت لوتين: ييووووف والله ياوتين قد خرجت من اذاني الف صرصار

وتين ضحكت: ههههههههههههه يلاة قومين غسلين يداتكن وانا شااسير اقوم ابي

نررجس نبعت لاعندها: وتيني كثرري من الخير والمزاج الحالي هذا وخرجينا

وتين لفتت لها وضربتها بخفة: الآن ياترفة غداء وبعدين نتحاكى

نرجس سرجين عيونها: يعنييي عتخرجيينا

ميار بتضحك من نررجس وتصرفاتها

خطيت وتين ودخلت لاغرفة ابوها وبسرته ذاهن بيدرس قرآن ابتسمت بزهر وجلست قدامه

كمل وغلق المصحف وباسه ولف لها: وأخيراً طمنتي قلبي وجيتي

وتين ابتسمت وقربت حبته في راسه وساقته وخرجوا للصالة





📚 @rewayatyamania  🇾🇪

روايات يمنية📚🇾🇪

17 Oct 2024 21:03

.

البـارت 22 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


يوسف بمداخلة: يااعم ماينفع كلامك بالتهديد ولدك غلط وضروري يتأدب

لف له بنظرات ووتين تكلمت ل يوسف: لوو سمحت لاتدخل بيننا!!!!

يوسف اصترع وسكت بقهر

وتين ل عمها ببرود: ماعاد عتفعل ياظالم خليني ابسر ،،، والآن لو سمحت انقلع من هانا انا معي عمل قبل مااخليك تسير تتغدى مع ولدك في بيت خالكم (السجن ) وانت داري

فتح فمه بصددمة ويووسف وكلهمم منصدمين ومستغربين من كلامها لعمها 

لفتت لاوراها بكل قوة وخطيت وعمار معاها ومطنشة كل النظرات وكل الكلام وكل شي

عمار: فدددديتش فدددا ياااااحبيبة قلبببي يااهتلرر

وتين بسرته بنظرات: اسمممي وتيين

عمار: ويااافديتها ووتين
.
.

مسنب وبيبسر نظراتهم له وبعضهم بيضحكوا كيف هانته قدامهم كلهم وماافتجعت وعصصصب وخطي

يوسف للمرة الألف وهو في صدمةةةة تاااامة منها ومن تصرفاتها وكلامها وعنادها وقوتها

سماء بهدوء وهي خلاص ميتته عليييه: هيييه  لو سمحت

لف لها: ايش 

سماء ابتسمت بهيام: ء تفضل عندنا

يوسف خطي بإتجاه السيارة: لا شكراً

سماء مسستغربة مااداه لاهانا وبتتأمله بإعجاب بسرته لما خطي وابتسمت ودخلت المعمل

@rewayatyamania المصدر الأول للروايات

عند وتين جالسة هي وعمار في طاولة في حوش المعمل وبيتكلموا

وتين بضيق: ابي الآن كيف صحته

عمار: يعني تعب شوية

وتين شلت تلفونها واتصلت ل ابوها تطمنه
.
.

في السجن..

ابو مازن بهدوء مد له شيك: سجل الرقم اللي تشتيه

الشرطي فتح عيونه بصدمة: بتدي لي رشووة

ابو مازن: لا هذه خسارة ولدي وعقوبة وسعما تقولوا كفاله وخلاص خرجوه

الشرطي: في مثل هذا القضايا مايحق لي افعل شي اللي قدمت البلاغ رافضة للعقوبات المالية

ابو مازن تنرفزز وسنب: صددقنني عتنددم ياضاابط وعطاه ظهره وخرج وبيفكر كيف يخرج ابنه من السجن وكييف يقنع وتين تسحب الشكوى
.
.

بعد دقائق وصل لافلته وصورته ماتطمن

ام مازن وقفت: هاا وويين ماززن

ابو مازن بصييياح وكان يراجم كل حاجه يبسرها: مااارضضييت تسسحب الشكوووى وتيييين وتييين الجااهلله بتتحداااني اناااااا انااااااا ولييييد بس ماابشش مشكلةةةةةة مابششش مشكلةةةةةة عتوووووريييهم مثثثثل ماوررريتهم في زمااان

وبسر الطاولة ومسك الستارة اللي عليها وسحبها بقووة لما تكسرت الصحون والفنجانات والفواكة استكبين في كل بقعه عتووووووورررررييهم!!!!!!!!!!

ام مازن ماسكة على فمها بخووف وماعد صديت تتحاكا
.
.

تحت في البدروم سمعت صياح ابووها وافتجعت وكانت تسمعه يصيح بإسم وتين قربت وفتحت الباب وطلعت من الدرج وبتسمع

كاان يصيح بصووووته كله: انااااااا اووووررريش ياووووتييين لما خليييتش تبسسسسري نجووووم الظهرررر ماااايكووون اسمييي ولييييييييييد

ام مازن سار فكرها لاعند رؤى وصييحت: اناااا عاااارفةةة عااررفةةة كييييف اخليها تسحببب الشكوووى غصصصبب عنهاااا ولفتت متوجهه للبدروم

رؤى بسرتها جاية بإتجاهها وافتجعت وقد عترجع وراها و.........
.
.

بتكلم ابوها في التلفون
وتين بضيق: وماحصل شي ياتاج راسي وانا ماكلمتك علشان لاتتعب وبعدين ماكنت لحالي هذا يوسف جارنا ابن صاحبكم ساعدني ومسكه

ابو محمد بزعل: والله ماحبيتها منش ياوتين تخبي عليا وعلى اخوتش وهذه مشكلةة كبييرة لو حصل لش شي قلي لي ماعنفعل

وتين: يااابي ويانور عيوني قولت لك مابه شي وماحصل شي التافه انحبس واخذ عقوبته وانا بخير والزلط ماحصل لها شي واليوم ان شاءالله  ننزل كلنا للسوق ونشتري حاجاتنا

ابو محمد تنهد: مااشتي زلط ولا اشتي شي يكفي ان اولادي يبقوا بخيير

وتين: الله يخليك لنا ياتاج رؤسنا كلنا والحمدلله لاتقلق ولاتفكر بشي

ابو محمد: طيب اسحبي الشكوى وخلينا من عمش ومشاكله نرتاح

وتين بعناد: لا ياباه خلية يتأدب وعمي ماعيسوي شي الله معانا واحنا تعودنا مانفتجع من احد الا الله

ابتسم منها بس خايف عليها: الله كريم الله كرريم

غلقت الخط ولفتت ل عمار اللي بيبسرها وبضحكة: ليش بتبسرني هكذا

عمار: سلام الله عليش وعلى صبرش وقوتش ياوتين

ابتسمت بحب من كلامه: يعني!

عمار بقهر: يعني على قد ماانتي اصغر من محمد وعمرش صغير وقدامش حياة تحبي تعيشيها مثل باقي البنات لكن مع انتي كُبرتي وتحملتي مسؤولية وثابتة قُدام وحوش ولا بيهتز لش عرق وبتحاولي تكوني لنا الأم وبتحاولي نكون في أحسن حال ولا احد يقدر يزعلنّا

وتين انا ولد وصح اصغر منش بس لما ابسر اختي اللي بتتعب وتكافح علاميدنا ومابتفكر مجررد تفكيير بنفسها يوجعني قلببي واقول ليش ليش ماادللها ليش مااخليها مثل باقي البنات ماتعرف المشاكل ولا تعرف الهمووم لييش بين اترك لها كل هذه الهمووم تتحملها وانا اعيش مرتاح





📚 @rewayatyamania  🇾🇪

روايات يمنية📚🇾🇪

17 Oct 2024 19:02

.

البـارت 20 ☆

في خبايـا الظـلام تعلمت القـوة مـن عينيها 🖤

للكـاتبـة: تـوليـن سنحـانيـة

👌🏻👇🏻 😍
📚 @rewayatyamania  🇾🇪


خرجين من البيت ووتين تناست اللي حصل أمس ومندمجة مع سماء في الجو

يوسف عاده في مكانه وكل تفكيره بوتين لف وبسرهن

سماء بسرته: وتيني من هذا القمرري

بسرتها بغضب واحتدت عيونها: ايييش قمروا راسش وسط كوز؛؛ مابتستحي على وجهش غضِ غضِ بصرش يامؤمنة عيييب

سماء ضحكت: هههههههههه شلوش ابسري ابسري والجمال اليوسفي سبحان الله مايخلق الخالق ابسري بس مااحلى عيونه الواسعات وشعره المقعش وطوله وعرضه امانة هيبة اووووف

وتين تنرفزت وبتمتم: استتغفر الله العظيم استتغفر الله يااربي صببرني شخصصت الرجال في نظررتين استغفففرك واتووب إلييك

خطيين من جنبه وعينه على وتين اللي ولا حتى رفعت نظرها له واللي جنبها بتتبسره بجراءة

وتين مسكت سماء من يدها وبهمس: ابسري الطريق لاتتكسري قلع ووجهش ياحذاا استحيي

سماء بتضحك منها وخطيين

مابسر نفسه الا تنهد نهدة من القلب وتكلم: مالك يايوسف ماحصصل لك مادخخلك منهاا
.
.
وصل لامركز الشرطة بسيارته الفخمة ونزل

دخل لاعندهم وخطي لا مكتب الشرطي

سلام عليكم

لف له: وعليكم السلام

ابو مازن: انا ابو مازن كلموني ماحصل

محمد دخل وراه مباشرةً بس شدة الصوت وجلس يسمع ايش القضية

الشرطي: والله وصلنا بلاغ من بنت اسمها وتين ان ابنكم تهجم عليها وحاول يخطفها ويسرقها

فتح عيوونه بصدددمة واحتدين ملامحه بغضب

ابو مازن ببرود: مستحيل هذا الشي ياشرطي وتصدق بنت جاهلة

الشرطي: اييين جاهله والله انها بنت بألف رجّال ماوصلنا الا وقد مسكته وعورته واخذناه المستشفى

ابو مازن بخوف: اييش ايش فعلت به

الشرطي: ضربته بحجار في راسه ونزف وبعدين خيطوا له بس الآن قد هو بخير

ابو مازن قوس شفايفه: مستحيل كيف هي بنت ماعتقدر تمسكه

الشرطي: مامسكته هي كان معاها واحد ساعدها ومسكوه المهم الآن ابنك عيجلس عندنا لما تسحب الشكوى 

في هذه اللحظه دخل محمد وقاطع كلامهم

ابو مازن لف ل محمد وابتسم وتكلم للشرطي: خييير وهذا اخوها جاء وعيسحب الشكوى

الشرطي لف ل محمد: انا آسف البنت محذرة لنا ماحد يسحب الشكوى الا هي وأصررت ان محمد بالذات مايتدخل

اقتهررر ولف ل عمه

ابو مازن ابتسم بخبث ووقف: خير خير شاابسرها بنت اخي الغالية وخرج وفوقه ألف جني

خرج محمد قفاه وساكت بضيق

ابو مازن لف له بغضب: اييش هذذه البنت انعددمت التربيةةةة والا اييش بتتصرف من راسها مابش قفاها رجال

محمد ضاق صدره وراسه بيووجعة تاااعب مش عاارف ايش بيحصل له ولا قدر يدافع على أخته

خطي ابو مازن بغضب وسار بإتجاه بيت وتين

ومحمد خطي معه

@rewayatyamania المصدر الأول للروايات

بعد ربع ساعة في بيت ابومحمد

كان جالس هو وعمار في الحوش والبنات داخل في المطبخ

قاطع مجبرهم دقة الباب وقام عمار يفتح

فتح واستتغرب

ابو محمد: من ياعمار

ابتعد عمار من قدامهم ودخل ابو مازن وصورته مقلوبة ومحمد معه

ابو محمد بإستغرراب: اهلا وسهلا

ابو مازن ركز عصاه وبنظرات سخريه: ويين الوزير

ابو محمد مافهم: كيف

ابو مازن: وتين

عمار بحدة: ما تشتوا منها

محمد ساكت ولا كلمة

ابو محمد بإبتسامة: اتفضل يااخي مايصلح  تجلس في الحوش وايش تشتي من وتين

ابو مازن بحدة: ماجيت اجلس ابني في السجن بسبب بنتك قليلة الادب وعديمة التربية!!!!

ابو محمد فتح عيونه

عمار بحدة: ابسر ياعم خواتي ماحد يتكلم عليهن ومؤدبات ولف ل محمد: يرضيك يتكلم على خواتك ويقول بلا تربية قددامك واننت سااكت !

برضوو لارد .....

ابو مازن ل عمار: ماجيت اتفلسف معك ويين وتيين

ابو محمد بهيبة: انت الآن في بيتي وتحت سقفي وعادني محترم لك اما انك تسب بناتي قدامي مستحيل اجلس ساكت

ابو مازن فتح عيونه وبمسخرة: شكلها وتين قد قصت لكم من لسانها وورثت لكم وقاحتها

عمار تنررفز: ياااعم احتتترم نفسسسك

ابو مازن بصراخ: احتترم والا اييييش عتفعل هذذا ابببننني اللي حبستته اببنني ياعمااار

محمد ماعد قدر يفتح عيونه من وجع راسه ومابيبسرهم الا خيال
.
.

من داخل خايفات وباقي شوية وبكيين

نرجس بخوف: هذا الظالم عيغثي ابي ويتعب

ميار بتسير وتجيي بقلق: وييينش ياوتييين وييينش
.
.
ابو محمد بقلة صبر: ...


/channel/rewayatyamania/53168



📚 @rewayatyamania  🇾🇪

روايات يمنية📚🇾🇪

17 Oct 2024 18:59

.

البـارت 18 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


دخلت للبيت ووجها مايتفسر بسرت خواتها في الصالة بيتفرجين الشاشه

نرجس بضحكة وهي ممدده: حيييا بهتلورتي قد عنتغداء مرة ثانية وعاد هي جت

ابتسمت وجلست: اوووووووف ميار ادي لي ماء

ادت لها الماء ووتين شلته منها وبتشرب

نرجس شلت الشنطة حق وتين وفتحتها بلقافة وسرعان ماصيحت: يممممممه

افتجعت وتين لما اشترغت وبتكح

ميار بفجعة: نررجس ماالش

نرجس لفتت ل وتين ببلاهه: من قد قتلتيي

ميار فتحت عيونها بصددمة ولفتت ل وتين اللي بتكح بقووة

قربين وبيضربين في ظهرها ومفجووعات

رجع نفسها ولفتت لهن بغضب: ما اا بت بتقول ي ورجعت تكح

بعد موجة توتر
نرجس بخوف: وتين ايش هذا الذي في الشنطه

وتين بحدة: اشتتي ادرى انتي عقلش وين نكعتيه

نرجس بنظرات: ماادى المسدس والززلط هذه كلها لاعننندش!!؟

وتين بطفح: مارأيش ادي لش العصية واضربيني

ضحكت وحكت حاجبها: طيييب قولي لي

ميار بسرت الشنطة وفتحت عيونها بصدمة وقاطعتهن: من وييين اديتيهن

نرجس ل ميار بهباله: قلت لش هتللر قتللت يامياار ويمكن سرقت

ميار بسرت لها: لاااااا هتلر ماتقتل وماتسرق

نرجس: ابسرري مسدس وزلط وهتلر في الوسط يعني اييش خليش فطينة

وتين بتبسرهن بصدمة ومقوسة شفايفها بضحكة كيف ولا سمحين لها تتكلم

ميار ونرجس بصووت ل وتين: ماااالش سااكتة

وتين: لييييش سمحتين لي اتكلم من حقكن الهدرة

نرجس بلقانة: ابسري اكلمش من الآن ماحد عيكون يدي لش الاكل للسجن مش فاضيين للمغامرين عيس تعاقبي

فتحت عيونها بصدمة

وميار ضحكت: ههههههههههههههههههههه نرجس مابتدوري تشتي وتين تقوم تقتلش من صدق وتدخل السجن

وتين: اقسم بالله مافيكن شوية عقل

بيبسرنّها ببلاهه ومنتظرات تتكلم

وتين أخذت نفس عمييق وبسرتهن: يابقراتي الفلوس ادوها لي في المعمل و ء

وقاطعتها نرجس: والمسسددس

عصصببت وغلي دمها وكبت الماء لاوجهها: اصصصصصصااااه خليننني اتحااكااا

ميار: هههههههههههههههههههههههههههههههههههه

مسحت وجهها من الماء وسكتت ولاعاد ادت نغمة

وتين كلمتهن بـ كل شي وفي كل موقف بيشهقين

ميار بزعل: الله يقلع وجهه التافه وصلت معه لاهذا الحد

نرجس بهيام: الصدق الصدق ماعجبني الا موقف يوسف كيف أنقذ أختي مثل البطل ياااي

ميار مسكت على فمها وضحكت

وتين شلت الوسادة وضربتها: او بييين احكيي لش رووواية تهيمي

نرجس بزلة لسان: اوف هاليوسف الصبح أنقذ عمار وبعدين أنقذ أختي امانه انه بطل

ميار بتأشر لها تسكت

وتين قطبت حواجبها: مادخل عمار!!؟

نشف ريقها لما حست نفسها ودفت حين تحاكت

وميار ضربت وجهها بكفها بضيق

وتين ونظرها عليهن: مابه تحااكيين!!!!

نرجس وميار كلمنها بكل شي وهي بتسمع بقهر وبعيون ملان دمووع: محمد رفع المجرفه يضرب عمار وكان عيقتله

ميار بقهر: لوما هذا يوسف ان..

نرجس تنهدت: وتيني لاتغثي قد ستر الله من عنده وماوقع شي

وقفت وعطتهن ظهرها وخطيت غرفتها بقهررر الدنيا

@rewayatyamania المصدر الأول للروايات

يووم جديد في بيت ابويوسف

جالسين فوق الطاولة كلهم بيصتبحوا

ام يوسف ل يوسف: ي ابني مارأيك نخطب لك الجمعة الذي عتجي

يوسف لف لامه وهو ساكت

ابو يوسف: والله فكرة في محلها قبل رمضان والكل

رُقية بحناك ل يوسف: وممممن هيه تعيسة الحظ

لف لها وبضحكة: اصبحي

ابو يوسف بسره: ههههههه في بالك احد

يوسف طوووالي سار حسه لاعند وتين ومش داري ليش وجالس ساكت

رانيا غمزت ل امها: امي في بالها واحدة اوووف والجمال والأدب

ريما: من هي وماعرفش

رهف ل امها: تكلمي يمه

يوسف ساكت وبيسمعهن ومش عارف ليش قلبه بينطق وتين وكأنه منتظر أمه تقول وتين

ام يوسف ل يوسف: امس سرت انا والبنات وزرنا صاحبتي سماح وبنتها وفاء عجبتني قووي لو تبسر على أدب وجمال

يوسف تغيرت ملامحه لاضيق كان مترقب تقول امه وتين ومش داري ليش جت في حسه هي بالذات

رُقية بزعل: اوووف ليت وانا جيت معاكن كنت بسرت زوجة اخي المستقبلية

ريما: وانا

ابو يوسف بصرامة: لاتتكلمين وتفرحين الا لما نبسر رأي يوسف ولف له... ايش رأيك ي ابني ولو في بالك واحدة كلمني

يوسف بضيق لف ل امه واحساسه هذه الفتره مشتت ومش عارف

ام يوسف تغيرت ملامحها: ياعيوني يايوسف والله ان وفاء بنت حاااليه قوووي مابتوثق برأيي!؟

ابو يوسف: يامرة لاهو في باله واحدة

ام يوسف: مع انا دارية لو في باله واحدة كان حاكاني

يوسف وكل جوارحه رافضة كلامه: اللي تبسروه مناسب يمه افعلوه وسنب وخطي من عندهم

ابو يوسف: والله ان في باله واحدة بس ماقدر يتحاكى

ام يوسف والبنات سكتين بضيق
.
.

خرج لاخارج الحوش وكان بالبجامة الشتوية ومرجع الكوفية على شعره

جلس باب البوابة وعينه على بيت ابو محمد واحساسه مشتت




📚 @rewayatyamania  🇾🇪

روايات يمنية📚🇾🇪

17 Oct 2024 18:58

.

البـارت 16 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


وقف وقررب ودهفها بقووة وشل شنطتها وهرب

وصل يووسف ومسكه من ظهره

بحرركة سرريعة خررج السلاااح وأشره بإتجاههم

بتهديد والسلاح مأشر عليهم: ابتعدووا ابتعددوا والا والله لااقتلكم 

يوسف بيتنفس بصعووبة: ادي للبنت شنطتها

وتين تضايق نفسها وعيونها دمعين وبتلاحق نفسها بعصبببية

خطي على وراه والسلاح مأشر صليهم وقرب بإتجاه متر (دراجة نارية) كان في آخر الشارع ركب عليه وعينه عليهم

وتين بصراخ: ياااااحقيييير هاااات الشنطططةة

شغل المتر وطاار مسررع

رجع يوسف على وراه ومسرررع  وركب علىى السيارة وشغلها وأسررع وراااه ومالفت ل وتين

مسكت على راسها بإنهيار: ي يااالله ي اللله رحممتك
بسررت باص واشرت له يوقف،، ووقف وركبت وقالت له يلحق السيارة السوداء ولحقتهم 

@rewayatyamania المصدر الأول للروايات

في بيت ابومحمد

نرجس بدلع: ياباباه قد قالت لكم اتغدوا خلاص ليش ننتظر لا معاها عمل خلينا نتغدى

عمار بسرها بحدة: انتي مابتفكرري الا ببطنش

ميار ساكتة بضيق

ابو محمد ركز عليها: مياري مالش ياعيوني

ابتسمت بضيق: ولاشي الله يحفظك

ابو محمد: خلاص قومين قربين الغداء واتغدين وانا شنتظر وتين

عمار: لا اتغدا معانا وبعدين معك أدوية بعد الغداء مباشرةً مايصلح يتأخرين

قامين البنات يقربين وكان الغداء مكرونة ولبن

ابو محمد بضيق: ومحمد وينه

عمار كشر بضبح

ميار بغصة: اكيد في بيت عمي

سكت ابو محمد بقهر من تصرفات ولده اللي المفروض يكون العاقل منهم وانه الطايش
.
.
نرجع لوتين

عند يوسف كان يسسرع خلفه ولا ابتعد نظره منه

فوق المتر خطي من طررريق مهجورة وبيبسر وان السياره السوداء باقية بتلحقه

وتين فوق الباص بصووت متقططع  وبحدة: خليييك وراء هذه السياارة لاتضيييعها

وصل المتر لا أرض كبيره وفاااضيه ووقف ونزل

نزل يوسف بعده وبصوت: ماابش لك مهرب هات الشنطة واحفظ روحك

لف له بالمسدس: شكل اليوم امك ترحمت عليك

كان معه الآلي لانه شله من السيارة ورفعه لاوجهه: والله شكلهم دعوا لي اقتل واحد

افتججع وتراجع لاوراه

نزلت من فوق الباص وبتقطيع نفس: اننتظر وشاااحااسبك وجزعت مسرعة لاعندهم

صاحب الباص بسر الرجال اللي تحت في الأرض والاثنين بالسلاح افتجع وراح له

نزلت بسررعة لاعندهم

قرب لاعنده ومأشر بالآلي بإتجاهه

بخوف وصيااح: ايييييش دخللك ممننني ماااعليك

يوسف بهيبة: بين اقل هاات الشنطة واكشف عن وجهك ياجبان

خطيت من خلف السارق ويوسف لمحها وفتح عيونه بصدمة ايش جابها ،، ارتبك وبيحاول يلهيه علشان مايلف لاخلفه ويبسرها: ء اا هات الشنطة واخطى ماشا ابلغ علييك

قربت منه وفي يدها حجرة كبيررة

ويووسف خااايف عليها لايلف ويرمي عليها رصاص بالمسدس وانفااسه بتضييق

السارق بنذالة: مادراك بـ وتين ومن انت

بدوون اي مقدماات ضربته بقوووة في رااسه لما فلت الشنطة والمسدس ومسك راسه وتكلمت بصوووت: الجنننن

يوسف فتح فمه بصدمة

أخذت المسدس والشنطة وأشرت المسدس لاوجهه: من انـت يا مننحط من انننتتت!!!!!!

يوسف قررب ومسسكه وبسرره قده بينزف 

بيحااول يهرب وهم حاوطوا عليه وتين موقفة ومأشرة المسدس صليه ويوسف ماسك لايديه لاخلف ظهره

وتين بحدة: اكششف عن وجهه

يوسف لف لها بلقانة: الله اقتلبنا في فلم أكشن وانتي البطلة بتدي أوامر اومه

بسررته بحدة وغضب

تأمل عيونها اللي خلاص ذااب فيهن وبضحكة: ههه خلاص خلاص لاتفجعيني بنظراتش انتبهي تقتليني باللي في يدش

بدون مقدمات رفعت المسدس للجوّ واطلقت رصاصة ولا أهتز لها كيان وبصوت: بينن اقل اكششف عن وجههه للخبالة

يووسف رفع حواجبه وقوس شفايفه بصدمة،، تمتم بهمس: هذا عقيد معسكر مستحيل انها بنت 

وتين بحدة: يلااااه

بعد القناع عن وجهه ولف لها بحدة: كشفنننا ياعسككري

وتين فتحت عيونها بصدمةةةةة لمن بسرته وعرفتة: اننننننت ياااااااحقييير
.
.

في فلة ابومازن

بعد ماروح محمد نزلت لاعندها للبدروم ومش  ناوية على خير كاانت تضررب الباب بكل قووة: افتتتتحيييي يارؤى والله لاأوريش نجووم الظهرر

كانت تبكي بخووف وترجف: يااااربي ياااااربي اصرف عني شرهاا يااالله إهئ إهى إهى

نزلت الشغالة: أتى بابا وليد ويقول أين ماما غصون

لفتت لها بعيوون تسطع شر: وييينه الآن

الشغالة بخوف: برا حديقة

لفتت للباب وبصوت: شرجع لش يا***

وطلعت
.
.

رؤى بكت منهارة وعارفة ان مرة ابوها بعد ماخربت خطتها اكيد مش ناوية لها ل خير قامت مدت سجادتها وبتصلي وبتبكي بحررقة

✨ في غـياهِـب الظُلّم كان لي هناك أثراً كبيراً ✨ كتاباتي
.
.

جالسين في المقبرة...




📚 @rewayatyamania  🇾🇪

روايات يمنية📚🇾🇪

17 Oct 2024 18:56

.

البـارت 14☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


ام مازن بسرته كشر بملامحه: هه هههههه ووينك ياولدي بالله عليك يومين ولا تسأل علينا

جلس بضيق: ماافعل

ضبحت من حركاته وفي نفسها انا ماغسلت دماغك تقتلب ضدي ولا تجنن على الكل ايش اسوي انا ؛ صح شااقوم ادي له الباقي يوم الخطبة ماشربهن كلهن

رفعت صوتها وضحكت: ههههه حبيبي يامحمد شااقوم ادي لنا عصير برتقال نروق وبعدين كلمني ماضبح بك

اشر براسه بمعنى تمام

وهي قامت للمطبخ بنفسها

رؤى كانت في المطبخ بترتب وكانت بتخطى وتعرج من رجلها

ام مازن بغضب وخبث: يعنني ضرووري تخلييه يبسسر وجهش ياحيوانة

رؤى بحدة: انا متحشمة ومحجبة بعدين سيري حاكي بنتش اللي لابسه لبس استحي انطقه قدامه ولا استحت قليلة التربيةة

فتحت عيونها: قد لساانش طوول بس الآن مش وقتش يلاااة اخررجي من عنندي

طرحت مافي يدها وخرجت وهي باب الباب استغربت من خالتها اللي ماتعرف تدخل المطبخ وليش اليوم دخلت رجعت على وارها وبتبسرها بشك

سكبت العصير وفي يدها علبة صغيييره فيها طحين وبتضحك بخبث وسكبتهن

رؤى فتحت عيونها بصدمة وتراجعت لمن شافتها خارجية

خرجت ومتوجهه لمحمد: نووورت بيتك يااروحي

ابتسم لها

رؤى تضايقت انفاسها وبدون شعور ركضت وراء خالتها

محمد بسر رؤى وقطب حواجبه ودق قلبه مستغرب!!!!

رؤى قربت وشلّت الصحن من خالتها: لاتتعبوا نفسكم ياخالة انا شااضيف ابن عمي انا

تغييييرت ملامحها لا غضضضب وارتبكت من وجود محمد: ههه ههه

شلّته منها وهي بتررجف ومحمد مستتغررب لمح عيونها اللي لونهن بحر وهن مغورقات بالدموع ومش عاارف كيف اوجعه صدرره حس نظراتها له كـ عتاب قااسي 

ام مازن لو لا محمد لاتذبحها

رؤى بحركة سريعة وبالقصد خلّت القلص ينزلق من الصحن واستكب للقع

ام ماازن بصررراخ: لااااااااا

محمد وقف بإرتباك

ورؤى لفتت ل خالتها بخوف: ء ء انا انا اسفة وطاارت مسرررعة وهييي منحرررررججة وخايفةةةة نزلت للبدرووم وغلقت على نفسها وبككككت بحرقه

@rewayatyamania المصدر الأول للروايات

ام مازن اللي قد عتطفح وداعت الشغالة تنظف

محمد اللي الآن في دوامة تفكيير وإستغراب من تصرف رؤى
.
.

وصلوا لاباب البيت ووتين نزلت وصاحب الباص نزل وبيساعدوا ابوها

يوسف كان فوق السياره هو وعمار وجارح له وبيتجابروا لفوا للزجاج وابسروا الباص،،،، وعمار نزل من السيارة

لفتت وتين وبسرته نازل من سيارة يوسف اللي بيبسرهم من الزجاج وكشرت بغضب

عمار قرب لاعندهم وملامحه ماتطمن

جلس ابوها على الكرسي ولف ل عمار: عمار مالك ومن جرح وجهك

وتين بخوف: تضاربت مع احد

عمار بكذب: لا بس باب الغرفة ماكان يفتتح وكنت افتحه بقوة وافتتح وضرب وجههي

وتين بحدة: تستاهل مثل مابين اقومك الصبح وانت راافض وفاعل لي فيها أهل الكهف

ابومحمد ضحك منها: ههههههههههههه يلاه مشينا

وتين لفتت ل عمار: عاد معي مشوار دخل ابي وان تأخرت اتغدوا

ابو محمد: وتيني اتغدي واخطي يابنتي

قربت وباسته في راسه: انا فدالكم اتغدوا انتوا وانا شتغدا لما ارجع قد سماء أحرقت تلفوني اتصالات

ابومحمد: طيب وطمنيني

وتين: حاضر

لف ابوه بالكرسي ودخلوا ووتين نزلت راسها وبتفتح الشنطة ويوسف بيبسرها وهي مابتبسره

نزل من السيارة ومبتسم ولف لها

رفعت نظرها وبسرته وفي نفسها: اوووووف اين ماخطيت وهذا المقعش قدامي،،،،، وخطيت

يوسف بصوت: ء لحظه

لفتت بحدة: ايش

يوسف: كنت اشتي اكلمش ب ..ء...

قاطعته

تكلمت ومنزلة نظرها: شوف مش لما وافقنا اليوم توصلنا واتعبناك معانا تفكر انو نشتي نكلمك او نشتي خدمتك لا... شكراً لك ول وقفتك معانا وبس

فتح عيونه وماعد قدر يتكلم

اعطته ظهرها وخطيت ولا اكترثت له ليش! ومايشتي يكلمها

يوسف وبصددمة تاامة: أيش هذي البنت ايش قلت☹ تنهد بضيق وفتح السيارة واشر للحارس يفتح له البوابه ودخل بيتهم وهو مقوس شفايفه منها


خاطية في الطريق وبتتحلطم: ماذلحين عيزيد بها ويشتي يحاكيني وين مابسرني يخخ اغنياء تفكيرهم زبالة
.
.

جالس وشارد في بيت عمه وبيتذكرر

وتين: ياعيوني يامحمد مش ابي كلم عمي ان رؤى خلاص خطيبتك ليش القلق هذا

محمد: بس ياوتين خايف انها ترفض عادها بتدرس

ابو محمد: هههههههه تحبها لاهذه الدرجة

وتين: اوووف يابااه محمد من حين حب رؤى نسي حتى نفسه ونسينا معه

ابو محمد لفت له: ههههههههههه الله يجمع بينكم على خير وان شاءالله نخطبها لك في أسرع وقت

قاطع سرحانه صوت عمته: ذلحين ياولدي ايش رأيك متى نسوي العرس

كشر بضيق ووقف: من وقته وعطاها ظهره وخرج


خرج من بيت عمه والتقى ب ماهر

ماهر: وين انت ياحيدي

بضيق: ااااه ياماهر جيت في وقتك اخطى لابقعتنا

وخطيوا بإتجاه المقبرة




📚 @rewayatyamania  🇾🇪

روايات يمنية📚🇾🇪

17 Oct 2024 18:55

.

البـارت 12 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


ابو محمد: وتيني انا ماتكلمت هذا كله علشان ابسر دموعش بالعكس قوتش وصبرش مااشتي يبتعدين منش ابداً اشتي وتين تبقى وتين مثل ماربيتها قوية

مسحت دموعها بخفة ووقفت: تأثرت بكلامك ياسند قلبي وانا آسفة من تصرفاتي في الفترة الاخيرة والله شاهد عليا ان انا مابين استحقر أحد بس مابين اوثق ومفكرة انهم كلهم سوا

ابو محمد: مثل ماقلت لش الناس ماهم سوا ي وتيني


وصل بالسيارة وضرب بالبوري ونزّل الزجاج وبضحكة: صاحب الباص تعطل وزلجني (أرسلني)  بدالة يعني مابش عذر يخليكم ترفضووا 

ضحك ابوو محمد ووتين ابتسمت بإحراج وفي نفسها: ماله هذا مصّر يوصلنا

نزل وقرب وفتح المظلة على ابوها وساقه لاجنب السيارة عشان يركبه قدام

وتين كانت خلفهم ومحررجة قووي وبتمشي على حياء واستحت تقرب تساعده يشلوا ابوها للكرسي حق السيارة

ابو محمد ويوسف مظلل له: وتين ماعيقدر يوسف جــي

حاولت ماتظهر احراجها وقربت عادي ومسكت ل ابوها

كان غاضِ بصره بس كانت عيونه تخونه ولمح عيونها اللي صعقيييييين قلبه بجمالهن وواسعات بنعاسة خفيفة ولونهن الليلي والرموش اللي غابة مظللة عليهن وكيف مبروزات وظاهرة قوتهن عليهن كانت قريبة وماسكة ل ابوها من جهه وهو من جهه وطلعوه قدام ووتين عطفت الكرسي وطلعت ورا بسرعة

ارتبك وغلق المظلة وطلع يسوق وإحساسه ضايع

بسرت المراية وابتعدت لاخلف الكرسي اللي جالس فيه ابوها علشان مايقدر يبسرها وقد هي  مُحررجة قوووي وتندمت انهم وافقوا يخطوا معه 

يوسف بسر المراية بسرعة ومابسرها وضحك وفي نفسه: الله عليش ياام العيون السود 

@rewayatyamania المصدر الأول للروايات

بعد دقائق وصلووا للمركز ولف ل ابو محمد: انتظر لكم

ابو محمد: لا ياولدي ما عنكمل الا بعد الظهر وان شاء الله يكون قد قلّ المطر

نزلت وتين ومدت الكرسي لابوها وتراجعت لما جاء يوسف

ساعد ابوها ينزل وساقه لاباب المركز

خاطية خلفهم لما وقفه باب المركز وفي نفسها: ييييخ والفضوول شااسوق ابي بنفسسي

لف يوسف وابتعد ووتين قربت ومسكت ابوها

ابو محمد وعينه على يوسف اللي محترم ومنزل نظره ومبتسم منه

شكره ابو محمد ووتين دورت الكرسي ودخلوا المركز

بيتأملهم لما دخلوا وابتسم لاارادي وخطي

.
.

في بيت ابو محمد

كانين جالسات في الحوش بعد ماكملين يفعلين الغداء

نرجس: اوووف مليت كل يوم مكروونه ولبن

ميار بنظرات: احمدي الله غيرش بيتمناها

خرج محمد وسمعهن واوجعه قلبه

لفين له وافتجعين  لايصيح عليهن مثل كل مرة

محمد ابتسم: مالكن كأن انتين ابسرتين ملك الموت

ميار وقفت: ههههه ولا شي

جلس واشر لها تجلس وبحدة: ووين هتلر

نرجس بزعل: محمد وتين هي تحبك وتحنجك أكثر مننا كلنا لا تكرهها

بنرفززة: وانا ماقلت ماهي تشتي تتحكم وماتسمع الكلاام تشتي تربية من جديد 

نرجس بشجاعة: ماتفعل دام وانت نسيتنا وقد اكبر همك بيت عمي

ميار مسكت نرجس بمعنى تسكت

بسرها بعيون تسطع شراره: بنننت لسانش قد طوول او هتلرر بتعلمش

سكتت بقهر وهو خطي ودخل صلا غرفة ابوه

بسر ومابحد

عمار فتح باب الحوش وفي يده كيس ومبتسم دخل وبسر خواته متوترات والجو مش هو تمام

عمار: مالكن ؟

خرج محمد وبسر عمار وفتح عيونه: وييييين ابي مااسرت معاهم

عمار بضبح لانه زاعل منه: ماشي مااسرت ساارت اختتي وتين


خارج الحوش

كان راجعي من مقر ماوصلهم وقف السيارة باب البوابة ومنتظر يفتحوا له شد سمعه الصياح اللي في بيت ابو محمد وبيسمع


داخل الحوش

محمد بصييااح: ليييش ماااتدوا لهااا العسييب مادام وقد هي الرجّال هانا ولاعاد بتفعل لنا قيمة وقدر

نرجس بزلة لسان: عمار اخي كل يوووم يسيير معاهم بس اليوم كان تااعب حاكي نففسك انت قد يوم كلفت نفسك وسرت معاهم ماشي مثلك مثلنا

فتتتح عيووونه بصددمة وقررب لاعندها: ماهوو ماقللتي ورفع يده وضربهااا كفف بقووة لسااانش طووول هااااااه ياكلللبة

عمار اشتدت أعصابه وقرب يضربه ومسكه من خلفه: ماااااعلييييك من خوووواتي ياانذذذذل يااووسسخ

محمد لف له وبدأوا يتضاربوا

نرجس بكيت وميار بتبكي وهم بيتضاربوا


خارج

تووتر لمن سمعهم بيتضاربوا والبنات بيبكين ومتردد يدخل

ميار بصياح: عمااااار عمااااار خلاااص

نرجس قربت تفك بينهم ومحمد دهفها بقووة

كانوا يتضااربوا قوووي والبنات افتجعين وبيصيحين

محمد بجنان أخذ المجراف ويشتي يضربه و.......

صاااحين بصووووتهن كلةةةةةةةة عمااااااااااااااااااااااار




📚 @rewayatyamania  🇾🇪

روايات يمنية📚🇾🇪

16 Oct 2024 21:14

.

البـارت 10 ☆

في خبايـا الظـلام تعلمت القـوة مـن عينيها 🖤

للكـاتبـة: تـوليـن سنحـانيـة

👌🏻👇🏻 😍
📚 @rewayatyamania  🇾🇪


ابو يوسف: ماقلت لي ياابو محمد كيف حصل لك هكذا

ابو محمد: قبل 15 سنة فعلنا حادث انا حصل لي هكذا وزوجتي توفت

ابو يوسف بزعل: ياباطل انا سمعت انها توفت ماسمعت انكم فعلتوا حادث

ابو محمد بحزن: الله يرحمها

ابو يوسف: ياعاصم احنا اصحاب لاتزعل مني بس اشتي اقول لك اخوك ماشاء الله مكتفي ومعه المال والجاه والشركات وانتوا كيف لوما عايشين بهذا الوضع وانت مش كنت في ڤلتكم حق ابوك 

بقهر: الحمدلله وانا وعيالي راضيين بعيشتنا هذه ومرتاحين وخلي المال والجاه ل اخي يتهنى بهن هي دنيا فانية وبالنسبة ل ڤلة ابي شلها اخي مدري باعها

عمار بهمس ل محمد ويوسف سمع: من وين اديت الماء والببس من بيت عمي هاه والله لو تدرا وتين اختك لاتهدم السقف فوق رؤسنا ليش تشل منهم

محمد بسره بنظرات تقتل بمعنى يسكت ودعممه

يوسف في حيرة من اول مابسرها وكيف كان ردها لابوه وفي نفسه: ايش هذه البنت وماقصة قوتها هذه من انتي ياالوتين

كملوا يومهم وارتاحوا بعد اسئلة التوتر اللي حصلت 

.
.
اللــيل في فلـة ابومازن

ام مازن بخبث: وللييييش الباش مهندس علي ماااايجي عننندددنا ليييش على طووول لابيت المنحططيين

ابومازن بضبح: اهدأي ياغصوون انا شاابسره واعزمه هجعيني

ام مازن بتسير وتجي وقد عتنفجر: ووو وييينه محممدد من الصبببح مابسررته ولا جاء لاعننندنا وصيحت تداعي: سوووونيييا

وهي نازلة من الدرج: هاااااه

ام مازن بغضب: اتصللي ل خطيييبش الآن وقوولي له يجججي بسسررعة

سونيا فتحتت عيووونها: مااااع ماهكذذااا كثرتوووا بها خطبة وخطبتوووني به والآن تشتووني اكلممه مستحييييل

ام مازن بغضبب: سوننننيا انااا خطبتتش له علاميد نكمل خطتنا وقددد انتي دارية لييش جي اتصلي له

بصياااح: ماشتتتصل ماااشتتصل ماعتفعلوا وعطتهم ظهرها وطلعت

بسرتها بقهر ولفتت ل ابو مازن: انت بتبسسر كيييف ولا بتسممع الكلااام لو مثلا احد سمعها والا هذه الخددامةة تسسمع (قصدها رؤى)

ابو مازن: وانتي ليش تشتيها تتصله اتصلي له انتي عييب

ام مازن جلست: اشتتيهم يتعررفوا على بعض وتجذذب محمد اكثثر

ابو مازن: اقسم بالله انش مثل جهنم إمتلأتي قالت هل من مزيد قد سحرتيه على خواته وقده في صفش وماقلتي له قال تمام اييش عاد تشتي

@rewayatyamania المصدر الأول للروايات

الليل في بيت ابو يوسف
رُقية: والله ياباباه ان ڤلتنا اللي هنا احلى من صنعاء

ريما بتتأمل الڤلة بتعجب وشاردة

رهف: ذلحين ياباباه هذه حقك مِلك ولا تبع الشركة

ام يوسف: اكيد مِلك

ابو يوسف شارد

جاء يوسف وجلس معاهم وبيحارش خواته

لفتت رانيا ل ابوها: بابااه اشههد على ولدددك

مطنن ولاهو معاهم

ام يوسف: علي مالك مطنن من اول في علم الله

ركّز معاهم: هاه ماقلتي

ام يوسف: خير بأيش شاغل بالك

تنهد: والله زاعل على عاصم ابو محمد شكله تااعب قووي

يوسف: انى ياباه قلت لي انهم مالهم شي ومعاهم مش هم فقيرين

ابو يوسف: ايووة اسأل امك

ام يوسف: كلام ابوك صح هم تُجار كبار ابوك تعرّف على هذا عاصم في تجارة

يوسف: بس شكلهم انهم فقييرين بسرت بيتهم كيف هو

ابو يوسف: هذا اللي محير لي واخوه عايش في اضخم الفلل والقصور

رهف: لايغركم المظهر لاهم مايحبوا احد يبسرهم أغنياء

ابو يوسف: لا لا انا بسرت وتأكدت مستحيييل وبعدين عاصم انا اعرفه طييببته وكرمه مابش مثلهن 

ام يوسف: كم معه اولاد

ابو يوسف: ثلاث بنات واثنين عيال

ام يوسف: وزوجته قد توفت صح اذكر لما اتصلّنا اخوه في العزاء

ابو يوسف: ايووه قال لنا انها توفت وهذك المرة كنا مسافرين بس ماقلنا انهم فعلوا حادث وعاصم اتعوق

ام يوسف قوست شفايفها بدهشة

ابو يوسف: وليد نزل من عيني قوووي كيف مفلّت ل اخوه واسرته هكذا وهو عايش افضل عيشة

ريما بزعل: الناس الظلمة ياباباه خييرات

رانيا: والله جااني فضوول اتعررف على بناته

ابو يوسف ابتسم لما ذكر وتين

يوسف: ايش ضحكك ياااباه

ابو يوسف: انا لما التقيت ب عاصم كان معه بنته اللي هي وتين ااووووف مااشغبها والعناد اللي فيها والقوة ومغروورة وتحب ابووها وكنّا لااحنا بنزبج(نمزح) مع ابوها والا بنضحك عليه تقلب الدنيا فوق رؤوسنا وتسمع بنا ولسانها ذراع

يوسف جذبه الكلام ويشتي يسمع: هههه ايش كانت تفعل

ام يوسف بلهفة: قصدددك وتتين القممرية العسسل اللي كان عمرها 8 سنين وكان يديها معه هذك الايام وبسرتها

ابو يوسف: ايوووة وتيين اللي كانت تعجبش

ام يووسف: بالله علييك انها بنته كنت راكنة انها بنت وليد

ابو يوسف: لا هي بنت عاصم

رُقية: الله "وتـيـن" إسمها ضخممم شوقتوني ابسرها

ابو يوسف: ههههههههههههههههههه اليوم بين احاكي ابوها و...


/channel/rewayatyamania/53168




📚 @rewayatyamania  🇾🇪

روايات يمنية📚🇾🇪

16 Oct 2024 21:14

.

البـارت 8 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


بعد ايام روتينية عادية والأمتحانات الجامعية كملت واليوم يووم جديد

في صنعاء

تجهزووا وقدهم خاطيين ذمار

كلهم في السيارة منتظرين ابوهم وامهم

يوسف لف ل خواته: اقسم بالله لاتتندمين وتجلسين اسبووع وتجين لاعنددي يووسف رجعنا صنعاء

رقية: هههههههههههههههه عنبسسر

ريما: احناا مرتااحين وأخييراً عنفرررح فييك ونزززوجك

رهف بمداخلة: يوزري مابش في بالك واحددة من بنات عمي او بنات خالاتي

رانيا: لااااااا مش هن حلووات اشتي اخطب ل يوزر ارووع عرووسة

رقية: اسكتتي انتي وياها ماشخطب له الا انا

وبيتصايحين من يخطب له

بيبسرهن ومصدوم اللي ولا سمحين له يتكلم

فتح ابوه الباب ولف لهن: مالكن يابنات اصواتكن لاخارج

يوسف لف لابوه وبيحسب بأصابعه: قد زوجنّي وسفرنّي قد زوجتي حامل في الشهر العاشر قد شااتزوج الثانية

ضحك منه: هههههههههههههههههههههههههههه

ضحكيين وتكلمت رُقية: اصه للقانة ماشااخطب لك الا انا

فتحت الام الباب القدام وركبت جنب زوجها: مالكن دخل من ابني شااخطب له انا

يووسف ضحك وتحرك بالسيارة: حتى انتي يمممه

ابو يوسف: ما عنخطب له الا على مايشتي هوو

يوسف بلقانة: عليييك نوور ياابو يووسف قووول لهن

وحركوا وهم مرتاحين وبيضحكوا
.
.

بعد الظهر في ذمار

جالسات بيرتبين وكل واحدة في عمل ماعدا وتين اللي سارت هي وابوها للتمارين علشان يكمل دورة التمارين

محمد راقد في غرفته

وعمار مع وتين وابوه

كان بيتهم جدداً عادي حوش متوسط والبيت عبارة عن شُقتين صغاار الشُقة الاولى أربع غرف صغار وحمام (أعز القارئ) وصالة صغييييرة ومطبخ

والشُقة الثانية مجلس صغيييير والعفش عاادي وعلى قدّهم وحمام (أعز القارئ) وصالة صغيرة

نرجس وميار في الحوش بيكنسين لأنه كان تراب وماهو بلاط ويتوسخ بسرعة

طرحت المكنسة وفتحت الباب وبتتأمل: وينهم أهل هذه الڤلة ياميار ابسرري مااحلاها قصصر قصصر احلى من الفله حق بيت عمي

@rewayatyamania المصدر الأول للروايات

ميار: الا صح ابسري كيف شكلها والحووش حقها مااكبره والباب لاجنبنا 

نرجس: صحح ولو تبسري لما نخطى المدرسة انا والبنات مانبسر فيها الا حارس ومره سألناه وين اصحابها قال هم في العاصمة

ميار: ناس أكابر مايجلسوا في مكان واحد

نرجس بهياام: اااااه ياليت وادخلها

ميار بحدة: ااخطي نكمل قبل تجي وتين تطايرنا لاوسطها

ضحكت منها وتوجهين يكملين عملهن

@rewayatyamania المصدر الأول للروايات


في طرف الشارع وصل الباص لاباب حوشهم ونزل عمار وصاحب الباص ووتين يساعدوا ابوها ينزل


في نفس اللحظة وصللت سيارة صالون سوداء فخمة لاباب الفله اللي جنبهم

يووسف اللي بيسوق بسرهم وهم بينزّلوا واحد معاق من فوق الباص

ابو يوسف بسرهم وكأنه عرفه: لحظه لحظة هذا عاصم الذماري

ام يوسف: اين عاصم مالك بتخدرس

ابو يوسف اشر ل يوسف يوقف: والله انو هو اللي فوق الكرسي انا اعرفه وقف وقف

وقفت السيارة لاجنبهم

لفتت وتين وبتبسر السيارة هذه الفخمة اللي  وقفت عندهم ومااعطت اي انتباه ولفتت تساعد ابوها

عمار حاسب صاحب الباص وخطي ولف يبسر من هولا اللي وقفوا

افتتحت البوابة الكبيرة وابو يوسف نزل من السيارة وخطي لاعندهم

وتين وابوها بيبسروا السيارة والرجال اللي نزل منها وخاطي بإتجاههم

يوسف نزل الزجاج واول ماسار نظره لاعند البنت الموقفة خلف الكرسي مااهتم ورفع الزجاج ولف بالسياره ودخل الحوش 


ابوي وسف قرب وبغصه : عاصم!

ابومحمد عرفه: علي صح

وتين ماتحب احد يرحم ابوها او يرحم حالهم وماسكة للكرسي وبحدة: تفضلوا عندنا ياعم ابي مايجلس بين الشمس خيرات

خرج يوسف لاعندهم بعد ماصف السيارة وقرب ووقف مع ابوه وطرح يده فوق العسيب ومسنب بهيبة

ابو محمد مسك يدها وهي ماسكة للكرسي بمعنى تسكت وتكلم بفرح: ويحين ساافرتوا والحمدلله على سلامتكم وسلامة الغيبة نورت ذمار بوجودكم

ابو يوسف بغصة: الله يسلمك وبنوركم ياغالي  وسلامتك ياحيدي ايش وكيف حصل معك هكذا

وتين بحدة: بخير والحمدلله بس تاعب شويه ومابيقدر يخطى

ابومحمد بحدة: وتييين

ابو يوسف ضحك: ههههههههههههههههههه لاتقول لي ان هذه وتين





📚 @rewayatyamania  🇾🇪

روايات يمنية📚🇾🇪

16 Oct 2024 21:13

.

البـارت 6 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


بعد موجة بكاء هدأتّها وادت لها حبة مهدئه علشان ترقد وخرجت
وهي طالعة في الدرج فتحت تلفونها وكتبت لخواتها اللي قد أحرقين التلفون اتصالات انها بخير وقد هي جاية

خرجت ولفتت لهم بإستحقار ولا كلمت احد حتى محمد وخطيت

ام مازن بكبر: يخ بلا تربية

قام محمد وخرج وراها ومافي نيته خير

في حووش الفلة تواجهت ب مازن ولد عمها

تكلم بصوت ثقيييل لانه متخدر بالمحرمات اللي بيتعاطى لهن: اللله الله الله وتين قلبي عندنا

بسرت له واستحقرته وقد عتتكلم وقاطعها
محمد قرب مسكها من معصمها وبهمس: حسابش في البيت ولف ل مازن

محمد: مازن ويننك عمي بيتصل لك ومابترد

وتين سحبت يدها بقووة ولفت له: لوو فيك عققل لاتفكر كيف تربيتهم ل هذا  الزبالة ويشتووك تقع مثله

مازن فتح عيوونه: اايييش ايييش عيدي كلامش من الزبالةة!!!

محمد بتدارك مسكها من يدها مرة ثانية وسحبها وخطي وبصوت ل مازن: ولا شي ولا شي


خرجووا من الڤلة وسحبت يددها منه ولفتت له ورفعت اصبعها: لما يررجع لك عقللك تعااال احنا خوواتك ولك حق علينا الآن ما لك دخل بنا فااااااهم مااادمممت وانت عننند ارررجل هوولا المجررررمين

محمد بنرفزة ومن بين اسنانه: اننننتي لييييش ماااابتتفهمممي ليييييش مافعلوا بــش بيييت عمممي انا ماقللت لش تبطليي تصرررفاااتش هذذذه قدامهم والله لاااكلم ابي عيييب عليش هذااا عمممش بمقااام ابوووش مافعل بش 


كان خاطي في طرف الشارع ولفته اصواتهم وقرب

وتين بصوت: قتلوووا امي وقهروووا ابي وذلحين شلوا اخييي ماعااااد تشتتي اااااخس من هذااااا

قرب ماهر وبصووت: محممد

لف له وبيخرج أنفاسه بغصب

وتين دمووعها بتخونها وتنزل بدون ماابتشهق بس حدة عيوونها ورمووشها اللي مايرجفين ووقفتها  القوية دموعها ماتأثر عليهن
عطتهم ظهرها وخطيت مدعممة ل محمد
.
.

صـباح يووم جديد في مكان جديد عليناا

تكلم بصوته الغليظ والمرتفع: انااا كلمتك يكوونوا على الموووعد ويييننهم!!!!؟

المرافق بلغته الانجليزية بس شااترجم لكم عربي: سيدي لقد أخبرتهم انتظر قليلا من الوقت وسيأتوا حالاً

لف الكرسي الطووويل ودار لا خلفه

ثواني وجاءوا سبعة رجال وثنتين نسوان

جلسوا في الطاولة الكبيييرة وعينهم على الكُرسي المتوجه للخلف

تكلمت بصوت إنثوّي: كيف حالك يا صقـر

ابتسم بخبث ولف لهم وهو ب قناع الجوكر

افتجعت ومسكت يد عمتها: اييش هذا الجووكر من صددق

لفتت لها: اهدأي

الصقر بضحكة شيطانية: هههههها ههههها شايف اليوم معانا عضو جديد يا ...

@rewayatyamania المصدر الأول للروايات

ردت له بمثل الإبتسامة: اكيد اللي كلمتكم عليها ياصقر الشهر الماضي هذي سلمى بنت أخي وعنستفيد منها كثثير من ما يرضيكم

قبض يداته وقام وهو بيضحك بإتجاهها

نشف ريقها ونكعت بطونها (تشبيه انها خافت قوي)

قرب راسه للكرسي اللي جالسة عليه وبهدووء: نووورتي الصقر وخليّـته ي سلمى

وضحك بخبث وهم ضحكوا بمثل النبرة

مفجووعة ومتمسكة ب عمتها وهي بتبسر لها بنظرات

الصقر لف ل...: علمي بنت أخوش جميع أعمالنا  الصقر مايحب الخوافين معانا

.....: اكييد شاا ادرِّبها واعلمها ومايجي اسبووع الا وهي جاهزه

ضررب الطاولة لما فجعهم كلهم: مااشتيشش........
.
.

في بوفية (كوفي) في قلب صنعاء

جالس هو وصاحبه: يعني يكملين إمتحانات خواتك وترجعوا ذمار

يوسف بضيق: نعم

مصطفى: طيب وشغلك مش عادك اول سنة اشتغلت في الكادر الطبي الفيزيائي 

يوسف: ايش افعل امي وابي مصّرين نرجع ذمار وشااكمل في جامعة ذمار والكادر عنتواصل معاهم من هناك والمشاريع شااشتغلها هناك والكل

مصطفى غمز له: والله ان اهلك ناويين لك على زواجة

يوسف ضحك: ههههههههههههه سمعت امي أمس بتكلم ابي انها تشتي تخطب لي من هناك

مصطفى: هههههههههههه ابسرت وانت الآن قول لي مابش في بالك واحدة وغمز له

يوسف بنص عين: مش انت داري ب صاحبك إنه مايعجبه هذه الخبالة ويكره البنات بشكل عام من حين سايرك يامعقد والا البنات يموتين عليا مووت  
مصطفى ضحك: اهاااااااا  مادخلي انا مابلا لانك  الوحيد بين البنات جنننك كرهت بنات حواء

يوسف ذكر خواته وضحك: امس لو كنت مكاني انك نحرتهن وانتحررت

ضحكك: اشكيي ياصاحبي اييش فعلين بك مررة ثانية هولا جن عفروت

يوسف ضربه باللحفة: جلدك بيحككك اوومه ماعليييك

مصطفى ضحك: يلاه قوول لي ايش فعليين

بدأ يقول له وهو بيضحك





📚 @rewayatyamania  🇾🇪

روايات يمنية📚🇾🇪

16 Oct 2024 21:12

.

البـارت 4 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


ابو مازن بغرور: يعني بنت أصغر منك بـ سنتين وتنرفزك هكذا

ام مازن (غصون) بحقد وبكبر وبتسوي حركات رزينة بإيديها: ليش ماتضربها كف وتسكتها

محمد بضيق: قد ضربتها ولا بيأثر فيها شي عنييدة وقووية وتشتي تتحكم بـ أبي ومابتخليه انه يشل منكم شي وانتوا اهلنا

ام مازن بكيد وبتتكلم بكل غرور: اووف ليش هذه عزة النفس اللي فيها قد زودتها كثثير


كانت في المطبخ مع الشغالات ودموعها معبية وجهها وبتسمع خالتها كييف بتحرض محمد على أخوته وبالذذذات وتين وبتبكي وبتدعي عليهم من قلب موجوع
.
.

دقائق ووصلت لاباب الفلة الكببييرة وفتحت الباب بكل قوة ودخلت وواجهها الحارس: من انتي يابنت اخرجي من هانا

لفتت له بنظرات وابترزين عيوونها السوود اللي مثل سوود الليالي وبحددة: من انت بتمنعني؟

بتقطعه كلام: ء ء قصدي من انتي

خطيت وتكلمت بصوت وهي خاطية: أخت محمد

سكت بصدمة من عرفها وتين: اوووففف والقوة ولا إهتز لها رمش ليت والله ورؤى مثلها ماكانت عتوقع في هذا الظلم

دخلت وفتحت الباب الكبير وخطيت للصالة ولفتت وبسرتهم فوق الطاولة

لفوا لها و......

@rewayatyamania المصدر الأول للروايات

في صنـعـاء...
كلهن في المطبخ بيرتبين

رُقية: اووفف والله لو نرجع ذمار لانرتاح قوي صنعاء مانعرف احد صح قد لنا ثلاث سنين بس لا ؛ مكان ماتربى الواحد موطنه

رهف: الا صح كلامش وانا اقتنعت بس ايش يقنع يوسف

ريما بحدة: احنا 

رانيا بسرتها بنظرات: هههه مش انتي داريه بـ يوسف وعناده

رقية: هههههههههه نسيتي ان احنا نقطة ضعفه ومايرفض لنا طلب

ريما ورهف تحمسين وتكلمت ريما: الا صحح الآن نجهزز لنا سهرة في الجباء ونعزمه ونحاول نقنعه بـ طريقتنا المعتادة وغمزت لهن بخبث

ضحكيين كلهن لما دريين ايش الخطة وكل واحدة خطيت تكمل عملها
.
.

نرجـع لاقـصر  ابو مازن

محمد بنرفزة وقف: ماادااش لاهانااا

تكتفت وبتبسرهم بإستحقار

ام مازن بشيّطنّة: يوووه محمدي مالك ولا جـت هي في بيت عمها تجي في أي وقت

ابو مازن بمثل النبرة: مااالش يابنتي او ابوش حصل له شي

وتين وعينها على محمد وبقوة: ابي بخيير

انصدموا من ردها وام مازن تكلمت: ايش فيكم انتوا الاخوة كل واحد ع يأكل الثاني بنظراته أجلسوا ولفتت ل وتين بإستحقار وبتضحك: حماتش تحبش العشاء منتظر لش اجلسي

ضربت الطاولة بقهر: مش انا بحاجتش يامخاوية الشياطيين أنااا جييت أتأكدد بفعلتكم بـ اخيي وان قد خليتووه عبد لكم ياحطب جهننم 

محمد فتح عيوونه وقرب يشتي يضربها

ابومازن بصووت وقفه: محمدد اهددأ

وقف ولف له: طوول لسانها قووي ياعم خليني اربيها

وتين بمسخرة وفي داخلها ناار من تصرفه: ههههههههه تررربي ممن ولفتت ل عمها: نهايتك ياظالم شليت اخونا لاصفك قددام عيووننا مابتخاااف من الله مابتخاااف

ابومازن ببرود: وتين الآن انتي تحت سقف بيتي وفي حمايتي والا انتي دارية ب اخوش وجنانه لاتمثلي دور المظلومة والمحدثة وانتي دارية تصرفاتش هي اللي كرهّت محمد فيش

ضحكت بإستفزاز: هههههههه بتهددني بأخي ياظالم لكن انت دااري احناا المظلوومين أعزّنا الله ورفع قدرنا مش مثلككمم 

ام مازن وقفت: ذلحيين ماتشتتي عشاء ورفضتي تشتي ززلط ادي لها يا وليد

تنرفزت وبصوت: اننننتي ياااشيطااانة من بيفككر يكلمممش انا بينن اكلم ""وبتأشر إتجاه عمها"" الاستاااذ ووليد ايييش دخللش في وجووودنا اننتي مابش لش قيمةةةةةة فاهمممة

فتتحت عيوونها على الاخر ولفتت ل محمد: محممممد سسسكت اختك

قرب يشتي يذلها قدامهم ويضربها ورؤى تدخلت وصيحت من المطبخ.........
.
.

الساعة 11 في بيت ابو محمد

بتسير وتجي بقلق وتكلمت بخوف: اقوم عمار

نرجس اللي ولا هدأت بكاء: لا ابي عيقوم

ميار: طيييب والحل وتين للآن ولا لها خبر وبنتصلها ماابتجاوب

نرجس بصوتها الراجف من البكاء: عنادها و و تكبير راسها مدري مدرري لاوين عي عي وصلنا ولا لاتددخل بالكباار لييش يااااررربي لييش

ميار: اننتي دارية كيف وتين القوية بيننا من صغرها وصبورة بس من لما ماتت امي وتعب ابي استوعبت الظلم اللي احنا فيه ووقفت تسندنا كلنا وانتي عارفة لها اشجع واحدة مننا كلنا وبتواجهه عممي ومرته من زمان ويحسبووا لها الف حسااب والان جوا لها من جهة محمد لانهم داريين غلاوته عندها وكم تحنجه ويشتوا يبسروها مذلولة قدامهم ويعلم الله ايش حرشوا بينهم وخلوا محمد يكرهها هكذا

نرجس من بين بكاها: طيييب ل ليي لييش سارت لهم الآن ما محمد عيكوون في صف صفهم وي ويقهرها

بقهرر: الله معاها لاتقلقي




📚 @rewayatyamania  🇾🇪

روايات يمنية📚🇾🇪

16 Oct 2024 21:05

.

البـارت 2 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


✨اللهم إن تغير القلوب بعد ودّها أتعبني فـ أرح قلبي برحمتك ✨ كتاباتي


ابو يوسف: ياابني كلام امك صح وبعدين اعمومك واخوالك وكل أسرتنا موجودين هناك واحنا هنا لحالنا مثل الغريبين

ضبح منهم وماعجبته الفكرة أبداً وقام بضبح

ام يوسف بقهر من تصرفه: يوووسسف يووسف اررجع اتعشى

مدعمم وما لف لها

لفتت ل رانيا بغضب: ليييش تقولي له كنّا عنكلمه بطريقتنا غييير رووحكن الفضووول.... وقامت وراه

اقتهرت من امها اللي مجرد مايزعل يوسف تضبح فوقهن

ابو يوسف لف لهن: لاتزعلين يا أميرات قلبي انتين داريات بيوسف مايحب الانتقال يعجبه يقر في بقعة

رهف بإقتناع: الله يهديه بيرجع يغثيكم بعناده

رُقية االلي ساكتة وماتكلمتت ابداً

.

.
نرجــع لاذمـار
قربوا العشاء ووتين دخلت تقيم ابوها

قربت الكرسي المتحرك وبصوت هادئ وكله حنان بتقيمه: أباه يلاه عتقوم تتعشى العشاء جاهز

فتح عيونه بهدوء وبسرها وابتسم وقام جلس

خطيت بإهتمام وفتحت الدرج وخرجت أدويته اللي قبل الأكل وبتديهن له

بسرها بحب: كيف أُم أبيها وينش من الصبح مابسرتش

وتين وهي بتفتح الدواء: الصباح كنت في الجامعة شليت باقي ادواتي وبعد العصر سرت المعمل ماروحت الا الساعة 7 وانت راقد

شل الدواء والماء منها وبيشربه: قد وصل  اخوش محمد

اغتصت وبضيق: لا انا شاابسره الآن يلاه ومدت يدها تمسكه يقوم للكرسي وخطيت وهي بتسوقه للصالة


نرجس وميار بيقربين العشاء وسبرين مكان ابوهن اللي ساعدنه وجلس

وعمار في غرفته ووتين دخلت المطبخ تتصل ل محمد 

فتحت رقمه واتصلت وهي ضايقة من رده

@rewayatyamania المصدر الأول للروايات


في مكان آخر
جالس هو وصاحبه عند قبر أمه

صاحبه بضيق: وانت لاتعاندها وحاول انك تتفاهم معاها وتفهم منها ليش فعلت هكذاك

وعينه على القبر: اييش افعل ايش كيف أفهمها عنييدة قووي  راكنة إن انا من وقت ما خطبت بنت عمي وليد إن انا  خلاص قد انا معاهم ضد ابي وكل مااحاكيها من هذك الموضوع وليش فعلت هكذاك وليش تصررفت من راسها تخلي الدنييا حرريقةة يااخي تعببت منها تعبببت

صاحبه: محمد وانت لاتكذب متغيير عليهم قووي وماعد حتى بتطيق كلامهم ايش ذنب خواتك الثانيات وابوك وعمار من مشاكلك انت ووتين ماعد حتى بتجلس معاهم

تنهد وسكت بقهر وعينه على القبر

قاطع سكوتهم رنة تلفونه

بسر الاتصال وابتسم بضيق

صاحبه: مالك من اللي اتصل

لف له التلفون وكان مسجل "" هتلـر "" 

ضحك صاحبه: ياملعون ومسجل لها هتلر رد عليها رد قلع وجهك

رد بضيق وصاحبه بيأشر له يتكلم سوا ومحمد رافض ورد بهنجمة: اييش تشتي

ماهر بسره بنظرات

من خلف الشاشة اقتهرت منه وبحدة: ويينك ابي بيسأل عليك

محمد: يلاه دقائق وانا عندكم

غلقت لاوجهه قبل يتكلم

اقتهر منها ووقف بغضب: بسرت كيف ولا تحترمني وانا اخوها الكبير

ماهر: محمد اهدأ ولاتتسرع وحاول انك تتفاهم معاها قبل ماتكبر المشاكل بينكم ابوك تاعب لاتنسى وبعدا لاتنسى انت اللي تشتي تهنجم عليها

دعممه وخطي وبيتمتم بحلطمة: انا اوريش ياوتيين شااكسر عنادش هذا اللي بتتباهي به وتتحديني وانا اكبر منش وتصرفاتش اللي من رااسش بعييييييني

ماهر مستتغغرب منه كيف متغير على اخوته وينرفزه اي تصرف منهم 

.
.

وصل للبيت وفتح الباب بالداير (مفتاح) اللي معه ودخل وبسرهم بيتعشوا وبمسخرة: ناسيين ان معاكم ولد

ابو محمد (عاصم): عاد احنا بدأنا اقرب

وتين بحدة: اللي ينسى اهله اكيد عينسوه

ابومحمد بحدة: وتييين

غسل يداته وجلس وهو بيبسرها بنظرات حقد

ميار تشتي تغير جوو التوتر: باباه ويحين عنسير صنعاء

عمار بضحكة: ومن اي حين تعجبش صنعاء في المرة الأخيرة سرنا وبكيتي انتي ونرجس تشتي البيت وقلبتنها نواحه وبكبكه

نرجس بمداخلة: ياكذذااب هذك قبل خمس سنوات وعاد احنا صووغار يالغجة

ابو محمد بيتحيلا لهم: الرأي رأي وتين ولف لها ايش رأيش نسير صنعاء

وتين بضيق: ان شاءالله لاصلح الحال انت عارف المرة الاولة صاحبك اللي أصر وشلنا والآن دين سفره لنا عاد ماقد كملناه ولا مابش معانا المصاريف

محمد: عادي شاكلم عمي وليد ي....

قاطعته بحددة كبييرة: ايييش عتكلمه يتصددق لنا مااانشتتيش ولا احناا بحاجته او خلاص قد لعبوا بعقلك وخلوك في صفهم وء..

ابو محمد قاطعها بغضب: وتييين لاتنسي اللي بتتكلمي عليه عممش

وتيين وقفت بقهرر: ...






📚 @rewayatyamania  🇾🇪

روايات يمنية📚🇾🇪

16 Oct 2024 21:01

👌🏻👇🏻 😍
📚 @rewayatyamania  🇾🇪


ملخص الروايـة 🥀

رقـم الروايـة : 258

اسم الروايـة 📖 : في خبايا الظلام تعلمت القوة من عينيها

اسم الكـاتبـة✍🏻 :  تولين سنحانية

عدد البارتـات : سيتم التعديل لاحقاً

مدة العرض 🗓 :  سيتم التعديل لاحقاً

وقت العرض ⏰ : المســاء


.<> بِسم اللهِ الرحمـٰن الرحيم  <>

#مقدمة السلام عليكم ورحمة الله وبركاته جيت لكم بروايتي الجديدة التي إحتلت مكانة عظيمة في قلبي وأتمنى ذلك أيضاً لكم 🙈

،،،روايتي التي جمعت فيها بين ﴿الأكشن،،الغموض،،،القوة،،،الصبر،،،الخيانة،، الفراق،، الحب،،الوفاء،،التضحيةة،،الخذلان،،الكوميديا،،والحزن،،والفرح﴾
.
.
والتي سنتعلم منها إن شاءالله عظائم الصبر،،، ومكــانة القوة والثقة بالله العلي العظيم.

تنبيةةةة!!!!!!!.
....

جمـيع المقالات والأشعار الذي في الرواية من كتاباتي ولا أُتيـح ولا أُحلل لمن ينشرها دون ذكر إسمي؛ كذلك الرواية لا أُتييييح ولا أُحلّّلّّ لمن ينشرها دون ذكر إسمي؛ أعجبك إنسخ مع ذكر الكاتب غيره ماأحللك لايوم القيامة.. تــولـيـMــن بنت سنحان ✍️
.
.
أترككم مع المُقدمة  👐
.
.
.. سـ قـبــ15ــل ـنـة..
.
.

... بصوووت كله غبننة وقههر وهو على سرير المستشفى: كيييييف كييييف خرجوووهم كيييف وبيكح...وينهـ.م الان

......لاتقلق هم بخيير بخيير والآن هييا جي اسندك ونخطى للبيت اللي عتجلسوا فيه واصببر ياعاصم اصببر لك في العناية شهر مش تخرج وتنوح فوق جهالك حراام هم جهاال لايفتجعووا

..بسره بقهههر وبصيااح: انى ذلحين انا معوق ماعاد شااقدرش أشقى على عيالي،،،انى ااااخي استولى على كل أملاك أبي انىى خرررج عيااالي للشااارع

..بضيييق: إهدأ ياعاااصم إهدأ
.
.
في منطقةةة بعيييدة ومُقرفةة
.. حسناً ومااذا حدددث؟؟؟؟

....تم إستخطافهم إلى الخارج وهناك سجن يتواجد في أعماق غابات اليونان والان هم هناك

...أحسسسسنتِ يا..... أحسسسنتِ سأكافأكِ مكافأة عُظمى

....بصوت خبيييييث: هذا واجبي ي سيدي
.
.

...بعد ماوصلوا للبيت وكاان عااادي نزلوه وسندووه فوق الكرسي المُتحررك ودخلوا للبيت اللي أدوه له أصحابه وكاان عاااادي ومتوواضع حق فُقراء

واطفاله ركضووا لاعنددة ببكاء
.. بكيي وضمهم وبيتفقدهم: انتوا بخيير ياضناياا انتووا بخيير

.... 

... سمع صوت بكاها الذي لايتعدى الثلاثة شهوور: كييف اختكم الصغييرة كييف هييه

... صوته الطفولي الذي لايتعدى ال 10 سنوات: وين امي ياباباه ومالك فوق الكرسي هذا!؟

.. الثاني بصوته الطفولي البريء الذي لايتعدى عمر 5 سنوات : ب باه وين ماما... وبيبكي

بيداتها الصووغار والذي لايتعدى عمررها ال 3 سنوات مسكت بنطلونه وارتزحت لارجوله وهو فوق الكرسي
.
.
بتننننزل دمووعه بحررقة ولف لاقدامه وشافها بتحاول تتوسق للطاقة علشان تاخذ الرضاعة ل اختها الصغيرة الرضيعة بهدوء
.. بصوت مكسووووووور: ماعتسلمي على ابوش ي عيوني كييف انتوا بخييرين ماحدا أذاكم!؟
.
.
..قربت لاعنده بهدوء بعد ما أعطتها الرضاعة وبطفولة وبصوتها البررررريء الذي لايتعدى ال 8سنوات واخوتها كلهم بيبكوا في حضن أبوهم ماعداها ملامحها هادئه وجامده مسكت يده ورفعتها له وباستها بطفوووووولةةةة: احنا بخير يابابا اهم شي انت بخير

..بسرها ونزززلين دمووعه وهي مدت يدها ومسحت دموعه وبهدوء وصوتها الطفولي وبزعل: لاتبكيش يابابا ماما كانت تصيح على اخوتي وعليا لما نبكي،،وتقول مايبكي الا الجبان

..بقهههر: ليش عيون أبوها زاعلة منه!؟

... بهدوء وقوست شفايفها بملامح طفولية حزينة: زاعلة منك وين سرت انت وماما وخليتنا عند هولاك،،وخرجوني من غرفتي انا وخواتي واخوتي من غرفتهم،، واحنا هربنا وبعدين شل اختي الصغيرة واحد رجال كبييير وطلعنا فوق سيارته الكبيررة وادانا لاهنا ويين انت ووين ماما ليش مانرجع بيتنا

..ضمها لاصددره وضممهم كلهم وبكيي: أمممكم في الجنة في الجنننة ان شاءالله...ورفع راسه للسمااء يااارب كيف شاارعى هولا الاطفال وانا بهذه الحالة كييف شااكفلهم ولالي لاحول ولاقووة الا بك ياااارب مالي غيييرك.

.. بكيوا كلهم ما عداها ومطننه بهدوء وطفولة وهي في صدر ابوها وبتمتمة وابتسمت بطفولة :ماما فـ..ي الجنـ.ة
.
.

.   ..* تــولـيـMـن _سنـحٱڹيـةْ *..  .

.
.
🪶
.
.
نبتدء بالبارت الأول.
.
.
.. سـ بـعــ15ــد ـنـة..
.
.


#عرض_أول_وحصري_لقناة_روايات_يمنية

#تنسيق_وتصحيح_إدارة_قناة_روايات_يمنية

#تنسخ_لاتحذف_المعرف_والا_ما_احللك_ليوم_القيامة



📚 @rewayatyamania  🇾🇪

روايات يمنية📚🇾🇪

17 Oct 2024 21:06

.

البـارت 27☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


بعد دقائق خرجت ام يوسف وسارت عند صاحبتها

دخلت رُقية بالعصير وريما بالقات ورانيا بتوضع له المدكى ورهف بتجهز له الماء وكل واحدة في عمل

يوسف بيبسرهن ومستغرب مستحيل يخدمنّه الا وبه إنَّ وتكلم من بين ضحكته: بنات من الاخير مابش معي زززلط

رُقية: ههههههههههههههههههههه حسستني انك صرراف آلي وبعدين باباه الله يحفظة مابيقصر مش احنا بحاجتك طير البحر انت وزلطك

ريما ورهف ورانيا  بصوت واحد: اتتفق

يوسف بيتأملهن بشك: طيييب ايش مناسبة الدلال هذا تابت قُريش وصحيتين ان معاكن أخ وحيد لازم عليكن تدلللنّه

رهف بضحكة: ههههههه ي عيبتك واحنا كل يوم بندللك وندلعك

يوسف بحدة: ايوووواه دلال يشمت بي ليل ونهار

كلهن ضحكين ورانيا مدت له العصير يشربه قبل مايخزن
و....
.
.
عند وتين
شلت خواتها لامول كبير علاميد يتسوقين

نرجس اللي من وقت ماوصلوا ولا وقفت دقيقة  وبتشل لها اللي يعجبها

عمار وميار في قسم ملابس الرجال

وتين وابوها في قسم ادوات المطبخ

ابو محمد: وتيني كم هي الزلط عتكفي

وتين: يعني هي 250 الف مئة ألف خليتها ل علاجك وللدين وبقيت مئة وخمسين ب خمسين عنشتري مصاريف للمطبخ وب مئة خليتها ل اخوتي يشلوا حاجتهم

ابومحمد بحزن: وكالعادة ماخليتي لش ولا شي

ابتسمت برضا وقربت تسوقه بالكرسي: انا ماناقص عليا شي لاتقلق

ابتسم منها وطرح يده فوق يدها وفي نفسه: الله يسخر لش يابنتي ويرضا عليش دنيا وأخرة

✨لم أنحنّـي لِأنني أستند على دعوة وآلديَّ فلا أُبالي ✨كتاباتي

@rewayatyamania المصدر الأول للروايات

نرجع لابيت يوسف
بعد ماشرب العصير بدأ يحس ننفسه يشتي يرقد

بيبسرنه وبيضحكين

يوسف بيحاول يقاوم وبصووت خاامل: مافعلتيين ل ل ي

رُقية بتضحك: ولاشي ياحبيبي ارقد وافتهن ولما تقوم عتدرى

بعد دقائق ماحس على نفسه كيف رقد وغطس بنوم عمييق

رُقية لفتت ل رهف ورانيا: يلا ياشيخة انتي وهي سيرين ادين الأدوات وانا وريمو عنبدأ العملية

ضحكين بخبث وقامين.......
.
.

في صنـعاء بيكلم صاحبه
وين عتجلس هناك وليش سرت ذمار

مصطفى: عتجلس في بيت عمي اللي هناك لما يجهز بيتنا وبعدين سرت ذمار علاسب معي عمل

صاحبه: ذلحين انت ويوسف بتشتغلوا نفس الشغله

مصطفى: ايوه

صاحبه: على مااعتقد يوسف هناك في ذمار كلمته

مصطفى ضحك: لاا شااخليها له مفاجأة مش هو داري ان انا عتنزل

صاحبه: يلاه خير انتبه لنفسك وللطريق

مصطفى ابتسم: يلا يلا
غلق الخط ولف للطريق
.
.

عند وتين

التقوا عند المحاسب ولفتت ل اخوتها موجودين ماعدا نرجس

وتين بحدة ل عمار: وينها الترفة (تسميها الترفة نسبة ل طبعها الفرفوش وطولة لسانها )

ميار بنهدة: والله مدري وين اختفت شكلها قد عتروووح لنا المول كله

وتين خطيت بضبح تدور لها

نرجس كانت في قسم الميك اب وقد بتشتري وبتكلم العامل: كم قيمة الروج هذا

العامل بإبتسامة: ابسري السعر فيه وهذا ماركه ولوونه حلووو ذوواقة والله

نرجس ابتسمت واخذت ايلاينر: وهذا حلو والكل

العامل بإبتسامة: والله ذوواقة وهذا ماركه كمان وبيطلع على عيونك العسليات حلووو

وتين سمعت لانها كانت خلفها وتكلمت بحدة: انت بتبيع وتشتري والا تتغزل لك بخلق الله

نرجس تجمممدت ومن الخوف نكعتهن للقاع

العامل ابتسم بإرتباك ونزل ياخذهن: هههههه هههههه لا لا عادي اني بين اكلمها عادي

بسرت له بنظرات ومسكت نرجس ومن بين اسنانها: اخطيي

نرجس بهمس: رجعع جنني هتلر يدخل فيها

وتين بحدة: ماقلتي

نرجس ميلت فمها: مااقلت ماقلت شي
.
.

وصلين لامكان المحاسبة ووتين وعمار حاسبوا واخذوا بعض الاكياس ونرجس ساقت ابوها وميار في يدها الاكياس الباقية وخرجووا 
.
.

في بيت يووسف

جالساات الاربع عند وجهه وبيفعلين له ميك اب

رُقية ل ريما: هاتي الكريم (فاونديشن) والكنتور

مكنتها وبضحكة: ابسري دقنته وشنبه وين عتشليهن

رانيا ببلاهه: عتدي الالة واحلقيهن

رُقية بحدة: تششتي يذذذبحنا من صددق ياغبية

رهف: ههههههههههههه لا لا لو نحلق شنبه ودقنته اكييد ماهكذا قد احنا مجرمات من صددق

رانيا: كيف عيكون المكياج ماعيسبرش

ريما: لاتقلقين الكوافيرة رُقية مجهزة كل شي وجهزت قلم خافي للشعر وزد كونسيلر اكيد عيخفي

رهف من بين ضحكتها: اليوم نترحم ل ارواحنا يوزر عيذبحنا بالمنشار والله مفتجعة

رُقية ضحكت: ههههههه مافيها انتين داريات انووو نفسييي ابسر يوزرسيف بالميك اب كيف عيـقع وبالذات عيونه الكبار العسلييي نفسيي ابسرهن بالايلاينر

رانيا: اكيد عيقع قممرررية

ضحكيين كوولهن ورُقية بتشتغل فيه

(الولد الوحيد بين البنات موّدف 😂🤦‍♀️ )


/channel/+Ecxq_OzMYh40M2E0





📚 @rewayatyamania  🇾🇪

روايات يمنية📚🇾🇪

17 Oct 2024 21:05

.

البـارت 25 ☆

في خبايـا الظـلام تعلمت القـوة مـن عينيها 🖤

للكـاتبـة: تـوليـن سنحـانيـة

👌🏻👇🏻 😍
📚 @rewayatyamania  🇾🇪


خارج عند عمار جالس بيتجابر هو ويوسف

عمار بيحكي له بقهر: كنا عايشين في ڤلة جدي ومررتااحين وجدي يحب ابي قوووي ويحبونا وكنا في افضل عيشة وعمي هذا من اول مافتحت عيوني على الدنيا وانا ماابسره الا حاسد وحقوود ل ابي ومع ان ابي كان يحبه ودائماً يغطي عليه عند جدي اذا فعل شي بس طلع حااقد ويكره ابي كرره عظييم

وبعدين مجرد مامات جدي ؛ ابي ماعرف ان عمي استغل مرض جدي واستولى على الشركات والڤلل وكتبهن بإسمه وبصم جدي وهو في فراش المرض وابي كان منشغل عند ابووه ماكان داري بالمكيدة اللي مجهز لها اخوه ومرته

يوسف في صدمة تامة: هذذذا تزززوووير والقانون راافض لهذذا الشيييء

عمار تنهد

يوسف: كمـل 

عمار: وبعدين كيف اوصف لك ظُلمه وجبروته لنا بعد ماتوفى جدي يعني ظاالم بما تعنيه الكلمة وبالرغم من ان ابي اكبر منه وله الحق اكثر منه بس لا ؛ وابي طيييب وطيبته هي اللي خلّت عمي يستغله ويشل حقه

يوسف وقد هو مستتغررب: والله ان اختك كل كلامها قليل في حقه مادام وهو هكذا لايخاف الله ولا رسوله بس ليش ابوك مايسير المحكمة ويطلب حقه ويكلمهم بالتزوير اللي فعله والاستغلال

عمار: والله ان ابي قبل سنين فكر يفعل هكذا ويرفع القضية للمحكمة بس امي الله يرحمها منعته

يوسف بزعل: ليش منعته

عمار بضيق: امي وابي طيبتهم مابش مثلها ومنعته لانها ماتحب المشاكل وماتحب يقع مع ابي او معانا اعداء قالت هو اخو وعيديه الزمن ويعرف غلطة وابي جلس يتشارع معه ويسير للشركات وعمي يطرده ويهزئه وكان يسير وهو تاعب مقهوور وهذك الفترة انا عاد كنت صغير عاد عمري 3 سنين واخي محمد عمره 9 يمكن انا مااذكر شي بس ابي كلمنا وقال انه هذك الفترة كان يجي ويحاول يخرجّنّا من ڤلة جدي بس ابي كان مواجه له ويدافع عننا ورفض انه يخرج وسار ولقى له شغل واشتغل في شركة صاحبه ومواجهه ل عمي بقووة

يوسف تنهد بقهر: ووالدتك ايش حصل لها

بقهررر وبكلام متقطع: بعد اشهر من هذك الايام وعاد اختي الصغيرة عمرها شهرين او ثلاثه وبعد مااستقرينا ابي بيشتغل في شركة صاحبه ومكتفي والحمدلله كُنا مرررتاااحين واخوتي وتين ومحمد بيدرسوا في مدرسة خاصة اما انا واختي اللي بعدي عاد كنا صغار

المهم ابي وامي كانوا مخططين نسافر ونستقر خارج البلد ومررتاحين والحمدلله لايوم ابي صاحبه أهداه سيارة وكانت جديدة وفخمة ؛؛ بعدين خطي هو وامي وساروا يجربوا السيارة او المهم خرجوا بها و...سكت بقهر

@rewayatyamania المصدر الأول للروايات

يوسف بزعل وملامحه متغيرة بضيق: ايش

عمار تنهد بقهر: فعلوا حادث فظيييييع في الطريق وامي توفت وابي تعوق ودخل المستشفى ؛؛وبقهر .... وبعدين عمي هههه ما خلانا في أحوالنا ؛ أستغل مرض ابي وموت امي وجاء خرجني أنا واخوتي واحناا صغااار ورجمنا للشارع ؛؛ مارعونا الا الناس لما خرج ابي من المستشفى وعاد كان معه زلط قليلة من شغله وصاحبه اشترى هذا البيت اللي احنا فيه وادونا هانا وبعدين ابي معوق وخواتي صغار ولنا الله ؛؛ واختي واخي محمد اللي اكبر مننا تحملوا المسؤولية علينا رغغممم صغغغر سنننهم وعلى ابي المعوق بس الاكثر كانت اختي وتين اللي من وقت ماماتت امي وهي لنا الام

يوسف اقتتتهرر وبزعل: الله يرحمها وسلام الله على تربيتها اللي ادت رجال وبنات ماينذلوا قدام احد وموقف اختك اليوم وكيف ماافتجعت من عمها وواجهته اقسم بالله يرتفع بها الراس

عمار ابتسم برضا: اختي قويــة وماتسكت أبداً

يوسف ابتسم لا ارادي وتنهد بضيق على حالهم اللي يكسر الخاطر
.
.

وضّعت ابوها في مكانه وتكلمت نرجس اللي منتظظرةةة لهمم وبلقاانة: اووووف من وين سرتي تدي باباه من غابات الأمزون

ابو محمد: ههههههههههههههههههه فديت الجاوعة حققي

وتين بسرتها بنظرات ولفتت ل ميار: ويين عممار

ميار: مابسرته من وقت ماجيتي

ابو محمد ل نرجس اللي بتوزع الغداء في السفرة: وين محمد قد قام

وتين لفتت بغصة: محمد هانا!؟

ميار بضيق: ايوه وتاعب شكل ضربه برد

وتين ززززعلتتت قوووي وحاولت تمسك ملامحها لاتتغير وبقهر: الله يعافيه قوميه يتغدى
وعطتهم ظهرها وخرجت تداعي عمار

ابو محمد ابتسم: فعلت نفسها انها مااهتمت والآن في داخلها نار عليه 

نرجس: اوووف ووتين مغروورة قووي والا عادي ليش الزعل هذا كله

ميار تنهدت: انتي داريه وتين تحب محمد مووت وتتحسس منه قووي

ابو محمد ضاق صدره وقرر يبسر لخلافهم اليوم حل
.
.

خرجت ورجعت الطرحه على وجهها وفتحت باب الحوش وبحدة: عممممار

يووسف سمع صووتها وحس بشعوور غرريب

عمار بضحكة وقف: هتلر عتذبحنني خاطررك

يووسف ضحكك حين قال هتلر: ههههههههههه الله يسهل لها


/channel/+Ecxq_OzMYh40M2E0




📚 @rewayatyamania  🇾🇪

روايات يمنية📚🇾🇪

17 Oct 2024 21:04

.

البـارت 23☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


عمار: وتين انا ولد وصح اصغر منش بس لما ابسر اختي اللي بتتعب وتكافح علاميدنا ومابتفكر مجررد تفكيير بنفسها يوجعني قلببي واقول ليش ليش ماادللها ليش مااخليها مثل باقي البنات ماتعرف المشاكل ولا تعرف الهمووم لييش بين اترك لها كل هذه الهمووم تتحملها وانا اعيش مرتاح

امتلت عيونها بالدموع ومسكت يده: لاتقول هكذا انت سندي من بعد الله ومالي هذه القوة والصبر الا من الله ومنكم انتوا اخوتي حُماة ظهري وابي تاج راسي وخواتي نور عيني وياعيوني ياعمار انت عادك في سن صغير وبتدرس لاتفكر بهذه الافكار ركز على نفسك ودراستك وبس مابه شي يخليك تقول هكذا لاتتكلم هكذا مرة ثانية شاازعل منك تمام

تنهد بضيق وابتسم واشر براسه بمعنى تمام

....

✨اتعلموا ماهيَّ القوة ؛ القوة ليست بالكلام الجارح والشخصية الظالمة  ؛  وليست  بِالظُلم  ؛ وليست بِالكِبر  ؛  القوة الحقيقة هيّ أن تجعل ثقة الله في قلبك قائِمة؛  ان لاتخاف شيءٍ سواه؛  ان تتوكل عليه في جميع الأمور  مُرّهّا وحلاوتها  ؛  القوة الحقيقة ان تجعل الصبر والثبات هو الاساس الرئيسي لها وأن لاتضعف من شيءٍ ما قد يحدث  ؛ القوة الحقيقة ان تُحاول وتُحاول وتُحاول؛  لاتستهين ولا تَكِل؛  القوة الحقيقة ان تُحارِب الظُلم ولاتسكت عليه مهما كان؛  القوة الحقيقة هيّ ثباتُك وعزمُك وانت في أشّدّّ الإنكسارات؛  أن تَقِف على قَدمك المكسورة وتمشي بين خبايا الظلام وبحور الاشواك المُعتِمة وتَصبِر ؛  هذه هيَّ القوة الحقيقة ✨ كـتابـاتــMـي


نرجع لافلة ابو مازن

مسكتها من خلفهاا ومن بين اسنانها: ووييين عتهرربي وييين

رؤى بككيت وبتحاول تفتك منها: فككككييينيي مااتشتتي منيي

طلعين من الدرج وام مازن بتسحب رؤى سحب

قرب ابو مازن وبصوت غااضب: الااان وقتتش انتي وياااها

ام مازن بخببث: هذذذه اللي عتطلع مازن من السجن

بسرها بحدة: كييف

ام مازن: ما وووحش الليل (قصدها وتين) تحبببها 

ابو مازن ولاكأن اللي بيتكلم عليها بنته: صححح لو نكلمها عنقتل رؤى او تخرج مازن عتخرجه على طوول

رؤى من بينن دموعها فتحت عيونها بصدمةةة وتكلممت بقووة: انتووووا ماااتخاافوووا الله من الللي عتقتلهااااا ياظظااالم مممن مش هي بننننتك بنننتك اللي ولا يوووم حسست ان معاها أب

فتح عيوونه بغضبب وقرب وضربها كفففف قوووووي لما نزف انفها وبصياااح: والله وووتييين ووورثت لش من كلااامهااا خيرررات

شهقت بقهر وكل شهقة منها تقطع القلب

ثبتوها الاثنين وربطووها في كرسي

ام مازن بخبث لانها حاقدة على رؤى من موضوع محمد: ء ي وليد

لف لها: اييش

ام مازن: لو........

@rewayatyamania المصدر الأول للروايات

في بيت ابو محمد خرجت ميار من عنده وواجهها ابوها: ماقام

ميار بكذب: الا قام واديت له العلاج وقال عيرقد ويرتاح لاتقلق

نرجس عرفت ميار انها بتكذب ولفتت ل ابوها: وانت ياباباه اليوم من الصبح وانت بتتوتر تعب عليك ادخل ارقد لما يجهز الغداء وتجي اختي وتين

ابو محمد وقد بيحس بألم في قلبه ومابين لهن: طيب شاارقد ولما يوصلوا اخوتش قوميني  

سنبت نرجس وساقته بالكرسي لاغرفته وساعدته يرتاح وخرجت

ميار شاردة بضيق

نرجس: دريت انش كذبتي على ابي من محمد وماقام صح 

ميار: حاولت اقومه وبيأشر براسه بمعنى مايشتيش وانا ماضغطت عليه وباين فيه التعب خليه يرتاح.... وبعدين كلمت ابي علشان يتطمن ومايجلس في قلق قد تعب اليوم خيرات

قاطعهن الاتصال لاتلفون عمار لان البنات مابش معاهن تلفون الا وتين

ميار سيري اديه

خطيت ومسكته وبسرت ""وتين قلبي"" وبصوت: هتلر بتتصل

ميار: ردي عليها وكلميها مانفعل من غداء كملت المكرونة واللبن مابه شي

ردت نرجس: ياهلا

وتين: وكرتوون حلاا

ابتمست نرجس: اني فدا للمزاج الرايق

وتين: ههههههههههه تسلميي وبالمناسبة اليوم لاتفعلين غداء

نرجس: قد عتحاكيش مابش مانفعل

وتين: طييب وانا قد اتصلت لاتفعلين

نرجس بلقانة: ومانتغدا تراب بالكريمة

وتين ضحكت وبحدة: نرجوووس فكينا للقانة تعرفييي غداا من راس هتلررر

عمار ضحك ونرجس ومياار

نرجس: هههههههههههههههههه واخيييراً اعترفتي انشش هتلرر

وتين بلقانة: مادخلني انا قوولت اعرفي غداء من راس هتلرر اليهوودي ماانا انا وتيين

عماار: ههههههههاااي يااخطييرة

نرجس بضحكةة: هتلوري بالله عليش كم رمز المحطة اللي انتي فيها الآن علاميد لااتعصبتي ارجعش فيها

ميار وعمار: ههههههههههههههههههههههههه

وتين ضحكت: رمز المحطة...


/channel/+Ecxq_OzMYh40M2E0




📚 @rewayatyamania  🇾🇪

روايات يمنية📚🇾🇪

17 Oct 2024 21:03

.

البـارت 21 ☆

في خبايـا الظـلام تعلمت القـوة مـن عينيها 🖤

للكـاتبـة: تـوليـن سنحـانيـة

👌🏻👇🏻 😍
📚 @rewayatyamania  🇾🇪


ابو محمد بقلة صبر: ايش تشتي من وتين ومادخلها بإبنك

ابو مازن بصرااخ: حبسسسته وبلغت عليه وكذذبت انه حاول يتهجم عليها ومددري مه وضربته في راااسه ودددخل المستشفىى بسببهاااا وايييش عاد بةةة ماسووته ولف ل عمار ااااادي لها العسيب حقك وادخل بدلها المطبخ

تنررفز وماسك نفسه بالغصب

ابو محمد ماصدقه: انت انت كذذاب لو شي ان وتين كلمتنا

ابو مازن: ووووينها اتصصصل لها واسألها قد رخيتوا لها الحبل خيييرات لماا ازدادت وقاحتها وبتتصرف تصرفاات من راسها

ابو محمد لف ل محمد اللي صورته مقلوبة ورجع لف ل عمار: اتصل لها ياولدي

عمار خرج تلفونه ومن كثر ماعصب ماعد قدر يفتح التلفون 

ابو محمد رجع لف ل محمد: مالك ي ابني

محمد اشر براسه بمعنى مابه شي

وابومازن لف ل محمد بإستحقار ومااكترث له

@rewayatyamania المصدر الأول للروايات

عند وتين كانين في المعمل ولابسات الزي اللي عبارة عن خوذة كبيرة مغطية على الوجه ومقدمتها زجاج ولابسات كفوف طبية وسترة مغطية على جسمهن بالكامل ؛ وتين دكتورة كيميائية نوويية وبتشتغل في المعمل

كانين الدكتورات وثلاثة دكاترة من الخارج ووتين داخل المعمل في قسم الرصاص والمدفعيات والأسلحة لان بطلتنا هذي المرة من عشاق السلاح والقوة الحربية وكان حلمها تدخل الكلية الحربية بس ابوها منعها ودرست كيمياء وتعشق قسم الاسلحة والتصنيع وواصل وهي فيه
.
.

خارج كانت سماء بتشتغل في قسم الملابس لانها في قسم الخياطة وكانت شنطة وتين وجوالها عندها

..قاطعها رنة تلفون وتين شلته وبسرت: توأم روحيA

..فكرت انها واحده من البنات بتتصل من تلفون عمار
ردت: الو

عمار قطب حواجبة: وتين

سماء ارتبكت انه اخوها: لا وتين في العمل انا صاحبتها

عمار: سماء

سماء: ايواه

عمار: متى عتكمل عملها

سماء: مش عارفة عادها دخلت قبل شويه

عمار: يلاه خير مابش مشكلة لما تكمل حاكيها تروّح بسرعة

سماء بقلق من صوته: به شي!؟

عمار: لا مابه شي

غلق التلفون ولف لهم: اختتي في عملها ماهي فاضية لكم ولكلامكم الفارغ

ابو مازن وعيونه تسطع شر: انااا عتووريها وعطاهم ظهره وخرج

ابو محمد ضاقت انفاسه وبتقطع كلام ل عمار: الح الحقه لايس يسوي بها شي

عمار قرب لاعند أبوه بخووف

خرجين البنات واول مابسرين محمد اللي جالس ومغمض عيونه ويداته على راسه لفين ل ابوهن وقربين بخوف: باباه ماااالك

ابو محمد بتكرار ل عماار: سيييير ياعماار

ووقف ولف ل محمد وتنهد وخرج وهوووو ضااااابح
.
.

وصل لاباب المعمل والغضب بيسطع من عيونه
.
.

في الشق الثاني عمار اللي كان بيدوّر على باص او سيارة توصله

خرج يوسف من باب الفلة ولمح عمار في نهاية الشارع وقف السيارة وبيأشر له

عمار بسره وتفتحت ملامحه: ادااك الله وجزع لاعنده مسرع

طلع جنبه ولف له بنفس متسارع: تعرف المعمل الكيميائي وصلني لاهناك

يوسف شغل السيارة وبإستغراب: ليش ومالك متوتر

عمار: حكاية طويلة اسرررع وشاكلمك

قوس شفايفة وحرك بالسياارة بسررعة كبيييره
.
.

خرجت من غرفة التحضير وعادها باللبس وواجهتها سماء المتوترة

وتين وهي مبتسمة: سمائي مالش

سماء: ء ء قبل ربع ساعة اتصل اخوش عمار كان يشتي يكلمش والآن عمش وليد جاء لاهنا وبيحاول يدخل من أول والعسكر ماسمحوا له وبيصييح وينش

فتحت عيونها بإستغراب وقلق وخلست الخوذة وخرجت
.
.

خارج كان يصييح: بييين اقووول لكم داعووا لييي الدكتورة وووتييين الااان

العسكري قد عيتكلم ووتين قاطعه على وصول سيارة يوسف وعمار معه: خييييير مامعانا للصياح ماتشتي!!!!!

ابو مازن بسرها بنظرات ومن بين أسنانه: تجي معيي الآن وتسحبي الشكوى والا ماعيقع خيير ياوتين

نزل يوسف وعمار خطي لاجنب وتين وكل اللي في المعمل تجمعوا وسماء جنبها وبتتبسر يوسف

ضحكت بإستفزاز: ههههههههه قليل الخاتمة التافهه ولدك من أمس في السجن والآن عادك صحيت تقلق علية ياعمييي!!!!؟

يوسف في نفسه وعينه عليها.. مستحيل كيف بتكلم عمها هكذا بكل وقاحة وبدون احترام!!!!

عمار مبتسم بإستفزاز ورافع راسه ومسنب جنب وتين

ابو مازن انحرج من الموجودين وبحدة: عاد انا عرفت اليوم الصبح وذلحين اخطي اسحبيها يلله

وتين بهدوء: من الأخييير شكوى ماشسحبها واذا انت ماقدرت تربي ولدك اترك بيت خاله (السجن ) يربوه

ابو مازن فتتح عيوونه وبغضضب: وووتين الآن انا ساااكت لش اخطي معيي ولاتعانددي والا عتبسري ايش عتفعل

يوسف بمداخلة: يااعم ماينفع كلامك بالتهديد ولدك غلط وضروري يتأدب

لف له بنظرات ووتين تكلمت ل يوسف: لووسمحت لاتدخل بيننا!!!!

يوسف اصترع وسكت بقهر

وتين لعمها ببرود: ماعاد عتفعل يا ظالم خليني ابسر،، والآن لو سمحت انقلع من هانا...






📚 @rewayatyamania  🇾🇪

روايات يمنية📚🇾🇪

17 Oct 2024 18:59

.

البـارت 19 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


في طرف الشارع كانت خاطيه وبتكلم التلفون وماانتبهت ل وجود يوسف وكان بيسمع كلامها لان الشارع فاضي وهي بتتكلم وباين القلق فيها

والله يادكتورة ان انا خاطيه لاعندها للبيت الآن اتصلت لها وجاوبتني اختها قالت هي تاعبة وماردت على احد وقلقت عليها قووي ........ حاضر حاضر ........ ان شاء الله مافيها شيء ........... اكيد وان شاء الله ساعة زمان واحنا عندش

غلقت التلفون ولفتت وبسرته بيبسرها وارتبكت

بسرها بسرت لاعنده ونزل نظره وفتح تلفونه يتصفح وهو في دوامة من كلامها في التلفون

خطيت من جنبه وفي نفسها: الله يشلش ياسماء بتتكلمي من اول وهذا المقعش بيسمعش اووووف وخطيت ودقت باب بيت وتين وفتحوا لها ودخلت تحت انظار يوسف

تكلم بضيق: على مافهمت من كلامها ان و.. مريضة ..... معقول من اللي حصل أمس
..قطع تفكيره كفه اللي ضرب بها وجهه اووووف مافعلت فيني هذه الوتين مادخلني منها واصل حسي عندها استغفرر الله العظييم بس
.
.

في بيت ابومازن

ام مازن بتسير وتجي في الصالة بقلق ونسيت موضوع رؤى

ووييينه ويييينه

جاء ابومازن: مالش ياغصون

لفتت له: ماازن مازن من امس ماروووح

جلس: مش انتي دارية ب ابنش الصعلوك

ام مازن طنشته ورجعت تتصل

@rewayatyamania المصدر الأول للروايات

في بيت وتين

سماء بقهر: ولا تعشت

نرجس: ماشي دخلت الغرفة وغلقت على نفسها من امس ومارضت تفتح لنا ولا حتى دخلت لاعند باباه كلمناه وقلنا له انها جت وهو راقد وماقومته وبعدين رقدت والآن خايفات لو يقوم وماقد قامت

ميار ل نرجس بغضب: كلةةةة بسببش يا أُم زكي ياللي لسانش مخرطة

نرجس فتحت عيونها وماردت

سماء: ليش ماقد فعلت أم زكي مرة ثانية

ميار قالت ل سماء بكل شي

سماء بضيييق: اووووووف ولفتت بإتجاه غرفة وتين
.
.

داخل الغرفة كانت ليلتها جددداً صعبببة مدت سجادتها وبكت بكت بكت بحرررقة وقههر ماتبكي وتضعف الا فوق سجادتها قدام ربها بعد ماانهارت في ليلتها بكاء رقدت فوق السجادة وقامت صلت فجر ودرست زهر يومها ورجعت ترقد وحست انها ارتاحت عندما بكت وخرجت كتمانها وحست بمواساة من الله تجبر الخاطر
.
.

سماء دقت الباب وبخفة: وتيين

سمعت بخموول وصحت وبتفتح عين وتغلق عين خطيت لاباب الباب وفتحت وهي بتمسح عيونها ومابسرت سماء وبحدة: طلعتين ليي ألف جننني من أمس يعنيي حرااام لاحد جللس وحده يرتااح عتموتين لارقدتين في المجلس...وبسرتها سماء

سماء ضحكت: خلاص ياعمووه ياام لسان

وتين دخلت الغرفة وبصوت خاامل: ادخلي

سماء دخلت وبحدة: يابنت بسرتي لي وتين

لفتت لها بعد ماصحصحت برفعة حاجب: سلامات

سماء ضحكت: بالله عليش نوووم لاذلحين وانتي دارية معانا عمل في المعمل هذه مش وتين حق النوم والكسل

وتين تنهدت: مزاجي ززفت الزفت ماناش دارية كيف اشتي انوووم

سماء: من اي حين هتلر هكذا

وتين بنص عين: بالله عليش نقلين لش العدوى خواتي واصل تشبهين بي باليهودي هذا

سماء: ههههههههههههههههههه ملايق عليش شخصيتش مثله يلاه يلاه عنتجابر في المعمل

وتين بضيق: والتمارين حق ابي

سماء: عادي اصلا قد هو نهاية الاسبوع ممكن تشليه بعد العصر

تنهدت وخطيت تغير ملابسها ووسماء مورعة لها
.
.

نرجع ل بيت مازن

ام مازن للآن بتحاول توصل ل مازن وابو مازن مطنش وبيصتبح

قاطع توترهم الاتصال ل ابو مازن

رد ببرود: نعم ......ايووه...وينه... كيف كيف....ووومن...... وتييين.......لييش....طيب طيب

ام مازن لفتت له: اااايش بــــــه

ابو مازن وقف: ابنش في السجن من امس

شهقت: يووووه وليييش

ابو مازن: مدري ماتحاكوا قالوا اسير لاعندهم بس اللي قدمت البلاغ وتيين

ام مازن ضرربت الطاولة: اييييش هذذذه البببنت ايييييش تشتتتي مننا

خرج ابو مازن وام مازن رجعت تتصل ل محمد

رد في الرنة الاخيرة: همممممممم

ام مازن بصرااخ: ووويييينك جيييي ابسرررر اختك المرررييضه حبسسست ابنني ابنني انااا غصووون من قد هي..وبتصيح بهستيرية

فزز بخوف ومابيسمع الا صيااح عمته وبـ تسب وتين وبتذكر السجن ومازن: وييينه الآن مازن

ام مازن بجنان: فييي الحببس سيير سييير خررج ابني ولا والله لااخرج انفاسك انت واختك

كان نوم في بيت ماهر ومرررهق غلق الاتصال وقام يلبس وتوجهه للسجن ومش مستوعب
.
.

خرجين من البيت ووتين تناست اللي حصل أمس ومندمجة مع سماء في الجو

يوسف عاده في مكانه وكل تفكيره بوتين لف وبسرهن

سماء بسرته: وتيني من هذا القمرري

بسرتها بغضب واحتدت عيونها : ...


/channel/+Ecxq_OzMYh40M2E0




📚 @rewayatyamania  🇾🇪

روايات يمنية📚🇾🇪

17 Oct 2024 18:59

.

البـارت 17 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


جالسين في المقبرة ومحمد ضايق من وقت ماخرج من بيت عمه وبيذكر رؤى ودموعها ونظراتها اللي خلته في دوامة بيفكر لما يوجعه راسه

تنهد بضيق من حال صاحبه: طيب انت ليش قدك هكذا مابتحس بنفسك او كيف

بقهر ودموعه تسبق كلامه: والله ياماهر ان انا مااذكر ايش حصل الصبح الا خييال مش مصدق ان انا كنت شقتل اخييي

ماهر بيسمعه بقهر

سند راسه للقبر وبيتكلم من بين دموعه: مشش عاارف ايش بيحصل لي مش عاارف كل ماابسسر أخووتي وابي ماعد بين اطيق وجودهم وصلت معي ان انا ضربت وتين واليوم ضربت نرجس وكنت شقتل عمار وميار واصل أهزئها و ..... سكت بقهر

ماهر: وايش

محمد: رؤى اليوم بسرتها وكأنني رجعت للماضي تصددق ياماهر مااذكرش كيف افتسخت خطوبتي بها ماااذكر شيي ضااااايييع ضاااااييع قووووي نفسسسيي ضيييقة مششش داري اييش اششتيي قد شجننن شجنن ماابين أحس بتصرفااتي مابين أعررف ايش افعل بين ابسرهم بيهربوا منيي قدنا وحش وحش حتى رؤى اليوم عاتبتني بعيوونها

ماهر بقهر: محمد معقول انك ء....

محمد مسح دموعه ولف له: ايش

ماهر: مـــســحـــور!!!!!!
.
.

عندهم..

يوسف بإستغراب: تعرفيه!

وتين مطنشة يوسف وبصوت ل مازن اللي معبى دم: وصلت معااك السفاااههه والنذاالة انك تهجم على بنت ومممن هذذه البنت للأسسف بننت عممك وعررضك ياااحقير

كان يفتح عين ويغمض عين وبنذالة وصوت مبحوح: ان انتي وت يني وبيضحك بخبث

يوسف حررقت أعصابه وضربه كفف لاإراادي

خطيت من جنبهم وفتحت تلفونها واتصلت للأمن

@rewayatyamania المصدر الأول للروايات

نرجع ل محمد
بصدمة: كيف يعني

ماهر: يعني احد سحرك على أهلك ونفسك

محمد بضيق: بالله عليك انا بين اشكي لك همي وانت تتكلم بـ هذه الخرافات 

ماهر: محمممد هذي مش خراافات والله ان به بشر مايخافوا الله ولا رسوله ومايخلوا احد مرتاح وانت باين عليك هذا الشي ابسر كيف مابتدراش مابتفعل بإهلك ونفسك وتصحى وقد انت ناسي وتصرفاتك كلها ماهي طبيعية يعني ايش والله الأمر واضح

محمد ماعجبه الكلام: اوووووف ممنك ومن كلامك انا جيت اشكي لك ارتاح زيدتها عليا

ماهر سكت بضيق

سنب وخطي وماعد كلمه

ماهر بصوت: محممد ويين عتسير ... محمدد

خطي ومارد عليه
.
.

عند وتين
بعد ربع ساعة وصلت الشرطة ونزلوا وحاوطوا المكان

الشرطي ل يوسف اللي قد ربط مازن ومسنب جنبه: ايش بيحصل هانا ووين اللي بلغت

وتين من خلفه: انا

الشرطي: من اللي تهجم عليش وحاول يسرقش

اشرت صلا مازن اللي وجهه معبى دم ومبتسم بنذالة

الشرطي بحدة: من فعل به هكذا

يوسف قده عيتكلم ووتين قاطعته

انــا

الشرطي بضبح: لو يموت انتي عتتحملي المسؤولية

وتين بحدة: يموت بالناااقص وبعددين هذااا دفاااع عن النفس ماتشتيني افعل اصفق له

لف ل يوسف اللي مطنن من كلامها: وانت من

يوسف: انا اللي لحقته ومسكته

جلس الشرطي يحقق معاهم لما طفح ارواحهم وأشر للعسكر وشلوا مازن وراحوا لهم

بقيت وتين ويوسف مسنبين وبيتأملها بصدمة: ليش ماتدي لهم السلاح

وتين بهدوء وهي بتفتح شنطتها وطرحته فيها: ماكان داعي ولفتت له: وشكراً للمرة الثانية على وقفتك النبيلة

يوسف بإبتسامة: هذا واجبي

وتين ابتسمت وعطته ظهرها وخطيت

يوسف رفع حاجبه: ووين

لفتت: كيف وين!  أروّح

يوسف بلقانة: على مااعتقد مابش باص مورع لش ومابتبسري هذه المنطقة مهجورة مافيني اذا بسرش خاطف ثاني قد توترين اعصابي بما فيه الكفاية اطرحي غرورش ع جنب واخطي اوصلش

سكتت بضيق ومادريت ماترد فعلا المنطقة اللي هم فيها مهجورة وماعتقدر تروّح لوحدها

خطي قدامها وطلع لامكان السيارة ودخل شغلها ومنتظر لها

خطيت بحياء ومحررجة منه ومتوترة ومش داريه ماتفعل فتحت الباب الخلفي وجلست خلف الكرسي القدام بعيد من المراية

وخطيوا والسكوت يعم المكان
.
.

الساعـة أربع بعد العصر

في بيت جديد علينا
ام يوسف: هههههههههههههههههههههه أقسم بالله ان الجلسة عندش يا سماح تريح القلب

سماح (أم وفاء): ههههه انا فدالش ونورتي ذمار مرة ثاني ي مُهّاني

ام يوسف بتبسر وفاء بنتها اللي جالسة مع رهف ورانيا بهدوء وبتتحيلا لها

ام وفاء: ماقلتي لي ويحين عتخطبي ل ولدش اللي مثله قد معاهم جهال

ام يوسف ابتسمت: والله ان احنا سافرنا ذمار علشان أخطب له

ام وفاء: هههههههه كنتي عتخطبي له صنعانية

ام يوسف: هههههههههه لا أشتي أخطب ل إبني من بلادنا اللي تربينا وكبرنا فيها ولفتت ل وفاء وابتسمت

وكملين مجبرهن ومرتاحات

.
.
نرجع ل وتين
وصلوا لاباب البيت ونزلت بسرعة ومالفتت له ولا تكلمت

ابتسم منها وبسرها لما فتحت الباب ودخلت وضحك ولف بالسيارة وخطي بيت عمه وهوه كل تففكيره عندها 


/channel/+Ecxq_OzMYh40M2E0




📚 @rewayatyamania  🇾🇪

روايات يمنية📚🇾🇪

17 Oct 2024 18:57

.

البـارت 15 ☆

في خبايـا الظـلام تعلمت القـوة مـن عينيها 🖤

للكـاتبـة: تـوليـن سنحـانيـة

👌🏻👇🏻 😍
📚 @rewayatyamania  🇾🇪


وصلت للمعمل وبسرت سماء جالسة لوحدها وكان وجهها ضايق

سماء: واخيييراً شررفتي

وتين بضيق: اووووف مابه جننتيني

سماء: مالش

وتين بنفس: خرجتيني في هذا الوقت والدنيا مابش احد وكنت اتخايل احد بيلاحقني

سماء: الله،،،، وتين اللي بتتكلم لا لا مستحيل ويين الدنيا،،،، انتي لو يطلع لش جني أبو ألف راس ماتفتجعي

وتين ضحكت: الله يقلع ابليسش الآن قلي لي مااابه

سماء: معي لش خبر عيخليش تحضننيني للبيت

وتين: ههههههههههههههههههه ياساتر اييش هذا الخبر

سماء بلهفة: اليوم الصباح اتصلت لي المديرة وكلمتني انهم ادوا لش مكافأة وارتفع اسمش عالمياً ويمكن مشروعش ينجح هنا وفي الخارج والدكتور امين يمكن يكافئش بـ أسهّم في شركته

وتين قطبت حواجبها وابتسمت: وليش كل هذا

سماء: مش ب فكرتش للمستثمر في المعمل  بالمشروع ادت نتيجة ونجح مشروعه وقرر يكافئش وأيضاً نجاح مشروعش والكل

وتين بشبه فرحة: ضخم الحمدلله

خرجت المديرة وفي يدها ظرف: حيييا بالكيميائية حقنا

ضحكت بإحراج: الله يحييش يامديرة

المديرة جواهر: ذكائش وتفكيرش العاقل رفع قيمتنا لدى المسثمرين وبيشكروا معملنا بجهودش

وتين: هذا بفضل الله والحمددلله

جواهر: الحمدلله.... مدت لها الظرف: وهذه جائزة قليلة في حقش وان شاء الله تكون مناسبة

وتين ترددت وبعدين شلتها وهي محرجة ومبتسمة: تسلمووا

ابتسمت مننها ووقعت الملف وخرجين

سماء بفررحة: الففففف مبررررروووك

وتين بفرررح كبيير حضنتها

ضحكت منها وبادلتها الحضن وعارفة ان وتين تعبر عن فرحتها بهذه الطريقة

بعد موجة فرح

سماء: ابسري الظرف

فتحت الظرف وبسرتة 250 الف

وتين انصدمت: سمماء مبلغغ كبييير

سماء فرررحت لها: اللف الحمددلله

ابتسمت برضا ورفعت ايديها: الف الحمددلله ياارب

سماء: اييش عتفعلي بها

جلست وتين فوق الطاولة وسماء جلست معاها

وبإبتسامة: شكلي ماشااضوي الا وقد كملتها كلها

سماء: اووف ليش شلي اللي تحتاجي وخلي حاجتكم

وتين: والله ماانا عارفة الدين اللي علينا كثيير وبه حاجات ناقصة على اخوتي وأهم من هذا كله علاج أبي

قاطع مجبرهن الاتصال من عمار وقفت ولفتت ل سماء: ابي بيقلق واكيد الآن منتظرين لي فوق الغداء

سماء وقفت معاها: قد الساعه 2 اجلسي والعمل قد عيبدأ الساعة 3

وتين: لا ابي بيقلق شااسير وارجع

سماء: يلاه ولا تتأخري

قربت وباستها: حاااضر ياهرمة

ضحكت منها: يلاه انتبهي لنفسش

ابتسمت وخرجت من المعمل وهييي فاااارحة وطرحت الزلط في شنطتها وبتتخايل ملامح اخوتها وابوها لما يعرفووا كيف عيفرحوا

من خلف العموود بسرها خرجت وواصل يلحقها
(ماكانت بتتخيل كان احد بيلحقها صودق☹)

@rewayatyamania المصدر الأول للروايات

في بيت ابويوسف
كملوا يتغدوا ويوسف وقف

ام يوسف: وين عتسير ياولدي

يوسف: شااسير عند بيت عمي عنخزن كلنا

البنات صيحين بصووت: رجعععت للقااات

يوسف لف لهن بفجعة: ماااالكن

ام يوسف ضحكت: فجعتنّه جعلكن الخير

يوسف ل امه: يممه هولا مش بنات هولا بقرر بقرر وعطاهن ظهره وخرج وهو بيضحك

رقية بصوت: شااوريك من البقررر ياا يووزرسييف

خرج وكان متشييك (متكشخ ) على افضل شياكة بالثوب والكوت والعسيب وبشعره الاسوود ابو قعشة كيرلي من تحت القوباعة،،، رد النظاره على عيونه وخاطي مبتسم شغل سيارته وخرج
.
.

عند وتين
بتوزع نظرها ومابش لاباص ولا اي شي والشارع فاااضي
خطيت وكانت تحس بأحد خلفها ومتأكدده

كان حرريص انها ماتبسره وبيقرب منها اكثر

بذكاء منها ماكانت تلتفت لان المكان اللي هي موجودة فيه بنايات وشجر اكيد عيتخفى خلفهم

خاطية بكل قوة وصح مفتجعة هي في الأخير بنت بس قوتها بتغلب خوفها
.
.

خطي بالسيارة وبالصدفة كان في نفس الشارع اللي خاطية فيه وتين

كان منزل راسة للكرسي اللي جنبه بيدور على شي وقف السيارة بهدوء وجالس بيدور 

من بعيد بسرت سيارة وكأنها حست بأمان لان مابش معاها شي تدافع عن نفسها

كان لابس قناع وبيلحقها بخفة ومستغرب انها مالفتت تبسره

وصلوا لامكان فيه حجار خييرات وكان بعيد من السيارة بس 3 أمتار

وقفت بكل قوة

وهو خرج المنوم وتقدم وقددة قررريب منها قووي

في هذه اللحظة يوسف رفع راسه وبسرهم وانصدم: اييش هذا.. ونزل من السيارة مسرع

نزلت نفسها وأخذت حجرة متوسطة الحجم ولفتت بسرعة ورمتـه في راسه

صيييح بصوووت وتراجع: اااااااااااه

وتين أخذت حجرة ثانية ورمته في رجله وبغضب وبصوت متقطع: من انننننت ياااحقققير

وقف وقررب ودهفها بقووة وشل شنطتها وهرب

وصل يووسف ومسكه من ظهره

بحرركة سرريعة خررج السلاااح وأشره بإتجاههم


/channel/+Ecxq_OzMYh40M2E0




📚 @rewayatyamania  🇾🇪

روايات يمنية📚🇾🇪

17 Oct 2024 18:56

.

البـارت 13 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪

عند وتين

الدكتورة: الحمدلله في تحسن كبير وان شاء الله فترة قصيرة ويرجع يمشي

استبشرت بفررح وبسرت ابوها اللي مبتسم وبيحمد الله

وتين للدكتورة: يعني كم عاد يحتاج تمارين

الدكتورة: شهر او شهرين وان شاء الله ماتروحوا آخر يوم الا ويشلش انتي

وتين: ههههههههه ان شاء الله تسلمي يادكتوورة تعاملش وتفهّمش معانا ماشنسااه

الدكتورة: واجبي ياوتين وعمي عاصم مثل ابي

ابتسمت: ء كم الحساب

الدكتورة: مع المرتين الأخيرتين 25 الف

وتين قطبت حواجبها: ليش ماليوم الواحد ب 15

الدكتورة ابتسمت: خفضت لش السعر لا 10 الف واليوم انتي دفعتي 5 الف يعني مع الباقي وامس واول امس 25

ابتسمت لها: شكراً لش 

بادلتها الابتسامة ووتين اللي الارض مش واسعة لها من الفرحة ل ابوها دورت الكرسي وخرجوا

وهم منتظرين الباص

وتين بلقانة: اباه الشهر اللي ع يجي اعمل حسابك ع تسوقني بالكرسي للبيت ان شاءالله انت

ضحك منها: هههههههههههههههه عوذبي من الشيطان

وتين: ههههههه مافيها اشتي ابسر هو راحه والا مع

ابو محمد: والله ياروح ابوش ماالراحه الا العافية

وتين: الا صح العافية غنى

قاطع مجبرهم الاتصال ل وتين

@rewayatyamania المصدر الأول للروايات

نرجع لابيت ابومحمد

مسكه من خلفه بقوة: صلِ على النبي صلِ على النبي ماالك يامحمد

عمار بيزفر نفسه بصعووبه وقد انفه بينزف

ميار ونرجس ردين الطرحه على وجههن وتراجعين من الرجال اللي دخل ومسك محمد في اللحظة الاخيرة والا كان محمد عيضرب عمار بالمجرفة

محمد بجننان وبيحاول يفتك من يوسف: فللّّتتتني اررربييييه

عمار بصيااح: فلتته يايووسف خلينا نبسسر  ماعيفعل

يوسف بتوتر: ياجماعة صلوا على النبي انتوا اخوه،،، وابوكم تاعب تخايلوا بسركم الآن وكل واحد عيقتل الثاني ايش عيحصل له

محمد كان يتنفس بقوة فك نفسه من يوسف ودهفه وخرج ولاحتى لف لهم

عمار اشر ل خواته يدخلين

ويوسف منزل نظره

بعد مادخلين قرب لاعنده بضيق: ماحصل بينكم

عمار بيتنفس بصعوبه مارد عليه

يوسف بضيق: جي معي لافوق السيارة نبسر جروحك

خطي معه وخرجوا من الحوش وطلعوا فوق السيارة ويوسف خرج الأسعافات الأولية وبيجارح له
.
.
داخل في البييت
كانين بيبكيين بكاء يقططع القلب

ميار بتبسر من الطاقه ومن بين بكاها: ل لوما ههذا ان عم عما عمار اهى اهى اهى

نرجس بتشهق وحالتهن حالة مش مستوعبات ان محمد فعل هكذا
.
.
نرجع ل وتين بتكلم سماء في التلفون
..الآن انا منتظرة باب المركز

سماء: وصلي ابوش وجي للمعمل ضروري

وتين: لييش مابه اليوم خميس مابش شغل

سماء بقلة صبر: اليوم خطبة المديرة جي

وتين: هههههههههههههههههههههههههه قد هي عجوز ماينفع

سماء بنرفززه: ااوووفف كم اكرره طبعش لاهو رايق

وتين وابوها بيضحكووا: هههههههههههههه لمو هكه (ليش كذا)

سماء: يخخخخ لغاجتش تطلع لواحد الضغط المهيييم جـــي المعمل ضروووري

وتين بنذالة: في اي شارع

سماء طفحت منها وغلقت

ردت التلفون لاقدام وجهها وابسرتها غلقت وضحكت

ابو محمد من بين ضحكته: مالكن

وتين: ههههههههههه مدري مالها ابليس معلق فوقها بتتنرفز 

ابو محمد: ههههههه وماتشتي

وتين: قالت اسير المعمل

ابو محمد: ليش.... اليوم خميس

وتين: والله ماانا دارية قالت ضروري شااوصلك واسير ابسر مابه

وصل صاحب الباص وتكلمت وتين بحدة: ليييش مستعجل عاده بددري

ابو محمد ضحك: اخطي اخطي بعدا يفلتنا ويرحله

نزل يساعدهم يطلعوا وطلعوا وتوجهوا للبيت
.
.

في بيت ابو مازن

وصل محمد وصورته مقلوبة

كانوا كلهم في الصالة عدا ابو مازن

ورؤى بتشكل لهم الفواكة وكانت لابسه روب زيتوني ومحجبة

اما سونيا لابسه جينز وبشعرها

دخل محمد وام مازن ابتسمممت: واخيييراً شررفتنا

لفتت تبسر من اللي بترحب به خالتها وبسرته محمد وانحرررجت ولفتت ل سونيا اللي ماسكة تلفونها ولا في بالها

اول ماسار نظره ل رؤى وهذه ثاني مرة يبسرها  لانهم مايسمحوا له يبسرها ابداً

ام مازن لفتت وان رؤى عند الفواكة واتنرفزت ومن بين اسنانها: خللاااص يكفففي اخرججي من هنا

وقفت وخطيت تحت انظار محمد

قرب محمد وبسر سونيا ونززل نظظره بسرعةة ومادقق ولف ل ام مازن: عممممة ممكن نجلس لووحدننا

ارتبكت من بنتها ومن محمد واشرت لها تقوم

عوجت فمها وقامت وهي بالكعب وبتفعل حركات تغاثي البطون

بيسمع خطواتها اللي ازعجنّه وماعجبه هذا التصرف ابداً واستحقرها وفي نفسه: ماهي التربية هذه راكنين ان احنا اجانب ماعدبش حياء ولا دين!

ام مازن بسرته كشر بملامحه: هه هههههه ووينك ياولدي بالله عليك يومين ولا تسأل علينا

جلس بضيق: ماافعل

ضبحت من حركاته وفي نفسها...


/channel/+Ecxq_OzMYh40M2E0




📚 @rewayatyamania  🇾🇪

روايات يمنية📚🇾🇪

17 Oct 2024 18:55

.

البـارت 11 ☆

في خبايـا الظـلام تعلمت القـوة مـن عينيها 🖤

للكـاتبـة: تـوليـن سنحـانيـة

👌🏻👇🏻 😍
📚 @rewayatyamania  🇾🇪


ابو يوسف: ههههههههههههههههههه اليوم بين احاكي ابوها وضبحت ليش زعلت على حاله ورحمته 

رهف: هههههههههههههههه والله شووقتووني ابسرها الوتين هذه

رقية وريما ورانيا: وانااا

ام يوسف: وانا ان شاء الله اقرب فرصة عنزورهم

ابو يوسف: ان شاء الله

بيسمع وسااكت وكل تفكيره عندها بدوون شعوور ومن أول مابسرها وبسر حشمتها وكيف قوية دخلت في راسه
.
.

صبـااح ثاااني يوووم

لبست العباية والجلباب والبرقع وشلت شنطتها وخرجت تقوم عمار يخطوا لا مركز الرياضة

وتين بحدة: عممماار يللاااه قوووم

لارد..........

بتدق الباب وهو مطنش وما فتتح

لفتت لاوراها وابسرت غرفة محمد بقهر

ميار: اقوم محمد ياوتين

وتين: مع مااشتيش اتناقد معه خلينا لان احنا هذه الفترة هادئين انا شااشل ابي انا ولفتت صلا غرفة عمار وضربت الباب،، انا اووريك ياعماار ي عود السيخ بعيني ياحذااء

خطيت ادت ابوها من غرفته وبتسوقه بالكرسي

لف ل بناته واشر لهن بإيديه بحب وهن أشرين له ومبتسماات

خرجته لاخارج الحوش وارتكزت تتصل ل صاحب الباص

اتصلت المرة الاولى المرة الثانية ولا رد: ايييييش من ناااس هولا وقد حجزنااه طوول الشهر يكون يجي يووصلنا

ابو محمد: وتين اهدأي يابنتي ابسري غيره

قربت وبتسوق الكرسي وخاطية في طرف الشارع


@rewayatyamania المصدر الأول للروايات


في الطرف الثاني كان بيسوق السيارة راجع من البقالة وبيكلم مصطفى في التلفون: والله لو تبسر على أجوواء هنا مططر والدنيا جنننة... هههههه... يلاه يلاه .....مع السلامة

غلق الخط وبسر قدامه ابو محمد وبنت بتسوقه في الكرسي

وقف السيارة جنبهم

وتين ماوقفت وخاطية ولا لفتت

نزل يوسف من السيارة وبصوت: ء ء اوصلكم

لفوا له وتكلمت وتين: لا شكراً

ابو محمد: من انت ياولدي

يوسف: انا يوسف ابن علي اللي زُرناكم امس

ابو محمد: هاه هاه حيياك الله ياولدي

يووسف: اسمحوا لي أوصلكم ياعم عاصم

ابو محمد: لاتتعب نفسك ياولدي الباص عيجي لنا ذلحين

وتين ل ابوها: اباه نخطى

يوسف ل وتين: ايش فيها لاوصلتكم مابتبسروا الجوّ الباصات موقفة والمطر في الطريق

بسرت للسماء وضاقت وبإصرار: لا لا الباص منتظر لنا شكراً

دورت الكرسي وابوها مبتتسم منها ومن تصرفها العفوي وخطيوا

فتح عيونه ع الآخر وقوس شفايفة: طزز فيش عادها بتزنط(تتكبر)

وطلع فوق السيارة وجلس بقهر: انا قد واجهت آلاف البنات بس مثل هذه البنت ماقد بسرت  وبضبح: بيمووتين علييا مووت ومنتظراات مني نظرة واحدة وهذه ولاحتى رفعت نظرها تبسرني  سكت بقهرر وشغل السيارة وبيخطى وراهم بفضول ومعاندة فيها
.
.

ابو محمد: يابنتي الشارع فااضي والمطر عينزل ذلحين

وتين بقلق: لاتقلق ياتاج راسي عنبسر حل

ابو محمد: لو طلعنا مع يوسف

وتين بضيق: لا عنبسر الباص الآن وبعدين مابسرته كأنه شفق حالنا وانا مااشتيش احد يرحمنا ويشفقنا

ابو محمد: كيف افهمش ياوتين انهم مايتساووا وكل واحد وطيبة قلبه

نزل المطر ووجعها قلبها وبسرت شجرة كبيرة وساقت ابوها لاتحتها

ابو محمد: وتين

جلست ومسكت ارجله: عيونها ونظرهن

طرح يده فوق راسها: يابنتي خليش متواضعة لاتخلي للغرور يسيطر عليش،، بسرتي كيف الله هدى لنا قلبه يوصلنا وانتي رفضتي وابسري لاوين وصلنا

قاطعته بعيون ملان دموع: بس يااباه دائماً هولا اللي معاهم مال وجاه يبسرونا احنا العاديين بعين الشفقة و..

قاطعها: ياعيوني ياوتين انتي متحسسة من بيت عمش ونظرتهم لنا وظلمهم لنا وراكنة ان الناس كلهم مثلهم بس ياعيون ابوش الناس مش هم سوا به ظالمين وبه طيبين وبه متكبرين وبه متواضعين والله يحب ويمتحن واحنا الآن في امتحان إلـٰهي لنا يمتحن صبرنا ويمتحن تحمّلنا ولا تقلقي الله ما عيفلتنا وعيشوفنا مؤمنين به وصابرين عيعوضناا ويسخر لنا انتي لاتكوني تفكري هكذا وتدخلي هذه الافكار في راسش ان الناس عيرحموش والا يستحقروش ليييش ماانتي عايشة في عزز ورافعة راسش بقوة ليش بتفكري هكذا

وياوتيني الله ما عيوفقنا اذا كانت نظرتنا للناس بمثل هذه النظرة ؛ هُم بشر واحنا بشر مابه فرق عند الله بين غنّي ولا فقيير ؛ لاتنظري لهم بإستحقار ؛ خليش قوية وعادية واذا اظهروا لش ظلمهم خليش قووية وواجهيهم ؛ واذا اظهروا لش طيبتهم اتقبليها وبادليهم بالمثل

كان كلام ابوها والمطر كـ جبر غسل قلبها من كل هذك الافكاار عيونها فاضت وامطرت وساكتة ونظرها للأرض

بيبسرهم من بعييد وبفضول: ايييش بيكلممها  قطب حواجبه وشغل السيارة وخطي بإتجاههم: والله لاابسر غرور هذه البنت لاوين نهايته بتنخط على يوسف هااه

ابو محمد: ...





📚 @rewayatyamania  🇾🇪

روايات يمنية📚🇾🇪

16 Oct 2024 21:14

.

البـارت 9 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


ابو يوسف ضحك: هههههههههههههههه لاتقول لي ان هذه وتين

يوسف بيتأملها وبيبسر كلامها وحدتها وقوتها ومصدووم من غرورها اللي ولا حتى رفعت نظرها له

ابو محمد: لاتشل على خاطرك ياعلي هي ماعرفتك

ابو يوسف لف لها: ماتغيرتي هذك المغرورة والقوية ياوتين وماعرفتيني

ساكتة وبتحاول تتذكر كأنها تعرفه

ابو محمد: اتفضلووا عنددنا اليووم غدااكم عنندي

وتين في نفسها اوووف ماشششي مابش معانا شي في المطبخ ياارب انهم يرفضوا يااارب

ابو يوسف قاطع ابو محمد قبل يحلف: لاا لاا ياحيدي اليوم اخي عزمنا وعاد احنا في صنعاء ان شاء الله عنزوركم بعد العصر،،، انت في البيت

ابو محمد: انا في البيت كل يووم يلاه انا في انتظاركم

سلم عليه وخطي ويوسف خطي وراه وكان يلتفت لاخلفه يبسرها بفضول 

عمار قرب ومسك الكرسي وبيسوق ابوه لاداخل البيت
.
.

وتين بشويه عصبية بعد مادخلوا: كييف كنت عتعزمهم ياباه وانت داري ان مش احنا جاهزين ومابه شي

ضحك منها: خلاص يا أُم الاعصاب قد ستر الله ورفضوا

نرجس بفضوول من باب المطبخ: من همممم

بسرتها بنظرات: الغداء جااهز

ميار بصووت: ايووه جاااهز جي قربي معانا

قامت لاغرفتهن تغير ملابسها لبست روب بيت وتحجبت وخرجت تقرب معاهن الغداء 

نرجس جالسة جنب ابوها بتسأله: من هم اللي عزمتهم ياباباه

بيتحيلا لها: بسرتي هذه الفلة اللي جنبنا اللي بتعجببش وتجلسي تسألي عن اصحابها

نرجس بلهفه: ايييووواه

@rewayatyamania المصدر الأول للروايات

ابو محمد: اليوم اصحابها سافروا من صنعاء لاهنا وانا اعرف صاحبها كان بيننا شراكة من زمان لما كان ابي موجود وكنّا اصحاب واليوم بسرناهم باب البيت وقلت مايصلح مااعزمهم

نرجس بعجلة: باللله عليييك ياباباه تعرررفهم

عمار لف لها: وانتي ليييش هذا الزقع كله مادخلنا منهم

نرجس: نففسيي ادخل لها نففسي يعني انت عتعزمهم وهم عيعزموونا ياااااااااي

وتين قربت السفرة وبسرت لها بنظرات: من عيسمح لش من الهبالةة قرري من الجنان

نرجس لفتت ل ابوها بقهر: ابسررر هتلررر ياباباه واااصل تتحكم بنا

ابو محمد ل وتين: وتين يابنتي مالش قدش قاسية على خواتش من اي حين وانتي هكذا مافيها هي بتمزح

بقهر ولفتت ل محمد اللي قام وبيمسح عيونه: تغير القلوب والجروح هي اللي خلتني أقع هكذا

ابو محمد بضيق ل محمد: صح النوم ياابني

جلس بضيق: صباح الخير

وقفت بضيق وخطيت تكمل تقرب الغداء ولا كلمته ولا حتى لفتت له

محمد بقهر: انت بتبسر بنتك ولا عاد فيها إحترام ل اخوها الكبير

ابو محمد: ياابني الله يرضى عليك لاتضغط على اختك وهي بتفعل هذا كله زعل منك انت وانت داري طبعها عنييد لاتسخى عليها

سكت بضيق والبنات جلسين ووتين جلست جنب ابوها وبيتغدوا والصمت سيد الموقف ومابه الا محانكة نرجس وعمار ونظرات وتين لهم بمعنى يهجعوا (يهدئوا)
.
.

بعد العصر في بيت ابو محمد

رتبين البيت وبخريّن وابو محمد وعياله في المجلس منتظرين وصولهم

جالسات في غرفتهن ووتين عندهن وساكتات بضيق

لفتت لهن بإبتسامه: مالكن صامت او عندكن جني

نرجس امتلت عيونها دموع: مشتاااقة ل اختي وتين الاوله ول اخي محمد الاول

ميار بتأييد: عندش محمد اللي تغير وعندنا انتي تغيرتي اكثر منه

نرجس بعتاب ولفتت ل ميار: ابردي منها ياميار مش احنا سماء تحبنا مثلها

وتين اقتهرت وبزعل: بالله عليكن هذا كلامكن

نرجس: لييش او بنكذذب علييش لييش تغييرتي علينا ماكنتي هكذا كنتي تجلسي عندنا وتضحكي معانا اما الآن واصل صياح ومشاكل وهنجمة

بسرتهن بزعل: مابتبسرين الضغوطات اللي علينا وانا مااشتيي تحسين بقلق ولا هّم يكفي انا

ميار: بس هكذا بتضيقي علينا قد بنفتجع منش ياوتين وتصرفاتش قد هي قاسية علينا صح ربيتينا وأمنا على عيوننا وراسنا،، بس تتصرفي هكذا قد هو ظلم الصدق

اوجعها عتابهن وامتلت عيونها دمووع وزعللت وعرفت انها قد زيدت بها عليهن وترجع تخرج ضبحها فوقهن وتصيح تندمت وعضت على شفتها السفليه بقهر وقربت وحضنتهن وبكيين الثلاث: خلاااص انا ااسسفة اسفة بس لاتكونين تضغطين عليا يكفي الضغوطات اللي احنا فيها

بيضمنها بحب وبكاء وكانت وتين لهن الأم قبل الأخت
.
.

وصلوا بيت ابو يوسف وخرجوا عمار ومحمد يستقبلوهم

دخلوا المجلس وجلسوا

قام محمد ودخل الكراتين الببس والماء وابوه ابتسم منه راكن انه اداهن من عمله

عمار بيضيّفهم بضيق لانه عارف ان محمد اداهن من بيت عمه ولو تدرا وتين لاتفعل كارثة

يوسف بيتأمل بيتهم وكيف هم ناس متواضعين وعلى قد حالهم قوووووي

وابو محمد وابو يوسف بيتجابروا

ابو يوسف: ما قلت لي يا ابو محمد كيف حصل لك هكذا

ابو محمد: ...


/channel/+Ecxq_OzMYh40M2E0




📚 @rewayatyamania  🇾🇪

روايات يمنية📚🇾🇪

16 Oct 2024 21:13

.

البـارت 7 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


بدأ يقول له وهو بيضحك

ضحكك بصوته: هههههههههههههههههههههههههههاي مش قلت لك خواتك هولا جن مش هن بنات ماصدقتني

ضربة باللحفة مره ثانية: قلت لك مااعلييك منهن

مصطفى وهو ميييت ضحكة: تمام ضايق عليهن وهن بيصبنين بك كل يوم انى زادين عليك يااهبل

ضحك من كلامه ويتذكر موقفه امس قدامهن ويضحك كيف فعلين به
يحب خواته قوووي ومهما شاغبين وجننه مايرفض لهن طلب....... عكس مصطفى اللي مااايعجبه أبداً وعصبي من هذه الناحيةة سعما نقول معقد

.
.
نرجع للمستودع المقررف

بصوت انا ماااشتييي اسبوووع اشتتتي يووومييين بسسسسس يوووميين

بخوف: ح ححاض حاضر ياصققررر يووميين يووميين

واحد منهم: متى عنبدأ مهمتنا ياصقر

الصقر جلس وعينه على نقطة معينة: قررريب قررريب

@rewayatyamania المصدر الأول للروايات

في المعمل الكيميائي (مكان شغل وتين)
جالسة في الحوش لفتت لبعض البنات: بناات بسرتين سماء وين هي

واحدة منهن: لا ياوتين من الصبح مابسرتها

قوست شفايفها وقامت تبسرها لاهي في المختبر

صوت من وراها: وتين

لفتت وكان ماهر صاحب اخوها واستغربت من وجوده هنا: ايش

ماهر: امس انتي ومح....

قاطعته بحدة: دككتوور ماهر لو سمحتت لاتكون تدخل بمشاكلنا العائلية انت صاحب اخي وهذا على راسي بس تحشر نفسك في خصوصيتنا مع!!!!!

فتح عيونه من جراءتها وضحك منها: طييب طييب لاتعصببي

شلت الملفات وخطيت من عنده بغضب

ماهر مبتتسسم من طبعها النادر: والله معك حق يامحمد طلعت صعببة قووي ومعك حق انك تضبح منها

خرجت وبسرت سماء عادها وصلت: واخييييرا ويينش مختفييية ياابنت

قربت وحضنتها وتنهدت: حيييا بروووحي قد انا  فاااقدة لش قووي

وتين بزعل وعتاب: بالله عليش يومين ولا تتصلي لي ولا تجي المعمل وتخليني في قلق

سماء مسكتها وخطيين لا مكانهن خلف المعمل: خليها على الله امي تعبت واسعفناها

وتين جلست وبخوف: يوووه سلامتها خالة رحاب ماحصل لها

سماء: قدش عارفة ارتفع لها السكر وفقدت الوعي بعدين بقيت انا عندها

وتين: كان عتتصلي لي ياكلبةةة

سماء غمزت لها: ايش افعل اخيي زيد شل التلفون حققي عندده منتظظر تتصلي

ضربتها بالشنطة: سماااااء والله لو يشل رقمي لااذبحش

سماء: هههههههههههههههههههههه دلا دلا اخي مأدب ماعيشله وصدقيني تتباخر امي ونجي نخطب رسمي

تنهدت بضييق: انتي في عالم وانا في عالم ثاني مش وقت الخبر هذا الآن

سماء بقلق: مالش ياعيووني احد زعلش

وتين تنهددت بضييق وسندت راسها لاكتف سماء وبدأت تكلمها

كانت ماتتكلم باللي بيوجعها الا عند سماء كانت هي الصديقة والاخت والام وكل شيء رفيقة دربها وتحبها أكثثر حتى من نفسها ومستعدة تدي لها رووحها مجررد ماتحس بإهتمامها وتساؤلاتها عنها ترتاح بس بالرغم من انها كتووومة وقوية ومستحيييل تنزل دموعها قدام احد أو تضعف قدام أحد او تتكلم بهّمها لأحد وتخرج كتمانها بس سماء وليفة روحها تكلمها بكل شيء

سماء بزعل: محمد صح ؟

امتلت عيونها بالدموع: ومن غيره

سماء: ليش ماتخليه لما هو هادئ وتكلميه انتي دارية ب محمد وعناده وعصبيته وانتي هو اخوش الكبير لاتعانديه واكيد له حق يعصب عليش ماانتي تصرفتي من راسش وقمتي تألفي لش خبر

وتين بقهر: ياسمااء ايييش تصررفت من رااسي اايش ألفت من خبرر،،،، انا مقهوووره امي قد لها 15 سنه من حين مااتت وكان عمري 8 سنين ونرجس عاد هي مولودة واخووتي صغار مستحيل انسى هذذاك اليوم اللي انعدمت فرحتنا في يوم وليلة تشردنا وابي تعوق وامي ماتت وانا تحملت المسؤولية في تربية اخوتي لوحدي يعني مايحق لي وانا بين ابسر الظلم انه اكيد ماهو حادث وانهم...... وبعدا محمد يكرهنني بسبب هذا الشي ولادرجة انه امس.....وسكتت

سماء بعيوون ملان دموع: ايش

وتين بغصة: مد يده وضربني قدام ابي قدددام ابي ياسماااء ما هّـم ان ابي بيتعب و

سماء بقهر: ليش اييش حصل له محمد فجأة صح كان معش في مشاكل بس ماكان يسخى على ابوش وخواتش

وتين: مدري تغير عليهم فجأة من وقت ماعرض عليه عمي الظالم يخطب بنته سونيا وانا ازداد كرهه عليا

سماء تنهدت: مش كان خاطب رؤى وفارح ايش غييره

وتين تنهدت: عاد رؤى المظلوومة بيننا كلنا اظتلمت من محمد اللي تغير عليها ولا كأنه يعرفها وفلتها (تركها) وجرحها ومظلومة من ابوها اللي ولا يبسرها بنته وبيخلوها خدامة عندهم

سماء: اكيد بسبب مرة عمش اللي ابليس متبري منها وحقدها اللي بألف شيطان مدري ايش لعبت بعقله

وتين تنهددت بضيييق: مدررري مدرري اللي انا عاارفة له ياسماء ان انا مشتااقة ل اخيي محمد الاول مشتااقة له قووي


/channel/+Ecxq_OzMYh40M2E0




📚 @rewayatyamania  🇾🇪

روايات يمنية📚🇾🇪

16 Oct 2024 21:12

.

البـارت 5 ☆

في خبايـا الظـلام تعلمت القـوة مـن عينيها 🖤

للكـاتبـة: تـوليـن سنحـانيـة

👌🏻👇🏻 😍
📚 @rewayatyamania  🇾🇪


في صنعاء...
رتبين التنفاش ﴿فوشار﴾ والشاهي وكل واحدة بتجهز

رهف لصت نار ولفتت ل رانيا: انزلي صيحي ل يوسف يلاه

ابتسمت ونزلت
.
.

كان في جناحه بيتابع مباراة في اليوتيوب.. قاطعه فتحة الباب

بعد السماعة ولف لها: هكذذااا يفتحووا النااس بدون ما يستأذنوا

قربت بعفووية وغلقت اللابتوب: جي معي لك حاجة عتعجببك قووي

يوسف بنظظرات: خيييير

رانيا بكذب: جيراننا بيلعبوا مباراة في الشارع جي للجباء نبسرهم

يوسف بيتأمل ملامحها بحدة: ولو بتكذبي

رانيا: ادي لي زللط

يوسف: ادي لش ملطام أبو ألف مارأيش

ضحكت بإرتباك ومسكت يده وبتسحبه نحوها: تمامووو اخطى

خطي وراها وتسابقوا في الدرج للجباء

تراجعت بنذالة وهو فتح الباب ودخل ،، بسرته لف لاخلفه وهي غلقت الباب بسرعة

يوسف لف للباب اللي انطبق وعرف انه مقلب من خواته وخطي وبيدق الباب وراكن ان هن عيحبسنه في الجباء مثل المرة الأولة: انا اوووريش يارنّوونّ افتحيييي يااااكلبببة

رُقية من خلف العمود خرجت وكانت لابسة شيي كبييير أبييض وفاردة شعرها الطوويل وناتشه له وفي وجهها طحين وعند فمها فيمتو كأنه دم وكان شكلها يفجع

ريما من خلف العمود الثاني ضغطت الزر واشتغلت اصوات مرعبة وصياح

رُقية نبعت (نطت) لاعنننده ومسكته من خلفه وبتضحك ضحكة تفجع

يوسف اكتبد وغممض عيوونه برعب بعدين أستوعب انه اكيد هن

رهف من الجباء حق الدرج سكبت لاراسه ماء مخلوط مع فيمتو وسكككككر خيييرات يعني قده بيمتط (غليظ قوي وقده شبه مطاط) وعيووسخه 

شههق وفتتتح فمممه وطعم(ذاق) الحالي وغممض عيوونه وقده كومة سكر ممزوج بماء وفيمتو وقد لونه أحمر

سرجت ريما الضوء وخرجت من خلف العمود ورانيا فتحت الباب ورهف نزلت من الجباء ووقفت جنب رُقية وبصووت واحدد الأربع: مفاجأاااة

رُقية بضحكة: ايووووة هكذذا حااالي هيا ذلحين اجلس ذبذب مع الذبان(ذباب)

كلهن: هههههههههههههههههههههههههههههههه

بسسررهن بنظظظرات تقتتتتتل وعصبيييية وهن ولا في بالهن لو يمسكهن لايطايرهن من راس الڤلة على عصبيته

رُقية بتدارك ل عصبيته: اهلا بأخي ووحيد قلبي في غابتنا المرعبة وخواته الحبوبات اللي يحبنه

يووسف مسح وجهه وومعصصصب ولف لهن وبصووت من بين اسنانه: ايييش هذذه الحرركااات يابنااات انا اوورريكن 

مدعممات له وبيضحكيين بهستيرية 

شل السطل الماء وبيلاحقهن وهن بيهربين ويضحكيين ومالقي في طريقة رجمهن آخر شي شل الخرطوم الماء وفتحه على رؤوسهن كلهن وضحك بنصصر بعد ماطفح من العصبية

@rewayatyamania المصدر الأول للروايات


نرجع لاذماار...

جزعوا كلهم للمطبخ وبسروها في الارض

قرربت وتين بخوف: رؤى كيييف فعلتي

محمد لأول مرة يبسر رؤى من بعد مافسخ الخطوبة

دفنت وجهها في صدر وتين وببكاء: مش عااارفة استكب لافوقي فجأة

ام مازن بخبث: تستاهلي لما تكووني تنتبهي

ابومازن بعدم اهتمام وبنته اللي حرقت بالزيت لف ل محمد: تعال نتعشى حصل خيير ولف ل وتين ؛ بنت عمها اللي تحبها عندها عتنتبه لها

بسرتهم وتين بقهر وقد عتتكلم ورؤى منعتها


محمد اوجعه قلبه على رؤى: بس ياعمي لاهي متضررة

ام مازن بمقاطعة: ولا فيها شي تعال... وخطي بعدها

وتين بقهر الدنيا مسكت رؤى وساعدتها توقف لان الزيت استكب لارجولها ونزلين البدروم غرفة رؤى

وتين: ماهو هذا او بترررقدي هانا

رؤى بكذب لانها لو تحاكي وتين ان خالتها السبب لاتفعل مشكلة: ايوة انا جيت هنا برضايا مااشتي اجلس معاهم ومررتاحة هنا اكثرر من غرفتي عندهم

وتين بسرتها بشك

رؤى وهي بتتوجع: وتيين ليش شاكذذب

قربت تجارح لها وعيونها ملان دموع ورؤى متحملة ودمووعها تسبق كلامها

وتين بقهر: كيف صابرة عليهم

بصوت باكي: الله اللي بيصبرني واللي صبرني على خيانة محمد عيصبرني على كل شي صعب

لفتت لها بدمووع: ليش ماتجي عندنا

رؤى: ههه كيف اجي عندكم ليش عيخلوني!!!

ضربت يدها في الارض بقهرر: مانششش داريه اييييش غييير محمد والا يارؤى هوو يحبببش اننتي اننتي مش هذي سوووونييا  بنت الشيطانة

بككت بحررقة وماقدرت تتكلم بشي

وتين ودمووعها بتنزل وبتتكلم بقوة: خذييه مني وعد يارؤى ان الله عيننتقم لنا منهم وان شاءالله محمد يرجع له عقله ويررجع محمد الاول لاتزعلي وخليش قووية


/channel/+Ecxq_OzMYh40M2E0




📚 @rewayatyamania  🇾🇪

روايات يمنية📚🇾🇪

16 Oct 2024 21:11

.

البـارت 3 ☆

في خبايـا الظـلام تعلمت القـوة مـن عينيها 🖤


👌🏻👇🏻 😍
📚 @rewayatyamania  🇾🇪


ابو محمد قاطعها بغضب: وتييين لاتنسي اللي بتتكلمي عليه عممش

وتيين وقفت بقهرر: ايوووة عممي اللي مات جددي ومسك على جمييع حقوقنا ورجمنا في الشاررع،،، وعاايش في افخم الفلل والخدم والحشم عنده واحنا بندور على أكل يومنا ويله يله يخطى اليوم واحنا شابعين...

وبقهرررر: عممي اللي ابي يحتااج عمليةة قلب مفتوووح وهو بيلعب بالمال حقننا قداام عيووننا ولا في باله: عممي اللي اهلي فعلوا حادث ومافكر حتى يبسرهم وماتت امممي وماا فكرر حتى يبسرنا او يساعدنا واحنا اطفااال ماكفلوونا الا الغريبييين هذذذاا عمممم هذذذذذا؟؟؟؟

محمد سنب وبدوون اي مقدماات ضربها كفف بقووة

البنات شهقين وبكيين وعمار وقف مقابل محمد بعصبية: لاهذذه الدررجة اغوواك عممي ومرته لما بتررفع يددك على خواتك

انصدمت ومش مستووعبة ان سند روحهاا رفع يده وضربها لفتت ل ابووها اللي صاااح لما تقطع صووته: تتضرررررب اختتتتتتتك قداااااامي يااااااا نننذل

محمد بسر ابوه وبيطلع انفاسه بغضضب

كح الاب ومسك على قلبه بووجع

قربت وتين ونرجس وميار وعماار يمسكووا ابووهم ووتين مابكييت وبتبسر محمدد بقهررر

وتين بصووت مبحووح ل ميار: هااتي البخاخ بسرررعة

أسرعت بخوف وابوهن ماعد قدر يتنفس

بيبسرهم ولا فكرر انه يقررب وعطاهم ظهرره وخررج وصفق الباب خلفه بقووة

عماار عيونه حمممر قد عينفجرين وماسك ل ابوه

ادت ميار البخاخ ووتين شلته منها وهي بتررجف وبخت لافمه

بعد ثواني هدأ ووتين دموعها خاننها وبينززلين وهي ماتحب يشوفوها اخوتها انها ضعفت علاميد مايضعفوا مسحت دموعها وبهدوء: اباه قوم علاميد ترقد لانك بتتعب بعد العلاج

وقف معاها وعمار سند له من جهه ووتين من جهه وساعدوه يجلس على الكرسي وعمار ساقه لاغرفته

فتحوا غرفته ووضّعوه في بقعته

لفتت ل عمار: ارقد عنده علاميد اذا قام ويشتي شي

عمار اشر براسه بمعنى تمام ووتين بسرت ابوها بقهر وخرجت وفي تفكيرها شي تشتي تفعله

ميار ببكاء ل وتين: كاان ضرووري تفعلي انتي ومحمد هكذا مش انتوا داريين بصحته كيف متدهوره

ساكتة بقهر وفتحت غرفتهن ودخلت لبست العباية

نرجس: وين عتسيري هذا السع (هذا الوقت) 

وتين بنرفزة: اشتي اشوف غصوون وعيالها وزوجها ايش فعلوا بأخي خلاص تعببت مستحييل يقلب علينا هكذا من نفسه

نرجس بحدة: وتين الدنياا ليل ويين عتسيري لوحدش من الجناااان

مدعممة لها وبتلبس

ميار بمداخلة: وبعدين انتي دارية بهم كيفهم ظلّمة وكيف رؤى عايشة عنددهم مثل الخدامة وكله بسبب غصون مرة ابوها يعني قد هو طبعهم ماعتستفيدي شي قري من الجنان

بسرلت لها بقهر: داررية ان رؤى المظلومة بيننا ودارية ان بسببهم محمد تخلى عنها وفسخ خطوبته بها بسس الاااان يشتووا يشلووه حتى عليناا ابسرين مجررد ماخطب سونيا ال**** هذك!!!!،،،،، كيف تغييير الف درجة ؛ ولييش مايسمع كلامنا وليش جرح رؤى ليش؟  ؛بسررررتين انهم فعلوا له شي يكفي امي ماتت بسببهم بس عااادي الله مايخلي الظلم يدوم وعتبسرررين

ميار بصراخ: وتيين خلاص اننتي واثقة وقووية بالله لاعاد تقولي هكذا الله عينتقم لنا اجلسسي وهجعينا

وتين ببكاء: يشهدد الله ان انا مقهووورة ماااقدررت انسى ظلممهم لنا ول امي وابي اللي مابيطاوعه قلبع يكلمهم بشييي من حقوقه ماااابيسسسخى

نرجس بكيت: بس الآن اايش عتستفيدي بسيرتش لاعندهم ابي تاعب وبـتتعبووه انتي ومحمد بمشاكلكم كفاااية ياوتين خلااااص تعبببنا كل يووم صيااح ومشاااكل تعبنااا

وتين بسرتهن: ماابتبسرين محمد كييف متغير علينا وكييف نااسي لنااا وكييف بيعصي ابي ولاعاد حتتى بيسأل عليه واليوم وصللت معه انو مدد يدده ويحيين كاان محمد هكذااا كيييف كاان اخييي محممد كييييف

ميار بكييت ومن بين شهقاتها: الاا صحح محمد في الفتترة الأخيرة تغيير قوووي وبالاخص عليش انتيي ي وتييين

كملت تلبس العباية والجلباب وردت البرقع (نقاب) على وجهها وخرجت بإتجاه....... 

@rewayatyamania المصدر الأول للروايات


في بيت آول مرة نذكره...

بعد ماقربوا العشاء وفوق الطاولة الفخممة والعشاء من كل ماتشتهي النفس جالس هو وعمه وعمته اللي الذهب معبي يداتها

ابو مازن (وليد) بغرور: يعني بنت أصغر منك بـ سنتين وتنرفزك هكذا


/channel/+Ecxq_OzMYh40M2E0




📚 @rewayatyamania  🇾🇪

روايات يمنية📚🇾🇪

16 Oct 2024 21:05

.

البـارت 1 ☆

#في_خبايا_الظلام_تعلمت_القوة_من_عينيها
#للكاتبة_تولين_سنحانية

👌🏻👇🏻 😍
📚 @rewayatyamania  🇾🇪


في بيت متوسط ومتواضع وفي قلب مدينة ذمار

بترتب المجلس وبتتحلطم: اييش من أصحااب هولا والله كأنهم جالسين في حوي مش مجلس شلوهم الجن الحمر

بضحكة من خلفها: اصه للقانة ايش الجنان والحلطمة ي نرجوس اشتحطي

لفتت له بحدة: كمم جهددي أخددمك ومابتلاقيني الا انا وكله علاسب اصحابك هولا المعفنين

دخلت ميار وبتضحك: نرجس ماالش بتصيحي

بسرتها بريحمه: ابسري ايش بيخليني افعل  انظف زبالته هو واصحابه ومش اي زبالة قد هي شركة قمامة

ضحكووا منهااا وهو قرب وقرص انفها: خلي وتين تضوي من العمل وشااشكيش لها يا كسلة ياام لساان

نرجس بحده: ماتفجّع وتين حقك هذه

ميار وعمار بصوت: اهاااااا وانتي لا بسرتش بنظرات بكيتي

فك لها وتكلمت بكذب: ويحيين افتجع من وتيين هذذه بالعكس هي اللي تفتجع مني وتفتجع لو اشكيها ل ابي ومحمد

فتحت الباب بهدوء لما سمعت صوتها وتكتفت بتتأملها بتحش عليها وشبه مبتسمة

عمار وميار بسروا وتين وضحكوا على نرجس اللي مقفية ومابتبسر وتين وماحست بـ فتحة الباب

وبتتكلم: اصلا ابسروا لما اهددها عتكلم باباه والا محمد بتصرفاتها علينا ؛ كيف تفتجع وتكلمني... نررجس يااروحي لاتكلمي ابي انا آسفه خلاص
ورفعت اصبعها بسرتوا بسرتوا من اللي بيفتجع انا والا هي

عمار بنذالة: طيب لو تسمعش وتين بتتكلمي عليها هكذا الآن

نرجس نفخت قصتها بغرور: اها تسمع مايهمني تحشها هتلر

ميار بتضحك: ابسري وراش ياشجاعة

قطبت حواجبها ولفتت وبسرت وتين وتجممممدت وابتسمت بربكة: هه هه هههههه

بتتأملها وبتتحيلا لها: والله وكبرتي وبتتكلمي على اختش الكبيره في غيابها هاا وجي لك للحش والتأليف

نرجس بكذب وقربت لاعندها: هههه انا انا بين امزح هم هم اتحدوني اتكلم عليش هكذا لاتصدقي

مسكتها من اذنها وبحدة:  قلت لش تفلّتي (تتركي) هذا الطبع قد عمررش 15 سنة ولا عقلتي

نرجس: أييي أيي هههه تما تماام فكيي ياجلفة قلعتي اذني

عمار وميار ضحكووا عليها

عمار بلقانة: هههههههههههههههههه والله يانرجس طلعت وتين خوافه قووي

وتين ضحكت: هههههههههههه  وانتوا لاعاد تجننوها مش انتوا داريين بـ عقل نرجس اللي اصغر منها

نرجس بسرتهم بقهر وخررجت

ميار لفت ل وتين: مااشتريتي لنا

وتين: اشتريت زبادي وروتي وفول

عمار بحدة: ليش تسيري انتي للبقالة كنت شاسير انا وبعدين مش انتي دارية بـ محمد لو يدرا ايش عيفعل

عطتهم ظهرها وخرجت وهم لحقوها: ايش عيفعل محمد هذا يحشها ماهو من حين خطب نسي ان احنا اخوته وانا مش بحاجته وشاانتبه لكم افضل منه وهو خليه عند عمممه ولييد

ميار ببحة بكاء: وتيين انتي دارية ابي تاعب بالقلب ولو يدرا انش انتي ومحمد في مشاكل لايغثى ويتعب مالككم يااخوتي كل واحد عيأكل الثانيي

سكتت بقهر وخطيت تفعل العشاء ومدعممة ل كلامهم


@rewayatyamania المصدر الأول للروايات


في مــكان آخـــر

جالسين كُلهم فوق السفرة بيتعشوا

أم يوسف (مُهّاني): الصدق الصدق يا علي انا اشتي نرجع بلادنا ذمار ملييت من صنعاء واشتي اخطب ل يوسف من ذمار اللي مثله قد معه جهال

البنات بصوت واحد: لاا يمه مانشتييش ذماار

بسرتهن بحدة: اسكتين انتين والله لو تبسرين جمال ذمار لا تنسين صنعاء ومافيها

رهف: يمماااه وجاامعة خواتي كيييف وشغلي وشغل يوسف  ! 

ابو يوسف(علي) بصرامة: لا تقلقوا قد احنا في نهاية العام تكملوا السنة ونرجع ڤِلتنا اللي في ذمار وعلى كلام أمكن نخطب ل يوسف

سكتين بإقتناع وقاطعهن وصول يوسف

سلاااااام

لف له ابوه بنظرات: وييينك للآن ولا بطلت طبعك هذا تخرج وماترجع ولاترد على الاتصالات

ام يوسف بحدة: لاتقزز فوقه (تعصب عليه) هو كان في الرياضة 

قرب وباسهم على روسهم: اناااا آسسف كاان معانا مبارآة

ريما: الله يابرشلووني وصورتوا

يوسف بضحكة منها وهو بيجلس فوق الكرسي : ههههههههه لا ماصوررنا احنا بس تدربنا

ام يوسف وبتقرب لاتجاهه بحب: يووسف نسييت انك دكتور جامعي وعليك مسؤوليات وتحضيررات للأمتحانات

يوسف بإبتسامة: لاتقلقوا يا نور عيني وقتي بين أنظمه

رانيا: ولما نسافر ذمار عتواصل الرياضة وعملك

قطب حواجبه ولف ل امه وابوه: ويحين عنسافر وليش ماقلتوا لي

ابو يوسف: عاد احنا تكلمنا قبل شوية امك ماعجبتها صنعاء تشتي نرجع ذمار

يوسف لف ل امه: ليش وانتوا يمه مش لنا هانا ثلاث سنين

ام يوسف بضيق: والله ياولدي مالنا الا بلادنا  كُبرنا وتربينا فيها

يوسف بمقاطعة: وصنعاء بلادنا وانتوا داريين ان انا افتهنت (ارتحت) في صنعاء ومااشتيش ارجع ذمار

سكتت وبتفكر كيف تقنعه

ابو يوسف: ياابني كلام امك صح وبعدين اعمومك واخوالك وكل اسرتنا موجودين هناك واحنا هنا لحالنا مثل الغريبين

ضبح منهم و...





📚 @rewayatyamania  🇾🇪

روايات يمنية📚🇾🇪

16 Oct 2024 20:58

رواية في خبايا الظلام تعلمت القوة من عينيها للكاتبة: تولين سنحانية