895
هَذِهْ القَنَاةُ مُخَصَّصَةٌ لِنَشْرِ قَصَائِدِ مُنَاسَبَاتِ أَهَلِ البَيْتِ عَلَيْهِمْ السَّلَامْ
( نخوّه لمولانا جعفر ابن ابي طالب عليه السلام )
جعفر الطيّار مدينا اليدين
*****************
يالذي لمصابه ناح المصطفى
اوحيدر الكرار دمعه يذرفه
انريد منّك سيدي وصفة شفا
اتشافي مرضانا المريضه من سنين
*****************
جعفر الطيّار جيناك ابطلب
ابجاه زينب والخدر هاللي انسلب
اوبالغريب احسين من قلبه انشعب
ابسهم المثلث اوخر يجذب ونين
*****************
ندري امصابك صعب كلش فجيع
لچن ما ذبحوا على صدرك رضيع
ولا عزيزه امخدّره بعدك تضيع
يسلّبوها هالأعادي الظالمين
*****************
لچن ما صابوا اعيونك بالسهم
اولا تعنى لك أخو حيله انهدم
ولا إجت يشمت على خوك الخصم
مثل عباس الگمر ويَّه الحسين
*****************
وانتَ ماذبحوك ويلي من گفاك
اولاسهم طلَّعته ويلي من وراك
اوجالك المختار يمسح لك دماك
اوساعة التشييع جات المؤمنين
*****************
نسأل الله بيك والساده الغرر
ينكشف عنا البلايا والخطر
اويطلع إلنا حجة الله المنتظر
اوننكتب من صحبته المستشهدين
تمَّت بحمد الله و منّه
يوم الثلاثاء : 7 / 5 / 1442هـ
أخر تعديل : 5 / 5 / 1445هـ
العبد المقصّر : سجاد ناجي العديل
/channel/sajjadnaji2015
( جلوة لميلاد السيدة زينب عليها السلام )
انبارك الليله للهادي اوعترته
ابمولد الحرّه العقيله ابنيّته
************
ذكري الله يا شيعه اوهلّلي
ابمولد الحرّه زينب بت علي
اوكل حزنه لجلها ينجلي
اوكل محب عدها بيلقى فرحته
************
ياللي تزوروا العقيله ابهالمسا
وصلوا سلامي لها امن ارض الحسا
اوقولوا امحبّچ تراهُ ما نسى
ابمولدچ هاليوم علّگ زينته
************
علّگنا زينه اوعملنا هالحفل
والبهجه منتشره ليچ ابكل محل
اونسأل امن الله ايْتقَبّل هالعمل
والغريب احسين نوصل حضرته
************
نطلب الله يحقّق هالمُنى
اونعتني لچ يا زينب كل سنه
هذا مطلبنا يا حره كلنا
اوقبرچ المهيوب نشتم ريحته
************
بيچ والله نهنّي فاطمه
ويّ بوالحملات حمّاي الحمى
فرحانه هاليوم لارض ويّا السمه
والملك رضوان زيّن جنّته
************
وانهنّي المهدي ابجيتچ يالطهر
اونبارك احنا اونرش لجلچ عطر
اونطلب الله يتمّم هالأمر
طلعت المهدي اونشارك نصرته
************
تمَّت بحمد الله و منّه
الاثنين: 3 / 5 / 1444هـ
العبد المقصّر: سجاد ناجي العديل
/channel/sajjadnaji2015
( موشحات لمولد السيدة زينب عليها السلام )
هذهِ بِنْتُ الهُدَى و المَكْرُماتْ
أشرقت أنوارُها بالبَركاتْ
هي سرٌ هي نورُ الكائنات
فارفعوا أصواتكم بالصلوات
ياللي رايد كل همومك تنجلي
اوتنگضي الحاجات كلها تنگضي
اعتني الزينب الحره بت علي
اوعلِّي صوتك بالصلاة اعله النبي
ياللي عندك كم هموم اومُعضلات
والعمر گضّيته بين المشكلات
اوهم عليك انسدت ابواب النجات
الـ مقام الحره ارفعها الصلاة
ينجلي همك وحگ ام الهدات
زينب اللي حيّرت كل العقول
اوفي مدحها مادري انا وش اقول
يكفي بوها حيدره اوأمها البتول
يا سلام الله على جدها الرسول
تمَّت بحمد الله و منّه
5 / 5 / 1444هـ
العبد المقصّر : سجاد ناجي العديل
/channel/sajjadnaji2015
(ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ)
مولد السيدة زينب عليها السلام
هالليله مولد زينب الحره
وانهنّي بوالحسنين والزهره
************
هالليله مولد بت علي أشرق علينا
وانهنّي جينا بوالحسن ويا نبينا
احنا على حب النبي وآله ربينا
ولغيرهم طول العمر لا ما سعينا
والليله جينا ابمحفل الدره
وانهنّي بوالحسنين والزهره
************
حيَّ الله بضعة حيدره الحرّه الابيّه
على العاده جينا نحتفل ويه الزچيّه
مبروك يا ام الحسن جاتچ هديّه
ابنيّه عظيمه اوتشبه الشمس المضيّه
بيها الخلايق كلها مستره
وانهنّي بوالحسنين والزهره
************
فخر الهواشم بت علي حين الولاده
اهل السّما واهل الارض ليها ابسعاده
وهذا محبها في الحفل بالفرحه ناده
لايق عليها الفاضله تاج السّياده
سر المحبه ماحد ايفسره
وانهنّي بوالحسنين والزهره
************
هذي العزيزه العالمه بنت ابوالحسنين
ثالث ضنا الفاطمه خت حسن واحسين
الله كرّمها الفاضله بنت الميامين
وعلاّها بعد امها على كل النساوين
اوهذا الفضل ما حد عرف سرّه
وانهنّي بوالحسنين والزهره
************
نقسم قسم في كل سنه نحيي حفلها
ونعلق الزينه ابكل محل والله لجلها
هذي العظيمه اللي ابواليمّه يجلها
مشتاق قلبي للطهر يمتى نصلها
وانسوّي محفل ليها وشكبره
وانهنّي بوالحسنين والزهره
************
هذي العقيله الكامله اوبنت الكوامل
منها متعَلْم الأبى خيها بوفاضل
اونطلب بعد منها على الخدمه نواصل
اونظرة لُطف تنظر إلى كل المحافل
تكفينا منها هالطهر نظره
وانهنّي بوالحسنين والزهره
************
وآخر طلب يطلع لنا الطوّل علينه
المهدي يمتى رايته ينشر ولينه
وانحصل شهاده يالطهر مابين ايدينه
اوكلنا نكون ابخدمته يا هالأمينه
اونحظى مع مهدينه بالنصره
وانهنّي بوالحسنين والزهره
************
حسن الناصر
سجاد العديل
1447هـ
( السيدة الجليلة فاطمة المعصومة عليها السلام ١٤٤٨هـ )
يا شبيهة فاطمه المظلومه
ما نسينه امصيبتچ معصومه
************
ما نسينه امصيبتچ يالطاهره
ما نسينه اعليچ شالحل اوجرى
من بعد مولاچ صرتي امحيره
والقلب ويلي انشحن بهمومه
************
البُعد عنّ الرضا فت القلب
والمدامع بالوجن منّچ تصب
اوتالي انويتي تقطعين الدرب
اودمعتچ فوق الوجن مرسومه
************
شلتي من الاوطان انتي واخوتچ
قصدچ الخوچ الرضا في سفرتچ
والعدو جهّز اجيوشه الجيتچ
اودارت اعليچ العدى الميشومه
************
صارت الواقعه والخطب المهول
اوچتلت العدوان اولاد الرسول
وصرتي وحدچ آه يا بنت البتول
واخوتچ كلمن سبح بادمومه
************
خيّم اعليچ التعب ويّ المرض
والجسد منّ الألم حيله انبهض
صعب عالمعلوله چيف بتنتهض
والأخو ما تدري شنهو اعلومه
************
إلى قُم اهناك وداچ القدر
اومن بعد ما شلتي احزان اوقهر
بيها لن الموت جالچ يالطهر
اوغمّضت عيناچ يالمظلومه
************
تالي جاچ الرضا وابنه جهّزوچ
وبالمهابه يالجليله شيّعوچ
وابوسط قبرچ يا حرّه نزّلوچ
اوصار قبرچ كعبه يالمعصومه
************
ابعز نهار انشال نعشچ بالعويل
اوحضرت الشيعه اومدامعها تسيل
مو مثل نعش الذي اتشيّع ابليل
نعش بنت المصطفى الملطومه
************
متى يطلع سيدي طال الغياب
اوياخذ ابثارچ او ثار أمّ الحجاب
زينب اللي دخلت ابمجلس اجناب
والمتون امن الضرب موسومه
************
تمت بحمد الله ومنّه
العبد المقصّر : سجاد ناجي العديل
/channel/sajjadnaji2015
( استشهاد السيدة الجليلة فاطمة المعصومة عليها السلام ١٤٤٧هـ )
معصومه بنت الأطهار
عنها اجتنا الأخبار
في غربتها الموته جتها
****************
سمعوا يا شيعه هالخبر عن الجرى والصار
بت موسى بن جعفر وسف شافت محن وأكدار
أوّلها من راح الأبو الكاظم نسل لطهار
اوتالي الفجعه اتكملت عاف الرضا لديار
الرضا سافر عنها
ويلي اوما بطل ونها
اومن فجعتها الموته جتها
****************
بنت الإمام العالمه هذي الطهر فاطم
ظلّت على اغياب الأخو اتصب الدمع ساجم
اوكل يوم اتقول امن السفر خويه الرضا قادم
ابحالتي بعد الولي الله ترى عالم
عاشت عمرها بانياح
بالهم اتدق راح ابراح
وابحالتها الموته جتها
****************
اوتالي اجاها امن الرضا ياهالخلق مكتوب
اوفتحته اهيه بالعجل اومنها الدمع مصبوب
اولن الرضا ايقلها ابعجل قطعي إلي لدروب
يااختي اوتعالي لي ترى فتّ البعد لقلوب
اوشدّت الحرّه الاضعان
وانوت أتروح اخريسان
ابكل عيلتها الموته جتها
****************
بس القدر ياللاسف ما انصف اوياها
مابين ماهي بالدرب لن هجمت أعداها
اوذبحوا اخوتها والأهل واتصيح اوتنعاها
والتفقد اخوتها أبد ما تغفى عيناها
اوتالي سمّوها الأرجاس
اوخلّوا قلبها محتاس
ويّ اخوتها الموته جتها
****************
وازدادت العلّه وسف بالسيده الحرّه
اوتالي إلى قُم الحزن شدّت لها المسره
اوظلّت على افراش المرض اتجر ابالم حسره
اوحين القرب منها الأجل جت عندها الزهره
اوقالت يابنتي لچ جيت
منّ المدينه اتعنّيت
جت حضرتها الموته جتها
****************
اوتالي الغريبه للأجل لن أسبلت ليدين
اوعرّق جبين الطاهره اوهم مدّت الرجلين
والكون ماج ابحسرته من سلّمت للبين
اوناحت لجلها فاطمه أمّ الحسن واحسين
لطمت الزهره الأضلاع
اومنها قلبها ملتاع
وابحسرتها الموته جتها
****************
قُم العظيمه بالفخر مقصد إلى الشيعه
في كل سنه لچ نعتني اوحبّچ فلا انبيعه
اوباچر المهدي من يجي انجدّد لچ البيعه
اوهالخبر ما بين الملا يا فاطمه انذيعه
نفخر انّه احنا خدّام
ملاّ رادود اولطّام
اترف رايتها الموته جتها
****************
تمَّت بحمد الله ومنّه
العبد المقصر : سجاد ناجي العديل
/channel/sajjadnaji2015
( قصيدة في رثاء سيدة الأكوان السيدة فاطمة الزهراء روحي فداها )
الزّهره الزچيّه روّعوها
ولا راعوا الـ أمها و أبوها
**********************
چانت الزّهره ابْوَسطَتْ الدّار
او لانّه يا وسفه إجا الغدّار
ابگوّه عصرها اونبت مسمار
اوفي محجر العين اسطروها
**********************
او تالي خَذوا حيدر وليها
اوطلعت تلحگه ابْچِيهَا
ردو ولا سمـعـوا حچـيها
اوردوا إليها اولوّعوها
**********************
دمعي عليها بالوجن ساح
لما ارتفع منها هالنياح
كلما اوْگُفَتْ اتْريد ترتاح
ايجوها الزچيّه اويضروبوها
**********************
وصلت إلى المسجد ابحاله
ونّتها يا ويلي اتّعاله
تركوا الوصي اوفكّوا اغلاله
اوجاها العدو يشَّتْم أبوها
**********************
اوراحـت إلى گبر الشفيّه
اودمعتها فوگ الخد جريّه
تگلّه استمع هاي الرزيّه
منّي فدك بويه اغصبوها
**********************
بويه الأعادي لوّعوني
اومنّ البچي اعليك امنعوني
اوبرا المدينه طلّعوني
بنتك ياطه مرمروها
**********************
اولانّه النّبي يگلها دصبري
يا بنتي اعله الذي يجري
باچر ترحلي و آنه ادري
اضلوعچ يا بنتي كسّروها
**********************
اوحين الإجا وگت المنيّه
حنّت اونادت هالزچيّه
والحيدر اتْبَدِّي الوصيّه
ابْليل الجنازه شيّعوها
**********************
اوحين الذي خلّص التغسيل
نادى الوصي وادموعه اتسيل
يالله يا اولادي گوموا بعويل
هاي البتوله ودّعوها
تمَّت بحمد الله و منّه
يوم السبت : 28 / 3 / 1442هـ
العبد المقصّر : سجاد ناجي العديل
/channel/sajjadnaji2015
( نخوه بالصديقة السيدة فاطمة الزهراء عليها السلام )
نخوه يا أم احسين يالمقهوره
*************************
على بابچ يالبتوله قاصدين
لاتردينا يازهره خايبين
بجاه مولانا أمير المؤمنين
كل مُحب عندچ قصد بانذوره
*************************
نخوه يا أم حسين فرجي شدتي
لاترديها يازهره طلبتي
حاجتي عندچ تراها حاجتي
ابحق ضلوعچ فاطمه المكسوره
*************************
دخيل يازهره اوعليچ المُعتمد
منهو غيرچ نقصد ابوقت الشدد
فاطمه يا فاطمه نرجوا المدد
كشفي الشدّات يا معصوره
*************************
يا زچيّه انصيح والمدمع همول
اقضي الحاجات يا بنت الرسول
اونبغي الباري يبلّغنا الوصول
قبر ابوچ اونشم زاكي اعطوره
*************************
لاترديني ولا اتردي الحضور
يا زچيّه سَهلي هاي الأمور
نقصد البوچ النبي كلنا اونزور
بالمدامع فاطمه المنثوره
*************************
فاطمه والله تعبنا امن الزمن
يمتى يطلع حجة الله ابن الحسن
نعتني مشّايه لچ كلنا ابشجن
اونجي قبرچ فاطمه وانزوره
تمَّت بحمد الله و منّه
1445هـ
العبد المقصّر: سجاد ناجي العديل
/channel/sajjadnaji2015
( توسل بالسيدة فاطمة الزهراء عليها السلام )
نخوه بالزهره الزچيّه
و بعلي حامي الحميّه
*****************
نخوه بالزهره البتوله
وبعلي راعي الحموله
والمحب رايد تجو له
إجِا ابدمعاته الجريّه
*****************
دخيل بالمجتبى ولدچ
ونّته الحْسِين بعدچ
وابضربهم فوگ زندچ
وزينب الحره الآبيّه
*****************
نخوه يافاطمه ابحيدر
والدمع منّا يتحدر
والطفل ياويلي الخر
محسنچ فوگ الوطيّه
*****************
نخوه نخوه يالحنونه
المحب رايد تجونه
ابزينب الحره المصونه
الركبوهـا اعلى المطيّه
*****************
بالسبي للكوفه راحت
العلي يابويه صاحت
السما والأملاك ناحت
تبچي و الحسره شجيّه
*****************
ادخيل ياحيدر ابصبرك
وبالحبل هالفوگ نحرك
شلون للزهراء تترك
كلّه من حبل الوصيّه
*****************
نخوه ابحيدر يازهره
اوحين طحتي على الغبره
والنبي يبچي ابگبره
ينعى ابونْته الخفيّه
لخادم العتره الطاهره
سجاد ناجي العديل
الأثنين ١ / ٦ / ١٤٤١هـ
/channel/sajjadnaji2015
( أحوال الإمام علي عليه السلام في فقد السيدة فاطمة الزهراء عليها السلام )
حيدر اينوح دمعه مسفوح
ابفرقة الزهره الحزينه قلبه مجروح
****************
الله يساعد بوالحسن في هذا المصاب
حين اللي غسّل فاطمه اوعاين للصواب
شاهد صدرها امن العصر يا وسف منعاب
والوجن من ضرب الرجس أحمر اومنصاب
سطره عالعين ابوجه أمّ الحسين
اوشهق شهقه هالولي اتذوّب الروح
****************
من بعد ما أنهى الغسل سيْد الوصيين
نادى على أولاده تعالوا حسن يا حسين
يا زينب الحرّه با بت سيد الكونين
ودعوها أمكم فاطمه خير النساوين
لفوا بالآه ويلي ويلاه
راحت امنا اومنها بويه المتن مجروح
****************
تالي حمل نعش الطهر والدمع غدران
شاله مع المقداد اوعمار اويه سلمان
واشلون حال الدفن روحه وسط تربان
الله يساعد بوالحسن في هاي الأحزان
ايقوم وايطيح مدمعه ايسيح
حاله صعبه اوما يوفّي وصِف وشروح
****************
عقب الدفن تالي رجع بوالحمله داره
اودمعاته فوق اخدوده بالحسره اتجاره
لن زينب اتصيح اوقلبها بانكساره
باب الزچيّه للحشر ما تطفى ناره
تبقى الاوجاع ويّ الاضلاع
اودم صدرها من أذى المسمار ما ايروح
****************
راحت الزهره اوصارت العيله حزينه
اوحيدر ينوح اويصفق ايساره ابيمينه
ويقول ظلمه اوموحشه الدنيا علينه
اوياريت عمري قبلچ اتقضّت اسنينه
يلطم الهام ويّ الايتام
اوزينب امن البچي منها الصوت مبحوح
****************
الله يساعد زينب الحرّه النجيبه
أمها افقدتها اوعالطهر ظلّت كئيبه
اوبالسّيف باچر ينطبر ليث الحريبه
اوچبد الحسن تتقطّع ابسم المصيبه
احسين مطروح اوكلّه اجروح
ويلي وامن القفى لن اتشوفه مذبوح
****************
تالي إلى الشّامات تتودّى هديّه
اميسّره اوركبت على ذيچ المطيّه
اوتدخل على ايزيد النذل ديوان اميّه
اونادى عليها ابن الخنا يالخارجيّه
جبتچ الشّام اوعندچ أيتام
والبچي اعلى اخوانچ ترى ماهو ابمسموح
تمَّت بحمد الله و منّه
العبد المقصّر : سجاد ناجي العديل
يوم السبت : 13 / 5 / 1446هـ
الإضافة في عام 1447هـ
/channel/sajjadnaji2015
( قصيدة لذكرى استشهاد السيدة فاطمة الزهراء عليها السلام )
يا نبينه بضعتك هذا المسا هجموا عليها
يا نبينه زمره باحقاد اوضرب متحاوطيها
لاگت انواع العذاب هالطهر ويّا المصاب
يا نبينه يا نبينه
*************************
من غبت يا نور طيبه شافت الزهره الألم
هجمت اعليها الاعادي والضلع منها انهشم
لوّعوها اوعذبوها اوهم بعد خدها انلطم
اوبالضرب ويلي ولوها واشعظم هذا الهظم
يا مصيبه شافت الزّهره يويلي من الزمره
يا مصبيه اوّل المحسن تسگطه على الغبره
من بعد دفعت الباب لاگت انواع العذاب
يا نبينه يا نبينه
*************************
انتَ وصّيت ابوصيّه اومارعوها اوصيّتك
بعد عينك يا نبينه عذّبوها بضعتك
الطموها اوما رعوها واهضموها ابنيّتك
واحرموها بعد تبچي يا وسف لمصيبتك
اگطعوها شجرة الـ تبچي تحتها كل مسيّه
اگطعوها اوما خلوها تبچي اعليك الزچيّه
والله خانگها المصاب لاگت انواع العذاب
يا نبينه يا نبينه
*************************
اوحين ما جات الاعادي لعد باب الطاهره
لو مايطلع هددوها اتگود گوّه حيدره
ابتحرگ الحجره عليها والضلعها تكسّره
اومحسن الزّهره ابتسگطه اوينعفر فوگ الثرى
اوهم وليها ابتگوده هالعدا وسفه للجامع
اوهم وليها بالغصب هالگوم بتخلّيه ايبايع
او تجر ونّه بانتحاب لاگت انواع العذاب
يا نبينه يا نبينه
*************************
او صاحت الزّهره ابحزنها لاتدخلوا حجرتي
وخروا عن بابي يا اعادي لا تروّعوا ابنيّتي
لا تدقّون ابقساوه والله ذابت مهجتي
من فعلكم يالأعادي والله فجعه فجعتي
و الوصيّه ما رعيتوها يا أشرار البرايا
و الوصيّه من هجوم الدار گولوا شنو الغايه ؟!
اوسگط محسن عالتراب لاگت انواع العذاب
يا نبينه يا نبينه
*************************
ماتت الزّهره الزچيّه يا نبينه بالحنين
من بعد فقدك يابوها اسطروها على العين
تيتموا ويلي بعدها الحسن ويّا الحسين
او زينب الحسره تجرها على امها و الونين
تگلّه بويه صرت من بعد امي يابويه يتيمه
تگلّه بويه ابكربلا الحسين بيحزوا كريمه
و بيشبوا هالاطناب لاگت انواع العذاب
يا نبينه يا نبينه
*************************
طالت الغيبه ولينه گوم يا مهدي ابثار
ثار امك هالزچيّه الهجموا اعليها بالدار
واخذ ثار الولي جدّك من بني اميّه لاشرار
اوثار عمتك هالخذوها بالسبي فوگ الأكوار
والرزيّه حين ماْ خذوها سبيّه لبلدة الشّام
والرزيّه يوم وگفت هالسبيّه ابمجلس العام
واگفه ابّين الأجناب لاگت انواع العذاب
يا نبينه يا نبينه
تمَّت بحمد الله و منّه
يوم السبت : 30 / 5 / 1444هـ
العبد المقصّر : سجاد ناجي العديل
/channel/sajjadnaji2015
( استشهاد السيدة الجليلة فاطمة الزهراء عليها السلام ١٤٤٧هـ )
امصيبتچ كلفه عليّه امصيبتچ كلفه عليّه
حيدر الكرار انا امصيبتچ كلفه عليّه
********************
يالزچيّه فاطمه الزهره الوديعه
من بعد فقد النبي سور الشريعه
امصيبتچ هدت لي أركاني المنيعه
اوخلّت ادموعي على اخدودي جريّه
********************
هالدهر يافاطمه صكني اوعماني
من بعد فقد النبي زين المعاني
لن يجور الدهر يا زهرة زماني
اويهجموا العدوان دارچ يا زچيّه
********************
يهجمون الدار وايكسرون ضلعچ
اوبعدچ اعلى والدچ ما نشف دمعچ
اوينسطر خدچ ترى اويفجعني وضعچ
اومحسن الغالي يطيح اعلى الوطيّه
********************
اوتالي العدوان حاسر يسحبوني
اوتطلعي خلفي اوخوفچ يذبوحوني
واللي اعظم يم حسن زيّد شجوني
من يطقّچ عالوجه ابن الدعيّه
********************
يالطهر واللي فجعني او زاد الاحزان
اوخلّى قلبي يستعر يم حسن نيران
من عليچ اتحاوطوا زمرة العدوان
اوطبعوا السّوط اعلى متنچ يالأبيّه
********************
اوتالي اتظلّي على افراشچ نحيله
اومن يجيچ البين يالزهره الجليله
على شيل النعش ما تبقى لي حيله
وادفنچ في ليل والونّه شجيّه
********************
تمَّت بحمد الله و منّه
العبد المقصّر : سجاد ناجي العديل
/channel/sajjadnaji2015
( أبوذيات لميلاد الإمام الحسن العسكري عليه السلام )
أكْتَبت اسمك وسط قلبي وخطّيت
على دربك مشيت أنا وخطّيت
أعارض من جهل قدرك وخطّيت
وأعارض من يضد أهل الحميّه
عليكم صلّى بارينا وسلّم
وسيله للمحب انتوا وسُلَّم
اعادي من يعاديكم وسلم
اليوالي حيدره ويّا الزچيّه
يوم المولد انعيشه اونحس به
اونظل نتناه وأوقاته نحسبه
اليعادي هالفرح مبغض نَحِس به
وعلى اعناده نهوّس هالمسيّه
على حبكم يا مولانه وعينه
اليواليكم امد چفي واعينه
اوقلب كل محب فدوه الكم وعينه
اولكم روحه يقدّمها هديّه
إذا رايد رضا الباري تعالى
تعاله احضر إلى المحفل تعاله
اوصلاتك هالمسا خلّها اتعاله
على الهادي اوعترته الهاشميّه
تمَّت بحمد الله و منّه
1446هـ
العبد المقصّر : سجاد ناجي العديل
/channel/sajjadnaji2015
موشحات صلواتية
الإمام العسكري نوره تلاله
چنّه البدر من يبزغ اهلاله
يمن رايد رضا الباري تعالى
صل اعلى النبي المختار وآله
اللهم صل على محمد وآل محمد
ابن حيدر علي سيدي الكرار
شعّت هالمسا من جبهته انوار
إذا اتريد النجا ابساعة الأخطار
صل اعلى النبي احمد المختار
اللهم صل على محمد وآل محمد
حياتك بالحسن كلها حياتك
وابحبّه تنال انتَ نجاتك
اوبالمحفل إذا اتسجّل حضورك
حلاتك عالنبي ترفع صلاتك
اللهم صل على محمد وآل محمد
تمَّت بحمد الله ومنّه
العبد المقصّر : سجاد ناجي العديل
يوم الجمعة ٣ / ٤ / ١٤٤٧هـ
/channel/sajjadnaji2015
( هوسات لمولد الإمام الحسن العسكري عليه السلام )
ابجيتك سيّدي علگنه هالزينه
ابفرحنه انهنّي فاطم ويّه هادينه
اونبارك جينه للمهدي والينه
نتمنّى بس يطلع لينه
الحمدلله الـ جعلني خادم العتره
باچر بالقيامه تشفع لي الزّهره
اوتنجّيني من نار الحاطمه الكبره
اوتدخلني اوياها الجنّه
تمَّت بحمد الله و منّه
ليلة الثلاثاء : 05 / 04 / 1444هـ
العبد المقصّر : سجاد ناجي العديل
/channel/sajjadnaji2015
( السيد جعفر الطيار ١٤٤٧هـ )
يا نبينه يا نبينه
انعظم أجرك إلك جينه
************
إلك جينه انعظم أجرك هالمسا
ابجعفر الطيّار اوندري قلبك اليوم ابأسى
وألوية الإسلام لجله امنكّسه
والمحب ليكم يواسي ابحزن عاقد مجلسه
اويلطم ابصدره ايدينه
انعظم أجرك إلك جينه
************
لبن عمك جينه هاليوم ابعويل
والندا آه اعلى جعفر والدمع منّا يسيل
امقطّعه الچفين منّه وخر جديل
والدمه اعلى القاع تجري والألم قلبك يشيل
هالألم ظل يسري بينه
انعظم أجرك إلك جينه
************
في فقد عمّ الحسن ويا الحسين
لك قصدنه يابوالزهره بالنياحه نادبين
وجينه بنواسي الأمير المؤمنين
من تلقّه الخبر موته ظل يندبه بالحنين
واحنه حنّينه ابحنينه
انعظم أجرك إلك جينه
************
ابن عمك صح چفوفه امقطّعه
ما صعد فوقه لعين اوصدره ويلي اتربّعه
اولا صعدت فوقه خيول اتوزّعه
واخت ما عنده سبوها إلى الشّام امروّعه
اوراسه ابخطّي شاهرينه
انعظم أجرك إلك جينه
************
ابن عمّك فرح گلبك من يعود
لكن الأقدار شاءت راح في ولية جحود
لچن راسه عدل ما أنصاب ابعمود
ولا اسهام الصدر منّه تاچته عن الزنود
ولا جوده امخرّگينه
انعظم أجرك إلك جينه
************
اوبعد ما رد من الحومه بالثبات
ما لفو يمّه اطفاله اتنوح وياها الخوات
والحسين ايگول فات العمد فات
والظهر مكسور منّه اتلگّته لمخدرات
اتگول حامي الضعن وينه
انعظم أجرك إلك جينه
************
الشيخ حسين البوخضر
ياسين العبدالرضا
سجاد العديل
( هوسه للسيدة زينب عليها السلام )
من روض النخيل انشدها ابياتي
اوفي وصفچ تظل محتاره چلماتي
مدري وش اگولن فيچ مولاتي
رحمة الله انتي اعلينه
تمَّت بحمد الله و منّه
الاثنين: 3 / 5 / 1444هـ
العبد المقصّر: سجاد ناجي العديل
/channel/sajjadnaji2015
( أبوذيات لمولد السيدة زينب عليها السلام )
حفل بسمچ يا مولاتي عملنه
و تأجل هالمسا كله عملنه
و دعينا الباري يتقبّل عملنا
ابشرف ذكرچ يا بت خير البريّه
حفل مولاتي جَمّعنا ولمنه
ونسينه كل وجع بينه ولمنه
ونبارك للولي بونه ولمنه
بمولد زينب الحره الأبيّه
إلچ ثابت ولانه وانتمانه
الهوى انتي الينه وانتي مانه
ملاذ الخايف انتي وانتي امانه
اوحرز من لاذ بيكم يا زچيّه
عليچ الروح يامولاتي ولهه
اوحاشا عن طريقچ اضل ولهه
أبارك للزچيّه اليوم ولهه
نطيت الروح يالحره هديّه
أكْتَبت اسمچ وسط قلبي وخطّيت
على دربچ مشيت أنا وخطّيت
أعارض من جهل قدرچ وخطّيت
وأعارض من يضد أهل الحميّه
عليكم صلّى بارينا وسلّم
وسيله للمحب انتوا وسُلَّم
اعادي من يعاديكم وسلم
اليوالي حيدره ويّا الزچيّه
يوم المولد انعيشه ونحس به
اونظل نتناه وأوقاته نحسبه
اليعادي هالفرح مبغض نَحِس به
وعلى اعناده نهوّس هالمسيّه
إذا رايد رضا الباري تعالى
تعاله احضر إلى المحفل تعاله
و صلاتك هالمسا خلها اتعاله
على الهادي اوعترته الهاشميّه
تمَّت بحمد الله و منّه
العبد المقصّر : سجاد ناجي العديل
/channel/sajjadnaji2015
( نخوّه لوفاة السيد موسى المبرقع ابن الإمام الجواد عليهما السلام )
أنخاك نخوه سيّدي موسى المبرقع
*********
يَبن الولي حيدر علي أنخاك أنخاك
أنخاك جيت ابفاطمه وانتَ على اهواك
حاشا تردني يا الأبي لا ولله حاشاك
گلبي من اهموم اشكثر والله توجّع
*****
أقسم عليك ابفاطمه ويّا المصونه
المُحب في وسط الگبر رايد تجونه
واللي يحبّك ما تخيّبها اظنونه
كمٍ مصيبه شافها يالوالي تفجع
*****
أقسم عليك ابجدك او سيلت ادمومه
ويّا الولي حيدر علي الماتمّه صومه
اوطيحت الزّهره اومحسن الغالي اويومه
واشكثر راواني الدهر بمصايب أفظع
*****
انتَ الوسيله يالولي امن الباري عندي
جيت اعلى بابك سيّدي رافعها يَدّي
ودّي اوصّل حضرتك يالغالي ودّي
وأبچي المصابك سيّدي موسى المبرقع
*****
اولمّن نجي ياسيّدي اوندخل الحضره
نتلاقى ويّه جدّتك فاطمه الزهره
اوننصب الماتم عالذي مقطوع نحره
اوعند الضريح النّوح يامولاي نرفع
*****
اونتمنى يطلع صاحب الغيبه الموعود
اوتصير شيعة حيدره للمهدي اجنود
والثّار ناخذ للذي جرّوه بالقيود
اوثار الذي بخيول كل جسمه توزّع
تمَّت بحمد الله و منّه
ليلة الأحد : 19 / 4 / 1442هـ
الإضافة في عام 1446هـ
العبد المقصّر : سجاد ناجي العديل
/channel/sajjadnaji2015
( قصيدة للسيدة فاطمة المعصومة عليها السلام )
گلبي والله ماتطيب اهمومه
إلا في حضرتچ يا معصومه
*****************
انا والله من أطيحن بالهموم
اعتني المولاتي تجلي هالغموم
أقسم ابجاه اللّي ماتمّم الصوم
اوسالت ابوسط الصلاة ادمومه
*****************
اقسم ابجدها الحسين اوغربته
اوبالحجر هاللّي امصوّب جبهته
ابحضرته نريد الجمع في حضرته
اونگرا عاللّي چبدته مسمومه
*****************
اونگرا عاللّي عينه مصيوبه ابسهم
واللّي راسه بالعمد ويلي انهشم
اوطاح جنب النهر وابجنبه العلم
واخته من بعده بگت مظلومه
*****************
فاطمه ودّنا نوصّل حضرتچ
بالبواچي نگرا اعْلى امصيبتچ
نبچي دايم على فرگة گبتچ
شيعتچ من البُعد ملچومه
*****************
والله والله آنا احبچ فاطمه
لانّه حبّچ يْنجِي منّ الحاطمه
اوبالقيامه ادخل اهل المرحمه
اوتقر نفسي هالتي مغمومه
*****************
اقسم آنا اعليچ يابنت الكريم
نظره منّچ فاطِمه حگ العقيم
اوعدنا بالمستشفى ويلي چم سقيم
انريده يشفى اوتصح كل اعلومه
تمَّت بحمد الله و منّه
ليلة الأربعاء : 9 / 4 / 1442هـ
العبد المقصّر : سجاد ناجي العديل
/channel/sajjadnaji2015
الصديقة الزهراء عليها السلام ١٤٤٧
موجٌ منَ الدموعْ لكسرةِ الضلوعْ
والكونُ في ذهولْ آهٍ على البتولْ
*******
سالت ادموع الرساله والوحى ينعى
لمّا قالوا صدر فاطم كسّروا ضلعه
شمعه للكرار اوهسّه طفّوا الشمعه
اوقام يتحسّر عليها اويسچب الدمعه
للهِ من مصابْ هدَّ أبا تُرابْ
قد حيّرَ العقولْ آهٍ على البتولْ
***
شيّب الكرار حيدر وانكسر ظهره
اوراح للمختار ينعى والقلب جمره
يالنبي بالباب عصروا بنتك الزهره
والجبين اللي تحبّه منچوي ابسطره
ليسَ لها مُعينْ و أسقطوا الجنينْ
حُزناً فما تقولْ آهٍ على البتولْ
***
يعلم الله عالزچيه اتحيّرت بامري
ليش بالسوط اضربوها ليش ما أدري
اومن أذى المسمار تصرخ آه يا صدري
ما دروا دم النبوه عالعتب يجري
هلْ قتلوا الصلاةْ والشّرعَ والزكاةْ
أم قتلوا الرسولْ آهٍ على البتولْ
***
للعقيله احسين أدري اتعنّه اوشمها
اوقامت اتسولف لاخوها اوتشتكي همها
اشحالت اللي اتشوف أمها اموسّده يمها
اوبالعصا الملعون ويلي قوّه وسّمها
أمّاه بالنّحيبْ تدعو ولا تُجيبْ
ليلُ الأسى يطولْ آهٍ على البتولْ
***
للحسن طفت ابشعوري واعظم او أدهى
لمّا شاف امّه رميّه اتمدّد ابحدها
اوقال لمّن ضم صدرها اوحبها في يدها
أمي مرتين اسطروها واجرحوا خدها
خَدُّ الهُدى أصيبْ والجرحُ لن يطيبْ
كلاّ ولن يزولْ آهٍ على البتولْ
***
غمّضت عين التقيّه اوضجّوا ابناها
اويا علي زينب تنادي ادفنّي ويّاها
لا صدر يحضني بويه اوتدري فرقاها
ابيذبح اخواني اوتجرني باچر اعداها
من كربلا أُساقْ حسرَى على النّياقْ
دمعي دماً هطولْ آهٍ على البتولْ
***
نال شرف النظم :
أبومظاهر الأحسائي
سجاد العديل
نعي في أحوال السيدة فاطمة الزهراء عليها السلام
واويلي على الزهره
واويلي على الزهره
*************************
الف وسفه على الزهره بعد فقد النبي المختار
إجاها ويلي الظالم ابكل قوّه اوهجم عالدار
اوما بين الجمع نادى لزوم ايبايع الكرار
لون بحرق عليچ الدار اوضلعچ قوّه بنكسره
*************************
اوقامت بالعجل فاطم اولاذت هيّه خلف الباب
اوقالت له ياهالظالم رد او هالعدو ما هاب
اولا تدخل علي بيتي تراني ما عليّه احجاب
اوبس حس الرجس بيها للحايط سند ظهره
*************************
سند ظهره العدو الغدّار اورفس باب الطهر قوّه
انفتح باب الطهر ويلي اوفاطم خلفه تتلوّه
ولا راعى النبي المختار اوهوَ مندفن توّه
اوسطر أم الحسن قوّه والعين اصبحت جمره
*************************
اوسقط محسن على الغبره يويلي غارق ابدمّه
او ينادي فاطمه حسره ذبحني هالعدو ابظلمه
اوحرمني ابجوره هالظالم أقلّچ يُمَّه يا يُمَّه
ولا تقدري تضمّيني يا يُمَّه ابسبت العصره
*************************
تالي طاحت الزهره ياوسفه حسره مدميّه
من ضرب العدا الأشرار صارت هيّه مغشيّه
اوعدوّ الله دخل للدار وأعظم من هالرْزيّه
اوحيدر علي امچتف او مقيود ابحبل حسره
*************************
اوتالي حسّت الزهره اونادت لحقي يا فضه
لحقي اعليّه هالساعه ترى صدري العدو رضّه
اوشوفي محسن الغالي على الغبره وقف نبضه
او شيلي اوليدي المحسن يافضه من على الغبره
*************************
اوطلعت تالي للمسجد تجر اذيال حسرتها
تقومن مره مره اتطيح او تصعب والله حالتها
خلوا عن علي الكرار لوترفع الشكوتها
او لن ارض المدينه اتموج واسماها صفت حمره
*************************
او لن قنفذ اجاها ابسوط يا ويلي او تولاّها
اومن ضرب العدو وسفه تونّ يا ويلي خلاّها
اوما قبلت ترد للدار إلا الوالي ويّاها
اولچن هذا العدو ابحقده سطرها عالوجه سطره
تمَّت بحمد الله و منّه
1445هـ
العبد المقصّر: سجاد ناجي العديل
/channel/sajjadnaji2015
( نخوّه لمولاتي سيدة الأكوان السيدة فاطمة الزهراء عليها السلام )
نخوه يا مولاتي يالمظلومه
*************************
نخوه فاطم و النذر بيچ انعقد
و انتِ حاشا و الله مْتخيبي احد
جينا ننخى فاطمه نريد المدد
بجاه مولانا علي و ادمومه
*************************
نقسم اعليچ ابعلي يافاطمه
شافي كل اگلوبنه المتأَلِمه
ابجاه من غسله صبح امنْ الدِمَه
ويّه كل شاب الوگع بالحومه
*************************
نريد منّچ فاطمه هذا الأمُر
تنگضي الحاجه اوينزاح العسر
ابجاه من راحت سبيّه باليسر
تنجلي عن كل موالي اهمومه
*************************
على بابچ فاطمه جينا وگوف
وانتِ حاشا ما تردين الضيوف
جينا ننخى ابجاه مگطوع الچفوف
ويْ عامود الراس ويلي او يومه
*************************
يالعليمه ابحالتي اوكل الأمور
اقسم عليچ ابعلي ذاك الغيور
ويّه صدر احسين البيه الكسور
نريد بارينا عزانا ايدومه
*************************
فاطمه و المهدي طوّل ما حضر
يمتى يرجع من عگب هذا السّفر
او ياخذ ابثارات محزوز النّحر
اويجلي عن گلب المحب اهمومه
تمَّت بحمد الله و منّه
16 / 5 / 1442هـ
31 / 12 / 2020مـ
اخر تعديل
7 / 6 / 1444هـ
31 / 12 / 2022مـ
العبد المقصّر : سـجـاد نـاجـي الـعـديـل
/channel/sajjadnaji2015
( قصيدة لشهادة سيدتي ومولاتي السيدة فاطمة الزهراء عليها السلام )
يا مولاتي يالمظلومه
*************
جينا الليله نصرخ جينا
يا مولاتي لا تخلّينا
نقسم اعليچ ابمهدينا
نريده يحضر لينا يومه
*************
يا مولاتي ردنا الخدمه
اوموته ابمجلس أبواليمّه
اوكل امْوالي هذا حلمه
ايموت ابمجلس للمعصومه
*************
وفقينا نبچي لمصابچ
لحرگة دارچ ويَّا بابچ
اوسيلة دمّچ فوگ اعتابچ
اومحسن هالخر ويّا ادمومه
*************
ياللي ابحبكم الله خصنا
نشكر ربنا اعلى المنّه
اوبالمحشر ندخل بالجنّه
والشيعي تنجلي اهْمومه
*************
يا مولاتي كلنا انحبّچ
وفقينا نبگى في دربچ
نوصل يا مولاتي گبرچ
اوتوضح النا كل ارسومه
*************
ودنا يمّه انسوّي اگرايه
اونگصد له انزوره مشّايه
وانعلّي عالگبّه رايه
واگلوبنا أتطيب الملچومه
*************
ودنا نگعد وسط الحضره
وانجر الونّه والحسره
وانصيح احنا ابجاري العبره
آه اعلى امصاب الملطومه
*************
ودنا نصعد فوگ المنبر
اوننعى لمصابچ نتحسّر
ياللي منّچ وجنچ أحمر
ظلمتچ لأمّه الميشومه
*************
يمتى الفرج حگ والينا
اونتعنّى اوياه حگ بواسكينه
اونگصد للمحزوز اوتينه
اوما ايهمنا اللايم وي لومه
تمَّت بحمد الله و منّه
6 / 4 / 1443هـ
12 / 11 / 2021مـ
الإضافة في عام 1447هـ
العبد المقصّر : سجاد ناجي العديل
/channel/sajjadnaji2015
( في حق الصديقة الطاهرة السيدة فاطمة الزهراء عليها السلام )
اخذي العهد يم احسين شيعه اولكم وفّايه
ابدربچ نظل متمسكين اولا ما تطيح الرايه
**********
هاچ العهد يا ام الحسن من عندنا اخذيه
لاخر عمرنا يا زچيّه العزا نحييه
اوماتم عزائچ فاطمه لا ما نخلّيه
بدمانه مولاتي العزا والرّوح نفديه
بالماتم نبذل لأرواح وادمانه لچ مهدايه
ابدربچ نظل متمسكين اولا ما تطيح الرايه
**********
يا أم الحسن في كل سنه نحيي مصابچ
نذكر الألم ويّ الهظم هالذي صابچ
اونيران هاللي تشتعل واحرقت بابچ
والعصره هاللي ذبّلت زهرة شبابچ
اومتونچ اللي بالسوط يا ويلي امدمّايه
ابدربچ نظل متمسكين اولا ما تطيح الرايه
**********
نذكر بعد حين العدو منّچ سطر عين
اوبالباب بالقوّه كسر بالصدر ضلعين
اوخلّى زينب تنتحب والحسن وحسين
او بوالحمله قادوه بالحقد قوم الملاعين
حاسر الأعادي قادوه حيدر علي مولايه
ابدربچ نظل متمسكين اولا ما تطيح الرايه
**********
نذكر بعد يا أم الحسن من صحتي فضّه
سنديني قومي بالعجل مابيّه نهضه
بالعصره صدري هالرجس بالباب رضّه
اوقلب الطفل محسن وقف ياويلي نبضه
غمّض اوليدي العيون اوسافر ضوى عينايه
ابدربچ نظل متمسكين اولا ما تطيح الرايه
**********
اونذكر بعد لمّن طلعتي ورى الكرار
تريدينه يرجع هالولي ويّاچ للدار
وآمر على عبده اولفى صوبچ الغدّار
ابسوطه خلّى عالظهر والمتن آثار
بنت النبي اشلون القوم اتضربچ بعد شالغايه
ابدربچ نظل متمسكين اولا ما تطيح الرايه
**********
ننسى مصابچ فاطمه لا والله هيهات
ليوم القيامه انسوّي اباْسمچ اقرايات
اومايهمنا لا لوم اوحچي اوكثر انتقادات
إن شاء الله مع المهدي إلچ نرفع الرايات
اوقبرچ ندلّه اونزور اونوصل إله مشّايه
ابدربچ نظل متمسكين اولا ما تطيح الرايه
**********
نقسم وحق المصطفى وأهل السّياده
ماتم عزائچ إلچ نحيي ابكل شهاده
اوذكرچ اوذكر المرتضى أعظم عباده
اوما ايهمنا اللي ايلوم غيّه ويْ عناده
اوهيهات ما انطخ الرّاس اوتدرين بالوفّايه
ابدربچ نظل متمسكين اولا ما تطيح الرايه
**********
تمَّت بحمد الله و منّه
العبد المقصّر : سجاد ناجي العديل
يوم الأربعاء : 2 / 6 / 1446هـ
الإضافة في عام 1447هـ
/channel/sajjadnaji2015
( استشهاد السيدة الجليلة فاطمة الزهراء عليها السلام ١٤٤٧هـ )
بنت النبي المختار هجمت عليها اشرار
اوكسروا ضلعها ويلي ابّباب الرزيّه
وينك يا مهدينه تصيح الجعفريّه
انهض يراعي الثّار
***************
أمّ لحسين يا ضيا العين
هجموا اعليها يبن خير البريّه
شبّوا النّار اوحرقوا الدّار
اوخالفوا فيها يا والينه الوصيّه
ما رعوها اوروّعوها
اونبّتوا مسمار في صدر الزچيّه
فوق الأعتاب يبن الأطياب
طيّحوا محسن على حر الوطيّه
والأعظم أمّ احسين سطروها فوق العين
اوعالعتبه طاحت والدِّمى منها جريّه
وينك يا مهدينه تصيح الجعفريّه
انهض يراعي الثّار
***************
يابوصالح أمر جارح
صَعْب اسولف يا حمى الملّه اودرعها
على العتبه ابحاله صعبه
ابكل قساوه هالعدو أمّك دفعها
واللي اعظم الضّلع هشّم
اوعلى خدها يا أبوصالح صفعها
واللي أصعب يمها زينب
اتقول أمّي فاطمه يفجع وضعها
اثْلَث ميّه جاو ابنار هجموا علينه الدار
اوبسياط ضربوا أمّي الزهره الزچيّه
وينك يا مهدينه تصيح الجعفريّه
انهض يراعي الثّار
***************
خذوا القسور علي حيدر
اومن يصدق بالحبال امقيّدينه
تالي فاطم ابدمع ساجم
نادت الفضّه علي الكرّار وينه ؟!
قالت اخذوه ابقوّه سحبوه
إلى المسجد بلا اعمامه ساحبينه
خلفه راحت ابحنّه صاحت
خلّوا عن حيدر ابوالحمله ولينه
ولاّ أشكو للجبّار باللي عليّه صار
والله بيكم يخسف الهاي الوطيّه
وينك يا مهدينه تصيح الجعفريّه
انهض يراعي الثّار
***************
رجع ليها اوقسى اعليها
قنفذ ابسوطه يا والينه جلدها
ضرب لمتون اومنها لعيون
عمت ويلي اوجرّح ابلسطار خدها
اعليها داروا ابعصى جاروا
والضّرب يبن الحسن ويلي جهدها
جرى المدمع أبت ترجع
إلا يرجع بوالحسن عزها اوسندها
مو مرّه مو مرتين طقّوها أم احسين
حتّى ابكعب سيفه وكزها ابن الدعيّه
وينك يا مهدينه تصيح الجعفريّه
انهض يراعي الثّار
***************
ابدمع غدران جاها سلمان
اوقال يا بنت النّبي احمد العدنان
بوچ رحمه على الأمّه
صبري اوسلّمي أمرچ إلى الرّحمٰن
اوردت اجواب ضلعي والباب
من يرد حيدر علي هذا البلا هان
بس الكرّار يرد للدار
تدري حيدر هوّ شرع الله والقرآن
يرجع علي المغوار ويّايه وسط الدار
لو ينچتل حيدر تضيع الهاشميّه
وينك يا مهدينه تصيح الجعفريّه
انهض يراعي الثّار
***************
من ألمها اومن حزنها
اشكثر عانت فاطمه الزهره الجليله
هالأمينه بت نبينه
ظلّت اعلى افراشها حسره اونحيله
اومن هالجروح طلعت الروح
وانهدم حيل الوصي اوما بقت حيله
وابن الاطياب قالع الباب
ما قدر نَعْش أمّك الزهره يشيله
نار الحزن تسعر اوتبقى إلى المحشر
ما جف دمعنا اوكل وگت ننصب عزيّه
وينك يا مهدينه تصيح الجعفريّه
انهض يراعي الثّار
***************
تمَّت بحمد الله و منّه
العبد المقصّر : سجاد ناجي العديل
/channel/sajjadnaji2015
( استشهاد السيدة الجليلة فاطمة الزهراء عليها السلام ١٤٤٧هـ )
ويلي عالزهره المظلومه
ويلي عالزهره المظلومه
***************
ويلي عالزهره الأمينه
بضعة الهادي نبينه
شافت الهم هالحزينه
لن ضلعها كاسرينه
والصدر غارق بدمومه
ويلي عالزهره المظلومه
***************
هالطهر يفجع وضعها
والعدو لمّن صفعها
دم حَمَر اصبح دمعها
ويلي اوباب الدفعها
وضلوع الصارت مهشومه
ويلي عالزهره المظلومه
***************
فاطمه الزهره البتوله
اعليها دمعتنا هموله
بابها لمّن اجوا له
قيّدوا راعي الحموله
اطلعت خلفه مهمومه
ويلي عالزهره المظلومه
***************
نادت الزهره يا اعادي
رجعّوا ذخري وسنادي
لاشكي لله باللي سادي
لاتروعوهم أولادي
دمعة الحرّه مسجومه
ويلي عالزهره المظلومه
***************
لن اجا الطاغي إليها
ابسوطه واتعدّى عليها
اوزيّد الزهره بچيها
سطره من چفّه تجيها
اوصارت ابخدها ملطومه
ويلي عالزهره المظلومه
***************
تمَّت بحمد الله و منّه
العبد المقصّر : سجاد ناجي العديل
/channel/sajjadnaji2015
( ابوذيات لميلاد الإمام الحسن العسكري عليه السلام )
الموالي ايزور ودّه ايجيك مرّه
تدري ابُعدك الأحوال مرّه
سحابة خير لو بالطيف مُره
اومطر خيرك يعم اعلى البريّه
البعد عنّك يا مولانه مردنا
اوغير ازيارتك كلنا مردنا
الزمن من يقسى اعلينه مردنا
نلوذ اونحتمي ابأهل الحميّه
تمَّت بحمد الله ومنّه
العبد المقصّر : سجاد ناجي العديل
يوم الجمعة ٣ / ٤ / ١٤٤٧هـ
/channel/sajjadnaji2015
(ذَلِكَ وَمَنْ يُعَظِّمْ شَعَائِرَ اللَّهِ فَإِنَّهَا مِنْ تَقْوَى الْقُلُوبِ)
مولد الإمام الحسن العسكري (عليه السلام)
-------------------
جاءَنا اليومَ إمامُ المَكْرُماتْ
ابنُ طـٰه سيدي وابنُ الهُداتْ
أشرَقت أنوارُه بالبركاتْ
خيرُ خلقِ اللهِ نورٌ للحياةْ
مَنهلٌ للعلمِ نَبعُ الرحمَاتْ
نالَ من رَبي رفيعَ الدرجاتْ
من يريدُ اليومَ نيلَ المُعجزاتْ
يُسْمِعُ الأملاكَ اصوات الصلاةْ
حسن الناصر
سجاد العديل
1445هـ
( جلوة لذكرى ميلاد الإمام الحسن العسكري عليه السلام )
العسكري إمامي اوفازت شيعته
برض سامرّه يا محلا گبته
********************
گبّة إمامي تسطع بالذّهب
محظوظ والله الزاير لنكتب
اوفي صحنه والله تحگگ كم طلب
ينهض المشلول اوتبرى علّته
********************
واشكثر حاجات باْسمه تنگضي
مستشفى معروف بسم ابن النبي
يعطينا مولاي فوگ اللي نبي
اوكل محب والله تُگضى حاجته
********************
ماهمني حاقد وأخبرك يالحسن
ابحبك افاخر وأگولن بالعلن
خل يكثر اللوم من أهل الفتن
الباري ابحبّك ندخل جنّته
********************
يالعسكري جينا بالمحفل كلنا
نطلب امن الله يبلِّغنا المنى
ازيارتك نوصل احنا كل سنه
و الجدك احسين نوصّل حضرته
********************
نبعث تهاني إلى المهدي الغيور
اللي طلْعتَه اتشافي للصدور
ابعوده انبارك و انوزع الزهور
اونهني طه اوفاطم جدّته
********************
نتمنى يطلع المهدي بالعجل
وانجي نزورك يا خير العمل
وانزور الحسين اوعبّاس البطل
وترفرف علينه المهدي رايته
تمَّت بحمد الله و منّه
ليلة الثلاثاء : 05 / 04 / 1444هـ
العبد المقصّر : سجاد ناجي العديل
/channel/sajjadnaji2015