1065
شعر ، وشعر فقط / أنا لو اني في حياتي مخير ؟ ماكان خليتك وأنا خاطري فيك ! \ للتواصل @sh3r00_bot
^
مالي فُتِنْتُ بلحْظِكِ الْفَتَّاكِ !
وسَلَوْتُ كُلَّ مَلِيحَة ٍ . . إِلاَّكِ
يُسْرَاكِ قَدْ مَلَكَتْ زِمَامَ صَبَابتي
ومَضَلَّتِي وهُدَاي في [ يُمْنَاكِ ]
فَإِذا وَصَلْتِ فَكُلُّ شَيْءٍ باسِمُ
وإذا هَجَرْتِ فكلُ شَيْءٍ باكِي
.
^
ما خلا الايام حلوة غير .. معرفتك
معك .. اتحمّل مللها .. واتحمّلها
ماشفتك بصورةٍ شينة واذا شفتك
لقيت .. في ذكرياتك .. ما يجمّلها
^
محتاج لي عزلة عن : الصبح والليل
والناس ، وأرصفة الطرق ، والمباني ..!
محتاج لي من كل الأشياء تبديل
محتاج أكون أنسان بـ أنسان ثاني ..!
^
لاتلتفت للي يحدك على اقصاك
لو هو يحبك ماختبر صبرك بصد
تتكفله الايام ..ثم يتمناك
الضد .. له يوم يتصادم مع الضد
^
حبيبة الورد وحروفي بها تثمل ،
كنها قصيده وابن جدلان قايلها
كل الاماكن تردد يومها تقبل :
هي شايلهَ الورد ولا الورد شايلها ؟ :)
^
كثير تسكت ، وإن حكت ؟
يذوب من فمها .. شهد ،
حلوة ..ولو بس ضحكت !
وإذا بكت ..؟ حلوة بعد ،
^
المدينة : لو تشبّ النور سمرا
والشوارع / والمباني/ والوجيه
وانت وجهك ياخليّ البال قمرا
اييه اشوفه..بسّ ما اقدر اجيه!
.
^
عين فيها خيال وعين يا خاطر
وسطها اللي يرد الشاعر لـ بوحه
.
برقٍ يبشر الظميان بالماطر
و بنتٍ تحبب الرجال في روحه
.
^
و تغيب عني ماعرف كيف حالك
والخوف من يزداد هذا الجفا فرض
.
صوتك بعد طول الزعل واتصالك
صوت المطر على الشبابيك والأرض
^
وإن غاب صوتك بتبقى سيرتك حيّة
ماكنت عابر عشان تمرّ بي عابر
يا اجمل حديث الغياب ويا طوارّيه
ياكسري اللي عجزت ألقى له الجابر
^
كنت اشتكي منّي على وحدتي لين:
مرّت بـ صدفتها مثل .. ما يخالف !
في وجهها ؟؟ كلّ اللي تْحبّه العين
وفي صوتها ؟ ودّك تبوس السوالف !
^
ثواني الساعه معك عندي سنين
أتبعك بـ أشواقي ولو ما أتْبعك
حتى إذا ؟؟ قررتي أنك ترحلين
بـ أتعلق بـ كل ثانيه مرت معك !
^
جيبوه حالي .. بعد راعيه معطوبه
جيبوه .. ياللي بحالي خابرٍ إبها
يصير لي يوسفي .. واصير يعقوبه
يمكن تزين الحياة ~ بريح صاحبها
.
^
' طير الفرح ' يْطوف و يلبّي
حَرّر قفص في صدري المخنوق
ِ
فيني مشااعر حبّ .. يا ربّي
، ماا ينحرم منْها .. ولا مخلوق
^
ينتابني حزن..
وجفاف ..وصلافه
لآبان لي وجه آلغروب .. ومواريه
ماغير اردد ..لاذكرت بـ حسافه
م الله كتب قربه ولا غاب طاريه
^
لاسألتك : هو متى وقت اللقاء
كان ردك لي يجيب الله ( مطر )
والمطر مالي الشوارع وش بقى
مابقى لي غيير حظنك والعطر
^
وان ضاع عمري ف وجهك جعله يضيع
على الاقل ضاع في حاجه .. جميله :)
^
ما ابيك تهديني ولاني بمهديك
تكفي بهذا العيد .. حسن النوايا
كانك بظهر الغيب تدعي لغاليك
دعواتك اغلى من جميع الهدايا
^
لازلت في قلبي مثل مانت ساكن
ياما من عروقه رويت وتخيّرت
.
ناسك وأصاحيبك وحتى الأماكن
تغيّـــروا .. إلّا انا ما تغيّرت
^
ودنا يا ابو قحط بالجايزه .. لكنه :
تهزم زحول الملاقى نظرة الغرنوقه :)
.
جدّك آدم بايعٍ لعيون حوا .. جنه ،
سو مثله وش نسوي ؟ بارك لـ مرزوقه 💔
^
احبه حب لو اشيّب ما شيّب
ساكنً فالروح لين تروح روحي ..
^
ليلك طويل ومايجابه شمسي
والشمس ،من عينه تطالع فيها !؟
انا .. سكّت لحاجةٍ في نفسي
يوم الصراحة .. تعّبت راعيها .
.
^
لاتسأل " الليل هذا " يبتدي من متى ؟
الليل هذا طوييييييل و ظلّمته فاضحه
مو بس الاصوات تطلع واضحه فالشتا
حتى الاحاسيس تطلع فالشتا واضحه
^
مدري بداية شتا والا بداية جفا
بس الاكيد الاكيد الروح بردانه ..
وتمرني ذكرياتك ،، ماتمر بخفااا
تترك عيوني على البيبان زعلااانه
^
على آوتار الحنين ادوزن غيابك
يمْر العمْر واتهرّب من اسألته
حبيبي ، والدموع اللي من عتابك
خمر هذا القصيد اللي تناولته
.
^
شفت الغلا بين عشّاق الهوى كله
لو يجتمع مَ يساوي عشقك لحالك
محبتك فارقه عن كل / خلق الله
إرتاح يَ ( دنيتي ) لا ينشغل بالك
^
وحيدٌ بينَ تفكيري و بيني
وفي الأعماقِ جيشٌ من حنينِ
وتركضُ في شمالي خيلُ عشقٍ
وتشرقُ شمسُ حبٍّ من يميني
.
^
تعالي .. فثمّة ما لا يقال
فعند اللقاء الكلام : يموت
أحبّك .. حين يطول الجدال
وأهواك أكثر وقت السكوت
^
حذفت عمري وراي وجيت بـ إيديني
وماقدمت الا أنت والموت وخيالاتي
وياخوفي افقدك ! تكفى لاتخليني
يكفيني اللي فقدته من طموحاتي
^
كنت احب الصبح واجواء المدينه ،
واعشق العصفور لا غرد .. وبَكر
لين حارت فـ الصباحات السكينه
واصبحت تشرق على شان .. اتذكر