•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

15 Jun 2025 03:11

اخته: ياخي احنا نبسر احلى الاعراس ونختار الافضل ، الصدق المصوره حقكم قدها اضخم واحده هنا والوحيده الي اشتهرت ومازيدت الزلط اسعارها ارخص من الي بعدها وهي التوب، لذلك الكل يشتيها

كمال : مادخلي انا من تشتي ، انا من حقكن الاحراجاات، مرتي ماعتسيرش تحاكي حد

غاده: مافيها خلينا نسير ، مالك

كمال: مالي ، احراجاات مابش داعي للغاج رفضت ليش عاد التصانيف حقكن والعتاد

امه: يابني مابش فيها شي ، الناس كلهم بيفعلو هكذا ، مخيطات يقلين محجوزات ونراشي ، ومغنيات ونراشي ، خليهن يسدين مرتك واختك وانت مادخلك

كمال: كيف مادخلني مرتي ماعتسيرش تراشي حد ، وانا الي شاسمح لها تسير او ماشي وخلاص غلقو موضوع ، تبسر مصوره ثانيه

اخته بضبح منه : هااااه ، ذلحين فهمت ليش ماتشتي ، يعني كلامها صح اختك بلقيس ( اخته من ابوه ، الي كانت عارفه قصه حبه وتمكين)

كمال شافها بنظره وفلت الملعقه وقام خرج للديوان يشرب سجاره

غاده مانتبهت ايش قصد اخته وعن ايش بتلمح، كل همها أنه زعل وقام تسير تشوفه وتراشيه ...

في الديوان ...

كمال ضابح بيشرب سجاره ويفكر موقف تمكين واحراجه معها وكل مره يروح ويشوفها ، ضبح من صدها وتهميشها له، ماعد يشتي يظهر بحياتها وبيتناساها رغم شعور تأنيب الضمير الي مش قادر يتخطاه أنه علقها به وحب حبها له واهتمامها به وهو كان بيحب غيرها ماحس أنه حبها الا لما فقدها و صدته تماما ....

غاده دخلت قاطعت أفكاره بصياح: ليش انت هكذا مع خواتك ليش مابتعاملهن بلطافه شويه ، حرام عليك مافعلت شي ولا قالت شي

كمال : لاتدخلي باعاده

غاده: الا شاتدخل وشاسير اكلمها

كمال تعصب شل تلفونه ووقف : لو سرتي لاعند تمكين و
انتي طالق .. مشي خرج من عندهم

غاده منذهله !! ايش في ليش هكذا تعصب اول مره يحلف ويدي يمين ماله بيخرف

اخته دخلت: ماله خرج وصرع الباب قوي ؟! تصايحتو بسببي ؟

غاده : صيح فوقي وقال انا طالق لو اسير احاكيها

اخته بحقد : او كانت في نفسه المصوره هذه ومش احنا داريين ، ماله حلقها هكذا

غاده باستغراب: مش للدرجه هذه وانتي الثانيه ،واحد فيكم يقع عاقل ... اسير ارفع مع عمتي عتقل هربت بالعاني

في بيتهم...
ام مهاب : كيف مرتك ؟ قد بتتكسى ؟

مهاب: مدري ،بس اعتقد بتدور قاعه وبتهتم بهولا الاشياء حاليا

امه: كيف مدري بتتواصلو؟

مهاب: ايوه يعني تواصل خفيف، مش هذك الي داري بكل شي

امه: وليش وانت ، من حقك تعرف كل شي ، قدك زوجها

مهاب: هي بيت اهلها اولا تحت رعايه ولي امرها، ثالثا حتى لو مامعها ولي أمر ، مش لازم ادرا بكل شي ، عادي معها حريه شخصيه تسير وين ماتشتي

امه : بس يابني ذلحين قدي مرتك ، يعني مافيها شي لو دريت

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

15 Jun 2025 03:11

تمكين: ايوه ، عشان كذا اخترت اللون القريب منك، لان لوني المفضل مش فضي ولكن بالنسبه للون الرمادي الفضي لوني المفضل

مهاب: يعجبني فيش تصميمش واقناعش، مش من قليل اخترت تكوني أحد المروجين لمشروعي وفعلا ثقتي بمحلها كانت لذلك اخترتش شريكتي

تمكين : إن شاء الله نكون عند حسن ظن بعض

مهاب: عنكون باذن الله

تمكين : ساكته

مهاب: طيب فستانش لونه ابيض بتطريزات فضيه وكريستال يعني بدلتي كيف تكون !

تمكين : رمادي عشان يكون في تناسق ايش رأيك

مهاب: ممم خلي الفستان يوصل وبعدين سهل

تمكين: تمام

مهاب:ها ذكرتي شي !

تمكين بتفكر تذكرت : ايوه ، تذكر لما بعت كتبك

مهاب ضحك : شكلش ذاكره لي بس كنتي تتدلعي

تمكين: الصدق ماذكرني الا اخي ،

مهاب ضحك: حلو حبيت صراحتش، رغم كنتي قادره تقلي انتي

تمكين: لا ، ليش اكذب ايش شاستفيد

مهاب: يعني عشان لاقول فيش زهايمر

تمكين ضحكت : لا عادي قول ، فعلا اوقات انسى بالذات لو انشغلت وانضغطت عمل

مهاب : طبيعي لاتقلقي كلنا نعاني نفس المشكله
متى بتنامي ؟

تمكين شافت الساعه : لانه دوام ، بينحاول ارقد بدري يعني ع ١٢ لو مافي دوام بينسهر اشتغل تعديلات الصور

مهاب: حلو عامله لش نظام ، انا بصراحه مع فرق التوقيت بين هنا وهناك وشغل التجاره مرهق شويه نومي مش منتظم ، تقدري تقولي قابل للتكيف مع أي وضع

تمكين : حلو ، اعتقد البدايات لخبطه شويه لحد ماتستقر ويمشي الشغل معك بعدين عتنظم نفسك

مهاب: بالضبط ...
انبسطت اتكلمت معش وطبعا ماكملنا نقاشنا ، نكمله يوم ثاني وقت ثاني ، الان موعد نومش مش حابب اطول عليش

تمكين: تمام إن شاءالله ،

مهاب:تحتاجي شي ، تامري بشي ؟


تمكين استغربت سؤاله اول مره تنسأل به، حست بفرحه : شكرا ، تسلم

مهاب: تصبحي على خير.

تمكين : وانت من أهله


غلقت وبيزيد شعور الرضا عندها أكثر وأكثر حاسه هذه المره اختيارها صح... يمكن اختيارها ويمكن فاهمه وين حدودها ، ماتتعشم وتتعلق ،

يمكن لانها كانت صادقه مع نفسها واختارت بقناعه مش عشان تقهر حد او تنسى جرح بجرح...

جلست تفكر كثير لحد مانامت...




ثاني يوم الصباح...

وصل لها للمكتب ورد من كل لون ورده وكرت فيه : (حاسس حياتي معش بتكون مثل هذه الباقه ، صباحش مدهش)


تمكين ابتسمت ورسلت له ، اتمنى تكون متنوعه مثل تنوع الباقه ، بس كلون تكون بلون الورد الي غالب الباقه ( ابيض) صباح الخير...

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

14 Jun 2025 00:54

دافعي عليه يستر عليش ...

تمكين كانت طبيعيه ، شافت نظراتهم لها و زبجهم عليها: ايوه ، مالكم ، هيا بطلو ..
مرت اخوها : المهم ماصنف لش تسالينا عليه

تمكين : كيف ماصنف لي ، اشتي اعرف الشخص الي عرسنا بعد شهرين

امها : ايوه ذكرت ، سيري ابسري القاعه ، اتصلت لمرت الحارس قالت اليوم فاضيه مابش عرس ، سيري ابسريها انتي واخوش

عبدالوهاب :ذلحين !! الساعه ٨

تمكين: عادي اي وقت ، عادو بدري مابش عرس

عبدالوهاب : هيا اخطي

مرته: وانا شاجي معكم
ترتيل قامت من فوق الاكل :وانااا، وانتين رفعين

بنات اخوها: متعه واحنا نشتي نجي

ابو تمكين: وانا اشتي اجي
مرته: هيا خطينا كلنا نسير بسياره تمكين وعبدالوهاب....قومين رفعين...

تمكين دخلت تلبس البالطو وهي بتحس بشعور رضا شعور فرح .

وهم في الطريق ...
وصلتها رساله طلب قياسات فستانها

تمكين : لحظه حد يتصل لعبد الوهاب قلي له يخطى بعدي شاوقف قبل موقع القاعه يشتو قياسات الفستان..

بعد مانزلت تقايس للفستان رسلت و راحوا القاعه..

دخلو القاعه...

امها : حاليه بس مش كبيره قوي
تمكين: كم تكفي؟ ولو سمحت ولعها كلها اشوف الاضاءه

ابوها : ذلحين عنبدا بعسسه النسوان
عبدالوهاب ضحك : في عرسي فعلت خيمه وياسلام سلم
ترتيل: يو يا اخي طلعت قديم قوي
اخوها : ناهي لكن انتين والبعسسه نص مهركن لاصحاب الصالات
تمكين : مانفعل هم الي بيغلو الصالات، والواحد مضطر
ابوها : لاتصدقي لهم، افعلي ماشتيتي عيدفع عبدالوهاب امد يبطل اللقانه...
عبدالوهاب ضحك : امس انا شافعل لبنتي الي بنفسها واليوم عبدالوهاب يدفع...


تمكين : مارايكم؟؟

اخوها : ماعليش مننا، انتي مافي نفسش ؟

تمكين: اقول نزيد نبسر ثانيات

امها : هو يعجبكن اللوي والتعب، مافيها هذه حاليه وقريبه

تمكين: بهذا السعر عنلاقي احسن

ترتيل: صح، هيا نسير الي قلتلش عليها

تمكين: اعرفها قد صورت عروسه فيها

ترتيل: هيا نسير كلنا امد يقتنعوا امي وابي

تمكين: هيا فيكم طافه نسير

امها: تمام لو ماعجبتكن ، سيرين دورين انتين بعدا ،

ترتيل: جننتونا تتعرس تنخطب وذلحين ماعد تشتو تتعبو

امها : أخطي يالقنه


بعد ماراحوا الصاله ، اتصل عبدالوهاب لمهاب يسأله عن التاريخ المناسب لهم

مهاب : تصدق حجزت القاعه اليوم الي بعدكم بالضبط ، يبقى متفقين تمام طالما هي عتفعل يوم في صاله ، لو تشتي تأخذ اليوم حقي ماعندي مشكله


عبدالوهاب سألها وهي تتكلم مع امها ...

مرت اخوها : ماشي افعلي يوم ثلوث ، ويوم الربوع تتنقشي والخميس الله معش

عبدالوهاب شافهن بيتجابرين مستحي من مهاب منتظر : ها كلم مرتك واتفقوا على اليوم المناسب لكم...

تمكين بهرررت

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

14 Jun 2025 00:54

مهاب : مش مصدق هذه تمكين ؟ رجعت تفكر بعقلانيه !

تمكين استغربت : ليش متى تصرفت بعدم عقلانيه !!

مهاب رد بضحكه: تذكري كيف كانت طفولتش؟؟

تمكين : يعني بعض اشياء اذكرها ! ليش انت تعرفني من طفولتي !

مهاب : نعم

تمكين: كيف وايش الي تذكره

مهاب : تذكري لما كنتي تلعبي في الشارع وتجمعي الدمم( القطط) وتسميهن بأسماء عجيبه مضحكه والحلوه تلبسيها طوقش أو حقش الفيونكه حق الشعر

تمكين ضحكت: صح !! كيف عرفت ! يعني كنت تشوفني في الشارع !
مهاب : ايوه من بعيد لبعيد ماكنت بسنش عشان العب معش، كنت اكبر منش ، بس كنت احب كيف يوقع الشارع مرح وضحك، كنتي مرحه قوي ، تسلمي على الكبير والصغير ،كان يقع الشارع حياااه ، ولما تسيري بيت جدش ، يقع طافي قوي، أما تعاملش مع صحباتش لحاله ماقد شفت بخطارتش


تمكين ضحكت منسجمه في تلفونها ناسيه وين هي وكل الي بتتذكره وتتخيله طفولتها : امانه ايش من خطاره !! هذا قوي كنت معنا ..ممكن تقلي !

مهاب : اكيد ممكن، من ذكائش كنتي تحلي مشاكل البنات وتحكمي انتي بينهن ، كنتي توقفي مع الي انتي متصالحه معها وصحبتش بتحكمي بالمعزه مش بالموقف

تمكين : ايواا صح !!هههه يو يارب سامحني رغم اذكر اننا طيبه

مهاب: ايوه طيبه ويحبنش كلهن

تمكين : ماشاءالله ذاكرتك اقوى مني ، ذكرتني بتفاصيل نسيتها

مهاب : ايش كمان تحبي اذكرش
تمكين: تذكر ايش كنت اسمي الدمم(القطط)

مهاب: ايوه ، اكثر اسم ضحكتي فيهن واشوف اي دمي يشبهه اذكرش نرفوز

تمكين معقووول يعرفها قوي هكذا وهي صغيره !! ماتوقعت يذكرها بتفاصيل كانت تحبها ونسيتها: صح نرفوز كان واصل معصب مضارب ، وكمان مشوش

مهاب: ايوه الي كانت واصل تلوي مع اي حد لاي بقعه، بعدين على اسم مشوش ليش اخترتيه ؟؟

تمكين ضحكككت ومبتسسسسمه وهي بترد عليه : اصلا كنت اقلها اين سرتي مشوش ، يعني بيمشوها معهم وسميتها مشوش

مُهاب : هيا ابسرتي محلاش ، وكابوس الي كان لونه اسود ويبهرر العشي

تمكين: استحت ، صح وكابوس ، طيب ذكرني انت مع من كنت تلعب ! وين كنت تجلس رسل لي صورتك وانت صغير اذكرك !!

مهاب : كانو كلهم اصحابي ،عبدالعزيز ، ،اخوش كان يتخايل نفسه فوقنا لانه اكبر واحد يخطى يصيح فوقنا لانلعب كره قبال بيتكم

تمكين: هااا انتو الي كنتو كل يوم تلعبو كره، وابي وأخي يخرجوا يصيحو

مهاب : ايووه صح ذكرتيني احلى موقف ...


( هيا عتتفاعلوا سوا ، اكمل لكم واعوضكم !!)

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 Jun 2025 01:45

عبدالوهاب: طيب حتى لو طلب من حقه ، زوجته

تمكين: عارفه ، بس مشتيش، هكذا احسن، عنتواصل ونجلس نبعسس بيحصل سوء فهم في التواصل ، احس والواحد فيس تو فيس يتفاهم أكثر

عبدالوهاب : مش شرط ، لو الواحد مابيكذب ويكون حقيقي من اولها ماعيحصل شي ولو حصل فعيكون في مشكله في الشخصيه نفسها سوا انتي او هو..

تمكين: هو ماقال وانا مستحيل اطلب ... وبيندعي مايطلب

عبدالوهاب : لو فاكره تواصلش مع خطيبش الاول سوا مشكله غلطانه، التواصل مش سبب المشكله، وانما عدم التوافق ،او تواصل كذاب يعني كل واحد بيجيب افضل ماعنده، المهم هذا من اولها طلب تكوني شريكته في العمل حلو ، هذا شرطش الي قلتي لابي يقلهم

تمكين: وقلهم؟

عبدالوهاب ضحك: لا طبعا ، ابي ماقال ولكن أنا لمحت له ، قلت له كانت مخطوبه وفسخت ومن أحد اسباب الفسخ أنها حابه تشتغل

تمكين: يعني انت الي ورا الموضوع هذا ، شكرا يا احلى اخ

عبدالوهاب مسك الخزان: انتبهي ، ياااي

تمكين ضحكت: تمام هيا انزل

اخر اليوم...فوق العشاء
تمكين : ماقلتلكم اليوم ايش حصل معي ، ماعد بتسالوني كيف العمل معش يابنتي ، مافعلتي اليوم ،

ابوها: سامحيني يابنتي ، كيف كان يومش وعملش

امها: قد معها شي عتقوله بس بتسبق لك بهذه الحركات

ترتيل ضحكككت: والله إنه صدق ، اقلكم انا بدل ماجالسه تهنجم ، لانها خازيه

بطريقه بطيئه بالكلام : اليوووم مهاااب جا للمحل ، وادالها ورد وقلها توقع شريكته

تمكين مسكت فمها : اسكتي من الخباله خليهم يفهمو سوا ، اول شي رسل ورد للمحل ، يفهمني إنه شريكي بالمحل يعني الورد ياهبلا كان عشان يدريني انه صاحب المشروع بس

ابوها بيضحك على ترتيل وخجل تمكين : ايوه يدريها أنه صاحب المشروع بورده

بداو كلهم يضحكوا ويعلقو

تمكين: هيا والله ماكمل ، هذا جزاتي مشتيش اخبي عليكم شي

عبدالوهاب شاكمل انا: بعدا جا واتفقوا هو والي جا عرض لها فكره الفساتين أنه يسلم لها العمل وتوقع شريكته وتشتغل معه وخلص هيا قربين بقيه العشاء جاوع

تعشو وكان الوضع بينهم لمه لطيفه حلوه كلها حب وتفاهم وصراحه وكل واحد يقول كل شي بدون خوف لأنهم مش مبالغين بردود فعلهم ...

عبدالوهاب : ضروري نرنج البيت للعرس

مرته: لاتهوكوناش خلينا اول نقشع كل شي وبعدا رنج ع غرفه غرفه

ترتيل: باقي شهرين مالكم

بنت عبدالوهاب : مش ضروري يجي العرس وشمنا رنج

ترتيل: اصلا ماكودنا نبدا ماعنكمل ترتيب الا لبعد شهر وقتها عنبدا تجهيزات سوق وخياط وكعك وحفلات ودعوات

تمكين ساكته سارحه حاسه ان وراها اشياء كثيره تبدأ بها وبتسال نفسها بيكفي شهرين !!!



( اعتذر عن التأخير ، بس غصب عني ، والان ماسخيت اتاخر اكثر)

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 Jun 2025 01:58

تسالمو وبعدها لفت لتمكين وابتسامه خفيفه لطيفه طبيعيه : انا مهاب وهذا كانت فكرة مشروعي ، والان حبيت بما انش وطبيعه عملش بتكون تصوير اكيد بتواجهي شكاوي وتملل العرائس من ناحيه موديلات الفساتين  واكيد بنفس الوقت بتعرفي ايش الدارج من موضه بينهن وايش المطلوب وايش الي بيساعدنا نوسع المشروع اكثر

تمكين نص الكلام استوعبته ونصه بتحاول تستوعب لانه متفاجئه أنه كان صاحب المشروع الي عندها بالمحل

مُهاب : الاستاذ ابراهيم عينشغل بإدارة فروعنا والإشراف عليها ، وانا هذا شاستلمه ، لاني شاسلمه لش ديريه بطريقتش لشهرين بما اني مسافر، وبعدها برجع استلم ادارته ونشوف من افضل واحد عيديره فينا، وبهكذا نتيح الإداره لأكثر من شخص عشان الجدير بها عيمسكها

ابراهيم انبسط قوي ،ومستغرب على تعاملهم الطبيعي كيف قادرين يخفوا مشاعرهم قدام بعض ومش مبينين أنهم مخطوبين ومعقودين: تمام، استاذي ، فكره رائعه ونادر أو يكاد معدوم أنه الموظفين يديروا

مُهاب: وهذا هو المطلوب نتميز في كل شي ، عشان تنجح لازم تبتكر وتتيح الفرص لغيرك ممكن يكونوا افضل منك ومني .

ابراهيم قرر يترك لهم فرصه يتكلمو بما انه انتهى نقاشهم واتفاقهم  : يلا بستأذنكم معي كم مشوار ومعاملات، للتنسيق يا استاذه تمكين بلغي انتي استاذ مهاب موضوع الايميل.

تمكين داخل نفسها: وين رايح هذا ! وايش اتكلم معه !! عيتكلم بالشغل ولا شي ثاني ( يارب انا قلت مشتيش تواصل  يقوم يجي بكله لاعندي).

مُهاب حسها محرجه سارحه مربوشه، جلس واقف عشان يمشي مايشتي يطول: ايش قصه الايميل ؟ لو عادي اعرف عنه أو متعلق بالعمل ؟

تمكين:  وصلني هذا الايميل فتحت تلفونها والايميلات و ناولته التلفون ( معرفش ليش وصل لاعندي لاني انا ماكنت عارفه انك صاحب المشروع، وثانيا قلت ايش دخل محلنا باختيار الازياء )

مهاب قرأ الايميل وناولها التلفون ، جلس في الكرسي الي مقابل لها: اسف اني مابلغتش ، إنه مشروعي عتعرفي الأسباب بعدين، ثانيا انا حطيت ايميلات الفروع الي فيها الفساتين معروضه يمكن عشان كذا راسلوكم

تمكين: يعني انا ذلحين مش فاهمه ! انا ايش دخلي بالمشروع هو يعتبر دورنا هنا فقط نأجر لكم مساحه بالمحل

مهاب شافها بنظره ابتسامه : اولا انتي عتكوني شريكه بكل شي بحياتي مشاريعي مش بالمحل اذا انتي حابه ، ثانيا فكره حلوه قوي تختاري ذوقش حلو وبعدين من ضمن الكولكشن الجديد اختاري فستان زفافش، خاص فيش ماعينعرض بالمحل ابدا والباقي ، مثل ماقلت لش رأيش مهم قوي لتوسعه المشروع لانش عارفه المطلوب في سوق العمل بحكم خبرتش وعملش

تمكين رغم انحراجها من كلامه معها إلا أنها انبسطت أنه عامل لها قدر واحترام .

ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 Jun 2025 00:50

الضابط وعبدالله ويحيى فتحو الملفات ..

سمعو وهم خارج صوت ضربه الماسه : سيرو الان اسحبو الكلب هذا لهنا، وادعي الشخص الي ادا الدليل

عبدالله خرج واشر لعبد الوهاب بحواجبه ( ايوه لقيو ليل ): جاوب الفندم

عبدالوهاب قام و دخل المكتب.
الضابط : كيف ومتى وايحين حسيتو الموضوع ....

بدا التحقيق معه وعبدالوهاب جاوبه كل شي


في الحاره..

عبدالله واثنين ضباط سارو الحاره

جاد كان راجع من الجامع هو وجده شافو الضباط باب بيت اوس ،وقفوا هم وبعض الي في الحاره مراعيين يشوفو لمن منتظرين

ابو اوس خرج: خير ؟

عبدالله : وين اخوك؟

ابو اوس: راقد، ليش خير ايش في ؟

عبدالله: معه بلاغ في القسم ، سير ادعيه فيسع ،

اخوه: خير طيب اعرف ايش

عبدالله: البس والحقنا عتعرف ، ادعيه مانشتيش ندخل ، بحكم الجوره خليتهم هنا يراعوو، تدعيه انت

ابو اوس دخل دعاه يجاوب ماقال له من

عم اوس خرج بعد نوم ضابح: ماهو ؟؟من تشتي ؟

عبدالله: البس واخرج

عم اوس : ليش ؟

ابو اوس ناوله الشميز حقه: سير معهم وانا شالحقك معك بلاغ للقسم
عم اوس كان خايف متوتر في يده التلفون : ايش من قسم ، ماشجيش من مابلغ جيتو للباب ...

العسكر مسكوه : هيا اخطى مابش معنا وقت ، محترمين الفندم عبدالله لاجله واقفين هنا مادخلنا للبيت


جاد استغرب : ياجدو اين عيشلوه العسكر؟؟

جده: يربوه ، الي ماربوه اهله ، يربوه الناس ، والله بيعاقب اي واحد يفعل شي غلط وحرام

جاد فرح: يعني شاكون اخرج بدون مافتجع يدعيني ويبهرر ويهدد

جده ماسك اعصابه متنرفز: تفتجع من من ياخبل، اي حد يهددك يفجعك حاكيني حاكي ابوك

في القسم ...

عم اوس وصل وقد مشي عبدالوهاب اخذو تلفونه فتشوه وحققوا معه واحتجزوه ...

عبدالوهاب رجع البيت : ياجاد
جاد جا : ها بابا ؟

عبدالوهاب بيوريه نفسه : حصل لي شي؟ انا بخير ؟

جاد: ايوه

عبدالوهاب : حبست عم اوس صاحبك ، واكتشفوا إنه شخص يحتاج عقاب ويتعلم أنه مايتعداش على حد، مش قلتلك أنه هو الي مفروض يخاف مش احنا!!

جاد فرح: وهو معه سكينه مافعل شي بكم؟

عبدالوهاب : لا مايقدرش ، هو بيهدد الجهال بها بس ، انحبس

جاد حضنه: انت اشجع و أقوا أب في الدنيا

عبدالوهاب : وانت اضخم ولد حين شفت الغلط وماسكتت عنه، وحين وقعت شجاع وساعدتني تكشفه يعني انت بطل القصه هذه كلها.

في غرفتها بتتجهز عشان تسير للمكتب ..

وصل لها ايميل من شركه ازياء

( تم تزويدنا بالتواصل معاكم عبر هذا الايميل ، لأختيار الموديلات التي سيتم شحنها لتجارتكم مرفق لكم الكاتالوج نرجو منكم اختيار الموديلات واعاده إرسالها عبر هذا الايميل)


( وحشتوني ، يسعد مساكم، عادو عندكم عيد او كمل )؟
تفاعلو

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 Jun 2025 05:25

تمكين: اوووف اخس لحظه
عبدالوهاب : هيا اخطي...
تمكين: انت اول

عبدالوهاب : تمكين هيا من الغنج، مالش

تمكين : عبدالوهاب مالي ، كيف مالي ، احراااج

عبدالوهاب : ناهي ، يا احراج قدنا وابي موجودين سلمي على عمش

تمكين قدهم قريب باب الديوان وقفت لما مشي ووقفت وراه

عبدالوهاب قدو قدامهم واصل يمشي

تمكين وراه بالضبط مش باينه بتمشي بخطوات هادئه، لابسه فستان مكمم طويل انيق بيج وطارحه فوق شعرها طرحه وطبيعيه مثل ماهي بدون مكياج

ابوه: دعيتها ؟؟

عبدالوهاب استغرب مش شايفها بعد شويه : هذه

تمكين دخلت رفعت راسها تشوف ابوها وبعدين جنبه عمها : السلام عليكم
مُهاب رد مع صوت ابوه : وعليكم السلام
عمها مد يده: وعليكم السلام حيا الله بعروستنا ، الف مبروك الله يتمم لكم على خير ويسعدكم

تمكين بابتسامه خجوله : الله يبارك فيكم.

مُهاب وقف و مد يده : مبروك

تمكين لفتت لاخوها جنبها

عبدالوهاب اشر تسلم

تمكين مدت يدها وهي بترجف ، لفتت له بسرعه ونزلت نظرها،: الله يبارك.

مُهاب خرج من جيبه اللوز والزبيب : هذولا قسمش

تمكين محرررجه مدت يدها

مُهاب طرحهن في يدها : هولا الي لحقتهن
تمكين مسكتهن ورجعت خطوتين لورا
ابوها : اجلسي مالش واقفه

تمكين لفتت حولها مافي مكان غير مابين ابوه و مُهاب : اسير اشوف الشاهي

خرجت

ابوها ضحك: ايش من شاهي !

ابو مُهاب ضحك: سهل هي خازيه خليها على راحتها... واحنا نقوم نخطى ، نلحق صلاة العشاء ، المهم اي شي تشتوه ينقص ابشروا ، البنت بنتنا وما نقص عيوننا لكم ..

ابو تمكين: كفيتو ووفيتو ، انا واخوها متكفلين ببقيه الاشياء ، في النهايه هذولا كلهن بيسيرين ويبقى الرجال اهم شي عندنا اهم من المهر

ابو مهاب قام وقف : اكيد وبرضو اي شي ينقص وماهو علينا ومقصرين فيه ومش عارفين مهاب رقبته سداده ،

ابو تمكين: على عيننا و راسنا الله يحفظكم

خارج...

ترتيل : مسرع ايش حصل ؟؟ طردش

تمكين ضحكت :شلوش يطرد من

ترتيل: كان مالش مشخر ! خفتي تضحكي


تمكين ضحكت: الله يقلعش والله اننا جاوبته وبسرعه بعدت عيني خفت تجي لي الضحكه الي بتجي بالوقت الغلط

مرت اخوها : ستر الله ، وبعدين كيف لما خرجتي بسرعه

تمكين: مدري تعذرت بالشاهي , يووو نسيت ادي شاهي خزا

سمعوا باب البيت تغلق وصوتهم وهم خارجين

ترتيل: حنقوا روحوا مابش حريوه ولا شاهي.

تمكين: مراعيه ابسر على ايش اتفقوا ؟

عبدالوهاب دخل جلس

مرته: هيا قل لنا على مع اتفقتوا ؟؟

عبدالوهاب : ولاشي ، يشتو العرس قريب بعد شهرين

تمكين انصدمت: بس جنان ايش اجهز او ايش ، ومن اين شالقى حجوزات

عبدالوهاب : قال اي شي تشتوه صاله فنانه اي شي ، نحاكيهم

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 Jun 2025 17:18

ابراهيم: مادراك؟ ماعيتحاكاش الا وهو داري، قلك شاخطب واتزوج مش اشتي اخطب فلانه ...

كمال: خيره الله

ابراهيم: انا لو اجلس مساير لك ، مدري ايحين شاتزوج، ياخي بتعقدني ،محد قد حنقت منه مرته وتشتي تتطلق وعادهم ماتموش سنه الا انت

كمال: قلتلك اجلس عزب مفتهن ماصدقت بس تشتي الصدق ، والله إنه لو تختار صح عتكون حياتك مستقره مفتهن.، ذلحين انت وصاحبك هذا مابش معكم سيره غير البنت هذه

ابراهيم بضحكه: ياخي شككني حين قال عيخطبها إن الرجال يشتيها من قبل المشروع والمشروع هو حجه يقرب منها

كمال بدأ الفضول يجننه بيتكلم مع نفسه : هي انخطبت، كيف هذا يشتيها والمشروع حجه، ومن هذا اصلا ، وهذك وين هو خطيبها ! ايش الرفيس هذا.

ابراهيم : ومدري كلامك صدق ، اظن صح هي مخطوبه ، عنبسر بعدا كيف الخبر

كمال: وكلمني مش تدعمم لو دريت شي قدنا عايش القصه معاكم من اولها


بعد ايام..
ابو تمكين : رديت لهم خبر الموافقه، وقالو يشتو خطوبه وعقد ، لانه عيسافر يرتب عمله عشان يرجع يتزوج ويستقر ويكون يسافر بس للعمل ويرجع

مرته: سهل ، اهم شي عيستقر هنا مش يسافرو

ابو تمكين: وانا قلت مابش مشكله تنخطب او تعقد ، بيني وبينش كثره التواصل بيزيد الخلافات ،

مرته: وايحين عيجو ؟

زوجها : اخر الاسبوع

مرته: يووو، بهذه السرعه؟ شكلهم جاهزين ماتحاكو الا وقد جهزوا للخطبه ، ماعيلحقو يفعلو في يومين بينهم نظافة بيت مابالك بسوق وو

ترتيل قاطعت امها : مدري ليش الامهات اي مناسبات يهمني نظافه البيت ياسعم ان بيتنا وسخ، ليش بتفعلو هكذا ، لو خطبه نفضنا ، لو عقد نفضنا لو عرس نفضنا لو ولاد او عيد و رمضان نفضنا

امها: انتي مابش معش مهره غير الفلسفه واللقانه، سيري تمي ذاكري ولا اقلش ادخلي اسبقيني اقشعي الديوان

ترتيل: هيا اسمعوا مش انتو داريين، إنه قد قررت قانون جديد ، الي تنخطب هي تنفض خطوبتها او خطوبتي

تمكين:عتنظفي البيت انتي وعيجي خطوبتش وتنفضي انتي لانش وحدش ، هذه مشكله الاخت الصغيره .

امها : وانتي يكفيش عمل ، ابرديلش يابنتي ، من اولها اجلسي في البيت مش حالي حين يتشرطو هم،

تمكين: امي يراعو لوما نوقع في الفخ وتوافق وبعدا يتشرطوا هم، مش الناس .

الدنيا عندهم رواق وضحك ومزح

وفي الحوش ..

عبدالوهاب مع ابنه جالس يتكلم معه بعد ما ابنه حكاله كل شي بنفسه والاب خطط بخطه يفضحو فيها عم اوس

جاد: ذلحين انا شاخرج لاعنده تمام ، متاكدين عتجو بعدي ؟

عبدالوهاب : ايوه امد ماتطرح الي قلتلك ،وتجلس تحاكيه وتسأله الي علمتك ويتحاكا ونسجل شويه كلامه وانا اصلا جنبك شاكون بس ماعيركز عليا
جاد : تمام

جاد خرج الحاره وقفل الباب ...

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 Jun 2025 01:38

تمكين: بس قلك إنه درس وكمل وجا، معقول ماقد تزوج من هذك الفتره

مرت اخوها بغمزه: يمكن مايشتيش الا انتي.

تمكين: من اين يعرفني!

مرت اخوها : مدري ، ارجعي اساليه لما توقعي مرته

تمكين ضحكت انحرجت: مالكم كلكم موافقين وانا مش موافقه

مرت اخوها: بطلي خباله صلي استخاره ، تشتي الصدق اهله حاليين قوي ، اعرفهم من حين تزوجت كنتين صغار ، ونسوان اخوته مرتاحات يحبنهم من قلبهن يعني حاليين.. وخرجت

تمكين كملت تغسول نشفت يدها سكته وجالسه تفكر، ليش مصمم عليا هذه الفتره كلها ومن وين يعرفني !

ترتيل دخلت: حد يعبرني طيب ،يختي وافقي هيا، عشان يجي دوري ، قد شاتخرج هذه السنه

تمكين:شليه ، يشتي يناسب ابي، يغالطوه ويدوش له

ترتيل: شلوش مشتيش الممشخر ، معي حد ثاني

تمكين:من معش؟

ترتيل ضحكت: صحبتي عتموت وتزوجني اخوها، كل مايرسلها صوره توريني

تمكين: وانتي خبلا فارحه بصوره

ترتيل ضحكت: ماشي والله، بينمكنها زبج ومزح وياسعم ماصدقهاش ، وانا عارفه انها مصممه، بس عادو بيدرس.اخر سنه هذه

تمكين: ذلحين يختي معرفش افكر واقرر، ماعرفهش

ترتيل: هذه المره خليها على الله ،لاتعرفيه، صلي الله واستخيري وتوكلي

تمكين يدها فيها ماء مسحت وجه ترتيل وهي تضايق من الحركه هذه:انتي تشتي تزوجيني صميل باي حد

وخرجت
ترتيل لحقتها تنشف وجهها بثياب اختها: قلتلش بطلي هذا السفاط

تمكين شافت ابن اخوها ابتسمت له: جي افرع لعمتك مني
ابن اخوها شاب سنه اولى جامعه ، ضحك: مالكن؟

ترتيل: جالها عريس مراعي لها سنين وهي تتدلع
ابن اخوها: العريس الجاي ياعمه لو ماوافقتي بهذا، عيجي لش عمي محمود ( قد فيه زهايمر مسكين كل مايبسرش تخرجي بالسياره, يقلهم زوجوني واحده بتسوق سياره) تخرجني

ترتيل ضحككككت هي وياه وتمكين بتضحك معهم: مسكين الله يشفيه ويعافيه




بعد مادخلت غرفتها بتفكر وتتذكر ابتسامته


هو في بيتهم...

جالس يشوف الصور في يده صوره لها وهي صغيره في عيد ميلاد اخته بيقارن ملامحها لما شافها في العرس وفي المحل..


بيكلم الصوره: وافقي واخليش اسعد انسانه في الدنيا، مش انتي داريه انش حلم حياتي وكم جننت حين عرفت انهم خطبوش



في غرفتها...

تمكين قررت تدي لنفسها فرصه وتصلي استخاره يمكن يطلع نصيبها الي ترتاح له ويمكن ماترتاح
له ويصرفه الله عنها جلست تدعي ( يا الله اختار لي ولاتخيرني، انت اعلم به مني)..

و رقدت


ثاني يوم الظهر( يوم جمعه )

كلهم خرجوا وقت الصلاه يصلوا ..

ترتيل: هيا تمكين صلي استخاره

تمكين؛ صليت امس

ترتيل: ايوه وايش حسيتي ؟؟؟

تمكين شافتها بنظره : قمت اصلي فجر بعدها وانا راااافضه حلمته كابوس


ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 Jun 2025 01:38

الشاب نزل من السياره ...: السلام عليكم ياعم ، كيف حالكم.

ابو تمكين: اهلا ، الحمدالله ، شافه شويه تأمله ( كبر ولحيه وتغيرت ملامحه) حياك الله كيف انت يابني كيف ابوك

الشاب: الحمدالله عرفتوني؟

ابو تمكين: ايوه ، اكيد كيف ماعرفتك، عادحنا شباب ، كيف ابوك واخوتك ولاعد ابسرناكم

الشاب: عادنا جيت عرس كريمتي ، انا مسافر كم لي ، سافرت بعد مالتقيت بكم اخر مره ، رحت ادرس وحملت دراسات عليا، وفتحت مشاريع

ابو تمكين ضحك:ماشاء الله عليك ، يعني الموضوع رجع فائدته عليك.

الشاب ضحك: ذلحين عتوافقو بنا !

ابو تمكين: ماعد خطبت ؟

الشاب: ماشي ، سمعت نصيحتكم ،سرت ادرس ، عشان ماعد حد يسمعني كلمتين،بس تشتو الصدق انا ماكنت اشتي اناسب حد غيركم، لذلك جيت وانا جاهز، اليوم امي جو، وانا حبيت اكلمكم شخصيا

ابو تمكين انبسط بكلامه وانه مايشتي يناسبه الا هو وانه تغير عشان سبب رفضهم له المره الاولى ، مسك كتفه: الله يكتب مافيه الخير نكلم البنت وعلى الله، سلم على ابوك واخوتك

الشاب فررح من قلبه وبيحاول يكون عاقل و رزين قدام ابوها: يوصل الله يسلمكم، شاف تمكين فوق السياره مراعيه لابوها ، العفو طولت عليكم..

تمكين مستغربه ايش التاخير والكلام هذا كله، !! ابوها يعرفه!! من اين ؟ او تعرفوا الان ؟

ابوها فتح باب السياره وطلع جنبها

تمكين: تاخرتو قوي حاسبوني حق الانتظار

ابوها ضحك: انتي حاسبيني حق الانتظار

تمكين: وانا مادخلني انتو الي بتجابروا ساعه

ابوها: اخصميها من المهر

تمكين: ايش من مهر ، بابا سلامات انتو بخير؟؟

ابوها ضحك: تخطي عنتحاكى بعدا

تمكين شغلت السياره ومشيت : مابتقولوا ذلحين

ابوها: قلنا مش وقت ، شليني عند دكتور العيون قال يفحص عيني اتصلت له قلت زاد عندي الغشاشه ماعد بينبسر سوا

تمكين: يوو، حاضر ، بس من رايي لو حدد لكم يوم العمليه تفعلوها ،

ابوها: ايوه ، قد شاقله يفعل لي سحب مياه بيضا قالو خفيفه العمليه.مش خطره

الليل بعد مارجعوا من العياده

تمكين دخلت غرفتها تصلي العشاء..

في الديوان ..
ترتيل جالسه ترفع وترتب بعد ماروحين النسوان

امها: خلاص الكناس للصبح ابوش مايعجبه

ترتيل بتصلح الوسائد فوق المداكي : حاضر .

ام تمكين: اليوم جت ام اسماعيل

ابو تمكين: ايوه قد ابسرت اخوه الي كان يشتي تمكين خارج سلم عليا وجابرني

مرته: انت داري ، انهم رجعوا يتقدموا لها!!! وانه قلك سار

لفتت شافت ترتيل حانبه عند اخر وساده بتفعل نفسها بتصلحها وهي بتسمع: هيا لش القوا سيري ياوكاله الانباء حاميها تمام

ترتيل ضحكت هربت خرجت

ابوها: ايوه قلي مايشتي يناسب حد الا احنا وسافر درس واشتغل، تشتي الصدق كبر في نظري

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

03 Jun 2025 18:28

تمكين: يعني ؟

سحر: يعني ياتمكين خليكي واضحه وصريحه مع نفسك سوي الشي لنفسك لسعادتك لاتقهري حد ولاتفكري بحد، تعرفي كيف بتنسيهم؟ مش لما تقهريهم ، لما تسامحيهم سامحي وخلص قفلي ملفهم ،وعيشي لنفسك لسعادتك قولي لا للشي الي ماتحبيه

تمكين: ولو ماعرفت هذا كله وعرفته بعد وقدحنا مزوجين بيحصل طلاق

سحر: بطلي تخافي من اي شي وتتوقعي اي شي ، ارجعي متوازنه طبيعيه لاترربطي كل احداث ومواقف مع بعض ، افصلي ، خلص وكل شخص له طباع وتجربه، اعطي نفسك وقت ماتكوني جاهزه فرصه وخليها على ربك ، واهم شي نفسك قراراتك تكون عشان نفسك مش عشان حد، كوني حقيقيه

تمكين: طيب صح كلامش كل شي سويته ماستفدت منه، قهرت نفسي وبس.


بعد ساعات وقت الغداء ...وهم يتغدو

عبدالوهاب بطبيعه رايقه و مزح : الي عيجاوب على سؤالي له الف

تحمسوا كلهم جاد ساكت مبتسم ماقال معهم انا

عبدالوهاب: معنا نفر مستسلم ، طيب نخليها الفين

جاد ضحك رفع يده : وانا

تمكين: وانا

عبدالوهاب : اتحداكم تقولوا لي السارق كيف شكله شابدا بالدور اسمع كل اجابه ... اشر لامه

امه: يكون خايف

عبدالوهاب اشر لابوه يجاوب..

ابوه: يجي وقت عارف الناس مشغولين فيه

عبدالوهاب اشر لمرته: يجي مغطي وجهه عشان لحد يعرفه

عبدالوهاب : شاف تمكين: يجي لابس كفوف عشان احد يعرف بصماته

عبدالوهاب شاف ترتيل: هيا وانتي؟

ترتيل: يجي عيونه باين منهن انو سارق

كلهم ضحكوا

عبدالوهاب اشر لبنته: يجي اخر الليل الناس راقدين...

عبدالوهاب : وانت يا جاد ؟

جاد: ماقد ابسرتش سارق

ضحكوا

عبدالوهاب : الحمدالله الالفين حقي ولا حد جاوب الاجابه الي اشتيها ، الي قلتوه صح، بس مش شرط بعض سرق مش هكذا
ممكن يكون الشخص انيق ولابس وبيضحك ويجي وقت ناس ونهار ومايخاف ولا مغطي وجهه ولا شي بس عيجي بطريقه خبيثه : ممكن تكون واحده تدق لكم الباب تقلكم هي تعرفكم وصاحبه امكم وجي يابنتي معي شلي لامش الهديه من السياره... ونقلها اطلعي ابسري محلا سيارتي وتشغلها وتمشي

وممكن يجي واحد يقولك ياجاد اعرف ابوك اسمه وعمره ووين بيشتغل وجدك وكنا اصحاب وكلامه صح مابيكذب ويقلك جي ابوك مراعي لك عيفعل لك مفاجاه قال اجي اديك ، وتسير بنفسك معه ماعتصدق إنه سارق لانه حبوب وسيارته حلوه ويعرفني ..

السارق ممكن يكون اي حد شكله مش سارق ، ومش شرط يسرق فلوس ، ممكن يسرقوا اهلك بكلهم لمجرد انت وحدك رحت معه وصدقته ،


شاف بنته: ممكن صاحبه تسرق ادبش واحترامش وثقتش لاهلش لما تبدأ تحكي لش وتقنعش تسيري معها اي مكان حتى لو مطعم بدون مايعرفو اهلش عشان عيقولو لش لا...

ممكن يسرق منك معلومات ياجاد: من ابوك من جدك ايش معاكم

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 Jun 2025 02:31

تمكين: تسلمي لي ياقمر ..

حنان ودعتها ومشيت.

تمكين جلست تعدل قبل موعد تسليم الصور ،واخر صور بتعدلهن كانت ابتسامه اخو العروسه الاخيره الي سارت عرسها بتضحك من ابتسامته تذكرت الموقف ...

سمعت صوت واحده : صباح الخير ..

تمكين لفتت نص لفته : صباح النور...
مره ملثمه مع الشخص المبتسم في الصوره ..
بينها وبين نفسها ( يمه سعمن عمره ، ماشاءالله )

العروسه: انا العروسه

تمكين وقفت مدت يدها:اهلا يادكتوره، كيف انتي

العروسه: الحمدالله ، جينا بدري وقبل الموعد عارفه بس والله مستعجله، شاسافر الظهر فكنت قريبه منش قلت اعاجلش شويتين

تمكين: طيب تفضلو ارتاحوا، عادي عندي انا، مشتيش بس اخذ من وقت لو معش مشاوير

العروسه: عادي شاراعي نص ساعه ساعه بالكثير ؟ صح!

تمكين لفتت لها وشافته غير الصور قليل ابتسامه وشخصيته مختلفه شويه : إن شاءالله اقل لاني وصلت بدات بهن على طول وقدنا في اخر الصور، الفيديو جاهز عدلته.
العروسه فرحت: تسلمي قوي قوي

تمكين : الله يسلمش.
بعد عشر دقائق ..
العروسه وآخوها بيتكلموا ويضحكوا ..الخ

هدوء شويه

العروسه: ذلحين يافنانتنا في عرسش من عيصورش؟مثلا انا دكتوره شاقدر اعالج نفسي بس انتي كيف عتصوري نفسش

تمكين ضحكت: عتعالجي نفسش بس من غير شر لو احتجتي عمليه من عيفعلهالش؟

اخوها ضحك: ذكيه ردت عليش

العروسه: اكيد شاختار افضل دكتور او دكتوره حسب من الافضل والحاله ، بس في حالتش انتي اشوفش المتمكنه والي اكله جو الكل

تمكين: شاختار الافضل ، ولو تشتي الصدق تحديدا شختار مساعدتي ، هي صورتني لما انخطبت.

العروسه: مش قلتي فسختي ؟

تمكين: ايوه لما كنت مخطوبه

العروسه لفتت له وشافتها: اها ، يعني ذلحين سنجل

تمكين بخجل شويه: نعم

العروسه: يلا عقبال الخطوبه الجديده.

تمكين مش قادره تتكلم لان اخوها موجود مستحيله اكتفت بابتسامه لها : تعالي شوفي الصور لو حابه هكذا ولو عندش شي مطلوب ثاني

العروسه قربت منها جلست تعدل معها في اغنيه الفيديو واول صوره ايش تكون...

اخوها بيسترق نظرات لهن ويرجع ينزل نظره، رن تلفونه ، قام وقف وبيتمشى في المحل ويتكلم عشان لايزعجهن.

العروسه: في واحده سالت عليش في العرس فكرتها تشتي تحجز موعد تصوير، بس طلعت بتسال عليش ، قلت لها فسختي مارضيت تصدق جت وسالت عليكم وكلمت اهلش قالو لها مخطوبه

تمكين ضحكت: ها يعني طلعت من طرفكم ، والله يا عزيزتي حاليا رافضه ارتبط او انخطب يمكن تعقدت يمكن محتاجه وقت مع نفسي

العروسه بتحاول تسحب منها كلام : شكلش حبيتيه لما رافضه بعده تنخطبي
تمكين: او كيف فكرتي، لا ابدا بالعكس ، ماحبيته وماتفقناش اصلا ، ففسخت

ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 Jun 2025 02:31

عشان لايخلوني العب معهم بالصميل.

تمكين: مابش حاجه بالصميل ،حتى لو خرجت الشارع ولعبت ، او صادف خرجت تنفع حد او كبرت ودخلت مدرسه او سايرت ناس سيئه ، دافع عن نفسك ولو الشخص اقوا منك صيح، الي يهدد يخاف حد يكشفه ، لو صيحت بيخاف ويهرب قبلك والي يداعيك او يوريك شي شوعه لاترضاش والي يقرب منك ويمسكك ادهفه ازبطه وصيح وقاحص وراجم بالحجار ،اول ماتوصل كلم بابا وماما وكلم اي حد

جاد: بينقلش ياعمه اكبر مني معه سكين مافعل، ابي عيضربني مابيصدقني ابدا يقلي انت كذاب انت الوقح

تمكين: صح ، معك سلاح قوي اقوا من السكين ، انك تصيح بكل قوتك صيح ولو حد خطي قله هو عيهرب مايعيفعل بالسكين شي لانهم عيحبسوه ويقتلوه، اما ابوك بيقلك هكذا لما انت تشاغل اخوتك وتحانبهم، بس لما يكون الموضوع مثل هذا كبير لازم تقلهم ابوك عيحبسه

جاد : هز راسه تمام

تمكين: في اماكن في جسمك ممنوع حد يشوفها ويقرب منك ويمسكك حتى لو صاحبك حتى لو اخوك حتى لو خالك عمك ابوك اي حد ، لانك كبير خلاص ممنوع حد يشوفك ،وحرام.

جاد بيسمعها ويهز راسه تمام : شاف كاميرتها ، علميني ياعمه اصور

تمكين مسكت الكام : بتعلمه وتضحك معه ، لقبل المغرب وقد ، غطته بالبطانيه وخرجت لاعند اخوها ومرته.

تلفونها معها بتكلم سحر الي سوته وايش تسوي وكيف تكلم اهله وسحر بتنصحها ...
الوقت ضيق قبل مايصحى جاد لازم تكلمهم...

عبدالوهاب : ياااي عتخبطي راسش بالباب ، قد انتي ساع الجهال بالتلفون

تمكين شافته بنظره بدون ابتسامه: ياخي اشتي اكلمك انت ومرتك

عبدالوهاب: لاتتوسطي له هذا الكلب ، مابش دخله لما يأذن
تمكين تنرفزت: يا اخي مش وقت الهنجمه حقك اسمعني ...

شافت بنت اخوها الصغيره والكبيره جالسات يسرحين عروسه بنت اخوها: سيرين غرفتكن اشتي اكلم بابا شي على عملي خاص

خرجين
تمكين: قفلين الباب

اخوها: مالش ؟ في شي !! حصل لش شي ؟؟

تمكين: ايوه اشتي الفزعه هذه لابنك وجهالك، انا كبيره قادره احمي نفسي ( اضطرت تكلمهم بطريقتها صح او غلط مش مهم ، اهم شي يعرفوا قبل مايصحى ابنهم )

مرت اخوها: مالش اديتي لي القلق اجلسي تحاكي

تمكين جلست بدات تشرح الي حصل كله

اخوها متنرفز: من هو.؟؟

تمكين: اسمع اول ياخي مش مهم من هو، المهم انت ومرتك تغيروا تعاملكم معه

اخوها: كلميها واصل اقلها تبطل عصبيه فوقهم

مرته: ياسلام ومن الي لحقه للشارع يضربه

تمكين: اذا هكذا انتو فكيف تشتو يحاكوكم بكل شي، عيخافو تتصايحو بسببهم ولاواحد فيهم عيقلكم بشي

اخوها: كملي

تمكين: المهم انا كلمت صحبتي في مصر دكتوره نفسيه وقالت يحتاج له كلام توعيه اكثر احتواء من الاب والام ، مايخرج الشارع وحده ولو خرج

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 Jun 2025 02:31

كمال بيشوف غاده مبتسم: ايوه ، سبرت الامور الحمدالله ،
خلص قلتلك رجعه ، عتديه صميل، تمام من عيني ، يلا الان.

قفل

غاده : ياسلام لمن المحامي ؟

كمال خاف تقلب: للعمل

غاده بابتسامه وعمره: ايش من عمل، قلت له سبرت الامور وشفتني ، لمن

كمال: خلص ابردي ماتشتي نذكر الي سار قلنا، صفحه جديده، كان عشان الطلاق الي طلبتيه.

غاده: هااا، خلص ايوه قفل الموضوع خلاص...اقوم اسوي لنا اشياء خفيفه ونجي نجلس نشوف الفيلم

كمال: تمام

لما خرجت رد ع رساله ابراهيم ر: هي تغيرت مع الحمل وفعلا بعد الحمل حست بتانيب ضمير وتراجعت عن قرارها، وانا قررت ماحمل في قلبي ، يكفي ظلمت واحده بحياتي، مشتيش اظلم هذه كمان.

في بيتهم .

تمكين بعد ماهدأ واكل جعاله وجالسين يضحكوا وتذكر له مغامراتها وطفولتها مع ابوه وعمته ترتيل

جاد : ياعمه كنتي تخافي من من وانتي صغيره؟؟

تمكين حست بتوتره وهو بيشد على اصابعه بيداته مسكت يده: كنت افتجع من جده معهم عصيه يلاحقونا بها و ابي وامي

جاد: ولما تخرجي الشارع من من تخافي؟
تمكين ماتشتي تقله من اي حد ، تشتي تسحب منه كلام من بيضاربه : يمكن حين قد كبرت مابينتذكر، يمكن لو تكلمني انت اتذكر واقلك

جاد : شاقلش اشياء واشياء ماشي سر خطير

تمكين بضحكه مشوقه : اشتي اول شي اعرف السر الخطير

جاد : مع ياعمه ،والله إنه خطير قوي قوي ولو قلتلش عيوقع شي خطير قوي

تمكين وصلتها رساله من سحر: كيف انتي ، وين مغيبه ،طمنيني عنك ان شاءالله احوالك تمام : ردت عليها : كل شي تمام الحمدالله ، تسلمي قوي على دعمش ونصايحش

جاد: ياعمه ! من بتحاكي ! او قلتي لبابا ان معي سر ؟

تمكين : لا ، انا بينكلم صحبتي الي قلت لها كل اسراري وساعدتني وحلت لي مشاكلي بعصيه سحريه

جاد بسخريه: معها عصريه سحريه؟ ياسعم انش مسلسل كرتون

تمكين: والله إن معها حلول ساع العصا السحريه ، تذكر لما كنت تعبانه ووحدي ومعي مشكله وسر قلت لها وصلحت لي مشكلتي

جاد : انتي والكل كان معش سر خطير؟ من هددش ! وانتي لما قلتي لها السر ، ماقتلوش جدو ؟ ابوش!!
تمكين خافت من كلامه ماعرفت تتصرف معه كيف : ايوه معي سر وماخفت من الي هددني ، لان الي يهددك خواااف مايقدرش يفعل شي يخاف لاتفضحه يرجع يفجعك، ساع اختك لما تقلها لو تلعبي بسيارتي ابو ريموت عتقرح في يدش وهي تفتجع وانت تفرح صح؟

جاد : ايوه

تمكين: طيب بتقرح صدق؟

جاد:لا


تمكين: قالو لك عيقتلو بابا؟

جاد : ايوه

تمكين: بابا معه مسدس وبابا قوي مايفتجع من حد


جاد : صح، حتى لما يتضارب مع حد بابا قوي اقوا منه، هو عادو صغير

تمكين: يعني عتقلي السر.

جاد: تمام، اسير الحمام واجي ... راح

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

15 Jun 2025 03:11

مهاب : ياسلام بكلمتين منش غلبتي باقه الورد كلها طغيتي عليها بجمال منطقش ، الحمدالله انش في حياتي

تمكين ابتسمت حست بسعاده ، الي قاله ادالها ثقه عميقه بنفسها أنه بيحمد الله على وجودها في حياته، ردت له : شكرا لانك بدأت لي يومي بانبساط ، خليتني اروق واهدأ شويه
مهاب : الحمدالله، بس خير ليش تهدأي ؟ معش مشكله او شي ؟

تمكين: لا لا ، الحمدالله، بس يعني ربشه العرس والتجهيزات .

مهاب : تمكين تشتي رأيي، انا اكثر شخص جرب القلق والتوتر والعجله وكنت مش مستمتع باللحظات الي بينصنع فيها حلمي ومستقبلي وثروتي ونجاحي ، بعد مواقف وخبرات ، نصحتني انسانه كبيره بالعمر كانت معنا في ورشات عمل تجاريه، قالت القلق والتوتر بيخليك تفقد استمتاعك بلحظات وصول النجاح ، انت بكل الاحوال عتنجح وعتوصل وفي نفس لحظات القلق أوجد لنفسك الهدوء والروقان عيتيسر العمل بشكل رائع وتنبسط فيه...
ماكذبش عليش ماقدرتش لاني بعيد وفي اليمن مراشاه سرت يافلان لا عادنا قمت سرت يافلان تعامل لا عادهم ماداوموش وقد الساعه عشر ، طيب ظهر سارو يتغدوا

كنت احرق حريق ، بعدها وصلت ليأس يعني استسلمت قلت ماعتسبرش وهدأت ماشوف الا بعدها اتصالات وصلتني العمل تسهل من كل مكان..

انتي الان عتفعلي كل شي عتتسوقي وتحجزي وعيجهز كل شي، الهم قاتل، خليش ريلاكس وابدأي بالمهم وبعدين الباقي سهل
يووو كم قد كتبت ، رسالتي بحد ذاتها تدي توتر صح
تمكين ابتسمت : لا بالعكس كلامك حلو يهدي والله، فعلا ، ليش اقلق نفسي كل شي عيسبر لو ابدا المهم كل شي بعدين عيتم ، شكرا لانك شاركتني نصيحه جميله

مهاب : يلا سميني نصوح ، زي دممش
تمكين ضحكت ، كتبت له: تمام على كل موقف اسم احسن

مهاب: ياسلام، سميني ماشتيتي ، اهم شي انش رجعتي لي

تمكين : مافهمت ! كيف رجعت لك !

مهاب : يعني وقعتي نصيبي ، كم تمنيتش يا تمكين اكمل عمري معش . عتفهمي وقدش معي .

تمكين مستغربه كيف تمناني يعني واحنا صغار ! لو اسأله موقفي بايه ، خلص قال شافهم وانا معه ، كما قدنا معه سألته.... ذلحين ما ارد عليه ؟ ماقله ...

شارسله ستيكر ملصق ورد ، واقله ان شاءالله .



في بيت أهله متجمعين على الغدا..

اخت كمال لمرت اخوها: قوااا ، توسطي لي عند المصوره الي صورتش انتي وأخي كمال في عرسكم


غاده : مش قلتي سرتي حجزتيها ؟؟

كمال بياكل سكته

اخته: سرت قالو ماعتقدرش هذا التاريخ تصور عرسها قدو قريب عتوقف الحجوزات لفتره

كمال بضبح: يخ منكن كيف انتين لغج ، لوما تحلقين على مصوره واحده ولا قاعه معينه، ولا مغنيه معينه ، الدنيا ملان مالكن صلين على النبي


اخته: ياخي مش انت داري بشي، احنا نبسر احلى الاعراس

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

14 Jun 2025 00:54

تمكين بهررت له وتاشر لا

عبدالوهاب بهرر ناولها بالقوه : جاوبي

تمكين شلت التلفون : الو
مهاب بنبرة هادئه فرفوشه : مساء الخير، كيف الحال

تمكين: الحمدالله

مهاب: عجبتش القاعه؟ مناسب لش اليوم !!

تمكين: حبيتها ، احسها حلوه ومناسبه لعدد الناس الي معنا

مهاب : وكمان سعرها مقارنة بالصالات الباقيه تستاهل

تمكين : ايوه

مهاب: اثبت التاريخ يعني؟

تمكين: تمام

مهاب : خلاص لاتكلموه انتو روحو ، وانا شاسد على اليومين معه بحيث بعملنا خصم حلو ،و اعرفه والكل

تمكين : تمام

عبدالوهاب بيتليقن عليها : مشتيش اكلمه، هااا لها عشر دقائق

كلهم بيضحكو عليها

تمكين كملت تكلمه وهم يشوفوها ويضحكون عليها ، غلقت: مالكم ؟؟

ترتيل ماتشتي تجاوبي وبعدا ماصدقتي تمسكي التلفون...

بعد مارجعو البيت ...

تمكين شافت رساله منه : بما انش فنانه تصوير و ذواقه بالفستان ايش رأيش تنسيقات العرس عليش ! وانا اضيف افكار برضو ،

تمكين مبسوووطه ، نفس التفاصيل الي تمنتها بس مع الشخص الصح رسلت له تمام ، ايش الوانك المفضله !!

مهاب رد عليها : ماشاءالله عليش فيش كافه تكتبي تنسيقات العرس ؟! ايش رأيش اتصل والرصيد على حسابي

تمكين ردت: مش من الرصيد ، طيب ثواني بس اكلمهم اننا شانشغل اكلمك واتصل لك ...

مهاب: تمام .

تمكين راحت تستأذن

ابوها: قدو زوجش ي بنتي ليش تستاذني

تمكين : بس قلت أبلغكم تعرفوني مافعلش اي شي من وراكم...

وراحت غرفتها، رسلت : اتصل او تتصل

مهاب اتصل لها : الموالي بخيل

تمكين ضحكت :مش بخل والله بس مقصدي اشوف وقتك مناسب يعني اترك لك مجال تتصل ايحين ماقدرت

مهاب: بصراحه نفسي اتواصل معش كنت ،

تمكين: بس طلعت تعرفني ، التواصل احس مش كفايه عشان نعرف بعض

مهاب: لا لا من قال اشتي اتواصل عشان نتعرف !! تواصلنا عشان نعرف خطواتنا الجايه كيف وأخذ لمحه عن تمكين بعد ما كبرت كيف تفكيرها أسلوبها طباعها ، بس انحنا نعرف بعض هذه يشتي لها عشره وعمر ، الإنسان بيتغير مابيبقا ع طبع ،والتواصل مش شرط مثل ماقلتلش من قبل، قد يكون أحد أسباب إنه شي حلو يقربهم من بعض يكون خلفيه لكل واحد عن الثاني بس إنه نعرف بعض هذه الحياه والمواقف تعرفنا طباع بعض

تمكين ساكته بتسمعه: صح كلامك

مهاب: بالنسبه للون المفضل عندي هو لون ماظن يناسب افراح رمادي لوني المفضل

تمكين : ممن وممكن يناسب ليش لا انا احب اللون الفضي يعني عيكون شي وسط لنا الاثنين

مهاب ضحك: وسط للوني بس هو لونش المفضل يعني انتي الرائحه

تمكين ضحكت : العرس عيكون نسوان

مهاب : صح صح، نسيت، بس سمعت أنه بتعزمو العريس يتصور

تمكين: ايوه ، عشان كذا اخترت اللون القريب منك،

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

14 Jun 2025 00:54

مهاب: صح ذكرتيني احلى موقف ، اذكر حملت و زبطت الكره بقوه ودخلت حوشكم دقيت لكم وانتي فتحتي قلت لش ادو الكره حقي ، وانتي بتصيحي وتقلدي اخوش ماسكه خصرش بتصيحي واسنانش مقلعات ثرما ( من قلك تشوتها للحويه حقنا ، هيا ادخل لقط الفرسك الي نكعين مابش فيني طافه القطهن انا ابي عيخليني ارفعهن كلهن

تمكين كانت تضحك تضحك وهي تقرأ ، كتبت له: يووو خلص عرفتك هو انت ، كنت واصل تلبس كوفيه

مهاب : اخيرا عرفتيني

تمكين: ايوووه، اعتقد مره تضاربنا صح !

مهاب : لاتذكريني هذه ، اصلا بعد هذه المضرابه عرفت انش طيبه

تمكين : ماذكرش من بدأ وعلى ايش

مهاب : خلص قد اديت لش مواقف كثيره، الباقي عليش تذكري انتي وقلي لي

حنان بتشوفها منسجمه بتغني : معجبه مغرمه

تمكين : وانتي والكل معي ترتيل في البيت وانتي هنا ،
خلص يكفي فون، وقت الشغل..

دخلين زباين انشغلين بهن..

مهاب شاف رساله منها : استاذنك وصلين زبائن..
ابتسم وأخذ انطباع حلو عنها ( انها بتدي لكل شي وقته ،لانه يحترم ويحب الي يحترموا مواعيدهم وأعمالهم)

في مكان ثاني ...
ابراهيم التقى مع كمال بالصدفه في عياده الاسنان
كمال بعد السلام والترحيب : وين انت ولاعد بنبسرك ،

ابراهيم: والله ياخي مسكت اداره الفروع العمل فوق راسي كله

كمال: الله يعينك ويوفقك ، سلامات من مريض !

ابراهيم: محد، بس جينا نشوف بالعماره هذه مكاتب ومحلات ، نشتي نوسع الفروع

كمال: معي صاحب العماره الكبيره الي على الشارع لو تشتي شاحاكيه ، وموقع ضخم لمحلات من بدايه الشارع هذك منطقه تجاريه اسواق

ابراهيم: ياريت حاكيه وشابسر هذا والي عتقترح لي ونقارن الافضل

كمال : خلص ماعد شاطول عليك متواصلين
ابراهيم سلم عليه مشي

كمال رجع يشتي يسأله على محل تمكين ويعرف اي تفاصيل شافه مشي،،، تراجع ...

اخر اليوم بعد العمل ووقت العشاء كالعاده يتجمعوا كلهم...
تمكين:ياعبدالوهاب انت تذكر مهاب حين كان في الحاره

عبدالوهاب : ايوه اذكره كان واحد ثاني ، غير الي ابسرته ذلحين

تمكين: كيف ؟؟

عبدالوهاب : كان حق مشاكل بسبب الكره وواصل مصايحه الجيران مع ابوه بسببه

ومره جيت وقد فاعل بسطه في الشارع يبيع كتبه

ابوه: كان مش هو حق دراسه ، حين تقدم لها اول مره مارضيت، كانت بنتي من الاوائل، والولد مش حق قرايه..



ترتيل: البنت بتسألكم عنه يعني تدوا لها صفات جميله ، مش تكرهوها فيه

بنات عبدالوهاب ضحكين وتمكين

عبدالوهاب : قد بينقلها كان شخص ورجع شخص آخر ، اي انسان قابل للتغيير للافضل لو يشتغل على نفسه،

تمكين: ماحب الدراسه ، سار يبيع الكتب يعني شغله تجاري من صغره، يعني ذكي

كلهم صاحوا ،ايوه ياتمكين





.

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

13 Jun 2025 01:45

تمكين : ذلحين ايش افعل ايش اشتري وايحين نسير نبسر قاعات

اخوها: بكره مارأيش ، حددي قاعات في بالش نسير بكره

تمكين: تمام
مرت عبدالوهاب : نشتي عرس سوا ، الناس كلهم يتكلمو عليه

تمكين: مايهمنيش الناس، اهم شي اسوي شي قد ميزانيتي وماكلفش نفسي ولا ابي

عبدالوهاب : ذلحين عتفعل نفسها عاقله ، عنبسر بكره التشراط في القاعات، ابسرناكم في الخطوبه هذك كيف حلقتين الدنيا

تمكين: والله عتبسر ، صح كان زمان يهمني التفاصيل هذه، بس ذلحين يهمني انا اكون مبسوطه من داخلي مش عشان اقهر حد ولا افشر على حد

ترتيل صفقت لها: جبر العقل جبر، لاتصدقوهاش انا اشتي احلى شي اشتي الناس كلها ماتنساش تفاصيل عرسي

تمكين: يارب يوقع لش كل شي ساع ماتتمنيه

مرت عبدالوهاب : انتي داريه امل اتصلت لعمتي قالت لاتنسو ماتعزموني عرس تمكين غثيت حين فسخو بس نبقى اصدقاء ولو مابش نصيب

تمكين: اكيد ادي لها كم ماتشتي دعوات عادي مادخلها هي

مرت اخوها: عشان هكذا اقلش افعلي شي يخزق عينهم

زوجها: انتي بطلي قله عقل البنت عاقله عتجننها، لا تصدقي لها

مرته: بينحاكيها انت ليش بترد هكذا ، انا عشان مصلحتها

تمكين : خلااااص بس ، اعقلو ، عتتصايحو عشان حاجه ماتستاهل، انا شارقد وبكره نتم الهدار

ثاني يوم...
تمكين في المحل بدأت ترتب مواعيد التصوير واخر فتره حجوزات قبل عرسها ، تواصلت مع ايميل الشركه الي رسلتلها كولكشن فساتين ،واختارت فستان زفافها الخاص بها...

وصلتها رساله من رقم لاول مره : صباح الخير تمكين ، كيف الحال ، اتمنى تكوني بأفضل حال،
هذا الملف حق الورقه الرسميه الخاصه بأعمالنا ، لما ترسلي رد ايميل الشركه وتختاري الفساتين اكتبي رساله مواصفاتش فيها وارفقيها بورقه شركتنا الرسميه ، لو ماقدرتي او مشغوله ، رسلي لي وانا شارسلهن لهم ، اهم شي حددي لي واختاري ع ذوقش / مهاب

تمكين بتكلم نفسها: بدأنا تواصل بس عادي شاتواصل مابش شي عيخوفني أو يخليني متردده او معرفش اتصرف بالعكس أنا هذا المره اكثر مره قادره اتصرف واتكلم وافهم الناس ردت عليه : صباح النور ، انا الحمدالله، تمام بجهز الرد لهم ورسل لك لو عندك اي ملاحظه ..



مهاب رد: ياهلا وسهلا ،نورتي تلفوني ، تمام ،ماعندي اي ملاحظه، الأمر كله من الأساس تركته لش ، بس لو تحبي رأيي عادي رسلي لي وبقلش

تمكين رسلت له فيس ابتسامه ، تمام، لازم اخذ رأيك طالما خليت لي القرار ..


مهاب حب ردها وذوقها ( بيكلم نفسه، ماتتخيلي كم متشوق اعرف شخصيتش وطباعش هل مازالت مثل ماكنتي صغيره او تغيرتي )


تمكين انشغلت بتجهيز الايميل واختارت ورسلت له .


( ٢ بعد غياب مايكفيش ، بكره بدلعكم
ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

11 Jun 2025 18:32

تمكين رغم انحراجها من كلامه معها إلا أنها انبسطت أنه عامل لها قدر واحترام ومقرر تكون شريكته في عمله ..الخ..

مهاب وقف بضحكه خفيفه: مابعطلش اكثر ، شايفش متوتره محرجه، أن شاءالله يكون عجبش الورد ، حبيت يكون شي مميز وطريقه لطيفه تعرفي بها اني صاحب المشروع ولو انها بسيطه

تمكين بابتسامه : شكرا ، عجبني قوي

مهاب : اي شي تحتاجيه او عندش سؤال عنه ارسلي لي اي وقت تحبي.

تمكين داخل نفسها : معرفش رقمك وماشتيش نتواصل ياربي : هزت راسها تمام

مهاب : موفقه ان شاءالله ، سلام...خرج...

تمكين بعد ماخرج حست بشويه فرحه إنه طلع فيه شي مميز مش مثل غيره كانت متخوفه تنصدم منه في هذه النقطه ...

مهاب فوق السياره طلع وتنفس براحه : اخيرا ، مش عارفه ورا كل هذا التماسك الي انا فيه ، كم فارح بش ومش مصدق نفسي وصلتلش، بس هانت عتعرفي مع الايام
الايام الي مش راضيه تمر بسرعه وكأنها بتعاندني ماكفاها كم قد عاندتني ، شغل السياره ومشي.

في المحل حست بشعور غريب بس خايفه تستلم له : شعور انها بدأت تفكر فيه  يمكن الورد بيذكرها به!!! او تفكيرها أنهم عيشتغلوا سوا !! او انه له حضور خاص غريب مختلف وكأنه له من اسمه نصيب ...

بعد مارجعت البيت ...

تمكين بحماس بتحكي لترتيل الي حصل معها ، دخل عبدالوهاب : ساعه بينداعي حد يجي ....شافهن منسجمات وتمكين الورد في يدها والكرت بيد ترتيل

تمكين شافته ابتسمت: مالك يا اخي ماسمعناش والله

عبدالوهاب : المره والجمال بيتهم ، حد يجي يمسك معي اهوي للبمبه حق الخزان

تمكين قامت : حاضر

خرجوا الحوش

عبدالوهاب بيشتغل وهي ماسكه السلم ...: من الي قال انش شريكته ( سمعت بالصدفه حين دخلت عليكم بس جالي فضول اعرف)

تمكين: عادنا قلت شاحاكيكم كلكم فوق العشاء

عبدالوهاب كان حاسس ان الموضوع وراه مهاب لما شاف الورد والكرت وكلامهن عن فستان الزفاف : ايوه سبقيني انا ماشاراعيش

تمكين بحماس بتكلمه:تخيل ياخي من طلع صاحب مشروع الفساتين الي عندي

عبدالوهاب: مهاب

تمكين:مادراك؟ قلك !
مهاب:ماشي، بس لو انتي ذكيه كنتي عتعرفي

تمكين : هيا وين الذكاء في الموضوع مش انا داريه

مهاب: كيف وقعتي عقد عمل مش عارفه من صاحبه

تمكين: كان إبراهيم الي جا وفتح الموضوع وعرض علينا مش باسمه

مهاب باستغراب:اهااا يعني مابين أنه هو من البدايه

تمكين: لا ، المهم اليوم جا فجاه ... بدات تحكي له التفاصيل


عبدالوهاب مبتسم بس لانه فوق مش شايفته ، لكن ردوده كانت جديه معها : مش داري ليش بيتقرب منش وقد باقي للعرس شهرين

تمكين: بالعكس ، حسيته عادي مش جاي ولا طلب تواصل ولا شي، يعني جا عمل صدق ،

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

09 Jun 2025 00:50

( تم تزويدنا بالتواصل معاكم عبر هذا الايميل ، لأختيار الموديلات التي سيتم شحنها لتجارتكم مرفق لكم الكاتالوج نرجو منكم اختيار الموديلات واعاده إرسالها عبر هذا الايميل)

تمكين فتحت الكاتالوج وجلست مندهشه بجمال التصاميم كل واحد احلى من الثاني ..

ترتيل بتشوف معها ويختارين ويتناقشين حول الموديلات والي تناسب وتمشي ....الخ


في مكان ثاني ..

ابراهيم: ايوه ، رسلوا لها الايميل، حاضر تمام اي شي تبلغني به شاكلمك ... وبعدها مثل ما اتفقنا، انسحب من هذا المشروع ، وأمسك بنفسي اداره الفروع الباقيه كلها ...
خلاص تمام ، اتفقنا

تمكين شافت الساعه : يلا وقت اروح تأخرت، اخاف حنان لو مابحد اعتقد اليوم معها جلسه تصوير حفل تخرج

بعد ماوصلت المحل
تمكين بتراجع المواعيد حقهن وبتتفاقد الفساتين الموجوده وكم فستان اتأجر....الخ

دخل شخص صاحب توصيل : لو سمحتم نشتي نسلم هذه للاستاذه ( فتح تلفونه يقرأ ) الاستاذه تمكين

تمكين : ايوه انا، من اداه ؟

صاحب التوصيل : مدري رسلني صاحب المحل حق الورد انا الا عامل توصيل مش معهم بالمحل

تمكين استغربت فكرته من زبونه:* شكرا لك. ، اخذت البوكيه ودخلت طرحته فوق المكتب ( سقط كرت صغير من داخل غلاف بوكيه الورد سحبته وهو مقلوب ومسكته قلبته تقرأه ( صباح الخير لشريكه حياتي وعملي ، مع تحياتي /مُهاب)
تمكين ابتسمت بعدين عقدت حواجبها ( شريكه عملي !!! )
شافت ابراهيم دخل المحل طرحت الورد على المكتب : اهلا استاذ ابراهيم

ابراهيم: اعتذر جيت بلا موعد، بس قدو اخر يوم لي معاكم ، عيستلم صاحب المشروع مكانه وعمله بما انه متواجد بصنعاء

تمكين:قد استغربت ليش و كيف وصلني ايميل الشركه ، انا مالي دخل اختار وما اختار ، انا عملي معكم نتشارك المحل هذا وأخذ نسبتي من ترويجي الفساتين بس مايحق لي اختار

ابراهيم: هذه التفاصيل اتفقوا مع صاحب الشأن، انا جيت ابلغش بس ولو عندش اي استفسار قبل ما سلم عهدتي له.
تمكين هزت راسها ب لا: مافي اي استفسار ، وبلغ انت صاحب المشروع أنه وصلني ايميل ومش اختصاصي اختار انا، عليا بس اعطيهم مساحه في المحل مش اكثر ..تمام

ابراهيم: خير ان شاءالله على العموم هو الآن جاي ،وعنتفق كلنا سوا

تمكين شافت الساعه: ياريت تتصل له لأن معي اعمال ...

راحت جلست مكتبها بتتفرج الكرت وتسأل نفسها هذا قال شريكه عملي ماقصده؟ عيقاسمني العمل أو راتب أو ايش

والاول مابش عمل ، وانا تعبت افكار واسئله...

السلام عليكم
مُهاب دخل بيسلم عليهم بنبره جديه

تمكين متفاجئه ايش جابه هذا ذلحين عادو رسل ورد !!!
ابراهيم وقف مد يده: وعليكم السلام استاذي كيف انت
تسالمو وبعدها لفت لتمكين

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

08 Jun 2025 05:25

عبدالوهاب : قال اي شي تشتوه صاله فنانه اي شي ، نحاكيهم وهم عيلاقو لنا حجز
مرته : ايش من حجز وايش من اي صاله، انت داري بنحجز من قبل سنه !

عبدالوهاب : الرجال معه معاريف كل بقعه، انتين قررين ايش تشتين ونحاكيه

تمكين: طيب ليش المعاجله يخلونا على راحتنا

ابوها: شهرين معاكم وقت بس دلع، الولد معه اشغال ومعاملات ووقته محدود بين هنا والخارج .

جلسوا يتناقشوا ...

عبدالوهاب رن تلفونه فلتهم وخرج يجاوب صاحبه من الجيران في الباب

فتح الباب : خير يا عبدالله ماهو

عبدالله: كيف نفعل الان ؟ شليت الي قلت لي من الباص بعد ماتاكدت بعيني اليومين الي سارين راقبته ..

عبدالوهاب شل منه الجهاز وخباه في جيبه، خرج له من جيبه زلط ناوله

عبدالله: بغير خباله، شاشل زلط على فعل زي هذا!! هذا واجبي مالك

عبدالوهاب : ذلحين كيف نفعل

عبدالله: نسير للقسم الي بينشتغل فيه، قدم بلاغ اول وانا شاكون معاهم ، جي بكره الصبح انا مداوم والضابط الكبير عيكون موجود

عبدالوهاب :وبعدين وعلى اي اساس اقدم شكوى ماقول..

عبدالله: قل الي قلتلي ، انك لاحظت حركه غريبه وتصرفات من الولد وانه بيجمع الجهال وان ابنك استدرجه وكلمك كل شي ولا تخاف كل شي بسريه ابنك ماعيكون عليه اي كلام

عبدالوهاب :مش خايف لا من سريه ولا غيره ولا على ابني وعلى على شي كل الي يهمني إنه نكشفه ويمتسك

عبدالله: إن شاءالله يكون بس اتصور دليل ، مايكون اتهام لمجرد شكوك عيخرج من الموضوع ساع الشعره من العجينه

عبدالوهاب: نكون فعلنا الي علينا

في غرفتها..

تمكين : ابسري ،قدها موضه لو واحده انخطبت او عقدت ومابش تواصل يفعلو متابعه الصفحه عشان يبدا الكلام، لكن والله مارد متابعه ولا اتواصل معه

ترتيل شافت مهاب فاعل لها متابعه : مدري ماقلش ، يلا سوا خليش هكذا افضل

تمكين: واهم شي شروطي قبلو بها خلاص

ترتيل: وانتي مصدقه ابي عيتشرطو شروطش ، والله ماظن ي روحي ، عيسايروش ع قد عقلش


تمكين: هم اخبر .

ثاني يوم في القسم..

عبدالوهاب بعد متقدم الشكوى

الضابط : معاكم دليل او شهود ؟

عبدالوهاب : نقدر تستدعي الشهود الناس الي بيسايروه، والدليل هذا ،

الضابط : كيف وصلت له واخذت منه تسجيلات؟

عبدالوهاب : استدرج ابني بس كنت انا موجود جنب الباص فعلنا الخطه عشان نثبت ومانتهمه بدون دليل

الضابط : وابسرت شي ضده؟

عبدالوهاب : ماشي ، ماعرفت كيف افتح الملفات الي فيه

الضابط : ادعي يحيى( مختص في انظمه معلومات, وشبكات) يا عبدالله

عبدالوهاب جالس بيعرق متوتر خايف مايلاقو شي ضده

بعد ماكانو خارج منتظرين عبدالوهاب


( مش فاضيه ابدا والله بس كتبت عشان تعرفوا غلاوتكم عندي)

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 Jun 2025 17:18

جاد خرج الحاره وقفل الباب ...

كان العيال متجمعين فرحوا به إنه خرج عيلعب ، مشي شويه شاف الباص داخله ضوء ،

عم اوس اشر له: اهلا ياجاد، وين انت ؟ ليش ماعد بنبسرك

جاد: كنت مريض عادنا افتهنت

عم اوس :فاتتك اشياء خيرات ، يوم جعلنا ويوم لعبنا ويوم خرجنا نلوي بسيارتي

جاد: وذلحين وين هم؟

عم اوس : اليوم انا وحدي مابش معي حد ، الي سار بيت اهله والي ماخلوه ينزل يلعب ، عتدخل نتجابر

جاد بيتفرجه بخوف من كلامه بس حاسس بامان لان ابوه معه، ومعهم خطه : تمام
بس اقلك شي انا قدنا كبير ، فهمني ايش عنلعب !

عم اوس : هيا جي وانا اقلك

جاد طلع الباص

عم اوس نزل يتفاقد من في خارج...

جاد مثل ماوصاه ابوه خبا الي ناوله جهاز صغير بين الكرسي مش باين غير جزء منه
ونزل بسرعه خرج

عم اوس : ياااي اطلع وين عتسير جي ، انا الا نزلت ابسر ، لو اشتريلك شي

جاد: تمام

عم اوس : انا شاطلع وانت راعي شويه والحق بعدي لاتطلع بعد ماطلع

جاد: حاضر

ابوه ورا الباص من الجهه الثانيه خلف عمود بيسمع كل شي : خرج كانه جاي من الحاره الثانيه وهذا العمود عنده شارع فرعي الحاره الثانيه: يا جااااد

جاد سمع: هذا ابي ، راعي اقله اننا شالعب وارجع البيت

عم اوس: يلا تمام سير.. لاتقله عتلعب عندي ، تمام قله في الحاره
جاد هز راسه

ابوه مسكه في الشارع مثل ماتفقو: وين انت !! بيندورك من اول لو تبسر ايش مجهز لك ، حفله ضخمه قوي

عم اوس بيسمعهم شافهم مشيو ، نزل جلس في الرصيف

بعد يومين ( يوم خطبه تمكين)

بعد كلام الرجال وسألوها عن الموافقه وقت العقد ..

عند النسوان: افرضي يقول نظره شرعيه

تمكين: ايش من نظره يا جدتي وقدو عقد ، ماعد عيطلب، هذك الي عادو يشتي يبسر يتاكد حاليه او ماشي امد يهرب

مرت اخوهن ضحكت عليهن: يو كيف بتقلبين المواضيع ، من قلكن بيهربو

ترتيل: الي يطلب بيهرب ابسرتي ماوقع من قبل

مرت اخوها : ابسرها وخطبها

ترتيل: لانها حاليه،

تمكين: خلاص اهجعي وترتيني اكثر منهم ، هذه ابعدوها في اللحظات الموتره من جنبي



بعد ماكملو مشيو بقي ابو تمكين، وابو مُهاب، ومُهاب وعبدالوهاب

ابو مُهاب : هيا وين بنتنا تجي ابسرها كم قدلي منها وعادها صغيره ..

ابو تمكين حس إنه احرجه فاضطر يقول لعبد الوهاب : قل لاختك تجي تسلم

عبدالوهاب : سار يدعيها


مُهاب غمز لابوه غمزه شكر( علاقتهم اصدقاء هو وابنه)


تمكين : بغير جنان ، انا قلت محد عيقول نظره

اخوها: مش نظره ، ادخلي سلمي هو عمش طلب يبسرش

ترتيل: تستاهلي ، قلتلش.

تمكين لبست مقرمه فوق شعرها

ترتيل: قدو زوجش وابوه

عبدالوهاب بهرر لها


تمكين : اوف اخس لحظه...


ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

06 Jun 2025 17:18

ترتيل مسكت وجهها: يووو حلمتيه كابوس ؟ ايش الحلم ، شافتح جوجل افسر

تمكين: كان ممشخر واسنانه مقلوعات وحين قلهم يشتي يخطب قال ترتيل بس فكرو تمكين

ترتيل دهفتها بكتفها: بس خباله، فجعتيني، ذلحين صدق كيف شعورش بعد الصلاه.

تمكين بتهزيء وممازحه : ايش من شعور بعقلش ياسعم إنه سحر ياخبلا مش شرط بعد الصلاه تحسي موافقه او لا، هو بعد صلاتش وطلبش من الله الاستخاره بعلمه يعني يمشيها لو فيها خير

ترتيل : يعني عديمه الاحساس يختي
تمكين: ايوه طالعه لش

امهن: بتتجابرين يوم جمعه ؟

ترتيل بشقاوه واستهبال: ليش ؟ ممنوع نتجابر

امها: تدخلي الان تتميي تفعلي الغدا وحدش امد تبطلي لقانه، وانتي سيري تجهزي يلا معش اليوم تصوير

تمكين: ايوه شاصلي واسير

امها: اقطبي ياترتيل امد اختش تتغدا قبل ماتسير.

بعد العصر ...
ابراهيم عند كمال : ياخي والله إن شغل التسويق راحه، اشتغل بعد العصر ، مارايك تمسك عملي توقع انت التسويق حق بعض محلات، لاني قد دخلت مشاريع ثانيه

كمال ذكر مشروع تمكين خاف يكون واحد منهن: مشتيش

ابراهيم: خلاص لاتجلس تدور عمل وانت متشرط

رن تلفون ابراهيم جاوب : اهلا يا مُهاب حياك الله ، عادك هنا! مش قلت عتسافر ؟؟ ها ماشاءالله عتخطب وتتزوج، يعني عادك مطول عندنا، اهم شي ابسرت بنفسك العمل وكيف الامور تمام... اي والله ماشاءالله الشغل ماشي حريقه ، صدقني الموديلات والذوق بيفعل فرق ، التنافس هو بسبب الذوق،، لا لا مش بسبب الفكره ، الفكره سواء طرحت الفساتين مع ناس مجالهم الاعراس او لا، يبقى الموديل هو عنصر التنافس ، الذوق من الله، مش كل الناس نفس الذوق

كمال جالس يسمعه وهو يتكلم وبيخزن

ابراهيم: بيت من عتخطب ، كاني سمعت بالاسم هذا ، يقربوا للي ماسكه الفساتين المصوره هذك

كمال رفع راسه مركز معه.... ( تمكين ! )

ابراهيم:اسألك بالله هي نفسها !! كيف لوما ؟؟ والله انك خطير جيت في فتره شليت صاحبه المشروع بكله .... بيضحككك وانا اخبل جالس اشتغل سكته مافكرت تفكيرك

كمال بيراجمه بعودي القات يكفي هدره بالتلفون

ابراهيم كمل يتكلم وقفل

كمال: هيا مالك رجعت مجابره نسوان، مادخلك من خطب ومن تزوج، جيت عندك نتجابر او جيت اطنن اسمعك

ابراهيم: شكلك بتقلد المره قدك من حين ماتزوجت نص تصرفاتك وعتابك شاكك فيها بتتعلم منها

كمال ضحك: ياخي لك نص ساعه بتلغج معه شلوك الجن

ابراهيم : ياخي بعض ناس ماشاءالله يخلي العمل مسيطر ع تفكيره وحياته

كمال يشتي يخرج منه كلام : ليش ماحصل

ابراهيم: صاحب المشروع عيتزوج البنت الي بتروج له الفساتين

كمال زله لسان: هي مخطوبه

ابراهيم: مادراك؟ ماعيتحاكاش الا وهو داري، قلك شاخطب واتزوج

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

05 Jun 2025 01:38

ابو تمكين : ايوه قلي مايشتي يناسب حد الا احناط وسافر درس واشتغل، تشتي الصدق كبر في نظري ، ماكان سبب رفضي الا ان تمكين كانت صغيره بتدرس وهو مايشتي يدرس جامعه ، قلت لابوه بنتي صغيره عادها عتدرس، وماشزوج بناتي لشباب معتمدين على صرفتهم من ابوهم، كان صاحبي ووافقني بدون زعل ،

مرته: طبعا تعرفهم وتعرف اخلاقهم ،مارأيك؟؟

زوجها: ايوه، لو بنتش موافقه ماعنديش مانع

مرته: شادعيها تحاكيها.

في غرفتها

تمكين كملت تصلي العشاء
ترتيل دخلت : راعي لاتبعدي ثياب الصلاه ، صلي استخاره
وضحكت

تمكين مبتسمه: صليها انتي من قد خطبش
ترتيل: خطبوش انتي ياذكيه ، تستاهلي الضحك على الناس وقع نصيبش الممشخر

تمكين مسكت وجهها بصدمه: بس خبااله، بتتحاكي صدق؟

ترتيل: والله العظيم، ولو تدري ماهو ، تخيلي إنه طلع يشتيش من قبل وقد جالش وابي رفضه

الغرفه حقهن كانت مفتوحه وامها وابوها جايين لاعندها سمعو ترتيل

امها دخلت: مش قد قلتلك حقك الجزيره قد وصلت لاختها مابش داعي نسير نقل شي

ترتيل ضحكت : مايتسمعوش ،مفروض تدقو باب الغرفه

ابوها ضحك: من كثر ما انتي معاجله ماعد قفلتي الباب

تمكين فعلت نفسها بتصلي مستحيه يفتحو الموضوع معها

ترتيل هزرت حجاب الصلاه من فوقها: وانتي بطلي خرط قد تمت تصلي حاكوها

امها: نحاكيها هي صاحبه الشأن، وانتي سيري افعلي لابوش عشا يلا وغلقي بعدش الباب

تمكين: هيا وانتو عتجلسو تتعبو سيره جيه على كل شخص تقدم

ابوها: ذلحين يابنتي مارأيش بالموضوع

تمكين: ماعد اشتي خطبه يا بابا ولاشي ، قلو لهم رافضه وبس

امها: بغير جنان، حين قد فسخت خلاص

ابوها: قد رفضته مره بس بسبب، ذلحين جا وقد جهز نفسه يعني متخيله إن شخص تغير ودرس ونجح عشان محدد او طارح في راسه ناس معينين

تمكين: بس

امها: مابش بس ولاشي ، ادي سبب مقنع لرفضش الخطبه

تمكين: يعني عيقولو الناس فسخ( تذكرت كلام سحر، قرري وعيشي لنفسك مش للناس)

امها : يقولو احسن مايقولو ماعد حد خطيبها

تمكين: ماعليا من حد قد سكتت ماكملت الكلام مايهمونيش الناس

ابوها غمز لمرته مايشتي يحرجها اكثر: هيا خليها اول تفكر مالش معاجله ، وخرجوا

تمكين جلست تقلبها في راسها :( تقدم من قبل !! ايحين؟ وليش رفضوا! ) مافهمت الموضوع كله سوا كانت مربوشه بالخبر

بعد ماتعشو كلهم ..
تمكين رفعت الصحون ودخلت عند مرت اخوها للمطبخ : تعرفي يامرت اخي، انهم تقدمو لي من قبل؟ ايحين ! محد قال لي

مرت اخوها: ايوه كنتي بدايه ماسجلتي جامعه ، ابي رفضوا حين عادش بتدرسي وهو مادرس جامعه ،وكانو بيني وبينش معتمدين ع ابوهم دلع وصرفه ورقده وابوهم يشكي منهم ،

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

03 Jun 2025 18:28

مرته: خلاص بس لايدخل لنا سارق واحنا جالسين نتحاكى عنهم ، هيا رفعين غسولين ولعي نار وبخري ياترتيل

عبدالوهاب بممازحه وتركيزه على جاد: السارقه جنبي ، سرقت الجلسه هذه والنصائح

جاد ضحك: مبسوط ، معاهم وبيشارك الكلام والنقاش.

في المطبخ بيتجابرين كلهن..
مرت عبدالوهاب: اين الناره؟ قلت لكن ولعين نبخر، بعدين اربع بتغسولين ليش

تمكين: شوفين مرت الاخ الشريره

مرت اخوها ضحكت: مني صدق من عيكنس الصاله ، وانتي يابنتي ادخلي تفاقدي الديوان وبخريه ، عتجي عند جدتش جيراننا، والبسين مش ساعه مجابره وضحك وهن صحنين ،قد غسولت لكن كل شي لما طبخت، هيا قطبه.

بعد العصر ...

تمكين جالسه تشتغل على صور وبتعدلهن لحنان الي سارت تصور ...

ترتيل: ادخلي عندنا ، صاحبه ماما قوي لطيفه حبوبه بتضحكنا ،و ماما قالو تجي شويه سلمي وبعدا تمي عملش

تمكين بزبج: طيب، عنبدا فقره نرتص وامي تعرف بنا واحنا ساع محل الاثاث ...

ترتيل ضحكت : قد تعرفوا علينا كلنا بقيتي انتي اخر قطعه هيا جي يا مزهريه ..خرجت سبقتها

تمكين تعطرت ، رفعت شعرها من قدام مشطت شعرها الباقي وشافت نفسها ولبسها في المرايه( حالي عادي اصلا مش هي مناسبه )

دخلت الديوان سلمت على الجيران الي تعرفهن والي جنب امها بتشبهها قد شافتها من قبل ووووين

صاحبه امها: عرفتيني؟

تمكين: عيني منكم ملان بس بينتذكررر

صاحبه امها ضحكت: جيتي

تمكين ذكرت: ايوه العرس ، عاد بنتكم اليوم جت تشل الصور ، مسكينه سافرت رعا الله غايبكم

صاحبه امها سكتت استغربت ايش من سفر بس مشتها

تمكين جلست : كيف الصور اعجبينكم.

صاحبه امها: ماقد ابسرتهن تصدقي ،

تمكين: يمكن انشغلت مع السفر .

صاحبه امها: يمكن... الا اكيد ايوه


دخلت ترتيل بالضيافه. كملت وجلست جنب تمكين...



تمكين: خلاص لو خطبوش وافقي على ضمانتي ، ناس حاليين، بس لايكون نصيبش الممشخر ( المبتسم) هذك

ترتيل دكمتها: يارب يجي لش انتي ، وانا يجي لي واحد عاقل قلك ممشخر.

تمكين: بس الصدق طلع شخصيه يعني عادي مافجعتينيش لو تقدم لي اليوم جا هو واخته


صاحبه امها: ماشاءالله كبرين البنات ..الله يجبرش بهن

ام تمكين: ويجبرش ، ماخبارش والله مادريت بالعرس الا من بنتي ..


جلسين شويه وخرجين من الديوان.

قبل المغرب روحين بقيه الجارات .

ابو تمكين في غرفته اتصل لها تجاوبه : تمكين عتوصليني يابنتي معي مشوار

تمكين:* بعيني، شالبس واجي لكم

ابوها: شاسبقش ابسري لي طريق.


عند باب البيت .

تمكين خرجت بالسياره مراعيه لابوها

ابوها بيقفل الباب

كان في السياره منتظر لامه شاف ابو تمكين نزل من السياره

( بسبب تجهيزات العيد بنتأخر المسامحه
ت.ع.خ

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

03 Jun 2025 18:28

العروسه بتحاول تسحب منها كلام : شكلش حبيتيه لما رافضه بعده تنخطبي
تمكين: او كيف فكرتي، لا ابدا بالعكس ، ماحبيته وماتفقناش اصلا ، ففسخت يعني رفضي الان مش عشانه عشاني انا، احس الكل متشابهين في شروطهم تذكري كلمتش

العروسه: وبرايش الوقت الي موقفه فيه نصيبش عيخليش تكتشفي ايش شخص مختلف!

تمكين ضحكت: لا ، بس ارتاح شويه من مغامره جديده مش مستعده لها

العروسه: يبقى تزوجي تقليدي وعلى الله

تمكين: هو كان تقليدي وماسديناش قلتلش مش حب .

العروسه: اها ، يلا خذي وقتش ع قولتش راحه بعد مغامره لمغامره جديده بس يمكن تكون مغامره حلوه لاتحكمي ع نفسش ونصيبش

تمكين شافتها بنظره ثقه: ممكن الله واعلم ، على الله .

صورش جاهزه ياقمر ماشاءالله كنتي تجنني.

اخوها كمل يتكلم جا جلس مكانه

العروسه: الف شكر وسامحيني عاجلتش ولاتنسي نصيحتي ، لاتطولي ، صدقيني المغامرات حلوه وانا احد المغامرات الي غامرين وتوقفت

تمكين ابتسمت لها : الله يسعدش يارب وسفره سعيده ان شاءالله..

خرجوا من عندها

وهم بيمشو ...

العروسه: كم عتدفع كفارات؟ شاسافر وتاخرت ، واصلا جينا بدري وعاجلناها ، ياخي ماعتطيرش البنت رافضه تنخطب

اخوها: كنت اشتي اتاكد عشان لو انخطبت او مخطوبه مابلاحق بعدها بقتنع وعيب افكر في انسانه بتكون لغيري

اخته: ذلحين تطمنت

اخوها: ايوه، وايش قالت ليش قالو مخطوبه

اخته جلست تكلمه...

تمكين بتكلم نفسها: يارب لاعد تقرب مني ولا تخلي حد يجي يخطبني الا شخص سوا، لاني تعبت ناس غريبه وعجيبه
مسكت تلفونها و رسلت لسحر : طيب سؤال ، ليش اختياراتي بتكون غلط او ايش المشكله ، وكيف اعرف وين الغلط وهل اجلس ادي فرص هكذا ؟؟؟

سحر : ليش ايش صار ؟

تمكين: تقدم لي شخص وانا متخوفه يكون سيء ، كيف اعرف ؟

سحر: صعب نعرف نوايا الناس وطباعهم وصعب نقارنهم ونشبههم بالغير بنظلمهم... بس اعرفي شي ، لو انتي مشاعرك متزنه وعندك مبادئ حقيقيه لنفسك بتختاري صح وتتعاملي صح مع المواقف، بسألك سؤال ، ليش تمسكتي بامجد وافقتي وانبسطتي رغم ماتعرفيه ؟ حاولتي ترضيه حتى ع حساب نفسك ؟

تمكين: كنت اشتي اقهر كمال وانخطب

سحر: كمال انقهر؟

تمكين: مدري ، بس يمكن

سحر: بس يمكن ،وبعد مانقهر ! هل استعدتي مشاعرك الي كانت معه ووقتك وحبك ، هل انتقمتي كذا منه صح؟

تمكين: بالعكس تضررت انا

سحر: لانك مافكرتي بنفسك فكرتي تاذي غيرك ، طيب امجد تنازلتي وتمسكتي هل بقا معاكي؟

تمكين: لا
سحر: طيب ليش؟ لانك سويتي اشياء غير طبيعيه ، يعني عادي تنازلتي مره هو يتنازل مره رغم مش شرط تتنازلي هو اخذك كذا وراضي فيك خلص هو الي غير رايه

تمكين: يعني ؟

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 Jun 2025 02:31

مايخرج الشارع وحده ولو خرج خليك مراقب له ، ادي له ثقه قدام عيال الحاره بدل ماتضربه لان المتحرشين بيعرفو عن شخصيه الضحيه اولا وبعدين يقربو منهم، اكثر ناس بيستهدفوهم هم الي راكنين إن الاب بالذات الي هو مصدر امان مش مصاحب او قريب او بيحترم ابنه ، بيعرف إنه مابش معه سند وانه واصل مختلفين ومستحيل يكلمك ، الان عصبيه جاد وقاحته مراددته طبيعيه جدا بسبب الي شافه والتهديد الي حصل له،

مرت اخوها : ماعد بش لحد فيهم خرجه

تمكين: ايش عتستفيدي عتخليه ضعيف شخصيه ، لازم تدي له الثقه وتحميه هو وخواته لازم توعيه بشكل مستمر ولو موضوع محرج وحساس وعيب يتقال لهم بس لازم يفهموه بطريقه توعيه دينيه ، كلمي البنات كمان لاتقليش هن عندي ، في صاحبات في ناس محد عارف ولامتوقع من فين يجي الاذيه ،

اخوها: قد راسي بيفور حرام مافلته

تمكين: من ؟؟؟ مصيبه لو تحسسوه اننا قلت لكم،

اخوها : مش انتي، شاراعي مثل ماقلتي اتقرب منه ويكلمني هو، بس هذا الكلب الي بيجلس مع جهال .

تمكين: لاتفعل شي بدون دليل لانك لو قدمت شكوى لازم دليل

اخوها: شاعرف وين بيشلهم ولا وين بيجلسو وافعل له كاميرا او تسجيل صوت اهم شي شافضح ابوه واحبسه.

امه بكيت: جعلي خير على ابني .
تمكين: يامنعاه لاتبيني له، وبالتدريج ترجعي تتقربي منه حسسوه بالحب ، عيدميلاده جاي افعلي له حفله ، او خرجهم ياعبدالوهاب.

ثاني يوم الصباح..
تمكين تشتي تجنب قدام عملها: اليوم معنا سياره جديده، وين صاحبها اووف ذلحين اوقف بعيد واخطى مسافه

دخلت المحل بدون ماتلتفت للسياره الي واقفه

السياره مشيت
تمكين سمعت صوت سياره اشتغلت لفتت وقد المكان فاضي دخلت المحل: يعني اول ماوصلت مشي ، يلا الحمدالله خطيت لي شويه

حنان بتضحك: صباح الخير

تمكين: اسفه دخلت بينتضابح من الي وقف بقعتي، صباح النور .

حنان: اسفه قوي قوي قوي نسيت امس اذكرش واقلش معش موعد تصوير اليوم

تمكين: جبرني بش صدق موعد ايش ؟.

حنان: يعني الحمدالله مش عرس ، حفله خطوبه

تمكين: فين وكيف اين التفاصيل؟

حنان: اعتقد بيت !

تمكين: بيت ايش ؟ انتي عارفه يا حنان مابينسير اصور في بيوت ابدا ، ليش قبلتيه؟

حنان: قبلته فتره ماكنتي عتبطلي العمل الحجز له شهر ونص

تمكين: يبقى تسيري انتي ياقمر ، انا اهلي مانعين اسير اصور بيوت مابلا قاعات حفلات تخرج ،او مزارع، غيره ممنوع.

حنان: طيب شاسير انا .

تمكين: خلص تشتي تسيري الان تتجهزي سيري ،وانا شاجلس هنا اكمل تعديلات صور، واسلم لزبونه صورها و اروح

حنان : تمام، كتبت لش في الورقه المواعيد الي حددتها مع زبائن يجين اليوم يحجزين بالساعه عندش

تمكين: تسلمي لي ياقمر ..

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 Jun 2025 02:31

تمكين سجلت صوت سريع لسحر كيف تتعامل معه وشرحت لها حاله الخوف الي فيه وتهديد وايش ممكن يكون السر وموضوع التهديد وكيف تتعامل معه

سحر : خليكي معه هادئه مهما قال انتبهي تعملي رده فعل صدمه او خوف او تحضنيه وتحسسيه شي خطير الي حصل ممكن يقلك كلام مش جاهزه تسمعيه، المهم انا معك خطوه بخطوه اديله الامان والثقه عشان يحكي

تمكين: انا هكذا سويت معه لما شفته اليوم زعلان ، ابوه وامه زعلوه وخرج يلعب و زعلوه اصحابه ، فجلست معه شفته بدا يسالني

سحر: حلووو معناته الولد حابب يتكلم بس يحتاج امان ، في بعض اطفال عنيدين جدا جدا تطلعي الحرف والكلمه منهم بعد صبر طويل وعده جلسات ..

تمكين شافته دخل الغرفه طرحت تلفونها ومبتسمه له: اهلا بصاحبي ، وينك من زمان ماتصاحبني ، وانا وحدي ضابحه واصل ، هيا نتصاحب ( مدت اصبعها الصغيره)

جاد فرح مد إصبعه : هكذا يعني تصاحبنا؟

تمكين: ايوه ، ومعناته انحنا اصحاب وكل واحد يقل للثاني اي سر يشتيه، بس بشرط مايقول ولا لحد ، توعدني ماتقلش لحد الاسرار الي شاقلك؟

جاد: وعد ، وانتي اوعديني

تمكين: وعد

جاد حضنها بعدين بعد بسرعه:ولو يوقع بابي شي؟

تمكين: انت تعرف كم احب بابا؟ ماسخاش يوقع له شي، ممكن مساعده ننبهه نقله ينتبه لنفسه من الي بيهددك بتبوك عشان ينتبه

جاد: صح، عم اوس عادو اصغر من بابا ، ومابش معه مسدس بس معه سكينه لو تبسري كيف يقطع بها الكرسي حق السياره يفجع السكينه حاده قوي

تمكين : اهاا، ايحين شفتها؟

جاد: لما خرجها يورينا قال لو تكلمو حد السر لاقطع لسانه وارجع اقتل ابوه واهله.

تمكين: وايش السر الخطير هذا

جاد ينفع اشاورش؟

تمكين : شاورني ومابش حد في الغرفه تطمن قوي

جاد: تمام

تمكين بتسمعه

جاد: كان يورينا بالتلفون فيديو شوعه قله ادب ، وقال هذه لعبه من يشتي يلعب بس بشرط لايكلم حد سر ولو حد تكلم عيقطع لسانه

تمكين: ايوه ولعبت معه؟

جاد: ماشي لما سمعت صاحبي بيصيح وهو يضربه خفت وهربت
تمكين: يعني وراك الفيديو الشوعه؟

جاد: ايوه

تمكين خافت ومثل ماقالت لها سحر تكون هاديه: اول شي انت اشجع ولد في الدنيا لانك هربت لما سمعته بيضرب صاحبك. يمكن كان يشتي منه شي شوعه وشي مش صح وغلط قوي

جاد حس براحه لما شاف ماضربته او صاحت هز راسه ايوه

تمكين: والفيديو هذا الي شفته ناس شوعين قوي بيعلمو الناس المؤدبه اشياء غلط عشان يقولو لهم عادي وهي لعبه، وهذه مش لعبه اصلا ، مابش لعب شوعه هكذا، هذه الالعاب غلط والله بيعاقبنا عليها

جاد: قلي لامي مشتيش اخرج وهي تصيح فوقي وتطردني كل يوم ،بينهرب منهم عشان لايخلوني العب



الموضوع مطروح للنقاش والتوعيه، الي عندها نصائح تكتب

•┇ رَوَايَاتْ صنَـعـۛۛۛ♕ـۛۛۛـا۽ رَوَحُۧـ♡ـيَۧ ┇•

02 Jun 2025 02:31

البنت : اووه، خير يبقى مابش نصيب ويمكن في سوء فهم . الحمدالله اننا خليتش تتاكدي قبل مانحرج نفسنا.

صحبتها: ايوه.

البنت: تسلمي لي قوي وشغلتش معي .

ثاني يوم...( فوق الغداء)
كلهم بيتغدو..
ابن عبدالوهاب جاد عمره تسع سنوات سارح بيقلب بالملعقه ومابياكلش..

امه صيحت فوقه : كل بدل اللعب .

تمكين شافته وشافتها متعصبه فوقه: كل ي حبيبي مالك ماتاكل ؟

مرت اخوها: هكذا ، قدله اسبوع وهو قليل ادب مايسمعش الكلام لا ياكل ولا بيصلي ولابيستمع، وبيضرب اخوته الصغار

جاد تعصب قوي و رجم الملعقه: مشتيش اكل مشتيش هيا ها... حنق

ابوه صيح فوقه: اتكلم مع امك سوا لاقوم ادعسك.

ترتيل: خلاص ياخي اهدأ انت

جدته: ماتدخلين اتنين ، محد خربهم ودلعهم الا انتين، تسكتين.
جاد مقهور وبياكل اظافره قامت اخته الصغيره عمرها اربع سنوات تشتي تأكله شبس : دهفها و ضربها..

قامت امه سحبته بثيابه وفتحت الباب: يلا اخرج ، مابش جلسه هنا لوما تتعلم كيف تحترم الي في البيت ، قدك قليل ادب ، مابش دخله ... خرجته وقفلت. .

ابوه لحقه : والله لو مادعسته واوريه قله الادب كيف ، انا اوريه

تمكين: خلاص ي اخي قوا لما يدخل مش قبال اصحابه

اخوها خرج ولحقه للشارع وهو جالس باب البيت ، مسك آذانه وصيح فوقه وضربه و دخل..

عيال الحاره مابين متشمت بيضحكوا عليه ، ومابين اثنين جو لاعنده ، مالك يا جاد لمه ضربك ابوك

جاد : مالك دخل

الولد : انا جيت ادعيك تلعب معنا طز فيك ، جي اوريك معي تلفون اخي فيديوهات مضحكه .

جاد قام معهم : مايعرفش مكاننا عم اوس ؟؟

الولد : الا هو الي بيرسل لنا فيديوهات مضحكه

جاد : مشتيش اجي معاكم ،

الولد ضحك عليه : يا اخبل عيخليك تفعل نخس بحقه السجاره الالكترونيه...
جاد تعصب قوي : مشتيش قلتلك مابتفهمش دهفه
قامو العيال اصحابه يضاربو جاد

جاد خايف يدافع عن نفسه جلس يرجف يده وقلبه تتسارع دقاته ، شاف عم اوس جاي لاعندهم بياشر له يجي ، دهف الباب حق بيتهم دخل وقفل.

تمكين كانت بتضحي ثيابها بتسمع مصايحه جهال مش عارفه منهم وعلى ايش ، لما دخل شافته بيبكي وخائف يده ترجف : مالك ياجاد ؟؟

جاد تعصب بقووه وجلس يزبط الباب: بيضاربو، مشتيش العب معهم مشتيش اخرج، وامي واصل تطردني وابي يضربني وهم يضربوني ، اكرهكم كلكم كلكم.

تمكين حضنته ودخلت معه : جي انا احبك ، انت حبيب عمه كيف تقل بنكرهك ، جي عندي انا ابردلك منهم كلهم.معي جعاله خيرات مارضيت تتم جي نفعل تحدي انا وانت من يكملها الاول

جاد ضحك ومسح دموعه ومشي معها للغرفه



في بيت كمال ...

كمال بيتكلم مع ابراهيم: خلاص ماعد اشتيش محامي .


اعتذر امس ماكتبت كنت تعبانه ، بعوضكم💕