Rost24 | Расмий канал

21 Nov 2024 17:30

⚡️Ота-она қарамоғидан маҳрум бўлган ёшлар давлат фуқаролик хизматига танловсиз қабул қилинади

"Болаларни ижтимоий ҳимоя қилиш тизимини янада такомиллаштириш чора-тадбирлари тўғрисида"ги Президент Фармони (ПФ-185-сон, 14.11.2024 й.) қабул қилинди.

Унга кўра, 2025 йил 1 февралдан:

—оилавий болалар уйини ташкил этиш учун оиланинг эр ва хотиндан иборат тўлиқ оила бўлиши талаби бекор қилинади;

—Олий таълим муассасаларини тамомлаган етим ва ота-она қарамоғидан маҳрум бўлган ёшлар давлат фуқаролик хизматига танловсиз қабул қилинади;

—30 ёшга тўлган фуқароларга оилавий болалар уйини ташкил этишга рухсат этилади;

—ижтимоий ҳимояга муҳтож болалар оилага тарбияга (патронат) фақат уларнинг қариндошларига берилади;

—етим болалар ва ота-она қарамоғидан маҳрум бўлган болаларнинг яшаш харажатлари, оилавий болалар уйини ташкил этган фуқароларга болани тарбиялагани (парваришлагани) учун ажратиладиган маблағлар тарбияланувчилар умумий ўрта, ўрта махсус ва бошланғич профессионал таълим муассасаларини тамомлагунига қадар берилади.

2025 йил 1 мартдан:

—ёлғиз она (ота)га бир нафар фарзанди учун бола(лар) 3 ёшга тўлгунига қадар мактабгача таълим хизматидан фойдаланиш учун БҲМнинг 1 ярим бараваригача (562 минг 500 сўмгача) миқдорда моддий ёрдам берилади. (бунда моддий ёрдам эгизакларнинг ҳар бири учун берилади).

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

21 Nov 2024 15:30

⚡️Бизнес Вакил девони тадбиркорлар учун семинар ташкиллаштирди
 
Президент ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил девони ва Тошкент вилояти ҳудудий қурилиш ва уй-жой коммунал хўжалиги соҳасида назорат қилиш инспекцияси ва бошқа тегишли назорат органлари билан ҳамкорликда семинар ташкил этилди.
 
Бизнес Вакил девони матбуот хизматининг маълум қилишича, семинарда юздан зиёд тадбиркорлик субъектлари иштирок этди.
  
Тадбирда Президент билан ўтказилган очиқ мулоқотда белгиланган устувор вазифаларни бажариш, тадбиркорлар муаммоларни ҳал этишга доир берилган топшириқлар, ишбилармонлик ва инвестиция муҳитини яхшилаш борасида амалга  оширилаётган ишлар буйича тушунтиришлар берилди.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

21 Nov 2024 13:06

Қонунчилик палатаси ҳукумат аъзоларини маъқуллади

➖Очилбой Раматов - Ўзбекистон Республикаси Бош вазирининг ўринбосари;

➖Жамшид Қўчқоров Ўзбекистон Республикаси Бош вазирининг ўринбосари – иқтисодиёт ва молия вазири;

➖Жамшид Хўжаев Ўзбекистон Республикаси Бош вазирининг ўринбосари;

➖Зулайҳо Маҳкамова Ўзбекистон Республикаси Бош вазирининг ўринбосари – Оила ва хотин-қизлар қўмитаси раислигига маъқулланди.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

21 Nov 2024 12:41

Иссиқхоналарга газ бўйича чеклов йўқ – Энергетика вазирлиги

Аммо иссиқхоналар шина ёқмоқда.

Ижтимоий тармоқларда иссиқхоналар иситиш тизимини ишлатиш учун шина, целлофан, парранда гўнги ва бошқа зарарли тутун чиқарувчи ашёлардан фойдалаётгани ҳақидаги хабарлар тарқалмоқда.

Экология вазирлиги иссиқхоналарга ҳавога зарарли газлар чиқарадиган жисмларни ёқишига қарши огоҳлантириш берилганини эълон қилган эди.

Энергетика вазирлиги эса иссиқхоналарга табиий газдан фойдаланишга ҳеч қандай чеклов йўқлиги бўйича расмий муносабат билдирди.

"Президентнинг 2024 йил 26 сентябрдаги 339-сон қарорига мувофиқ, иссиқхоналар табиий газ учун тўловларни амалга оширган ҳолда фойдаланишлари мумкин бўлиб, уларга табиий газ етказиб бериш бўйича ҳеч қандай чекловлар мавжуд эмас.

Яъни, иссиқхона эгалари белгиланган тўловни амалга ошириб, табиий газдан фойдаланишлари мумкин", – дейилади Энергетика вазирлиги муносабатида.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

21 Nov 2024 09:48

Дориларни қимматлаштирилган нархда сотиб олган фуқароларнинг пуллари қайтарилди

Жорий йил бошидан бери 878 та дорихонанинг 107 773 та ҳолатда дориларни қимматлаштирилган нархда сотганлиги аниқланган.

Рақобатни ривожлантириш ва истеъмолчилар ҳуқуқларини ҳимоя қилиш қўмитасининг ҳисоб-китобига кўра, қиммат сотилган дорилар сабабли, истеъмолчилар жами 7 млрд сўмдан зиёд зарар кўрган.

Шу кунгача 405 та дорихонада дори воситалари нархлари оширилганлиги сабабли, асоссиз равишда олинган 2 млрд сўмга яқин маблағ истеъмолчилар фойдасига ҳал қилинган.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

21 Nov 2024 06:32

Шавкат Мирзиёев янги таркибдаги парламент аъзолари билан

Президентнинг ўнг тарафидан Бош вазир, Тошкент шаҳар ва барча вилоят ҳокимлари (сенаторлар), чап тарафидан эса Сенат ҳамда Олий Мажлис Қонунчилик палатаси раҳбар ва ўринбосарлари ҳамда Сенат қўмита раислари ўрин олган.

Орқа қаторда эса сенатор ва депутатлар жойлашган.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

20 Nov 2024 09:59

2025 йил “Атроф-муҳитни асраш ва “яшил” иқтисодиёт йили” деб эълон қилинди

Эл-юртимизнинг фикр-мулоҳазалари, хоҳиш-истакларини атрофлича ўрганиб, билдирилган тавсиялардан келиб чиққан ҳолда, бу борадаги ишларни янги, янада юксак босқичга кўтариш мақсадида Президент 2025 йилни юртимизда “Атроф-муҳитни асраш ва “яшил” иқтисодиёт йили” деб эълон қилишни таклиф қилди.

Йиғилганлар ушбу ташаббусни тўлиқ қўллаб-қувватладилар.

Ҳукумат йил номида белгиланган энг муҳим вазифалар бўйича давлат дастурини ишлаб чиқиши белгиланди.

Ушбу дастурда “яшил” технологияларни жорий этиш, сувни тежаш, кўкаламзор ҳудудларни кескин кўпайтириш, Орол фожиасининг оқибатларини юмшатиш, чиқиндилар муаммосини ҳал қилиш, энг муҳими, аҳоли саломатлигини мустаҳкамлаш каби масалалар устувор аҳамият касб этиши зарурлиги таъкидланди.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

20 Nov 2024 08:45

Тадбиркорларга мактаб қуриш учун 20 млрд сўмгача имтиёзли кредит берилади

Президент таълим сифатини оширишни таъкидлади.

Келгуси йилларда боғчаларда қамровни 80 фоизга, олийгоҳларда эса камида 50 фоизга етказиш Ҳукумат учун асосий вазифа қилиб белгиланди.

Бунинг учун халқаро молия институтларининг 61 миллион доллар маблағлари ҳисобидан 2025 йилда 252 та янги боғча барпо этилади. Шунингдек, 174 та боғча ва 379 та мактаб таъмирланади ва янгитдан қурилади. Бу мақсадлар учун бюджетдан 4 триллион сўм ажратилиши таъкидланди.

Шунингдек, тадбиркорларга мактаб қуриш учун 20 миллиард сўмгача имтиёзли кредит ҳам берилиш айтилди.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

20 Nov 2024 08:04

Яна иккита қўшни давлатга ID карта билан бориб-келинади – Шавкат Мирзиёев

Йиғилишда ташқи сиёсат концепциясини янги таҳрирда қабул қилиш зарурлигини ҳам таъкидланди.

"Ҳозирги вақтда фуқароларимиз Қирғизистонга ID карта билан бемалол бориб-келмоқдалар. Энди шундай тартибни Қозоғистон ва Тожикистон билан ҳам жорий этиш режалаштирилган", – деди Президент.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

20 Nov 2024 06:26

Бугун Президент Шавкат Мирзиёев Олий Мажлис Қонунчилик палатасининг Бош вазир лавозимига номзодни кўриб чиқиш ва Вазирлар Маҳкамасининг яқин ва узоқ истиқболга мўлжалланган ҳаракатлар дастури муҳокамасига бағишланган мажлисида нутқ сўзлайди.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

19 Nov 2024 14:49

⚡️ Россия — Украина урушида 12 164 нафар украиналик тинч аҳоли ҳалок бўлди, уларнинг 600 дан ортиғи болалар

Россиянинг Украинага қарши 2022 йил 24 февралда бошлаган урушидан буён 12 164 нафар украиналик тинч аҳоли ҳалок бўлди, 26 871 дан ортиғи эса жароҳатланди. Бу ҳақда БМТ бош котиби ўринбосари Розмари ДиКарло маълум қилди.

Бутун шаҳар ва қишлоқлар вайроналарга айланди, деди БМТ вакили. У расмий статистик маълумотларда келтирилган 12 164 нафар қурбоннинг 600 дан ортиғи болалар эканини таъкидлади. Бу фақат тасдиқланган рақамлар. Ҳақиқий ҳолат анча ёмонроқ бўлиши мумкин, деди ДиКарло.

Бундан ташқари, у сўнгги бир неча ой ичида тинч аҳоли орасида қурбонлар сезиларли даражада ошганига эътибор қаратди. Бу Россия октябрь, ноябрь ойларида ракета ва дрон ҳужумлари сонини оширган вақтга тўғри келган. Уруш оқибатида 4 миллионга яқин одам уйини ташлаб кетган, 6,8 миллиондан ортиқ украиналик эса мамлакатдан чиқиб кетган. Уруш сабаб кўплаб мактаблар масофавий таълимга ўтган, бу эса таълим сифатига жиддий таъсир кўрсатган.

Украина ҳозир дунёдаги энг оғир миналанган жойлардан бирига айланди – ҳудудининг деярли тўртдан бир қисми миналар билан зарарланган – Швейцариядан тўрт баравар катта майдон, дея таъкидлади БМТ Бош котиби ўринбосари.

Бироқ, Розмари ДиКарло Фаластиндаги ҳалок бўлган тинч аҳоли ва болалар сони ҳақида бирор гап айтмаган...

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

19 Nov 2024 11:33

⚡️ Ўзбекистон ҳукумати истеъфога чиқди

Ўзбекистон ҳукумати янги шаклланган парламент олдида ўз ваколатларини расман топширди. Бу жараён 27 октябр куни ўтказилган парламент сайловларига мувофиқ равишда амалга оширилди.

Конституциянинг 116-моддаси ва “Ўзбекистон Республикаси Вазирлар Маҳкамаси тўғрисида”ги қонуннинг 7-моддасига кўра, ҳукумат янги сайланган парламент олдида ўз ваколатларини соқит қилиши шарт.

Шу асосда, 19 ноябр куни Вазирлар Маҳкамасининг қарорига мувофиқ, амалдаги ҳукумат ўз ваколатларини зиммасидан соқит қилди.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

19 Nov 2024 09:20

⚡️ Танзила Норбоева яна Сенат раиси этиб сайланди

Олий Мажлис Сенатининг биринчи мажлисида Танзила Норбоева яна Сенат раиси бўлди. У илк бор 2019 йил июнь ойида ушбу лавозимга сайланган ва 2020 йилда ҳам қайта тасдиқланган.

Норбоева фаолияти давомида мактаб етакчиси сифатида иш бошлаган ва турли давлат органларида масъул лавозимларда фаолият юритган. Жумладан, 2010-2016 йилларда Ўзбекистон Касаба уюшмалари Федерацияси раиси, 2016 йилда эса Хотин-қизлар қўмитаси раиси ва Бош вазир ўринбосари бўлган.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

19 Nov 2024 05:48

⚡️ Миннатдорлик, манфаатдорлик, оддий ҳол ва қўрқув: Аҳоли коррупция ва у ҳақда хабар бериш борасида қандай фикрда?

Респондентларнинг 48,6 фоизи хабар бериш оқибатларидан қўрқишини, 25 фоизи хабар бериш бефойда эканини, ҳеч ким бунга эътибор бермаслигини билдирган. 14 фоиз киши пул ва совға беришни миннатдорлик белгиси сифатида кўради.

Батафсил: rost24.uz/uz/news/1999

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

18 Nov 2024 17:34

⚡️ 2025 йилда Ўзбекистоннинг давлат қарзи 45,1 миллиард долларга етиши мумкин

2024 йил 1 июль ҳолатига Ўзбекистон давлат қарзи 37 миллиард долларни ёки ялпи ички маҳсулотга нисбатан 33,2 фоизни ташкил қилган. Шундан давлат ташқи қарзи 30,9 миллиард доллар (ЯИМнинг 27,7 фоизига тенг), давлат ички қарзи 6,1 миллиард долларга (ЯИМга нисбатан 5,5 фоиз) етган.

Батафсил: rost24.uz/uz/news/1998

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

21 Nov 2024 15:41

⚡️"Билдирилган салбий фикрлар унинг шахсий қарашлари"

Истанбул бош консульхонаси ўзбек аёллари шаънига номақбул сўз айтилган ҳолатга муносабат билдирди

Сўнги кунларда Туркиядаги Stand Up`ларнинг бирида қизиқчи аёл томонидан ўзбек аёллари шаънига айтилган номақбул гаплари ижтимоий тармоқларда кўплаб муҳокамаларга сабаб бўлмоқда.

Унда туркиялик аёл ўз чиқишида давомида, агар улама киприк қўйсам ўзбек фоҳиша аёлларига ўхшаб қоламан, дея кулгуга олган.

Ушбу ҳолатга Истанбул бош консульхонаси томонидан расмий муносабат билдирилди. 

Яъни ҳар бир давлат ўз халқининг шаъни ва қадр-қимматини ҳимоя қилиш ҳуқуқига эга эканлигидан фойдаланиб, Туркия Республикаси ваколатли идоралари билан Уммухан Ўзденнинг ушбу хатти-ҳаракатига ҳуқуқий баҳо бериш юзасидан тегишли ишлар амалга оширилаётганини маълум қилинди. 

"Таъкидлаш жоизки, У.Ўзден томонидан билдирилган салбий фикрлар унинг шахсий қарашлари бўлиб, бу қардош турк халқининг миллатимизга нисбатан муносабатини англатмайди. 

Шу сабабдан ушбу ҳолат икки биродар халқлар ўртасидаги олий даражадаги дўстлик ҳамда мустаҳкам ҳамкорлик алоқаларига таъсир ўтказмаслигига ишонамиз", – дейилади Бош консульхона муносабатида.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

21 Nov 2024 13:33

Барча вазирлар ўз ўрнига қайта тайинланди

Олий Мажлиси Қонунчилик палатаси томонидан Вазирлар Маҳкамасининг аъзолигига маъқулланган қуйидаги номзодлар Президент Фармони билан вазир лавозимига тайинланди:

Лазиз Шавкатович Кудратов – Ўзбекистон Республикаси инвестициялар, саноат ва савдо вазири;

Ботир Эркинович Захидов – Ўзбекистон Республикаси камбағалликни қисқартириш ва бандлик вазири;

Иброхим Юлчиевич Абдураҳмонов – Ўзбекистон Республикаси қишлоқ хўжалиги вазири;

Шавкат Рахимович Хамраев – Ўзбекистон Республикаси сув хўжалиги вазири;

Шерзод Саиджанович Хидоятов – Ўзбекистон Республикаси қурилиш ва уй-жой коммунал хўжалиги вазири;

Илхам Рустамович Махкамов – Ўзбекистон Республикаси транспорт вазири;

Жўрабек Турсунпулатович Мирзамаҳмудов – Ўзбекистон Республикаси энергетика вазири;

Бобир Фархадович Исламов – Ўзбекистон Республикаси тоғ-кон саноати ва геология вазири;

Шерзод Хотамович Шерматов – Ўзбекистон Республикаси рақамли технологиялар вазири;

Азиз Абдукахарович Абдухакимов – Ўзбекистон Республикаси экология, атроф-муҳитни муҳофаза қилиш ва иқлим ўзгариши вазири;

Асилбек Анварович Худаяров – Ўзбекистон Республикаси соғлиқни сақлаш вазири;

Хилола Уктамовна Умарова – Ўзбекистон Республикаси мактабгача ва мактаб таълими вазири;

Конгратбай Авезимбетович Шарипов – Ўзбекистон Республикаси олий таълим, фан ва инновациялар вазири;

Адхам Ильхамович Икрамов – Ўзбекистон Республикаси спорт вазири;

Озодбек Ахмадович Назарбеков – Ўзбекистон Республикаси маданият вазири;

Акбар Джурабаевич Ташкулов – Ўзбекистон Республикаси адлия вазири;

Бахтиёр Одилович Саидов – Ўзбекистон Республикаси ташқи ишлар вазири;

Абдулла Хамидуллаевич Кулдашев – Ўзбекистон Республикаси фавқулодда вазиятлар вазири;

Пўлат Раззақович Бобожонов – Ўзбекистон Республикаси ички ишлар вазири;

Баходир Низамович Курбанов – Ўзбекистон Республикаси мудофаа вазири.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

21 Nov 2024 12:55

«Умра» зиёратини ташкил қилиш учун 12 та тур фирмага лицензия берилди

“Умра” тадбирларини ташкил этиш ва ўтказиш фаолиятини амалга ошириш учун якка тартибдаги лицензия бериш бўйича Танлов комиссиясининг қарорига мувофиқ қуйидаги талабгорлар танлов ғолиби деб топилди:

1. “Ihlos travel 1” МЧЖ;
(Андижон вилояти, Андижон шаҳар, Ўзбегим МФЙ, Бобур шох кўчаси 40в-уй)
2. “Yuksak travel Air” ХК;
(Фарғона вилояти, Марғилон шаҳар, Б.Марғилоний кўчаси 3б-уй)
3. “Муҳташам травел” МЧЖ;
(Наманган вилояти, Наманган ш, Шодлик МФЙ, А.Навоий кўчаси 2/1-уй, 3с-хонадон)
4. “Мусаффо туризм хизмати” МЧЖ;
(Наманган вилояти, Наманган шаҳар, Бобур мавзеси 10,4-уй)
5. “Risola travel lux” МЧЖ;
(Наманган вилояти, Наманган шаҳар, Уйчи кўчаси 1-уй)
6. “Хоразм умра жамияти” МЧЖ
(Хоразм вилояти, Урганч шаҳар, П.Маҳмуд кўчаси 350-уй)
7. “Ҳикмат Умра Травел” МЧЖ;
(Тошкент шаҳар, Миробод тумани, А.Темур шох кўчаси 43-уй, 41-хонадон)
8. “Реал Дреамс” МЧЖ;
(Тошкент шаҳар, Олмазор тумани, Зарқайнар 14-берк кўчаси, 75-уй )
9. “Travel with family” МЧЖ;
(Тошкент шаҳар, Олмазор тумани, Кичик ҳалқа йўли 21-уй )
10. “Sofa Marva tour” МЧЖ;
(Тошкент шаҳар, Олмазор тумани, Зиё МФЙ, Кичик ҳалқа йўли 19-уй)
11. “B2 Management” МЧЖ;
(Тошкент шаҳар, Яккасарой тумани, Ўрикзор кўчаси 124-уй)
12. “Safar time exclusive” МЧЖ;
(Тошкент шаҳар, Чилонзор тумани, 2-Чарх Камолон МФЙ, Бунёдкор кўчаси 2-уй)

Изоҳ: Лицензияда кўрсатилмаган манзил бўйича “Умра” тадбирларини ташкил этиш ва ўтказиш фаолияти билан шуғулланиш тақиқланади.

Дин ишлари бўйича қўмита

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

21 Nov 2024 11:38

Китобингизда парламентга оид ғояларнинг қаймоғини кўрдим – Акмал Саидов

1997 йилдан бери парламент депутати сифатида фаолият юритиб келаётган Акмал Саидов Қонунчилик палатасининг илк йиғилишида давлат раҳбарига қарата профессионал тарзда шундай деди:

Яқиндагина чоп этилган китобингизда парламентга оид ғояларнинг қаймоғини кўрдим.

Бугун мен парламентга оид яна бир қанча ҳикматли тушунчаларни киритганингизни эшитдим. “Янги Ўзбекистон парламенти”, “Парламент – халқ уйи, демократия мактаби” дегандингиз. Бугун айтдингизки, “халқ хизматчиси”, “Халқ уйидан халқчил қонунлар чиқиши керак”, деган янги бир ҳикматли сўзларни айтдингизки, шунда мен ўйлаб қолдим. Ким бу Янги Ўзбекистон парламентининг ташаббускори, меъмори дейишса, мен сизни айтар эдим.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

21 Nov 2024 08:48

Экология вазирлиги Тошкент туманидаги иссиқхона масъулларини огоҳлантирди

Экология, атроф-муҳитни муҳофаза қилиш ва иқлим ўзгариши вазирлигининг маълум қилишича, Тошкент тумани ҳудудида атмосфера ҳавосининг ифлосланиш даражасини аниқлаш, таҳлил қилиш ва уларга нисбатан чора кўриш мақсадида ўрганиш ўтказган.

Ўрганиш натижаларига кўра, Тошкент шаҳри ва Тошкент вилояти билан чегарадош бўлган Тошкент ҳалқа автомобил йўли бўйлаб 9 та нуқтадаги ҳавода ифлослантирувчи моддалар миқдори ортиб кетганлиги маълум бўлган.

Давлат экологик назорат инспекцияси томонидан ўтказилган мониторингда ҳавонинг ифлосланиш даражаси ортиб кетган ҳудудларда 38 та иссиқхона мавжудлиги, баъзи иссиқхоналарни иситиш учун шина, целлофан, парранда гўнги ва бошқа зарарли тутун чиқарувчи ашёлардан фойдаланилиши, дудбўронларга фильтр ўрнатилмаганлиги аниқланган.

"Дудбўрондан фойдаланиш қоидаларини бузган жами 3 та иссиқхона эгаларига жарима қўлланилди, 9 тасининг фаолиятини тўхтатиш бўйича Иқтисодий судга даъво аризалари киритилди, 29 та фаолият юритиб келаётган иссиқхоналар эгалари давлат стандарти талабларига жавоб берадиган чанг-газ тозалаш ускуналарини ўрнатмаган тақдирда, қонуний жавобгарликка тортилишлари ҳақида огоҳлантирилди", – дейилади Экология вазирлигининг хабарида.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

21 Nov 2024 04:30

#Рост_ҳикматлар

Бахтли кунлар сен тарафга келмас, сен у тарафга юриб боргайсан.

✍️ Жалолиддин Румий

🍁 Кунингиз хайрли ўтсин!


ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

20 Nov 2024 09:40

Абдулла Арипов яна Бош вазирликка тасдиқланди

Яширин овоз бериш йўли билан депутатлар Абдулла Ариповни Ўзбекистон Республикаси Бош вазири лавозимига маъқулладилар.

Абдулла Арипов 2016 йил декабридан буён Ўзбекистон Бош вазири сифатида ишлаб келмоқда.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

20 Nov 2024 08:17

Президент Бош вазир лавозимига Абдулла Арипов номзодини тақдим қилди

Айни пайтда бўлиб ўтаётган мажлисда Президент мамлакат янги парламент билан бирга ўз тараққиётининг ҳал қилувчи босқичига қадам қўяётганини таъкидлади. Бу янги даврда кечаги талаб ва мезонлар билан, эскича ишлаб бўлмаслиги қайд этилди.

"Абдулла Арипов катта ташкилотчилик салоҳиятига эга бўлган, ижро ҳокимияти тизимида бой билим ва тажриба орттирган, масъулиятни доимо чуқур ҳис этадиган раҳбар", – деди Шавкат Мирзиёев.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

20 Nov 2024 07:56

Президент соғлиқни сақлашда суғурта тизимини жорий этиш лозимлигини таъкидлади

Президент соғлиқни сақлаш бўйича Ҳукуматнинг кун тартибида туриши керак бўлган асосий вазифаларни санаб ўтди:

- ўртача умр кўриш даражасини 78 ёшга етказиш тиббий хизматларнинг сифатини ошириш;

- 2025 йилда бирламчи бўғинда 3,7 миллион нафар аёлни скринингдан ўтказиш, бу жараённи рақамлаштириш орқали саратон касалини эрта аниқлаш кўрсаткичини 85 фоизга етказиш;

- маҳаллалардаги 18 мингта тиббиёт бригадаларини ўқитиш, 884 минг нафар беморни уй шароитида реабилитация қилиш;

- давлат тиббий суғуртаси ва аҳолига “кафолатланган пакет” асосида тиббий ёрдам кўрсатиш тизимини келгуси уч йилда бутун Ўзбекистонга жорий қилиш.

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

20 Nov 2024 03:30

#Рост_ҳикматлар

✅ Тушунмаганинг тушунмаганингдан бўлса, ҳали тушунасан.
Тушунмаганинг тушунмаслигингдан бўлса, бу дарднинг давоси йўқ.

✍️ Ҳусайн Бухорий

🍁 Кунингиз хайрли ўтсин!

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

19 Nov 2024 11:54

⚡️ Чиқиндидан қарзи борлар тармоқдан узилмоқда(ми?)

Аввалроқ ижтимоий тармоқларда "чиқиндидан қарзи борлар тармоқдан узилмоқда" мазмунидаги хабарлар тарқалганди. Бироқ "Ҳудудий электр тармоқлари" акциядорлик жамияти бу хабарни рад этди.

Қайд этилишича, ташкилот ҳозирда юқоридаги ҳолат юзасидан техник ишлар олиб борилаётганлигини, амалиёт тўлиқ ишга туширилиши билан ОАВ орқали расмий маълумот берилишини хабар берган. Шунингдек, ижтимоий тармоқлардаги турли хил канал админларидан тасдиқланмаган хабарларни тарқатмасликни илтимос қилган.

Эслатиб ўтамиз, жорий йилнинг 4 январь санасида Президент фармони мувофиқ чиқинди хизматлари учун ойлик тўловлардан қарздорлиги бўлган абонентларнинг электр учун тўловларини қабул қилишни вақтинчалик чеклаш амалиётини жорий этиш белгиланган.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

19 Nov 2024 10:34

⚡️ 2025 йил камбағалликни қисқартириш мақсадида бюджетдан 500 млрд сўм йўналтирилади

Бугун, 19 ноябрь куни Ўзбекистон Республикаси Олий Мажлиси Сенатининг биринчи мажлиси бўлиб ўтди.

Мажлисда камбағалликни қисқартириш ва аҳолини ижтимоий ҳимоя қилиш масаласи кўриб чиқилди:

Жумладан, 2025 йилдан 65 турдаги ижтимоий хизмат ва ёрдамлар, 50 га яқин имтиёзларни ўзида мужассам этадиган ягона "Ижтимоий карта" тизими йўлга қўйилади.

Шунингдек, келгуси йили камбағалликни қисқартириш ва аҳолини ижтимоий ҳимоя қилиш мақсадида бюджетдан 500 миллиард сўм йўналтирилади.

Даромади ва соғлиғини йўқотиб, оғир ижтимоий вазиятга тушиб қолган юртдошларимизни қўллаб-қувватлаш кўлами босқичма-босқич кенгайтирилади. Бунинг учун "Ижтимоий суғурта тўғрисида"ги қонун қабул қилинади.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

19 Nov 2024 08:33

Энди ўқувчилар мактабда киберспорт, дрон ўйинлари бўйича беллашади

“Ўқувчи-ёшларни чақирувга қадар бошланғич тайёрлаш тизимини янги босқичга олиб чиқиш чора-тадбирлари тўғрисида”ги Президент қарори (ПҚ-393-сон, 15.11.2024) қабул қилинди.

Унга кўра, 2025/2026 ўқув йилидан бошлаб умумий ўрта таълим ташкилотларида:

—Ўқувчилар ўртасида киберспорт, дрон ва робототехника, келажак ўйинлари бўйича алоҳида танловлар ҳамда ҳарбий-спорт мусобақалари ўтказилади;
—"Ватан тақдирига дахлдорлик туйғуси, фаол ҳаётий позиция" тамойилига асосан ЧҚБТ фанида янгиланган ўқув дастури ва дарсликлари яратилади;
—2025 йил 1 июндан таълим ташкилотларида ушбу фан раҳбари лавозими жорий этилади.
—таълим ташкилотларида ЧҚБТ фани ҳафтасига икки соатдан ўқитилади.

Эслатиб ўтамиз, бундан олдин эндиликда мактаб ўқувчилари қурол ишлатишга ўргатилиши ҳакида хабар берган эдик.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor

Rost24 | Расмий канал

19 Nov 2024 03:46

#Рост_ҳикматлар

✅ Бизлар бир-биримизни тасодифан учратмаймиз. Биз аллақачонлар онгостимизда мавжуд бўлганларни учратамиз.

✍️ Зигмунд ФРЕЙД

🍁 Кунингиз хайрли ўтсин!

ROST24.uz | Telegram | Facebook | Instagram | rost24official?si=otmDba5c_KW8ytF9">YouTube

Rost24 | Расмий канал

18 Nov 2024 16:41

⚡️ Омбудсман лавозимига сурункасига икки муддатдан ортиқ сайланиши мумкин эмаслиги белгиланди

"Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) тўғрисида"ги Қонун (ЎРҚ-1002-сон, 15.11.2024 й.) имзоланди.

Янги қабул қилинган қонунга кўра омбудсман:

— лавозимига 30 ёшдан катта, камида 5 йил Ўзбекистонда яшаган фуқаро сайланиши мумкин.

— 5 йил муддатга сайланади ва бир шахс кетма-кет икки муддатдан ортиқ лавозимда бўла олмайди.

— Сиёсий партияга аъзолик ваколатлар даврида тўхтатилиши ёки тугатилиши шарт.

— ҳақ тўланадиган бошқа фаолият билан шуғуллана олмайди (илмий, ижодий ва педагогик фаолиятдан ташқари).

Шунингдек, омбудсманга қонунчилик ташаббуси киритиш ва инсон ҳуқуқлари бузилишини текшириш ваколатлари берилган.

Омбудсман қуйидаги ҳуқуқларга эга:

— Республика ҳудудида ҳаво, темир йўл ва автомобиль транспортида (такси ва шаҳар транспортидан ташқари) имтиёзли юриш (унинг ёрдамчиси ҳам)

— Чет эл фуқаролари ва фуқаролиги бўлмаган шахслар, юридик шахслар ҳуқуқлари бузилишига доир шикоятларни кўриб чиқиш ва текширув ўтказиш.

— Қонунчилик ташаббуси тартибида таклифларини Олий Мажлис Қонунчилик палатасига киритиш.

Қонун расмий эълон қилинган кундан эътиборан кучга киради.

ROST24.uz | Telegram | Facebook
Instagram | rost24official?si=otmDba5c_KW8ytF9">YouTube | Tezkor