Telegram-канал samasthasnehikal - സമസ്‌ത സ്നേഹികൾ: Unsorted

സമസ്‌ത സ്നേഹികൾ

29 Mar 2025 09:50

മൈലാഞ്ചി : ചില മസ്അലകൾ
📗📗📗📗📗📗📗
പെരുന്നാൾ ദിവസവും മറ്റു ദിവസങ്ങളിലും പുരുഷൻ നരച്ച തലമുടിക്കും താടിരോമത്തിനും മൈലാഞ്ചിയണിയൽ സുന്നത്താണ്.
നബി(സ്വ)യും ചില സ്വഹാബികളും നര മൈലാഞ്ചി കൊണ്ട് ചായം കൊടുത്തിയിരുന്നു.(മിർഖാത്ത്)
പുരുഷൻ അലങ്കാരത്തിനു വേണ്ടി കൈകാലുകളിൽ മൈലാഞ്ചിയണിയൽ ഹറാമാണ് .
രോഗം പോലെയുള്ള അനിവാര്യമായ കാരണങ്ങൾക്കു വേണ്ടി അനുവദനീയമാണ്.
സ്ത്രീ ഭർത്യമതിയെങ്കിൽ കൈകാലുകളിൽ മൈലാഞ്ചിയണിയൽ സുന്നത്തും ഭർത്യമതിയല്ലെങ്കിൽ കറാഹത്തുമാണ്.
ഭർത്യമതിയായ സ്ത്രീക്കു തന്നെ മൈലാഞ്ചി കൊണ്ടുള്ള ചിത്രപ്പണിയും വിരൽ തലപ്പുകളിൽ മാത്രം കറുപ്പ് വർണം ചേർത്ത് അലങ്കാരപ്പണിയും നടത്തൽ ഭർത്താവിൻ്റെ സമ്മതം ഉണ്ടെങ്കിലും സുന്നത്തില്ല .പ്രത്യുത ,
കറാഹത്താണ്.
ഭർത്താവിൻ്റെ പൊരുത്തമോ സമ്മതമോ ഇല്ലാതെ ഭർത്യമതി ഇപ്രകാരം അലങ്കരിക്കലും ഭർതൃമതിയല്ലാത്തവൾ ഇതു നടത്തലും ഹറാമാണ്.
വഫാത്തിൻ്റെ ഇദ്ദയിലിരിക്കുന്ന സ്ത്രീ മൈലാഞ്ചിയണിയൽ ഹറാമാണ്.
ഹജ്ജ് , ഉംറ: യുടെ ഇഹ്റാമിനു ഉദ്ദേശിക്കുന്ന സ്ത്രീകൾക്ക് മുഖത്തും ഇരുകരങ്ങളിലും മൈലാഞ്ചി കൊണ്ട് ചായം കൊടുക്കൽ സുന്നത്തുണ്ട്.
പ്രായം തികയാത്ത ആൺകുട്ടികൾ മൈലാഞ്ചിയണിയുന്നത് തടയൽ രക്ഷാകർത്താവിൻ്റെ മേൽ നിർബന്ധമില്ല.(തുഹ്ഫ: ശർവാനി: 2/128 , 4/59 , 9 / 375)
മൈലാഞ്ചിൻ്റെ കൂടെ മറ്റു ചിലതു ചേർത്തി കൊണ്ടുള്ള ചായം കൊടുക്കുന്ന സമ്പ്രദായം ചിലയിടങ്ങളിൽ ഉണ്ട്. അവ വെള്ളം ചേരുന്നതിനു തടസ്സമാകില്ലന്നുറപ്പ് വരുത്തണം.

🖊️ ദുആ വസ്വിയ്യത്തോടെ
എം.എ.ജലീൽ സഖാഫി പുല്ലാര