👦🏻 سيرة وقصص للأطفال 👧🏻

24 Jun 2024 22:10

#قصص_القرآن_للأطفال

🔦 قصة توهان بني إسرائيل في الأرض

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا
مُحَمَّد

🌸 خرج موسي عليه السلام ومعاه بني إسرائيل علشان يهربوا من الملك الظالم فرعون

🌸 بس فرعون مسابهمش
وخرج وراهم هو وجيشه علشان يموتهم كلهم

🌸 لغاية لما وصل موسى واللي معاه لشاطيء البحر

🌸 ولما بص وراه لقي فرعون وجنوده قربوا يوصلوا لهم فأصحاب سيدنا موسى قالوا له كده فرعون هيمسكنا

🌸 لكن سيدنا موسى رد عليهم وقالهم طالما معانا ربنا محدش هيقدر يضرنا

🌸 صحيح إن سيدنا موسى مكنش عارف ربنا هينجيه إزاي بس هو كان متأكد إن ربنا مش هيسيبه

🌸 وفي آخر لحظة لما كان خلاص فرعون هيمسك سيدنا موسى وأصحابه

🌸 نزل الملاك سيدنا جبريل من السما وبأمر من ربنا قاله أمسك عصايتك واضرب بيها البحر

🌸 وهنا حصلت المعجزة والمعجزة دي هي حاجة غريبة بتحصل للأنبياء والرسل بأمر من ربنا ومش بتحصل للناس العاديين

🌸 يا ترى ايه اللي حصل؟ أول لما ضرب سيدنا موسى البحر بعصايته راح اتقسم البحر نصين كل نص أد الجبل الكبير خالص

🌸 وفي النص طريق مفيهوش ولا نقطة مية واحدة والأمواج من على يمينهم وشمالهم عالية جداً

🌸 وسيدنا موسى أخد أصحابه وجري جوه الطريق الناشف اللي ربنا عملهوله في البحر

🌸 ووصل فرعون وجنوده لشاطيء البحر وشافوا المعجزة دي بتحصل قدامهم ومكنوش مصدقين اللي بيحصل

🌸 ولكن فرعون مكنش بيفكر غير في حاجة واحدة وبس
وهي إزاي يمسك سيدنا موسى واللي معاه ويموتهم

🌸 وخلى جنوده يجروا وراهم في الطريق اللي في وسط البحر

🌸 لكن لما وصل سيدنا موسى للناحية التانية من البحر ربنا قاله اضرب بعاصيتك البحر مرة تانية علشان يختفي الطريق الناشف ويرجع البحر مرة تانية زي ما كان

🌸 وطبعا كان فرعون وجنوده جوه البحر فكلهم غرقوا في الميه

🌸 وبكده مات الملك الظالم فرعون هو وجنوده علشان مكنوش بيسمعوا كلام ربنا وسيدنا موسى

🌸 ونتعلم من القصة دي إننا لازم نتوكل على ربنا علشان يكون دايما معانا و ينجينا

🌸 والتوكل بيكون الدعاء لربنا بعد ما نعمل اللي علينا وناخد بالأسباب يعني مثلا علشان ننجح لازم نذاكر وده اسمه الأخد بالأسباب وبعدين ندعي ربنا إننا ننجح ونكون من الأوائل المتفوقين وده هو التوكل على ربنا

🌸 وعكس التوكل هو التواكل اللي بيخلي الناس تقول ربنا بيحبنا وهينجحنا من غير ما نذاكر وده طبعا غلط يا حبايبي يا حلوين

🌸 ومعادنا بكرة إن شاء الله مع قصة رحلة سيدنا موسى مع بني إسرائيل

🌸 تصبحوا على خير يا حلوين

🌸 وصل اللهم وسلم على مُحَمَّد
🌸🍃🌸🍃🌸🍃
إقرأ 📚 وانشر 📬 تُؤْجَرْ
/channel/seerawqass

👦🏻 سيرة وقصص للأطفال 👧🏻

24 Jun 2024 22:06

#قصص_رواها_الرسول_ﷺ

🌴 قصة شهيدة في بيتها🌴

🌻 كان ياما كان و مايحلي الكلام
إلا بذكر النبي .... محمدﷺ

🌼 وأولادي اللي بيحبوا سيدنا محمد أكتر واحد في الدنيا كلها

🌻 لأنه بيعلمهم كل الخير وبيعرفهم إزاي يكونوا في أحسن مكان ... جنة ربنا
هيقولوا بأحلي صوت :

🌼 اللهم صل علي سيدنا مُحَمَّد

🌻 كان هناك صحابيه جليلة اسمها أم ورقه بنت عبد الله

🌼 وكانت تتمنى أن تقدم أي شيء لخدمة دين الله ﷻ

🌻 وتمر الأيام سريعا وتأتي غزوة بدر وكانت أول لقاء بين المسلمين والمشركين

🌼 و إذا بأم ورقه تذهب للنبيﷺ و هي في غايه الشوق لتستأذنه في أن تخرج معه للجهاد في سبيل الله

🌻 وعرضت على النبيﷺ أن تخرج معه لتعالج الجرحي وأخبرته بأنها تتمنى أن يرزقها الله الشهاده

🌼و إذا بالنبيﷺ يأمرها بأن ترجع إلى بيتها ويخبرها بأن اللهﷻ سوف يرزقها الشهادة وهي في جوف بيتها

🌻 فتعجبت أم ورقه وأمتلأ قلبها بالسعاده والسرور بهذه البشرى التي أخبرها بها رسول اللهﷺ وكانت تقرأ القرآن فاستأذنت النبيﷺ أن تعلم القرآن في بيتها فأذن لها

🌼ولما علم الناس بهذه البشرى كانوا يسمونها الشهيدة

🌻 وجلست أم ورقه في بيتها وأحست بأنها بحاجه لمن يخدمها لأنها أصبحت كبيرة في العمر

🌼فأحضرت غلاما وجاريه وعاشت في بيتها تصلي وتصوم وتذكر اللهﷻ وهي تنتظر الشهاده التي وعدها بها النبيﷺ

🌻 وظلت هكذا إلى عهد عمر بن الخطاب رضي الله عنه

🌼وفي يوم من الأيام كانت نائمه فتآمر عليها الغلام والجاريه

🌻 ووضعوا على وجهها قطعه من القماش حتى انقطع عنها الهواء و ماتت شهيده

🌼فقام عمر بن الخطاب ونادى في الناس وقال لهم

🌻 من كان عنده علم عن مكان الغلام و الجاريه فليأتي بهما

🌼فجيء بهما فأمر بهما فصلبا وكانا أول من صلب في المدينه المنورة

🌻 وهكذا رزق الله أم ورقه الشهاده في بيتها كما وعدها رسول اللهﷺ بذلك

🌼ونتعلم من هذه القصه أن المسلم لابد أن يكون حريصا على العمل لخدمة هذا الدين

🌻 وأن المسلم لابد أن يصدق كلام رسول اللهﷺ بكل ما أخبر عنه حتى لو تأخر

🌼وأن نعرف أن الشهاده أنواع ودرجات ومن هذه الأنواع هي أن يقتل الأنسان غدرا وهو يدافع عن نفسه

🌻 ونتعلم أن عقوبه القاتل أن يقتل وهذه العقوبه لايقوم بتنفيذها إلا ولي الأمر أو من ينوب عنه مثل القاضي والشرطة

🌼و موعدنا غدا إن شاء الله مع قصة جديدة من قصص رواها الرسولﷺ

🌻تصبحوا على خير يا حلوين

🌼 اللهم صل علي مُحَمَّد

🌻🌼🌻🌼🌻🌼🌻🌼
/channel/seerawqass

👦🏻 سيرة وقصص للأطفال 👧🏻

24 Jun 2024 22:03

https://www.instagram.com/reel/C8Xo_mZOYGD/?igsh=MWkwNXljNG5qYjJydw==

👦🏻 سيرة وقصص للأطفال 👧🏻

24 Jun 2024 22:01

https://www.instagram.com/reel/C8AA1Ebs4Kj/?igsh=ZHk4bjJmbDVwOHI1

👦🏻 سيرة وقصص للأطفال 👧🏻

24 Jun 2024 21:41

https://www.instagram.com/reel/C6w6d5PsoD4/?igsh=Y3VodXRha2R3MW8y

👦🏻 سيرة وقصص للأطفال 👧🏻

10 May 2024 17:08

#سيرة_امهات_المؤمنين

🌴 السيدة جويرية بنت الحارث رضي الله عنها(1)🌴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 النهردة هنتكلم عن السيده جويريه بنت الحارث رضي الله عنها وهنشوف مع بعض قصتها ايه

🌻هي كانت من عيله كبيره اسمها قبيله بني المصطلق

🌻 وأبوها كان الحارث بن أبي ضرار وكان رئيس القبيله دي وكل الناس بتسمع كلامه وبتحترمه

🌻والسيدة جويرية كانت جميله جدا ومؤدبه جدا وغنيه جدا

🌻وأبوها جوزها مسافع بن صفوان من عيله كبيره اسمها خزاعه

🌻 وفي الوقت ده كان الرسول في المدينه وحط فيها قوانين علشان تنظم العلاقه بين الناس اللي عايشين فيها

🌻زي اليهود وقبائل الكفار اللي حوالين المدينه

🌻لكن أبوها الحارث من قبيله بني المصطلق وبعد مرور ست سنوات من وجود الرسول في المدينه

🌻خاف على الحكم بتاعه من وجود الرسول لأنه شاف إن ناس كتير بدأت تدخل في الإسلام وكل الناس بتحب الرسول أول لما تشوفوا

🌻فعمل إجتماع مع القبائل اللي حواليه وقرروا إنهم يحاربوا الرسول

🌻لكن الرسول عرف بالموضوع وقرر إنه يبدأ يهاجمهم قبل ما يهاجموه

🌻وكانت السيده عائشة هي اللي مع الرسول في الغزوة دي

🌻لأننا عارفين إن كل غزوة بتخرج زوجه من زوجات الرسول معاه

🌻وهما في الطريق لقوا جواسيس بيحاولوا يعرفوا أخبارهم و بيروحوا يقولوها للحارث

🌻ولما عرف الحارث إن الرسول جاء علشان يهاجموا هو والناس اللي اتفقوا معاه

🌻خافت كل القبائل اللي إتفقت معاه ورجعوا في كلامهم وسابوا الحارث لوحدوا هو وقبيلته بني المصطلق

🌻ووصل الرسول هو والجيش بتاعه المريسيع

🌻و ده المكان اللي فيه الميه اللي كانوا بيشربوا منها بني المصطلق

🌻واستعدوا علشان يهجموا عليهم

🌻الأول رموهم بالنبال وبعدين هجموا عليهم

🌻واتقتل منهم 10 وكان من ضمن اللي ماتوا زوج السيده جويريه مسافع

🌻وباقي الجيش استسلم للرسول وانتصر الرسول

🌻والرسول أخذهم أسرى عنده في المدينه لأن اللي بيفوز بياخد كل حاجة الفلوس والنَّاس والحيوانات

🌻وطبعا كانت السيده جويريه من الأسرى اللي خدوها المسلمين

🌻و كان عدد الناس اللي خدوهم 700 راجل وست و 2000 جمل و 5000 خروف

🌻و طبعا بعدكل غزوة بتتوزع الغنائم دي بالتساوي على المسلمين

🌻وكانت السيده جويريه من ضمن غنائم ثابت بن قيس وهو واحد من الصحابه

🌻وكان عمرها 20 سنه

🌻ولكن هي رفضت إنها تبقى من العبيد وقالت لثابت أنا هفدي نفسي وأدفع الفلوس علشان أرجع حرة تاني

🌻واتفقت مع ثابت بن قيس إنها تديله 9 أواقي من الذهب

🌻ووافق ثابت على كده وخرجت السيده جويريه وراحت للرسول وطلبت منه إنه يساعدها بعد ما شرحت له إنها كانت سيدة قومها ولأنهم اخدوا كل فلوسهم في الغزوة فجت تطلب المساعدة من الرسول

🌻يا ترى وافق الرسول يساعدها و لا لأ و ايه اللي حصل بعد كده للسيدة جويرية

🌻بكره هنعرف الرسول قال لها إيه

🌻بس دلوقتي جه معاد النوم

🌻تصبحوا على خير يا حلوين

🌻وصل اللهم وسلم على سيدنا محمد
🌻🌼🌻🌼🌻🌼🌻🌼🌻
/channel/seerawqass

👦🏻 سيرة وقصص للأطفال 👧🏻

09 May 2024 16:26

#قصص_القرآن_للأطفال

🔦 تابع قصة العزير

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا مُحَمَّد

🌸 وبعد ما حصل الموقف الغريب ده وعرف إزاي ربنا قادر على كل شيء

🌸 قام العزير من مكانه وركب حماره

🌸 ورجع تاني لقريته وهو مش عارف إيه اللي حصل في ١٠٠ سنه اللي فاتت دي

🌸 ولما وصل للقرية مفيش حد من الناس اللي عايشين فيها كان عارف هو مين ولا هو كمان كان يعرف حد

🌸 لأن كل الناس اللي يعرفهم ماتوا وابنه كبر فمكنش عارف شكله خالص

🌸 وقعد يدور على بيته وبعد ما تعب خالص لقاه وخبط على الباب

🌸 وكان فاكر ان ابنه اللي سابه و هو عنده ٢٠ سنه هيلاقيه زي ما هو وكمان الخادمة كان عمرها ٢٠ سنة وهو كان عمره ٤٠ سنة قبل ما ينام النومة الطويلة دي لمدة١٠٠سنة

🌸 واتفاجئ لما شاف قدامه ست كبيرة مش بتعرف تشوف عندها ١٢٠ فتحتله وبتسأل مين واقف عند الباب

🌸 فقالها هو ده بيت العزير؟ قالتله اه وقعدت تعيط

🌸 فسألها ليه إنتي ليه بتعيطي ؟

🌸 قالتله لأنه اختفى من زمان ومحدش سأل عليه من ساعتها
وإنت أول واحد يسأل عليه من ١٠٠سنة

🌸 قالها أنا العزير..فسألته مش معقول تغيب ١٠٠سنة وبعدين ترجع تاني إنت كنت فين كل الوقت ده؟ فحكى ليها القصة كلها

🌸 فقالتله طيب علشان أصدقك أنا كنت عارفة إن العزير كان راجل مستجاب الدعوة ادعيلي إن ربنا يخليني أسوف بعنيا تاني علشان اشوفك واتأكد إنك العزير

🌸 فحط العزير ايديه على عينها وقال بسم الله

🌸 فرجع ليها بصرها تاني وكانت مش قادرة تمشي فحط ايديه على رجلها ورجعت تمشي تاني كأنها شابة صغيرة

🌸 وبصت عليه وقالتله أنا اتأكدت دلوقتي إن أنت العزير واخدته للمكان اللي بيتجمع فيه أهل القرية كلها

🌸 وشاف ابنه بقى عنده ١٢٠سنة يعني كان العزير أصغر من ابنه بـ٨٠ سنة

🌸 فقالت لهم الخادمة ده هو العزير ورجع لينا تاني

🌸 فمحدش صدق كلامها وقالو لها إزاي يعني يرجع بعد ١٠٠ سنة

🌸 فقالتهم إنتم مش شايفين إني رجعت أشوف وامشي تاني هو كمان ربنا أحياه تاني بعد ١٠٠ سنة

🌸 فالناس كلها اتجمعت حواليه وابنه قاله أنا كنت عارف إن والدي العزير كان عنده حسنة سودة على كتفه

🌸 فكشف العزير كتفه فبانت الحسنة السودا ففرح بني إسرائيل أوي لأن العزير هو اللي كان حافظ كتاب التوراه بالكامل والتوراة ده كتاب زي القرآن الكريم ربنا نزله لسيدنا موسى علشان الناس تعرف الصح من الغلط وتعرف إزاي تعبد ربنا

🌸 لأنهم كان عندهم كتاب واحد بس وجه ملك شرير اسمه بختنصر وحرق ليهم التوراه

🌸 وطلبوا من العزير إنه يكتبلهم التوراه تاني بالكامل

🌸 فقالهم أنا فاكر إن بابا كان مخبي كتاب التوراه الأصلي تحت الارض في مكان معين علشان محدش يقدر يوصله و يسرقه

🌸 وفعلا راحوا ولقوا الكتاب موجود بس كله متقطع وبايظ

🌸 فزعلوا وقالوا للعزير لازم تكتبلنا التوراه تاني

🌸 فقعد العزير تحت الشجرة وقعد حواليه بني إسرائيل و كتب التوراه مرة تانيه

🌸 وعاشوا كلهم في خير وسعاده لحد ما مات العزير

🌸 وربنا حكى لينا القصة كاملة في سورة البقرة في القرآن في الآية رقم٢٥٩

🌸 ونتعلم من القصة دي إن لازم كل مسلم يشتغل زي ما كان العزير عنده أرض بيزرعها علشان يعرف يعيش كويس

🌸 وإن ربنا قادر على كل شيء زي ما شفنا إزاي خلى العزير يموت لمدة ١٠٠ سنة وده اللي هيحصل لينا يوم القيامة كلنا ربنا هيصحي كل الناس اللي ماتت

🌸 وإن المؤمن لما يكون عايز يعرف حاجة ربنا بيخليه يشوفها ويتعلمها زي ما علم العزير إزاي ممكن الواحد ترجع له الحياة بعد ما مات

🌸 ومعادنا بكرة إن شاء الله مع قصة توهان بني إسرائيل في الأرض

🌸 تصبحوا على خير يا حلوين

🌸 وصل اللهم وسلم على محمد
🌸🍃🌸🍃🌸🍃
إقرأ 📚 وانشر 📬 تُؤْجَرْ
/channel/seerawqass

👦🏻 سيرة وقصص للأطفال 👧🏻

09 May 2024 15:56

https://youtu.be/-jxbnYZCJNw?si=GYQtqgv90XWD1pP1

👦🏻 سيرة وقصص للأطفال 👧🏻

09 May 2024 15:54

https://youtu.be/oUHb2Ub2Mhg?si=5KSMuirYCP9bApso

👦🏻 سيرة وقصص للأطفال 👧🏻

10 Apr 2024 12:45

#قصص_القرآن_للأطفال

🔦 قصة الملكين هاروت وماروت

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا مُحَمَّد

🌸 هنحكي النهردة قصة ملكين من الملائكة اسمهم هاروت و ماروت

🌸 وهما ليهم قصة مع سيدنا سليمان هنعرفها هي كمان

🌸 الشياطين الوحشين كانوا متعودين يطلعوا ويقعدوا في أماكن في السما علشان يسمعوا كلام الملائكة و يعرفوا ايه اللي هيحصل في الأرض

🌸 يعني مين اللي هيموت ومين اللي هيسيب شغله ويعرفوا أخبار الناس اللي متعرفهاش

🌸 وكان الناس بيروحوا للسحرة والكهنة ودول ناس وحشين بياخدوا فلوس من الناس علشان يضحكوا عليهم و يقنعوهم انهم بيعرفوا ايه اللي هيحصلهم مع إنهم كانوا بيخادوا الأخبار دي من الشياطين

🌸 فالناس بدأت تصدق السحرة والكهنة و بقوا يسمعوا الكلام اللي بيتقال و يزودوا عليه كلام من عندهم

🌸 ويكتبوا الكلام ده في كتب وانتشر في بني إسرائيل إن الجن بتعرف الغيب وتقدر تقول للناس إيه اللي هيحصلهم بكرة والشهر الجاي والسنة الجاية

🌸 و الغيب ده حاجات لسه محصلتش في الأرض

🌸 ولما ربنا بعت سيدنا سليمان عليه السلام وسمع الكلام ده زعل أوي لأن مفيش حد يعرف الغيب واللي هيحصل بكرة غير ربنا

🌸 فجمع سيدنا سليمان كل الكتب اللي الناس كتبتها وحطها في صندوق ودفنها تحت الارض تحت الكرسي اللي بيقعد عليه

🌸 وقال للناس مش عايز حد يقول الكلام ده تاني واللي هيقول كده هعاقبه عقاب شديد وهيموت بالسيف

🌸 ومكنش حد من الشياطين يقدر يقرب من كرسي سيدنا سليمان عليه السلام و اللي كان بيقرب منهم بيتحرق علطول

🌸 ولما مات سيدنا سليمان عليه السلام سافر العلماء اللي كانوا عارفين الكلام ده لأماكن بعيدة علشان يعلموا الناس التانية

🌸 وبقى الشيطان يظهر في صورة إنسان لبني إسرائيل ويقولهم أنا هدلكم على كنز كبير أوي علشان تبقوا أغنياء

🌸 وقالهم يحفروا تحت الكرسي بتاع سيدنا سليمان وشاور لهم من بعيد علشان هو عارف إنه لو قرب هيتحرق

🌸 وفعلا حفر بني إسرائيل الأرض ولقوا الكتب مدفونة تحت الارض

🌸 والشيطان قال لهم إن سيدنا سليمان كان كاتب في الكتب دي سحر ومن خلاله بيقدر يتحكم في كل حاجة حواليه

🌸 و بدأت الناس تتكلم وتقول إن سيدنا سليمان كان ساحر وفضلت الناس فاكرة كده لحد ما ربنا بعت سيدنا محمد عليه الصلاة والسلام وأنزل في القرآن آيه في سورة البقرة (و ما كفر سليمان ولكن الشياطين كفروا)لأن السحر كفر

🌸 وكان في راجل اسمه آصف والراجل ده هو اللي كان بيكتب لسيدنا سليمان وكان عارف اسم الله الأعظم

🌸 وكان بيكتب كل حاجة سيدنا سليمان بيقولها وبعدين يدفنها تحت الكرسي بتاعه

🌸 فلما مات سيدنا سليمان أخدت الشياطين الكتب دي وكتبت بين كل سطرين سطر فيه سحر وكفر علشان الناس تصدقهم

🌸 وكان فيه مدينة في العراق اسمها بابل واليهود نشروا في المدينة دي السحر وبقوا الناس خايفين أوي

🌸 فربنا سبحانه وتعالى نزل في المدينة دي ملكين من السما اسمهم هاروت وماروت

🌸 وكانت اليهود بتقنع الناس إن الساحر يقدر يضرهم لو مسمعوش الكلام وينفعهم لو سمعوا الكلام

🌸 علشان كده ربنا أمر الملكين اللي بعتهم علشان يفهموا أهل بابل الحقيقة ويخلصوهم من اليهود الوحشين و من الخوف اللي كان عندهم بسبب السحر

🌸 فكانوا بيعلموا الناس في بابل السحر إزاي بيتعمل علشان الناس تعرف إزاي السحر ده بيتعمل وإيه حقيقته و تبطل تخاف منه

🌸 وفهموهم إن السحر ده ممكن أي إنسان يتعلمه زي أي علم من العلوم وإن الساحر لا يمكن أن يضر ولا ينفع شخص إلا بأمر ربنا

🌸 وكانوا بيقولوا للناس إحنا علمناكوا بس علشان متخافوش لكن مش المفروض تعملوا بيه حاجة وبعديها طلع الملكين السما تاني

🌸 ولكن أهل بابل مسمعوش كلام الملكين الكريمين واستخدموا السحر اللي اتعلموه في الشر والحاجات الوحشة

🌸 وطبعا ربنا زعل منهم و غضب عليهم علشان هما مسمعوش الكلام

🌸 واتعلمنا من القصة دي إن محدش يعرف الغيب غير ربنا سبحانه و تعالى

🌸 و ان بعد ما جه سيدنا محمد عليه الصلاة والسلام مبقتش الشياطين تعرف تسمع أي حاجة من السما لأن ربنا كان بيخلي حاجة اسمها الشهب تحرقهم والشهب دي نار طالعة من السما بتحرق أي شيطان يحاول يسمع

🌸 واتعلمنا إنه مينفعش نقول أي كلام على أي نبي من الأنبياء اللي بعتهم ربنا لأن السحر ده كفر بربنا والمفروض إن الساحر يتقتل

🌸 وإنه مينفعش أي مسلم يتعلم السحر أو يروح لواحد ساحر علشان لو عمل كده ربنا مش هيقبل صلاته لمده أربعين يوم ده لو مصدقوش ولو صدقه هيبقى كافر ومش هيدخل الجنة

🌸 ومعادنا بكرة إن شاء الله مع قصة طالوت وداوود وجالوت

🌸 تصبحوا على خير يا حلوين

🌸 وصل اللهم وسلم على محمد
🌸🍃🌸🍃🌸🍃
إقرأ 📚 وانشر 📬 تُؤْجَرْ
/channel/seerawqass

👦🏻 سيرة وقصص للأطفال 👧🏻

10 Apr 2024 12:40

https://youtube.com/shorts/s4EFooi37kA?si=WLgdEl29ZcS5lhUD

👦🏻 سيرة وقصص للأطفال 👧🏻

10 Apr 2024 12:36

https://youtu.be/bcijNiIpKeQ?si=j6gbGRCuaiMh0j4Y

👦🏻 سيرة وقصص للأطفال 👧🏻

10 Apr 2024 12:35

https://youtu.be/HqZK8LLXLes?si=Xqv1QZt1cyowPJrj

👦🏻 سيرة وقصص للأطفال 👧🏻

10 Apr 2024 12:33

https://youtu.be/ntI1XKxOYL0?si=zjDuQJZm5IWWCt-5

👦🏻 سيرة وقصص للأطفال 👧🏻

27 Mar 2024 16:37

#سيرة_امهات_المؤمنين

🌴 السيدة زينب بنت جحش رضي الله عنها🌴

🌼 الحلقة 2🌼

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 احتفل المسلمون بزواج السيدة زينب بنت جحش بابن خالها الرسول صلَّ الله عليه وَسَلَّم

🌻وعملوا وليمة كبيرة خبز ولحم

🌻 وأول لما الرسول دخل البيت عند السيدة زينب

🌻سيدنا جِبْرِيل نزل له بآية الحجاب

🌻وكانت السيدة زينب جميلة جدا

🌻 وكان الرسول ابن خالها وزوجها

🌻وكانت دائماً تفتخر بأن الله هو الذي أمر بزواجها من الرسول بقرآن نتلوه إلى يوم القيامة وده في آية٣٧ في سورة الأحزاب
{وَإِذْ تَقُولُ لِلَّذِي أَنْعَمَ اللَّهُ عَلَيْهِ وَأَنْعَمْتَ عَلَيْهِ أَمْسِكْ عَلَيْكَ زَوْجَكَ وَاتَّقِ اللَّهَ وَتُخْفِي فِي نَفْسِكَ مَا اللَّهُ مُبْدِيهِ وَتَخْشَى النَّاسَ وَاللَّهُ أَحَقُّ أَنْ تَخْشَاهُ} [الأحزاب: 37].

🌻وأن جِبْرِيل عليه السلام هو السفير اللي نزل وجوزهم

🌻وكانت بتفتخر إن جدها وجد النبي واحد وهو عبد المطلب

🌻وطبعاً كل ده كان سبب في غيرة باقي زوجات الرسول منها

🌻وإحنا حكينا قصة عسل المغافير قبل كده اللي حصلت مع السيدة زينب بنت جحش مين الشاطر اللي هيحكيها؟؟

🌻وكانت السيدة زينب بنت جحش بتصلي كتير وبتتقرب لربنا على أد ما تقدر

🌻وكانت كريمة جداً لما بيبقى معاها فلوس بتخلصها كلها على الفقرا

🌻ونزل عند السيدة زينب قرآن كتير

🌻يعني مثلاً يوم ما الرسول قال لها تتجوز زيد وهي رفضت

🌻ربنا أنزل آية٣٦ سورة الأحزاب

{وَمَا كَانَ لِمُؤْمِنٍ وَلاَ مُؤْمِنَةٍ إِذَا قَضَى اللَّهُ وَرَسُولُهُ أَمْرًا أَنْ يَكُونَ لَهُمُ الْخِيَرَةُ مِنْ أَمْرِهِمْ وَمَنْ يَعْصِ اللَّهَ وَرَسُولَهُ فَقَدْ ضَلَّ ضَلاَلاً مُبِينًا} [الأحزاب: 36]،

🌻ولما جه سيدنا زيد علشان يخطبها للرسول ربنا نزل الآية٣٧ الأحزاب

{فَلَمَّا قَضَى زَيْدٌ مِنْهَا وَطَرًا زَوَّجْنَاكَهَا لِكَيْ لاَ يَكُونَ عَلَى الْمُؤْمِنِينَ حَرَجٌ فِي أَزْوَاجِ أَدْعِيَائِهِمْ إِذَا قَضَوْا مِنْهُنَّ وَطَرًا وَكَانَ أَمْرُ اللَّهِ مَفْعُولاً} [الأحزاب: 37].

🌻ولما تزوجها الرسول الناس الوحشة اللي عايشة في المدينة مع الرسول وبيقولوا إنهم مؤمنين فاكرين اسمهم إيه؟؟

🌻صح براڤوووا اسمهم منافقين

🌻قالوا إن الرسول هيتجوز زوجة ابنه

🌻لأن الرسول كان بيعتبر زيد زي ابنه

🌻فربنا نزل آية٥ الأحزاب

مَا كَانَ مُحَمَّدٌ أَبَا أَحَدٍ مِنْ رِجَالِكُمْ وَلَكِنْ رَسُولَ اللَّهِ وَخَاتَمَ النَّبِيِّينَ وَكَانَ اللَّهُ بِكُلِّ شَيْءٍ عَلِيمًا} [الأحزاب: 40]. وقال أيضًا: {ادْعُوهُمْ لآبَائِهِمْ هُوَ أَقْسَطُ عِنْدَ اللَّهِ فَإِنْ لَمْ تَعْلَمُوا آبَاءَهُمْ فَإِخْوَانُكُمْ فِي الدِّينِ وَمَوَالِيكُمْ وَلَيْسَ عَلَيْكُمْ جُنَاحٌ فِيمَا أَخْطَأْتُمْ بِهِ وَلَكِنْ مَا تَعَمَّدَتْ قُلُوبُكُمْ وَكَانَ اللَّهُ غَفُورًا رَحِيمًا} [الأحزاب: 5]

🌻كانت السيدة زينب -رضي الله عنها- تفتخر على بقيَّة زوجات النبي ، وتقول لهنَّ: زوجكنَّ آباؤكنَّ، وزوَّجني الله من فوق سبع سموات
وتقول لهم آية زواجها رقم٣٧ الأحزاب

{فَلَمَّا قَضَى زَيْدٌ مِنْهَا وَطَرًا زَوَّجْنَاكَهَا...} [الأحزاب: 37]

🌻ورسول وصفها بأنها أوَّاهة، فقال لعمر بن الخطاب : "إِنَّ زَيْنَبَ بِنْتِ جَحْشٍ أَوَّاهَةٌ".
فيأل راجل: يا رسول الله، ما الأوَّاه؟

قال: "الْخَاشِعُ الْمُتَضَرِّعُ، {إِنَّ إِبْرَاهِيمَ لَحَلِيمٌ أَوَّاهٌ مُنِيبٌ} [هود: 75]"[10

🌻والسيدة زينب -رضي الله عنها- راحت مع النبي في غزوة الطائف بعد حنين وغزوة خيبر، وبعدين راحت معاه حجة الوداع

🌻ولسه فيه كمان قرآن تاني نزل بسبب السيدة زينب

🌻بس دلوقتي خلاص جه معاد النوم

🌻وبكرة إن شاء الله هنكمل مع السيدة زينب بنت جحش

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻
/channel/seerawqass

👦🏻 سيرة وقصص للأطفال 👧🏻

24 Jun 2024 22:09

#سيرة_امهات_المؤمنين

🌴 السيدة جويرية بنت الحارث رضي الله عنها(2)والأخيرة🌴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻 طلبت السيده جويريه من الرسول إنه يساعدها و يديها الدهب علشان تديه لثابت علشان ترجع حرة تاني

🌻والرسول صل الله عليه وسلم قال لها أنا عندي حل أحسن من كده

🌻 إيه رأيك إني أساعدك وأعطيكي الدهب وكمان أتجوزك

🌻ففرحت ووافقت لأنها بعد ما كانت أسيره هتبقى سيده وأم للمؤمنين كمان

🌻و السيده جويريه كان اسمها اصلا بَرَّه

🌻 والرسول هو اللي سماها جويريه

🌻لأن بره معناها كثيره البر ودايما بيقولوا على الرسول لما يخرج من عند زوجاته انه خرج من عند عائشة أو من عند زينب أو من عند بره

🌻وكده يكون معنى الكلام إنه خرج من البر ودي حاجة كان بيكرهها الرسول إن حد يقول عنه خرج من البر يعني خرج من عمل الخير وعلشان كده غير اسمها وسماها جويرية وبيقولوا كمان إن السيدة زينب برده كان اسمها بره وسماها زينب

🌻وأبو السيدة جويريه راح للمدينه ومعاه جِمال كتير علشان يفدي بنته

🌻وهو في طريقه للمدينه قعد يستريح في مكان اسمه العقيق

🌻فالجمال اتفرقت عن بعضها وقعدت تاكل من الأعشاب اللي في الأرض

🌻فعجبه شكل جملين فراح خبى الجملين دول وقال هخليهم ليا واخد الباقي علشان يفدي بيهم بنته

🌻فراح لسيدنا محمد وقاله إنه عايز يفدي بنته

🌻فالرسول رد عليه وقاله وفين الجملين اللي إنت خبتهم في العقيق

🌻واستغرب علشان مكنش في حد شايفه وتأكد إن سيدنا محمد هو الرسول وأسلم

🌻وبعت جاب الجملين وراح وداهم للرسول وقاله الجملين أهم أعطيني بنتي يا رسول الله

🌻فقاله طيب إيه رأيك لو خلناها هي تختار

🌼وجابوا السيدة جويرية وقالوا لها إختاري إما ترجعي مع أبوكي أو تتجوزي الرسول وتفضلي هنا في المدينة

🌻فاختارت الرسول و أسلمت

🌻و تزوجها الرسول صل الله عليه وسلم

🌻ولما عرف أصحاب الرسول بخبر زواجه سابوا كل الأسرى اللي خدوهم من بني المصطلق وأعتقًوهم

🌻وقالوا مينفعش نشغل أهل زوجة الرسول عندنا

🌻وكان عدد الأسرى 100 عائلة

🌻والسيده عائشة قالت معرفش ست أكثر بركة على أهلها زي جويريه لأن بزواجها حررت القبيله كلها

🌻وكل قبيلة بني المصطلق أسلمت

🌻وبدأ النبي صل الله عليه وسلم يعلمها الدين وكانت بتتعلم بسرعة وتقضي يومها في العبادة والتقرب من الله

🌻 وفي يوم دخل الرسول لقاها صايمه و كان يوم جمعه

🌻فسألها إنتي صومتي إمبارح الخميس قالتله لأ قالها طيب هتصومي بكرة السبت قالتله لأ فراح قالها خلاص إفطري مينفعش تصومي الجمعة لوحده

🌻وفي يوم دخل الرسول عليها بعد صلاة الفجر لقاها قاعده بتسبح فخرج وبعدين رجع الظهر لقاها قاعده بردو نفس القعده تسبح

🌻فراح سألها إنتي قاعده زي ما إنتي من الصبح ؟!

🌻قالت له أيوه

🌻قال لها عارفه أنا عملت حاجه أحسن بكتيير من اللي إنتي عملتيه ده كله و أخدت عليها ثواب أكبر منك بكتير ولو اتوزن باللي إنت قلتيه لكان اتقل بكتيير⬇️

🌻أنا قلت بعدك 4 كلمات 3 مرات سبحان الله وبحمده عدد خلقه ورضا نفسه وزنة عرشه ومداد كلماته

🌻 والسيده جويريه روت 7 أحاديث عن الرسول صل الله عليه وسلم

🌻وفي يوم من الأيام جت السيده جويريه واشتكت للرسول من باقي زوجاته انهم بيقولوا لها إنتي جاريه وأسيرة مش زوجه

🌻فالرسول قال لها مش انا أعطيتك مهر و أعتقت 40 واحد

🌻قالت له أيوه

🌻فرد عليها وقال لها العبد مش بنعطي له مهر

🌻و بعد ما عاشت أحلى سنين مات الرسول صل الله عليه وسلم

🌻وعاشت السيده جويريه راضيه بالفتره القصيره اللي عاشتها مع الرسول وكان وقتها بين التعلم والذكر والدعاء والتسبيح

🌻وقعدت السيده جويريه تحكي عن قصه زواجها بالرسول لأي حد تشوفه وبتحكي إن هي حلمت من زمان إن القمر مشي من المدينه ووقع عندها وبتقول إنها ما حكتش الحلم ده لحد ولما طلبها الرسول للزواج فهمت إن دي رؤيه

🌻ومن الأحاديث اللي علمتها للناس إن الراجل حرام يلبس حرير وإنه مينفعش حد يتوضأ من مية وضوء حد تاني

🌻وماتت السيده جويريه في شهر ربيع الاول سنه 56 وكان سيدنا معاويه هو الخليفه وكان عندها 65سنه رضي الله عنها وجمعنا بها في الفردوس الأعلى

🌻وبكره إن شاء الله هنحكي قصة السيده صفيه بنت حيي بس دلوقتي جه معاد النوم

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻
/channel/seerawqass

👦🏻 سيرة وقصص للأطفال 👧🏻

24 Jun 2024 22:03

https://www.instagram.com/reel/C8dFvjSsqDT/?igsh=MmdmMnAycWh4YnVy

👦🏻 سيرة وقصص للأطفال 👧🏻

24 Jun 2024 22:02

https://www.instagram.com/reel/C8NPAISMGu_/?igsh=OWlwazJlanBrcmxk

👦🏻 سيرة وقصص للأطفال 👧🏻

24 Jun 2024 22:01

https://www.instagram.com/reel/C7Hs7bXsI4M/?igsh=MXhwNjdqZXJ0aDk2Mg==

👦🏻 سيرة وقصص للأطفال 👧🏻

10 May 2024 20:54

#قصص_رواها_الرسول_ﷺ

🌴 البعير الذي اشتكى
صاحبه لرسول اللهﷺ🌴

🌻 كان ياما كان و مايحلي الكلام
إلا بذكر النبي .... محمد ﷺ

🌼 وأولادي اللي بيحبوا سيدنا محمد أكتر واحد في الدنيا كلها

🌻 لأنه بيعلمهم كل الخير وبيعرفهم إزاي يكونوا في أحسن مكان ... جنة ربنا
هيقولوا بأحلي صوت :

🌼 اللهم صل علي سيدنا مُحَمَّد

🌻 في يوم من الأيام خرج النبيﷺ من بيته و ركب دابته وأخذ عبد الله بن جعفر خلفه على الدابه و سارا سويا

🌼 و بعد فترة دخل النبيﷺ بستانا لرجل من الأنصار وأخذ يتأمل في الزروع والثمار
وهو يسبح اللهﷻ وفجأة رأى النبيﷺ جملا وحدث أمر عجيب أغرب من الخيال

🌻 لقد نظر الجمل إلى النبيﷺ وظل يبكي فذهب إليه النبيﷺ وأخذ يمسح على رأسه فسكت الجمل وكف عن البكاء

🌼 فسأل النبيﷺ من صاحب الجمل؟ فجاء فتى من الأنصار وقال أنا يا رسول الله صاحب هذا الجمل

🌻 فغضب النبيﷺ وقال له: ﴿أفلا تتقي الله في هذه البهيمه التي ملكَّك الله إياها؟ ﴾

🌼 فتعجب الفتى من كلام النبيﷺ لأن النبيﷺ لم يره كيف يعامل الجمل

🌻 فمن الذي أخبر النبيﷺ بذلك

🌼 فعلم النبي ما يفكر فيه الفتى وأخبره بأن الجمل قد شكى إليه أنه يتركه بلا طعام و إن أطعمه يطعمه طعاما رديئا

🌻 وبالإضافة إلى ذلك فهو يكلفه من الأعمال فوق طاقته

🌼 وأستجاب الفتى لنصيحه النبيﷺ وأحسن معاملة الجمل بعد ذلك

🌻 ونتعلم من هذه القصه أن المسلم لابد أن يكون متواضعا

🌼 وقد رأينا كيف أن النبيﷺ وهو قائد الأمه أخذ عبد الله بن جعفر معه على الدابه وسارا سويا

🌻 وأن المسلم لابد أن يكون رحيما بكل من حوله من الناس وأن يكون رحيما بالحيوانات

🌼 وقد أخبرنا النبيﷺ أن الله قد غفر لإمرأة بغي لأنها سقت كلبا

🌻 وأدخل إمرأة النار لأنها حبست هرة

🌼 وأخيرا نتعلم أن المسلم إذا كان رحيما فإن الله يرحمه في الدنيا والآخرة

🌻 فقد قال النبيﷺ (الرَّاحِمونَ يرحَمُهم الرَّحمنُ تبارَك وتعالى؛ ارحَموا مَن في الأرضِ يرحَمْكم مَن في السَّماءِ).

🌼 وموعدنا غداً مع قصه جديدة من قصص رواها الرسولﷺ

🌻تصبحوا على خير يا حلوين

🌼اللهم صل علي سيدنا مُحَمَّد
🌻🌼🌻🌼🌻🌼🌻🌼🌻
/channel/seerawqass

👦🏻 سيرة وقصص للأطفال 👧🏻

10 May 2024 14:35

https://youtube.com/shorts/s4EFooi37kA?si=PswfGzzEdkGj_7HK

👦🏻 سيرة وقصص للأطفال 👧🏻

09 May 2024 16:00

#قصص_القرآن_للأطفال

🔦 قصة العزير

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا مُحَمَّد

🌸 كان في زمان راجل صالح اسمه عزير وكان عايش في قرية قريبة من بيت المقدس وكان عنده أرض بيزرعها علشان يعيش منها

🌸 وفي يوم من الأيام راح لأرضه ولكن وهو رايح في الطريق حس بالحر الجامد ومقدرش يستحمل

🌸 فقال أنا هدور على حته أقعد فيها في الظل لغاية الشمس ما تروح حرارتها

🌸 ولقي أرض مفيش أي حد عايش فيها فنزل عزير من على حماره وقعد في الظل يستريح لغاية ما تخف حرارة الشمس

🌸 وكان معاه سلة فيها تين وسلة فيها عنب وشوية عيش ناشف حطهم على بعض وقال بسم الله وأكل منهم وبعد ما خلص أكل قال الحمد لله

🌸 وبعدين نام على الارض وقعد يبص على سقف البيوت اللي قاعد فيها لقاها مكسرة ومحدش عايش من أصحاب البيوت دي

🌸 فراح فكر مع نفسه وقال هو إزاي ممكن ربنا يخلي الحياة ترجع للأرض والناس بعد ما ماتوا

🌸 وطبعا هو مكنش بيشك في قدرة ربنا سبحانه وتعالى على إحياء الموتي ولكنه كان بيفكر في الموضوع بصوت عالي مع نفسه وبيستغرب

🌸 وفي نفس اللحظة دي مات عزير وهو قاعد بيفكر في الموضوع ده

🌸 وفضل نايم لمدة ١٠٠سنة وطبعا في الـ١٠٠سنة دي مات ناس كتير واتغير شكل القرية اللي كان عايش فيها

🌸 وبعد ما عدوا الـ١٠٠سنة ربنا خلى عزير يقوم تاني ويصحى من النوم وربنا كان بيجمع أجزاء جسمه وهو صاحي يعني يلاقي ايديه جت عند كتفه وكمان رجليه وبدأ يشوف بعينه ويفكر بعقله

🌸 وكل ده كان بيحصل قدام العزير وهو مش مصدق اللي بيحصل

🌸 وبعت ربنا ملاك من السما للعزير وسأله انت نمت قد ايه قاله غالبا خمس ساعات كده علشان انا نمت الظهر ودلوقتي المغرب

🌸 فراح قاله الملك لأ أنت نمت لمدة ١٠٠سنة وقاله عايزك تبص على الأكل والمية قدامك هتلاقيهم زي ما هما

🌸 وعزير مكنش مصدق علشان الأكل زي ما هو متغيرش ولا حصل له أي حاجة

🌸 ولما الملاك لقي عزير مش مصدق قاله طيب بص على حمارك كده وشوف ايه اللي بيحصل له

🌸 لقي الحمار ميت وعظمه مبعتر واندهش جامد العزير

🌸 فراح الملك نادى على العظام بتاعت الحمار علشان تتجمع تاني وبعد كده لبسها لحم وجلد وشعر
وراح نفخ الملك في الحمار وراحت الروح رجعت ليه تاني وقعد ينهق تاني بعد ما كان ميت

🌸 ولما عزير شاف كل ده قال أنا عارف إن ربنا على كل شيء قدير

🌸 يا ترى حصل إيه بعد كده هنكمل بكرة إن شاء الله مع قصة العزير

🌸 تصبحوا على خير يا حلوين

🌸 وصل اللهم وسلم على محمد
🌸🍃🌸🍃🌸🍃
إقرأ 📚 وانشر 📬 تُؤْجَرْ
/channel/seerawqass

👦🏻 سيرة وقصص للأطفال 👧🏻

09 May 2024 15:55

https://youtu.be/I72Cro6YWuk?si=qaqO50DpSN3EqdO6

👦🏻 سيرة وقصص للأطفال 👧🏻

09 May 2024 15:54

https://youtu.be/x1r4BZSZeyw?si=ImETDbbGHFraBIPz

👦🏻 سيرة وقصص للأطفال 👧🏻

10 Apr 2024 12:42

#سيرة_امهات_المؤمنين

🌴 السيدة زينب بنت جحش رضي الله عنها(3)والأخيرة🌴

🌻كان ياما كان و مايحلي الكلام
إلا بذكر النبي .... محمد عليه الصلاة و السلام ..

🌼اللهم صل علي سيدنا مُحَمَّد

🌻كنّا بنحكي عن آيات القرآن اللي نزلت في بيت السيدة زينب

🌻الرسول عمل عزومة كبيرة لما تزوج السيدة زينب

🌻لكن الناس اللي كانت بتاكل فضلت قاعدة تتكلم وتضحك بعد الأكل والرسول كان تعبان ومكسوف يقول لهم الفرح خلص

🌻فربنا نزل آية٥٣ سورة الأحزاب واللي بتتكلم عن إنهم لما يبقوا معزومين عند النبي ياكلوا ويمشوا على طول وإحنا كمان لازم نعمل كده لما نبقى معزومين عند حد لأنهم أكيد تعبوا في تحضير الأكل وعايزين يرتاحوا

🌻وبتتكلم كمان عن الحجاب إنه بقى فرض

🌻وبتتكلم عن زوجات الرسول إنهم أمهاتنا وطبعا مينفعش حد يتجوز أمه فربنا قال في الآية دي إنه مينفعش حد يتجوز زوجات الرسول بعده

🌻وهي دي الآية اللي بتتكلم عن كل المواضيع دي⬇️

{يَا أَيُّهَا الَّذِينَ آمَنُوا لاَ تَدْخُلُوا بُيُوتَ النَّبِيِّ إِلاَّ أَنْ يُؤْذَنَ لَكُمْ إِلَى طَعَامٍ غَيْرَ نَاظِرِينَ إِنَاهُ وَلَكِنْ إِذَا دُعِيتُمْ فَادْخُلُوا فَإِذَا طَعِمْتُمْ فَانْتَشِرُوا وَلاَ مُسْتَأْنِسِينَ لِحَدِيثٍ إِنَّ ذَلِكُمْ كَانَ يُؤْذِي النَّبِيَّ فَيَسْتَحْيِي مِنْكُمْ وَاللَّهُ لاَ يَسْتَحْيِي مِنَ الْحَقِّ
وَإِذَا سَأَلْتُمُوهُنَّ مَتَاعًا فَاسْأَلُوهُنَّ مِنْ وَرَاءِ حِجَابٍ ذَلِكُمْ أَطْهَرُ لِقُلُوبِكُمْ وَقُلُوبِهِنَّ وَمَا كَانَ لَكُمْ أَنْ تُؤْذُوا رَسُولَ اللَّهِ وَلاَ أَنْ تَنْكِحُوا أَزْوَاجَهُ مِنْ بَعْدِهِ أَبَدًا إِنَّ ذَلِكُمْ كَانَ عِنْدَ اللَّهِ عَظِيمًا}
[الأحزاب: 53].

🌻كانت -رضي الله عنها ليها مكانة كبيرة عند رسول الله

🌻وكمان عند أمنا عائشة كان ليها مكانة كبيرة

🌻فالسيدة عائشة بتقول كانت زينب هي التي تساميني من أزواج النبي يعني بتنافسني

🌻وبتقول ولم أرَ امرأة قطُّ خيرًا في الدين من زينب، وأتقى لله، وأصدق حديثًا، وأوصل للرحم، وأعظم صدقة، وأشدَّ ابتذالاً لنفسها في العمل الذي يُتصدَّق به، ويُتقرب به إلى الله

🌻 يعني السيدة عائشة بتشكر وبتمدح في السيدة زينب

🌻وبتقول عليها إنها بتتقرب لربنا على طول وصادقة دايما تقول الحقيقة وبتهتم بأهلها وبتتصدق كتير على الفقرا

🌻وخصوصا بعد حادثة الإفك اللي حصلت للسيدة عائشة

🌻 لما الرسول سأل السيدة زينب عن رأيها في اللي بيحصل

🌻قالت للرسول أحمي سمعي وبصري ما علمت إلا خيرا

🌻يعني وقفت جنب السيدة عائشة مع إنهم قبل الحادثة دي كانوا بيغيروا من بعض

🌻لكن غيرة السيدة زينب مأثرتش عليها وقالت الحق علشان كده السيدة عائشة قعدت تقول على السيدة زينب الكلام الحلو ده

🌻والسيدة عائشة رضي الله عنها
بتحكي وبتقول

🌻أن زوجات الرسول اجتمعوا عند الرسول وهو تعبان في مرض الموت وقالوا له

🌻مين فينا اللي هتموت بعدك يا رسول الله وهتكون أول واحدة تقابلك

🌻فالرسول قال أطولكن يداً

🌻فقعدت كل واحدة تقيس إيدها فكانت السيدة سودة أطولهن يدًا،

🌻وبتحكي السيدة عائشة وبتقول فعرفنا بعد كده إن الرسول كان قصده أكتر واحدة كانت بتحبُّ الصدقة

🌻وطبعاً طلعت هي السيدة زينب بنت جحش أول زوجة للرسول ماتت بعده

🌻وفضلت السيدة زينب رضي الله عنها كريمة وبتصرف كل فلوسها على الفقرا

🌻فبعد ما الرسول مات سيدنا عمر بعث إلى أمِّ المؤمنين زينب بنت جحش رضي الله عنها بالمرتب بتاعها

🌻فقالت: "غفر الله لعمر! أنا هعمل إيه بكل الفلوس دي

🌻فقالت للخادمة بتاعتها برزة بنت رافع حطي فستان كبير يغطي الفلوس و اعملي كذا كيس فلوس من غير ما تعدي وروحي وزعي الأكياس على أقربائي الفقرا وحددت لها كذا بيت للأيتام

🌻فقالت لها برزة: غفر الله لكِ! والله لقد كان لنا في هذا حظ يعني كان من حقنا على الأقل ناخد مصاريفنا

🌻فقالت السيدة زينب فلكم ما تحت الثوب يعني لِسَّه فاضل شوية فلوس تحت الفستان

🌻قالت فرفعنا الثوب فوجدنا خمسة وثمانين درهمًا

🌻وبعدين السيدة زينب رفعت إيديها تدعي وقالت: "اللهم لا يدركني عطاء لعمر بعد عامي هذا يعني يا رب قبل ما ييجي معاد المرتب اللي بعد كده أكون أنا قابلت الرسول لأني تعبت من الدنيا

🌻وفعلاً ربنا استجاب لدعائها وماتت أمنا زينب بنت جحش

🌻وقبل ما تموت اشترت الكفن بتاعها ووصت أختها لو سيدنا عمر بعت لها كفن بعد لما تموت تتبرع بواحد منهم للفقرا

🌻والكفن ده قماش بيلفوا فيه الميت

🌻وسيدنا عمر عمل للسيدة زينب صندوق علشان يحطوا السيدة زينب فيه ومحدش يشوف السيدة زينب وهما رايحين يدفنوها

🌻وفي سنة ٢٠هجرية ماتت السيدة زينب وكان س يدنا عمر هو الخليفة

🌻وكان عندها ٥٣سنة وادفنت في البقيع رضي الله عنها وأرضاها

🌻وبكرة إن شاء الله معادنا مع السيدة جويرية بنت الحارث

👦🏻 سيرة وقصص للأطفال 👧🏻

10 Apr 2024 12:37

https://youtu.be/CbP8EG85BHQ?si=jDElUMlJYZuUy-Yk

👦🏻 سيرة وقصص للأطفال 👧🏻

10 Apr 2024 12:36

https://youtu.be/DsaUJK-WJkg?si=rRrY601XURlDbHg8

👦🏻 سيرة وقصص للأطفال 👧🏻

10 Apr 2024 12:34

https://youtu.be/YE2ly7DoFEE?si=QScQeK0VEu9HJLcc

👦🏻 سيرة وقصص للأطفال 👧🏻

27 Mar 2024 16:40

#قصص_القرآن_للأطفال

🐄قصة بقرة بني إسرائيل🐄

🌸 كان ياما كان وما يحلى الكلام
إلا بذكر النبي .... محمد عليه الصلاة و السلام ..

🌸 اللهم صل علي سيدنا مُحَمَّد

🌸 كان في ناس عايشين مع بعض اسمهم بني إسرائيل

🌸 وكان عايش معاهم شاب فقير لكن المشكلة مش في فقره

🌸 المشكلة ان أخلاقه مكنتش حلوة وكان عمه عنده فلوس كتير و بنت عمه جميلة أوي

🌸 وكان الشاب ده عايز عمه يموت بسرعة علشان ياخد فلوسه ويتجوز بنت عمه الجميلة

🌸 لكن عمه عاش كتير وكانت صحته كويسة جدا

🌸 ففكر الشاب ده في خطة علشان يقتل بيها عمه

🌸 وفي ليلة من الليالي قتل فعلا عمه وعلشان الناس متعرفش إنه قتل عمه حطه قدام بيت حد من قرايبهم علشان الناس تفتكر إنهم هما اللي قتلوه

🌸 ومش بس عمل كده ده كمان قعد قدام الباب يعيط وعمل نفسه حزين على موت عمه

🌸 وقال للناس لما اتجمعوا إن أهل البيت ده هما اللي قتلوا عمي

🌸 فخرج أصحاب البيت وحلفوا إنهم معملوش كده

🌸 والناس مبقتش عارفة تعمل إيه ولا تصدق مين

🌸 فاتفقوا إنهم يروحوا لسيدنا موسى عليه السلام وحكولوا اللي حصل

🌸 حاول سيدنا موسى إنه يعرف مين القاتل فواحد من الناس قال لسيدنا موسى إسأل ربك علشان يقولك مين القاتل

🌸 فسأل سيدنا موسى الله عز وجل فأمره الله إنه يقولهم لازم تدبحوا بقرة علشان تعرفوا مين القاتل

🌸 فأستغرب الناس وقالوا لسيدنا موسى إنت بتتريق علينا وبتستهزأ بينا ؟!

🌸 فسيدنا موسى قال أنا مقدرش أقول حاجة ربنا مقالش عليها

🌸 وهما لو كانوا ناس بتعرف تفكر صح كانوا سمعوا الكلام ودبحوا البقرة اللي قال عليها لأن ربنا مطلبش أي حاجة غير إنهم يدبحوا بقرة

🌸 ولكن هما صعبوا الموضوع عليهم فسألوا سيدنا موسى عن عمر البقرة فقالهم لا هي كبيرة ولاصغيرة

🌸 وسألوه كمان عن لونها قالهم لونها أصفر فاقع أوي لما الواحد بيبصلها بيبقى مبسوط ومرتاح

🌸 فقالوا لسيدنا موسى بس في بقر كتير بالأوصاف دي إسأل ربنا عن أوصاف توضح لنا أكتر شكل البقرة

🌸 وأول ما نعرف شكل البقرة دي هنسمع كلام ربنا وندبحها

🌸 قالهم سيدنا موسى لونها أصفر سادة خالص من غير أي بقعة فيها

🌸 وكمان مش بتعرف تقلب الارض بالمحراث و تسقيها زي باقي البقر

🌸 فقعدوا يدوروا على بقرة بالشكل ده لحد ما لقوا بقرة واحدة بس فيها كل الأوصاف دي

🌸 وكان صاحبها ولد فقير باباه مات وهو عايش مع مامته

🌸 فراحوا علشان يشتروا البقرة منه فلما قالهم ثمن البقرة مكنوش عايزين يدفعوا له كل الفلوس دي

🌸 وكانوا بيقعدوا يتناقشوا مع بعضم على ثمنها ويرجعوا للولد تاني فيروح الولد مزود السعر

🌸 وفضلوا كده لغاية ما طلب منهم إنهم يوزنوا البقرة ويعطوه قد وزنها ذهب

🌸 فوافقوا في الآخر لأنهم ملقوش بقرة غيرها ودفعوا للولد فلوسه

🌸 فبقى الولد ده اكتر واحد معاه فلوس فيهم كلهم

🌸 وده بسبب إنه بيسمع كلام مامته وبيساعدها دايما

🌸 وبعدين بني اسرائيل أخذوا البقرة وذبحوها واخدوا جزء منها وضربوا على الميت

🌸 فقام الميت وقالهم إن ابن أخي هو اللي قتله

🌸 وبكده اتعاقب القاتل وحرموه من فلوس عمه ومعرفش كمان يتجوز بنت عمه

🌸 ومن ساعتها وربنا حرًم على أي قاتل إن هو ياخد من فلوس اللي قتله

🌸 واتعلمنا من القصة دي إن المسلم مينفعش يكون طماع ولا ظالم ولا يقتل حد علشان ربنا ميزعلش منه ويعاقبه

🌸 وكمان المسلم مينفعش يكذب ويقول على حاجة حصلت وهي محصلتش

🌸 واتعلمنا إنه لازم ننفذ اللي ربنا أمرنا بيه من غير ما نسأل لأن ربنا عارف الصح من الغلط

🌸 ولأننا لما نسمع كلام ماما وبابا ربنا بيوسع في رزقنا زي الولد صاحب البقرة ما بقى أغنى واحد في المدينة كلها

🌸 وآخر حاجة ممكن نتعلمها من القصة إن زي ما ربنا خلى الميت يصحي هيخلي كل الناس اللي ماتت تصحي تاني يوم القيامة علشان يحاسبهم على أعمالهم

🌸 واللي بيعمل صح هيدخل الجنة واللي بيعمل غلط هيدخل النار

🌸 وبكده تكون خلصت قصة النهارده

🌸 ومعادنا بكرة إن شاء الله مع قصة جديدة من قصص القرآن الكريم

🌸 تصبحوا على خير يا حلوين

🌸 وصل اللهم وسلم على محمد
🌸🍃🌸🍃🌸🍃
✍🏻 للتواصل @ManarRiad
إقرأ 📚 وانشر 📬 تُؤْجَرْ
/channel/seerawqass

👦🏻 سيرة وقصص للأطفال 👧🏻

26 Mar 2024 16:47

https://youtu.be/7HjRzZMeSlg?si=BWhTYgnR1LenTVV4