Зикр аҳлидан сўранг

21 Oct 2023 14:05

ТЎНҒИЗ ТЕРИСИДАН ТИКИЛГАН БУЮМЛАР

@Savollar_kanal 14112-савол

Асссалому алайкум! Ҳазрат, савол шундай. Ҳозирги пайтда тўнғиз терисидан тикилган буюмлар ҳақида нима дейсиз?

ЖАВОБ:

– Ва алайкум ассалом! Бу каби нарсалар нажас эканлиги кўп марта айтилган.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

21 Oct 2023 10:05

МАЪЛУМОТ ВА ТАКЛИФ ВА САВОЛ

@Savollar_kanal 14110-савол

Ассалому алайкум! Эзгу ишларимиз Аллоҳ йўлида, ислом тараққиёти учун ва биз каби дини исломни ўрганаётган бандалар устози бўлаётганларга Аллоҳ таоло эҳсону офиятлар билан марҳамат кўрсатсин деб дуо қиламиз. 1. Ақш ва англия олимлари ҳисоб-китобларига қараганда 2006-йилда дунёда насроний динига 2 миллиард 140 миллион киши, ислом динига эса 1 миллиард 790 миллион киши эътиқод қилар эканлар. Насроний дини вакиллари йилига 1.3% га кўпаяётган бўлсалар ислом дини вакиллари йилига 2.9% га кўпаяётган эканлар. Ҳисоблаб кўрсак агар ўсиш иншааллоҳ камида шу равишда кетса 2017 йилда ислом дини вакиллари носоро дини вакилларидан ошиб кетадилар. 2025-йилда эса ислом дини вакиллари 300 миллион кишига носоро дини вакилларидан ошиб кетадилар. Аллоҳга беадад шукур.  Таклиф:  1. Менимча ҳозир Тошкент ислом маданияти пойтахти бўлиб турган пайтдан фойдаланиб одамларга исм қўйиш ҳақида бир фатво эълон қилиш керак. Орамизда кўпларнинг исми Аллоҳ исмларидан бири билан аталади. Кўпинча “абду” қўшилмайди; қосим, абдулқосим исмларини ҳам кўп учратамиз, руҳуллоҳ, шоҳруҳ, шаханшоҳ, шоҳжаҳон исмлари мэнимча умуман мумкин эмас, илтимос халқимизни бундай янглишмовчиликлардан қутқарайлик. 2. Тошкентдаги катта масжидларидан бири кираверишида икки четида ўзбек, рус, араб ва инглиз тилларида “тошкэнт мусулмонлар диний идораси ........масжиди деб ёзилган. Шунда инглиз тилида ёзилган вариантида “диний” сўзини “религиоус” эмас “рэлижий” деб хато ёзиб қўйибдилар. Бу хато худди “малоика” сўзини “малик” деб ёзиб қўйгандекдир. Шайх жаноблари, агар ўзгартириш жидий иш десангиз ва эмаилимга мурожаат қилсангиз масжид қайси эканлигини айтаман. Агар бу унчалик муҳим эмас бўлса Аллоҳ мени кечирсин(масжид имоми ҳечқиси йўқ шундай турса кўз тегмайди дедилар). Саволлар: 1. Ҳозирда яхши маънодаги мусиқани тинглаш мумкинми, биродарим сўраган эдилар. 2. Савдода шариат бўйича товарга 20% устама қўйиш вожибми? Агар харажатлар туфайли 35% қўйишга тўғри келсачи. Жавобингиз муҳим. 3. Пайғамбаримиз агар ипак мана бундай(қўллари билан кўрсатиб) йўл-йўл бўлса кийиш мумкин деганлар. Шуни изоҳлаб берсангиз. 4. 100% ипакдан тайёр бўлган галстук тақиш жоизми? 5. Кўпларни ўйлантирган савол: Каъбадаги тошнинг мўжизавий томонлари ҳақида айтиб беринг(ҳавода муаллақ турадими?) 6. Ювинмаган юз билан, иложсиз ҳолат бўлиб қолса, салом бериш ҳамда алик олиш мумкинми? 7. Автобусларда мозор ёнидан ўтиб кетаётганда қўл билан дуо қилмаса ҳам жоизми, яъни ичида дуо қилиб маҳфий омин дэса? 8. Шом вақти ухламаслик керак дейишади, бунга сабаб недир, мумкин бўлса атрофлича тушунтириб беринг. Раҳмат Аллоҳга бэадад шукурки яқиндан мен ва шу сайт сабаб кўп биродарларим Аллоҳ ибодатидалар, шунинг учун диниислом арконларига тўлиқ амал қилиш ниятидамиз, шу сабаб юқоридаги саволларни бераяпмиз. Аллоҳ рози бўлсин

ЖАВОБ ҚУЙИДАГИ ЛИНКДА:
👇
savollar.islom.uz/s/615


✅ Манба

➡️ Каналга уланиш

Зикр аҳлидан сўранг

21 Oct 2023 06:05

ИЛТИМОС САВОЛИМА ЖАВОБ БЕРСАНГИЗ...

@Savollar_kanal 14108-савол

Ассалому алайкум ҳурматли шайх жаноблари! Силадан сўрамоқчидим... Қиз болани хижобга киришида ота-онаси қаршилик қилса, уларга қарши чиқиш мумкинми? саволим жавобсиз қолмиди деган умиддаман

ЖАВОБ:

– Ва алайкум ассалом! Мумкин.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

20 Oct 2023 18:05

ДИСКДАН КЎЧИРИБ ОЛИШ ХАРОММИ

@Savollar_kanal 14106-савол

Ассалому алейкум ҳурматли Шайҳ Муҳаммад Содиқ Муҳаммад Юсуф устоз! Савол: Утозлар маърузалари ёзилган дискларни орқасига кўчириб олиш кўчириб сотиш харом деб ёзилган. Мен кўчириб оламан холос, уйда ва ишхонада эшитиш учун, шу харомми энди устоз? 

ЖАВОБ:

– Ва алайкум ассалом! Ўзингиз ўйлаб кўринг. Кўчириб олиш ҳаром деб ёзилган бўлса, бу саволга ўрин ҳам қолмаса керак.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

20 Oct 2023 14:05

ШЕРИКЛИК ИШ ҚИЛИШ

@Savollar_kanal 14104-савол

Ассалому алейкум! Мухамммад Содик Мухаммад Юсуф устоз. Бир кишидан мисол 5 минг пул олинса унга 2 минг қўшиб бераман деб айтиб олса 40 кунга шу нимага киради устоз?

ЖАВОБ:

– Ва алайкум ассалом! Бу рибохўрликка киради.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

20 Oct 2023 10:05

ПУЛ АЙЛАНМАСИДАН ФОИЗ ОЛСА БЎЛАДИМИ?

@Savollar_kanal 14102-савол

Ассалому алейкум ҳурматли Шайҳ Муҳаммад Содиқ Муҳаммад Юсуф ҳазратлари! Авваламбор сизнинг қимматли вақтингизни олиб, савол йўллаётган биз мусулмон биродарлариз узр сўраймиз. Сизга олдинги саволларимизга ҳам жавоб берганиз учун катадан-катта раҳмат айтиб, бу жавоблариздан Оллоҳ таолонинг ўзи рози бўлишини истаб қоламиз. Ҳазрат бизнинг яна сизга йўллайдиган саволларимиз бир неча, ушбу саволлармизга ҳам тўлиқ ҳамда мазмунли жавоб йўллашизни илтимос қилиб қоламиз. 1-савол: Қироати овоз чиқарилиб ўқиладиган намозларни ёлғиз ўқувчи киши овоз чиқармай ўқиса ҳам бўладими? Қазо ҳамда нафл намозларини-чи? 2-савол: Номаҳрам аёл ёки қиз болага намоз ўқишни ўргатса бўладими? 3-савол: Мухтасар китобида "Намоз ичида ўқиган оятларини, тасбеҳларини санаш макруҳ, чунки Оллоҳга миннат қилганга ва ибодатни кўрсатишга ўхшайди" дейилган. Шу ерда бир савол туғилади: нега бўлмасам тасбеҳ доналари 33 тадан қилиб тизилган. Зеро, Оллоҳ таолони зикр қилишимизда барибир тасбеҳ доналарини санаймиз-ку? 4-савол: Жума кунида барча мўмину-мусулмонлар Оллоҳ йўлига атаб ҳайр-эҳсон, садақалар қилишади. Охирги пайтларда ўзим гувоҳи бўлаётган масжидда мазкур садақалар ким, қанча берса рўйхат қилиниб, сўнгра масжид имоми томонидан намозга йиғилганларга ўқиб эшиттирилиб, улар ҳаққига дуо қилишади. Бундай ишлар Оллоҳ Субҳаноҳу ва Таоло наздида риё ҳисобланмайдими? Зеро, Пайғамбаримиз Муҳаммад с.а.в "Ўнг қўлиз билан берган садақангизни чап қўлингиз билмасин" деб айтганлар-ку. 5-савол: Намози қазо бўлган киши токи қазо намозини ўқимагунча, ўша кишига жума мумкин бўлмайдими? 6-савол: Саҳобий Анас Розияллоҳу Анҳу томонидан ривоят қилинган ҳадисда Расулуллоҳ с.а.в. қунут дуосини бомдод ва шом намозларида ўқир эдилар дейилган? Бизнинг мазҳабда ҳам ўқиса бўладими? 7-савол: Банкдаги ўзининг шахсий рақамидаги пул айланмасидан фоиз олса бўладими?

ЖАВОБ:

– Ва алайкум ассалом! 1. Бўлади.2. Аёллар ўргатгани афзал. Ноилож қолганда, иккиси ёлғиз қолмасдан, шариат қоидаларини бузмасдан ўргатиш керак бўлади.3. Намоз ичида сура ва оятларни ҳамда тасбеҳларни бармоқлари ёки тасбеҳ билан санаш мумкин эмас. Тилида айтиб санаш мутлақо жоиз эмас. Аммо қалбида ёки бармоқларини турган жойида қаттиқроқ сиқиб санаса бўлади. 4. Садақа ҳар қандай ҳолатда ҳам яхши нарса. Уни очиқ берилса ҳам яхши. Бу ҳолни кўрган бошқа кишилар ҳам ўрнак олиб, садақа қилишларига сабаб бўлади. Лекин, садақани махфий қилган ундан ҳам яхши. Чунки, бу ҳолда риёкорликдан сақланади. Холис Аллоҳнинг йўлида қилинаётгани исбот бўлади.5. Бу бекорчи гап. Ҳар бир ибодат ўз вақтида фарз. Қазони ўқийман деб яна қазога йўл қўйиш ақлдан эмас.6. Ҳанафий мазҳаби бўйича Витр намозида доимо ва мусийбат тушганида қироатни ошкора қиладиган намозлардагина қунут ўқилади. Бомдод намозида қунут ўқиш мансух бўлган. Имом Баззор, Табароний, Ибн Аби Шайба ва Таҳовийлар Ибн Масъуд розияллоҳу анҳудан қилган ривоятда: «Пайғамбар соллаллоҳу алайҳи васаллам Бомдод намозида бир ой қунут ўқиб сўнгра тарк қилдилар», дейилган.Ҳанафий мазҳаби Витрда рукуъдан олдин қунут ўқишга қуйидаги далилларни келтиришади:1. Ҳазрати Умар, Али ибн Аби Толиб, Абдуллоҳ ибн Масъуд, Абдуллоҳ ибн Аббос, Убай ибн Каъблардан қилинган ривоятда: «Расулуллоҳ соллаллоҳу алайҳи васалламнинг қунутлари Витр рукуъидан олдин эди», дейилган.2. Дора Қутний Ибн Аббос розияллоҳу анҳудан қилган ривоятда: «Витрда қунутни қандоқ ўқишларига назар солиш учун Расулуллоҳ соллаллоҳу алайҳи васаллам билан тунаб қолдим. Витрда рукуъдан аввал қунут ўқидилар. Сўнгра онам Умму Абдга, бориб, у зотнинг аёллари билан тунаб қолинг, назар солингчи, Витрда қандоқ қилиб қунут ўқир эканлар, дедим. Бас, келиб менга у зотнинг рукуъдан олдин қунут ўқиганлари хабарини бердилар».3. Юқорида зикр қилинган Ҳасан ибн Али розияллоҳу анҳунинг ҳадислари ва бошқа кўплаб ҳадислар.7. Йўқ.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

20 Oct 2023 06:05

ФОИЗЛИ ҚАРЗ ҲАҚИДА

@Savollar_kanal 14100-савол

Ҳурматли Шайх хазратлари, бу саволимга ўзингиз, фақат ўзингиз жавоб беришинизни илтимос қиламан. Чунки бу мен учун жуда мухим: -Мени катта қарзим бор. Шуни тезроқ муддата узишим керак. Банкдан фоизли кредит олсам бўладими шу қарзларимдан тезроқ қутилиш учун? Банкнинг қарз устига қўядиган фоизига мингдан-минг розиман ва уни тўлашга қурбим етади ИншаАллоҳ. Илтимос, жавоб ёзинг.

ЖАВОБ:

Банкдан олган қарзни узишга етадиган қурбни одамлардан олган қарзни узишга ишлатганингиз маъқул.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

19 Oct 2023 18:05

ОЯТИ МУДОЯНА ҚАНДАЙ

@Savollar_kanal 14098-савол

Устоз ман биродарларимдан қарз олди берди қилиб тураман. Улар пул беришса ўз дафтарларига ман пул олсам ўз дафтаримга ёзиб қўяман. Бизлар 6 йилдан кўп вақт шу аснода ишлаб келдик. Ўрталаримизда ёмон кўнгилсиз воқеалар бўлмади. Хадис ва ҳаёт 11-ояти мудоянани ўқиб бизлар гунаҳкор бўлиб қолмадикмикан деб ўйлаб қолдим. Оддий олди-бердиларимизга ҳам бегоналарни аралаштириб гувоҳ қилишимиз керакму ёки шу тарзда кетаверсак бўлаверадиму. Ман нима қилишни билмай қолдим. Илтимос жавоб берсангиз.

ЖАВОБ:

Савдо ишларига гувоҳ келтириш ҳақидаги ҳукмни уламолар «мандуб» деганлар. Яъни, қилса яхши, бўлмаса ҳечқиси йўқ.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

19 Oct 2023 14:05

СОЧ МОЙЛАРИ ҲАҚИДА

@Savollar_kanal 14096-савол

Ассалому алайкум! Мен бу форумда биринчи марта бўлганим учун агар бириот ҳатолик ўтса узр сўрайман. Мен сўрамоқчи бўлган мавзу соч мойлари ҳақида. Маълумки ҳозирда соч учун гел, мусъ ва ҳушбой мойлар турлари кўпайиб кетаган. Лекин исломий нуқтайи назардан биз учун қайсилари вожиб? Уларни сочга суртгач, масх тортиш тартиби қандай ва қай ҳолларда ғусл вожиб бўлади? Илтимос,шу саволларга имкон даражасида тўлароқ жавоб бўлса ўз фикрларингизни билдирсангизлар. Чексиз ҳурмат билан Жавоҳир Латиф Муҳаммад

ЖАВОБ:

– Ва алайкум ассалом! Саволингиз аралаш-қуралаш бўлиб кетибди. Нима деганингизни ўзингиз ҳам билмасангиз ажаб эмас. Соч мойи суртиш вожиб эмас. Сочга мой суртганда ҳеч нарса ўзгармайди. Бошқа ишлар худди мой суртмаган ҳолатдагидек давом этаверади.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

19 Oct 2023 10:05

ОМОНАТ

@Savollar_kanal 14094-савол

Ассалому алайкум ҳазрат! Мени ўртоғим интернетга ишлашни билмагани учун уни номидан хат ёзаяпман. Унга бир одам сенга омонат деб бўлган воқеани омонат топширган лекин бошқа ҳамма танишлари бу воқеадан ҳабардор. Муаммо шундаки у одамни танишлари ўртоғимдан шу воқеа тўғрисида тўлиқроқ маълумот олмоқчи бўлишган экан. Воқеани асли омонат топширилган. У одамни ўртоқларига ёки шу воқеадан ҳабардорларга шуни бошқача яъни омонатни қабул қилиб олмасдан олдинги ҳолатини айтса бўладими? Иккинчи саволим омонатдан қандай ҳалос бўлса бўлади?

ЖАВОБ:

– Ва алайкум ассалом! Омонат деганда бировга айтма маъносида айтган бўлса, ҳеч нарса айтмасин. Омонатдан халос бўлмайди. Уни адо этади. Яъни, бажаради.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

19 Oct 2023 06:05

ХУНАР ЎРГАНИШ ХАҚИДА

@Savollar_kanal 14092-савол

Ассалому алайкум Шайх Муҳаммад Содиқ Муҳаммад Юсуф хазратлари! Хозирги кунда ахборот олиш ва бирор нарсани ўрганиш учун имкониятлар кўп. Лекин устози йўқнинг устози шайтон дейишади. Саволим, тирикчилик қилиш учун хунар ўрганиш ёки бирор нарса ясаб сотиш учун устага шогирд тушиш шартми ёки китоб, видео қўлланма, интернет орқали ўрганиш хам мумкинми?

ЖАВОБ:

– Ва алайкум ассалом! Бу каби нарсаларда шогирд тушиш шарт эмас.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

18 Oct 2023 18:05

ХОЖАТХОНА ХАКИДА

@Savollar_kanal 14090-савол

Ассалому алайкум мухтарам Шайх жаноблари. Бу саволни ёзишдан олдин жуда кўп ўйладим. Лекин ёзишга қарор қилдим. Чунки бу нарса мени жуда кўп ўйлантиради. Яқинда махалламиз оқсоқолларидан бир киши бир эхсонда хожатхонага кириш тартиблари тўғрисида гапириб ўтдилар. У кишининг айтишларига қараганда хожатхонага киришда биринчи Бисмиллахир рохманир рохийм деб чап оёк билан кириш керак дедилар, чиқишда эса ўнг оёқ билан чиқиш керак дедилар. Шу нарса тўғрими? Ахир хожатхона тоза жой эмас. У ерда Аллоҳ номини келтириш эса.... Илтимос шу саволимга жавоб берсангиз. Олдиндан катта рахмат.

ЖАВОБ ҚУЙИДАГИ ЛИНКДА:
👇
savollar.islom.uz/s/602


✅ Манба

➡️ Каналга уланиш

Зикр аҳлидан сўранг

18 Oct 2023 14:05

ЭРКАК КИШИНИНГ 4 МАРТАГАЧА НИКОҲ ҚУРИШИ.

@Savollar_kanal 14088-савол

Ассалому алайкум Шайҳ хазратлари! Авваламбор бу форумни ташкил этганларга, хусусан сизга ўзимни миннатдорчилигимни билдиришга ижозат берасиз. Шайҳ хазратлари! Мани кўпдан бери бир савол қийнаб келади. Буни тўғриси сўрашга қарор қила олмаётган эдим. Лекин сизга бўлган чуқур ишончим ва ҳурматим борлиги, бу савол билан сизга мурожаат қилишга ундади. Ҳаммамизга малумки, Расулуллоҳ соллаллоҳу алайҳи васаллам ўз ҳаётлари давомида адашмасам 12 ёки 13 бор никоҳ қуришган. Мани қийнаган савол ҳам шу масала устидадир. Муқаддас Китобимизда эркак кишининг 4 мартагача никоҳ қура олишлигини инобатга олсак, бу воқеъликка қандай изоҳ берса бўлади?Мен бу саволни ҳақиқий илм олиш ниятида, ҳолис илм йўлида сўраяпман. Бу саволни натижасидан қатъий назар Аллоҳнинг Расулига бўлган ишончим ва ҳурматим ҳамон эскилигича қолади, иншаллоҳ. Сизга олдиндан уз миннатдорчилигимни билдираман. Ҳурмат билан, Комилжон.

ЖАВОБ:

– Ва алайкум ассалом! «Ҳадис ва Ҳаёт» китобининг ўн тўққизинчи жузини ўқинг.


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

18 Oct 2023 10:05

ТАҚДИРДАН НОРОЗИ БЎЛИШЛИК

@Savollar_kanal 14086-савол

Ассалому алайкум ҳурматли Шайх ҳазратлари! Сизга бермоқчи бўлган саволим шундан иборатки, айрим инсонлар бошларига бир кулфат тушганида дарҳол тақдирдан норози бўла бошлашади. Мана шу нарса тўғрими? Умуман бу ҳолатга муносабатингизни билмоқчи эдим.

ЖАВОБ ҚУЙИДАГИ ЛИНКДА:
👇
savollar.islom.uz/s/600


✅ Манба

➡️ Каналга уланиш

Зикр аҳлидан сўранг

18 Oct 2023 06:05

ТОҒЛАР БЎЙНИГА ОЛМАГАН ЮКНИ НЕГА ОДАМЗОД ОЛГАН?

@Savollar_kanal 14084-савол

Ассалому алайкум ҳурматли Шайх ҳазратлари! Савол: Аллоҳ Таоло Қуръони Каримда айтадики: «тоғлар кўтармаган юкни одамзод бўйнига олди» дейди. Тоғлар кўтармаганининг сабаби нимада? Жавоб учун раҳмат!

ЖАВОБ:

– Ва алайкум ассалом! Билиб билмай Қуръонда у деган, бу деган деб айтиш яхши эмас. Одам нима демоқчи эканини яхши англаш керак. Юк эмас, омонат.Аллоҳ айтади:«Албатта, Биз бу омонатни осмонларга, ерга ва тоғларга таклиф қилдик. Бас, улар уни кўтаришдан бош тортдилар ва ундан қўрқдилар. Уни инсон кўтарди. Дарҳақиқат, у ўта золим ва ўта жоҳилдир».«Омонат» сўзи «амана» феълининг масдари-»иш-ҳаракат номи бўлиб, «ишониб топширилган нарса» маъносини англатади. Ушбу ояти каримада Аллоҳ таолонинг омонати, бирортага ишониб топшириладиган нарсаси борлиги тушунилади. Бу омонат нима эди, деган саволга уламоларимиз ушбу оятдан ва бошқа турли манбалардан келиб чиқиб: «Шариат таклифлари ва Аллоҳнинг фарзлари», деб жавоб берадилар. Бошқача қилиб айтганда, Аллоҳ таолонинг Ўз ҳақига, инсонларнинг ҳақига ва бошқа махлуқотларнинг ҳақларига боғлиқ амрларини, наҳийларини, кўрсатма-таълимотларини ва ҳукмларини ўз жойига қўйиш бўйича унинг ишонган вакили бўлиш таклифи, демакдир. Бу эса, ўз ихтиёри билан бўладиган нарсадир. Яъни, ўша таклифларни амалга оширадиганлар ўз ҳурриятига-хоҳласа, амал қилиб, хоҳламаса, қилмаслик ихтиёрига эга бўлади. Ушбу оятдан Аллоҳ таоло мазкур омонатни Ўзининг турли махлуқларига таклиф қилгани билинади.«Албатта, Биз бу омонатни осмонларга, ерга ва тоғларга таклиф қилдик».Аллоҳ таоло шариат таклифларини, фарзларини, Ўз амр ва наҳийларини қабул қилишни Ўзи яратган чексиз, мустаҳкам осмонларга таклиф қилган. Бепоён, турли мавжудотларни, махлуқотларни ўз ичига олган ерга таклиф қилган. Саботли ва сервиқор тоғларга таклиф қилган.«Бас, улар уни кўтаришдан бош тортдилар ва ундан қўрқдилар».Бу омонатни кўтариш шунчалик оғир эдики, ҳатто шундай улкан, пишиқ, қувватли ва умри узун осмонлар, замин ва тоғлар ҳам уни кўтаришдан қўрқдилар. Бу омонатни уддалаб, ўрнига қўя олишларига кўзлари етмади. Ихтиёрий бўлиб, омонатни бўйинларига олишнинг ўрнига, ихтиёрсиз бўлиб, доимий равишда ўзлари учун Аллоҳ таоло қўйган чегарадан қилча ҳам четга чиқмай юришни афзал кўрдилар.«Уни инсон кўтарди».У омонатни инсон кўтарди. Чексиз осмонлар кўтаришдан қўрққан омонатни уларнинг остида яшайдиган кичик зарра-инсон кўтарди. Улкан ва қадимий ер кўтаришдан қўрққан омонатни унинг устида яшаётган умри қисқа, кичик бир жонзот-инсон кўтарди. Салобат ва қувват рамзи бўлган тоғлар кўтаришдан қўрққан омонатни уларнинг орасида яшайдиган кўримсиз ва заиф бир махлуқ-инсон кўтарди.«Дарҳақиқат, у ўта золим ва ўта жоҳилдир».Дарҳақиқат, инсон жинси (ҳамма эмас, албатта) ўта золимдир. Ўзига юклатилган ва ўзи қабул қилган омонатга мувофиқ иш юритмасдан ўзига ўзи зулм қилади.Инсон жинси ўта жоҳилдир, шунинг учун ўзи рози бўлиб, қабул қилиб олган омонатнинг улканлигини билмасдан, унга хиёнат қилади. Инсон зулм қилавермасдан, ўзига юклатилган омонатни адо этсин. Инсон жоҳил бўлавермасдан, ўзига юклатилган омонатнинг қанчалик нозик эканини тушуниб етсин. Ахир, унга осмонлар, ер ва тоғлар кўтаришдан қўрққан омонат юклатилган-а!


Шайх Муҳаммад Содиқ Муҳаммад Юсуф роҳимаҳуллоҳ

✅ Манба

➡️ Каналга уланиш

Зикр аҳлидан сўранг

21 Oct 2023 12:05

СУҒУРТА ПУЛИ

@Savollar_kanal 14111-савол

Ассалому алайкум! Мен давлат ишчисиман. Яқинда ишхонамизга суғурта компанияси ходими бир таклиф билан келди. Унинг таклифи шундай: - бизга ойлик иш хақингизни ўтказсангиз 5 кундан кейин сизга тўлиқ ойлигингизни ва сизни ойлигингиздан ушланадиган 12% лик солиқ суммасини ярмини қўшиб қайтарамиз деди. Яъни давлат ишчилари хар ойлигидан 12% солиқ тўлайдилар. Суғурта компанияси эса ойлик ва солиққа кетиши керак бўлган маблағни хам оладида ўша солиққа кетадиган пулни ярмини ўзига қолдириб ярмини бизга қайтаради. Бу солиқдан қочишку десам, тегишли қарорларни кўрсатди. Ушбу холатда суғурта компаниясига розилик берсак ва 5 кундан сўнг ойлигимиз ва солиқ суммасининш ярмини олсак, рибо бўлиб қолмайдими?

ЖАВОБ:

– Ва алайкум ассалом! Шаръан жоиз эмас. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

21 Oct 2023 08:05

ОИЛАВИЙ

@Savollar_kanal 14109-савол

Ассалому алайкум! Турмуш қурганимизга 1йил бўлди яқинда фарзандлик бўлдим лекин онам бу келинини уйга сиғдирмадила уйга жўнатиб юбордилар фарзандлик бўлганимга 10 кун бўлди ҳолос. Энди бу болмага хотинимга бирор нарса олиб берсам сендан рози эмасман берган сутумга розимасман дедилар. Мен бу ҳолатни қандай йўл тутай?

ЖАВОБ:

– Ва алайкум ассалом! Аёлингиз ва фарзандингизни нафақаси сизни зиммангизга вожиб. Онангизга билдириб ўтирмасдан уларни ҳолидан хабар олиб туринг. Эҳтиёжларини қилиб беринг.  Аллоҳнинг буйруғининг олдида онангизнинг норозиликлари ҳеч нарса эмас. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

21 Oct 2023 04:05

СОТУВДА БЎЛГАН КИТОБНИ САЙТДАН БЕПУЛ КЎЧИРИШ

@Savollar_kanal 14107-савол

Ассалому алайкум! Мен «Ибодати исломия» китобини интернетдан қидириб кўрдим. Лекин сотувда йўқ экан (бир сайтдан ташқари). Кейин Ҳилол нашрдан электрон вариантини қидириб кўрдим, у ерда йўқ экан. Лекин баъзи сайтларда бепул электрон варианти бор экан - мадраса.уз (адашмасам сизларга тегишли экан), азон.уз да. Кейин шу сайтдан - мадраса.уз дан кўчириб олдим. Саволим: Мен сотувда бўлган китобни сайтдан бепул кўчириб ўғрилик қилган бўламанми?

ЖАВОБ:

– Ва алайкум ассалом! Бу китобни «Фикр медиа» нашриёти нашр қилган бўлиб, madrasa.uz ва azon.uz саҳифаларида рухсат билан қўйилган экан. Ўқишингиз жоиз. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

20 Oct 2023 16:05

ОТА-ОНА РОЗИЛГИ ЁКИ ЁПИҚ КИЙИМ

@Savollar_kanal 14105-савол

Ассалому алайкум! Аллоҳ қалбимга солиб намоз ўқишни бошладим. 5 махал ўқий бошладим ота-онам 5 махални унчалик хушлашмади. Лекин онам зиёли қули очиқ мехрибон инсонлар. Хижобга кираман дидим жуда қарши чиқишди, майли тўйим бўлса тўйимдан олдин кираман дидим. Мана 2 кундан кейин тўйим. Келин кўйлак заказ қилганмиз. Шуни ота-онамга айтмасдан атмен қилиб, хижоб келин кўйлакка алиштириб хижобда кириб бормоқчиман ота-онамдан рухсатсиз. Лекин қўрқаётганим ота-онамни норози қилиб қўймайманми деб ўйлавомман. Шундай қилсам тўғри иш қилган бўламанми?

ЖАВОБ:

– Ва алайкум ассалом! Аслида сатри авратга киришингиз учун ота-онангизнинг розилиги керак эмас. Шунингдек эрининг ҳам розилиги керак эмас. Бу Аллоҳнинг буйруғи. Бандасини рози қилиш учун Аллоҳга исён қилинмайди. Бу ҳолатда ота-онангизни ҳам ранжитмасликка ҳаракат қилинг. Келин кийимини авратингизни тўсадиган қилинг, тор бўлиб баданингизни билдириб турадиган ёки шаффоф бўлиб ичи кўриниб турадиган қилмасдан тиктирсангиз бўлади. Муҳими авратингизни номаҳрамлар кўрмаса бўлди. Аллоҳ Ўзи рушду ҳидоятда бардавом қилсин! Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

20 Oct 2023 12:05

САЛОВАТНИ ҚЎШИҚ ҚИЛИБ АЙТИШ

@Savollar_kanal 14103-савол

Ассалому алайкум! Саловатни қўшиқ қилиб айтиш мумкинми?

ЖАВОБ:

– Ва алайкум ассалом! Саловат қўшиқ қилиб айтишга ҳожат йўқ. Қўшиқ қилмай тўғри айтинг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

20 Oct 2023 08:05

ЭРИ УЧУН АРАБЧА РАҚС ТУШИШ

@Savollar_kanal 14101-савол

Ассалому алайкум! Хўжайинимга арабча рақсга тушадиган аёллар ёқади. Мен хам эримнинг розилиги учун арабча рақс тушишни ўрганишимга исломда рухсат борми?

ЖАВОБ:

– Ва алайкум ассалом! Сиз айтган арабча рақс шариатимизга тўғри келмайди. Шунинг учун шариатмизга мувофиқ ҳолда эрингизни хурсанд қилинг. Эр-хотиннинг орасидаги ҳамма муомалалари ҳалол. Лекин ахлоқ доирасидан чиқмаган ҳолда, мусулмонларга муносиб бўлган ҳолда муносабат қилишлари керак. Эрингизни хулқи бузилиб қолган экан, тузатиш ҳаракатида ҳам бўлинг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

20 Oct 2023 04:05

ҚАЗО НАМОЗИНИ ҚАСР ҚИЛИБ ЎҚИШ

@Savollar_kanal 14099-савол

Ассалому алайкум! Мен 15 кундан кам бўлган муддатни ният қилиб сафарга чиқдим. Ва йўл ноқулайликлари сабаб 1 кунлик (5 маҳал) намозимни қазо қилиб қўйдим. Сафаримни иккинчи кунидан бошлаб намозларимни ўқий бошладим ва 4 ракатлик фарзларимни қаср қилиб ўқидим. Шу орада қазо қилган 5 маҳал намозларимни ҳам қаср қилиб ўқиб олдим. Яъни, масалан қазо бўлган пешин намозим учун фақат 2 ракат фарз ўқидим. Менинг тутган йўлим тўғрими?

ЖАВОБ:

– Ва алайкум ассалом! Тўғри. Сафарда қолдирган намозни қазосини қаерда ўқилса ҳам, қаср қилиб ўқилади. Намозни қолдиришга узр йўқ. Хусусан ноқулайлик умуман узр бўлмайди. Тавба қилинг, истиғфор айтинг.Танбеҳ: Ўз ватанида қолдирган намозларни қазосини сафарда ўқиса ҳам ҳазар(ўз ватани)да ўқиса ҳам тўлиқ ўқийди. Чунки у намозлар ҳазардалигида қазо қилинган. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

19 Oct 2023 16:05

ОДАМ ҚЎШАГАНИНГИЗ УЧУН ҲАҚ БЕРСА ҲАРОММИ

@Savollar_kanal 14097-савол

Ассалому алайкум! Мени синфдошим яқинда менга greenleaf деган корпаратсия тақдимотига таклиф қилди мен унда қатнашдим . Айтилишича Аввал корпаратсия ҳамкорига айланасиз (4 млн дан ошиқ пул тўлаб бир марталик тўлов орқали ) шундан сиз корпаратсия билан ҳамкорлик шартномасини имзоланади. Унга муофиқ сиз бошида қилган 4млн дан ошиқ пулиз ни олган корпаратсия сизга электрон ҳамён очиб беради ва унга 15 млн ташлайди сиз эса ушбу пулдан корпаратсияни 4000 дан ортиқ махсулотини 50% дан 70% гача сотиб олишиз мумкин . Ва яна бир томони шуки агар сиз ўзиз шу корпаратсия ҳамкори бўлиши учун 2 та дўст таклиф қилсангиз сизга корпаратсия 100$ беради ва сиз таклиф қилганлар ҳам яна таклиф қилса ундан яна сизга пул маблағи тушади . Демак менга тушган пуллардан мен корпаратсия махсулотини олиб сотишим мумкин ва ҳар ойда қанчадир махсулот дан кейинми совға келади ... . Кейин мени қизиқтирган саволлларим шуки; 1.масалан: Агар мен таклиф қилган инсон яна ўзи ҳам таклиф қилса менга тушган пул ҳалолми? 2. Агар мен таклиф қилмасам ҳам мен ўзим кимнидир орқали ҳамкор бўлса мени таклиф қилган одамга тушган пулчи бунда ҳам мен ҳам айбдор бўламанми? Бундан ташқари ҳар 6 ойда корпаратсия томонидан ҳар хил аксессуарлар ходимларга совға бўлади агар кўпроқ одам таклиф қилган бўлса ва яна нимадир шартлар бор бу қимормасми?

ЖАВОБ:

– Ва алайкум ассалом! Сизни «ҳамкорига айланасиз» деб алдашган. Бу тармоқли маркетинг ҳисобланиб, Дунё Мусулмон Уламолари Кенгаши бу савдо турини ҳаром деб фатво берганлар. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

19 Oct 2023 12:05

ОИЛА

@Savollar_kanal 14095-савол

Ассалому алайкум! Мен рус миллатига мансуб аёл билан турмуш қурмоқчиман. У исломни қабул қилишга ва менга исломий турмушга чиқишга розилик берди. Никохимга олсам бўладими?

ЖАВОБ:

– Ва алайкум ассалом! Олдин қабул қилсин, кейин вазиятга қараб оила катталари билан маслаҳат қилиб уйланинг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

19 Oct 2023 08:05

ГУНОХ ИШЛАР БЎЛГАН ХОНАДА НАМОЗИ

@Savollar_kanal 14093-савол

Ассалому алайкум! Гунох иш қилинган хонада намоз ўқиш мумкинми

ЖАВОБ:

– Ва алайкум ассалом! Бўлади. Намознинг шартлари топилса бўлди. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

19 Oct 2023 04:05

ДОРИЛАР ҲАЛОЛМИ?

@Savollar_kanal 14091-савол

Ассалому алайкум! Кагор номли вино бор узумдан тайёрланган. Шифокорлар уни тиббиётда қон кўпайтириш мақсадида ёзиб беришади, аптекаларда сотилади. Шуни даво мақсадида истемол қилиш ҳаромми? 2) Чўчқанинг ошқозон ости безидан инсулин уколлари ишлаб чиқилади. Қандли диабети борлар уни ҳар кун олиши керак. Шуни олиш ҳаромми?

ЖАВОБ:

– Ва алайкум ассалом! 1). Вино маст қилувчи ҳаром ичимлик бўлгани учун, унинг истеъмоли даво учун ҳам ҳаром. Қонни кўпайтирадиган ҳалол нарсалар кўп.
2). Бу дорининг ҳам ҳалолини топишга ҳаракат қилиш керак. Агар шундан бошқаси бўлмаса, зарурат юзасидан ва мутахассис тақволи шифокорнинг тавсияси билан ишлатиш жоиз бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

18 Oct 2023 16:05

ҒАЙРИДИННИ БЕРГАН ИШ ХАҚИ ҲАЛОЛМИ

@Savollar_kanal 14089-савол

Ассалому алайкум! Хорижда ишлаб юрган яқинларим бор. Улар жисмоний иш қилишади, пешона териси билан пул топишади. Лекин уларга иш хақи берадиган хўжайинлар мусулмон бўлишмаса иш хақи халол бўладими?

ЖАВОБ:

– Ва алайкум ассалом! Шаръан ҳалол ишларни қилишса, олган пуллари ҳалол бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

18 Oct 2023 12:05

АКАМ ВАФОТ ЭТГАН

@Savollar_kanal 14087-савол

Ассалому алайкум! Акам вафот этган, унинг вояга етган ўғли бор, университетда ўқийди. Яна бир ишчим бор, болалигидан дала ишларида менга ёрдамлашиб юради. Яқинда уни уйлантирмоқчиман. Саволим мен уни уйлантирсам акамни ўғлини уйлантиришга ёрдам беролмайман. Қайси бирини аввал бажарганим афзал.

ЖАВОБ:

– Ва алайкум ассалом! Уларнинг ҳолатларидан келиб чиқиб, муҳтожроғига беринг. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

18 Oct 2023 08:05

УМУМИЙ ПЛАТФОРМАДА ИШЛАШ МУМКИНМИ?

@Savollar_kanal 14085-савол

Ассалому алайкум! Биз дастурлаш соҳасида ишлимиз. Асосан чет эл фирмаларига хизмат кўрсатамиз. Бир Проектимиз бор. Шу проект асосан турли соҳа вакилларини йаъни профессионал ходимларни топишга ёрдам берадиган платформа. Эгаси Америкалик. Гап шундаки ҳозирги вақтда платформанинг фақат суғуртачи мутахассисларни қидирувчи қисми ишга тушди холос. Платформанинг қолган қисмлари, йаъни бошқа соҳа вакилларини ҳам қидириш имконияти вақт ўтиши билан ишга тушиши режада бор. Саволимиз шундан ибораткий бу проектдан ишлаб топадиган пулларимиз ҳалол бўладими? Сабаби ҳомий ишни суғурта йўналишидан бошлади. Дастурни ровожлантиришимизга қараб бошқа соҳаларни ҳам қўшмоқчи. Қандай йўл тутсак тўғри бўлади?

ЖАВОБ:

– Ва алайкум ассалом! Исломда, «Динда яхшиликда ҳамкор бўлинглар, ёмонлик ва гуноҳда ҳамкор бўлманглар» деган қоида айтилган. Ҳар бир инсон ўз ишини шунга солиб кўриши керак. Ишлаб чиқариладиган нарсалар уч турга бўлинади. Фақат гуноҳ учун ишлаб чиқариладиганлар, фақат яхшилик учун ишлаб чиқариладиганлар ва умумий мақсадда ишлаб чиқариладиганлар. Аммо кимдир уларни яхши мақсадда ва кимдир уни ёмон мақсадда ишлатади. Масалан оддий пичоқ. Кимдир ундан ошхоналарда яхши ишларга фойдаланади. Кимдир у билан жиноят содир қилади. Ҳозирги кундаги телефон, радио, интернет кабилар ҳам худди шундай. Сизни нарсангизни ҳам кимлардир яхши мақсадда ва кимлардир ёмон мақсадда ҳам фойдаланадиган бўлиб, юқоридагига тушса қилиш жоиз. Ёмон мақсадда фойдаланишини очиқ-ойдин айтса унга бу нарсани қилиб беришингиз жоиз эмас. Бу худди билиб туриб қотилга пичоқ ясаб бергандек бўлади. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш

Зикр аҳлидан сўранг

18 Oct 2023 04:05

НАМОЗДА АДАШИШ

@Savollar_kanal 14083-савол

Ассалому алайкум! Мен намоз ўқиётганимда баъзан зам сурага Таборак, Ёсин, Воқеа сурасини тўлиқ ўқийман. Шунда гохида адашиб қоламан ва шу адашган жойимдан зам сурани тугатаман. Шунда ўқиган намозларим дурустми ёки қайтиб ўқишим керакми?

ЖАВОБ:

– Ва алайкум ассалом! Пухта билган сураларингизни зам сура қилинг. Фарз намози жиддий масала, унга яхшилаб тайёргарлик кўриш ва яхшилаб ёдлаган сураларингизни зам сура қилинг. Намозингизни дуруст ёки дурстмаслиги адашганингизда маъно бузилишига боғлиқ. Маъно бузулса намознингиз тўғри бўлмайди. Валлоҳу аълам!


«Зикр аҳлидан сўранг» ҳайъати

✅ Манба

➡️ Каналга уланиш