Telegram-канал rewayatyamania - روايات يمنية📚🇾🇪: Unsorted

روايات يمنية📚🇾🇪

05 Jun 2025 21:21

.

البـارت 96 ¤

فـي قلبـي حكـايـة

👌🏻👇🏻 😍
📚 @rewayatyamania 🇾🇪

سيف: ها يمه انتي مش ناويه تتكلمي

فرح: ليش مابه

الحجة فاطمة: هو هذا اليوم الذي انا منتظرة له من زمان عشان افرح بش قبل لا اموت واشوفش مستوره و ع ذمة رجال

فرح: كييفف ومن هذاا ومتى وليشش ماتكلموني؟

سيف يحضن فرح: تطمني ياعيون عمش مابديش ليد شخص انا مااوثقش فيه خطيبش هو فادي

فرح تخزى وتحمرر وماعاد عرفت ايش تقول
بتتبسر حولها والكل بيضحك عليها

عمها علي: اخيرا ابسررت فرح تستحيي حركاااتت قد انتي عتتزوجيي

رغد وزينب يضحكين: ايووه قد فرح عروسه وبتستحي عاش من شافش تستحي يـ فرح ههههههههه

فرح وهي مستحييه: خلااص شلوكن ماحد عيفتك من لسانكن

زينب ورغد: ايوه ايوه مااحلاش وانتي تستحي هههههه ولولولولييي فررح عرووسسه هههههههههه

فرح ماقد استوعبت سوا الخبر تسير لعند امها
فرح: يمه ليش ماتكلميني ليش تقولي لي كذيه فجأة

الحجة فاطمة: عادي حبينا نفاجئش ولان الدكتور انتي تعرفيه وتحترميه وعارفين انش ماعترفضيه وقد وافقتي من قبل

فرح: ايوه صح ماكنتش عترفضه لانه نادر تلقي رجال نفس فادي

رغد: اهااا من ذلحين هذا وعادش ماقد وصلتي لعنده ههههه

فرح: اص اص انتي غر بنمزح

زينب ومنى: يلاه يلاه انتي اطلعي غرفتش ورتبي نفسش وابسري ايش ناقصش واحنا عنديه لش

سيف: وعلى فكره اعملي حسابش ان به نظره شرعيه يـ حاليه هههههه

والكل يضضحكك ويقولين ايوه النظره الشرعيه لانهم قدهم عيدوا حق الخطوبه وضروري يبسرش

فرح: لالا مااشتيش النظره الشرعيه ماشاقدرش

سيف: الا ضروري يبسرش ماينفعش ذيه الخبر

فرح: ياربي ايش هذاا

الحجة فاطمة: لاتخافيش يـا بنتي دام انا على قيد الحياه ماعيوقع بش شي

فرح تحب راس امها: الله يجبرررنا بعافيتش يمه ويحفظش لنا وتطلع الغرفه

@rewayatyamania المصدر الأول للروايات

فرح تدخل غرفتها وتغمض عيونها جنب المرايه وتقول: انتي يـا فرح الآن في حقيقة او حلم احس ان انا في حلمم يووه ياربي وترمي نفسها فوق السرير وهي تضحك وفارحه هذا الذي ماكنت متوقعه له وكنت اتمناااه 😭🤍 واخيرررا الشخص الذي تمنيته اليوم بيكون حلاليي
ياالله محتاجة أحد اعبر له عن فرحتي محتاجة شخص اقول له اخيراً تحقق منايا وين بسمة وييين
شلت تلفونها وتتصل لــ بسمة

بسمة: الووو ايش قد معشش من صباح الصبح يا بنت

فرح: قومي قومي سرييع يـا بسمة

بسمه: بسم الله ايش فيش يا بنت مالش

فرح: فادي يا بسمة فادي

بسمه: ماله فادي ايش فيش يا مجنونه ماقد به

فرح: بسممممة اليوووم خطبتي اليوووووم تخيلللي

بسمة صاحت: ايشششششش خطبتش كيف ومتى وليش ماتحاكيني

فرح: أنا ساعش عاد انا عرفت الآن ماتتخيلي كيف أنا لحد الآن مش مستوعبة

بسمة: فررررح كيف هكذا

فرح: والله يا بسمة هذاا الذي حصصل وهذا الذي وقع واليوم خطبتي وعادني دريت ذلحين ياررربييي خلاااص يا بسمة احسس بموووت

بسمة: فهميني كيفف يا كلبة

فرح: هو تقدم مرة ثانية وهم كانوا ساكتين عشان يفاجئوني ماكنت متوقعة يووه ياربيي

بسمه: خلاص اهدأي يا مجنونه والحمدلله الحمدلله قد ربي عيجمعكم مع بعض وبحلاله وتعيشوا حياتكم بسعادة ومع بعض

فرح: الحمدلله ماااتتخيلي كمية السسعادة الذي انا فيها

بسمة: بسس خباله خليشش ثقيلة شويه عيقولوا كرهاً انخطبتي هههه

فرح: ايوه ايوه انتي ماتتخيلي هذا الشي الذي انا فيه شعورر بسعاادة يوم يكون حلالش الانسان الذي تتمنيه كيف اوقع ثقيلة مااقدرررررش

بسمه: ماالومش والله لو كنت مكانش كنت بفرح واجنن اخس منش هههههه وهذا اليوم مايتعوض افرحي وعيشي حياتش

فرح: لا وايش الذي زيد ابشرش قالوا يشتوا نظره شرعية

بسمه: هههههه اخيرااا عتنحطي في الموقف الذي انحطيت فيه هههههه

فرح: مش وقت التشفاي الآن ياربي خايفه مدري شعور ملخبط

بسمه: الله لايحرمني منش ولا من السعادة الذي انتي فيها

فرح: الحمدلله الله عوضني بالشخص الذي احبه وخلاه حلاليي وان شاء الله يكون لي العوض لكل الذي توجعت في حياتي

تدخل عليها رغد

رغد: من بتحاكي ي بنت

فرح: بسم الله كوني دقي الباب يا بنت بين احاكي بسمة

رغد: يوووه مسسرع ماتقدريش تخبي شي انتي

فرح: مااشيي بسمه قدهي الروح حقيي مااقدرش اخبي عليها شي

رغد: الله يديمكن لبعض

فرح: آميين يارب

بسمة: من تيه الذي بتتحاكا رغد او من

فرح: ايوه رغد

بسمة: سلمي عليهااا قووي سلمي ع امي وسلمي عليهن كلهنن قوي مني

فرح: الله يسلمش ، يلااه بيننا بعدين

بسمه: يلاه تمام اهم شي اشتي كل شي تكلميني به

فرح: من عيووني ولا عليش الا كل شي يوصلش

بسمه: ايوه يـا فرح ارجعي قولي لي كيف عتصلحي شعرش وماعتلبسي

فرح: والله انا متوترة ومش عارفه ماالبس وكيف اسوي شعري ، عادني عتصور لش واستشيرش بكل شي

بسمه: طيب تمام

📚 @rewayatyamania 🇾🇪