روايات يمنية📚🇾🇪

10 Jul 2025 22:01

.

البــارت 36 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


في اليمن بيت جدها..

سندس داخل الديوان بتكنس وشافت قوارير فاضية مرجومات في زاوية سفال الديوان مابين الجدر والدولاب حق المكتبة دخلت تكنس

دخلوا اصحاب خالد الاثنين بيمشوا لعلاو الديوان ومابيشوفوا الاول بعد الكوت والثاني بعد الجمبية

سندس كاتمة نفسها تشتي تصيح تبكي تهرب متجمدددة ماسكة شعرها ووجهها وتكلم نفسها (انا كل مرة محجبة مالي اليوم)؟؟؟

كرم جلس وبيششوف كأنها ارجل هانك واحدة

سام: الحمام خارج صح؟

كرم: ايوه وبيصغر عيونه يستضي هي حقيقة بنت او تمثال!! نفس الحركة ماتحرك

سام منشغل ماسك التلفون بيدور الارقام ومابيشوف شي غير تلفونه خرج

كرم قام لنص الديوان بيشوف الارجل بتتحرك شويه والوسادة بترتفع وتنزل

سندس بتشوف من الطرف شوية شافته بيقرب صاحت: يماااه ..وهربت لخارج

كرم قفى بسرعة وقدو ميت خوف من صياحها وكيف خرجت فجأة وهو عادو شاكك

خالد دخل من خارج الشارع ماشاف سندس لما هربت دخل وهو بيشوف كرم

كرم مصفر يابس متصنم واقف في نص الديوان وبيتنفس بسرعة

خالد: مالك؟؟ كرم ؟ تاعب !!

كرم: يااخي الله لاجعلها مسية قسما الاشتباكات كانت أهون من اللي وقع

خالد: ماوقع؟

كرم: مربيين اشباح في البيت انتوا او كيف

خالد: خير!!

كرم ماحب يحرجه وماحب يخبي عليه: ادخل اسأل البيت وادي لي ماء نشف ريقي

@rewayatyamania المصدر الأول للروايات

صفية وصلت بيت زوجها في غرفتها
بعد ماقطعوا الكيك وخرجين خواته وامه وو
عريسها: باسمش

صفية شافته وماسكة ضحكتها مبتسمة: خازية

عريسها بيتفرجها ويتحيلى لابتسامتها: انا علي

صفية: مبتسمة ماقدرت ترفع عينها تشوفه

عريسها: ماتعبتيش من هذه الباروكة اللي في راسش

صفية لفتت شافته: هذا شعري ايش من باروكة!!

عريسها ضحك: اخيرا نطقتي

صفية: ها انت عسب اتحاكى

عريسها: ايوه قالوا لي معك مرة لقنة قلت سهل

صفية ضحكت

عريسها: فستانش جميل تسريحتش انيقة وانتي بكلش حالية

صفية ضحككت

علي: مالش ضحكتي؟

صفية: مدري وداخل نفسها (مش متعودة حد يغازلني هكذا)

علي: اليوم جلسة تعارف مااعرفش شي عنش غير صفية لقنة مؤدبة حميش هذا اللي قالوا لي بس

صفية ضحكت: وانا مااعرفكش

علي: ماتشتي تعرفي وانا اقلش اسألي

كان لقاءهم عفوي تقليدي بس كله حب وضحك مناسبين بعض بقوة
.
.

في صنعاء..
وصلت أحلام بيت عريسها بعد ساعتين ونص انتظار في الشارع وبكيت وخافت

اخت زوجها طلعتها غرفتها: يوووه ماهو هذا المكياج قد وجهش كله اسود وازرق قلنا لش عنمكيجش احنا

احلام: ماكان فيه شي المكياج جلسنا ساعتين والرصاص بيطير من فوق السيارة ونزل راجع لافوق التاير الخلفي الاحتياط حق السيارة

اخت زوجها بمعاجلة: احلام مش وقت التهويل ذاحين هيا اغسلي وجهش تمكيجش

احلام: مابش داعي سبري هذا

ام زوجها: يابنتي بطلي عناد وانتين ادين فاين مبلل امسحين لها الشخبطة هذه

احلام مصدومة ليش الكل بيتفرج لها هكذا..

زوجها وصل: اطلع؟

اخته: راعي عادهن بيصلحين لها المكياج

زوج احلام: اي مكياج شاعيش مع مكياج او مرة

اخته: ناهي عتدخل والمرة بتمكيجها داخل عيب راعي

زوج احلام: هيا ناهي خلنها لكن امسكي ها ( بعد اللبس اللي فوقه وجلس بالثوب: انا نازل للحارة احرس مع اصحابي الدنيا حامية خارج.. نزل بسرعة

اخته: يووو يووو ارجع بغير جنان مالك يييي بتمزح

امه ونسوان اخوته (سلايف احلام): قلنا نزوجه يعقل مابش فايدة..
.
.

في القرية جالسة في المطبخ تعاون امها وهي مصدومة وماسكة وجهها

خالد دخل المطبخ: ادوا ماء (شاف سندس جالسة تاكل اظافرها متوترة وسارحة)

ام رنا: سندس مالش يابنتي بين اقل قد طرحتي الشاهي مالش

خالد شافها: مالش؟

ام خالد دخلت: ها يابنتي نظفتي الديوان

سندس شافتها وشافت خالد (خالد اللي كان يصيح فوقهن لو خرجين الحوش وماغطين شعرهن وباب الشارع مفتوح..الخ)

خالد انصدم شافها وبهرر

سندس شافته وقفت وهي مبهررة وبتتلعثم في الكلام: ي يي ي ياخالد

خالد: جي مااقلش ادخلي ادي لي وسايد

سندس خايفة يضربها خرجت وهي: والله مانا دارية والله ان انا كنت بين انظف الديوان هم دخلوا

خالد شافها وذكر كرم بيضحك وهو معصب: الله يقلعش انتي وياهم مالش ماتغلقي على نفسش

سندس: محد قلي انه عيجي حد قالوا لي نظفي الديوان

خالد: هو الغلط مني صدق نسيت اتحاكى ، شافها بترجف وخايفة: مالش طيب

سندس بكيت: افتجعت

خالد ضحك عليها: وهو مفجوع مافعلتي؟

سندس: صيحت وهربت

خالد بشوية غيرة على شوية تفهم لأنها قالت له مسك شعرها وشعفله على وجهها: لو بتمشطي الشعفلة هذه او تلبسي مصر فوق شعرش ماافتجع الرجال

سندس: وهو ماله يفجع حركاته جالس يفعل هكذا
بدأت تقلده بيمشي بالبطيء ويصغر عيونه يدقق للمسافة البعيدة عشان يشوفها

خاالد جالس يضحككك ماسك فمه..




📚 @rewayatyamania 🇾🇪

روايات يمنية📚🇾🇪

10 Jul 2025 21:59

.

البــارت 34 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


سندس دخلت الشنط..

جدتها بتشوفهن: هذولا حق رنا؟ جت رنا يابنتي؟

سندس بفرحة: مع ياجده خالد جاء

جدتها: يوه عيجبرني بعافيته ورنا تقلي مالها يابنتي ماتجي

سندس: الله اعلم ياجده اخلي عندكم دواير المكان حق شنط خالد اصلا حق خبرته مش حقه وحده

جدتها: تمام ، اربطيه عرض السلس اللي في رقبتي مع المفاتيح

سندس كملت وراحت تشوف ام رنا وتقل لها

ام رنا حست بغصة وجلس حسها عند رنا
.
.

في مكان ثاني عند رنا..

رنا: يا امير حرام عليك عاد انا طبخت لهم غداء واتفقنا الليل قلت لك اشتي اتصل لهم واكلمهم يعني ذلحين ازيد افعل عشاء

أمير: ايوه مايقع بش بطلي غنج ودلع هيا ، شاتصل لأحلام وادعيش تحاكيها

رنا دخلت المطبخ وهي بتكلم نفسها مثل المجانين يعني اخته يدعيني ويتصل وبيفرض عليا ولو بين افعل عشاء بس أهلي بيذلني ويدور ايش يشغلني به ليش هكذا ؟؟؟! انا مبعسسة؟ وبين ازيد بها والا هو طبيعي ، ماعد عرفت والله شي

امير اتصل لهم قال له ابوه يتصل بعدين

دخل للمطبخ واقف جنبها: يعني والله انها سماجة عرس الثنتين بيوم

رنا مربوشه وبتطبخ: عادي اختك عتسير لصنعاء

امير: ومالش غاثية انها سايرة صنعاء عيقرح قلبش دلا عليش

رنا: لاحول ولاقوة الا بالله بين اقلك عتسير صنعاء يعني قد خطيت ظهر

امير: ليش البصل هذا كله؟

رنا: قلت اقطع كل شي من مرة وبعدا اقسمه للطبخات

امير: ليش الغباء هذا تمي على طبخه طبخه

رنا: بين اطبخ على مايناسبني

امير: يعني ماتعرفيش وعاد انتي ماتشتي تتعلمي

رنا: واللي بين افعله كل يوم؟؟

امير: مدري قد بين اضحي باصحابي تجربي فيهم

رنا: كثر الله خيرك

امير بيضحك: زعلتي؟

رنا شافته بعد ماركزت عدة مرات: انت ليش هكذا؟؟ ماابسرش ابتسامتك ومزحك الا وقت ماتحرق دمي؟؟! لدرجة بين اشك انه مش مزح

امير بنظرات مستفزة بيضحك: كان ايش؟؟

رنا: احسك بالعاني مدري مابتطيقني او بتكرهني او يعجبك تحانك واحد وتقهره

امير بيضحك بصوت مستفزها

رنا معصبة وبتطبخ بضبح وبدأت تطلع اصوات الصحون والملاعق

امير ضرب على الماسة اللي وسط المطبخ: ناااهي دلااا بغير جنان

رنا: لو سمحت اخرج من عندي

امير: شاخرج لاني اشتي اسير افتح الانترنت وآخررر مرة تتحاكي معي بهذا الاسلوب مفهوم

رنا مطنشة وبتكمل طبخها وهي بتبكي وبتفكر في اهلها وبتحس بندم انها وافقت عليه بس منتظرة تتزوج صفية واحلام وتشوف هل كل اللي بيتزوجوا نفس طباع امير والا هي الدلوعه اللي مش قادرة تتأقلم على الزواج !!!

@rewayatyamania المصدر الأول للروايات

في اليمن..

اصحابه: يارجال زيدت البعسسة مالك ياسعم انها مش بلادنا سير انت فرح كريمتك وانا شاقابل اخي عيجي للشارع الرئيسي حق قريتكم قلت له يزين السيارة يجهزها نزف معاكم وارجع انا

خالد: يلا تمام انا فدالك يا كرم..

شاف سام

سام: حن هيا ، ماله هذا رجع هنا محترم

كرم ضحك: مدري

خالد طلع السيارة قفل وشغلها: والله احلى اصحاب... ومشي الكوافير وهو بيتواصل مع فؤاد يقله وين

في الكوافير اتصل لها: هيا اخرجي

صفية ماانتبهت على صوته مع اصوات السشوار والازعاج معصبة: احنا لابساااات تأخرتوا المكياج عيخرب هيا جي للباب انا شاخرج الآن

خالد: وكيف اعرفش قلدش الله لو امسك حريوة ثانيه

صفية ضحكت: ماارحمك يافؤاد صوتك متغير، انا بكيس اصفر كبير ومعي رفيدة فاتشه عتعرفها..

خالد فرح نزل وواقف: هيا اخرجي

صفية خرجت ومابتشوف نزلت فوق راسها ووجهها المقرمة

خالد أشر لرفيدة تسكت وبهرر لها

مسك صفية طلعها السيارة وغلق

صفية: ليش قدام لحد يبسرني

خالد مسك يدها وباسها

صفية استغربت من يفعل هكذا رفعت من وجهها المقرمة وصاحت: خااااالد يوووه ياخالد (دمعت)

خالد ضحككك: قلت لش اي حين عتخرجي شاديش انا ماصدقتي ماافعلش

صفية مسكت يده: هيا شلنا البيت ابسرك ليش جيت اليوم ليش ماجيت قبل، ماعد شاسيرش بيت الحريو

خالد ضحك: انا شاشل اختي بيدي واطرحش في عينه فوق راسه أوصيه ويبسر في عيني اللؤم لو فكر بيوم يأذيش والا يغثيش
.
.

بيت احلام(خرجتها بيت زوجها)

وصلهم خبر ان خالد جاء عشان يزف أخته

احلام: وامير شل بنتهم وخلاص نسته ان معه اخت رغم هو اقرب ويقدر يجي بسيارة يوم وهو هنا

امها: خلاص يابنتي لش القوا ارحمي روحش لاتزيدي توفي على نفسش

ابو احلام بيصيح: هيا الناس مراعيين عيب قلنا عنسير ظهر وغدوا وماسرناش كبيرة والله ماسبرت وكله من تحت راس دلع بنتش تشتي تتكوفر هنا

ام احلام: خلاص قوا طنش البنت مسكينة غاثية حين تفلتنا وتسير صنعاء

زوجها ضبح فوقها: اصاااه ماضرها الا انتي تبريرات واصل على الصح والغلط تبرري لها، رنا سارت خارج اليمن بكلها وقلتين سهل هنيت لها هيا ماتشتين يامرة محد دري لكن بطريق

اخته: ...





📚 @rewayatyamania 🇾🇪

روايات يمنية📚🇾🇪

10 Jul 2025 21:58

.

البــارت 32 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


اول ماخرجت ام رنا

احلام خرجت من غرفتها: والله لو يموتوا مااتزوج معها اقدم عرسي معها ثلاث ايام ليش

امها: سهل يابنتي تفعلنه الثلوث والربوع تتنقشي والخميس تسيري

احلام: مااشتيش استأجر الفستان يومين ومااشتيش اجلس مع حريوة ثانية  اشتي الزفة والناس لي وحدي

امها: تمام يابنتي لاتعصبيش مايقع الا اللي في نفسش
.
.

في بيت جدها..
صفية: يووه مااحلاني وانا محجبة (العروسة قبل عرسها بشهر ماعد تشتغل في البيت والمطبخ تجلس تهتم ببشرتها وجمالها بخلطات وعناية)

سندس: مافرقت عتسيري بعد رنا وانه نتداور انا ورنا

صفية: تداوري انتي ورنا صلِ ع النبي مالش بتفولي

سندس: يو غلطت قلت رنا حسي عندها فاقدة لها قوي

صفية شافتها وامتلت عينها دموع: وانا فاقدة لها قوي وغاثية انها ماعتحضر عرسي

رفيدة قرحت تبكي

صفية بتواسيها: يو يو ياسعم بكيتي اكثر مننا حين هي اختش

سندس: هي اختنا كلنا

صفية: تقلي هي واحمة؟

ام خالد وصلت من خارج: والله ان انا فاقدة لها قوي ها هذا كرت اسكه يابنتي اشحني لي في تلفوني شاتصل لخالد ورنا

سندس بعفوية: واصل واصل من صغرهم وهم ماندعي الا خالد ورنا سوا يااما يتضاربوا يااما تغربوا سوا

وجلست تبكي بكتهن كلهن

ام خالد مسحت دموعها وسمعت صوت خالد فرحت وابتسمت: ها ياابني يا امي وروحي كيف انت كيف صحتك

خالد: الحمدلله انا فدا صوتش يمه بخير

ام خالد بترفع صوتها وتتكلم عالي: مرتاح؟ بتاكل؟ بتنتبه لنفسك كيف القراية معك

خالد: كل شي تمام تطمني كيف جدي وابي واللي في البيت كلهم

ام خالد: بخير يلا شاغلق لايكمل الكرت اتصل لرنا..

خالد قفل وسمع رنا جلس يفكر كيف هي ومااخبارها ورجع لواقعه

@rewayatyamania المصدر الأول للروايات

في البيت

صفية: ليش بتصيحي يمه مابيسمعش؟؟

ام خالد: الا بيسمع انا صيحت؟؟

سندس ضحكت: قوي صوتش ملان البيت

ام خالد: بين احس حين هو بعيد مابيسمعني..!!!💔

وصلت ام رنا جلست ومدت رجلها: يو والتعب يااختي صغار او كبار تعبونا عمرنا كله بنلاحق بعد هولا الجهال

ام خالد ضحكت: هيا مراعية لش نتصل لرنا مستحية يرد زوجها

ام رنا مسكت التلفون: يو انا فدالش يااختي اسلمي قد انا فاقده لها

امير: الحمدلله ياعمه كيف انتي؟

ام رنا: الحمدلله وين رنا؟

امير: الآن وصلت من المدرسة

رنا مستغربة؟ وصلت قبل ساعتين ليش قال الآن: ها يمه كيف انتي...وبكيت

امها: الحمدلله ليش بتبكي

رنا: فاقدة لكم

امير سحب السماعة: ياعمه هي فاقدة لكم لاتقلقيش عليها مرتاحة وبتدرس ومفتهنة تطمني حتى قد سمنت ماشاءالله

رنا مستغربة وبتتفرجه !! اي حين سمنت وهي نحفت وعادو بيقلها ليش ضعفتي هكذا قدش عظام تفجعي

سحبت التلفون منه مرة ثانية ومسكت نفسها من البكاء: كيف انتين اي حين العرس حق صفية وين هي احاكيها؟؟

امها: اشر الكرت يابنتي انا شاتصلش

رنا شافته: اشتي اتصل لهم

امير: راعي اعبي رصيد

رنا مراعية بحماس

امير وهو بيعبي: مش تتعودي على الدلع والغنج هذا مابلا حين معهم عرس

رنا: سهل لو مابش معك رصيد معي زلط اشتري لي كروت واطرحهن اي حين مافقدت لهم اتصل

امير لفت لها بنظرة وبعصبية: حد حاكاش انه على الزلط والا اشتكى لش؟؟

رنا: مااشتيش اخسرك

امير بمسخرة مد لها التلفون: ناهي تخسرني..

رنا: ها يمه..عمه كيف انتي

ام خالد: الحمدلله كيف حالش ظنيت انش خالد ابسرت رقم دولي

رنا كانت باتغلط وتسألها كيف خالد: كيف خ .. سكتت شويه جده

ام خالد: هاه؟

رنا ارتبشت: بيقطع الصوت كيف جده وصفية وين هي

ام خالد شافت صفية دخلت الغرفه: رنا جي حاكيها

صفية مشيت بسرعة: رنا كيف انتي ياروحي وحشتيني لاغيبش...

جلسين يتكلمين ...الخ المكالمة
.
.

في ماليزيا بعد العشاء وهم فوق السفرة

كرم مد يده: عن نفسي بحق هذا العيش والملح اللي بيننا ان انا مالحقتك ولابلغت وانك اخ والنعم فيك و

خالد قاطعه مسك يده: خلاص يااخي هي توقع سوء فهم وانا معصب ومافكرت المهم مابش شي سامحنا الله جميعاً ويديم العيش والملح والمعروف بيننا

خالد: اقلكم ايش الموضوع كان الشباب مجهزين خطة نقضي على الجماعات اللي مش متمسكه بالدين ، انتشر الفساد والضياع ونشتي

سام قاطعه ووقف بصدمة: بغير جنااان لااتقليش انك كنت مع الافغاني هذك انت داري ايش قد وقعت من مشاكل وقد احتبسوا خيرات لاتضيع نفسك ومادخلك

خالد: هم ادوا لنا خطة انا وصاحبي الليبي وكل واحد في بلده يوصل الخطة هذه وهم يديروها من هنا

كرم: ي خالد اعقل عاد احنا تصالحنا مااشتيش نتضارب

خالد: انا لنقطة وصلنا لها مااقتنعت كنت مفكر شي وطلع

سام: امسح ارقامهم من تلفونك وفرمته وانكر انك شفتهم ولو لقيتهم تهررب لوما ينسوك

خالد: مالكم فجعتوني مابه

كرم جلس يشرح له ويوضح..





📚 @rewayatyamania 🇾🇪

روايات يمنية📚🇾🇪

09 Jul 2025 19:42

❤️

بـارتـات يـومنـا الاربـعـاء 👆🏻😍

روايات يمنية📚🇾🇪

09 Jul 2025 19:41

.

البــارت 29 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


رنا: ساكتة

امير شافها ضابحة: ماقلتي اول تشتي تدرسي؟

رنا: ايوه

امير: والبيت لمن؟

رنا: شارتب نفسي واجهز لك اكل الليل والصبح انت تسير عملك وانا المدرسة

امير: بس مايعجبني تختلطي بحد هنا ولاتسيري مكان

رنا: تمام موافقة ماشختلط بحد بس اسير المدرسة وارجع

امير: شابسر بكره لو وافقوا تسجلي

رنا فرحت: تمام
سمعوا رنة جرس الباب

امير: يلا وصلوا اسير ادخلهم وارجع تقربي..
.
.

بعد عشر دقايق..

امير شاف الأكل لما قربت غير لما شاف في المطبخ فكرها ماسوت شي

سفرة طويلة عريضة فيها كل شي مرتب والاكل ملان

كان مستغرب وجلس داخل نفسه يأنبه ضميره كيف عاملها قبل مايوصلوا..

@rewayatyamania المصدر الأول للروايات

في ماليزيا..

راجعين بعد الفجر..

خالد متحمس معهم: والله صدق ايش فايدتنا من الدراسة لازم نسوي شي نغير الساكت عن الحق شيطان اخرس..

شافوا الشرطة في الطريق بانت عليهم ملامح الخوف والاضطراب والتخفي والمشي بطريقة مشبوهة

الشرطة جت لاعندهم ووقفوا يسألوهم عن هويتهم

لانهم كانوا مجموعة جلسوا يتفرجوا لبعض واللي يخرج بطاقته ويردها واللي ينتظر الأذن من الثاني

خالد خاف شاف الشرطة واقفين معهم مشي ويداعوه وهو مطنش

الشرطة شكت فيهم ومسكتهم كلهم: تعالوا للتحقيق

الكل شافوا لخالد بنظرة غضب وتوعد ..الخ


وصلوا القسم وتم التواصل مع السفارة

والسفارة من اهمالها اتصلت برئيس اتحاد الطلاب اليمنيين يشوف ايش المشكلة

في القسم وصلوا شباب طلاب يمنيين

خالد اول ماشاف صاحبه اللي حذره مشي وهزره من الشميز: انت اللي بلغت علينا صح؟؟ ليش هكذا؟؟ مامعك مني ماعليك؟

الشرطة فرقوهم

صاحبه بنظرات ضبح: والله انك غبي فكرتك اذكى من هكذا واعقل

رئيس اتحاد الطلاب مسكهم على جنب: انا مرسل من السفارة اعرف ايش الموضوع واحد يكلمني ايش حصل

خالد يشتي يتكلم

قاطعه رئيس الشلة حقهم وبهرر له: انا شاتكلم يكفي اول تضاربتوا

خالد سكت بعد ماشاف نظرات الكل

رجع يكمل كلامه: يااخي انا اسمي سام خرجنا نلعب وبنفعل مقالب في بعض وهو فعل فينا مقلب عشان نمتسك وهرب

رئيس اتحاد الطلاب وقف بضبح بيتفرجهم كلهم: يعني جايين متغربين من بلادكم لهنا عشان تمقلبوا بعض آخر الليل في الشوارع العامة؟؟ يعني السفارة لو تعرف ان الموضوع بايخ لهذه الدرجة تتوقعوا ايش عتفعل؟؟

خالد بدأ يتوتر يشتي يتكلم

شافه سام واشر له وبهرر: رجاء ياخالد اسكت اجلس عنتفاهم احنا

بعد نقاشات ووساطات وتدخلات من السفارة ووقعوا تعهدات خرجوا ثاني يوم

خالد اول ماخرجوا: ليش كذبت؟

سام ضحك وبياشر للبقية: شكلنا ودفنا والله حين دخل هذا بيننا مالك رجعت هكذا مابتفكرش سوا

خالد: تعرف ايش قالوا داخل لو كذبنا ولو ولو ووقعنا على عريضة تعهد

سام بنظرات استخفاف: كلام عينسونا ولو وقع شي نسير قسم ثاني المرة الجاية

البقية ضحكوا...

خالد وصل السكن وفي نفس الطابق حق صاحبه اللي نصحه وتضارب معه..

كرم: هاا افتهنت جيتوا تلعبوا مقالب

خالد: مادخلك انت ، احلف يمين انه هو انت اللي بلغت

كرم: انت مريض مالك غسلوا راسك ماكنت هكذا؟؟ كنت انسان واعي ودقيق في تصرفاته

خالد دخل غرفته: مادخلك..قفل
.
.

في بيتها

امير: صباح الخير خليتش ترقدي للساعة عشر هيا تحمدي الله؟؟

رنا: ايوه اصلا انا للساعة ٣ فجر اغسول الصحون حق العزومة

امير بضحكة: خلاص شاغديش اليوم خارج لاتطبخيش وتتعبي

رنا فرحت: تمام

امير: وسجلتش في المدرسة عتداومي من الاسبوع الجاي

رنا بفرحة: الله يعني قبلوني

امير: ايوه بس عادهم عيفعلوا لش اختبار تحديد مستوى

رنا: سهل..

امير: هيا بس رقدة شاخرجش المول وللظهر نتغدا ونروح

رنا قامت: يلا تمام

امير بعد نص ساعة: عادش ماجهزتيششش؟

رنا: يلا خلاص بس رفعت بسرعة ال..

امير عصب: ترفعي وانا مراعي ومفلت اصحابي عشانش؟؟ هيا اجلسي رفعي براحتش ماعد بش خرجة..

خاطرش..خرج وقفل الباب

رنا مصدومة!!!!
ايش حصل قدها لابسسسه ليش عصب؟ عادو صبح يعني بدري على الغداء يعني مش وقت يعصب؟؟


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

09 Jul 2025 19:40

.

البــارت 27 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


مشي من جنبه عجوز وقال له: (بتعصب على اختك ليه؟)

رنا ضحكت عشان قال اخته

امير: فارحة هاا

رنا اشرت بحواجبها: ايووه

امير هدأ شويه من شافها جالسة بتتفرج للناس وتهرب بنظراتها منه وكأنها زعلانه خرج تلفونه: تشتي تتصلي لاهلش

رنا بعد ماكسفها حست بنقص وكأنها بتشحت منه: لا

امير ضحك: حانقة تدحسسسي وقت الصدق ولما انا فاضي

بنبرتها بيقلد ( لأ )

رنا بتتفرجه وتتفرج البناات اللي كانين بيشيشين روحين عشان كذا فضي لها: يلا اشتي اروح

امير طرح القصبة: وهذه حرقت ، احسن شي هيا

رنا مشيت وبتسمع العاملة بتكلم العاملة الثانية: ابتسامتها حلوه

امير سمعهن ابتسم ومسكها: ماعدلا يزيدين يتغزلين فيش البنات

رنا: معهن نظر

امير بممازحة: قصدش ان انا اعمى وضحك

رنا مطنشة وبتمشي

امير: يوووه مااحلااااش وانتي حاااانقة هادئة الله الله

@rewayatyamania المصدر الأول للروايات

في اليمن بعد ماسارين النسوان

احلام ضابحة

ابوها: مالش؟؟

ام احلام: حاكي ابوش

ابوها: ماهو

احلام: ماعجبنيش طبعه

ابوها ضحك: مانفعل نرده لابوه

احلام: ايوه

ابوها تغيرت ملامحه شاف لمرته: ماحصل؟؟؟

احلام: تخيل يابه وصل يتشرط مايشتي فستان هكذا ومايشتي يقطع كيك وخرج بسرعة

ابوها: طيب وايش حصل

احلام: هذا اللي حصل

ابوها: بعقلش انتي والا بتجنني؟

احلام: ايوه مافيها كل البنات بيفعلين هكذا

ابوها: بغير جنان قلك بنات اصلا ماكنت راضي للمسخرة هذه الا انتي زيدتي الرفاس وقلتي خواته طلبين

ابوها: والله انه عجبني وزدت احترمته اكثر

احلام ضبحت ودخلت غرفتها

ابوها: جهزي طلباتش للعرس

مرته: عليهم الكسوة والذهب

ابو احلام: ايوه باقي تفاصيل العرس علينا بكرة نخرج نحجز

رن تلفونه جاوب: اهلا حياك الله

بعد سلام وكلام

ابو رنا: اشتي رقم امير

ابو امير بعد ماجاب له الرقم: اي خدمات

ابو رنا: اسلم الله يبارك فيك

غلق التلفون
.
.

في الفندق..

امير: اهلا ياعم كيف الحال والله عاد احنا كنا بنتصل لكم بس حين احنا خارج ازعاج

ابو رنا: هاه كنتوا خارج

امير: ايوه قلت اعوضها حق ماجلست سنة لازم اخرجها وادخلها وبيني وبينك ياعم احنا سرنا مصر قلنا نفعل اسبوع هنا وقد احنا راجعين اليومين هذه

ابو رنا فرح: الله يحفظك هيا ادي البنت نكلمها بسرعة امها فقدت لها

امير ناولها

رنا سمعت صوت امها وبكيت: فقدت لش يمه فقدت لكم كلكم

امها: كيف انتي مرتاحة بين اقلق عليش لاتصلتي ولاشي

رنا: الحمدلله مرتاحة تطمني بنخرج ونرجع متأخر وشلينا شريحة متأخرين

امها:يووه الحمدلله بردتي قلبي الله يحفظش

قطع الاتصال خلص الرصيد

امير ضحك: مالش مفتجعة مني عادي حاكيهم ان انا ماخليتش تتصلي

رنا بتتفرج له بابتسامة حرب باردة بدون رد

امير: تحاكي مالش او خايفة مني؟

رنا: ليش اخاف؟ ياسعم ماعتفعل بي لو تكلمت !!

بس لو تكلمت شاقلقهم على شي تافه عناد ومحانبة بيننا
وبعدين امي علمتني اي شي بينش وبين زوجش مايخرج الا قدو الصدق بعكسك انت وقعت اخس من الجاهل اول مااتصلت لامك جلست تشكي لها وكان انا قتلتك

امير حس بصرعة من كلامها اللي مفكرها جاهلة غاوية جالس يعاملها بشدة ورخاء عشان يعودها على كل طباعه مثل ماعلموه اصحابه

رنا: مش خوف لو خايفة منك كنت قلت لهم ان انا خايفه منك واشتي ارجع

امير بيهز راسه وبيستوعب كلامها: طيب وايش؟

رنا: ايش يعني اتحاكى؟؟

امير: ايوه

رنا: ليش بتقول عليا نكدية؟ اذا انا نكدية انت ايش؟

امير: انا متحمل النكدية

رنا : مش مضطر ع فكرة

امير: ماافعل طيب

رنا: اللي تشتيه مثلا امس قلت لي والا ارجعش بيتكم تشتي ترجعني موافقة

امير شافها بنظرات: بس خبالة عاد انا بين اقل انش عاقلة والكلام اللي قلتيه اول كلام عاقلة

رنا: براحتك انت تشتيني عاقلة او تشتيني خبلا .. ياأما عشنا باحترام يااما رجعني بيتنا كنت عايشة باحترام رغم اني اصغر من في البيت

امير خاف من جدية كلامها..بممازحة: بطلي خرط رفيدة اصغر منش

رنا: انا قلت كلامي مابش داعي تصعب التعامل هكذا بيننا خليك مثل ماكنت ومثل ماوعدتني ايام العرس ايش غيرك؟؟؟

امير: مدري انتي بتكلميني وقت ماانا معصب قلت لش اول مااصحى مااشتيش تكلميني وانا جاوع مااشتيش تكلميني اختاري اوقات مناسبة

رنا: كل اوقاتك مش مناسبة اقلك شي انت لما تحس نفسك رايق تكلم انا ماعد شتكلم بشي

امير باسها فوق راسها: خلاص انا آسف وانا موافق على كل اللي قلتيه والله من صدق ذلحين نجهز الشنط وبعدا عنسافر ونستقر ونتفق هانك بيتنا ع راحتنا تفهميني وافهمش ونتعود على بعض

رنا: ان شاءالله
.
.

بعد اسبوع وصلت المكان اللي بيستقروا فيه( السعودية)

امير رجع من الشغل: ...


/channel/+Ecxq_OzMYh40M2E0



📚 @rewayatyamania 🇾🇪

روايات يمنية📚🇾🇪

09 Jul 2025 19:38

.

البــارت 25 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


رنا: في شي اسمه احترام مشاعر مرتك يعني ماتفكرش ان انا اغير او لا؟ لو انا فعلت هكذا وتبسرت الشباب وقلت لك ماشاءالله سبحان الله ماخلق

امير عصب وقف: قومي سديتي نفسي قومي حق من يرجعش بيتكم قلك شهر عسل نكدية سديتي نفسي حاسب وخرجوا

رنا مشيت وهي ماسكة نفسها

وصلوا الفندق

امير: افتهنتي خربتي يومنا!! كيف ماتستحيش على نفسش وتقلي لي تتبسري عيال

رنا: ماتبسرتش قلت لك لو افعل ساعك

امير: والله لاكسر راسش

رنا: ليش انت عادي؟؟

امير: طبعا انا عادي انا رجال بس انتي ايش

رنا: بس عند الله مابش فرق بين رجال و مرة عنتحاسب كلنا سوا الغلط والحرام على الكل مش رجال ومرة مع

امير سكت شوية: آخر مره تقلي هكذا والا والله ماتبقي على ذمتي دقيقة

رنا داخل نفسها احسن

امير: بتسمعي

رنا: ان شاء الله

امير اتصل لامه

ام امير: اخيرا ذكرتنا لو عتسير الصين ان قد وصلت لو مرتك هنا انك اتصلت اول ماوصلت

امير: مابش معي شريحة ولا رصيد وصلنا تاعبين رقدنا

امه: كيف انت مفتهن ذلحين مرتك عندك

امير: ياسعم

امه: ليش ماقد حصل

امير: نكد وهرم ودحس وجنان وحريق دم

امه: ليش مالك؟

امير: ولاشي نكد نسوان المهم انتوا ماخباركم اي حين عيجوا

امه: بكرة العصر ، اين مرتك ادي احاكيها

امير بنظرات ضابحة ونخفرة: جاوبي

رنا شافت مش وقت عتاب على الاسلوب والاتصال دولي شلت التلفون وبتتكلم طبيعي: مساء الخير ياعمه كيف انتي واحلام وعمي

ام امير: بنقل عتسيري تسنديه وتوقفي جنبه ماقد لكم يوم والا هكذا تنكدي عليه

رنا: اي حين نكدت؟ شافت امير ايش حصل؟

ام امير: قلي لي انتي ماحصل؟؟

رنا شافت امير: مالك ايش قلت لها؟

امير: قلت لها على نكدش وهرمش كيف خربتي يومنا

رنا ناولته السماعة: طيب طالما هكذا اشرح لهم الموضوع من اوله ليش وكيف

خلص الرصيد وهم بيتكلموا

@rewayatyamania المصدر الأول للروايات

في بيت اهله
ام امير: هاا احرقت دم ابني بدأت تنكد عليه يعلم الله مافعلت ياهمتاه لها

احلام: كانت هنا احسن

ام امير: وحين قلها تحاكيني رجمت له التلفون

اتصل تلفونهم مرة ثانية

ام امير متحمسة جاوبت بسرعة: عتحاكيني مافعلت مرتك؟

ام رنا: مساء الخير

ام امير بضبح: مساء النور

ام رنا: يا اختي طمنيني قد وصلوا ؟ محد اتصل مراعية جنب التلفون من امس

ام امير بضبح ونرفزة: ايوووه وصلوا اتصل ابني صوته يفلج القلب ضابح قال نكدت عليه

ام رنا: هيا ناهي قلك نكدت عليه يعلم الله مافعل ابنش ماعتنكد من راسها هكذا خورة وليش يتصلوا لكم ومايتصلوا لنا

ام امير: اتطمني وصلوا عيتصلوا لش

ام رنا: خيرة الله يلا مع السلامة

ام امير: بكرة جوا عندنا العصر خطبة احلام

ام رنا: ان شاءالله.. قفلت

ام امير: شكلها كانت دارية الظاهر قد قالت لها رنا

احلام: انا قلت لاتحاكي حد ، سعما صفية بتخبي

ابوها: يا بنتي مالش قد طبعش هكذا ساع جدتي ماهو ماحصل كنتين خوات مالكن صلين على النبي
.
.

في الفندق

رنا: اشتي اتصل لامي

امير: ساع ما سكتي وماحاكيتيش امي

رنا: هي سألت مالك وانا مادراني مالك ايش من نكد

امير: اللي فعلتيه

رنا طنشته وقامت رتبت ثيابها وقامت تصلي

امير فتح للفندق وناوله عشاء خاص بخدمة الفندق وفيه مزهرية فيها ورد

شافها بتصلي ذكر بداية اليوم وهي بتضحك ولما عصبت حس انه من حقها تغير وانه كان معصب لانه جاوع شل الورد وهي بتسلم من الصلاة لفتت له شافته واقف

امير: ناولها

رنا مصدومة بتشوفه ، عادو صيح !! ايش حصل

امير: انا لما اكون جاوع اعصب

رنا داخل نفسها (ليش انت وحش ترجع شخص مفترس لو جوعت)

رنا كملت تسلم من الصلاة شلت الورد وطرحته في الماء
( هنا مكانه لما يخرج من الماء يموت)

امير: سهل يفداش تموت عشانش ألف وردة

رنا (ما اسهلها عندك يعني يمكن انا بالنسبة لك مثل الوردة المسكينة هذه اللي قطفت وابتاعت ووصلت ليدك عشان تموت فدا لي !! ، معقول يجي يوم من الايام تستغني عني مثل الوردة هذه!! ليش انا في اول ايامي معك ومش حاسة بالامان اللي بيقولوا عليه والطمأنينة اللي بتحصل بين أي اثنين)

امير شافها متوترة ماحب يعمق الخلاف قام: هيا البسي الفستان اللي كان في يدش الصبح بتعلقيه وتعالي نسهر سوا
وننسى الزعل

رنا قامت رتبت ثياب الصلاة وخرجت فستان

امير شافه و غير ملامحه بقزازة: هذااا !! يع ايش الذوق هذا ؟؟ منش صدق عتلبسيه

رنا شافت الفستان مصدومة ايش فيه انيق جدا فستان اسود باكمام شيفون لفتت له

امير: ماعجبنيش

رنا بانت ملامح زعل عليها

امير بضبح: خلاص البسيه

رنا: لا عادي

امير: البسي هذا

رنا شافت اختار شي عادددي بينها وبين نفسها (يمكن لانه قد شاف بنات كثير ماعد...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

09 Jul 2025 19:36

.

البــارت 23 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


فوق السيارة خارج

امير: بدري لذلحين امسي عندهم لاعد ترجعيش احسن

ابوه: خلاص اهدأ

امه: عيب الناس يراعووا

رنا: كيف يراعوا عادو ظهر والعزومة غداء

امير بصياح: ماعتمشيناش على مزاجش

رنا سكتت حاولت تستمتع من الطاقة باجواء العيد في الشارع

مبتسمة من الطاقة بتشوف جهال العيد بنات لابسات شنط العيد وبيعدين العسب (العيدية)  والعيال بيصلحوا المسدسات ويقرحوا

شيبات جالسين يتسالموا على الرصيف

شباب متحمسين بملابس العيد الملونة والجل والمشطة تذكرت طفولتهم ولعبهم وكيف العيد هذا بارد مش عيد

قاطعهم صوت ابو امير: ذلحين اخوش ليش يشتي يحرجنا قبال الناس نسد اول وحدنا

مرته: مابش احراج هي تخزينة عادية بعد الغداء وانت ابسر الولد كيف هو وبعدا نسأل عليه ونرد لهم نابي

امير شاف احلام بالمراية: والله لافصفصه ساع الجن ابسر كيف هوو يستحق اختي او مع

لفتته بهراره ونظرتها في المراية

رنا بصدمة: هي آخر من تعرف؟ احلام اللي كانت صاحبتها باتنخطب؟؟

احلام بصوت واطي: مادريتيش تقدم لي واحد ابن ناس مرتاحين ايش الناس وانا الخبلا اللي كنت شاصدق واوافق بخالد اللي مابش معه شي عادو يرحم ختمت كلامها بضحكة مستفزة (ضحكت)

رنا ضحككت وبصوت واطي: والله انش ترحمي من شعب لش بفكرة ان خالد يشتيش او عيخطبش هم بيضحكوا عليش كانوا بس معه واحدة يحبها وعيخطبها
.
.

في غرفته قبل السفر

صفية: كيف تقل لامي تخطب لك والبنت اللي حاكيتهم عليها؟

خالد: اهلها رفضوا قالوا ان عاد انا طالب ومش موظف وتشتي الصدق عادي هي كانت زميلة ومااشتيش العب واجابر واتعلق بواحدة اركن انها لي وبعدا احب بس طلع مابش نصيب

صفية: الله يعوضك يااخي ويسعدك ويهنيك

@rewayatyamania المصدر الأول للروايات

بعد ماوصلوا بيت خال امير..

امير سلم عليهن وعسبهن..

بنت خاله بتمزح معه: استحي ع نفسك عترجعها جيبك هاتها بس

بنت خاله الثانية: كم عسبت مرتك

امير لفت لها: يوه هم يعسبوا المرة؟ احنا جيبنا واحد صح مابش داعي

رنا مبتسمة بتصنع وداخلها غيرة بس بتحاول تتقبل الوضع طالما عتعيش معه وهم هكذا ماعتكون مثله ونفس طبعه

بنت خاله: والله مانقبل اعسبها الآن يلا

رنا: عادي مش ضروري

امير: عاد انا شرجع لعسبها بعدكن حيرفت

رنا ساكتة مبتسمة بتتفرجهم

امير ماسخي عليها خرج مبلغ بيحانك بنات خاله: وهذه لمرتي حبيبتي

رنا فرحت ابتسمت بخزا

امير طرحها في يدها

رنا: تسلم

امير شاورها: جبرش وانتي خازية بين احبش وانتي هكذا متفهمة


قربوا الغداء وجلسوا يتغدوا

النسوان في مكان لحالهن وجالسات يتجابرين مع احلام ع خطيبها ومواصفاته هو ابن صاحبة امهن ( مرة خالها)

رنا شافت احلام: يعني عيجين يبسرنش اليوم؟

احلام: ايوه

رنا بعفويتها وطيبتها نسيت اللي بينهن وتحمست لها فرحت لها: طيب جي بعد الغداء وشاسبر لش شعرش

احلام: تمام تسلمي اصلا خرجنا معاجلة مالحقت والآن دريت انهم عيجوا
.
.

الوحيد اللي حاسس بوحدة وهو بيبعد وترتفع الطايرة وتختفي شكل المدينة اللي عاش فيها وتفاصيلها

حاسس بفراق وحزن راجع للغربة بعيد عن اهله وحارته والضحك والسهرات ، بيفكر متى راجع وعادو ماغادر حدود سما الوطن..
.
.

في بيتهم بعد مارجعوا..

امير: اي حين عتجهزي الشنط

رنا: مااعرفش كل يوم بنخرج

امير: شوفي كل يوم عن يوم اكتشف فيش اشياء واحبش اكثر

رنا: مثل ايش

امير: اليوم كنتي عاقلة قدام بنات خالي وتعاملتي حلو معهن حتى انهن قالين دخلتي قلبهن

رنا: عشانك شاتقبل كل شي اهم شي تتفاهم معي

امير: وعشان هكذا انا مسوي لش مفاجأة ضخمة ماشقلش لحد

رنا: ايش المفاجأة

امير: بس ولا تسألي لما اقلش بفمي هذه المفاجأة

رنا بحماس وفرحة: يووه كم بصبر

امير: عشان تستاهل الصبر اهم شي تجهزي مابش وقت قدمت الرحلة لبعد بكرة الصباح..
.
.

ثاني يوم المساء ليلة السفر

ام امير: وهذه لاتشليها مش ضروري

احلام: اللي عتخليهن روعات شكلي شالبسهن كلهن

رنا ضحكت فكرتها تمزح

احلام: يوه هذه روعة عتشليها؟

رنا: شليها لو نفسش فيها

احلام: تسلمي تسلمي

ام امير: الوزن خيرات عتخسري ابني نقصي

رنا: بس كلهن محتاجة لهن ، بدل مااروح اشتري

امير: شلي اللي تشتيه سهل معي خبرة يمشوا وزن
.
.

ثاني يوم الصباح في المطار بعد ماوصلوا ترانزيت

يوه ليش عندخل هنا؟ مش ترانزيت؟

امير: هذه المفاجأة

رنا: يعني عنجلس في مصر

امير: شهر عسل بدل اللي ماعشناه

رنا فرحت..

امير: بحق ماصبرتي سنة بدوني

رنا: يوه الله يحفظك ويخليك لي

امير: بس مش كثير يعني اسبوع عشان عملي

رنا: سهل يكفي انك فكرت فيني هكذا من نفسك بدون طلب


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

09 Jul 2025 19:35

.

البــارت 21 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


مش عارف ليش بيزعل عليها وحسه عندها وبيغير من امير !!!

ماينفعش الشعور اللي هو فيه بيدعي الله يخرجها من عقله

رنا عند النسوان بتساعدهن وتقرب لاعندهم الرجال..
.
.

بعد المغرب وهم راجعين البيت..

اول ماوصلوا

ام امير بضبح وعصبية: جي اجلس اشتي احاكيك

امير: خير معي عمل؟

امه: اجلس

امير جلس

رنا واقفة مش عارفة تجلس او تسير غرفتها

ام امير: وانتي اجلسي

احلام جالسة مراعيه ايش تشتي امها

ام امير: بنات الناس لعبة؟؟ يتخايلك عادك عزب تجلس تقل هكذا؟ كم كنت احذرك بطل بطل الكلام هذا رحلك منه عتتزوج وتفعل مشكلة

امير شاف رنا: ذلحين مابش بيني وبين مرتي شي ليش تفعلوا مشاكل؟؟
لفت لرنا: او قد شكيتي لاهلش واتصلوا لامي؟؟

امه: والله انها طلعت بنت ناس ماتحاكت بشي غيرها عيتحاكى انا سمعتك وانت خارج انت واختك وهي قليلة الحياء بدل ماتعقلك عادها تعصب؟

انا ربيتكم هكذا؟؟

امير: هي هذه اللي مابتفهمش بتجلس تتحنوق بعد ماشغلت السيارة عشانها

احلام: كون بطل قلت لك مااشتيش احنق انا حرة مادخلك تخليني اخرج غصب

امه: اسكتي انتي وياه ذلحين انا في بنت الناس مادخلها فيكم وجنانكم؟؟

امير شاف رنا: انا آسف

شاف امه: وبعدا هي مش زاعلة ذلحين عتسمعكم وتذكر تزعل

رنا: ليش لقيت فرصة ازعل او اعاتبك فيها! اول شي بنات خالك معنا وبعدين بيت اهلي وعاد احنا وصلنا بين اقل شاحاكيك في الغرفة

امير قاطعها واشر لامه بيده ومعصب: هيا اسمعي ها اعجبكن فعلتين مشاكل

رنا زعلت ليش يصيح فوق عمتها: طيب ليش بتصيح ذلحين؟؟ ليش تكلمها هكذا وطي صوتك

احلام: انتي ماتدخليش وهو يحاكيها لاتزيديش تكبري المشاكل

رنا قامت ومشيت لغرفتها: الموضوع يخصنا احنا رجاء انتي مرة ثانية اللي ماتدخليش... دخلت غرفتها وقفلت

احلام: بتبسرووا على وقاحة مالها هذه؟ هيا والله انها تستاهل

امه: قسما بالله يا امير لو تعيدها ماتدخل ولا شاحاكي حد احزق لسانك وانتي بطلي فضول ماعليش منهم

امير قام ومشي لغرفته..

رنا بترتب الغرفه

امير: مالش ذلحين قالبة صورة

رنا: يعني عادي اللي حصل كله من بداية اليوم؟

امير: يهي ماقد وقع لما جمعتيهن وهو الا جملة قلتها

رنا بضبح: اميرررر كيف بتقابل بنات خالك عادي وتتجابروا؟ وانا منعتني من ابن عمي؟؟

امير: بين اغيرر

رنا: وانا بين اغير

امير: هن اصغر مني تغاري من ايش؟

رنا: مثل ماانت بتغار

امير: ها يعني مش غيرة بس ساع مافعلت عتفعلي

رنا: ايوه ليش بتحلل لنفسك كل شي الغلط والحرام والعيب عليا وعليك

امير: ماعتعلمينيش انتي العيب اكبر منش بعشر سنين فاهم وداري كل شي انتي عادش طفلة

رنا: ياسلام ع عذر اهبل ، ليش تزوجتني طيب وانا طفلة

امير: عقلش عقل طفلة جاهلة بتحانبي

رنا: وليش تهدد بطلاقي لو عاندتك وماخرجت

امير: الله يلعني هيا افتهنتي؟

رنا عصبت من اسلوبه وقفت ومسكت خصرها:  ماشي ماافتهنت

امير: ماازيد افعل قلي لي آسسسسف آسف ماشعيدهاش خلاص

رنا ضحكت: يعني بتتفضل عليا ماتعيدهاش؟ اصلا لو عدتها من قلك شاراعي تعيدها والله مااجلس معك دقيقة

امير: عدلي اسلوبش معي وتكلمي سوا مش انا اللي اتهدد مش امير اللي يقله اي احد هكذا

رنا: وانا مش اي حد مرتك وايوه بين اهددك واقلك لو عدتها والله مااسكت لاقل لاهلي ساعتها نبسر كيف يرجعوني لك

امير: بطلي مجهالة غلقي الموضوع

رنا شافته وزاد ضبحها

امير شافها حاول يروق الوضع: هيا حبيبي اول عيد لنا سوا

رنا: قل لنفسك

امير: هيا جي فاقد لش والله جي نتجابر نضحك انسي اللي حصل آسف والله مااعيدهاش والله ان انا احبش ومااسخاش عليش

رنا: هذا وماتسخاششس لو تسخى ماعتفعل

امير: قلنا خلاص هرم قوااا حبييي

رنا تنهدت وسكتت

امير مسك يدها باسها وراسها: خلاص ارضيش بأي شي تشتيه تمام

رنا سكتت وجلست

@rewayatyamania المصدر الأول للروايات

في بيت جدها سامرين كلهم يودعوا خالد آخر ليلة يسهر معهم عيسافر الصبح

صفية بتذكر لما سافر اول مرة: كنت مربوش هذه المرة بين ابسرك مش متحمس

خالد: الصدق اول مرة تحمست يتخايل لي مدري وين شاسير بس ذلحين مش سهلة افلتكم (افارقكم) واسافر

فؤاد: هيا احمد الله انك عتسافر بطل دلع

خالد ضحك: والله ماهو دلع لما تجرب عتعرف

امه: جهزت لك ذمول وكعك وسمن وعسل ومكسرات وقهوة ورز وشعيرية بلدي وو

خالد ضحك: بسسس يمه امانه اللي يسمعش يقل شافتح بقالة

صفيه: انت قلت الرز حقهم شوعه

خالد: هذك اول ما وصلت بعدا لقيت ملان مطاعم عربية ويمنية وكل شي موجود اسلموا

امه: قوا لو تخور من حقنا خليهن

خالد: معي يمه وداعات خيرات حق اصحابي

صفية: بعقلك انت عتطرح اشياءك وتشل حق الناس؟

خالد: سهل انا قد شليت اشيائي واشل لهم الضرورة

امه: ...





📚 @rewayatyamania 🇾🇪

روايات يمنية📚🇾🇪

08 Jul 2025 20:53

.

البــارت 20 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


بعد مارجعوا البناات بيتهم وصلوا وهم في الحوش

امير مسكها: اسمعي مش لازم تقولي ماوقع اليوم لحد

رنا: مثل ايش؟؟

امير فكرها ماسمعت: خلاص ولا شي اخطي بس ابسري طريق ندخل مالش قالبة صور هكذا في بيتكم

رنا سمعته كانت قد تقدمت تشوف له طريق وقفت ورجعت: تشتي نتعاتب واقلك؟؟

امير: خلاص قد بنقلش لاتكلميش حد اللي حصل تقومي تستدعي الغباء

كان فوق السيارة عادهو مانزل وبيسمعهم معصبببب وماسك نفسه ليش بيصيح فوقها هكذا ويهنجم معصب من رنا اللي لقنة مع الكل ليش ساكتة له !!! ليش بيقلها تسكت لاتتكلم !! ايش اللي سواه

رنا فلتته ومشيت للمطبخ قفلت باب المطبخ ع بنات عمها ودخلت واقفه فتحت له باب الديوان

امير دخل وجلس وحاسس بتوتر بيمسح عرقه كل شوية ويشوفها

دخل جدها وابوها واعمامها سلموا عليه وجلسوا

رنا دخلت بصحن تقديم فيه المرق بدأت بجدها

جدها اشر لها لزوجها: ابدأي بزوجش

امير مبتسم لها وقام وقف مسك الصحن منها هو

رنا مسستغربة!!! ليش قلب هكذا قدامهم؟ مش كان بيصيح في الحوش؟؟

امير: تسلمي ياروحي اشله منش؟ ثقيل

ابوها مبسوط بيشوف امير هكذا معها: ماشي هي والفة مايقع بها خليها هي اجلس انت

رنا كملت توزع المرق: شاسير اساعدهم واجي

جدها: اجلسي قدهن خيرات جي جنبي

رنا جلست جنب جدها

جدها مسك يدها حسها باردة وحركاتها متوترة يعرفها لما تكون زاعلة بصوت واطي: مالش؟

رنا: ولاشي خفت لانكون تأخرنا عليكم في الغداء كنا خارج

امير نظراته لاعندهم خايف تكون بتكلمه اللي حصل: كيف انت ياجد كيف صحتك

جد رنا مسك راسها: بخير طالما بنتي بخير

امير ابتسم وشافها بابتسامة

رنا بتتفرج له بدون ردة فعل

جدها كمل يشرب المرق

رنا قامت ترفع الصحون وخرجت للمطبخ

@rewayatyamania المصدر الأول للروايات

في الحوش ام خالد راجعة من السيارة حق زوجها كانت بتكلم خالد

رنا خرجت من المطبخ

ام خالد: رنا راعي يابنتي

رنا: مارضين البنات اعاونهن لو دريت اني تزوجت من زمان كيف كنا نتضارب يوم العيد

ام خالد ضحكت مسكت يدها: اهم شي مفتهنة في الزواجة؟؟

رنا بتتفادى نظراتها في عين مرة عمها: ايوه الحمدلله

ام خالد ضغطت على يدها: وعيني في عينش ابسرر بنتي ماتقدر تخبي عني اعرفها

رنا امتلت عينها دموع كانت كاتمة: مش وقت ياعمة

خالد فوق السيارة بيشوفهن وزززاعل عليها

ام خالد مسكت يدها وبتمشي معها لداخل

ام رنا: اين عتسيرين هيا نقرب

ام خالد: البنات يقربين اشتي ابخر بنتي واعطرها

ام رنا: يوه من ذلحين لابعد الغداء

ام خالد: مابلا ذلحين عادها حريوة تتبخر ذلحين وبعدا

رنا داخل نفسها: انا فدالش ياعمه حين بتفهميني مااشتيش ابين لامي شي واغثيها عليا يكفيها هم ومرض ابي

ام خالد دخلت غرفتها هي وياها وقفلت لقطت نارة وبتبخرها وتعطرها: هيا حاكيني وحدنا مالش صورتش ماعجبتنيش
وين رنا الضحكة والجنان والزبج

رنا ماصدقت تنسأل عشان تفهم: ياعمة ذلحين طلقني او م..

ام خالد ضربت ع صدرها: يوه والفعلة ماوووقع؟؟ طرحت المبخرة وجلست جنبها

رنا: على خرجتنا تصايح هو واخته ومارضيت تخرج قلها حرام وطلاق

ام خالد: وبعدا؟؟

رنا: بس

ام خالد: كيف بس؟؟ وهي خرجت او مع؟

رنا: ايوه خرجت بس كانت تقله طز طلقها.. ودمعتها نزلت من عينها

ام خالد: يو فجعتيني ماطلقش بس قلي له لايكنش يقل هكذا حاكيه وفهميه

رنا: عادو بيصيح ويهدد مااحاكيش حد

ام خالد: يمكن ندم انه تسرع وقالها مايشتيش مشاكل هو داري كيف جدش عيطلع عينه

رنا: بس

ام خالد حاولت تفرفشها: هيا اوقعي مرة وحاكيه انتي وقلي له مايعيدهاششش والا عتحاكي ابوش وجدش وبعدا عيحزق لسانه

رنا: تمام

ام خالد: هيا اغسلي وجهش والحقيني نتغدا شاسبق انا

رنا: حاضر

ام خالد على نزلتها

خالد دخل من خارج: ها ماقالت لش مالها

امه: ولاشي معاندة بينهم مابش شي تطمن هيا ادخل

خالد: تمام

امه خرجت المطبخ

وهو بيطلع غرفته ماله نفس يقابل امير ويتغدا معه

على نزلتها بسرعة من الدرج وتمسح عيونها وتهويهن

خالد بيطلع

وقفوا قدام بعض

تشتي تروح يمين وهو يشتي يطلع يمين ..

رجعت يساار وهو يسار شافها ورجع نزل بسرعة

وهي نزلت

طلع بسرعة ودخل غرفته ليششش بيحصل معه هكذا !!! ليشششش بيفكر فيها وهي مزوجة ضابح من نفسه مش عارف ليش بيزعل عليها وحسه عندها وبيغير ؟؟


/channel/rewayatyamania/55248



📚 @rewayatyamania 🇾🇪

روايات يمنية📚🇾🇪

08 Jul 2025 20:50

.

البــارت 18 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


ام خالد وامها خرجين ع اصواتهم والضحك دخلوا يسمروا معهم وهم بيلعبوا

ام خالد فرشت بطانية ووسايد لرنا خارج باب الغرفة: عنسمر عندش هنا النسوان والجهال داخل احنا قد احنا مزوجات مانجلس مع الجهال شم الزعقه والصياح والجنان مانشتيش صح

رنا فرحت شوية بعد ماكانت مقهورة كيف تعابير وجههم وهم داخل وكيف بيضحكوا ويتنمروا على بعض

فؤاد: ذلحين السارق كلنا ندي حكم فيه

رنا قاطعتهم: ماشي الجلاد بس اللي يحكم مالك يا فؤاد تشتي تسلخه مش تجلده

خالد ضحك: مالش حاسة نفسش عتوقعي سارقة

رفيدة: صححح هههااي

رنا: والله لو يوصل حد ليدي لاحكم حكم

سندس: هيا وانا والله ماشرحمش حد

جلسوا يلعبوا كلهم طلع خالد السارق ورنا الجلاد

رنا فرحت تحمست بتصفق: يلا جهزوووا لي الحكم

صفية: هيا احكمي

رنا: راعي اسير ادي الحكم بيدي

صفية: ماهو؟؟ سود ؟؟ بودره؟؟

رنا: اصه لاحد يشتت افكاري

ام خالد بتضحك هي وسلايفها


في المطبخ رنا

رنا بينها وبين نفسها: تتزوج واحدة عجبتك هاه وانا كنت تبهذلني بهذلة انا شاوريك ماشفعل لك من اكل يبسبس فمك حين كنت تتضحك عليا

شلت صحن وغرفت له مرق وبسباس حيمي (فلفل حارر بودرة) وملعقتين محلبيه وجيلي ولبن شفوت شويه وعصير ليمونه وملعقة عسل وملعقة حلبة جالسه تخلطهن سوا في صحن صغير طلعت وهي فارحة عليها ابتسامة شريرة

صفية شافت رنا وصلت: ماهو قانوننا ياجهال سمعووني

كلهم بصوت: اللي ماينفذ الحكم جباااان ومابش له شخصية وعنداعيه ثاني يوم لمده ٢٤ ساعه يا تافه

ضحك خالد: الله يقلعش هيا وين الحكم شاطبق

رنا ناولتها الصحن: قلي له ياكله كله

خالد شاف الصحن بضحك: ذلحين هذا حكم قلدكم الله! ابسروا ع مسكينه نزلت تدي لي حلا قالت كل وهذا حكم.. غرف اول ملعقة وفتح عيوووونه بصدمة

رنا من خارج بتتشاقر من الزاوية حق الباب وتضحكك على شكله اللي مش باينه قوي ملامحه

الكل بدأ يضحك ع ردة فعله

صفية: تافه ؟؟ والا خالد هيااا حدد موقفك

خالد اكل وقام وقف كان يلوي ويغمضضض ومغط نص الصحن.. يا خبرة الله يقلعكم سموني تافه ماهو هذا القرف مالها هذه مافعلت هنا

رنا ضحكت وبتصفق: عيسسس تستاهل

صفية بقصتها بمزح: يعصبش زوجش وتنتقمي فوق اخي ياعيبتش عليه

رنا ضحكت: يستاهل بسببه

@rewayatyamania المصدر الأول للروايات

ثاني يوم بيت زوجها

ام امير: يلا مسحي هولا وارجعي نزلي كل العلب اللي في المطبخ ونظفيهن ونقي البهارات

رنا بضبح بتعاونهم وحسها وفكرها بيت جدها ايش عيلعبوا ايش عيتعشوا؟ ايش عيجعلوا .. ياريت ماتزوجت؟ شافت الفرحة حق الزواج اللي كانت تشتيها كملت بنص يوم
انها تلبس فستان زفاف وتتدلع به وبعدين؟؟؟

ايش الزواج هذا تحكام؟ اوامر وطاعة وعصبية اكثر من اهلها ماعاملوها بها؟؟
بتحس انها ندمت واستعجلت بس ينفع تتراجع؟؟ من تسأل واهلها والمجتمع علمها انه البنت تمشي بعد الزوج انها ماتناقش وانها تقول حاضر وانها ماتخرج المشاكل ..
.
.

بعد اسبوع وصل امير

رنا فارحة حضنته وسلمت عليه

امير كان ناسي الخلاف اللي في التلفون اول ماشافها فرح وسلم عليها بعد اهله

رنا دخلت شنطته للغرفة..

احلام لحقتها وبابتسامة مكر: والله انش حاذقة دخلتي الشنطة امد لابسر اخي ما ادالنا..

رنا شلت الشنطة وناولتها: ها افتحيها وشلي اللي داخلها كله يهنى قلبش

احلام استحت: بين امزح معش يخ كيف مرتك كريهة يا اخي الله يعينك عليها

رنا شافته وشافتها

ام امير بتصيح لها من خارج: ي احلام جاوبي التلفون

احلام خرجت

امير دخل وغلق الغرفة: وحشتيني قوي جي جابريني خليني اشوفش اشبع من شكلش جلست اتخيلش كل الوقت نفسي وانا شليت لش صورة

رنا: قد راشيتك مارضيت

امير: خفت تضيع عليا ويبسرش غيري اغيررر عليش

رنا ضحكت: مايبان عليك انك بتحبني هكذا عاد انا غاثية منك اسبوع ولاتتصل ولاتحاكيني

امير: هيا اسكتي لاتفتحي لنفسش مشكلة ذلحين عاد انا شاحاسبش

رنا جلست متحمسة تربعت (جلسة القرفصاء) ويدها فوق رجلها بحماس: هيا قلي ذاحين ماشاراعيش خصمي كنت امي تقلي شارجع اوريش بعد مايسيروا الناس

امير شافها هكذا ضحك: شكلش ساع الجاهل اللي مراعي لهدية مش عقاب عتتدلعي عليا هكذا شابطل اصيح و اعاقب احلويتي

رنا احرجت بعدت حجابها وبتصلح شعرها: صدق؟

امير حجفها (حضنها): وحشتيني قوي

امه دقت الباب: هيااا عتخرج نبسررك والا خلاص ماعد تعرفناش

امير: هيا جي نخرج شويه والليل افطر ونجلس للصبح نتجابر

رنا: تمام

ام امير بتدقدق الباب ولاوقفت: عاد الناس يقلوا امي اختي ابي
.
.

في بيت جدها

جدها: اليوم جمعة رنا عتجي؟ اي حين عتسافر مع زوجها؟

خالد: الله ياجد الله بتهم رنا من ذلحين وانا اللي مسافر ثاني العيد ولا حسك عندي





📚 @rewayatyamania 🇾🇪

روايات يمنية📚🇾🇪

08 Jul 2025 20:49

.

البــارت 16 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


وصلوا باب بيت امير ودخلت ام خالد بصحن العشاء

احلام فتحت لها وهي جالسة تضحك هي وامها كانت مفكرة رنا رجعت

ام خالد: يوه ماشاءالله والوجه يابنتي ماهو هذا الحلا قالت امش تاعبة

احلام استحت منها عرفت ان خالد جاء ونسيت كذبة امها: مش انا تاعبة من قال؟

امها انحرجت: انتي اول قلتي تاعبة

ام خالد طرحت الاكل قدام ام امير: هيا تعشي يهنى على قلبش ما رنا ماعتفلتش عزومة بيت جدها وتجي تقرب ومابش داعي ترجعي تعاتبيها لانها مش دارية جاوبتش في التلفون وجيت من نفسي

ام امير: يوه ماهذا قدو سم عينزل الأكل مابش طيبة نفس

ام خالد: والله انه طيبة نفس تعرفينا عشرة عمر جيران بنقسم اي شي يقع لنا نصين بيننا وبينكم ، لكن انتي دارية مالي ضابحة خلي للبنت حالها كما رجع لها ابنش ارجعي اوقعي عمه
خاطركن

احلام: ياعمه البنات عيسمرين بعد الفطور نجي نسمر عندهن؟

ام خالد: اكيد حيا بش ياروحي جين في عيني وفوق راسنا قد قلت لامش تجوا تتعشوا مارضيت
هيا خاطركن

@rewayatyamania المصدر الأول للروايات

بعد العشاء طلع خالد غرفته فتح شنطته وخرج الهدايا

صفية بتضحك ادالنا ثيابات صلاة

سندس: والمسابح لمن

خالد: ابي وعمي وجدي والنسوان راعين لاتربشين

صفية: انت سرت مكة والا ماليزيا مالك ماتدي لنا هدايا سوا ياسعم مابنصليش

رنا واقفة من خارج بتضحك

خالد ضحك: ناهي اصبرين عتخلني اتم اوزع

سندس: يو مكياج

خالد: النسوان شليت لكن كرتون توزعنه بينكن

رفيدة شافت الكيس: يوووه هذولا ملابس نيني (مولود) لمن ؟؟

خالد: قلت مااديت لرنا هدية العرس ادي للجاهل ملابس

صفية شافت سندس: رنا واحمة؟؟

ام خالد دخلت: من قال؟

رفيدة بتضحك: اشترى لها هدية للجاهل

جلسين يضحكين

خالد محرج ومتوتر: مالكن من السماجه البنت لها تسعة شهور مزوجة قلت انسب شي هدية للجاهل انحرجت اشتري لها هي

صفية لرفيدة: ناوليهاعتفرح قوي

ام خالد: سهل تخبيهن لما يسخرلها الله بجاهل

خالد: ماابسرتش زوجها في الجامع كنت اشتي اسلم عليه

صفية: هو مسافر كم له بعد العرس سافر يشتغل وعيشلها عنده

خالد: الله يستر عليها ويوفقهم

خارج بتتفرج ملابس النونو وفارحة قوي شافت رفيدة: قلي له شكرا قوي

رفيدة دخلت توصل له الكلام

خالد شاف صفية وبصوت واطي: مالها متخبيه مني او عادها غاثية؟

صفية ضحككت: عادك ذاكر يانزغه، مع مابلا زوجها منعها تقابل عيال عمي وتقابلكم

خالد ضبح شويه بس كتم ع الموضوع وتغيرت ملامحه كمل يوزع الهدايا لهن وخرج بالاكياس يوزع للبقية

وهي عادها واقفة تتسمعهم بس منسجمة والملابس في يدها بتشوف لعمر كم

خالد خرج وهي واقفة نزل نظره للارض ومشي بسرعة

رنا شافت صفية والبنات بعده خرجين بيضحكين عليها

انحرجت جلست تضحك وتتخبى وراهن وماسكه فمها من الصدمة انه شافها ومش هي دارية

صفية: خلاص سهل مش عيب ولا حرام انتي لابسة ومحجبة ومسترة ومغطاية هيا جين ندخل نجلس نسمر معهم

رنا: انا شاسير عند ابي و جدي شويه قبل مايرقدوا وانزل عندكن

فتحت الباب ودخلت وهي لافته تكلم صفية من الباب

لفتها صوت جدها: حيا الله ببنتي

رنا لفتت تشوفهم: السلام عليكم..

شافت خالد جالس شهقت بصدمة

خالد اول ماشافها ابتسم يشتي يتكلم ورجع بعدت الابتسامة منه بسرعة ارتبش بينسى انها تزوجت وان زوجها منعها..

ابوها: عتدخلي؟

رنا بتهز راسها لا وايوه..

خالد قرح يضحك قام قرر يمشي هو

رنا بعدت شويه وهي موطية راسها

خالد خرج وجالس يضحك على منظرها

رنا شافته خرج بضبح وعفويه: اوووف جحفه لك يا امير كيف افعل

ابوها: مالش

رنا شافت ابوها وجدها: ذلحين ماافعل قلي مااحاكيش ولا ابدي على عيال عمي

جدها: ليش! مافيها انتوا اخوه

ابو رنا: مش هم اخوه يا اباه خليها تستمع كلام زوجها مايسبرش

ابوه: مش هو على مايشتي ماعيقعش احسن مننا يعرف الصح والغلط يجي يتحكم بننتنا احنا ربيناهم وعاشوا سوا وجاء شلها من وسط هذا البيت وهم سوا مايغيرش نظامي الجاهل هذا

ابوها بيهدي الوضع: خلاص مايسبرررش عتغثى منك رنا

رنا: ماشي جدي يقول اللي يشتيه هو صح

ابوها: هيا ها ماكرها توقع لها

جدها ضحك: يلا امري لله ماعنفعلش مشاكل استمعيه لكن لاجينا للحق مابش فيها شي تربيتوا وكبرتوا وتزوجتي خرجتي من هذا البيت وانتوا فيه جمعة

رنا ساكتة بتسمع جدها

جدها: ولو فتح فمه قلي له جدي قال شرط واحد زيادة والله ما تنتبه له الا انا عيشلني عليكم

رنا ضحكت: حاضر


بعد السهرة والضحك وهي مراعية يتصل لها!! ولا اتصل

صفية دخلت من الحوش في يدها الحلا والعصير والقهوة: يابناااات جين مااقلكن سررر

كلهن متجمعات في طرف الديوان والنسوان في علاو الديوان

صفية طرحت الصحن بسرعة متحمسة...!!!




📚 @rewayatyamania 🇾🇪

روايات يمنية📚🇾🇪

08 Jul 2025 20:48

.

البــارت 14 >>

بيـن قلبيـن ❤️
👌🏻👇🏻 😍
📚 @rewayatyamania  🇾🇪


في المطبخ..

ام خالد: ابسري جدش يحبش خيرات ويدلعش عيزعل عليش ولو انتي غلط انا من رأيي تطنشي ولو قالت شي تخلي عمتش تسمع

رنا: هي سمعت وزادت قالت هكذا ، ياعمه بين احس اسلوبهم اللي بيجنني ليش مايتحاكوا عادي بدون صياح او بأوامر ونظرات محانكة وانا شاسمع وافعل كل شي بس هكذا اقتهر

ام خالد: سهل هي فترة وتسيري عنده وتخلصي منهن اهم شي جدش بيدور هدار حين زوجش سافر وانتي هنا غلقي الموضوع لاتكني تشكي لحد

رنا: طيب وماافعل

ام خالد: المرة تصلح مشاكلها بنفسها تداري وتسمع ومرة تتنازل هي ومرة الرجال وتمشي الحياة ماتشكي لاهلش وتجي الا و قدو الصدق توعديني تسمعيني

رنا: حاضر اوعدكم

ام خالد حضنتها: انتي دارية كم احنجش واحبش ومااشتي الا تعيشي عيشة حالية بدون مشاكل وجنان

رنا: تسلمي لي والله ان انا احبش مثل امي ياعمه

ام خالد بتغرف الغداء ذكرت ابنها كانت تعجبه رقبة الدجاج ويتضارب هو ورنا عليها ذكرت ..

ناولتها: ياعيبتش على خالد يارنا كم غثيتيه تجي تغنجي عليا دارية مااسخاش عليش ذلحين يعلم الله هي في نفسه او مع

رنا ضحككت شلتها: يوو صدق كيف خالد ياعمه مرتاح؟

ام خالد: ماله شي الله يعينه ويوفقه يارب

رنا: ويعقله

ام خالد ضحكت: الله يسعدكم كلكم يارب هيا قربي معي هذا الصحن وبس اجلسي وادعي البنات يجين هن وينهن

صفية دخلت والبنات وجالسات يضحكين ويمزحين معها..

نسيت همومها شوية وبعد الغداء...

امها: هيا بنتي البسي وتجهزي نسير نتفرط عند مرة مهيوب

رنا: ماشاءالله قد ولدت؟

امها: ايوه.. يو يارب وانتي واحمة يا رنا يفرحني بجهالش

رنا ضحكت

ام خالد: هو صدق مايمسك الرجال الا الجهال لو يدرى انش واحمة لايقطب ويجهز لش تسيري

رنا مش فاهمة سر الاطفال؟ ليش وكيف هن السبب في تغير وتمسك الرجال بالمرأة !! طيب ليش ازواجهن وازواج الحارة كلهم معهم عيال ومن عشره او ١٢, واحد ومش متمسكين بنسوانهم.. سارحة تفكر وتفسر تصرفاتهن

صفية قاطعتها وبتصفق متحمسة: هيا اسرررعي سريع جي اسبرش على يدي اخليش احسن من اي كوافيرة

رنا ضحكت: هيا اشتي لماع تفعلي لي قد انا ماذلحين مزوجة

صفية: بعيني شاخرج لش من كسوتي المكياج حقي

رنا: تسلمي نسيت حقي في البيت سهل وقع لي هدايا خيرات في العرس شارجع ادي لش انتي تستاهلي ما احلام ماتستاهل شي

رفيدة: هيا نفعل خطة نقلب كلنا على احلام وترجع تدورنا دوار وتتأسف ساع زمان مارأيكن

سندس: ايوه بس ورنا تبطل تسكت لها

صفية: لاتصدقيهن كان زمان وانتين صاحبات ماذلحين هي مرة اخوها

رنا بتشوف الصورة اللي قدامها فوق الصفيف (الرف): فقدت لخالد

صفيه ضحكت وهي بتسشور شعرها: قلت عتقلي امير

رنا: امير فاقدة له اكيد قوي.. بس حين جيت البيت ذكرت خالد وبين ابسر الصورة ذكرت ايام العيد

رفيدة شاورتها: عيتزوجني قلي

رنا ضربتها: بس خبالة لاتصدقي لهم هم يمزحوا معش

رفيدة: هو قال..

رنا: ناهي

@rewayatyamania المصدر الأول للروايات

بعد العصر في التفرطة..

ام امير وصلت بيت الجيران شافت رنا دخلت متصلحة مع امها ونسوان عمها..

مرة جارهم: مرة ابنش

ام امير شافتها: يهي يهي ابسر مرة ابني اللي عايشة معها وسط بيت بالصدفة

ام خالد: عاد الناس يسلموا اول كم يعجبكن تفتنين 

رنا ردت على جارتهم: انا تغديت بيتنا وجيت مع امي ومرة عمي التفرطة

امها: هيا سيري عند عمتش اجلسي

ام امير بعدت وجهها للناحية الثانية

رنا شافتها سوت هذه الحركة جلست جنب مرة عمها..

مرة جارهم ضحكت: هيا رجعي وجهش قد جلست

ام امير انكسفت شافتها بنظرات: مالش ياسعم عناكلش

رنا بابتسامة عريضة متصنعة: مااشتيش ازاحمش ياعمه

مرة جارهم: صورتش يابنتي ذابلة شكلش واحمة

ام خالد: صلِ على النبي يافتحية ماقد لها الا شهر ونص مزوجة

مرة جارهم: هذك مرة قاسم تزوجين في يوم قدها واحمة

ام امير لفتت لها: قد بين اقلها بين احس انها واحمة هذه الايام طبيعتها مش سوا بكاء وضيق وعصبية

ام رنا ضابحة ليش بنتها ماوحمت: صدق يابنتي بكرة نشلش تفعلي فحص

ام امير: واحنا وين سرنا هو زوجها سافر اما هي عادها مرة ابني في نفس المكانه..

مرة جارهم: الصدق ياعيبتش انتي وابنش زوجتوه بالبنية وفلتها وسار

واحده من اللي موجودات: الظاهر قرحت قلبه

ام امير ضحكت: الصدق مالها شي قد دحسته وتدلعت عليه وهو مسكين مادري كيف يرضيها

( اكثر حقيقة مؤلمة لما المرأة تتنمر على المرأة وهي بتعاني من نفس المعاناة!)

ام خالد ضابحه من اللي بتسمعه شافت ام امير وحبت تكسر شوكتها وفشرها قدام الناس: جدها والله انه جنن وكان عيخليها عنده ماعد تدي خطوه ، بس امير وعده يضغط على نفسه ويدبر روحه يشلها

ام امير دخل في نفسها ابنها يتجعجع (يتبهذل) عشان ست الحسن والجمال تسافر وتفتهن..


بعد مارجعين البيت..
امير: ...




📚 @rewayatyamania 🇾🇪

روايات يمنية📚🇾🇪

08 Jul 2025 20:46

.

البــارت 12 >>

بيـن قلبيـن ❤️
👌🏻👇🏻 😍
📚 @rewayatyamania  🇾🇪


وصلوا بيتهم وهم بيتكلموا وبتوريه خطها

احلام بمزح: ماشاء الله صورتش ماتزوجتي اخي الا امد يخليش تدرسي

رنا بصوت واطي: مش قلت لش هذا سر

احلام: ايوه مش على اخي

امير: ايش من سر؟؟؟

ام امير سارت تجاوب زوجها

احلام شافت مابلا هي وياه: قلي له

رنا مش فاهمة!!: مااقله؟

امير شاف رنا: ايش في؟ عتتحاكين؟؟

احلام ودفت وخافت تفضحها او تفعل مشاكل

امير شافها: عتتحاكي؟؟

رنا: مااعرفش ماقصدها

امير شاف احلام وصيح: عتتحاكي ياجنيه؟؟؟

احلام بضبح حين قلها هكذا: مش قلتي تشتي تدرسي بس امد تحانكي خالد حين كان يقلش مابتفهميش سافر ماذلحين ليش عاد تدرسي

رنا انصدمت: هذك زمااان ، ماذلحين بين ادرس عشان اشتي ادرس

امير شافها؟؟ وفيه علامات استفهام دخل الغرفة

رنا شافتها: ليش تذكري خالد ذلحين مادخله هذك زمان واحنا صغار؟

احلام سكتت

رنا لحقته للغرفة دخلت وقفلت

امير: ماله هذا خالد واصل مابلا هو في بيت جدش؟

رنا: ولابه شي !

امير: مالش خايفة؟

رنا: مش خايفة بس مستغربة مادخل قرايتي بخالد احلام ماصنف لها تقل هكذا

امير: يعني كنتي تحبيه؟

رنا ضحكت مستسخرة الموضوع: هذك واحنا جهال بس كان يقلوا لنا خطيبته خطيبها بس

امير ساكت بيشوفها

رنا: خالد اكثر واحد كان خصمي فيه والله ولما صممت ادرس عناد فيه يعاندني كان ان انا ماافهمش وحين نجحت وريته ان انا قد الدراسه

امير سكت شاف الموضوع بسيط: طبعا ممنوع ماذلحين خالد وعيال عمش وعمتش تبدي لهم خلاص قدش ع ذمتي

رنا: بس هم اخوتي تربينا جمعة

امير: مابش عندي هذا الكلام يعني لو سافرت وجاء مابش سيرة ولو سرتي مابش سلام.. فاهمة؟

رنا كان عادي عندها هزت راسها بابتسامة: تمام

امير ابتسم لعقلها: تصدقي ان انا بين احبش اكثر من اول ، وانتي معي حاسس حياتي سعادة

رنا فررحت بكلامه: صدق

امير: والله

رنا: شكرا اليوم على كل شي

امير: الشهر هذا اي يوم مابش معي عمل اخرجش وافعلش كل شي

رنا: تسلم لي ياروحي

امير: ونسير بكرة نسجل لش

رنا: عيرضوا؟ قد بدأوا الدراسة

امير: اعرفي امور يسجلوش غصب عنهم

@rewayatyamania المصدر الأول للروايات

عدت الايام والاربع اسابيع هذه كلها حب سعادة تفاهم خلافهم بسيط جدا

ووقت سفره

امير حس بغصه من كثر مابكيت فلتها وخرج بعد ماودعهم ودموعه في طرف عينه

رنا لمحت دموعه تأكدت حبه لها حقيقي تعلقت به ومنتظرة اي حين يرجع لها

ام امير شافتها: لو انا بش مارضى اخليه يسير

رنا زادت بكيت

احلام: خلاص بس بكاء النسوان كلهن بيسافروا ويفلتوهن مش انتي اول ولا آخر واحدة

رنا مسحت دموعها ومافي حسها كلامهم دخلت الغرفة وخرجت: احلام شارقد عندش

احلام كان في نفسها شي تقوله لها عن خالد: طيب جي عاد انا قلت شاجي اوانسش

رنا: مااشتيش الغرفة وهو مابحد بيجي لي بكاء
.
.

في غرفتها..

احلام: حاكيني عن خالد مايعجبه؟ مايكرهه ؟ اي شي عنه

رنا جالسة تفكر بأمير بتسمعها وسارحة

احلام: ياااي وين سارحة بين احاكيش

رنا: مدري والله

احلام: هيا رنا تحاكي

رنا: ليش تحبيه؟

احلام بنظرات محرجة وبتلعب باظافرها: والله مدري الصدق

رنا: تطمني خالد مايحب الا البنات حق المدينة ما هنا يجلس ينتقد كل شي

احلام بصدمة: صدق؟ كيف !

رنا: يشتي واحدة متعلمة قال ومايفكر يتزوج من هنا

احلام: مادراش انتي؟

رنا: سمعته باذني دارية

احلام : غثيتيني والله

رنا: صدقيني عتضبحي مراعاة على الفاضي ، تصبحي على خير

احلام جلست ضابحه وبتفكر يمكن رنا بتغير منها وتهربها منه
.
.

ثاني يوم في الغربة..

صاحب خالد: هيا كلكم معزومين غداء على حسابي بمناسبة الخطوبة

خالد بارك له وتجهزوا يروحوا..


في اليمن..

رنا جالسة جنب التلفون كل الوقت اول ماشافت اتصال فتحت بسرعة

امير ضحك: مسرع رديتي شكلش جالسة جنب التلفون

رنا كلامها كله لهفة وشوق: ايوه مراعية تتصل لي كيف انت وحشتني

امير: وانتي وحشتيني ، انا مش بخير

رنا: ليش؟ او تاعب

امير: لو كنتي معي شاكون بخير بدونش مش انا بخير

رنا: ولا انا

ام امير: هيا رنا جي اخبزي العجين خمر سريع

رنا: اكمل احاكي امير

امه سحبت السماعة من يدها: يو يا ابني كيف انت ياعيبتك عليا ولا تتصل

امير: عاد انا اتصلت ذلحين

امه: لاعند مرتك عتتصل لي انا بين اقلق عليك من امس ماغمضت

رنا واقفه مراعية

امه: يلا غلق ها لاتخسر نفسك اهم شي انتبه لنفسك.. يلا مع السلامة

رنا استغربت وهي مراعية..

ام امير: لايش مراعية لاتزيدي اتصالات انتي وياه عيخسر ومايقدر يعامل لش تسيري عنده

رنا: تمام

ام امير: هيا سيري اخبزي

رنا سارت للمطبخ وهي حزينة ومستغربة ردة فعل ام امير




📚 @rewayatyamania 🇾🇪

روايات يمنية📚🇾🇪

07 Jul 2025 21:08

.

البــارت 10 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


في الغربة..

ذلحين كيف افعل جاوع اكلهم مسكر كله

صاحبه: الماليزيين يااخي اكلهم هكذا احنا بنطبخ

خالد: مااطبخ؟

صاحبه: قدو اسهل شي الاندومي

خالد: كيف افعل

ضحكوا بقيه الشباب اللي في الغرفة

واحد منهم تفيضل: عاد انت اول سنة صح؟

خالد: اول شهر

رد عليه: يلا معك سنة وتفعل حنيذ وكبسة وعصيد

خالد ضحك: بغير جنان

صاحبه اللي جنبه: والله انه هذا اللي حصل قلت ساعك وتعلمنا

خالد: ليش اتعلم جيت اتعلم طبخ او ادرس

صاحبه: كان لاتشكي مرة ثانية وبعدا احنا بيننا دور كل يوم على واحد يطبخ والثاني يغسل

خالد: هذا قسما بالله انه سجن ماهو سكن بطلوا جنان

صاحبه: خلاص تاكل وتنظف صحونك وحدك

خالد: تمام

بعد ساعه جهز الاندومي بعد ما جلس يطبخها حسب التعليمات ومقاييس الماء..الخ قرب ياكل اول ملعقة ثاني ملعقة... الوضع هدووووء وين اصوات الملاعق والصحون والضحك والكلام المنوع الرجال ع السياسه والنسوان على التفاريط والبنات ضحك ومغامزات واسرار بينهن وهو جالس حوله المكان كله فاضي طرح الملعقة وراح اخذ تلفونه واتصل للبيت محد بيرد

جاوب ابن عمه: هم كلهم عند العرس حق رنا

خالد: ماقد تم العرس؟

ابن عمه: ماشي

خالد قفل وقام يدور من ياكل معه...!

@rewayatyamania المصدر الأول للروايات

بعد ماراحين النسوان

امير وصل رايق بيكلمها عادي

رنا بتجاوب الضروري بس وبزعل ومابتشوفه

امير: ايش الحلا هذا كله

رنا: لو انا دارية لالبسه من الصبح بدل ماتقالعني

امير ضحك: هيا جي اجلسي اديت الصور حقي حق العرس

رنا تحمست: شابسر عرسك

امير ضحك: ايوه

‌في وسط الصور: يوه كلهم مصورين الا خالد  مسكين مدري كيف هو
‌
‌امير: مادخلش منه يتصور او مع

رنا بعفوية: تخيل ما وقع سفره الا في عرسي

امير: ناهي وانتي مالش غاثية

رنا: كيف مااغثاش كان نفسي يزف هو بيفعل زفة ضخمة في العرسات

امير ضبح: خلاص لغاجة

رنا استغربت ردة فعله: ناهي انت اللي سألت

امير: ذلحين اسمعي معي هنا هذا الشهر لآخره واسافر مااشتيش دحس وهرم اشتي تفهميني تبطلي البكاء حقش على كل كلمة وبكيتي وترفسي ماتشتي الا قولش ساع الجهال

رنا: حاضر

امير: مااحلاش وانتي تستمتعي الكلام

رنا: وانت وعدتني ماتغثيني ولا شي وتسعدني  واليوم غثيتني

امير: انا آسف هيا وعد لو تستمعي كلامي تبسري كيف شاوقع معش ثاني مش انا هكذا بس بتجننيني

رنا تعودت تسمع الكلام هذا في بيت اهلها بطلي دلع بطلي جنان صدقت داخل نفسها انها هي السبب
.
.

في بيت جدها..

ام رنا: اليوم بتحاكيني ام امير عيجلس شهر بس ويسافر يشتغل

جدة رنا: الله معه

ام رنا: كيف يمه يفلتها حريوة

زوجها: سهل عيعامل ويشلها ياسعم عيطرحها

ام رنا: بس ماعيقلوا الناس فلتها حريوة وسار

ام خالد: سهل وانتي لاتغثيش وتغثي بنتش

ام رنا: مدري ليش مش مرتاحة كلهن ازواجهن بيسافروا وماعد يقدروا يشلوا نسوانهم بنتي عادها صغيرة تجلس هكذا

ام خالد: ماعليش شي انا دارية كيف اراضيها

ام رنا: انا فدالش صدق والله ماعد حد بيقدر يقنعها الا انتي
.
.

ثاني يوم الصبح..

امير ورنا خرجوا من الغرفة لابسين

امه: اين عتسيروا؟

امير: شاخرج معي عمل واجي

احلام: عمل مع مرتك؟

رنا شافتها مستغربة

امير بضبح: ايوه ماعليش عتحاسبيني؟؟

احلام: ناهي مالك هكذا خرجت معصب فوقي

امير: وانتي ابسري كيف تتفيضلي

احلام شافت رنا: يعلم الله من قد عباك مني وملا راسك

امير مسك يد رنا: مش انا فاضي للغاجتش هذا الساع..
حب امه فوق راسها: خاطرش يمه
.
.

فوق السيارة..

رنا: يوه والله غثيت على احلام ليش صيحت فوقها

امير: انتي خبلا والا ماهو بتقل انش بتعلميني عادش تدافعي عليها

رنا: ناهي وهي مادراها عتبسرك متغير عتقل انو انا

امير: خليها تتأدب تتحاكا مع اخوها بأدب

رنا: اين عنسير؟

امير: مش قلتي نفسش تسيري المدينة

رنا: ايوه

امير: وانا شاشلش وافسحش كل بقعة

رنا: نفسي اسير المطعم والحديقة والسوق

امير: من عيوني

رنا فارحة: والله انك احلى زوج في الدنيا

( مش ناقصة عقل ولا تحتاج تتربى على يد زوج ، الانثى مثل الورد تحتاج اهتمام احتواء حب لتزهر ، بكلمة واحدة تحسسك انك الدنيا واللي فيها ، رفقا بالقوارير صدق رسولنا العظيم)


/channel/rewayatyamania/55248




📚 @rewayatyamania 🇾🇪

روايات يمنية📚🇾🇪

10 Jul 2025 21:59

.

البــارت 35 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


زوجها ضبح فوقها: اصاااه ماضرها الا انتي تبريرات واصل على الصح والغلط تبرري لها، رنا سارت خارج اليمن بكلها وقلتين سهل هنيت لها هيا ماتشتين يامرة محد دري لكن بطريق

اخته: خلاص يا اخي اخطى مش وقت شل الشنطة هذه حق الذهب في يدك
هيا احلام هيا بنتي

احلام حضنت امها وخرجت: الله يسعدش يابنتي ويسخر لش كل قلب

احلام خرجت وهي زاعلة فلتت بيتهم ، وزاعلة من اخوها
.
.

في البيت اول ماوصلت حضنته

خالد: طيب اصبري قوا المكياج يااجنااه ماهوو هذا

امه بتضحك وهي بتدمع من الفرح: راعي التاج حنب في الشال حقك

خالد شافها ضحك: كان لازم اوصلش للكوافير مش ارجعش ابسروا وجهها بيفسخ ساع بنطلوني الاسود بيضحك عليها

سندس: بس يااختي

صفية: سهل يفداه

خالد دمع: ابسر اصحابي وين هم وانتين تمين جهزنها

صفية: انا فدالك ياخالد جيتك تسوى الدنيا كلها

خالد حبها فوق راسها مرة ثانية وحب يد امه: الله لايحرمني منكم كلكم...وخرج

ام خااالد شافت ام رنا بتضحك من قلبها وهي بتنزل دموعها: مالش يااختي؟ صلِ على النبي

ام رنا: بنتي فاقدة لها ويعلم الله كيف هي مدري ليش ماناش مرتاحه وحسي عندها واصل

ام خالد: هيا ذلحين وانتي لاتزيديش وتفاولي مابش فيها الا العافية لو به شي ان قد حاكت جدها سعم ماتعرفيش رنا محارشة واصل

ام رنا ضحكت: صح كانت اكثر شي تنضرب عليه رنا المحارشة مستحيل تسكت على شي بيحصل لها (صلت على النبي وقامت غسلت وجهها وسارت تقرب عشاء لصفية)

@rewayatyamania المصدر الأول للروايات

في الطريق لصنعاء وصلت أحلام..

ابوها: مالهم مغلقين الشارع؟؟

واحد ملثم وفي يده سلاح: ارجعوا من هنا به ضرب رصاص

اللي بيسوق السياره: خير مابه؟

واحد ملثم: اشتباكات

اللي بيسوق: قلتوا سلمية؟

سمعوا الضرب اشتد هرب الرجال يتخبى

احلام خايفة

ابوها نزلي راسش: امشي ياابني لف لف اسرع ياساتر استر ايش حصل

اللي بيسوق (من اهل العريس) ريوسس: اجرب نسير من طريق ثانية

بيقربوا بالسيارة من حارة تؤدي لجهة بيتهم بيسمعوا الضرب بيشتد وهو واقف جا واحد وقف الوايت حقه ونزل البيت ماقدر يرجع جلس يطرق يطرق...
.
.

في القرية...

ام احلام جالسة يدها على خدها: مالهم تأخروا قوي هي الا ساعة؟ ماحصل

بنت اخوها: مابش شي ياعمه يمكن عيعشوهم ويوصل عمي على الزفه ويزفوا

ام احلام: مدري هو قال يشلها ويرجعوا ولا واحد منهم رجع ولاسيارة


البيت اللي جنبهم رجعين سياراتهم بعد مازفوا صفية..

ام خالد: مافي نفسك ياابني

خالد: اشتي الديوان اللي خارج ادوا فراشات وعشاء خبرتي عيجلسوا هنا مايقدروش يرجعوا صنعاء الان قالوا في اشتباكات...

امه: صنعاء؟ اشتباكات مه؟

خالد: مدري هيا امه قدهم تاعبين

ام خالد: حاضر ياابني من عيني الآن ها شل هولا معك البطانياات

خالد: وين الشنط؟

ام خالد ممازحة: شلتهن صفية معها

خالد بيضحك: بغير جنان

دخلت سندس: في رقبة جدتك وقدها راقدة

خالد: سيري اديهن

سندس: الله يستر عليا ادعوا لي لو اقتطعت يدي بس في ذمة خبرتك

خالد على نزلته قال: انا في الديوان اللي خارج

سندس: حاضر

ام خالد: ياسندس انزلي ارفعي الديوان بسرعة ونزلي الوسايد هذه

سندس: تمام.. نزلت

خالد نسي انه عاد امه عترفع الديوان رحمهم انهم خارج مراعيين: هيا ادخلوا ..
.
.

في الغربة ومكان كئيب..

امير: تسلمي العشاء كان طعيم

رنا: الحمدلله

امير حب يدها: تسلم الايادي الحميش

رنا استغربت: مش قلت ان انا

امير مسك فمها: خلاص لاعد تذكري شي تم كنت معصب وتعرفيني مااطيب من قلبي بين انسى بسرعة

رنا بتبكي: كيف طيب وبتنسى من حين تقوم لما آخر الليل وانت هكذا عصبي وتتقارح وتحرق دمي وبعدا تأكل اصحابك او تخرج تغير جو وانا محبوسة هنا وتمكني آسف وانا طيب وين الطيبة

امير: يوووو اوووف منش ع قلب اسود معش جالسة تحسبيهن قومي هيا اخرجش يلا محسساني ان انا حابس لش

رنا: ايوه حابس لي ايوووه ، رجعني يلا بيتنا

امير: ابسري الجنان مش حالي عتخليني ارجعش صدق

رنا: رجعني

امير:قومي البسي يلا

رنا قامت لبست البالطو والمقرمة وبتخرج الشنطة

امير دخل مسك يدها من الشنطة: بس خبالة هيا حبيبي ، جي اخرجش تغيري جو شويه..تعشيتي؟

رنا: ماشي

امير: ايش خاوره تاكلي

رنا بتنشف عيونها

امير: مافي نفسش هيا اشلش اكبر وافخم مطعم وبعدا تحلي وايش زد في نفسش اشتري لش

رنا سكتت ومشيت معه

امير: اضحكي

رنا: على ايش

امير جلس ينكت لها ويراضيها
.
.

في اليمن بيت جدها..

سندس داخل الديوان بتكنس وشافت قوارير فاضية مرجومات في زاوية سفال الديوان مابين الجدر والدولاب حق المكتبة دخلت تكنس

دخلوا اصحاب خالد الاثنين بيمشوا لعلاو الديوان..


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

10 Jul 2025 21:58

.

البــارت 33 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


بعد ايام تحديداً يوم الثلاثاء
(يوم عرس صفية/ الحفلة) ويوم النقش(لأحلام)

جالسة في الكوشه بتشوف الصالة فاضية شوية وهي زاعلة 

امها طلعت: ماتشتي قاالوا بتداعيني

احلام: بتبسري يمه مابش ناس

واحدة من النسوان وصلت وطلعت لاعند ام احلام تسلم عليها: مالكن جننتين تعرسين لثنتين في يوم مادرينا اين نسير هنا والا هنا

ام احلام بضبح وقالبة وجه: انتي كنتي عندهن؟

المرة: ايوه هي حفلة قلنا نسير نبسرها وانتين حين هو نقش سهل نرجع نجي الحفلة

ام احلام: ياعيبتش علينا هم واصل عرس عتجي تجبري بخاطري انا وبنتي

المرة: كنتين عتفعلين في يوم سوا والا ايام متباعدة هكذا ماينفعش

احلام: الصالة عندها ملان؟

المرة: ايوه ماشاءالله على عمر وعلى عرس وعلى زقع ورقص والحريوة صلاة على النبي وقعت قمرررية ماشاءالله

احلام جالسة تهز راسها متوترة ترفع وتنزل وتبعد الفضة من وجهها وترجعها

امها: مالش اجلسي عاقلة

احلام: ضابحة معدتي بتفحرني فحر شاجنن قدو مغرب ومابش في الصالة الا الاهل واهل العريس

امها: طز من جا حيا به واللي مايشتي مع السلامة
.
.

في صالة عرس صفية..

ام العريس من كثر ماهي معجبة بصفية جالسة كل شوية تطلع تبوس راسها وتقرا عليها من العين وتصلح فستانها

ام رنا بتشوفها وتشاور ام خالد: الله يجعلها هكذا صدق مع صفية

ام خالد: مامعها من الدنيا الا واحد زوج صفية اكيد عتحنجها قوي

ام رنا: على الله يارب

@rewayatyamania المصدر الأول للروايات

في الصالة الثانية..

اخت زوج احلام: قد بنقلش تخلي القماش على خياطتنا مارضيتيش ابسري كيف الفستان فوقش

احلام: ماله؟ مش حالي؟

اخت زوجها: مدري الصدق خربوا التطريزه حمي عليها

احلام اقتهرت وساكتة بتكابرررر

اخت زوجها: وبعدا مابش معاكم ناس ومعارف او كيف الصالة فاضية

احلام: اصلا وقع عرسي وعرس جارتي

اخت زوجها بزنط رافعة فستانها تنزل من الدرج واشرت بيدها: يلا

احلام جالسة وحدها مابش حد جنبها غير بنات خالها يسيرين ويجين..

بعد صلاة العشاء الناس كلهم روحوا بقيت هي وبنات خالها في الصالة وبنات عمتها استأذنين وروحين

احلام: هيا نسير نبسر كيف وقعت

امها: مابش سيرة وانتي حريوة ماينفعش

احلام: من الباب ابسرها واخرج

امها: في البيت تمام
.
.

في بيت الجد..

وصلت صفية تصورت مع جدها وعمها واخوالها وخرجوا

سندس: باقي احنا راعي نتصور قوا

صفية: خلاص اقطبين تعبت التاج قلع راسي

رفيدة: قوا راعي اسير بسرعة ادي حقي الاكسسوار

سمعين صوت محاجر

صفية استغربت خرجت للباب حق الغرفة واقفة بفستانها

احلام وصلت شافت صفية

والكل بيحجروا لها حين وصلت العروسة

صفية مبتسمة بنظرات دهشة: حيا بالحريوة الثانية

احلام شافتها بترحب بها في نظرات عيونها اعجاب من قلبها دمعت وزعلت ليش تسرعت ومارضت يتعرسين سوا

حضنت صفية: يوه ذكرت واحنا جهال وبنلعب ونتوج بعضنا ونلعب حريوة وعرس

صفية شافتها وهي مدمعة: يوه من هذه ؟؟ هذه احلام اللي اعرفها وتربيت معها ايوه مش آخر فترة اللي وقعت بيننا حساسيات

احلام: ماعلينا المهم نفسي كنت ابسرش وغاثية منش شليتي الضيوف كلهم محد جاء يبسرني

صفية ضحكت: ذاحين الخميس كلهم عيجوا عندش يبسروش ومحد يجي يزفني ويخرجني

ام خالد: جين اصوركن هيا ادخلين نكمل لكن هنا شوية

قربين شاهي وفتحين اغاني وقامين يرقصين البناات وسامرات للساعة عشر
.
.

في الديوان نازل عند الرجال

غلق التلفون ابوه وبيكلم الجد: خالد بيبلغكم السلام ومعه اختبارات ماقدر يجي عرس اخته

الجد: الله يعينه ويعاونه ويكون معه

كان بيت العائلتين شغلة وعرس وزحمة لما جاء يوم الخميس
.
.

الصباح

ام خالد جاوبت التلفون: ها يا روح امك كيف انت

خالد: الحمدلله اين اختي ابارك لها قبل ماتنشغل

ام خالد ناولتها السماعة: جاوبي اخوش

خالد: اي حين عتتمي المكياج اجي لش؟ ومااشتيش يد تبان وطرحة ترتفع ويبان وجهش على خرجتش من الكوافير

صفية بتبكي وتمسح عيونها: كان نفسي وانت هنا يااخي

خالد: ناهي قلبي معش اهم شي اي حين عتتمي المكياج

صفية: مدري بعد المغرب

خالد: تمام خاطرش
.
.

بعد المغرب في الحوش بيتهم

سندس بتصيح: فؤاد هيا سير لصفية وعمتي

الباب كان مفتوح دخل بشنطته

سندس صاحت جريت وحضنته

فؤاد: اي حين عتبطل عادتك هذه وتكون تتصلنا نجي لك للمطار

خالد: ادخلين بسرعة اصحابي خارج معي، اين الرجال يافؤاد؟

فؤاد: في الزفة

خالد: طيب شلهم للزفة انا شاسير ادي صفية واجي

خالد بعجلة ومسرع: سندس اسحبي الشنط حقي وحق خبرتي وغلقي عليهن المكان حقي..


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

10 Jul 2025 21:57

.

البــارت 31 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


خالد استأذنهم وراح معه: خير مالك ساع امي بعدي بعدي

سام: شوف ياصاحبي والله مافي حسي اوقع بعدك ولا انا ساع امك بس بين افعل بأصلي انا عايش معك سنة بيننا عيش وملح وصلنا سوا تأقلمنا سوا رمضنا وعيدنا واشتقنا وبكينا سوا انا معتبرك اخ يشهد الله مااشتي اتدخل بحياتك ولا افعل نفسي افهم منك ولا اكبر منك ، انا شفتك ابن ناس وحالك حال نفسك مابش عليك سخى تهمل دراستك وتحبط اهلك اللي مراعيين لك ومتأملين فيك بيحسبوا الايام يوم بعد يوم اي حين تخلص وترجع
لاتضيع عمرك وتخرج عن الهدف اللي جيت له

خالد بيسمع مستند على الجدر بنص كتفه رجل على رجل وجالس يفتح ويغلق ساعته وهو بيسمعه

سام: انا اوعدك آخر يوم وآخر مرة اناقشك في شي يخصك بس عن نفسي لو شفتني يوم بين اضيع قبالك ياصاحبي يامنعاااه شد باذني حتى لكن لاتخليني اضيع تمام

خالد رفع عينه وشافه: تسلم ياسام

سام ابتسم له ومسك كتفه: الله معك.. ومشي

خالد دخل لاعندهم وهو متردد يستمر او يلحق طريق صاحبه

@rewayatyamania المصدر الأول للروايات

في البيت..
بخرت البيت وجهزت له الببسي والماء وشموع وزينت المكان

امير وصل: مساء الخير

رنا: مساء النور

امير جلس بدون اي تعليق

رنا استغربت ماله رجعت لغرفتها تتمرى تشوف نفسها يمكن نسيت شي يمكن المكياج ملخبط !!!

رجعت لاعنده جلست

امير شافها: اسمعي نشتي نتفق

رنا: على ايش؟

امير: انا شخص مايعجبني الدخلة والخرجة خيرات صاحبات جارات مااشتيش تجي عندي اسير عندها مابش

رنا: ليش طيب

امير: هكذا انا طبيعتي خلقني الله هكذا

رنا: طيب غربة ومابش اهل وتقلي ممنوع؟؟ قد شجنن ومالي شهر

امير: عتتعودي

رنا: وليش اتعود؟؟ مااشتيش اتعود انا تربيت بيت كبير اهل ولمة واخت وبنات عم

امير: وذلحين قدش مزوجة مادخلني من حياتش

رنا: هذا مش منطقي ياروحي بكرة بعده لو وحمت وولدت مابش معي حد

امير: شاسفرش اليمن

رنا: طيب يا امير

امير: ولا كلمة اعشقش واغير عليش

رنا: من نسوان تغير؟؟

امير: ايوه

رنا ساكتة

امير شافها متغيرة شوية: وبعدين قدش عتدرسي احمدي الله قويت قلبي ووافقت

رنا: تسلم

امير: ليش ممكيجة

رنا: عشانك

امير: مايعجبني انا المكياج ابدا

رنا: فعلت خفيف بس روج وكحل ومسكرا

امير: ولا اشتي شي ولا نقطة كريم

رنا داخل نفسها (ايش هذا؟؟ انا تزوجت عشان اتمكيج والبس ليش مايعجبه)

امير: انتي مشكلتش مبالغة في كل شي ليش ماتكوني طبيعية

رنا: تمام شوقع

امير : هاتي لي اللابتوب معي حسابات اكمل عملي

رنا قامت تدي له وجلست مراعيه يجابرها

مرت ساعة...ساعتين

امير بيضحك ويطبع ومتحمس

رنا: مابتفعل؟

امير: عاد انا سويت حساب فيسبوك

رنا: ايش هذا؟

امير بيضحك ومتحمس يطبع: مش وقت شارجع اقلش اصبري بنمقلب صاحبنا

رنا فتحت التلفزيون وجالسة تتفرج والشوق لاهلها وجمعتهم والدمعة ماسكتها بالغصب في عيونها..
بتسأل نفسها ايش تكست صفية وايش عتلبس وايش بيفعلوا ذلحين ينفضوا للعرس تذكرت تجهيزهم لعرسها ووو...

بتدعي لصفية يكون زوجها احسن من امير
.
.

في ماليزيا
سام فتح لخالد الباب

خالد دخل ومعه عشاء: السلام عليكم خورت لنا هذا

سام مسك يده: على فكرة الكلام اللي قلته لك كله كرم قلي احاكيك به عشان تتقبله فلو رجعتك هكذا معي اشتي ترجع هكذا مع كرم

خالد هز راسه وهو مبتسم: تمام

كرم في غرفته بيذاكر

خالد دخل: هيااا وين الشاهي

كرم: ايش من شاهي؟

خالد: عنتعشا

كرم قام: شم اكل من طبخ؟

خالد: هو دوري اطبخ اليوم اشتريت جاهز اشتي اذاكر اللي فاتني

كرم: ولايهمك اسوي لك احلى عشاء

جلسوا وبيتكلموا ويضحكوا ونسيوا اللي بينهم..
.
.

ثاني يوم في اليمن

ام رنا: مارأيش لو نفعل عرسهن سوا صفية واحلام

ام احلام: يوه والمعراصة ماجيتوا تفعلوا عرسها الا مع احلام

ام رنا ضحكت: البنت مخطوبة قبل احلام ومحددين العرس من ذك الايام ومافيها

ام احلام: ومالها ماتجي ام الحريوة او قد بتزنط

ام رنا: هيا يااختي من الغوا والكلام حق الجهال قد احنا انساب وجيران وعشرة عمر قلتي بفمش ام الحريوة مشغولة عند الخياطة

ام احلام: شابسر ابوها واحلام وانبيش

ام رنا: تمام

ام احلام: كيف الجهال اتصلت لش بنتش؟

ام رنا: ماشي والله اتصلنا لها احنا اول ماوصلت

ام احلام: وانا والكل مااشتيش اشغلهم واكلف عليهم

ام رنا: شاخلي ابوها يتصل لها اليوم

ام احلام: مابلا تشوقيها بس وتذكريها خليها تنسى وتعيش

ام رنا دمعت: فاقدة لها قوي

ام احلام: مافيها الا العافية خلي لها حالها

ام رنا: خير ان شاءالله يلا خاطرش يااختي مراعية لنابي

ام احلام ودعتها للباب: تمام

اول ماخرجت ام رنا

احلام خرجت من غرفتها: والله لو يموتوا مااتزوج معها اقدم عرسي معها ثلاث ايام ليش

امها: ...




📚 @rewayatyamania 🇾🇪

روايات يمنية📚🇾🇪

09 Jul 2025 19:41

.

البــارت 30 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


طلع مع اصحابه بيضحك: الله يقلعكم والله ان انا هنجمت فوق البيت امد افحط معاكم

صاحبه: كنت عتعدم خرجة مثل هذه شاليه وتخزينة واكل ع كيف كيفك منتجع مدفوع الاجر ع حساب الهور هذا خرجنا منه صميل حق مشروعه الجديد

امير: الله الله عتقلوا لي فيها تخزينة بس ليش بدري هكذا؟

صاحبه: عادو ماقد شل شي نسير نشتري اشياء ولحم والا تشتوا كل شي جاهز

امير: عتحاكوني واغديكم انا والتخزينة عليه

صاحبه: مش احنا خازيين منك بس عاد احنا امس عندك الليل شغلنا البيت عيب

امير: والله انك اهبل وتستاهل حرمت نفسك اكل بلدي يرزم بطنك انت وهو

@rewayatyamania المصدر الأول للروايات

بعد اربع ساعات
في بيتها جالسة تلوي من غرفة لاغرفة ضابحة رفعت التلفون واتصلت له

رنا: امير ضابحة اسير شويه عند جارتي؟؟

امير: لا ممنوع وانا خارج تخرجي خارج البيت

رنا: ليش مليت ضبحت

امير: دوري لش عمل تمهري

رنا: كملت كل شي مابش معي شي افعله ومليت تلفزيون

امير: اجلسي تعبدي الله واستففري

رنا: امير بين اقلك ضابحه

امير: ماافعل لش

رنا: خليني اسير شوية

امير: قلت ماشي بحجر الله لاتغثيني وتقلبي طعم القات

رنا بصدمة: مخزن؟؟؟

امير: ايوه سرت عند الشباب شوية

رنا: بين اقل انك في العمل هيا خليني اسير عند جارتي مثل ماانت خرجت عند صاحبك

امير باستفزاز ونبرة حادة: لأااا

رنا عصبت: فهمني ليششش لو سمحت ليش لا ليششش حابسني هكذا بتعاملني ليشش

امير: بين اغير عليششش بين اخاف عليش ماتعرفيش حد لو حد يقلش شي يغثيش او ماترتاحيش او زوجها او رجال في البيت مرتي حبييتي اغار عليها من الهوا الطاير

رنا ساكتة شوية هدأت

امير: ووعد مااطولش شوية بس واجي اكمل الجلسة معش جهزي لنا جو حالي واغاني

رنا فرحت: حاضر

امير: يلا مع السلامه ياروحي

رنا بينها وبين نفسها وهي بتبخر وتجهز ماء وببسي: والله انه شكله طيب مشكلته عصبي سهل يارنا كل واحد وفيه عيب صح مستفز بس مابيسخاش عليا وبعدين عندنا في الحارة بيضربوهن ويشلوا ذهبهن ويمنعوهن الخرجة

هذا درسش وسفرش وما بيبخل عليش بشي تحملي هي اول سنة قالوا صعبة وتوقع مشاكل وبعدا عنفهم بعضنا البعض وشاوحم ان شاءالله ماعيكون يسخى عليا ويحبني اكثر قد انا ام ابنه..

فتحت دولابها وخرجت اللبس اللي يحبه واختارت العطر اللي يعجبه، وسوت المكياج بالطريقة اللي يحبها حتى تسريحة شعرها ركزت عليه رغم انه ماقال كيف بتعجبه بس هي بتلاحظ نظرات اندهاشه
.
.

في الشاليه..

امير: يا اخي الزواجة عبارة عن ايش اقلك من حريق دم اهل زارة وقت (بعض احيان) الى حريق دم مركز حد يشغلك مايفهمك يدحسك واصل اربعة وعشرين ساعة

صاحبه: قلت لك ي امير وقت ماتزوجت ليش الفارق العمري بينكم كبير بتحصل مشاكل

امير: اي فارق اي طلي اذا هي وعادها بهذا العمر وهرمة كيف لو هي بنفس السن ، هيا قلدك الله قلادة كيف انت وام العيال كم الفارق بينكم وكيف بتتقاتلوا

اصحابه ضحكوا البقية

واحد منهم علق: شكله بيبكر يشهد ويهلل وينوي الموت في سبيل الله

صاحبهم رد عليهم بابتسامة روقان وكأنه ذكر شي جميل في حياته باس يده وجه وظهر: والله العظيم له الحمد ألف ماحييت ، فارق بيننا سنة وشوية ومتفاهمين جدا وبيننا كل حب واحترام واحلى عيشة 

امير: شكلك ياولد ملانك اجهزة تنصت

ضحكوا كلهم

صاحبه: جيت لك كذا ماعجبك سألتني جاوبتك ماعجبك ماتشتي اقلك؟

امير: انا على قناعة تامة انه تتزوجها صغيرة تربيها على يدك

صاحبه: الله يعينك ياصاحبي لو هذا تفكيرك ماعتعاني منه ويعلم الله كم عتصمد في هذه الدوامة

كملوا النقاش في نفس الموضوع بين مخالف ومؤيد بين مهشم للمرأة ومضعفها ومحجمها وبين اللي بيكرمها ويقدرها ويحترمها ويدافع عنها..

(مايمنع اختلاف وجهات النظر اثناء اي نقاش، المهم انه لاتجادل على غلط بسبب موروث فكري وعادات وتقاليد كبرت عليها)
.
.

في ماليزيا
خالد مجتمع مع اصحابه جالسين بيتناقشوا

جاء سام: السلام عليكم

خالد خباها الورقه اللي في يده وبضبح رفع عينه: وعليكم السلام

سام: ليش ما حضرت المحاضرات اليوم

خالد: انا حر

سام شاف البقية بيسمعوهم وهم جالسين: خالد ممكن كلمتين بس على جنب

خالد استأذنهم وراح معه: خير مالك ساع امي بعدي بعدي

سام: شوف ياصاحبي والله مافي حسي اوقع بعدك ولا انا ساع امك بس...


/channel/rewayatyamania/55248



📚 @rewayatyamania 🇾🇪

روايات يمنية📚🇾🇪

09 Jul 2025 19:40

.

البــارت 28 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


بعد اسبوع وصلت المكان اللي بيستقروا فيه( السعودية)

امير رجع من الشغل: الله ايش الدلع هذا

رنا: اليوم شفت في التلفزيون هذه الطبخة قلت اجرب

امير جلس بدأ ياكل وشويه وطرح الملعقة

رنا: مالك؟ ماعجبك؟

امير: الصدق طبخش مش ساع طبخ امي ابدا اللحمة مدري مالها مش ناضجة قوي

رنا: وانت اللحمة اللي اشترتيها مش ساع اللي بيشتريها ابي كانت شوعة

امير: ادي الخبز

رنا ناولته

امير: تعلمي اخبزي لنا

رنا: مابش تنور

امير: افعلي امد بالفرن اي شي

رنا: حاضر

امير: مادام البيت جهز وترتب الاثاث شاعزم خبرتي عشاء

رنا: حاضر

امير: جهزي طلباتش

رنا: امير

امير: هاه

رنا: كانت بتحاكيني اليوم جارتنا بنتها بتدرس صف اول ثانوي اشتي اسجل وادرس

امير: مش وقت ذلحين افعلي عشاء نتكلم وقت ثاني

رنا: طيب ايش افعل

امير: انا؟؟ بتسأليني انا مهرتي او مهرتش

رنا: ناهي ليش بتصيح انت طلبت عشاء ايش تشتي وانا افعل

امير: افعلي اكل سوا من كل شي شاسير اتصرف
.
.

في اليمن بعد مشاوير السوق هي واهل زوجها

وصلت بيتهم هي وامها

احلام: ليش هكذا يشتوني البس على ذوقهم واخته بتتحكم بكل شي قدها عجوزة ليش بتشتري لي ساعها حق نسوان كبار

امها: الاقمشة المطرزة عتحتاجيهن

احلام: بس يمه بتشل لها مثلي نفس اللون رمادي وانا حريوه ليش البس رمادي

امها: سهل شاشتري لش انا اللي تشتيه

احلام: بقية الكسوة بيشتروا اللي يشتوا شووعه والله ماالبس شي

امها: الله يعينني بس

احلام دخلت غرفتها جالسة تبكي وهي بتشوف كسوتها ايش الملابس اللي كلها مكممه محشمه طويلة والوان غامقة

@rewayatyamania المصدر الأول للروايات

في الصالة

ام امير بتكلم زوجها: احلام غاثيه لو تبسر اليوم بيشتروا اللي يشتوه هم

ابو امير: طيب من الرخيص؟

مرته: ماشي الصدق لكن مابيعجبها

ابو امير فتح باب غرفتها: مالش يابنتي
ماهو اللي ماعجبش

احلام: ابسر يابه كله ثياب عجايز شوعة اللون ومكممات شكلهم مطاوعة

ابو امير: الستر حالي مايزعلش

احلام: بس شوعة

ابو امير: هذا ذوقهم والكسوة في وجههم خلاص يشتروا اللي يشتوه واعرفي كسوة مني اللي تشتيه

احلام هدأت شوية

ابو امير: عاد انتي يابنتي على مشوار وعمر عتبكي من ذلحين مابلا اوقعي ذكية اكسبيهم وبعدا سهل عتفعلي اللي يعجبش

احلام هزت راسها تمام: مرة امير ولا حاكيناها بشي اشترت ولبست وفعلت كل شي تشتيه

ابوها حبها فوق راسها: كل واحد يفعل بأصله وطالما كنا معها حاليين عيقعوا اهل زوجش معش حاليين ولو بالبداية تعبتي لما تفهمي طباعهم

احلام: ان شاءالله
.
.

في الغربة..

خالد بعد ماكمل اللغة وبدأ الجامعة سنة أولى متحمس مع شلة اصحاب فعالين ومثقفين بدأوا يعملوا اجتماعات خارج الجامعة بعد الدوام

صاحب خالد سحبه على جنب: خالد اسمع صدقني مابش داعي تسايرهم

خالد: ليش

صاحبه: مش مرتاح لهم

خالد: طيب لاتجيش انت لو مش مرتاح

صاحبه: بطل عناد ياخالد انت مش حق هدار وداوية

خالد: ياسعم ان احنا سايرين مراقص يااخي بيعجبني كلامهم وتفكيرهم

صاحبه: يااخي سير مراقص لكن ابرد لك من السياسة ياصاحبي

خالد بشجاعة وهنجمة: مابين افتجع من احد انا حر ماناش خايف من احد

صاحبه: الله يعينك لكن لو يوقع شي صدقني محد عيخلي لك حالك عيوصلوا لك بين الشلة هذه جواسيس

خالد بملامح تحدي وشجاعة: مش انا خااايف

صاحبه رفع يده: انا فعلت اللي عليا
.
.

في المطبخ جالسة تسرع وتجهز بسرعة وتطبخ اول مرة تسوي الاكل هذا كله وحدها تعودت تطبخ مع بنات عمها واختها

امير جالس يجابر اصحابه بالتلفون ويضحكوا شافها ماكملت قفل المكالمة ودخل للمطبخ

رنا بتسرع ومنشغلة بالطبخ

امير شاف الاكل ع النار: قلدش الله لذلحين ماكملتيش قدلش ساعة

رنا: ماتكفيش ساعة لهذا كله

امير: هيا ناهي لش سنة عند امي ولا تعلمتي

رنا: من بيتنا متعلمة بس انت اديت مصاريف كثيرة رتبت والطبخ كثير عصيد مرق كبسه وو كل شي

امير: بتعدديهن من جيبش او ايش

رنا: لو سمحت سير اجلس شوية واقلك كملت خليني ارتب

امير: هيا ناهي كلهم بيعزموا ونسير كل شي جاهز وانتي مش قادرة تتمي قدلش من

رنا بتسمعه ومتوترة وبتسرع بسرعة كملت تغسول وطفت تحت الطبخ وهو جالس كل شويه يذكر ويهرم

امير: ليش خرجتي؟؟ وقت تحنقي وتقلبي وجهش

رنا: كملت ..

دخلت غرفتها ترتاح شوية

امير: اتصل لهم؟

رنا: اتصل

امير استغرب عادو كان في المطبخ وماقد كملت: مسرررع؟

رنا: انت مارضيت تسكت افهمك اني قد شاكمل مراعية ينضج امد ماانظف المطبخ

امير: كان تستاهلي اللي سمعتيه مثل ماخليتيني اجلس اتكلم

رنا طنشته: اشتي اصلي

امير خرج وشاف مرتبه الصحون ومجهزة كل شي
دخل لاعندها بعد ماكملت تصلي: اتصلت لهم قدهم في الطريق

رنا: ساكتة

امير شافها ضابحة: ...





📚 @rewayatyamania 🇾🇪

روايات يمنية📚🇾🇪

09 Jul 2025 19:39

.

البــارت 26 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


امير: البسي هذا

رنا شافت اختار شي عادددي بينها وبين نفسها (يمكن لانه قد شاف بنات كثير ماعد بيعجبه شي عليا) ؟؟ طيب بيقولوا المرة تكبر عقلها عيتغير شافهم طبعه ويفهم طبعي يلا يا رنا دعممي ومشي اليوم بدون زعل تقبلي رأيه عادي يختار اللي يعجبه
.
.

في بيتهم..

ام رنا جالسه ضابحة

ام خالد: ها ماوقع اتصلت؟

ام رنا: اتصلت لام امير وانها بتشكي منها قلك نكدت ع ابنها يعلم الله ماقد وقع قلبي بيلهب على بنتي

ام خالد: ولاشي ولاعيقع شي تعرفيها يعجبها تطبز واحد تشتي تقلقش بس دعمميها

ام رنا: وانا قد قلت هكذا بس مدري ليش بين اقلق

ام خالد: حين مااتصلت ارقدي شرق هيا والصبح عيحلها الله عنشل رقمه ونتصل احنا

ام رنا: تمام.. هيا تمسي على خير
.
.

ثاني يوم بعد العصر..(حفلة عقد احلام)

وصلين عندهم ..

صفية اول مادخلت استغربت: يووه مااكبر بوكيه الورد ايش هذا؟؟ اول مرة تشوف وداخله هدايا

سندس بتشاورها: ابسري شكلهم مرتاحين

صفية: قالوا عتتزوج لصنعاء مرتاح معه صرافة

سندس: يهي هنيت لها

صفيه: مالها بتبسرنا وتقلب عينها بتبسرين؟

سندس: ايوه يمكن العدسة مضايقه لها جي نسلم عليها

وصلين لكوشتها الصغيرة

احلام شافتهم بتأشر لهن: يووه مش وقت السلام عيخرب المكياج ياسعم مانتعارف اصلا عيجي يبسرني بعدا ونتصور قد ادوا معهم مصورة من صنعاء

صفية: ولاتقلقي نسبر لش المكياج لو خرب هيا جي ياسندس

سندس وصفيه سارين جلسين


بعد المغرب وصل عريس احلام ولما قده في الكوشه جالس

احلام جالسة مستحية لفتت تجاوبه

بيشاورها في اذنها: فستانش حالي بس بين اغير من النسوان يبسرنش وانتي هكذا لابسة فستانش مقطع

احلام بينها وبين نفسها يوه مسرع حبني وبيغير عليا؟

احلام بصوت واطي منتظره لرد يفرحها: مسرع بتغير عليا

زوجها: مش غيرة بس مايعجبنيش اللبس هذا انا احب المستر المكمم الطويل ، مااشتيش اشوفش في العرس بلبس هكذا

احلام وقعت لها صدمة

زوجها: يلا شاخرج الآن

احلام: ليش والكيكة ماقطعناها؟

زوجها بضبح ومتوتر من الزحمة: دخلت اشوفش النظرة الشرعية واخرج، أما الكيك ناكله في العرس

احلام: طيب يارزق ليش اديتوا الكيك

رزق بصوت واطي وعيونه في الارض: للنسوان بعدا اقلش انا مايعجبنيش هذا الوضع رجال وحدي وسط النسوان هولا كلهن ليش ناكل قبالهن يعني ؟.. وقف

احلام مصدومة هذا اللي فكرته بيكون غير ! طلع اخوها احسن منه !

خرج وكلهن مستغربات

سندس بتشاور صفية: يعلم الله ماقد قالت له هرب

صفية ضحكت شويه وماسكة نفسها: اسكتي بتبسر لاعندنا قدها دارية كيف بنحش

سندس: عقاب الله ماكانت تخلي عرس ومناسبة وماتحش على حد

صفية شافتها ضحكت: واحنا ذلحين مابنفعل؟

@rewayatyamania المصدر الأول للروايات

في مصر (خرجوا يتمشوا )

رنا: ايش رأيك نسير السوق

امير: مش وقت جي ندخل اي مقهى نشرب شي امد مااتصل لابي ابسر ايش سدوا واي حين العرس والشروط حسي عند اختي وانتي قلك سوق عادش جيتي بكسوة

رنا سكتت

امير دخل وجلس على الطاولة طلب له شيشه وشاهي ولها عصير

رنا: امير اشتي اتصل لاهلي فقدت لهم قوي

امير: كل ماامسك التلفون ساع الجاهل تدحسي

رنا: لانه مابين اشغلك اي وقت ابسرك  تشحن رصيد واقول احاكيك

امير: مش وقت اهلش راعي نبسر اختي

رنا قررت تصبر تنتظر وتتصل بعده

امير بدأ يشيش وينفخ ويشوف البنت اللي وراها تشيش وتنفخ ويبتسم

رنا كانت جالسة في طرف الماسة بانتظار تكلم اهلها شافته اخذ راحته طارح رجل فوق رجل وبينفخ ويتلفت ويضحك للي بتشيش جلست ولا اي كلمة او عتاب بس بتستوعب حقيقة وطبيعة الشخص اللي معها

امير ركز بعد عشر دقائق وهو سارح وناسي نفسه مع اللي حوله: ها ليش ماشربتي العصير

رنا: مابش نفس

امير: واصل وانتي مابش نفس واصل نكدية مش حق خرجة وفهنة وسفر تشتي الصدق بكرة شاحجز ونرجع بدل العطلة ع الفاضي هذه وضياع الزلط خليني اسير اديها لاختي تتعرس بها سوا وانا اطلب الله هذا آخرة الصبر لش بعد سنة طلعتي ماشاءالله

رنا بتتفرج له ماعد فيها هذك الصدمة والاستغراب منه مراعية بس يتم ويسكت

امير اتصل لامه..

رنا قامت: رايحه الحمام... مشيت راحت بكيت شوية وغسلت وجهها ورجعت

امير كمل الاتصال: غطي شعرش

رنا: مغطى

امير: غطيه سوا قلت

رنا بضبح منه فتحت المقرمة عشان تصلحها وبان شعرها اكثررر

امير فتح فمه وبهرر وطرح قصبه الشيشه

رنا بسرعة لفتها: هكذا

امير: ومالش تفتحيها هكذا؟

رنا بتستفزه من كثر ماضبحها بكل برود: عشان قلت لي اصلحها..

امير: لاحول ولاقوة الا بالله..

مشي من جنبه عجوز وقال له: (بتعصب على اختك ليه؟)

رنا ضحكت عشان قال اخته

امير: فارحة هاا

رنا اشرت بحواجبها: ايووه

امير هدأ شوية...





📚 @rewayatyamania 🇾🇪

روايات يمنية📚🇾🇪

09 Jul 2025 19:37

.

البــارت 24 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


ثاني يوم السفر قرر يشلها الحديقة..

امير: اسمعي هنا تشتي لعبة تطلعي وحدش

رنا بضحكة استفزت شجاعته: يعني تخاف

امير بيكابر: مش اخاف بس يعني مايعجبنيش

رنا: ليش مايعجبك والله روعة يعني تخاف هيا اتحداك

امير: طيب هيا بس والله لو تبكي ماانزلش لازيد اقله يخليش تثنيها مرة ثانية تلعبي

رنا: موافقة

امير بيطلع معها بس عشان تبطل تحرجه وهو يخاف المرتفعات قرر يطلعها اقوووى لعبة ويخليها تعيدها مرة ثانية ويخدعها ومايطلع..

رنا جلست ربطت الحزام ومتحمسة: هيا اطلع؟

امير ضحك واشر لها بيده: بيباي (منتظر تزعل منه وتصيح فاجأته بملامحها)

رنا بضحكة وبصوت عالي: ياخواااف

امير سمعها ضحك وداخل نفسه عنبسر ذلحين من الخواف

بدأ قطار الرعب يتحرك وبسرررررعة

امير بيشوف متتظر اللفة تجي وهي بتبكي

رنا وجهها كله بيضحككك مستمتعة..

امير استغرب وبيضحك: هذه مش طبيعية 

وقف القطار

امير: ها خفتي؟

رنا: ابدا يجنن عاد انا اشتي اطلع مرة ثانية

امير ضحك: قد قلت له من نفسي

رنا: هيا بسرعة الكرسي اللي جنبي فاضي اطلع مايخوفش والله انها هبالة

امير  شافها وتشجع طلع معها..

@rewayatyamania المصدر الأول للروايات

في اليمن كملت امها تتكلم في التلفون..

احلام: الجمعة؟ يعني عيجوا بكرة هيا ابسري عناد امير لو راعى وسافر بعد اسبوع مدري على ايش معاجل

امها: ناهي مافيها هم داريين انه مسافر

احلام: كنت اشتي حفلة حين قدو عقد والكل امد رنا تعاونش تعب عليش

امها: سهل بنات خالش عيجين وتوقع احلى خطبة

احلام: ولو كنت اشتي اخي مش تشله بنت الناس علينا

امها: هيا يابنتي بطلي وهو شلها هي البنت اللي تحس بغربة ما الرجال قوي وبيتواله في شغله الله يعينها

احلام: حتى انتي قد سحرتش آخر فترة بتدافعي عليها

امها: الغلط غلط مابين اسكت عليه

احلام: الحمدلله يبانوا اهل الخطيب حبوبين قوي

امها : ايوه ارتحت لهم قوي اخلاق وبعدا عجبتيهم قوي

احلام: بس الواحد ماتنفعش الطيبة مع الناس بيستغلوها

امها: ايوه من البداية يخطوا هم على شروطنا

احلام: اشتي بيت وحدي

امها: ويدي لش مصروف ليدش حقش غير صرفة البيت اوقعي مرة

احلام: هذك بعدا في العرس ذلحين اشرطوا عليهم حاكي ابي

ابوها سمعها وخرج: ومافيها لو جلستي بينهم

احلام: مااشتيش

ابوها: القرار والشرط لنا احنا الرجال مابش عندنا بنات يتشرطين

احلام: بس يابه قوا والله ماقدرت لبيت زوج اسير هذه مرة اخ و ماسديت معها

ابوها: مرة اخوش محترمة مابسرت منها الا كل خير من ترضى تجلس سنة كاملة بعد عرسها بدون زوج

ام امير: وحين قلت لها اشتي جاهل قدو وقت مرة عمها تتفيضل قلك مع تكمل تدرس

احلام: تستاهلوا انتوا زيدتوا لها الدلع والا مابش عندنا بنت تغنج وتدرس كلهن يتزوجين ويخلفين ويمسكين بيت

ابوها: ذلحين خليش في نفسش ماهم قد تمينا زوجناه وشلها وسار الله يفتح عليهم

احلام: ها حتى مااتصلوش يطمنونا وصلوا او مع

امها: والله صدق كم تحريته يتصل يطمني

ابو امير: كم انتين روحكن في الهرم ، قومي يابنتي افعلي لي شاهي
.
.

الليل وصلوا المطعم يتعشوا..

رنا: امير اتصل لاهلي واهلك نقلهم وصلنا

امير: مش وقت جاوع ذلحين

رنا: امد مايوصل الاكل

امير: مابش معي رصيد يكفي

رنا: خلاص تمام لبعدا

امير جالس ساكت وسارح وراها

رنا بتشوفه مطنن وسارح لوراها: مالك؟ قدك تاعب؟

امير هز راسه لا ومستمر نفس النظرررة

رنا لفتت تشوف وجالسه تشوفهن وراها شلة بنات بيضحكين اللي تصلح شعرها واللي بتعدل مكياجها والثالثة بتتكلم بحماس وتضحك

امير شافها لفتت لهن وبتشوفهن: ايش رأيش مختلفة عن بلادنا؟

رنا لفتت له: قصدك البناات؟؟

امير ضحك: اين بنات

رنا: عجبنك؟

امير: حلوات والله سبحان الله والجمال

رنا تغيرت ملامحها: وعادك تقولها هكذا في وجهي؟؟

امير: تشتي اكذب يعني؟ سألتي وجاوبتش مااحبش الكذب انا

رنا قامت: اتهنى بشوفتهن

امير عصب: اين عتسيري من الجنان

رنا: اغسل يدي ، خليني ابعد من قبالك تاخذ راحتك

امير: سيري

رنا ضبحت شلت شنطتها ومشيت للحمام

امير ضبح من اسلوبها معه

رجعت وقد الاكل وصل وبياكل

رنا جلست وبدأت تاكل

امير: حاسس الاكل قليل جاوع قوي

رنا: فتحين نفسك للاكل الظاهر

امير شافها وطرح من يده الدجاج بعصبية: عتبطلي جنان ونكد؟؟ مش انتي حق شي

رنا: لاتجلس تعاير ايش من نكد وانت اللي بدأت تتفرج وتسبح الله في البنات

امير: ايوه حرر قلت الصدق ايش مزعلش مش واثقة في نفسش او ايش

رنا: في شي اسمه احترام مشاعر مرتك يعني ماتفكرش ان انا اغير او لا؟ لو انا فعلت هكذا وتبسرت الشباب وقلت لك ماشاءالله سبحان الله ماخلق

امير عصب وقف: قومي...





📚 @rewayatyamania 🇾🇪

روايات يمنية📚🇾🇪

09 Jul 2025 19:36

.

البــارت 22 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


صفية: بعقلك انت عتطرح اشياءك وتشل حق الناس؟

خالد: سهل انا قد شليت اشيائي واشل لهم الضرورة

امه: يلا الله يسخرلك يا ابني الارض والسماء وماعليها
.
.

ثاني يوم..

امير: هيا اخرجي نصتبح وابتسمي وانسي اللي حصل يومين ونسافر ونهجع المشاكل واوعدشششس اعيشش احسن عيشة هانك وحدنا نفهم بعض نتعود على بعض تشوفي كم احبش وشادلعش واطرحش في عيني

رنا فرحت بكلامه ووعوده: تمام

صفيه اتصلت لرنا: عتجي نصتبح؟

رنا: ما اقدر

صفية: ها اشتروا صبوح من خارج يخوروا خالد قد عيسافر خورناش معنا حاولي

رنا: مابش فايدة حتى لو جيت اصتبحوا بس يهنى قلبكم.. بعد ماقفلت

امير شافها ابتسم: ايوه هكذا مرتي الذكيه تفهم من نفسها

خرجوا وهم بيصتبحوا

ام امير: تجهزوا اليوم عنسير بيت خالك

رنا شافته بنظرة جالسة بتاكل

امير خلص ودخل غرفته يدي تلفونه والمفاتيح

رنا دخلت وقفلت: اشتي اكلمك

امير: ايش؟

رنا: ليش بتقابل بنات خالك لو اقلك ممنوع تقابلهن وتجلس معهم

امير ضحك: ليش من انتي عشان تمنعيني؟؟ انا الرجال والا انتي!

رنا: امير لو سمحت بطل هذا الاسلوب عيال عمي وتربينا سوا وخليتني امتنع منهم جاء خالد ولا حتى قلت له الحمدلله على السلامة غير بالصدفة حين ابسرته ومشيت بسرعة 

امير: قلت لش بالصدفة سهل سامحتش

رنا: سامحتني؟؟ ليش ايش فعلت عشان تسامحني انا الا قلت لك من نفسي عشان منعتني وقعت صادقة معك والا مادراك وعادك تقل لي سامحتني

امير: ماتشتي بتدوررري هدار وهرم كل يوم ماهو يابنت الناس مالش

رنا: ولا شي ، تشلني بيت جدي خمس دقايق اودع خالد وانا مبرقعة من الباب واخطى

امير ضحك: مارأيش اشلش معه المطار تودعيه سوا

رنا سكتت بدون ماتتكلم كلمة جالسة

امير: هيا امشي

رنا ولا بترد عليه بعدت البرقع

خارج الباب

احلام: هيا جي اسمعي ابسري كيف بتعلمه ماصدقتيني تشتيه يمتنع يسير بيت خالي

امها: ياسعم مش انا دارية ، قد انا دارية بحركاتها  تربية مرة عمها ، ذلحين انتي لو يخرج اخوش وانتي هنا لايقلع راسش مافيني للهدار معاكم

ابو احلام: مامعش هنا!!!

احلام خافت بعدت

@rewayatyamania المصدر الأول للروايات

داخل الغرفة

امير: صوت ابي خارج هيا قلي له ماعتجيش

رنا ساكتة ولا اي رد

امير: تمام موافق بالبرقع من باب الباب تسلمي عليهم وتودعيه

رنا بدون اي ملامح فرحة بس كأنها منتصرة انها بدأت تعرف تدافع عن نفسها وقفت لبست البرقع وخرجت

ام امير: جي شلي الصحن هذا وزيدي ملانه كعك نشل معنا تحمليه معش للسيارة

رنا: تمام اسير لبيتنا وارجع اشله

خرجت

امير لحقها: راعي اوصلش

رنا بضبح: توصلني ؟؟ الباب جنب الباب!! تشتي تجي معي الحقني

امير سكت بس داخله غيرة انها رايحة.. خرج شغل السيارة ومشاها قدام بيت جدها وواقف

رنا دخلت سلمت عليهم

خالد شافها طرح الشاي ويشتي يخرج

رنا: مع خليك جيت اودعك

صفية فرحت وقلبت الوضع مزح لاينحرجوا: تشتي تغثى منك ساع الوداع الاول هي مراعية لك وانت هربت

خالد عينه على الاكل ضحك: كنت مربوش وهي بتدلع

رنا: وخرج الدلع سوا من عيني

على دخلة جدها للصالة: ليش مالش؟

رنا: ولاشي بس اشتي ارجع عندكم بين افقد لكم قوي

خالد ساكت يعرفها حاسس انها مش مرتاحة كلامها تصرفاتها لما سمعهم بيتصايحوا بس مافي بيده شي غير يدعي لها يصلح الله حالها

بيسمعوا صوت الطريقة حق السيارة ازعج الحارة

دخلوا جهال الحارة يداعوها: جاوبي امير هيااا قد بيصيح

جدها: قله يراعي

خالد ضحك

رنا توترت خافت جدها يعاند وامير يعصب: يو خزا اصلا معزومين وعنأخرهم

جدها ببرود: اين معزومين؟

رنا: بيت خال امير

جدها: ها سهل اصلا ماعدو وقت صبوح يغدوكم

ام خالد حست باحراج رنا: خلاص ياعم يكفيها هي عندنا واصل اي وقت تسير لايراعوش في الشارع

رنا شافت خالد: توصل بالسلامة ان شاءالله

خالد: الله يسلمش وانتوا توصلي بالسلامة ان شاءالله

سندس بلقانة بتقلده وباستفهام غلط الجملة اللي قالها: وانتوا توصلي كيف يااخي ؟؟ كيف ذكاءك

رنا ضحككت بهررت لها: يلا خاطركم مع السلامة

خالد رفع عينه: في امان الله

رنا شافته آخر نظرة ومشيت..

خالد لفت لامه: اشتي تدوري لي على مرة واخطبوا لي الجمعية حقي شاستلمها بعد شهرين امد ماتدوروا لي بنت شاحولها لكم

جده: ماعليك من الزلط انت

خالد بضحكة: الا انا حلفت ماازوج نفسي الا بتعبي عشان اكون اذلها اديتش بزلطي وتعبي

ضحكوا عليه كلهم

رفيدة: مارأيك في احلام

صفية: الله لاقال يخ

خالد: مااشتيش احلام

امه بمزح: كيف مواصفاتها؟؟

خالد يشتي يتكلم جت على باله رنا مستغرب ليش؟ قاطع افكاره بسرعة: اللي تشوفوها بنت ناس
.
.

فوق السيارة خارج

امير: بدري لذلحين امسي عندهم لاعد ترجعيش احسن

ابوه: خلاص اهدأ

امه: ...





📚 @rewayatyamania 🇾🇪

روايات يمنية📚🇾🇪

08 Jul 2025 20:57

❤️

بـارتـات يـومنـا الثـلاثـاء 👆🏻😍

روايات يمنية📚🇾🇪

08 Jul 2025 20:51

.

البــارت 19 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


في بيت جدها

جدها: اليوم جمعة رنا عتجي؟ اي حين عتسافر مع زوجها؟

خالد: الله ياجد الله بتهم رنا من ذلحين وانا اللي مسافر ثاني العيد ولا حسك عندي

جده: يا ابني هذه البنت بيني وبينك ترحم ومدري ليش مش انا مرتااااح لزواجتها هذه داخلي شي يضيق كل مااذكرها

خالد: الله يوفقها يارب لاتهم رنا قوية ومحد ييفلت منها مابتخلي لحد حالة الا حقها

جده: هذا اللي مطمني بس البنت يا ابني تضعف مع الوقت اخاف يكسر قوتها

خالد: والله مايعيش لنا راس لو حد كسر راس من راس بناتنا

جده: ياخالد وصيتي لك لو وقع بي شي البناات هولا في ذمتك ابوك واعمامك ماعد فيهم طافة للمشاكل وبيهموا القبيلة والوساطة وكلام الرجال اكثر لكن انت كن سند لهن

خالد: ياجد الله يحفظك مش وقت الكلام هذا ينتبهين لي هن امانة معنا بنات جنيات

جده ضحك: تربيتي

@rewayatyamania المصدر الأول للروايات

يوم العيد..

رنا جاوبت ابوها وناولته السماعة: امير جاوب

امير بيبهرر لها مش موجود

رنا بعفوية: قد قلت انك هنا جاوب

امير بهرر لها سحب السماعة: الو

ابو رنا: ماتشتي تتحاكا او كيف

امير: مع المعذرة ياعم هذه رنا داريه مااشتيش اصحابي

ابو رنا: يعني بنتي عتجابر اصحابك هكذا وتقلهم كيف انت يا اباه

امير ارتبش: ها اصلا جيت وهي بتناولني السماعة ماناش داري من اتصل

ابو رنا: على العموم قلنا نعزمكم انت وياها غداء العيد عندنا وبعدا عنجتمع نخزن نودع خالد

اميرضبح لما سمع اسم خالد: ها شبسر بعد الغداء كيف لان اشتي نخرج انا وياها نكمل تجهيزات السفر بعد يومين

ابو رنا: عيد مغلقين السوق وعادكم اسبوع فيه لكن على راحتكم.. مع السلامة

امير انحرج: يلا مع السلامة

رنا: مالك

امير: مالش انتي بتتهيبلي وتحرجي واحد آخر مرة تفعلي هكذا

رنا: ليش انت تقلب فجأة هكذا مافعلت انا واي حين قلت لي ماتشتي تكلمهم

امير: مش وقت لغاجتش اسرعي البسي مفروض تفهمي على نفسش مايعجبني حد يحرجني

  رنا: حاضر

امير: يعني ماعد دريت من اهم واودع خالد ياسعم انه من بقية اهلي

رنا بضبح ساكتة بتسمع

دق باب غرفتهم

واقفات بحماس: امير الحمدلله على السلامة

امير وقف وخرج مد يده سلم عليهن

رنا مصدومة ثلاث بنات كبار واقفات هولا بنات خال زوجها؟؟!! بيقابلنه مد يده سلم عليهن!!!

كيف مش هو منعها من ابن عمها اللي تربت معه في نفس البيت؟

امير بضبح: مالش ماتقومي تسلمي عليهن

رنا: مراعية تتموا تتسالموا من المزاحمة

امير انحرج من ردها ويبهرر لها

خرجوا للصالة وجالسين يتجابروا

رنا خرجت وبتتفرجهم!!

بنات خال امير: وهذا العيد قررنا نجي عند عمتي تخرجنا نتغدا ساع كل مرة

امير: من عيني يلا مارأيكن تتجهزين الآن نفعل لفه وبعدا نتغدا

رنا: وبيتنا

احلام: ماهو بيتكم وانتي هو عيد تشتي تسيري سيري خلي اخي يخرجنا

بعد مالبسين وتجهزين وهي زاعلة كيف كسر عزومة ابوها وعلى خرجتها شافت بنات خال زوجها بيتسابقين وكل واحدة تقول لقفت اجلس قدام وهي مصدومة!!!

في الحوش بتلبس الجزمة (حاشيكم) بتسمع صياحهم وهم باب الشارع

امير: هيا احلام قلت لش بطلي لغاجة

احلام: ماشبطلش بسبب مرتك تصيح فوقي يوم العيد هكذا؟؟ من اي حين بتصيح فوقي هااا !! ماشخرج قلت

امير: حرام وطلاق لاتخرجي

رنا مصدومة مش فاهمة اليمين هذه ايش ؟؟ بس يعني طلقني؟؟ ليش مادخل احلام بسببي ايش مش فاهمة ايش بيقول

احلام: طز طلقها عادو احسن

خرجت من الباب وشافته بنظرة

امير: جننتني هذه البنت حاكيها!

رنا شافته ولا ردت ..

امير خاف من ردة فعلها: ابسرتي كيف عصبتني كلمي صاحبتش فهميها

رنا شافته ومشيت خرجت طلعت السيارة مش عارفة ايش لازم تسوي في هذه اللحظة!! تسوي مشكلة او تسكت او ايش اللي عيحصل؟؟

امير: ليش ماتجلسي جنبي؟؟

رنا ماعد عرفت وين تجلس من الصدمة وزعلها منه

مشيت لطرف الحارة جنب بيتهم: يلا نزلني

امير: ليشش؟؟

رنا ماعرفت ايش تقول: مش عزمونا؟

امير: طيب عادو ظهر نسير نطبخ!! نفعل لفة ونشتري لهن غداء ونرجع بيتكم

رنا سكتت

بيمزحوا ويضحكوا وكل واحدة تتدلع على امير تسبقه تطلب يفتح اغنية

رنا ساكتة سارحة من الطاقة شافتهم وقفوا في نفس الاشارة ورفيدة بتأشر لها بيدها (بيباي) وتصيح للبنات وكلهن قربين للطاقة يشوفين رنا

خالد كان يسمع اسمها بس مالفت جالس يشوف قدامه عشان لايضطر يسلم على امير اللي مايطيقه

امير شافها من المرايه اللي جنبه وهي وراه جالسه تتفرج استغرب الحركة اللي جنبهم ولف شاف بنات عمها واختها فوق السيارة شافها في المراية اللي قدامه وبهرر ورفع الزجاج من عنده

رنا زادت ضبح من تصرفه..

بعد مارجعوا البناات بيتهم وصلوا وهم في الحوش

امير مسكها: اسمعي مش لازم تقولي ماوقع اليوم لحد

رنا: ...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

08 Jul 2025 20:50

.

البــارت 17 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


احلام متحمسة تسمع

رنا: تحاكي يا صفية

سندس قامت تقلدها: عادها عتطرح الصحن وتجلس هكذا وتدور المدكى ووسادة وتجلس وتتفرج لنا واحدة واحدة  وتقول يابنات: اقلكن سر وقلين والله ماتقلين لحد

كلهن ضحكين

لفتين لهن النسوان: مالكن؟

رنا: ولاشي سندس بتقلد صفية

احلام ضربت يد صفية: هيا تحاكي

صفية رجعت لها الضربة: تعرفي خصمي هذه الحركة

رنا: هيا صفية تحاكي اوووف منش

صفية: خالد سمعته بيحاكي ابي في الحوش بيتجابروا ع خطبة وماخطبة

احلام ابتسمت مستحية

رنا شافتها وضبحت مالها مصدقة نفسها انها له !!

صفية لانها ضابحة من اللي بتفعله احلام برنا حبت تقهرها: تخيلي ي احلام

احلام مبتسمة: ماهو

صفية: اخي جنن

رنا: ليش

سندس: صفية بس لغاجة تكلمي يخ والطبيعة

صفية: بيقل لابي البنت حبوبة ومحترمة تعرف عليها في ماليزيا ويشتي ابي يتصل لابوها الخلاصة ان خالد اللي كنا نبسره عاقل طلع صايع ي احلام

احلام اكتبدت تغيرت ملامحها سكتت

رنا: الله يوفقه يارب

احلام لفتت لرنا بنظرة عتاب..

سندس: اسير اسأله كيف هي ومااسمها؟

صفية مسكتها من ظفيرتها: قسما بالله لوما تبطلي طبيعتش هذه من قلي اتحاكى قبالش

رنا ضحكت عليهن شافت احلام بتغمز لامها يمشين: مسرع؟

احلام: وقت هيا قومي البسي

صفية ضحكت: الله وانتي من يقلوا لش تقلي لها تلبس زوجها؟

احلام: مش وقت المزح ياصفية رجع لي التعب

رفيدة ضحكت: اين تعب ولاكان فيش شي

صفية: اصلا مشو لها

احلام لفتت لها: ماقصدش؟؟

صفية خافت من ردة فعلها شافت رنا وشافت احلام: الجعالة هذه قلت مش لها، مالش ماعد بتفهميش شكلش تاعبة يا احلام

البنات بيضحكين

احلام شافت رنا: مدري مالكن اليوم عليا بتتضحكين وتتشاورين وتفعلين حركات يلا الله يسعدكن

هيا يمه اخطي نروح تاعبة راسي

ام امير: هيا رنا البسي

جدتها: اليوم عتمسي هنا قدلها خيرات مامسيت عيتم رمضان وماقد مسيت مع البنات

ام امير: تروح تنفض غرفتها وتجهز نفسها زوجها عيرجع في الاواخر

رنا: مرفعة الغرفة ياعمه واداتي كلهن بيوم شافعلهن وسط الشنطة

ام امير: مااشتيتي هيا خاطركن..

وصلت البيت اتصلت لامير

امير: مشغول يمه معي عمل

امه: ضروري فلت العمل وكل شي اشتي اقلك ماوقع

امير فكر في شي مهم خرج من المحل: خير ماهو ماحصل؟؟؟

امه: لو تبسر مرتك اليوم كيف فعلت بنا بيت اهلها

احلام دخلت وقاطعت من السماعة: وقابلت ابن عمها وانت قلت لها مع

امير ضابح معصب: طيب يلا قفلوا شاتصل لها مع السلامة

وصل لها اتصال

صفية: اسرعي ي رنا جاوبي خالد بيتصل

رنا نزلت من الدرج بسرعة وبتجاوب: ايوه انا في مكان تغطيه سوا خير؟

امير: اسمعي اللي شاقلش الآن

@rewayatyamania المصدر الأول للروايات

رنا: أمير حياا ياقلبي وحشتني

امير بصوت مرتفع وبيصيح: مالش انتي مابتسمعيش؟؟؟ ولا كأن لي كلمة!! تشتي اجلسش بيتكم

رنا مافهمت قصده: ايوه اشتي اجلس بس مالك ياروحي ليش اتصلت تصيح فجأة!!

أمير: على من بتضحكي انتي !! على من ماتستحيش على نفسش

رنا ضبحت: مالك بتصيح؟؟؟ مافعلت

امير: وطي صوتش واحترمي نفسش

رنا: اتصلت تصيح فوقي وتقلي احترم نفسي فهمني اول مالك

امير: كبف تقابلي ابن عمش الحيوان هذا اللي مايستحي على نفسه فارح بروحه

رنا عصبت: أمير لو سمحت لاتغلط على حد من اهلي

امير: اغلط وافعل اللي اشتيه طالما ماا بتحترمي نفسش انا شارجع واوريش.. قفل السماعة

سارحة مصدومة مش فاهمة ايش السبب هذا كله؟؟ معقول احلام قالت له بنضحك عليها؟ طيب ليش سب خالد يمكن عشان ماخطب اخته؟؟

صفية ماسكة وجهها: مالش؟ ليش عصبتي وتحاكيتي معه هكذا عيب

رنا سارحة

صفيه شافت خالد بيطلع: رنا طرريق ررنا..

رنا وهي بتطلع وسارحة وبتكلم نفسها: وانا مادخلني مادخلني من خالد

خالد وهو بيطلع بيسمع صدى صوتها في الدرج: ضحك بصوت حد طلب منش شي

رنا دخلت الغرفة بسرعة وشافت صفية: يوه سمعني؟ انا ماقلت

صفية مسكت راسها: انتي طبيعية مالش؟ ماوقع ليش متوترة هكذا

رنا: لو تبسري اول مرة في حياته يكلمني امير بالطريقة هذه!! صيح ولعني ولعن خالد مااعرفش ليش قال عيجي ويوريني

صفية بضبح: اطلعي حاكي جدي لو انا بش لاحاكيهم

رنا: اول افهم ماله وايش اللي وصل له

رنا بتتذكر كلامه قال تروح او لا!! بس جدها قال تمسي

طنشت وقررت انه عيحاسبها فتنبسط باللحظة مع بنات عمها..

رفيدة خرجت بسرعة: يابنات هيا قالوا نلعب كلنا مثل ماكنا نلعب كل سنة

رنا تحمست: هيا

صفية ضحكت: نسيتي  انش محبوسة في القفص الذهبي

رنا شالعب من خارج الغرفة وانتوا داخل

صفية: فكرة حلوة هيا..


/channel/+Ecxq_OzMYh40M2E0



📚 @rewayatyamania 🇾🇪

روايات يمنية📚🇾🇪

08 Jul 2025 20:49

.

البــارت 15 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


بعد مارجعين البيت..
امير: مالصوتش ياروحي

رنا: ضابحة بدونك هيا اي حين عتشلني

ام امير سمعتها وهي خارجة من الصالة بتصيح: خلي للولد حاله من الجنان انتي واهلش لاتضيقوا على ابني والا يمين بالله لاقطع التلفون من وسط البيت ودوري من اين تحاكيه وتهرميه

امير بيسمع امه ويواسيها: طنشي كن طنشي ياروحي تحملي واوعدش والله لما تجي انسيش كل شي واسعدش

رنا بفرحة ومتحمسة: تمام حاضر من عيني
.
.

مرت ايام واسابيع وشهور نفس المعاناة بتعانيها رنا..

دحس العمة واخت الزوج والعم وضغط اهلها عليها متى يجي ياخذها ، ونسوان الحارة وفضولهم ليش ماحملت ، كانت مريحة راسها واكثر مابينسيها معاناتها دراستها اخيرا امتحنت ، ساعدتها مديرة المدرسة بوساطة امير انهم يختبروها صف سابع وثامن لانها ذاكرت الكتب كلها وحفظتها ونجحت لذلك قدمت اختبار صف تاسع مع الطلاب وفترة انتظارها النتيجة..

@rewayatyamania المصدر الأول للروايات

شهر رمضان الكريم..

بيت جدها عزومة للأهل كلهم راحت تساعد امها ونسوان عمها وخواتها وهن بيفعلين العشاء..

صفية: يا رنا قوووا افتحي الباب بسرعة خليتهم ينفعوني ادي الزبادي افعل الشفوت

رنا فتحت الباب وواقفة وراه بتمد يدها: ييي ياولددد ادي الزبادي

افتتح الباب اكثر ودخلت شنطة وهو مبتسم: فتحت لي الحريوة انتي عندنا..؟

رنا سمعت الصوت ذكرررته هذا خالد !! نسيت انها متزوجة ونسيت كلام زوجها انه منعها: خاااااالد يابنات خالد جاء.. فلتته وجريت بسرعة لداخل عند عمتها ام خالد

خالد شافها ضحك: ولاعقلت هذه المجنونة على الاقل ترد السلام اول..

صفية جريت تحضن اخوها وتسلم عليه

ابوه اخوته عيال عمه الكل تجمع في الحوش وهي تشتي تروح فجأة ذكرت كلام أمير دخلت الغرفة تتصل له

امير: ها رنا ماقد سرتيش بيتكم؟

رنا: الا بس اشتي اقلك جاء خالد فتحت الباب وانه هو هربت لداخل ماافعل؟ ماسلمت عليه ولا شي

امير: مابش سلام ولا كلام

رنا: طيب عنتعشى كلنا ماافعل

امير: ارجعي بيتنا تعشي هانك وبس.. مع السلامة قفل

رنا جالسة تشوفه من الطاقة وهم كلهم في الحوش وبتبكي راحت المطبخ تكمل الطبخ بدلهن

بعد نص ساعة مجابرة

ام خالد: هيا خلوه يدخل يفتهن

ام رنا صاحت: يووه والفعلة وانتين كلكن هنا يابنات اقطبين العشاء سريع قد عيأذن

خالد: وين رنا؟ فتحت لي ومابسرتهاش اين هي اشتي تسلم عليها

في المطبخ بتسمع من داخل وبتدمع

ام خالد دخلت: رنا يابنتي اخوش يشتي يسلم عليش

رنا بتمسح دموعها: بين اخبز ذلحين ياعمه

صفية قربت منها: ادي وانا اخبز بدلش سيري

رنا بمشاورة في اذن صفية: امير ماخلاني ابدي على خالد وعيال عمي ناجي مابلا الجهال بس

صفية: يمه خلوا امير يرتاح الآن ويسلم على جدي واعمامي بعدا سهل

ام خالد: او منعش امير منهم؟

رنا بنظرات زعل هزت راسها: ايوه

ام خالد ضحكت: سهل يابنتي انا شاوصله سلامش ولايهمش بعدا غريبة امير يمنع! كنا نستنكر كلنا كيف عادي عندهم بيتغدوا جمعة نسوان اخوته يبدين على بعض وياكلوا سوا وبنات خاله وعمه عندهم

رنا: صدددق؟؟

صفية: ايوه يمه علميها تقلب البيت على راسهم هذه مجنونة بدل ماتعقليها

ام خالد: ما مجنونة الا انتي والله ان بنتي عاقلة مابش ساعها ماعليش ياروحي هيا تمين العشاء فيسع جهزين الفطور ندخل التمر والقهوة لهم

صفية: انا شاسبق العصير والماء

رنا: انا ياعمه شاسير ابسر عمي وعمتي اقرب لهم عشاء

امها: وين احلام تقرب لهم هي

رنا: سهل شاسير وارجع بعد العشاء

ام خالد: عنقرب يابنتي سفرتين سفرة للرجال وسفرة لنا اجلسي والله ماتدي خطوة

رنا: انتوا متعودين تجتمعوا كلكم سوا ماشفرقكم انا

ام خالد: سهل ذلحين انتي بعد العيد عرس صفية وبعدا سندس وان احنا عنضطر نفعل سفرتين

صفية ضحكت شافت رنا: يعني مش انتي وحدش

بعد مافطروا وصلوا مغرب بيجهزين العشاء..

اتصلت ام امير: هيا مراعيين لرنا تجي تتعشى

ام خالد: بغير جنان البنت معزومة عشاء كيف تروح تتعشى، جين انتين تعشين معنا حياكن الله

ام امير: ماشي ماعنجيش يهناكم رجعة الغايب ، احلام تاعبه ومابش من يقرب عشاء

ام خالد: يوو ياعيباه هيا اجي انا بعيني اقرب العشاء..خاطرش

على خرجتها لبست وطرحت فوق راسها الستارة وصحن الاكل وخارجة من باب المطبخ

على رجعة الرجال من المسجد

خالد سحب الصينيه من فوق راس امه

امه: خليها ياابني ردها وافتح لي الباب

خالد مارضي: اخطي انا شاحملها لش لاهناك

فؤاد: اديها والله ماتعس شي

ام خالد ضحكت: هيا جهالي مش وقت المحبة ذاحين الناس يشتوا يفطروا مايسبرش

وصلوا باب بيت امير ودخلت ام خالد بصحن العشاء

احلام فتحت لها وهي جالسة تضحك هي وامها كانت مفكرة رنا رجعت


/channel/+Ecxq_OzMYh40M2E0



📚 @rewayatyamania 🇾🇪

روايات يمنية📚🇾🇪

08 Jul 2025 20:47

.

البــارت 13 >>

بيـن قلبيـن ❤️
👌🏻👇🏻 😍
📚 @rewayatyamania  🇾🇪


رنا خلصت تخبز وتطبخ الغداء

احلام: يووه انتوا بتفعلوا هكذا الرز؟؟ قد الناس تغيروا وتطوروا هذا ساع العجايز مابش فيه طعم

رنا: ليش ماجيتي تفعلي على مايعجبكم

احلام عصبت من ردها: اهااا !! قدو هكذا ذلحين؟ يعني لو عناكل احنا نطبخ ع مانشتي احنا

يمممه جي اسمعي مرة ابنش جي

امها دخلت للمطبخ: مالكن صوتكن لخارج عيب عليكن

احلام: عادها الا طبخت وقد بتذلنا تخيلي يمه مابتقلي ادخل افعل الرز على مايعجبنا يعني طبخت لنفسها واحنا طز

رنا بصدددمة: يووووه ليش بتتحاكي من راسش؟ اي حين انا قلت هكذا

احلام بعصبية: وبتكذبني ! ابسرتي كيف خايفة

ام امير شافت رنا: الله المستعان هكذا تتحاكي مع مرة اخوش

رنا مصدومه بينهن: اصلا ماقالت الصدق ..
شافت احلام تحاكي الصدق ، قلي لها ماحصل !!

احلام: قلنا لش يوه ليش الرز هكذا قلتي ليش ماتطبخي على ماتشتي

رنا: صح قلت هكذا ، شافت عمتها وهي مالها ماتجي تفعل اللي بيعجبها انا فعلت اللي اعرفه

ام امير: هذك بيتكم تفعلي اللي تشتي هنا تفعلي على مانشتي احنا..

رنا سكتت شويه: تمام ، وخرجت لغرفتها

@rewayatyamania المصدر الأول للروايات

في الشارع ..
اخو خالد الصغير فؤاد وصل بالصحن باب بيت امير

احلام فتحت له شلت الصحن وناولت امها: ها قلك قسم رنا ياسعم مابش معنا اكل وماعنأكلش بنتهم

ام امير عصبت.. اتصلت لام رنا: عيب هكذا ليش مجوعين بنتكم او اشتكت لكم؟ مسررع قد اتصلت تشتكي يوه على بنت ، غاوية اي حين ماتشتي واحيان فيها ملعنة

ام رنا: يوه صلِ ع النبي مالش يااختي ، هذا جدها خلانا نغرف لها من اللحمه اللي تحبها ويبعدها لها يوميه واليوم خورها لها

ام امير سكتت شويه: اصلا قد فعلت باحلام عمل خليها على الله

ام رنا: مافعلت؟ رنا صدق غاوية ومجنونة لكن ماتأذيش حد من نفسها هي الا تدافع على نفسها

جد رنا سمع امها بتتكلم في التلفون هكذا هزر السماعة: الوو، اين رنا ادعيها

ام امير: حياك الله يا اباه احمد كيف انت

جد رنا: الله يسلمش هيا ارسلي البنت الظاهر يشتي لها زرة اذن مابش عندنا بنت تغلط على زوجها واهل زوجها

ام امير فررحت وداخل نفسها تستاهل تتربى شويه: يلا شرسلها الآن لاعندكم

رنا كانت قد لبست من نفسها وتشتي تسير بيتهم زي مازعلوها احلام وامها..


في الصالة

ابو امير شافها: اين عتسيري يابنتي

رنا: اسير بيتنا اطمن على ابي قبل مايرجع المدينة

ابو امير: استاذنتي من زوجش؟

رنا: قد قال قبل مايسافر عادي اكون اسير

ابو امير: ماينفعش اتصلي له

رنا: بس ياعم

مرته: خليها تسير قد قال تكون تستأذن مني مش منه

رنا انزعجت من الاسلوب والكلام رغم انه عندهم الطبيعي هذا الشي ان المره تستأذن من زوجها او عمتها بس!!!!

بس ليش حاسة انهم بيستغلوا هذا الشي او بيستفزوها اسلوبهم ضايقها.. مستغربة كيف قدرين اغلبهن يتأقلمين مع هذا الشي

وصلت بيت جدها..

جدها لف يده حول كتفها وباس راسها: حيا ببنتي حيا ظلم البيت بعدش وبعد خالد

رنا بتبوس يده و راسه: وانا فقدت لكم قووي.. شوية ودمعت نفسي ارجع هنا

امها: يوووه بغير جنان صلِ على النبي

مرة عمها: تعوذي من الشيطان ايش ترجعي ماينفعش تقلي هكذا

رنا شافت ردة فعل الكل سكتت حست انها قالت شي ماينفعش او خطير رغم مش فاهمة ايش المشكلة وايش اللي ماينفعش بس مثل ماتعودت وتعود غيرها يسمع كلمة ماينفعش يسكت مايحاول يسأل ايش السبب ووين المشكلة عشان المجتمع اطلق على اشياء ومسميات ماينفعش

جدها ضحك: خلاص اللي تتزوج بيت زوجها بيتها

رنا: ولو فقدت لكم؟

جدها: تجي تزورينا نبسرش وترجعي

ام خالد: هي البداية تكوني مش مرتاحة لانه عاد انتي ماقد تعلمتي طباعهم وتأقلمتي بس بعدين خلاص

جدها: ليش عمتش مضايقة منش؟؟

رنا: ماعجبهم طبخي

ام خالد لفتت لأم رنا وضحكت على ردة فعلها وحركتها بيدها وعوجة فمها

جدها: ومافعلوا حين ماعجبهم الاكل؟؟

رنا وقفت تشرح له الموقف بالتفصيل بعفوية كأنها بتحارش له على خالد او رفيدة او حد من اهلها: ياجد تميت اطبخ وجت تفتح غطا الطاسة بطرف يدها وتتلفت لي بضبح ماهو هذا وليش هكذا وانتوا تاكلوا هكذا وقد الناس تطوروا وو

جدها: مالها ماتطبخ هي كسروا يدها

رنا تحمست اكثر مع ردة فعل جدها: ايوووه انا قلت لها هكذا مالش ماتفعلي على مايعجبكم وهي قرحت وعمتي بعدها

ام رنا شافت عمها غمزت له لايزيد لها الدلع: ياعم وهي سهل تسألهم مايعجبهم

الجد: ماشي بنتي محد يقلها هكذا ولايحاكيها هكذا وانا عايش

رنا فرحت شافت امها: هيا ابسرتي يمه جدي قال

ام خالد ضحكت: مارأيش نسير نقرب غداء عتعاونيني؟

رنا قامت: ايوه من عيني ياريت ارجع وافعل لكم كل شي

امها ضبحت مسكت وجهها: ها مابتقول مالها هذه

ام خالد ابتسمت لها ومسكت يد رنا وخرجين


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

08 Jul 2025 20:45

.

البــارت 11 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


امير مستمتع بجنانها وتعجبها لكل شي

رنا: يووه منك صدق عنطلع هذه؟ افتجع مرتفعة قوي

امير: سهل شاربط لش الحزام

رنا: طيب وانت اطلع

امير: مااشتيش مايعجبنيش

رنا: او بتفتجع اعترف

امير ضحك: انتي قلتي تشتي تطلعي ماعليش مني

رنا مسكت يده وتسحبه معها: هيا قوا قوا

امير تحمس: تمام

بعد مانزلوا

رنا مبسوطة: مرة ثانية هيا هيا

امير: والله انش مجنونة قلت عتبكي

رنا: ماشي هيا قوا

امير: طيب مرة واحدة ونسير نتغدا جوعت
.
.

في مكان ثاني

خالد كمل درسه وخرج مع اصحابه..

وقفت واحدة تسأله

خالد مافهمهاش بيتفرج لاصحابه وهم بيضحكوا ويصوروه
ناولها الكتاب كله والدفتر

اشرت على كتابها كتبت الملاحظات ناولته تشكرت ومشيت

خالد سار لاعند اصحابه: مالها هذه فجعتني ولا انا داري مابتقول

اصحابه ضحكوا عليه: وانت مالك مفجوع

خالد: ماتوقعت تجي لاعندي وتحاكيني

صاحبه: فرحت من فرحتك ناولتها الدفتر والكتاب ههههه

خالد: مابلا مش داري مابتقل ناولتها اللي تشتيه تخارج نفسها يااخي ماناش متعود الاحراجات هذه

صاحبه: عتتعود سهل كلنا هكذا مابش شي صدقني

خالد: مايعجبنيش انا اللغاجة حقكم هذه انتوا بتدوروا مجبر منهن دوار

صاحبه ضحك: عنبسرك بعد شهر وقد معك لغة

خالد: عتبسر

صاحبه الثاني: شكل الحب حقه في اليمن

خالد اول ماسمع الجملة جت على باله رنا.. حاول يستوعب ليش؟ يمكن عشان كانت تقله تحبه ، هو مافي اي مشاعر بس ليش جت ع باله !!!

@rewayatyamania المصدر الأول للروايات

في اليمن - المطعم

رنا مصدومة: بعقلك ماعه

امير: ايوه بعقلي انتي معي زوجش افتشي يلا

رنا: به رجال

امير: عوائل بتبسري كل واحد مع مرته محد بيبسر للثاني

رنا: طيب جي جنبي اتخبى قفاك

امير ضحك وبيتحيلا لها جلس جنبها: وبيقرب لها ويأكلها

رنا: اقلك شي

امير بياكل منسجم: ها

رنا: امس حين غثيتني قلت ياريت وانا قلت مع حين خطبتني بس اليوم فارحة قوي انك زوجي

امير: غثيتيني تقلي مع وانا اشتيش

رنا: اصلا امس وقعت ثاني

امير ذكر كلام اصحابه: طيب ذلحين ماعليش من امس خلاص قد سدينا واتفقنا اوعدش مااغثيش
.
.

بيت اهلها..

جدها: مش موافق يسافر ويفلتها كان عيسافر ويرجع يجي لها

ابو رنا: بس مانشتي نفعل بينهم مشاكل ولانقدر نقطع رزقه

جدها: انا بعد كلمتي مابش كلمة

ابنه: طيب يا حج نخطى بالمعقول قدو زوج مايسبرش شروط ذلحين تمينا

جدها: ماعليك انت مادخلك , اهتم بصحتك يا ابني وانا مااشتي الا ازر الولد شويه ولو صعب شرطي

ابنه سكت

بعد مارجعوا وقدو ليل

امه بضبح: بدري ليش زد رجعت؟

امير: ليش؟

احلام: جدش اتصل قال حين ترجعوا تسيروا لاعنده

رنا شافت امير

امير: خلاص لاعد تبعدي البالطو

امه: قلت لك

امير طنش مسك يدها وخرج

احلام: صدقتيني كيف تغير ؟؟ هيا بتبسري؟؟ وهي ولاعد تعرفني تبسره هكذا وتحانك بنظراتها

امها بتسمعها وتزيد تتأثر
.
.

دخلوا بيت اهلها

رنا بتضحك: مالك خازي

امير ضحك: اخطي انتي الاولى ابسري لي طريق مش انا خازي

صفية بتتفرج من فوق هي والبنات من الطاقة

رنا رفعت راسها: ابسرتكن قد انا داريه انكن هانك

دخلين بسرعة وقفلين

صفية: الله يقلعها هذه المجنونة فضحتنا قبال زوجها

سندس بتضحك

جريين بسرعة للدرج كلهن فارحات انها جت

ابو رنا شافهن: ادخلين عتجي صليكن (لاعندكن)  زوجها معها

رنا وصلت هي وياه قبل ماتوصل لاعندهم: شادخل لعند البنات

امير: تمام لاتخليني خيرات اراعي اسرعي وجي لهنا

رنا: تمام

وصلت لاعندهن وهن مراعيات فارحات حضننها وكل واحدة تشتي تكلمها

ام خالد بتضحك: خلنها يابناتي تجلس اول

امها: هذا ومالها إلا يومين حين تسافر ماعتفعلين

رنا بفرحة: عاد انا ماشاسافرش هو عيسير اول


في الديوان بعد السلام والكلام

جدها: سمعنا انك عتسافر وحدك

امير: ايوه يا جد قلت اسير اعامل واجهز لها البيت وكل شي وتجي

ابو رنا شاف ابوه: بيغمز له لايزيد نقاش

جدها: وكم عتطول تقريبا؟

امير: مش داري والله

جدها: مابش عندنا بنات يتزوجين ويسافروا ويخلوهن كنت عتكمل عملك وتخليها وبعدا تتزوج

امير ارتبش: اصلا ..

ابو رنا: ذلحين انت حاول في اسرع فرصة

جدها: يعني لو صعبة وماقدرت رجعت واشتغلت هنا ومابش داعي للتعب

امير بدأ يحس بالمسؤولية شويه انه موقفهم جاد: تمام حاضر

شافها دخلت ابتسم

رنا سلمت ع جدها وعمها وابوها وجلست سهروا شويه وعلى خرجتهم..

امير شل شنطه من يدها: ايش هذا؟

رنا: هولا كتب

امير: ايش من كتب

رنا: قوا يا امير الله يحفظك اكمل ادرس سكته شاذاكر في البيت وما اسير الا امتحن

امير: تمام حاضر بس لو المعاملة كملت بسرعة وسافرتي؟

رنا: خلاص لو سافرت سهل

امير: اوعدش اخليش تدرسي لو تشتي




📚 @rewayatyamania 🇾🇪

روايات يمنية📚🇾🇪

07 Jul 2025 21:07

.

البــارت 9 >>

بيـن قلبيـن ❤️
👌🏻👇🏻 😍
📚 @rewayatyamania  🇾🇪


امير: لو انتي مرة لاتعرفي اين ثيابي ودولابي واداتي

رنا: ناهي وذلحين وريني اينهن

امير بعصبيه: دوري مابش معش عيون

رنا بصوت واطي شويه: اعوذ بالله على قلاب صور ماله هذا

بتدور خرجت له واحدة

امير: مااشتيش هذه شوفي الثانية والا سيري اسألي امي اين بقية ثيابي اللي كانين طالع

رنا: حاضر

امير بيرسل لصاحبه: والله ان انا حاسس بفهنه معي من اتدلع عليها واخطيها ع مزاجي تزوجوا ياجن بدل ماتهرموني..

@rewayatyamania المصدر الأول للروايات

في المكان اللي وصله حاسس بغرابة جنسيات مختلفة لهجات مختلفة!!
اتصل لابوه وجده

خالد: المهم انا بخير تطمنوا

صفية سحبت السماعة: ها يا جني والله فقدنا لك البيت طافي بعدك انت ورنا

خالد: تطفى بعدي ايوه اما رنا توقع فهنه من الجنان وبعدا هي جنب راسش المشكلة انا

صفية بنبرة جدية وتعاطف من قلبها: مرتاح يا اخي؟

خالد ضحك: والله ان عاد انا مربوش قلك مرتاح احس ضايع لو تبسري المدينة كبيررررة بين اضيع اوقات ومحد بيفهمني والاكل مش مثل اكلكم ابدا.. فاقد لكم قوي يااختي والله

صفية بكيت وناولت ابوها التلفون

خالد: المهم انكن توالفين ذلحين العسب حقكن عشان اشل تذكره وارجع ابسركم

ابوه سمعه: انت الا قول اي حين تشتي ترجع وابشررر تذكرة

خالد ضحك: انا امزح مع صفية يا ابه هنا الدراسة قوية عيعين الله

ابوه: وانا معك اي وقت تحتاج شي اتصل تمام

خالد: تمام.. قفل السماعة واول ماقفلها حس انه رجع هذك الطفل الصغير  التايه في هذا المكان دمع شويه وسارح

دخل صاحبه: جي ابسر الصيني هذا مابياكل؟ بيشوي ضفادع

خالد مسح طرف الدمعة من خده ضحك استغرب وقام معه

العرب كلهم متجمعين يشوفوه وهو يشوي ضفادع بيضحكوا عليه

قاطعه اسمها لفت وجنب الطاقة واحد بيكلم حبيبته ويصيح: افهميني يا رنا

خالد لفت وجهه وذكرها وضحك بينه وبين نفسه: كل اللي اسمهن رنا شكلهن هرمات.. مسكين زوجها ذلحين عتجننه جنان.. يعلم الله كيف هي مرتاحة او لا الله يسعدش يارب وين ماكنتي..
.
.

في مكانها بغرفتها ناولته الثوب

امير: امسحي لي الجزمة

رنا: يو يا امير زيدت بها والله يااخي عاد انا حريوة قالوا لي شهر مااعس شي وانت تعبتني والله ماامسح الجزمة عيسير النقش من يدي عيمتسح

امير شافها مبهرر: هكذا؟ تكسفيني بين اقل معي مرتي تلبسني تاكلني والله؟

رنا زعلت عليه: آسفه مش قصدي.. طيب من عيني ذلحين

امير رجع ضحك كيف بتصدق بسرعة: ايوه هكذا مرتي حبيبة قلبي..

رنا تمت تمسح الحذاء وغسلت يدها وبكيت: بس والله لايسير النقش ابسر كيف

امير: سهل انتي حالية بدون نقش بدون شي

رنا فرحت بكلامه: بس النقش حالي تزوجت عشان النقش والمكياج

امير بيضحك عليها: اهاا وانا؟؟

رنا: صح وانت ليش تزوجت مابش معكم نقش ولا مكياج ولاشي

امير شافها هكذا حس بفجوة كبيرة بينهم في فرق كبير بالتفاهم !!!

رنا: مالك ساكت؟

امير: الله يعينني عليش بس وين انا ووين انتي مدري كيف عنتفاهم

رنا بزعل: يعينك عليا ليش مافعلت بك انا؟.. وبكيت

امير ضبح: ياهمتاه ياسعم عمرش سنتين كل ماتحاكيت بكيتي اقلش انا شاخطى اتغدا خارج مع الخبرة واخزن خارج..

خرج وقفل

امه: وين عتسير؟

امير: جننتني هذه قرحت قلبي

دخلت ام امير لاعندها للغرفة: مالش يابنتي ماوقع؟

رنا مسحت دموعها استحت تبكي قدام عمتها: النقش عيسير عليا

ام امير شافتها بنظرة: هذا كله امد النقش؟ زكاش عقلش بس خبالة عتجنني زوجش امد الشخابط هذه اوقعي مرة واعقلي

رنا تذكرت توصية ام خالد لها انها ماتتكلم بمشاكلها هي وزوجها ابدا رجعت سكتت ماكملت تتكلم

ام امير: هيا البسي وتمكيجي سوا عيجين النسوان

رنا: وامي وجدتي ونسوان اعمامي والبنات عيجين؟؟

ام امير: ايوه

رنا فرحت: تمام حاضر

ام امير خرجت تكمل تجهيز

رنا خرجت ملابسها منهن فستان وردي مطرز كبير وظفرت شعرها على جنب وسوت مكياج بناتي وردي ولماع وفارحه توزعه ع وجهها ويتلخبط عليها الكحل وتعيدها


بعد ساعة دخلت ام امير وامها ومرة خالد: هيا بنتي مالش تأخرتي

انصدمين الثلاث وتتوزع نظراتهن بين بعضهن وبين رنا

امها: ماهو هذا يا رنا؟

رنا: كيف هو حالي قوي صح؟

ام خالد ضحكت: هذا تفعليه زمان حين تلعبي مع رفيدة وسندس ماذلحين قدش مرة مزوجة جبرني ببنتي هيا جي اسبر شعرش

رنا: يوووه اشتي اوقع مثل فله هي لابسه هكذا

ام امير: من فله؟

رنا: حق الاطفال

امها: بنقلش قدش مرة مزوجة تقلي اطفال هيا اعقلي رضي عليش

ام خالد بدأت تسرح شعرها وتمسح المكياج وتصلحه من جديد وهي بتضحك

ام امير: يلا انا شاسبق ابسر النسوان
.
.

في الغربة..

ذلحين كيف افعل جاوع اكلهم مسكر كله

صاحبه: الماليزيين يااخي اكلهم هكذا احنا بنطبخ

خالد: مااطبخ؟

صاحبه: ...


/channel/+Ecxq_OzMYh40M2E0



📚 @rewayatyamania 🇾🇪