ШАЙХ ҲАЗРАТЛАРИ !!!

14 Nov 2024 10:30

​​❗️Маҳзун бўлма!!!

☝️Хеч қачон маҳзун бўлма! Чунки қайғу сени ўтмишингдан безовта қилиб, келажакдан хавотирга солади, оқибатда бугунги кунингни йуқотасан.

☝️Ҳеч қачон маҳзун бўлма! Чунки қалб қайғу билан овора бўлиб, руҳинг сўниб, юзингнинг нури кетади. Орзу умидларинг йўқ бўлади.

❗️Эй мўмин банда, Маҳзун бўлма!!!

☝️Чунки қайғу душманингни ҳурсанд қилиб, дўстингни маҳзун қилади. Қайғу сабабли хақиқатларни кўролмай қоласан .

😊Маҳзун бўлма!

Чунки қайғу Қазои-Қадарга норозилик, неъматга эса нонкўрлик бўлади.

🙂Маҳзун бўлма!

Чунки қайғу, ғам йўқолган нарсани қайтармайди. Ўликларни тирилтириб, қадарни қайтармайди, фойда келтирмайди.

😊Маҳзун бўлма!

Чунки қайғу шайтондан. Қайғу - фақирлик ва умидсизликдир.

🙂Маҳзун бўлма!

Агар сен фақир бўлсaнг, умри қарзга ботиб кетган кишилар бор. Мингани уловинг йўқ бўлса, ойоғи шол бўлган одамлар бор.

😊Маҳзун бўлма!

Агар бир фарзандингдан айрилган бўлсанг, шундай инсонлар борки бутун оиласидан маҳрум бўлган.

🙂Маҳзун бўлма!

Агар гуноҳкор бўлсaнг тавба қил, ёмон иш қилган бўлсанг истиғфор айт. Хато қилган бўлсанг ислоҳ кил. Аллоҳни раҳмати кенг, тавба эшиклари очиқдир.

😊Маҳзун бўлма!

Агар ғамга ботсанг, асабларинг таранглашиб, вужудингни қийнаб, тунларни бедор қиласан.

🙂Маҳзун бўлма!

Чунки Қазои- Қадар қалами ишини битирган, варақлар қуриган, китоб ёпилган, бундан ошиқча ҳам, кам ҳам бўлмайди, маҳзун бўлма!

😊Маҳзун бўлма!

Қўлингдан кетган нарсага ғам чекма. Бири кетган бўлса, хали қўлингда сен англаб, англамаган Аллоҳнинг жуда кўп неъматлари бор.

🙂Маҳзун бўлма!

Ҳасадгўй, ботил аҳилларининг танқидларига парво қилма, чунки уларнинг сўзларига сабр қилишда сенга ажр мукофот бор. Сени танқид килишлари сени қадрингни белгилайди, ахир одамлар ўликка сўз отмайдиларку.

😊Маҳзун бўлма!

Касаллик албатта кетади, мусибатлар албатта кўтарилади, гуноҳлар кечирилади, қарзлар узилади, маҳбуслар озод
бўлади, ғоиблар (кетганлар) албатта қайтиб келади, осийлар тавба қилади ва албатта ёмонлар жазосини олади, маҳзун бўлма.

🙂Маҳзун бўлма!

Модомики одамларга яхшиликлар қилар экансан албатта мушкулаларинг хал бўлади, чунки бошқаларга яхшилик қилишлик инсонни ўзини мушкулларини ҳал булишига сабаб бўлади.

😊Маҳзун бўлма!

Чунки сенга қилган битта ҳасанотинг учун ўндан тортиб етти юзгача ажр берилади, балки ундан хам кўпроқ, ИншаАллоҳ. Лекин қилган гунохингачи - биттагина жазо берилади.

🙂Маҳзун бўлма!

Сенда энг катта неъмат бор, чунки сен Тавхид калимасини айтганлардансан. Аҳли қибласан, мусулмонсан, қўлингни дуога кўтарган кишилардансан, сен маҳзун бўлма.

✅ДЎСТЛАРИНГИЗГА ҲАМ УЛАШИНГ!!!

«🌙ШАЙХ МУҲАММАДСОДИҚ МУҲАММАД ЮСУФ ҲАЗРАТЛАРИ!!!» КАНАЛИГА ҚЎШИЛИНГ!»
➥ /channel/+xmD9M9DsEHQzMzZi

ШАЙХ ҲАЗРАТЛАРИ !!!

14 Nov 2024 07:00

​​ГУЛДЕК ОНАМ ҚАРИБ
ҚОЛИБДИ...

Юрдим ўзим тенгсиз, зўр билиб,
Кирсам давра ўрним тўр билиб.
Ёлгиз, пойда дуойим қилиб,
Шўрлик Онам қариб қолибди.

Нафсим орти кетибман йироқ,
Унутибман согинч, не фироқ.
Хонасидан ўчирмай чироқ,
Шўрлик Онам қариб қолибди.

Бажармайин фарзандлик фарзин,
Тингламабман чин, ҳақли арзин.
Бир сўрамай қирқ йилда қарзин.
Шўрлик Онам қариб қолибди.

Бошим эгиб не бир санамга,
Ўйламабман бир бор танамга.
Оҳ, юрагим лим-лим аламга,
Шўрлик Онам қариб қолибди.

Кимлар билан бўлдим ош-қатиқ,
Кимга юмшоқ, кимгадир қаттиқ.
Мени кўриб дунёдан ортиқ,
Шўрлик Онам қариб қолибди.

Ёрим дедим, суйдим эркалаб,
Пайдо этдим не қилса талаб.
Суратимни суйиб, босиб лаб,
Шўрлик Онам қариб қолибди.

Ортмадимми рўзғор камидан?
Ё боламнинг тўккан намидан?
Оғиз очмай борсам ғамидан,
Шўрлик Онам қариб қолибди.

Борми менда виждон, иймон, ор,
Йўқламабман, берибман озор.
Оҳ, Отамдан қолган бир ёдгор,
Шўрлик Онам қариб қолибди.

Бугун ўзим ўзимга малол,
Кўксим ўяр минг битта савол.
Ок сочларин яшириб рўмол,
Шўрлик Онам қариб қолибди.

Мен бир ибрат мендайлар учун,
Мени кўкка тенгларлар учун.
Оҳ, аввалроқ сезмадим нечун,
Шўрлик Онам қариб қолибди.

Юрдим ўзим Ғулом, зўр билиб,
Шоир ўрни ҳар дам тўр билиб.
Мен беўйнинг дуосин қилиб.
Гулдек Онам қариб қолибди.

✅ДЎСТЛАРИНГИЗГА ҲАМ УЛАШИНГ!!!

«🌙ШАЙХ МУҲАММАДСОДИҚ МУҲАММАД ЮСУФ ҲАЗРАТЛАРИ!!!» КАНАЛИГА ҚЎШИЛИНГ!»
➥ /channel/+xmD9M9DsEHQzMzZi

ШАЙХ ҲАЗРАТЛАРИ !!!

14 Nov 2024 05:00

ИСТИҒФОРНИ КЎП АЙТИНГ!

Абул Фараж Ғойс ибн Али айтади: "Қори Абул Ҳасан Оқулийни тушимда кўрдим. У жуда яхши ҳолатда эди.
— Аҳволингиз қандай? — деб сўрадим,
— Аҳволим яхши, — деди. Мен ундан сўрадим:
— Сиз вафот этмаганмидингиз?
— Вафот этгандим.
— Ўлим қанақа экан?
— Яхши — деди у хурсанд бўлиб.
— Гуноҳингиз кечирилиб жаннатга кирдингизми?
— Ҳа.
— Қайси амал манфаатлироқ экан?
— Ҳеч нарсанинг манфаати истиғфорчалик эмас экан. Истиғфорни кўп айтинглар.

☝️ДЎСТЛАРИНГИЗГА ҲАМ ТАРҚАТИНГ!

Фотиҳа сурасини ўқиётганда "ғойрил мағдувби" деган жойини "ғойрил мағзувби" деб ўқиса намози бузиладими? 👉ЖАВОБ:
👉 /channel/Shayx_Hazrat/37277

ШАЙХ ҲАЗРАТЛАРИ !!!

14 Nov 2024 04:18

​​ИЧКИЛИККА БЕРИЛГАН ОТАГА ҚАНДАЙ МУНОСАБАТДА БЎЛИШ КЕРАК?
#одоб-ахлоқ

@Shayx_Hazrat CАВОЛ:

Менинг отам ичкиликка берилган. Гоҳида ўз бувимни яъни ойисини сўккан ҳолларини ҳам кўрдим. Мен ва бувим намоз ўқиймиз. Шунда ҳам дадам тўғри йўлга кирмайди. Қандай маслаҳат берасиз. Ичкиликка бўлган нафрат ота-онани ҳурмат қилишдан тўсса нима қилиш даркор? Жавоб учун раҳмат.

ЖАВОБ:

Бисмиллаҳир Роҳманир Роҳим. Аллоҳ таоло отангизни бундай иллатдан халос этсин. Бундай вазиятда Сиз намозларингизда у кишининг ҳақларига дуо қилиб, Аллоҳ таолодан қалбларига ҳидоят нурини солишини сўрашингиз лозим. Ота-онаси ким бўлишидан қатъий назар уларга озор бериш улкан гуноҳ бўлиб, бу ишни қилган киши ота-онага оқ бўлиши эҳтимоли катта. Исломий манбаларда раҳмат фаришталари бут ва санамлар бор уйларга, ота-онасига оқ бўлган кимсалар бор жойга ва ҳеч меҳмон келмайдиган хонадонларга кирмасликлари ҳақида маълумотлар берилган.

Расулуллоҳ саллаллоҳу алайҳи васаллам шундай деганлар:

"لعن الله من لعن والديه..." (رواه الامام مسلم عن علي بن أبي طالب رضي الله عنه)

"Она-отасини лаънатлаган(азият берган)ни Аллоҳ таоло лаънатлайди..." (Имом Муслим ривоятлари).

“Лаънат” сўзининг луғавий маъноси нафратланиш, дуоибад қилиш, совиш, безиш каби маъноларида келади. Исломий истилоҳда эса Аллоҳнинг раҳматидан маҳрум қилиш маъносида ишлатилади.

Аллоҳ таоло лаънатлаган кимсани фаришталар ҳам лаънатлайдилар. Ҳадисга эътибор берилса, ота-она томонидан азият берган фарзанди ҳақига ҳеч қандай муносабат, яъни дуоибад, қарғиш каби ҳаракатлар содир этилмаса ҳам Аллоҳ таоло бундай инсонни ота-онаси кўнглини оғритгани учун лаънатлаши маълум қилинмоқда.

Аллоҳнинг раҳматидан маҳрум бўлганнинг ёнига малоикалар ҳам бормайдилар. Инсон учун бундан ортиқ хўрлик бўлмайди, Аллоҳнинг ўзи асрасин.

Исломий одоб китобларимизда ҳатто кофир бўлган ота-онага хизмат қилиш, нафақаларини бериш, зиёратларига бориб кўнгилларини хушнуд қилиб туришга ҳам буюрилади. Шариатга зид бўлмаган ҳар қандай буйруқларини бажариш жоизлиги кўрсатиб ўтилган. Фақат куфрга олиб борувчи вазифаларни буюрадиган бўлсаларгина зиёратларига бормасликка буюрилган.

Шунинг учун ҳам ота-онани йиғлатмасдан, уларга исён қилиш ўрнига уларни хурсанд қиладиган амалларни бажариб, дуои хайрларини олишга ғайрат қилиш керак. Бу борада Пайғамбаримиз саллаллоҳу алайҳи васаллам учта инсоннинг дуолари қабул қилинишини маълум қилиб, уларнинг орасида “Ота-онанинг фарзанд ҳақига қилган дуоси”ни ҳам зикр қилганлар.

Демак, Сиз ҳам юқоридаги маълумотларни ўз ҳаётингизга татбиқ қилган ҳолда, оила аъзоларингиз жумладан, отангизга ҳам етказишингиз керак бўлади. Отангиз томонидан ногаҳон зарар кўрган тақдирингизда ҳам у кишига қўполлик қилмасдан, ҳақларига ёмон дуо эмас балки, яхши дуо қилишингиз лозимдир. Валлоҳу аълам.

Ўзбекистон мусулмонлари идораси
Фатво ҳайъати.

⚡️ДЎСТЛАРИНГИЗГА ҲАМ ТАРҚАТИНГ!!!

Баъзида таҳоратим бор-йўқлигида шубҳа қилиб қоламан, шу пайтда қандай йўл тутиш керак? 👉ЖАВОБ:
👉 /channel/Shayx_Hazrat/37616

ШАЙХ ҲАЗРАТЛАРИ !!!

13 Nov 2024 20:14

Таҳажжуд нима дегани?

— Таҳажжуд... инсон ширин уйқудан уйғониб, Аллоҳга чинакам таслимиятни ҳис этиш демакдир... Роббингнинг Севгисига бурканмоқ учун ғафлатни тарк этмоқдир таҳажжуд.

Фарз намоз билан таҳажжуднинг орасида қандай фарқ борлигини биласизми?

– Фарз намозга инсон (азон айтиб) чақиради
Таҳажжудга эса Робби чақиради.

– Фарз намознинг азонини ҳамма эшитади. Таҳажжудга чақириқни эса баъзилар эшитади, холос.
– Фарз намозни кўпчилик ўқийди.
Таҳажжудни хослар ўқийди.

– Фарз намозга «Намозга келинглар!» деб чақирилади. Таҳажжудга эса «Сўровчи борми, сўраганингни бераман» деб чақирилади.

Тун жуда қисқа. Сен уни уйқунг билан янаям қисқартириб юборма. Ярим тунда ўқилган икки ракат намоз дунё ва ундаги ҳамма нарсадан яхшироқ.

⚡️ДЎСТЛАРИНГИЗГА ҲАМ ТАРҚАТИНГ!!!

Баъзида таҳоратим бор-йўқлигида шубҳа қилиб қоламан, шу пайтда қандай йўл тутиш керак? 👉ЖАВОБ:
👉 /channel/Shayx_Hazrat/37616

ШАЙХ ҲАЗРАТЛАРИ !!!

13 Nov 2024 17:00

Ҳамма гуноҳларнинг асоси учтадир.

1. Кибр. Иблиснинг бошига тушган кўргиликлар шундан бўлган.

2. Ҳирс. Одам алайҳиссаломни жаннатдан шу чиқарган.

3. Ҳасад. Одам алайҳиссаломнинг бир фарзанди инисини ўлдиришига етаклаган иллат мана шудир.

Ким мана шулардан сақланса, ёмонликнинг ҳаммасидан сақланибди. Куфр кибрдан, гуноҳ ҳирсдан, жабр ва зулм эса ҳасаддандир.

Тафаккур қилинг!

✅ЯҚИНЛАРИНГИЗГА ҲАМ УЛАШИНГ!!!

Баъзилар эр-хотин ётоқхонасида намоз ўқиб ва Қуръон тиловат қилиб бўлмайди, дейишади. Шу ҳақда жавоб берсангиз?

ЖАВОБ:👇👇
/channel/Shayx_Hazrat/36334

ШАЙХ ҲАЗРАТЛАРИ !!!

13 Nov 2024 15:00

​​Гуноҳларни кетказувчи 8 зикр

Бисмиллаҳир Роҳманир Роҳийм

1. Расулуллоҳ соллаллоҳу алайҳи васаллам: «Ким таомини еб бўлгач:

الحمدُ للهِ الذي أطعَمَني هذا الطَّعامَ ورَزَقَنيه من غيرِ حولٍ مِنِّي ولا قوةٍ

“Алҳамду лиллаҳиллазий атъаманий ҳазат тоъама ва розақонийҳи мин ғойри ҳавлин минний ва лаа қувватин” деб айтса, унинг аввалги гуноҳлари мағфират қилинади», дедилар (Имом Термизий, Имом Абу Довуд, Имом Ибн Можа ривояти).

Маъноси: “Бу таомни менинг куч-қувватимсиз менга таомлантириб, у ила мени ризқлантирган Аллоҳга ҳамд бўлсин.

2. Расулуллоҳ соллаллоҳу алайҳи васаллам айтадилар: “Ким янги кийим кийганда

الحمدُ للهِ الَّذي كساني هذا ورزقنيه من غيرِ حوْلٍ منِّي ولا قوَّةٍ

“Алҳамду лиллаҳиллазий касаний ҳазас савба ва розақонийҳи мин ғойри ҳавлин минний ва лаа қувватин” деса Аллоҳ унинг олдинги гуноҳларини кечиради” (Имом Термизий, Имом Абу Довуд, Имом Ибн Можа ривояти).

Маъноси: Ўзгартирмасдан, қувватимни кетказмасдан менга ризқ берган ва мени кийинтирган Аллоҳга ҳамд бўлсин.

3. Расулуллоҳ соллаллоҳу алайҳи васаллам: “Кимки азонни эшитганида:

أَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيكَ لَهُ وَ أَشْهَدُ أَنَّ مُحَمَّدًا عَبْدُهُ وَ رَسُولُهُ رَضِيتُ بِاللهِ رَبًّا وَ بِالْإِسْلَامِ دِينًا وَ بِمُحَمَّدٍ صَلَّى اللهُ عَلَيْهِ وَ سَلَّمَ رَسُولًا

“Ашҳаду аллаа илаҳа иллаллоҳу ваҳдаҳу лаа шарика лаҳу ва ашҳаду анна Муҳаммадан абдуҳу ва Расулуҳу. Розийту биллаҳи Роббан ва бил Ислами дийнан ва би Муҳаммадин соллаллоҳу алайҳи васаллама Расулан” деса гуноҳлари кечирилади”, дедилар (Имом Термизий ривояти).

Маъноси: Аллоҳдан ўзга илоҳ йўқлигига гувоҳлик бераман. У якка-ю ягонадир, унинг шериги йўқдир. Муҳаммад алайҳиссалом Унинг бандаси ва расули эканига ҳам гувоҳлик бераман. Аллоҳни Роббим, Исломни эса диним, Муҳаммад соллаллоҳу алайҳи васалламни расул деб рози бўлдим.

4. Расулуллоҳ соллаллоҳу алайҳи васаллам: «Ким ҳар намоздан кейин ўттиз уч марта Аллоҳга тасбеҳ айтса, ўттиз уч марта Аллоҳга ҳамд айтса, ўттиз уч марта “Аллоҳу акбар”, деса ҳаммаси тўқсон тўққиз бўлади, юзтанинг тамом бўлишига:

لا إلهَ إلاَّ اللَّه وحْدهُ لاَ شَرِيكَ لهُ لَهُ المُلْكُ ولَهُ الحمْدُ وَهُو عَلَى كُلِّ شَيءٍ قَدِيرٌ

“Лаа илааҳа иллаллоҳу ваҳдаҳу лаа шарийка лаҳу, лаҳул мулку ва лаҳул ҳамду ва ҳува ъалаа кулли шайин қодийр”ни айтса, унинг гуноҳлари денгиз кўпиклари каби бўлса ҳам, мағфират қилинади», дедилар (Имом Муслим ривояти).

5. Расулуллоҳ соллаллоҳу алайҳи васаллам: “Кимки ўрнига ётаётганида:

لا إله إلا اللهُ وحده لا شريك له له الملكُ وله الحمدُ وهو على كلِّ شيءٍ قديرٌ لاحولَ ولا قوةَ إلا بالله العليِّ العظيمِ سبحان اللهِ والحمدُ لله ولا إله إلا اللهُ واللهُ أكبرُ

“Лаа илаҳа иллаллоҳу ваҳдаҳу лаа шарийка лаҳу, лаҳул мулку ва лаҳул ҳамду ва ҳува ъалаа кулли шайин қодийр. Лаа ҳавла ва лаа қуввата илла биллаҳил ъалиййил ъазийм. Субҳаналлоҳи валҳамдулиллаҳи ва лаа илаҳа иллаллоҳу валлоҳу акбар” деса гуноҳлари денгиз кўпиклари каби бўлса ҳам кечирилади”, дедилар (Ибн Ҳиббон ривояти).

6. Расулуллоҳ соллаллоҳу алайҳи васаллам: «Ер юзида кимда-ким:

لا إلهَ إلَّا اللهُ واللهُ أكبرُ ولا حولَ ولا قوَّةَ إلَّا باللهِ

“Лаа илаҳа иллаллоҳу валлоҳу акбар ва лаа ҳавла ва лаа қуввата илла биллаҳ” дер экан, унинг барча гуноҳларига каффорат бўлади, гарчи гуноҳлари денгиз кўпигидек кўп бўлса ҳам», дедилар (Имом Термизий ривояти).

7. Расулуллоҳ соллаллоҳу алайҳи васаллам: «Ким бир кунда юз марта “Субҳаналлоҳи ва биҳамдиҳи” деса унинг хатолари ҳатто денгиз кўпикларича бўлса ҳам ўчирилади», дедилар (Имом Бухорий, Имом Муслим, Имом Термизий ривояти).

8. Расулуллоҳ соллаллоҳу алайҳи васаллам: «Кимки:

أسْتَغْفِرُ اللهَ العَظِيمَ الَّذِي لاَ إلَهَ إلاَّ هُوَ الحَيُّ القَيُّومُ وَأتُوبُ إلَيهِ

“Астағфируллоҳал ъазиймиллазий лаа илаҳа илла ҳувал ҳаййул қоййуму ва атуби илайҳ” деса урушдан қочган бўлса ҳам гуноҳлари кечирилади», дедилар (Имом Термизий ривояти).

☝️ДЎСТЛАРИНГИЗГА ҲАМ ТАРҚАТИНГ!

Фотиҳа сурасини ўқиётганда "ғойрил мағдувби" деган жойини "ғойрил мағзувби" деб ўқиса намози бузиладими? 👉ЖАВОБ:
👉 /channel/Shayx_Hazrat/37277

ШАЙХ ҲАЗРАТЛАРИ !!!

13 Nov 2024 13:00

Ёш қиз ҳакимдан сўради:

- Муҳаббат ҳақиқати нима дегани?
Ҳаким деди:
- Боққа киргин. Менга энг чиройли гулни келтиргин...
Қиз гулзорга кирди. Лекин қуруқ қўл билан қайтди.
Дедики:
- Энг чиройли гулни топдим... лекин, ундан ҳам чиройлироғини қидириб, кетдим. Аммо ундан гўзалроғини тополмагач, ўша гулнинг ёнига қайтдим. Лекин у йўқ эди...
Ҳаким деди:
- Шу нарса муҳаббатнинг ҳақиқатидир. Қўлларингда бўлганида қадрламайсан. Йўқотганингда қийматини биласан.

Ўз қўлларингизда бўлган неъмат: меҳр - муҳаббатни йўқолиб, сўнг қадри билинишини кутманг! Борида шукур қилинг, зеро шукур сиздаги инъомларнинг зиёда бўлишига сабаб бўлади.

☝️ДЎСТЛАРИНГИЗГА ҲАМ ТАРҚАТИНГ!

Фотиҳа сурасини ўқиётганда "ғойрил мағдувби" деган жойини "ғойрил мағзувби" деб ўқиса намози бузиладими? 👉ЖАВОБ:
👉 /channel/Shayx_Hazrat/37277

ШАЙХ ҲАЗРАТЛАРИ !!!

13 Nov 2024 11:00

БИР КУНЛИК ҲАЁТИМИЗНИНГ ЗАКОТИ!

Бомдод – 4 ракъат.
Пешин – 10 ракъат.
Аср – 4 ракъат.
Шом – 5 ракъат.
Хуфтон – 9 ракъат.
Жами: 32 ракъат.
Намозни уйда ўқисангиз, ҳар ракъатига камида бир дақиқа вақт кетади, демак 32 дақиқа.

- Азон ва такбирларга жами 5 дақиқа кетса, 37 дақиқа бўлади.

- Бир кун (кеча-кундуз)да 1440 дақиқа бўлса, шундан 37 дақиқаси 2,5% ни ташкил этар экан.

Бир кунлик ҳаётимизнинг закоти!!!

☝️ДЎСТЛАРИНГИЗГА ҲАМ ТАРҚАТИНГ!

Фотиҳа сурасини ўқиётганда "ғойрил мағдувби" деган жойини "ғойрил мағзувби" деб ўқиса намози бузиладими? 👉ЖАВОБ:
👉 /channel/Shayx_Hazrat/37277

ШАЙХ ҲАЗРАТЛАРИ !!!

13 Nov 2024 10:35

✅Ноябрь ойи янги рейслар

2️⃣🔤➖2️⃣6️⃣➖2️⃣8️⃣ ноябрь

✈️Парвозлар Тошкентдан амалга оширилади ✅

✈️Тошкент-Жидда-Тошкент
🇺🇿🇺🇿🇺🇿🇺🇿

✅Жойлар сони саноқли

👤Малакали жамоамиз билан биргаликда Жидда, Мадина ва Макка шаҳарларининг тарихий манзилларига ташриф буюрасиз.

ШАЙХ ҲАЗРАТЛАРИ !!!

13 Nov 2024 07:00

Хазрати Умар розияллоҳу анҳу бундай дуо қилардилар:

"Аллоҳим менга дунё неъматларини озайтирма тирикчилик ғамида бӯлиб сени унутиб қўймай.

Аллоҳим менга дунё неъматларини кўпайтирма токи туғёнга кетиб қолмай!".

☝️ДЎСТЛАРИНГИЗГА ҲАМ ТАРҚАТИНГ!

Фотиҳа сурасини ўқиётганда "ғойрил мағдувби" деган жойини "ғойрил мағзувби" деб ўқиса намози бузиладими? 👉ЖАВОБ:
👉 /channel/Shayx_Hazrat/37277

ШАЙХ ҲАЗРАТЛАРИ !!!

13 Nov 2024 04:43

​​ЭР-ХОТИН БИР-БИРИНИ ЖИНСИЙ АЪЗОСИНИ УШЛАШИ МУМКИНМИ?
#ҳалол-ҳаром

@Shayx_Hazrat CАВОЛ:

Уятли бўлса ҳам ёздим. Эр-хотин бир-бирини жинсий аъзосини ушлаши мумкинми?

ЖАВОБ:

Бисмиллаҳир Роҳманир Роҳим. Ҳар бир ишнинг шаръий ҳукмини сўраб ўрганиш зиммамиздаги вожиблардан ҳисобланади. Сиз орқали бошқа мусулмонлар ҳам мазкур ишнинг ҳукмини билиб олишлари, сиз учун ҳам, бошқалар учун ҳам манфаатлидир.

Уламолар таъкидлашича аслида эри-хотинлар бир-бирларидан тўлақонли фойдаланиши мубоҳдир. Жоиз бўлмаган жиҳатларни шаръий насс (далил) баён қилганлари бундан мустасно бўлади. Масалан: аёлнинг орқа авратига жинсий алоқа қилиш, ҳайз ва нифос ҳолатида жинсий яқинлик қилиш мумкин эмаслиги шулар жумласидандир. Яъни булар шаръий далиллар билан тақиқланган, ҳаром ишлардир. Аммо эр-хотинлар бир-бирларининг жинсий аъзоларини ушлаши қуйидаги далиллар билан жоиздир:

Асл қоидага кўра мазкур иш умумий мубоҳ қоидаси остига киради. Уни тақиқловчи далил йўқ. Фойдаланишнинг энг юқори кўриниши бўлган жинсий яқинлик жоиз бўлгандан кейин, аъзоларни ушлаш (силаш) ўз-ўзидан жоизлиги маълум бўлади. Аллоҳ таоло Қуръони каримда:

"نِسَاؤُكُمْ حَرْثٌ لَكُمْ فَأْتُوا حَرْثَكُمْ أَنَّى شِئْتُمْ" البقرة : 223

яъни: “Хотинларингиз сизлар учун зироатгоҳдир. Бас, зироатгоҳингизга хоҳлаган жиҳатингиздан келаверингиз…” – деб марҳамат қилган (Бақара сураси 223-оят).

Аллома Ибн Обидин раҳимаҳуллоҳ шундай дейдилар:

"سَأل أبو يوسف أبا حنيفة عن الرجل يمس فرج امرأته وهي تمس فرجه ليتحرك عليها هل ترى بذلك بأساً؟ قال: لا, وأرجو أن يعظم الأجر".

Яъни: “Имом Абу Юсуф Имом Абу Ҳанифа раҳимаҳуллоҳдан: “Эр аёлининг жинсий аъзосини ва аёл эрининг жинсий аъзосини шаҳвати қўзғаши учун ушлашида бирор гуноҳ борми?” – деб сўрадилар. Имом Абу Ҳанифа раҳимаҳуллоҳ: “Йўқ! Ажри кўпроқ бўлади, деб умид қиламан”, – деб жавоб бердилар" (“Раддул-Муҳтор” китоби). Валлоҳу аълам.

Ўзбекистон мусулмонлари идораси
Фатво ҳайъати.

✅ДЎСТЛАРИНГИЗГА ҲАМ УЛАШИНГ!!!

«🌙ШАЙХ МУҲАММАДСОДИҚ МУҲАММАД ЮСУФ ҲАЗРАТЛАРИ!!!» КАНАЛИГА ҚЎШИЛИНГ!»
➥ /channel/+xmD9M9DsEHQzMzZi

ШАЙХ ҲАЗРАТЛАРИ !!!

12 Nov 2024 12:54

ОДАМЛАРНИНГ ЭНГ ЁМОНИ КИМ

Ҳасанхон Яҳё Абдулмажид

✅ДЎСТЛАРИНГИЗГА ҲАМ УЛАШИНГ!!!

«🌙ШАЙХ МУҲАММАДСОДИҚ МУҲАММАД ЮСУФ ҲАЗРАТЛАРИ!!!» КАНАЛИГА ҚЎШИЛИНГ!»
➥ /channel/+xmD9M9DsEHQzMzZi

ШАЙХ ҲАЗРАТЛАРИ !!!

12 Nov 2024 08:18

​​ЖАННАТГА КИРИШ ТАҚДИРГА ЁЗИЛГАН БЎЛАДИМИ?
#ақида

@Shayx_Hazrat CАВОЛ:

Жаннатга Аллоҳ таоло хоҳлаган бандасини киритишини баён этган. Жаннатга кириш ҳам тақдири азалда ёзилганми?

ЖАВОБ:

Бисмиллаҳир Роҳманир Роҳим. Албатта ҳар бир иш тақдирда битилгандир. Абдуллоҳ ибн Амр разияллоҳу анҳудан ривоят қилинган ҳадисда пайғамбаримиз алайҳиссалом:

كُلُّ شَيْءٍ بِقَدَرٍ حَتَّى الْعَجْزُ وَالْكَيْسُ (رواه الامام مسلم عن عبد الله بن عمرو رضي الله عنهما)

Яъни: “Ҳар бир нарса қадар биландир. Ҳатто ожизлик ва уддабуронлик ҳам”, – деганлар (Имом Муслим ривоятлари).

Шу жумладан жаннатга тушадиганлар ва дўзахга тушадиганлар ҳам Аллоҳ таолонинг тақдирида маълумдир.

Бу ўринда энг асосий нарса тақдир тушунчасини тўғри англашдир. Шунда бизга мавҳум ёки муаммоли бўлиб қолган барча нарсалар ўз ечимини топади. Кўпчилик инсонлар “Тақдир” сўзининг маъносини янглиш тушинадилар.

Аллома Хаттобий раҳимаҳуллоҳ айтадилар: "Кўпчилик инсонлар қазо ва қадарнинг маъносини Аллоҳ таоло бандаларини ўзи олдиндан тақдир қилиб битган ва ҳукм қилган нарсага мувофиқ яшашга мажбурлашидир деб тушинадилар. Лекин қазо ва қадарнинг маъноси улар ўйлагандек эмас. Балки тақдир дегани Аллоҳ таолонинг бандалар эндиликда қиладиган касбларини олдиндан билиши ва ана шу касблар Аллоҳ таолонинг ўлчови остида амалга ошмоқлигидир".

Ибн Ҳажар ал-Ҳайсамий қазо ва қадарга қуйидагича таъриф берганлар:

و القضاء علم الله أولاً بالأشياء على ما هي عليه ، و القدر إيجاده إياه على ما يطابق العلم

яъни: “Қазо бу Аллоҳнинг барча нарсаларни эндиликда қандай бўлишини аввалдан билмоқлигидир. Қадар эса ана шу билган нарсаларини мазкур илмига мувофиқ пайдо қилишидир”.

Муҳаммад Саъид Рамазон Бутий ўзларининг “Куброл яқинийат ал-кавния” китобларида: “Қазо бу Аллоҳ таолонинг барча нарсаларни келажакда қандай бўлишини билишидир. Қадар эса – Аллоҳ таоло мазкур нарсаларни амалда (воқеъда) ўзининг азалий илмига мувофиқ пайдо қилишидир”, – деб таърифлаганлар.

Мазкур таърифлардан хулоса қилиш мумкинки, Аллоҳ таоло тақдир орқали ҳеч бир инсонга босим, мажбурият юкламайди. Шунинг учун банда Аллоҳ таолонинг раҳматидан умид қилиб, азобидан қўрқиб, динимизда буюрилган солиҳ амалларни қилиши, қайтарилган ишлардан буткул четланиши зарур. Тақдир бу Аллоҳ таолонинг азалий илмидан иборат нарсадир. Яъни бандаларнинг нима қилишларини Аллоҳ таоло олдиндан билади ва шу сабабли улардан қайсилари жаннатга лойиқ ва қайсилари дўзахга лойиқ эканини ҳам билади. Аллоҳнинг илмида кимлар жаннатий ва кимлар дўзахий экани маълум. Тавфиқ Аллоҳдандир.

Ўзбекистон мусулмонлари идораси
Фатво ҳайъати.

✅ДЎСТЛАРИНГИЗГА ҲАМ УЛАШИНГ!!!

«🌙ШАЙХ МУҲАММАДСОДИҚ МУҲАММАД ЮСУФ ҲАЗРАТЛАРИ!!!» КАНАЛИГА ҚЎШИЛИНГ!»
➥ /channel/+xmD9M9DsEHQzMzZi

ШАЙХ ҲАЗРАТЛАРИ !!!

12 Nov 2024 03:01

​​3 ДАҚИҚАДА 100 ТА ҲАЖНИНГ САВОБИ

Эрталаб ва кечқурун бир ярим дақиқа давомида сиз "Субҳаналлоҳ"ни 100 марта, "Алҳамдулиллаҳ", "Ла илаҳа иллаллоҳ" ва "Аллоҳу акбар" ни юз марта айтиб улкан ажрларни қўлга киритишингиз мумкин.

Далил:
Расулуллоҳ соллаллоҳу алайҳи васаллам айтдилар: “Ким тонгда юз марта ва кеч кирганда юз марта тасбеҳ айтса ("Субҳаналлоҳ", деса) юз марта ҳаж қилгандек бўлади. Ким тонгда юз марта ва кеч кирганда юз марта таҳмид айтса ("Алҳамдулиллаҳ", деса) Аллоҳ йўлида юзта отлиқни жиҳозлагандек бўлади. Ким тонгда юз марта ва кеч кирганда юз марта таҳлил айтса ("Ла илаҳа иллаллоҳ", деса) Исмоил зурриётидан юзта  қулни озод қилгандек бўлади. Ўша куни у келтирганидан кўпроқ нарсани ҳеч ким қила олмайди. Фақат биров у каби (зикрни) айтса ёки унга зиёда қилса, мустасно" (Имом Термизий ривояти).

Куйидаги жадвалда бу улуғ зикрларни муҳофаза қилувчилар қандай мукофотга нойил бўлишини тасаввур қилиш имконига эга бўласиз: Бир кунда 100 марта ҳажнинг савоби (3 дақиқада 100 марта) Бир ойда 100х30=3 000
Бир йилда 3 000x12=36 000
Йигирма йилда 36 000х20=720 000
Ушбу улкан савобга эришишни ким хоҳлайди?! Бунда Аллоҳ таоло кенг раҳмати денгизини биз томон юбормаганми? Бу Аллоҳ таоло лутфу карамининг нақадар улуғлиги, бандаларига нақадар кўп фазл-марҳамат қилишига далилдир. Бизнинг тонгда ва кечда 100 марта “Субҳаналлоҳ" деган сўзимиз учун 100 та  ҳаж савоби ваъда  қилинмоқда. 100 та ҳаж қилиш осон эмас. Бир умр ҳажга боришга қодир бўлмаган камбағаллар учун Аллоҳ таоло Ўз элчиси тилидан ушбу калималарни ўргатиб қўйди. Аллоҳ таоло яхши амалларни ихлос билан бажаришга тавфиқ берсин.

«Фазилатли амаллар» китобидан.

⚡️ДЎСТЛАРИНГИЗГА ҲАМ ТАРҚАТИНГ!!!

Баъзида таҳоратим бор-йўқлигида шубҳа қилиб қоламан, шу пайтда қандай йўл тутиш керак? 👉ЖАВОБ:
👉 /channel/Shayx_Hazrat/37616

ШАЙХ ҲАЗРАТЛАРИ !!!

14 Nov 2024 09:00

НЕГА НАМОЗ ХАҚИДАГИ САВОЛЛАР ТУГАМАЙДИ?

Ҳасанхон Яҳё Абдулмажид

✅ДЎСТЛАРИНГИЗГА ҲАМ УЛАШИНГ!!!

«🌙ШАЙХ МУҲАММАДСОДИҚ МУҲАММАД ЮСУФ ҲАЗРАТЛАРИ!!!» КАНАЛИГА ҚЎШИЛИНГ!»
➥ /channel/+xmD9M9DsEHQzMzZi

ШАЙХ ҲАЗРАТЛАРИ !!!

14 Nov 2024 06:00

ЯХШИ СЎЗ ҲАМ САДАҚАДИР

Шайх Нуриддин Холиқназар ҳазратлари

✅ДЎСТЛАРИНГИЗГА ҲАМ УЛАШИНГ!!!

«🌙ШАЙХ МУҲАММАДСОДИҚ МУҲАММАД ЮСУФ ҲАЗРАТЛАРИ!!!» КАНАЛИГА ҚЎШИЛИНГ!»
➥ /channel/+xmD9M9DsEHQzMzZi

ШАЙХ ҲАЗРАТЛАРИ !!!

14 Nov 2024 04:58

Жаннатда ўзингиз учун уй барпо этинг! 🌱

Ким дунёда Аллоҳнинг уйини қурилишида заррача хисса қушса Аллоҳ таоло у учун Жаннатда қаср қуриб беради.

Саидобод жоме масжидининг Қурилишига имкон даражангизча
ўз хиссангизни қўшинг савобидан бебахра қолманг.

Манзил: Фарғона вилояти Бағдод тумани Самарқанд қишлоғи
Саидобод жоме масжиди.

Эҳсон учун пластик картаси
👇
AGROBANK
HUMO: 9860030362066679
👇
HAMKORBANK
HUMO: 9860160124399694
👇
AGROBANK
UZ CART: 8600045170471249
👇
Азизхон Мyсахонов номида.
👇
+998916847594
👇
@AZIZXON_MUSAXONOV

Масжид бош имом хатиби
Қосимов Муроджон домла.
👇
+998917422573

@SAIDOBOD_UZ

ШАЙХ ҲАЗРАТЛАРИ !!!

14 Nov 2024 00:00

✨💐Ассалому алайкум яна бир ёруғ кунга омонликда етган бахтлилар!

✨💐Пайшанба тонгги хайрли бўлсин!
Кунингиз аъло кайфият билан, хуш дамларга, гўзал лаҳзаларга бой тарзда ўтсин.

✨💐Дилингиздаги чиройли ниятларингизга Аллоҳим ўзи етказсин.

✨💐Бошланаётган кунингиз хуш кайфият билан бошлансин!
Бугунги кунингиз мароқли ўтсин!

🍃⛅️Хайрли кун!⛅️🍃

☝️ДЎСТЛАРИНГИЗГА ҲАМ ТАРҚАТИНГ!

Фотиҳа сурасини ўқиётганда "ғойрил мағдувби" деган жойини "ғойрил мағзувби" деб ўқиса намози бузиладими? 👉ЖАВОБ:
👉 /channel/Shayx_Hazrat/37277

ШАЙХ ҲАЗРАТЛАРИ !!!

13 Nov 2024 18:00

​​​​ ☝️Қалбинг сокин топган саждадан то руҳинг тўйингунича бошингни кўтарма! Қалбингдаги энг яширин сирларни жойнамозингга тўкиб сол. Агар сен кимга ибодат қилаётганингни билганингда эди, саждада бўйин эгилган ҳолда қолишга муштоқ бўлар эдинг. Сен саждадалик пайтингда гўёки одамлар наздида пастлаган бўлиб кўринасан, аслида юқорига кўтарилаётган бўласан.
🤲Аллоҳим! Жисмим ҳам, қалбим ҳам мужассам бўлган сажда ато қил! Чунки агар қалб сажда қилса, Аллоҳга яқинлашиб, юксалади ва лаззатга айланади. Шундай экан, сажда қилиб Аллоҳга яқинлаш!

☝️Бир куни хонамда туриб, ўзимга ўзим: «Ҳаётдаги муваффақият нима?» деб сўрадим. Қарангки,жавоб ўша хонанинг ўзидан топила қолди:
Шифт: «Юқорига интилиш», деди.
Дераза: «Эртани ўйлаш», деди.
Соат: «Вақт қимматбаҳо», деди.
Кўзгулар: «Ўзингдан бошла», деди.
Эшик: «Куч билан итар», деди.
Фақатгина ер: «Бор орзуларингни сажда пайтига сақлаб қўй, чунки Аллоҳ саждада сўралган дуони қуруқ қайтармайди», деди.
Мени лол қолдирган бу жавобларни сизларга ҳам илиндим, биродар!

🕋Сен жонларнинг Каъбасисан, атрофингда тавоф қилмоқдаман. Мен қузғун эмасман ки, вайроналар устида учиб юрадиган бўлсам.
Бундан бошқа санъатим, бундан бошқа қиладиган ишим йўқ. Менинг санъатим ҳам, қиладиган ишим ҳам кечаю кундуз каби айланиб турмоқдир.
Гўзалимнинг қаршисида сажда қилишдан, Дилбаримнинг атрофида айланишдан ҳам кўра гўзалроқ иш борми?
Жамилдан ҳам кўра жамилроқ яна ким бор?

✍️Ҳазрати Мавлоно Жалолиддин Румий қуддиса сирруҳу

☝️ДЎСТЛАРИНГИЗГА ҲАМ ТАРҚАТИНГ!

Фотиҳа сурасини ўқиётганда "ғойрил мағдувби" деган жойини "ғойрил мағзувби" деб ўқиса намози бузиладими? 👉ЖАВОБ:
👉 /channel/Shayx_Hazrat/37277

ШАЙХ ҲАЗРАТЛАРИ !!!

13 Nov 2024 16:00

МАСЖИДНИ МОДДИЙ ОБОД ҚИЛИШ

Шайх Муҳаммад Содиқ Муҳаммад Юсуф раҳимаҳуллоҳи алайҳ

✅ДЎСТЛАРИНГИЗГА ҲАМ УЛАШИНГ!!!

«🌙ШАЙХ МУҲАММАДСОДИҚ МУҲАММАД ЮСУФ ҲАЗРАТЛАРИ!!!» КАНАЛИГА ҚЎШИЛИНГ!»
➥ /channel/+xmD9M9DsEHQzMzZi

ШАЙХ ҲАЗРАТЛАРИ !!!

13 Nov 2024 14:00

​​ДАЮС ДЕБ КИМГА АЙТИЛАДИ?
#ҳалол-ҳаром

@Shayx_Hazrat CАВОЛ:

Даюс деб кимга айтилади? Шариатимизда бу ҳақда нима дейилган?

ЖАВОБ:

Бисмиллаҳир Роҳманир Роҳим. “Ал-мавсуъатул–фиқҳийя” китобида хулоса қилиб: “Фақиҳларнинг истилоҳи бўйича "даюс" сўзи бир-бирига яқин маъноларда таърифланиб, хотини ва маҳрамларини номаҳрамлардан қизғанмайдиган, рашк қилмайдиган маъносида қўлланган”, – дейилади.

Ҳофиз Ибн Ҳажар раҳимаҳуллоҳ “Фатҳул борий” номли китобида шундай деганлар: “Иброҳийм ал-Ҳарбий: “Даюс – эркакларни аёлининг олдига киришига йўл қўйган кишидир”, – деганлар”.

Абдуллоҳ ибн Амр разияллоҳу анҳудан ривоят қилинган ҳадисда Пайғамбаримиз алайҳиссалом айтадилар:

ثلاث لا يدخلون الجنة، ولا ينظر الله إليهم يوم القيامة: العاق بوالديه ، والمرأة المترجلة – المتشبهة بالرجال -، والديوث ، وثلاثة لا ينظر الله إليهم يوم القيامة: العاق بوالديه والمدمن الخمر، والمنان بما أعطى( أخرجه الامام أحمد )

яъни: “Уч тоифа кишилар жаннатга кирмайди ва Аллоҳ таоло қиёмат кунида уларга қарамайди: ота-онасига оқ бўлган киши, эркакларга ўхшашга уринган аёл ва даюс киши. Яна уч кишига Аллоҳ қиёмат кунида назар қилмайди: ота-онасига оқ бўлган киши, доимий маст қилувчи ичимликлар ичувчи, берганини кўп миннат қилувчи.” (Имом Аҳмад ривоятлари). Валлоҳу аълам.

Ўзбекистон мусулмонлари идораси
Фатво ҳайъати.

✅ЯҚИНЛАРИНГИЗГА ҲАМ УЛАШИНГ!!!

Баъзилар эр-хотин ётоқхонасида намоз ўқиб ва Қуръон тиловат қилиб бўлмайди, дейишади. Шу ҳақда жавоб берсангиз?

ЖАВОБ:👇👇
/channel/Shayx_Hazrat/36334

ШАЙХ ҲАЗРАТЛАРИ !!!

13 Nov 2024 12:22

АЛЛОҲ ФАҲРЛАНГАН БАНДАЛАР

Шайх Алишон қори

✅ДЎСТЛАРИНГИЗГА ҲАМ УЛАШИНГ!!!

«🌙ШАЙХ МУҲАММАДСОДИҚ МУҲАММАД ЮСУФ ҲАЗРАТЛАРИ!!!» КАНАЛИГА ҚЎШИЛИНГ!»
➥ /channel/+xmD9M9DsEHQzMzZi

ШАЙХ ҲАЗРАТЛАРИ !!!

13 Nov 2024 10:35

Ясин сурасидаги 10 та барака ҳақида!

Ризқингиз кўпайишини, бой-бадавлат бўлишни хоҳлайсизми? Ундай бўлса, Ясин сурасини тез-тез ўқиб туринг.

☝️САВОБ УМИДИДА ДЎСТЛАРИНГИЗГА УЛАШИНГ!!! АЛЛОҲ РОЗИ БЎЛСИН!!!

САВОЛ: ҚУРЪОННИ БИР ОЙДА БИР ХАТМ ҚИЛОЛМАСА ГУНОҲ ЭМАСМИ?

ЖАВОБ:👇👇
/channel/Shayx_Hazrat/34358

ШАЙХ ҲАЗРАТЛАРИ !!!

13 Nov 2024 09:00

ПАЙҒАМБАРИМИЗ АЛАЙҲИССАЛОМНИНГ АРАФА КУНИДАГИ ДУОЛАРИ

Ҳасанхон Яҳё Абдулмажид

☝️ДЎСТЛАРИНГИЗГА ҲАМ ТАРҚАТИНГ!

Фотиҳа сурасини ўқиётганда "ғойрил мағдувби" деган жойини "ғойрил мағзувби" деб ўқиса намози бузиладими? 👉ЖАВОБ:
👉 /channel/Shayx_Hazrat/37277

ШАЙХ ҲАЗРАТЛАРИ !!!

13 Nov 2024 05:30

ҚАЛБИДАН ШАВҚАТ СУҒУРИБ ОЛИНГАНЛАР

Шайх Нуриддин Холиқназар ҳазратлари

✅ДЎСТЛАРИНГИЗГА ҲАМ УЛАШИНГ!!!

«🌙ШАЙХ МУҲАММАДСОДИҚ МУҲАММАД ЮСУФ ҲАЗРАТЛАРИ!!!» КАНАЛИГА ҚЎШИЛИНГ!»
➥ /channel/+xmD9M9DsEHQzMzZi

ШАЙХ ҲАЗРАТЛАРИ !!!

13 Nov 2024 03:40

🤲 Ёмғир ёққанда ўқиладиган дуо

اللَّهُمَّ صَيِّباً نَافِعاً
«Аллоҳумма соййибан наафиъан»
Парвардигоро, фойдали (хайрли) ёмғир қил!

#Дуо #Ёмғир

🚀ЯҚИНЛАРИНГИЗГА ҲАМ УЛАШИНГ!!!

Баъзилар эр-хотин ётоқхонасида намоз ўқиб ва Қуръон тиловат қилиб бўлмайди, дейишади. Шу ҳақда жавоб берсангиз?

ЖАВОБ:👇👇
/channel/Shayx_Hazrat/36334

ШАЙХ ҲАЗРАТЛАРИ !!!

12 Nov 2024 11:05

#Ғазаб

Саҳл ибн Муъоз розияллоҳу анҳудан, у отасидан ривоят қилади:

«Расулуллоҳ соллаллоҳу алайҳи васаллам: «Ким ғазабини унга амал қилишга қодир бўлиб туриб ичига ютса, Аллоҳ уни қиёмат куни халойиқнинг олдида чақириб, ҳури ийнлардан истаганини танлаш ихтиёрини беради», дедилар».

Абу Довуд ва Термизий ривоят қилишган.

⚡️ДЎСТЛАРИНГИЗГА ҲАМ ТАРҚАТИНГ!!!

Баъзида таҳоратим бор-йўқлигида шубҳа қилиб қоламан, шу пайтда қандай йўл тутиш керак? 👉ЖАВОБ:
👉 /channel/Shayx_Hazrat/37616

ШАЙХ ҲАЗРАТЛАРИ !!!

12 Nov 2024 07:18

Исталган кулерни сотиб олинг ва совға сифатида 25 та капсула сувни бепул олинг! 🎁 Бу эса сизга 500 000 сўм тежаб қолишга имкон беради! 💸

✅ Моделларнинг кенг ассортименти
✅ Юқори сифат
✅ 12 ойлик кафолат
✅ Тошкент шаҳри бўйлаб етказиб бериш ва ўрнатиш БЕПУЛ.

Акция 2024-йил 25-июлдан бошлаб амал қилади! (фақат Тошкентда). Шошилинг, кулерлар сони чекланган.

📞 +998951705858
📞 +998712035858
✏️ @LaVitawaters

ШАЙХ ҲАЗРАТЛАРИ !!!

11 Nov 2024 15:45

Ҳамма гуноҳларнинг асоси учтадир.

1. Кибр. Иблиснинг бошига тушган кўргиликлар шундан бўлган.

2. Ҳирс. Одам алайҳиссаломни жаннатдан шу чиқарган.

3. Ҳасад. Одам алайҳиссаломнинг бир фарзанди инисини ўлдиришига етаклаган иллат мана шудир.

Ким мана шулардан сақланса, ёмонликнинг ҳаммасидан сақланибди. Куфр кибрдан, гуноҳ ҳирсдан, жабр ва зулм эса ҳасаддандир.

Тафаккур қилинг!

⚡️ДЎСТЛАРИНГИЗГА ҲАМ ТАРҚАТИНГ!!!

Баъзида таҳоратим бор-йўқлигида шубҳа қилиб қоламан, шу пайтда қандай йўл тутиш керак? 👉ЖАВОБ:
👉 /channel/Shayx_Hazrat/37616