سایلانان غۇشغولار و رۇوایات‌لار

24 Jan 2024 16:13

‍ الدن گیدر
نامئرادام نأده‌یین من،نامئس−عار الدن گیدر،
نورئ دیدأم نوقطا خال‌لار،زۆلپی تار الدن گیدر،
عایئب قئلمانگ ای یاران‌لار،نامئدار الدن گیدر،
گؤزلریمنینگ رؤوشنی،اۇل بی‌قارار الدن گیدر.

سریمنی سؤوداغا سالغان سروه عارضئم آیدایئن،
سمندر دِی سارغارئپ آتاش شرابئن دادایئن،
دۇست‌لارئم، دنگ−دوش‌لارئم دوشمان بۇلوپدئر نأده‌یین،
شۇل سبأبدن آغلایئر من نأزلی یار الدن گیدر.

گؤزلریم گؤرمز دیییپ هیچ،گؤونۆمه گتیرمه‌دیم،
ساغدئ−یو سیپ‌الملکنینگ ائزئنئ ییتیرمه‌دیم،
سارنایئپ شام و سحرلر،ایل‌لری یاتئرمادئم،
نِیله‌یین صابرئم بیلن هم−ده قارار الدن گیدر.

من اۇنگا صادقا بۇلای،هم داخئ چۇپانئ،غولئ،
آغئر مأرکه اِرا اۆم بیلن دۆشۆنیر دیلی،
اۇنونگ ائسئ مۆشکی−عانبار استه‌مس من هر گۆلی،
انگگورئ،اینجیری،خورما،آلما−نار الدن گیدر.

بزِنیپ بِیگه چئقاندا،بگ‌لر برباد قئلاسئ،
ساغ‌لارئ تلبه قئلئپ، تلبه‌لر سئچراپ غالاسئ،
اله دۆشۆپ اکدی بۇلغان،بۇز کِییک‌نینگ بالاسئ،
آوچئ‌لارئنگ،آولاغئ،شۇل آق مارال الدن گیدر.

من بو گۆن ماتام توتوپ مأتأجی غۇیدوم آدئما،
پروانا دک پئرلانئپ،پیکر یانادئر اۇدوما،
هر زامان ائخلاس بیلن ایسمی دۆشردی یادئما،
آیرالئغا دؤزه بیلمِن، زارئ−زار الدن گیدر.

🌿غۇشغئنگ آدئ = الدن گیدر
🌺شاهئر = مأتأجی
🌿سس = احمد نیازی

@saylanan_ghoshghular

سایلانان غۇشغولار و رۇوایات‌لار

21 Dec 2023 11:06

‍ عؤمرۆم

کؤره منگزش ائقبالئم یۆزلنیأن سانگا
اۇد ایچینده کۆل ادیپ کؤیدۆرمه عؤمرۆم
تۆملۆکدن یادادئم چئقارای دانگا
واغتئندان اؤنگ منی اؤلدۆرمه عؤمرۆم

ساللانچاق دی ائرالادئنگ باغتئمئ
یئقمای−دا نامئس−عارلئ تاغتئمئ
یله کأن سۇووردئنگ عاجاب واغتئمئ
ایندی بیر سرگزدان گزدیرمه عؤمرۆم

یاشلئقدان یتیم غۇیوپ ائنجئتدئنگ قالبئم
عاقلئم اۆیتگأن یالئ ییتیردیم صابرئم
آتلئ دییر آمانادئم کؤسه‌مأن آلغئن
یارام کؤپدیر آغئرئم سئزدئرما عؤمرۆم
ایندی بیر سرگزدان گزدیرمه عؤمرۆم

🌿آیدئمئنگ آدئ : عؤمرۆم
🌺آیدئمچئ : جاهان گلدییِوا
🌿تاییارلان : بانوو🦋

@saylanan_ghoshghular

سایلانان غۇشغولار و رۇوایات‌لار

03 Dec 2023 18:12

‍ کؤنگلۆم شوُنئ

سئرداشئ میثلی صنم جان، غوُیدئ اوُل غام داغئدا،
دألی من، دیوانا من، یار ایسته‌یر کؤنگلۆم شوُنئ.
ماقصادئم برسه خودایئم بو ییگیت‌لیک چاغئدا،
دألی من، دیوانا من، یار ایسته‌یر کؤنگلۆم شوُنئ.

بیزنی بیرلن اوُل پری چئن عهدی−پیمان ایله‌دی،
یار−یار دیییپ یاتمادئم هم یۆرِگیم غان ایله‌دی،
"بو اؤتِر بأش گۆن یالانچئ " دییدی بیر گۆن سؤیله‌دی،
پانئ دۆنیأ عئشقئدا بیزدن اوُزالقئ نیله‌دی،
دألی من، دیوانا من، یار ایسته‌یر کؤنگلۆم شوُنئ.

گۆل یۆزۆن گؤرسم اوُتورسام ایشیگینده غول بوُلوپ،
المئدام عئشقئندا کؤیسم، اوُجاغئندا کۆل بوُلوپ،
ساللانئپ سیله چئقاردئ، سئپانئپ گۆلگۆن بوُلوپ،
گۆل داراغتئنگ پوداغئندا سایراسام بیلبیل بوُلوپ،
دألی من، دیوانا من، یار ایسته‌یر کؤنگلۆم شوُنئ.

مۆنگ کرشمه نأز بیلن جانئمنئ آلدئ بیلمه‌دیم،
گیجه−گۆندیز زارئ−گیریان آغلادئم هیچ گۆلمه‌دیم،
دردیمه درمان تاپئلماز، غامدا غالدئم اؤلمه‌دیم،
عئشق بازارئنئنگ ایچینده اؤزگه بیرلن بوُلمادئم،
دألی من، دیوانا من، یار ایسته‌یر کؤنگلۆم شوُنئ.

ای بئرادار، اوُل پری دییسم گؤزل‌لر حۆیرۆدیر،
حؤکمی بیرلن خوب یاراتمئش، اوُل خودایئنگ نورودئر،
غوُینودا بیتمیش مگر باغئ−ارم‌نینگ نارئ‌دئر،
دؤولت‌مأمد اوُل عزیز آتلئغ پری‌نینگ زارئ‌دئر،
دألی من، دیوانا من، یار ایسته‌یر کؤنگلۆم شوُنئ.

🔸غۇشغئنگ آدئ : کؤنگلۆم شۇنئ
🔸شاهئر : دؤولت‌مأمد بال‌غئزئل
🔸سس : احمد نیازی

@saylanan_ghoshghular

سایلانان غۇشغولار و رۇوایات‌لار

21 Sep 2023 11:49

‍ سن-سن

نِچۆن اوُلا سن غامغئن، بیر تۆرپه جنان سن-سن،
باغ‌لاردا آچئلغان گۆل، هم سروی- روُوان سن-سن،
گۆن گؤزگۆسیندن رؤوشن، بیر گؤوهری -کأن سن-سن،
دیل ‌مورغونئ صاید اتگن صاییادئ- زامان
سن-سن،
عاقلئمنئ ادا قئلغان، بیر آپاتئ - جان سن-سن.

کؤیۆنگده قویون دک من، غام دشتی‌ده سرگزدان،
کیم گؤرسه جمالئنگنئ، البته بوُلار حایران،
گۆل عئشقئندا بیلبیلینگ، ایشی- کی ارر اِفغان،
واصل ایچره کؤیر جانئ، یادئغا دۆشسه هیجران،
بیلبیل پرینی غئرغان، گۆل-غونچا داهان سن-سن.

حوسنونگ کی زئیاد ارمیش، باغ ایچره غئزئل گۆلدن،
اوُوازئ خوُش الفاظئنگ، یگدیر مانگا بیلبیلدن،
زۆلپۆنگنی گؤرۆپ کؤنگلۆم، رم ایله‌دی سۆنبۆلدن،
آرزووئ وئصال ایلأپ، واصپئنگ یازارام تیلدن،
خوُشگأهی کؤنگۆل‌لرنینگ، هم شوُخئ زئبان سن-سن.

ماطلوبئ ـ کؤنگۆل سن-سن، غایرئغا ناظارئم یوُق،
عئشقئنگدا غادام غوُیدوم، کؤیۆنگده گۆذارئم یوُق،
هر مهوِشینگ واصپئنئ، دسساندا یازارئم یوُق،
گل اؤلتۆرو، گل تیرگۆز، جان سندن آزارئم یوُق،
چوُخ موردانئ تیرگۆزن، جان باغشئ نئشان سن-سن.

قالبئمدا مکانئنگدئر، کؤنگلۆمده دیگر بوُلماز،
جانئمنئ طالاب قئلسانگ، جیسمیمده خابار بوُلماز،
بودور پلکنینگ ایشی، گۆل بوُلسا ثمر بوُلماز،
بو پانئ جاهان ایچره، سن دِی کی مگر بوُلماز،
غولمانئ ـ بهیشت اوُلسام، کؤنگلۆمده گۆمان سن-سن.

گیتسم کی گلر من تیز، ماهئم مانگا زاردئر دییپ،
اؤپسم کی یانگاقئندان، تر آلما اناردئر دییپ،
حالئنگّا ناظار قئلدئم، خوب ناغشئ نیگاردئر دییپ،
هر کیشی کی بأث اتسه، سن دِی گؤزل باردئر دییپ،
اوُل میثلی صاداپ ارمیش، بیر دۆرری مرجن سن-سن.

شام و سحر اوُیغانسام، کؤنگلۆمده سنینگ یادئنگ،
اؤزگأگه دۆشۆپ عئشقئنگ، غالدئ مانگا پریادئنگ،
سئنامدا ادا بوُلماز،  هر گۆنده یاقان اوُدونگ،
نِیلِی کی وئصال عئلمئن، درس اتمه‌دی اوستادئنگ،
طاهئر بگنی اؤلتۆرگن، آق غوُل‌لارئ غان سن-سن.

🔸غۇشغئ : زؤهره-طاهئر دسسانئندان
🔸سس : احمد نیازی

@saylanan_ghoshghular

سایلانان غۇشغولار و رۇوایات‌لار

04 Mar 2023 18:45

‍ اوغراتما منی

باغدا گۆل‌لر آچئلسا
بیلبیل اۇواز اچیلسه
آلئس یۇلا گیدیلسه
یکه اوغراتما منی

گرک دأل آلتئن پرده
سن‌سیز غالارئن درده
اؤزۆنگ غالئپ بو یرده
یۇلا اوغراتما منی

یارئم اوغراتما
منی اوغراتما
اؤزۆنگ غالئپ بو یرده
یکه اوغراتما منی

جانئم اوغراتمای
منی اوغراتمای
اؤزۆنگ غالئپ بو یرده
یکه اوغراتما منی

مانگا غاناتئنگ گردینگ
سانگا یۆرگیم بردیم
الینگ برجک اربندیم
دۇلا اوغراتما منی

بیز چکه‌لی بیجأنی
آی سؤیۆپ‌دیر گیجأنی
سن سؤیه‌نی دیدأمینگ
غۇرا اوغراتما منی

یارئم اوغراتما
منی اوغراتما
اؤزۆنگ غالئپ بو یرده
یکه اوغراتما منی

جانئم اوغراتمای
منی اوغراتمای
اؤزۆنگ غالئپ بو یرده
یکه اوغراتما منی

منینگ یۆرگیم سنده
اوممان کۆرگیم سنده
ائنان چئن سؤیگیم سنده
سۇرا اوغراتما منی

یارئم اوغراتما
منی اوغراتما
اؤزۆنگ غالئپ بو یرده
یکه اوغراتما منی

جانئم اوغراتمای
منی اوغراتمای
اؤزۆنگ غالئپ بو یرده
یکه اوغراتما منی
❤️❤️

🔸آیدئمئنگ آدئ : اوغراتما منی
🔹آیدئمچئ : جاهان تاغئیوا
🔸تاییارلان : بانوو🦋

@saylanan_ghoshghular

سایلانان غۇشغولار و رۇوایات‌لار

11 Feb 2023 16:27

واغت بارقا سئلانگ بیرک-بیرِگی

گؤوۆن یئقماق آنگسات، بیر سؤزده بیتر،
واغت بارقا سئلانگ بیرک-بیرِگی.
شۇل بارمانا حۇرمات، سئلاشئق ییتِر،
واغت بارقا سئلانگ بیرک-بیرِگی.  

دۇست-دۇغان، یاد-یاقئن بارئسئ گرک،
اۇلارسئز یاشایئش بۇلار بیدِرک.
خۇش سؤزلره مۇنچا بۇلیاندئر یۆرک،
واغت بارقا سئلانگ بیرک-بیرِگی.

هیچ بیر کیشینگ سندن گؤونی غالماسئن،
مئدام یاغشئلئغنگا اومید باغلاسئن،
یۆرک ائنجاماسئن، گؤوۆن سئنماسئن،
واغت بارقا سئلانگ بیرک-بیرِگی.

کپیل یۇقدور، گۆندیزی یۇق گیجأنینگ،
اؤیله یۇقدور، سحر گؤزلأپ ایدأنینگ.
باشارسانگئز حأضیر گؤرۆنگ دیدارئن.
واغت بارقا سئلانگ بیرک-بیرِگی.

آمانگلدی بابایِو

..yh.. ✍

@saylanan_ghoshghular

سایلانان غۇشغولار و رۇوایات‌لار

30 Aug 2022 20:56

‍ ‍ ‍ گیتمأنه

سن‌سیز یۇلا گیدر بۇلسام چأرأم یۇق أدیم أتمأنه
گؤودأمده قووّاتئم سن‌سینگ باشئم گؤتِریپ گیتمأنه
کؤنگلوم، جانئم، عاقلئم، دینیم سنینگ بیلن قارار ادر
جان غاناتئ آچئق گرک اوچوبان دۇستا گیتمأنه

سن‌سیز چأرأم یۇق أدیم أتمأنه
گؤودأمده قووّاتئم یۇق باشئم آلئپ گیتمأنه

آبئ-حایاتئنگ چشمه‌سی عاشئق‌لارئنگ وئصالئ‌دئر
قادِحی دۇلئ یؤره‌در سووسامئش‌لارئ یاقماغا
یۆزمۆنگ پرهاد کۆلنگ آلمئش غازار داغلانگ بینیادئنئ
غایالار کسیپ یۇل اِیلأر آبئ-حایات آقئتماغا

سن‌سیز چأرأم یۇق أدیم أتمانه
گؤودأمده قووّاتئم یۇق باشئم آلئپ گیتمأنه

عاشئق کیشی میسگین گزر یۇل ایچینده تسلیم‌ گرک
هر نه قئلسا بۇیون بۇلار چأره یۇق کؤنگۆل یئقماغا
توتولمادئ یونوس جانئ گچدی تاموغئ اوچماغئ
یۇلا دۆشۆپ دۇستا گیدر اۇل آصلئنا اویاتماغا

سن‌سیز چأرأم یۇق أدیم أتمانه
گؤودأمده قووّاتئم یۇق باشئم آلئپ گیتمأنه
🌺🍃

🍃 آیدئمئنگ آدئ : گیتمأنه
🍃 آیدئمچئ : ساخئ‌دورسون خۇجاقۇوا
🍃 شاهئر : یونوس امره
🍃 تاییارلان : بانوو🦋

@saylanan_ghoshghular

سایلانان غۇشغولار و رۇوایات‌لار

21 Aug 2022 18:31

بۇلمادئ

هر نأچه دانگسام-دا آیرئ بالداغئ،
چات آچدئ، بیریگیپ هاچجا بۇلمادئ.
طاما اتمِن حاقدان غایرئ غۇلداوئ،
آه... دۇغان-غارداش‌لار یاتچا بۇلمادئ.

پِی‌واغتئنا بولوت غایماز یِل اؤسمز،
برچیگِن تۇپراغدا اِلوان گۆل اؤسمز.
باتسانگ اِگر چئقارجاق یۇق، غۇل ائسماز،
پیل یالئ اومیدئم بیتچه بۇلمادئ.

کأن آیلاندئم، سامسئقلئغئ دۇن ایلأپ،
بیر خایرئ غایتارئپ بردیم اۇن ایلأپ.
عزیزلأنلِم گیتدی گؤونۆم غان ایلأپ،
آدام‌لانگ وپاسئ ایتچه بۇلمادئ...

دأده‌بای عیسی‌یِو

..yh.. ✍

@saylanan_ghoshghular

سایلانان غۇشغولار و رۇوایات‌لار

26 Jun 2022 20:04

سارئ غئز ساقلان بیراز

‍ سانگا یالنگئز بیر سؤزۆم بار، سارئ غئز ساقلان بیراز.
بیر سالئم دور، یۆز دۇلاندئر، بأری غئز ساقلان بیراز.
دینگله‌مک ساز حالقئمئنگ، دسسورئ غئز ساقلان بیراز.
گل اوزات سوو، دینگله هم، دوتارئ غئز ساقلان بیراز.
بارایانگدا، غۇوئ موندان، نیر‌ی غئز ساقلان بیراز.

چالاسئن بارماق‌لارئنگ چکیأر دوروندان صونغاتئنگ،
گؤرن‌لر شاد آبرای آد شان و زحمت شؤهراتئنگ.
دانالار دیییأر نپیس گؤلۆنگ نئشانئ غودراتئنگ.
چیتیمینگ‌ دک «سئق» دۇقان من سؤز دوروندن صوراتئنگ،
چکه‌یین گل سۇنگ گزه‌ریس گۆلزارئ غئز ساقلان بیراز.

کیم توتان آلتئن کۆمۆش‌دن، سن گؤزل‌لیکدن یۆکی.
سنده تایسئز گؤرمه‌گِی‌لیک، غئزلارا غالان یۇقئ.
نایزا دِک کیرپیک‌لرینگ دیک ناظارئنگ آتیار اۇقئ.
شینه‌لأپ دویغئمدا سؤیگی، یۆرکدن اوردئ کؤکی.
آتدئنگ اۇق، اِم بۇل یاراما، دأری غئز ساقلان بیراز.

خاللئ غئز سن بللی غئز سن باغئردا،
دمینگده گۆل ایسی مِلهم یۇق کمینگ بیر دگیرده.
گل یاقئن سن بۇل یاقئن سن اۆستۆمه گۆن دۇغوردا،
سایلادئم من سن بۇیئ چئنارئ غئز ساقلان بیراز.

غایدا چئقسانگ غارا داغئنگ، غارا بولودئ سئرئلار.
جنگّله باسسانگ غادامئنگ، یواششارلار بؤرۆ‌لر.
تورسا یالقئم آلقئمئنگدان، گؤز آچارلار قارئ‌لار.
شادئیانلئق واغتئ خۇشلوق، بو شادلئغا غارئلار.
دئزئنگ اپسنگ سؤزۆمینگ یۇق خارئ غئز ساقلان بیراز.
🌺🍃

🔸آیدئمئنگ آدئ : سارئ غئز ساقلان بیراز
🔸آیدئمچئ : اۇوازگلدی پألوانۇو
🔸آیدئمئنگ متنی : آیدئم‌لار خازئناسئ کیتابدان گؤچۆریلدی
🔸تاییارلان : ✍ ..yh..

@saylanan_ghoshghular

سایلانان غۇشغولار و رۇوایات‌لار

15 May 2022 00:27

Mätäçligmiz birdir, ruhum eliňde,
Özgeden geçdim men, gözüm ýoluňda.
Daýanmaga ýokdur ýagşy amalym,
Tut elimden meniň, gözüňi ýum-da!

Mäne baba

مأتأچلیگمیز بیردیر، روحوم اِلینگده،
اؤزگه‌دِن گِچدیم مِن، گؤزۆم یۇلونگدا.
دایانماغا یۇقدور یاغشئ عامالئم،
توت اِلیمدِن مِنینگ، گؤزۆنگی یوم-دا!

مأنه بابا(ابوسعد ابوالخیر)
📝
اؤزگه‌ ــ 1.باشغا، آیرئ.
2. کِسه‌کی آدام، باشغا کیشی.

@saylanan_ghoshghular

سایلانان غۇشغولار و رۇوایات‌لار

23 Apr 2022 07:14

کأواغت دردلر یاغئش یالئ اۆستۆنگیزه یاغیاندئر،
یؤنه، یاددان چئقارما: آل-یاشئل عألم‌غۇشار مئداما یاغئشدان سۇنگ چئقیاندئر.

حضرت مؤولانا

Käwagt dertler ýagyş ýaly üstüňize ýagýandyr,
Ýöne, ýatdan çykarma: al-ýaşyl älemgoşar mydama ýagyşdan soň çykýandyr.

Hezret möwlana

@saylanan_ghoshghular
..yh..

سایلانان غۇشغولار و رۇوایات‌لار

19 Apr 2022 20:50

‍ گِل بوگۆن


سؤیگۆلیمینگ شانئنا
غازال دۆزیأن من بوگۆن
گِل عزیزیم یانئما
گلسه‌نه یار گِل بوگۆن

جِمالئنگئ گؤرمه‌سم
بیله مسسان گِزمه‌سم
سانگا سؤییأن دییمه‌سم
یۆرِک آغلار گِل بوگۆن

سؤیگی سؤزۆم آیدانئمدا
گؤرۆپ اؤیه غایدانئمدا
وادالارنگئ شۇل آیدئمدا
یادلادیارئن گِل بوگۆن

جِمالئنگئ گؤرمه‌سم
بیله مسسان گِزمه‌سم
سانگا سؤییأن دییمه‌سم
یۆرِک آغلار گِل بوگۆن

اۇبامئنگ لأله‌سی سِن
سِن باشئمئنگ تأجی سِن
عاشئق ییگدینگ یارئ سِن
بۇلمادئنگمئ گِل گۆلۆم


جِمالئنگئ گؤرمه‌سم
بیله مسسان گِزمه‌سم
سانگا سؤییأن دییمه‌سم
یۆرِک آغلار گل بوگۆن

🌱🌸🌱

🔸آیدئمئنگ آدئ : گِل بوگۆن
🔸آیدئمچئ : شادلئق غوربان‌ناظارۇو
🔸یازغا گچیرن : ملیحه

@saylanan_ghoshghular

سایلانان غۇشغولار و رۇوایات‌لار

12 Apr 2022 21:49

– Aýralyk ne, hijrana hiç düşemok?!
– Nile dolanmazmy, Nile uçan ok?
Men ‒ didäň, gözüňe gözlemez gözüň,
Men – janyň, jan jana ýüzi açanok.

Mäne baba

ـ آیرالئق نه، هیجرانا هیچ دۆشه‌مۇق؟!
ـ نیله دۇلانمازمئ، نیله اوچان اۇق؟
مِن ـ دیدأنگ، گؤزۆنگه گؤزلِمِز گؤزۆنگ،
مِن ـ جانئنگ، جان جانا یۆزی آچانۇق.

مأنه بابا(ابوسعد ابوالخیر)
📝
نیل ـ اۇق آتئلیان یاراغئنگ (تۆپِنگ، ساپانچا، تۇپ وِ شۇ مئثال) اۇقونئنگ گِچیأن، چئقئپ گیدیأن توربا گؤرنۆشلی بؤلِگی.

@Saylanan_ghoshghular

سایلانان غۇشغولار و رۇوایات‌لار

02 Apr 2022 19:19

‍ یاشئنگ یاغشئ(یاغئشئ)

غوصّالارمئنگ اؤرتۆگی‌دیر گۆلکۆلم
شاد باقئشلام بزگ بریأر
گیدیپ یاتان بیر اومماسئز حاسراتا
اومیدسئزلئق بارها اؤسیأر
کؤلگه سالیار یاددا غالان عشرته
یۆزلِی‌جه شادئیان کشبینگ آستئندا
گؤزلریم المئدام آغلاماق اۆچین
پورصات آرایار
سرپیلأیسه اؤرتۆک هرنه سبأبدن
یارالارئم تأزه−تأزه
غانایار
بادلانئپ دگسه−ده اۆنجینگ غامچئسئ
جانئما باتسا-دا آغئنگ سانجئسئ
گؤرگۆلی یۆرگیم، سس‌سیز
آغلایار.
باقئش‌لارمئ ازیأر یاشئنگ یاغشئ
بولدوران گؤزلرده اؤوشۆن‌لر آتئپ
گۆلکی بیلن حاسرات کأته غارئشیار
شۇندا سئر پردأنینگ آچئلئپ چتی
سهل أشگأر بۇلیار الِمینگ پتی.

ینه−ده یئلغئرئپ نامئسلئ یۆزۆم
حاسراتا یۇل برمأن سۆپۆریپ گؤزۆم
بیر ینگلیپ ایکی ینگیپ
سؤوشیأن یالئ
یاشایشئنگ تۇلقومئنئنگ اۆستۆنده
ایدیپ باریار
آماچ‌سئز سالئ.

نأمۆچین بیر آدام ایکی سئراتدا
نأمۆچین ایکی آدام یکه قاماتدا
بیری چابالانئپ دردینگ ایچینده
اۇل بیری آیاجاق بۇلوپ کۆلپتده
بیری دۆیپسۆز غام اوممانا غارق بۇلان
بیری گۆلکی یاساپ غامدان چکمکده

بیریسی زِیرِنیپ زارئن شِی دیییأر:
" آخخخخ!
باتئپ باریار گرشیم غایغئ یۆکۆندن
یانئپ باریار دؤشۆم طألِی اۇقوندان
آسمان منگکی دألمی یا
من اۇنگقئ دأل؟
من پلگه ترسمی یا
ترس آیلانیار؟"

اۇل بیری تسلّا بریپ بِی دیییأر:
" یانماسئن دؤشۆنگ
باتماسئن گرشینگ
آسمانام سنینگکی یرم سنینگکی
پلِگِم گیدیپ دور دۇغرئ آیلاونا
یؤنه گل یۆرگیم أهلی
دردلره غارشئ
غورالئ دولداقئ
جادئلئ کیرشی.
یانگلانسئن شیریندن−شیرین موقام‌لار
اینگله‌سین جانئنگئ ازیپ یاقان‌لار."


دئنماز

@saylanan_ghoshghular

سایلانان غۇشغولار و رۇوایات‌لار

01 Apr 2022 17:52

‍ خالاص ات

بو یۆرک سن بیلن یاشایار ائنان سؤزۆمه
سندن باشغا یار گؤرۆنمز منینگ گؤزۆمه
سن بۇلماسانگ اِرک ادیپ بیله‌مۇق اؤزۆم اؤزۆمه
بو گینگ عألمه سئغامۇق آل منی یانئنگا

قارارئم یۇق سن بۇلماسانگ منگ یانئمدا
خالاص ات−خالاص ات منی غایغئدان
قارارئم یۇق سن بۇلماسانگ منگ یانئمدا
خالاص ات−خالاص ات منی غایغئدان

ایسله‌سنگ غار بۇلوپ یاغایئن یؤنه سن بوز بۇلما
ایسله‌ یاز بۇلوپ آچایئن گۆل‌لرینگ سۇلدورما
عؤمرۆمی سن دیییپ گچه‌یین سن مندن گیتمه
اوچوپ گیدیأن غوش‌لار یالئ سؤیگیمی ترک اتمه

قارارئم یۇق سن بۇلماسانگ منگ یانئمدا
خالاص ات−خالاص ات منی غایغئدان
قارارئم یۇق سن بۇلماسانگ منگ یانئمدا
خالاص ات−خالاص ات منی غایغئدان

🌺🍃
🔸آیدئمئنگ آدئ : خالاص ات
🔸آیدئمچئ : آزاد دؤنمِزۇو
🔸یازغا گچیرن : عایشه

@saylanan_ghoshghular

سایلانان غۇشغولار و رۇوایات‌لار

01 Jan 2024 11:06

‌اجم

گؤونۆمی آلیان اجم
یۆرگمی بیلیأن اجم
سن یئلغئرسانگ جاهاندا
أهلی زات گۆلیأر اکن

غۇی یئل‌لار گچسه گچسین
من سنگ مهرینگ زارئندا
اولئ آدام بۇلسامام 
چاغا سنینگ بارئنگدا

اجم−اجم مهریبان اجم
اجم−اجم جانا جان اجم

ائقبالئنگدا بارئنئ
آیدئپ بره‌سیم گلیأر
سووسادئم دیدارئنگا
سنی گؤره‌سیم گلیأر

ماهال−ماهال مهرینگه
شیله سووسایان اجه
گل باغرئنگا باسسانا
سؤیگینگ کۆیسه‌یأن اجه

اجم−اجم مهریبان اجم
اجم−اجم جانا جان اجم

اجم−اجم مهریبان اجم
اجم−اجم جانا جان اجم
مهریبان اجم غاهرئمان اجم

✨🌹❤️🌹✨

🔹آیدئمئنگ آدئ : اجم
🔸آیدئمچئ : زۆلیخا قاقایوا−خاتیجا عؤوضۇوا
🔹تاییارلان : 🌷🌹

@saylanan_ghoshghular

سایلانان غۇشغولار و رۇوایات‌لار

17 Dec 2023 04:56

‍ توجه❗️
دوستان با توجه به اینکه بعضی از خوانندگان قسمتهایی از شعر را تغییر می‌دهند و یا حذف می‌کنند، ما در این کانال سعی می‌کنیم به اصل شعر استناد کنیم.
🌿🌹

بادئ-صابانئ گؤرسم

دهیستانئنگ بایرئندا،
بادئ-صابانئ گؤرسم.
بهاوالدّین، میرکۆلال،
زنگّی بابانئ گؤرسم.

ناغلِینی عارشا تأج‌دیر،
آدئ عألمه پاش‌دئر،
ایکی جاهان مأتأج‌دیر،
عاراب زئبانئ گؤرسم.

گلن گچر چاشت ادیپ،
اگلنمز گۆذشت ادیپ،
کؤنگۆل آیدار کشت ادیپ،
گزسم، جاهانئ گؤرسم.

خئدئر کیمین چؤل‌لرده،
ائلیاس کیمین کؤل‌لرده،
قۇووس کیمین داغ‌لاردا،
یاغشئ-یامانئ گؤرسم.

یۇقاردا هیندیستانئ،
آرقادا تۆرکۆستانئ،
اؤولۆیألر اوممانئ
اۇل روموستانئ گؤرسم.

جان دألی، جاهان شیدا،
موندا نه بۇلماز پیدا،
یدی داغ، یدی دریا،
دألی دۆنیأنی گؤرسم.

ماغتئمغولئ خۇش بۇلسا،
آقسا دیدأم، یاش بۇلسا،
ایمانئم یۇلداش بۇلسا،
بارسام، کعبأنی گؤرسم.

💠آیدئمئنگ آدئ : بادئ صابانئ گؤرسم
💠آیدئمچئ : قاقادوردئ تأجیمۇو
💠شاهئر : ماغتئمغولئ پئراغئ
💠تاییارلان : بانوو🦋

@saylanan_ghoshghular

سایلانان غۇشغولار و رۇوایات‌لار

28 Nov 2023 15:17

‍ سانگا غاراشیان

غوش‌لار اۆیشۆپ یازدا ناغما ساچاندا
باغ‌لار پئنتئق یارئپ یاپراق آچاندا
کبه‌لک‌لر چار طاراپا اوچاندا
آرزئلئ دیلدارئم سانگا غاراشیان.

تۇمسونا یالئنا یاناندا یۆزۆم
یالنگئزلئقدان آغلاپ دینگنده گؤزۆم
دسسان یازئپ غۇشغا سینگنده سؤزۆم
سؤیگۆلی دیلدارئم سانگا غاراشیان.

دویغودان دۇلاندا گۆیز پاصلئ باغرئم
چیگرکلأپ دۇغاندا اپ-اسلی شئغرئم
تأنن  یاپراق کیمین السلأپ   اوغروم
نأزنین دیلدارئم سانگا غاراشیان.

غئشئنا غئزدئرئپ غاغشاندا تنیم
چاپغئنئمئ سوودان چئقارمان گۆنۆم
 غار   دک  آغارسا-دا غاراجا   تلیم
ینه-ده دیلدارئم سانگا غاراشیان.
           
🌹☘                 
🔸آیدئمئنگ آدئ : سانگا غاراشیان
🔸آیدئمچئ : ادریس کر
🔸شاهئر : دئنماز

@saylanan_ghoshghular

سایلانان غۇشغولار و رۇوایات‌لار

28 Jul 2023 19:39

‍ یۇلونگ آیاغوجوندا

ینه گلیپ یِربِندیمه،
باقیان غوبا چؤل‌لرینه.
چاغالئغئم سینگدی گیتدی،
سحر اؤوسِن یِل‌لرینه.

یاغئشدان سۇنگ شمال توروپ،
آق سِلین‌لر سئغئراندا،
آق بولوتدان اینِن دامجا
گؤک یئلاقدان سئرئغاندا.

غولاغئما اشدیلیپ دور،
غامغئن اینگّأ−اینگّألریم.
گؤزیاشئمئ تۇغاپ ادن،
اجم جاندان دینگلأن‌لریم.

تامشانئپ‌لار سئنلایارئن،
غاراغومدا گۆنۆنگ دۇغشون.
اۇجار اۇدئ ادیل شیدیپ
آق اؤی‌لرده آتیار اؤوشۆن.

من شۇل اۇدونگ رنگکین آلدئم،
مانگلایئما چۇیا−چۇیا.
غاراغومونگ گرشی یالئ،
اۇوورت‌لارئم جۇیا−جۇیا.

اۆورِنیلدیم من چابغانئنگ،
پأک شمالئنگ سازئ بیلن،
یۆرک شیندِم بیله غۇپیار،
بو صحرانئنگ یازئ بیلن.

غوشلوق چاغئ بولوت‌لاردان
گۆن چئقاندا یئلجئراقلاپ،
سارسئپ گیدیأر غۇجا قالبئم،
بیله‌نۇق اۇل اؤزۆن ساقلاپ.

گۆن ینه−ده یادا سالیار،
آتامئزئنگ اۇجاغئنئ.
من دِلمینیپ دورون، اینه،
دیییپ بیلمأن دییجه‌گیمی.

سراِت، اِییأم بو جاهاندا
نه آتام بار، نه−ده انم.
داغدان آشاق اینِن گۆن دک
کم−کم یاشئپ باریان مِنِم.

تانئش شمال سِیران ادیأر،
اؤورۆم−اؤورۆم، آشئم−آشئم.
سۇجا یۆرک، آغلا، یۆرک،
گیزلِنمه سن، گؤزده یاشئم.

من هیچ−هاچان گیزلِنمه‌دیم،
تاقدئر یالئ گؤنی بۇلدوم.
دۆنیأ دییِن عاجاب آدلئ−
یالانچئ‌نئنگ چئنئ بۇلدوم.

عجیزله‌یأر دییجِک بۇلمانگ،
بو سئرئغیان یاش‌لارئما.
من آغلایان، موندا سۇنگلاپ
بیلمأن غۇیجاق ایش‌لریمه...

🌺شاهئر : بردی‌ناظار خودای‌ناظارۇو
🌺سس : احمد نیازی

@saylanan_ghoshghular

سایلانان غۇشغولار و رۇوایات‌لار

02 Mar 2023 10:17

‍ خاسسا اۇلمازدان بورون

ساغلئغئنگ غادرئنئ بیلگین، خاسسا بۇلمازدان بورون،
خاسسالئق شۆکرۆنی قئلغئن، تأکی اؤلمزدن بورون!
دۆز یِرینگ غادرئنئ بیل، دریاغا دۇلمازدان بورون،
گأمیده هۆشگأر اۇتورغئل، گیردابا گلمِزدن بورون،
یاشلئغئنگ غادرئنئ بیلگین، تأ اولالمازدان بورون!

یارادان یادئنگدا اکن، باشئنگ یۇووز حالدادئر ،
اؤتسه یۆز یئل، یادا دۆشمز، بللی بیر خۇش حالدادئر،
عؤمرۆنگنی بیهودا توتما، پورصاتئنگ بیر یلده‌دیر ،
دگسه بیر بادئ ‐خازان سۇلدئر سنی اۇل گۆلده‌دیر ،
گۆلم یادئنگدان چئقارما، تأکی سۇلمازدان بورون!

عاقئل-هوشونگا یتیشدینگ، اِیله‌دینگ سِیرانئ سن،
ایستأر ادینگ جم اتسم، اۇ کۆللی اِیرانئ سن،
اييمه‌دينگ‌ بير دم‌ پاراخات‌ تانگرئ برن نانئ‌ سن‌،
هِی، خابارئنگ، بارمئ‌دئر، بو جاهانئنگ مئخمانئ سن،
آزئغئنگ تاییار اتگین، کرون چکیلمزدن بورون!

غالمامئش بو کؤنه دۆنیأ رۆستم ایله زالئنا،
غاررا بۇلما ایکی گۆنلۆک اییگی-ایچگی مالئنگا،
حاقیقات عارئفئ گؤر، آطلاس‌نئ بردی شالئنا،
تور سحر، ماغتئمغولئ، یئغلا بو گۆن اؤز حالئنگا،
تانگلا اۇل ماغشار گۆنی درلأپ اویالمازدان بورون!

تانگلا اۇل ماغشار گۆنی درلأپ اویالمازدان بورون!
یاشلئغئنگ غادرئنئ بیلگین، تأ اولالمازدان بورون!
ساغلئغئنگ غادرئنئ بیلگین، خاسسا بۇلمازدان بورون
✨✨🌹

🔸آیدئمئنگ آدئ : خاسسا اۇلمازدان بورون
🔸آیدئمچئ : کرون یۇوباسارۇو
🔸شاهئر : ماغتئمغولئ پئراغئ
🔸تاییارلان : بانوو🦋

@saylanan_ghoshghular

سایلانان غۇشغولار و رۇوایات‌لار

10 Sep 2022 11:23

‍ یۇل.
ائنها کؤچه بیلن باریارئن
اۇینایان جئقئرداپ
ائلغایان بؤکۆپ
یئقئلجاق بۇلسام، بیردِن بۆدرأپ غالدئرلار.
منینگ الیمدِن توتوپ
أگأ بۇل دیییپ
اۆستۆمی قاقئپ
باشئم سئپایار،مهیرلی ال‌لر
باریان، انه-آتامئنگ الینی توتوپ
غئسغا گؤرۆنسه‌-ده اوزایار یۇل‌لار

ائنها ینه شۇل اؤنگکی کؤچه
دگیشیأن
گۆلیأرین
تانس ادیأن بؤکۆپ
ایندی انه- آتانگ الینی دأل-ده
باریان بیر گؤزِ‌لینگ الیندن توتوپ
مهیرلی یئلغئرئش
مهیرلی باقئش
مهیرلی نأز ادیپ
غوجاغنگا دۇلار
باشلارئنگ دیره‌شیپ  باریانسئنگ اینه
غئزئقلئ گؤرۆنیأر غئسغالیان یۇل‌لار

ائنها ینه-ده شۇل اؤنگکی کؤچه
جئقئرداپ گۆلیأر
ائلغایار بؤکۆپ
یئقئلجاق بۇلایسا
بیردن بۆدرأپ
ایکی بۇلوپ
غالدئریاس، غۇلوندان توتوپ
اۇنگا غووانیارئن، شادلئقلئ باقیان
اۇل بۇلسا
کِیپینه جئقئردار
گۆلر
باریارئس اۆچ بۇلوپ ، شۇل کؤچه بیلن،
غئسغالیار
غئسغالیار
غئسغالیان یۇل‌لار

ائنها ینه-ده شۇل اؤنگکی کؤچه
آسساجئق یؤره‌یأن
دئنچ آلیان چؤکۆپ
یِریمدن غالماغا، بِریأر کؤمِگی
ائغتئبارلئ دایانیان هاصامئ توتوپ
گؤر نأهیلی؟
عاجایئپ کؤچه
یادلاپ گیدیپ باریان
گؤزه یاش دۇلیار
ایندی یکه اؤزۆم شۇل کؤچه بیلن
باریارئن
بارها غئسغالیار یۇل‌لار
نأچه غئسغالدئغئچا یکه غالیارئن
هانئ
النگدن توتیان شۇل اؤنگکی غۇل‌لار


غۇشغئنگ آدئ: یۇل
شاهئر: رمضان مأمدغوربانۇو
اۇقان: دئنماز
تاییارلان: ملیحه

@saylanan_ghoshghular

سایلانان غۇشغولار و رۇوایات‌لار

25 Aug 2022 09:10

دۆنیأ سندن گؤونۆم گچدی


جانئ-جانانئم آلدئرئپ،
دۆنیأ سندن گؤونۆم گچدی.
بزنسنگ هرنه یالدئراپ،
دۆنیأ سندن گؤونۆم گچدی.

سن آرزوولانگ کۆممدیمی؟!
غاچئردئنگ بار هۆمّتینگی.
غۇیمادئنگ محمّدیمی،
دۆنیأ سندن گؤونۆم گچدی.

سۇلدورئپ أهلی گۆل‌لری،
یاغشا یاد اتدینگ گۆلمِگی.
غۇلایمئ سۇنگونگ گلمِگی،
دۆنیأ سندن گؤونۆم گچدی.

ساللانچاقدان تابئدا چِن،
گۆیمأپ ایلی ایله‌یأنگ جنگ.
کؤپ سئن ادیپ تاپمادئم چِم،
دۆنیأ سندن گؤونۆم گچدی.

دأده‌بای عیسی‌یِو

🌹🌷


@saylanan_ghoshghular

سایلانان غۇشغولار و رۇوایات‌لار

11 Jul 2022 13:36

‍ غوربان بایرامئنگئز مۆبأرک بۇلسون!

قابول بۇلسون بریأن صاداقالارئنگئز،
حاصئل بۇلسون ادیأن دیلگ‌لرینگیز،
ایمانلئ موسولمان دۇغان‌لارئمئز،
غوربان بایرامئنگئز مۆبأرک بۇلسون!

خودایئنگ یۇلوندا جانلئ سۇیولار،
ساچاقدا نأز-نئغمات بارئ غۇیولار،
بو گۆن یاغشئ آرزوو اتمک سؤیۆلر،
غوربان بایرامئنگئز مۆبأرک بۇلسون!

کینه ساقلاپ غاملاندئرمانگ گؤونی،
یاراشسئن‌لار ترسله‌شن‌لر بو گۆنی،
آغزئ‌بیرلیک غورشاسئن یر یۆزۆنی،
غوربان بایرامئنگئز مۆبأرک بۇلسون!

اگنینگیزه گِیینگ تأزه اشیکدن،
رئسغال، برکت، دؤولت گلسین ایشیکدن،
دؤولت دییِر غۇشغئ دۆزدۆم جۇشوپ من،
غوربان بایرامئنگئز مۆبأرک بۇلسون!

بیر-بیره‌گه آرزوو بیلن غوتلالئنگ،
ساللانچاق‌لار اوچوپ گؤوۆن خۇشلالئنگ،
گلینگ ایندی اۆچ گۆن تۇیا باشلالئنگ،
غوربان بایرامئنگئز مۆبأرک بۇلسون!

🌺 🤲 🌺

🔸آیدئمئنگ آدئ : غوربان بایرامئنگئز مۆبأرک بۇلسون!
🔸آیدئمچئ : دؤولت بردی‌غئلئجِو
🔸تاییارلان : ✍ ..yh..

@saylanan_ghoshghular

سایلانان غۇشغولار و رۇوایات‌لار

06 Jun 2022 20:09

‍ بیلبیل بیلن گۆل

یۇرلوپ دۆنیأدن یارالئ یۆرک
ملهم آراپ ، مهیر کۆیسأپ
یۇلوغئپ گۆله ، سئرلئ سۆنبۆله

کؤپ واغت ائسنئشئپ ، هر سحر هر شام
یۇل یاساپ یۆرکدن ، اۇل بیر یۆرگه
گؤیأ کی یکه جان ، ایکی گؤوره‌ده
گؤیأ کی بیر موقام ، ایکی دؤوره‌ده
سازلاشئپ−سازلاشئپ ، یانگلانیار سس‌لر
تۇلقون آتیار بلندلره هؤوس‌لر

عاندالیب مس بۇلوپ ، گۆلۆنگ ائسئندان
گۆل هم اؤوشۆن آتئپ ، یارئنگ حوسنوندان
سۆرن‌میش‌لر دؤوران ، گچنمیش زامان
آیرا دۆشه‌ریس دییپ ، یۇقموش هیچ گۆمان.

گۆن−گۆندن برکأنمیش ، عئشقئنگ پوداغئ
گۆن−گۆندن جۇشانمئش ، مهرینگ غایناغئ
شیله بیر جۇشغونلئ سؤیگی آرادان
گچیپ باریانمئشئن دورا−بارادان

یاتسالار یادلاردا ، اینگ سۇنگقئ ناغئش
تورسالار گؤزلرده ، ایلکی‌جه گؤرۆش
مس گۆلۆنگ یتنمیش ، خۇش ائسئ عارشا
بادلئ قاقیانمئشئن ، بیلبیلم کیرشه
عألمه دۇ:لانمئش ، تر گۆلۆنگ ائسئ
جاهانا یانگ برمیش ، بیلبیلینگ سسی
شیله بیر سؤیگۆلی یاشایانمئش‌لار
یازا دؤنیأنمیشین آیازلئ غئش‌لار.

آرادان بیرنأچه ایّام گچنسۇنگ
آیراتئن گۆن‌لرینگ چۇغئ اؤچنسۇنگ
مسلیگی ایچینه سئغمایان تر گۆل
هۇندان بأرسی بۇلوپ گدمجه بأگۆل،
گۆن−گۆندن طالابئ آرتئپ باشلاپدئر
شیطان اۇنگ بؤورۆنی دۆرتۆپ باشلاپدئر
بیلبیلدن ایسلأپدیر باشغاچا سس‌لر
گؤونۆنده بسلأپدیر آیرئ هؤوس‌لر
عؤمرۆنگ غئسغادئغنا عاقلئ چاتماندئر
حاقیقئ عاشئقلانگ یۇلون توتماندئر
عهدی−پیمان ، ائقرارئنئ بیلمأندیر
وپالئ گۆل‌لردن ساپاق آلماندئر
مئدام شیله ترجه غالار اؤیدۆپدیر
نأدۇغرئ پیکیره غولاق گۆیدۆپدیر.

جانئندان سئزدئرئپ بیلبیل نرسسه
اۇقانمئش غازالئ هر دۆرلی سسده
یارئنئنگ داشئندا پروانا بۇلموش
اۆنجۆدن یۆرگی لرزانا بۇلموش
یارانئپ بیلمأنمیش اۇندا−دا گۆله
چکِنجه عاذابئ سۇورولمئش یله

آجئ آیرالئغا تن برنمیش‌لر
بۇلغوسئز سؤودایا سۇنگ برنمیش‌لر
گۆلۆنگ عؤمری دۇلوپ سۇلوپ گیدنمیش
بیلبیلم غام سازئن چالئپ اؤتنمیش.

دئنماز

@saylanan_ghoshghular

سایلانان غۇشغولار و رۇوایات‌لار

14 May 2022 19:10

Käbäm

Käbäm, gül ýaglygyň sowgat et maňa,
Mähriňi ýüzüme ýaparym ýaly.
Ýat ýerlerde syýahatda bolamda,
Mydam seni ýatlap ýatarym ýaly.

کأبأم
کأبأم، گۆل یاغلئغئنگ سۇوغات ات مانگا،
مهرینگی یۆزۆمه یاپارئم یالئ.
یاد یرلرده سئیاحاتدا بۇلامدا،
مئدام سنی یادلاپ یاتارئم یالئ.

..yh..
@saylanan_ghoshghular

سایلانان غۇشغولار و رۇوایات‌لار

22 Apr 2022 08:13

ساغلئغئنگ و واغتئنگ باهاسئ بۇلماز!
Saglygyň we wagtyň bahasy bolmaz!

@saylanan_ghoshghular
..yh..

سایلانان غۇشغولار و رۇوایات‌لار

13 Apr 2022 23:20

Öten agşam towly zülpün daran Aý,
Anbar ysly zülpe ýüzün bürän Aý.
Duşmanlaryň ony tanamaz ýaly,
Diýdi: «Käte şeýle hile gerek» Aý.

Mäne baba

اؤتِن آغشام تۇولئ زۆلپۆن داران آی،
عانبار ائسلئ زۆلپه یۆزۆن بۆرأن آی.
دوشمان‌لارئنگ اۇنئ تاناماز یالئ،
دییدی: «کأته شِیله حیله گِرِک» آی.

مأنه بابا(ابوسعد ابوالخیر)
📝
عانبار ــ مۆشک یالئ یاقئملئ ائسلئ جیسیم.

@Saylanan_ghoshghular

سایلانان غۇشغولار و رۇوایات‌لار

11 Apr 2022 06:04

Behişt senden alýar gyzyl-alyny
Bakylyk özüňden – ýadygärligi.
Çynystanyň nagşy, keşdesi – sensiň,
eýrana eçildiň gurrandazlygy.

Mäne baba

Çynystan – Hytaý.

بِهیشت سِندِن آلیار غئزئل-آلئنئ
باقئ‌لئق اؤزۆنگدِن ـ یادئگأرلیگی.
چئنئستانئنگ ناغشئ، کِشده‌سی ـ سِنسینگ،
اِیرانا اِچیلدینگ غورراندازلئغئ.

مأنه بابا(ابوسعد ابوالخیر)
📝
آلئن ـ مانگلای.
هئتای ـ هئتای مِدِنیِّتی، هئتای دیلی.
کِشده ـ اۇوونجاق سانجئلیان سانجئم گؤرنۆشینده سالنان ناغئش.
اِچیلمِک ـ ساخئ‌لئق اِتمِک، جۇمارت بۇلماق، اِلی آچئق‌لئق اِدیپ بِرمِک.
غوررانداز ـ غوررا تاشلایان، پال آتیان، پالچئ.

@Saylanan_ghoshghular

سایلانان غۇشغولار و رۇوایات‌لار

02 Apr 2022 13:13

@saylanan_ghoshghular

سایلانان غۇشغولار و رۇوایات‌لار

31 Mar 2022 18:27

‍ غایدئپ گه‌رین

آق بولوت من چؤکۆپ یؤرِن
بلند داغئنگ غایاسئندا
آق اۇولاق دِی بؤکۆپ یؤرِن
سِلنگ−صحرانگ آیاسئندا

باد آلئپ بادئ−صابانگدان
زئبانئمدان دۆرلر ساچیان
سنینگ غادیم موقاملانگدان
عألمه تأزه‌لیک آچیان

شیدیپ سانگا بۇلان سؤیگیم
آیدئم ادیپ آیدئپ یؤرۆن
واطان، من بیر غارلاواجئنگ
نیرأ گیتسم غایدئپ گه‌رین

آسودالئق گۆنِشینگه
یاغشئ یوووپ پأل−نییتیم
خۇش سؤز غارئپ گۆلۆشیمه
گلیپ دور سالام دییه‌سیم

چۆنکی سنده یاد یۇق مانگا
عزیزلریم بولانگ بارئ
سندن بییک زات یۇق مانگا
چالشئپ بۇلماز هۇواندارئم

شیدیپ سانگا بۇلان سؤیگیم
آیدئم ادیپ آیدئپ یؤرۆن
واطان، من بیر غارلاواجئنگ
نیرأ گیتسم غایدئپ گه‌رین

🌺🍃

🔸آیدئمئنگ آدئ : غایدئپ گه‌رین
🔸آیدئمچئ : زۆلیخا قاقایِوا
🔸شاهئر : گۆل‌شیرین خانۇوا
🔸تاییارلان : لطیف🌹🌷

@saylanan_ghoshghular