بصوت. مسلم المطيري
منظر فطر گلب السمه
كلمات الشاعر
سيد علي عبدالزهره الناجي
بصوت. مسلم المطيري
#ندبة
السيدة الزهراء لمولاي المهدي روحي فداهما
صاحت الزهراء يالمهدي شتكول
خصمك بجفه لطم وجه البتول
من طحت عالكاع ودمومي تسيل
كام يرفسني الخبيث برجله حيل
كمت اميلن عنه بس كوه اميل
وداس بالرجلين اعتاب الرسول
يمه زينب طفله وتعاين عليه
شلون يلطمني اعله وجهي بصم اديه
لا علي ولا طه لا حمزه يجيه
والوصيه بالوصي عني تحول
ظالم بلا دين شتظن ينردع
يمه خفته يصيب من زينب ضلع
وزينب مخليتها لايام الفزع
من تغير اعلى الخيم ذيج الخيول
ثاري ضمها لزينب ليوم الطفوف
يكسرلها ضلوع ما بين الصفوف
بلا خدر يسبيها والوادم تشوف
من بلد للثاني عالهزل تجول
الشيخ حيدر الحميداوي
#اللهم_عجل_لوليك_الفرج
نعي للولد
////////////✍✍✍////////
شمحلات الولد لوكال يمة
يطيب جرح كلبي يزيل همة
انه شتاكيتله بس ارد اشمة
////////////✍✍✍////////
فتحولي الكبر خل احجي وياه
انة اشتاكيت صدكوني لحجاياه
شلون اكظي العمر صعبه بلياه
/////////////✍✍✍//////
افتح باب كبرك يالولد لمك
وخليها بكلبها الواسع تضمك
وين تروح خليها تضل يمك
///////////✍✍✍////////
وي وجه الصبح تمرلي تمنيت
وابجيتك ييمه يصير زاهي البيت
بس حقق امنيتي بحزن ضليت
//////////✍✍✍//////////
اذا شفت الشباب يهلن عيوني
واصيحن حيل ببني لاتذكروني
يوليدي الخسرته وخابت ضنوني
///////////✍✍✍//////////
اشم ريحت هدومك والك حنيت
بقت بس ذكريات الحلوة خليت
انه أتذكر مكانك يبني وبجيت
///////////✍✍✍//////////
ارحمني يالولد مابيه انوح اكعد
انة ناديت بسمك بس عليه رد
اريدن ناركلبي تهود وتبرد
////////////✍✍✍/////////
يالنمت وسط اللحد حاجيني
ليش يايمة غبت عن عيني
وليش رايح عدمن مخليني
////////////✍✍✍/////////
تمت بعون الله
بقلم الشاعرة زينب المحمداوية
#الى_الإمام المهدي المنتظر عجل الله فرجه الشريف
قصيدة بعنوان( يمتى الظهور ) النص وزن الهجري
ننتظر يومك يمهدي سيدي يمتى الظهور
كل محرم يوم عاشر يم ابو اليمه نناطر
سيدي يمتى الظهور
●●●●●●●●●●●●●●●●●{{١}}
يمتى يومك ياامامي والفرج ساعه اله
ابيوم عاشوراء ننعه وننتظر في كربله
ننجمع يم ابو فاضل والدمع دم نهمله
ندري ويانه تعزي عمتك والعايله
والدمع دم التصبه وكلبك اينازف جروح
وتنعه لخيام او مناحر يم ابو اليمه نناطر
سيدي يمتى الظهور
●●●●●●●●●●●●●●●●●{{٢}}
ندعي يوميه الظهورك يابو صالح ننتظر
ايعجل اللهم يومك ندعي بدموع الصبر
لا ابد منعوف أمرك بالكلب يسعر جمر
ونطلب أمن الباري نحظه ابشوفتك لوا بالكبر
حتى لوا ميتين نطلع بالجفن من التراب
وكل شخص بينه مناصر يم ابو اليمه نناطر
سيدي يمتى الظهور
●●●●●●●●●●●●●●●●●{{٣}}
بالعمل ننتظرك احنه والزمن جار الزمن
لا بقى دين الأصوله ولا شرع يبن الحسن
بس أسم أسلام باقي وغيروا حتى السنن
والبشر حيرنه أمره ماكوا مهدينه علن
غيبتك طالت علينه والصبر عاف النفوس
عشنه أهات أو مخاطر يم ابو اليمه نناطر
سيدي يمتى الظهور
●●●●●●●●●●●●●●●●●{{٤}}
يوم محكمتك ننطره ويه ثاراتك دمه
ويه ماضيك قضائك والخصب حق فاطمه
وجعده تصلبها ابقصاصك عالجبد هالمجرمه
وبالحسين أخوته وكومه تبدي حكم المحكمه
كل جرم تاخذ قصاصه حتى ابليس اللعين
محكمه تنصبله باجر يم ابو اليمه نناطر
سيدي يمتى الظهور
●●●●●●●●●●●●●●●●●{{٥}}
انته حجه أعله البريه ويوم الك ويه العدل
دينك الأسلام بيدك كتبه وأقوال او أصل
تملي هالدنيه ابعداله من بعد ظلم الجهل
وكلشي يصبح من نشوفك موا صعب جدا سهل
اتصفي كلمن يشك بامرك وكلبه ما ثابت يقين
واليتركك هذا خاسر يم ابو اليمه نناطر
سيدي يمتى الظهور
■■■■■■■■■■■■■■■■■■
الشاعر الحسيني حسن جاسم الطائي
بصوت. مسلم المطيري
#نعي
يمه وينچ
الليل هالچلچل ظلامه
يمه وينچ
ليلي ما اگدر انامه
يمه وینچ
صرنه من بعدچ يتامه
يمه وينچ
الدهر صوبني ابسهامه
يمه وينچ
ابخدچ السطره علامه
الشيخ زمان الحسناوي
#اللهم_عجل_لوليك_الفرج
عمه لو رديتي باجر يالعقيله
وصلي شوگي وسﻻمي للعليله
باجر تسألج عليه 〰️عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه گعدي اعتاب عندي اوياج العتاب
عمه ليش اتأمليني ابطاري الغياب
اقسم اعليج ابمصيبه امي والباب
هم بعد ياعمه ترجع ذيج اﻻحباب
عـمه گـليلي الصراحه وﻻ تـضـمين
حسين ياعمه بسفر لو ميت حسين
عليج بالزهره الزجيه 〰 ️عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه باجر لو رجع ضعنج يعمه
سلميلي اعله العليله وهاي ذمه
اخذي ثوبي اوياج خليهه تضمه
عمه من تشتاگلي اتطلعه وتشمه
هـذا ثـوبـي نـاگـع ابـدمع البواجي
وبـي نگط دم من اثر جر التراجي
باجر اتگلج خطيه 〰️ عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه ثوبي والعبايه اخذيهه تذكار
عمه بس طرف العبايه ﻻحته النار
عمه لتكليلهه اعليه اشجره وصار
يكفي ياعمه عليهه وحشه الدار
يكفي ياعـمـه عليهه امساهر الليل
عمه ما يحمل مصايب طبع العليل
عله وفراگ واذيه 〰️ عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
عمه لو غسلتي جسمي وثوبي شلتيه
متني مجروح علكيفج لا تلجميه
الماي ياعمه اعله ضهري بهيده صبيه
لازگ الثوب اعله جرحي براضه شيليه
جنهم ايطلبوني حيف او اخذو الحيف
وانـه لـعـابـه ابـاديـه مـا شـلـت سـيـف
اخباري خليهه خفيه 〰️عمه شو ماهي رقيه
🔻🔺🔻🔺🔻🔺🔻🔺🔻🔺🔻🔺🔻🔺🔻
ادري هيه محضره اهدوم ولعايب
حگها ما تدري جوت خدي الترايب
فرشت الدار ابأمل جيت الحبايب
ما درت ياعمه خلونه بخرايب
لـو تـمـر نـسمه هوه ويتحرك الباب
تركض ونصرخ هله بيكم يالاحباب
اتصيح بدموع الجريه 〰️ عمه شو ماهي رقية
@@@@@@@@@@@@@@@
حسين باهض الحلفي
موشح ونزله سريعه
للانصار
✨✨✨✨✨✨✨✨✨✨✨✨✨✨✨
ارواحنه لحسين سلمناها
وما بقت نسوان طلكناها
✨✨✨✨✨✨
صاحوا الأنصار يا بت فاطــمه
ارواحنه لحسين كلهه مسـلمه
وعالشهاده اليوم كاتلنه الضمه
ما طلبنه الماي و طلبناها
ارواحنه لحسين سلمناها
✨✨✨✨✨✨
للشهاده اليوم كاتلنه العطش
و يا دربها اليوم تيجان انـفرش
والهديه اليوم من رب العرش
.
وبيعة الرضوان هم عدناها
ارواحنه لحسين سلمناها
✨✨✨✨✨✨
وبيعة الرضوان متروسه ولاء
هيجي عدناها بأراضي كربلاء
فدوتك يحسين جاوبنه النداء
والمنايه وياك بس ردناها
ارواحنه لحسين سلمناها
✨✨✨✨✨✨
المنيه وياك احله من الشهد
وكلنه منتظرين يلفينه الوعد
وننثر الارواح الك مثل الورد
و جفوفنه للموت مديناها
ارواحنه لحسين سلمناها
✨✨✨✨✨✨
جفوفنه للموت مدته السلم
وللمنيه اليوم شدينه الهمم
بالشهادة نرتفع لأعلى القمم
و العقيله اليوم عاهدناها
ارواحنه لحسين سلمناها
✨✨✨✨✨✨
للعقيله اليوم جددنه العهـد
نصرت المظلوم عنها مـانرد
مايهمنه الموت لاهمنه عدد
احلامنه بالموت حققناها
ارواحنه لحسين سلمناها
✨✨✨✨✨✨✨
✨الشاعرة ام زينب الحسيني ✨
بصوت. مسلم المطيري
لك العزاء. ياعلي
كلمات الشاعر
علي طعمه البطاط
بصوت. مسلم المطيري
#أبوذية
الكلب شاجر على ابن امي وداوي
تضعضع ونـهــدم حيـلـي وداوي
لا مجــروح حته اگـعـد وداوي
ولا غايب واگـول اتعـود اليه
للمرحوم
عبد الامير الفتلاوي
من ديوان مراثي الفاقدين ج١
قصيدة للأهل و الديار (يم باب اهلنه)
❥━──➸➽❥❂❥━──➸➽❥❂
يم باب اهلنه يم باب اهلنه
مريت اونن وانتحب يم باب اهلنه
وابچي بمحنه وابچي بمحنه
اذكر ليالينه المضت وابچي بمحنه
❥━──➸➽❥❂❥━──➸➽❥❂
اتذكر ايام المضت وتهل العيون
ليش الاحبهم يا زمن من عندي يرحون
ناموا بوسط المگبره وماظن يردون
هيهات اليه يا زمن احبابي يلفون
اظلم نزلنه اظلم نزلنه / من شالو اعزاز الگلب اظلم نزلنه
❥━──➸➽❥❂❥━──➸➽❥❂
البيت وحشه وبعد ما ظلي تچيه
چا وين اروح واشتكي هموم العليه
تعبني كلش هالزمن واشبعت اذيه
ما احمل فراگ الاهل وشلون بيه
اطشر شملنه / اطشر شملنه / هيهات شيلمه بعد اشطر شملنه
❥━──➸➽❥❂❥━──➸➽❥❂
الدار الخليه من الاهل تمرد الدلال
من انظر الها بس اون والدمع همال
يفراگهم كلش صعب ويغير الحال
من عني شالوا وابعدوا بيه الحمل مال
واگطع الظنه / واگطع الظنه / منهم دئيس يا گلب واگطع الظنه
❥━──➸➽❥❂❥━──➸➽❥❂
ياروحي بطليه العتب كفي اعتابچ
سكنوا بأرضي المگبره كلهم احبابچ
بس الصور ظلت الچ تسمع جوابچ
راح الحنين الي يجي واليدگ بابچ
حظن اليلمنه / حظن اليلمنه / چا ليش غطاه الثرى حظن اليلمنه
❥━──➸➽❥❂❥━──➸➽❥❂
امي الحنينه ويا ابوي وذيچ الإخوان
يا وسفه ليش الهم حلت نومة التربان
خلوني وحدي والدمع خلالي نيشان
وعيوني ذبلها السهر والوجه ذبلان
ما يرجع النه / ما يرجع النه / والساكن بوادي الغري ما يرجع النه
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي
▪︎▪︎▪︎
بصوت. مسلم المطيري
شيعتهه. للمگابر شيعتهه
كلمات الشاعر
موسى الخادم
بصوت. مسلم المطيري
ردت منك تردلي الايد
كلمات الشاعر
محمد الابراهيمي
بصوت. مسلم المطيري
ياغريبه. ياغريبه
كلمات الشاعر
الملا صفاء الفاطمي
بصوت. مسلم المطيري
عيوني ماسكتن
ابچي يبويه الفرگاك
كلمات الشاعر
ملا صفاء، الفاطمي
بصوت. مسلم المطيري
الله يعينك ياعلي من ودعتها الزهره
كلمات الشاعر
عقيل الحسناوي
منظر فطر گـلب السمه / حيدر يشيع فــــاطمه
كوثر حياته ومن مشت / گضا العمر ميت ضمه
ــــــــــــــــــــــــــــــــــــــ
بالــــــوداع ..... شابگ نعشها ويجري دمعه
صبره ضاع ..... يدريها روحه ابلايه رجعه
للـــزهره حسراته اشكبرها
والمشكله ايعرف السطرها
والسطره اسود ظل اثرها
صابر لچنه امن الصبر / يم ناره يتدفه الــــــجمر
فگد ام حسن خله الشمس/ بعيونه صارت مظلمه
ـــــــــــــــــــــــــــــــــــــــــــــــــــــــــــــــ
والضلوع ..... حين العرف بيهن كسيره
ظل يلوع ..... چن لوعة الفاگد عشيره
معناها حيدر ما سمعــــــها
ولا حاچته ابكسرت ضلعها
وابخير اله اتبيِّن وضــــعها
اي حگه حيدر ينذهل / معذور اذا عاف الـــــغسل
حط راسه ما بين الركب / وادموعه علخد ساجمه
ـــــــــــــــــــــــــــــــــــــــــــــــــــــــــــــــ
بالظلام ..... شال النعش وچفوفه ترجف
يـاحرام ..... ١٨ عــام الــــــــكوثر ايجف
حين اللي وسدها ابـــلحدها
وصه اللحد لا ياذي خــــدها
امن العصره ما طابت بعدها
هل الترب واخفه الگبر/ وبلا عمر عاش العمر
لا تنلچم وصه الچفن / يدريها حيل امــــألمه
ـــــــــــــــــــــــــــــــــــــــــــــــــــــــــــــ
علگبر ..... بالــفاتحه انفتحت جروحه
للطهر ..... يهديها ما ندري اعله روحه
من رش گبرها ابجاري دمعه
سبع الشداد لــــــــحاله تنعه
تشارك علي وتون يَـــ بضعه
شَيل الجبل اي ينحمل / بس فگد فاطم مو سهل
وسفه الرضيّه الراضيه / تمشي ابـــــزعلها وناقمه
ــــــــــــــــــــــــــــــــــــــــــــــــــــــــــــــ
ابيا وضع ..... يرجع الــــدافن امنياته
والــــدمع ..... شيعوض الماتت حياته
كلما يصد باب ايـتحسر
شوغة الـــبسمار ايتذكر
يذكر الــمحسن دم تعفر
لمن تمر بي (والعصر) / يذكرها طاحت بالعصر
سورة الكوثر چن يحس / ايات بيها امهشمه
ـــــــــــــــــــــــــــــــــــــــــــــــــــــــــــــــ
مستحيل ..... نوصف حزن حامي الحميه
شي قليل ..... لو گلنه شاب ابهلـــــــ رزيه
يدمي الگلب حزن الـوديعه
بس هونه احسين ورضيعه
ماتو عطش يم الــــــشريعه
موبس ضلع بي منهشم / سحگت عليه خيل وزلم
راسه انرفع فوگ الرمح / وابـــــــنار شب امخيمه
سيد علي عبدالزهره الناجي
بصوت. مسلم المطيري
محلات الولد لو كال يمه
كلمات الشاعرة
زينب المحداوية
بصوت. مسلم المطيري
ننتظر يومك يمهدي
سيدي يمتى الظهور
كلمات الشاعر
حسن جاسم الطائي
بصوت. مسلم المطيري
عمه لو رديتي باچر يالعقيله
كلمات الشاعر
حسن باهض الحلفي
بصوت. مسلم المطيري
ارواحنه لحسين سلمناها
وما بقت نسوان طلكناها
كلمات الشاعرة
ام زينب الحسيني
بصوت. مسلم المطيري
#نعي
مولاتي العقيلة روحي فداها
خلوني أمشي ويه الجنازه
وي امي وگليبي توازه
هاي العباة وهذا الحجاب
يا عازة امي الليله عازه
ما اريد اظل بالدار شلي
تيهت محتاجه اليدلي
يا موت اخذني ولا تخلي
بعد أمي ميت بيه كلي
خلوني انام بسدهه وارتاح
وگليبي امده ايصير سباح
يم الگبر يحلالي الصياح
بليل شالو نعش العيون
دفنو هواي وعايشه شلون
ها يلخذيتوهه وتردون
گلولهه ابنيتچ يتيمه
تحرم عليه الضحكه بجفاچ
منا لحد ما يوم الگاچ
من اندفن واتشابگ وياچ
واصرخ ييمه ويلحنينه
كلمات خادم الزهراء
رعد الفريجي
لكَ العزاء...ياعلي
لكَ العزاء...ياعلي
تلوُج لوحدْك مولاي محتار
نحيله رويحتك من حرگة الدار
الصار بفاطم بهالكون ماصار
مامعقوله جنه اجيسها النار
حگك من توّن لو عسعس الليل
ترى فراگ العزيز يبريّد الحيل
لك البكاء... ياعلي
لك العزاء.... ياعلي
"""""""""""""""""""""""""""""
خريف يخون زرعك وانته فلاّح
ويأذيك الورد عالگاع لو طاح
لأجل فاطم يحيدر تسلب ارواح
صارت وبچفوف الغير تلاّح
راحت،والدمع مايطفي نيران
وتظل لشوفة الأحباب عطشان
هو العناء...ياعلي
لك العزاء...ياعلي
"""""""""""""""""""""""""""""
مهضومه وضواها انشاف عالگاع
ومن تهوى السفينه يضيع الشراع
تلوب أعليك حيدر وين هالساع
راح الحيل -وينك- والطفل ضاع
مااعاتب يحيدر ادري معذور
بس مابيه اگومن ضلعي مكسور
خبا الضياء...ياعلي
لك العزاء...ياعلي
"""""""""""""""""""""""""""""
مذبوحه الأماني وذاب الاحساس
وروحك بالصبر ماإلها مقياس
صار الهَم -يغالي- لشجرتك فاس
تبچي بسكته خاف تشوفك الناس
يبو گلب الچبير وحزنك چبير
تروح بليل تحچي اسرار للبير
هو الشقاء ...ياعلي
لك العزاء...ياعلي
"""""""""""""""""""""""""""""
وَهمْ خاطر عشت بعد ام الحسين
چنت وياها مثل الشوف والعين
من راحت الزهره ورادها البين
رحل حتى العطر من البساتين
ذبلت وردتك ماجور مولاي
چانت من چفوفك تشرب الماي
هو البلاء...ياعلي
لك العزاء...ياعلي
علي طعمه البطاط
الفاطمية 1441
بصوت. مسلم المطيري
يم باب اهلنه
كلمات الشاعرة
العلويه مريم النور
بصوت. مسلم المطيري
ساعد الله قلبك يا ابا الحسن
سويه محسب الدنيه نعشهه
بلسم جفهه لجروحي نعشهه
اديه الليله من شالن نعشهه
تمنيت اندفن كبل الزجية
.................
الدنيه تزامط بحيدر دفنهه
اجفوفه كل مصايبهه دفنهه
روحه الليله ابو الحمله دفنهه
رجع يمشي جسد فوك الوطيه
....................
راحه ماشفت يازمن بسمار
ويرتاح الذي من الباب بسمار
ام بيتي ضلعهه انصاب بسمار
ونه كاع وسمه انطبكن عليه
محمد هادي العقابي
شيعتهه ... للمكَابر ... شيعتهه
وادفنتهه ... وانه حاير ... وادفنتهه
وظل سؤال ابداخلي
الزهره ماتت لو علي
.....
؛١
من بعد ما غسلتهه ابدمع الاعيون
بين اديه انه شلتهه مو عالمتون
غاليه عندي الزجيه وناسي يدرون
جنت اخاف اعليهه من الهوه البلكون
اغله مني ... عندي هيه ... اغله مني
فاركَتني ... للمنيه ... فاركَتني
يا عمر يحله الي
الزهره ماتت لو علي
......
؛؛٢
آنه قالع باب خيبر ذاكه الاثكَيل
وحيل ما ظلالي راح اوياهه كل حيل
من شفت كسر الظلع والدم الايسيل
شاب راسي الجان يشبه ظلمة الليل
كلشي بيه ... صاير ابيض ... كلشي بيه
عالزجيه ... كلي اختض ... عالزجيه
حقي بالهم مبتلي
الزهره ماتت لو علي
.....
؛؛؛٣
من وصلت المكَبره صرت انحب اهواي
أعرفت أم بيتي مترد بيتي وياي
حرت أرجع لو أتاني فرحة اصباي
وصرت بالدمعات يمهه رايح وجاي
عالي نوحي .. ودعتهه .. عالي نوحي
يمهه روحي ... ما جبتهه ... يمهه روحي
نوحي يمهه معتلي
الزهره ماتت لو علي
.....
؛؛؛؛٤
بيه ما بيه احفرت كَبر ام الحسين
مثل واحد ميت ويدفنله ميتين
اوموش ماي اللحد رشيته ابدمع عين
وخفت لا تنلجم وسعته اللحد زين
جاري دمه ... شكَد ضلعهه ... جاري دمه
خاف الجمه ... وي رفعهه ... خاف الجمه
وتنوجع روحي وهلي
الزهره ماتت لو علي
......
؛؛؛؛؛٥
أشد موقف مر عليه وأبد ما راح
من عليهه بجفي اهيل الترب بصياح
اتذكرت من فوكَهه باب الخشب طاح
ساعه ظليت انه واكَف لازم اصفاح
هذا حالي .. من بعدهه ... هذا حالي
داري خالي ... روحي عدهه ... داري خالي
والحزن واضح جلي
الزهره ماتت لو علي
................؛؛؛؛؛...................
✍️ كلمات موسى الخادم
((شسوي حسين))
ردت منـك تمـــدلي الايد
اخذني روجي بــويه بعيد
وهواي المني كلشي يريد
شسوي حُسين ..
حبيبي افزعلي لو نضرات
يبـــــن فاطم الك وگفات
احسـن وكتــي كلش مات
شسوي حُسين ..
تدري بوكتنه
عنــك يعتنه .. وانـــته بغربتك تطلب نصير
الحد هسه غربه
والسهــله صعبه .. ومحد فزعلك عينك تدير
عطشان
ولهـــان .. وعيونك تصيح
ياجــون
ياعـــون .. وتنادي وتطيح
والخـيل
والويــل .. والوحدك جريح
مولاي مولاي
ياحبيبي ياحسين ...
"""""""""""""""""""""""""""""""""""''''''''''
اريــدـن وانتــــه رايـد ماي
اعوفك وانته جرحك جاي
اشوفك لليحــــــــب شراي
يگلب الحنين ..
دخيل الله يكلشي انطيت
طفل عمره شمــه اهديت
شلت خيــمه بجمر خليت
يگلب الحنين ..
تهدي ثيـابك
تهدي شبابك .. كلشي هديت وحتى آنه اعيش
والعيـشه انته
حُبك خدمته .. وزيــــنب سبيه بس هايه ليش
بحـبال
بهــزال .. ياوسفه الـعيال
وذبــاح
وصياح .. ويـــنادن تعـال
عبــاس
عبــاس .. ذبحتنه الحبال
مولاي مولاي
ياحبيبي ياحسين ...
"""""""""""""""""""""""""""""""""""''''''''''
هزيله وبيـها عـــثرةّ موت
دمعها الناگه هم بَسـكوت
بحزنها تنادي مو بالصوت
بگلبها ونين ..
بصبرها اتحملت عثرات
بضهرها الشـالت الونات
يــــرفقاً ذنـــــي علويات
بگلبها ونين ..
ذني الفواطم
مو للشتــــايم .. ذني الكفلهن بس عباس
كلهن فواضل
وبلا محـــامل .. ويامن نسولف مامش ناس
ياناس
ياراس .. يتحمل العذاب
والنوگ
للسوگ .. ويطبن مصاب
شمات
ويلات .. والگعده بتراب
مولاي مولاي
ياحبيبي ياحسين ...
"""""""""""""""""""""""""""""""""""''''''''''
المصاب بزينب ومـاعاف
ويشامت والعيون اصلاف
وقصرهم والعيال اتخـاف
وعليل الحزين ..
على العصه وبگـــايةّ روح
على الدمعه وقهر وجروح
وعليل وگلبه هــم مذبوح
وعليل الحزين ..
ثوبه بحمــــاره
وطال انتضاره .. اباب القصر يرمون الحجار
مغطي بعباته
عمته وخواته .. غيره وحميه وبگلبه نار
مهضوم
مهمــوم .. والعله يشـــام
لا حــيل
والليـــل .. مايگدر ينـــام
بــيـــا آه
بـــويلاه .. سهرانه الحمام
مولاي مولاي
ياحبيبي ياحسين ...
عبد زينب
محمد الابراهيمي
قصيدة شهادة زينب ع••«»
ثكيل•• الجزء الثاني
ياغريبه ••••• يا غريبه
ضعني بلا راي ••والروس اوياي ••متعوبه وجرحي
شكبره
مهدومه الحيل •• ودموعي تسيل•• وگبالگ يبن
الزهرة
فرحان السوگ ••ضعنگ مبيوگ•• وسلاب الياخذه
عطره
عطرك يحسين •• بچفوفه البين•• سطروهه
نسوانك هاي •• لااذت بحماي ••••سطروهه
يا غريبه ••••• يا غريبه
&&&&&&&&&&&&&&&&&&&&&&&&&&&&&&
شيب هل راس •• بطيحت عباس•• وخيامه حترگن
كلهن
ذباحك جار ••• طگالي زغار •••حداي اوطيح منهن
راح العز راح ••صرتو برماح •••چتال اوبيده يفرهن
فرجه النسوان •• ضعنك تعبان ••بالكوفه
نضرت شمات ••• زادو لچمات ••بالكوفه
يا غريبه ••••• يا غريبه
&&&&&&&&&&&&&&&&&&&&&&&&&&&&&&
ضعن الله يفوت ••بالشام الموت ••بسياط ونوح
وهضمه
نرتاح شلون •• وعلينه اعيون •• نضرات الشامت
لچمه
ضحگت هالناس •• ماعدهه حساس ••لچمات
الغربه بهمه
صار الما صار ••• تعبانه زغار ••ضربوهه
خلونه بشام ••• زينب تلام ••• ضربوهه
يا غريبه ••••• يا غريبه
&&&&&&&&&&&&&&&&&&&&&&&&&&&&&&
بيا بيت نبات •• هوسه وشمات••ياحيره بضعنك
تدري
بم عون شصار•• بنت الااطهار •• ملچومه وجرحي
بكبري
بعمري الخمسين•• ماچنهه سنين•• وعباتي الظلت
ستري
باگو ذهبات •• فوگ الضربات •••ياذوني
نهبو كلشي •• وشيب رمشي •••ياذوني
يا غريبه ••••• يا غريبه
&&&&&&&&&&&&&&&&&&&&&&&&&&&&&&
مطشر عالگاع•• بعيوني وداع ••مشتاگه شلون
نشوفك
بفراش الموت •• ياچف زاتوت •• لحسينك تطي
چفوفك
بديرة ظلام •• موتني الشام •• بسياطه وضيم
نعوفك
منعو كل ماي •• ينذب فوگاي ••• تاليهه
بالغربة ينوح •• بزينب مجروح•• تاليهه
يا غريبه ••••• يا غريبه
&&&&&&&&&&&&&&&&&&&&&&&&&&&&&&
خادم الحسين ع
✍🏻ملا صفاء الفاطمي
قصيده ثكيل السيده سكنه ع••«»
ذكرى شهادة سكينه بنت الحسين ع
عيوني ماسكتن ••• ابچي يبويه الفرگاك
والحادي بصياحه ••• كلما اذكرك ونخاك
ابچي وكثر نوحي•••چم لچمه بجروحي
عيوني••••••••ما سكتن
««««««««««««««««««««««««««««««««««««««»
من بعد ذاك الخدر وذيچ المهابه
تدري رحنه بالسبي وصرخ ييابه
انه سكنه الحايره بگلبي ومصابه
يسرونه اهل الغرب بدرب وعذابه
گلي تاذيني••• سكتي يابت خارجي
وانه بدموعي •••يمته جيتك ماتجي
رسمك غفه بروحي•••چم لچمه بجروحي
عيوني ••••••• ماسكتن
«««««««««««««««««««««««««««««««««««««««
يابويه نمشي والضعن باقي بمسيره
مچتفه فوگ الهزل والحيره حيره
مابطلت من ونتي الحسره چبيره
ذباني من فوگ الهزل يالجنت اميره
يغمه عليهه ••• من بعد عنهه الضعن
والله ياذيهه ••• والحرم كلهن مشن
راسه نزل يوحي••• جم لجمه بجروحي
عيوني••••••••••ما سكتن
«««««««««««««««««««««««««««««««««««««««
گعدة وماشي الضعن ضلمه شبديهه
بويه چنت مدلله وهايه تاليهه
تتفگد الضعنك مره سكنه مابيهه
زينب اورادت الچ شصاير عليهه
عمه سكنه ••• وينچ انتي بيا كتر
طاح حيلي ••• والگلب مني نفطر
من عندي متروحي •••چم لچمه بجروحي
عيوني ~~~~ ما سكتن
«««««««««««««««««««««««««««««««««««««««
اتعثر بهاذه الفله هم ورمن رجليه
ياعمه اذانه اليسر مجتوفه ا ديه
دورت بين الضعن سكنه ورقيه
كلبي تشلعينه وعلي شفت المنيه
يله ياعمه ••• والضعن واگف تره
روحي راحت ••• هم اسيره امرمره
ضايع رسم لوحي ••• چم لچمه بجروحي
عيوني ••••••• ما سكتن
«««««««««««««««««««««««««««««««««««««««
راس ابوچ الماغفه عينه عليچن
ضل يتاني جيتچ وبرمحه يحزن
گلبه باقي بكربله من شاف عمچن
بعينه شايف عليته يسمع حچيچن
رمحه ثابت••• راسه والمدمع يهل
شاف زينب •••مچتفه وعله الهزل
وينك يمذبوحي ••• چم لچمه بجروحي
عيوني ••••••• ما سكتن
«««««««««««««««««««««««««««««««««««««««
خادم اهل البيت ع
✍🏻 ملا صفاء الفاطمي
الله يعينك ياعلي
الله يعـيـنـك يا عـلـي من ودعـتـها الـزهـره
راحت يحيدر فاطمه وراحت وياها العشره
ضياع .. عمرك بدون ام الحسن
ضياع .. الزهره چانـتـلك وطـن
الله يعـينـك يا عـلـي
……………………………
الـ بس هيه چانـتلك كـفو .. والتارسـه بـيتك دفـو
وچـانت الك أم وابـو .. راحت يحيدر
ذيـچ الحـنينه الطيـبة .. روحـك علـيها معـذبـه
جـرح الهجـر شيطيـبه .. وگـلبك تكـدر
أم بـيـتـك وأم وابــو وچـانـت اخـو بـالـشـده
وچانت حبـيـبه ام الحسن وياها حلوه الگـعـده
ومـاي الـيـبـردك بالضـمـه والمـاي هـسـه اتـبـده
ذبحـو عشرتـك يا علي وراحت هذيـچ ايامك
من يوم ما طگـها النذل وطاحت تون جدامك
ضياع .. ابابك بدت ذيچ المحن
ضياع .. الزهره چانـتـلك وطـن
الله يعـينـك يا عـلـي
……………………………
شفت الجره عليها وحصل .. بيتك على الزهره اشتعل
لگـلب العرش دمها وصل .. بذيـچ الرزيه
من الرفـس من الضـرب .. تـتـلـوه ضلت عالـتـرب
ودمعـك علي الها يصب .. تـگـلها شبديه
الغـيرة والحـيرة اكـسرن ظـهرك ابـذيـچ اللحـظـه
گـبالك يدوس اعله الضلع واسمعت طگـة الرضه
ومجـبـور عن ذاك الوضـع الـنـظـر گــوه تـغـضـه
چـف الضرب خـد فاطمة ماتگدر انته اتگـصه
مجـبـور يا حـيـدر لأن ابـهـاي چـنـت امـوصه
ضياع .. هـاي اول ايـام الفـتـن
ضياع .. الزهره چانـتـلك وطـن
الله يعـينـك يا عـلـي
……………………………
الداس بـثـنـية منـزلك .. قصده يحرگـك وي هلك
بـس فاطمة ضحت الك .. زهـرة عمـرها
فدت الك خـد وضلع .. وضحت الك شوف وسمع
خافت ابچـتلك تنفجع .. تحملت كسرها
وهو استغل هالتضحيه وصوب اصوابه ابگـلبك
يـدري بــدون ام الحـسـن الدنـيـا راح اتـعـبـك
ورادك تمـوت مـن الحزن يدري بـهجرها ايعذبك
والثاني حـقـق غايـته وچـتال چـان اصوابه
الغالي مـن يسكـن گـبر اتـمـوت كـل احـبـابه
ضياع .. حـيدر ابـدنـياه انسجن
ضياع .. الزهره چانـتـلك وطـن
الله يعـينـك يا عـلـي
……………………………
الله يعـينـك عالهـجـر .. من غسلـتـها ابـيا صبر
ماتدري شمسوي الكسر .. چـان بصدرها
وي كل نـَفس خنگـة وألم .. چان الهوى مثل السهم
وزفـراتـها تـطلعـها دم .. مصيبة شكبرها
وما چانت اتـريـدك تحـس يا حيدر ابـمحـنـتها
مـن تـقـره قـرآن الفـجـر تـطلـعـها بـي ونـتـهـا
وبكل قنوت ابكل فرض فرصة تصب دمعـتـها
شگـد جـاهدت وي الألـم لمن شهـيـده ماتـت
توها الزچيه من الوجـع ابنص گبرها ارتاحت
ضياع .. بيـها المصايب دولـبـن
ضياع .. الزهره چانـتـلك وطـن
الله يعـينـك يا عـلـي
……………………………
يا راحـة تلـگـه ابدنيتك .. وام حسن وحدك عافتك
ايعـينك الله ابـغـربـتـك .. يا حـامي الجـار
الچـانت الك مثل الهـوى .. وبالحلوة والمـرة سـوه
شگد گـلبك عليها انچـوه .. وما تنطفي النار
الچانت سكن روحك امس هسه بگبرها سكنت
بـثـيابـها شــم يـا عـلي لـو لـيـها روحـك حـنـت
مكـتـوب روحـك مـن تـحـن للمگـبـرة اتـعـنـت
شم بتراب ام الحسن وصب عالگبر دمعاتك
واحـچـيلـها عن غربـتك بـفـراگـها ولوعـاتك
ضياع .. دموع المفارگ لو جرن
ضياع .. الزهره چانـتـلك وطـن
الله يعـينـك يا عـلـي
الشاعر عقيل الحسناوي..
.
