بصوت. مسلم المطيري
شايل تابوت لو عمري انشال
كلمات الشاعر
علي محسن الفرطوسي
بصوت. مسلم المطيري
▪️السيدة الزهراء (ع) على قبرِ المحسن (ع)
مُصابُكَ هدَّ رُكْنِي أمْ مُصابِي؟!
وأفْجَعَني عذابُكَ أمْ عَذابي؟!
فدتْكَ جِـــراحُ قَلْبي يا جَنِيني
ولا تَهْـــوي قَتِيلاً خَـــلْفَ بابِ
بُنيَّ رَجَوْتُ يوماً فِيهِ تَمْشي
مع الحَسَنين في ألَقِ الشَّبَابِ
ويوْمًا فيه تحْمِلُني لِقَبْري
وتقرأُ عِنْدَه آيَ الْكِتَابِ
حبيبي مَا حسِبْتُكَ ذاتَ يوْمٍ
أزورُكَ غائِباً تَحْتَ التُّرابِ
وأنْ تغْفو ولا أغْفو بِنَومٍ
وحقِّكَ لَمْ يَكُنْ هذا حِسَابي
دعْوتُ اللَّهَ أن أقْضِي سَريعاً
فأمِّنْ للدُّعاءِ المُسْتَجَابِ
ألا يا أوَّلَ الشُّهدَا دفَاعاً
عَنِ الهَادِي بُعيْدَ الإنْقِلابِ
ألا أبلِغْ رسَولَ اللهِ عنِّي
شِكَاياتِ اهْتِضَامٍ واغْتِرابِ
وحينَ يراكَ مَحْنِيّاً خضيباً
فأخبِرْهُ بِعَصْريَ واضْطِرابي
وفصِّلْ قصَّةَ المسمارِ لمّا
مضى في الضِّلْعِ يُنصِتُ لانتحابي
وأخبِرهُ بكمْ سوطٍ تلوّى
على مَتْنَيَّ من شَرِّ الصِّحَابِ؟!
وكيفَ السيفُ آلمني بوكْزٍ؟!
وكَيْفَ النارُ شبَّتْ في ثيابي؟!
ولا تخبرهُ عن كفٍّ تعدَّتْ
كأنّي يا بنيَّ جَنيْتُ ذنباً
وبعد رحيلِهِ أمْضَوْا عِقابي
علي عسيلي العاملي
القصيدة إلى سيدة النساء فاطمة الزهراء عليها السلام
ماعدكم أعذار انتو السبب بمصابها
ماعدكم أعذار. يا من دفعتو بابها
ضلوع كسرتوها. أمه ضيعتوها
ماعدكم أعذار للهادي شنهو جوابها
*-----------*----------*-----------*
ميتين كنتو بهالارض والناس تتولاكم
والله رحمكم بالنبي هو الذي احياكم
كبله تعبدون الصنم والصنم مافاداكم
ودين الهدايه بالنبي درب العدل دلاكم
بالنبي المختار كل الأمم مرحومه
بالنبي المختار غدرت آسف بيه كومه
داره واتعنوها وبالحطب حركوها
ماعدكم أعذار للهادي شنهو جوابها
*------------*------------*-----------*
ندفع ثمن ذاك الفعل من الخميس ويومه
وذيج الرزيه المؤلمه من عمر فزع كومه
واكف على باب النبي وينكط حقد بسمومه
يهجر يكول المصطفى وبيه اهتدى وبعلومه
واكف على الباب صوت الفتن بلسانه
واكف على الباب ارتد وظهر خذلانه
سنه ماقبلوها. وصيته منعوها
ماعدكم أعذار للهادي شنهو جوابها
*-------------*-------------*-------------*
وين الصحابه بهالامر الوكفو اباب الهادي
حين النبي بمصيبته وداعي المنيه ينادي
يكتبها راد وصيته للامه منهو الحادي
يهجر عليه صرح عمر وأظهر جحوده العادي
النبي مطروح بس علي واسى مصابه
النبي مطروح تركوه حسافه أصحابه
الفتن حاكوها راحو وعقدوها
ماعدكم أعذار. للهادي شنهو جوابها
*-----------*------------*------------*
تدفع الامه هالثمن من السقيفه شكالت
زرعت سقيفتهم فتن عن العدل من مالت
نصبت بالباطل صنم عالناس من احتالت
بالناس أسلم جعجعت بأهل المدينه وجالت
نصبو خليفه. والهادي كان يعاني
نصبو خليفه والنصباه الجاني
وبالاصل يدروها وبالغدر غصبوها
ماعدكم أعذار. للهادي شنهو جوابها
*-----------*-------------*------------*
كل الذبح كل القتل بالامه صار نشوفه
أسسه بفعله السامري بعجله صنع معزوفه
كامت الناس وعبدته وهارون اديه مجتوفه
محتار ظل بموقفه بدفن النبي وظروفه
محتار أبو حسين شيسوي ويه الهادي
محتار أبو حسين. ضل وحده وينادي
غيبه ماحفظوها عترته ظلموها
ماعدكم أعذار. للهادي شنهو جوابها
*---------*-----------*--------------*
محمد دعبل النوري
الجمعـة 2017-12-01
13 ربيع الأول 1439ﻫ
مقدمه للزهراء ع
عظم الله لك الاجر علي
فاطمه مـاتت ودارك طـــــــافيه
راحـت اوارحـــت اوياها العافيه
القبل چانت ماليه اعليـكم الدار
وســــفه هسه بالمـــگابر غافيه
عظم الله لك الاجر علي
ـ-------------------
باد حيـــــلك مــن ردت تغسيلها
خاف تاذي ضـلوعها امن اتشيلها
الله يجــــبر گلبك بهذا المصاب
جمر حگها دموعك امن اتسيلها
عظم الله لك الاجر علي
ـ---------------------
شــــلون راح اتنــام ليلك دونهه
وزهرتك بيدك امغمض اعيونهه
ياعلي ياحيـــــــــرتك بعد البتول
مــــــن بعد هاليوم متشوفونهه
عظم الله لك الاجر علي
ـ--------------------
شلون حـالك مـــــن بعد فرگاهه
الچنت تتشـــــارك بكلشي اوياهه
شلون لوگلبك يحن وكت الغروب
وتجــي اطـب للـــــــدار ماتلكاهه
عظم الله لك الاجر علي
ـ---------------------
شلون لوشفت الحسن وحسينهه
وزينب المانشف مــــــدمع عينهه
ازغار عافتهم ويمك مــــــن يجون
يســــــــــــألونك بويه فاطم وينهه
عظم الله لك الاجر علي
ـ-------------------
✍ الخادم
كامل السعيدي
لاستشهاد فاطمة الزهراء عليها السلام
بفاطمه خان الزمن صب عليها شكد محن
الحزن غير لونها شلون تغفه عيونها
صب عليها شكد محن
★★★★★
منين اجت هاي النوايب لوعتّها
اموصي بيها النبي الوادم مارعتها
چفوف التصافح ابوها حاربتها
ابسط حقوق الزجيه ماخذتها
جرح ضل يلجم جرح ابليل مابعده صبح
دموع تجوي جفونها شلون تغفه عيونها
صب عليها شكد محن
★★★★★
نسوا مضمون الوصيه وخالفوها
فاطمة البيها يوصي چان ابوها
شوكت ذكروا فاطمه حتى نسووها
لان بيها اوصاف حيدر حاربوها
للنبي جانوا ربع بكسر جازوه الضلع
ومن سياط متونها شلون تغفه عيونها
صب عليها شكد محن
★★★★★
جنه ولدت علارض محد عرفها
ومنزلتها الباري للوادم وصفها
الجاهل ايدور اذيتها وحتفها
من ربيع اسنينها موت الخطفها
القصد من هذا الظلم منها حيدر ينحرم
من علي يحرمونها شلون تغفه عيونها
صب عليها شكد محن
★★★★★
اسرار الله امودعه بروح الزجيه
وهيه للرحمان حجه على البريه
الحاربوها حاربوا الله ونبيه
وحيدر المقصود من هاي القضيه
ابلامهابه ولاادب ابدارها لم الحطب
تنهظم يردونها شلون تغفه عيونها
صب عليها شكد محن
★★★★★
مارعوا دار النبوه والامامه
ماخذتهم علذنب زحمه وملامه
ويله من خاصمها من يوم القيامه
الحرگ دار الزهره ماحس بندامه
لاتاسف لاندم الشعل نيران وهجم
ماعرف مضمونها شلون تغفه عيونها
صب عليها شكد محن
الشاعر حسن لعيبي الحريشاوي
بصوت. مسلم المطيري
رسمت ابالي موضوع
كلمات الشاعر
سيد محمد االهاشمي
بصوت. مسلم المطيري
لاستشهاد الزهراء عليها السلام
توالم ونين الگلب عاشر هجير الدمع
لجل الجفاها الدهر مكسور منها الظلع
اتفرق شمل فاطمه والصوج ذاك الجمع
حطوا حديث القصد بيه الورث تنمنع
رادوا گلب فاطمه بهذا الفعل ينصدع
والذيب ماينعدل يبقه على ذاك الطبع
عدوان بيت النبي ياهو الحسبهم ربع
الشاعر حسن لعيبي الحريشاوي
بصوت. مسلم المطيري
وكفت اعله الگبر ياگرة العين
مو طبعچ اسألچ ما تردين
كلمات الشاعر
ياسر الساعدي
بصوت. مسلم المطيري
من الباب اندفع ضلع انكسر
كلمات الشاعر
سيد رياض الرسل الجابري
ميمر بصوت. مسلم المطيري
كسر الظلع حرگ الباب يالزهره ماننساهن
كلمات الشاعر
كامل السعيدي
ميمر بصوت. مسلم المطيري
الحدمن يصب دمع العين يافاطمه المضلومه
كلمات الشاعر
حسن لعيبي الحريشاوي
بصوت. مسلم المطيري
#ابوذية
العمر فلسين ما يسوه بلا حسين
وبلاوي الناس ما توصل بله حسين
صار سنين انه مجلب بالحسين
ومن حسين متروسات اديه
عدي الكعبي
#اللهم_عجل_لوليك_الفرج
بصوت. مسلم المطيري
لاتلومونا. بل أنصفونا
كلمات الشاعر
سيد سعد الذبحاوي
شوط كربلائي بصوت. مسلم المطيري
اهيم بعالم السجاد
كلمات الشاعر
علاء المياحي
ــــــــــــــــــــــــــــــــــــــــــــــــــــــــ
شايل تابوت لوعمري نشال
دمعات العين تشرح هالحال
نعشج هادل متوني
دمعه اتغرگ عيوني
شايل تابوت
****
العشرتها حلوه للقبر راحت
تعاند سكوتي دمعتي الطاحت
غير الهضم واللوعه ماشافت
فاطمه لچمات اشكثر شافت
ياصبر يفيد ومضيع اعزاز
بنعش الزهراء طالع جناز
مايل ضهري شافوني
دمعه اتغرگ عيوني
شايل تابوت
****
مثل الجمر يسعر وسط روحي
بغيابج شمكثرهن اجروحي
بعدج تره ماينگطع نوحي
كلبي نذبح سميته مذبوحي
عاشرت النوح بغياب النور
ضلع الزهراء وگلبي المكسور
اشهگ حسره سمعوني
دمعه اتغرگ عيوني
شايل تابوت
****
فكيت ريجي بدمعة عيوني
نعش الحبيبه شالته متوني
درب المقابر غيره لو ني
مكسور ضهري وحيلي شافوني
ذاك البسمار تاركلي آلام
بس الحسرات وبالدار أيتام
ولدج من يسألوني
دمعه اتغرگ عيوني
شايل تابوت
****
دافنها بيدي وراجع بدمعه
الفارگ حبيبه ينكسر ضلعه
اگعد حزين ابداري أو انعه
النايم بگبره لبيته شيرجعه
الدافنله احباب يرجع مكسور
راحت ياناس قنديل النور
بفگد الزهره كسروني
دمعه اتغرگ عيوني
شايل تابوت
****
انضر ايتامي ودمعتي بخدي
مكسور گلبي تيتمو ولدي
عام الحزن بفگد ام حسن يبدي
راحت أم روحي وباقي لوحدي
زينب بالنوح شبتلي النار
لأمي اشتاقيت ترجع للدار
عنها لاتمنعوني
دمعه اتغرگ عيوني
شايل تابوت
****
بالدمعه ذابت عيني بغيابج
يوميه ايتامج تجي لبابج
فكدچ يزهره هاظم احبابج
ليليه امشي واشتم اترابج
كل حسره دگول بگلبي المصيوب
الشيعله احباب دلاله يذوب
ميت إني شيعوني
دمعه اتغرگ عيوني
****
علي محسن الفرطوسي
بصوت. مسلم المطيري
ماعدكم اعذار
انتو السبب بمصابها
كلمات الشاعر
محمد دعبل النوري
بصوت. مسلم المطيري
عظم الله لك الاجر علي
كلمات الشاعر
كامل السعيدي
بصوت. مسلم المطيري
بفاطمه خان الزمن
كلمات الشاعر
حسن لعيبي الحريشاوي
بصوت. مسلم المطيري
قال سليم قلت يا سلمان
هل دخلوا ولم يكن استئذان
فقال اي وعزة الجبار
وماعلى الزهراء من خمار
لكنها لاذت وراء الباب
رعاية للستر والحجاب
فمذ راوها عصروها عصره
كادت بنفسي ان تموت حسره
الدنيه ابعين ابن صهاك لاذت
امروه ولاحميه امتلك لاذت
شاف ام حسين بلباب لاذت
عصرهه وكسر اضلوع الزجيه
ملا عاشور الصيداوي
رسمت ابالي موضوع// حديث اضلوع وضلوع
سوالف بين الاثنين//ضلع الزهره وحسين
◯◯◯◯◯◯◯◯◯◯◯◯◯◯◯
بخيالي اضلوع متهشمه -ضلوع ام وابن كلفه
الزهره الباب عاصرها-وابنهه الحافر مچتفه
عل الزهره ابچي لوعل الحسين حيره
الخيل سحگت جسمه مرتين حيره
وانتي الدفع بابچ سطر عين حيره
الدفعو بابج انجاس//الحاظر كون عباس
كمر يملكله چفين //ضلع الزهره وحسين
◯◯◯◯◯◯◯◯◯◯◯◯◯◯
عيني اتصورت منظر- ضلوع وباب متكسره
عمرها اثمنطعش ياناس- ليش بخدها اثر سطره
البسمار يخنك خنگة اليل صعبه
من الالم شافت اچم ويل صعبه
طاحت الزهره طيحت الحيل صعبه
انعصر محسنها ع الباب // وصار موادع احباب
وترست بيتهه ونين //ضلع الزهره والحسين
◯◯◯◯◯◯◯◯◯◯◯◯◯◯
اتلث اشهر عله هالحال - بقت بالالم تتلوه
تگوم تريد ماتكدر -الصلاه وتصلي بالگوه
اتحضر ييمه وشيله نعشي يومك
اصعب ييمه اشوف كلشي يومك
الخيل متبقي الك شي يومك
تشوف الحرگ وصغار//وذكر حرگت الدار
وانت تنطي ضلعين //ضلع الزهره وحسين
◯◯◯◯◯◯◯◯◯◯◯◯◯◯
يذبحوك بهذيج الكاع - التطشر بيهن اعيالك
ويسلبونك ييمه هناك - ولاواحد اجه وشالك
صح انه طاح اعليه هل الباب يمه
يساوونه جسمك وي التراب يمه
كلهه سببها ابن خطاب يمه
اليذبحك هم عمر راح //اجي وايدي اعله الاصفاح
ييمه نفس الاسمين //ضلع الزهره وحسين
◯◯◯◯◯◯◯◯◯◯◯◯◯◯
من دفعو عليه الباب -مات المحسن بطني
مالحكت اشوفنه -ولانومته انه بحضني
شمحلاته حضني لويرد كون ابني
يكبر ويمشي بناكة ام عون ابني
يكبر اشوفه يكحل العيون ابني
كافل ردتك اصير //بوجهك احله تعبير
انت تعب الاسنين //ضلع الزهره وحسين
◯◯◯◯◯◯◯◯◯◯◯◯◯◯
سيد محمد الهاشمي
▪︎
شبيه امي وليش متغير وضعها
للرادود باسم الكربلائي
🖤🖤🖤
شبيها أُمي وليش متغير وضعها
من اريد احضهنا ليش اتضم ضلعها
🖤🖤🖤
الچنت من أگبل عليها تضمني بچفوف الحنان
من اشم ريحة حضنها أحمد الله اعله الأمان
من الصبح للصبح تبچي حفظ ونتها المكان
كسر خاطرها وضلعها اللهُ اكبر ع الزمان
اتدير من عندي الوجه لو گابلتها
وتبچي إذا عن لون الـ بخدها اسألتها
خايف الچم خدها إذا امسح دمعها
🖤🖤🖤
قصد عندي وما اسألن عن وضع خدها الجريح
خاف إذا تحچيلي همها طيحة المحسن اطيح
بس على الباب أرد اناشد ليش تنظرله وتصيح
وتفز چن فزة حمامة من تحرك الباب ريح
ولو اندگ الباب تركض تلزم ايدي
اتگول لا يا باب لاتاخذ وليدي
تعتب اعله الباب والچف الدفعها
🖤🖤🖤🖤
هذا ياضيم الـ على امي الوصلاها الهيچي حال
ضعفت الحد ماشفتها مايبين الها خيال
شگد اريد اسألها واسكت خاف يلچمها السؤال
والله مشتاگ الحضنها الچنت بي اشبع دلال
الله لا ينطي الباگ البسمة منها
الهسه آنه وزينب ابعازة حضنها
الچانت اتضوي لنه طفو شمعها
امي يارحلة حياتي التزدحم بالذكريات
والله يرتاح ابمماته كل بشر گبـل امه مات
واليفارگ طيبة أمه تزغر بعينه الحياة
شلون اغمض عيني وأغفه وبالگبر أمي تبات
بعد ماثق بالزمان الخذها مني
اظل حد طف كربله ماعوف وني
اليمه بغيابچ بعد محد سمعها
شما اسولف عالزچيه تخجل حروف الكلام
أمي متصلي لوحدها يصلي وياها الحمام
بالحرب من تدعي أمي تترس العالم سلام
سنبله ومحنيه فوگي شكثر سهرت حته انام
عِلة التكوين ماعرفوا قدرها
زهرة الله انگطعت وذبحوا عطرها
صفع عرش الله بچفوفه الي صفعها
🖤🖤🖤
مثل لون ثياب حزنچ صفت كل ايامي سود
ماتعود أيامي تضحك إلا عافيتچ تعود
ليش جفج گاد ضلعچ ردته لچفوفي يگود
فوگ خدچ أثر طالع يشبه آثار السجود
ياربيع الله شعجب ذابل خضارچ
نارهم خطار وتعزبلها دارچ
جايعة النيران بس بابچ شبعها
ياسلام الله اعله ونها
وع الدموع الـ بالعيون
اتهون كل الدنيه عندي بس دمعها الما يهون
باچر اتسولف الجدي عاليوافي وع اليخون
وع التمسك بالوصية وع الغدر بالأقربون
سولفيله إعله الوصي چتفو يمينه
باب التحبه ابحطبهم دافنينه
يارسول الله البشر تبعت طمعها
🖤🖤🖤🖤
✍🏻. نقلتها خادمة العتره
زينب آل جمعة ✨✨
ونسألكم الدعاء لتعجيل الفرج
لاأجيز حذف الاسم
كلمات الشاعر - صباح العتابي
بصوت. مسلم المطيري
#نعي
يحسـين گلب الحـره محروگ
واحچايه صرنه ابنص الحلوگ
نتفيّه گــمنه ابيــن هـلنوگ
عليه المــصايـب مانها اتلوگ
وعلــيه دارت دورت الطــوگ
مايــوم جفنـي ابليـل مطبوگ
يگظي ابمصيبه ولچمه الشوگ
وامسه ابخرايب واصبح ابسوگ
وروس الهـواشم ع رمـح فوگ
ويوميه چــفي ابحـبل مشبوگ
راحــو هـلي الطلابـت احگوگ
الخادم علي الحميداوي
#اللهم_عجل_لوليك_الفرج
مالِي وَقَفتُ عَلى القُبورِ مُسَلِّماً
قَبرَ الحَبيبِ فَلَم يَرُدَّ جَوابي
أَحَبيبُ مالَكَ لا تَرُدُّ جَوابَنا
اَنَسيتَ بَعدي خِلَّةَ الأَحبابِ
وكفت اعله الكبر ياكرة العين
مو طبعج اسالج ما تردين
روحين بجسد جنت انا وياج
ليش بهل العجل عني تبعدين
جنت بشوفتج انسه إنا الاهموم
برحليج هم علي ضل يمطر البين
تقاسمنه المصايب انا وياج
وشاركتيني حته بدمعة العين
على الدنيا العفا ياسلوة الروح
بدونج كل طعم مابيها الاسنين
علي هذا انا يمج واكف اليوم
اسأليني اعله وضعي وحالتي الحين
إسألي عالحسن يا أم الأيتام
وشنو حال العزيز الغالي الاحسين
واسأليني بعد يازهرة الروح
عن حال العقيلة زينبج وين
تهل دموعها لو شافت الباب
ويهيج بكلبي من انظرها جرحين
تحوم بكل مكان المنه تذكار
وتكعد بالمكان البي تكعدين
وسجادة صلاتج صارت أحزان
تفرشها وتكلج ما تصلين
يا يمه الحنينه كافي الافراك
طولتي عليه ما ترجعين
ياسر الساعدي
قصيدة بحق الزهراء
من الباب اندفع
ضلع انكسر
لمن محسن وكع
خد انسطر
ماكفاهم ضلعها
فوك العصره ودمعها
خد انسطر
١
جريمه الصارت اعله الزهره وسط الدار
من جابو حطب ماراعو الاشرار
بيت المرتضى وطه النبي المختار
بيت الوحي هذا اليحمل الاسرار
ماراعو حرمته
والياسبب
والناس الدخلته
جابو حطب
نادت محد سمعها
فوك العصره ودمعها
خد انسطر
٢
دخلو بيت وحي الله ونبي الامه
ناس اشرار لا ذمه ولا رحمه
ضربو فاطمه وعرش الله من يمه
صاح الله واكبر يا نبي العصمه
لو حاضر شاهدت
باب وضلع
چا المن عاتبت
بفيض الدمع
واتغير كل وضعها
فوك العصره ودمعها
خد انسطر
٣
خل الدنيه تعرف تسمع الوادم
وخل يعرف العاقل لايظل واهم
السقيفه صدرت ظالم بعد ظالم
داسو بيتك وكسرو ضلع فاطم
يابو الزهره الصبر
مات الصبر
وللأشرار الأمر
صار الامر
نادت محد سمعها
فوك العصره ودمعها
خد انسطر
٤
طاحت فاطمه والدنيه سمعتها
صعدت للسمه ياوسفه ونتها
بأمر رب الجلاله بهاي طيحتها
نزل جبريل غطاها بعبايتها
طاحت فاطم تون
تنزف دمه
وبطيحتها يون
حتى السمه
طاحت محد رفعها
فوك العصره ودمعها
خد انسطر
٥
مكسوره ومشت دمعه بأثر دمعه
من حقد الصحابه ومن اثر دفعه
من عرفت المحسن ما اله رجعه
بنص الدار گعدت تنحب وتنعه
مستحيه وشافته
الليله الزهره
والحيدر ودعته
بدمعه وحسره
ماكفا من دفعها
فوك العصره ودمعها
خد انسطر
لاتنسون والدي ووالدتي وأبني عباس من الرحمه والمغفره خادمكم رياض الرسل الجابري
ميمر للزهراء ع
كسر الضلع حرگ الباب
يالزهره ماننساهن
----------------
هاي المصـــيبه ابكل زمـن تجدد
وجمـر الحزن يم الحســن مايبرد
هـــذا العــزاء طول الدهر يتخلد
مثل الورث واصـــــلنه أباً عن جَدْ
وعيونه انحسها اتشوف
لو الچ بچيناهن
--------------
موفقط اهل الارض مجلس يحيون
مأتم الــــچ اهل الجـــنان اينصبون
عنــــــــچ شعر كاظم وربعه يكتبون
وحمــــزه الزغير والرميثي اليقرون
وصدورنه اوياهم حيل
بالطم وشمناهن
----------------
تبـت يداه ذاك الكســـرها اظلـوعچ
وتبچين گمتي ويضحك اعله دموعچ
الموضوع اليفت الصـــخر موضوعچ
الظـــلام طفو شمعه مـــن شموعچ
طيحت المحسن عالگاع
اجروح النبي اذاهن
--------------------
اعـــداچ لمحمد يا عـــذر يحچونه
اصــــــــبع ندمهم باچـــر ايعضونه
معقـــوله عـار افعـــــــالهم ينسونه
البيـت النـزل بيه الوحـي يحرگونه
كلمة وأن والبسمار
يدمي الگلب بلواهن
------------------
باب البخـت بابــــچ ولكن حـــرگوه
وعصروچ خلفه وضلع منچ كسروه
ابفعلتهم الدين ونبــــــــــيهم باعوه
حقچ غصب يالزهره منـــچ اخذوه
وبسوطه قنفذ ويلا
امتونچ زرگ سواهن
----------------
✍️ الخادم
كامل السعيدي
لشهادة الصديقة فاطمة الزهراء
عليها السلام (ميمر)
لحدمن يصب دمع العين. يافاطمة المظلومه
★★★★★
روج الصبر ياخذها ويرد بيها
بشوغات يم دار النبي يوديها
دار الحبايب. وگفت تناديها
يادار يمته يگعدون. طولوا اهلي النومه
★★★★★
صاحت اظلوعي بلاذنب مكسوره
يادار طه اليوم مامعذوره
صرتي خليه بلااهل مهجوره
وجروحي مايوم اطيب. من كل كتر ملچومه
★★★★★
گوه تشيل الجدم وصلت بابه
حرگت جفنها دموعها السچابه
متعجبه مامرها القدر بغيابه
المن تظل ابهلحال طول الوكت مهظومه
★★★★★
الماقاري احكام النبي ويفهمها
باحكام دين المصطفى ايعلمها
يسلب ورثها غايته ويحرمها
من هلظلم والشوغات. أركان الگلب مهدومه
★★★★★
حرگوا سكنها بياذنب مطلوبه
اطفال من هول الحصل مرعوبه
وامهم تون على المتن مضروبه
يابويه نادوا بحماك . وينك ياسبع الحومه
★★★★★
العن الاول ربي ثم الثاني
الخلوا الزهره من المصاب تعاني
لارحمه عدهم لاعمل انساني
باسفل درك من النار. وجوه الحقد مشئومه
الشاعر حسن لعيبي الحريشاوي
بصوت. مسلم المطيري
يـ الهي ادعيك يالغافر يمحسن
دليلي يريد كله لحظه يم حسين
شعجب مالچ گبر فاطم يم حسين
الچ جنب العرش حضره الزچيه
علي الزيداوي
لا تلومونا
بل انصفونا
نحن عشاق الحسين .. لا تلومونا
ناس الي بينا تلوم لا مو سببنه
خلها توجه اللوم وتنشد گلبنه
بعين البصيرة تشوف بيه شكتبنه
حب الحبيب حسين هو الجذبنه
وهالحب ذنب لو صار نرضى بذنبنه
محد من العذال يمتلك حبنه
قد عشقناه
كيف ننساه
وهو نور المقلتين .. لا تلومونا
كَلب اليحب حسين ما يعرف الخوف
خل الاعادي تلوم نحجيها مكشوف
وين الي يحجي انصاف ويملك المعروف
خل يفتح الدلال واباطنه يشوف
ما يلكَه بيه هناك بس اربع حروف
أيكونن أسم حسين موقعهن يشوف
كم عذبونا
لا يرهبونا
صرخة في الخافقين .. لا تلومونا
كود الي يريد يلوم يملك أدله
وللعاذل احنه نكول وبرغم جهلة
غير ابو اليمة حسين ياهو التقبله
غيره الذي يختار يرضى المذلة
حبه بدمانه يسير فكره نحمله
كل غالي هذا اليوم لجله نبذلة
فهو مولانا
ومقتدانا
انه نور اليقين .. لا تلومونا
لافته على الدلال خطينه اسمه
سال من اجلنه حسين بكربلا دمه
سيوف ونبل ورماح فصلت جسمه
ما ظن نوافي وياه لمن نخدمه
يا قائد بهاليوم مثل ابو اليمة
حتى الطفل للدين بيده يقدمه
قدم القربان
في رضا الرحمن
فهو ضحى بالبنين .. لا تلومونا
قائدنه للاصلاح قدم بنينه
وما سالم الاشرار لا مد يمينه
عانق بلهفة الموت من أجل دينه
هو النجاة وصار النه سفينة
انتيه الدرب لولاه بنوره اهتدينة
اهرة ودنيا نصيح وأشهد علينه
به هدينا
دنياً ودينا
يا سراج النشأتين .. لا تلومونا
من دمه للاجيال جم حكم شرع
هو السفينة وصار مسراها اسرع
صوب النجاة تسير وأصبحت اوسع
وبالحشر كل الناس الرحمته تفزع
وما غير ابو السجاد للمحب يشفع
من أجل دمنه حسين بدمه تبرع
مهجة الزهرا
قد مات صبرا
قد بكته كل عين .. لا تلومونا
جمرة مصاب حسين ما لحظة تبرد
حبه اليوجر النار واحشانة موكَد
ما تنطفي هيهات والباري يشهد
دمع المصاب يسيل من دم على الخد
ياهو بخلود حسين قائد تخلد
يضل ذكره بالوجدان حي ايتجدد
جاد بالنجر
خص بالذكر
ذكره طول السنين ... لا تلومونا
للشاعر الاديب السيد سعد الذبحاوي
قصيدة رقم ٣
شوط كربلائي للسجاد عليه السلام
أهيم ابعالم السجاد واحرگ روحي چن شمعه
أحس ليل اهدعش عاشور وأسيل ويالحزن دمعه
...................
أسافر للبقيع أدموع وأفيض عله الگبر حسره
أغمض والگه روحي هناك أحس جدمي سحگ جمره
أتيه ابروجة الافكار واصليله فرض عبره
أسمع چن صهيل الخيل
أحس طف ونوايح ليل
جسد دامي وضعيف الحيل
عليل وتحدي بيه النوگ عله الصار ابهمس ينعى
...................
أحس ابگبره صوت أطفال وأسمع شهگة ايتيمه
تنشد گلي وين انروح يخويه احترگت الخيمه
نضل لو نمشي يالسجاد يتامه وكربله هيمه
شبت بالخيام النار
ضلينه نسه وازغار
گالو بالغري الكرار
بلكت يلحگ اعلينه يحظر بالشدد طبعه
.......................
أحسن بالبقيع اعيون لسه اتعاين الرايه
تناطر والنوايب نوگ ننصب يمهن اقرايه
مناره امصوبه ابعامود گبور اتاني مشايه
مواكب تنعى للمسموم
گبر من الحقد مهدوم
علي السجاد يا مظلوم
عله ابن الزهره ردنه انوح وابگبره الدمع يسعه
.....................
بقيعك لسه چن عاشور وابسيفه الشمر ردله
طف ابگبتك ينعاد واچفوف الحقد نبله
تناطر رفة الرايات وانصارك تجي اتعدله
قائمكم نريده ايعود
وانصير ابخدمته اجنود
وابچفه النصر معقود
ثارات الذبيح انريد نسل الناصبي انگطعه
.................
أنصارك صبحنه اهواي هاي الدنيه نگلبهه
عياله ونحب الموت سفره العركه نحسبهه
للوهابي هم انروح ذيچ الناس انأدبهه
بكل شيعي جمر وگاد
نطلب كربله تنعاد
بس نحظرها يالسجاد
نتمنه ترد اليوم وانته شاهد الفزعه
الشاعر علاء المياحي
الناشر رحيل القوافي الفاتحه إلى روح ابوي العزيز
