•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 May 2025 02:45

امجد: هيا اشتغلي معي وابرديلش من التصوير ووجع الظهر وقفه وياريت حد بيتجمل بيجلسين يعدلين عليش لما تضبحي

تمكين تاثرت بكلامه: تصدق قبل شويه قررت اننا افلت العمل بعد ماضيعت الي ماسكه المحل بدلي ، ذاكره عروسه، خربت فرحتي اليوم

امجد ماهتم بالي قالته بس ركز على : فلتيه والله لادي لش عمل اضخم

تمكين: بينقول ادي واحده سوا فتره، شاكون منشغله، بتجهيزات العرس

امجد: فكره ضخمه، يو لو تفعليها يا تمكين لاطرحش وسط عيني واغمض عتريحي قلبي خيرات

تمكين فرحت بالكلام الرومانسي ونسيت احلامها وابداعاتها وطموحها والي وصلت له

مش عارفه هي فعلا ضبحت او حست ضبح امجد وبتحاول تسايره عشان يرضى عنها اكثر ومايتخلاش عنها

مش عارفه هي ايش حاسه ، هي مخدره بشعور البدايات والكلام الحلو....


ثاني يوم الصباح...( في المكتب)

جت زبونه : اين صوري قدهن جاهزات؟

حنان خافت لاتكون هي البنت شافت تمكين؟..

تمكين بهدوء: ممكن السند

البنت ناولتها: ماقد جت تمكين؟

تمكين ضحكت: انا تمكين

البنت: ها تلثمتي ماعرفتش، كان نفسي تصوريني انتي

حنان شافتها

البنت: عفوا منش ، بس تمكين تعودنا عليها، ماشحكمش وروني صوري بعدين شاقرر من احسن

تمكين ماسخيت تكيف حنان: ماشخلي حد يمسك بدلي الا واثقه انها احسن مني

حنان فرحت شويه ، شافت السند تطمنت اكثر انها مش البنت، خرجت لها الالبوم ناولتها،

تمكين : وهؤلاء الباقيات اقربي عشان تشوفين وتدي ملاحظتش لو في تعديلات

البنت بتشوف بدات تنتقد في كل صوره، اللقطه ، الاضاءه، الحركه...الخ

تمكين بدات تصدع، دخلت واحده ثانيه تشتي تحجز وبتتشارع مع حنان على السعر

الي بعدهن دخلت صاحبه الذاكره الضائعه: قلتو لي اجي بعد شهر متحمسه قوي قوي

حنان شلت السند وقربت من تمكين:تصرفي انتي قوا ياتمكين ايش افعل

تمكين يتوعد البنت الي ماحبت الصور : خلاص شاعدلهن، هولا كلهن الملاحظات الي ماعجبنش قابلات للتعديل ، اليوم اجهزهن وبكره جي استلميهن...

فتحت الدرج تخرج دفتر السندات عشان تحجز البنت الي جت شافت الذاكره بين الورق حق السند مسكت نفسها لاتتعصب من إهمال حنان وكيف وترتها وكانت عتخليها تسوي مشكله مع صاحبه الذاكره...

وذكرت كلام امجد لو تفلتي احسن ، شافت البنت: المعذره منش جدولي قوي مزدحم تحبي تحجزي حنان

حنان قاطعتها: قد اخذتي مواعيد؟

تمكين سكتتها: لحظه ياحنان ، غير المواعيد معي تعديلات وانتي داريه

البنت: خلاص تمام حنان حنان ماعنديش مشكله

صاحبه الذاكره: هيا

تمكين: طيب يختي المعذره منش ، بكره اوصلهن لش بنفسي باقي تعديلات بسيطه

صاحبه الذاكره: اذا عتعدلي انتي شاصبر من عيني يومين مش بس بكره

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

21 May 2025 01:30

امجد: يمه ماعد بش هذه البعاسس والجهل حق زمان، الان هذا فن وذوق ساع تخصصي مافرقش

امه: والله إن انت مش طبيعي الغربه خربت عقلك وعاداتك ومبادئك، كلامي مش هو معك مابش فايده فيك، بتبرر لكل شي.

بعد ماسارين النسوان والاهل..

تمكين دخلت المطبخ وهي بتسمع مرت اخوها بتكلم ام تمكين: والله يمه إن عمتها سوسه، مارتحت لها، نظرات خيصمه ومبرطمه وبتتبسر من طرف عينها لكل شي ..

ام تمكين: قد لاحظت بس لاعد تتحاكين لتمكين

تمكين بضحكه: احم احم، من بيحش على عمتي، مالكم عليها، من مايحبش تمكين، سهل ماتعرفنيش طبيعي تقلب صور، بعدا عتعرفني وتحبني

مرت اخوها: الله يعينش، يتخايل لش كل العمات ساع عمتي( حضنت ام تمكين)

تمكين: حانكيني حانكي، محد عيقع ساع امي صدق، وعمتي الله يهديها، انا جاوعه ماتغديت ولاتعشيت، الله يستر في العرس لاتنسوني بالمره ، هذا وهي خطوبه..

امها مسكت اذنها بممازحه: اديت لش الغدا و رديتيه، واديت لش سندوتش و قلتي مانشتيش

تمكين مسكت يد امها وحبتها: صح ذكرت

ترتيل جت المطبخ وبتغمز لتمكين وكلام بالشارع

تمكين فهمت ومشيت سريع

مرت اخوها بصدمه: اقسم بالله ان انتين اخطر من الطيور ،بنظره خليتيها تفهمش وتسير

ترتيل ضحكت ومشيت

امها سحبتها: ادخلي ارفعي الديوان

ترتيل: قد بعدت فستانها او صدقت نفسها انها حريوه هي خطبه ، تجي تكنس ، قد كنست الصبح، دورها

امها: بنات اخوش كنسين ياكسله، قبالي اخطي...

في بيت امجد..
ابوه فوق العشاء( شخصيته حازم جاد ، كلمته كلمه): امجد

امجد كان مبتسم بيتشاور هو واخته وهي بتوصف له تمكين ولبسها وتسريحتها ، سمع صوت ابوه: حاضر

ابوه: كنت داري قبل ماتخطب انها مصوره؟

امجد: ماشي، مافيها ؟

ابوه بنظره تهديد: كيف مافيها!!! مش انت داري ابن من انت؟

امجد: الا داري، و داري إن ماعد بش بعسسه ، هذه المواضيع قديمه حق زمان، ذلحين قد احنا متعلمين فاهمين ومابش شي عيب، الناس الي اخترعوا مسميات للبعاسس هذه

ابوه: بعاسس؟؟؟ هيا يامبعسس، خطبتك ماعتكمل إذا ماخليتها تبطل العمل هذا...

امجد ساكت، ضبح ، قام من فوق الاكل

اخت امجد: مالكم! انتو داريين إن هذا العمل مش اي حد يقدر عليه، ويحتاج تعليم ودراسه و ذوق وفن وبصر ،مايقل عن اي موهبه ثانيه ، رسم شعر ، خط

ابوها: اسكتي انتي، ماعد بش فيكم قيم ولا تعرفوا العادات والتقاليد، عتسمعوا بنا الناس، ماخربكم الا التلفونات، ماعد دريتو بقيمه نفسكم


بنته : لو سمحتوا ماينفعش الي قلتوه لامجد، امانه غيروا رايكم يا بابا

ابوها: حرام وطلاق ماتصور وهي مرت ابني بتسمعي !

بنته ضبحت وقامت من فوق الاكل ، سارت تواسي امجد...

في غرفته بيراسلها


ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

21 May 2025 01:30

كمال بيكتب تعليق في منشور امجد باسم مستعار:( رجعوا الشباب ساع البنات، انخطبت، تم عقد قراني)

امجد شاف تعليقه رد عليه:( لو انت رجال، كنت علقت باسمك الحقيقي مش مستعار (يا ام البنين)

كمال تعصب: ( عقبال الفرحه الكبرى ي ام الصبيان)

امجد: ( لو انت رجال علق باسمك الحقيقي مش مستعار، وانا اوريك من ام الصبيان)

كمال شاف مرته خرج من الصفحه : مالش؟

مرته: معي لك مفاجاه

كمال: خير ؟

مرته: عتوقع اب

كمال فرح ونسي الموقف الي هو فيه : صدق ؟ حامل؟

مرته: ايوه

ثاني يوم...( حفله الخطوبه)

تمكين رجعت من الكوافير وجالسه تصبغ يدها وبتفكر ( كيف عايش كمال! مرتاح بحياته؟ بيفكر فيها او نسيها؟ صادق مع زوجته او كذاب مثل ماكذب عليها)

ترتيل دخلت لاعندها : هيا تمكين اقطبي ماقد لبستي؟

تمكين بتنفخ اظافرها: ينشف الصباغ والبس، كيف شعري ومكياجي؟

ترتيل : تجننيط بس مالش ضابحه؟

تمكين: مش ضابحه، مابلا مدري حاسه نفسي عادي مش فارحه قوي تقولي طبيعي؟

ترتيل: هو احلى شي انش ماتتحمسي قوي ، خليش عاديه

تمكين: اقلش شي يا ترتيل؟ مدري ليش عندي خوف يفلتني امجد مثل كمال، بس هذه عتوقع قويه لان قدها خطبه رسميه

ترتيل: يو كيف رجعتي يختي ، كيف كنتي سمخه، بطلي خباله وانطقي خير.

مرت اخوها دخلت: بتتجابرين؟؟ وقتكن؟ النسوان ملان جو اهل خطيبش البسي هيا وادخلي ..

تمكين: شلي هذه معش امد اقدر اقطب شغلتني

مرت اخوها سحبت ترتيل: جي سيري اوقفي امد ماصلح شعر تمكين، مدري كيف خلته من قدام الكوافيره...

تمكين واقفه ومرت اخوها بتصلح شعرها : لما خطبناش كيف كان احساسش؟

مرت اخوها بتصلح خصلات شعرها ابتسمت: كان شعور غريب توتر خزا وحلو، منه كله

تمكين: نفس احساسي .

مرت اخوها: سهل عتدخلي وتجلسي ويسير التوتر ، هيا سبرت شعرش البسي امد مايجلسين وشاجي عشان تدخلي

تمكين : تمام

شافت رساله من امجد:( هيا انتبهي لعمتش قد وصلتهم عندكم ، متحمسه تبسرش عتجنن

تمكين: ولو ماعجبتها؟

امجد: اهم شي عجبتي ابنها

تمكين ارتاحت شويه: يلا خاطرك .

امجد: اليوم احنا بروڤه للعرس ، عقبال يوم الزفه

تمكين رسلت له فيس مستحي وغلقت تلفونها وقامت تلبس الفستان.


بعد مالبست و دخلت وجلست في الكوشه ، قامين يسلمين عليها اهل امجد ويعرفين بنفسهن..

كانت ام امجد تشوفها بنظرات وشده ملاحظه لكل تصرف منها ابتسامه وكلام وهي بتصلح شعرها وصحباتها...الخ

تمكين جلست متوتره من نظرات عمتها الي مافيها اي ابتسامه.


ترتيل قربت منها : قالين خوات العريس ندي الذهب يلبسوش حنان ماقد جت تصورش

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 May 2025 02:16

مرته: ياسعم جا البيت، هو محل من ماسار سار

ترتيل: وبعدين جا بخواته مش وحده

تمكين: ايوه هن الي مصممات يبسرني جين

امها: اتصلوا اليوم يقولو الحمدالله ع السلامه وحددوا الاسبوع هذا نفعل حفله خطوبه

ابوها : مابش حفله ، ساع ما كل شويه جالس يقفز قبالها

تمكين استغربت رده فعل ابوها

امهاضحكت: رعاها الله ايام كان ابوكم ، خصمه في ابي، بعد ماخطبني ، وهو ثاني يوم ماتشتي ياعم ، خورت لكم هذه ياعم ، امد يبسرني

زوجها ضحك : فارحه بنفسش ، كنت داري انش هذك الهرمه حقهم كم سارعت امي الله يرحمها مشتيش وهي مصممه

مرته: ناهي لك ، كل يومين ياجهال وهو عندنا مايروح الا بطرد

كانو يضحكوا كلهم..

سهروا سوا وتجابرو وكل واحد سار غرفته

تمكين قامت تشتي تسير

ابوها: تمكين

تمكين وقفت: ها

ابوها: انا داري بتفرحي يابنتي لما تبسري الاهتمام منه وانه بيلاحقش ويشتي يبسرش ويفتح مجبر معش، لكن صدقيني ، الرجال يحب البنت الراكزه العاقله الي ماندي وجه بسهوله ، امش كانت تحتبس طول اليوم بغرفتها حين كنت اسير وانا شاجنن غموضها وهروبها يخليني شاموت عليها وعلى نظره منها، الحب مش بكثره الهدره والبسره، بقيمتش عنده ومقدارش،

تمكين : والله ماقلت له يجي قصدكم إنه انا؟

ابوها : ماشي بيننصحش بشكل عام ماقلت انتي قلتي له

تمكين ابتسمت: تمام

ابوها: وشكرا انش بتبلغيني كل كبيره وصغيره، بدون ماسال او ادرا بشي

تمكين ابتسمت لهم بفرحه: الله يحفظكم لنا ..

تصبحو على خير، خرجت وقفلت الباب دخلت غرفتها

ترتيل: هيا جي ذلحين جابريني ايش حصل

تمكين: راعي امجد رسل

ترتيل: مش وقت اول احكي لي ، اشتي ارقد

تمكين: جلست تحكي لها كل شي

ترتيل: يووو وكيف كان موقف كمال ، مافعل! جنن اكيد

تمكين: تصدقي مابسرت لاعنده ابدا ولا رفعت عيني بعينه، غير لما قلت لاتدخن هنا

ترتيل: عيس يستاهل

تمكين فتحت تلفونها وبترد على امجد

ترتيل: و امجد ماقال لش ؟ تجابرتو وابسرش استحيتي او عادي و و
تمكين بتكتب له رساله: راعي

ترتيل بعد عشر دقايق: هيا تمكين

تمكين: بكره ، ارقدي

ترتيل: مالش ضابحه؟

تمكين: ولاشي بس بنتشارع انا وياه، شكله غيور قوي، يشتي بكره ما اسير المحل الا ملثمه، وانه فكره شراكه المحل شكلها عتزعجني لو خليته خاص بي وبس

ترتيل: جبر الغيررره جبر، شكله قد بيحبش

تمكين ابتسمت وبدلع بتلعب بشعرها: قد وصف جمالي وصف، وانه مايقدرش غيره يبسرني

ترتيل: تصبحو على حب وانا لي الله ارقد بكره معي جامعه

تمكين: وانتي من اهل الخيرررر، ارقدي ضبحتيني مقاطعه مجابره

ترتيل رجمتها بالوساده : هذا وبتردي قطااااف ومراعيه لش ساعه

تمكين طرحت الوساده جنبها مبتسمه

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 May 2025 03:14

كمال بيشوفها بنظرات ملامه عتاب غيره ندم غضب ومش من حقه يقول لها اي كلمه

تمكين بعدت من عندهم ورجعت مكتبها

ابراهيم غلق المكالمه: خلاص يا استاذه بلغناه ولاتزعلي، بالنسبه بقيه الاتفاق كيف؟

تمكين: اعتذر منك جدا استاذ ابراهيم، معي ظروف ضروريه اخرج الان، اروح، ممكن تمر بكره وقت الدوام؟

ابراهيم: على طول
كمال فيه فضول ايش معها!؟؟ وين رايحه؟ عتخرج مع خواته وخطيبها؟؟ مش من حقه يسألها ويعرف تفاصيل بس الفضول والغيره قتلته.


تمكين شلت شنطتها والحنان: متواصلات..خرجت

كمال شافها سبقتهم خرجت وطلعت سيارتها

ابراهيم شافها وعينه عليها

كمال ضبح من نظرات ابراهيم له : مالك هيا عتطلع السياره

ابراهيم: اوف ياخي والهنجمه، من يصدق الملامح الكيوت هذه وراها قوه شخصيه وعزه نفس، لو ماعرفت انها مخطوبه قبل شويه اني دخلتها عقلي

كمال بضبح ولع السيجاره وطلع ورزع باب السياره

ابراهيم شافه بيتقارح: كنت عتقلي ماتشتي تجي مالك بتزابط الهوا مزابطه

كمال: امشي الله يحفظك مش انا من هذا، والله ضابح من شي ثاني

ابراهيم: عاد باقي ناس هكذا ، ياخي البنت رفضت عرض ضخم ، بلاش عرطه وقلك لا ، لو هو انا لاخليه يعمر لي زد دور

كمال ماضحك ولا داري ايش بيقول يتذكر نظراتهم لبعض ويسأل نفسه! خطبت عن حب؟

من متى تعرفه؟ بيتواصلو سمعته قال لها ..

ابراهيم شافه مابيرد وسارح: يعلم الله البيت ايش قد جغروك


في سيارتها ضابحه : يعني حلقت من بين الصدف اشوف وجهه !!! وقدام خطيبي ؟؟ ليش يارب مش راضي تبعده عن حياتي ؟ ليش اول يوم ارجع فيه اشوفه...

جلست شويه تكلم نفسها وسرحت وهي واقفه في الاشاره( لايكون ابراهيم عرضه منه وهو ورا الديكور ؟ اصلا ليش جا

والمشروع حقه!! كيف اعرف مشتيش اكلم الزفت هذا

ممم جت لها فكره، ترجع تعرف بطريقتها لما يجي بكره يتفق معها بقيه تفاصيل العمل

فوق سيارتهم

اخت امجد: والله عجبتني قوي الصدق خطيبتك، شخصيه وعاقله وجميله

اخته الثانيه: عجبني كيف انحرجت منك وجلست تتهرب تشوفك وتكلمنا ، بس انت يا مجرم احرجتها حين حكايتها

امجد: اصلا مافيها خطيبتي وبتكلم زبائن جت عليا

اخته: صح بس انت غير ، عتحرج منك

امجد: هو أنتيم الي صممتين ننزل

اخته ضحكت: بطل معراصه ، ياخي اول ماوقفت نبعت قبلنا قلك صممتين

جلسو يضحكو ، وأمجد فارح شافها سوا لاول مره وقدر يكلمها ويشوفها تتكلم قدامه


فوق السياره..

كمال: كيف لما اخترت هذا المحل ؟

ابراهيم: يهييييي شاحكي لك القصه من اولها!! ياتنح وين هو حسك؟؟ مش كنا سوا لما اتفقنا مع الناس

كمال: منهم

ابراهيم: هنيت لعينك لو شاحكي لك من اول وجديد الموضوع، سير تم طنانه


ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 May 2025 03:14

تمكين: جي خذ فساتينك

ابراهيم: ليش هكذا؟ راعي افهمش

تمكين: منتظرتك الان بالمحل، باي..

غلقت
ابراهيم: الووو..غلق، هيا ناهي ، وانا مادخلني

كمال: مالك؟

ابراهيم: قلتلي او قلتلك أبرد من المهره هذه! ماصدقت

بيتصل لصاحبه: ياخي دبستني ذلحين مافعل، ضابحه ليش نعدل الديكور، وقلك عتخرج الفساتين

صاحبه: سير كلمها: إنه ماعيتاثر دخلها ونسبتها أو عينخصم من الايجار، انا قلتلك فهمها التفاصيل لكن لاتقلها من وراها

ابراهيم: يلا تمام ، حاضر ، شاسير الان، فرصه عادها جت من مصر

غلق

كمال: من هي الي جت من مصر

ابراهيم: صاحبه المحل، ياخي قوم وصلني بسيارتك انا لي منعك، سيارتي شلها اخي وصلني وسار، ضروري اسير ذلحين

كمال قام: هيا اخطى

في مكان ثاني..
امجد فوق السياره مع خواته: هذا محل خطيبتي

اخته: قوا يا امجد، هيا نسير نبسر المحل هي موجوده؟ نشتي نبسرها مابش صبر لحفله الخطوبه

امجد: والله ماقلش الا كل خير ، يمكن تسير هي المحل معها مشكله، اخاف نخرجها مايسبرش

اخته: عننزل احنا وانت لاتنزل

اخته الثانيه: ياسعم عيصبر ، عتبسرنه اول واحد ينزل المحل
ضحكين

امجد: هيا طلعتينها في راسي ، شارجع الف ونرجع للمحل ..

اخته: يووو زحمه، مدري نلحق وعادها موجوده

امجد: انتي وحظكن، نجرب مش خسرانين قد احنا بنلوي

في المحل..

تمكين بتجاوب تلفونها: انا داريه يمه أنهم عيجو يبسرونا ، لكن ضروري كنت اجي المحل شاقلكم ليش لما اروح

امها: يلا لاتتاخري قد قلتي العمل شهور عتحنبي عند اليوم

تمكين: حاضررر من عيني..

قفلت وجلست تنهدت ضابحه ،، العمال روحتهم

حنان: ابسري هولا الي اشتغلناهن وانتي مابحد

تمكين جلست قدام الحاسوب وبتقلب الصور وتتناقش هي وحنان في اللقطات... والي يشتين تعديل



في الطريق...

امجد: مش ضروري ، بطلين حركات الاتراك

اخته: هيا شل لها ورد

امجد: بس خباله والله ماشل

اخته: عيب ندخل بدون شي

اختها الثانيه: ياسعم عنخطب، بعدين هم الي يجو يدولنا هدايا هي واخوش مش احنا..


امجد وقف قدام المحل : هيا انزلين ...

اثنين بيمشو رجال دخلو المحل

امجد استغرب من هولا عيدخلو المحل نزل قبلهن: هيا الحقين بعدي وغلقين السياره...



في الباب حق المحل .

ابراهيم: مافيها ياخي هو محل، ياسعم شدخل بيتهن قلك يراعي هنا

كمال عرف أنه محل تمكين: مابش داعي

ابراهيم ضحك : والله مانضرب وحدي


امجد شافهم واقفين دخل قبلهم ..

كمال حس بغيره من هذا الي جاي ومهنجم ومتشيك ولابس ، : تمام يا ابراهيم بعدك،،

اخت امجد لحقته والي بعدها دخلت بعدهم

كمال وإبراهيم راعو لهن يدخلين ودخلو بعدهم ..



عاد في حد صاحي👀 اكمل؟؟؟؟

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

18 May 2025 17:18

تمكين بنظره وابتسامه: ولافيني شي،جي ابسري ايش الي ماخلاني اتغدا

ترتيل بتقرا كلامه: يو منش صدق ! عتتلثمي؟

تمكين بدلع : طبعا بيغير عليا حبيبي

ترتيل: مسرع قدو حبيبش؟

تمكين: مدري ارتحت له احسه غير عن كمال ، طيب وحبوب وتصرفاته يحبني مش ساع هذك همه الناس و رجع فلتني.

ترتيل : يارب يعوضش ويطرحش وسط عينه، لكن يختي قوا لاتتعلقي به، يكفي الاول

تمكين بنظره استغراب: اعوذ بالله مالش، مادخل الاول هذا خطيبي يعني مافيها لو تعلقت ياسعم عيهرب

ترتيل سكتت اقتنعت بكلامها

بنت اخوها دخلت عندهن بفرحه: صدق عتفعلي خطوبتش هنا؟ قالو جده انهم قالو يشتو حفله خطوبه

تمكين بابتسامه: ايوه

ترتيل: الحمدالله ، كنا غاثيين انخطبتي ووحدش وماعتفعلي حفله

بنت اخوها: ايحين؟

تمكين: مدري نبسر ماما ايحين عيحددو

ترتيل: اول نشتي نجهز وبعدين يحددو، نشتي خطوبه ياسلام، مانشتيش معاجله نلحق نجهز

بنت اخوها: قد معنا عمه انيقه وفاهمه في التنسيق، والكل يعرفها عيفعل لها بيوم ،مش هو حالي نتاخر

تمكين: قري عادنا وصلت قلك متاخر...

ضحكين وراسلين بنات خالهن وخالتهن، إن تمكين وصلت لما شافين حاله ترتيل في الواتساب
ترتيل: نقوم نسير نغسول سريع يا سما، عيجو كلهم بعد الغدا

بنت اخوها(سما): هيا

تمكين: ماشعاونكن من اول يوم عادنا ضيفه، نبدا الدور من بكره .

ترتيل العشا عليش ياسعم جيتي من الصين، ماكملتي حتى سنه

تمكين ضحكت وامتدت: شارقد لي ساعه بس ، تاعبه من فجر واحنا بنجهز ونسافر

خرجين وقفلين عليها..


حنان اتصلت لتمكين: الحمدالله على السلامه

تمكين نكزت من النوم نسيت تصمت تلفونها: الله يسلمش

حنان: ايحين عتمري لهنا، ضروري تجي حتى نص ساعه

تمكين: ليش؟

حنان: ماشقدرش افهمش ، لو تجي احسن

تمكين: لاتقلقيني في شي ؟

حنان: لا لا، بس شكل صاحب الفساتين رسل حد، جا وغير ديكورات المحل قلت له ماينفعش ماكلمنا صاحبه المكان، قال سهل عنتفق بعدين،

تمكين ضبحت قامت جلست فوق السرير: ماله هذا بيتفيضل وانتي ليش تسمحي له ، عيرجع يخصم من حق النسب رالايجار، واصلا مش هو محلنا عادحنا بندور بقعه ثانيه

حنان: عشان هكذا قلتلش تجي تفاهمي معه ضبحني مابيسمع مطنش دخل العمال...


تمكين ضبحت قامت : يلا غلقي، الان جايه.


قامت لبست وخرجت للصاله

عبدالوهاب: اين عتسيري؟

تمكين: اين ابي ؟ شاسير المحل

عبدالوهاب: مستعجله على العمل، ماعيطير، افتهني اليوم، ابي راقدين

تمكين: خلاص حاكيهم لو سالو، اين مفتاح السياره؟

اخوها : عند سما شليه منها، تشتي اجي معش؟ في شي ضروري؟


تمكين: لا ، لو في شي شاحكيك
، عبدالوهاب: تمام، شاوصلش انا

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

16 May 2025 01:47

تمكين: احس بظلمه لو احسب بالنص..
امجد: شوفي العمل كيف بيكون ولو متعب اطلبي مثل ماقلتلش..

تمكين: تمام

امجد: ايوه ، وكيف الوالد والوالده؟

تمكين: الحمدالله.. يشتونا نرجع بعد شهرين

امجد: صدددق؟ انا ناوي ارجع بعد شهر ونص ، بيخلص عملي الحالي اسلم لهم المشروع ،واروح اغير جو مع الاهل رمضان وعيد وبعدين ارجع نوقع اتفاق جديد.

تمكين : حلو ، كم لك من اليمن؟

امجد: سنتين.. طبعا اهلي كلهم يشتو يعرفوش، خواتي امي  ، نسوان اخوتي الي في اليمن ، بنات اختي

تمكين : ان شاءالله.

امجد: ايش رأيش نعمل حفله الخطوبه باليمن؟
تمكين: مرت اخوك قالت نفعلها هنا

امجد: مش على ماتشتي هي، هي خطبت لي، اهلي يحتفلوا بش

تمكين حستها فكره حلوه: تمام

امجد: تعرفي طريقه الكباب ؟
بعد خمس دقايق : .....تمكين

تمكين: مش عارفه، بس شسأل امي واكتبها لك، انت تشتيها؟
بعد ربع ساعه: شكلش انشغلتي, كنت جاوع وخورت كباب، رجعت تعشيت خارج، شكله عنتعلم انا وانتي الطبخ

تمكين: ايوه ، انشغلت شويه، مع تقارير العمل،
بالنسبه للطبخ اعرف اطبخ بس بعض اشياء مثل هذه، ماعرفها

امجد: يعني تخارجي نفسش

تمكين: يعني، مابش شي صعب ، بس لان وقتي كله منشغل كان،  نادر ماطبخ لهم

امجد: هم معهم من يقوم بدورش، بس لما تكوني معي، مابش معي حد غيرش

تمكين: ههههه ، اكيد

امجد: مش تقولي انشغلت

تمكين: لا ، تطمن

امجد: سؤال طيب، اين اهم عندش البيت والعائله او الشغل؟

تمكين: الكل

امجد: لا مثلا في المستقبل لما نكون سوا ان شاءالله، عيكون العمل اهم او بيتش واطفالش ؟

تمكين: اكيد بيتي واطفاالي وبعدين العمل شاخصص له وقت

امجد: اهم شي ان عندش العائله اهم، خلاص

تمكين:  وانت ؟
امجد: انا لان العائله مهمه عندي، فاكيد لازم اكون مهتم بشغلي ، لانه كيف بصرف على عائلتي

تمكين: صح

امجد: بس المرأه يختلف وضعها، مش محتاجه تصرف هي، معها من يصرف عليها، بس عيالها و زوجها بحاجتها

تمكين: صح

...............مرت الايام...... واسابيع.........

في المطار...
امجد كان منتظر عمه مع عبدالوهاب اخو تمكين تكلموا سوا وتعرفوا ع بعض ...

تمكين وصلت هي وابوها وامها شافوا من بعيد اخوها وخطيبها واقفين...

ابوها شاف تمكين: ماشاءالله من جا يستقبلنا،

تمكين ضحكت: ماقلت له يجي
ابوها : هيا اطلعي سياره خطيبش

تمكين شافت ابوها: مالكم

ابوها : كان ليش جا

تمكين : اسألوه.

وصلوا جنبهم.

تمكين حضنت اخوها
ابوها بيسلم على امجد: ليش شغلت نفسك

امجد: مابش شغله ، قلت استقبلكم لو تحتاجو اوصلكم ، مش داري انه قد جا عبدالوهاب

عبدالوهاب مسك كتفه: تسلم ياسيد الناس

امجد شاف امها ولمحها لمحه..

ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

16 May 2025 01:46

ثاني يوم في الحديقه..

سحر : كيفك اليوم ، ايش عملتي امس؟

تمكين: تشتي الصدق، ولا شي حسيت مالي نفس اسأل نفسي، انا نفسي اسأله هو ، نفسي كنت اواجهه ، واقله ليش سويت فيني كذا ، كان نفسي يشوف كيف تعذبت ببعده يمكن كان يندم على الي سواه فيني، انا ليش اعاتب وافضفض مع نفسي ايش بستفيد لما اقلب جروحي...

سحر : أسوأ شي ممكن تسويه بحق نفسك انك تواجهي شخص سبب لك صدمه او اذى نفسي، افضل حل انك تسحبي نفسك ومشاعرك وتفكيرك من بيئة هذا الشخص او من مستوى تأثيره عليك عشان تقدري تتشافي وتطردي بقايا عتاب وحنين ومشاعر مزيفه،،
(( اذا عضك ثعبان ابحث عن دواء، لاتلحق ورا الثعبان
عشان تسأله ليش عضك))

تمكين: بس كيف اسحب نفسي والي كان بيننا !!
سحر: ايش كان بينكم؟لاتجاوبيني بمشاعر الماضي، جاوبي بالحاضر اخر شي صار قدام عينك وضح لك اشياء كثيره
تمكين: صح ماكان حب، كان بيتسلى وينبسط بحبي له وتسهيلاتي له انه ياخذني فسواها لغيري
تمكين: يعني رجعنا لنفس النقطه، مفروض وقتها ايش تسوي تعاتبيه وتخليه يزيدك وجع وقسوه او تبعدي عنه وتتفهمي نفسك وتواسيها وتهوني عليها الي صار وتدعميها وتقويها وتقولي لها مايستاهلنا، هو االي خسرنا خسر صدقنا حبنا احلامنا
تمكين: رجعت لها القوه والقسوه وحست فعلا هي الي محتاجه وقتها انها تحتويها بدل ماتحتوي قسوته الي كانت بتدمرها على الاخر...
سحر شافت بنت صغيره فيها ملامح شبه تمكين: تمكين شوفي البنوته الحلوه هذه، ضحكتها مثلك تشبهك
تمكين ضحكت: صح تشبهني

سحر: تخيليها انتي لما كنتي طفله، و روحي عامليها مثل ماكنتي تحبي الناس تعاملك ..
تمكين ضحكت: الان؟
سحر: ايوه، شوفي داخلك ايش محتاج يعطي تمكين الطفله..
تمكين قامت راحت للبنوته : ايش اسمك ي حلوه؟
البنت: بسمه
تمكين: وايش معنى اسمك ؟
البنت ابتسمت لها: معناه كده، بسمه
تمكين ضحكت: مع من بتلعبي؟تحبي اصورك؟ انا معي كاميرا واصور صور حلوه
البنت ضحكت بفرحه: ايوه

تمكين: ليش بتلعبي وحدك ؟ عندك اصحاب؟

بسمه لقيت فراشه مسكتها: عندي ، كلهم في بيتهم مش هنا

تمكين: تحبي الفراشات؟

بسمه: ايوه، عايزه قفص صغير واحطها فيه زي العصفوره واخدها معايا البيت

تمكين: حرام تحبسيها، وهي تحب تلعب فوق الورات وتطير وترجع لمامتها

بسمه بتفكر:ممم صح انتي كلامك مش لازم احبسها

تمكين: ممكن ابوسك؟ لانك حلوه

بسمه: لا، ماما قالت لي ماحدش يقرب مني ويبوسني ، وانتي غريبه ماعرفكيش

تمكين: طيب انا اسمي تمكين، واحنا بقينا اصحاب

بسمه: لا ، انا معايا اصحاب وماما وبابا والعابي، سوري

تمكين ضحكت: لا عادي ، كلام ماما صح ، اي حد غريب ممنوع يبوسك

بسمه اشرت لها باي ومشيت

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

16 May 2025 01:40

سحر : عارفه ان السفن مابتغرق عشان هي في الماء او انه حولها.
بتغرق لما بيتسرب الماء داخلها.
كمان احنا كبشر، الي بيثقل روحنا، مش بسبب الي بيحصل من حولنا ، ولكن عندما نسمح له بالدخول لنا
عشان تحسي باستقرار وسكون ، لازم تحمي حدودك النفسيه...
كيف ؟ ماتكوني اسفنجه لكل شي بيأذيكي،، خليكي مثل السفينة محكمة تعبر العواصف ولاتغرق...

تمكين: صح، بس كيف

سحر: تعاملي مع الاشياء الي بتزعجك انها شي حولك خلاص طلع من داخلك تخلصتي منه، ولو لسا ماتخلصتي، اكتبي عبري واحرقي الورق، وعيدي الموضوع لما تحسي انه اصبح شي عادي وانك قويه وقدرتي تواجهيه وتكتبيه بدون ماتتأثري ، وبعدها تعودي اي شي يصير معك لاتتعمقي فيه ، افهميه اعرفيه وخليكي متوازنه عشان ماتغلب كفه عن الثانيه وتعيدي المعاناه

تمكين: طيب ي دكتوره سحر: انا تقريبا تخلصت من التجربه الاولى، حابه اعرف كيف اتعامل مع التجربه الحاليه!
اكون صريحه معه، ؟ احبه او لا مش عارفه كيف اتصرف

سحر ابتسمت لها: تمكين انتي قررتي وسألتي وجاوبتي ! عارفه لو كنتي فعلا تخلصتي ماكنتي سألتي ، كنتي تعلمتي الدرس وعرفتي كيف تتعاملي بالتجربه الحاليه...

تمكين: طيب بستمر على الاسئله والمواضيع الي قلتي لي اواجهها واجاوب عليها بيني وبين نفسي ويارب اوصل لحل.. لاني احس بضياع وتخوف يتكرر معي نفس الشي او بطريقه ثانيه اخسره...

سحر: استمري بالخطه الي اتفقنا عليها، ومابتخافي من اي شي واكيد بتنجحي بكل سهوله.


بعد العصر...
تمكين جالسه مع اهلها وبتكلم حنان بتسجل لها صوت: طيب يكملوا ترتيب المحل وصوري لي اشوف تحمست من كلامش وحماسش والله.

ابوها: ايش تصور لش ؟ او نقلتي المحل؟

تمكين: لا، بس حسيت اخر فتره انه بيندفع ايجار على مكان بس عشان اتفاق وتصوير وحجوزات واستلام صور، وهذه الفتره الشغل ضعيف حين انا مش موجوده، هميت تكلفه الايجار ، خليت حنان تراسلني اي عروض توصلها، وجت لنا عروض ضخمه افضلها واحد ادا مجموعه فساتين اعراس تجنن جديده واشياء فخمه قوي وسعرها قوي منافس محلات الفساتين ، اجرنا له مساحه لما يبدا الشغل توقع لنا نسبه

ابوها مبتسم: لو كنت تاجر او رجل اعمال، لاخليش رئيسة مجلس الاداره، ايش المحذاقه هذه

تمكين ضحكت:الله يحفظكم بس حسيت ريشي انتفش لوما قلتو محذاقه حسيت نفسي عكس الي قلتوه

ابوها ضحك: ماشي قصدتها انها خطه حاليه خارجتي نفسش بها.

تمكين: ايوه ، لو موديلات الفساتين فخمه، انتو عتبسروا المحذاقه سوا

ابوها ضحك...

تمكين شافت فيديو وصل لها بتحمله , فتحته.:
واوو يجنن ، ابسروا

امها بتدور فوق الماسه: اسكه اين جت نظارتي

تمكين ماسكه وجهها: كل فستان افخم من الثاني

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

14 May 2025 00:31

تمكين: انت ملاحظ كلامك ؟؟ رغم انك بترد على موقفها بس بلسانه رجعت تبرر من منطقه هو...هههه

امجد :رسل فيس 😓 ، يمكن لأني تعاطفت معه قوي اثر فيني موقفه اكثر منها..

تمكين تأثرت انه تعاطف مع موقف البطل الي انترك من حبيبته بدون مبرر و رجعت بعد فتره كبيره عن غيابها عنه...

داخل نفسها يعني متعاطف لو عرف قصتي انه حس بي...

تمكين رسلت له : طيب ليش تأثرت ، لمجرد مشهد شفته، او عشت قصه حب من قبل ؟ ( بتدور كيف تفتح معه موضوع عشان تحكي له وتكلمه، حست بطيبته وتفهمه للموضوع، حست بعد الحلم انها تكلمه او تنتظر تشوف كيف رده فعله اول) ؟

امجد رد : تاثرت للمشهد صعب جدا لو حد عاشه شعور مؤلم، وماشدعمم سؤالش برد عليش بصراحه: نعم عشت قصه حب وللاسف تخلت عني خدعتني

تمكين شافت كلمه خدعتني وحست بخوف و زاد اندفاعها تكلمه او تصارحه... : ايش حصل لو حابب تتكلم، لو ماتشتي عادي

امجد: عادي طبعا، احس الولد طبيعي يكون معه ماضي اي ولد بيحب

تمكين: صح وفي بنات بيحبين

امجد : بس احس ثقيله البنت تتكلم عن ماضيها ، في النهايه مهما كان الشاب غير

تمكين: ليش غير !! ماهي نفسها حبيبتك عتتزوج واحد ثاني وانت عتتزوج واحده ثانيه والي عتتزوجها كانت حبيبه واحد والواحد تزوج ثانيه، الا من رحم ربي...

امجد : ايوه بس البنت ماعندها مشكله تعرف ماضي خطيبها بس الولد صعب يتقبل

تمكين تنفست بضبح وحست انها بموقف ماينفع تقله شي وتصارحه.. : طيب قاطعتك، كمل ايش حصل بينكم؟

امجد: وجعي كان مختلف هي ماتركتني بس خدعتني، يعني حبتني وهي عارفه انها مخطوبه كلاميا لابن عمها، وانخطبت واحنا سوا وماقالت لي، وعرفت بالصدفه تخيلي زعلت جدا انها خدعتني وكانت بتتسلى بمشاعري وحبي لها.

تمكين حست بتوتر شويه ( كأنها جربت نفس الوجع بس بطريقه مختلفه) : صح كلامك موقفك صعب

امجد: بس بنتخطى وتبقى ذكريات

تمكين: طيب ايش رأيك في موقف واحده اعرفها احكيلك قصتها فاضي؟

امجد: اكيد، تكلمي اسمعش

تمكين: البنت الي اعرفها حبت وتجهزو للخطوبه ونسقوا التواريخ وتفاصيل العرس وكل شي ولما تحدد موعد الخطوبه معها انه جاي باهله اختفى ولاعد لقيته ولا وصلت له وبعد فتره كبيره اخذت من صدمتها وخيبتها وزعلها رجع لقيته صدفه وهو بيتزوج في عرس

كمال:اوووف هذه قوويه ، ايش الانسان هذا هذا مش رجال ، حرام عليه ايش القلب الي معه

تمكين دمعت من كلامه وتعاطفه معها، حست انه الشخص الحنون الي مايشبه الشخص الي ظلمها

كمال: كملي

تمكين: بس

كمال: ايش بس!!ايش حصل للبنت لما شافته

تمكين: ولاشي ، زعلت انقهرت بس كانت قويه قدامه

كمال: اكيد قدامه لكن الله واعلم داخلها

( ازيد بارت؟

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

14 May 2025 00:31

امجد: تمام لاتتبرقطيش ، سهل لو بتحبيني.
تمكين ردت بضحكه بس: ههههه
امجد بدأ الفيلم عنده وبيشوف ...

تمكين شافت ماعد رد، اندمجت مع الفيلم...
امجد بيشوف ويضحك، رسل لها: حبيت ذوقش ، كنت محتاج وسط زحمه الشغل هذه حاجه فرفوشه شويه

تمكين فتحت رسالته ابتسمت: صراحه ، مش ذوقي، انا وصل لي قبل شويه اسمه من اختي، عادنا فتحته يعني مش عارفه حلو او لا،

استوعبت انه بيشوفه رسلت له : بتشوف الفيلم؟
امجد: ايوه، بحبك
تمكين ضحكت: تمام
امجد : ع ايش ، ع بحبك، او فيلم بحبك

تمكين: حلو انك بتشوف الفيلم

في مكان ثاني...
بيت كمال

ابراهيم يشتي يمشي : اقوم اخطى قدو شرق

كمال: لا ، انا جالس، خليك براحتك

ابراهيم رن تلفونه جاوب : ايوه، حياش الله يا استاذه، انا تواصلت بكم بعد الظهر محد رد ، انا منتظر الرد ، ايش قالو لش ، نشتي نعرف ونحدد مع من عنتعامل هل نكتفي معاكم او نشوف اكثر من شخص ، تمام ولو مابحد ، اتصال رساله ، نشتي منهم موافقه عشان تبلغينا،،، الان لو سمحتي منتظر...
قفل

كمال: ايش ؟

ابراهيم: جالسين ندور مع من نتعامل

كمال: قلتلك افعل لك صفحه وخارج روحك

ابراهيم: مامنهاش ، هكذا عيمشين سريع لانه مساحتهم، ترويج بلاش غير مدفوع فهمت اين الذكاء

كمال: فهمت، عنبسر اخرتك يا ميديم

ابراهيم ضحك: ناهي ماشرد عليك، مش منك من التنفاش الحارق الي بتاكله

كمال تنهد وضحكككك...

في مصر...
تمكين مندمجه مع الفيلم قدو نهايته... وصل لها اتصال كنسلت

كملت الفيلم وجاوبت : اهلا حنان، خيررر

حنان: العفو ازعجتش اتصالات ، بس موضوع ضروري ، ماعد رديتي لي خبر ماقلهم

تمكين: قصدش صاحب الفساتين الي يشتي يعرضهن عندنا؟

حنان : ايوه

تمكين: طيب ، ايش قال ايش المطلوب مننا؟

حنان: ولاشي عيتكفل هو بالمانيكان واستيج العرض وديكوره، نخصص له مساحه بالمحل، ومعنا نسبه احنا وياه من الايجار او المبيعات حق الفساتين

تمكين: والله الفكره ضخمه، بس مبدأيا اسبوع مجانا، من الاسبوع الثاني يدفع يساهم معنا جزء من ايجار المحل طالما عياخذ مساحه ومن بعد لما يشتغل سوق الفساتين وناخذ نسب عليها نعفيه،،، اذا قبل بهذا العرض انا موافقه يجي من بكره

حنان: تمام شابلغه الي قلتي

تمكين: اوك..وغلقت

امجد كان يراسلها ماردت، فكرها رقدت اتصل لها مشغول، رجع يكمل شغله.


ابراهيم يشتي يمشي اتصلت له حنان جلس
كمال شافه وهو بيتكلم

ابراهيم: تمام ادي الواتس ، مابش معي رصيد اتصل لها دولي.

تمكين ردت على امجد: العفو ، كان معي اتصال شغل

امجد: ماشاءالله عليش متابعه من هنا شغلش

تمكين:, ايوه، اصلا البنت الي ماسكه بدلي ماتفهمش في الاتفاقات والشراكه وهكذا مضطره تسال

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 May 2025 01:44

في بيت كمال

ابراهيم: ياخي اتقي الله لاتخرب سعاده الولد

كمال: خاربه خاربه ، صدقني انصحه من البدايه احسن

ابراهيم: انت استعجلت، مالك دخل مش انت ولي امره

كمال: الا ، شفت شي غلط ليش ماكلمه

ابراهيم: طز فيك من بينحاكي ، اصلا قد نثرتها

داخل البيت ..
غاده ضبحت قامت تفعل لها تنفاش( فوشار) شافته في الفيديو في الانترنت: فعلت الزيت والذره ورشه ملح ورشه سكر ورشه فانيليا وكاكاو وغلقت رن تلفونها راحت تجاوب ، الستاره بتطير كانت مع الريح دخلتها وقفلت الطاقه وبتكلم صحبتها في التلفون...
رجعت فتحت الطاقه وجالسه جنب الطاقه وبتتكلم منسجمه
: اصبري اقفل الباب لايسمع ، قفلت باب غرفتها وبتحكي لها عن كمال:( ضبحت من مزاجيته، مافعل معه، يعجبه يحانكني، قد بينعامله بطبعه ويزعل ، مافعل قلي لي)

كمال بيشم حاجه تحرق ويشوف دخان

ابراهيم: ادخل ابسر ايش به

كمال فتح الباب ودخاااان من المطبخ طفا الغاز وفتح الطيقان وخرج يدور وين هي فتح باب غرفتها

غاده: مالك فجعتني

كمال: المطبخ كله دخان مافعلتي؟

غاده ماسكه التلفون: يوووو التنفااااش نسيته، شاحاكيش بعدين.

كمال: هذا كله تنفاااااش !! قد البيت كله دخان والطاسه سودا

غاده: ناهي نسيت لاتحلقهاش

كمال: كل شي عندش مرادده كل شي ، بطلي اسلوبش هذا

غاده: اصه الباب مفتوح ، اخرج وقفل بعدك

دخل للديوان

ابراهيم: خير ايش هذا؟

كمال: تنفااااش مشوي قدو فحم

ابراهيم جلس يكركر: يو ياصاحبي بينقل مالك ضعفت بعد العرس وانه شكلك بتاكل زبادي وتنفاش

كمال ضابح ماله نفس يضحك


في مصرر ( غرفتها)

تمكين بترد عليه: انت فهمت غلط امجد اسمعني اقلك انا مش مخادعه والله ( مابش صووووت ، بتصيح مابش صوووت)

امها: تمكين يابنتي بيأذن قومي صلي

تمكين نكزت وقلبها بيدق شافت امها شافت تلفونها جنبها فتحته فتحت رسايله مابش شي

امها: مالش؟

تمكين: حلمت حلم شوعه، الحمدالله انكم قيمتوني...

امها: اقلش مايرقدو قبل المغرب ، هيا قومي صلي..



في اليمن...بيت كمال

ابراهيم: هيا طابت نفسك بيتصل الرجاال ماقله؟؟

كمال: ادي احاكيه...


ابراهيم ناوله التلفون...

كمال: حياك ي اكرم ، من اول اتشارع انا وابراهيم قال احاكيك بنفسي،

انت غاثي داري لانك قد خسرت في مشروعك هذا بس مابش منه خراج، اخي فعل قبلك وخسرررر

قلت اقلك ولو انت متحمس لاتودف

والله انه خساره وعيتاخر عليك الشحن وجمارك ولو انت يعجبك مشروع السيارات هذا لكن كهوايه تشتريهن لك، مش تستورد وتصلح وتبيع، وجع الراس اكبر من الربح...

في مصر...

تمكين رسلت لامجد: اشتي اقلك شي ؟



(( اذا ماتفاعلتوا شاكون ابرقطكم هكذا بتشويق واقلكم بعده ت.ع.خ😈)

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 May 2025 01:44

بعد مارفعت الغدا ونظفت ، دخلت صلت وفتحت الرسايل تراسل اختها ترتيل...

ترتيل: قلي لي كيف هو ايش قلش ايش رسل لش مراعيه من امس لش ، لو انتي هنا كنت اصلا شفت بنفسي كل شي

تمكين: بدأنا فضول، اوووف من الفضول، قد قالو في شي اسمه خصوصيات

ترتيل: خصوصيات على غيري ، هيا قلي لي ياشوعه ايش قال لش

تمكين: ولاشي ايش عيقول احبش ، هبلا انتي ، بارك لي قال ماطلعت مثل وصف اهله، ممم ، بس وعن دراسته

ترتيل: يعني عجبتيه كيف مش وصف اهلش

تمكين شافت اشعار منه رساله: اصبري عادو رسل، راعي اشوف

ترتيل: هذا وهي خطوبه ومش قادره اكلمش خمس دقايق ع بعضها، شكلش لما تتزوجي عنشوفش في الاحلام

تمكين فتحت رسالته:( مساء الخير ، كيف انتي، كيف كان يومش، ان شاءالله كل شي تمام)
ردت عليه: مساء النور، الحمدالله، يومي حلو قوي ، وانت كيف يومك؟)

امجد: حلو قوي مميز مختلف ،مثلا معي معي دبله في يدي
تمكين ضحكت : همم، وانا معي دبله في يدي

امجد: انا مش فارح بالدبله ، فارح بصاحبه الدبله

تمكين: اهااا

امجد: ايوه، عجبتش؟
تمكين: الدبله؟

امجد: ايوه ماعد شقول صاحب الدبله،

تمكين : الدبله حلوه, ذوق من؟

امجد: اكيد مش ذوق مرت اخي، ذوقي، رسلت لي مجموعه هي عجبتها واحده وصممت عليها، قلت لها خلي اخي يشتريهالش ، وانا اخترت هذه

تمكين: يلا حلو ارضيتها بكل الاحوال

امجد: بالضبط

تمكين ساكته مراعيه يفتح موضوع، خرجت من الدردشه ضحكت ع رساله ترتيل وكتبت لها:( يارب يسخرلش من يخطبش يشغلش شويه عني)
كتب لها

امجد: ليش ساكته

تمكين: وانت ساكت

امجد : بيندور ايش اسال ايش اقول عشان اعرفش اكثر، اصلا بطبعي انا قليل كلام قوي

تمكين : حلو متفقين بهذه نفس بعض

امجد : بس احب اجواء الضحك والناس اللطيفه والاصحاب الفرفوشين

تمكين : انا جزء من هذا الجو، احبه يعني احب ازبج

امجد: حلو لو كنا سوا متفقين بهذه عيكون الجو ملل بيننا

تمكين: ايش تكره؟

امجد: اكره ، مافي شي معين اكرهه

تمكين: مثلا كطباع في الشخص؟

امجد: اكره ابو وجهين اكره المجاملات، والي يعاندني وهو غلطان، وانتي؟

تمكين : اكره الغموض ، التغيير بدون توضيح اسباب ، والكذب

امجد: يعني فضوليه

تمكين: ليش !
امجد: قلتي تكرهي الغموض

تمكين: لا مش فضول بس ماحب الشخص الي قريب مني وماعرفه سوا الا من بعيد لبعيد

امجد: بعض ناس يكون عندهم صعوبه التعبير او النقاش مش شرط غموض

تمكين: تقصد نفسك؟

امجد: بصراحه ايوه، يعني اصحابي يقولوا غامض بس يمكن لاني قليل الكلام عن نفسي، اقرر وبعدين يعرفوا الي حولي بقراراتي او اشياء عني

(( ممكن تفاعل عشان يوصل اشعار المنشور للبقيه))

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

12 May 2025 00:33

تمكين: عقدني انه حبيت شخص وع اساس بيخطبني وكان متقدم شخص وهو مش جاهز

سحر بتشوفها وهي بتتكلم متحمسه وبتقرش اطراف اظافرها وتصلح حجابها وتمسك شنطتها وترجع نفس الشي تنشغل بنفسها وهي بتتكلم : ايوه

تمكين: ساعدته بمبلغ يكمل المبلغ الي معه عشان جهاز الخطوبه ( عندنا هدايا واشياء ،المهم اخذها ومنتظره يجي ، منتظره يفتح موضوع يسأل ، ارسل له مايرد، اختفى وجلست منتظره وقلقه وخايفه عليه فكرت حصل له شي سيء ، المهم انكسرت وكرهت الحب وماجا واختفى

سحر : طيب لحد الان ، الحب ماله ذنب ، بريء من الي صار معك

تمكين: كيف بريء والي حصل لي هذا كله!!! من اول اكلمش انتي فاهمه ايش سوا فيني

سحر: حبيبك ، مش الحب، الحب كانت مشاعر بينكم، الي تغير الشخص مش الشعور

تمكين: يعني ماحبني وكذب عليا وخدعني لذلك كرهني بالحب

سحر: معك حق بكل الي قلتيه يا حبيبتي، الي حابه اوصل لك ان الحب شعور وشي جميل ويدل على سلامه القلب، الحي مش مربوط بشخص ، الحب بيبدأ منك من نفسك من حبك لشخصك وحب الي حواليكي يستحقوا الحب، حبك للشمس للمطر لامك لابوكي لاخوانك خواتك صديقاتك، حبك لأكله ، لعباده، الحب متجسد باشياء كثيره مش مقتصره بشخص ، لما تحكمي ع الحب وتعقدي نفسك منه انتي بتحرمي نفسك مشاعر حلوه مش شرط تكون لشخص، وبعدين نجي للشخص ، المشكله فيه مش بالحب ولا فيكي، ويمكن فيكي شويه،

تمكين: انا !!! فيني؟

سحر: ايوه، لو حبيتي نفسك وعرفتي قيمتها ماكنتي وصلتي للشعور الي عشتيه، انتي عطيتي وماخذتي بقد الحب الي عطيتيه،

تمكين: بس انا بعدها خلص تجاوزت وعرفت قيمتي وقويت نفسي وقدرت انساه حتى اني تخيلي كيف شفته ووين ، بعد ااغياب الغير مبرر شفته بيوم عرسه صورتهم بس ولا فارق معي

سحر ملاحظه عليها توتر انفعال شويه: حبيت موقفك والقوه الي عطيتيها لنفسك وانك ماضعفتي وقررتي تكملي

تمكين فرحت حست انها سوت انجاز هدأت تصرفاتها هدأت

سحر شافتها: بس قلي لي قبل هذا كله، انتي حابه بجد تتغيري وتكوني قويه فعلا؟؟ تفهمي نفسك وتحبيها وتفهميها

تمكين: اكيد

سحر: خلاص ،الان بنوقق كلامنا مع بعض هنا ، وكل يوم بعد كل دوام بنطلع نتمشى ونتكلم لمده ساعه ، اتفقنا

تمكين انبسطت: اتفقنا

سحر ابتسمت لها: يلا باخذك معي ع طريقي لبيت اهلك ، اخاف يقلقو تاخرنا


تمكين: انتي الكلام معش جدا مريح، ايش تخصصك؟ اكيد درستي شي غير التصوير

سحر ابتسمت: التصوير موهبه ، انا درست علم نفس سلوكي، واحضر الدكتوراه

تمكين: واوووو، ماشاءالله، بس ايش رأيك، هل تعتبريني قويه قدرت اتجاوز ؟ والي حصل معي صعب او لا؟

سحر: بكون صريحه معك انتي مش طفله ياتمكين وحابه فيكي انك بتساعدي نفسك،

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

22 May 2025 02:45

امجد في غرفته بيراسلها: كيف كان يومش يا خطيبتي؟

تمكين: حلو الحمدالله

امجد: ناقص وجودي اكيد

تمكين رسلت فيس ابتسامه خجل

امجد: تعرفني على اهلي؟

تمكين: اكيد

امجد شاف اخته مطننه: مالش؟

اخته: والله غثيت عليك حين قمت من فوق الاكل، بس الله يهديهم ابي و امي، ياريت وماقلنا لهم انها مصوره

امجد: دعممي منهم ماعليش عيرجعو يقتنعون

اخته: ابي حرم وطلق واتوقع مرتك وهي مصوره

امجد ضبح يشتي يخرج لاعند ابوه

اخته مسكته: مش وقت ياخي ابوك عنيد مابلا تتصايحو ،ويطردك من البيت اهدأ، حاول تقنع خطيبتك انك بتغير عليها او انها عتنشغل او عتسافروا، المهم لو هي متفهمه عتوافق

امجد: بيني وبينش، انا ماكان معجب لي عملها، يعني حين سرت وشفت رجال بيدخلوا وتتفق معهم ، بعدين قلت تتلثم سهل ، ذلحين مدري ترضى او ماشي تبطل شغلها

تمكين شافته مارسل اتصلت لحنان : لقيتيها؟

حنان: ماشي ، قد قلبت المحل عليها ولالقيت ذاكره العرس حق التاريخ هذك

تمكين ضابحه: كيف مالقيتي انتي عارفه، انها مشكله كبيره ، انبشي الدنيا ، بكره افتحي ادراج المكتب وشوفي بين كل الورق والدفاتر حق الحجوزات ، اتصرفي ، اعرف الذاكره مالي دخل ، هذه امانه عندنا وغير عيقع للبنت صدمه

حنان: طيب ، ولو مالقيناها

تمكين: معرفش... انا مالي دخل ، خليت المحل عندش و ركنت عليش ، مش انتي جاهله تضيعي شي مهم مثل هذا.

غلقت وهي منصبه...

امجد: اسف ، اختي جت شغلتني شويه ، كثيره هدار

تمكين: بالعكس خواتم حبوبات قوي

امجد: وامي

تمكين: ماقد تجابرنا سوا مقدرش احكم عليهم

امجد: امي طبعها صعب شويه، مابتسد حتى مع خواتي، مابسرتيها قلبت فوقهم

تمكين: لا، ( نفسها تقله انها قالبه فوقها من حين وصلت ، بس دعممت)

امجد: انا قوي فارح انش عاقله ومتفهمه قوي بينحمد الله انش عتكوني رفيقه دربي

تمكين فرحت بكلامه: ان شاءالله اكون قد فرحتك ، والله يتمم لنا ع خير

امجد: بس يعني فيني شويه عيوب، وانتي ايش عيوبش؟ رغم مستحيل حد يقول عيوبه، بس انا صريح

تمكين: حلو دامك صريح، ايش عيوبك؟

امجد: لما احب غيور قوي ماضايقش بس قلبي يضايقني اجلس اكل نفسي ، عصبي بس الي يدعممني ومايرادد ، اسكت على طول ، لما اضبح ارقد خيرات

تمكين: انا عكسك لما اضبح مارقدش ابدا، وشكلي اليوم ماشرقدش

امجد: يعني ضابحه؟ من ضبحش! او حصل شي في الحفله؟

تمكين: لا لا، ضبحي ماله دخل بالحفله ابدا، بالعكس كان يوم لطيف، من العمل ضابحه

امجد : وانا ضابح من عملش

تمكين: ليش

امجد: بينغير عليش ، او تقدري تقولي طماع ، احب الاشياء لقلبي واحلاها اخبيها واحافظ عليها

تمكين ضحكت

امجد: هيا اشتغلي معي وابرديلش من التصوير

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

21 May 2025 01:30

تمكين:وين حنان؟

ترتيل: في الطريق قالت قريبه

تمكين: خلاص قلي لهن، ولا مش ضروري

ترتيل :معقول الي بتهتم بتفاصيل ولمسات وصور كل مناسبه مانصور لها التفاصيل

ام امجد قربت منهن: هيا مالكن يابنتي شرق، نشتي نخطى مغرب

ترتيل: تمام ياخاله عتجي المصوره ذلحين

ام امجد: ياعقي ومادخل المصوره او عتصورني؟

ترتيل: مع بس التنسيقات و

ام امجد: ارجعين صورين بعدا على راحتكن، عنخطى بدري

تمكين شافت ترتيل: خلاص مش ضروري حنان ، سيري

ام امجد شافتها بنظره تفكيرها زعلت وهي ضابحه من لغاجه ترتيل عشان مصممه تصور بضبح جلست جنب بنتها وبتشاورها: ابسري على قلبه قلبت حين ماخليناهن يصورين، شرق عادهن ذكرين يصورين ، البدله عندها شهرين

بنتها مسكت يدها وبهدوء : خلاص يمه، صوتكم عالي مش وقت

ام امجد: محد يصدق شايفه تخطب سليفه لها، ابسري امانه مش بنت خالتي سعاد احسن

بنتها: ماشي ، حاليه بس مابش فيها ملامح ، اما تمكين مقبوله قوي

ام امجد: انتين بتشجعين اخوكن انتين ، والله إن شكل البنت غنجيه و زناطه

بنتها: يمه مش وقت قوا، والله لاقوم اجلس جنب خالتي

ام امجد : قوميط ندمت حين صدقت امرت اخوش وخليتها تخطب له لو دريت إنه عيرجع كنا خطبنا له .

بنتها محرجه صوتها عالي قامت من جنبها ...

مرت عم تمكين جلست جنب ام امجد وبيتعرفين على بعض

مرت عم تمكين حست بزنط ام امجد وهي اسالها: وانتي بنت من انتي؟

مرت عم تمكين اول مااقالت لها بنت من هي

ام امجد غيرت ملامحها ابتسمت: صدق سبحان الله كيف الدنيا صغيره، تعرفي اختي امه الملك تقربلش؟

مرت عم تمكين: ايوه هي بنت عمي

ام امجد: ها ماشاءالله


بعد حفله الخطوبه والاحداث الي حصلت...

روحين وفوق السياره .

امجد بفرحه وحماس: هيا مارأيش؟

امه: حمي عيونك وعقلك حين انت مهندس ديكور وماقدرت تفرق بين الضخامه والعاديه، كل ماسالتك كيف خطيبتك قلت لي ضخمه

امجد ضحك: هيا لاتحاوليش تمزحي

امه: والله انها عاديه من قلي اخلي مرت اخوك تخطب لك، وبعدا على وقاحه فيها ، كيف قلبت فوقي صور حين ماخليتهن يصورني ، قلدك الله هو يسبر تلبسها الذهب ويصورين

امجد: مافيها قد انتي ام خطيبها

امه صيحت: اسمعين لكن اسمعين: منك صدق ؟ هذه صورتها سحرتك او كيف ، ياسعم انت المتشرط الي ماعجبتك واحده في الاسره ، وهن صدق بنات وجمال وبياض وحلا ، وعجبتك تيه

امجد انكشف من امه: خلاص يمه قدي نصيبي ..

امه: براحتك، مش بعدا تجي تشكي لي بيوم، والله لاتشفى فيك وافرح

اخته: لاتصدق ياخي والله إن امي زيدو بها مدري مالهم

امها : اصه انتي الثانيه بدل ماتعقليه، وبعدا مش هو عاجب لي عملها، مصوره، عتوقع مرت فلان ابن فلان

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 May 2025 02:16

تمكين طرحت الوساده جنبها مبتسمه التلفون وبتكتب له

ترتيل : ادي الوساده

تمكين شافت الوساده رحمتها لها: ماجابها هنا؟
ترتيل: لك الحمد يارب، اختي في عالم

تمكين امتدت واخر رساله: حاضر من عيني وعد بكره قبل ماسير المحل اشتري لثمه واتلثم، وانت من اهل الخير.

ثاني يوم..
تمكين راحت المحل ملثمه..
ابراهيم وصل : وين الاستاذه تمكين

تمكين: تفضل اجلس
ابراهيم استغرب مسرع تلثمت جلس: هيا تفضلي ، ايش بنفسش؟

تمكين: راجعت الشروط كلها ووقعت عليها ، باقي انت توقع

ابراهيم سحب القلم من فوق المكتب : وهذا توقيعي

تمكين: ياريت مره ثانيه اي شي تقرروه تناقشوني فيه ، طالما والعمل مشترك بيننا

ابراهيم: على طول والمعذره منكم

تمكين: بتوفرو فساتين زفاف بس؟

ابراهيم: لا ، الزفاف والسهره ومطرزات وقطع نادره من الاقمشه برضو ولكن موزعين في كل محل مجاله، قلنا بما انكن حجوزات للعرايس ممكن يلفتهن فساتين الزفاف

تمكين هزت راسها: طيب والسهره وحق المناسبات وين هن؟

ابراهيم: في محل من المحلات

تمكين: ينفع اعرف وين؟ اشتي احجز فستان

ابراهيم: على طول بيشرح لها العنوان كتب في الورقه، قلي لهم انش فرع محلات الزفاف عيفعلو لش خصم

تمكين: تمام شكرا..
راحت المحل ودخلت شافت الذوق رهيب ومميز في صنعاء كلها عن بقيه المحلات، وقطع متنوعه حبه من كل موديل

صاحبه المحل: كيف اقدر اساعدك

تمكين مسكت فستان سوسني عجبها: اشتي هذا

صاحبه المحل: شلت قياسها وخرجت لها الفستان: تحبي تقايسي؟
تمكين: مابش داعي عجبني خلاص والمقاس مضبوط، انا فرع فساتين الزفاف ، قالو عتفعلو تخفيض،بكم

صاحبه المحل: ايوه كلمونا، قالو لانه اول تعامل لش معنا خصم ٧٠٪

تمكين: واووو ، صدق ، شكرا قوي

بعد ماروحت البيت كلهم عجبهم ماصدقو السعر

بعد يومين
بدات تجهيزات الخطوبه وترتيب البيت وادت المنسقات وجهزين الكوشه..

تمكين: اول مره احس شعور الي اصورهن، من صدق توتر وخزا، هذا وهي خطوبه

مرت اخوها: لاتتوتريش ، انبسطي ،احلى ايام هذه

تمكين: اتصلت اخته تسال عادي يدخل ، قلت لها لا

مرت اخوها: يو عمي لايجننو

تمكين: ايوه، قد قلت مابش داعي قد ابسرني، عادي في العقد ان شاءالله


في بيته...

كمال فاتح صفحتها بالفيسبوك بحساب جديد ،يشتي يشوف منشوراتها ، بس فاعله خاص، دخل حساب اخوها في الفيسبوك...

لقي من اخر المنشورات صوره له مع خطيب تمكين في المطار ، كاتب تعليق( اثناء استقبال الاهل بعد غياب شهور)


بيقول التعليقات وصل لتعليق امجد:( والنعم فيكم اهل ونسب)

دخل صفحته، شاف منشورات تهاني وتبريكات بمناسبه خطوبته ضبح وتوتر ،بيكتب تعليق ....

ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

20 May 2025 02:16

كمال: مني صدق

ابراهيم: مدري ياخي انا وسيط ومسوق ومالي علم بشي ولا سألت، يهمني ادخل جيبي بقش

كمال: عاد سماجتك هذه لوحدها، اكلمك صدق

ابراهيم: وانا اكلمك صدق ، مادخلي ليش يغير الديكور، بس افرض إنه يشتي الافضل والفخامه عشان يمشي بضاعته

كمال بضبح: قاااادر يفعل ديكورات ع حسابه ويتاجر ، ومش قادر يفتح محل ! انت اخبل او ايش، بتشتغل في مجال لازم تعرف كل شي مش سير سير جي جي

ابراهيم: والله انك مرتاح مش انا مبعسس ساعك، مادخلني وانا ياسعم لاوجهي احاسب الرجال هو حر ، حتى يبيع في عربيه ومعه ملايين

كمال: لاحول ولاقوه الا بالله، اسكت احسن بس


في بيتهم وصلت تمكين ..

ترتيل: ادخلي العديد البالطو وجي الديوان سلمي قبل مايروحو قدو مغرب، عيخطين بعد الصلاه، قلنا انش راقده ،ماقلنا خرجتي

تمكين: لو تدري ايش حصل

ترتيل ممازحه : مش وقت ، هيا اقطبي ادخلي غرفتش وتخرجي مشعفله ياسعم راقده...
تمكين ضحكت : تمام

بعد ماخرجو اهلها ..

تمكين دقت باب الغرفه حق ابوها وامها ودخلت: مساء الخير

ابوها : يامساء النور

تمكين جلست جنبه

ابوها: قد فقدتي لنا

تمكين بضحكه: ايوه ، هنا ساونا من بعض كلهم، في مصر كنا وحدنا، حالي لو كنت بنتكم الوحيده شاتدلع دلع اخوتي كلهم

ترتيل: يو كيف رجعتي كريهه ،
سكتت شويه سرحت ،هدوء ، امها بتسبح وابوها بيشوف التلفزيون الاخبار عااالي صوتها

تمكين: بابا ،ممكن تنزلوا الصوت اكلمكم

ابوها شل الريموت شافها، نقص الصوت: خير ؟

تمكين: اليوم وانتو راقدين، اتصلت حنان، وسرت المحل

ابوها بيتابع شريط الاخبار ويقرا ويهز لها راسه: حلو

تمكين: حصلت مشكله صغيره، عصبوني ، جو يغيروا ديكورات المحل ع مزاجهم تخيلو

ابوها لفت لها: منهم.

تمكين: صاحب مشروع الفساتين، وانا رفضت واتصلت له يجي يلف العمال

ابوها : ليش ؟
تمكين: بابا، ركزوا معي ، بينقلكم بدون استئذان جا يغير الديكورات

ابوها: طيب كثر خيره، يمكن يشتي الافضل لمشروعش ومشروعه
تمكين: طيب يستاذن مش هكذا ولا عد كان لي وجود والمحل محله

ابوها: طيب وبعدين

تمكين: توقعتكم تعصبو مثلي ، بس رده فعلكم عاديه

ابوها: يابنتي كم جهدش في الدنيا هذه برقطه عاد العمر قدامش ، بكل هدوء شي عجبش تمام ماعجبش افعلي مثل مافعلتي وخلص

تمكين: طيب وعاد باقي شي ،

عبدالوهاب دخل : مالكم كلكم هنا، مامعكم

امه: قلنا كبرتو وانحنا جالسين نبزي لذلحين ،جي

دخل جلس يسمعهم
ابوها لفت لها: ماباقي؟

تمكين: جا امجد هو وخواته للمحل ،

ابوها : ليش مامعه،

اخوها: هو صدق كيف يجي للمحل هكذا بدون خبر

مرته: ياسعم جا البيت، هو محل من ماسار سار

ترتيل: وبعدين جا بخواته مش وحده

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

19 May 2025 03:14

تمكين فوق الحاسوب

حنان شافت امجد ونسوان : جو زبائن
تمكين بعدت راسها ع جنب انصدمت امجد !!!.: قامت ، مش عارفه من هولا الي معه، اتوترت شويه محرجه وهي مراعيه لابراهيم ....

امجد واقف شويه بعيد منها..: قلت اخواتي محل خطيبتي وهن صممين يجين

تمكين وقفت تسلم عليهم: اهلا وسهلا تفضلين...

حنان قربت منها : هذا خطييش؟؟

تمكين بصوت واطي: ايوه .


واقفه تمكين بعد ماسلمت عليهن ردت لامجد: حياهن الله

امجد بصوت واضح ملان المحل: حياكن الله، وانا اسير لي السياره... بمزحه

كمال على دخلته سمع امجد حس بغيره من هذا الي بيزبج معها ومال هذه مبتسمه له وتكلمه

حنان شافت ابراهيم وكمال دخلوا ، سارت لاعندهم

ابراهيم بيتلفت يدور: وين الاستاذه؟

كمال قدم خطوتين يشوف الوضع عن قرب مع امجد وتمكين مالها بتتكلم وهي مستحيله( هو يعرف نظراتها هذه لما كانت تتكلم معه وترتبش)

حنان شافت كمال بيمشي: ممكن لو سمحت تنتظر هنا، بس تكمل تكلمهم

كمال: مش وقت الزباين معنا عمل

تمكين كأنها سمعت صوت لفتت شافته

حنان: هولا مش زباين، هذا خطيبها واهله،الان يمشو وتتكلم معاكم، تفضلو اجلسو امد هنا..

ابراهيم مسك كمال استغرب ليش عصب: مالك؟ او صدقت جيت تضارب

كمال: ضبح ، خرج سجاره ولعها

تمكين شافته: لو سمحت يا استاذ ، التدخين ممنوع

كمال تنرفز منها كسر السجاره ورجمها في الزباله( داخل نفسه:والله ما اخرج ) لاوترش مثل ماوترتيني يوم عرسي)

امجد: هيا بنات، معها عمل عترجعين تتجابرين مره ثانيه

تمكين تمت تتكلم معهن وتتعرف عليهن ..ومشيت معهن تودعهن...

قدام كمال وإبراهيم

امجد شافهم: ماتشتي شي؟ هم هولا الي عدلوا الديكورات

كمال متنرفز وملامحه فاضحته وهو بيضغط ع الفك حقه

تمكين بابتسامه ناسيه قدامه كمال واي حد بالمحل: شكرا تسلم

امجد ابتسم لها: يلا اي شي تشتي اتصلي لي ومتواصلين لما تفضي، منتظر

تمكين هزت راسها بابتسامه: تمام

خواته خرجين

امجد خرج وهو بيشوف ابراهيم وكمال...

تمكين مالفتت لكمال ابدا وكأنه شخص غريب: الاستاذ ابراهيم؟

ابراهيم: ايوه

تمكين بتأشر على الفوضى والديكورات : ممكن افهم ايش هذا الي حاصل؟

ابراهيم: هذا تعديلات للمحل ، شكر وتقدير من صاحب المشروع انش قبلتي تعرضي فساتينه بالمحل

تمكين: طيب الشكر والتقدير يجي بطريقه افضل من هذه، اجي وغصب عني قد عملوا كل شي

ابراهيم: انا اسف والله ويعتذر لش هو ومستعدين، الي تشتي ع ذوقش

تمكين: مشتيش شي من حد بدون مقابل، الديكورات عملتوها في مساحه العرض حق فساتينكم يكفي

ابراهيم: يعني أبلغه انش رافضه؟

تمكين: ايوه لو سمحت

ابراهيم اتصل له

كمال بيشوفها بنظرات ملامه عتاب غيره

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

18 May 2025 17:18

تمكين: مابش داعي تتعب نفسك، مانسيت السواقه

عبدالوهاب ضحك: يلا تمام

بعد ماوصلت


تمكين دخلت المحل سلمت على حنان: خير ايش هذا كله؟؟

حنان: مدري، كان هنا وخرج والعمال بيشتغلو

تمكين مشيت لاعندهم: عفوا ، ممكن توقفوا الشغل !!..

واحد من العمال: كلمي عمنا

تمكين: من عمك ؟ محد طلب اذننا والمحل هذا محلي !!

اتصل له الان يجي

العامل اتصل له وحكا له الي حصل :حاضرر، تمام هنكمل ولايهمك

تمكين مبهرره مصدومه شافت حنان : ماله هذا بيتخيبل؟

حنان: مدري ،طبعا ابراهيم ماجاش بنفسه لما رسلت له سالته قال نعم

تمكين: نعم ايش؟ ماسألتيه؟

حنان: قلت انتو الي طلبتو تغيرو ديكور المحل ، قال نعم، رسل الي جا رتب الستندات حق الفساتين

تمكين ضبحت وجلست: ذلحين ايش اللغاجه هذه؟

متاكده ابراهيم؟ سرحت شويه ذكرت كلامه لما قال لها شاخطط لش تنسيق هندسي للمحل معش تصميم مجانا مني ؟ ( شكت و رسلت رساله

امجد: ماشي والله ماهو انا، عادنا اشتي امر اشوفه عشان اقدر اخطط له ،‌بس من هذا الفضولي؟ جريء قوي يتفلسف من نفسه

تمكين بضبح: خليه والله مادفع فلس يتحملو التكلفه هم، وانا ليش ازعل نفسي والاحق من فعل هكذا

امجد: لا هذا الكلام ماينفعش، حتى لو فرش ذهب يتصل يستأذن انتي صاحبه المكان، ادي رقمه وانا التفاهم معه

تمكين: اول اعرف من بعدا سهل

امجد:تشتي اجي؟

تمكين: لا لا مابش داعي، اخي قد عيجي هو

امجد: تمام وكلميني لو في اي شي او تحتاجي شي

تمكين: حاضر

حنان: من عيكون؟




تمكين سارحه بتتذكر الكلام الي قالته حنان: يعني اكيد ابراهيم ، قلتي رسل الشخص الي جهز مكان الفساتين..

بتتصل لابراهيم...


ابراهيم بيرن تلفونه وهو بيسلم على كمال في الديوان حق كمال..

كمال: جاوب انت والنغمه هذه ساع الحرب العالميه الرابعه

ابراهيم: والثالثه ؟

كمال: هو باقي لي الثالثه اتزوجها، والرابعه عتوقع حرب عالميه، لانه مش معقول كلهن مصايب

ابراهيم فتح الخط ع اخر جمله قالها كمال : الو

تمكين كأنها سمعت صوت كمال جاوبت : كم.. الو


ابراهيم : تفضلي ي استاذه حنااان بينقلش مادخلني انا

تمكين :اولا مش انا حنان، انا صاحبه المحل ، ثانيا كيف مادخلك يا استاذ ابراهيم وانتو الي رسلتو نفس الشخص الي وصل الفساتين وسوا لهم ديكور !!! ايش بيحصل ممكن افهم ولا شاسير ابلغ بالعمال الي دخلو المحل عندي ومحد داري منهم...

العمال كلهم تلفتو خافو وبتسمع أصواتهم: ماله هذا ؟ هو رسلنا ابراهيم

تمكين سمعتهم: العمال قالو رسلهم ابراهيم، ايش الحركات هذه ؟

ابراهيم: يختي اهدأي صلي ع النبي ليش معصبه مش انتي في مصر؟

تمكين: ايوه وصلت اليوم والان بالمحل جي خذ فساتينك

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

18 May 2025 17:18

امجد شاف امها ولمحه لمحها: الحمدالله على سلامتكم

الام: الله يسلمك يابني .

تمكين: الله يسلمك، طلعت السياره حق اخوها..
امها طلعت معها

امجد حمل الشنط مع عبدالوهاب ودعهم وطلع سيارته...

فوق السياره..

عبدالوهاب: مخلق خطيبش يا تمكين ،وماشاءالله عليه شخصيه

تمكين مستحيه ترد ساكته
ابوه: بس ليش جا وتعب نفسه، مافايده جثته.
تمكين ماسكه نفسها لاتضحك

عبدالوهاب بيلطف الجو مع ابوه: ذلحين هو يشتي يفعل نفسه عندك احسن واحد

ابوه: على الله، الله يسد ويصلح

امه: كيف مرتك وجهالك واختك.

عبدالوهاب بيضحك: انتو دارسين ترتيل مش هي داريه ولا جهالي، كلمت مرتي بس تجهز الغدا وتسبك طلبات ابي..

تمكين فتحت شريحتها وصلت رسائل الناس الي كانو يتصلوا لها

امها: صمتي تلفونش كسر راسي، عاد آذاني بتوش من الطياره

وصلوا البيت...
عبدالوهاب : ادخلوا وانا شادخل السياره وانزل الشنط
تمكين سبقتهم كلهم دخلت سكته

ترتيل جالسه في غرفتها في الارض مقفيه ظهرها للباب بتعطف الملابس

تمكين شافتها بتعطف بلوزه من ثيابها بنبرتها لما تصيح فوقها: مش قلتلش لاتعسي ثيابي

ترتيل بهررت نكزت صاحت لما شافتها: يووو فجعتيني والله عادنا بينقل بيني وبين نفسي وحشني صياحها على الثيابات مابحد هي مفتهنه بينلبس ع راحتي...

تمكين حضنتها: وحشتيني

ترتيل: وانتي والكل ، ليش جيتي وحدش؟

امها دخلت

ترتيل فرحت جريت تسلم على امها وتحضنها

تمكين خرجت عند بنات اخوها ومرت اخوها...

بعد اللقاء والسلام فوق الغداء..

عبدالوهاب: تمكين ..هيا غدا

امه: قالت عادها مغثيه من الطائره تفتهن شويه وتاكل بعدا

في غرفتها

تمكين رسلت له: ماقلت لي انك عتجي

امجد: حبيت افعل لش مفاجأه، وانش افتجعتي هربتي للسياره

تمكين ضحكت: اصلا استحيت قدام اخي وابي

امجد: انتي فاتشه؟

تمكين:* ايوه

امجد: هااا ، قد استغربت شفتش مش مبرقعه، توقعتش مبرقعه قلت سهل حتى لو اهم شي افعل الواجب معاكم، بس فرحت حين شفتش

تمكين:رسلت (فيسات مستحيله)

امجد: اطلبش طلب

تمكين: اكيد

امجد: اشتي خطيبتي ملثمه اغير عليش، والله انش قمريه قوي

تمكين فرحت بالكلام الحلو ( رغم عارضت اخوها واقنعت ابوها تجلس فاتشه، مابترتاح باللثمه) بس كلام امجد وغيرته عليها خلتها ماتتردد ابدا : تمام حاضر

امجد: انا فدالها خطيبتي العاقله

تمكين فرحت اكثر (حسته حب اكثر من كمال الي قلها تلثمي مش عشان يغير عليها وحلوه، بس عشان ايش عيقولو اهله عليها انها فاتشه)

ترتيل دخلت لاعندها: جي كلي شويه افعل لش ليمون؟ قهوه زنجبيل حاليه الغثيان
تمكين بنظره وابتسامه: ولافيني شي،جي ابسري


صباح الورد، شكرا لكل من قلق و سأل🥰

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

16 May 2025 01:46

تمكين رجعت لسحر: ماشاءالله على ذكاء فيها ، البنت صغننه بس ذكيه

سحر: سمعتها بتجاوبك وقلت امها ماتركتها وبقيت واقفه من بعيد تراقبها الا وهي بتدعمها وحابه تشوف كيف رح تتصرف

تمكين: ماسمحت لي ابوسها قالت غريبه هههه ياعمري ماطعمها

سحر ابتسمت: برأيك ماكان كلامها رساله لك!

تمكين: مافهمت

سحر: قالت ممنوع تبوس اي حد غريب، وانتي اصريتي انك صديقتها حكيتو سوا وعرفتيها عن نفسك وصورتيها وحكيتي لها قصه الفراشه وضلت متمسكه برأيها، انتي غريبه وانها مستكفيه بالاصدقاء الي معها

تمكين ابتسمت: ايش دخلني بالموضوع !

سحر : انك تحافظي على مساحتك حدودك، مش اي حد يقرب منك تسلمي له ،

تمكين: اعتقد خلاص الان لو باسلم له قلبي عادي
قدو خطيبي

سحر : حتى وان ! لازم تبقى مساحات خاصه فيكي تحمي نفسك ، لازم تتعلمي تكتفي بحالك واي حد يكون معك، يكون اضافه حلوه بقيت اهلا وسهلا ، راحت الله معها..

تمكين: قصدك لا اتعلق صح؟

سحر : ممكن ، توازني لما تعطي مشاعر حب ، او مساحه تخصك بقراراتك وحياتك ومشاعرك، الي يحبها زي ماهي اهلا وسهلا والي ماحبها، الله معاه، وتعلقي بقدر الي تاخذي اعطي

تمكين هزت راسها: تعرفي احس الي بتقوليه كله صعب، انا انسانه عفويه، احب اتعامل بطبيعتي ماقدرش افكر واتصرف

سحر: يبقى المواقف حتعلمك ليش الله عطانا عقل وشعور عشان نحس ونفهم ونفكر ونخطط، ندير حياتنا صح مانتعامل بعبثيه مع اي شي ، اي حد، واي شعور

بس تحسي نفسك مستعده تتغيري سوي الي قلتلك..

تمكين هزت راسها تمام: وكانت مش حاسه انها فاهمه كلام سحر، هي حاليا بفتره جميله ومشاعر حلوه مع خطيبها ولانه جرب الوجع والخذلان مستحيل يأذيها، لذلك هي مستعده تسوي الي قالته سحر،

فهمت ان الي بتقوله سحر بسبب كمال ونصايح عشان علاقتها بكمال، ماخذتها انها درس عام لاي حد...

روحت ووصلت البيت و رسلت لأمجد

امجد : ي اهلا ي اهلا ، ايش المبادره الحلوه، اخيرا رسلتي،

تمكين: قلت اسأل عنك، اخبارك، كيف شغلك

امجد: تمام، كل شي واقف حاليا، مافي شغل، لما يرجع بقيه اعضاء الفريق مسافرين

تمكين: حلو ، ترتاح شويه

امجد: ايوه، عقبالش انتي لما ترتاحي، امس شفتش انشغلتي قوي ، اخذو وقتش رغم انش مش في اليمن.

تمكين: ايوه والله بالذات بعد موضوع الفساتين، رجعنا نهم عملين مش عمل

امجد: الي مضبحني، ان صاحب المشروع جالس مرتاح عيوصل له المبلغ وانتي بس نسبه، رغم انش الي بتعرضي وتقنعي الزبونه ، وترجعي تستلميه وتتفاقديه... الخ

الموضوع يحتاج اعاده نظر للاتفاق

تمكين: والله كلامك صح، طيب كيف اسوي ؟

امجد : ارفعي النسبه شويه خليها بالنص بينكم

تمكين: احس بظلمه بالنص،

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

16 May 2025 01:46

تمكين ماسكه وجهها: كل فستان افخم من الثاني، ابسروا يمه غيرررررر الي معروضات في المحلات كلهن

امها: ماشاءالله ماشاءالله، بس هذولا مش هن حق اعراس، حق سهره

تمكين: قلت لهن يعرضين بدون قفازات عيشلين مساحه، وعشان يبان الموديل

امها: قوي فخمات قوي ماشاءالله ، بس يعلم الله بكم

تمكين: ذكرتوني، اسألها قد عملوا لها قائمه اسعار وشروط وضمانات.. احس البنت هذه تعبتني الصدق

امها :, هانت شهرين ورجعنا قدش عتتفاقدي عملش بنفسش

تمكين: صددق؟

امها: ابوش يشتي يرجع ماعد مدد معهم العقد، وعنراعي لش تتمي المعهد ونسير، قدو معنا معنا نتجهز للعرس، اليوم اتصلين قالين يشتو العرس بعد خمسه شهور

تمكين: ليش؟
امها: ايش ليش؟

تمكين: ليش بسرعه، ماقد عرفته؟
امها: ولا عتعرفيه بسنه ، مدري من اين مشعتين لكن حجه التواصل هذه ياسعم عتعرفيه في سنه

ابوها: صدق امش الرجال مش بالكلام، بالفعل والقول والعشره

تمكين ضبحت: يعني حتى لو تواصلنا؟ ماشعرفه؟

امها: مدري يابنتي لكن مش منطقي تعرفيه في فتره بسيطه وبكلام و رسايل..

تمكين: يعني قد عرفت في فتره بسيطه اشياء مالها شي ، صلاته ملتزم، بيقلي عيسير يصلي ويرجع يكلمني بعد مايصلي، حق عمل وشغل وواصل في العمل، بيشجعني في مشروعي ، ويقلي لو اشتي مساعده

امها: على الله، الله يجعله مثل ماتتمني.

تمكين: ان شاءالله، دخلت غرفتها ،شافت الورق على الماسه، تمارين سحر... مالها مزاج اليوم للمواضيع هذه، راحت امتدت فوق سريرها...
وهي بتشوف امجد رسل او لا،!! ليش من الصبح مارسل؟؟

معقول ضبح منها، معقول لانها كلمته اليوم الي قبل هذا كثير،ياريتها سمعت نصايح صحباتها وثقلت شويه...

رسل لها : اسف قوي قوي ، لاني ماصبحت عليش ولا مسيت، امس اضطريت للصبح اشتغل ورجعت رقدت ، صحيت وقت المعهد حقش كان معي اجتماع والان كمل..

كيف انتي ، كيف كان يومش؟

تمكين حست براحه كانت متوتره ليش مارسل ليش ماسأل، فرحت قوي برسالته: عادي لاتتأسف ، انا كمان انشغلت ،

امجد: في ايش انشغلتي هو الا معهد ! او بدأتي تشتغلي هنا؟

تمكين: لا ، معهد وبعده خرجت مع صحبتي وبعدين وصلت ساعدت ماما وتغدينا ورفعت وتجابرنا...

امجد: الله يديلش العافيه

تمكين: الله يعافيك

امجد: انا قلت انشغلتي عمل بس هذا انشغال جميل قوي، فقدت لاهلي

تمكين: كان نفسي اشتغل هنا، بس مابش وقت عنرجع بعد شهرين

ان شاءالله تجتمع باهلك، بس مالك شي معك اخوك و زوجته هنا

امجد: حتى لو انا ساكن وحدي، الاهل غير الام الاب الاخوه الاصحاب، بالنسبه للشغل خلي شغلش باليمن احسن.

تمكين : ليش

امجد: هنا وجع راس

تمكين: تمام

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

14 May 2025 00:32

ملاحظه:-
((البارت الي قبله كتبت حوار كامل بأسم كمال بدل امجد لعل وعسى تتفاعلوا علقو حتى نقطه لو سمحتوا...
الناس بيدخلوا خاص يقولوا وين البارتات بتوصلهم متاخره بسبب قله التفاعل والمشاهدين قوي كثيرررر بتأخر وصول المنشور للبعض...)))
هذه الملاحظه خاصه لمتابعين الفيسبوك والانستجرام

نرجع لقصتنا...
امجد: اكيد قدامه لكن الله واعلم داخلها كيف انهار، مسكينه

تمكين جلست تمسح دموعها وهي بتشوف كلامه: المهم الله عوضها
امجد: الحمدالله، ان شاءالله شخص ينسيها كل الي عاشته

تمكين: شكله هكذا طيب قوي

امجد: ايوه يا تمكين انا مفلت عقود واعمال وجيت اقلب ارشيف قلبي معش

تمكين: هههه انا ماقلتلك تشوف الفيلم

امجد: جالي فضول من اسمه
تمكين: ههههه
امجد: وانتي ؟ ماقلتي لي

تمكين خافت من السؤال ايش قصده ؟؟ ايش اقله!! ياربي مشتيش اكذب ايش اسوي !!!ردت عليه : ماقلت لك ايش

امجد: مع من متعاطفه !؟
تمكين: متعاطفه معهم الاثنين هو مسكين وقع بموقف صعب طلع معها عذر حبيبته ،بس ولو كان لازم تقله انها مريضه عيزعل في كل الاحوال في غيابها او مرضها ع الاقل كان عيسندها ويدعمها نفسيا فتره علاجها، الحب مش بس لحظات حلوه ، هي لحظات حلوه وصعبه..

وموقفها صعب لما تشوف نفسها بعد حب وتعلق وقرب زواج في موقع حيره يختارها او يرجع للي قبلها...

امجد: الله الله ، ايش الكلام الحلو هذا ، عجبني قوي الصراحه منطقش فعلا ...

تمكين خافت يسأل اكثر: استاذنك وقت نومي، تصبح على خير.

امجد: المعذره ماكنت عارف، وانتي من اهل الخير.

ثاني يوم في المعهد الصباح...
تمكين شافت سحر قربت سلمت عليها: كيف انتي؟

سحر: الحمدالله، وانتي كيفك ، ان شاءالله بعد تمارين واسئله امس كويسه؟

تمكين: الله يسامحك يا دكتورتي ، انتي نبشتي اشياء ، وحصلت لي مواقف نبشت اشياء واحس نفسي ضعت وتهت ، مش عارفه احكي لش ،واشتي نصيحتش ايش اسوي...

دخل الاستاذ..

سحر: روقي بس غلقي كل الي براسك ، وعيشي الان اللحظه هذه مع الاستاذ والدرس عشان يرتاح عقلك ونقدر بعدين نتكلم

تمكين هزت راسها : تمام


...
في الحديقه....

سحر رجعت ورقه الاجابه لتمكين : الورقه لك انتي، مش شرط اشوف الي فيها، لازم انتي الي تجاوبي، وتسألي نفسك كل يوم هذه الاسئله وتواجهي المواقف الي اثرت فيكي مره ومرتين لما تحسي نفسك ، بطلتي تتأثري فيها، لازم توصلي لنقطه تقبل الي صار معك وانها تجربه وتعرفي ايش استفدتي منها !! المشاعر الي حسيتيها لحظه الصدمه تخلصي منها عبري عنها ، هي وقتها اثرت عليكي بلا ماتحسي فرجعت كرده فعل العزله الاكتئاب ...ومشاعر كثيره حكيتي لي عنها حسيتيها...


(تصبحوا على خير)

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

14 May 2025 00:31

تمكين:, ايوه، اصلا البنت الي ماسكه بدلي ماتفهمش في الاتفاقات والشراكه وهكذا مضطره تسالني على كل تفصيله... ولا ياريت وهي فاهمه تريحني ..

امجد: تحبي اساعدش بشي؟

ماردت عليه وصل لها اتصال

تمكين بتتكلم مع ابراهيم..

ابراهيم: العفو يا استاذه نتصل لكم هذا الساع بس قلت نتفق ، البنت كل ماسألتها شي مش داريه وشلت وقت خيرات، قلت نتواصل ونتفق معش رأسا، هل تحبي تاخذي المجموعه كلها او نقسمها ع اكثر من محل؟

تمكين: بما انكم قابلين لشرط دفع مبلغ من الايجار مبدأيا، فعادي هات المجموعه، معنا زاويه بالمحل حنان عتوريك وانتو جهزوها فيها، عتكفي لعرض ٢٠ فستان

ابراهيم: جميل قوي ، اتفقنا، خلاص عنحسب المساحه وايجاركم ونحدد المبلغ الي علينا، بكره الصبح وانا عندها..

تمكين : تمام...

ابراهيم قفل: الحمدالله، هذه فاهمه ومقطوبه، السكرتيره حقها قرحت قلبي..

كمال : اهم شي اتفقتو

ابراهيم قام يمشي: اخيرا اخلص ياخي هم، يلا خاطرك..

كمال مش عارف ولا ابراهيم عارف ان تمكين حبيبه كمال السابقه الي حكا له عنها، ولا تمكين تعرف ان ابراهيم صاحب كمال وكلمها من بيته...

رجعت ترد ع امجد: برضو العفو انشغلت ايوه مره ثانيه، بس ذلحين اتفقت رأسا مع صاحب العرض وخلصنا الاتفاق ، تسلم انك عرضت عليا مساعدتك

امجد: تواصلتي مع صاحب العرض ؟؟
تمكين: ايوه الحمدالله ،وان شاءالله بكره يبداو الشغل

امجد: موفقه ان شاءالله..

تمكين: الجميع يارب
امجد: الفيلم اثر فيني شويه

تمكين: ليش ؟ لحظه رجوع حبيبته بعد ماغابت عنه بلا مبرر؟؟ او عشان سببها انها كان عندها كانسر؟
امجد: تقدري تقولي الموقف كله على بعضه، احسه صعب ، مثلا تخيلي حد يحبش وتحبيه تتعلقو ببعض وفجأه يتركش ويغيب بلا مبرر ، ويرجع وقد حبيتي شخص ، وانتي اصلا كنتي تحبيه كمان بس عذره كان قوي ، لو كنتي موقفها ايش عتسوي ؟


تمكين تجمدت وهي بتقرأ سؤاله ، اصلا الموقف ماتخطته وهي بتشوف الفيلم خلاها تذكر كل شي حصل معها وبكيت وقلب مشاعر غريبه فيها....

امجد: ايش السوال صعب لهذه الدرجه ؟؟

تمكين : يعني يشتي تفكير ، طيب لو سهل بالنسبه لك ، جاوب انت، من وجهه نظرك ، لو انت كنت مكانه من عتختار ؟ حبيبتك الاولى، او الثانيه ؟؟



امجد : انتي سألتيني موقفه انا سألتش موقفها

تمكين: عادي جاوب ع موقفها وموقفه لو كتت مكان الاثنين ايش عتحدد ؟؟

امجد: موقفه هو اقدر ارد عليه بقوه وثقه، بس موقفها ، كان سؤاله لها جارح شويه، يعني معها حق تزعل ، كان لازم يعمل حساب لليوم الي مثل هذا لو رجعت له بعد ماتركته فتره وهو بعلاقه حب مايتردد او يضعف، لانه هو الي عانى ...

تمكين : انت ملاحظ كلامك ؟

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 May 2025 04:00

امجد: قولي مافي نفسش؟
تمكين ترددت

امجد: خير؟ من اول يظهر انش بتكتبي بس ماوصل شي
تمكين اضطرت تقول : كيف الشغل هنا؟

امجد: يختلف من مجال لمجال وكل واحد وحظه يعني ،

تمكين: هاا

امجد: ليش؟ ناويه تشتغلي هنا

تمكين: بينفكر

امجد: نصيحتي ركزي ع دراستش افضل حاليا، بعدا سهل

تمكين: حاضر

امجد: قلتي عنيده؟ توقعت ترفضي

تمكين : اعاند لو كنت اشتي و مصره، بس طالما سألتك فالموضوع قابل للنقاش

امجد: حلو تفكيرش و وجهة نظرش.

تمكين ردت بفيس مبتسم محرج

امجد: مافي نفسش تسألي؟

تمكين: لو جا في بالي شي شاقلك

امجد: تمام ، تعرفي ايش بينسوي ؟

تمكين: ايش؟
امجد: راعي شوفي

تمكين : مراعيه ...

امجد : رسل صوره فيها رسمتها بقلم رصاص ملامحها خيال شويه تشبهها

تمكين: من هذه؟

امجد: خطيبتي ، خايف انسى ملامحها فقلت اتذكر الي في ذاكرتي وافعل لي صوره بدل ماطلب وانا عارف انه مرفوض طلبي

تمكين ضحكت: بس خليت عينها اكبر من عيني

امجد: مم اصلا كنتي بتبسري الارض، انا قلت مالها هذه ياسعم عتقطع الشارع

تمكين ضحكت: اكتشفت فيك طبع، متنمر زباج

امجد: امزح طبعا ، عجبني خجلش، رحمتش وقتها موقف محرج بس حلو

تمكين: اهم شي شفتني انا ماشفتك سوا

امجد: قد دريت ماعتشوفيني سوا ، طرحت لش صوره في اشياء الخطوبه

تمكين : انا فكرتها صوره صاحب المحل الي اشتريت منه هديه الخطوبه نسي وطرح صورته بدل كرت المحل

امجد: هاهاااي زباجه ، تعادلنا

تمكين: بس انت شفتني بحجاب ، شعري كيف رسمته؟

امجد: من وصف النسوان، كيف هو هكذا او كذبين والكل؟

تمكين ضحكت: ممم ، يعني قربت من التخمين..


بعد صلاة العشاء..
تمكين: ايش بتفعلي ؟
ترتيل: جالسات نتفرج المسلسل
تمكين:  الافلام احسن ، اقترحي لي فيلم حالي اشوفه، امي وابي رقدو وضابحه وحدي

ترتيل: فيلم تامر الجديد روعه
تمكين : شفتيه؟
ترتيل: لا بس من اغانيه عجبني قوي شكله ضخم
تمكين: رسلي لي اسمه، اقوم اسوي لي عشاء واجي اجلس اتفرج
دخلت المطبخ ، قطعت لها فواكه، وفعلت سندوتش، وشاي ودلعت نفسها ودخلت جلست فتحت اللابتوب وشافت اسم الفيلم وبتبحث عنه عشان تشوفه...

بدأ الفيلم وهي بتاكل ، وصلتها رساله منه
امجد: بتتعشي ولا تعزميني
تمكين استغربت ضحكت: والله بينتعشى مادراك ؟؟

امجد: بينبسرش من الطاقه

تمكين شافت الستاير مغلقه قوي ردت له: شككتني خليتني ابسر الستاره

امجد: اصلا تعبت عمل وجوعت وضابح فقلت ادخل اشوف ايش مسويه

تمكين: مثلك كنت ضابحه جاوعه، سويت لي سندوتش وجيت افتح فيلم

امجد: ايش من فيلم؟
تمكين: بحبك
امجد: وانا كمان
تمكين ضحكت: تامر حسني قصددددي

امجد: تمام لاتتبرقطيش سهل لو بتحبيني

(ت.ع.خ)

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 May 2025 01:44

تمكين: يمكن مع الغرباء صح كلامك بس مع اهلك وحد قريب منك وبالذات كشراكه حياه بتغير هذه الصفه فيك

امجد: صح ، ممكن، اهم شي انتي مش عنيده ؟!

تمكين: لاني ماحب الكذب، بعض اوقات ايوه عنيده

امجد: ههههه، صراحتش خلتني اتقبل الصفه هذه انها فيش

تمكين: بس مش عناد ، تقدر تقول اصرار شي احبه اشتيه

امجد: فرررررق قوي بين العناد والاصرار، اقلش عنكتشف بعض مع الايام اذا اصرار او عناد.

تمكين: اكيد

في مكان ثاني ..

كمال: غاده عيجو اصحابي ، جهزي الديوان

غاده: ايش اجهز فيه؟

كمال: يعني بخريه تفاقديه رتبي الماسات والمداكي

غاده : وانت مابش معك يد؟

كمال: مش وقت مزح

غاده: ومن قلك اننا بينمزح، الديوان نظيف بس اشياء تشتيها انت سويها، وين كلامك ايام الحب والتواصل، ولاشخليش تفعلي شي شاعيش اميره يكفي انش معي

كمال: مش وقت الخباله، عتسيري او اسير!

غاده: سير بينقلك عادو عيهدد

كمال تنرفز منها وسار جهز الديوان و شاف من الطاقه وصلو ، راح لاعندها: غلقي باب الفاصل قد وصلو

غاده: قامت قفلت

كمال بيرحب به: حيا الله ابراهيم

ابراهيم دخل وجلس: ماشاءالله وقد صاحبي مزوج ومدلع رعا الله ايام ماكنا نجي نجهز لنفسنا البقعه ونرفع لك تخزينه اليوم الي قبله

كمال ضحك: ماكانو موجودين البيت ، مسافرين، وبعدا كنت في وجهي واصل يوميا، قدك من البيت رفع انت

ابراهيم: المهم ان الزواجه طورتك

كمال : مشكلتكم تبسروا الواحد مثل ماتشتو انتو ، سابر

ابراهيم: ذلحين عيدقها حركات خايف من العين ياولد

كمال: قوووي بالذات عينك عين ديناصور

ضحكوو
كمال: كيف شغلك مافعلت بيعت فساتين

ابراهيم ضحك: اصبر اجلس سوا وبعدا اقلك ماوقع بي من ودافه...

في مصر في غرفتها...

تمكين كملت تكلم امجد وشافت رساله من سحر ، مجموعه اسئله لازم تسأل نفسها وتكتبهن ...


تمكين بدأت تجاوب على الاسئله حست بعد الاسئله انها متضايقه، ليش بتجاوب وبتحس بضعف داخلها عكس القوه الي كانتها، ليش تحس نفسها عادها تشتي تنتقم رغم انها مفروض خلاص تجاوزته ...

الاسئله هذه خلتها تعيد تفكيرها وحساباتها مع نفسها جلست سارحه وتفكر وتجاوب وتكتب وتعبر عن الي داخلها...


وصلت لنص الاسئله حست بنعااااس امتدت شويه و رقدت


وصلتها رساله فتحتها ..

امجد: انا عرفت الان انش وافقتي بي عشان تنتقمي من حبيبش الي خدعش ، رغم انش كرهتي الصفه هذه فيه الخداع، الا انش سويتيها فيني

انا ايش ذنبي ؟ انا شخص حابب يعيش عمر كامل معش مش عشان تنسي به حبيبش الي خدعش..

انا بنسحب من العلاقه هذه ونفسخ الخطبه الان بتصل لابوش....

رغم انش بريئه وجميله وحبوبه وصادقه الا انش نسيتي تقولي لي انش مخاااادعه

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

12 May 2025 00:33

سحر: انتي الان بدايه طريقك تتشافي من علاقه اذتك واخذت من مشاعرك ووقتك
تمكين: والله احلف لش بايش اني نسيته وماعد فارق معي
سحر: مصدقه، بس ترك دمار حتى لو نسيتيه، عمل فيكي فوضى نحتاج نرتبها بس هذه كل القصه شايفه ما اسهلها ، تحتاج منك وقت لنفسك ترجعيها زي اول وافضل لانك تعلمتي درس و زادت فيكي تجربه

تمكين هزت راسها: صح كل الي قلتيه فعلا، خلص انا ببدأ معك ان شاءالله.. وتسلمي بنزل هنا

سحر وقفت السياره : وانا باذن الله انفعك، اشوفك بكره

تمكين: شكرا قوي على وقتش ونصايحش والتوصيله

سحر ابتسمت لها بغمزه: اعتبريها هديه الخطوبه

تمكين ضحكت: شكرا.. ومشيت وهي حاسه مبسوطه مش عارفه السبب بس عايشه الشعور.

دخلت البيت..

امها: وين انتي قلقتينا تاخرتي

تمكين: كلمت بابا ماقالو لكم

ابوها: الا ، بس امش ماشاءالله عليها بتفعل احداث وافكار ومخاوف عجيبه

مرته: بينقلك احنا ببلاد وبنتك عادها ماتعرف حد ولا اماكن، لو تضيع

تمكين: ايش اضيع ي ماما ، مش انا جاهله

امها: ليش تاخرتي

تمكين: خرجت مع زميله لي حبوبه قوي وماشاءالله دكتوره بعلم النفس وجلسنا نتجابر ، قوي نصايحها حاليه نفعتني

امها اتطمنت شويه: ولو احذري يابنتي

تمكين : حاضر، ايش عنتغدا؟ جوعت

ابوها: سيري قربي ، قد امش تاعبه بتطبخ من الصبح
مرته شافته: ذلحين عيعلق وهو قال نطلب من خارج، شليتهن دفيتهن

زوجها: بتدفيهن ساعه وهن دافيات، لو مجمدات ايش عتفعل

تمكين خلتهم يتحانبوا وهي بتضحك عليهم ودخلت المطبخ تقرب لهم غدا

في اليمن...
ترتيل : انتو ملاحظين ان تمكين ماكلمتنا من بعد مانخطبت

بنت اخوها: شكلها وقعت مثل البناات الي ينخطبين ويوقعين مغرورات

عبدالوهاب بيسمعهن يحشين عليها ضغط تسجيل وفاعل نفسه بيتفرج فيديو

ترتيل: تنغر ايش ماقد كملت ٢٤ ساعه على ااخطوبه

ضحكو كلهم

عبدالوهاب قبل مايرسل المقطع: وانا مش هاين عليا اختي حبيبتي يحشو عليها حبيت اشاركش الي امس كانوا فارحين لش، واليوم خلوش مغروره يامخطوبه

تمكين بتقرب الاكل وتسمع التسجيل جلست تضحككك وتكركر

امها: مالش؟
تمكين بتسمعهم

امها بكيت: قدنا اشتي ارجع فقدت لهم قوي

زوجها: هيا قومي لفي الشنط

مرته: قول والله؟ عنرجع؟

زوجها: ايوه


مرته: ماشي بغير جنان،، نتم ونرجع من مره

زوجها شاف تمكين: هيا ابسري امش ، الله يعينني عليها.


مرته ضحكت: تغدا بس ، والله ان مدري مالي اليوم

تمكين حست لاول مره كلام سحر ( ان الحب لحظات حلوه مع الاهل ومشاعرهم بينهم البين رغم المحانبه تعتبر حب)

حتى حش اخوتها عليها حب لانهم فقدولها ومنتظرين تكلمهم

اول مره تربط بين المواقف وشعور الحب


ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

12 May 2025 00:33

كمال ببرود: انتي واصل اصلا زاعله ،عادي

غاده: هيا ناهي تمام
كمال مطنش وجالس يقلب في تلفونه

غاده: الحجه عندي الي كل ما صلح الي بيننا ، بتبعدني عنك اكثر،

كمال: يا غاده خليني في حالي ولما اروق نتناقش

غاده: قلت شي انا !!! سكتت

كمال ماسخيش يزعلها شافها جالسه بالبالطو ماسكه تلفونها بتبكي ، قام وقف: هيا قومي لاعد تبكيش على خرجه

غاده تعصبت وبعدت البالطو: مشتيش منك شي ، ولا عد شخرج معك عمري ، مش هو بمزاجك اصلا ، تكسفني وبعدا تخرجني

كمال سكت و رجع بقعته ولا نطق بحرف.
ثاني يوم الصباح...

امجد رسل لها: صباح الخير

تمكين بعد ماتجهزت عشان تروح المعهد منتظره ابوها ردت عليه: صباح النور

امجد: اسف ازعجتش فكرتش صحيتي

تمكين: ايوه انا صاحيه بروح المعهد

امجد: معهد ايش؟
تمكين: دورات تصوير احترافيه

امجد: موفق، وانا بطريقي للعمل الان ، نتواصل لما تخلصي وتكوني فاضيه.

تمكين: تمام

في المعهد ...
تمكين وصلت وجلست جنب صحبتها( كانت تعرفت على واحده اكبر منها في السن وعاقله ومعها اطفال من جنسيه عربيه)

البنت شافت دبلتها: مبروك انخطبتي؟

تمكين ابتسمت بخزا: ايوه ،امس

البنت: مبروك حبيبتي الله يتمم لكم بخير، عن حب ولا اهل ، احكيلي

تمكين: عن طريق معاريف مش اهل ولا حب من غير شر

البنت ابتسمت: ليش من غير شر الحب شعور جميل، ليش معقده

تمكين: بس الاشخاص بيشوهو الحب ويعقدونا منه

البنت: تمكين مريتي بتجربه حب سيئه؟؟؟

تمكين: ايوه ياسحر مش بس سيئه ، كرهتني في شي اسمه حب

دخل الاستاذه الي بيدرسهم الدوره

سحر: خلاص نحكي بعد الدوره ، لازم نقعد ونحكي سوا في هذا الموضوع

تمكين : ولو مش حابه اذكره بس تمام

بعد ماخلصين محاضرتهن

سحر: اذا ماعندك شي ، تعالي نروح مكان هادئ ونتكلم، احكي مع اهلك، وانا بوصلك معي بسيارتي

تمكين رسلت لابوها انها بتتأخر وتروح مع صحبتها ومشيت معها

وصلين حديقه

جلست سحر مبتسمه: ايش الحب بنظرك؟ احكي لي عنه اوصفيه

تمكين تشتي تتكلم

سحر: لا خذي وقتك فكري وجمعي الاسباب الي ولدت لك قناعات الحب مش حلو

تمكين بعد نفس عميق وسارحه دمعت: الحب مشاعر حلوه بتشبه مشاعر الشخص الي بتحبيه ، بتتشابه صفات طباع ،

سحر: هذا اعجاب اول مراحل الحب، بس لما تحبي بتكوني اخذتي وقت مابعد الاعجاب بالشخصيه

تمكين: صح..

سحر: ايش الشعور الي بتحسيه لما تعيشي الحب

تمكين: تحسي بسعاده، بأمان ان في شخص يخاف ويهتم ويكون معك بكل لحظه حلوه وصعبه يهونها عليكي

سحر: وليش مش حلو؟ ما انتي حكيتي اشياء حلوه بالحب

تمكين: الشخص مش كويس او انه ماحب صح او معرفش

سحر : طيب ايش التجربه الي مريتي فيها وعقدتك ؟