بصوت. مسلم المطيري
بس لامك يلوگ النوح عباس
كلمات الشاعرة
ام محمد السعيدي
بصوت. مسلم المطيري
قصيده مربعه
لفقد الزهراء ع
ماينراد يكسرخاطري البيت
يمه أفراك وجهج منه سليت
➖➖➖➖
➖➖➖➖
ريت الروح راحت يمه كبلج
ياشفجه وحنينه وماكوأعز منج
عونه الشاف يمه وجهج
عكب وجه الحنينه موحش البيت
➖➖➖➖
➖➖➖➖
مشت عنه الحنينه وبعد شيردها
ياخيمه التلمنه ولايذه بسدها
ياهيبه وترد الروح شوفتها
ياسلوة زماني وشمعة البيت
➖➖➖➖
➖➖➖➖
وين الفاكده أمها وكاطعه الظنه
والمظيعه ظواها وريحة الجنه
خليها تدك وتعلي الونه
ياريت العمر يندار ياريت
➖➖➖
➖➖➖➖
صحت بصوت يادفان رد بيها
فاركنه الزمان وهاي تاليها
ظلمه المكبره ونورج أمظويها
شلون أنساج يمه وحيل ونيت
➖➖➖➖
➖➖➖➖
بعد بنفوسنه يايمه كعداتج
كثر همنا ييمه نريد وكفاتج
واليمه كظت يبجن أبنياتج
مااجازيج يمه شماسويت
✍️بقلم الخادمه أم محمد السعيدي
ليش الاوداع
يخلص ابساع..وي النحبهم
واليحنون
مايضلون.. يبعد دربهم
آه ياليل..آه ياليل..آه ياليل
ــــــــــــــــــــــــــــــــــــــ
ودعوني..ولوعوني
واعيوني من كد القهر
تبجيلهم كامت صور
فاركوني فاركوني
آه يباجر الله ساتر
واحد يطيح اعله النهر
وواحد اشوفنه وذر
بالحوافر بالحوافر
من هسه خاصرتي ابتدت.. توجعني واتفحطني
الليله بأمان امدلله..وباجر حبل يربطني
باجر اهات
كله طيحات .. درب الاسيره
وعثرة ام عون
تعمي الاعيون..كلش جبيره
آه ياليل آه ياليل آه ياليل
ــــــــــــــــــــــــــــــــــــــ
كل حناني..ماكفاني
هالليله عيني امساهره
وكل امنياتي امطشره
يااماني.. يااماني
الدنيه هيمه.. عيني غيمه
لاني الغفيت ولاهدت
وأمن الاغروب اتفكدت
خيمه خيمه..خيمه خيمه
الليله الحسين وكافلي.. ابجي بالم سمعوني
واحد شبكني بخوته..وواحد مسحلي اعيوني
عندي خطار
مواهل دار..جنهم اخوتي
ابحيره ضليت
اشكد تمنيت.. ياخذني موتي
آه ياليل اه يا ليل
ــــــــــــــــــــــــــــــــــــــ
وجه الاكبر..الليله يزهر
وباجر عله الدنيه العفه
أمه بحبال امتجتفه
وهوه بالبر..هوه بالبر
وجاسم ادري..يحني ضهري
لمن يزفونه ابنعش
ماوصل عمره اخمسطعش
ايكسري..آيكسري
جاي أشعر ايقل الهوه..الياخيمه اطب تخنكني
واتصورت باجر شمر..كدام اخوتي ايطكني
والصور هاي
تبقه وياي..لآخر حياتي
صعدة النوك
وطبت السوك..آنه وبناتي
آه ياليل اه يا ليل
ــــــــــــــــــــــــــــــــــــــ
والاذيه.. ايعز عليه
عبدالله من هسه ذبل
ومن أمه ماخذني الخجل
وشبديه وشبديه
ريجه يابس..وكلبي حاسس
باجر يذبحه حرمله
ومن هسه جاي اتخايله
بس يرافس بس يرافس
طلعيت بره أمن القهر..واعيوني صدت عالتل
باجر اروحنله ركض.. واقره أعله اخوتي المقتل
واصرخ ادخيل
منهو الايشيل..حملي ابدالي
وين الإخوان
عكب الاحنان..ضايع دلالي
آه يا ليل آه يا ليل
ــــــــــــــــــــــــــــــــــــــ
لاتجيني..وتعمي عيني
ياصبح عاشر من تطر
جم ركبه يكطعهه الشمر
ياونيني ياونيني
احسيني باجر..ماله ناصر
يمشي ويميل أمن الضمه
وامنكعه اهدومه بدمه
يبقه حاير.. يبقه حاير
تتكاثر اعليه الزلم.. باجر حبيب الزهره
وكلهه تنادي عالاخو..ياشمر اكطع نحره
مايرحمون
من يصيرون.. وليه اعله اخينه
محد وياه
واحسيناه.. يابوالمحنه
آه ياليل اه يا ليل
ــــــــــــــــــــــــــــــــــــــ
والله حيره.. اشكد جبيره
باجر اذا طاح العلم
اتطيح المحامل والخيم
وامشي اسيره..امشي اسيره
اعيوني يعمن.. اركض المن
احمي الازغار امن السحك
السجاد اخلصه أمن الحرك
ميته احسن..ميته احسن
اركض احامي اعله العبي.. لو عن تراجي ارقيه
وحدي أنه وابنص معركه.. والسوط يضرب بيه
وتبجي الاكلوب
وكت الاغروب.. من كد قهرهه
عندي نسوان
وماكو خوان.. تحرس خدرهه
آه ياليل اه يا ليل
محمد الجماسي
#مقدمة_الليالي_الفاطمية
ابـــاب الزچية الزچية
مديت اديـــه اديــــه
ـــــــــــــــــــــــــــــــــــــــــ
لباب مجلسها اعتنيت و جدمي اول مــا دخَل
بيا هلا تلگتني احسها و دمعي للمـــلگه انهمل
و من بديت الطم عليها و انه اقـــــره المستهل
خدمة مقبــــولة و عـــــزائك يُمة گلتلي انقبل
تــــرضه عليَّه عليَّه
مديـــت اديه اديه
ـــــــــــــــــــــــــــــــــــــــــ
بعين وحدة تباوعلنه و مــــــا تفَّرق لا ابد
رغم ما كسرة ابضلعها هيه للخـــادم سند
ويانه تگـعد بالعـــــزية گَعدت الام و الوَلَد
و التصير امــــه الزچية شرايد امن الله بعَد
لامنّه الوفية الوفية
مــديـــت اديـه اديــه
ـــــــــــــــــــــــــــــــــــــــــ
ما تضَّيع تعب خــادم تشتـري بأغلى الثَمَن
أجرك و أجري عليها و اللطم عدها أنضُمَن
دمعة دمعة وَثِقَّتها ادمــوعــــنه ام الحـسَن
و باچر اتردهـن علينه من يشـــدون الچـفَن
يـــــوم المنية المنية
مديت اديـــه اديـــه
ـــــــــــــــــــــــــــــــــــــــــ
ام ابيها و بيها ندري هيــــــه ام كل الخَدَم
شيطلب الخادم تگله هالطلب يوليــدي تَم
عايشين احـــنه ابفضـــلها امغرگتنه بالنِعَم
ربــــي ثبتني ابــــدربها لو تـِزل مني الجِدَم
ثبتـــها اليــــه اليــــه
مديت اديــــه اديـــه
ـــــــــــــــــــــــــــــــــــــــــ
لو كُبَر ذنبك تشوفه يالخِدَمت الـــــها الأبن
توب لالله و رد عليها ما تطـــــــردك أطمأِن
ام گلب واسع گلبها للخَدَم صـــــــاير حضِن
و احنه وي مهدينه باچر نصلب الگلها (وإِن)
گبـــال البرية البرية
مديت اديـــه اديـه
ـــــــــــــــــــــــــــــــــــــــــ
فاطمة سر الوجود و غاية الحــــق العلي
من اجلها أوجَد محمد ربَّك و أوجَد علي
جنة الجنة و رسمها نـــــــور ربَّنــا الأزلي
شما دعت ربَّها يگلها يــــام حسنّه ادللي
ابدمعة جرية جرية
مديـت اديـه اديـه
ــــــــــــــــــــــــــــــــــــــــــ
الحمدلله
علي حسين الكناني
▪︎
(قصيده للقاسم ابن إلامام الكاظم عليه السلام )
للغريب ٠٠ اتعنّه واگصد داره
للغريب ٠٠ ينجه كلـمن زاره
☆☆☆☆
بالروايــــــه الوراده عن الرضه
نجل الاطهار وحليف الموعظه
الما گــــدر لزيارتي وبيها حِظه
زيارة القــــــاسم اكيد اتعوّضه
للغريب ٠٠ أخذ مـــن اسراره
للغريب ٠٠ ينجه كلـمن زاره
☆☆☆☆
للغــــــريب اتعنه واذكـر غربته
الف هنيــــــاله الحظه بزيـارته
ابن موسى شكثر سالت دمعته
لون عن اسمه انسئــل يالوعته
للغريب ٠٠ تنشكــــــر زواره
للغريب ٠٠ ينجه كلـمن زاره
☆☆☆☆
خلص سنين العمــــر عايش غريب
جرحـه مايشفه بدوه ولا يد طبيب
ينتمي الأشرف نسب جده الحبيب
كاظم الغيظ الابـــــــو اصله نجيب
للغريب ٠٠ گلبي وجت ناره
للغريب ٠٠ ينجه كلـمن زاره
☆☆☆☆☆
كله تقوى ابن الامــــام الســابع
يکضي ليــــله بين ساجد راكع
بين ايد البــــاري يوگف خاشع
ويمشي مابين الخلگ متواضع
للغريب ٠٠ اتّبـــــــع آثـــــاره
للغريب ٠٠ ينجه كلـمن زاره
☆☆☆☆☆
گبره للــــــوادم صبح قبله ومزار
والطيـــور بصحنه ننظر كل نهار
ياضريحه الصار خيمه ومستجار
ورايه خفـــاگه تسر عين الي زار
للغريب ٠٠ اقطف امن ازهاره
للغريب ٠٠ ينجه كلـــمن زاره
☆☆☆☆
حيدر بشار الدراجي
كلشي ظـلـمـه بـعـيـنـي صـار
كـافـي مَـل گـلـبـي انــتـظــار
يازهرت اسنيني حاچيني حاچيني
*----------------------*-----------------*
راسي شَيّب گـلـبـي يلهب مـن غـيابـچ
صعبه اشوفه وصعبه اعوفه والله بابچ
حـزنـي زايـد وآ نـه رايـد بـس جـوابـچ
بعيني دمعه وعمري شمعه بنص عذابچ
كلمه وحده الروحي اريد
حـتـى لــو عـنّـي بـعـيـد
بُـعـدج يـئـذّيـنـي حاچيني حاچيني
*-------------------------*------------------*
مري بـيـه بـكـل مـسـيـه نـظـره رايـد
عمري يذبل حيلي ينحل حزني زايـد
مـن اكـلـمـچ وما اسمـعـچ مو عـوايـد
شده شده ليلي يـبـده اشـگـد شـدايـد
لأكـن اصعب شده هاي
ويـن اشوفج يـا هواي
يالرسمچ بـعـيـني حاچيني حاچيني
*-----------------------*-------------------*
ابلا نهايه الـغَيـبـه هـايـه الـحـد منيتي
اشـگـد اعاني مـن زمـانـي ومـا أجيتي
دمعي اهمله صعبه اطبله وظلمه بيتي
انـتـي نوره بـعـينـي صوره وبي بقيتي
هـســه بـاقـي ابـلايــه نور
حجره حجره الوحدي ادور
احَچي وأسمعيني حاچيني حاچيني
*-------------------------*---------------------*
جرحي أروفن وين اشوفن نظره وحده
صوتچ اسمع وصبري اجـمـع بيچ اشده
هـذا حـالـي بـكـل خـيـالـي بـاقـي بعده
مـره ذِكـره ومـره حـسـره بـيـهـه أبّـده
هذا حالي بهل جروح
چنتِ احسچ بيّه روح
بحسراتي تدريني حاچيني حاچيني
*--------------------------*-------------------*
روحي چنتي بس رحلتي كلشي ظلمه
آنـه حيـدر جرحچ اكـبـر اشلون اكظمه
المن احچي الفگدچ ابچي هظمه هظمه
طـولـي مـايـل دمعي سـايـل ويـن اظمه
غـربـه أحس بكل زمان
مني رحتي ودهري خان
هالكلمه تحييني حاچيني حاچيني
*---------------------*--------------------*
✍خادم الزهراء (ع)
الشاعر رعد الجريخي
غريبه راح اخليج وبخوج حسين اوصيج
لو ظهره انكسر شميه بالنحر
****
يمه زينب كرب موتي وحانت الساعه الاخيره
شدي حيلج عالمصيبه مصيبتج باجر جبيره
حسين باجر يبقى وحده وناظره المن يديره
شما اصدله ايگطعونه وجسمه ينلم بحصيره
وحده من تشوفيه. بيدج مهره قدميه
همه لو كبر شميه بالنحر
**
بدمع عينج. روحي يمه ونفذي يايمه الوصيه
امي گالت شمي نحره لو گرب يوم المنيه
فوگ صدره تروح وترد باجر خيول اعوجيه
الشمر بيده من يذبحه يذبح وياه الزجيه
ويگلهم ذبحته ودو الراس لخته
راح اشبع قهر شميه بالنحر
*
عالترايب يبقى جسمه. عاري ومسلبه اهدومه
بالحوافر. راح صدره. وماكو مثل حسين يومه
ايموت ضامي ونحره دامي. وعالرمل تنزف ادمومه
آه ياشمس الظهاري باجر اتغير ارسومه
يمه انتي وبناتج فييله بعباتج
اهناك اخذي الحذر شميه بالنحر
**
الحرگ بابي راح باجر يحرگ الخيمه عليجن
عگب اهلجن محد الجن وكلها غربه شلون بيجن
الخيل تهجم عالمخيم والشمر رايح يجيجن
ايصيح بيجن وحده وحده وبحبال ايشد اديجن
عالتل من تصعدين جم خاطر تكسرين
ومن بعد الگمر شميه بالنحر
**
يالعقيله. شما اشوفج بلا عشيره ولا گرابه
الشام ياخذ راح حيلج. واه يالشام وعذابه
الشده باجر يمه زينب من يخلوج بخرابه
اهناك طفله من حلمها تفز تصرخ بابا بابا
رقيه باخر انفاس راح اتموت عالراس
باقي بخدها اثر شميه بالنحر
****
تمت
تحسين الخفاجي
ميثم العمري
أه يباجر- شجم عزيز أتودع الــنه
أه يباجر-ليــــش ماترحـــم شملنه
أه يباجر-أه يباجر
---------------------
خوفي منك انته باجـــر ما تمر بينه بسلامه
تذبح بااحباب روحـي وترسم بگلبي العلامـه
اومن بعد عزي ودلالي الشمريجرحني بكلامه
باجر اتراويني غـدرك والعــدو ايبين ظلامـه
اه يظالم- تحرك اخيام المحنه
اه يظالم - مايرف بيرغ اهلنه
اه يباجر-اه يباجر
----------------
عادت المحتام بـاجريـودع احبابه بأنينه
ويرسم بكل خطوة الهم طبع شوكه وكل حنينه
ينظـر اطفاله وخوته ويســمع احجاية بنينه
وانته ماجايب فرحنهه وجــيتك لينه حزينه
اه يواهم -تصبح اطفالي رهينه
اه يواهم - والعليل امــــــكيدينه
اه يباجر-اه يباجر
-------------------
انته غير ايام عـمري تفرض الونــه بصفاتك
تلجم اجروحي بسهامك هـاي جانت كل أذاتك
تذبح حسين وي خوتـه اومـره صارت كل حياتك
وتصبح العأشر محـرم لليضد انته شغلاتك
اه يصبحك ـ كون مايبقه اندعيــنه
اه يصبحك ـ حزنه بيه اشكد بجينه
اه يباجر-اه يباجر
-------------------------
ادري باجر هم نهارك انـعى ودموعي اهلهه
وينزل الصـوط عالمتني اوروحي يتزايد المهه
اوروس اخوتي كلها تمشي وتنذل اطفالي اوملهه
وللخيم تــاريخ اضلن والحرم حفضت قيمهه
اه يخاين ـ للعرش احنه وفـــينه
اه يخاين ـ احنه سيرنه السفينة
اه يباجر-اه يباجر
خادمكم قيس عوده الكعبي
بصوت. مسلم المطيري
تحرق الدار، وفيها فاطمه
كلمات الشاعر
علي الأحسائي
بصوت. مسلم المطيري
راحت امنه. وانهضمنه
كلمات الشاعر
سيد علي الموسوي
بصوت. مسلم المطيري
عني رحتي
وانتي بعمر الورد
كلمات الشاعر
محمد دعبل النوري
بصوت. مسلم المطيري
شيعنه نعشچ فاطمه مولاتي يامظلومه
كلمات الشاعر
كامل السعيدي
بصوت. مسلم المطيري
حگه حيدر لو يشيب راسه
بيده هال اتراب اعز كل ناسه
كلمات الشاعر
سيد علي عبدالزهره الناجي
بصوت. مسلم المطيري
يحسين مذنب خادمك
كلمات
وداد البخاتري
بصوت. مسلم المطيري
نعی،،لسان حال السیده الزهراء س
🏴🏴🏴
ویلي الویع،،یاخذ تره الحیل
وشیسکته لون اِیهیض بللیل
تره البسمار لاچم صدري بطول
لآ بیه اَنحِني،،،ولآ بیه لشیل
🏴🏴🏴
یا ویل اِجونه وجابوا النار
لآ راعوني،،رکضوا حرگوا الدار
فوگ الحرگ کله ولطمه بلعین
خلوا ابصدري ایفوت بسمار
🏴🏴🏴
ضلعي ما یفیده اخیاط،، یبره
او،ویعه لآ تظنّه ابعجل،،،یبره
ابحسرتي ولوعتي البسمار،،یبره
اِبنبته،،،گرّب ابموتي علیه
محمد ابو صكرالنعامي /الاهواز
قصيده لأستشهاد ام البنين ع
بس لأمك يلوك النوح عباس
مهيوبه وبأسمها تحلف الناس
ااااااااااااااااااااااا
ااااااااااااااااااااااا
يلوك النوح لأمك بت الأحيود
وبيرغ لايكلها براس الأحدود
عليها شما حزنه ونلبس السود
مانوفي المشت يارفعة الراس
ااااااااااااااااااااااا
ااااااااااااااااااااااا
لأمك لايكه الونه بعداليه
مانكطع دمعنه ونبجي يوميه
تستاهل مناحه ولطم جمعيه
هاي البالمعاجز بشرت ناس
ااااااااااااااااااااااا
ااااااااااااااااااااااا
نشد أحزامنه ومانكطع أعزاها
تون لحسين أبد ماكطعت أبجاها
شالت والمحنه شالت أوياها
كريمه وبالعطايه دكت الساس
ااااااااااااااااااااااا
ااااااااااااااااااااااا
نتعنه البقيع وننعه هالليله
بهوسه وبعراضه انزت الكحيله
وأبهمه نعشها لايكه أنشيله
وين الونت ولطمت على الراس
✍️بقلم الخادمه أم محمد السعيدي
بصوت. مسلم المطيري
ليش الوداع. يخلص ابساع
كلمات الشاعر
محمد الجماسي
بصوت. مسلم المطيري
اباب الزچيه الزچيه
كلمات الشاعر
علي حسين الكناني
بصوت. مسلم المطيري
للغريب. اتعنه وكصد داره
كلمات الشاعر
حيدر بشار الدراجي
بصوت. مسلم المطيري
كلشي ظلمه بعيني صار
كلمات الشاعر
رعد الچريخي
بصوت. مسلم المطيري
غريبه راح اخليچ
كلمات الشاعر
ميثم العمري
تحسين الخفاجي
بصوت. مسلم المطيري
آه يباچر
چم عزيز اتودع النه
كلمات الشاعر
قيس عوده الكعبي
بصوت. مسلم المطيري
ابوذية
الكلب شاجر على ابن امي وداوي
تضعضع ونـهــدم حيـلـي وداوي
لا مجــروح حته اگـعـد وداوي
ولا غايب واگـول اتعـود اليه
للمرحوم عبد الامير الفتلاوي
في هجوم القوم على بيت الزهراء عليها السلام ....
تحرقُ الداره وفيْها فاطِمه
بُضعة المختارِ نفسه العالمه
خاطرك بعده ابنبينا مكْتفه
الوحيده عنده بنته المصطفى
وين فضله اعليك ظل وين الوفا
الحطب في حرگه داره اململمه
روح هادينا في بيته اللي رحت
وناسك ابحرگه الحطب كوم اجمعت
تغضبون الله إذا بنته اغضبت
عودو من شوف النفوس امخاصمه
دار ابوالزهره نبيكم تحرگون
بنت من هذي ياعالم تعرفون
بابها اليطرق نبيكم تكسرون
في غيابه تحرگونه الخاتمه
طفلته زينب في داره بالونين
وفيها طفلينه الحسن وابنه الحسين
المرتضى فيها وكتاب الله المبين
الفينا بالثقلين وصى طالما
صلا هادينا ونحر لله امتنان
الكوثر اعطه الله نبيه امن الجنان
وأي عطيّه مثْلها الزهره ابزمان
ماعطه حد مثلها هالمرحمه
هالهبه هذي إلهي الواهبي
كلّما اشتاگ الجنان الله النبي
ريحت الجنه يشم منها الأبي
فاكهة فردوس ربّه ومبْسمه
الهادي اِذا زاره من الأملاك احد
بين ادي يجلس ورد جلست عبد
مو فقط جبريل لا زاره نجد
ونافخ اسرافيل صوره في السما
ولادخلت بنته عليه ابمجلس يُقال
أحترام الها النبي يوقف جلال
ايگوم ويجلسها مكانه بالدلال
وراسها ايقبل وديها فاطمه
بل فرض طاعتها أعله الانبيا
مو بعد جن وأنس والأوصيه
والملايك بنته ابوالخلق ان هيه
سر من أسرار الإله ومعلمه
بل كفأ ملها لاما خلقه علي
الگال عنه المصطفى قوله بلي
الناس لو عرفت أثر فضله الولي
من تحت جدمه التراب اتلملمه
✍️
علي الأحسائي
▪︎
راحت امنه...وانهضمنه
شوفتهه چن وجه الفجر
ياهالخلگ تسوه العمر
أم الحنان الوالده...الله يشوفت أمنه
للدار من چنه نرد...تركض علينه اتشمنه
ملگاهه بي فرحة طفل...وبحظانهه اتنيمنه
من تدعي نسمعهه الفجر...بالأول اتقدمنه
هالحبيبه...كلهه طيبه
لشويه عند امنه اشكثر
ياهالخلگ تسوه العمر
والدتي چن آية عشگ...أقراهه واتغذيني
چفينهه ايصبن نهر...من العطش ترويني
من تجري دمعة ناظري..لو فد أمر ياذيني
چلمتهه تجبر خاطري...يابعد عمري احسيني
أمنه ياناس...عالم احساس
أنفاسهه اتوزع عطر
ياهالخلگ تسوه العمر
بالوالده ايحير الفكر...ماينوصف معناهه
فاگدهه چن فاگد ضوه...ضلمه عگب عيناهه
مو هينه عالفارگ أعز ...ناسه وصعب فرگاهه
من شالت امي فاطمه...شالت الضحكه اوياهه
الفاگد امه...جبل همه
صورتهه للناظر تسر
ياهالخلگ تسوه العمر
عونه اليبر الوالده...هنياله من يرضيهه
لو تشعل العشره شمع..لا والله متجازيهه
ذاك الربه وذاك التعب..لازم تفكر بيهه
وبروحهه اللي ضمتك...ياكونك اتوافيهه
من تجيهه...بوس اديهه
خل بيك امك تفتخر
ياهالخلگ تسوه العمر
يامن حظرتو بالعزه...وبفاطمه اتواسوني
باچر أجركم عد علي...ياشيعتي وسمعوني
عدكم وفه وطيبة گلب..وادريكم اتحبوني
بالامهات اوصيتي...رضوهن وترضوني
واحنه يمكم...نجلي همكم
والكم شفاعه بالحشر
ياهالخلگ تسوه العمر
سيد علي الموسوي
القصيدة
أمير المؤمنين علي بن ابي طالب وفقد السيدة فاطمة الزهراء عليهما السلام
عني رحتي وانتي بعمر الورد
عني رحتي. وشبقى عندي بعد
اه يازهراء اه يازهراء
ياحبيب المايرد صوته لحبيبه
شلون من يشتاكله منهو يجيبه
علي حن لفاطمه واشتد نحيبه
منه راحت زهرته باعظم مصيبه
من تركتيه. بيته خالي من الضوى
من تركتيه. ضل سقيم بلا دوى
اه يازهراء اه يازهراء
*--------------*----------------*--------------*
حلت الفركه وصفت داره خليه
بعد فركه المصطفى تروح الزجيه
فاركاها ومشت مهظومه برزيه
مابقاله بس حزن حد المنيه
فاركاهم. وهمه جانو سلوته
فاركاهم. وهوه زادت بلوته
اه يازهراء. اه يازهراء
*---------------*-------------*--------------*
يعاين لبيته صفه من الزهره خالي
يشوف اولاده ويهل دمعه يلالي
الحسن وحسين يمه بدمع هالي
وزينب تنادي بعد امي شبقالي
يهدم الحيل دمع ولدج فاطمه
يهدم الحيل. بجى املاك السمه
اه يازهراء. اه يازهراء
*--------------*--------------*----------------*
يامصيبة حيدر بهاي الرزيه
فاطمه الزهراء تاخذها المنيه
الوديعه تروح من عنده ضحيه
يعاين بعينه وتقيد بالوصيه
بيها صابوه بالغدر أهل الردى
بيها صابوه الحقد منهم بدى
اه يازهراء اه يازهراء
*--------------*-------------*--------------*
بيده يدفن زهرته والدمع همال
تندفن كل ذكرياته وكل الامال
انهدم حيله الشجاع الشال الاهوال
من دفنها روحه حيف اعله الترب مال
حيله هدموه يوم صابو فاطمه
حيله هدموه من نزف منها الدما
اه يازهراء. اه يازهراء
*---------------*--------------*----------------*
محمد دعبل النوري
21 ربيع الأول 1446هـ
2024-09-24 م
شيعنه نعشچ فاطمه
مولاتي يامظلومه
ـ-------------
وي علي اوي الحسن وحسينچ
يالزچــــــيه احبــابچ امشيعينچ
الكون اضـلم يوم غمضت عينچ
وغابت امن اليل حتى انجـــومه
شيعنه نعشچ فاطمه
مولاتي يامظلومه
ـ--------------
لبست اســـــود شيعتچ هليله
الحزن واحــــدهم امهدم حيله
نعشچ ابوســط الگلوب انشيله
اجروحنه يم الحســـن ملچومه
شيعنه نعشچ فاطمه
مولاتي يامظلومه
ـ--------------
واجب انواسي الامـــام المنتظر
اويانه بالتشـــــــيع يافاطم حضر
نعشچ اتحمله الملائك والبشر
وكلها تصرخ ويلي عالمحـرومه
شيعنه نعشچ فاطمه
مولاتي يامظلومه
ـ--------------
ابيا ذنب كتلوچ عمـر اثمن طعش
وحتى محـد وي علي شال النعش
بيچ سـراً للدفن وحـــــــده غبش
وهسه كلنه اوياه انعينه ابيـــومه
شيعنه نعشچ فاطمه
مولاتي يامظلومه
ـ--------------
سجلينه ابدفترچ مـــــن الخدم
ابلا رضاچ الدنيه اشـــبه بالعدم
الماخـــدملچ باچر ايكتله الندم
ويشعر ابنقصه وضميره ايلومه
شيعنه نعشچ فاطمه
مولاتي يامظلومه
ـ--------------
✍ الخادم
كامل السعيدي
حگـه حيدر لـــــو يِّشَيِّب راسه
بيده هال اتراب اعز ڪل ناسه
........................
حگــه حيدر لو يّــذب اعـمامِـتَه
بالــگلب نار اعلى فــــرگة جنِّـته
لا محمد عنده ظل لا بَضعتَه
حزنه الف يعگوب اظن مقــياسه
........................
حگه قالع خيبر ايــــــــگوم ويطيح
شالت امن اعيونه اُم وجه الصبيح
( بَعدَكِي عَيشي ) يگــلـلّـها قَبيح
وبيتي يَم بيتي انهدم من ساسه
........................
تغفه عينه اشلون ابو الحمله ويّچن
وذكريات ام الـــــحسن ترس الجفن
يگعد ايـــــــــگوم ايتذكرها ويّحن
ويذكر الــــــــــضلع الكسير الـــجاسه
........................
صوره بعيونه لـــــــــكسر ذاك الـضلع
ولـــــجفنها بعينه چن شاتل شمع
المره الاولى ايون علي ابـون ينسمع
ويضرب اخماس الحزن بـ اسداسه
........................
مو عجب حُزنَاً على الخدها انسطر
شاطر الـــــــهامات اذا گلبه انشطر
اشحاله من شاف اعله المتون الأثر
بالغُسل حسره اعله حسره انفاسه
........................
شيّـــــــعاهه ابليل واخفاه الگبر
بعدچ ايگـــــــللـها لا طال العمر
كسري يَـ اُم زينب بعد ما ينجبر
وبـاليتم هسه اعرفت واحساسه
........................
من رجعت امن الدفن يا حيدره
بثوبك وُ وجهك تراب المگبره
صبّــــرتها اشلون زينب يا تره
يمكن ابـــــــــ طفها وعزم عباسه
........................
بالصبر مثلك فلا صابر صَُبَر
القاتل اتنظره وتغض عنه النَظَر
ما تحرك ساكن ابوجه الجِسَر
علـــــــبتوله وباب بيتك داسه
........................
لـ اُم حسن حزنك ولا قبله وُ وراه
گلبك ٣٠ عام ومـــــــــــــا نساه
من گبل موتك تون : وا فاطماه
بالــــــــبشر مثلك شخص ما قاسه
ــــــــــــــــــــــــــــــــــــــــ
سيد علي عبدالزهره الناجي
يحسين مذنب خادممك خليني ارجعلك تره
أمقصر وشابع ندم ياابو علي شنهي الجره
مااريد ابرد بالعزء يبن الزجيه الطاهره
عليك روحي معلعله مشتعله نار موجره
يحسيني مذنب ونجييني
يحسيني خادمك خليني
وعيونك كلشي يرخص ليكم
يحسيني فدوه ليك سنيني
رايد اخدمك من صدك وانته الصدك
ياابو علي غيرك جذب مامش عشك
#######################
خليلي جمره من الخيم خليه تحركلي الصدر
يحسين غارك بالذنب غلطان كلش وعتذر
لو يكضي وياك العمر لو انا مااريد العمر
مكسور انه وخاطري مثل الجنح من ينكسر
بجيني ليك كثر نوحي
بجيني خله تطلع روحي
لمصابك كون ابجي عيوني
بجيني لا طيب جروحي
انا اعترف كلي ذنب كلي ذنب
اقبلني انا من الخدم موش الجذب
########################
خليني حضر من وكت وقره الزياره وي الخدم
مولاي كون مجلسك تكسرني كلش بالندم
ماريد مرضات البشر جندوب ابقه بالوهم
عينك عليه سيدي طلعني انا من العدم
مرضاتك مدلي جفك فدوه
مرضاتك بذنبي جاي اچوه
ياروحي جاي حسه تكلك
مرضاتك انته عندي التسوه
انته التهمني ومن كلب نادم الك
ماريد كلشي بدنيتي ارد اوصلك
######################
غلطان وانه المو صدك موخوش واحد وعترف
ياابو علي عينك علي مذبوح كلبي وهل يرف
اتوسل بدمعه وندم خليني انا وي العرف
مولاي ما اذنب بعد التوبه كلش منحرف
ادبني سيدي من فعالي
ادبني من الغلط يلغالي
وجفوفك مده فدوه عليه
ادبني محترك دلالي
انا الذليل المو الك اخدم الي
خليني اخدمك من صدك ياابو علي
#######################
مااريد غيرك بالكلب غيرك يسود كلبي
ماعندي غيره وموصدك مابجي زايد ذنبي
اضلم طريق المو الك يحسين نور دربي
ندمان انا وال ندم يسوه الك ياتعبي
سامحني انته بس سامحني
سامحني فدوه مره اقبلني
من كلشي ابتعد من كلشي
سامحني من الوهم طلعني
ماعندي غيرك بالكلب وانته الكلب
سامحني هسه والذنب خل ينشطب
########################
وداد البخاتري
بصوت. مسلم المطيري
#نعي
طلعت ريت ما طلعت الزهره
الباب المحترگ شفناها حدره
ردت گوه والعثره اعله اعثره
مكسور الضلع والعين حمره
__
طلعت ريت ما وصلت جريبه
شفت امي بوسطهم جن غريبه
تطلع من مصيبه اطب مصيبه
ها گد ناس تگرهنه عجيبه
__
طلعت ريت ما طلعت شفتها
بين الحرگ والطگ تيهتها
يالتضرب ابهيده امنا اجتلتها
كسرت اضلوعها وطگ جملتها
__
طلعت ريت ما طلعت واحدها
ما ندري السلف مگلوب ضدها
ايد اعله الضلع وايد اعله خدها
مابيها وعلي ترفع ولدها
__
طلعت ريت ما عفناها تطلع
ما حسبنه ميته الزهره ترجع
صوت الضرب واصل لينه نسمع
وتكلهم فاطمه بس ياهو يقنع
__
طلعت ريت ما وكفت وره الباب
شفنه امنا وطفلها فوگ التراب
طاحت فاطمه امجلبه بالحجاب
ماراعوها ابد زمرت الحطاب
__
سيد بسام قابل الياسري
#اللهم_عجل_لوليك_الفرج
