بصوت. مسلم المطيري
كلميني فاطمه ف انا علي
كلمات الشاعر
حسن الكريماوي
بصوت. مسلم المطيري
بسك يدفان ماكافي، مليت
كلمات الشاعر
سعد العگيلي
بصوت. مسلم المطيري
ياليل المنيه
كلمات الشاعر
محمد الموالي
بصوت. مسلم المطيري
ذبلان احس مو من بچي
كلمات الشاعر
رعد الچريخي
بصوت. مسلم المطيري
بسمار الشقا
كلمات الشاعر
هشام العطار
بصوت. مسلم المطيري
لاصرخة وترتفع
كلمات الشاعر
حيدر تركي الكربلائي
بصوت. مسلم المطيري
نعي للسيده فاطمة الزهراء [ع]
____
مشيت اتوچه وانه ادموعي متنثره
الفگد روحه يظل نيرانه مستعره
يرك بيه الوكت وجروحي ما تبره
الهضيمه اشلون مني راحت الزهره
عجيبه الحزن ياخذ كلشي بيه
***
ذبح بيه الهجر والحسره والنار
ادير انه الوجه عن گبرج احتار
عجيبه الظلع ليش يجرحه بسمار
واشوف الظلمه چنهه تحيط بالدار
طحت بالعتبه وبابي المنيه
***
رجعت بخطوتي بس جرحي ما بان
خايف زينب اتشوف ام الأحزان
يتيمه ازغيره واعرف بيت الاشجان
تموت الورده خوفي بهجمة افلان
اويلي اعليج شفتيهه الرزيه
***
عجيبه الموت يم بابي .....تره بين
توصي الزهره لا گبري.........تره بين
حفرت انه الحد بيدي.........تره بين
گبرها الزهره والثاني اليه
**
الشاعر يوسف الفتلاوي
بحق ام ابيها صاحبة الضلع المكسور
شـفـت ضـيـم واذيــه عـگـب سـيـد الـبـريــه
واويـــــلاه ... خـدي انسطر
واويـــــلاه ... ضلعي انكسر
*---------------*---------------*
دنـيـا وبــالــمــحــن تـخـلـص.. مردهه
عـصـرنـي الـبـاب وضـلـوعـي.. مردهه
الـعـصـابـه اتجاسرت واخذت.. مردهه
اكـسـروا ضـلـعـي وأثـر سـوط بـإديــه
*---------------*---------------*
شـعـل نــار الـفـتـن خـصـمــه.. واثرهه
وطـاح ولــيــدي عــالــغــبــره.. واثرهه
يــريــت يْـشـاهـد الــســطــره.. واثرهه
واخـبـره شـلـون جــازوهــه الـوصــيـه
*---------------*---------------*
يـــوم الــغــاب ضــي وجــهــك.. وناره
إجــانــي الـظــالــم بــســوطــه.. وناره
دفـعـنـي وهـشّـمـــه الــصــدري.. وناره
طــفــلــي الـهـزّتــه چْـفـوف الـمـنــيــه
*---------------*---------------*
دهـــري مــشــرّع ســيــوفــه.. وحدهه
وتـچـتّـف حِـيـد خـنـدقــهــه.. وحدهه
آنــــــه فــاطــمــه الــضــلّــت.. وحدهه
أحــشّــمّــن بـــعـــد يـــفـــزع إلـــيـــــه
*---------------*---------------*
فِـتـه بـظـلـمـي الـدهـر حكمه.. وشفته
دفـع بــابــي الــرجـس بـيـده.. وشفته
مــحــســن غــابــت انــــواره.. وشفته
مـثـل ورده اذبـلـت غــصــبــاً عــلــيــه
*---------------*---------------*
عــلــي الــفـــر الـفـلـك بــيــده.. وداره
وبــس هــو الــعــرف قــــدري.. وداره
بـجـلـوسـه هــشـمـوا صـــدري.. وداره
حــرگــهــه الــمــاعــرف ربــه ونـبـيــه
*---------------*---------------*
تــسـائــلـنــي غــدت روحــي.. واسلهه
بــعــد بــيــمــن اضــمــدهـــه.. واسلهه
دمــعــتــي مــن ارخــصــهــه.. واسلهه
يـمـنـعـونـي الــصـحـابــه الـنـاصـبـيـــه
*---------------*---------------*
✍بقلم خادم الزهراء ع
الشاعر رعد الچريخي
بصوت. مسلم المطيري
راح احچي بگلبي، المقهور
كلمات الشاعر
حيدر الموسوي
بصوت. مسلم المطيري
ماتت أمنا. أبتا ياعلي
كلمات الشاعر
علي سليم الحسناوي
بصوت. مسلم المطيري
حامي الحميه
دافن شمس بالليل
كلمات الشاعر
حاتم صبري الكاظمي
بصوت. مسلم المطيري
چيموا بيبانهه او لامن فزع
غوشت وبعينهه شحيح الدمع
كلمات الشاعر
صفاء ثابت الغزالي
بصوت. مسلم المطيري
رافضي. رافضي. رافضي الحد العظم
كلمات الشاعر السيد
علي عبدالزهره الناجي
بصوت. مسلم المطيري
جبل صبري. كسر ظهري
كلمات الشاعر
حسن لعيبي الحريشاوي
بصوت. مسلم المطيري
وين امي. وين امي
كلمات الشاعر
فلاح طالب الماجدي
كلميني بروح روحي اللي اخذتيها بجفاج
كلميني بروح دمعة ولدج الطاحت وراج
كلميني بروح محسن والله ما اكدر بلاج
كلميني بروح عشرتنه وبختنه ومستحاج
كلميني فاطمه فـ أنا علي
كلميني فاطمه فـ أنا علي
___
گلبي ماينطيني والله انتجي فوك الگبر
خاف ألم ضلعج ازيده والكسر ماينجبر
فاطمه فراگج بحر وهالبحر ما ينعبر
والغرگ حيدر وولده ومنّه مانگدر نفر
كلميني فاطمه فـ أنا علي
كلميني فاطمه فـ أنا علي
___
راح اكولن كلميني وضنّه ما اگطع بعد
فاطمه حيرتي روحي وانا ما حاير ابد
راح اكلج كلمه وحده ونار البصدري وَتَد
للحوافر هسه كولي صدر الحسين استعد
كلميني فاطمه فـ أنا علي
كلميني فاطمه فـ أنا علي
___
فاطمة التهظمني والله زيارتج يا ام الحسن
لازم ازيارتج ضلمه ولازم بسر مو علن
بللن كبرج وشيبي عيونيّ ابگد مابچن
ومن كثر ما باجي وانجب هدومي هم تبللن
كلميني فاطمه فـ أنا علي
كلميني فاطمه فـ أنا علي
___
فاطمه والله احبج حب الهي مو هوى
انا انتنفس انفاسج ما اشم هذا الهوه
ريت طولي بالمغيسل كون وي طولج سوه
وكون نتشيع سويه لفركتج هذا الدوه
كلميني فاطمه فـ أنا علي
كلميني فاطمه فـ أنا علي
___
#تمت
الخادم حسن الكريماوي ✍🏻
بسك يدفان ما كافي مليت
بوصط الگبر هذا جم غالي خليت
تعبانه يمه حوالي
ولغالي فارك غالي
مستعجل شعندك بعد ما ضل ولا شاب
يا وسفه لبعمر الورد غطاه التراب
كل عمري كضيته بعتب ويطول العتاب
مثل الشمع گلبي حترگ بفراگك وذاب
ضليت اون الوحدي ومگابل الباب
يا يوسف ارجعلي شعجب طولت الغياب
الصخر يبجي الحالي
وغالي. فارك. غالي
***
سير علي طارش وجه وضل الحزن دوم
بغيابك اني دعودت وتسله بهموم
جرحك بخاصرتي كلف وطخه الهدوم
صدك حياتي بغيبتك يوم ارده من يوم
دفان گلبك من صخر خليني احاجيه
ما تدري لو هب الهوه جنت انا اغطيه
تعبانه يمه حوالي
وغالي فارك غالي
***
دفان ما عندك رحم يوميه دافن ورده
ولفاگد عزاز الگلب غير البواجي شعده
يضل يعتنيه المگبره ويوميه جرحه يشده
ولغلي ما يرجع بعد على ترب وسد خده
خده اني اعرفنه ترف بهداي بهداي
ما يگدر الحر الرمل گضاه بفياي
يمه نمرد دلالي
ولغالي فارك غالي
***
ريض يدفان انتضر خليني اشم الغالي
من جابو اخبار واجو والله نمرد دلالي
وتعرف الحرمه التنولي ما عده اخو ولا والي
يعقوب لو صدلي وعلي يبجي على ضيمي وحالي
ضل يبجي يعقوب شكثر حد ما عمه عيونه
بس اني حگي من نرده اون گدامي ويدفنونه
ضل راسي بسمك عالي
والغالي فارك غالي
***
سعيد العكيلي. 35
يا ليــــــــل المنيه
ما ضل نفس بيه راحت من أديــــــــه
ونامت جوه التراب
.................................................
تمنيت العمر ينبـــــــاع وأشريه
وماي أعيوني فوك الزهرة أبديه
بــلا ضحكتها عمري طعم مابيه
أخذ كولشي التريده وحلمي خليه
حلم عمري انتضرته ميـــــــًت بيدي شلته
يا ويلـــــي عليه راحت من اديه
ونامت جوه التراب
...................................................
أنفاسي حجر عثــرة أبمشيتي
بكــل خطوة أشم ريحة منيتي
من الزهرة شالت وحشة بيتي
دليل المكبــرة صارت هويتي
اليسأل عني أكله يموت المات خله
كل صبح ومسية راحت من أديــــه
ونامت جوه التراب
...........................................
آنه أول بـــــــــــشر ينباك صبحه
ويوكف مستعد يمشي أعله جرحه
اليعيش ومنـــكسر من ربعه جنحه
كــــــــــلام الشامت بضهره يذبحه
التتــــــــسمه صحابة وسف طلعوا عصابة
ما بيهم حميه راحت من اديه
ونامت جوه التراب
...........................................
من هجموا على الباب ومضيفيه
نواياهم مثلهم مـــــــــــــونضيفه
عصرها الجان يتسمــــــى خليفه
عليها أتأمروا ولـــــــــــد السقيفه
فــــــــــاطم أم أبيها زلم صاروا عليها
عالزهرة الزجيه راحت من أديــــــه
ونامت جوه التراب
...................................................
طاحت فاطمة طيــــحة دمعها
من عصـروها والشامت دفعها
خلف الباب من كسروا ضلعها
صاحت يا علي ورد وصفعها
وانه لو ما الوصيه لاخـــــــذ ثاري ميه
من أهل الرديه راحت من أديه
ونامت جوه التراب
............................................
غير الزهره أنـــــه شنهو عندي
أعيش أشلون والمن وانه وحدي
أخيــــــــر أنفاسها واتكلي ولدي
أمانة يا علــــــــي يا علي بعدي
زينب من تجيها خل عينك عليها
وجيب حسين اليه راحت من أديــــــه
ونامت جوه التراب
.....................................................
خادم خدمة الحسين
الشاعر
محمد الموالي
السيده الزهراء اتگلم الامام علي في عالم الرئيه
ذبلانه احس مو من بَچي
أشگد شايل بعينك حَچي
سولفلي وضعك ياعلي
سولفلي وضعك ياعلي
*-------------------------*----------------------*
أمبين اعليك التعب سولفلي واحچي اهمومك
يالصبرك بـگـد الـزمـن متغيره حـيـل ارسومك
متحمل اجروح وألم اشگد شفت مـن گومك
ابسرعه أحسّك شيّبت يـابـو الحسن مالومك
واضح عله اجفونك سهر
گلبك حمل فرگه وقهر
*--------------------------*---------------------*
احزانك مخليه اثـر گـلـي اشفت يالوالي
اهواي احسك منكسر غالي ويحس بغالي
نـاس العليك اتئآمرا صوره الغدرهه ابالي
البابك الجاب الحَطب نفسه الجرح دَلّالي
بأصعب جرح مثلي صرت
يوم انعصر صدري وحرت
*----------------------------*----------------------*
اشگد شايل بصدرك ألم من الأجوك الدارك
عايش وحـيـد بدنيّتك ألمن تـبـث أسرارك
زمرت عصابه الأذتك اصبر يحامي الجارك
اختارلهم الباري الغدر وأنته الأمير اختارك
ادري بسهر ليلـك يـمـر
حسره وحزن صار العمر
*----------------------------*---------------------*
حاچيني يالحچيك نده بعدك احس ماطايب
ياحيدر اشسوه الزمن گلبك وراسك شايب
احچيلي بغيابي الجره جاي وعَبرتك جايب
أمحدّب اشبيه الظهر حيلك نَحـيـل وذايب
ماچن علي وليث الحرب
وچان المَثل بي ينضرّب
*-----------------------*---------------------*
الزادو اجروحك تـره اهـل الـحـقـد ادريهم
الشيّبو گـلـب النبي اسـود يـضـل ماضيهم
اصحاب السقيفه والفتن ايعينك الله اعليهم
مابيهم العنده وفه وقـطـرت رحـم مابيهم
الهم صفه نقض العهد
بابك عله الخانوا شهد
*--------------------------*----------------------*
✍خادم الزهراء (ع)
الشاعر رعد الجريخي
استشهاد الصديقة فاطمة الزهراء عليها السلام
،،،،،،،،،،،،،،،،،،،،،،،،،،،،،،،،،،
بسمار الشقا والكسرِ والحرقا
هذي فاطمٌّ يا أيها الحمقى
ذا حقدٌّ تمرد عذراً يامحمد
__
لدار المرتضى لما سعى الساعِ
لغصب خلافةٍ ينوي واخضاعِ
فبعد المصطفى قد أنكروا الراعِ
لهذا الدين تعساً لجل اطماعِ
كانت فاطم في الدار وا لهفي
وبن الحقد جاء لقلبه يشفي
قد سل المهند عذراً يا محمد
__
قالوا بضعة المختار في الدارِ
قال وأن" وشب الباب بـــ النارِ
سليل الفاسقين ومنبت العارِ
فذا فعلٌّ جبانٌ يُغضبُ الباري
راح لدفع باب المرتضى يسعا
حتى انبت البسمار بالضلعا
أضحى يسطر الخد عذرآ يا محمد
__
هوى منها جنينٌّ يشبه البدرُ
فأين عليُ هذي ساعة العسرُ
ليفتك بالنفاق ويقبِر الغدرُ
فبعد محمدٍ ما أبشع العمرُ
صاحت فضةٌ ياثقلُ احزاني
هذي بنتُ طه ما لها ثاني
أن الله يشهد عذراً يامحمد
__
فاضت روحها والظلع مهشوما
ويوم بالمجتبى والسبط مشؤوما
يصيحا امنا والقلب مهموما
صاحت فضة لوداعها قُوما
خروا فوقها والدمع مدرارُ
أما كلمينا زهرة الدارُ
بي حزنٌّ توطد عذراً يامحمد
____
#هشام_العطار
الفاطميه
.
.
.
لا . صرخه وترتفع / لا . نكتب بالدمع / لا . مانـنسه ظـلع
أمــنه الزچــيه
______
الگـال تنـسون الظـلع لـو طـال الغياب
هـذا اكيد اويـه الجماعه الدفعو الباب
همـه مـن رادونه ننـسه عـدهم اسباب
ظنو انبطل اللعن عن بعض الاصحاب
لا . الزهره تنوجع/ لا . نكتب بالدمع / لا . مانـنسه ظـلع
أمــنه الزچــيه
______
النـبي غـير الزهـره مـاعنـده وريـثه
بضـعه منـي فاطـمـه گـال بحـديثه
الله يـلـعن قـائـد الزمــره الخــبيـثه
بالحقـد ظـهرت مساَعـيه الحثــيثه
لا . ما راعه الوضع / لا . نكتب بالدمع / لا . مانـنسه ظـلع
أمــنه الزچــيه
______
امـنه مـن حـقنـه اذا نبــچي البچـيها
اتضوج بعض الناس ماندري اشعليها
هــالجـريمه ابـائـهـم مشــتركه بــيها
همـه حـرگو بـابــها وهجــمو علــيها
لا . الألهم متبِع / لا . نكتب بالدمع / لا . مانـنسه ظـلع
أمــنه الزچــيه
______
نبـچي ما بطـلنه مـن يـوم السقـيفه
علـى حـالة فاطمـه الزهـره العفـيفه
الخليفه امـن استلم هـاي الوضيفه
وسـفـه اول مــابـده بيـها الخـليفه
لا . وقرر تنفجع / لا . نكتب بالدمع / لا . مانـنسه ظـلع
أمــنه الزچــيه
______
بسكـم اتلومـون مـو كافـي المـلامه
إلينـتـقـــدنـه لازم ايـقَـــيـم كـــلامه
علــى خــد الزهـره من خــله عـلامه
تظـل تلعـن بيـكــم ادمـوع اليــتامه
لا . لاماتنگطع / لا . نكتب بالدمع / لا . مانـنسه ظـلع
أمــنه الزچــيه
______
نبقـه نجري ادموعـنه الحـد المنـيه
الهالـرزيه الهـيه اسـاس الـكل رزيه
كـون ماتخلـص ليـالـــي الفاطمـيه
حتـى نلـعـن بالسـقيــفه وال امـيه
لا . اتظل ماتنمنع / لا . نكتب بالدمع / لا . مانـنسه ظـلع
أمــنه الزچــيه
______
حيدر تركي الكربلائي
بصوت. مسلم المطيري
شفت ضيم واذيه
عگب سيد البريه
كلمات الشاعر
رعد الچريخي
بصوت. مسلم المطيري
ابو ذية بحق ابا الفضل العباس عليه السلام
على اعضيدة يون كلما يرة الماي
وتذكر طفلة من شاهد يرة الماي
ابو فاضل نزل بيدة ير الماي
وحطة ابجربتة وراح لرقية
====================
رائد الاسدي
بَسْمِ اللهِ الرَّحْمَنِ الرَّحِيْمِ
[ استحياء التّنور ]
راح احچي بگلبي المقهور عن استحياء التّنور
اشسولف وي بنت المختار لمّن شعلوا ذيّج النّار
—
بيني ما بينچ عشت عشرة عُمُر
جاي احس يا فاطمة بطيني الكسر
اِبْـدَاخِـلِـي ساعة زمن يطفى الجمر
بس جمر حزني اعله ضلعچ مستمر
يالكلشي لربكم منطين جذوع الباب احلم من طين
چا ما صاباچ البسمار لمّن شعلوا ذيچ النّار
—
اللّعين امن اجه لبابچ واقترب
والـجَـزل جمّعه وبعيونه الغضب
چنت اتمنى علي سَـيْـد العرب
ايجمعه بيّه وآنه أحرگله الحطب
من عندچ عندي استحياء المحروگة اعتاب الزّهراء
أذّوا غِيرة حامي الجار لمّن شعلوا ذيچ النّار
—
حزني دايم يالكيانچ عَـلَـوِي
وصفحة آهاتي أبد ما تنطوي
من تخبزين بلضى خوفي اكتوي
خاف چفّچ من لهيبي ينچوي
وانظرلچ هسّه وخجلان چفّچ مچوي وبي دخّان
والأسباب امن الكفّار لمّن شعلوا ذيچ النّار
—
اكو سطرة خبز بايدچ دَاخِـلِـي
واكو سطرة عين بايد الجاهلي
الأولى حنيّة وحنان وحُب الي
الثّانية كسرت ظهر حيدر علي
عايش اجواء إستغراب داحي الباب متعبه الباب
هدموا أركان الكرّار لمّن شعلوا ذيچ النّار
—
چنتي من عندي تطلعين الخبز
واليتامى تاخذه منّج حرز
ام ابوها الدين باسمچ يرتكز
ليش هسّه بسيف ضلعچ ينوكز
زوجة سيف الله المسلول بسيف الشّيطان المذلول
وكزوا ضلعچ هذا الصّار لمّن شعلوا ذيچ النّار
—
فاطمة يوميّه لچفوفچ أحن
من تخبزين آني كلّش اطمئن
اتمنى اصيرن بير من فرط الحزن
حتّه أسمع حيدر شيحچي ويون
ذابحني شگد التّفكير بعلچ شيسولف للبير
بالبير شخلّه امن اسرار لمّن شعلوا ذيچ النّار
—
عشنه من عصروچ أشباه الزّلم
آنه والرّحى وسبحتچ باليتم
حتّه بيتچ مبني لكن منهدم
ياخذ بثارچ المهدي المنتقم
أعرف بي من ولد حسين يصلب عالشّجرة الجبتين
وعد امن الباري القهّار لمّن شعلوا ذيچ النّار
شكرًا لله ولآل الله صلوات الله عليهم أجمعين
[ هَذَا مِنْ فَضْلِ رَبِّي ] والحمد لله
بركات الكفيل سلام الله عليه
#أبو_فاضل_هوّه_المفتاح
#رزقهم_صلوات_الله_عليهم_أجمعين
حيدر الموسوي
ماتت امنا
ابتا ياعلي
ماتت امنا
ابتا ياعلي
****
ماتت يحيدر فاطمه ومات الحنان اوياهه
اضلم صبح حتى الضوه من غمضت عيناهه
ماترد لو تبچي الجفن ياحيدر الممشاهه
لو جبل صبرك ياعلي هم يهدم الفرگاهه
من عين السما
دمعٌ من دما
من عين السما
دمعٌ من دما
****
راحت الچانت ياعلي هيه التطب بنفاسك
تتنفس الزهره چنت العايشه بحساسك
ماتت الجنه ياعلي وسهم الهجر شو جاسك حته الحچي شيب تره مو بس بياض ابراسك
النور انطفى
صفعٌ ام جفى
النور انطفى
صفعٌ ام جفى
****
الدار فرغت ياعلي ماتت الجانت بيهه
تترس اسماعك بالهلا من چنت تدخل ليهه
ماتت توون من الضلع حيل الكسر ماذيهه
ابدمعات ترثي فاطمه لو عين تبچي اعليهه
ولعرش بكى
للرب اشتكى
ولعرش بكى
للرب اشتكى
***
ماتت وچفهه اعله الضلع ولعين چانت حمره
اتغيرت ملامح فاطمه من اثر ذيج الصطره
چم اه جرت بالنفس چم حسره وچُم عبره
اضلوع امنا امهشمه ولمنهشم شي يجبره
ضِلعٍ هٌشِمى
يُجبَر ياتُرى
ضِلعٍ هٌشِمى
يُجبَر ياتُرى
****
ندري اليموت وينتهي يسكن انينه اوونه
لانفس يبقاله بعد اولا صوت تسمع منه
ماتت اونتهه بقت تندب يضلعي امنه
ياحيدر انته النه الصبر وغيرك بعد ياهوه النه
اثار الورى
في ذاك الثرى
اثار الورى
في ذاك الثرى
****
علي سليم الحسناوي
حامي الحميّه .. دافن شمس بالليل
بعد الزچيّــــه .. صايــر علي بلا حيل
روحــه غريــــبه
بعــد الحـــبيبه
صاحب مصيبه
____
علي جروح المصيبه خذت كل حيله
مشه محـــبوب گلــبه عنّه هالليــــله
( الله يصبــرك ) سلـمان يدعــــيــــله
نعش أم الحســن گــوّه علي ايشـيله
قالـــعها خيــبر ... لزهره گوّه ايشــيل
مو ذاكه حـيدر ... صايــر علي بلا حيل
روحه غريــــبه
بعد الحـــبيبه
صاحب مصيبه
___
القويِّ الـ بالمــعارك مِنفرِد عزمــــه
الـ ما يوگف اگبـــــاله لو ألـــف زلمه
بصعـوبه الهَوَه بعد الزهــره يشتمّه
أبو الاحزان صـار من الضــلع أسمه
فرگــــاها خَلّه ... بصوته الحـزن ترتيل
الشافه يــگله : ... صايــر علي بلا حيل
روحه غريــــبه
بعد الحـــبيبه
صاحب مصيبه
__
علي هذه الدهـــر منّـه سِلِـب عمره
عالمُـغتــسل بيـــــده مَـدد الزهـــره
يبــاوع خدها ازرگ و السبب سطره
من كَسر الضِـلع و الله انكسر ظهره
محروگه اديها ... شاهدها بالتــغسيل
يبچـــي عليها ... صايـــر علي بلا حيل
روحه غريــــبه
بعد الحـــبيبه
صاحب مصيبه
____
گـــعد بالزاويــه يبـــچي بألم مخفي
و يصيح بدمعته و الصيحه ما تكفي
گالتلــــــه شــجرالك گال : وا لهفي
اعله ضلع المنكسر أسماء مَر چفّي
شاف بدمعــته ... كــسر الضلــع بالويـل
آ يا كسرته ... صـــايــر علي بلا حيل
روحه غريــــبه
بعد الحـــبيبه
صاحب مصيبه
___
يعالـــــم و الله تكـتل فرگـــة الأحـباب
غابت ضحكته وجه ام حسن من غاب
أبو تـــراب و يـــهيل اعله الزچيّه تراب
علي ميّـــت عليـــها من عصرها الباب
وَدعـها ينــحب ... رَد و دموعه اتسيل
گالــته زيـنب : ... صايـر علي بلا حيل
روحه غريــــبه
بعد الحـــبيبه
صاحب مصيبه
الشاعر حاتم صبري الكاظمي
چيمو بيبنانهه أو لامن فزع
غوشت وبعينهه شحيح الدمع
غوشت والشوف بالدم اندثر
هوت والبسمار فج ضلع وعبر
عثرت اولاباب فك طوله وستر
موش خيط وينعگد كسر الضلع
كسر عود انكسر ضلع ام الحسن
موش حنطه الضلع جاليش نطحن
بوب ساده عيونهه اولا سلهمن
كثر طيح دمومها الحايط يشع
يشع دمهه وحوشه عليهه هفت
مثل جفي الطوس بالباب انجفت
زمرة بليس عله باب الله لفت
استسبع البطيف ماصاير سبع
صار موت وچيل دم ومستحه
وعنبر المحسن خليفه تفلحه
غيم ضلع الزهره ماساعه صحه
وليل خوف وغفله ريج الينبلع
ريج يابس وبنفس نار انجوى
المطر كبل الكاع يبس بالهوى
رماد تنور الحكم كلبه حوى
اولا خليفه العكب حيدر ينجرع
اولا خليفه يكوم من يعثر جدم
بطون عفنه وكشخت بفي الهدم
ينجوي اليسكت اليوكف ينثلم
ناس موته الحشم اولاينسمع
ضمت الاخ وتلوت ونتچت
تلچم من تبچي ريت اولابچت
حجه دم لطفل فاطم ماحجت
ريت نحر الكتل فاطم ينگطع
صفاء ثابت الغزالي
رافضي .. رافضي .. رافضي لحد العظم
رافضي و اتفاخر انه ابــــــــرافـضـيـتــي
كربلائيه حُــــــســـيـــنيـــه هــــــــــويتي
ما ابايع كل شمر جوهر قـضـيـــتي
و بس علي الـكرار أميري لحد منيتي
بس علي ..... بس علي ..... بس علي ابنهجه التزم
رافضي ..... رافـضي ..... رافضي لحد الـــعظم
رافضي و كل دگه بالـــــــــــــدلال إليه
اتنادي اه يالــــــــوعة الزهره الــزچيه
چم مصــــيبه و چم ألم شافتها هيه
من ظلم حزب الــــسقيفه الـــناصبيه
والــظلع ..... والظـلع ..... والـــــــــظلع أول جرم
رافضي ..... رافضي ..... رافضي لحد الــــعظم
بت نبي الرحمة وعليها الباري صله
علعرش يكفيها اسمها اصبح مـحله
ام ابوها و هلــــشرف محد وصلّـــه
و بــــــــــاچر العاداها للـــباري اشيـگله
بالحشر ..... بالحشر ..... بالــــــحشر طه الخصم
رافضي ..... رافضي ..... رافضي لحد الــــعظم
گلبي بس للـــعتره يتبــــاهه ابــوداده
يوالي الــــيواليهم وللــعاده عــاده
ربهم اختصـــــــاهم ابـــتاج الـسياده
وحبهم اعله المولد الطاهر شهاده
عن علي ..... عن علي ..... گلبي ابد مــا ينفطم
رافضي ..... رافضي ..... رافضي لحد العظم
يا الهي اتوسلك بــــــــالزهره وامــها
اتسجل اسمي ام الــحسن خـادم خدمها
حته اواسي الـــحرِّگو بالــطف خيمها
زينب وفدوه انه اروحن بس لســـمها
يحوي سر ..... يحوي سر ..... يحوي سر هذا الأسم
رافـــضي ..... رافــــضي ..... رافضي لـــحد العظم
يلـــــــــزچيه وحبنه الچ خلانه نلــــتم
نجري لمصابچ دمعنه ونحيي مـــــأتم
يلـــــــــمصابچ شابه الـــــعاشر مـحرم
نار و ظلوع وطفل يــــا فـــاطمه ودم
مســـتمر ..... مستمــر ..... مستمر هذا الـــظلم
رافضي ..... رافضي ..... رافضي لحد العظم
سيد علي عبدالزهره الناجي
العقيلة زينب تخاطب أمها الزهراء
عليها السلام (وزن الطويل)
جبل صبري. كسر ظهري. . يلحنينه
بعد عمرچ. شنهي عمري يلحنينه
★★★★★
بنتچ زينب بغربه اشيل الجدم مابيه
يمه من شفت دارچ. على هلحال يومية
حزينه الدار يلزهرة. لأن مالچ بعد جيه
ياهو الچان يجمعنه. ويملي البيت. حنيه
من رحلتي وعني رحتي يلحنينه
نار تطلع من دمعتي . يلحنينه
★★★★★
الحزن والنوح لازمني بعدعيناچ من صغري
العمر اتمنه بوجودچ يطول شما حكم دهري
ردت هليوم بغيابچ اخر يوم من عمري
غيابچ يمه مو وكته لَوَّعَني وكسر ظهري
هذا حالي. وي الليالي. يلحنينه
غير حزني. مابقالي. يلحنينه
★★★★★
ذاك الي دفع بابچ. حيل الدنيا شاغلته
مكسورة ضلع تالي الجنين الموت خاتمته
الظالم يرفع بسوطه.يضرب بالمتن شفته
وابوي بحال متأزم محني ولزم خاصرته
شگد تصَبَّر ناره تسعر. يلحنينه
بالوصيه التزم حيدر. يلحنينه
★★★★★
چم مره خطب جدي. مهجتي گلهم البضعه
مكسورة ضلع خلوچ. عين اترافگ الدمعه
الطبعه حقد مايرعاچ ميزان الحقد طبعه
راح الخير من رحتي هذاك الزمن شيرجعه
كثر وني. وليل حزني. يلحنينه
اثنين بعدچ. شيبني. يلحنينه
★★★★★
حنانچ گبل يجمعنه. وبفي ضحكتچ نغفه
قصده الوكت وافعاله شمعة بيتنه تطفه
وذياب السقيفه اتحوم شر گلوبهم صلفه
حقدهم من زمن غابر. هذا الحقد موصدفه
يلزچيه. شلون بيه. يلحنينه
يوم رحتي. من اديه. يلحنينه
الشاعر حسن لعيبي الحريشاوي
السان حال عن مولاتي زينب ع
عندما رجع علي ع من الدفن
وين أمي وين أمي
يابويه راجع خالي
موفطرت دلالي
٠٠٠٠ ٠٠ ٠٠٠٠
زغيره بعدني عله اليتم وضيم اليتم شيحمله
يابويه اطلبنك طلب الباب كون تميله
مسمار كاسرله ضلع وشلون ذيج النبله
والمثلي امه تفارگه بهذا العمر موسهله
بعدني بسن طفوله وشابت عيوني
شفت منظر ذهلني ونخطف لوني
ياجلمت يتيمه الخضرت بالبيت
اواسي اخوني لوهمه اليواسوني
الدمعات عالخد سالت
زهرة زماني انشالت
وين أمي وين أمي
٠٠٠٠ ٠٠ ٠٠٠٠
ابجي عله حالك ياعلي مدري ابجي انه الحالي
الجناز ياخذ والگبر مايوم رجع غالي
فراگ الحنينه بكل وكت جتالك وجتالي
شمعت ليالينه نطفت من الدنيه راح هلالي
امي هاي يل ماكو بمحنتها
الله يعين روحي شلون شافتها
طاحت جنه ميته من عصرها الباب
ومحسن طاح من شوغات طيحتها
انشد واصيح شلونك
بويه الدمع بعيونك
وين أمي وين أمي
٠٠٠٠ ٠٠ ٠٠٠٠
شلون گلبك طاوعك بالحد فاطم تنزل
منها الضلوع مكسره الشيل الثره ماتحمل
يل جايني مصوب حجي وعينك وكلبك يهمل
شافوك شمات شكثر وعين الشماته التكتل
بظلام اليل ياحيدر تشيعه
وعن هاي البشر رادت تضيعه
الحارك دارهه وعاصرها عله الباب
تخاف من الحد باجر يطلعه
صاح الحسن بدموعه
زغير وحناها ظلوعه
وين أمي وين أمي
٠٠٠٠ ٠٠ ٠٠٠٠
بويه الورد مو للگبر ابستان كون وينشم
عطر النبي جوه الثره من هالظلم يتألم
وبياذنب من الزغر حسين وحسن يتيتم
بذهانه صورت جمر من عدها ابد مانسلم
دخيل الله ودخيلك بويه ياكرار
بدايتنه ظلع وحايط وبسمار
اخذني للحنينه وشلي بيها الروح
هاي النار باجر بويه نفس النار
باجر أصعب المنظر
اصيح وگلبي يتفطر
وين أمي وين أمي
٠٠٠٠ ٠٠ ٠٠٠٠
هوه الهضمني ياعلي راجع وضهرك محني
محتار من الفاجعه بيا فاجعه اتصبرني
كل خطوه بويه بمشيتك بيوم الطف تذكرني
هم مثلك ابقا الوحدي وخيل العده تعثرني
عله زينب ياعلي يتكرر المشهد
الهيب النار بخيامي حزن يصعد
افر من الخيم وركض الخوي حسين
وشوف حسين بخيول العده مفرهد
لاخنصره ولانحره
واركض واصيح الزهره
وين أمي وين أمي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
