Rost24 | Расмий канал

31 Mar 2025 11:47

⚡️Уч давлат чегараларининг туташ нуқтаси тўғрисидаги шартнома имзоланди

Музокаралар якунида, Тожикистон Республикаси, Қирғизистон Республикаси ва Ўзбекистон Республикаси ўртасида уч давлат давлат чегараларининг туташ нуқтаси тўғрисидаги шартномани имзолаш маросими бўлиб ўтди.

Ўзбекистон Президенти Шавкат Мирзиёев, Тожикистон Президенти Эмомали Раҳмон ва Қирғизистон Президенти Садир Жапаров уч мамлакат давлат чегаралари туташган ҳудудда Дўстлик стеласини тантанали равишда очдилар.

Шунингдек, "Абадий дўстлик тўғрисида"ги Хўжанд декларацияси қабул қилинди.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

31 Mar 2025 09:31

⚡️Ўзбекистон ва Тожикистон иттифоқчилик шартномасини расман кучга киритди

Ўзбекистон Республикаси президенти Шавкат Мирзиёев ва Тожикистон Республикаси президенти Эмомали Раҳмон музокара ўтказди.

Якунда ташқи сиёсат идоралари раҳбарлари Ўзбекистон билан Тожикистон ўртасида Иттифоқчилик муносабатлари тўғрисидаги шартноманинг кучга кириши ҳақидаги баённомани имзоладилар ва ратификация ёрлиқларини алмашдилар.

Хабарга кўра, шартнома 2024 йил 18 апрель куни Душанбе шаҳрида бўлиб ўтган олий даражадаги икки томонлама саммитда имзоланган.

Ҳужжат ратификация ёрлиқлари алмашилган кундан эътиборан кучга киради.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

31 Mar 2025 08:59

Шавкат Мирзиёев Хўжандга келди

Аэропортда Шавкат Мирзиёевни Тожикистон Республикаси Президенти Эмомали Раҳмон кутиб олди.

Ўзбекистон раҳбарининг ташрифи шарафига давлат байроқлари кўтарилди. Миллий куй-қўшиқ ва рақслар ижро этилди.

Бугун Ўзбекистон, Тожикистон ва Қирғизистон Президентларининг уч томонлама учрашуви бўлиб ўтади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

31 Mar 2025 06:14

⚡️Самарқанд шаҳрига кириш йўллари вақтинча ёпилади

Жорий йилнинг 3, 4 ва 5 апрел кунлари "Марказий Осиё - Европа Иттифоқи" биринчи саммити ўтказилиши муносабати билан шаҳарга кириш йўллари вақтинча ёпилади. Бу ҳақда Самарқанд вилояти ИИБ ЙҲХБ хабар берди.

Билдиришича, ушбу кунларда вилоят ҳудудидан транзит ўтувчи транспорт воситалари учун айланма ҳаракат ташкил этилади. Ҳайдовчилар учун махсус флаерлар ишлаб чиқилиб, уни ҚР-код ёрдамида мобил илова орқали ҳам очиш мумкин бўлади.

Шунингдек, бошқарма мазкур кунларда шаҳарга ташрифни мўлжаллаётган фуқароларимиздан бошқа кунларга қолдиришларини сўради.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

30 Mar 2025 12:46

⚡️ Мянмада зилзиладан ҳалок бўлганлар сони 1600 дан ошди

3000 дан ортиқ одам жароҳат олган. Шунингдек, 3 та йирик кўприк зарар кўрган. 1500 дан ортиқ уй ва бир қанча осмонўпар бинолар вайрон бўлган.

Батафсил: rost24.uz/uz/news/2146

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

30 Mar 2025 03:57

Рамазон ҳайити муборак бўлсин!

Биз, Rost24.uz жамоаси, сизни муборак Рамазон ҳайити билан чин қалбдан табриклаймиз!

Ушбу қутлуғ айём барчамизга тинчлик, барака ва хотиржамлик олиб келсин. Меҳр-оқибат ва бирдамлик тимсоли бўлмиш ушбу байрам оилаларингизга қувонч, қалбларингизга нур бағишласин.

Қилган эзгу дуоларимиз ижобат, амалимиз мақбул бўлсин!

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

29 Mar 2025 08:02

⚡️2024 йилда 10 826 хонадонга қуёш панеллари ўрнатилган — Энергетика вазирлиги

Энергетика вазирлиги берган маълумотга кўра, "Қуёшли хонадон" дастури доирасида 2024 йилда 10 826 хонадонга қуёш панеллари ўрнатилиб, давлат томонидан 12 млн 182 минг кВт-соат электр энергияси учун 12,182 миллиард сўм компенсация тўлаб берилган. Ушбу маблағлар Давлат солиқ қўмитасининг солиқ мобил иловаси орқали фуқароларнинг банк пластик карталарига ўтказилган.

Шунингдек, мамлакатимизда умумий қуввати 200 787,9 МВт бўлган янги электр станциялари ишга туширилди. Жумладан, қуёш фотоэлектр станциялари – 1 000 МВт, шамол электр станциялари – 800 МВт, иссиқлик электр станциялари – 965,2 МВт, гидроэлектр станциялари эса 22,7 МВт қувватга эга бўлган.

Йил давомида қуёш ва шамол электр станциялари томонидан 4,8605 миллиард кВт-соат электр энергияси ишлаб чиқарилди. Бу ҳажм 2 миллиондан ортиқ хонадоннинг бир йиллик эҳтиёжини қоплайди. Натижада 1,47 миллиард куб метр табиий газ тежалган ва 2,04 миллион тонна зарарли газларнинг атмосферага чиқишининг олди олинган.

Маълумотларга кўра, 2024 йилда республикамизда 81,5 миллиард кВт-соат электр энергияси ишлаб чиқарилган. Бу кўрсаткич 2016 йилга нисбатан 22,5 миллиард кВт-соатга ёки 32,38 фоизга кўпни ташкил этган.

Шу билан бирга, ижтимоий тармоқларда қуёш панеллари бўйича мурожаатларга ҳам бот-бот кўзимиз тушиб қолади. Кўплаб фойдаланувчилар панеллар бир йил ўтар-ўтмас ишламай қолгани ёки самарадорлиги кескин пасайгани ҳақида ёзади. Дунё тажрибасига назар ташласак, кўплаб ривожланган мамлакатларда қуёш панелларининг хизмати камида 20-25 йил деб белгиланади. Аммо бизда бу технологиялар реал шароитда қандай ишлаши, уларнинг аниқ хизмат муддати ва ўзини оқлаш муддати ҳақида расмийлар томонидан ҳали аниқ жавоб берилгани йўқ. Агар бу муаммолар ҳал қилинмаса, давлат маблағлари ва фуқаролар сармояси беҳуда сарфлангани аён бўлади, қуёш энергетикасига ишонч эса сўниши мумкин.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

29 Mar 2025 06:34

⚡️Ўзбекистон Президенти Қозоғистонга жўнаб кетди

Шавкат Мирзиёев Қозоғистон Республикаси Президенти Қасим-Жомарт Тоқаевнинг таклифига биноан 29 март куни амалий ташриф билан Олмаота шаҳрига жўнаб кетди.

Икки мамлакат етакчиларининг норасмий учрашувида Ўзбекистон-Қозоғистон стратегик шериклик ва иттифоқчилик муносабатлари, шунингдек, халқаро ва минтақавий кун тартибининг долзарб масалалари кўриб чиқилади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

29 Mar 2025 04:45

⚡️Ўзбекистон меҳнат бозорида аёллар улуши 43,5 фоизни ташкил қилмоқда

Марказий Осиё мамлакатлари орасида ишчи кучида аёллар иштироки бўйича энг юқори кўрсаткич Қозоғистонда кузатилади: 76,1 фоиз. Қирғизистон ва Туркманистонда бу кўрсаткич мос равишда 56,9 ва 52,6 фоизни ташкил этмоқда. Ўзбекистон эса бу борада фақат Тожикистондан олдинда.

Батафсил: rost24.uz/uz/news/2145

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

28 Mar 2025 16:08

⚡️Шавкат Мирзиёев қарийб 500 нафар маҳбусни афв этди

Президент фармонига мувофиқ, Ўзбекистон Республикаси Конституциясининг 109-моддаси 23-бандига асосан жазо муддатини ўтаётган ҳамда қилмишига чин кўнгилдан пушаймон бўлган ва тузалиш йўлига қатъий ўтган 488 нафар шахс афв этилди.

Хабарга кўра, афв этилган шахсларнинг 100 нафари асосий жазодан тўлиқ озод этилди, 268 нафари жазони ўташдан муддатидан илгари шартли озод қилинди, 34 нафарининг озодликдан маҳрум этиш жазоси енгилроқ жазо билан алмаштирилди.

Шунингдек, 86 нафар шахсларга тайинланган озодликдан маҳрум этиш жазосининг муддатлари қисқартирилди.

Маълумот учун афв этилганларнинг 17 нафарини чет эл фуқаролари, 37 нафарини аёл, 37 нафарини 60 ёшдан ошган эркаклар, 167 нафарини ёшлар (шулардан, 1 нафари вояга етмаган) ҳамда 5 нафарини тақиқланган ташкилотлар фаолиятида қатнашган шахслар ташкил этади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

28 Mar 2025 12:39

⚡️"Тошшаҳартрансхизмат" собиқ раҳбари 7,5 йилга қамалди

"Тошшаҳартрансхизмат" собиқ раҳбари Анвар Жўраев ва унинг ўринбосари давлат мулкини талон-торож қилиш, мансаб сохтакорлиги каби моддаларда айбдор деб топилиб, 7,5 йилга озодликдан маҳрум қилингани айтилмоқда.

Маълумот учун, ушбу суд жараёни 2024 йилнинг 23 сентябрь куни бошланганди. Ҳозирда адвокатлар апелляция шикоятлари киритган.

Жиноят ишлари бўйича Юнусобод тумани суди томонидан Анвар Жўраевдан ташқари яна 20 кишига (икки автобус саройи ва «Тошавтотаъмирхизмат» раҳбарлари) нисбатан суд ҳукми чиқарилган.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

28 Mar 2025 09:41

⚡️ Президент электр ва газ тарифларининг оширилишини 1 майга қадар кечиктиришга топшириқ берди

Президент Шавкат Мирзиёев электр энергияси ва газ бўйича янги тарифларнинг кучга кириш санасини кечиктириш бўйича Вазирлар Маҳкамасига топшириқ берди. Бу ҳақда Энергетика вазирлиги маълум қилди.

Президент ушбу қарорни аҳоли, иқтисодиёт тармоқлари ҳамда тадбиркорлик субъектларини ёқилғи-энергетика ресурслари билан барқарор таъминлаш ва уларни қўллаб-қувватлаш мақсадида қабул қилган.

Шу сабабли янги тарифлар аввал режалаштирилганидек 1 апрелдан эмас, балки 1 майдан кучга киради. Вазирлар Маҳкамаси 2024 йил 16 апрелдаги тегишли қарорга ҳам шу ўзгариш киритилади.

Эслатиб ўтамиз, аввалроқ Энергетика вазирлиги электр ва табиий газ учун тўлов олдиндан амалга оширилган тақдирда, эски тарифлар икки ой давомида амал қилишини билдирганди.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

28 Mar 2025 07:55

⚠️ 1 апрелдан газ ва электр энергияси нархлари кескин ошади

Жорий йилнинг 1 апрелидан газ тарифлари 650/1500 сўмдан 1000/1800 сўмгача, электр энергияси эса 450/900 сўмдан 600/1000 сўмгача ошади.

🟥Бироқ, ҳисобда икки ойлик истеъмолга етарли маблағ бўлса истеъмолчилар газ ва "свет" учун тўловни келаётган 2 ой учун (1 июнгача) эски нархда тўлашлари мумкин.

Электр энергияси ва табиий газдан фойдаланиш қоидаларига кўра, газ ҳажми ва электр энергияси учун тўловни олдиндан амалга оширган истеъмолчи, тарифлар ўзгарган бўлишига қарамай, икки ойдан ортиқ бўлмаган муддатга қўшимча тўловлардан озод қилинади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

28 Mar 2025 06:07

⚡️Бойсундаги M-25 газ конидан яна водород сульфиди сизиб чиқмоқда

M-25 газ конидаги 202-сонли қудуқда водород сульфидининг отилиши юз берган. Бу ҳақда Энергетика вазирлиги хабар берди.

Айни дамда табиатга зиён етказмаслик ва ҳаво ифлосланишининг олдини олиш мақсадида қудуқ ёқиб қўйилган. Ҳодиса оқибатида ҳеч ким жабрланмаган.

"Алоҳида таъкидлаш лозимки, юзага келган мазкур ҳолат аҳоли ва яқин-атрофдаги ҳудудларга ҳеч қандай хавф туғдирмайди. Жараён Фавқулодда вазиятлар вазирлиги, “Саноатконтехназорат” давлат инспекцияси ҳамда Очиқ нефть ва газ фаввораларининг олдини олиш ва бартараф этиш бўйича Ўзбекистон ҳарбийлаштирилган қисми мутахассислари томонидан тўлиқ назорат остига олинган", дейилади хабарда.

Қайд этилишича, ҳозирги вақтда ушбу вазият ҳамда ёнғиннинг келиб чиқиш сабаблари ўрганилмоқда. Бу ҳақдаги батафсил маълумот ишлар якунланганидан сўнг маълум қилинади.

"M-25 газ конини ўзлаштириш жараёни ўзига хос мураккабликка эга бўлиб, бу ерда халқаро тажрибадан фойдаланиб, кучайтирилган назорат чоралари амалга оширилмоқда", дейилади хабарда.

Эслатиб ўтамиз, ўтган йили 1 сентябрь куни “Мустақилликнинг 25 йиллиги” конига қарашли 604-сонли қудуқда бурғилаш ишлари олиб борилиши вақтида технологик жараённинг бузилиши оқибатида олтингугурт (водород сульфид) гази чиқиши кузатилганди.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

27 Mar 2025 18:04

⚡️ Ўзини ўзи банд қилганлар фаолият турлари қисқартирилмоқда

Сартарошлик, фото-видео хизматлари, автомобил таъмирлаш, деҳқон бозорларида савдо қилиш, ширинлик ва салат тайёрлаб сотиш, репетиторлик каби 34 тоифадаги фаолият турлари рўйхатдан чиқарилади. Маркетплейсларда савдо қилиш, товуқ боқиш, дорбозлик, аския ва лапар билан шуғулланиш рўйхатга қўшилади.

Батафсил: rost24.uz/uz/news/2143

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

31 Mar 2025 11:20

⚡️ Андижондаги масжидда газ чақнаши оқибатида портлаш содир бўлди

Бугун, 31 март куни соат 12:19да Избоскан тумани Мирзо Улуғбек МФЙ ҳудудида жойлашган Аҳмадали Хожи жомеъ масжидида портлаш содир бўлди. Бу ҳақда Андижон вилояти ФВБ ахборот хизмати хабар берди.

Ҳодиса ҳаво-газ аралашмасининг чақнаши сабаб содир бўлган, оқибатда таҳоратхона биноси қулаган.

Хабар келиб тушгандан сўнг, вилоят ФВБ раҳбарияти ва масъуллар ҳодиса жойига етиб бориб, вазият тўлиқ назоратга олинган.

Дастлабки маълумотларга кўра, 6 нафар фуқаро тан-жароҳати олган.

Шунингдек, ҳодиса содир бўлган жойга вилоят ҳокими Шуҳратбек Абдураҳмонов бошчилигида барча мутасадди масъуллар етиб келиб, ҳозирда вазият тўлиқ назоратга олингани айтилмоқда.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

31 Mar 2025 09:02

⚡️Президент Мирзиёев ва Эмомали Раҳмон музокара ўтказди

Президент Шавкат Мирзиёев Тожикистон раҳбари Эмомали Раҳмон билан музокара ўтказди. Давлат раҳбарлари Рамазон ҳайити муносабати билан бир-бирларини табриклаб, икки томонлама дўстлик ва стратегик шерикликни янада мустаҳкамлаш масалаларини муҳокама қилишди.

Учрашувда 2024 йилда Ўзбекистон ва Тожикистон ўртасидаги товар айирбошлаш ҳажми 700 миллион доллардан ошгани таъкидланди.

Томонлар саноат, энергетика, қишлоқ хўжалиги ва бошқа соҳалардаги ҳамкорликни янада ривожлантириш, ҳукуматлараро комиссия йиғилишида қўшма лойиҳаларни тезлаштириш чораларини ишлаб чиқиш муҳимлигини қайд этди.

Шунингдек, етакчилар минтақавий масалалар ва Ўзбекистонда ўтказиладиган кўп томонлама саммитлар юзасидан фикр алмашдилар.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

31 Mar 2025 06:51

⚡️Ўзбекистон Президенти Тожикистонга жўнаб кетди

Ўзбекистон Республикаси Президенти Шавкат Мирзиёев Тожикистон Республикаси Президенти Эмомали Раҳмоннинг таклифига биноан амалий ташриф билан Хўжанд шаҳрига жўнаб кетди.

Мамлакатимиз етакчиси Ўзбекистон, Тожикистон ва Қирғизистон давлат раҳбарларининг қўшма учрашувида иштирок этади ҳамда икки томонлама музокаралар ўтказади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

31 Mar 2025 03:22

✅️#Рост_ҳикматлар

Бутун коинот бир - бирига меҳр - муҳаббат риштаси билан боғлангандир.
Меҳр улашишни ўрган!
У муҳаббатнинг барчасига қалбингда жой борлигини кўнглинг англаб етсин!
МУҲАББАТСИЗ ИНСОНДАН ДУНЁ ҚЎРҚАДИ, БУНИ УНУТМА!

✍️Жалолиддин Румий

🌸Кунингиз хайрли ўтсин!

ROST24.uz | Telegram | rost24official?si=8M8hkLv2NHU7UfYo">YouTube

Rost24 | Расмий канал

30 Mar 2025 09:52

⚡️Бойсунда кондаги ҳолат, Пискентда қийноқ, боғчада зўравонлик – Ҳафта дайжести

⚠️ Бойсундаги М-25 газ конидан яна водород сулфиди сизиб чиқди.

⚠️ Пискентда маҳкум колония ходимлари томонидан қийноққа солинди.

⚠️Боғчаларда болалар яна калтакланмоқда.

⚠️Чиқиндилардан электр энергияси ишлаб чиқарилади.

⚠️Тошкент ва Самарқандда сифациз ёқилғини Аи-92 ва Аи-95 деб сотган АЁҚШлар аниқланди.

Ютубда кўриш: https://youtu.be/zpq4h5qC6sc

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

29 Mar 2025 18:37

⚡️Сибир дарёларини Марказий Осиёга буриш лойиҳасини қайта тиклаш таклиф этилди

Қирғизистон Хавфсизлик кенгаши котиби Марат Иманқулов Сибир дарёларидан сувни Марказий Осиёнинг қурғоқчил ҳудудларига йўналтириш ташаббуси билан чиқди. У Бишкекда сув дипломатиясига бағишланган давра суҳбатида бу масалани қайта кўриб чиқиш зарурлигини таъкидлади.

Лойиҳа илк бор 1920 йилларда СССР даврида ишлаб чиқилган бўлиб, Иртиш, Об ва Тобол дарёларининг сувини Қозоғистон, Ўзбекистон, Туркманистон ва Тожикистонга етказиб, қурғоқчилик ва Орол денгизининг қуришининг олдини олиш мақсад қилинган. Бироқ юқори харажатлар ва экологик хавфлар сабабли амалга ошмаган.

Иманқулов ҳозирги сув танқислиги шароитида лойиҳани қайта муҳокама қилиш кераклигини таъкидлади. Унинг фикрича, замонавий қувур тизимлари орқали сувни йўналтириш экологик таъсирни камайтириш ва янги иш ўринларини яратишга ёрдам беради.

Шунингдек, у Қирғизистон Қозоғистонга сув етказиш мажбуриятларини бажараётгани ва Оролни тиклаш ташаббусларини қўллаб-қувватлашини айтди.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

29 Mar 2025 07:17

⚡️ 1 майдан бошлаб ҳужжатсиз мигрантлар Россиядан чиқариб юборилади

Миграция агентлиги Россияда патент олмаган фуқароларимизни ҳуқуқий мақомни тиклаш учун кам вақт қолгани ҳақида огоҳлантирди.

Хабарга кўра, 2025 йил 30 апрель куни Россия Федерацияси Президентининг 2024 йил 30 декабрдаги 1126-сон Фармони билан берилган имкониятлар, ҳуқуқий мақомга эга бўлиш учун берилган муддат тугайди.

2025 йил 1 майдан бошлаб, ҳуқуқий мақомини тартибга солмаган шахсларга нисбатан чиқариб юбориш ва келажакда Россияга киришни тақиқлаш каби чоралар қўлланилади.

Россия ҳудудида қонуний қолиш ҳуқуқини берувчи тегишли рухсатнома ҳужжатларини олиш учун Россия ИИВнинг ҳудудий органларига, Россия ИИВ ФГУП «ПВС» филиалларига ёки Москва шаҳридаги ГБУ ММЦ «Сахарово»га мурожаат қилиш сўралади.

Аввалроқ, 2025 йил 1 январдан 30 апрелгача бўлган даврда "назорат қилинадиган шахслар" реестрига киритилган мигрантлар ҳуқуқий мақомларини ҳал қилишмаса, Россия ҳудудидан чиқариб юборилиши ҳақида хабар қилган эдик.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

29 Mar 2025 06:28

Диққат эълон!

Қидирувда кўмак сўраймиз. Жорий йилнинг 24 март соат 19-00да Бешариқ тумани Қўрғонча маҳалласи ҳудудидан ўтган ариқдан эркак жинсидаги ёши тахминан 2 ёшларда бўлган, тан жароҳатларисиз мурда топилган.

Болакайнинг белгилари: бўйи 80-90 см, вазни 10-12 кг, гавда тузилиши тўлачадан келган, буғдой ранг, кўзлари қора, қошлари текис.

Эгнида: ёзувли футбол ва баскетбол тўплари расми туширилган, сарғиш жигарранг женфер, оёғида жигарранг пайпоқлари бўлган.

Юқоридагиларни инобатга олиб, ушбу шахси номаълум мурда ҳақида бирор бир маълумотга эга бўлганлар яқин орадаги ИИО га ёки 102 қисқа рақамига қўнғироқ қилиб хабар беришлари сўралади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

29 Mar 2025 01:23

#Рост_ҳикматлар

✅Умуман китоб ўқимайдиган меҳнаткашдан кўра, китоб ўқийдиган дангаса билан ишлаган яхшироқ. Чунки у доим қийин топшириқларга осон ечим топа олади.

✍Билл Гейтс

🌺 Кунингиз хайрли бўлсин!

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

28 Mar 2025 13:35

⚡️Тонировка бўйича жарима миқдори таклиф қилинди

Маъмурий жавобгарлик тўғрисидаги кодекс 126-1-модда билан тўлдирилиб, рухсатномада кўрсатилган талабларни бузган ҳолда ойналарни қорайтирган ҳайдовчиларга БҲМнинг 1 баравари (375 000 сўм) миқдорида жарима белгиланиши мумкин.

Бу таклиф Ички ишлар вазирлиги томонидан муҳокамага қўйилган қонун лойиҳасида келтирилган бўлиб, тонировкага рухсатномаси бор ва йўқ ҳайдовчиларнинг бир хил жазоланиши муаммосини ҳал этишга қаратилган.

Ҳозирда лойиҳа жамоатчилик муҳокамасида бўлиб, фуқаролар ўз фикр ва таклифларини билдириши мумкин.

Эслатиб ўтамиз, аввалроқ тонировка қоидалари бузилгани сабаб Ўзбекистонда ЙХХ ходимлари сайёҳдан пора сўрагани ҳақида хабар берган эдик.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

28 Mar 2025 11:24

⚡️Марказий Осиёнинг қайси давлати сайёҳларни қабул қилиш бўйича пешқадам?

Ўзбекистон Республикаси Миллий статистика қўмитаси маълумотларига кўра, ўтган йилнинг январь-декабрь ойларида ушбу молиявий кўрсаткич 10,6 фоизга ўсган, 2023 йилда 13,5 фоизга, 2022 йилда эса 22,3 фоизга ошган.

Батафсил: rost24.uz/uz/news/2144

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

28 Mar 2025 08:54

⚡️Самарқанд вилоят солиқ бошқармаси бошлиғи депутатларга ҳисоб бергиси келмади

O’zLiDeP депутатлик гуруҳи йиғилишида Самарқанд вилоят транспорт ва соғлиқни сақлаш соҳаларидаги долзарб масалалар муҳокама қилинган.

Йиғилишда 2 та бошқарма раҳбари ҳисобот тақдим этган, аммо вилоят Солиқ бошқармаси бошлиғи депутатларга ҳисоб бергиси келмагани айтилмоқда.

Хабарга кўра, йиғилишда вилоят давлат солиқ бошқармаси бошлиғи Элёр Толлиевнинг ҳам ҳисоботини эшитиш белгиланган бўлиб, бошқарма бошлиғи ўрнига мутахассисни юборган. Шу сабабли ҳисобот тингланмаган ва кейинги эшитувга қолдирилган.

Самарқанд вилоят солиқ бошқармаси бошлиғининг депутатлар олдида ҳисобот беришдан қочиши жиддий хавотир уйғотади. Агар раҳбар халқ вакиллари олдида жавоб беришдан қочса, демак унинг фаолиятида қандайдир камчилик бор. Давлат идораси раҳбари бундай масъулиятсизликка йўл қўяётгани нафақат депутатларга, балки бутун жамоатчиликка нисбатан ҳурматсизликдир. Солиқ – бу халқнинг пули, унинг қандай йиғилаётгани ва сарфланаётгани ҳақида жавоб бериш ҳар қандай раҳбарнинг бевосита бурчи! Агар раҳбар ҳисобот беришдан қочса, у ўзи ўтирган мансабга муносибми?

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

28 Mar 2025 06:37

⚡️Хорижда ўқиганлар учун имтиёз ва имкониятлар яратилади

Жорий йил сентябрдан халқаро мактаб фаолиятини йўлга қўйиш режалаштирилмоқда. Бу ҳақда иқтидорли ёшларни қўллаб-қувватлаш тизимини такомиллаштиришга бағишланган тақдимот йиғилишида маълум қилинди.

Дастлаб 8-синф битирувчилари орасидан энг иқтидорли 60 нафар ўғил-қиз саралаб олинади. Уларга мўлжалланган таълим дастури халқаро андоза асосида 3 қисмдан – асосий фанлар, ихтисослик фанлари, етакчилик ва ижтимоий фаолликни ўргатувчи фанлардан иборат бўлади. Ўқув йили 3 даврга бўлиниб, 11 ой давом этади.

Шунингдек, хорижда таълим олиб қайтганлар учун имтиёзлар, грантлар, стартап дастурлари ва бошқа имкониятлар яратилади.

Ёшларни Американинг “Печак лигаси” (The Ivy League) университетларига тайёрлаш йўлга қўйилади. Бу йил дастлаб 3 минг нафар ўқувчи саралаб олинади. Уларга Президент ва ихтисослашган мактаблардан 208 нафар маслаҳатчи бириктирилади.

Ўқувчилар Ренессанс оромгоҳида йил давомида 3 ҳафталик интенсив ўқув курсларда ўқитилади. Яхши натижа кўрсатган 40 нафар ўқувчи “Печак лигаси” университетларига тажриба алмашиш учун юборилади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

28 Mar 2025 01:27

#Рост_ҳикматлар

✅Асосийси олий таълим эмас, олий тафаккур. Ўта илмли бўлсангиз-у лекин соғлом фикрлай олмас экансиз, бунинг бари бефойда.

✍Юрий Гагарин

🌺 Кунингиз хайрли бўлсин!

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

27 Mar 2025 16:29

⚡️ Пойтахтда боғча директори 8500 доллар билан қўлга тушди

Тошкент шаҳар Олмазор туманидаги мактабгача таълим ташкилоти раҳбари 8500 АҚШ доллари миқдорида пора олган вақтида ушланди. У Шайхонтоҳур туманидаги 4 та мактаб футбол майдонларини аукцион орқали ижарага олиб беришни ваъда қилган. Ҳозирда унга Жиноят кодексининг 168-моддаси 2-қисми “а” банди ва 28,211-моддаси 1-қисми билан жиноят иши қўзғатилган.

Шунингдек, Қорақалпоғистонда мактабгача ва мактаб таълими бўлими бошлиғи бош мутахассис билан тил бириктириб, ўқитувчини раҳбарлик лавозимига тайинлаш эвазига 15 млн сўм пора олган вақтида қўлга олинди. Ҳар икки ҳолат бўйича Жиноят кодексининг 168-моддаси билан жиноят иши қўзғатилган.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor