اللهم يا شافي يا معافي يا ارحم الراحمين
اللهم بحق محمد وآل محمد
شافي وعافي العم الطيب ابو عقيل المطيري
بشفائك انك على كل شيء قدير
نعي بصوت. مسلم المطيري
﴾﷽﴿
(نعي مفجع)
بــشــام لـَمـن حـط نـزلـنــه
عـمـداً تـرى اينشدون عَـنـه
مـن ظيمنه انـعـاتـب بهـلنـه
وفـوگ الرمح راس الكفلنـه
الشام ابفرح واحـنه بحزنـه
مـاكـو غـيـور الـيـفـزع انـه
ويـن صـرنــه اويــن چِـنــه
بـيـن الـزلـم حطوا رَحَـلـنـه
عگب الخدر واهل المَـحنـه
تالي ابخرابه انـبـات كـلـنـه
*----------------------*-----------------*
✍خادم العقيله ع
الشاعر رعد الجريخي
بصوت. مسلم المطيري
اللهم عَجّل لوليك الفرج
ابوذيات
بعنوان حادي الشوگ
يـحــادي الـشــوگ للـمـحـبـوب.. وَدنـه
لٱبِــن الـلــي وصــل قـوســيــن.. وَدنـه
نــشــوفــه ونـلــهــج ابـطــرواه.. ودنـه
ونـكـحـل اعـيــونــه بــهــاي الـمـسـيــه
*---------------*---------------*
يـحـادي الـشــوگ اخـذ الـشـوگ.. وَصله
لـبـو صـالـح حـلـيـف الــصــبــر .. وَصله
مـــن غــاب وعـلـيـنـه انـگــطــع.. وَصله
نـدعـي ايـرد شــبــل حـامـي الـحـمــيــه
*---------------*---------------*
يـحـادي الـشــوگ ألـه بـكـل روح.. حَـنـه
تــركـنـه وكــل ظــهـر مــن غــاب.. حـَنـه
نــذر مــن يــرجـــع امـحـضـريـن.. حِـنـه
نـحــنـّـي اچـفـوفـنـه ابـجـيـتـه الـبـهـيّـه
*---------------*---------------*
✍خادم صاحب الزمان ((عج))
الشاعر رعد الجريخي💔
بصوت. مسلم المطيري
ثارچ امانه برگبتي ثارچ امانه
كلمات الشاعر
سيد زيد الفحام
بصوت. مسلم المطيري
ينور العين. حبيبي حسين
كلمات الشاعر
حسن يونس التميمي
بصوت. مسلم المطيري
سيفي للملگه يحن
ياحسين انطيني أذن
بصوت. مسلم المطيري
چفي ابعوز كل اچتاف ما ماش
وجدمي الغير درب حسين ماماش
ما مره گلتله وگال ما مش
گبل رمشة عيوني ايحط بديه
يقاضي الحاجه ما بالسوم وطيت
وراسي الغيرك ولا يوم وطيت
چهبتك مره من ابعيد وطيت
اذا يمك اجي شتحط بديه
الشاعر منصور المشرفاوي
بصوت. مسلم المطيري
انه اختكم. مو غريبة
كلمات الشاعر
مؤمل الباوي
بصوت. مسلم المطيري
خاف اموت
ارد اوصيكم عله الخدمه الچبيره
كلمات الشاعر
ابو فايز الرافضي
بصوت. مسلم المطيري
﴾﷽﴿
گلبي امن الازل وحده هوه حسين
يهزني الشوگ واتنفس هوه حسين
تشيط الروح من تسمع هوه حسين
عله الغبره أو تدوسه خيول اميّه
_
حيدر بشار الدراجي
اجعلني ياربي وجيها بالحسين
★★★★★
اجعلني ياربي وجيها طول عمري
بخدمة حسين الشهيد يزيد أجري
وللمنيه لجله خلي دموعي تجري
يعله شاني بخدمته ويرتفع قدري
لحد معادي. راح أنادي. . ياحسين
لجله انعي. وبسمه أدعي. ياحسين
كون عالي الزود مرفوع الجبين
اجعلني ياربي وجيها بالحسين
★★★★★
شلون اشكرك علشكر عاجز لساني
الك كل الحمد. يارب وامتناني
امليت حب حسين كل فكري وكياني
انا عندك يعني اصبح عالي. شاني
گلبي يارب. خله ينحب. ياحسين
وصوت بيه. للمنيه. ياحسين
بنهج ثابت ماتغيرني. السنين
أجعلني ياربي وجيها بالحسين
★★★★★
شكثر افضالك يبو اليمه عليه
الشكر يحتاج الشكر يبن الزچيه
فخر اقرالك ونوح على الرزيه
على امصابك. والجره بالغاضريه
كل ودادي. واعتقادي. ياحسين
يوم عسري. انته ذخري. ياحسين
يوم لاتنفع اموال. ولابنين
اجعلني ياربي وجيها بالحسين
★★★★★
شكثر افضالك البيها غرگتني
البر امان من النوايب وصلتني
شگد صغير الشان وانته الكبرتني
وانته من رب البريه. قربتني
افتخر آني. امعلي شاني. ياحسين
إلك شكري. طول عمري. ياحسين
بامنياتي ادعي رب العالمين
اجعلني ياربي وجيها بالحسين
★★★★★
لجل دينك يلخضت درب المنايا
خدمتك خير وشرف عندي وهدايه
هي توفيق. ورزق. ماله نهايه
ربي ثبتني على هاي الولايه
إلك دمعي. ونار ضلعي. ياحسين
ونظر عيني. وكل سنيني ياحسين
بحبه أحمد ربي حمد الشاكرين
اجعلني ياربي وجيها بالحسين
الشاعر حسن لعيبي الحريشاوي
/channel/sheia
بصوت. مسلم المطيري
ودعوني الأحبهم ودعوني
عذبوني بهجرهم عذبوني
كلمات الشاعر
تحسين الخفاجي
بصوت. مسلم المطيري
گلت دربي بعيد وعني يبطون
كلمات الشاعر
رسول رياض
بصوت. مسلم المطيري
ابوذیه:
ینادینی ابحسرته مایرحمن
جربتک خویه ینعی مایرحمن
سهام الگوم اویلی مایرحمن
کثر ما ناح اخوچ البی حمیه
✍🏻 علی جباری
ونت عمتي زينب وونهه
هدم لجبال یابویه وونهه
الدهردمعتهه وین آنی وونهه
هلی اتنادی اویلی امنل أذیه
✍🏻بقلم الشاعرعلی جباری
يــابو منحر نــازف ويـابس لهــاه
ويابو جثه الما معاشرهه الفياي
الماله جاه اتعنه الك وانطيته جاه
وآنا اجيتـك تــارك ذنـوبي وراي
ريت اخدمك موش خدمة مشتهاه
واطلب امراضاك ما ادور رضاي
انت يا اصلب بشـــر ربّــه ابتــــلاه
گاع شفته مفطره وما مرهه ماي
عنده ما خله الوكت شي مــا خـذاه
ولحظه ما ادبر خلص كل عمره جاي
هيچ حظ يصيــرلي واعرف شريــد
واركض اطفي خيام صارلهه دهر
واحتــركـ رغم اللـبه كلـش بعيـــد
ومن خدمتـك يطلع بروحي أثــر
والله يحسيـــن الحچي كونه يفيــد
چا حَچينــه بيوم عاشــورك ثمـر
وچا حسبنه ارواحنه عنــدك عبيــد
وما نغطي عيوبنــه بفيض النحر
ولا يظل واحدنـه بس عيب المــلاه
وراي راد بدنيا ما صح بيــهه راي
وبــاع كلشي وراح للــذل واشتــراه
وبالخدامه يگول ما واحد سواي
وهو هَمّه اشكثر محصول الجنــاه
وشكثر زنده بشواطي الشهره فاي
علي كاطع البهادلي
/channel/sheia
/channel/M_17BB
اشتركوا في هذه القناة
مختصة بأحاديث اهل البيت عليهم السلام
كل عام وانتم بالف خير
اعاده الله علينا وعليكم باليمن والبركة
وتقبل الله طاعاتكم وصيامكم
حفظكم الله جميعا اين ماكنتم بحق محمد وآل محمد
الخميس 19/2/2026
مسلم المطيري
ابوذيه. بصوت. مسلم المطيري
﴾﷽
دمعي بس لبو اليمه .. تياره
ودليلي وي ضعن زينب .. تياره
يبو السجاد ما مثلك .. تياره
ربح يحسين بس طرواك اليه
فاضل فرحان الجهلاوي
نزله لسيدتي ومولاتي زينب عليها السلام.
ثارچ امانه برگبتي ثارچ امانه
ياعمّه زينب والوعد قرّب زمانه
...............
آنه الامام المنتظر زاير اجيتچ
ياعمه زينب بالصحن ابچي لرزيتچ
ما انسه ثارچ لا ولا لحظه نسيتچ
من ال اميه ثاري والسبب أذيتچ
لسان الحچه عليچ بحقد اگطع لسانه
ياعمّه زينب والوعد قرّب زمانه
.............
باچر اجيچ بلامتي وبچفي رايه
بچفوفي آخذ ثارچ وثار السبايه
من هسّه وليوم الفرج انتي بحمايه
ياعمه زينب دمعتچ شايلها آيه
وبگلبي ثارچ ما برد يسعر مكانه
ياعمّه زينب والوعد قرّب زمانه
.............
ما يبرد ليوم الفرج ياعمّه ثاري
ابچي عله حالچ بالسبي ليلي ونهاري
مظلومه ياام الخدر رافع شعاري
قرّب ظهوري برايتي وبذولفقاري
يدفع ثمن كل ناصبي كلمن هجانه
ياعمّه زينب والوعد قرّب زمانه
................
وفّه الكفيل ابكربله غيره وبساله
من عمي عباس الگمر وارث خصاله
ياعمّه وتحوّل الي امر الكفاله
ثارچ اجيبه لو امر رب الجلاله
الله لغضبنه يغضب ويرضه برضانه
ياعمّه زينب والوعد قرّب زمانه
.................
آنه الامام المنتقم افني النواصب
ياعمّه حارس مرقدچ حاضر وراقب
شامخ مزارچ للسمه مثل الكواكب
لابد يجي اليوم واجي بثارچ اطالب
بالسيف احساسبهم عهد اهل الخيانه
ياعمّه زينب والوعد قرّب زمانه
.................
ناس السبوچ بكربله لازم اردهم
وعيونچ اسبيهم سبي ولازم اذلهم
اذبحّهم بسيف النصر وحرگ جثثهم
واليرضه بيهم ناصبي ينذل مثلهم
يوم الظهور المرتقب شرّف اوانه
ياعمّه زينب والوعد قرّب زمانه
سيد زيد الفحام
ينور العين حبييي حسين
اضيعن لو عفت دربك وعيش ابعالم اوهامي
لان انت الصـدگ مولاي والـمـرافجـني بيـامـي
وإذا ابعد شفت شخصك يمـد اجفوفه كدامي
يمرني الهاجـس وابجي. و اذكرك سيدي الضامي
خذتني ذنوبي مدري الوين
وجيـت اتوسلك يحسين
لكيـت امن الضياع الوان
ومشيت بصف هواي سنين
يـنور العين حبييي حسين
لگيتك مـسكن الروحي. وجيتك عارف بفضلك
دخلت الحضرتك خجلان حاير شحجي شواصفلك
دخلت وعيني بعيونك واخـذتنـي اشـعر بحـضنك
وتگلي اگرب احسنك مو عاصي حسبتني ابنك
رغم عندك نحر مذبوح
ابد عينك علي متروح
رغم ما سلبوا خيامك
حنان عله اليجيك تفوح
ينور العين حبييي حسين
رغم جسمك نبل متروس وتطيب لليجيك جروح
حـنـان شـكـد شـفت يـمـك تـغفر للـيجي ويـروح
لگيتك فاتح الذرعان لجن خنصر شفت مجروح
كلتلي يا هلا بجيتك لجن گـلبك احــس مـقـروح
گلب مفضوحه سالفته
بيه شكم جرح شفته
منو مثلك يضل مطروح
وراحـت عالـهزل اخـته
ينور العين حبييي حسين
شكبرها اذنوبي لمن جيت وحنانك ادري بي أكبر
مـهـما عنـك امشـي بعـيد. تگـربني عليـك أكثـر
تعد هاي الشباب.خيام وغصب منها مشه الأكبر
تعـدهـم جـن الك اولاد وتـكول اسـم الله للـيعـثر
سلاماً للمضى عطشان
سلام ومو سلام لسان
سلام النادم التائب
الصبح من الذنب نحلان
ينور العين حبييي حسين
حسن يونس التميمي
سيفي للملكـه يحن ... يا حسين انطيني اذن
اليوم اراويهم علي/ ٢
...................................
نــزل عباس المشيــم واختـنـك حتـى الهوه
كربله جانت مريضه وسيف ابو فاضل دوه
الكاع هزاها بيمينه مدري هــز بيــده اللوه
عصر بيده جيش اميه لحـد مــــا ذبهم نوه
سيفي يحصد بالزلم ... انته بس گلي ونعم
اليوم اراويهم علي
...................................
نزل تربـات الصميده والحـرب صارت ردم
اختلف قانون الفراسه الخيل ركبت عالزلم
تبجي فرسان المعاره وابو فـاضــل يبتسم
واحد الواحـد يكــله بعلي هــــم عندك علم
علي قالع خيبره ... وانه سبع الكنطره
اليوم اراويهم علي
................................
الشرد من السيف يسلم والبقه حصته الشطر
هذا يــــا هو الورطاكم وي ابن فــارس بدر
زلزل ارض الغاضريه وبلعت جيوش الكفر
وكتب عالشاطي المعدل من هنا يبدي النصر
الماي صار بجربتي ... ونصر رفت رأيتي
اليوم اراويهم علي
..................................
ركب والشگره اتمايل مـــن ثكــل خيـالها
الگاع ما شايلته هو المهره كول شحالها
الناس ما عرفت دربه طب علي حسبالها
زلم حيدر بالمواقف هيـه هــــاي افعالها
بربي اعوذ من الحسد ... اســد طالـــع من اســـد
اليوم اراويهم علي
..................................
اليوم اخلي السيف بيهم يذبح لسابع ظهر
الا كــون تصيح زينب عاشت ايدك يالگمر
عدل من سيف لجهنم وتنترس بيهم صقر
وشرط عزرائيل يحسب اشكثر طاحو عالنهر
الا تشهــد كربله ... انه راعي المرجله
اليوم اراويهم علي
.................................
دموع الساكبه
/channel/sheia
بصوت. مسلم المطيري
ثبات مولاتنا زينب ع
ـــــــــــــــــــــــــــــــــ
مشت مسبيه لكن مارفلها..
جفن. والشمر قاسي مارفلها.
تضل. زينب يــوادم مره فلها.
دور. القائد بــــديوان أميه.
..............................
✍️أبو منتظر الحجامي.
كعديه شور
اربعين السيده زينب ع. ،،،،،،،،،،
انه اختكم مو غريبه
انه اختكم مو غريبه
،،،،،،،،،،،،،،،،،،،،،،،،،،،،،،،،،
خويه هاي الغربه تكتل
وانه فرگاكم كتلني
بنص شماته وهذه حالي
خويه حيل الشام غثني
عليه صاحو ياغريبه
وهيه هاي التعبتني
هسه لو خواني يمي
ياهو يكدر يدنه مِڼـّي
محد يصيح عليه
محد يكلي سبيه
هلي مامش جيه منكم
انه بتكم حشمتكم
انه اختكم مو غريبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مالت الدنيه بختكم
يله يهلي فزعو ليه
تأخر الموت واجاني
وكبله شفت انه المنيه
مَـرّھٌ بالطف شفت موتي
ومره من صاحو سبيه
الموت اجاني وما اجيتو
ولا اخو اليبجي عليه
عاده مرو باربعيني
بلكت يهود ونيني
الليله زينب محد الها
تحشم ومحد وصلها
انه اختكم مو غريبه
،،،،،،،،،،،،،،،،،،،،،،،،،،،،،،،،،،،،،،،،،،،،،،
ارد اعاتبكم يخوتي
والعتب للخوه يسوه
وكت موتي وما اجيتو
مرو بيه الليله فدوه
اشكي ضيم المر عليه
والله هذه الشام بلوه
تعبتني الغربه خويه
وما الي بالغربه تجوه
الغربه زينب تعبتها
زينب بعازة اهلها
والله عازه الكم يخوتي
انخه وتسمعونه صوتي
انه اختكم مو غريبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،
الليله يخواني اربعيني
ولا اخو منكم وصلني
كون اخوتي الليله يمي
واحجي كل ضيم الهضمني
بموتي مامش فزعه منكم
عاد افزعو باربعيني
يله علگوها البيارغ
حته زواري تجيني
يله كومو يا ال هاشم
يله نصبوها المأتم
الليله كبري تحيطه غربه
ماكو زاير والله صعبه
انه اختكم مو غريبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،، مؤمل الباوي
خاف اموت .ارداوصيكم عله الخدمه الجبيره
خاف اموت . لا تعوفون البقه ابلايه عشيره
خاف اموت .ابجو عالجمعوهن اوصاله بحصيره
كلشي عوف وخلي گلبك بالمصاب
ولا تأمن ابدنيه اخرها التراب
الدنيه هاي الغدرت بضعن العفاف
وباگت اليايمه من گلب الرباب
خلص اسنينك عزاء .. صفي گلبك بالبكاء
ابروحك اجعل كربلاء
حبيبي ياحسين
،،،،،،،،،،،،،،،،،،،،،،،،،،،،،،
خاف اموت . ارد اوصيكم عله دموع المئاتم
خاف اموت . امشو ابنعشي مثل مشيي الفواطم
خاف اموت . عالگبر مو اسمي اريد الكلمه خادم
خاف اموت وانه ماشابع ونين
نعشي خلو شتله يم باب الحسين
كون المغيسل عزاء يهل الدموع
وكون اطب الگبري مجتوفه الأدين
كون اموتن بالضريح .. وانه يامولاي اصيح
مثل طيحت دمعه اطيح
حبيبي ياحسين
،،،،،،،،،،،،،،،،،،،،،،،،،،،،،،
خل اموت . ولا تموت بگلبي جلمت ياغريبه
خل اموت . والمهم لو اغمض ابعيني المصيبه
خل اموت . بالگي اعيشن غربة الشيبه الخضيبه
غربت الموت اهون امن الغربه هاي
غربت الراوي دمه ومالاگي ماي
خدمت الضامي رزق الله الحلال
كون اموت ابحبه والكسره بگفاي
عمري العيون الحبيب .. جرحي ماريده يطيب
للخلص عمره غريب
حبيبي ياحسين
،،،،،،،،،،،،،،،،،،،،،،،،،،،،،،
ياحسين . لازم تعيش بگلب عاش الخيام
ياحسين . جلمه معناها العشگ يهل الغرام
ياحسين . يعني شوغت طفله ماتگدر تنام
صاحب البي دمعه هاي الدنيه بير
صحبت المايبجي احس مابيها خير
لا تماشي المايسولف بالحُسين
المايغار اعله الضعن ميت ضمير
اترك الراحن وراك .. موعد الخدمه اجاك
والزجيه اتنادي هاك
حبيبي ياحسين
...
ابوفايز الرافضي
بصوت. مسلم المطيري
اجعلني ياربي وجيها بالحسين
كلمات الشاعر
حسن لعيبي الحريشاوي
الحن الثاني بصوت. مسلم المطيري
ودعوني الأحبهم ودعوني
عذبوني بهجرهم عذبوني
كلمات الشاعر
تحسين الخفاجي
ودعوني الاحبهم ودعوني
عذبوني بهجرهم عذبوني
شو خذو كلبي ومشو ليش هيج اتأخرو
****
اكعد وبالباب اون راح اموت امن الحزن غير كون انسه يكلبي خاطر ارتاح
ظلمه صارت دنيتي امن اجيبن راحتي فاركوني والدمع مثل المطر طاح
تعب عيوني السهر ليش فركنه الدهر اعليه احس فجر الحزن من سافرو لاح
امن الحبايب ايست وللعذاب اتحزمت هسه ياروحي اعرفت ما يرجع الراح
فاركوني الاودهم فاركوني
ما يجوني اعرفتهم ما يجوني
خاف يا كلبي نسو ليش هيج اتأخرو
**
خلصت عمري بجي بعد شيفيد الحجي والجفوني ليش بجروحي يعيلون
اهواي يا روحي اتعبت امن المصايب شيبت راحو وضلت صورهم بين العيون
عندي ما ضل كل امل فاركت كل الاهل اتردلي عافيتي بنيني لو يرجعون
تربي عيني اعله الدرب والهجر كلش صعب ابد ما جان اعله بالي عني يمشون
حيروني الحبايب حيروني
اتعذروني يكلبي اتعذروني
كلمه وحده ما حجو ليش هيج اتأخرو
****
انه ربيت الولد وللطفوف احسب وعد انه ادري الاربعه يوفوني بالدين
بولدي ما مهتمه ابد وكلبي عنهم ما نشد انه شاغل بالي ضل اوليدي الحسين
هوه روحي وسلوتي وهوه مالك دنيتي وهوه اعز امن النفس محبوبي والعين
ضلت دموعي تهل بعد شيلم الشمل اجفوفي تعبت من كثر دك الحياطين
شيبوني بجفاهم شيبوني
شو نسوني اظنهم شو نسوني
للمنيه اتحزمو ليش هيج اتأخرو
**
كمت اشم كوه الهوه كلبي جم مره انجوه صحت بسك يازمن حن اعله حالي
شكتب الهم حايره والرسايل تنقره الغالي حته لو مشه ايضل دومه غالي
يمته نتلاكه بعد خاف ملكاكم برد الفركه طالت وانه بس احسب ليالي
حسين بوداعه متت والمجانه باوعت اتخيليت ايكلي يايمه تعالي
عاكَبوني بمشيهم عاكَبوني
وتعبوني بهجرهم تعبوني
وبعذابي ما درو ليش هيج اتأخرو
**
بزينب اوصيكم صحت وما تخيبوني اعرفت هاي كلش غاليه وغالي خدرها
كوم يا راعي العلم واحلف بذيج الخيم ما تفارك زينب وتكسر ضهرها
ثني رجلك يالولي وخلها تصعد بت علي كَود ناكة زينب وامسح اثرها
تدري بيها امدلله يا جفيل العايله صير شمعة ليلها وعزها وذخرها
طمنوني اعله زينب طمنوني
وفرحوني بختكم فرحوني
الكربله ولدي اعتنو ليش هيج اتأخرو
***
عرضت اكبالي الصور وخطفت اشباح القدر كلها باجر تسبح بدم المنيه
تنذبح راح الولد وليه ابن حذلم يرد ايكلي ويلادج كضو بالغاضريه
ايطيح من جتفي الفضل وتبكه دمعاتي تهل اشلون بيها ام البنين بهل الرزيه
بولدي لتسولف صحت تدري بيه اتكطعت يا بشر سولفلي عن ابن الزجيه
صوبوني بمصابه صوبوني
لوعوني بغيابه لوعوني
وصله من جبدي اشلعو ليش هيج اتأخرو
****
تمت
تحسين الخفاجي
/channel/sheia
لأربعين مولاتنا زينب ع
گلت دربي بعيد وعني يبطون
وگلت الله كريم بساعت الموت
أذا مالحگو بالفاتحة يجون
يجي يوم اربعيني وسمع الصوت
ها يخويةة .. هالأجينةة .. يالحنينةة
ومنج مستحين هواي يم عون
ها يخويةة .. تأخريتو .. يله جيتو
يلة معذورين ليمت ماتجون
وشلت عيني عله بيباني
بربعيني وماأجو خواني
أنتم تعرفون بينه چنه وين؟
كل دقيقه يحن گلب لثاني
------------------------
وصل يوم اربعيني وعيني علباب
بگبري ومامأيسةة أتنطر أخوان
متاناكم هظيمةة جوه التراب
خواني علجيةة كلش حنان
نار گلبي .. ماطفاهه .. اتراب گبري
غير النار گالو تطفه بتراب
نار گلبي .. ماكو ألهه .. بس اهلهه
وهذا بابي غير هم الگلبي ماجاب
لاثواب ولامدامع سايلة
ضاله أبطرگ المنارة العالية
بربعينتة تجيّه اهله اليموت
ماأجوني وزينب أنة الغالية
------------------------
يجي يوم أربعينة الميت أبعيد
ويضل محترگ گلبة ويتعب هواي
الغريب يضل غريب وهظمتةة تزيد
ومالة أثواب حته أبطاست الماي
كون أخوتي .. بربعيني .. گبال عيني
يثوبولي بواچي وفوگها عيون
هنا يخوتي .. الغربة صعبة .. الغربة موت
ماگدرتو بموتي چا ليمت تگدرون
عله التله وخلصيت امتانة
لحد مازينب صرت موش أنة
غيرني أيام يرادلهه حيل
وحيله يتبده التموت أخوانة
------------------------
يهنيالة اليموت وگلبه مرتاح
ولاميت غريب وگلبه ملچوم
عمر خلص مصيبة وبس هظم راح
وشيريحه الدليلة امن أهله محروم
كلش أضلم .. ليل زينب .. ليل حيرة
مو راحة نعاوي معاگب الليل
كلش أضلم .. حته صحني .. أبطرگ حزني
وبالميت غريب الوادم تعيل
من لهد يوم المنية ليومي
من البواچي أمبللات أهدومي
عليمن أبچي الماعرف ضيم الغريب
ينشد ومادره أمضيعه أرسومي
رسول رياض
/channel/sheia
بصوت. مسلم المطيري
يابو منحر نازف ويابس لهاه
كلمات الشاعر
علي كاطع البهادلي
بصوت. مسلم المطيري
﴾﷽﴿
الابوذيه:
الهي بالكســــر عبـاس ظهره
للعالم فـــــــرج مولاي ظهره
يصلي بكربله الموعود ظهره
بعد ماياخـــــــذ بثار الزچیه
✍
عله بيرك امــد الحبل ودلاي
يالموعود فد مكتوب ودلاي
گلبك لون بيه اشواي ودلاي
اسجد شـــــاكر الرب البريه
~
بغياب المهدي حيلي انهدم وانحال
وسؤالي ما لگـــاله اجواب وانحال
ارزقــــــــني يرب رؤيــــاه وانحال
بيني وبينه مـــــــــــــوتي والمنيه
حيدر بشار الدراجي
