روايات يمنية📚🇾🇪

15 Jul 2025 19:55

.

البــارت 89 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


صفية: وانتي مافرقت معش تعقدي ذلحين او بعدا عادو احسن محد داري مايقع

سندس ضبحت: يعني ماعيقع من حقي اتعرف عليه واعرف كيف هو قبل الزواج ناهي مايسبرش خطبة نعقد هو الا شهرين

رنا: بس قصدهم لو خطبة سهل تفسخي بس تعقدي وحصل شي وانفصلتوا عيقع اسمه طلاق

سندس بتقلدهن وتتمسخر على الكلمة: وايش يعني طلاق ، ايش يعني عيقولوا تطلقت كانت عاقدة وتطلقت وبعدت طز يقولوا اللي يشتوا ماشحرمش نفسي شي من حقي عشان افكر في شي سيئ لو وقع، يااختي لو وقع قضاء وقدر ومش عيب

@rewayatyamania المصدر الأول للروايات

في بيتهم وصلوا جنب الباب نزل خالد يفتح

ابوه: خلاص اطلع فؤاد عيفتح الباب

فؤاد واقف يجابرهم

صفية ضبحت من لغاجتها: ناااااهي ناهي اسكتي شاحاكيه ذلحين ارحميني عاد انا وصلت

رنا بتلاعب بنتها وتضحك معها

صفية بتشوف رنا بنظرات وتتذكر اللي حصل لها ومقهورة عليها
دخلت لاعند الجد تكلمه

جدها بيقرأ قرآن

صفية خرجت لاعندهن جلست في بقعتهن في الحوش: الجلسة معاكن احسن دحسش ارحم من هدرة امي وعمتي على مسلسل تاريخي وجدتي بتعايرهن كيف كانين وتغيرين على يدها

رنا: ايوه لوما جدتي تحكي كيف كانت تعلمهن عمل البيت هذا ساع هتلر

سندس ضحكت: يووه اخيرا رجعتي للقانتش قلت قد عقلتي بعد الزواجة

صفية: عيب عليكن بتحشين على امهاتنا

رنا: انتي اللي بدأتي وحجفت بنتها قوووي حبتها لما جالسة تبوسها في الهواء

صفية: يا رنا ذلحين اشتي اسألش

افتتح الباب

رنا بسرعة صلحت الحجاب ونزلت اكمام جلابيتها وطرحت بنت صفية فوقها

دخلوا بالسيارة وقفوا ونزل خالد في فمه الشاش مغلق عليها

صفية: يوه من اي حين مخزن ؟؟

عمها: قلعنا له عقله

رنا ابتسمت وشافته

خالد بيأشر صليها (رنا) ولابوه وبأصابعه الخمس يأشر حاضررر شاوريكم

سندس: الله اخي اليوم اعجم يعني لو اقول ماقلت ماعيسكتني بكلمتين

خالد قرب منها يمازحها سحب خدهااا

سندس مسكت وجهها: خلاص خلاص فهمت يدك موجودة لو لسانك سكتة

ابوه دخل وخالد واقف

صفية اشرت له: جي اجلس والله ان داخل أجواء الستينات ماانصحكش

خالد ضحك وماسك وجهه ، كان نفسه يجلس رغم تعبه بس مايشتي يضايقها بوجوده ومستحي قدام خواته يبين اشياء ممكن تتفسر غلط ، فرح انه جلس على كلام صفية، بيقاوم تعبه ووجعه عشان ايش مش عارف بس حابب وجودها

رنا: ايش سؤالش ياصفية؟

صفية شافت خالد: ها خلاص بس بعدا

سندس شافت ربشة خالد ضحكت: الله يقلعش احرجتيه

صفية: مش احراج ، بس عاد انا مش ساخية اسألها لاتزعل

رنا ابتسمت: ماشزعلش والله اسألي عادي مالش

خالد بيتأمل اسلوبها وهي بتتكلم نفس وهي صغيرة بس بملامح اكبر نفس تصرفاتها وعفويتها وابتسامتها اللي مميزه تذكر لما قلها كنا جهال قد نسيت ان احنا كنا نحب بعض بس خبالة وتذكر زعلها وتمسكها به ابتسم وهو سارح فجأة نكزه من خياله ردها على السؤال ؟؟!

رنا: لو كان صارحني العيب فيه وهو محترم معي ومافعلش هذا كله، والله لارضى عادي ولا شاحسسه اصلا ان العيب فيه وشاقول للناس كلهم انه انا لو بيتحسس بس لو كان يستاهل

سندس حبت تغالط الموضوع: مانتعشى مارأيكم نفعل مطبقية

خالد بهرر ويأشر ضرسه

رنا مبتسمة بتشوفهم بيتحانبوا

خالد كمل يتحانب مع سندس ولفت لها وهي مبتسمة بتشوفهم
ليش كأنه اول مرة يشوفها ويتأمل جمالها ؟!!!

يمكن لأنها كانت طفلة وبعدين كانت لغيره ماكان يرفع عينه يشوفها..

بس هذه المرة بيشوف اشياء ماانتبه لها عمره..
عيون بتلمع لما تشوف كأن نظرتها فيها حب وحزن ، حتى عيونها بتضحك مع ضحكتها ، خدها الأيمن بتحليه غمازة في الطرف خفيفة، اسنانها اللي كان يتنمر عليهن نفسه يقلها انها اجمل بنت بنظرة هذه اللحظة بس مش قادر ، ليش لما بتضحك احس قلبي مش طبيعي بيدق عشوائي بيلاحق نفسه ، حركة ربشتها خلته يبعد نظره بسرعة

رنا شافته بيشوفها بنظرة غير عن كل مرة توترت صلحت حجاابها شافت صفية: لو هو تاعب يدخل يرتاح

صفية شافته: هوذا بيسمعش

خالد تحيلا لربشتها وسأل نفسه معقول نظراتي حست فيها شي!

قام: يلا اسير اشتري العلاج وارجع نسيناه والآن فيني وجع قوي


في بيت جيرانهم

احلام كملت تكلم جارتهم خرجت لاعنده لغرفته

امير: مالش؟

احلام: ابسررررت صدقتوووا كلامي وعاد انتوا تقلوا ان انا اللي عبيت راسك

امها: مالش؟

احلام: سارين امس بنات لعندها وقالت انها خلعته امد تشتي خالد احسن ماتسرقه وتخونه

امير ضبح: هكذا قالت؟

احلام: ايوووه وانه حين دريت انك مابتخلف فعلت عذر

امير: انا قد لي خيرات داري ان انا السبب ، يعني اعتقد بعد عرسنا بسنتين اول فحوصات فعلتها

امه: يعني كنت داري من زمااان؟؟؟

امير: ايوه بس اخفيت حين قالوا لي به ادوية

امه: ليش ماقلت لها ليش خليتها تتعالج

امير معصب: ...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

15 Jul 2025 19:52

.

البــارت 87 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


سكتين بعد ماانسكفين جالسات يتفرجين لبعض موقف بايخ: يوه شرق يلا خاطرش لاتغثيش ولاشي

رنا: ليش اغثى وانا اللي خلعت !! بالعكس الحمدلله ان انا خرجت بخير
.
.

في الديوان عند الجد

الجد بيكلم خالد: ليش عقد؟ كما جيت تحاكينا في الموضوع ماينفعش جواب باتصال

سندس جالسة تقحص اظافرها متوترة

جدها قفل وشافها: يشتوا يعقدوا وعاد العرس بعد شهرين

سندس انصدمت: شهرين !!! يووه ليش معاجلين

جدها: ناهي مش انا من المعاجلة حتى بعد شهر سهل ، انا قي العقد تجلسي خيرات هكذا نعقد وقت العرس يكفي بنت عمش واللي وقع فيها ، هذا ونعرفه وابن جيران ومتربين جمعة

سندس: ياجد مش كل الناس سوا، ..استحت تكمل شافت نظرات جدها

جدها ضحك وبصوت مرتفع صياح بس ممازحة: تمي دافعي عليه هذا وماقد وقعتي مرته وبتراددي جدش

سندس ضحكت وبتسافطه: هيا ياحج قد عنبدأ الغيرة ،

جدها ضحك: مش غيرة مابلا مااسخاش عليكن ماعد اشتي حد يغثيكن ، في شي بين الوم نفسي ان انا ياريت وزوجتكن بعيال عمكن بدل الغريب وفي شي اقول يكفي اللي وقع في عمش بسبب توارثنا للزواج هذا ، ماعاش عمره مفتهن ولاتهنى بمرته وجهاله وهو مريض من صغره والسبب انا واخوتي واجدادي واعمامش وامش ونسوان عمامش جالسين نتزوج من نفس الاسرة ، بعد مرض عمش قررت وحلفت ماتزيد تتم هذه الزواجة من نفس الاسرة

رنا دخلت من باب الديوان الكبير وهم علاو الديوان وبصوت عالي: يووه منكم بس ، جدي مايجلس مع حد هكذا وحده الا وفي موضوع سررر وانا اشتي ادرا

سندس لفتت لجدها قبل ماتقرب رنا وبصوت واطي: فارحة اليوم رنا رجعت ساع زمان، كنت اظن الزواجة غيرتها زنط وانها مسكي.... سكتت لان رنا قربت

رنا حبت جدها فوق راسه وجلست جنبهم: انا اشتي ادرا على من بتحشوا

سندس: خالد اتصل كلم جدي ان .. ضحكت غطت وجهها خزيت تقول خطيبي قدامه... حاكيها ياجد

جدها فاهم لها وبيضحك معها: تحاكي انتي مالش ماعد دريتي باسمه وانتي بتقالعيني تشتي اعقد لش

سندس: يووه ياجد هيا قول الصدق...

رنا ضحكت وبتسمعهم.. دخلت رفيدة ودخل فؤاد والبقية وقع ازعاج

سندس جالسة تكمل لرنا الكلام..

ام خالد: سندس هيا المطبخ سيري جهزي العشاء

رنا قامت

ام خالد: خليها هي تشتحط تتعلم قبل الزواجة

رنا: لاي حين ياعمة عتعاملوني ضيفة هههه

عمتها ضحكت: الله ينور قلبكن هيا سيرين تجابرين هانك

@rewayatyamania المصدر الأول للروايات

في المطبخ..

سندس: والله مانا خازززيه ، الا امد قبال جدي ، الصدق نفسي اعرف كيف طبيعته، رغم اقلش سر

رنا متحمسة هزت راسها: ايوه

سندس: قد نخلت الفيسبوك حقه نخل ساع شوالة الطحين حق جدتي

رنا بتضحككك

سندس: زباج محترم ، مثقف اقلش جي نتم العشاء واوريش، مارأيش افعل لش صفحة

رنا: تمام مااعرفش علميني البرنامج هذا صعب

سندس: حاضر مش صعب عتتعودي عليه وفيه صفحات تجنن تسوق طبخ كل شي ، ذكرتيني طلبت حاجة ولازم الاستتلام من صنعاء شاخلي خالد يسير يديها

رنا: هيا حمستيني اسرعي..
.
.

في بيت امير..
ابوه بدون مايعرف امير باع ارض وسددها للرجال فلوسه وشرط عليه مايقول لامير عشان يشتغل

ام امير: ذلحين عتجلس هارب هكذا في البيت مخبى

امير: اخرج انقتل وانحبس

ابوه: اخرج دور عمل اشتغل

امه: ارجع سافر

امير: مااشتيش اسافر شادور شغل هنا

ابوه: واسرع انا بصمت وجهي واديت وعد رجال لهم تسددها لآخر السنة

امير: حاضررر بين ادور
.
.

ثاني يوم.. رجع خالد في الحوش بيكلم فؤاد

فؤاد: مالخدك هذا وارم ؟

خالد: صدق؟؟ قرب للطاقة يشوف نفسه يتمرى


من داخل الغرفه نفس اللحظة

سندس: والله ماتمتسح قلت لش فيها صمغ كان غلاف لاصق حق فله حق اختش بقية غلاف الكتاب

رنا: ياهرمة قد فعلت ماء فاير وكلوركس بيبعد هااا.. بتفحسسس الطاقة وامتسحت قدامها وجه خالد نكزت ، يووو بسم الله الرحمن الرحيم

خالد شافها وهو نكز رجع لورا..رجع يضحك

الطاقة الجهة الثانية مفتوحة سمعها

سندس شافتهم ضحكت

خالد: ابسرتي جني هاا قلك بسم الله

رنا ضحكت: فجعتني

خالد: والله انش انتي اللي فجعتيني عمري كله اتمرى هنا ماصنف لش تمسحيها

رنا بتضحك: هكذا تدخل الشمس

خالد بيشوف ابتسامتها ولقانتها فارح انها خرجت من جوها

ياسندس صدق وجهي وارم؟

رنا شافته ونزلت نظرها

سندس قربت فتحت الطاقة سوا: ايوه والله انه مورم قوي ليش تضاربت مع حد

رنا رفعت راسها شافته مورم صح: تضاربت ياخالد؟

خالد: ها هيا طلعين ذلحين هدرة توقع لي تهزيئة ، يعني مع من شاتضارب يا قمر مع خطيبش كنت عنده جالس يقدم اللي الاخضر واليابس بيتهم الظاهر من كثر الضيافة

سندس ضحكت

رنا: يمكن ضرسك

خالد: صح ضرسي كان بيوجعني

الجد واقف طالع: حيا الله من جا، هيا اطلع لاهنا


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

15 Jul 2025 19:51

.

البــارت 85 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


رنا بتضحك

جدها: علمتيهن الجنان واللقانة والمشاغبة وتشتي تعقلي ، من عيعاونهن في الحفلة اللي بيفعلنها

رنا ضحكت: اي حفلة؟

امها: سندس ورفيدة مراعيات لش قد اتصلين لصفية

جدها: انزلي قلي لهن عيب عادش محترمة الانفصال هذا وغاثية

رنا ضبحت: والله مانا غاثية عليه ، ولايستاهل احترم هذا الانفصال اللي فعله فيني مش قليل غدرني غدر ، انا بس بين احاول انسى كل شي حصل عاد في اشياء بين اتذكرها واجنن

امها بكيت: ليش يابنتي تشتي تحرقي نفسش

جدها اشر لها راعي: يا تسكتي والا تخليني وحدي احاكي بنتي

امها: ناهي ياعم شسكت

جدها: تمام عشر سنوات عتجلسي تذكريهن عشر سنوات وبعد العشر سنوات تنسي عشر سنوات وبعدا؟ قد انتي ساعي هكذا

رنا ضحكت وحبت راسه: الله يحفظك لنا

جدها: عادي شلي وقتش انسي بس لاتجلسي تحبسي نفسش في نفس الحبس اللي عشتيه معه يعني يامعه محبوسه او ذلحين حابسة نفسش في ذكرياته، اي حين عتعيشي وتنسي وتضحكي، وتحمدي الله كشف لش حقيقته تلحقي تعيشي باقي عمرش هو مش آخر واحد ولا انتي اول وآخر واحدة حصل لها هكذا ، ولا انتي مخدوعة انتي كنتي ضحية صح ولكن عتستمري لو ماتواصلي التغيير اللي بدأتيه، نويتي الانفصال وخلعتش خلع رغم ان عمري ماذليت رجاال لكن حين غلط عليش مع ابن عمش بالكلام وطيت راسه بين الرجال ودفعت حق رشاوي يقطبوا تخلعيه ، اشتي منش ترجعي ساع اول والوقت عينسيش بس ساعدي نفسش

رنا هزت راسها: حاضر

جدها: هيا انزلي معنا نسمر على المجنونات بنات عمش

رنا ضحكت: تمام

طلعت صفية ببنتها: ها جننتنا على رنا

رنا فرحت لما شافتها حضنتها وجلست تضحكها وتجابرها

@rewayatyamania المصدر الأول للروايات

في صنعاء في المطعم

خالد: امزح معاكم والله مابش مرتي ولاشي

سام: خاطركم اسير اشل هدايا مااشتريت شي، امد بكرة اسير ازور المرة

خالد فرح: عقدت؟

سام: ايوووه تجهز للعرس،، يلا مع السلامة

كرم شاف سام مشي: كيف لوما طلعت قصة بنت عمي ورجعت ذكريات الطفولة

خالد: مااعرفش مستغرب من نفسي كانت قدامي واعتبرتها اخت بس ذلحين مااعرفش كيف احس لما اشوفها

كرم: يمكن شعور التعاطف

خالد: لو تعاطف ياريت بس مااظنش

كرم: ايش اللي استجد؟

خالد: مااكذبش عليك في الطفولة كنت احبها ، ولما كبرنا فكرت بعقل انه في فرق كبير اي حين ادرس ومتى اكمل واشتغل وكنت خايف ومنحرج اكلم حد من اهلي صرفت نظر وفكرت بعقلي ، بس الآن بين اقول ليش لا

كرم: تشتي نصيحتي ياصاحبي الآن انتوا الاثنين في فترة بعد فراق عاطفي يعني ممكن تتعلق بأي حد تعرفه، وافشل قرار تتخذه هذه الفترة اتأكد من مشاعركم الاثنين نحو بعض وبعدين فكر في هذا التفكير، لان القلوب ماعد تسمح للعب بالعواطف سوي شي انت واثق منه

خالد بيفكر في كلامه ويهز راسه سارح ، بعد ثواني: اي حين عرس سام

كرم: عاد احنا عنخرج بكرة نبسر الصالة لو لقيها عيحجز ، بعد اسبوعين

خالد طرح يده حول ظهره: والله لكم وحشة

كرم ابتسم: وانتوا والكل

خالد: احنا من

كرم بيضحكك: اعقد لي قبل مااتندع لي قتلة

خالد: هو سوق على ماتشتي جاي تشتري كيلو بصل

كرم مبتسم له وشوية احراج ولقانة: ناهي ماافعل يعني حين انت صاحبي اراعي مشاعرك وغيرتك، اشتي اتعرف على شريكة حياتي واتواصل معها

خالد تغيرت ملامح وجهه وبعصبية وقف هزره من شميزه: تتواصل مع من؟؟ ياااي لايتخايلك قدك صاحبي تتكلم معي هكذا هذه اختي ومابش عندنا هذه المسخرة، العقد يوم عرسك يابطل مانعقدش قبل ولا عندنا تواصل ولغاجة، كما قدي بيتك سلمتها ليدك جابرها واعرفها

كرم ضحك: والله لو تعصب سبعين، هذا حقي شاشله غصب عن عاداتكم

خالد لف يده حول رقبته وعصره بقوة: تشتي ادعسك هنا

كرم بيقاوم شافه جاد: ياخالد مالك صلِ على النبي خلاص ناهي يااخي كلمتك عادي قل مابش عندنا بدون مضاربة

خالد على نفس وضعية يده حول رقبته سحبه وحضنه: يا اخي مااحلاك لاذلحين اقدر ازيد عليك يعني ماتعرفنيش ، وبيضحككك

كرم: الله يقلعك ياخالد شوف انا اعرفك في كل شي الا هذا الموضوع شوية حساس انا محرج اطلب وانت تستغل احراجي، لذلك صممت اعقد الشهرين اللي عنتجهز للعرس فيها عشان احاكيها واتواصل معها واعرفها وتعرفني

خالد: اكيد من حقك يااخي امزح معاك ،، رجع يضحك (الله كيف بتوقع ياكرم شخصية ثانية ساع الدمة(القطة) رحمتك)

كرم ضحك: الله يسامحك والله انا شاوريك سهل عيجي لك يوم ، ذلحين يامنعاه ابسر الكل ماعيقولوا ويحددوا يوم وجينا

خالد: تمام ، مارأيك اتصل لجدي ذلحين نحاكيه انا وانت

كرم وقف وجالس يبترع: ...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

15 Jul 2025 19:49

.

البــارت 83 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


جدها: انت داري ان انا قادر الآن اتصل باتصال واحد اخليهم يسحبوك سحب تجحف الزبالة هذه كلها على طريقك؟؟
واتصلت ماردني الا ابوك لما جاري واللي بيننا عشرة عمر وعيش ملح باقي شوية ويحب يدي وهو يتراشاني ان انا اتصلت

امير: على ايش هذا كله ماعاش ولاكان اللي يخلي ابي يوطي يحب يده

الجد بعصبية: ولاعاش ولا كان هو وابايب ابوه ، اللي يغلط في عرضي وبنتي اللي كانت مرتك يا مكلف تتحاكى عليها؟ وانت شليتها جاهلة كبرت عندك ، تقول عليها هاربة مع ابن عمها وكلام مايقولوه الا عيال الحرام ، انا ماهمنيش اللي حصل قلنا مابش نصيب وقدك هذك الخاين ، وغلطت وابوك بصم وجهه يخفيك عننا وتطلق والآن راجع بهذه الورقة بتتحداني !
وقف: رحلك وخلي عندك ذرة كرامة وسير خبي وجهك

@rewayatyamania المصدر الأول للروايات

بعد ثلاث ايام

كلهم بيتغدوا بعد ماخلصوا وهم بيرفعوا دخل ابو خالد في يده الورقة ناول الجد

ام رنا قربت تشوف: ياعم تسمح لي اناولهم بطريقتي

الجد: كيف؟

ام رنا: شاسير اتفرط وعتجي واحدة صاحبة ام امير بس لسانها فالت يعني لو وقعت هدرة هي عتدي خبر للنسوان في الحارة، خليني اناولها تمكنها امد لو فتحت فمها تلقى الرد

الجد: مابش داعي لهذا كله

ام رنا: مااشتيش بنتي تزيد تسمع كلمة توجعها اشتي هم ينوجعوا شوية والناس كلها تعرف انه انخلع مش طلقها والعيب فيه مش فيها

الجد ناولها: تشتي الصدق هم اللي بدعوا بنفسهم افعلين مااشتيتين اهم شي انخلع هذا الكلب لكن بطريقة تشرفنا،

بهنجمة خرج تلفونه: من هي اللي في نفسش يابنتي تدرا؟؟

ام رنا: مرة عبدالعزيز سالم

الجد جلس واتصل له: اشتيك عندي بعد ساعة في البيت ضروري لاتتأخر

وهذا الوسيط اللي جوا خطبوا البنت نتصل له

سندس بتسمع بتقاطع: وزوج احلام ياجد قوا

ام خالد شافتها وبهررت

الجد: صح وزوج احلام والكل

رفيدة: وهو يجي بكله

ام رنا: اين رنا؟

سندس: خلوها تغسول سهل تنساه واحنا نكيد لها هنا صح يارفيدة

رفيدة مدت يدها لسندس ضربتها: صح نسكه الغسولة وامير

سندس ضحكت وضربتها بمزح: الله يقلعش اختش

الجد صيح: خارج اتكلم يلا

خالد على دخلته بقلص شاهي: ماافعل جدي

امه بتأشر له يسكت

الجد بيتكلم عزم كل اللي جوا خطبوا واتصل آخر شي لابوه قال له: جي انت وامير نتفاهم

خالد: وليش يدخل البيت هذا

الجد: عشان يخرج منه ساع الكلب ، بورقة ساع المكلف بعدا ولا ابسر حد غير ابوها وابوك كلكم تسيروا تدوروا عمل

خالد: ياجد والله ان انا كنت معصب دمي فاير مش داري هذك اللحظة وين راسي ، بس هدأت تعرفني مستحيل افعلها مش انا قاتل قتلى

الجد: يعني ولا اشتي خبالة، اشتي تتصرفوا رجال نعرف القبيلة ونعرف كيف نهين واحنا رافعين راسنا شغل العصابات والبهذلة هذه مش احنا نفعلها

خالد: حاضر، انا مااشتيش اصلا اشوف لصورته لكن اشتي اشوفه وهو بينذل ساع ماقهرني

الجد: سير اشتري اثنين كراتين ماء وقل للبنات يحهزين الديوان


في المطبخ
دخلين لاعندها يحكين لها اللي حصل وفارحات في امير

رنا مبتسمة لهن

خالد مشي يشتي يكلمهن من الطاقة واخته بتقلها
سندس: مالش او غاثية عليه؟

رنا ضبحت وطرحت الصحن من يدها: يا سندس قوا بطلوا تزيدوا تقلوا لي هكذا، انا والله ماعد في حسي منه لو غثيت بين اغثى كيف سار عمري ونصيبي مع واحد مثله البنات يبدأين عمرهن وانا تم في اول شبابي

سندس: لا بس مقصدي يعني يمكن بتتذكري الاشياء الحالية بينكم وتغثي

رنا: صح كان في اشياء حالية بس تعرفي من كثر ماذلني بها وعايرني واهانني سار جميلها وقيمتها يرد عمري وانا ارد كل شي فعله اضعاف بس يرد الروح اللي كانت مجنونة بين احس ان انا طفيت تغيرت

خالد بيداعيها: سندس يااي قال جدي جهزين الديوان سريع ذلحين

رنا صلحت المقرمة بسرعة فوق شعرها

خالد مالفت مشي على طول

وصلوا الناس كلهم رجال من الحارة واللي كان وكيل واهل امير ابوه اعمامه وخاله منتظرين امير وابوه يوصلوا


البنات كلهن واقفات مراعيات الا رنا جالسة بتقلب تلفونها وتشوف صور ومقاطع وتصاميم

سندس ورفيدة بيتشاورين

رفيدة: وصل الكلب ابسري كيف دخل وهو قالب وجهه

سندس: والله انه الكلب احسن منه حرام نشبهه به


نازل في الحوش

ابوه بصوت واطي: اسمع ايش ماقالوا من شروط موافق لو ادي راسي لهم هذا اذاااا بيصلحوا يعلم الله ماقد فعلت حاسس به شي ثاني

دخلوا بدون محد رحب بهم الهدوء عم المكان بعد ما كان اللي موجودين قد عرفوا ايش حصل وليش

الكل بيشوفه باحتقار

الوسيط في يده الورقة

الجد: قبل ماتبدأ كلامك يااخي راعي

شاف ابو امير واشر له جنبه راس الديوان: هنا مكانك انت وعلى العين والراس

ابو امير انحرج وقام جلس جنبه وابتسامة مكسورة مش فاهم ايش في

امير ساكت محد...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

15 Jul 2025 19:48

.

البــارت 81 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


سندس شافتها: بعقلش قد العالم كله فيسبوك وانتي ماتعرفيش؟

رنا: الا اعرفه بس ماخلانيش مقصدي مش انا دارية مابيفعل

خالد لفت لها: ليش مارضيش

رنا: يلا سمح لي واتساب

خالد: مش منه حقه يمنعش ، من حقه يفعل لش حدود وشروط وتلتزمي بها وتحافظي عليه وماتخبيش شي عنه بس مايحق له يمنعش ليش كنتي تستسلمي

رنا: تعبت كلام معه وتعبت شحت ابسط حقوقي اللي هي حرية

سندس جالسة متربعة وسط المكان بتراسل البنت ومربوشة صاحت فوقهم: خلااااص قليعة تقلعه هجعوووني خلوني اركز

خالد: ناهي ياكونان مافي راسش

سندس بتكتب لها: سلام ، شفت امير صداقة معش ، ممكن لو سمحتي اطلبش طلب

البنت: ايوه ماتشتي منه؟ تفضلي

سندس: اشتي رقمه لو سمحتي

البنت عوجت فمها وداخل نفسها ،حتى الاعيبك سخيفه مثلك رجعت مرة ثانية ياسعم ايش اللي تشتيه بالضبط شبسر مافي مخك

سندس: اشتي اوصل لامير

البنت مفكرة بتكلم امير وبيختبرها لو بتخرج معلومات عنه تشتي تسفزه: من عيني سجلي رقمه وطبعاً اديت لش اكثر رقم خاص له محد يعرفه حتى امه وابوه

سندس متغيرة ملامح وجهها مصدومة: شكراً ألف شكر

البنت: ولايهمش اي شي تشتيه في الخدمة ازيد اقلش ايش يعجبه واللي مايعجبه عشان اوفر لش الوقت وتفهميه وتكسبيه بسرعة كما هو واحد اهبل بكلمة عيصدقش اصلا لو تقولي له بس اسم بنت عيحبش ويدي لش ملك قارون ، تعرفي لما يهدي ايش يهادي ذهب فلوس عمارة ، اهم شي لاتقلي له يوقع رجال ويحدد موقفه لانه مش عارف ايش يشتي ، اناني يشتي الكل يشتي مرته وحبيبته وصاحبة جنبها وعشر في اليد الثانية لايشبع ولايقنع لذلك نصيحتي لو صاحبتيه شلي كل مايملك خليه يستقر على مرته ويفعل فيها خير والله ماتستاهله خاين لعاب لاتزوجني بعد ماعلقني خمس سنين ولا وقع وفي لها ، لذلك خرجت حقي من عينه بدل الخمس السنين اللي ضيع عليا عرسان خيرات وانا مراعية يصدق

سندس بتقرا ردها رد بعد رد ومن نفسها تكلمت اشياء ماكانت تشتيها بس تشتي تتأكد هي صاحبته او لا

سندس مع الحماس وعينها على التلفون قامت وبترجع للخلف وهي بتقرا رد بعد رد ضربت راسها في الصفيف، (رف في الحائط)

خالد شافها: ياي ريوسي دلا مالش

سندس منسجمة مابترد

رنا قامت وقفت جنبها وبتقرا معها

سندس مش منتبهة لها مركزة بتقرا سطر بعد سطر بيوصل رد البنت بسرعة

خالد شافهن منسجمات قام وقف جنبهن

سندس حست بزحمة جنبها بدون ماتلفت لهم بعدت مشيت

مالحقت تمشي

خالد سحبها من الكوفيه اللي في الفنيلية حقها: جي هنا مالش ايش معش؟؟

سندس: لحظة

واقف جنبها بيقرا سحب التلفون: راعي شاكلمها انا

رنا: ايش تكلمها؟

خالد وهو بيطبع لها: اشتي منها حاجة

رنا: ايش ؟؟

خالد بعد ماقرأ المحادثة كلها: بس ايش يثبت انه خدعش اصلا يعرفني من ست سنوات وفجأة اختفى حتى اتصلي به

البنت جربت تتصل مغلق

خالد كان عارف انه عيغير كل وسائل الاتصال به بعد ماهرب من الدفع لصاحبه

البنت جننت كيف عرف قبلها وخانها كمان صورت لها رسايل بينهم من خمس سنوات

خالد كتب لها: يعني خدعني انا وانتي والكل ،

البنت: قد شفتي كلامه كله وعدني بالزواج ووافقت رغم عيوبه من عترضى بشخص مابيخلف

خالد رسل الصور المحادثة لاعند رقمه وحذفهن من تلفون سندس وناولها: لاعد تكلميها او تردي عليها

شاف رنا سارحة وغمز لسندس تشوف رنا

سندس اشرت لها: ياي عتخليش معي نسأله مابه؟

خالد: ارقدين وبكرة تجهزين الصبح معنا مشوار لصنعاء

سندس فرحت: رنااا

رنا: اسف صفية روحت

سندس: نتصل لها

رنا: افرضي زوجها يضايق كانت هنا قد لها يومين

سندس ضحكت: يوووه لو تبسري طيب قوي مايتحاكاش ابدا تطمني بس

@rewayatyamania المصدر الأول للروايات

ثاني يوم الصبح
الجد ناوله المبلغ واوراق وتوكيل وتموا يتفقوا: شاركن عليك اي شي تشتيه اتصل بي

خالد: حاضر طلع السيارة

رنا جلست ورا

سندس قدام

خالد بمزح: انزلي ورا وخليها تجي هنا

رنا انصدمت: لا ليش هنا مرتاحة

خالد بهنجمة: بسرعة اطلعي يلا

بدلين اماكنهن وخرج بالسيارة من الباب

خالد لانه شافه في الحارة استعجل الخرجة عشان يستفزه

فتح الاغاني بصوت عالي ووقف السيارة باب البيت حق امير
جالس يطرق

سندس بضبح: خالد بس هبالة ليش بتدور مشاكل انت بتتذرب

خالد: نفسي اصبح عليه وادعسه قلبي مابرد ، ناهي سلاح ماشاعسه امس كنت معصب والله ، اما ذلحين خاووور ادعسه

رنا خايفة: خلاص خلينا نمشي

امير سمع صوت السيارة فتح باب الشارع يشتي يتكلم

خالد دعس بترووول وفحط من جنبه ومشي وصوت الاغاني مرفوعة

امير عصب دخل ورزع الباب

امه: من هذا؟

امير: فكرت صاحبي مراعي يدي البلاغ والله لاسحبها اليوم للبيت واربيها

امه: اسمع من الجنان ابوك امس...





📚 @rewayatyamania 🇾🇪

روايات يمنية📚🇾🇪

15 Jul 2025 13:59

.

البــارت 80 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


خالد: ورقة خلع للحيوان هذا

صفية لفتت لها: عتخلعيه ليش مارضي يطلق

خالد: يطلق رجاال عاقل لكن الاشكال هذه تختلس ساع الجزمة

رنا ساكتة

صفية شافت لخالد وشافت رنا: انتي قلتي؟

رنا هزت راسها بصمت لا

خالد مستغرب سكوتها :ليش ساكتة ماتشتي تخلعيه؟

رنا: انا نفسي يختلع لحظة بلحظة مش بس ورقة ، انا بين اشوف ليش وكيف قدرت اعيش مع واحد مثله ، اين كان حسي وقتها ، ياريتكم فعلتوا هكذا من اولها معه
.
.

بيت امير وصل بعد مشي

ابوه خارج من بيت اهل رنا وواقف شافه دخل وهو معصب

امير دخل قفل باب البيت وجلس في الارض: كنت شاموووت

ابوه: وماحصل لومارجعت للحياة

امير: ادوا لي مهلة لبكرة اسلم لهم الزلط

ابوه: والا ؟؟

امير: شاحتبس ، شلوني وضربوني ورجموني عيال الكلب في الطريق

ابوه ضحك

امير لفت له: اباه؟؟؟

ابوه ببرود وداخله بيقهر: انت داري انه حصل لك نفس اللي فعلته بمرتك؟؟ سبحان الله جربت الخوف والوحدة والظلم والوجع!!!! وماشدي لك فلس واحتبس ، جرب الخذلان مثل ماخذلت بنت الناس

امير وقف معصب: غسلوا مخك ماقالوا ل

ابوه قاطعه لطمه كف في وجهه: ياريت يغتسل مخي وينسى ان انا خلفت حد مثلك سودت وجهي الله يسود وجهك عشرة عمر احنا وهم خليتنا ننهي سنين وعشرررة بافعالك يانذل لا انت ابني ولا اعرفك اخرج من بيتي يله

فتح الباب وطرده

امير حنق واقتهر قام وخرج..

سيارة واقفة بس مختلفة عن الاولى بيكلمه: خليك ماشي وراه نبسر اين عيسير ولاتفلته

@rewayatyamania المصدر الأول للروايات

في بيتهم

ام امير شافت احلام: هو انتي السبب انتي

احلام صاحت: مافعلت انا ، مادخلي؟

ام امير: حميتيه هكذا وجننتيه كيف تسخي تقلي له وتحرقي دمه

احلام: يعني اسكت وانا بين ابسر مرة اخي بتغلط هكذا وتتويقح مع حبيب قلبها

ابوها دخل سمعها: انتي على من بتتحاكي هكذا
بتتكلمي على مرة اخوش وخبيرتش اللي تربيتين سوا مثل الخوات ، انا ماكنت داري ليش جهالي معقدة حياتهم والآن دريت انه داخلهم حقد انه الشر اللي فيهم بيدمرهم ايش السواد والمرض اللي انتوا فيه هذا

ام امير: انت قد زادوا عليك بكلمتين صدقت لهم مابتبسر شي ولا انت عايش معنا ، عايش في عالم ثاني

زوجها: لان عالمش ساع جهالش كله مرض كله حقد زرعتي فيهم الكره كم قلت لش بطلي التربية هذه، بطلي تسمعي لبنتش لما تجي تتكلم على حد وفهميها انه عيب وحرام الغيبة ومايسبرش عشان ماتتعود الكره والمرض هذا..

ام امير: وابنك معقد ساعك ونفس طبعك

احلام زعلت ودخلت غرفتها
.
.

في الشارع فوق السيارة

السواق بيتكلم: والله ان احنا غيرنا السيارة ماعيحسش تطمن ولاعيهرب عيننا عليه

امير جالس في الشارع بيتصل لاصحابه اللي كل واحد تعذر ومشغول واللي مايشتي يتدخل في الوساطة بينه وبين صاحبه..

رجع يفكر في رنا بيراسلها شاف حذفت الرقم الاول والغت اي شي كانت متصلة به: كانت جاهززززة يعني ذكر القسم قام وقف خاف لايكون في بلاغ عليه معصب كيف في هذا الموقف مش لاقي حد معه شاف احلام بتتصل له

امير: ماتشتي ماشرجعش

احلام: هنيت لك اين ترجع وين انت؟ اتصلت لزوجي عنجي ذلحين لاعندك اين انت

امير: قلتي حانقة

احلام: سدينا ذلحين وين انت

امير: انتي ساع الكرة بين ارجله يشوتش اين مايشتي لانش هكذا بتسيري وترجعي على مزاجش مابتسمعي لحد

احلام: انت آخر واحد يتفلسف مش وقت ذلحين الكلام هذا اين انت بين اقلك

امير: يهي يهي كيف بتحاكي اخوش الكبير خلاص قد انا حقكم المدعسة ماعد لي قيمه قد كل من جاء فعل قسمه
.
.

في الغرفة سامرات

سندس ماسكة التلفون توري رنا حسابه في الفيسبوك: هذه صورته صح

رنا: ايوه

خالد: تكلمي مافي راسش

سندس متحمسة بتضحك وبتقلب في حسابه: تذكروا حركتنا واحنا صغار تخطيطنا للاجرام

رنا شافت خالد وضحكت

خالد شافهن ضحك من ضحكهن: اي موقف ذكرتي

رنا بصوت بيضحكك ويتقطع وسطه ضحك: حين كنت تكتب في ورقة اسماء الجهال اللي في الحارة بيكذبوا على اهاليهم وتسير تنصب لهم فخ

خالد: والمشكلة انه انتي اللي بتحارشي وعادش تضحكي

سندس مندمجة بتقلب حسابات البنات صاحت: لقيتهاااا هذه يارنا

رنا: مااعرفهاش انا

سندس: شغلي مخش شويه، ابسري صفحتها الوحيدة معلق عليها في كل منشور وهي في مصر وهي فاعلة له لايك وتعليق كل منشور مابتبسريش انتي او كيف

رنا: مااعرفش الفيسبوك هذا

سندس شافتها: بعقلش قد العالم كله فيسبوك وانتي ماتعرفيش؟

رنا: الا اعرفه بس ماخلانيش مقصدي مش انا دارية مابيفعل

خالد لفت لها: ليش مارضيش

رنا: ...


/channel/rewayatyamania/55248



📚 @rewayatyamania 🇾🇪

روايات يمنية📚🇾🇪

15 Jul 2025 13:57

.

البــارت 78 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


ام امير قامت لبست وراحت لبيت رنا

ام رنا استقبلتها بكل انواع التهزيء واللوم لها وابنها واجهتها بكل اللي فعله وام امير منكرة لابنها الملاك الصابر على عيب بنتهم وهربتها مع ابن عمها اللي كانت تحبه

ام خالد: ياتحاكيتي باحترام وسط بيتنا يااما

ام امير بتبكي: يااما انقلع؟ هكذا ؟ الله المستعان عليكم وعلى كذبكم

احلام مسكت امها وخرجتها وهن في الشارع وصل امير


فوق التكس
مسعود: ايووه هيا هذا البيت وصلت له قبل امس ناس جوا من مصر خالد وواحدة معه

امير جنن لقي امه في الحارة

امه قبل ماتسلم عليه: مرتك جت مع خالد انت داري او مع؟ عتوقع رجال وتوقفهم عند حدهم عتطلقها قلت لك نبسر لك غيرها وانت ولا بتفكر ولابتسمع

وصلت سيارة خالد وهن معه

خالد شافه وشافها: لاتخافيش تنزلي وماتجاوبي حد ولاهن ولا هو تدخلين الثنتين سكتة

رنا: مش خايفة منه

خالد: مش انا من الخوف ماسطاه يفعل شي انا مااشتيش بهذلة في الشارع قبال الناس

رنا: حاضر

امير شافهم معصب وجهه احمر بيعض اسنانه بغضب

رنا نزلت وخالد نزل وسندس بيمشين يشتين يدخلين

امير قرب سحبها من البالطو: الى اين يا قليلة الحياء

خالد مسك يده ودهفه بقوة للخلف ولطمه في وجهه: من هي قليلة الحياء يا حيوان

رنا خايفة بدؤوا يتضاربوا دخلت تدعي جدها وعمها

ام امير بتفرع: استحي على نفسك عادك عتضارب يامحترم كيف تخطى مع مرة مزوجة وتسافروا جمعة وتهربها من زوجها

امير خرج ورقه من جيبه: هذه ورقة من المحكمة من حقي اطلبها بيت الطاعة او مصدق نفسك انك عترجع للقديم احلم والله ماتبسر طرف عينها لاتحلم

خالد بيضربه: ايش من قديم يامريض يشتي لك دعس لكن والله لاشلها غصب عنك

امير بيدافع عن نفسه وضربه: هاا وعادك غاثي عليها ماكفاكم ثلاث ايام في مصر سوا جاي تكملهن هنا

خالد عصب وجنن من اللي سمعه دهفه بكل قوته رجمه للارض: والله لاكمل عليك هنا ، بتتكلم على عرضك ياوسخ مفكر الناس وسخة كلها مثلك ، وبضحكة استفزاز: مرة تضحك عليك وتنصبك يامكلف انا اوري ابوك فيك

ام امير بتضارب خالد

خالد معصب بعد منها وعلى دخلته البيت: جهزي كفن ابنش

@rewayatyamania المصدر الأول للروايات

فوق السيارة من بعيد بيتكلموا اثنين رجال مراقبين البيت: يعلم الله ايش سرق زد على هولا ، ننزل

الثاني: خليهم نبسر لين عيوصلوا وبعدا لنا كلام معه

خالد دخل معصب وجده ورنا في الحوش خارجين شافها صيح: ادخلي انتي ، خلي الكلب هذا يربوه رجال

رنا مصدومة ليش يصيح فوقها

خالد: ادخلي قلت

طلع بسرعة دخل غرفة ابوه خرج السلاح من الدولاب ونزل

رنا شافته: خالد خالد.. بتجري بعده يااخالد بطل جنان عشان جدي قواااا.. وصاحت


خارج في الشارع

ام امير هزرت ابنها دخلته البيت

الجد: مفتجع بتهرب مع المكالف عتوقع رجال وتدخل تتكلم وسط البيت مع رجال مامعك مع النسوان في الشارع

خالد يشتي يخرج ورنا ماسكة الباب بقوة لايخرج: رجاءً مااشتيش اوجعش ابعدي من قدامي

رنا: والله ماابعد بطل ياخالد مايستاهل تضيع عمرك بسببه

خالد: والله لايطير راسه يمين بالله مايبقى يوم لو يطير راسي بعده

خرجت امه وام رنا يمسكوه معها

الجد شاف امير هرب مع امه للبيت دخل وقفل الباب شاف خالد ماسك السلاح هزره منه: عتدخل جهنم عشان واحد نجس مايستاهل ، عتوقع اغبى منه

خالد: انتوا ماسمعتوش ماقال ، والله لاطير راسه والله لادي سبعين سلاح لاخنقه بيدي

امه بتبكي ماسكة يده: قوا قوا ياابني حلفتك بالله تبطل جنان لايزيد عليك ابليسك

خالد بيصيح: ابليس من ، بيقل لي كنت معها في مصر ثلاث ايام يرضيك ياجد ، بيهزر السلاح من يد جده

جده مسك يده: ولو هو وسخ توقع ألعن منه انت ، عيتربى والله العظيم مايفلت لكن ماتلمسه انت حسابه معي انا لادفعه ثمن كل كلمة قالها وانت والله لاحبسك ماتدي خطوة من البيت ادخل قبالي يلا، اخطى

خالد بعد هزورة جده له ذكر رنا كيف حالتها كيف صيح فوقها شافها

رنا واقفة مصدومة في كلام امير اللي استفز خالد كان كبير الآن عرفت ليش مسك السلاح تمنت لو عندها جرأة هي وتقتله بيدها بس ماتقدرش

خالد بعد ماشافها ذكر كلام امير عصب اكثر

جده: هيا اطلع
.
.

في بيتهم

امير معصب بيمسك فمه اللي انجرح مع ضربة خالد: وعادو بيغير عليها وعادو خارج هو وياها لوي بالسيارة

احلام: قلت لش ضحكتها ملان الشارع حين وصلت هي وياه





📚 @rewayatyamania 🇾🇪

روايات يمنية📚🇾🇪

15 Jul 2025 13:54

.

البــارت 76 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


بيت الجد

احلام دقت الباب ودخلت: بنتي جننتني تشتي تلعب مع بنت صفية

ام خالد بتتفرج لام رنا عوجت فمها قدها دارية  بكذبها

احلام شافتهن يشوفين بعض: وين هي صفية هي عندكم او مع؟
اصلا بين اسمع اصواتكم لاعندنا ماشاءالله للحوش

ام رنا: مابلا سمعش زيادددة اصواتنا هذك هي حق يومية

احلام: امس ابسرت خالد جاء ، مع من

سندس خرجت بضبح واقفه ماسكة خصرها: مع مرته داخل تشتي تسلمي عليه؟؟

احلام ضحكت ضحكه مصطنعه: يوه منش واللقانة ماانتي

عمه يو مرته صدق تزوج؟ مادريناش

سندس: ليش عتعاونيه في المهر؟ والا عتسيري تزفيه لماليزيا

احلام: ماشاءالله من الصبح والمراددة مالش من غثاش

سندس: مدري بيرفع ضغطي الفضول ، ماشاءالله كيف لش بكرتي وزوجش بيشكي منش رقدة لظهر

احلام اقتهرت منها: مالش قلبش ملان عليا تحاكي مافيش

سندس: والله انه ملان عيقرح

امها: سندس ادخلي تمي ارفعي المكان

@rewayatyamania المصدر الأول للروايات

بعد يوم طويل ومازال وضع رنا مجهول للكل

فوق العشاء ..

امها مابش صبر: يابنتي انا ماعد اقدرش اتحمل حاكيني ماوقع

رنا سمعت امها حاولت تتهرب تغالط الموضوع: انا شاسير ادي الشاهي اكيد قد فار

امها معصبة منها بتشوفها الطفلة اللي كانت تتهرب لو فعلت شي

رنا راجعة من المطبخ وفي يدها قلصات الشاهي

ام رنا شافت الكل ساكت والجد نظراته غضب فهمت انه زاعل من رنا: للآن ماقلتي لي من اداش زوجش؟

رنا بضبح شوية: ماشي مش هو دراي ان انا هنا

امها بهررت وانصدمت: قد بين اقل مالش بتتهربي ومابش معش رد انتي زيدتي بها الدلع قدش ساع احلام ، حنوقة على اشياء عادية

رنا استفزها كلام امها اقتهرت وانفعلت وبتصيح وهي واقفة والشاهي في يدها

الكل جالس منصدم في ردة فعلها

رنا: انتوا هكذا كل مرررة انتوا السبب خليتوني اعيش مع حقير السنين هذه كلها وانتوا تغلطوني وتدافعوا عليه

خالد شافها بيطعفر الشاهي وهي منفعلة بتهز يدها سحب الصحن منها بسرعة حرقت شوية مد يده كان يشتي يمسح الشاهي ورجعها بسرعة بدون مايحس وهي منفعلة من عصبيتها مش حاسة انها حرقت واقف بيشوفها مصدوم كيف فجأة عصبت هكذا

ام رنا: مابندافعش بس ماناش دارية ايش اللي يخليش تهربي وتسافري وحدش

رنا: خاين له خمس سنوات بيلعب ويحب غيري وواعدها بالزواج وصارحها مابيخلف والعيب فيه وبيترجاها لاتفللللته وانا داخل الغرفة مرجومة مراعية للدكاترة وفيني رعب عمليات وهو بيتنخفر فوقي، تحملت عصبيته واهماله وغلطه عليا ولعنه وصياحه وإجباره لي ع جلسة في البيت وخرجة بمزاجه حتى الحنقه حارمني منها حتى الشكاوي مانعني منهن وانا ماشكيت لمن اشكي لكم ودارية بعد هذا كله عتغلطوني والله ماارجع والله ماعد اجلس لكم مكان، تعبت ومحد حاسس بي تشتوني اوقع مثل كل النسوان في المعاناة ليش ماعمركم قلتوا ليش مايقع هو مثل زوج فلانة وفلانة اللي هم سوا ، ليش بنقارن بالمواجع طاقة تحملي غير فلانة وعلانة... ولاحد يفتح معي هذا الموضوع يطلق وبس ماتشتوني عندكم وعترجعوني له والله ماتبسروا لي صورة ساع مافلته وهربت شافعل هكذا
وخرجت من عندهم

خالد طرح الشاهي شاف امها بكيت تشتي تلحقها مد يده يغلق الطريق عليها: قوا ياعمة

شاف امه مشيت تشتي تلحقها مسك امه: قوا لكن وانتين العاقلات خلنها تهدأ بعدين تكلمين مش فوقه فوقه عتقرح

ام رنا: قلبي عيقرح على بنتي

ام خالد بتبكي: هو انا السبب قلت لها لا تشكي ولا تخرجي سر كم تحملت وساكتة ورجعت ومش هي راضية

رنا جالسة في الحوش مالها مابتبكيش مستغربة على نفسها من وين جت القوة هذه؟ توقعت تبكي تضعف ماتعرف تتكلم ليش ماعد اثر الموضوع عليها معقولة مابتحس؟
.
.

ثاني يوم الصباح..

سمعت بنت صفية قامت بتلعب حضنتها ونزلت معها للحوش سوت لها بيضة وجالسة تلعب معها وتلاحقها في الحوش واللقمة في يدها بنت صفية تهرب حضنتها بقوة وبوستها وجلست تلعب بشعرها وتجرب تسريحات فيه وتغيرها

واقف من طاقة غرفته مبتسم بيتفرجها سكتة

بنت صفية لمحته وهو في الطاقة اشرت باصبعها وشافت لفوق وبهمسات: امو (عمو)

رنا لفتت تشوف خالد واقف مبتسم لها بيأشر بيباي: هذا خالو

بنت صفية: الو

رنا بتضحككك

خالد مش سامعهن بس حاسس بتأشر عليه وتكلمها وتضحكك يشتي ينزل بس مانع نفسه لانهن وحدهن ، شاف سندس خرجت عندها نزل بسرعة

رنا: طيب لاتقليش خالو قلي خالد

بنت صفية شافته بيمشي لاعندهن: هو الد امو الد

خالد ضحك: انتي اللي علمتيها غلط تذكري حين قالوا لنا كنتي تداعيني هالد

رنا ضحكت: وانت اسمك صعب

كلهم صحيوا وبيصتبحوا ومغلقين موضوعها ماعد حد ناقشها وبعد الغداء

سندس: هيا رنا البسي وجي معي خطوبة واحدة صاحبتي

صفية: ماشي لاتسير

سندس صيحت وبتضحك: مالش صرفوا ، ماكرهاً فلتت زوجها عتجي انتي تتحكمي

رنا مستغربة...





📚 @rewayatyamania 🇾🇪

روايات يمنية📚🇾🇪

15 Jul 2025 13:53

.

البــارت 74 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


ام رنا: تفرحي لمه؟

ام خالد مستغربة ضحكت: الظاهر بتحلم قلك خالد جاء هو ومرته

ام رنا كركرت تضحك: يو يااختي الله يرزم مخش لاقد بتجنني

صفية في الطاقة سمعتهن بتضحك دخلت شافت رنا نووووم وسندس بتغطي وجهها من الضوء حق الطاقة

بتصفق بيدها: يااااي قومين ابسرين المسرحية اللي في الحوش يابناااات قومين بتهزور من فوقهن البطانيات

رنا نكزت شافت وين هي بتستوعب السقف غرفة بيتهم صوت صفية كانت في حلم يومين

صفية: عمتششس حست بكرت من الصبح

رنا فاقت من الصدمة اللي بتحاول تستوعب اولا وين هي كيف جت وتتذكر: عمتي؟؟ يو عرفت وين امي اول مانفعل

صفية: والله انها فعلة بس كيف نفعل تتخبي او تنزلي

سندس قاطعتهن: بس جنان خلنها تنقلع بيتها وبعدا نبسر كيف نفجع اللي في البيت

@rewayatyamania المصدر الأول للروايات

في الحوش..

ام امير: مكانش عتخبي يعلم الله ما حصل لكن يلا على راحتش انكري بس كله عيبان

ام خالد: العجين خمر عتدخلي تتقهوي معنا او اسبقش للمطبخ؟

ام امير: ماشي اسير ابسر بنتي عندي

ام رنا: يعلم الله كيف بنتي ووين هي قلدش الله لو امير جاوبش اتصلي لي

ام امير: حاضر.. يلا خاطركن

خرجت وهن دخلين المطبخ بيضحكين عليها

شافين في الحوش مجتمعات كراسي خشب صغيرة كانوا يجلسوا فيها وهم صغار

ام خالد: البنات نزلين يسمرين امس؟

ام رنا: الله اعلم والطيسان هنا ماغسولين شي

ام خالد شافت قراطيس الاندومي: هذه سندس هي والاندومي ساع السرق الله يعيننا على الجهال هولا بس مابياكلوش سوا

دخلت صفية ووراها سندس ورنا متخبية وراهن في الحوش

خالد نكز لما سمع صوت الباب شافهن من الطاقة راح يغسل وجهه ونزل بسرعة وبيأشر لرنا تسكت تراعي

الجدة مسكته في الدرج: يووو خالد اي حين جيت

الجد سمع خرج من الديوان اللي جنب باب الحوش: خالد

خالد حضنهم وسلم عليهم قال: جينا امس قبل الفجر مانكزناكم

جدته: انت ومن خبرتك؟

خالد: هي قصة طويلة المهم لقيت رنا بنت عمي في المطار مسافرة كانت وحدها صادفت نفس طايرتنا وجينا جمعة

الجد: رنا؟؟

الجدة: رنا جت؟؟؟ اين هي؟ بتتحاكى صدق ليش جت؟

خالد: وقعت مشكلة بينها وبينه وجت

الجد بيدور ويداعي في البيت: رناا اين هي ؟

اطلع ادعيها

خالد: هي في الحوش

في المطبخ بعد بهذلة لهن ليش ماغسولين صحون الاكل ورفعين الحوش جت ام امير وهو هكذا وليش اندومي آخر الليل ووحدهن في الحوش متأخر

سندس: مش وقت ياعمة جي مااقلش

ام رنا جت: مالش؟

سندس: معي لش حاجة حالية فاقدة لها

ام رنا: ماهو؟

رنا خايفة من امها تصيح ومشتاقة لها قربت شافتها وبسرعة: حضنتها

ام رنا فرحت ضحكت حضنتها

الجد والجدة خرجوا

ام خالد سمعت فلتت التنور ويدها ملان دقيق خرجت تحضنها تسلم عليها شافت خالد

وقع الجو في الحوش حضن وسلام وبعد دقايق

الجد: ايش حصل؟

ام رنا: كيف جيتي

ام خالد: مع من جيتي؟؟

الجد ضبح من الازعاج يشتي يتكلم محد بيسكت

سندس وصفية دخلين يكملين يصلحين الصبوح ويخبزين


دخلوا كلهم الديوان

خالد دخل

امه: راعي نبسر مابه بنت عمك هنا

خالد واقف معها يشتي يدخل: سهل هي جت معي ادخلي عتفهمي ذلحين

جلسوا يتكلموا كيف رجعوا وكيف تلاقوا والطريق وايش حصل لهم واخرهم ...


بعد شوية
الجد: مالش ماوقع؟ ليش جيتي ووحدش وين زوجش

رنا بخوف بس مابتبكي: ماعادوش زوجي؟

جدتها ضربت وجهها: طلقش؟؟

الجد مبهرر: كيف مش هو زوجش

رنا: ماعد اشتيه وفلته وماشرجعش له

صفية دخلت بالصبوح غمزت لجدها واشرت له لرنا: هيا بسم الله اول شي ياكلوا ماكلوش شي سوا لهم يومين وبعدا نتجابر

قربوا ياكلوا

رنا بترجف والخبزة في يدها

خالد بيسترق نظرات لاعندها وحاسس شعورها الكل مراعي لها تتكلم شايف وحاسس الخوف فيها..

رنا بتاكل وتجلس اللقمة في فمها وهي سارحة تفكر ايش تبدأ او من وين او من آخر موقف والا ايش

الجد شافها ومقهور وخايف عليها مش فاهم ايش حصل طرح الخبزة: مانزلت لي لقمة من خبز الاكل مابش طعم مالكن طبختين اليوم هكذا

الجدة: مابش فيه شي والله انه حق يومية

الجد: كيف يارنا؟ شوعة صح

رنا ابتسمت اشرت براسها: لا

ام رنا بتدمع عليها تشتي تسألها مالها بس جد رنا سكتها

خالد: هو جدي بيلمح لش عيصبحش من خارج صبوح لذيذ وانتي جالسة تتكبدي اكل هولا اللي مايعرفين يطبخين

سندس: ابسري كيف قلب علينا ماذلحين رنا معه عيدافعوا على بعض حست انها تسرعت وخبصت في الكلام شافت صفية وضحكت

صفية ضحكت بهررت لها واشرت بحواجبها تسكت

رنا قامت: الحمدلله

ام خالد: يوووه ماكلتيششش؟

جدتها ضحكت: الظاهر انها معيفة فلتت زوجها وجت عندنا

تغيرت ملامح رنا اللي كانت مبتسمة لمرة عمها ورجعت للحالة اللي اكتشفت فيها صدمتها بأميرررر ذكرت الموقف تنهدت بقوة وامتلت عينها دموع

سارت جنب جدها...





📚 @rewayatyamania 🇾🇪

روايات يمنية📚🇾🇪

15 Jul 2025 13:52

.

البــارت 72 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


خالد تغيرت نظرته وغير اسلوبه معه: دكتور جامعة!! مش باين عليك كم عمرك

السواق: ٤٠ سنة بس مش باين روحي حالية

خالد: روحك حالية الصدق ماشاءالله والله ما اربعين الا انا والحجة اللي ورا هذه

رنا جت لها ضحكة وماسكة نفسها ساكتة

السواق: مابلا افتهنوا وخذوا الحياة ببساطة من اين جيتوا؟

خالد: مصر

السواق فكره راجع من شهر العسل: ها الله يسعدكم وبالرفاة والبنين

رنا بتتفرج سقف السيارة: الله يخارجنا من اليوم هذا ..

رجعت تتذكر كلام السواق وتربطه بأمير كان يذبح طلي واثنين ويعزم ويشتي اكل في ساعة ولما تكمل وتجهز كل شي بسرعة وتفرح انها عتفرحه وتسأله ها كيف شفت مسرع كملت وفعلت كل شي ( بتتذكر كيف حتى تستكثر رشفة ماء تشربها ولقمة تاكلها وهي بتجري وتجهز)

@rewayatyamania المصدر الأول للروايات

في الفندق رجع الغرفة يجهز نفسه سفره بعد يومين

دخل شاف ورجع تذكرها حس فاق من غيبوبة: رنااا !!!

وين هي؟؟ ماردت؟ اين هي! لو وقع لها حادث لو حد خطفها لو دوخت ، اين هي ، شاف بقية عطورها اللي ماشلتهن وادويتها حس بقهر نزلت دمعه من عينه: والله ماتستاهليني ولاتلقي مثلي حبيتش وانذليت لاهلش ورجعتش ولاحقتش  وطلعتي بياعة ، اول ماقالوا لش العيب منه فلتيني ، والله ماتفلتي وين عتسيري مني بس

الصبح اسير اشوف السفارة يدوا لي البلاغ اللي اقدمه للشرطة..

بعد وسادتها للارض وبعد حقها المنشفة للارض ورجم ادويتها من فوق الكمدينو للارض وامتد ورقد
.
.

في بيت الجد..

ام خالد: ها شلي بنتش رقدت وانتين بطلين سمرة ومجابرة وسيرين ارقدين الصبح نسير نعزي امش امة الرزاق

صفية: الصبح شاروح عيجي لي زوجي شارجع اسير انا السابع

سندس: ناهي مراعيات للحلقة

ساهرات بيتفرجين

سندس: انتي دارية بمن اشبه هولا

صفية وسندس نفس اللحظة: رنا
ضحكين
يووه والله صدق تشبهها

صفية: ايوه

سندس: تشتي الصدق قلقت يااختي عليها لو ماتت يا صفية؟

صفية خافت: اعوذ بالله مالش يااختي ماوقع فيش

سندس: يا صفية البنت جابرتني في المستشفى قبل العملية تقل لي ادعي لي وبعدها اختفت لليوم مش طبيعي مش عادتها والله ان انا خايفة عليها

صفية: اقلقتيني والله انه صدق كيف غفلنا

سندس: تقلي نحاكي بكرة جدي يتصل لزوجها

صفية: ايوه ضروري ياريت تحاكيتي قبل نتصل بها العشي
.
.

في صنعاء
أخيراً محطة البترول نزل السواق يعبي بترول

رنا: ياخالد سافرنا جمعة صح

خالد كان بينعس سمع صوتها نكز: ها مالش؟؟ تشتي ماء

رنا انحرجت صحته: مع بس سألتك

خالد: ها مافي نفسش

رنا: ولاشي شي عادي يعني سؤال ماناش داررية انك راقد نكزتك

خالد فحس عينه وبيشوف: قد احنا في صنعاء

رنا: ايوه بس ابسر كيف تغيرت على ايام زمان حين كنا نسافر

خالد: اي والله تغيرت والناس تغيروا

رنا كملت جملته: حتى احنا تغيرنا

طلع السواق.. سكتوا

((حياتنا رحلة مستمرة من المهد الى اللحد ، يتغير المنظر الطبيعي، يتغير الناس ، تتغير احتياجاتنا، غير أن القطار يواصل سيره، الحياة هي القطار وليس المحطة))

رنا جالسة تاكل اظافرها خوف متوقعة بينها وبين نفسها من اللي عيحصل بتسترجع كلامهم (عشان زوجش مابيخلف رجعتي عيب عليش؛ سهل كان عيتزوج بواحدة والرجال من حقه يتزوج اربع، هيا اعقلي يابنتي ارجعي معه)

بدأت تفكر وتفكر وتفكر بس مستحيل يحصل لو يقلوا لها هكذا عتهرب بذهبها (ذكرت ذهبها !!!!!! باعته تسافر تتعالج قال لها مابش معه يوفي مبلغ العملية) يعني كذب عليا عشان يوفي مبلغ صاحبته بذهبي.. انا اين مخي اين كنت راقدة اين كان حسي

تفكير عميق ارهاااااق  كانت حاسة بتعب داخلها فوق طاقتها ضعيفة و لولا خالد جنبها كانت مش عارفة كيف عتفعل...

خالد جالس مبهرر مقهور تذكر وعوده هو وخطيبته وجيتهم وكيف قريتهم وبيوصف لها ولما كانوا يتحانبوا انه يجي اول لاهلها ويتذكر موقفها ويحرقه داخله نار على الوقت اللي ضاع مع واحدة مثلها

السواق: من اين الطريق؟

خالد انتبه انهم وصلوا القرية حقهم ابسر البيت الابيض اللي على يدك اليمين

رنا عدلت جلستها وقربت من الطاقة تشوف اول ماسمعت البيت الابيض وقلبها بيدددددق اكثر

خالد: لف يمين من هانك

السواق بيلف

خالد لفت لها ابتسم

رنا حست ابتسامته بتطمنها وكأنه ماعيحصل شي

في سيارة قدام بيت عمها

رنا رجل خارجة من السيارة ورجل داخلة خايفة من اللي في هذا الساع بيت عمها عيوصل معقول امير بس لا كيف عيسبقهم ، طيب من

خالد طرح الشنط باب البيت وبيشوف لباب بيت امير في سيارة داخلها رجال ومرة كأنهم بيتصايحوا

خالد خاف يدق يصحيهم يخوفهم اتصل لفؤاد يصحيه: افتح الباب يااخي تنكة انت مش نوم ايش الثقل هذا اقطب لاتصحيش احد افتح وحدك سكتة انزل هيا

رنا نزلت ماسكة البالطو رافعة له بيدها...





📚 @rewayatyamania 🇾🇪

روايات يمنية📚🇾🇪

14 Jul 2025 23:04

❤️

بـارتـات يـوم الاحـد 👆🏻😍

روايات يمنية📚🇾🇪

14 Jul 2025 22:58

.

البــارت 69 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


اللي معه: قارنت الاسم؟

اللي جنبه بيفتح الشنطة: ايوه عيال عم

صاحب النقطة: اكيد مرته راح جابها

اللي معه: بس كيف مافيش بجوازه ختم دخول مصر

صاحب النقطة: اطلبه التذاكر

رنا شايفة خالد واقف وحده وهم مسلحين خايفة عليه

خالد شافهم ومهدي نفسه

رنا بتفتح الطاقة تسمع

صاحب نقطة التفتيش: ايش تقرب لك اللي معك

خالد: زوجتي

رنا انصدمت بتتخيل انها سمعت زوجتي؟ او قال زوجتي ليش قال طيب 

قاطع تفكيرها واحد من نقاط التفتيش: من وين جيتي؟

رنا: مصر

صاحب نقطة التفتيش: كنتوا سوا؟

رنا جاوبت على أساس انهم كانو سوا في مصر مش فاهمه ليش الاسئلة هذه: ايوه ليش؟

خالد بهرر لها من وراهم تسكت

صاحب نقطة التفتيش: ايش يقرب لك الاخ؟

رنا : ابن عمي

السواق قاطعهم: يااخي مرته يعني ذلحين من عيسافر مع واحدة مصر يتعالج الا مرته انجزونا الله يحفظكم ورانا طريق طويل ومطر وحالة الدنيا حالة

اللي في نقطة التفتيش بعد مافتشوا الشنط مابش شي: يلا توكلوا

مشيوا

خالد لفت لاعند رنا: لو مشينا نقطة ثانية قلي انش مرتي تمام وقلي ان احنا كنا سوا في مصر

رنا مبصمة في وجهه وهو بيقلها هكذا ببرود ، ذكرت وهم صغار حين يجلس يقلها ي مرتي افعلي لنا غداء ويلعبوا في الحوش بالشجر وغطايات الدبيب حق الماء صحون ويسرقوا ملاعق من المطبخ يطبخوا بها .. ابتسمت ورجعت بجدية هزت راسها تمام

خالد ماكان في حسه شي لما قال لها بس بعد صمت في السيارة سرح تذكرها وعادهم صغار حين كانت تحنق منه عشان غير رأيه يتزوجها ضحك على ايام البراءة ورجع للحظة اللي هو فيها شاف ايش عانت وداخل نفسه: ياريت وانا واقفت ولا اخليش تتبهذلي مع واحد مايقدرش

رنا ذكرت زعلها منه لما كبروا وغيرت رأيه وكيف كانت تزعل منه حست باحراج ولعنت نفسها يوه كيف كنت هبلا يارب خالد مايذكرش ايام الغوا

@rewayatyamania المصدر الأول للروايات

السواق جالس متوتر ويفكر سبعين فكرة بيشوفهم ساكتين مابيعاملها كزوجة ليش ماجلس ورا جنبها ، انا لو مشيت لنقط ثانية والله لاتطلع عيني ايش افعل..
والله انها حنبة.. بيسأل نفسه ورد لنفسه ايوه صح

خالد: كم باقي لنا

السواق وقف السيارة مكان مثل الغابة فاضي مافيه حد: عاد احنا ربع الطريق يااخي بس اشتي اقلك انا دخل في نفسي الشك

خالد: ليش؟؟

السواق: اين ورقة العقد حق الزواج تثبت انها زوجتك

خالد بعصبية: من عيخلي ورقة عقد في جيبه ليش ورقة عقدك في جيبك وعتوري اي حد يطلبك شي معك عقل؟

ماعليك انت يااخي حسابك يوصل لك اخطى بس

السواق نزل من فوق السيارة: ماناش من الحساب بس الصدق مابوصلك انتظر هنا بيجين باصات نزل شنطهم

خالد: يااخي صلِ على النبي اين ننزل هنا وحدنا بعقلك

السواق: مااقدر للمشاكل يااخي افهمني

خالد ضبح منه مراشاة ولارضي حاسبه ربع الطريق ومصدوم هو وياها كيف يفعلوا

رنا: يعني كيف؟

خالد: عيجي الآن باص او سياره ماتقلقيش
جلسوا واقفين شوية

خالد شاف الساعة وقت العصر: طيب شاركع اصلي بسرعة وارجع اوقف في الخط ابسر سيارة

صلح لها الشنط: اجلسي فوقهن امد هنا ظلال مابش شمس الحمدلله وقف المطر

رنا: تسلم
جلست فتحت الرسائل تقرأ ....
.
.

في مكان ثاني..

امير مستغرب مالها ولاخبر؟؟ بدأ يقلق مش دارري ايش يفعل يبلغ الشرطة ، بس معه موعد اول يسير يستلم نصف المبلغ

راح يستلم المبلغ حسب الاتفاق في المنطقة اللي رسلت له موقعها واقف مراعي..

نزلوا اثنين من سيارة: امير؟

امير: ايوه

الرجال: امضي هنا

امير سحبها وبيشوف مابحد هي وايش شغل العصابة هذه وعدته تقابله وحدهم يشوفها وتشوفه بنت بلدة ايوه يمنية ووعدها يتزوجوا رسل لها المبلغ تشتري عمارة يأجروها يعيش منها ويستقر عندها ويفلت رنا ترجع قريتها..

كانت نص العمارة لصاحبه ونصها له ولها يعيشوا في شقة ويأجروا الباقيات ..
بس مصدوم في الكلام اللي بيقرأه
انا امير أقر انه تم استلامي المبلغ بالكامل حيث و....

وقع وناولهم: هيا وين الشنطة

وبينه وبين نفسه يتحلف لها على اسلوبها

عتتزوجه كيف ماتوثق فيه والكلام اللي بينهم والحب هذك كله والسنين هذه كلها وكل اسراره وحياته وتفاصيلها !!!

الرجال مشيوا

امير صاح: يااااي؟ ايش في شغل عصابات وسرقة بيتصل لها

الرجال يشتي يتضارب

صاحبه: قالت ضرب لا يمضي بس

امير مبهرر: تضرب من ياكلب انت وهو وهي ضربوا عينكم اين فلوسي

مشيت السيارة

بيتصل لها

جاوبته: قلت لك من اولها شاربيك على كل غلط كنت تغلطه عليا واسكت يتخايل لك سكت لك عشان سواد عيونك وحبك لا ياحبيبي مش انا مرتك ، انا مااقبلش الاهانة والمعاملة هذه ودفعتك ثمن كل كلمة شقا عمرك تستاهل وبطل لعب على بنات الناس لمعلوماتك كل بياناتي غلط وكذبت عليك لاتتعب دورا ماعتلقاني عمرك..

امير...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

14 Jul 2025 22:56

.

البــارت 67 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


خالد معصب بيتخيل اسوأ الاحتمالات: مد يده عليش؟؟؟

رنا: لا

خالد: قولي الصدق لاتخافي ايش يخليش تهربي هكذا؟ مش مني فضول بس شاجنن انا ابن عمش اخوش سندش ظهرش تحاكي

رنا ساكته بينها وبين نفسها بتتذكر كلام ام خالد مرة عمها لما نصحتها يوم العرس المرة ماتتكلم مشاكلها ستر وغطى زوجها تصبر عليه وتتحمل وتغيره حست بقهر انها غلطت وضيعت عمرها على هذا المبدأ حست انه مبدأ غلط صح خصوصياتها وحياتها بس خالد فرد من البيت اللي عترجع فيه وتعيش معه وعيعرف

خالد شافها ساكتة سارحة ماحب يضغط عليها جالس يعطف بعصبية بيد واحدة كرت صغير في يده

رنا فجأة نطقت: خايفة اتكلم ايش حصل ويطلع شي عادي وتقلوا لي سهل

خالد مالفت لاعندها بيسمع بس: تكلمي والصح صح والغلط غلط شاسمعش ولاشاقول شي

رنا بدأت تكلمه اللي حصل

خالد حاول يمسك اعصابه ومايكبر الموضوع قدامها تنفعل ماصدق تهدأ: حلو اللي فعلتيه تمام الباقي عند جدي واعمامي

وصل الأكل

رنا قالت لا للمضيفة

خالد استأذن المضيفة واخذ وجبة رنا

رنا: مااشتيش

خالد: لي بس خليها عندش تعرفيني اكال

رنا ضحكت

خالد: اطعمي هذه نفس اللي تفعلها عمتي امش  ونتضارب عليها تذكري حين صفية... بيغالطها ويذكرها بايامهم

رنا نسيت وبتاكل وطعمت معه الاكل وبتضحك على الموقف اللي بيحكي لها

رنا شافت الدبلة في يده: اي حين العرس

خاالد شاف يده ذكر الدبلة وبنص ضحكة فيها قهر بس مش اكثر من قهر رنا واللي فيها ، بعد الدبلة من يده: نسيتها تصدقي ، مابش عرس

رنا: ليش؟

خالد: مابش نصيب

رنا: يووه قالت لي صفية كنت عتسافر تتقدم لاعند اهلها وانهم قد وافقوا فكرت الدبلة انك خاطب

خالد: هذه ادتها لي هدية بس لآخر لحظة رجعت من المطار وغيرت رأيها..
كلمها اللي حصل..

@rewayatyamania المصدر الأول للروايات

في مكان ثاني

امير هذه بتجنن تشتي تعصبني خليها ياسعم وين عتسير شاطنشها وادورها لما القاها والله لاندمها على كل لحظة..

معصب شاف رسالة من اللي خدعته وسرقته: عترجع لك نص الفلوس ونصها قد اندفعت

امير جالس يلعنها ويلعن النسوان كلهن مخادعات كذابات بيتوعدهن بينه وبين نفسه يندمهن كلهن
.
.

في الجو في الطائرة..
رنا كملت تاكل طرحت راسها في الطاقه بتتفرج ونعست

خالد مابيلفت لها لايحرجها بس حاسس في هدوء ساكتة لها ربع ساعه لفت شوية شافها راقدة..

مبتسم تذكر وهي صغيرة وغار عليها مش لابسة بالطو يمني
فتح حزام المقعد حقه وقف بعد الكوت حقه

المضيفه بتمشي سألته  تحتاج شاي قهوة

خالد اشر لها بيده ولاشي بعدين بصوت واطي لاتنكز طلبها تحط الكوت حقه فوقها تغطيها

المضيفة ابتسمت له بنظرة وغطتها..

رنا نكزت شافتهم وخافت: ايش في؟

خالد: ولاشي بس طلبتها تغطيش لو تشتي ترقدي

رنا: ها

المضيفة مشيت

خالد: استغربت لبسش انتوا وين كنتوا في السعودية او مصر؟؟

رنا شافته وانصدمت: يوه نسيت ادي البالطو حقي معلق كان بعدين لبست هذا عشان لايعرفني وانا هاربة

خالد جلس يضحك: طيب سهل ارقدي ارجعي ارقدي

رنا: مابش فيني نوم وجالسة تقاوووم النوم بس شافته غمض رجعت راسها للطاقة وغمضت كانت بدون نوم يومين

خاالد فتح عينه شافها رقدت ابتسم ومن داخله مقهور عليها نفسه بس يلقى امير قدامه منتظر متى يوصل ويرجع ويتحاسب معه
.
.

في بيت جدهم..

ام رنا: ياسندس حاكتش رنا؟؟

سندس: ماشي؟

صفية وصلت عندهم

ام رنا: صفية اي حين حاكتش رنا

صفية: يو صح ذكرتيني ياعمه ابسر مافعلت

ام رنا: قلقة عليها وحسي عندها من امس مارضي عمش ازعجهم واتصل

ام خالد: وانتي خلي لها حالها تفتهن يكفي عمتها بتهرمهم كل شوية اتصال..
.
.

في بيت اهل امير..

احلام: هو ابنش مابش فيه عقل بين اراشيه مراشاة يتزوج وجالس يخسر زلط ويعالجها على الفاضي مابيفهمش كم ضيع من عمره

امه مقهورة: قد له عشر سنوات وهو بيتمنى جاهل جعلي مكسر عليك ياابني
.
.

وصلوا مطار عدن الساعة ٣ فجر..

خالد سألها: اين حقش الشنط

رنا اشرت له وتشتي تتحملها

خالد: خليش انا شاديهن ، ماكلمتي حد انش عتجي يعني مابش حد عيشلش

رنا هزت راسها لا

خالد معصب من داخله: كيف كنتي عتفعلي مع من عترجعي؟

رنا دمعت: مدري

وقت مابيختموا الجوازات شاف جوازها والختومات وقد لها فترة سألها الموظف: مع من سافرتي اول مرة؟

رنا: زوجي

الموظف: وين هو؟

رنا عصبت: مادخلك انت

خالد قاطعها: ايش في؟؟ ناوله جوازه

الموظف سكت وبيختم لخالد..

مشيوا

خالد جالس يبعدها من الزحمة ويدهف الشنط وعينه عليها..

رنا: ايش عنفعل الآن؟ عنلقى باص هذا الساع

خالد وقف تكس: مااظنش، عنحجز فندق امد للصبح واحجز باص

بعد ماطلعوا

رنا: تمام نتصل بهم؟

خالد: الآن الوقت متأخر، بس انتي دارية افتحي تلفونش
شوفي لو حد دري او سأل


/channel/+Ecxq_OzMYh40M2E0



📚 @rewayatyamania 🇾🇪

روايات يمنية📚🇾🇪

14 Jul 2025 22:52

.

البــارت 65 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


لبست غيرت حجابها بجديد مايعرفه وغيرت طريقة لبسها لبست الكمامة وخرجت..
باقي لرحلتها ١٥ ساعة بس عادي تروح المطار ولاتشوف وجهه او يحبسها ويمنعها تهرب منه

نزلت وصلت لصالة الاستقبال في الفندق...

المبلغ حطته مع المفتاح وناولتهم ومشيت

الموظفة: لحظة شوية انتي غرفه كم؟؟

رنا طنشت وخرجت لقيت قدامها تكس طلعت ومشيت

كان في صالة الاستقبال لما سمع الموظفة...

امير راح للموظفة: ايش في؟ منتظر تجيبوا رقم غرفة زوجتي

الموظفة: بس ماينفعش اثبت؟

امير: كان معي جوازها و

الموظفة بتتكلم في التلفون: غرفة رقم ١٠٢ ايوه باسم مين ، ها مشيت دلوقت ، اسمها رنا

امير سمع بسرعة خرج بعدها بيدور يمين يسار ماعرف وين اختفت!! مستغرب تصرفاتها بيتصل بيتصل ويرسل

هي فوق التكس ودموعها بتنزل خايفة يبان عليها شي وحد يسألها بتتفرج الشوارع ذكرت لما جت معه اول مرة وعشان يعوضها صبرها سنة بدونه وهي عروسة، ولما كانت فارحة اول مرة تجي دولة تحلم تشوفها الشوارع بتذكرها بكل شي بتنشف وجهها بالفاين من الدموع وتهوي عيونها لاتتورم ، مازالت بتهتم بتفاصيلها رغم خرابها الداخلي
حاسة بوحدة وقوة في نفس الوقت ، بتتلفت وراها السيارات وجنبها لايكون لحقها ، حاضنة شنطتها من الخوف

(كيف يمكن للمرء بطريقة لائقة
أن يجاهر بكلمة "أحتاجك" لأحدهم ..
دون أن يبدو ضعيفاً مرتجفاً!!
أن يصرخ انا هنا وحدي ،،
دون أن يرتطم بحقيقة وحدته !! أن يشير برغبته باحتواء وعناق دون أن يحط من قدره بين الجميع !!
كيف عليه أن يبدو ثابتاً ،،
وهو مهشم !!
كيف عليه
أن يواصل المسير ،،
وقد بترت ساقاه!! )

@rewayatyamania المصدر الأول للروايات

في مكان ثاني..

كرم: يا خالد ايش هذا الجنان عتكلمنا انك حجزت ليش رجعت هكذا سكتة سكتة ، تكلم خرج اللي داخلك ايش في

خالد: اكمل رسالة البحث قدمها بدلي وتعذر لهم ان انا ماقدرت ارجع بسبب الحرب وادي شهادتي معك

سام: عتسير من مرة؟

خالد بيقفل الشنطة: ايوه

سام: خالد

كرم: عشان بنت؟ تنهي دراس

خالد قاطعه: كملت دراستي والوقت الباقي انتظار للبحث والشهادة بيخنقني سامحوني ياخبرة ومراعي لكم والله..حضنهم وبابتسامة وراها كسر: لايتخايلكم عتفتهنوا وتشلوا بقية ادواتي وتتفسحوا من ازعاجي ، مراعي لكم وانت.. مسك كرم من اذنه عاد انا شافحسك شوية حاجتك عندي

سام ضحك وحضنه يسلم عليه: اشتي خالد اللي  اعرفه دائماً قوي وعاقل واقطب دور حريوة اشتي توصل اليمن تقلنا خطبت ياخبرة عنتزوج الثلاثة

خالد ضحك شاف الساعة: هيا من عيشلني منكم المطار شاتأخر

كرم شاف سام: هيا والبقية الشباب؟

خالد: عاد انا جيت من عندهم سلمت على الكل، لو نسيت شي ادوه معاكم مع الربشة لفلفت اللي قبالي قررت بيوم وليلة ارجع

كرم: من عيوني انا راجع بعد شهرين امد العرس

سام ناوله كمامات: خليهن معاك احتياط ، وانتبه لنفسك

خالد: بس ياكلاب بطلوا طيبة ارجعوا الانذال اللي اعرفهم مااشتيش نفعل فيلم هندي ودموع اكره الوداع

كرم ضحك: اي وداع اي خبالة معك من برنامج لبرنامج صوت وصورة لوما تجي اللي تشغلك

سام: يتزوج وانت عادك تشتي من يشغله قدو شيبه

وصلوا المطار

بعد ساعااات انتظار وهي مرهقة بدون اكل ونوم وتفكير وخوف منتظرة يجي وقت اقلاع الطايرة مسكت تلفونها ويدها ترجف مترددة تكتب والا ..!!

‌مقهووورة ونفسها تقهره كتبت له (جننتني اتصالات ازعجتني ماتشتي ! انا بعد ماعرفت العيب منك ، ماعد اشتيش اعيش معك ولا احتاجك في حياتي رسل ورقتي لاعند اهلي ولاعد ترسل لي وتتصل لي ولاتحاول توصل لي)

طفت تلفونها وقلبها بيدق بسرعة بسرعة دمعت وسارحة بتفكر في اول مرة سافرت كانت ابتسامتها وفرحتها بحجم كبر المكان كانت عروسة
عيونه في عيونها وهو ماسك يدها بكل حب وحواجبه يعقدها من نظرة كل شخص لها بغيرة ويغير مكانه من كرسي لكرسي عشان يخبيها..

ركزت انعكاس ملامحها في الزجاج اللي قدامها ، ودموعها بتنزل ومبتسمة وهي بتتذكر الايام الحلوة ..

بعدت عينها من قدام الزجاج للجانب وشافت واحد واقف بيشوفها ويشوف الكراسي اللي جنبها ..
كان فيها ناس جالسين وبقي كرسي فاضي بس طارحة شنطتها فوقها

بتتفرج للشخص اللي بيتكلم بنبرة مرتفعة خلتها تركز هي فين !!!

الرجال لابس الكمامة وكوت طويل انيق مربوط ع جنب ونظاره مد يده يأشر لها وعينه على الكرسي: اعتقد الكراسي مش للشنط ي اخت ممكن نجلس ( كانت في حالة ماتميز صوته والازعاج اللي حولها والضجيج اللي داخل راسها)

سحبت شنطتها وطرحتها فوقها جالسة سارحة ذاكرتها بتعصف بها ، التفاصيل الاولى دائما مميزة دائما بترجعنا لها رغم عدد السنوات اللي عديناها..


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

14 Jul 2025 22:48

.

البــارت 63 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


أمل قرحت تبكي من موقفها اللي محتاره فيه: ماينفعش خلاص هو كان بيننا حب مابش نصيب ياخالد

خالد معصب: مستهونة هو بس حب؟؟ طيب الفترة هذه كلها ذكرتي الآن !!!

أمل مشيت بسرعة تتجنب غضبه وعصبيته بتسحب شنطها وتمشي طلعت تكس

خالد معصب جلس في الرصيف في حوش المطار والشنط مرجومات في الارض جنبه...

🎵في الحياة تجمعنا صدف رائعة وتفرقنا أعذار تافهة ،
إن لم تتعلم من الضربة الأولى ،
فأنت تستحق الثانية..
في الحياة ستدرك دور كل شخص تقابله ،
البعض سيختبرك
والبعض سيستخدمك
والبعض سيحبك..🎵

وصلت امل غرفتها بتبكي ندمت على كل لحظة وثقت فيها بشخص كذاب غدار أناني ، هاملها كل الفترة اللي راحت خدعها سرقها استغلها لما عرف بدأت حياة جديدة انهاها قبل ماتبدأها..

فتحت درج علاجات صاحباتها وخرجتهن كلهن فتحتها ليدها حبة بعد حبة

دخلت صاحبتها اللي متشاركة معها الغرفة: أمل رجعتي؟ ليش؟

أمل بتبكي حضنتها

صاحبتها شافت الادويه في يدها: ايش هذا ؟؟
خافت عليها مسكتها باكتافها بقوة: ليش هولا كلهن في الأرض؟؟ تشتي تنتحري مجنووونة انتي مجنووووونة؟؟ أمل !!! انتي اللي اعرفها ايش في ؟ مالش

واحدة مشاركتهن السكن اكبر منهن في السن سحبت صاحبتها اللي بتبكي معها وتصيح فوقها: مش هكذا تهدأيها انتي كذا بتخليها تشرب صيدليات بعدي شوية ، روحي هاتي لها ماء كيف تشرب حبوب بدون ماء بتقلدي مسلسلات؟

هاتي لها قاروره مش قلص تشرب لانهن كثير

أمل لفتت لها: بتتمسخري تتحديني يعني؟

صاحبتها: مش تحدي بس انتي بتتحدي اللي زعلش ، تشتي تريحيه يخلص منش تفكري بيبكي عليش والله يدي بدلش

امل: يدي عشر ليش فعل بي هكذا ليش

صاحبتها: لانش انتي اديتي له اكبر من حجمه ليش ماتكوني قوية تفارقتوا عادي طز فيه

امل بكيت بقهر: مش خالد انا زاعلة من خالد هذا الحيوان أمين دمر حياتي قال يا هو يايخرب كل شي عليا

صاحبتها: يخرب ليش تسمعيه وتخافي كل مرة عن مرة يزيد بها ويستغلش اكثر

امل: ماكنت اشتي ينكشر خالد

صاحبتها: كسرتيه في كل الاحوال بس هذك كانت عتكون آخر مرة له وخالد لو يحبش يزعل بس عيتفهمش ويقول ماضي

امل: مااشتيش حاجة خلوني اموت مااشتيش

صاحبتها ناولتها الماء: هااا اشربي موتي نشوف من عيرتاح هم عينسوش ويتزوجوا ويعيشوا وانتي خسرتي دنيا وآخرة ونزلتي للقبر وحدش بين الدود والحنشان والجثث

أمل خافت صيحت: خلاص اسسسسسكتي ، اسكتي بس مااشتيش حد يكلمني

صاحبتها حضنتها وبتمسح ظهرها: كلنا معش بس الموت مش حل ، زعلتيني بهذا السن وتفكري عشان شخص دمر فرحتش تزيدي تقدمي له حياتش هبلا طز فيهم كلهم في خالد وامين وغيرهم وكلهم انتي غالية الروح هذه داخلها روح الله اذا سخيتي ع نفسش لاتسخي على الله تغضبيه

@rewayatyamania المصدر الأول للروايات

في غرفته وصل جلس سارح مش شايف حد من حوله غير كلامها واللي حصل، رجم شنطه وبعد جاكته وامتد فوق سريره

كرم: ياااااي من بنكلم ليش رجعت

خالد عينه حمراء ملانها دموع وبيضحك وماسك نفسه لايبكي: تخيل انا اللي عمري كله ماكلمت بنت ولا اديت لحد وجه او كذبت او خدعت او اوهمت واحدة بشي ولما حبيت وفيت وانخدعت ياصاحبي

كرم مصدوووم دقات قلبه متسارعة اول مرة يشوف صاحبه هكذا بيتلفت لسام بيشوفوا بعض

سام عصب صيح وملامح وجهه معقدة: كيف خدعتك؟؟

خالد سارح للارض ومعصببب

كرم سحب سام وخرجوا: خليه لما يعصب يحب يكون لوحده
.
.

بعد يومين..

في مصر في المستشفى..
رنا خايفة وفي يدها المغذية وبتشوفه ماسك التلفون: خايفة

امير بنرفزة وهو بيكتب بسرعة بتلفونه: وانتي مابتفهميش قلت لش مااشتيش جاااهل بطلي رفاس مابتفهميش تحملي

رنا: طيب مابش داعي تصيح عادي تقدر تجلس جنبي امسك يدي بس

امير شافها وبضبح: وين انا ووين أنتي قلت لش بطلي مسلسلاتش هذه والرمسسة الزايدة ماتعجبنيش قام وخرج

شاراعي خارج

رنا حست انه متوتر معها وجلست تقرأ قرآن وتدعي بحق التعب يخارجها ..


خمس دقايق خلصت مغذيتها بتراسله يوصل اشارتين ومايفتح الرسائل

رنا سحبتها من يدها وقامت تدوره واقفة جنب الباب فتحته وبتشوف وين امير؟

كان جالس فوق كراسي جنب الغرفة والممر هدوء صوته بس موجود

بيتصل ومعصب: كم مرة اقلش بطلي عنادش هذا بتذليني يعني ، طلبتش طلب ليش الدلع هذا كله وليش المراشاة احمدي الله اصلا حين قد شارضا اخرج معش ، لاني مش حق هذه الحركات بس قد اسمي جيت لازم ابسرش فيس تو فيس ، هيا وانتي نتعارف قد لنا خمس سنوات وتقلي لي اخزا بعقلش؟؟

رنا واقفة

امير بيتكلم معصب يصيح: والله انش واحدة...




📚 @rewayatyamania 🇾🇪

روايات يمنية📚🇾🇪

15 Jul 2025 19:53

.

البــارت 88 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


الجد واقف طالع: حيا الله من جا، هيا اطلع لاهنا

خالد مشي وطلع لاعند جده يكملوا الموضوع

جده: اها يعني عيكسوها هم

خالد: ايوه وشاكون انا معها وبعدا ياجد كرم على ضمانتي انا

جده: هذا جنب اذني العمر كله ولاقدرت اضمنه

خالد: هذا لانك الكبير ماكنت تشوفه الا محترم ، كرم كان اعقلنا كلنا ،انت داري بفضل الله وفضله خرجت من شلة كنت شاوقع بمصيبة ومشاكل عمري كله ، في فرق..

جلس يكلمه ويقنعه..


في غرفتهن..

سندس جالسة تدعي: يارب يارب يوافق

رنا ضحكت و بتدعي لها معها


بعد ساعات فوق الغداء..

ام رنا: مالك مغطي وجهك بالسماطة

رنا جاوبت: خده مورم

ام خالد: صدق؟؟ ليش مالك ياابني

خالد شاف رنا: هاا بدأت المحارشة

رنا ضحكت

سندس: ايوه الصدق

امه: من ايش اسكه ابسر

خالد شافها: افتهنتي ذلحين

رنا مبتسمة اشرت حواجبها ايوه

الجده ضحكت

رجع الجو حق زمان ورجع روح البيت كم كانوا واصل الاثنين وهم مابيسدوش وبعدا كل واحد يحوش مع اخوته فوق الثاني

جالسين يضحكوا كلهم

@rewayatyamania المصدر الأول للروايات

قبل المغرب
في الحوش جالسة بين الشجر بتصور السحب والشمس وبعدين بتصور الورد حق الرمان

سندس: ماشاءالله لو اصور ساعش ان الذاكرة حقي قدها بتنازع

رنا: بين ارتبهن وانقلهن لذاكرة خارجية

سندس: يعني معش صور كثيرى؟ طيب حالي جي نفعل لش حساب وانشري صورش


طلعين للغرفة..

سندس: ياخالد ناولني اللابتوب

خالد ممدد ورابط راسه: ادخلي شليه

سندس مابتشوفه: هيا بطل كسل ناولني

خالد سكت

سندس اول مادخلت: يوه مالك مريض؟؟

رنا بتسمع من خارج

خالد: راسي قوي وجع شربت حبة وان شاءالله يفتهن..

رنا شافت عمها يشتي يدخل الغرفة يكلم خالد: ياعم

ابو خالد: ها يابنتي مافي نفسش

رنا: ماعيسمع كلام حد خالد الا انت خليه يسير يتعاين تعرف كيف هو معاند

عمها ابتسم: انا اوريه ذلحين

دخل الغرفة واقف: خالد قم

خالد قام جلس يخفي مرضه

ابوه: وصلني معي موعد للدكتور

خالد قام وبيلبس الكوت ويلف الشال حول وجهه: حاضر بعيني


على خرجتهم..

رنا بتحانكه بنظرات ..

خالد مش فاهم مشي وخرج مع ابوه..

كانين في الحوش جالسات يحرقين في تنكه حديد..

سندس: يعني هولا ماينفعش الصور يتقصقصين

رنا: ماشي اللي يتقصقصين خليتهن له يشلوهن حقهم وهولا احرقهن واحرق كل شي يذكرني به
.
.

في العيادة..
ابوه دخل للدكتور واشر له لخالد: ماشي مش انا مابلا ابني

خالد انصدم رفع حاجبه: مابش فيني شي

الدكتور ضحك: قد معك شعر ابيض وبتفتجع

خالد جلس على الكرسي: مابين افتجع بس قلت عيتباخر من نفسه

ابوه: سمه دكاترة الاسنان

الدكتور بيضحك: تصدق رغم ان انا دكتور اسنان ، لكن فعلا جلست اتهرب من مشكلة عندي بسبب الخوف

خالد: هيا كلمه ، والصدق يادكتور سبب خوفي كانوا الاهل وابي لو حد جعل او اكل شي يهددونا بكم وانك معك إبرة مدري كيف على كيف وتقلع الضرس قلع يااخي انزرع خوف من صغرنا مهما شيبت انزرع داخلنا انكم ارهابيين

الدكتور بيضحك بدأ يعاينيه وقلع ضرس العقل وخيطه وكلمه النصايح وهم في السيارة

ابوه: والله انها ذكية

خالد لفت له واشر له من؟

ابوه: بنت عمك رنا هي قالت لي انك تاعب

خالد اول ماسمع اسمها حس قلبه دق نسي الموضوع وجالس يفكر ايش الاحساس اللي بيحسه لما تجي سيرتها، بيذكر كلام كرم صاحبه وجالس محتار بيحبها او هو شعور لقاء بعد سنوات من ذكريات


جالسات في الحوش

سندس بتضحك: ابسري الدخان بيسير لبيتهم

رنا بتضحك: عيقولوا بالعاني

الباب دق

سندس صاحت: يمه جت احلام عتقول خنقناها

رنا ضحكت وقامت معها: اول قلي من نسمع الصوت

سندس من ورا الباب: من؟

صفية بصوت واطي: افتحي

سندس: صوت واحدة ,الام جت بكلها ، عمتش

رنا بضربة خفيفة ع يدها: لاتقليش عمتي

قاطع كلامهن الباب بيدق مرة ثانية وصوت بكاء بنت

رنا فتحت: صوت بنت صفية

صفية دخلت ضابحة: ساعة لوما تفتحين الباب ، وتتجابرين عاد انتين اللي بيبرقطني بتتجابرين

جالسات يضحكين على بعض

شافت الحريق: ليش بتحرقين

سندس شافت رنا: بتحرق صور المنحوس ، وبعدا ضحكنا فكرناش احلام

صفية ضحكت

رنا ماسكة بنتها الصغيرة: وين بنتش الثانية

صفية: عتسير مع ابوها للدكتور اسنانها بتوجعها وانا قلت اجي عندكن شوية

رنا: عاد عمي سار هو وخالد لدكتور الاسنان

سندس: ياصفية لو تبسري يشتي كرم يعقد وعاد جدي مارضيش قوا اقنعيه قوا لاختي

رنا: قد اقتنع

سندس: مادراش

رنا: عتبسري انا اعرف جدي يقل ماشي بس عيوافق

سندس: طيب زد حاكيه ياصفية يرضى

صفية: وانتي مافرقت معش تعقدي ذلحين او بعدا عادو احسن محد داري مايقع

سندس ضبحت: يعني ماعيقع من حقي اتعرف عليه واعرف كيف هو قبل الزواج ناهي مايسبرش خطبة نعقد هو الا شهرين

رنا: بس قصدهم...





📚 @rewayatyamania 🇾🇪

روايات يمنية📚🇾🇪

15 Jul 2025 19:51

.

البــارت 86 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


خالد: تمام ، مارأيك اتصل لجدي ذلحين نحاكيه انا وانت

كرم وقف وجالس يبترع: هيا ناهي عاد انا احاكي جدي وليش خطبت اخت صاحبي امد تتوسط لي انا ارتبش قد انا معك واطنن لو قلبت، بس يامنعاااه ايوه اتصل ذلحين حاكيهم امد يفكروا بين اضبح انتظااار

خالد ضحك: اجرب اتصل ابسر رأيهم مبدئيا
اتصل لرقم البيت

رنا واقفة ورا باب الحمام من خارج بتساعد سندس تفتح لها الباب المفتاح مارضي يفتح

سندس جالسة تصيح: قوا يارنا قوااا لايجوا لي

رنا مستغربة: من عيجي لش؟

سندس صاحت: يووو لاتقليش لاترفعيش صوتش ، تذكري قصة جدتي حين قالوا لانتأخر في الحمام خيرات

رنا: ها قصدش الجن لاتصدقيش

سندس صاحت: يماه يماه يا رنا يارنا قوووا افتحي لي

رنا بتضحككك والتلفون بيرن من محد رد سارت تجاوب تفكر من الطابق اللي نازل رفعت السماعة وهي بتضحك من صوت سندس

خالد سمعها بتضحك قام بعد شوية فرح انها مبسوطة: اضحكي جعل مايضحك غيرش

رنا: هاا خالد فكرتك فؤاد ، قد جيت ، انت هنا؟

خالد: لا في شي؟

كرم سمعه وقام لاجنبه: ايش في؟

رنا: ها خلاص مع لاتشغل بالك

خالد شاف كرم جنبه: تحاكوا مالكم

رنا: ظنيت قد رجعت قلت تطلع تفتح الباب سندس حنبت في الحمام وجالسة خايفه من الجن

خالد ضحككك: هاا هو هكذا قلي لها تغلقه مرتين وتضغط المغلقة وتفتح بسرعة 

رنا: تمام يلا مع السلام

خالد: ياااي راعي مالش معاجلة كلميها وانا هنا

رنا بتكلمها وتشرح لها الموقف

سمعوا صوت الباب افتتح

سندس خرجت: يوووه بسم الله عليا الحمدلله

رنا فرحت: خرجت

خالد: هو الجني زبطها من الفجيعة

رنا بتضحككك ماقدرت تمسك نفسها ناولت سندس: بهذلش

سندس سحبت السماعة: مابتحشوا عليا

خالد: عاد الحش بيني وبينها احسن مايوصل للي هنا

سندس: يو مع قوا مش مايعرف الا المواقف الخبلا حقي يكفي خطبني من الفجيعة هذك

خالد ضحك: يلا وين جدي

سندس: نازل هي رنا مستعجلة ردت

خالد: خلاص شاتصل له لتلفونه سيري نزليه لاعنده ، الآن

سندس: حاضر

@rewayatyamania المصدر الأول للروايات

بعد ماغلق

رنا: يوه كيف ضحككت يا شوعة بسببش خزا من خالد قوي

سندس بتقلدها وهي عاقلة: هيا ناهي ذلحين عتقلد انها كبرت وياي ، شانزل التلفون جي معي هيا اخاف

رنا نزلت معها

رفيدة بتطلع لاعندهن لقيتهن في الدرج: جين جين ، النسوان يشتين يحاكين رنا قلك يبسرنها

ام رنا هزرت رفيدة: ماشاءالله قد انتين اعظم من الاذاعة والاخبار لو واحد يداعيكن ماتجاوبين ساع ما تتساررين

سندس ضحكت: جدي فين ياعمة؟

ام رنا: في الديوان ، وانتي يا رنا جي يشتين يسلمين عليش لكن انا دارية يخرجين خبر منش... اسمعي انتي دارية ماتجاوبي قلي لهن..

رنا قاطعت وهي بتصلح شعرها وبعدت المقرمة قبل ماتدخل عندهن وتصلح حواجبها ، بعدت الفنيلية وبقيت بفستان قطن رقيق مورد: انا دارية ماشاقول وينهن ..دخلت بقوة وابتسامة وبتسلم

بيتلفتين لبعض

بدأت لها الاولى: صدق خلعتيه

رنا: من هو؟

المرة ( بنفس عمر رنا): زوجش، قصدي طليقش

رنا: قصدش ايش ماكان ، كان شي يخصني زوجي او طليقي ،اللي سمعتي منه ليش ماسألتي لو صدق او لا

المرة: الا صدق ، ياعيباه عليكم مش خلع كنتي عتطلبي الطلاق سكتة بينكم عشرة عمر

الثانية: اول تقل لنا ماحصل ، حاكينا ماوقع

رنا: وايش دخلكن بمشاكل الناس؟ يعني ماعتفعلين؟ شي يخص اي اثنين حياة كانت بينهم ماسبرت محد له حق غير اهلي يعرف

ضحكت المرة: كان احلام صدقت حين قالت ، مابشش سبب للخلع انش رجعتي عشان ابن عمش عيرجع

ام خالد: وماجيتي تفعلي لو صدقتي احلام؟

المرة بضحكة مكسوفة: هيا وانتين مافيها بنمزح على كلام احلام ماقصدناش شي ، بعدا جاوبناها ان خالد ماتزوجش يعني بالعقل ماعيتزوجها مطلقة

ام خالد ضبحت: ليش مافيها !؟ هوذا ابني ولو هي موافقة وهو يشتي لاخطبها له

رنا بكل هدوء وروقان: عمة مش مضطرة تبرري شي

حتى لو رجع ابن عمي ورجعت عشانه ونفترض ان احنا مجانين عاد معنا من يعقلنا او مابش، هم داريين لانني مافتحت فمي ولاقلت لحد المشكلة والسبب بيتكلموا مااشتوا ، خلوهم يقلووا مااشتوا ، وانا اقرر حياتي اعيشها مثل مااشتي اهم شي ماخنت ولاسرقت حد

وبنبرة حماس وتعبير وجه منفعل وبصوت واطي: قلين لأحلام ان انا قلت ايوه رجعت عشان خالد ، افتهنين حين بيعجبكن كلكن الاجواء هذه تجابرين عليا وبعد فترة على احلام وعيجي دوركن على فكرة، يلا تحملين لاذمتكن يوم القيامة تسيرين ثقال تغطسين غطس لجهنم...

كملت كلامها بضحكة: بين امزح مالكن ،

ام خالد مبتسمة بتتفرجها وتتفرج امها !! بدأت ترجع رنا للقانة وشخصيتها القوية القديمة

سكتين بعد ماانسكفين جالسات يتفرجين لبعض موقف بايخ: يوه شرق يلا خاطرش لاتغثيش ولاشي

رنا: ...





📚 @rewayatyamania 🇾🇪

روايات يمنية📚🇾🇪

15 Jul 2025 19:50

.

البــارت 84 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


امير ساكت محد عبره وبعضهم ردوا السلام اللي هم اهله وبدون نفس

الجد طارح يده ع يد كتف ابو امير: هذا الرجال الطيب جاري واخي وابني وعشرة عمر مثله مثل ابني خالد ، وعلى عيني وعلى راسي ومتأكد انه ماعيغثاش مني لانه هو نفسه مستحي من اللي فعله ابنه، هز راسه للوسيط يتكلم

الوسيط: والله للأسف ماقد تكلمت ياناس كلام مثل هذا انا لو به وساطات وخطبة واضمن اخلاق حد لوظيفة ماقد جربت اتحاكى كلام هكذا، الله المستعان يا امير، الله المستعان انا في يوم جيت خطبت لك وشهدت على اخلاقك وانت وافقت وقلت في الحفظ والصون في ذمتي وامانتي واعاملها بما يرضي الله، ماعاملتهاش بما يرضي الله ابدا ولا يرضينا ولامخلوق ياعيباااه بس مااصدقش انك ابن الرجاال الطيب هذا

امير: مايشتوا من شروط انا مستعد وشاريها وهذه المرة قدها آخر مرة

الوسيط ضحك بقهر وصدمة في تأمل امير ناوله الورقة: هذه ورقة الخلع ، خلعتك ومايشتوش منك شي حتى الذهب اللي كذبت على بنتهم فيه للعلاج مايشتوه ادفعه صدقة تكفر ذنوبك والا سدد دينك اللي انخدعت به

امير شاف وجوه الرجاال كلهم بتشوفه والورقة في يده تسارعت انفاسه حس نفسه في اكثر موقف محرج بحياته رفع راسه يشتي يقوم جت عينه بعين خالد وهو مبتسم ابتسامة مستفزة ومعقد حواجبه بغضب

امير قام شلها وخرج من الديوان خرج من باب الحوش ارتزع الباب بعده... بدؤوا يخرجوا الرجال من البيت


رنا امتدت دخلت تحت بطانيتها وفعلت نفسها راقدة

رفيدة: رنا؟ راقدة؟ مغرب قومي

رنا مابترد

سندس فتحت البطانية شافتها بتبكي رجعت قفلتها عليها واشرت لرفيدة يخرجين وغلقت الغرفة

رفيدة بتشاورها خارج في الدرج: مالها غاثية عليه؟

سندس: مش هي غاثية عليه بس اكيد غاثية من اشياء ثانية يمكن تذكرت خطبتها

ام خالد سمعتهن: خلنها وحدها ولاحد يقلها شي ولايدخل عندها

خالد طلع وبيسمع امه

امه: ماحصل؟

خالد: ناولوه الورقة ، ابسروا لي طريق اشتي ابدل واخرج شاسير صنعاء

امه: مابش احد اطلع، وبعدا صنعاء ذلحين واي حين عترجع؟

خالد: ماشرجع الليلة اصلا سام عيجي هو وكرم ويمكن اجلس عندهم الليلة وارجع بكرة

سندس شافته

خالد: مالش؟

سندس ضحكت: ولاشي مالي

خالد ابتسم لها ودخل غرفته

سندس لحقته: تشتي اكوي لك ثياب

خالد رفع حاجبه: الله عتكوي لي عشان خطييش

سندس ضحكت: مقصدك عتحرجني ايوه امد يعرف خطيبته حميش زد قله سندس كوت الشميز ، ياسعم ان انا شاسير له مكوجي فارح بصاحبك، انا امد يوقع شكلك حالي ويقول اخته حالية ساعه وغطت وجهها وضحكت استحت

خالد مسك وجهها بيده جلس ينرفزها ويشعفل شعرها

سندس بتضحككك

خالد خرج الشميز وشافها وهو بيناولها: رنا ضابحة صح

سندس: ايوه بس مش عشان شي، يعني مقهورة على روحها يااخي ماعندها حجة، عاد البنات الا يبدأين عمر

خالد: ليش قد عتموت بعده هي؟

سندس: ماشي بس ابسر كيف مطلقة

خالد : ومافيها مطلقة؟؟

سندس: كيف مافيها قدك داري الكل كيف يتحاكى عليها ولاعد تتزوج الا لشيبة معه ثلاث

خالد ضحكككك: من بيعلمش هدرة العجايز هذه؟؟ يووو والفعلة خطيبش اليوم شاقله يفسخ على فكرة عقليته عكسش تماماً

سندس ضبحتتت: خاااالد بس هبالة انا بين اقلك النسوان كيف

خالد: وماعليش انتي وهي وغيركن من النسوان مافيها مطلقة مش عيب ، تجربة وماسبرت وعيتغير اسمها وتوقع مخطوبة ومزوجة وحياة ثانية وياسلام سلم ليش بتعقدوا الواحد ومابش شي الدنيا سلامات ، اوبهي لرنا وغيري الكلام الاهبل هذا من مخها لو بتفكر به ، وبردي قلبها في كل واحد يضايقها وراسي لش انتي وهي

سندس: حاضر

@rewayatyamania المصدر الأول للروايات

في بيت امير

دخل غرفته وقفل شاف الورقة وغرفتها جلس يتذكر اشياء كثيررة حلوة فيها وندم واقتهر بدأت دموعه تنزل قام قفل باب الغرفة ، شاف صورتها في الجدر وماعد تحل له نزلها وجمع كل شي يخصها وطرحهن في شنطة ، بيسأل نفسه ليش ماذكرت لها الاشياء الحالية اللي فعلتها لي وهي عندي ليش ذلحين شاموت ندم ان انا كابرت وعصبت وهميت كرامتي واليوم انذليت بين رجال غلق الشنطة وخرجها ورزع الباب قفل..

النسوان جين عند ام امير

زوجها شافهن بيدخلين الحوش من طاقة الصالة: ايوووه من دق باب الناس دقوا بابه، اليوم الحشه مش على خلق الله عليش ، كم يانصحتش خلي للناس حالهم بطلي القيل والقال ، هيا تفرطي اليوم على دمار راسش..
.
.

بعد صلاة العشاء جلست فوق سجادتها تدعي الله يريح صدرها وينسيها كل شي عاشته ويعوضها كل خير..

دخلت جدتها وامها: اين جت رنا ؟

رنا مستغربة شافت امها: ها ماله جدي؟

جدها: اين هي

رنا: ياجدو مابتشوف او كيف

جدها: اشتي رنا

رنا: ايوه انا رنا

جدها: ماشي مش هذه رنا اللي احبها

رنا فهمت وضحكت: كان كيف هي؟

جدها: مجنونة صح بكاية لكن مرحة طيبة

رنا بتضحك





📚 @rewayatyamania 🇾🇪

روايات يمنية📚🇾🇪

15 Jul 2025 19:49

.

البــارت 82 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


امه: اسمع من الجنان ابوك امس فعل لي يوم اغبر ، شل حاجتك واصتبح وقبل مايجي اخرج شاكون اتصل لك وهو مابحد

امير: ماشجلسش هكذا هارب شجلس غصب واللي ماعجبه يدق راسه
.
.

بعد ساعات وصلوا وانتظروا دورهم وبعد نقاشات مع القاضي وشرحت له موقفها وخالد قدم صور المحادثة اثباتات وهي قدمت اوراق فحوصها وعلاجها ، وافق القاضي يخلع امير من رنا

خالد: تسلم ماقصرت مشكور ، والورقة توصل ليد ابوه لانه مابحد هذا العنوان كامل ووين بيشتغل

خرجوا من المحكمة

رنا مرتااحة: خلاص ارتحت منه

خالد: باقي القليل وبعدا نبسر ماعيفعل اللي بيتهدد امس

سندس: اناااا جاوووعة

خالد : ماتشتي تاكلي

سندس قاطعته: انا نفسي افهم انت مالك متحمس اكثر منها خلعته انت

رنا: انا طلبته يا سندس، طلبته من اول دقيقة اوصل اشتي اتطلق ولانني دارية ماعيطلقني، طلبته هو وجدي اخلعه عشان هكذا كنت اشتي تخرجي اثباتات من البنت

سندس: هااا

خالد: فضولية ، ماتشتين تاكلين

رنا ساكتة

سندس: هيا تخوري تدلعي مش كل يوم عنتفسح هكذا ، انا اشتي بروست

خالد: كرم مايعجبه البروست

سندس ضحكت: مايعجبه؟

خالد لفت لرنا: يهي بتبسري ولاعد به خزا ولاشي

سندس ضحكت: خلاص كملت اخزا ، قلي مايعجبه وانا اطلب

خالد: مشاوي

سندس: واطلب لي يا احلى اخ مشاوي لعيون خطيبي

رنا بتضحك عليها: شكلش خاورة تسمعي كلمتين

خالد: وانتي يارنا ؟

سندس نطقت هي وياها بنفس اللحظه: شوارما

خالد ضحك: ماشاءالله حافظات بعض

@rewayatyamania المصدر الأول للروايات

في بيت امير

احلام: اسمع ذلحين اول شي ناولهم الورقة سير لاعند جدها ماعليك من حد ناوله وحاكيه قله من حقي ارجعها عادها مرتي وهي سارت بدون اذني

امير ضابح: مارضيوا يدوا لي ورقة الا بمحضر واسير انا ، وصاحبي اللي عيزورها ماقد اداها ابوش عيجي ذلحين ويفعل لي يوم وانا مابش فيني طافة للهدار

امه: سير عند عمتك وجدتك اجلس عندهن قد حاكيتهن

امير لفلف اشيائه وشنطته يشتي يخرج من البيت

وصل ابوه وهو في الحوش

امير: كنت بين اشل اداتي

ابوه فتح له الباب وساكت

امير: يا ابه مش انت داري شي ماسمعت مني شي ، كيف تصدق للناس وماتسمعني

ابوه:. ما اسمع؟ وانا ابسرت بعيني

امير: ابسرت ردة فعلي لكن مش انت داري ماوقع

ابوه: ادخل حاكيني ماوقع ابسر ايش مبرراتك للذي فعلته
.
.

في صنعاء بعد ماتغدوا

رنا: وصلني للمستشفى عند ابي وشل امي معك شجلس معه

سندس: اول ابسر هم في البيت او المستشفى اعتقد قد روح

رنا: حاكيت امي قالت امس قد اخذ دم ، بس معه معاينة عند دكتور القلب (احد مشاكل الثلاسيميا ، ضعف عضلة القلب)

خالد: شاتصل لفؤاد هو معهم

بعد ما اتصل قالوا له في الطريق قد سبقوا للبيت

سندس: مسكين عمي مش داري بتفاصيل مشاكلش

رنا: ممنوع له الانفعال والزعل مااشتيش يدرا بشي الا انه شاتطلق ، كنت اهم يوم ماتضاربوا لايسمع الحمدلله كان راقد

بعد مسافة الطريق وصلوا البيت
.
.

في بيت جيرانهم( بيت امير)

ابوه شافه مريض وجسمه كله حوارق من الضرب: يعني انت راضي لنفسك بهذه البهذلة؟

امير سمع التلفون جاوب فرح قام وقف: لحظة يابه دقيقة بس شاخرج اجاوب صاحبي وارجع

في الشارع شل الورقة: تسلم ماشنسالك هذا الجميل

صاحبه: خيرك سابق مابش بيننا وبعدا هي الا ورقة اهم شي يامنعاه لحد يعرف تمام ، قدك داري تزوير والله لاندخل في مشاكل عيسحبوا مني بطاقة مزاولة مهنه المحاماة

امير: ولايهمك

امير بيقرأ الورقة وجالس يمسح دقنته بتوتر ايش يسوي يدق الباب او يتصل للجد..

قرر يتصل للجد: كيف الحال انا جاي باحترامي للباب ومااشتيش المشاكل والبهذلة ممكن اكلمك وحدك

الجد: ايش معك

امير: ورقة من المحكمة

الجد قام يشتي يشوف ايش الورقة هذه

ابو خالد وقف يناوله العصا طحست من يد ابوه: اين عتسير؟

ابوه سحبها منه ووقف: للباب

خرج

امير واقف يده ورا ظهره وراسه في الارض جالس يمشي يمين ويسار شافه فتح الباب وقف ودخل يده للجيب خرج الورقة وقرب ناول الجد بصمت ولا اي كلمة

الجد سحبها وفتحها بعدها شوية عشان يستضي ايش مكتوب بيقرأ..

جلس في الدرج وطرح العصية جنبه ومسك الورقة جلس يشططهااا

امير انصدددم: ليششش ، ليششش هكذا؟؟ هذا امر من المحكمة

الجد رجمهن لافوقه: انتفك نتف انت والمحكمة والغبي القاضي اللي اصدر قرار بدون دليل ، على من بتلعب؟ ناسي من انا !!! مش انت داري ان انا كنت لفترة قاضي ، اين الدليل

امير: ليش بتناكر وهي رجعت وحدها على من بتضحكوا

جدها: وتشتيها ترجع لك؟ انت مجنون او بعقلك؟؟ ترضاها لاختك تعيش مع رجال وسخ حق بنات ، وسارق اكل حق الناس ، وكذاب وخاين واهبل ضحكت عليه بنت من النت.. كمل كلامه وضحك: انت من مفكر نفسك؟؟

انت داري ان انا...




📚 @rewayatyamania 🇾🇪

روايات يمنية📚🇾🇪

15 Jul 2025 14:00

❤️

بـارتـات يـوم الاثنيـن 👆🏻😍

روايات يمنية📚🇾🇪

15 Jul 2025 13:57

.

البــارت 79 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


وصلين نسوان بعد التفرطة لاعند ام امير

في الحوش خرجت تجاوبهن

النسوان: صدق هو العيب في ابنش

امير شاف امه التهت مع النسوان خرج يشتي يلقى خالد يكمل يستقضي ويسير يدي مرته بعسكر ترجع للبيت غصب عنها بيت الطاعة..

امه شافت امير: ابني اين عتسير ارجع

امير خرج وغلق الباب من خارج عشان امه لاتلحقه

في الشارع شاف مابحد خالد مشي رجل لاول الشارع يسير للقسم

اللي فوق السيارة مشيوا من جنبه: تشتي نوصلك مابش سيارات ، مابش بترول الناس مطوبرين عتطلع

امير بينشف الدم اللي في فمه وبيتنفس بسرعة بسرعة: ايوه يا اخي امانة عليك وصلني لنص الطريق بس قبل الجولة

طلع معهم

الرجال اتصل وبيتكلم بالالغاز مع حد: تمام عنسير الآن

امير شاف: تقدر تلف من هنا

اللي بيسوق: تمام بس ثواني ، اين عتنزل انت

امير: اشتي اسير القسم يااخي لو سمحت

السواق شاف اللي جنبه ضحك: على طريقنا والله

امير: اووف يااخي مشيت من جنب القسم

الرجال: صددددق؟؟ مابسرررناه

اللي جنبه: لف من هانك الحارة هذك فيها شارع فرعي

امير على اعصابه مش مركز معهم بيفكر فيها كيف سافرت سكتة مع خالد واي حين اتفقوا وكيف ماانتبه رجع يذكر اللي كان يتواصل معها ويفكر معقول كنت مش منتبه ولاحسيت انها بتخونني وخلت العذر حق خلفتي سبب تهرب معه، الله يلعنها مرة والله لاوريها اذا ماخليتها تتمنى الموت تفعل هكذا وهي على ذمتي

كمل يكلم نفسه بيشوف وادي فاضي: اين احنا ياجن قلت لكم القسم ضيعتونا وين احنا

الرجال: انزل عنضيفك شوية؟

امير انحرج منهم انه سبهم: يا اخي اسلم الله يحفظك مااشتي شي ذلحين كيف اخطى للشارع وارجع

الرجال: انزل وانا اقلك مالك مفجوع سعليك

امير مستغرب منه استفزه نزل: مالي ، من قلك مفجوع؟ من ايش افتجع؟

خرجوا معهم اثنين من سيارة ثانية وبدؤوا يضربوه: اين الزلط؟

امير: اي زلط؟

الرجال بيجاوب: والله يااخي انه ممثل درجة اولى

امير خاف: اين زلط مالك شاحاسبك كم تشتي

الرجال نطق المبلغ اللي حق صاحبه وفتح التسجيل: اليوم شوية لطمات يرجع لك عقلك اللي لحق، بنت عصابات، بكرة زلطي لو ماتدبرها يمين بالله لاحبسك

امير: حاضر والله ان انا جيت اخرج زلطك احاسبك وبعدا ارد الحركة هذه اللي سويتها معي ، يتخايل لك انك هانك ماشوصل لك والله لاردهن اضعاف

رجموه في الشارع ومشيوا

امير حاسس جسمه كله مهدود ماقدر يوقف ، رصيده كمل اتصالات طول الطريق بيمشي والدنيا ظلام ، تلفونه طفي ، الكلاب بتلاحقه وبيجري وهو بيعرج برجل وبيتحلف لها بينه وبين نفسه

@rewayatyamania المصدر الأول للروايات

في البيت بعد اتصالات

خالد دق الباب ودخل لاعندهن الغرفة

امه شافته قلبت وجهها

رنا نزلت راسها زاعلة عليه

خالد: مالكن؟ غاثيات مني او عليا؟

امه: منك

رنا: عليك

صفية بدأت تهزئه

خالد طنشها وسأل رنا: ليش عليا؟

رنا: مااشتيش بسببي يوقع هذا كله انا هربت افتهن مش اهرب من نكد لنكد اكبر ياريت وانا مارجعت

خالد صاح: هاااا الا هذه اوبهي تندمي عليها قسما بالله حرام فيه اليوم اللي وقعتي له

سندس تشتي تلطف الجو بمزحة بس ولعت طرف الخيط بكبريت: كانت تقل لك وهي صغيرة توقع خطيبها مارضيت

رنا شافتها وبهررت

خالد بيتفرج لها بنظرات اللي عارفة بعدها عتتهزأ

سندس رجعت تغالط الموضوع: شكله سأل النقط وقالوا له انك قلت مرتي

صفية بمزحة بتلطف الجو بدل سندس: هاااا زباجة ، صاحبك خطيبها هكذا ساعها مدكوم

خالد شاف رنا ابتسمت رجع يتكلم عادي: نفس الطبيعة والجنان

رنا بتسمع وتشوف سندس وتبتسم

ام خالد بدأت تتحلف وتهدده: لو تزيد تقرب منه لو تزيد

رنا مسكت يدها: خلاص ياعمة خلاص قد دخل واستمع وفهم وهادئ لاعد تفتحي الموضوع

خالد شافها: بتدافعي عليا او عمتش

رنا سكتت

ام خالد خرجت تجاوب زوجها

خالد وصفية ورنا بقيوا في الغرفة

خالد: انا آسف لو صيحت وتعصبت فوقش بس حرق دمي

رنا ماتذكرش انه تعصب فوقها تحديداً هو كان معصب من الموقف: انا دارية انك معصب مش فوقي انا

خالد ذكر انها اشتكت له من عصبية امير وشافها بعينه رجع يبرر ويذكرها: الا حين قلت لش ادخلي بصياح

رنا: ها ايوه استغربت بس فاهمة انك خايف عليا منه حين مسكني هكذك

خالد: والله العظيم

رنا: خالد رجاءً والله لو تفعل شي لنفسك بسببي ماعد اجلس وسط البيت هذا يوم لان ولا حد عيطيق يبسرني لو وقع بك شي بسببي عتخليه فوق العمر اللي شله يشل الباقي كله

خالد حزت في قلبه كلمتها ، صح كلامها بس مايقدرش ذكر القاضي اللي شل رقمه قله يتصل به بعد ساعة ونسي، خرج تلفونه واتصل: تمام بكرة الصبح يعني عتجهز نجي اكيد.. تمام ألف شكر

صفية سمعته: ماهي؟

خالد: ورقة خلع للحيوان هذا

صفية لفتت لها: عتخلعيه ليش مارضي يطلق

خالد: ...


/channel/+Ecxq_OzMYh40M2E0



📚 @rewayatyamania 🇾🇪

روايات يمنية📚🇾🇪

15 Jul 2025 13:56

.

البــارت 77 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


سندس: هيا رنا البسي وجي معي خطوبة واحدة صاحبتي

صفية: ماشي لاتسير

سندس صيحت وبتضحك: مالش صرفوا ، ماكرهاً فلتت زوجها عتجي انتي تتحكمي

رنا مستغربة شافت صفية: ليش

صفية: خلي لما تهدئي شوية وتخرجي تعرفي نسوان الحارة ماعيخلين لش حالش

سندس: يوه صدق نسيت
.
.

في الطريق..
مسعود: عاد انا وصلت قبل يومين اثنين لنفس قريتكم ياريت وفرت التعب ووقعتوا ثلاثة وتقاسمتو الزلط

امير: ذلحين عتذلني يااخي حين سلفتني وجيت لي شاوصل البيت اقضيك

مسعود: متعود عليك معك لسان ساع الصاروخ مايقطع فيك قاطع بس كل واحد بيفعل بأصله

امير اتصل لواحد معروف: مالي دخل اشتي اوصل وقد دبرت لي امر قضاء من المحكمة اوصل وهو في يدي وشاادي لك كم ماتشتي ولو توقع تزوير

مسعود: مالك؟ ماعتفعل حاكيني شانصحك برأيي لاقد تدخل المحكمة انت غلطان وعتحتبس اول واحد

امير: يااخي هذا موضوع ثاني مش مصدق اي حين اوصل حرام لافت ابوهم فت بيدي انتفهم نتف كلهم ماعد ارحم مخلوق

مسعود: الغضب هذا اعظم من ابليس والله انه ابليس والعن

امير بحجر الله غلق فمك خليني افكر ماشفعل

@rewayatyamania المصدر الأول للروايات

في البيت..

خالد بيجابر كرم بيضحك: يااخي ايش امثل عليكم، انت اتصلت وانا في النقطة حانب مع الرجاال قلت انها مرتي بس مش هي مرتي

كرم: قد خليتني الوي حول نفسي قلت عشان تنتقم من امل عقدت طيب اي حين ولاقلت لنا ومن مافهمت الصدق ، اسمعك الا بتقل له مرتي وهذه الجوازات ، طيب من هي؟

خالد: تذكر بنت عمي اللي حاكيتك

كرم ضحك: اللي ذكرت فالوقت الضايع انك بتحب اللي حسيت انك بتحبها بعد ماانخطبت وقد عتعقد ، اوو مالها مش تزوجت كيف مرتك ، يا اخي فهمني مالك عجنت مخي

خالد بيضحكك: هو انت هكذا ياكرم مخك معجون من يوم يومك ودفنا الظاهر ناسبناك

سندس كانت في الغرفة مراعية تكلم خالد سمعته بيقول اسمه استحت

خالد: في واحد بيسلم عليك

سندس شافته بهررت وبتأشر لا لا مسكت وجهها وهربت

كرم: من؟

خالد: ماعليك وانت فضولي مابين احاكيك انت ، اسمع اشتي منك رقم زوج كريمتك اللي في المحكمة قلت لي قاضي صح

كرم: ايوه من عيني شرسل لك رقمه

خالد شل الرقم وراح لاعند جده يكلمه

جده: خلاص شجلس معها اكلمها واقل لك كيف

رنا دخلت لاعند جدها قطعت له فواكه: مافقدت لي حين ادلعك

جدها: عمرش طويل هيا جي

خالد يشتي يخرج

جده: مالك اين عتسير

خالد: حنقت حين ماعزمتنيش

رنا ضحكت: مابش هذا لجدي وحده

خالد جلس وضحك

جدها: يابنتي ذلحين اتصرف ماعد عترجعي له؟

رنا: منكم صدق؟

جدها: انا بين اسألش السؤال هذا عشان اعرف ردش مقتنعة او ماشي

رنا: مقتنعة لو اموت ماارجع له

جدها: خلاص

سندس دخلت: صدق يارنا قلتي عتجي؟ قالت رفيدة عتجي معي الخطوبة

رنا: ايوه

سندس: والنسوان؟

رنا: مش انا خايفة منهن ولاهو عيب يدرين ان انا اشتي اتطلق ولايهمني رأيهن

خالد مستغرب كيف تغيرت وتقوت وتشجعت؟

سندس:وانا اتحدى واحدة تتحاكى

جدها: سيري واطرحي شوك في عين اللي يحاكيش

سندس: هيا اسرعي لانتأخر

رنا ناولت جدها الصحن وقامت

خالد شافهن: وانا شاوصلكن


بعد ساعات وهن عند النسوان

الكل استغرب ويتساءل اي حين جيتي يوه كم لنا منش ولا درينا

رنا بعد مالبست وتأنقت وبتقوي نفسها

( اكثر الطرق مشقة هي الطريق التي يقطعها الإنسان عائداً إلى نفسه)

واحدة من النسوان: عاد احنا ابسرنا عمتش ولاقالت ان ابنها جاء ، قالت خالد رجع وتزوج

سندس: لاتكونوس تصدقوا اللي بتسمعوه لو تزوج ان مرة اخي جت معنا

واحدة ثانية: ياعيباه على ام امير سكتة سكتة

رنا: جيت مع اهلي مش امير

واحدة ضحكت: او قدش حانقة ساع احلام

رنا تذكرت كلام خالد ايش قلها قبل ماتنزل (قولي خلعتيه) اسبقي انتي بالخبر قبل هم مايطلعوا عليش خبر

سندس شافتها بتتكلم بتبهرر لها تسكت

رنا: خلعته

كلهن صاحين: يو يو ماحصل مابه؟

رنا: اللي حصل يخصني ولاني بنت ناس ماشتحاكاش

واحدة: حين سخيتي عليه تخلعيه وهو متحمل لش العمر هذا كله وانتي مابش معش جاهل

رنا: ومن اللي عيتحمل مرة العمر كله مابتخلفش بيدوا فوقكن نسوان وانتين معاكن من عشرة

سكتين

رنا: وبعدا السبب منه مش مني الحمدلله، وانا ربي عيعوضني

انشغلين بالخطبة وصوت الغناء وبعد المغرب

روحت صاحبة ام امير تحكي لها كل اللي حصل

احلام سمعت وجننت: كذابين يعني جت ولاقالين لنا خبوها سكتة

ام امير: يعني جت مع خالد

احلام: هي الظاهر متفقة معه واخي مسكين بيدورها ويتصل لي ولا انا دارية بتبسري على ناس

ام امير قامت لبست وراحت لبيت رنا

ام رنا استقبلتها بكل...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

15 Jul 2025 13:53

.

البــارت 75 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


سارت جنب جدها كان واقف عند الطاقة بيحاول يفتحها

رنا فتحت له الطاقة

الجد استنشق الهواء: اوف قد كنت ضايق كم مرة اقل لهن الصبح يبكرين يهوين المكان

رنا: ساعي بالضبط حين حيت عندكم حسيت ان انا بين اتنفس كنت ساعك بالضبط مغمومة

جدها بصوت واطي: بنتي رنا اللي احنجها اكثر واحدة في البيت ماتفعلش هكذا على مشكلة عادية صح؟ بنتي ماتفلت زوجها وتجي وحدها ولاتكلمنا الا وبه شي؟ مافعل كيف خلاش تجي وحدش

رنا: اصلا مش هو داري ان انا جيت

الجد عصب كاتم عصبيته عشان يخرج منها بقية الموضوع: وليش مش داري؟ ايش حصل يابنتي

رنا تأثرت من كلامه وبكيت بقهر: ياجد غير كل اللي حصل اشياء لو قلت لكم عتقولوا سهل والمرة تصبر ومدري ايش اقوى شي اني بعت ذهبي اوفي له قيمة عملية اتعالج للوحام كنت في المستشفى وهو يكلم حبيبته ويقلها حكى مااعرفش ولاذاكرة اللي ذاكرة انه صارحها العيب فيه كل السنين هذه وساكت مخليني اتعالج واشرب علاجات وابكي واقتهر واحس بنقص وهو الناقص هو العيب منه صارح بنت من الشارع ومرته مخبي عليها.. بدأت تبكي بقهررر وصوتها بيرجف يعني هي اغلى مني يقلها عيبه وانه صريح معها وانا لااا وعادووو مخليني ادخل افعل عملية وهو ساكت عشان يزيد يذلني ان العيب فيني انا ويدعسني ويذلني العمر كله واسكت واصبر على اللي بيفعله عمر واحنا مغتربين واقل ليش ماجمع وهو بيحب ويعلم الله ايش زد بيفعل

الجد ساكت سمع الباب بيدق فكر انه امير فلتها وخرج

خالد جالس فوق المدكى بيسمع منتظر ردة فعل تزعلها عشان يدافع عنها بس شاف جده كان ساكت


هن فوق السفرة مابيسمعين خايفات الجد يصيح فوقهن لايدخلين

امها شافت الجد خرج جريت تحضنها وتمسح دموعها

خالد ماتحمل يشوفها بتبكي خرج بعد جده يشوف من في الباب

دخل ابوها وعمها والبقية اللي قاموا من النوم

ام رنا بتشاورها: بس لاقد تكلمي ابوش بشي تاعب مسكين يرحم مش ناقص سدي مع جدش بعدا قلي جيتي عادي مابش شي تبسرينا

@rewayatyamania المصدر الأول للروايات

في الحوش..
الجد: من انتوا؟

الرجال: اين امير اشروا لنا هنا بيته

الجد: ناهي ماتشتوا منه مافعل احنا انسابه

الرجال: سرق زلط ابني كلها والعمارة ولابيجاوبه والله لوماتخرجوه لايقع قتل ذلحين

خالد قاطع الرجال وهو معصب: اذا ابسرته وجاء قسما بالله مانا ابن ابي ولا رجال اذا ماناولتك المسدس بيدي ترمي عليه هيا ماعد تشتي

الجد لفت لخالد ومسكه بيده

الرجال: ناهي اين هو بيته؟؟

خالد اشر له البيت

مشيوا الرجال وخالد وجده دخلوا

خالد: ياجد

جده ساكت مصدوم تأكد من كلام رنا شافه وهو ساكت بيفكر

خالد: قلدكم الله في بنت عمي والله العظيم ماترجع هذه المرة والله لاشلها واخفيها لو تردوها له

جده ضرب على ظهره ضربتين: انا اكبر منك وافهم

خالد ضبح من الرد اللي ماطمنه

الجد طلب خالد التلفون: معك رصيد اتصل دولي؟

خالد: ايوه

الجد: ادي تلفوني من داخل دور رقم الكلب هذا واتصل لي به

دخل بسرعة خالد شل التلفون وخرج اتصل وناوله

الجد في الحوش ماسك التلفون بيد وبيد معصب بيضرب بعصيته في الارض: الو

امير تردد يرد بس بعدين قرر يبين مافي شي: اهلا ياجد

الجد: اين مرتك

امير ارتبش: هاه هي خارج

الجد: كيف خارج وحدها؟ عادو عندكم فجر

امير: ايوه في المستشفى

الجد: ماقالوا لكم في امل تخلف

امير مربوش يشتي يقله ومتردد توقع لاهله مشاكل بسببه: على الله ياجد مدري

الجد: اي حين عتوقع رجاال

امير: الله المستعان ياجد مالك

الجد: الرجال كلمة وفعل وانت لا كلمة ولا فعل وكذاب وسارق ، ياعيباه عليك زوجنا بنتنا لرجاال

امير عصب: مالك ياجد مالك من اول بتغلط عليا وانا ساكت ايش فعلت بنتكم اللي قليلة ذوق وماتعرف الاصول تهرب ويعلم الله وين هي ولابتجاوب

الجد: كسروا فمك بنتنا بنت اصل غصب عنك واهلك اللي ماقدر يربوك ، بنتنا عندنا كما وقعت رجال جيت نتفاهم
غلق في وجهه التلفون

امير مصدوم: بنتهم عندهم كيف !؟ سافرت؟؟
اتصل لامه بس جاوبت احلام

احلام: ماهوو؟؟ يعني مرتك مش هي عندك

امير: سيري بين اقلش اتأكدي رنا عندهم

احلام صاحت: وو يا اميررر والله انه نفس طول مرتك ، امس ابسرت آخر الليل واحدة جت مع خالد ومعهم شنط سفر وكركرة وضحك تخايلي مرته انه تزوج بس امي قالت سارت وقالوا لها ماتزوج يعني..

امير عصببب فوقها: اسكتي ياغبية اسكتي سيري ابسري..شاتصل بعد شوية

قفل وهو معصب بيلوي حاسس راسه بينفجررر خالد ، خالد !!! وقعت المشكلة قبل امس مااداها مع خالد ، يعني كانوا في مصر وبيتقابلوا وهربها هو؟؟!!
.
.

بيت الجد

احلام دقت الباب ودخلت: بنتي جننتني تشتي تلعب مع بنت صفية

ام خالد بتتفرج لام رنا عوجت فمها قدها دارية  بكذبها


/channel/+Ecxq_OzMYh40M2E0



📚 @rewayatyamania 🇾🇪

روايات يمنية📚🇾🇪

15 Jul 2025 13:52

.

البــارت 73 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


رنا نزلت ماسكة البالطو رافعة له بيدها لانه طويل شوية اشتراه خالد وباينة جزمتها الكعب ولابسة كمامة لانه مابش برقع معها خالد ماانتبه يشتريه بش الحارة ظلام واضواء السيارات بتعكس

احلام على نزلتها بيتهم تشتي تهدد زوجها سمعت صوت ضحك


في باب البيت

خالد: ارفعي البالطو حقش لاتدربي خليني اوصلش سلم مش قطع غيار لعمي

رنا ضحكتت: الله يستر خايفة ياخالد

خالد: قوي قلبش وانا معش واليوم ارتاحي هم نوم هيا ادخلي

احلام مابتسمع بس بتشوف خالد يضحك مع واحدة بالبالطو دخلت بسرعة لامها: اماه مش وقت ماوقع بيننا جيت حانقة ، لو تبسري جاء ذلحين خالد مع مرة شكله تزوج بالطو مطرز من راسها لرجلها وضحكة وشنطططط الظاهر حريوة تزوج

@rewayatyamania المصدر الأول للروايات

في البيت فؤاد وخالد بيتكلموا ويقل له لايتكلم لحد لما تصحى رنا تتكلم هي معهم

رنا طلعت خايفة وفؤاد فتح لها باب غرفة صفية

صفية كانت صاحية مع بنتها شافتهم الاربعة انصدمت

خالد خرج هو وفؤاد

رنا حضنت صفية قوي وبكيت

صفية: مالش؟؟ يوووه جعلي مكسر عليش مالش ايش وقع تحاكي قلبي عيوقف

رنا مسحت عيونها والبكاء وبدأت تكلمها..

خالد فكر يمكن تحتاج الشنطة جاء يشتي يدق باب غرفتهن بيسمع وهي منفعلة بتبكي بتقول

رنا: تخيلي بعد هذا كله اللي فعله وهو اللي كان يقل لي والله لاتجلسي معي صميل ولو تطلقتي بعد عشر سنوات محد يرضى بش وتعيشي وحدش فاحمدي الله عليا وتحبي الارض اللي امشي عليها حين راضي بش وعيبش ، وخدعني والعيب فيه ياصفية وفوق هذا خاين وسارق سرق عمري

صفية بتبكي معها: سمعتيه؟

رنا: ايوه سمعته ورجعت اتذكر كان مشغول واصل بالتلفون يكذب ويتعذر بالشغل حبسني عمري كله في البيت ومنعني خرجة ودخلة تحملت اهانة وكلام سم وبهذلة واقول عصبي اسكت عيتغير وتغير

صفية: ذلحين هو داري انش جيتي

رنا بكيت: لا هربت وسرت الفندق وبعدين سألوني...

جالسة تشرح لها وتبكي

خالد ذكر انها بدون اكل ونوم وبكاء طول الوقت ماعد يشتي تتعب اكثر وعادها الصبح عتشرح للكل كل شي..

دق باب الغرفة: ادخل

سندس سمعتهن بيبكين خافت نكزت من النوم قامت شافتها بتبكي حضنتها وجلسين يبكين

صفية قامت تفتح الباب: خالد

رنا غطت شعرها ورجعت لبست البالطو

خالد دخل وجلس في طرف الغرفة: يعني عيب عليكن اخوكن جاء والكل من السفر محد عبرني

صفية حضنته سلمت عليه

سندس بتبكي معهم مش فاهمة: ايش في

خالد: محد يحاكي مرتي

الكل التفت له بصدمة ماله هذا جنن؟؟؟؟!!!

رنا ضحكتت: يو لو تبسرين ماوقع بنا اليوم في الطريق على تعب وعلى تحقيق وبهذلة

سندس بتلطم وجهها وتصيح: اااا اااااه

شافوها

صفية: مالش ياكلبة بنتي عتنكز

سندس: هووو بين احلم او لا بين اصيح اتأكد

ايش في؟؟؟ مالكم ايش من مرتك وانتي مالش بتبكي

خالد شاف رنا: بس قلدش الله بس يعني عتشرحي للبيت هذا كله واحد واحد وتبكي قلي لهم اجمعكم كلكم واحكي مرة واحدة

ضحكين عليه

سندس ضبحت: مالكم تحاكوا انكز وانتين تبكي وهذا مرتي والاثنين قبال عيني مابه ماحصل؟؟

خالد: جاوعين مامعاكم

سندس: يو والتعب تشتي انزل اطبخ ولاحد حاكاني مابه

صفية: مافي نفسش

خالد رد بدلها وبيقلدها: ولاشي شابعة مغثية

رنا ضحكت وبتمسح دموعها: اندومي

سندس فتحت الدولاب خرجت ٦ حبات: ابسروا اين بين اخبيهن من امي وعمتي بيصيحين ويبسرنه يخفنه من المطبخ

صفية ضحكت: انزلي افعلي

سندس: ماعه واللله لاتنزلوا معي كلكم لايفوتني شي

رنا: حاضر

صفية: وانا

خالد: وانا عتخلني وحدي هنا جالسات مدكومات ساع زمان ، هيا ننزل كلنا

فعلوا الاندومي وجالسين في الحوش ياكلوا ويضحكوا على العشر السنين هذه كيف حصلت فيها اشياء كثيرة بس رجعوا نفس اللمة والضحك والزبج على بعض

سندس مش فاهمة اللي حصل: ذلحين زوجش منعش تقابليه كيف لش

خالد مسك ظفيرتها: وحش

سندس صاحت: فلتني عيبكروا يو والسفاط مجنون وقت سفاط

خالد بيشوفها ويشرح لهن ليش قال مرتي وكيف جلسوا في الطريق

سندس: حد سرق منكم شي؟ قالوا بيسرقوا بعضهم هذه الايام

رنا نزلت راسها وذكرت اكبر سارق في حياتها

سمعوا الكل قام عشان صلاة الفجر دخلوا يصلوا

صفية بتخبي رنا: تخبي للصبح هنا


الصبح دق الباب الساعة ٧

ام امير: زوجتي ابنش سكتة امس جاء هو ومرته الفجر

ام رنا خرجت من البيت للحوش تشتي تدخل المطبخ بتلف المقرمة حول راسها شافت ام امير افتجعت: يوووه مالش بكرتي او رنا فيها شي؟ يومين البنت ولاخبر

ام امير: ماشي ولا امير بيرد على رسايل اخته وابوه

الله المستعان قد كل شي سكتة ولاتقلوا لنا نفرح معاكم

ام رنا: تفرحي لمه؟

ام خالد مستغربة ضحكت: الظاهر بتحلم قلك خالد جاء هو ومرته

ام رنا كركرت تضحك: ...


/channel/+Ecxq_OzMYh40M2E0




📚 @rewayatyamania 🇾🇪

روايات يمنية📚🇾🇪

15 Jul 2025 13:51

.

البــارت 71 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


السواق: قل ياطويل العمر انا كنت في السعودية اشتغل وبعدا زادت تكاليف الاقامة واتجعجعنا يااخي معنا نسوان يشتين كل شي خرجات لبس حفلات وجاهل بعد جاهل والزلط ماتكفيش قررت ارجع معنا صاحب هانك كان مرتاح واصل يعزمنا من حين وصل عريس وهو كررررم يذبح طلي واثنين وهات ياغداء ياعشاء والخبرة واصل عنده ، المهم اتصل يشكي ذلحين الخبرة كلهم باعوه تشتي الصدق معهم حق لانهم نصحوه ولاسمع ولاصدق ، كان معه مرة محد يسمع بها وايش من عيشة هو فيها الطبخ الفهنة قلت له عيب مايجوز يجنن يعصب يحرق الدنيا لو تدخلنا

خالد ضحك: وهو صدق مادخلكم منه

السواق بعصبية: يااخي خبرته كنا واصل سوا ليل ونهار يااخي بدأ بالبرامج هذه يضيع من بنت لبنت وتيك تك وفرغة ومجبر وضحكة لوما تعرف على واحدة قولته حبها وحبته نصحناه ياولد لاتوثق حب من النت قال لا مع كيف قد تغيروا الناس بطلوا العقلية المقفلة، يااخي انت مزوج اتقي الله ، ولابيفهم اهدي هذه ونقط هذه وحول لهذه لوما جت اللي ضحكت عليه وشريكه وشلت كل شي

خالد بدأ يتوتر مايشتي رنا تذكر وتزعل بيمسح عرق جبهته ويفتح الطاقة يغالط متتظر يسكت يقاطعه يفتح موضوع ثاني والرجال ولاسكت

رنا بتسمع وتبكي ماسكة وكاتمة بيدها على فمها لا يطلع صوتها كأنه بيتكلم عنها واللي حصل معها نفس الشي

خالد لفت يشوفها ولاهدأت بتبكي: يااخي لو سمحت ممكن توقف شوية السيارة..

السواق وقف: على طول وانا اتصل لخبرة عشان احول لصاحبي الزلط

خالد فتح الشنطة خرج ماء وفاين ناولها: اجلسي شوية شمي هواء ، اشربي ... وراح وقف بعيد محتار بيفكر

رنا داخل نفسها: لايكون هذا امير !! بس هو كان بيكلم واحدة؟ هذا قال كان يعزم ويجوا ، اكيد غيري كل الرجال بيعزموا

خالد رجع لاعندها واقف بيشوف هدأت من البكاء بس سارحة خرج من جيبه لبان يعجبها وهي صغيرة: تذكري هذا اللبان اللي كان يعجبش حين نسير صنعاء يبعد الغثيان

رنا شلته وابتسمت: الله ، عادهم بيبيعوا منه ، يعجبني حين توقع اللبانة شبيبة كبيرة وتقرح تغطي الوجه

خالد: تذكري حين لصقت في حواجبش وصلعتي

رنا ضحكت وقفت: الرجال بيداعيك

خالد كان ناسي السواق واستغرب من بساطتها تبكي وزعلانة بس بتضحك وتسلى بسرعة 

رجعوا السيارة بدون مايناقشها في شي لانه فاهم اللي بتمر به بدون مايقلها مالش

@rewayatyamania المصدر الأول للروايات

بعد ساعات في الطريق وصلوا نقطة..

صاحب النقطة: انت ومن؟

خالد: مرتي

صاحب النقطة: جوازاتكم

خالد ناوله جوازه وجوازها

صاحب النقطه شاف عيال عم نفس الاسم رجعهن له واشر لهم يمشوا

رنا بتحس بغرابة رغم الكذبة تشتي تضحك وتشتي تبكي تذكر امير وتبدأ تخاف كل ماقربوا تخاف

خالد: كم باقي قد الوقت متأخر

السواق: يااخي بيدو الطريق هذه ١٢ ساعة ، احنا تحركنا اربع العصر وانت احسب

خالد: قد نقصين ثلاث من المكان اللي شليتنا اي حين عنوصل

السواق: ذلحين اوقفكم هنا تتعشوا ونصلي ونخطى عنوصل الساعة ٢ الليل للقرية حقك لو صنعاء عنوصل١٢ ونص

السواق نزل: انا شاسبقكم البقالة

خالد جالس منتظر ينزل السواق يكلمها: رنا

رنا: ها

خالد: رقدتي؟

رنا: ماشي

خالد لفت لها: ايش تخوري عشاء

رنا: ولاشي مضايقة من الطريق مابش نفس

خالد: مارأيش في المطبقية تذكري كيف كنا نوصل البيت وقد تميناها في الشارع

رنا ضحكت: ايوه نرجع لهم البسباس والليمون ويوقع لنا ضرب

خالد ضحك: اشتري مطبقية؟

رنا: ماشي والله تسلم مابش نفس اتعشى انت

خالد: وانا مابش نفس

رنا: خلاص يرجع ونخطى لانه تأخر الوقت

خالد ضحك جلس يضحككك علق ضحك: ذكرتي اليوم انه تأخر الوقت

رنا ضحكككت معه: قصدي داخل اليمن مدري كيف غريب وحدنا لآخر الليل في بقع مانعرفها وطريق سفر والرجال يفجع كل شوية معه اتصالات

خالد ضحكك: الله يرعاش يارنا قدلش يومين بتلوي من مصر لهنا وذكرتي تأخرنا

طلع السواق فتح القات يشوفه..

خالد: يااخي ارحم نفسك والله لو بتاكل بيعه طول الطريق انه افيد لك على الاقل يرجع الحديد قوي في دمك ، هذا قتلت صحتك مخزن من حين جينا معك وذلحين عتواصل

السواق: مانفعل يااخي كل ماابطل ارجع اخس

خالد راسه وجعه من هدرة السواق مايسكت: مابش نية تتغير قلك مانفعل ، ماعلينا ، اسكه افتح لنا اي اغنية والا وقف اتصالات شوية لان قدو ظلام والطريق الآن نقيل ومطر ركز الله يرضى عليك

السواق ضحك: بين اتحاكى كثير امد لاحس بملل الطريق كل يوم ساير راجع من هنا، اتعبتنا لقمة العيش يااخي انا كنت دكتور في الجامعة عاد انا تعينت والرواتب ماتكفيش ووقف العمل سافرنا تجعجعنا رجعنا تجعجعنا مادرينا وين نسير

خالد تغيرت نظرته وغير اسلوبه معه: دكتور جامعة!! مش باين عليك كم عمرك

السواق: ٤٠ سنة بس مش باين روحي حالية

خالد: ...




📚 @rewayatyamania 🇾🇪

روايات يمنية📚🇾🇪

14 Jul 2025 23:01

.

البــارت 70 >>

بيـن قلبيـن ❤️

للكـاتبـة: عبيـر الكبسـي

👌🏻👇🏻 😍
📚 @rewayatyamania  🇾🇪


امير جلس يضحك في الشارع مثل المجنون حاسس راسه بيدخن وبينفجر راسه..
.
.

((في طريق السفر ))

شوارعنا ينقصها الحب والسلام،
ينقصها الناس المبتسمة من انهكتهم جور الايام الثقال ،
ينقصها أناس لايتدخلون في شؤون غيرهم ،
شوارعنا بشعة..!!

بعد ماكمل يصلي شافها بتبكي مسحت دموعها وغلقت التلفون

خالد جلس بعيد شوية منها فوق الحجرة وضحك يغالط دموعها: افتهنتي ذلحين الفضول حقش

رنا هزت راسها لا بس رجعت تبكي

خالد سكت خلاها تبكي وجالس بغصن شجر يابس في الارض يلعب بالتراب ويسوي دواير متشابكة وهو زاااعل عليها

رنا شافت كلب قامت وقفت: ياخالد

خالد شاف الكلب ولفت لها ضحك: عادش بتفتجعي !

رنا: قوا بعده من هنا

خالد بيضحك عليها: والله انش هذك انتي ماغير طولتي على الفاضي حتى جالسة تبكي من يوم ماعرفتش

رنا ضحكت: بكاء زمان كان دلع بس ذلحين وجع

خالد: الحياة تبهذل الواحد عدة مرات وعنبسر أشياء ماكنا نشتيها ونزعل ونفشل وننخذل من أقرب الناس لنا، بس بنوقف من جديد على رجلنا مابنفقدش امل ابدا
ضروري تتجاوزي خوفش وندمش وهزيمتش وكل عقبة سدت طريق الحياة لاتوقفي تداري حزنش يا جلستي تبكي وتزعلي ، او تكمليها رغم انكسارش والا عتجلسي حزينة تبكي على الماضي للأبد

رنا: ايوه بس مش..

خالد شاف سيارة قاطعها: لحظة

راح يأشررر

التكس: ياعيباه من خلاكم هنا ، ايوه ساير صنعاء هيا اطلع ها ..

مشي بالسيارة شوية لجنب الشنط طلعهن مع خالد

خالد فتح لها باب السيارة وقرب منها يتكلم بصوت واطي: عيجننونا في النقط شاقل انش مرتي والجوازات عيال عم محد عيعرف تمام

رنا: حاضر

السواق مراعي لهم بعيد شوية شافهم طلعوا فتح باب السيارة وطلع..

@rewayatyamania المصدر الأول للروايات

مكان ثاني..

امير بيتصل لاصحابه اللي في السعودية ثلاثة نفس الكلام باقي عنده امل في الرابع ، مش معقول كلهم يقلبوا عليه وهو اللي كان متقرب منهم اكثر من شريكه وعرفهم عليه هو وواصل ببيته ينعزموا معقول يفلتوه ويسيروا لهذا الجديد؟؟

الرابع: يا اخي اتصل بمسعود عادو روح اليمن وماشاءالله بيدخل زلط في اليوم مبلغ ضخم آخر الشهر بتوصل ستة الف دولار

امير معصب: مسعود من بعقلك الجلدة هذك، ايش بيشتغل هذا بيبيع اعضاء او ايش

صاحبه: يااخي رجع اشترى له سيارة مدري باص وبيطلب الله شارسل لك رقمه يسلفك هو..
.
.

فوق السيارة..

خالد سارح من الطاقة ويده على فمه متكي بيفكر ويشوف كيف سافر بداية حياته وكيف الآن متبهذل بيشوف في الطريق السيارات واللي في المطار المرضى يعني ماتكفي هموم الحياة عشان واحد يزيد هم الطريق

رنا بتفكر في امير ايش فعل كيف دور دري او عادو اهلها ايش عيقولوا ايش عيحصل فيها خوف

صاحب التكس رد على تلفونه: حيااااك الله مش مصدق كيف عرفت رقمي يارجال وبعدا رقم مفتاح المدينة مختلف وين انت

حركات اتهنى ياعم اتفسح ايش عليك ، والله انا بين اسوق معي مسافرين شاوصلهم ماقلت لك قد رجعت اليمن وبين اشتغل هنا اريح والله

مالك يااخي صلِ ع النبي ايش من ضيقة؟

ايوه... يااخي كم نصحتك كم قلنا لك ولابتفهم ، ولو تعرفها سنين ولو قلنا لك البنت مش سوا، ناهي كمل ايش حصل

بغيرر جناااان ، وبعدا ؟؟

كم قلت لك ياصاحبي ابرد كانت استغلالية من اول يوم وهي تمكنك الفيزا كرت خاربة حول سلف ناهي كانت مبلغ بسيط بس شوف الآن انت في ايش كله كوم وزلط صالح معك حرام لايجننك...

لاتهمني انا لابس سماعة واسوق اسمعك مااشتيش اطول عليك اخسرك بس قدك الخسران مافرقت معك اتصال دولي.. وضحك

ذلحين كيف عتفعل برأيي ياصاحبي ارجع انا شاسلفك حق الرجعة ، اهرب لليمن والله مايفلتوك لا صالح ولا هي ابرد لك من السعودية ومصر وجيت لهنا

رنا بدأت تربط آخر جملة باللي قاله من اول كله

خالد بيسمع وذكر كلامها بس مش عارف

السواق قفل تنهددد: اخ يالدنيا والله ان قد البنات بيلعبين اعظم من المافيا

خالد لفت له: سمعتك بس مش فاهم ماوقع

السواق: قل ياطويل العمر انا كنت في السعودية اشتغل وبعدا زادت تكاليف الاقامة واتجعجعنا يااخي معنا نسوان يشتين كل شي خرجات لبس حفلات وجاهل بعد جاهل والزلط ماتكفيش قررت ارجع معنا صاحب هانك كان مرتاح واصل يعزمنا من حين وصل عريس وهو كررررم يذبح طلي واثنين وهات ياغداء ياعشاء والخبرة واصل عنده ، المهم اتصل يشكي ذلحين الخبرة كلهم باعوه تشتي الصدق معهم حق لانهم نصحوه ولاسمع ولاصدق ، كان معه مرة محد يسمع بها وايش من عيشة هو فيها الطبخ الفهنة قلت له عيب مايجوز يجنن يعصب يحرق الدنيا لو تدخلنا

خالد ضحك: وهو صدق مادخلكم منه

السواق بعصبية: ...


/channel/rewayatyamania/55248



📚 @rewayatyamania 🇾🇪

روايات يمنية📚🇾🇪

14 Jul 2025 22:57

.

البــارت 68 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


اول ماوصلوا الفندق..
خالد دخل شنطها وحقه الشنط وهي واقفة خارج باب الغرفة

خالد بيتفاقد الغرفة والحمام والدواليب تحت السرير وخرج: ماتشتي شي؟

رنا: تسلم

خالد: افتحي النت ابسري

رنا: كيف مابش معي شريحة؟

خالد اشبكي الواي فاي ها هذا الرقم ،خرج لها ورقة صغيرة

رنا شبكت الانترنت بدأت توصل الرسايل كلها من امير طنشتها ورجعت تشوف رساله من صفية وسندس وامها سجلت لها صوت تتطمن عليها وقالت لها قلقة عليش يابنتي مالش وين انتي ، دمعت

خالد: مابيقلقوش؟؟

رنا هزت راسها: لا

خالد: زوجش رسل

رنا: ايوه وخايفة افتح رسايله

خالد: طيب طفي تلفونش ولاتقرأي شي ذلحين تمام

رنا: حاضر

خالد: توعديني؟ ورانا سفر طريق طويل وعتتعبي مارقدتيش سوا

رنا: حاضر

خالد بنظرة بتأكد عليها: وعددد حق زمان وعدنا

رنا ابتسمت: حاضر

خالد سحب باب الغرفة: قفلي بالمفتاح ولاتفتحي لحد

رنا من داخل ورا الباب: حاضر قفلت بالمفتاح ومستغربة ليش الشنط حقه عندها بس طنشت مااهتمت امتدت وماسكة التلفون نفسها تعرف ايش كتب لها امير وماتشتي تكذب على خالد وهي وعدته

امتدت فوق السرير وغلبها النوم

خالد في الاستقبال حق الفندق: هيا كيف لقيتوا غرفة في نفس الطابق؟

الموظف: ماعد بش ولاغرفة فاضية، دائما لما يكون في رحلات هذا اليوم الفندق مليان

خالد هز راسه ورجع بيكلم نفسه وهو بيطلع: عادو احسن شاجلس جنب الباب بعد ماشاف رجال في الغرف اللي جنب غرفتها..جلس في الارض بعيد من الباب شوية

@rewayatyamania المصدر الأول للروايات

في مصر..

امير شاف طلع الضوء وهي عادها ولاردت بس بتستلم رسائله ، يتصلها مقفل مستغرب؟ كيف توصل الرسايل والتلفون مقفل وبيشتمها كتب لها رسالة: والله لاترجعي لي كم عتكفيش الفلوس اللي معش وعتلقي من يضايقش وترجعي مثل الكلبة، مراعي لش يمين بالله لاسود حياتش مثل ماقلبتي عليا بيوم وليلة ، بياعة واحدة قليلة اصل وماقدرت العشره اللي بيننا عرفت مااخلف باعتني ..

جلس يعصب يفكر ورجع في نومه
.
.

في الفندق نكز على صوت واحد

الرجال: يا اخي مالك هنا مافي غرفة اخرج من هنا

داخل الغرفة كملت تصلي بتسمع صوت رجاال بيتصايحوا واقفة ورا الباب صوت خالد ،
فرحت انه جاء تمشي معه لبست بسرعة ولفت الشنطة وفتحت الباب تلتفت يمين مابحد ، يسار

خالد ممد في الارض وراسه فوق الشنطه: ها صحيتي؟ شبعتي نوم؟ مسرع قمتي

رنا: قمت صليت وسمعت صوتك قلت قد جيت نمشي

خالد عدل جلسته وقام وقف

رنا: رقدت هنا؟

خالد: ايوه مالقيت غرفة في نفس الطابق وقلقت اخليش وحدش ، يلا شاخرج بسرعة مشوار واجي لاتخرجي ادخلي وقفلي

رنا مستغربة دخلت وقفلت بتفكر: كيف ماسخيش يخليني وحدي وهذك كان يخرج يسهر واراشيه مايفلتني وحدي وفي العمارة ناس بتاذيني وشلة رجاال عزابية ساكنين فوق بيتي

دمعت ، والله ماتستاهل يا امير..

خالد خرج يشتري صبوح وانتظر تفتح المحلات واشترى لها بالطو وشريحة للاتصال والانترنت

رنا كانت نوم سمعت دق الباب ساكتة

خالد بصوت واطي: رناا

رنا فتحت بسرعة

خالد: كنتي راقدة؟

رنا: كنت خايفة لما سمعت صوتك دريت انه انت

خاالد ضحك ناولها الاكياس: ها اديت لش بالطو بعقلش عترجعي للقرية هكذا

رنا ضحكت: قد كنت بين اهم، تسلم ياخالد ، وانت اصتبحت

خالد: ايوه اكلت وهذا قسمش

رنا: تمام

خالد قفل الباب

رنا دخلت تلبس وخرجت معه

بعد زحمة لقي واحد معه سيارة في مكان الباصات عرض عليه يوصله بمبلغ مناسب

خالد طلع الشنط وطلعت هي ورا وهو جنب السواق..

قبل مايطلع السواق

رنا: ياخالد لاي حين الوعد؟

خالد مافهم وناسي نص التفاته للجنب براسه بس ماشافها: اي وعد؟؟

رنا: اي حين افتح الرسايل ابسر

خالد: اي حين ماتشتي انا امس امد ترقدي

رنا: طيب

خالد رجع يشوف قدامه وبيفكر ايش عيقلها زوجها وايش حصل بس مايشتي يسأل ويتدخل

طلع السواق وشغل السيارة ومشيوا

رنا مترددة تفتح تلفونها او لا

بعد ثلاث ساعات ملت في الطريق بتفكر تفتح بس قاطعتهم نقطة تفتيش

انزلوا نفتش السيارة

السواق: مافي شي مسافرين ومعهم شنط

صاحب النقطة وقف جنب خالد: جوازك ياحبوب

خالد: خرج له الجواز

صاحب النقطة: من فين جيت؟

خالد: ماليزيا بعدين ذكر رنا , ومصر

صاحب النقطة: هيا ياليل انزل

خالد نزل: خير؟

صاحب النقطة: تقل لي ماليزيا وبعدين مصر ايش تتخور؟
ومن اللي معك

خالد: البيت

صاحب النقطة: اين الجواز

خالد ناوله

صاحب النقطة بيشوف السعودية وختم مصر في جوازها بس هو ختم ماليزيا بس لان مصر ترانزيت

جاء اللي واقف معه في النقطة: ايش في؟

صاحب النقطة: افتح الخانه نفتش الشنط

فتحوا الخانة وبيشاوره: يااخي هو كان بماليزيا وهي مصر كيف مروحين سوا

اللي معه: قارنت الاسم؟

اللي جنبه بيفتح الشنطة: ...





📚 @rewayatyamania 🇾🇪

روايات يمنية📚🇾🇪

14 Jul 2025 22:54

.

البــارت 66 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


بعد ماجلس وبيشوفها لساعة كاملة تصرفاتها غريبة مستغرب منها مش مركزة على النداء ولا الناس سارحة وكأنها مهمومة

وقف والناس كلها بتمشي تتجه للطائرة رجع خطوة: انتي مسافرة معنا؟؟

شافته وشافت الناس والوقت مسرع مشي قامت سحبت شنطتها وبتمشي

بنبرة فيها عطف واحترام لأمراة بتسحب شنطة ومسافرة وحدها: عادي خليها اساعدش فيها

مش مركزة معه مشيت سحبتها وواقفة ناولتهم الجواز ختموه اخذته ومشيت

وهو كان دوره بعدها توجهوا للطائرة شافوا مقاعدهم جنب بعض ..

بنظرة فيها تساؤل واستغراب بتشوفه

وهو باحراج بيبرر: عفواً هم اللي بيختاروا المقاعد مش انا

المضيفة بتستعجلهم

كان مكانها في الوسط بس جلست جنب الطاقة عشان ماتكون بين شخصين وهي بنت وحدها

خالد شاف هذه البنت التايهة اللي بتبكي جلست مكانه ماكلمها لانه شافها بنت وحدها

( في الطائرة، تبادلنا المقاعد ، كنتي تريدين النافذة وأنا اريد ان أطل عليكي)

شاف جوازها طرحته فوق الطاولة اللي امامها
فيه فضول يقلها تخبيه لايضيع وخايف يتدخل ويفتح معها موضوع وحوار نقاش اول مارفعت المضيفة الطاولات وقالت لهم يربطوا حزام الأمان سقط الجواز للارض

هو: الجواز في الارض خذيه بسرعة قبل مايضيع تحت الكراسي لما تتحرك الطائرة

هي كانت ماااااسكة كل مشاعرها وكأنها هي اللي بتقلع وتغادر مش الطائرة نزززلت دموعها وبكيت بخووف لو يكلم اهلها ويقلقوا ولو يحصل لها شي وهي بعيدة عن اهلها!

هو سحب الجواز مش عارف ايش قال وايش فعل عشان تبكي هذا البكاء كله !!!
غريب هي يمنية بتفهمه يعني بتفهم لهجته ؟؟!! مالها ؟؟!
مضايقة ان انا جنبها او حين كلمتها ؟
كل التساؤلات هذه في عينه وهو بيناولها الجواز ويشوفها بتمسح دموعها

هي اخذته منه وبنبرة حزينة وكلها بكاء ودموع: شكرا
نزلت الكمامة ومسحت وجهها ودموعها..

سحب نظراته منها بسرعة وحس بتوتررررر ومتضايق ليششش بتبكي هذه البنت ايش فيها من غثاها ي الله بس مااشتيش اوقع فضولي هذا الساع بس دمي بيفور..

شاف المضيفة بتمشي طلب ماء نزل الكمامة يشرب وهي شافته بنظرررة!
حاسس انها لافته لاعنده سمع صوتها

رنا بنبرة صدمة: خاالد

خلته يطحس الماء من يده !!! ولفت لها من هذه ؟ هذه.. كأنها تشبه.. قال: رنا بنت عمي؟

رجع لفت جنبه لو زوجها؟ لا

خالد باستغراب: رنا ؟

رنا بكيت اكثر وكأنها لقيت حد تتقوى به ومش اي حد، صديق الطفولة وصندوق اسرار افكارها

خالد محرج الكل بيتلفت لاعنده لما سمعوا صوتها

اللي جنبه بيسأله: ايش في

جت المضيفة وبتسألها وهي تشوف خالد بنظرات: انتي متضايقة؟ اغير مكانك؟

خالد بضبح وزعل عليها مالها ..

@rewayatyamania المصدر الأول للروايات

رنا اشرت للمضيفة: لا لا

خالد: اهدأي خلاص انا جنبش ومعش ولاتهمي شس ولايغثيش شي

رنا كانت محتاجة تسمع هذه الكلمات من اول موقف كانت فيه مع امير اول مرة حد يحس بها مايسألها

خالد: اهم شي انتي بخير؟؟

(رنا.. داخلها لست بخير على الإطلاق عيني جافة وتطفو روحي على أمواج من الخواء ، غربة تعصف بقلبي ، رجاء لاتحدثني عن هراء الصبر والثقة والثبات مرة أخرى لاتكن مثلهم ، فهو كالموت كمداً كل دقيقة ، لاتجبروني على مواجهة الاحتمال اللعين للعودة, اخبرني كيف يهاودهم النوم دون أن يتطهروا من ذنبنا ولو بإعتذار )

هزت راسها ايوه

خالد جالس يشوفها ويبعد نظراته ويرجع يشوفها مستغرب تغيرت قوي لدرجة ماعرفها..

رنا ذكرت تشوفه تغير خالد طول كيف ماعرفته شافته: ماعرفتك

خاالد تغيرت ملامحه ابتسم وضحك: عادش ذكرتي بعد ماجمعتي الناس علينا، وبعدين انتي والكل تغيرتي وين سارت الفطسة

رنا ضحكت وهي بتمسح دموعها

خالد: مش عارف ذلحين احاكيش والا اسكت ابسرش او مع خايف احرجش او افعل مشكلة

رنا ذكرت ودمعت: آسفة ياخالد والله م اشتي امتنع عن تواصلنا بس

خالد عقد حواجبه: قلدش الله وقت الحكى هذا الآن؟
قلي لي مالش خليتش تهدأي وقلبي نار

رنا: يعني كلمك جدي؟ حد قلك تجي؟

خالد: شفتش بالصدفة!!

رنا: كيف جيت لمصر؟

خالد: حجزت طايرتين لمصر ومن مصر لعدن، محد كلمني ليش في شي؟

رنا: عيقلقوا ياالله كيف نسيت اكلمهم

خالد بضبح شوية: رنا فهميني ايش حصل؟

رنا: اللي حصل كثير اهم شي فلته وسافرت ومش داري ان انا سافرت

خالد: مايسبرش هكذا عيقلق

رنا بكيت: طز يموت ، انا ذلحين كيف نسيت اكلمهم ياالله

خالد: لاتقلقي ذلحين ثلاث اربع ساعات بالكثير ونوصل سهل يقلقوا شوية انتي اهدأي وصلِ على النبي ، وكل شي عيسبر تطمني انا معش وعنوصل والبيت كله معش

جالسة محرجة منه تشتي تسأله عن أحواله وناسية انها قاطعته من فترة

خالد معصب بيتخيل اسوأ الاحتمالات: مد يده عليش؟؟؟

رنا: ...





📚 @rewayatyamania 🇾🇪

روايات يمنية📚🇾🇪

14 Jul 2025 22:51

.

البــارت 64 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


رنا واقفة

امير بيتكلم معصب يصيح: والله انش واحدة حيوانة وحقيرة ماعد تشتيني ذلحين؟؟ الحجة عندي قلت لش الصدق ان انا مابين اخلف انا ، مرتي وهي مرتي وتعبت وتجعجعت وساكت ماقلت لها المشكلة فيني وانتي خليتيني لاعندش مثل الكلب مش داري بنفسي حبيتش وصدقتش وذلحين تقلي غيرتي رأيش فيني ،!! انا لعبة ؟؟؟

امير: يعني ضروري اعصب واصيح، يلا وانا شافلت كل شي معي واجي الآن.. مشي

رنا دخلت وقفلت بأي غرفتها

الباب بيدق حق غرفتها وهي مصدومة

الممرضه والدكتور فتحوا باب الغرفة بيدهفوه بثقل

رنا بعدت من وراه شوية والدمعة في عينها

الدكتور: ماتعيطيش ياقمر ، انتي كل حاجة سليمة ، مين اللي قال لك المشكلة فيكي؟ احنا كنسلنا العملية وعموما اللي اخدتيه كفاية عليكي وقفي كل الأدوية وهنتكلم مع جوزك

رنا هزت راسها تمام

الممرضة ابتسمت لها والدكتور: شكلها دموع الفرح

الدكتور بيشوفها: تقدري تمشي دلوقتي... وخرجوا

رنا غسلت وجهها تفوق من اللي هي فيه وغيرت ملابسها بسرعة وخرجت بقوة عجيبة ماتعرف اي مكان غير فندقها راحت فيه طلعت وسحبت لها شوية فلوس جنب فلوسها وجوازها ولفت ملابسها وشنطتها وخرجت بسرعة


في المستشفى..
امير بيتصايح معهم: كيف مشيت؟ طيب انا مش عارف انها عتمشي!! شاحاسب هاا...

خرج الفلوس وبيتصل لها بتلفونه.. بيرن بس مابترد !!!
عصب بيتصل ولاترد بدأ يقلق ، اتصل للفندق قالوا له مافي حد بالغرفة..كمل يحاسب وخرج يدور في حوش المستشفى؟؟ رجع طلع للغرفة يدور في الحمامات !!
رسل لها: وين انتي من الجنان؟؟ ماقالوا لش لما خرجتي هكذا ؟؟ كلمش الدكتور شي؟؟

@rewayatyamania المصدر الأول للروايات

في مكان ثاني..

خالد بيشوف رسايلها واعتذاراتها وحظرها

امل بكيت ورقدت..

صاحبتها شافت في اتصال واتس اسم امين  وشافت امل راقدة ولها يومين بدون اكل ولاتكلم حد

فتحت ردت وبتسمع صوت امين

امين: الو

صاحبتها: ها

امين: الو من معي؟

صاحبتها خرجت من الغرفة بتكلمه بلهجتها: انت تقرب لأمل؟

امين: ايوه مالها ؟ هي سافرت

صاحبتها: كانت مسافرة بس رجعت وانتحرت البقية بحياتكم.. قفلت

صاحبتها الثانية مصدومة: من بتكلمي تخوفي اهلها

صاحبتها ضحكت: مش اهلها هذا الحيوان خليه يقلق يموت بقهره مثل ماقهرها

صاحبتها: لو يوصل خبر لاهلها يخافوا

صاحبتها: مستحيل يسويها جبان ، واهلها لو قلقوا يتصلوا بها ويطمنوا عليها

صاحبتها ضحكت: ان كيدنا عظيم..

امين جنن فتح حسابها في الفيسبوك !! خاص ماقدر يوصل لحد؟

راح حارتهم بيتهم مابش شي غريب جالس بيقلق ،
كان جبان يدق الباب من اول يوم عرفها فيه ماتغير حتى في هذه اللحظات ..

عيال بيلعبوا في الحارة

امين: من يعرف هذا البيت؟

واحد طفل صغير ٨ سنوات: بيتنا ماتشتي

امين سحبه على جنب: جي مااقلك

الولد: ماتشتي؟

امين: ماتقرب لك امل

الولد: وانت مادخلك؟

امين: انا جيت ادي لكم وداعة 

الولد: هي عمتي

امين: وين هي ذلحين؟

الولد ضبح: وانت مادخلك ماتشتي منها؟ قلت أدت وداعة وين هي؟

امين ضبح توتر: ادخل بيتكم اسأل هي عتجي من السفر والا اديها لكم هيا يابطل بسرعة اطلع

الولد دخل البيت وماعد خرج

امين زاد توتر وضبحه تصايح مع نص اللي في الحارة
.
.

في مصر..
امير بيجنن تفكير حبيبته اللي مارضيت تقابله رغم فلت رنا وراح لها وكذبت

اتصل لصاحبه: اسمع كيف افعل انا مربوششش

صاحبه: مالك؟

امير: طلعت كذابة!! سرقتنا

صاحبه بعصبية: اتكلم دلا لاتجننيش من هي

امير: اديت لها الفلوس ركنت ان انا شاتزوجها وسلمتها كل شي تبدأ مشروعنا

صاحبه: مالي دخل اعرف زلطي من راسك انت وحقك البنات كم نصحتك لاتثق فيها

امير: بس مش هي سنة او سنتين قد لنا خمس نعرف بعض

صاحبه: اعرف زلطي من راسك خرجها من تحت الارض هذا شقى العمر

امير: انت داري مرتي ماناش داري وين هي حانب بروحي وتقلي زلطك ، صاحبي قوا دور لي خلي صاحبك ومعارفك اللي هنا يتصرفوا بأسمها شرسل لك خايف لو وقع لها حادث او شي

صاحبه بيعصب: اميررررر الفلوووووس او العمارة تتسلم ليدي ، قلك مرتي... غلق التلفون في وجهه

امير مشي يدور حول المستشفى يسأل بلغ الشرطة سأل المستشفيات مش موجودة.. آخر الليل ذكر الفندق اللي راحه معاها اول مرة سافروا..


رنا في الفندق اللي جت هي وياه
في نفس حالة الصدمة بتستوعب ويتكرر الكلام اللي سمعته منه بتتذكر هذا المكان وتفاصيله ومشاكله!!
ليش تحملته ، ليش رضيت ترجع معه مرة ومرتين ليششش

بتبكي تفتح رسايله تقرا وتطنش شافت آخر رسالة ( انا في نفس الفندق اللي كنا فيه اول مرة ، اتصلت وقالوا انتي فيه بس مارضوا يقلوا وين الغرفة انزلي اوري ابوش الآن الجنان حقش... انزلي نتفاهم يلا لاطلع ادقدق الغرف واحدة واحدة..




📚 @rewayatyamania 🇾🇪

روايات يمنية📚🇾🇪

14 Jul 2025 22:46

.

البــارت 62 >>

بيـن قلبيـن ❤️

👌🏻👇🏻 😍
📚 @rewayatyamania  🇾🇪


رنا: اليوم عيد زواجنا على فكرة

امير مش فاضي للمشاكل ولايشتي يعكر مزاجه: عارف عشان هكذا قلت لش اخرجي انبسطي بيومش

رنا: يومنا انا وانت ياروحي

امير ضحك: يلا فرفشي لنا اليوم شوية امد مااتم افتحي اغاني انبسطي ارقصي اخلص شغلي بس

رنا فارحة: تمام ، فعلاً امير تغير هذه المرة

أمير كمل شغله قفل اللابتوب: رناااا اخيرا استلمت المبلغ نتجهز بكرة نسااافر

رنا: يعني شفعل العملية؟

امير: ايوه

رنا فرحت دمعت تخيلت نفسها حامل والملابس اللي بتشتريهن وتخبيهن حق الاطفال جاي وقتهن

@rewayatyamania المصدر الأول للروايات

في مكان ثاني..ماليزيا

خالد: ها كلمتي اهلش؟ لو قالوا موافقين بكرة احجز لنا نسافر

أمل بفرحة: ايوه احجز  قالوا تسير وتتقدم بنفسك مع اهلك

خالد: عادي شاسير لعيونش كم لي مراعي لهذه اللحظة يا امل


بعد ايام حجزوا وسافروا دولة عربية للعلاج


خالد خلص ماجستير وبدأ في الدكتوراة كان وقته يسمح له يسافر وامل خلصت دراستها وناوية يخطبوا يتزوجوا يرجعوا يكملوا دراساتهم العليا مثل مااتفقوا

كرم: يااخي انت مقلباني اتفقنا اختك تكمل الجامعة ونرجع نتزوج سوا بعد سنة!!

خالد: اخطب وبعدا نرجع تتزوج عتحنبني معاك ياكرم

سام: خليه ، عاد انا حانب والكل بالمهر ، نرجع نتزوج الثلاثة

كرم ضحك: اقنعتني

خالد: ذلحين هذا وداعكم ياجن قوموا وصلوني هيا

كرم: وامل عتسافر معاك والا عتبهذلك ساع هذك المرة؟
.
.

في المطار
خالد: انتي دارية مابش فيني صبر أبدا ماشوصلش لبيتنا شاسير فندق في صنعاء اخذ  دش ابدل اتغدا واجي بعد العصر لابيتكم

امل ضحكت: والله كان نفسي اتقبيل معك واقلك جي تغدا عندنا ، بس بعدها عتجي خيرات سهل يوم

خالد ضحك: انا فدالش مابعدا عنكون نوصل لاعندكم وبعدا لقريتنا

أمل: كلمني على اهلك

خالد: والله خيرات من وين ابدأ او كم لكن يلا امد ماتجي طايرتنا قلي يا حبيبة قلبي احنا تربينا وعشنا بيت جدي يعني كلنا ببيت اعمامي تزوجوا وابي وعشنا مع عيال عمي اخوة كبرنا سوا ضحكنا سوا اول ماتوصلي حارتنا عتعرفي بيتنا الجدر السور حقه كله اسامينا فيه

امل ضحكت: الله مااحلاكم ذكرتني ايام الطفولة لما نسير بيت جدي ونلعب ونشخبط بالطباشير ...

جالسين يتكلموا
.
.

مكان ثاني
رنا كملت تنظف البيت وبتكلمه: امير طفيت الثلاجة شاشل الاشياء لاعند جارتي لايخربين حرام

امير كان بيتكلم في التلفون في الغرفة بيسمع صوتها قفل الباب

رنا مسكت فمها: ياويلي جالسة اصيح وهو بيكلم صاحبه

امير داخل الغرفة: طيب تمام عادي مالك مكبر الموضوع هات وانا احاول لك الآن
.
.

في المطار
أمل شافت رقم دولي فكرت اهلها ردت بحماس: الو

شافت خالد وقامت وجهها صفر ، بتأشر له رايحة تتكلم بعيد

خالد منتظر شاف طولت استغرب قام شافها يأشر لها مش قادر يفلت الشنط ويروح لها

أمل: يعني ايش ذكرك بي بعد هذه السنين كلها، ايوه بنخطب ايش تشتي ضيعت أيامي وعمري وخدعتني ، ايوه احب مالك انت انا حرة حد قلك كنت زوجتك

خطيبها الاول: ايوه انتي اديتي لي وعد نكون لبعض وماتكوني لغيري ، ناسية كم احبش واموت فيش ، تعرفي الثلاث السنوات هذه ماتواصلت معش عشان اجي مشرفش اشتغلت ليل نهار صبح ظهر ماارقدش

أمل: افترض تزوجت وخلفت ايش العذر هذا

خطيبها: كنت اتابع اخبارش كلها بس حين قالت لي اختي عتنخطبي والله لاحرقها لاولعها الدنيا ماعتمشيش خطبة فاهمة

أمل: كان زمان انا الآن في المطار

خطيبها: والله لاجي واستقبلش واقله ان انا احبش ومانسيتش ولما يشوف كل الرسائل اللي بيننا هي حاجتين يا يفلتش يا قلي اخطبها هي لك واللي خلقش لافعلها اوصلي بس

امل شافت انها مودفة محتارة ايش تسوي بعد ماقالت له تمام قفلت وراحت جلست

خالد: تأخرتي مالش؟ ايش في

أمل: ولاشي بس اشتي اقلك انه ماتستاهلنيش تستاهل افضل مني ، ياخالد عيش حياتك وانساني ، ماشاسافرش
ناولته الجواز وهي بتبكي

خالد بيضحك: ايش التمثيلية هذه ، ايش الاكشن هذا طلعتي خطيرة ، سريع لازم نتحرك البوابة فتحت

أمل مقهورة عليه بتبكي سحبت شنطتها من يده ومشيت

خالد واقف بيشوفها !!! دموع ومشيت؟ اهلها !!

لحقها: يا امل اذا اهلش ماعليش شي عنتفاهم معهم هانك

أمل: انا بطلت اسافر بطلت انخطب (فكرت تقسى معه عشان يكرهها ومايتعذب) خطيبي طلع رجعوا شنطتي وكل شي وقتها والآن

خالد بصدمة: خطيبش !

امل: ايوه اللي كنت مخطوبة له يعني مش خطوبة في كلام وبعدا

خالد: ماقلتي لي لما سألتش !

امل: بين اقلك الآن

خالد: تمام عادي ماعلينا ، ايش ذكرهم يقلوا لش الآن، عادي قلي لهم ان احنا حبينا بعض وجايين نخطب لو يشتوا عقد وزواج مستعد كلميهم مش مستعد اخسرش شاريش والله العظيم

أمل قرحت تبكي من موقفها اللي محتاره فيه: ماينفعش...





📚 @rewayatyamania 🇾🇪