بردت الدنيا وغصن شابك غصن
والنهر معقولة ما يلتفت للعينها تلالي
معقولة اصبعك بعد ما يفكد هلالي
احمد عاشور
ياعلي اشكواك رب العالمين
وها كثر شايل محنه اعللمتن
ايطيح عش عصفور تتلكى دليل
وتكلب الدنيا حرامات وغصن
ضياء المياحي
يا حلاة البوس فوگ البوس
والدنيا مطيرة
يا مطر لفني بعباتك
وبلل ترابي تره ترابي عطش چم گيض شايل
ولمني نخلة
مزنة مزنة
مزنة حب ومزنة دهلة
ومزنة من مي الفرات تزخ نوارس فوگ دجلة
ومزنة من كاسك يبو النواس تضوي الليل كله
موفق محمد
ورث كون الرسالة الدازها وي الطير
حتى تعرف حصتك تفتح المكتوب
علي حاتم
من مشيته يبين المكسور گلبة
لا توادعني ببرودك
حسين فارس
واندار بيك الوكت
مطروح شفتك غطه
بس ولا واحد يمر
يتفگدك ليلة
جواك ميت گبل
وغطاك هذا الوكت
محد نوى يشيله
مصطفى سند
ها يدمعي شعطلك شو ما جريت
شنهي ما حسيت ما يردونه
بيش اذكرهم اذا حان العتاب
واحنه ما حاچين بس بعيونه
وچانو يفهمون عيني شما تگول
هسه نحلف يالله يصدگونه
محمد وجيه
رسم وجهه اعلى جفه وشاور الكاع
غمزها وغمزته وشبو بالعيون
دكتور عريان
يما تدري المطر حك للنهر مغصوب
غافل كل تعب ناعور للسنبل
ولا تدري الهوة صاير ابو للروج
يكودة من ايده وين يريد ما يسأل
احمد حمود
كبل جان الزعل لو يوصل البوب
يفز شباجنا يذكره بحجينا
حسين فارس
كانَ بِلال يجلسُ باسمًا
والحزنُ يَختارُ المؤذنَ أبكما
أحمد بخيت
ليش ابالكم انا مثل حبة رمل بالعين
ليش انا شمس بالعين
حسين حاتم
انچفيت ولام جفني تراب ودموع
مثل چفية المعتازين عالبوب
مصطفى سند
تذكر لمن صيحت
ثوبك امزگ فشل
بس گتلك التنمزگ
والبان بيها التعب
هاي الصدگ شيلة
مصطفى سند
چا هيج انا واصل مرحلة وياك
اتوسل بچفي اليقره بالمرسال
هوّد خل اشوف الكاتبه العافاك
منحور اليشوف الرجفة عني يگول
مو فرگاااك
مصطفى سند
مشكلتي العيون التبچي من الـ هااا
منظر بايگ وحالف
مصطفى سند
ارجعلي مو كلشي اختلف كلشي تغير عطرة
وحروف اسامينا بدت
تختفي من الشجرة
احمد عاشور
