1210
دورت دنيا بجفائك واخسريت تاجرت وياك يحسين اربحت ربحي وياك انلمس مو دنيا مال اتمدلي ايدك سيدي كلما طحت
نزلة
للامام المهدي (عج)
نبقه احنه وياك / نبقه احنه وياك
للموت يامهدينه
بالذر كتبنه العهد
بايعنه الك للأبد
والرب علينه شهد
بَصّمْنَه بالدم
بالذر وكت عالخَلِق
ربك يوزع الرزق
إنطانه ليك العِشِق
واعلينه أنعم
من عدهه حبك بالگلب أثّر
بدمانه يمشي وساكن الأبهر
وِوْسام من شلناه بي نفخر
أربع عوالم بيهه الك يكبر
بالخامس اهناك / بالخامس اهناك
بالبرزخ اينجّينه
....
لحم وجلد بالحرگ
هيچ البشر تفترگ
بس احنه اهل العشگ
مانشبه احد
فرگتنه بيهه رُقِي
بگلوبنه نلتِقِي
مثل العبادة وتَقَي
لا والله أزيد
ويانه باليقظة وحلم وردي
بسمك نِصَبّح بالنِفَس تبدي
وْنشتمك ابكل ريح إلتعدي
نسمه تهب لو صحنه يامهدي
وِاتْوَرّد الروح / وِاتْوَرّد الروح
وايطگ خضار البينه
........
شامت سأل عالفرج
راعي الأمر ماخرج
جاوبنه وبلا حرج
ننطرهه طلته
يخلص ظلام الأمس
بعد الفجر نلتمس
لابد تِضَوّي الشمس
والنور انته
نهر الفرات انْغِبْطَه يوم الطف
چي لامَسِ اخْدوده الگمر بالچف
يالمنتظر بينه اشوكت ترأف
وبچفك احنه نريد نتشرف
وِانْوَفّي إلعهود/ وانْوَفّي إلعهود
وانصارك اتخلينه
خادم الزهراء
سيد حامد النعيمي
نعي
مولاتي رقية(ع) تكلم الامام الحسين(ع) بعد ما سحقته الخيل
متعوده اعله حضنك من يجي الليل
دورته ولگيته ابحافر الخيل
بويه حسين يمك مدمعي ايسيل
عدوانك سبونه ورادو انشيل
دگوم الزينب وحامي المداليل
لما امتنعت مغسلة الجنائز من غسلها خوف انها مريضه فتخاطبها السيدة زينب عليها السلام
يمغسله الجنايز گومي غسليهه
ظهرهه امجرح وبالچ تلچميهه
ترى من السوط أزرگ مو مرض بيهه
وثر نار الخيم بچفوف رجليهه
لسان حال الزهراء( ع) في اول ليله من محرم
للعاشر أتاني وْدمعتي ابعيني
وادور بالخلگ ياهو اليواسيني
تِطَيَّبْ اجروحي وبصوتك تداويني
يناعي احسين من تنعه وتبچيني
نسيت امصاب ضلعي وعصرة الباب
أدور وين طاري حسين ينجاب
كل مجلس احضره ابدمع سچاب
جرح حسين ينزف بعده ماطاب
أداويه ابواچي ونوح الاحباب
لحال الزهراء( ع)
يناعي حسين زيد الصوت والحسره
ابحزنهه اوياك تنعه حضرت الزهره
تلطم عالضلع من تذكر العتره
اويچويهه الدمع لو لامس السطره
تون ونه وتصيح بصوت متكدره
ياعباس ضربو زينب الحره
الحوراء زينب والعباس (ع)
صحت عباس وينك ياكتر وين
حرمة ونار شبت بالصواوين
وشاهد خيل داست گرة العين
حرت بين الخيم بين اقصد حسين
وبين اطفال هامت بالميادين
(نعي) الحوراء زينب ع للامام العباس ع
مسبيه وغرب بالسوط توليني
ياعباس اصيحك ما تحاچيني
الك چلمة عتب لمن درت عيني
مشيت وما گلت يا خويه تانيني
زينب للامام الحسين( ع)
مشت لحسين تتعثر بلمهه
بيهه النار وبطارف هدمهه
يخويه اتصيح لو واحد سمعهه
ركض بالسوط متعني المتنهه
نعي
إكعد يا كمر زينب واريد انخاك
إلي تنظر عليك بداعت سكينه
سبو زينب غرب وانته الغيور شلون
تقبل لو غرب كامت تصد لينه
......
الامام الحسين (ع) عند رأس الامام القاسم (ع) بعد استشهاده
أخضب الشيب يبني ابفيض دمك
يم راسك گعد وينوح عمك
أرد ابيا خبر جسام لمك
شگلهه الحنه لو دم فوگ جسمك
يعريس المنايه اشكبره همك
رمله (ع) تخاطب الامام القاسم (ع) بعد استشهاده
يجاسم يبني توه ازهر دليلك
ليش الحنه صارت دم وريدك
التالي الشيب امك من تريدك
تريد اتموت يمك واعله ايدك
.......
عند رجوع علي الاكبر من الحرب عطشان واستقبله الامام الحسين (ع)
شبگ ابنه وينادي ابحزنه إلحسين
علي يبني العطش ذبلّي شفتين
خشبه إلساني صار ابعملت البين
لابيّا دمع واعصرلك العين
اولا گطره ابسمه اوترويك هلحين
لسان حال الامام الحسين (ع) عند وداعه للامام علي الاكبر (ع) بعد رجوعه من الحرب الوداع الثاني
ياعطر النبي اونسمات إلشواگ
لو غَمَّضْ جفن لعيونك اشتاگ
هدم حيلي وداعك والصدر ضاگ
علي يبني الأبو مايحمل افراگ
ليلى (ع) تخاطب علي الاكبر (ع) بعد استسهاده
يطول الليل بغيابك وتاني
تمر بالطيف ياحلو المعاني
علي ياحيل امك والاماني
دمع فرگاك عذبني وعماني
الامام الحسين (ع) عند جسد الامام علي الاكبر (ع) بعد استشهاده
شبگ طوله اويصيح ابصوت إلحزان
يجدي اسگيه مات اوليدي عطشان
غدت طبره اعله طبره ابجسمه نيشان
وصبح خد الأشمه فوگه تربان
.........
لسان حال مولاتي زينب (ع)
عندما وصل ضعن السبايا الى الكوفه
ياكوفَةْ أبونه اندارت الأيام
الأميره اعليچ ردت وبضعنهه ايتام
اخيالي الچان ينظم شافته الظلام
ليالي البيچ اهون من ليالي الشام
العلي اليوم ينشد ما معاهه ازلام
الأخو عباس راسه اعله الرمح جدام
.........
خادم الزهراء (ع)
سيد حامد النعيمي
نعي على طور (مالي غيرك) شيخ زمان الحسناوي
Читать полностью…
ابوذيات متفرقة
للامام الامام العباس عليه السلام
مو خيبر خدرهه اثگيل كفلاه
عالم زينب وعباس كفلاه
منو غير الگمر تنباس كف لاه
يوم اصياره وبيوم المنية
الگمر عباس عين احسين ترباه
مثل عين اليصلي وخال ترباه
ابو فاضل تربى اشلون ترباه
گبل ام البنين ابظهر ابيه
........
الامام العباس مع السيدة زينب عليهما السلام
عطشتي وبالغضب بانت تره اسماي
زحمه الناس لو گالو ترس ماي
يختي الذيچ فوگانه تره اسماي
ياغيمه التعجبچ أشرلي اليه
......
ياهو ادموعه وي زينب يهلهه
من عگب الگمر زينب يهلهه (ياهو الهه)
لاطارش وصل منكم يهلهه
ولاعباس رد للهاشميه
.......
لسان حال السيدة زينب (ع)
زينب ليش ماواحد يمرهه
يعباس الشمر طگهه ويمرهه (يأمرها)
سهله اجدامي من داست يمرهه
الخدر خويه الخدر هتكوه إليه
ماكو اچفوف تمسح دمعي من سال
لحم جسمي إلمصاب احسين من سل
زينب بالغرب ياناس من سال
على بنت النبي ثكله وسبيه
.......
الحوراء زينب مع الزهراء عليهما السلام
ييمه ابيا گلب أگعد وكلماه
ونه الماظل حچي عندي وكلمه
أخوي ابلا نحر يُمه وكل ما
أحركه ايطگ ضلع مابين إديه
.....
سبي وسياط ومضيعه بت الهه
وشمر ياحيف يتونس بتلهه
اشحچت زينب لمن صعدت بتلهه
نعت للخوه وبطور الزجيه
.......
محرم 1447 (ليش حاير)
ليلة الامام مسلم بن عقيل (ع)
لسان حال مولاتي حميدة (ع)
شنهو صاير ليش حاير فدوه احچي
ليّه يرجع هذا ظني
خاف مسلم راح مني
شنهو صاير شنهو صاير
روحي تارسه بحنانك من زمان
ليش رايد هسه احسّن بالامان
عينك اتصدلي امنروح بكل مكان
انت ابويه مثل مسلم ليه چان
اعليّه اشوفك زاد خوفك وانه يمك
شنهو افسره وشنهو يِعْنِي
خاف مسلم راح مني
شنهو صاير شنهو صاير
يا خبر هذا اليشغلك هالوكت
مختنگ واهواي انته حَسّبِت
يا خبر لمچيد هذا البي ذبت
چن ركن بيك انهدم واتعذبت
چن مصيبة عم قريبة گلي بيهه
من صحتني هدل متني
خاف مسلم راح مني
شنهو صاير شنهو صاير
تبچي واعيونك تسولف بالحزن
كل دربنه مره ما شفتك تون
الروحي اقرب انت من عين إلجفن
ليش هسه اعليه اكثر من تحن
اتمسحه راسي والمآسي ليه لاحت
آ يعمي زاد ونّي
خاف مسلم راح مني
شنهو صاير شنهو صاير
عظم الله اجرچ يبنتي بالمصاب
كلش اچبيره عليه وراسي شاب
من گلتلي وابتدت كل الصعاب
طاح حيلي والأمل اصبح سراب
ليّه يرجع هسه مدمع تحچي بيه
شحمل انه بزغر سني
خاف مسلم راح مني
شنهو صاير شنهو صاير
بالضعن اول يتيمه آنه هاي
كل اهلنه كلهه تبچي اعله بچاي
بيك يتعوض ابو صعبه الي جاي
بيك كل احنه انتيتم يا هواي
ساعة الطف هيه لكلف ياسندنه
بيك نُفْجَعْ يل تهمنّي
خاف مسلم راح مني
شنهو صاير شنهو صاير
خادم الزهراء (ع)
سيد حامد النعيمي
اعزائي
كان موجود خطأ مطبعي غير مقصود وتم تعديله في البيت الخامس في الشطر الثاني
( لتخلي قيمه الماي بالك تنغش)
يرجى الانتباه والتعديل لمن اخذ القصيدة قبل التعديل)
محرم 1447
نتحده العالم
نتحده العالم وانظل نهوى احسين
لا گلب اليبرد عدنه وماتنشف عين
ثورة ومنهاج ودستور
للدنيا احسين اصبح نور
عشگناه ابأحاسيس وعقل راجح
عقل مختبره ربك بالسبط ناجح
ماترسب عقيدتنه وصبح واضح
درب احسين مكسب كل وكت رابح
ويزيد اضعاف بعاشور
للدنيا احسين اصبح نور
عشناه القتل وابشع ظلم عشنه
كل حاكم يجي بالسيف يحكمنه
برائه ايريد نتلفّظ وله گلنه
اخذ ارگاب غير احسين ماعدنه
سويلك من دمنه ابحور
للدنيا احسين اصبح نور
للعالم ثبتنه بحبنه موش اقوال
اليضدنه حار بينه وگال بينه وگال
بالتالي رضخ مجبور واقع حال
المُدِلّس نَشّفَتْ قلمه كثر لافعال
وِكْسَرْنَه قلمه المأجور
للدنيا احسين اصبح نور
تتكالب علينه الوادم بْتجديد
ماي اشما يدچون احنه إيد بإيد
زينب چلمه گالت وبوجه ليزيد
لن تمحو ذكرنه سوي كلشي اتريد
شيعتنه اقوى امن الساطور
للدنيا احسين اصبح نور
هنياله الثبت والدنيا مگضيّه
درب احسين درب الله بمعانيّه
فلا نستوحشه القلّت مماشيّه
ختاماً راح يزهو بطلعه مهديّه
والعدل ايحاكم كل زور
للدنيا احسين اصبح نور
خادم الزهراء (ع)
سيد حامد النعيمي
ياحجة الله يامهدي
اشما أدورك يمي احسك مو بعيد
الاعمى لو ماشافه يشتمه الورد
ذنبي خَيّطْ جِفني وْتَيّه ضواك
ياشمس ينظرهه ميت باللحد
الصوج بيه مايعز روحه الحنين
ياهوه ومافضّلت حر عل عبد
ياحجر ياقوت ماخاوه الچفوف
العشگت العاگول وِمّوته السعد
الدنيه ساعه وبيهه هاي الناس ميل
اشما مشت مو عدله عوجه وتبتعد
اشما تفر يم اثنعش تنسه العواج
يم رقمكم تنعدل لمن ترد
ابگد حزن يعگوب شايل اعتذار
وبكثر هجران يوسف للحقد
مو قميص اشمر عليك اسم البتول
إرضى عني وفله طولي المنعگد
إنتظارك لو رخاله ابروحي حيل
حيله ابچلمة فرج أگعد أشد
إنته فضل الله اعله سر قطب الوجود
ياحرز والكون شالك بالزند
خالقك بابين عنده ابهل زمان
إنته بابه وباب قرآنه الحمد
عن الامام جعفر الصّادق (عليهما السلام) قال: من أحبّ أن يصافحه مائة وأربعة وعشرون ألف نبيّ فليزر قبر أبي عبد الله الحسين بن علي (عليهما السلام) في النّصف من شعبان فانّ أرواح النّبيّين (عليهم السلام) يستأذنون الله في زيارته فيؤذن لهم، فطوبى لمن صافح هؤلاء وصافحوه ومنهم خمسة اولو العزم من الرّسل هم نوح وابراهيم ومُوسى وعيسى ومحمّد صلّى الله عليه وآله وعليهم اجمعين.
Читать полностью…
متباركين بالمولد العلوي الشريف
ذكر علي عبادة
علي باب الكرم أگصد وجداي
فدوه اهلي الإسم حيدر وجداي
طبيبك يا گلب أيس وجد داي
مزمن حب علي وأثر عليه
ماهزت جذع لانخله ام حيدر
بيت الله اهتز إلهه وحايطه إلهه انطر
فرق عن بت اسد من جابت الكرار
مريم ام نبي وبالجيبه تتحسر
طبت بت اسد بيت الله ثلث ايام
شتلت بي علي ودر اوْ وصي خضر
هبل لونه انخطف باچر علي ايبديه
علي چف النبي البي روس تتكسر
رَجْفَتْ جيش أميه من إجه العباس
هيچ امن انولد منه ارتجف خيبر
من خط شاربه كشخاته ذوالفقار
ورتلته الحروب الفارس الأندر
حچاه اهواي الله ابسالفة قرآن
ومحمد بَسّطه وظل صعب يتفسر
ما وصفه ابشمس چي لن طبعهه اتغيب
ولا وصفه ابگمر أحواله تتغير
علي بطباعه ثابت يشبه الآذان
يكبر صيته بس مامره يتكبر
علي غصن المحبه ابعين كل عصفور
ومسامر عشگ زينب وبو الاكبر
من گد ما حنين ابذاك حر الصيف
من الگاع تعطش هوه يتفطر
العداله العنده يتمناهه كل ميزان
اليشطره ابسيفه ايساويه لو كَبّر
علي علم الفضاء اشما تدرسه ادوخ
لدوره ابكتب واسنين تتحير
اختصاراً للحچي ربنه المحمد گال
علي للدين صاير قاعده ومحور
خادمكم
سيد حامد النعيمي
أم البنين، قدمت أبناءها، ولم تسأل عنهم، بل سألت: أحيٌّ ولدي الحسين؟
Читать полностью…
مالِي وَقَفتُ عَلى القُبورِ مُسَلِّماً
قَبرَ الحَبيبِ فَلَم يَرُدَّ جَوابي
أَحَبيبُ مالَكَ لا تَرُدُّ جَوابَنا
اَنَسيتَ بَعدي خِلَّةَ الأَحبابِ
قالَ الحَبيبُ وَكَيفَ لِي بِجَوابِكُم
وَأَنا رَهينُ جَنادِلٍ وَتُرابِ
أَكَلَ التُرابُ مَحاسِني فَنَسيتُكُم
وَحُجِبتُ عَن أَهلي وَعَن أَترابي
فَعَلَيكُمُ مِنّي السَلامَ تَقَطَّعَت
مِنّي وَمِنكُم خِلَّةَ الأَحبابِ
#الامام_علي_عليه_السلام
#رثاء_الزهراء_عليها_السلام
زيارة الامام الحسين عليه السلام يوم الاربعين
وقد رويت زيارته في هذا اليوم وهو يوم العشرين من صفر على نحوين، أحدهما ما رواه الشّيخ في التّهذيب والمصباح عن صفوان الجمّال قال : قال لي مولاي الصّادق صلوات الله عليه في زيارة الاربعين:
تزور عند ارتفاع النّهار وتقول:
السَّلامُ عَلى وَلِيِّ اللهِ وَحَبيبِهِ، السَّلامُ عَلى خَليلِ اللهِ وَنَجيبِهِ، السَّلامُ عَلى صَفِيِّ اللهِ وَابنِ صَفِيِّهِ، السَّلامُ عَلى الحُسَينِ المَظلُومِ الشَّهيدِ، السَّلامُ على أسيرِ الكُرُباتِ وَقَتيلِ العَبَراتِ، اللّـهُمَّ إنّي أشهَدُ أنَّهُ وَلِيُّكَ وَابنُ وَلِيِّكَ وَصَفِيُّكَ وَابنُ صَفِيِّكَ الفائِزُ بِكَرامَتِكَ، أكرَمتَهُ بِالشَّهادَةِ وَحَبَوتَهُ بِالسَّعادَةِ، وَاجتَبَيتَهُ بِطيبِ الوِلادَةِ، وَجَعَلتَهُ سَيِّداً مِنَ السادَةِ، وَقائِداً مِنَ القادَةِ، وَذائِداً مِن الذادَةِ، وَأعطَيتَهُ مَواريثَ الأنبِياءِ، وَجَعَلتَهُ حُجَّةً عَلى خَلقِكَ مِنَ الأوصِياءِ، فَأعذَرَ فىِ الدُّعاءِ وَمَنَحَ النُّصحَ، وَبَذَلَ مُهجَتَهُ فيكَ لِيَستَنقِذَ عِبادَكَ مِنَ الجَهالَةِ وَحَيرَةِ الضَّلالَةِ، وَقَد تَوازَرَ عَلَيهِ مَن غَرَّتهُ الدُّنيا، وَباعَ حَظَّهُ بِالأرذَلِ الأدنى، وَشَرى آخِرَتَهُ بِالَّثمَنِ الأوكَسِ، وَتَغَطرَسَ وَتَرَدّى فِي هَواهُ، وَأسخَطَكَ وَأسخَطَ نَبِيَّكَ، وَأطاعَ مِن عِبادِكَ أهلَ الشِّقاقِ وَالنِّفاقِ وَحَمَلَةَ الأوزارِ المُستَوجِبينَ النّارَ، فَجاهَدَهُم فيكَ صابِراً مُحتَسِباً حَتّى سُفِكَ فِي طاعَتِكَ دَمُهُ وَاستُبيحَ حَريمُهُ، اللّـهُمَّ فَالعَنهُم لَعناً وَبيلاً وَعَذِّبهُم عَذاباً أليماً،
السَّلامُ عَلَيكَ يَا بنَ رَسُولِ اللهِ، السَّلامُ عَلَيكَ يَا بنَ سَيِّدِ الاوصِياءِ، أشهَدُ أنَّكَ أمينُ اللهِ وَابنُ أمينِهِ، عِشتَ سَعيداً وَمَضَيتَ حَميداً وَمُتَّ فَقيداً مَظلُوماً شَهيداً، وَأشهَدُ أنَّ اللهَ مُنجِزٌ ما وَعَدَكَ، وَمُهلِكٌ مَن خَذَلَكَ، وَمُعَذِّبٌ مَن قَتَلَكَ، وَأشهَدُ أنَّكَ وَفَيتَ بِعَهدِ اللهِ وَجاهَدتَ فِي سَبيلِهِ حَتّى أتاكَ اليَقينُ، فَلَعَنَ اللهُ مَن قَتَلَكَ، وَلَعَنَ اللهُ مَن ظَلَمَكَ، وَلَعَنَ اللهُ أُمَّةً سَمِعَت بِذلِكَ فَرَضِيَت بِهِ، اللّـهُمَّ إنّي أُشهِدُكَ أنّي وَلِيٌّ لِمَن والاهُ وَعَدُوٌّ لِمَن عاداهُ
بِأبي أنتَ وَأُمّي يَابنَ رَسُولِ اللهِ، أشهَدُ أنَّكَ كُنتَ نُوراً فىِ الأصلابِ الشّامِخَةِ وَالأرحامِ المُطَهَّرَةِ، لَم تُنَجِّسكَ الجاهِلِيَّةُ بِأنجاسِها وَلَم تُلبِسكَ المُدلَهِمّاتُ مِن ثِيابِها، وَأشهَدُ أنَّكَ مِن دَعائِمِ الدّينِ وَأركانِ المُسلِمينَ وَمَعقِلِ المُؤمِنينَ، وَأشهَدُ أنَّكَ الإمامُ البَرُّ التَّقِيُّ الرَّضِيُّ الزَّكِيُّ الهادِي المَهدِيُّ، وَأشهَدُ أنَّ الأئِمَّةَ مِن وُلدِكَ كَلِمَةُ التَّقوى وَأعلامُ الهُدى وَالعُروَةُ الوُثقى، وَالحُجَّةُ على أهلِ الدُّنيا، وَأشهَدُ أنّي بِكُم مُؤمِنٌ وَبِإيابِكُم، مُوقِنٌ بِشَرايِعِ ديني وَخَواتيمِ عَمَلي، وَقَلبي لِقَلبِكُم سِلمٌ وَأمري لأمرِكُم مُتَّبِعٌ وَنُصرَتي لَكُم مُعَدَّةٌ حَتّى يَأذَنَ اللهُ لَكُم، فَمَعَكُم مَعَكُم لا مَعَ عَدُوِّكُم صَلَواتُ اللهِ عَلَيكُم وَعلى أرواحِكُم وَأجسادِكُم وَشاهِدِكُم وَغائِبِكُم وَظاهِرِكُم وَباطِنِكُم آمينَ رَبَّ العالِمينَ.
ثمّ تصلّي ركعتين وتدعو بما أحببت
عاشگ لا تلوموني (للمشاية)
عاشگ لا تلوموني / احسين الساكن عيوني
هايم واعلن غرامي / گاصد المرقد إمامي
عاشگ لاتلوموني
عاقد النيه اعله حبه هذا معشوگي الحُسِين
واليريد ايلوم بيه خل يلوم ام البنين
هيه اساس وهيه مصدر كل وفاء العاشگين
أربعه انطت وِاتِّمَنَّه عدهه گد الزائرين
عالحب من تربيهم / للمظلوم تفديهم
وكلهه عباس الأسامي / گاصد المرقد إمامي
عاشگ لاتلوموني
عاقل واتبع جنوني حبه ابگلبي استقر
المعتني الشوفت حبيبه ينسه بدروبه الخطر
يمشي ابخطوه هيامه يحله بعيونه السهر
الله لحسين انطه شيعه وهوه انطاه النحر
عنه ما تبعدوني / حته لو تعذبوني
منه مايرهم فطامي/ گاصد المرقد إمامي
عاشگ لاتلوموني
اشماتطول اسنيني تلهب بيه جمرات الحنين
من اگصده ابربعينه چني ماماشي سنين
خطوة الزاير ثمن جنات رب العالمين
الله باچر بالحشر يرفع مقامي المدري وين
وافخر من تحسدوني / يل چنتو تضدوني
كوثر اشرب غيري ضامي/ گاصد المرقد إمامي
عاشگ لاتلوموني
رايتي شايلهه چفي واذكر اچفوف الكفل
وچني اشاهد ذيچ زينب تشكي من ضيم الحصل
رَدَّت وخالي ضعنهه لاكفيل ولا أهل
حگي لو شگهن ثيابي جدمي لو يمهه وصل
من دم تجري دمعاتي / واصرخ واسو مولاتي
أنحني وأبدي ابسلامي / گاصد المرقد إمامي
عاشگ لاتلوموني
آنه والمهدي وعقيلة حيدره نمشي سوه
ليلي صاير چن نهاري همه بدروبي ضوه
نسمه البريتي عزيزه منهم اشتمه الهوه
خل يفجروني النواصب زينب الجرحي دوه
هيه أغلى من ناسي / حبي إلهه عباسي
شمعه إلتنور ظلامي / گاصد المرقد إمامي
عاشگ لاتلوموني
كربله أوصلهه حالف بيهه مأتم يِنِّصُب
اعلَيَّه حتمن ربي يشهد فاطمه الزهره تطب
ما أشاهد فاطمه أنظرهه بحساس الگلب
لو جرت دمعاتي يعني دمعة البضعه تصب
فاطم أدري تنظرني / فاطم أدري تشكرني
للحُسِين اهجر منامي / گاصد المرقد إمامي
عاشگ لاتلوموني
خادم الزهراء (ع)
سيد حامد النعيمي
لسان حال مولاتي الرباب (ع)
عجّل بالأجل ياموت شمتان
عبد يَمَّه طفل بالراس شمتان
وراسه امن الذبح مابيه شمتين
ذبل من العطش حد المنية
على طور ( مالي غيرك ) شيخ زمان الحسناوي
نداء مولاتي زينب (ع) للامام العباس (ع)
خويه وينك زينب ابحيره سبية
خويه وينك بالحبل چتفوهه ادية
خويه وينك عاين العظم الرزية
خويه وينك هل عدى ضربو رقية
وانضرب بالسوط متن الهاشمية
(الجواب)
گلهه يختي أعتذر منچ يروحي
چفي ماكو نظري العيني وجروحي
ندائها عند السبي
آ يدهري عالهزل واتمنى موتي
آ يدهري دمعي سولف وبسكوتي
آ يدهري روحي صاحت وين اخوتي
آ يدهري ماسمع عباس صوتي
السيده رقيه من گعدت يم جسد الامام الحسين(ع)
بويه اگعد روحي وروحك سويه
بويه اگعد فرگتك تصعب عليه
بويه اگعد ليل واسياط وسبيه
بويه اگعد سطرو الخد آل اميه
بويه اگعد إمسح ادموعي الجريه
بويه اگعد يمك ابنيتك رقيه
(الطفله من الحرم الحسيني التي ضيعت اهلها بعد الطف وتسأل عن قبر الامام علي عليه السلام )
وينه گبره بالغري گالو اليه
طفله واسأل والدرب وحشه عليه
أرد اگصده جدي حماي الحميه
أرد اگلهه بالغرب بت الزچيه
مولاتي زينب (ع) لسان حالها
تخاطب الامام الحسين (ع)
وينه نحرك خل اشمه ابهل مسيه
واشكي همي واندب الزهره الزچيه
يُمَه ابنچ عاري ظل بالغاضريه
عنك امشي خويه لا تعتب عليه
راح اسافر وارجع ابلايه رقيه
گلهه روحي راسي ميفارگ ضعنكم
خويه بالچ سكته توگع طفله منكم
وابقه واگف واكسر ابخاطر گلبكم
ليلة الوداع
ليله صعبه / كلمن اتوادع وليهه
رمله تنحب / شمعه والحنه حچيهه
وام الاكبر / شبگته ابلوعة بچيهه
والرباب / ابلافكر لولة بديهه
باقي زينب / تگصد إلمن حسره بيهه
تشتم احسين وچبدته اموذريهه
مره تشتم / چف اخوهه امگطعيهه
ابوذيات
لسان حال مولاتي السيدة زينب ع
ايام الفرح ماتت وي اهلاي
فراتين الدمع يجري ويهلاي
طفوف حسين ماخلت ويه لاي
غده كل شامت ايعاين عليه
يعباس الجدم خاوي وجرباه
وگلبي امن الطفوف اصبح وجر باه
رايه اعله النهر ظلت وجربه
گوم وشيلهن وارجع اليه
ياهو ادموعه وي زينب يهلهه
من عگب الگمر زينب يهلهه (ياهو الهه)
لاطارش وصل منكم يهلهه
ولاعباس رد للهاشميه
ماعوفج عزم لمره ورايه
ابسبي أمشي تليت آية وره آية
اجر بجدامي وتلفت ورايه
عباس انتظر ينده عليه
مولاتي زينب ع تكلم يزيد
تفخر والقتل عاده سمه النه
كمر عباس وجفوفه سمه النه
عرشك والحكم تعلم سملنه
وشامك والفخر والكوفه اليه
محرم 1447 (ركن الاخوّة)
ليلة الامام العباس (ع)
لسان حال مولاتي زينب (ع)
هسه ابتده حزني الاكيد / يم النهر مات العضيد
احسين راجع يمشي گوّه / منهدم ركن الاخوّة
يم النهر مات العضيد
خطواته فَسْرَتْ كلشي الي همه وعذابه
خيّم على طوله الحزن واگليبه ذابه
والمثله فاگدله گمر يكلف مصابه
عباس بالشدة وحرب كله مهابه
ابفگده انكسر ظهر الغريب / ومنين اخو مثله يجيب
غيره كله وكله نخوه / منهدم ركن الاخوّة
يم النهر مات العضيد
يمي وصل كلش صعب يبدي كلامه
بعيونه هذا الطف صبح باين ظلامه
چفينه يعصرهن ألم بيهن علامة
ما انتظر عباس يرجعلي بسلامة
عامود من الخيمه طاح / معنى الحصل عباس راح
نار بينه افراگه دَوّه / منهدم ركن الاخوّة
يم النهر مات العضيد
بيناتنه صار الحچي حسره اعله حسره
واثنينّه نفس الامر كاسرنه كسره
بي نشترك عباس لينه چان گمره
عينين صرنه ابلا نظر وادروب وعره
لحسين حضروه الذبح / والجسمه الف جرح وجرح
ياسند بيه ايتگوّه / منهدم ركن الاخوّة
يم النهر مات العضيد
موت الخذه چنه رمح والرامي وحشي
ياروح تصبر والمشه للروح كلشي
ساعات من فگده المضت شَيْبَتْلِي رِمشي
بچفوفه اتمنى چنت ينشال نعشي
شِيْصَبّر الروح بمغيب / للاخته اخو وسلوة وحبيب
بماي گبلي ما تروّه / منهدم ركن الاخوّة
يم النهر مات العضيد
يتجازه ماظن يا اخو مثله بزمانه
مرفوع راسه يم علي وفّه الامانة
راعي الوفه للخيمة رحت اشتم مچانه
وْلچفوفه ذكرى قبّلت لزمة لوانه
انساه هيهات ومحال / موقف شرف بالروح خال
يابشر افعاله سوّه / منهدم ركن الاخوّة
يم النهر مات العضيد
خادم الزهراء (ع)
سيد حامد النعيمي
محرم 1447 ( بيك آمنه )
ليلة الانصار (رض)
بيك آمنه / ينتصر دمنه
انت قائدنه الحُسين انت العظيم
انت وارث عيسى وي موسى الكليم
بيك آمنه / ينتصر دمنه
من محمد شخصك الأقدس مداده
ومن علي چفين ماخذ كلهه ارادة
نور وجهك فوگه نور الزهره زاده
صلبك الطاهر إمامة وخير سادة
بالوصف احنه / ندري قصرنه
يوصفك معصوم لو ربنه الكريم
انت وارث عيسى وي موسى الكليم
بيك آمنه / ينتصر دمنه
يابو لاكْبَرْ احنه انصار العقيدة
عاشگينك يابو الحچايه السديده
كلمن ايضدك نبغضه وما نريده
آمر ايصير بفعل كلشي التريده
كلنه عد أمرك / نفتدي عمرك
انعاهدك هالقول واحد مستديم
انت وارث عيسى وي موسى الكليم
بيك آمنه / ينتصر دمنه
إئذن النه خل ندگ للنصر ثايه
مو دروع اگلوبنه تنظرهه هايه
ياهلا بالموت متهمنه المنايه
ثابتات اقدامنه سلمنه راية
دينك الامجد / عنه ما نرتد
نعلم ابدربك صراط المستقيم
انت وارث عيسى وي موسى الكليم
بيك آمنه / ينتصر دمنه
سلمتهه الراية عد راعي العزيمة
يم حبيب وْانت لحسين وحبيبه
ينطي عمره والنصر لازم يجيبه
بامره كلنه من نصول وكلنه هيبه
ناظرك ينسر / يا أبو الأكبر
من تشاهد نفني اتباع الرجيم
انت وارث عيسى وي موسى الكليم
بيك آمنه / ينتصر دمنه
دمك الطاهر نحيطه ابكل دمانه
ما يمس الگاع واحنه انشم هوانه
انت أمانة وما نفرط بالأمانة
يا ألذ من ماي يروينه بضمانه
لو ألف مرة / ترجع الكرّه
ما نعوفك يشهد الباري العليم
انت وارث عيسى وي موسى الكليم
بيك آمنه / ينتصر دمنه
خادم الزهراء (ع)
سيد حامد النعيمي
محرم 1447 (يامشافي)
ليلة مولاتي فاطمة العليلة (ع)
يا مشافي يا معافي كل عليل
الحالي انظر ناوي إلحسين الرحيل
يا إلٓهي ادعوك تشفي كل مرض
ما اسافر راي واعليه انفرض
لو مشه لحسين عني يا عوض
ايسد مچانه وحالي يصبح بس عويل
ربي بيدك مو صعب أيوب أمس
غيرت احواله طيّبت النفس
وانه منك فرحة اريدن التمس
بالشفا ياخذني ابويه من يشيل
آه لو علتي بقت يبقه الونين
والبچي مايكفي المفارك حنين
مني اكبر بالحزن ضيم السنين
ولا چتف لحمولي يگدر من تميل
حان إلوداع وْتِحَضْرَتْ تمشي نوگ
وابتدت أحزاني اعليه تلوگ
راح اظلن بين دمعه وبين شوگ
ماطبت واجدام إلي كلش ثگيل
عني راحو عيني تربيهم بقت
والضعن بس اختفى اعيوني انعمت
تِبْيَض اعيوني عليهم لو بچت
ولا قميص اليوسفي واشتمه حيل
ربي احرسهم عليك ام الحسن
والدي ماچنه يرجع للوطن
ضعن اهلي اعيونهم كلهن بچن
والملامح بين مسلوب وقتيل
خادم الزهراء (ع)
سيد حامد النعيمي
محرم 1447 ( ياگرة العين )
ليلة مولاتي ام البنين (ع)
محروس بالله وعلي ياگرة العين
بالروح لا تبخل ابد وانطيهه لحسين
ولاتنهضم يبني اختك / أقسم عليك ابختك
ياگرة العين
خليني احچيلك على تكوينك
عن غاية ربك خالقك ولدينك
لمّن صرت قبّل علي چفّينك
گلالي باچر تنگطع لحسينك
والهٰذا انا ذاخرتك / اقسم عليك ابختك
ياگرة العين
ماريد چفينك فقط تنطيهن
ابجنحين الك يتعّوضن تاليهن
واعيون الك دم وسهم يعميهن
لحسين ما يكفن هذن تفديهن
تفدي العمر علّمتك / اقسم عليك ابختك
ياگرة العين
وياي ركّز بالحچي واتقرّب
وشما شفت بالعين لا تتعجّب
هاي الامانة بعيني تسكن زينب
من عيني تطلع يمه بالك تُسْلَبْ
كافلهه ظل سيّدتك / اقسم عليك ابختك
ياگرة العين
خليني ارفع راس إلي يم طٰه
يبني الحرم إخدمهه لا تتباهه
خليك مثل الظل تظل وياهه
بالك عدو طرف الخيم يدناهه
حامي الحرم حاسبتك / اقسم عليك ابختك
ياگرة العين
سگّاي خلك للحرم وانت اعطش
لتخلي قيمه الماي بالك تنغش
بصدر الفرات اسمك فخر خل يُنْقَشْ
كلمن يعز روحه اعله اخيّك ينطش
خلي السبط سالفتك / اقسم عليك ابختك
ياگرة العين
اخر محطات الطفوف اتخيّر
تعطش لحد ما شفّتك تتفطّر
ويم النهر يدنى أجل بي نفخر
لو ترتوي وحسين ضامي اتذكر
وام الحسن ناظرتك / اقسم عليك ابختك
ياگرة العين
يبني انتبه وبهاي ما وصّيتك
آخر محطة بالعطش خليتك
تختار وادريبك كفو امربيتك
ماتشرب وعطشان سيد بيتك
بالدنيا أخيّك حصتك / اقسم عليك ابختك
ياگرة العين
خادم الزهراء (ع)
سيد حامد النعيمي
❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.
التواصل مع @ahmed_alziwar0
قناة خاصة بتلحين القصائد
/channel/+PZwpTt2HLXcvUQZh
------------------------------------------------------
عظم الله اجورنا واجوركم واحسن الله عزائكم
Читать полностью…
https://www.youtube.com/watch?v=CSRw5EdaR_o
Читать полностью…
عظم الله اجورنا واجوركم واحسن الله عزائكم
Читать полностью…
كل الشكر والتقدير والاحترام لدعم مؤسسة بني هاشم عليهم السلام للقنوات الحسينية مجاناً لخدمة القضية الحسينية المقدسة ونسأل الله عز وجل ان يزيد في توفيقهم ويحشرههم مع محمد وال محمد عليهم السلام
الشاعر سيد حامد النعيمي
شجرة نعشك / للامام الحسن ع
والله حيره / شجره نعشك / صارت اغصانه السهام
والله حيره / ليش گبرك / منعو اعليه السلام
يابن فاطمه / قصتك مؤلمه
يامظلوم يامظلوم
دمعك عالأبو بعده اعله خدك
گوم العادتك سموه چبدك
عندك امنيه وتريد لحدك
بي من تندفن بحضان جدك
أمنياتك / عارضتهه / العارضت نهج الامام
أمنياتك / ماشفتهه / ياضوه اوكلهم ظلام
نعشك إنرمه / قصتك مؤلمه
يامظلوم يامظلوم
يامظلوم
المثلك سيدي للدين عازه
الموت استعجلك والله توازه
السهم عزبت إله فوگ الجنازه
الطبعه چن ورد بيش ايتجازه
ياوسافه / ابكل جساره / رادو الذكرك يضيع
ياوسافه / ابلا مناره / مندفن بارض البقيع
نورك بالسمه / قصتك مؤلمه
يامظلوم يامظلوم
الگمر بي سولفن دمعات بالعين
بيهن كلمك ياضي إلسنين
سبعين العدد أنصار لحسين
وانته اوياك صار اسهام سبعين
ابگلبه ناره / السيف سله / غضب بيده شايله
ابگلبه ناره / احسين گله / خويه ضمه الكربله
وكته بالضمه / قصتك مؤلمه
يامظلوم يامظلوم
أخوك احسين ناده ياخليلي
من بعدك يضل دايم عويلي
للعباس صد گله يويلي
باچر لو طحت شيوگفه حيلي
صوته ناده / هذا أَخَيَّك / يا گمر ضيه انطفه
صوته ناده / هملي جدمك / هسه زينب خايفه
دنيه مظلمه / قصتك مؤلمه
يامظلوم يامظلوم
يم زينب بقن سبحه اوتربتك
تشبگ ذكرياتك دمعه لختك
عفتلهه طشت بي كل چبدتك
بالهم تشبگ ابنك مره بنتك
من تذكرك / بيهه حسره / سيف تنزل عالجراح
من تذكرك / يمه زهره / اتصيح أخويه يمه راح
تبچي من دمه / قصتك مؤلمه
يامظلوم يامظلوم
خادم الزهراء (ع)
سيد حامد النعيمي