-
Наша ціль — представити вам найліпшу коротку прозу, коментарі і поезію од меджинародной русиньской комуніты.
Колись исьме вчинили два ґеополітичных звіта за ситуацію у Карпатськуй Руси ай Діаспорі. Они, хоть и не дуже глубоко, айбо давут позур на поєдны факты, котрі овливнювут нашу сполочность. Теперь, з невеликыма змінами, они будут перепубликовані нашым офіційным стандартом. Дайте нам знати, кідь бы сьте хотіли подобного булше.
Ґеополітичный звіт – Щезавуча молоджава
Ґеополітичный звіт – Закладені обовязкы статичности
Ґлобалізація и карпатські русины
...Хоть силы ґлобалізації отворявут двері про нові возможности и май широкого културного обміна, они такой чинят серіозні проблемы про всокоченя унікальной індентичности и наслідства русинув, котрі ся приумножавут дестабілізувучыма выслідками войны. Єдным из май глубокых наслідкув ґлобалізації про карпатськых русинув є угроза културной ерозії. По мірі того, як ґлобалні масмедії й популярна култура ся кам май удну доставут у всі закуты світа, самобытный язык, традиції й сохташ русинув ризикувут ся обстати у тіни май домінувучых културных наративув.....
Читайте дале
Нова книжка, як вам? До слова, годни сьте дустати ушиткі наші роботы у електронум форматі через 5-доларову пудписку на нашум Patreon.
Централна Руська Народна Рада: У роботі ся наперво пописувут шелиякі протесты й меморандумы, котрі Рада выдала у 1920-1927. рр. Переважно тоты протесты й меморандумы ся дотыкали вопросув границі Пудкарпатськой Руси тай Словакії тай реалізації ідеї пудкарпатськой автономії.
5.5x8.5
59 сторунок
Історія Централной Руськой Народной Рады
Купити туй
"Покля чоловіку быв подарованый Всевышнім холем основный інтелект, котрый му дозволить такы основны мозґовы операції як рахованя до десять, пак му мусить быти ясне, же україньскый амбасадор під камуфлажов помочі лем здобывать вплив, котрый має служыти на тиху українізацію Русинів.
Тоту політіку сьме розкрыли вже давно, а знаме і то, же части русиньскых інтелектуалів у Войводині, проукраїньского напряму, то нелем не перешкаджать, але докінця пасує до їх світа. Што є новотов, то вість, же теперь уж нелем україньска амбасада іде „спасати“ Русинів, але же русиньска інштітуція іде помагати Українцям будовати їх інштітуції."
Афініта ку самодештрукції (Lem.fm)
Погляд у будучность
Пусля катастрофічной войны з Прусійов у 1866. годі, Габсбурґська Монархія фест полівила польськуй еліті у Галичині, из котров мала была читаву конфронтацію. У тот час, русины, котрі были лоялні д Австрійськуй Імперії й нич не жадали од короны, не дустали были нич, позад чого ся пак оказали у невыгоднум політичнум положеньови.
Бігом дакулкох місяцю были фест розкритиковані лідеры русинув у Галичині, знамі ги "Партія Сятого Ґеорґа (sviatoiurtsi)". Стало ся йсе йзокрема дякувучи чоловікови, котрого звали Иван Наумович. Вун пуддав критиці політичні статеґії, котрі тогды хосновали русинські лідеры, и запропоновав потребні крокы, жебы выправити їм хыбы у маніфестови, котрый первотро быв ним публикованый в 1866. годі пуд псевдонимом "Єден имням многых". Сесь маніфест на 2000 слув знаменовав зачаток новой еры про русинув Галичины тай ескалацію етнополітичного конфлікта меджи русинами й поляками в реґіонови.
Купити туй
Русинськоє двиганя у час масштабной войны
...Но вєдно из тым, приходит на ум звіданя – а ци є хоть якоєсь русинськоє двиганя в Пудкарпатю? Видит ся, же є. Айбо на ділі, кроме проведеня якогось фестиваля, ци выставкы не є нич. Выдаваня раз у три місяці журнала по-русинськы видит ся величезным добытком, што в ідеалі має мати рядовый характер. Реалного двиганя, у повному розуміньови сього слова, за карпатськых русинув у Пудкарпатьови не є. А война ищи усьо усугубила.
Читайте дале
We will continue to release articles and curated submissions by readers throughout the months of May and June in addition to book releases and other SM posts, however we will not be regularly posting many times every week as we usually have. Why?
- Our goals regarding The New Rusyn Decade have led us to be more concentrated on efforts that do not fit well in pure online formats. Sometime in the future we will update you on them.
- An explanatory text regarding what we mean by "Rusyn Evolution" is being written and requires dedication. Think of it as an illumination of the ethos and ideology behind SRE and the New Rusyn Decade but less crafted for mass consumption.
Books and articles will continue to be released every month. The institution building and push for evolution will be ever-moving. We're just doing the necessary work that is less instantaneously released right now.
Слобода через думаня, Розвуй через діяня
* * *
Бігом мая тай юнія будеме публиковати статі й матеріалы читателюв у доповненя д выпускам книжок ай другым постам, айбо не будеме тото чинити реґуларно много раз на тыждень, як исьме тото чинили обычно. Чом?
- Наші цілі подля Новой Русинськой Декады посиловали нас ся сконцентровати на тых ділах, котрі ся доста пудло вписувут у онлайн-формат. Колись пак у будучности за них розповіме.
- Пишеме текст, котрый розяснит нашоє розуміня того, што є "русинськый розвуй". Вун жадат велікой одданости. Унимайте го ги матеріал про высвітленя духа тай ідеолоґії, котрі стоят за ОРР тай Новов Русинськов Декадов, котрый шак не парує про масового потребетеля.
Книжкы й статі будут выходити каждый місяць. Фурт будеме йти вперед у ділови стремленя д еврлуції й створеньови трібных інститутув. Мы просто чиниме мусайну роботу, котру шак не буде слідно нараз.
Слобода через думаня. Розвуй через діяня.
Розуміня реалної ситуації (од 02.04.2022)
Много што ся поміняло про наш наруд за довгі рокы. Не мінят ся єдно – неваловшность думати чисто раціонално на благо русинського народа. Некомпетентность такого уровня, ож фурт лем стаєме у блуды, и мож ся помалы бізовати, ож зась туды станеме. Тіни нашых предкув ся правом из нас чудуют.
Ото не секрет, не є што прятати – удношу ся з пудозров до української державы в цілови, и пудозріваю, ож сеся война не принесе нашому народови нич доброго. Не вірую, ож «дежурні» слова на пудпору української армії дуже поможут нашому ділу. Вижу в них лем страту інтелектуалної суверенности и готовость зажмурити очи на минулі проблемы в надії на штось новоє. Тота наївность мине ипен так скоро, як ото было в нашых предкув, коли ся наконець дочекали руськых. Ото хыбноє рішеня, што ся сперат на страх и емоції, а не на стратеґію.
Раз нитко другый не має дяку публічно писати на тоту тему, возьму ся за неї я. Напишу, які про нас годны быти резултаты сього конфлікта. Ото ми не принесе радость, айбо твердо си гадаю, ож мусай ото зробити, бо видит ся, ож инак ся тема лишит невысловлена. Хоче ся перервати нервозіту, што висит у воздусі.
Читайте дале
21.05.2024...
Централна Руська Народна Рада: історія 1927. рока, написана з позиції єї русофілськой фракції. У роботі ся наперво пописувут шелиякі протесты й меморандумы, котрі Рада выдала у 1920-1927. рр. Переважно тоты протесты й меморандумы ся дотыкали вопросув границі Пудкарпатськой Руси тай Словакії тай реалізації ідеї пудкарпатськой автономії.
https://rusynstore.com/products/history-of-the-rusyn-national-council
"Мы не просто изучаєме минулость: мы ю наслідуєме, а наслідство тягне за собов не лем право власности, ай и обязаня печливости. Тото, за што бойовали й за што умирали, не гудно кельтовати. Бо вто є власность другых. Тых, ко ся щи не родив."
– Роджер Скрутон
Інструменты асимілації
...Україна не лем іґнорує законні вымогы русинського народа на вызнаня їх індентичности тай языка, ай усякыма способами ся старат асиміловати русинув Пудкарпатя.
Од момента одержаня самомтуйности у 1991. році Україна продовжила політику Радянського Союза, а ипен измагат ся асиміловати карпатськых русинув Закарпатськой области, обы укріпити національноє єдинство (Єдна держава – єден народ) и обезпечити політичну стабілность. Май читаво ся замічат, як нам тай другым народам, роками наязувут українськый язык тай културу, жебы «передбігнути реґіональному сепаратизмови». Україна видит у карпатськых русинах угрозу про свою територіалну цілосность, а тот неоправданый страх дручат ю на пудлі дії односно русинув...
Читайте дале
It should go without saying (but must be said by someone) that whoever is "aiding" this Ukrainianization in areas that have never had Ukrainians should be ridiculed and ostracized from our institutions and cultural life. They want to be Ukrainophiles, then they are no part of a us, they are ethnic traitors of the worst sort. The director of Ruske Slovo attends a meeting under the moniker Ukrainian-Rusyn? Remove him from his position, it is unacceptable.
Too often we use the tool of morality to hide our cowardice toward doing what must be done. No more.
-S
Принимаєме книжкы, пропозиції по книжкам, русинські вадь анґліцькі товмаченя книжок, што сут народнов власностьов про наш ґрафік релізув на 2025. рук. Будеме раді видіти новых писателюв, и тых, ко воліє писати анонімно пуд псевдонимом.
Мы публикуєме політичні, історичні й філозофські роботы. Особу увагу даєме експеріменталным, изглядователным націоналістичным/політичным и філозовськым творам. Особы, котрі мавут академічні знаня авадь знаня академічного уровня такой годни заганяти научні роботы.
Заганяйте нам свої пропозиції на rusynsociety@protonmail.com из куртым росказом за себе тай за свуй проєкт.
Кідь біда ся мусит стати, та най бы ся стала у мої дны, жебы діти ми мали супокуй; єдиной сьой думкы, кідь ї правилно схосновати, доста, жебы пробудити у каждум чоловікови чувство довга.
- Томас Пейн
Nearly all of our recent products are now also on sale at Amazon. Links to each are below.
Скоро вшиткі продукты, котрі сьме выпустили за послідньый час, сут теперь ай на Amazon. Лінкы на каждый з них.
* * *
Autobiographia: https://www.amazon.com/dp/B0D2561XT2
On the Current Religious-Political Situation in Austro-Hungarian Rus: https://www.amazon.com/dp/B0D3BRC3LY
The Origin of the Lems, Slavs of Danubian Provenance: https://www.amazon.com/dp/B0D229WRYW
Я Русин: https://www.amazon.com/dp/B0CWZYFC4K
Иван Сільвай и Иван Раковськый: Критико-біоґрафічный нарис: https://www.amazon.com/dp/B0CRZCGWF6
Черезмірна ідеалізація
Кой мы споминаєме Духновича, часто говориме за нього лише позитивно. Даже булше – фактично ідеалізуєме го. Из каждым роком його біоґрафії надаєме рисы романтизму. У нашых очах Духнович – отець русинського народа, а його особа повна порядности, доброты, жертовности и другых позитивных рис. На честь Духновиича названі улиці, премії. Будительови одкрывавут памнятникы тай бюсты. Айбо на тлі його велизечного вклада, мы не годни одвернути ся од обговореня и його хыб. - Анонім
Читайте дале
τέτλαθι δή, κραδίη: καὶ κύντερον ἄλλο ποτ᾽ ἔτλης.
Терпи, серце моє: пак ищи гуршоє перетерпиш.
— Гомер, Одісея
Чом я ся так неприятельсько одношу д подакотрым ґрупам люди в нашум обществі? Одповідь така: они представлявут тоту часть інтеліґенції, котра зохабила свої обовязкы и створила простур, у котрум исі люде табуйовали поєдны темы, жебы утаити свої невдачі тай свою посправдішню ідеолоґію (униканя інтелектуалной авадь даякой иншой суверенности, гіперфіксація на селянськуй културі тай униканя старшой інтеліґенції, інтернаціоналізм и т.д.). Другыма словами: утаєня того факта, же вни ціле не хотят русинськой інтеліґенції, ай хотят быти колоритнов частьов словацькой/америцькой/ищи даякой. Каждый, ко посправді боронит русинську сполочность, є про них угрозов. Уважованя на цілі, покладені спередущым поколіньом, є про них угрозов. Цілі „Новой Русинськой Декады“ сут про них угрозов.
Люде, д котрым сесе ся односит, знавут мене, а я знаву їх. Мы з нима не цімборуєме тай не сьме союзникы; булше вам уповім, про мене йся їхня затяжна бавка у „проґрес“ мерзька. Сесе реґрес народа у имня проґреса, обман, котрый хоснувут сугубо в личных інтересах. Теперь, коли націоналізм зась ся пробудив у Европі, а епоха ґлобалізма ся близит ид кунцьови, серенча докус не на нашум боці. Про русинув в Україні не є ниякой щасливой лібералной будучности, не буде вертаня нам Лемковины, наші інституты тай язык умиравут. Сеся челядь нас просто заєбала, и перебачте, кідь не выстават ми терпіня д ним, докіть мы ся змагаєме исправити їхні дії.
Кідь будучность и є, та єї здобудут тоты, ко ся свище на такых людий тай буде робити тото, што мусай.
- Старік