Зикр аҳлидан сўранг

28 Jul 2023 06:05

ТИЛАНЧИЛИКНИ КАСБ ҚИЛИБ ОЛГАНЛАРГА ПУЛ БЕРИШ МУМКИНМИ?

@Savollar_kanal 13428-савол

Ҳурматли Шайҳ Уйимга Гадойлар келади- Пул бериш жоизми? Пул берсангиз ҳудди касб қилиб олгандай туйилади. Ёки ҳайдаб юборганим яҳшироқми? Асосан уйимга келса, масжид атрофида уларга пул бераман. Илтимос садақани тогри бериш ёлларини айтсангиз.Ҳурмат биланЭйдост

ЖАВОБ:

Ассалому алайкум! Тиланчиликни касб қилиб олганларга бериш керак эмас.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 Jul 2023 18:05

ИЛМСИЗЛИК

@Savollar_kanal 13426-савол

Ассалому алайкум! Узр саволим чала кетиб қолди. Бугун бироз вақт топиб давомини ёзаяпман. Хуллас тўйдан кейин турмуш ўртоғимни намоз ўқимасликлари, ароқ ичиб, бошқа қизлар билан гаплашиб юришларини билдим лекин у кишини ҳурмат қилиб хизматларини бажариб келдим. Тўғри гуноҳ иш қилганларида ичимдан қаттиқ хафа бўлардим аммо бу билан у кишига хурматсизлик қилганим йўқ. Ўзим олий маълумотли "болалар невролог" шифокориман. Тўйдан олдин ҳам намоз ўқиб, рўза тутардим, Қуръонни ўзим ўрганиб (тажвидсиз) ўқиб юрардим. Кейин турмушга чиқиб умр йўлдошимни босимлари билан ҳаммаси қолиб кетди (уйда жанжал бўлмасин деб). 3 йил бўлди Қуърон курсида ўқиб, Қуръонни тажвид билан оқиб ва ёд ола бошладим, рўмол билан юришни, намозларимни қолдирмай ўқишни бошладим Алҳамдулиллаҳ. Энди интернетдан, китоблардан, савол-жавоблардан кўп нарсаларни ўрганиб ўтган умрим давомида қилган баъзи ишларим гуноҳ эмасмикан деб, бундан кейин шунақа вазият бўлиб қолса қандай йўл тутишим керак, деб сизларга савол бераяпман. Турмуш ўртоғимга келсак у киши ҳам олий маълумотли ҳарбий. Динни ёмон кўришларига келсак бунга ҳам интернет сабабчи; М: у киши интернетда "эл-туз", "ббс узбек", "халқ норозилиги", "хақиқат ва тараққиёт" каналларини, Намоз Нормўмин, Хидирназар Оллоқуловга ўхшаган халқда давлатга нисбатан норозилик, ношукурлик кайфиятини уйғотадиган дин арбоблари ва аҳли илмларимизни ёмон кўришга сабаб бўладиган материалларни кўриб кузатиб борадилар. Кейин менга сани муллаларинг унақа қилган, мусулмонларинг бунақа қилган, шайхинг мунақа деб гапирадилар. Мен эса имконим борича диний масалада гапирмасликка ҳаракат қиламан. Барибир мани тушунмайдилар. Лекин диний уламоларимиз учун ҳам мен гап эшитаман. М: Х.О. партиялари ҳақида Аброр М Алий домла, Рустамжон, Шукрулло ва б. домлаларимиз гапириб чиқибдилар буни орқасидан менга гапирдилар "сарой муллалари" дххни ...лари сани имомларинг шундай дебди ва ҳ... ; Менга ўзимни баъзи вазиятларда бундан кейин қандай йўл тутишни маслаҳат берадиган аҳли илм зарур. М: турмуш ўртоģимни жўралари билан оилавий борди-келди қилиб турамиз, кўпинча эркак-аёл хамр ичишади. Шундай вазиятда мен энди нима қилай қизларим ва ўғлим катта бўлиб қолди бу ўтиришлар уларни тарбиясига салбий таъсир қилмайдими? Мени хамр ичиладиган даврада ўтиришим, уларга хизмат қилишим билан уларни гуноҳига шерик бўлиб қолмайманми? Ёки яқинда менга кредитга янги тел. олсак, сан қизиқмайсанам қаерда арзон кредит бор дедилар, мен эса дадаси кредит олиш гуноҳ экан ҳозир тел.миз борку десам шунча одам олаяпди сан ҳам олсанг ҳеч нима қилмайди, шу давлатга яшаганингдан кейин оласанда дедилар нима деб жавоб беришни билмай индамадим. Шунақа вазиятларда менга маслаҳат берадиган одамим йўқ. Балки мен адашган бўлсам ўзимни ислоҳ қилай, агар умр йўлдошим хато қилаётган бўлсалар қандай гуноҳ қилмай муроса қилай? Фарзандларим ҳалол-ҳаром, гуноҳ-савоб тушунчалари билан улғайса дейман. Чунки келин бўлиб тушган хонадонимда бировни ҳаққи, гуноҳ деган тудҳунчалар йўқ. Буларни сўрашга мани ҳеч кимим йўқ Шу сабабли сизлардан секин-секин сўраб бораяпман. Жавобларингиз учун раҳмат. Туҳунмовчилик учун мани кечиринг.

ЖАВОБ:

– Ва алайкум ассалом! Ҳалол амаллар қилиб ҳалол яшашга ҳаракатда бардавом бўлинг Аллоҳ қўлласин. Эрингизга инсоф бериб ибодатга киришини насиб қилсин. Тўғри йўлни диний сўзлар билан эмас омма тилида қилиб гапириб насиҳат қилинг. Muslimaat.uz сайтига кириб маслаҳат олиб туринг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

27 Jul 2023 14:05

ИЛМ ЎРГАНИШ ҲАҚИДА

@Savollar_kanal 13424-савол

Ассалому алайкум! Сиз устозлар сабабли кўп нарсаларни ўрганаяпмиз. Мен талабаман. Ёшим 20 да. Илм ўрганишимни самарадорлигини ошириш ва кўпроқ ўқиш мақсадида ўзимга шундай шарт қўйиб олганман. Агар кун давомида режалаштирган ишларимни бажармасам(масалан кунда 40 бет китоб ўқиш) ҳар бир қилмаган ишим учун хуфтондан кейин тўрт ракат намоз ўқийман. Шундай қилишим хато эмасми? 2. Кўпинча намоз ўқиганимдан сўнг намоз охрида дуо қилишда эринчоқлик пайдо бўлади ва дуода "Аллоҳим қалбим ўзингга аён, менга нима кераклигини ўзинг биласан" деб, сўрайдиган нарсаларимни жуда кўп бўлса ҳам дуони қисқа қиламан. Бу тўғрими? 3. Илм ўрганишга, қалб ҳотиржамлигига эришга доир уламоларимизни қайси китобларини тавсия қиласиз?

ЖАВОБ:

– Ва алайкум ассалом! 1). Хато эмас. Лекин зиммангизга вожиб қилиб олманг.
2). Жоиз. Лекин банда ўзига керак бўлган нарсани ҳам сўраши яхшироқ ва сўраганда катта нарсаларни сўраши афзал.
3). Шайх Муҳаммад Содиқ Муҳаммад Юсуф ҳазратларининг «Руҳий тарбия» китоблари. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

27 Jul 2023 08:05

ҲИТОЙДАН МОЛ ОЛИБ КЕЛАМАН.

@Savollar_kanal 13421-савол

Ҳурматли ШайҳМен Ҳитойдан мол олдриб келмоқчиман ва у молга бошқа фирмани номини қойдирмоқчиман. Яна у молнинг пакетига Малайзияда ишлаб чиқарилган деб ёздирмоқчиман.Товар сифатли болса ҳам, Одамлар ҳитой молини олишмаганлиги учун шундай қилмоқчиман.Шунга нима дейсиз?Ҳурмат биланЭйдост

ЖАВОБ:

Ассалому алайкум! Бу ишни қилиш мутлақо мумкин эмас. Бу алдамчилик ва ёлғондан иборатдир.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 Jul 2023 04:05

ҲУФТОН НАМОЗИНИ КЕЧАСИ ЎҚИШНИ ХУШ КЎРАМАН.

@Savollar_kanal 13419-савол

Ҳурматли шайх Ҳуфтон намозини вақтида ўқимасдан уйга келгандан кейин соат чамаси 11:00-1:00 эрталаб ёки кеч ўқишни хуш кўраман. Ўқийману кетидан Таборак, 2 ракат нафл намоз, сўнгра Воқеа сурасини ўқиб дарров ухлайман. Шунга нима дейсиз? Ҳурмат билан Эйдўст.

ЖАВОБ:

Ассалому алайкум! Фарзини жамоат билан ўқинг. Ётишдан олдин нафл ва Витрни ҳамда «Таборак»ни ўқинг.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

26 Jul 2023 16:05

МАСЖИДГА ЖИҲОЗ СОТИШ МУМКИНМИ?

@Savollar_kanal 13417-савол

Ассалому алайкум! Ҳурматли шайх, Мен масжидга электр асбобларини сотишим жоизми? Яъни, масжидга керак бўладиган жиҳозларни? Устида фойдам ҳам бор бўлади. Шунга нима дейсиз? Муҳлисингиз, Эйдўст.

ЖАВОБ:

– Ва алайкум ассалом! Бу иш жоиз.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

26 Jul 2023 12:05

ҚАРЗИ ХАСАНА НИМА

@Savollar_kanal 13415-савол

Ассалому алайкум! Хурматли устозлар қарзи хасана нма эканлиги тушунтириб берсангиз.

ЖАВОБ:

– Ва алайкум ассалом! Аллоҳга «қарзи ҳасана» берадиган киши борми?! Бас, У Зот унга бир неча марта кўпайтириб қайтаради ва унга карамли ажр бор.Аслида, «қарз» сўзи луғатда «кесмоқ» маъносини билдиради. Қарз берувчи киши ўз молидан кесиб, қарз сўровчига беради. Аллоҳ таоло Ўз дини йўлида сарфланадиган молу мулкни Унга берилган «қарзи ҳасана»га, яъни орага судхўрлик ва бошқа ғаразлар қўшилмаган қарзга ўхшатмоқда.«Аллоҳга «қарзи ҳасана» берадиган киши борми?!»Бунда эҳсон, нафақа қилишга катта тарғиб бордир. Чунки қарзни муҳтожлар олади, Аллоҳ эса ҳеч нарсага муҳтожлиги йўқ, балки барчанинг Унга муҳтожлиги бор Зотдир. Оятда Аллоҳ таоло эҳсон қилганларнинг сарфини кўпайтириб беришга ва бунинг устига, уларни карамли жаннатга киритишга ваъда қилмоқда.«Бас, У зот унга бир неча марта кўпайтириб қайтаради ва унга карамли ажр бор».Уламолар Аллоҳ таоло қабул қиладиган яхши қарзнинг шартларини ҳам зикр қилганлар:1. Садақа қилувчининг нияти соф бўлсин.2. Садақа чин кўнгилдан, риёсиз, Аллоҳнинг розилиги учун берилсин.3. Ҳалол молдан бўлсин.4. Сифатсиз бўлмасин.5. Энг зарур жойга сарфлансин.6. Садақа яширин ҳолда қилинсин.7. Миннат қилинмасин.8. Кўп бўлса ҳам, оз саналсин.9. Ўзининг яхши кўрган молидан бўлсин.10. Ўзини бой санаб, олувчини камбағал санамасин.Маълумки, саҳобаи киромлар ҳар бир оятга тўлиқ амал қилишга шошилар эдилар. Шу маънода улуғ саҳобий Абдуллоҳ ибн Масъуд розияллоҳу анҳудан ривоят қилинган қуйидаги ривоят жуда ҳам ибратлидир. Ушбу оят нозил бўлганда Абу Даҳдаҳ Ансорий исмли саҳоба:– Эй Аллоҳнинг Расули, Аллоҳ биздан қарз хоҳлаяптими? – деди.– Ҳа, эй Абу Даҳдаҳ, – дедилар сарвари олам. Шунда Абу Даҳдаҳ Расулуллоҳ алайҳиссаломга:– Қўлингизни беринг, – деди-да, у зоти бобаракотнинг муборак қўлларидан тутди. Сўнгра: – Мен ўз Роббимга боғимни қарз бердим, – деди.Унинг боғида олти юз туп хурмоси, хотини Умму Даҳдаҳ ва фарзандлари бор эди. Абу Даҳдаҳ боғига келиб, хотини Умму Даҳдаҳни чақирган эди, у:– Лаббай! – деб чиқди. Абу Даҳдаҳ:– Боғдан чиқ, мен уни Роббимга қарз бердим, – деди. Аёл эса:– Қилган савдоингнинг даромади кўп бўлсин, – деди-да, дарров болалари ва асбоб-анжомларини кўтариб, кўчди. Шунда Набий алайҳиссалом:– Жаннатдаги дуру ёқутдан бўлган қанчадан-қанча хурмолар Абу Даҳдаҳники бўлди, – дедилар.Юқоридаги оятлар эҳсон-нафақа қилишга даъват этди ва бунинг учун улуғ ажр борлигининг хабарини берди. Келаси оят эса мазкур ажрнинг бир қисми ҳақида баён қилади.("Тафсири Ҳилол" китобидан). Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

26 Jul 2023 08:05

НИКОҲ ВА СИҲАТ-САЛОМАТЛИККА ДОИР САВОЛЛАР

@Savollar_kanal 13413-савол

Ассалому алайкум муҳтарам устоз ва форум иштирокчиси бўлиб турган мусулмон биродарлар!Устоз ижозатингиз билан 1-2 савол билан мурожаат килсам. 1. Халкимиз орасида "Оқ тўй (отарчи чақириб, ароқ каби маст қилувчи ичимликлар қуйиб тўй) қилса келин ва куёвнинг никохи бузилади. Ёки масжидга никох ўқитиш учун борилганда қиз-келин юз қўллари очиқ - "европача" кўринишда борса, никох никох булмайди" деган гаплар юради. Сабаби никох-тўй борасида бошқа диндагиларга тақлид бўлганлиги учун" дейдилар. Шу тўғрими? Устоз Биз учун тўғрирок гап қайси бўлади?2. Агар табиб "ит ёғи истеъмоли дардингизга шифо бўлиши мумкин, бошқа иложини кўрмаяпман" деса, уни ўша бемор истеъмол қилиши мумкинми.

ЖАВОБ:

– Ва алайкум ассалом! Бу гапни айтувчилар ёшларни бошқаларга тақлид қилишдан ва шариатга хилоф иш қилишдан қайтариш учун айтган бўлсалар керак. Аниқроқ айтиладиган бўлса, ўша ишларни, ҳалол ва бўлиши лозим дея эътиқод қилса шундай бўлади. Аммо эътиқод қилмаса, гуноҳкор бўладилар ва диндан чиқмайдилар. Бу каби гапни ёки тиббий хулосани иймон эътиқодли, Аллоҳдан қўрқадиган энг илмли табиб айтиши керак. Яъни, беморни даволаш учун ҳаром нарсадан бошқа дори қолмаганини таъкидлаши керак.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

26 Jul 2023 04:05

ФОРСИЙДА ЁЗИЛГАН КИТОБЛАР ТЎҒРИСИДА

@Savollar_kanal 13411-савол

Ҳурматли шайх ҳазратлари! Форсийда ёзилган дуо китобларидан «Канзулун Хусайн», «Мужарработи Сулаймоний» каби олдин нашр қилинган ёки ҳозирги пайтда эронда нашр қилинаётган дуо китоблари ҳақида нима дея оласиз! Эҳтиром ила Санжар

ЖАВОБ:

Ассалому алайкум! Бу китобларга яқин йўламаслик керак.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 Jul 2023 16:05

ПИШЛОҚҚА ҚЎШИЛАДИГАН ПЕПСИН МОДДАСИ

@Savollar_kanal 13409-савол

Ассалом алайкум Шайҳ ҳазратлари. Сизга олдиндан бу савол сўралган бўлса олдиндан узр сўрайман. Бир мўмин биродарим илтимос қилганди. Улар пишлоқ ишлаб чиқаришда Пепсин моддасини ислатишар экан. Аммо уни ҳалол ёки ҳаром эканлигини билишни исташмоқда. Интернетдаги маълумотларга қараганда аксарият ҳолларда у чўчқа ошқозонидан олинар экан. Аммо қора-мол ёки синтетик йўл билан ҳам олинар экан. Уни қандай олинганлигини аниқлаш мумкин эмаслиги туфайли шубҳа пайдо бўлмоқда. Илтимос тавсия беринг... Ассалом алайкум...

ЖАВОБ:

– Ва алайкум ассалом! Мен ҳам бу борада сизга ўхшаш ҳолатдаман.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 Jul 2023 12:05

МАКРУҲИ ТАХРИМИЙ, МАКРУҲИ ТАНЗИҲИЙ.

@Savollar_kanal 13407-савол

Ассаламу алайкум ва рохматуллоҳи ва барокатуҳ! Муҳтарам шайх жаноблари сиздан 2 та биз учун муҳим бўлган масалага ойдинлик берсангиз. Форумда ушбу масалалар бўйича жавоб бор, аммо у жавобларлардан кўнгил тўлгани йўқ.1) Аҳмад Ходий Мақсудийнинг "Ибодати Исломия" номли китобларининг Намоз пайтидаги макруҳ ҳолатлар мавзусида бошяланг намоз ўқиш - макруҳ деб келтирилган.2) Ва яна худди шу китобда Истибро ва Истинжо мавзусида қоғоз билан истинжо қилиш - макруҳ деб келган. Илтимос шу мавзуларга кенгрок ойдинлик киритсангиз. Жавобингиз учун олдиндан раҳмат.Ва ассаламу алайкум!

ЖАВОБ:

– Ва алайкум ассалом! Аввало китоб ўқиб ундан савол бераётганларингиз учун ташаккур. Жавобларнинг нимасидан кўнглингиз тўлмаганини айтмабсиз. Мен ўз билганимча жавоб беришга ҳаракат қиламан. Агар яна кўнглингиз тўлмаса, айнан нимани ирода қилаётган бўлсангиз ўшани айтиб ёзинг.Мен саволни ўқиб сизлар «макруҳ» деган истилоҳни тўла англай олмаётган бўлсангиз керак деган хаёлга келдим. Ҳозир кўпчиликда шу ҳолат учраб турибди. Шаръий ҳукмларни ифода этиш учун ишлатиладиган истилоҳларни ва уларнинг орасидаги фарқларни ажратиб олиш кишиларимизга бир оз машаққат туғдирмоқда. Бу табиий ҳол. «Маркруҳ» сўзи луғатда ёқмаган, ёмон кўрилган маъносини ифода қилади.Ҳанафий мазҳаби уламолари макруҳни икки қисмга тақсимлаганлар:1. Макруҳи таҳримий. (ҳаром ҳисобланадиган макруҳ). Шариат (Оҳод хабарларда) қатъий бўлмаган далил ила тарк қилишни жазм ила талаб қилган нарса макруҳи таҳримий бўлади. Бунга бировнинг савдоси устига савдо қилиш ёки совчилиги устига совчилик қилиш, эркакларнинг ипак ёки тилло истеъмол қилиш каби ишлар мисол бўлади.Ҳанафийларда макруҳи таҳримийни қисқа қилиб макруҳ деб қўйилади. Уларнинг наздида макруҳи таҳримий ҳаромга жуда яқин нарса ҳисобланади. Аммо уни инкор қилган киши кофир бўлмайди. 2. Макруҳи танзиҳий. (Озодалик макруҳи). Шариат тарк қилишни жазм бўлмаган ва уқубат таъйин қилмаган ҳолда талаб қилган нарса макруҳи танзиҳийдир. Бунга мушук ва йиртқич қушлар теккан сувдан таҳорат қилиш, суннати муаккада ишларни тарк қилишлар мисол бўлади.Макруҳи танзиҳийни тарк қилган одам савоб олади. Уни қилган одам иқобга учрамаса ҳам маломатга қолади. Сиз айтган ялангбош намоз ўқиш ва қоғоз ила истинжо қилиш энг ками маломатга олиб боради. Аммо ҳозирги замон фуқаҳолари истинжога атаб чиқарилган қоғозни унга ишлатиш жоиз, макруҳлиги йўқ дейишади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 Jul 2023 08:05

НАМОЗДА ҚИРОАТНИ ЎЗИ ЭШИТАДИГАН ДАРАЖАДА ЎҚИШ

@Savollar_kanal 13405-савол

Ассаламу алайкум хурматли шайх хазратлари.Биз мухтасар китобини окиб билдикки намозни махфий окишнинг энг кам даражаси озига эшитарли окимокдур.Лейкин инсонни лаби кимирламаса хам эшитиш мумкинму еки бу хис килишму?Олдиндан жавобингиз учун ташаккур.

ЖАВОБ:

– Ва алайкум ассалом! Китоб ўқиганингиз жуда ҳам яхши. «Намоз махфий ўқиш»мас намозда қироатни махфий қилиш деганингизда яна ҳам яхши бўларди.Сиз айтган маъно мен «Мухтасари Виқоя»га ёзган шарҳда қуйидагича ифода этилган: «Овоз чиқармай қироат қилишнинг энг пасти ўзи эшитадиган бўлишидир. Ушбу тўғридир».Ўзи эшитадиган даражада бўлмаган нарса қироат бўлмайди. Ўзидан бошқа эшитадиган бўлса, ошкора қироат бўлиб қолади».Бу ерда лаби қимирлаш ёки ҳис қилиш йўқ. Оддий гап ўзи эшитсин.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

25 Jul 2023 04:05

ЭРИГА ОЗОР БЕРИШ

@Savollar_kanal 13403-савол

Ҳазрат Аёлим билан урушганимизда у мени ялиниб келишимни ҳоҳлаган экан. Мен бормадим. Чунки айб унда эдида. Орадан анча вақт отгандан кегин, аёлим эрим шарқона услубда яқинлик қилади, орқамга қилади, …….. гапларни тарқатган. Энди бутун қариндош уругларга етиб болди. Мен шарманда болдим, мени аёлим ҳор қилди. Ҳатто ота-онасидан ҳам уялмади. Болмагур гаплар билан мени айблади.Мен фақат фарзандим, Аллоҳ берган нематим учун ялиниб бордим. Ялинтрди ва ҳулас конди. Ота-онаси ҳам росса мени ҳарҳил гаплар билан уялмасдан ота-онам олдида шарманда қилишди.Кегин ундан сорадим, нега бундай қилдинг десам? Аёлим айтдики агар шундай қилмаганимда бу урушганимизда мен айбдор болиб қолаятган эдим. Шунинг учун шу гап билан ҳамма айбни сенга агдардим деди.Ҳаммага жар солишни нима кераги бориди десам, энди мен кочада қандай юраман десам, менга фарқи ёқ, билганини қил деб жавоб қайтарди.Аёлим ҳижобдаку, лекин умуман номоз оқимиди. Дин билан иши ёқ.Ҳамма насиҳату, шариий ҳукмлару, ҳадислар аёлимга бефойда. Корган одам ҳижобда экан, ибодатли экан дейди. Ичида шайтон отрганини Аллоҳдан ва мендан бошқа одамлар билмайди. Фақат теле-сериал, ашула-клиплар болса болди унга.Ётоқда ози ҳоҳласа нафсимни қондиради, ҳоҳламаса ёқ. Ёки обдон қийнаб кегин розилик беради. Ҳатто нафл розалар ҳам тутиб юрдим. Базида сал қийналиб қоламан. Кочада зино қилмай, аёлларга қарамай деб, майли сабр қилай деб нафл роза тутдим. Озиб ёзиб 1 ҳафта-2 ҳафтадан кегин ҳам сорасам нафсимни ози ҳоҳламагунича қондирмайди.Энди Мени шарманда қилишганде. Ҳаммага жар солишган. Гуруримни поймол қилишган. Энди уйларига чақиртришса бормаябман. Қандай қилиб бош котариб бораман? Айтинг? Ҳудди ҳеч нарса болмагандай бораманми? Мен айбдор эдим деб бораманми? Ошларига, марака ва бошқа йигинларига умуман бормаябман. Яна адаси қилар ишни қилиб: Энди куёв бола салом-аликни ҳам йигиштриб қойибде де а деб қизига айтибди. Яна аммаси ошга куёв келмабдиде қизим, эринг келганда ҳамма айби ювилиб кетар эди деб айтибди. Астагфуруллоҳ!Ман бошқа бир солиҳа аёлга уйланмоқчиман Иншааллоҳ. Шунга нима дейсиз? Онам розилик берди. 2 чи аёлга уйланаман. Бир бева иймонли этиқодли аёлга уйланаман. Майли боласи болса ҳам майли. Энг кераклиси ибодатли болса болди.Ҳотинимга айтсам менга фарқи ёқ деди. Олдин мени таминлаб қой кегин уйлан дейди. Егани олдида. Яшашлари шоҳона. Яна нима керак ҳайронман. Тақдиримга бир айол битдиайол эмас бир сҳайтон битдиҳижобга ораниб номоз кормадинасиҳат қилдим барбир конмадисҳарқона дэб туҳмат қилисҳдигуруримни синдриб пой-мол қилисҳдийигладим йигитлик гурурим синдилойқа сув барбир бир кун тиндиқилган исҳи уъҳун уйалмади ҳамэнди йана урусҳади ҳамнафсим қондирмайди нэъҳ ҳафталабнафл роза тутдим озим ҳасталаб нима қилай ҳазратим айтинг? толиб тосҳди ҳасратим айтинг? агар сҳэр йозиб нотогри исҳ қилган болсам узр, сҳэр ҳам ҳозир йозилди. илтимос кэракли маслаҳатлар бэринг.сҳирин оглим йарим йэтим болиб қолмаслиги уъҳун оиламни усҳлаб қолдим. йоқса…., озингиз биласиз. майли сҳу айолим билан гуноҳларимни йуваман.

ЖАВОБ ҚУЙИДАГИ ЛИНКДА:
👇
savollar.islom.uz/s/227


✅ Манба

➡️ Каналга уланиш

Зикр аҳлидан сўранг

24 Jul 2023 14:05

ОҚ СУЮҚЛИК

@Savollar_kanal 13400-савол

Ассалому алайкум! Мен яқинда уролог докторга бордим. Менда простата шамоллаши бор экан экан. Кўпинча жинсий азомдан сариқ ва оқ суюқликлар тезлик билан келиб қолади аммо кўрсам кўринмайди сийдик йўлларида қолиб кетади шунинг учун доимо пахта қуйиб юраман. Суюқлик келиб қолса ҳам пахтага тегади кийимимга тегмайди. Пешоб қилаётганимда кучаниб пешоб қиламан баъзи шунга пешоб охирларида пешобга қўшилиб оқ суюқ чиқади. Мен сайтингизлардаги пешоб билан суюқлик келиб қолса деган саволларни ўқиб чиқдим сизлар "агар касалликдан бўлса ғусл қилмайди " деган экансизлар мен касал бўлсам ҳам қалбим тинчимаяпти маний бўлса деган хаёл бор. Ўзи қоида қандай?  

ЖАВОБ:

– Ва алайкум ассалом! Бундай ҳолда шаръан ғусл вожиб бўлмайди. Бу ҳолатни тезда даволаб бу муаммодан қутилинг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 Jul 2023 10:05

МАСТ ҲОЛАТДА БЎЛГАН ҲОМИЛА

@Savollar_kanal 13398-савол

Ассалому алайкум! Мен кайф ҳолатда аёлимга яқинлик қилдим, аёлимда сақланиш мосламаси бор эди, лекин тақдир экан аёлим ҳомиладор бўлди. Бола 6 ҳафталик экан. Бу ҳолатда мен бу кайф ҳолатда бўлган бола буни олдириб ташлаш керек диябман. Лекин бу ишни қилишга Аллоҳдан қўрқябман, бошим қотиб қолди нима қилсам бўлади?

ЖАВОБ:

– Ва алайкум ассалом! Болани олдирмайсиз. Аллоҳ бирор балони бошингизга солмасидан олдин тавба қилиб бу нарсани ташланг. Аллоҳ таоло "Нисо" сурасида марҳамат қилади:  
وَمَن يَعْصِ اللّهَ وَرَسُولَهُ وَيَتَعَدَّ حُدُودَهُ يُدْخِلْهُ نَارًا خَالِدًا فِيهَا وَلَهُ عَذَابٌ مُّهِينٌ۝ 
14. «Ким Аллоҳ ва Расулига итоатсизлик қилиб, Аллоҳнинг белгилаб қўйган ҳадларидан тажовуз қилса, уни абадий қоладиган жойи бўлмиш дўзахга киритур. Ва унинг учун хор қилгувчи азоб бордир».Ибн Аббос розияллоҳу анҳумо айтадилар: «Хамр ҳаром қилингач, Расулуллоҳ соллаллоҳу алайҳи васалламнинг айрим саҳобалари бошқаларининг олдига бориб: «Хамр ҳаром қилинди ва ширкка тенглаштирилди», дедилар» (Табароний, Ҳоким ривояти).Хамр, шак-шубҳасиз, барча нопок ишларнинг онаси бўлиб, кўплаб ҳадисларда уни ичган одам лаънатлангандир.Расулуллоҳ соллаллоҳу алайҳи васаллам айтдилар: «Ҳар бир маст қилувчи нарса хамрдир ва ҳар бир маст қилувчи нарса ҳаромдир. Кимки бу дунёда хамр ичса ва уни ичишга одатланган ҳолда вафот этса, охират шаробини ичмайди» (Бухорий, Муслим, Абу Довуд, Термизий ривояти).Жобир розияллоҳу анҳу айтадилар: «Расулуллоҳ соллаллоҳу алайҳи васаллам: «Ҳар бир маст қилувчи нарса ҳаромдир. Маст қилувчи ичимликни ичган кишини «Тийнатул хобал»дан (чиқиндилар аралашмаси) суғориш хусусида Аллоҳ ҳузурида аҳд, қатъий қарор бор», дедилар. «Ё Расулуллоҳ, «Тийнатул хобал» нима?» деб сўрашган эди, «Дўзах аҳлининг терлари ёки дўзах аҳлидан ажралган суюқликлар», дея жавоб бердилар» (Муслим ривояти).Хамрга муккасидан кетган кимса тавба қилмай вафот этса, жаннатга кирмаслиги хусусида Абу Дардо розияллоҳу анҳу Расулуллоҳ соллаллоҳу алайҳи васалламдан ривоят қиладилар:«Хамрга муккасидан кетган кимса жаннатга кирмайди!»Бошқа бир ҳадисда: «Уч тоифа одам жаннатга кирмайди: хамрга муккасидан кетган, қариндош-уруғчилик алоқаларини узган ва сеҳрни тасдиқ қилган кимса», дейилган (Имом Аҳмад, Табароний ва Абу Яъло ривояти). Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

28 Jul 2023 04:05

ВОҚЕА СУРАСИНИ ЎҚИЁТГАНДА БОЙЛИКНИ ИРОДА ҚИЛИШ ЖОИЗМИ?

@Savollar_kanal 13427-савол

Ассалому алайкум шайх ҳазратлари. Ҳар кечада воқеа сурасини китобдан ўқийман. Лекин ҳали ёд олганимча йўқ. Саволлар:-Китобдан ўқиш жоизми?-Воқеа сурасини ҳар кечада ўқийдиган одам, Аллоҳдан фақат бойлик сўраётган бўлиб чиқадими?-Агар фақат бўйлик бўлса, унда банда оҳиратдан бенасиб бўлиб қолмайдими?Мени ниятим фақат ҳадисда ёзилганидек, фақат ҳалол бойлик, Аллоҳ рози бўладиган бойлик, охиратимга ҳам бу дунёимга ҳам зарар қилмайдиган бойлик. Шунга сизнинг маслаҳатингиз керак.

ЖАВОБ:

– Ва алайкум ассалом! Китобга қараб тиловат қилса бўлади. Ўша сураи каримани тиловат қилаётганингизда бойлик асосий ниятингиз бўлиб қолмаслигига ҳаракат қилинг. Уни ўқиш ҳақидаги ҳадисга амал қилишни ният қилинг.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 Jul 2023 16:05

ОТА-ОНА ТОГРИСИДА КИТОБИНГИЗ БОРМИ?

@Savollar_kanal 13425-савол

Ҳурматли шайҳ. Китобларингизни севиб оқийман. Шу битта мавзуга муҳтожим бор. У болса ҳам Ота-она тогрисида яҳлит китобингиз болса севиб оқирдим.Ота-онага багишлаб китоб чиқарсангиз бутун ёшлар олиб оқиб ота-онани севиб ҳизматини қилиб оҳиратларини обод қилишда катта ёрдам болган болур эди.Шунга эҳтиёжим бор, ёки менга сиз билган адабиёт болса малум қилсангиз. Ҳеч қаерда Ота-онага багишлаб китоб чиқаришмаган, мободо болса ҳам мен билмайман. 

ЖАВОБ:

Ассалому алайкум! Дуо қилиб туринг. Бу иш ҳам амалга ошиб қолса ажаб эмас.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 Jul 2023 12:05

ТЕЛЕ-СЕРИАЛ, БЕМАЗА РЕКЛАМА ВА КЛИПЛАР ТОГРИСИДА

@Savollar_kanal 13423-савол

Ҳурматли ШайҳМени уйимда аёллар ҳижобга киргану ва ибодат ҳам қилишадию аммо ҳар куни келсам фақат шу телевизорда бемаза теле-сериал кинолар, рекламалар, клиплар томоша қилиб отришади.Улар билан ҳатто уришиб кетаман. Ва мени жуда ҳам ёмон коришади. Нима қилай? Қойиб берайми? Яҳши ҳам гапириб насиҳат қилганман, қаттиқ ҳам гапирганман фойдаси ёқ.Айниқса турк кинолари беманилашиб кетган.Ёки озлари қуйилиб қолишармикан? нима қилсам болади? Бу беҳаёлик уларнинг онгларига сингиб бораятганидан жуда ҳам изтробдаман.ҳурмат биланЭйдост

ЖАВОБ:

Ассалому алайкум! Ўша ишларини нотўғри эканини ҳужжат ва далиллар билан англатинг. Уларга бўш вақтларида кўрадиган, эшитадиган ва ўқийдиган исломий маълумотларни тақдим қилинг. Аллоҳдан уларга рушди ҳидоят ва инсофу тавфиқ сўраб дуо қилинг.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

27 Jul 2023 06:05

АҲДЛАШУВ

@Savollar_kanal 13420-савол

Ассалому алайкум! Аллоҳ билан ахдлашиш мумкинми? Масалан ; "Эй Роббим. Мен Сенга кўплаб истиғфорлар айтай, бугундан сенга ибодатимни бошлаб, қанчалик оғир ахволимга қарамай ибодатимни тўхтатмасликка, Расулуллоҳ соллаллоҳу алайҳи васалламга 1000 бора саловат айтмай ухламасликка, фақат сени зикринг билан таскин топишга ваъда берай, сен эса шу ондан хаётимни тубдан ўзгартиргин. Мен фақатгина Сенинг қудратинга ишонаман" Балки Аллоҳ менинг устимдан рахмат ёмғирини тезроқ ёғдирар.

ЖАВОБ:

– Ва алайкум ассалом! Сиз бандалигингизни ҳис қилиб тазарруъ билан дуо қилинг. Тоқатингиз етмайдиган ишларни вада қилманг. Аллоҳ таоло "Аъроф" сурасида марҳамат қилади:  
 ادْعُواْ رَبَّكُمْ تَضَرُّعًا وَخُفْيَةً إِنَّهُ لاَ يُحِبُّ الْمُعْتَدِينَ۝ 
55. Роббингизга тазарру ила ва махфий дуо қилинг. Зотан, У ҳаддан ошувчиларни севмас.Ушбу ояти каримада Аллоҳ таоло мўмин бандаларига дуо қилиш одобларини ўргатмоқда. Дуода тазарру – ёлвориш ва махфийлик бўлиши зарурлигини таъкидламоқда.Худди шу маъно Пайғамбаримиз Муҳаммад соллаллоҳу алайҳи васалламнинг ҳадиси шарифларида ҳам ўз ифодасини топган.Имом Бухорий ва имом Муслим Абу Мусо Ашъарий розияллоҳу анҳудан ривоят қилган ҳадиси шарифда қуйидагилар баён қилинади:«Одамлар баланд овоз билан дуо қилган эдилар, Расулуллоҳ соллаллоҳу алайҳи васаллам: «Эй одамлар, ўзингизга шафқат қилинг, сизлар кар ёки ғайбга дуо қилаётганингиз йўқ. Сиз дуо қилаётган Зот энг яхши эшитувчи ва энг яқин Зотдир», – дедилар».Аллоҳ таолога ибодату дуоларни тазарру ила ва махфий қилиш, худди шу ояти каримада таъкидланганидек, салафи солиҳларимизнинг одатларига айланган эди.Имом Абдуллоҳ ибн Муборак Ҳасан Басрийнинг қуйидаги сўзларини келтирадилар: «Агар бир киши Қуръонни жамлаган бўлса ҳам, одамларга билдирмас эди. Агар бир киши фиқҳдан жуда кўп нарсани билса ҳам, одамларга билдирмас эди. Агар бир киши кечаси уйида узундан-узоқ намоз ўқиб чиқса ҳам, меҳмонларига билдирмас эди. Биз бир одамларни кўрдикки, махфий қилиш имкони бўлган ишни ҳеч қачон ошкор қилмас эдилар. Мусулмонлар дуога кўп уринар эдилар. Товушлари ҳеч эшитилмас эди. Уларнинг дуолари Роббларига пичирлашдан иборат бўлар эди».«Роббингизга тазарру ила ва махфий дуо қилинг» дегани шу. Аллоҳ таоло қилган ишидан рози бўлиб, мақтаган солиҳ бандаси ҳақида «Қачонки Роббига махфий дуо қилди», дегани ҳам шундан. ("Тафсири Ҳилол" китобидан). Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

26 Jul 2023 18:05

ЗАКОТНИ ҚАЙТАРИБ ОЛСА БЎЛАДИМИ?

@Savollar_kanal 13418-савол

Ассалому алайкум! Закот берилган одамдан закотни қайтариб олиб унданда муҳтожроқ одамга берса бўладими? 

ЖАВОБ:

– Ва алайкум ассалом! Закот бир ҳақдорга берилгандан кейин у одамнинг мулки бўлади ва сиздан шу чиқарган закотингиз адо бўлади. Шу сабаблардан қайтара олмайсиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

26 Jul 2023 14:05

ГРЕНКИ КИРИЕШКИ

@Savollar_kanal 13416-савол

Ассалому алайкум! Гренки номли кириешкига вино кислота қўшилган экан, энди бу кириешки харом хисобланадими?

ЖАВОБ:

– Ва алайкум ассалом! Вино қўшилган бўлса, ҳаром ҳисобланади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

26 Jul 2023 10:05

МУЗОРАБА

@Savollar_kanal 13414-савол

Ассалому Алайкум Шайх хазратлари. Эсингизда бўлса мен сизга Судхўрлик хақида савол берган эдим. ижозат берсангиз бу саволни қайтадан хавола этсам.САВОЛ: Ассалому алейкум саҳйх хазратлари. Сиздан бир тушунмовчиликни ечиб беришингизни сўрайман.Масалан бир кишига 1000-сўм пул берсам , у киши бу пулни тижорат қилиб 100 сўм топса , менга 50 сўмини берса, фойда зиёни ўртада бўлса, бу иш Судхўрликка кирадими? Жавобингиз учун олдиндан рахмат. Аллох сиздан рози бўлсин.СИЗНИНГ ЖАВОБИНГИЗ : Кирмайди.Лекин мен бу жавобни бошқаларга айтганимда улар этироз билдиришди. Айтишдики " нега энди судхўрликка кирмас экан ? Ахир сиз ўз пулингизни бировга бериб қўйиб , ўзингиз хеч нарса қилмасдан ўтирибсиз , пулингиз хар ойда пул туғяпти-ку. Пулингизни бировга берганингиз эвазига пул олаяпсиз-ку " дейишди. Мен сизни хато қилмаслигингизни уларга айтдим....Илтимос Хурматли Шайх Мухаммад Содиқ Мухаммад Юсуф хазратлари. Қандай холатларда судхўрлик бўлади-ю қандай холларда фоизхўрликка кирмайди? шулар хақида батафсил малумот берсангиз. Жавобингиз учун олдиндан рахмат. Аллох сиздан хамиша рози бўлсиз .

ЖАВОБ ҚУЙИДАГИ ЛИНКДА:
👇
savollar.islom.uz/s/233


✅ Манба

➡️ Каналга уланиш

Зикр аҳлидан сўранг

26 Jul 2023 06:05

ЎЛИК ЮВГАН СУВНИ ДАРАХ ТАГИГА ТЎКИШ

@Savollar_kanal 13412-савол

Ассалому алайкум! Оламдан ўтган одамни ювинтирган сувини ҳовлидаги мевасиз дарахтни тагига қуйиш керак деркан. Биз адашиб мевали дарахт тагига қуйибмиз, бунда ёмон бўлмайдими? Умуман шу нарсага динимиз нима дейди?

ЖАВОБ:

– Ва алайкум ассалом! Бундай гап динимизда йўқ. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 Jul 2023 18:05

ОЛИ ИМРОН

@Savollar_kanal 13410-савол

Ассалому алайкум! Қуръони Каримда нозил бўлган "Оли Имрон" сурасидаги келган Имрон, пайғамбиримиз Расулуллоҳ соллаллоҳу алайҳи васаллам даврлардаги, яъни рисолат келмасдан олдин ўтган Варақа ибн Навфал буларни Исломда яъни мусулмон деб қабул қиламизми?

ЖАВОБ:

– Ва алайкум ассалом! Аллоҳнинг тўғри динида бўлишган дейилади. Аммо Расулуллоҳ соллаллоҳу алайҳи васалламга ваҳий келганидан кейин у зотнинг нубувватига иймон келтирмаганларни мусулмон дейилмайди. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 Jul 2023 14:05

CHRISTIAN DIOR СУМКАСИ

@Savollar_kanal 13408-савол

Ассалому алайкум! Ман Christian Dior брендининг сумкасини олгандим. Уйга келиб луғатга ёзиб қарагандим маъноси насроний, христиан деган экан. Christian Dior деб фақат сумка тутқичига ёзилган экан. Энди нима қилсам бўлади? Сумкани ҳам қимматга олгандим. Ҳеч ҳаёлмга бу нарса келмаганди. Уни тутишим жоиз бўладими?

ЖАВОБ:

– Ва алайкум ассалом! Ўша ёзувни кўринмайдиган ҳолатга келтириб олиб ишлатаверинг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 Jul 2023 10:05

САҒИРНИНГ ХУКМИ

@Savollar_kanal 13406-савол

Ассалому алайкум! Мархумнинг 10 яшар қизи 14 яшар ўғли бор. Шу болалар кабир бўладими ё балоғатга етгунча сағир хисобланадими?

ЖАВОБ:

– Ва алайкум ассалом! Шаръий балоғатга етганидан кейин етимликдан чиқади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

25 Jul 2023 06:05

УЛГУРЖИ АРОҚ СОТАДИГОН ДЎКОНГА МОЛ БЕРИШ

@Savollar_kanal 13404-савол

Ассалому алайкум! Мен "кока кола" ичимлигини сотиш билан шуғулланаман. Спиртли ичимликлар сотмайман, лекин мен "Коса кола"ни улгуржи сотиб оладиган одам спиртли ичимликлар сотади. Бунда мен топаётган пулда шубҳа (ҳаромлик) борми?

ЖАВОБ:

– Ва алайкум ассалом! Ҳалол нарсалар ҳам сотадиган бўлса, сотишингиз жоиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 Jul 2023 18:05

ШАҲВАТНИ ҚОНДИРИШ

@Savollar_kanal 13402-савол

Ассалому алайкум! Ҳозирги замонда технологиялар ривожланиб ҳар ҳил нарсалар чиқаяпти. Саволим шундан иборатки замонамизда чиқаётган жинсий қўғирчоқлар билан шаҳватни қондириш мумкинми? Бунинг ҳукми қандай?

ЖАВОБ:

– Ва алайкум ассалом! Ҳаром ва зино, кабира, охиратда жазоси (азоби) ҳам аянчли. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

24 Jul 2023 12:05

ИСТИҲОРА НАМОЗИ

@Savollar_kanal 13399-савол

Шайҳ Ҳазратлари,Исмим Сардор, талабаман, ҳозирда Чэҳия давлатида яшаяпман.Ман шу йили магистратурага имтиҳон топширишим керак. Олдимда турган вариантлар къоп. Шулардан Прагадаги универститет ва Чэске Будеёвиъэ деган шаҳардаги универститет. Прагадаги универститетга кириш жуда мушкул, лекин бу шаҳарда мусулмонлар кўп, энг асосийси масжид бор. Иккинчи шаҳарда эса масжид юқ, у ерда мусулмонлар борми, юқми ҳабарим ҳам юқ, лекин у ердаги универститетга кириш нисбатан осонроқ.Ман анчадан бери Аллоҳдан ҳайрлисини курсатишини сураб дуо қиламан. Узимга энг асосий сабаб булган масжид мавжудлиги туфайли Прагага топшириш истаги кучлироқ. Сизнинг "Истиҳорадан қандай башорат олинади",-деб суралган саволга, " ётишдан аввал уқилади ва яҳши туш куриб, эрталаб яҳши кайфиятда турилади",- деб берган жавобизи уқиб, 3 кун ётишдан олдин истиҳора қилиб курдим:1-куни Прагага топширишни ният қилиб, Аллоҳдан агар шу юл тугъри бўлса билдиришини сурадим. Афсуски шу кеча жуда бемаъни, ёқимсиз тушлар кўрдим. 2-куни Чэске Будеёвиъэ шаҳрига топширишни ният қилиб, билдиришини сурадим. Бу кеча қандай туш курганимни эслолмадим ва эрталаб кайфиятимда жиддий узгариш сезмадим.3-куни яна Прагани ният қилдим ва яна ёқимсиз тушлар кўрдим ва эрталаб кайфиятим сезиларли даражада ёмон бўлди.Сиздан сурамоқчи бўлган саволим:Банда истиҳора қилса, шу ишини ҳайрлими ёки юқми эканлигини билиш учун аввало нимага эътибор бериши керак:Уша куни курган тушигами? ( Ҳолбуки 1 марта эмас 2 марта ёқимсиз туш курдим)Ёки кунгли тортиб турган тарафгами? ( Кунглим эса барибир масжид, ҳалол таом ва мусулмон биродарлар топиш муаммо бўлмаган Прага шаҳрига тортяпти)Бундай ёмон туш курганими сабаби бу юл ҳайрли булмаганини англатадими ёки истиҳорам қабул булмаганлигиними ёки Аллоҳ синаш учун ҳам шундай туш курсатиш мумкинми (яъни Прага ҳайрлироқ булсада)?Ва шу масалада узизи маслаҳатизи берсангиз.Шайҳ Ҳазратлари мани мана шу йили ман учун динимда, турмушимда, ишими оқибатида энг ҳайрлисини Аллоҳ курсатишини ва имтиҳонни мувафаққиятли топшириб олишими сураб дуо қилишизи илтимос қилиб сурардим.Мани арзимаган саволимга қимматли вақтизи ажратиб, берган эътиборингиз учун ташаккур.

ЖАВОБ ҚУЙИДАГИ ЛИНКДА:
👇
savollar.islom.uz/s/224


✅ Манба

➡️ Каналга уланиш

Зикр аҳлидан сўранг

24 Jul 2023 08:05

РАСМГА ТУШИШ МУМКИНМИ?

@Savollar_kanal 13397-савол

Ассалому алайкум ва раҳматуллоҳи ва барокатуҳ Шайх жаноблари саволим шуки,оилавий расмга тушиш мамкинми ? Аллоҳ сизга ва оилангизга барокат ёғдирсин

ЖАВОБ:

– Ва алайкум ассалом! Фотосуратга тушиш бўлса, мумкин.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш