Зикр аҳлидан сўранг

03 Oct 2023 04:05

НАМОЗ

@Savollar_kanal 13963-савол

Ассалому алайкум! Шом намозини бўлгач, тасбеҳ ўгириш жоизми ножоизми? Намоз ўқийдиган бир икки танишимдан сўрасам йўқ жоиз эмас дейишяпти.

ЖАВОБ:

– Ва алайкум ассалом! Ҳар намоз, жумладан шом намозидан кейин ҳам айтса бўлади.
وَلِمُسْلِمٍ: مَنْ سَبَّحَ اللهَ فِي دُبُرِ كُلِّ صَلاَةٍ ثَلاَثًا وَثَلاَثِينَ وَحَمِدَ اللهَ ثَلاَثًا وَثَلاَثِينَ وَكَبَّرَ اللهَ ثَلاَثًا وَثَلاَثِينَ فَتْلِكَ تِسْعَةٌ وَتِسْعُونَ وَقَالَ تَمَامَ الْمِائَةِ: لاَ إِلَهَ إِلاَّ اللهُ وَحْدَهُ لاَ شَرِيكَ لَهُ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ غُفِرَتْ خَطَايَاهُ وَإِنْ كَانَتْ مِثْلَ زَبَدِ الْبَحْرِ 
Муслим ривоятида эса: «Ким ҳар намоздан кейин ўттиз уч марта Аллоҳга тасбиҳ айтса, ўттиз уч марта Аллоҳга ҳамд айтса, ўттиз уч марта «Аллоҳу акбар», деса ҳаммаси тўқсон тўққиз бўлур, юзтанинг тамом бўлишига: «Ла илаҳа иллаллоҳу ваҳдаҳу ла шарийка лаҳу лаҳул мулку ва лаҳул ҳамду ва ҳува ала кулли шайъин қодийр»ни айтса, унинг гуноҳлари денгиз кўпиклари каби бўлса ҳам мағфират қилинур» дейилган. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

02 Oct 2023 16:05

ЁЗУВЛИ КИЙИМЛАР

@Savollar_kanal 13961-савол

Ассалому алайкум! Ёзувли кийимларни кийса бўладими? Агар ёзувда ёмон сўзлар ёзилмаган бўлса албатта. Масалан инглиз тилида гул “flower” деб ёзилган бўлса. Ёки умуман ёзувли кийим кийиб бўлмайдими?

ЖАВОБ:

– Ва алайкум ассалом! Фахш ёки ширк гаплар ёзилмаган бўлса, кийса бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

02 Oct 2023 12:05

ИБОДАТЛАРГА РАҒБАТ

@Savollar_kanal 13959-савол

Ассалому алайкум! Бир савол жавобда кейинги намозларни ўқишинггизга рағбат бўлаётгани намозинггиз қабул бўлаётганидан дарак мазмунидаги жавобни ўқигандим. Буни мен учун ҳам деб тушунсам бўладими чунки намозинг қабул бўлмаяпти деган ўй ҳали ҳамон бор. Иложи борича кўп йиллик қазо намозларим ни ҳам ўқияпман. Нафл намозларни ҳам ўқиш истаги йўқ эмас. Имкон борида зуҳо намозини ўқияпман лекин давомлимас. Бамдоддан олдинроқ қазоларни кетма кетликда ўқияпман. Ҳаммасини ўқиволай кун бўйи вақтим бўлмаслиги мумкин ёш бўлам бор деб кетма кет қазо намозларимни бор кунлигини ўқияпман саждада узоқ қолмай субҳана роббиял аъла дейишим билан бош кўтараман шунгами шошиб ўқиётгандай бўлавераман лекин иложи борича хотиржам ўқишга ҳаракат қиламан. Барибир хаёлимда шу нарса. Менга таскин берадиган бирорта ҳадисми айтинг. Кўнглим хотиржам бўлсин. Худди ҳадисда келган 40 йил қарға дон чўқигани каби намоз ўқиган кишидек бўлавераман.

ЖАВОБ:

– Ва алайкум ассалом! Сиз бу шайтоннинг васвасаларига эътибор берманг. Сизни шундай васваса қилиб, намозлардан маҳрум қилмоқчи. Ин ша Аллоҳ намозларингиз қабул бўлади. Иложи борича шошилмай, хотиржам ўқишга ҳаракат қилинг. Имкон даражасида ўқинг. Нафлларнинг ўрнига ҳам уларнинг вақтида қазоларни ўқинг. Ҳам қазо намоз адо бўлади, ҳам Аллоҳнинг марҳамати ила нафлнинг савобини оласиз. Чунки намозлар гуноҳларни ювилишига сабаб бўлади. Ҳадиси шарифда шундай дейилади: 
عَنْ أَبِي هُرَيْرَةَ رَضِي اللهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ: أَرَأَيْتُمْ لَوْ أَنَّ نَهَرًا بِبَابِ أَحَدِكُمْ يَغْتَسِلُ مِنْهُ كُلَّ يَوْمٍ خَمْسَ مَرَّاتٍ هَلْ يَبْقَى مِنْ دَرَنِهِ شَيْءٌ قَالُوا: لاَ يَبْقَى مِنْ دَرَنِهِ شَيْءٌ قَالَ: فَذَلِكَ مَثَلُ الصَّلَوَاتِ الْخَمْسِ يَمْحُو اللهُ بِهِنَّ الْخَطَايَا. رَوَاهُ الْخَمْسَةُ إِلاَّ أَبَا دَاوُدَ 
Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам: «Айтинглар-чи, агар бирингизнинг эшиги олдида анҳор бўлса, у ўшанда ҳар куни беш марта ювиниб турса, унинг киридан бирор нарса қоладими?» дедилар. «Унинг киридан ҳеч нарса қолмайди», дейишди. У зот соллаллоҳу алайҳи васаллам: «Ана шунга ўхшаб, Аллоҳ беш вақт намоз ила хатоларни ювади», дедилар». Бешовларидан фақат Абу Довуд ривоят қилмаган.Шарҳ: Ҳадиси шарифдан намознинг фазилати ва гуноҳларнинг ювилиши бобида тутган ўрни яққол аён бўлмоқда. Пайғамбаримиз соллаллоҳу алайҳи васаллам бу маънони яхшироқ тушунтириш учун мисол келтирлар.Бировнинг эшиги олдидан анҳор оқиб турсаю, у одам ўша анҳордан ҳар куни беш маҳал ювиниб турса, кир қолмаганидек, ҳар куни беш марта намоз ўқиган одамнинг гуноҳлари ювилиб, унда гуноҳ ҳам қолмайди.Ким бир вақт намозни ўқимаса, унинг гуноҳларидан бир қисми тўкилмай, баданида кир қолади. Икки вақтни ўқимаса, яна ҳам кўпроқ қолади ва ҳоказо. Бир кунги намозларини ўқимаса, анчагина кир тўпланади. Бир ҳафта ўқимаса, бир ой ўқимаса, бир йил ўқимаса нима бўлиши маълум. Бир умр ўқимаганлар эса, бир умр ювинмаган одамдан кўра бир неча милён марта жирканч ҳолга келади. Чунки бадан кири моддий кир. Намоз ўқимаганнинг кири эса маънавий руҳий кирдир.Ушбу ҳадисдан олинадиган фойдалар: 1. Шаръий масалаларни тушунтириш учун шундай ёрқин мисоллар келтириш яхшилиги.2. Намознинг ўта фазилатли эканлиги.3. Намоз туфайли банданинг гуноҳлари ювилиши. («Ҳадис ва Ҳаёт» китобидан).  Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

02 Oct 2023 08:05

ХАРОМНИ ОЛИШИМИЗ ТЎҒРИМИ

@Savollar_kanal 13957-савол

Ассалому алайкум! Биз эрим билан алохида яшаймиз. Қайнота қайнонам биздан кредитларини ёпиш учун ҳар ой пул сўрашади. Бозорликлариззи ўзимиз қилиб берамиз дийишади. Қайнотам боғчада ишлайди. Уйга боғчадаги озиқ овқатладан олиб келишади. Бизга ҳам жўнатишади. Агар улар берган нарсаларни олмасак қийналиб қоламиз. Шуни олишимиз тўғрими?

ЖАВОБ:

– Ва алайкум ассалом! Жоиз эмас. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

02 Oct 2023 04:05

ЭНЧИ

@Savollar_kanal 13955-савол

Ассалому алайкум! Халқимиз орасида энчи деган удум бор экан. шу динимизда жоизми? Жиянимизга энчи (жонлиқ) берарсиз деганди синглим. Ақиқага деб бердик. Ҳалолми ёки ҳаромми бу ишимиз?

ЖАВОБ:

– Ва алайкум ассалом! Ҳаром дейилмайди. Аммо жиянингиз учун жонлиқ беришга шаръан мажбур эмассизлар. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

01 Oct 2023 16:05

ЗАКОТ

@Savollar_kanal 13953-савол

Ассалому алайкум! 2020 йил сентабр ойида йиғиб юрадиган пулларим нисоб ҳолатига етган эди. Закот бериш вазифаларидан бири шу нисоб пули 1 йил мобайнида қиймати ўзгармаса ёки ундан ортиқ бўлса, фарз ҳисобланади, деб айтишган. Шунга кўра, шу йили яъни 2021 йил сентабр ойида закот беришим керак бўлади. Лекин бир нарса бор, мен нисобга етган пулимнинг деярли ҳаммасини биродаримизга қарзга бериб турган эдим, яъни ҳозирги ҳолатта нисобга етадиган пулим йўқ, у бошқа одамга қарзга берилган. Закот бериш ниятим қатъийлигини ва закот бериш имконим борлиги, яъни уша қарзга берган пулимнинг 1/40 қисмини бера олишимни ҳисобга олиб, менга тўғри йўналиш беринг.

ЖАВОБ:

– Ва алайкум ассалом! Қарзга берган пулингиз қайтиб келишига кўзингиз етса, ўзингиздаги пулдан закотини бериб юборасиз. Агар қайтишига гумонда бўлсангиз қўлингизга олганингизда закотини берасиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

01 Oct 2023 12:05

СОЧИ УЗУН БЎЛСА НАМОЗИ ЖОИЗ БЎЛМАЙДИМИ

@Savollar_kanal 13951-савол

Ассалому алайкум! Бир танишим эркак киши сочини 5 санииметрдан ортиқ ўстирмаслиги керак, унда намоз ўқиш жоиз бўлмай қолиши мумкин деган эди. Сочлар узун бўлса намоз бузилмайдими?

ЖАВОБ:

– Ва алайкум ассалом! Бунақа гап йўқ. Нотўғри атибди. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

01 Oct 2023 08:05

АЛЛОҲНИНГ ИСМИ ЁЗИЛГАН ҚОҒОЗ

@Savollar_kanal 13949-савол

Ассалому алайкум! Аллоҳ таоло исмининг ҳатто бош ҳарфи қоғоз ёки ҳозирги маҳсулотларнинг қадоғида ёзилган бӯлса (бунда бош ҳарф билан Аллоҳнинг исми қасд қилинган бӯлса), яьни тӯлиқ ёзилмаган бӯлса ҳам, (Аллоҳ асрасин) у нарса нопок жойга тушса, гуноҳ бӯлади шундайми?

ЖАВОБ:

– Ва алайкум ассалом! Сиз айтган ҳолда қасд қилиб ёзилганини билиш мушкул иш. Агар уни сиз ёзган бўлсангиз оёқости бўлишига йўл қўйманг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

01 Oct 2023 04:05

ПЕШИН НАМОЗИНИНГ КИРИШ ВАҚТИ?

@Savollar_kanal 13947-савол

Ассалому алайкум! Мен ўқишда 2-сменада ўқийман. Дарс соат 13:00 да бошланади. Шу кунларда тақвимларда пешин вақти 12:15 ёзилган экан. Аммо масжидларда пешин намози 13:00 да ўқиляпти. Намозни тақвимлаги вақтга қараб ўқисам бўладими?

ЖАВОБ:

– Ва алайкум ассалом! Албатта бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

30 Sep 2023 16:05

ОТА-ОНАНИНГ ТОҒА АМАКИЛАРИ

@Savollar_kanal 13945-савол

Ассалому алайкум! Ота онанинг амма-хола амаки-тоғалари фарзандига махрам бўла оладими?

ЖАВОБ:

– Ва алайкум ассалом! Ҳа. Ота-онанинг амма, хола, амаки ва тоғалари уларнинг фарзандларига маҳрам бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

30 Sep 2023 12:05

ДАДАМ ЕРТЎЛАДА АРОҚ САҚЛАРКАН

@Savollar_kanal 13943-савол

Ассалому алайкум! Хурматли толиб илмлар менинг дадам ертолада арок саклаётганини билиб колдим ва дадамга босиклик Билан " дада буни нима киламиз опчикиб ташлай ёки егасига кайтариб олиб бориб берай дедим бу нарсани Аллоҳ харом килган дедим" шунда дадам "енди сен колгандинг менга акл оргатмаган"дедилар вахоланки дадам у нарсани харомлигини биладилар. Шунда мен "хоп нима киласиз унда у нарсани десам " сени опангни тойида койамиз столга ичадиган ортокларим келади" деганларида ичим шувуллаб кетди музлаб колдим ахир мен тойимни исломий той бўлишини хохлайман дадам арок тижорати Билан шугулланмайди шунчаки базида ортолари ва бошка кариндошла Билан тугилган кунларда ичади бу Билан менга йедираётган лукмаси харом бўладими? Мени килаётган ибодатларим Хабада бўладими?

ЖАВОБ:

– Ва алайкум ассалом! Сизга едираётгани ҳалолдан бўлса, отангизни ичгани билан сизни еганингиз ҳаром бўлиб қолмайди. Ибодатларингиз ҳам ҳабата бўлмайди. Опангизнинг ҳам, ўзингизнинг ҳам тўйингизда ароқ қўйдирмасликка ҳаракат қилинг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

30 Sep 2023 08:23

#чегирма

«Нубувват ва рисолат» китобини чегирма билан харид қилинг

Китоб орқали Одам алайҳиссаломдан Исо алайҳиссаломгача ва Расулуллоҳ соллаллоҳу алайҳи васалламнинг ҳаётлари, шунингдек, пайғамбарлик, нубувват, рисолат ва бошқа шу мавзудаги маълумотлардан бохабар бўлишингиз мумкин.

Марҳамат, асарни чегирмали нархда харид қилинг

👉 Нархи: 258 000 — 195 000 сўм

📍 Манзилларимиз

☎️ Буюртма учун: +998712175999

📨 @hilol_reception

* Ушбу китобга чегирма Рабъиул аввал ойининг охиригача давом этади.

@hilolnashr

Зикр аҳлидан сўранг

30 Sep 2023 06:05

ПАЙҒАМБАРИМИЗ СОЛЛАЛЛОҲУ АЛАЙҲИ ВАССАЛАМНИНГ ҲАЁТ ВА ВАФОТЛАРИ

@Savollar_kanal 13940-савол

Бобомнинг саволи: Пайғамбаримиз соллаллоҳу алайҳи вассаламнинг туғилган ва Маккаи Мадинага ҳижрат қилган ҳамда вафот этган йиллари орасида фарқ мавжуд дейди. Яни айтишларича Пайгамбаримиз соллаллоҳу алайҳи вассалам 63 ёшида вафот этганлар экан. Лекин туғилган, ҳижрат қилган ва вафот этган йилларни солиштирсак 63 чиқмас экан. 

ЖАВОБ:

Ундай гап йўқ. Эҳтимол, сизга буни айтганлар ҳижрий ва мелодий тақвимни алмаштириб қўйишган бўлса керак.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

29 Sep 2023 18:05

"ДОМЛАЛАР" МАЪНАВИЯТИ

@Savollar_kanal 13938-савол

Ассаламу алайкум Шайҳ жаноблари, авваламбор қуйида айтмоқчи бўлган фикрим ноўрин, ёки илимсизлигим туфайли бўлса барчадан узр сўрайман. Мени ҳозирги даврда энг ташвишлантираётган нарса жамиятимиздаги баъзи бир "Домла"ларнинг, яни бирор бир масжит имоми ёки қори ёки мутаваллийларнинг ўзлари билиб ёки билмасдан шариатга хилоф бўлган, ёҳуд кўрган ва эшитган инсонлар ёқа ушлайдиган амаллар билан машғул бўлиб қолаётганидир. Мисол ила айтадиган бўлсам, бир куни ёш эндигина илм ўчоғидан чиқиб келиб бирор бир масжитга имом бўлиш тараддудида юрган бир қори аканинг бир танишига телефон орқали таънаю маломатлар ёғдираётганини гувоҳи бўлиб қолдим, бунинг сабаби, ўша таниши қори акани бир кун олдин бир жанозага олиб борган экан, аммо маййитнинг эгалари қори акага озроқ пул беришгани ва "ҳурматини" жойига қўйишмагани экан. Бу сўзлашувдан сўнг қори ака аслида нечта жанозадан қанча пул қилишини ҳам фаҳрланиб сўзлаб берди. Бу ҳодиса мен аслида келтирмоқчи бўлган мисолларнинг биттаси ҳолос, сизнинг қимматли вақтингизни деҳуда олмаслик учун шу билангина чегараландим. Менинг саволим, мана шундай хулқлар билан хулқланиб қолган "илмли" пешволаримиз динимизга ҳаммадан ҳам кўра кўпроқ зарар етказмаётганмикан? Менку алҳамдулиллаҳ Мусулмон билан Ислом икки алоҳида тушунча эканлигини, бир мусулмоннинг ҳатти ҳаракати ила Ислом тўғрисида таасурот олиш ҳамма вақт ҳам тўғри эмаслигини билан. Лекин бу ҳолатни кўрган ёки эшитган Исломга эндигина кириб келаётган биродарларимизнинг баъзиларига бу нарса Исломни бузиб кўрсатади. Шунинг учун, масжит имомларини мана шу кишига ўхшаш кишилардан бўлиб қолишини бартараф этиш механизмларини ишлаб чиқиш керак эмасмикан? Агар юқоридаги фикри ожизимизда камчилк ва ҳатолар бўлса минг бора узр сўрайман ва бизнинг ҳатоларни тўғрилайсиз деган умиддаман. Эътиборингиз учун олдиндан ташаккур!

ЖАВОБ:

– Ва алайкум ассалом! Саломат бўлинг! Албатта, илмли кишилар динимизнинг ходимлари ўлароқ барча ишларда бошқаларга ўрнак ва намуна бўлишлари лозим. Сиз айтган таклифни бошқалар ҳам айтган. Бунга ҳаракат ҳам бор. Аммо кўпроқ кишиларнинг ўзлари бу каби нозик ҳолатларни тўғри тушунишлари ва динимиз манфаатларини шахсий манфаатларидан устун қўйишлари керак.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

29 Sep 2023 14:05

ПАЙҒАМБАРЛАР ҲАҚИДА

@Savollar_kanal 13936-савол

Ассалому алайкум! Бизга пайғамбарлримизни русча номларини ва 4 та фаришталарни русча номларини ва илк ваҳий ҳақида ҳам маълумот берсангиз! 'Ҳурмат ила Нигора!

ЖАВОБ:

– Ва алайкум ассалом! Сиз сўраган зотларнинг русча номлари йўқ. Руслари ўз талаффузлари ила ифода қилсалар ўзларининг ишлари.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

02 Oct 2023 18:05

"ИСЛОМДА ИНСОН ҲУҚУҚЛАРИ" КИТОБИ

@Savollar_kanal 13962-савол

Ассалому алайкум, Ҳурматли устоз! Менинг бир илтимосим бор эди, "Исломда инсон ҳуқуқлари" номли китобингизни бир неча йил олдин ўқиган эдим, лекин у китоб бировники эди. Ҳозирги кунда ҳам нафақат менда, балки кўпчилик талабаларнинг мана шу китобга эҳтиёжи сезилмоқда. Менинг илтимосим мана шу китоб юртимизда қайта нашр этилса, фойдадан холи бўлмас эди. Ва ассаламу алайкум!

ЖАВОБ:

– Ва алайкум ассалом! Ташаккур. Аммо ҳали умуман нашр қилинмаган китобларимиз жуда ҳам кўп. Китоб нашр қилиш эса осон эмас. Дуо қилиб туринглар. Аллоҳ ишимизни осон қилсин.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

02 Oct 2023 14:05

АЛКОГОЛСИЗ ПИВО ҲАҚИДА

@Savollar_kanal 13960-савол

Ассалому алайкум, Шайҳ Ҳазратлари! Сизга чексиз миннатдорчиликлар билдириб, қилаётган ҳайрли ишларингизга Оллоҳдан баракотлар сўраб, Сизга шундай савол билан мурожаат қилмоқчиман: Алкоголсиз пиво (агар шишасида алкоголлиги 0% деб ёзилган бўлса) истеъмол қилиш мумкинми? Ушбу саволимни тўғри маънода қабул қилиб, жавоб берасиз деган умиддаман! Олдиндан катта раҳмат!

ЖАВОБ:

– Ва алайкум ассалом! Бу масалани кўп ёритилган. Мумкинлиги, аммо тақво тарафини тутган афзаллиги айтилган.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

02 Oct 2023 10:05

ИСТИНЖО ВА НАМОЗ ҲАҚИДА

@Savollar_kanal 13958-савол

Ассаламу алайкум ва раҳматуллоҳи ва баракатоҳу устоз! Мани кўпдан бери қийнаб келаётган саволимга сиздан жавоб олмоқчи эдим, саволларим қуйидагилар: 1. Устоз, ҳожатҳонада истинжо қилиш жоизми? 2. Устоз, ман кўпинча кечқурун чарчаб ухлаб қоламан ва хуфтон намозини эрталаб бомдод кирмасдан олдин ўқиб олишга ҳаракат қиламан, шу тадбир тўғрими? Ҳайрли ишларизга Аллоҳдан куч-қувват сўраб Фарруҳ!

ЖАВОБ:

– Ва алайкум ассалом! 1. Бўлади. Фақат эски хожатхоналарда ахлатга сувни аралаштирмай қилиш керак бўлади.2. Хуфтоннинг вақти чиқмаса бўлгани.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

02 Oct 2023 06:05

ТИЛЛА ТРОС ТАҚИШ

@Savollar_kanal 13956-савол

Хурматли шайхимиз! Аёллар бўйинларига трос (тилла тақинчоғи) тақсалар бўладими? Расулуллоҳ соллаллоҳу алайҳи васаллам муборак хадисларида қизларига танбех берган эканлар деб эшитдик.

ЖАВОБ:

Аёлларга тилло тақинчоқлар тақишга тухсат.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

01 Oct 2023 18:05

МУСОФИР САНАЛАДИМИ КИШИ...

@Savollar_kanal 13954-савол

Ассаламу алейкум! Ҳурматли ва азиз Шайҳ ҳазратлари, шу кунларда менда икки савол бор эди, шуларга сиздан аниқ жавоб олиш имконияти борлигидан бениҳоя ҳурсандман ва ушбу сайт ижодкорларига Аллоҳдан чэксиз марҳаматлар ёғлишини тилаб қоламан. Биринчи саволим қуйидагичадир: Мен Тошкент шаҳрида туғилиб, 22 йил ўша эрда улғйиб, тақсил олдим. Кейин тақдир тақозоси билан Наманган шаҳрига ота-онам билан кучиб келишга мажбур булдим. Мана 15 йилдирки, шу эрда истиқомад қилиб келяпман. Иш юзасидан Тошкентга куп бориб туришга тўғри келади. У эрга борганда (2-3кунга) акамнинг уйида ҳудди ўзимнинг уйимдаги сингари эркин яшай оламан (Ҳудога шукур), шунингдек, сафарга ўз машинамда чиқаман. Ҳудога шукурки, 290 километрли йўлда намоз амалларини адо этиш учун имкониятлар мавжуд (ҳозир кўплаб кафеларда алоҳида намозҳоналар очилган). Динимиз қоидаларига кўра уйдан 90 километр узоқлашгандан сўнг киши мусофир саналади. Аммо маҳалламиздаги бир зиёли акамиз айтишларича олдинги замондаги 90 километрли масофа бугунги 90 километрли масофадан фарқ қилади. Саволим шундан иборатки, мен Намангандан юқоридаги масофада узоқлашганимдан сўнг мусофирчилик қоидаларига амал қиламанми, жумладан намознинг суннати менга ўқиш вожибми ёки йўқми? Тошкентда қандай бўладику, йўлда қандай бўлади? Иккинчи саволим бу йил пайғамбаримиз Муҳаммад соллаллоҳу алайҳи васалламнинг туғилган кунлари қайси мелодий санага тўғри келишини аниқлаштириш эди. Жавобингиз учун олдиндан миннатдорчилик билдираман. Аллоҳ барчамиздан рози бўлсин.

ЖАВОБ:

– Ва алайкум ассалом! Сафар нияти билан чиққанда мусофир намозини ўқийсиз ва бошқа амаларни ҳам шу ҳукмга мувофиқ қиласиз.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

01 Oct 2023 14:05

ОЛДИ-СОТДИДА ВАЪДАДАН ҚАЙТИШ

@Savollar_kanal 13952-савол

Ассаламу алайкум! Мен бир уйни эгаси билан (номозҳон инсон) савдолашиб малум бир суммага келишдик, сотувчи ота онаси билан ҳам маслаҳатлашди ва мен умумий сумманинг 13% бошланғич сумма сифатида аҳдлашган заҳотимиз бердим. Икки кун утгач сотувчи қўшним яни ҳоламнинг қизи мени қўймаябди биз оламиз деб. Ваҳоланки сотувчи қўшнисини 15 кун кутган экан қўшниси сотувчини қониқтирадиган нарҳ бермаган. Энди сотувчи, мен билан аҳдлашган нарҳга яна малум бир сумма қўшиб беринг деябди. 1. Ушбу ҳолатда мен яна пул қўшиб беришим ва сотувчи уни олиши ҳалол савдо бўладими? 2. Мен ҳолис ҳадя сифатида қўшиб берсам сотувчи, олувчи уйни олиш учун шундай қилади барибир деган ниятда бўлган ҳолатдагиси-чи? Жавобингиз учун олдиндан раҳмат оллоҳ ҳар бир дақиқангизни баракотли қилсин оҳирги сўзимизни ҳайрли қилсин .

ЖАВОБ:

– Ва алайкум ассалом! Бу ҳолатда сизга шаръий жиҳатдан ҳеч қандай ноқулайлик йўқ. Аммо сотувчи инсоф қилиш керак.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

01 Oct 2023 10:05

СУННАТДА ЗАМ СУРА.

@Savollar_kanal 13950-савол

Ассалому алайкум Ҳазрат! Саволим шуки тўрт ракатлик суннат намозларда учинчи, тўртинчи ракатларида зам сура ўқимаса ҳам бўладими ёки ўқиш шартми? Менга Мисирда анча яшаган бир одам ўқимасанг ҳам бўлади деганди шу тўғрими?

ЖАВОБ:

– Ва алайкум ассалом! Суннат намозларнинг учинчи ва тўртинчи ракъатларида ҳам зам сура ўқилади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

01 Oct 2023 06:05

КЕЧИКТИРИБ БЕРИЛГАН НАСИЯНИ ОЛИШ

@Savollar_kanal 13948-савол

Ассаламу алайкум! Бир киши маълум муддатга иккинчи бир кишига насияга мол сотди. Бирок, ўзаро келишилган муддат келганда, насия молнинг пули хам ўзи хам қайтарилмади. Орадан яна маълум йиллар ўтгач, ўша насия олган кишида илгари қарзини тўлаш учун имконият пайдо бўлди. Аниқроғи, бугунги кундаги инфляция хисобига ўша пайтда маълум вақтгача пулини қилиб бериш шарти билан сотилган молнинг қиймати пул хисобида 10 баравар, балки унданда кўпроқ миқдорда тушиб кетди. Масалан, илгари ўша мол 100 сўм турган бўлса, 4 йилдан сўнг худди шундай мол 1000 сўмни ташкил этди. Савол: Молни насияга сотган киши, насияга олган кишидан бугунги кундаги худди шу молнинг хисобида пул ундириши жоизми? Бундай холатлардан қандай йўл тутиш лозим бўлади? Жавобингиз учун, олдиндан ўз номимдан ва мазкур савол сохиблари номидан миннатдорчилик билдираман. Ва Оллох таолодан Сизга мустахкам ирода ва соғлик саломатлик тилаб қоламан.

ЖАВОБ:

– Ва алайкум ассалом! Албатта, пулнинг қадри тушиши эътиборга олинади ва рақам эмас қийматга қаралади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

30 Sep 2023 18:05

ЗАКОТНИНГ 2.5 % ҲАҚИДА

@Savollar_kanal 13946-савол

Ассаламу алайкум! Ҳурматли домла бир одам закотнинг 2.5% лигига ҳужжат йўқ, ким қанча берса ҳам булаверади деди. Айни 2.5% лиги қаттан келиб чиққани ҳақида тушунтириб берсангиз.

ЖАВОБ:

– Ва алайкум ассалом! Анас розияллоҳу анҳудан ривоят қилинади: «Абу Бакр уни Баҳрайнга юборганда Расулуллоҳ соллаллоҳу алайҳи васаллам мусулмонларга фарз қилган садақа ҳақида ёзиб берган мактубда: «Танга пулда ўндан бирнинг тўртдан бири. Агар бир юз тўқсон тангадан бошқа бўлмаса, унда ҳеч нарса йўқ. Магар эгаси хоҳласа, (ўзи билади)», дейилган эди. Бухорий, Абу Довуд ва Насаий ривоят қилган. Бешовлари қилган ривоятда: «Танга пулнинг беш увқиясидан озида садақа йўқ», дейилган.Арабчада кумуш танга пулни «варақ», «риққа», деб аталади. Ушбу ҳадисда ўша кумуш танга пул ҳақида сўз кетмоқда.Ушбу ҳадисдан олинадиган фойдалар;1. Кумуш танга пулдан фарз бўладиган Закот миқдори ўндан бирнинг тўртдан бири, бугунги кун истилоҳи билан айтилганда икки ярим фоизи экан. Демак, кимнинг кумуш тангалари нисобга етса, икки ярим фоизини Закот қилиб чиқариши керак бўлади.2. Бир юз тўқсон танга кумуш пулга Закот фарз бўлмайди. Фақат эгаси ўз ихтиёри билан Закот бермоқчи бўлса, ўзи билади.3. Кумуш танга пулнинг нисоби беш увқия. Бир увқия-қирқ дирҳамга тенг. Уни бешга кўпайтирсак, икки юз дирҳам бўлади. Икки юз дирҳам кумуш пул нисобга етган бўлади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

30 Sep 2023 14:05

АЙКИДО ХАКИДА САВОЛИМ БОР ЭДИ

@Savollar_kanal 13944-савол

Ассалому алайкум Шайх хазратлари! Аввало қилаётган хайрли ишларингизда Аллоҳ ёрдам берсин. Аллох рози бўлсин. Бир саволим бор эди. Мен мана 4 йилдирки Айкидо шарк курашиш санъатига қайтайман. Хозирда яшил белбоғ (биласизки, уларда сариқ, яшил ва қора белбоғ сохиблари бўлади) учун имтихон топширмоқчиман. Аммо мени уйлантираётган нарса уларнинг бир бирларига бош эгиб рукуъ сифатида харакат қилишлари. Ўзимизнинг дарсларда бу харакатни мен қилмайман (трениримиз тушунадиган одам) аммо хозир белбоғ олиш учун бошқа шахарга семинарга кетаяпман ва у ерда мана шу харакатни қилмасам белбоғ сохиби бўла олмаслигим мумкин. Шунинг учун рақиб билан сал бошимни эгиб (хатто кўзимни хам ерга каратмасдан) саломлашсам бўладими? Бу инсонга рукуъ қилишга кириб қолмайдими? Ўтириб қилинадиган машқларда бир бирларига сажда қиладилар хисоб. Буни харакатни хам умуман қилмайман. Аммо яқинда айтишдики тиззани ерга қўйиб бир қўлга суяниб саломлашсанг хам бўлади деб. Шу шаклдага харакат қилишим Исломга зид бўлмайдими? 

ЖАВОБ:

– Ва алайкум ассалом! Имом Термизий Анас розияллоҳу анҳудан ривоят қиладилар: «Бир киши:«Ё Аллоҳнинг Расули! Биздан бир одам ўз биродари ёки дўстини учратиб қолади. Ўшанда унга инҳиноъ қиладими?» деди.«Йўқ», дедилар.«Уни қучоқлаб, ўпадими?» деди.«Йўқ», дедилар.«Қўл ушлашиб кўришадими?» деди.«Ҳа», дедилар».Ҳадисдаги «инҳиноъ» сўзини «эгилиш» деб таржима қилинганидан келин салом берганидаги эгилиши шу ҳадисга биноан мумкин эмас деган хулоса чиқариш мумкин. Аммо эгилиш билан эгилишнинг фарқи бор.Уламоларимиз бу ҳадисдаги «инҳиноъ» намоздаги рукуъга ўхшаш эгилиш деганлар.Фақиҳлар, жумҳури агар бир киши бошқа одамни Аллоҳни улуғлагандек, улуғлаш нияти ила унга намоздаги рукуъ даражасида эгилиб таъзим қилса, ҳаром ишни қилган бўлади, деганлар.Аммо Аллоҳни улуғлагандек, улуғлаш нияти бўлмаса, қаттиқ макруҳ иш бўлади.Одамлар одатланиб қолган саломлашиш вақтида бошни эгиш ва энг оз рукуъ даражасига етмай эгилишда куфр ҳам, ҳаром ҳам йўқ, деганлар.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

30 Sep 2023 10:05

АҚЛИ ЗАИФЛАР

@Savollar_kanal 13942-савол

Ассалому Алайкум шайх хазратлари! Умуман ақли заиф кимсалар учун намоз ўқиш фарзми? Улар қиёмат куни қандай холатда бўладилар? Улар хам хайвонлар ва "Аҳли фитрат" одамларга ўхшаб тупроққа айлантириб юбориладими? 

ЖАВОБ:

– Ва алайкум ассалом! Ақли заиф кишаларга намоз фарз эмас. Улар аҳли фитрат қаторида бўладилар.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

30 Sep 2023 08:05

ИБН БОЗ РАХИМАХУЛЛОХ ФАТВОЛАРИ ХАҚИДА

@Savollar_kanal 13941-савол

Ассалому алайкум! Устозлар менга бир масалани тушунтириб берсангизлар. Ибн Боз раҳимаҳуллоҳни фатволаридан Муҳаммад Аввома ҳафизаҳуллоҳ ,,Уламолар наздида ҳадиси шарифни ўрни" китобида фойдаланган экан. Ибн Боз раҳимаҳуллоҳни кўпчилик салафий бўлган дейишади. Муҳиддин Муҳаммад Аввома эса мазҳабга эргашадиган уламолардан. Нима учун Ибн Боз раҳимаҳуллоҳни фатволаридан мазҳабга эргашадиган уламолар ҳам фойдаланидилар?

ЖАВОБ:

– Ва алайкум ассалом! Бу ишда ҳикмат бор. Ўша салафийлар фатвосини қабул қиладиган кишиларнинг гаплари билан шайх Муҳаммад Аввома ўзиларининг гапларини тўғрилигини исботлаб кетяптилар. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

30 Sep 2023 04:05

КОФИР ДЕЙИШЛИК

@Savollar_kanal 13939-савол

Ассалому алайкум! Аёлим билан узаро иймон масаласида тортишиб қолдик, ўзим билмаган холда кофирсан деб юбордим. Айтган гапимдан қаттиқ пушаймон бўлиб тавба қилдим. Аёлимдан кечирим сўрадим. Мусулмон одамни кофир дейишлик хақида ўқиб ўргандим. Хукми қандай бўлади?

ЖАВОБ:

– Ва алайкум ассалом! Қилган ишингиз кифоя қилади. Қайтиб бундай гапларни гапирманг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

29 Sep 2023 16:05

САФ ИМОМДАН ЎТИБ КЕТСА

@Savollar_kanal 13937-савол

Ассалому алайкум! Мен ҳозирда Москвадаман бу ерда мачит кичикроқ одам сонига нисбатан. Ва ичкарига сиғмаганлар ташқарида намоз ўқидик ва имомдан анча олдинда бўлиб қолдик. Шу намозимиз жоизми?

ЖАВОБ:

– Ва алайкум ассалом! Жоиз эмас. Иқтидо қилганлар имомдан олдига ўтиб кетмаслиги керак, намозлари тўғри бўлмайди. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

29 Sep 2023 12:05

ОТАМНИГ БУ ГАПЛАРИГА ИТОАТ ҚИЛМАЙМИ?

@Savollar_kanal 13935-савол

Ассалому алайкум! Кам еб бази кунлари рўза тутишга ҳаракат қиляпман. Уйланмаганман балоғатга етган бўлсамда. Аммо отам бунга қарши (намозгамас) мен кўп емагунимча қўймаяптилар мажбурлайдилар, жаҳл қиладилар, бундай емасдинг деб аччиғлари чиқади. Динда чуқурлашиб кетаётганимдан қўрқяптилар шекилли. Нима қилсам тўғри?

ЖАВОБ:

– Ва алайкум ассалом! Отангизни жаҳлини чиқарадиган ишларни қилмай туринг. Уларга динни чиройли қилиб кўрсатинг. Чиройли муомала қилсангиз, албатта хотиржам бўладилар. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш