1210
دورت دنيا بجفائك واخسريت تاجرت وياك يحسين اربحت ربحي وياك انلمس مو دنيا مال اتمدلي ايدك سيدي كلما طحت
#ام البنين ع
سر التميز
عنوان الوفه ياهو المثلها
فرق عن البشر ربنا جعلها
ام الوفه متميزه عن الناس / سر التميز هيه أم العباس
ربنا جعلها
ربنه اوْدع ابصلب الولي للطف امانة
ماتنحمل اعظم جبل تمحي مچانه
الهه كفو حيدر علي سيد زمانه
اوْ لام البنين اتحولت لنهه مصانة
نعم هاي الجليلة فاطمة هاي
على قدر الامانة وفايضة اهواي
يدريهه حيدر بالفعل ترفع راس
سر التميز هيه ام العباس
ربنا جعلها
بحشاها خضّر نور خالط منهه كل نور
غيره اوْ وفه يتغذى من دمها بقه اشهور
حين اكتمل واصبح گمر همستله مشكور
مني خذت اصل الرسالة وبيّه شيدور
سادتنا بفخر اهل الامامة
اهل الطاعة هُمْ واحنه الخدامة
بهاي الارض همه الاصل والآساس
سر التميز هيه أم العباس
ربنا جعلها
من انولد شع ضيّه وابتشرت ببنها
قدسية اله ومحراب اله اصبح حظنها
يستورح الطف رادته العاش ابجفنها
گمُّطْتَه بعباية اخت يكفل ضعنها
صعدت غيرته وْفل العباية
هز چفينه رفرف بيهه راية
گالتله هاي العفة يُمه التنباس
سر التميز هيه أم العباس
ربنا جعلها
گبل الفطام اشأسست للي يگر عين
ما عَلْمِتَه اشلون المشي ووگوف رجلين
من وصته گالتله اسمع يَوْلِدِي زين
يمي گمر واهلال اريدك يم إلحسين
عبد وكت الرخا گدامه تركع
اخو وكت الشدايد بيهه اقنع
تصبح ملك لو عشت هذا الاحساس
سر التميز هيه أم العباس
ربنا جعلها
من خشنت اچفوفه ولحيته وصارمه ذاك
حزمته بحزام الولي وصاحتله حياك
يا ضيغم وچنك علي هالكون يفداك
طيح الأخيّك وانتبه لطّيّح الواك
اسمع هالحچي عباس مني
يم احسين روحك ماتهمني
سيفك يهمني ينطبع بالارجاس
سر التميز هيه أم العباس
ربنا جعلها
خادم الزهراء (ع)
سيد حامد النعيمي
محرم 1448
#الخدمة
شحة رزق بالمال والصحة إلثنين
اعظم رزق نجنيه بس خدمة احسين
كلش يحبنه الله رازقنه الجروح
التنزف بعاشور بس تنعش الروح
تتجدد اعله المات من نحره مذبوح
للموت ما تنساه تنعاه كل حين
مگضيه دنيا اهناك نحتاج لمتاع
يوم السفر بالموت مايخلص ابساع
هاي المجالس هاي نحضرها كلساع
بيها الاجر ممدود لمتاعنه اسنين
لا ما نقصر يوم واحسين ننساه
طول العمر كل يوم نحييله ذكراه
دمعة حزن لحسين هالكون تسواه
بيد الزچية اطيح واتجازي كل عين
كل لطمه فوگ اصدور ننصرها الطفوف
بينه الشجاعة اتعيش وانموّت الخوف
مرعوب منّه الغير وايشوف شيشوف
طول الزمن عاشور انصاره باقين
مرحومة عدنه اوجوه والهه السلامة
لفحتها شمس الصيف يوم الخدامه
يوم الحشر متسود بيهه علامة
من عدهه ضي مبعوث يضويله كونين
كلمن مشه باخلاص يوم اربعينه
مهدينه حد الفيض يترسله ادينه
والقبتله الزهراء واتردله دينه
زيناته بالميزان تطغى وْيظل دين
خادم الزهراء (ع)
سيد حامد النعيمي
محرم 1448
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
🕌 نرجو منكم التفضّل بالاشتراك في القناة الجديدة ومتابعتها عبر الرابط التالي:
🔗 اضغط هنا للانضمام
📡 /channel/alhagamy78sattar
كما يسعدنا تواصلكم معنا من خلال هذه القناة، سائلين المولى عزّ وجل أن يوفقنا وإياكم لما فيه الخير والصلاح.
📿 مع خالص التحية والدعاء،
✍️ الأستاذ ستار عذاب الحچامي
📌 والصلاة والسلام على نبينا محمد وعلى آله الطاهرين.
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
نبقه احنه وياك / نبقه احنه وياك
للموت يامهدينه
بالذر كتبنه العهد
بايعنه الك للأبد
والرب علينه شهد
بَصّمْنَه بالدم
بالذر وكت عالخَلِق
ربك يوزع الرزق
إنطانه ليك العِشِق
واعلينه أنعم
من عدهه حبك بالگلب أثّر
بدمانه يمشي وساكن الأبهر
وِوْسام من شلناه بي نفخر
أربع عوالم بيهه الك يكبر
بالخامس اهناك / بالخامس اهناك
بالبرزخ اينجينه
....
لحم وجلد بالحرگ
هيچ البشر تفترگ
بس احنه اهل العشگ
مانشبه احد
فرگتنه بيهه رُقِي
بگلوبنه نلتِقِي
مثل العبادة وتَقِي
لا والله أزيد
ويانه باليقظة وحلم وردي
بسمك نِصَبّح بالنِفَس تبدي
وْنشتمك ابكل ريح إلتعدي
نسمه تهب لو صحنه يامهدي
وِاتْوَرّد الروح / وِاتْوَرّد الروح
وايطگ خضار البينه
........
شامت سأل عالفرج
راعي الأمر ماخرج
جاوبنه وبلا حرج
ننطرهه طلته
يخلص ظلام الأمس
بعد الفجر نلتمس
لابد تِضَوّي الشمس
والنور انته
نهر الفرات انْغِبْطَه يوم الطف
چي لامَسِ اخْدوده الگمر بالچف
يالمنتظر بينه اشوكت ترأف
وبچفك احنه نريد نتشرف
وِانْوَفّي إلعهود/ وانْوَفّي إلعهود
وانصارك اتخلينه
خادم الزهراء (ع)
سيد حامد النعيمي
من أقوال الأمام سيد العابدين علي بن الحسين عليه السلام: حق الرحم؟ فحق أمك فإن تعلم أنها حملتك حيث لا يحمل أحد أحدا؛ أطعمتك من ثمرة قلبها ما لا يطعم أحدأ احدا..
وأنها وقتك.. بسمعها.. وبصرها.. ويدها.. ورجلها..وشعرها.. وبشرها.. وجميع جوارحها... مستبشره بذلك، فرحه، موابله، محتمله لما فيه مكروهها وألمها.. وثقلها.. وغمها.. حتى دفعتها عنك يد القدرة. واخرجتك إلى الأرض فرضيت أن تشبع وتجوع هي، وتكسوك وتعرى، وترويك وتضمأ، وتظلك وتضحى.. وتنعمك ببؤسها وتلذذك بالنوم بأرقها..
وكان بطنها لك وعاء، وحجرها لك حواء، وثديها لك سقاء، ونفسها لك وقاء، تباشر حر الدنيا وبردها لك دونك...
♥فتشكرها على قدر ذلك.. ولا تقدر عليه إلا بعون الله وتوفيقه.. ♥
وأما حق أبيك... فتعلم أنه أصلك وأنك فرعه وأنك لولاه لم تكن،
فمهما رأيت في نفسك مما يعجبك فأعلم أن أباك أصل النعمه عليك فيه،
🌹واحمد الله واشكره 🤲على قدر ذلك ولاقوة الابالله.... صدق مولانا زين العابدين علي بن الحسين عليه السلام ♥🌹🌹
الحمد من الشعر نلته منالي
وغير احسين من يشفع منا لي
گبل لاموت ياربي منى لي
تحط اسمي بسجل امي الزجية
لسان حال الامام السجاد (ع)
(يباقر)
يباقر . ميت عشت من بعد الجرالي
يباقر . طف كربله ميفارگ خيالي
يباقر . فوگ الرمح راس أغلى الغوالي
يباقر . يباقر
.......
عاشت ابعيني صور كل صوره من عدهن سهم
ويه ما أرمش أَحِسَّنْ كل جرح بِيَّهْ انْلِچَمْ
ذاك جدك . صورته ابلايه نحر
ذاك جدك . راسه عينه اعله الگمر
ذاك جدك . گصته محفوره ابحجر . ذاك جدك
شسولف . تخنگ نفس قصة ذكرياتي
شسولف . والطف أخذ كل عمري وحياتي
شسولف . من حالي اشد طگ عَمْتِي اوخواتي . يباقر
.......
إنته مثلي يبني عينك شاهدت كل الجره
يبني لكن والدي مو والدك فوگ الثره
انته أهون . مني سالم كل عضو
انته أهون . ماشفت ذبح الأبو
انته أهون . ماشفت فرگت اخو . انته أهون
وزيدك . يوم الدفن بالعثره اوْصَلِتْهُم
وزيدك . بيدي وصل بويه لملمتهم
وزيدك . أربع جثث عِمَّانِي ادفنتهم . يباقر
.......
چبدي بالسم من تِگَطَّعْ عيني الوجهك تصد
باحتضاري يبني حضنك خفف آلام الچبد
اه أبويه . عالتراب اويِحْتِضُر
اه أبويه . يندفن ماينتظُر
اه أبويه . ظل ثلاثه ابلا گبر . اه أبويه
وداعي . إنته ونا بي گمنه انتكلم
وداعي . لا مو مثل جدك من تألم
وداعي . بي ماشفت نيران المخيم . يباقر
.......
من تِغَسِّل جسمي تلگه بي أثر گيد السبي
بيه أُذكر جرح زينب من تچلب بالعبي
ياجرحهه . بعده ينشد عن علي
ياجرحهه . صوته يصرخ ياهلي
ياجرحهه . ناده كافل محملي . ياجرحهه
تنادي . خويه الگمر يوم الغاضريه
تنادي . گوم الشمر سوطه ألّمْ رقيه
تنادي . لمن رحت خاوينه المنيه . يباقر
.......
هاي آخر طلبه منك لو خلص مني العمر
والأجل منك خذاني والجسم صار ابگبر
منك اطلب . بمنه والام الضلع
منك اطلب . كل عرس تجري الدمع
منك اطلب . تشعل الجاسم شمع . منك اطلب
وخويه . كاروكه هِزّه يطفي لهيبي
وخويه . مثلك تره عبدالله حبيبي
وخويه . يوم السهم هذا اول مشيبي . يباقر
خادم الزهراء (ع)
سيد حامد النعيمي
ياحجة الله روحي لك الفدا
(دم جره دمعه)
ابليلة الجمعة / ابيا حزن ينعه
منتظرنه اليوم / حاير ابوضعه
كل سنة بعاشور ينظر واقعة وكل الجرى
ماكو واحد جسمه كامل مندفن حدر الثرى
وصله وصله ذيچ الاجساد الشريفة الطاهرة
چنهه حنطة ابيوم موسم عالارض متناثرة
مكشوفه عن عينه الحجب ينظرهه
فوگ الترب سيف الغدر ناثرهه
احسين غاليّه / گِصْتَه مدميه
والنحر مذبوح / ومنگطع صبعه
الليلة مهدينه ابدَمِعْتَه مو زيارة ابكربله
خلص العاشر بده الأصعب عليه ايعلعله
وحشة الليلة عظيمة زينب ابنص الفلا
عگب اخوهه خيمة صارت چودرت عالعايله
محني ظهرهه امحرّگات ايديهه
فوگ الحرگ مسبيه ومگيديهه
وبمتن زينب / سوطهم يلهب
خله فوگ امتون / بالأثر لسعه
والله دنيا دارت وهاليوم يفرق عن امس
ينضرب كل واحد اعله الماي يسأل لو همس
الصارو ايتام وعطاشه وبين عدوان ابحبس
من اجل اعيونهم عباس ضحى بالنفس
هسه الملامح ضايعه بواحدهم
ياعين بيهه المنتظر شاهدهم
ضلت النسوه / مالهن تچوه
بس عليل الضال / علته اتمنعه
هيه ياروح التضل للعنده غيره وطالبي
من يصد وي عين شامت چف وصل بنت النبي
وايْتِأَمّرْ عالخدر صار النذل والاجنبي
للعقيلة ايگول باچر بيچن انطوف ابسبي
أول محطات السبي للكوفة
للبيهه أميرة چنتي وْمعروفه
من تطبيهه / ذكرى الچ بيهه
عمده من ناذيچ / گلبچ انشلعه
الشام آه الشام تنعد بالگلب أكبر جرح
ماتقارن بالچفوف ولا نحر لا بالسطح
طبت ابديوان زينب تذبح المهدي ذبح
وچنهه طعنه بالطفوف ابكل سهم وبكل رمح
ديوان لو طبت دعي يتعمد
وحدچ يگللهه اخوتچ ماكو احد
حشمي الكافل / بلكي ايقاتل
عالرماح انشال / ياهو اليرجعه
بالختام احنه إله ندعي العجل وي الصبر
المثله الله ايعينه حزنه دايم ابطول العمر
راعي إلمصاب اشنگله گلبه صاير چن جمر
خل نگله ابصوت واحد عظم اللٓهُ الأجر
واكثر نواسي بالدمع مولانه
ندريه يحضر كل وكت ويانه
ايقرح ابعينه / دمعه لحسينه
بالمجالس دوم / يحضر ابطبعه
خادم الزهراء (ع)
سيد حامد النعيمي
تاج راسي خدام الامام الحسين (ع)
اي شخص عنده توثيق لقصيدة يرجى الارسال على صفحتي الخاصة
@sayedhamid10
ليلة الوحشة / محرم 1447
الرادود علي ربيع
نسألكم الدعاء لنا ولوالدينا رحمهما الله والى جميع المؤمنين والمؤمنات والمسلمين والمسلمات الاحياء منهم والاموات
ولا سيما بالخصوص شيعة اهل البيت عليهم السلام ومن لم يذكرهم ذاكر
محرم 1447 (كلّي حيره)
ليلة الوداع
لسان حال مولاتي زينب (ع) تكلم الامام الحسين (ع)
خويه صدلي نظره اخيره
وانه يمك كلّي حيره
باچر اتلوحك منيّه
وامشي آنه لغير ديره
حزني هدني ... وانت سالم باچر اليبقالي مدمع
انت مني ... نجمة وتلازم ضواهه ابليل تطلع
ماتلمني ... دنيا بس اوياك لو شخصين تجمع
خويه خلني ... شوف ومسامر حبايب منك اشبع
هاي فرصة نگعد احنه
كل حچينه بس محنه
هيه ليلة وما بديّه
وامشي انه لغير ديره
روحي غاصت ... بالحزن وادريك بيّه انت تهتم
صحره شفتك ... يابسه ومن عدهه باين جاري الدم
رايده افرح ... خويه بشفاك الفطر أتمنى يلتم
ادري يابس ... بيش احلفك رطبه من عيني وْتِبَسّم
بيك انظر ضحكة امي
لو شفتهه اتزيل همي
تدري بالضيم العليّه
وامشي انه لغير ديره
الله يشهد ... وجهك الشاحب يشابه امنياتي
حيلي من هد ... جفنك الذابل اصدله چن گواتي
منه اسود ... من تروح اتصير بعدك كل حياتي
مالي احد ... تنذبح بالسيف وآنه ابذكرياتي
وعيني اتصد عالشريعه
شهم يفزع للوديعه
انتظر وشّر بديّه
وامشي انه لغير ديره
هسه يمي .... إكعد وخليني اشم ياخويه نحرك
سيف معمي ... وثلّموه الخاطر ابذبحك يعورك
وانت مدمي ... محد ايعينك فقط ربك يصبرك
وانت مرمي ... بالگمر لو بيك اكلك عظم اجرك
وي سهمهم يچوي گلبك
من شمر بيده يگلبك
وْنور وجهك عل وطيه
وانه امشي لغير ديره
آه صدرك ... بالسحگ من ظهرك اضلوعك يِطِلعن
آه صدرك ... من سحكهم لو بناتك كسره سمعن
آه صدرك ... هو بس يشفي ألمهن لو تِوَجْعَن
آه صدرك ... شرد اكلهن ينطحن بالخيل طبعن
كلمه اخيره صوتي سمعه
انتظر للمهدي طلعه
ثارك ايجيبه إليّه
وامشي انه لغير ديره
خادم الزهراء (ع)
سيد حامد النعيمي
محرم 1447 (هز الحومة)
قصيدة حماسية
ليلة الامام علي الاكبر (ع)
من طبّاهه هز الحومه
تجهّز للحرب من گِصْته باسه احسين
ركب ظهر الفرس حالف يگر العين
عهد خلاه ينصر والده والدين
علي ابن الاطايب وارث الماضين
زلمه وْماخذ من جده اسمه
وْمن جينات الحامي وْدمه
وْخصّه الباري باجمل نعمه
چنه احمد يشبه لرسومه
طب الليث راجز بيده سيف الحگ
متكتره الزلم ياهو ابعلي يندگ
عظم اصدورهم عظم ابعظم ينطگ
البي آخر نفس للشهگه ما لحّگ
وْكلمن يبلع ريجه وخانس
هزهم هز ومامش فارس
يطلع كون ابزوده ينافس
من هاشم يدرون اعلومه
محتارين ياهو ايگابل الاكبر
قائدهم جبن گال انه ما اگدر
مرحب وي علي بالضربه انطر طر
نزل صاعق عليهم صعبه يتفسّر
گد ما بيهم يرعد چفّه
رجليهم صارت بالرجفه
چن ريشه ابريح الخفّه
وْكل واحد گلبه ابزردومه
متلثّم علي چن حيدر القادم
روجه ابروجه من طگهه وْطلع سالم
من عدهم طلع بارِز ابن غانم
راس ابدون جسمه رده للوادم
ابن احسين القطعن يفلح
شافو سيفه ابإيده اتمرجح
واحدهم رعبه ابيقظه اصبح
وْبالرگبه امچلب جيثومه
يحصد بالرگب موسم حصد ارجاس
من زاد العطش ماهزهه راعي الباس
علي ابناموسه عمه ابفعله يرفع راس
من جاب النصر هز سيف اله العباس
گام العباس وْگالاله
ليث انت وْمحد يدناله
انت اليرعب خصمه اخياله
گدهه امنتصول وْمحسومه
خادم الزهراء (ع)
سيد حامد النعيمي
إني سلم لمن سالمكم
وحرب لمن حاربكم
الدنيا روج او مو أمينه
انت ربّان السفينة
(يا ابا عبدالله _ يا ابا عبدالله)
الناصبي خل يسمع
بيش غيرك ينفع
وِحْدَه الك من خيرك _ ياسفينة الغيرك
لله بس مجراها
لله بس مسراها
بالبحر هيه اسرع_بيهه انجه او اوسع
كلمن يضدك ناصبي لو غيره جائر
غصبا عليهم ابقه احييهه الشعائر
خل يظلون ابضغينه
انت ربّان السفينة
(يا ابا عبدالله _ يا ابا عبدالله)
خادمك واحچيلك
بالعهد ابديلك
ما ازل عن دربك _ كل غناي ابحبك
انت عالم روحي
وانت كل اجروحي
عن وعي ابچيلك _ واگصدك وامشيلك
كل ما شمس تشرق اجددلك محبتي
تسبيح اسمك مايفارگ دوم شفتي
يجلي اهمومي الحزينة
انت ربّان السفينة
(يا ابا عبدالله _ يا ابا عبدالله)
غيرك انت اهوايه
رفعو الهم رايه
رادو ايعلوهه_عيني ما ترسوهه
بالجليل الواحد
ربي هو الشاهد
سيدي ومولايه _ عاشگك عن غاية
الله اصطفاك ورايدك تصبح حبيبه
هنيال روحي لو صفت منك قريبه
يا ابو روح الحنينه
انت ربّان السفينة
(يا ابا عبدالله _ يا ابا عبدالله)
باليقين واشهد
بالعقل ماتنحد
انت ربنه اختارك_هل عظيمه اسرارك
آنه الك تكويني
وطاعتك من ديني
عنهه ابد ما ارتد _ غيري خله امقيّد
شيطانه تارس راسه عنك دوم غافل
وانه العكس للبال شخصك دوم شاغل
گلبي مايهتز يقينه
انت ربّان السفينة
(يا ابا عبدالله _ يا ابا عبدالله)
عني وإخواني
والذي رباني
لا ختام اوياكم_ابكل عمر نهواكم
بالمهد بالفطرة
من نوالي العترة
جيل جيل انتاني _جيل يكبر ثاني
من طين فضلتكم شرف احنه انخلقنه
مو عن فراغ او احنه بيكم ارتبطنه
حيدر اليبقه ولينه
انت ربّان السفينة
(يا ابا عبدالله _ يا ابا عبدالله)
خادم الزهراء (ع)
سيد حامد النعيمي
#الهلال
خطاب مع الامام المهدي (عج)
يابو اجروح تنعى اجروح لاهل البيت
هل اهلال ثارك وانت ماهليت
هاي اشكم محرم هلت احزانه
وقميص احسين بالدم لاح بسمانه
وامك فاطمة مكسورة ويانه
تتنطر ظهورك بالعجل ماجيت
سواد اثيابنه يتبدل ابيايوم
ومن قطران تِلْبِسْهُمْ طغاة الگوم
الطحنت خيلهم صدر البچيته ادموم
ومن اجله ابألم ما لحظة ما ونيت
گطعته السيوف وصار الهه امتاع
اوْ وجه احسين لامس وسفه وجه الكاع
ابترب وادماه وجهه امن الملامح ضاع
يرد يزهر لَوَنْ سيف ابحرب سليت
لحسينك دمع من تذكر المنحر
دمع شذرات متوذر يصب احمر
چن من مهرته وطايح علي الاكبر
ياحزن التعيشه ابليل لو حنّيت
اشما تقبض چفوفك تذكر الچفين
تزيد الحسرة واتشابه فعل لحسين
من شاف الگمر لا چفه ويه العين
او وي جدّك ظهر ما ظلك انهديت
زينب شلهه زينب من جرح واحزان
حزن ياذيك مايرهمله كل عنوان
مو طف وذبح لا طبت الديوان
من هذا الجرح طول العمر عانيت
خادم الزهراء(ع)
سيد حامد النعيمي
محرم 1448
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
ليالي استشهاد الامام علي عليه السلام
ليلة افرَاگْ المُحِبْ ويه الحبيبة
زينب اتفارگ علي اعظم مصيبة
واويلاه / واويلاه
ليلة مايتكرر البيهه جره
حيدر ابكبره اعله زينب خاطره
منكسر والحسرة غيرت منظره
عنده موعد بالسفر للآخره
بيه يدري يعلم وأكّد طبيبه
زينب اتفارگ علي اعظم مصيبة
واويلاه / واويلاه
بآخر انفاسه الولي وينزف جرح
والدوه الجرحه يطيبه مايصح
من يوصي كل حرف بي ينذبح
يحچي واعيونه اعله زينب تنشبح
يدري بنته ابلا ابوهه اتظل غريبه
زينب اتفارگ علي اعظم مصيبة
واويلاه / واويلاه
خل چفه ابچفهه واعيونه تهل
نادى عباس الگمر يابو الفضِل
هاي بيدك خلهه امانة ومو سهل
تسوه اختك واحد الهه ينكتل
ساعة الطف من ذكرهه اشتد نحيبه
زينب اتفارگ علي اعظم مصيبة
واويلاه / واويلاه
عينه من تغمض منيته تقترب
وجهه ذابل ريجه يابس عالشرب
الماي يمه وايده متعينه صعب
تنظر الحوراء حاله ابيا گلب
تمتم والقى الشهادة ابلايه ريبة
زينب اتفارگ علي اعظم مصيبة
واويلاه / واويلاه
دنيا من تحسبه بيهه اكبر كسر
كسرت اليفگد ابو ما تنجبر
اشما يِعَلّم روحه بالشدة الصبر
ابعينه تبقه الدنيا ليل ابلا فجر
اشحالهه واشلون من تصبح سليبة
زينب اتفارگ علي اعظم مصيبة
واويلاه / واويلاه
خادم الزهراء (ع)
سيد حامد النعيمي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
مو خيبر خدرهه اثگيل كفلاه
عالم زينب وعباس كفلاه
منو غير الگمر تنباس كف لاه
يوم اصياره وبيوم المنية
استشهاد الامام الكاظم عليه السلام
قصيدة / انواع الحزن
25 رجب 1447
بالألم والآه وانواع الحزن
تنتقل مولاي من سجن السجن
يا مظلوم يالكاظم
قصة كل اوراقها تذرف دمع
كل سطر اقراه الگاك ابوضع
الورقة من اگلبهه بيهه تنوجع
الصوت مو من الورق صوتك تون
يا مظلوم يالكاظم
أبحر بقصة معاناتك ردت
امگيّده الصفحة الحزينة اومگدَرِتْ
چي لأن مكتوب بيهه اتگيّدت
وانه احس ليك بمشاعرهه تحن
يا مظلوم يالكاظم
بالدعاء الگيد يله افتك قريت
چم مصيبة ما اوصفهه اشبچيت
ورقة مطوية ابكسرهه شو لگيت
وايْقَنِتْ مكسوره لاجلك مو اظن
يا مظلوم يالكاظم
صفحة حمره ابلون ازرگ كل مكان
بيهه سر واتسائلت والمخفي بان
وجهك المصفوع لونه هيچي چان
بوجه امك هذا وجهك مقترن
يا مظلوم يالكاظم
صدفة عيني احتلهه جيش امن الظلام
صبعي ما ميزه صرت موش الكلام
انت بالطامور اكيد ابلا سلام
اوْ لا نهار اتعرفه لا ليل اليجن
يا مظلوم يالكاظم
ورقة معزوله الوحدهه ابلا قريب
واسألتهه وگامت ابونهه تجيب
آنه امثّل حال مولانه الغريب
عالجسر مشمور باقي ابلا دفن
يا مظلوم يالكاظم
خادم الزهراء (ع)
سيد حامد النعيمي
دفن جسد الامام الحسين (ع)
لسان حال الامام السجاد (ع)
شيخ عباس العزاوي
ليلة الوداع
لسان حال مولاتي زينب (ع)
تكلم الامام الحسين (ع)
الرادود علي السراي
ليلة فاطمة العليلة (ع) محرم 1447
الرادود السيد علي طارق
يوم العَاشرْ يوم حزن الزهراء والعقيلة زينب والحجة المنتظر (عليهم السلام) ويوم الْوَدَاع ويوم الْبُكَاء وَيوم الْحُزْن
"السَّلَامُ عَلَىٰ الشَّيْبِ الْخَضِيبِ 💔
عظم الله اجورنا واجوركم واحسن الله عزائكم
اعادة نشر
ليالي الوحشة
لسان حال مولاتي زينب (ع)
ياليالي الوحشة رُحْمَنْ حالنه
بس عليل وغيره واحد مالنه
كلنه مكسورات نسوه ابلا خيام
منّه راح اليوم چم زلمه وامام
الليل يرهب لا تطوخن بالظلام
إخوة ماعدنه وعدو يبرالنه
ابيا وكت بالغربه بالهيمه نبات
ومن عگب عباس احامي امخدرات
آه لو يدري بخواته امتربات
چا گلب هالكون چف كفّالنه
امفطره اوجوه العلاوي چن ارض
بين نار وسوط تعبنه الركض
السوط چفه بالظهر لمّن يكظ
وذره يشلع بي حفر سوّالنه
يوم عاشر خيلهم سحگت ورد
تيّهت بحسابي لاطفالي اعد
طفله لو ضاعت تموت وما ترد
حافر البي موت يتعنّالنه
هذا واكثر حالنه والمر صعب
مختصر لو احچي ما تكفي الكتب
ليل امس يم اخْوِتي هسه رعب
لا ضوه والخوف شاغل بالنه
ياليالي اعليچ أمنه فاطمة
من وجه عباس ضويهه السمه
عيلته حامي عليهه امعلمه
والگمر يحمينه من اخيالنه
خادم الزهراء (ع)
سيد حامد النعيمي
ليلة الرضيع
لسان حال الرباب (ع ) ام الرضيع (ع)
عبدالله بالطف موسى باليم
عبدالله يُذْبَحْ موسى يسلم
واويلاه واويلاه
حكمه بيهه آنه وام موسى اشتركنه بالبلاء
كلمن ابإيده رضيعه شده عشنه مو رخاء
وِبْرَحِمْتَهْ أوحى لام موسى الجليل امن السماء
لا تخافي إلقي باليم إبنچ أفعل ما أشاء
محفوظ إبنچ آنه أعلم
عبدالله يُذْبَحْ موسى يسلم
واويلاه واويلاه
موسى بالصندوگ يوضع وابني بچفوف الامام
من بحر رد النبي لحضان أمه وبسلام
وانه عبدالله رجعلي شايل ابنحره سهام
ميت ابسكت ورد ومفرفح ابجنح الحمام
وگماطه أحمر ناگع ابدم
عبدالله يُذْبَحْ موسى يسلم
واويلاه واويلاه
ماتوادعنه ابرحيله لاشِبَعت ابشوفه عين
نظرة اعيونه الأخيره عكست ابعين الحُسين
بيهه أقرا احچايه بويه فدوه أحلفك أمي وين
گلبي نار ورايد اغفه عالصدر ذاك الحنين
ولحضانهه مشتاگ أشتم
عبدالله يُذْبَحْ موسى يسلم
واويلاه واويلاه
لو فرغ كاروك ابنهه الوالده يترسهه نوح
من تهز جذعه ابحزن تتساقط اعليهه الجروح
كل جرح لچماته ذكرى لو صور تلفي وتروح
الدنيه بفراگ الغوالي مگبره مابيهه روح
ظل بس حزنهه ابصدري خَيَّم
عبدالله يُذْبَحْ موسى يسلم
واويلاه واويلاه
الضحكه بشفايف رضيع وبالمهد إلهه طعم
بالعطش ضحكت ضنايه يبست وبالمي حلم
موسى من فرعون ينجي أطغى حكام الأمم
وال اميه امن الظلم عبدالله منهم ماسلم
القاتل براءة ورده يندم
عبدالله يُذْبَحْ موسى يسلم
واويلاه واويلاه
خادم الزهراء (ع)
سيد حامد النعيمي
محرم 1447 (ضاعن احلامچ)
ليلة الامام القاسم (ع)
لسان حال مولاتي زينب (ع) تكلم ام القاسم رملة (ع)
ملاحظة: (يام) المقصود (يا أم)
يام جسام ضاعن كلهن احلامچ
حزن والجاي اشد من دونه ايامچ
واويلاه واويلاه
عمته وْأُمه يام جسام خل ننعه
على العريس خل ننحب نهل دمعة
ألف ياحيف لا حنّه وْطفت شمعة
ذاك امّدد العريس گدامج
واويلاه واويلاه
بالدم سابح امن اسيوف طبرنّه
جابه احسين مامش كل رجه منّه
ابطوله احسين صاير من كثر حزنه
ظهره اعليه حدّب شارك آلامچ
واويلاه واويلاه
من هول المصيبة اعليچ شفتي الويل
سكون احزانچ ابگلبچ تهد الحيل
ثگل احمولهه لمّن يجيچ الليل
كل دمعة ابسهم واهواي اسهامچ
واويلاه واويلاه
الأم اتريد ابنهه اوْياهه بالشدة
الله ايعين گلبچ كلشي ماعنده
مكان ابنچ يرمله ياهو إليسده
فوگ افراگه وبكونه الدهر ضامچ
واويلاه واويلاه
كومي اوياي نگصد لام علي الاكبر
إبچي اوياهه خلي العبرة تتكسر
وتالي الضيم وحده بوحد تتصبر
بلكي ايفيد وانتي ابشوگ مادامچ
سبي النسوان باچر عازه والي ايريد
ابنچ كون انتي اوْياه إيد ابإيد
درب خطواته طگ اسياط ممشه ابعيد
وانتي الهسه حرگ اخيام بجدامچ
واويلاه واويلاه
خادم الزهراء (ع)
سيد حامد النعيمي