هالأمه عاميها الحقد .. ضد فاطمه تبذل جهد
بالماضي والحاضر ترد
مو بس حرگ باب السمه
حـتـــى اسـمـهـا فـاطمـه
ايعادونه
🚩🏴.....🚩🏴.....🚩🏴
(١)
تحچيها أرباب العلم وابو المثل گايلها
(كلشي وراثه) والصفه طبع البشر ينقلها
جينات هالشخص الگصد دار النبي يشعلها
و الزّال إسم أم الحسن هم يُعتبر عاذلها
عالمسجد إسم الطاهره .. گالوا نريد انغيّره
مثل الحطب من وجّره
فكرة عِداهم قائمه
حتى اسمها فاطمه
ايعادونه
🚩🏴.....🚩🏴.....🚩🏴
(٢)
طبع الدناءه و الحقد ينـتـقـل ويّه الأشخاص
والدين باعوه ابرخص تعرف لأن همّه ارخاص
لابـد يراويك الزمـن مثـل الشمـر و ابن العاص
ونشوف ناس بلا شرف لابليس عدهم اخلاص
مرّت ألف عام وبقت .. نار الضغاين ما طفت
والدار من ناره علت
شفناها لسّـه دائمه
حتى اسمها فاطمه
ايعادونه
🚩🏴.....🚩🏴.....🚩🏴
(٣)
درب العدل أهل الدغش لابد تخرب اوضاعه
و الريح مركـب لو جرى ودهـا تشـگ اشراعه
فمن الطبيعي فاطمه يضدها الدهر كل ساعه
لن الظلام اويه الضوه يكره جمال اشعاعه
دنيه امتلت حقد وبغض..والشر على الحق ينتفض
ودين العدل ضلعه ترض
سادت شريعه ظالمه
حتى اسمـهـا فاطمه
ايعادونه
🚩🏴.....🚩🏴.....🚩🏴
(٥)
بالـدار گـلّـولـه تـرى بنـت النـبـي و العتـره
گلهم (وإن) وبهل اللفظ يبذر أساس الغدره
گـلّـولـه هالمسجد بإسم بنت الرسول الزهره
گلّهم(وإن)نفس ال(وإن)نفس النهج والفكره
والله هضيمه هالزمن .. بيد اليعادي أم الحسن
يمسح اسمها بالعلن
والگبله ناره مضرمه
حتى اسمها فاطمه
ايعادونه
🚩🏴.....🚩🏴.....🚩🏴
(٥)
زهراء وحروفه الإسم يا ناس ما احلاها
الجنه باسمها امنوره و بيها العرش يتباها
والزّال اسمها مو عجب گبله صطر عيناها
ما رادت إعلـه مسجدك يالناصبي ذكراها
هالناصبي شنهو يحس .. بالمنخل يغطّي الشمس
واحداث هاليوم وامس
نفس السلاله الغاشمه
حتـى اسـمـهـا فاطمه
ايعادونه
🚩🏴.....🚩🏴.....🚩🏴
(٦)
هسه اعرفت ليش الوصي أخفى گبرها البضعه
هـمّـه الإسـم من انكتب بيهـم تضيگ الوسعه
الحق والضلاله ما صفوا كلمن طريقه و ربعه
حكمه ويريد الله كشف درب العدل والبدعه
تبقى الزچيه أكبر لغز .. بين الّي خلّاها حرز
وبين الإسم ليها يچز
ويعادي مَن ليها انتمى
حتـى اسـمـهـا فاطمه
ايعادونه
🚩🏴.....🚩🏴.....🚩🏴
(٧)
بالشـام هالغـدره تـرى مـن أول انشاهدها
همّه إعله زينب من قبل هم هدّدوا مرقدها
لكـن نظل احنـه ابوفـى للعتـره و انعاهدها
گوم النواصب كل زمن احنه بكلافه انردها
وبالمهدي يبقى هالأمل .. ينهي الضغاين والجهل
ندعيله كل فرض العجل
دنيانـه عگبك مظلمه
حتى اسمـهـا فاطمه
ايعادونه
🚩🏴.....🚩🏴.....🚩🏴
✍🏼علي نوري الحلفي
القصيده (كعديه )
على وزن أيام أيام هاي الدنيا أيام
إلى أم المصائب زينب عليها السلام
ياليل ياليل ....ارحم حالي ياليل ....2
دمعي بخدي يجويني
من اتذكر حسيني
ارحم حالي ياليل
ارحم حالي ياليل
*------------*-----------*------------*
الدنيا ياليل المصايب.
بيها بس الألم يبرا
جنها وي زينب تعادت
بالألم وشلون حسره
اه ياليلي وعذابك.
الكسر قلبي ومايجبره
عاش كل الدهر ينزف
مايطيب النزف عمره
ياليل ماترحم ابد
خليتني ابين الشدد
يالواعدتني والوعد
زينب كفيله بضعن اسرى
أهوال أهوال زينب شافت أهوال. .2
بلا عباس ابو الغيره زينب ظلت بحيره
أرحم حالي ياليل
*-------------*------------*-----------*
من الزغر وجرت قلبي
بالحزن عذبت حالي
بفاطمه أمي خذتها
تروح ماجانت أبالي
وصوبت بالهام حيدر
الجان كل عزي ودلالي
ليش ماخليت إخوتي.
عفت زينب جفها خالي
راح الفرح من دنيتي
من خذت مني زهرتي
تالي اتبعتني بإخوتي.
من خذيت حسين تالي
بعيال بعيال زينب مشت بعيال ...2
والعدوان تبرالي ماظلي ولا والي
ارحم حالي ياليل
ارحم حالي ياليل
*------------*-----------*------------*
كربلا وقعه عظيمه
تزول من عدها الرواسي
زينب تعاين لهلها
بين غربه وحكم قاسي
ظلمك التم وجمعته
يادهر طاح اعلى راسي
يادهر ليش اعلى زينب
نزلت كل المآسي
عباس طايح عالنهر
ومكطعه جفوفه الكمر
وحسين مكسور الظهر
وزينب الظلت تقاسي
عدوان عدوان زينب بين عدوان. ..2
نار الهظم تجويني بلا كفالي وحسيني
ارحم حالي ياليل
ارحم حالي ياليل
*-----------*------------*-------------*
بياصبر زينب تجلت
وكفت بمصباح عاشر
تنظر ارجال الهواشم
تقدم وتهدي المناحر
الكفيل تشوفه طايح
شلون شافت يانواظر
وقدمت فرس المنيه
للحسين الفرس حاظر
ياصبر روحي تمرمرت.
والتله بيه تحيرت
بس لاتكول تعثرت
زينب بهمها وتكابر
غدار غدار حيف الدهر غدار ...2
زينب ليش توليها من راحو اهاليها
ارحم حالي ياليل
ارحم حالي ياليل
*-----------*------------*--------------*
محمد دعبل النوري
لطمية للزهراء ع وزن النصاري الشاعر قاسم الساعدي المندلاوي
***
يابويه ردّيت بس انته للبيت
وين ادفنتهه من شيّعتهه
أمنه يبويه أمنه يبويه
**
يابويه انتنطّر بلكن اتعود
ويّاك الزچيّة البيتهه اردود
منهه بس عطر بالدار موجود
خل نلبس عليهه اهدومنه السود
وينك من عبَر للبيت الاحدود
ذاك اللي عصرهه تردّه مريود
تتلوّه عالگاع منهه الطفل ضاع
ما عاينتهه من شيّعتهه
أمنه يبويه أمنه يبويه
*
من شلت النعش بيدك يكرار
چَن شلت ابطلعتك أهل هالدار
بس اجساد ضلينه على الصار
وره روح النبي الهادي الگلب سار
جرح بينه بقه ابرحلة المختار
جرح ثاني اشيحمله ابسيف الاشرار
لڴلوب ويّاك بيش انتلگاك
محني شلتهه من شيّعتهه
أمنه يبويه أمنه يبويه
*
بهدومك تراب الگبر نشتم
خلينه عليك ابلوعة نلتم
لن يحمل معاه من الجرح دم
بي أطهر بشر بويه توسم
دنيه من بَعَدهه والله تُعدَم
اتلمنه أمنه يمهه بعد نخلم
بي ريحة امنه ايسَكّن هَضمنه
ندري افگدتهه من شيّعتهه
أمنه يبويه أمنه يبويه
*
ابلحدهه واسدت من عدهه يا خد
البي سطرة صعب بويه ايتوسّد
صحت يم الگبر ألله اولحّد
طعنّي ابچبدتي ابموتچ المرتد
العين الحمرة عالچتّال تشهد
وباب النايحة ما يوم ينسد
شاهِد عليهم من فعل اديهم
هم ودّعتهه من شيّعتهه
أمنه يبويه أمنه يبويه
**
منهه ما سمعت انته وصيّة
بيهه اتگول من اترد عليّه
جيب اوياك أيتامي اليه
ما عدهم حضن عگبي خطيّة
ماريداً تبعّدنه المنية
تعالوا كل صباح وكل مسيّة
تنشد علينه؟ أمنه الحنينه
هَم اسمعتهه من شيّعتهه
أمنه يبويه أمنه يبويه
*
مو هيّن علينه المَر عليهه
وهيّه الفگدت الهادي وليهه
صوط ابن الخنه لمّن يجيهه
تندب بويه من تشگف بديهه
وسط الدار هذا الصار بيهه
من الألم ما نسمع حݘيهه
بضعة محمد ما عدهه أحّد
هَم ناشدتهه من شيّعتهه
أمنه يبويه أمنه يبويه
قصائد الليالي الفاطمية الرواية الثانية
قصيدة { همي همك يا علي}
گلبي يمّك ... يا علي
همّي همّك ... يا علي
..............................................................................................................................
راح أودعك والگلب يمّـك يظل
والدمع من ناظري دم إنهمل
هاي آخــر ليلــه يا خـيــر العمل
الله يعلم بدت ســاعــات الأجل
بروحي رسمك ... يا علي
هـمّـــي هـمّــك ... يا علي
..............................................................................................................................
أعتـذر منّــك وأعرفك تـنـفـجـع
غالي دمعك يا علي مو أي دمع
ما گلتلك بيّه كسروا چــم ضلع
وهذا خدي بچف حقدهم ينصفع
خاف الچمك ... يا علي
همّي همّك ... يا علي
..............................................................................................................................
بين الضلوع الألـــم يالمرتضى
ضاگ بعيوني شفت حتى الفضا
بالقيامه إعداي حصّتهم لظى
كل حقود بهالفعل گلبه ارتضى
اشسوّه خصمك ... يا علي
همّي همّك ... يا علي
..............................................................................................................................
لو خِـتَــم مــوتــي مـحــطات العـمـر
بالظــلام تشــيــل نعــشـي وهذا سر
يا علـــي عن البــشــر تخـفـــي الگبر
بالصبــــر أُوصــيــك بــعـــدي بالصبر
أدري عزمك ... يا علي
همّي همّك ... يا علي
..............................................................................................................................
ومــن تـكـمّــل دفـنــتـي وجرحك أليم
يا عـــلـــي وشكـــواك للبـــاري الرحيم
عــهــد بـيــني وبــيـنك وربــنـــا العليم
اتــزورنـــي وتــرتّل آيات الكريم
فدوه لٱسمك ... يا علي
همّي همّك ... يا علي
..............................................................................................................................
يلّي بــيــك الصعــبــه تگـظــي وتنجلي
بــزيــنــبــك أوصــيــك يالــغــالـــي إلي
يا عـــلـــي ما عـــدهــه غــيــرك يا علي
چــم مـصــيــبه تشــوف بنتي وتـبــتــلي
شگد تهمّك ... يا علي
همّي همّك ... يا علي
..............................................................................................................................
يا عــلــي بدهـــر العـجايـــب والفـتن
هواي راح تــشــوف وشــويّـــه الگظن
عشت مهمــومــه ومتــت هضم ومحن
وآني بــت خــيــر البـــشــر يابه الحسن
شگد يهضمك ... يا علي
همّي همّك ... يا علي
..............................................................................................................................
خادم الإمام الحسين عليه السلام
عمار هليل الواسطي
السلام عليكِ يامولاتي يا فاطمة الزهراء ـ ع
(( مــيـمــر ))
بـاب الله بــاب الـــزهراء
و يـــــلاً لـــمــن دفـعـوهـا
ـــــــــــــــــــــــــــــــــــــــــــ
باب الــيدگـه بـجــفـه جان الـهـادي
ويصيح اهل هــالدار هـمه ولادي
فــاز الـيحـبهـم جـــان دوم ايـنادي
والــي يــظـــدهم للـنـار
كــل الــبـشـر سمـعـوهـا
ـــــــــــــــــــــــــــــــــــــــــــ
جابــو حـطـب وحـركـو باب الزهره
وكسرو ظلعها أم الحسن بالعصره
بأمر الخليفه الـحـاقــد عله الـعتره
انحسبو عله الدين أصحاب
داري الولي حركوهـا
ــــــــــــــــــــــــــــــــــــــــــ
مارادو اتـصــيــر الـخـلافــة لـحـيـدر
صار انقلاب وهجمو اهل الـــمـنــكر
وضلع الـزجيه مــن الصحابه اتكسر
بـخـد فاطمــة ضل نـيـشان
بــنــت الـنـبـي سـطــروهـا
ـــــــــــــــــــــــــــــــــــــــــــ
خـد فـاطمة المسطور والدم يجري
بـمـسـمـار يافــظــه تـهشـم صـدري
صرت اني خلف الباب والضد يدري
وعـليـه يـدفـعـهـا الـبـاب
اوروح الـنـبـي اذوهــــا
ـــــــــــــــــــــــــــــــــــــــــــ
هــاي الـرزيــه الـبـيـها حيدر محتار
جدامه طاحت فـاطمة بـوسط الدار
لـو ما الوصـيه جــــان صـاروا تــذكار
بس النبي امـوصي بـهـاي
وهــل الــظـلم سـووها
ـــــــــــــــــــــــــــــــــــــــــــ
الشاعر : خالد جودي العارضي
عصرت باب وحافر خيل
ينراد الزينب چم حيل
اليوم الوالد يمهه الحاضر
باجر بالطف تكسر خاطر
٠٠٠٠ ٠٠ ٠٠٠٠
بعدهه ابسن طفولتهه وشسوه الدهر بيهه
شافت امهه خلف الباب تلوذ وما يحاميهه
نسطرت والسطرهه يگول خل زينب نبچيهه
هاي النار نفس النار باچر بيهه نچويهه
دموعج فوك خدودج سيل
اليل الطف مو هذا اليل
بين النار وبين الحافر
باجر بالطف تكسر خاطر
٠٠٠٠ ٠٠ ٠٠٠٠
حزن زينب فلا موجود مثله ونگدر نفسره
خلف الباب وبياحال شافت فاطمه الزهره
ماتت امهه بالحسرات بين العصره والسطره
الحزنها كل حزن بالكون يوادم ماوصل ذره
الحزنج مايوصل يعكوب
دمعه بعينج كل غروب
وصعبهن يايوم العاشر
باجر بالطف تكسر خاطر
٠٠٠٠ ٠٠ ٠٠٠٠
البنيه التموت امهه تعيش ابلوعه وبغربه
مثل زينب يتيمه اتصير وبهذا العمر صعبه
علي بياحال شافاهه حضنهه وأشتكى لربه
يوصيهه الصبر شديه ونار الطف چوت گلبه
بالطف يامحنه تشوفين
من خيمه الخيمه تركضين
يشيّب باچر حته الناظر
باجر بالطف تكسر خاطر
٠٠٠٠ ٠٠ ٠٠٠٠
إبتدى أول جرح بالباب ونار الخيم نفس النار
هي شافت ظلع مكسور باچر خيل موبسمار
حافر يتبع الحافر ويصير الأخو طشّار
يتسلب على الغبره وراسه على الضعن يندار
فوك الرماح الراس يصير
بصبرج حيرتي التفسير
مجروحه وعالضيم تكابر
باجر بالطف تكسر خاطر
٠٠٠٠ ٠٠ ٠٠٠٠
نعش امهه تشوفه انشال وصارت للحزن خيمه
وسرح بيها الخيال بعيد وخذاهه للطف وضيمه
باچر كل دَلال يروح يويلي بطرت الهيمه
يتيمه ام الخدر ويلاه وشمر ما يرحم ايتيمه
مجتوفه وللشام اتروح
مذبوح ايصبر مذبوح
وياهه يصير الماصاير
باجر بالطف تكسر خاطر
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي
▪︎
فاطمه يا فاطمه........ فاطمه يا فاطمه
=====================
يا حبـيـبـة طـه يا نــور الحـيـاة
حرز اسمچ يعني بي سر النجاة
وبرضاتـچ تنقـبل حتـى الصـلاة
شيعةً نبـقى لـكـي ضِـد العُـتـاة
بِصدورٍ لاطمه فاطمه يا فاطمه
=====================
أنــتـي يـا زهـراء باب الله المنـيع
وسفه محسن طاح بعتابچ صريع
شلون خدچ منصفع بالـدم نجيـع
يالدفنـتي بحـضـرتچ اول رضـيع
بدموعٍ ساجمه فاطمه يا فاطمه
=====================
مـن هـذاك الـيـوم ديـن الله حـزين
يـوم عصـروچ وسگط ذاك الجنين
يــوم أولــهـم مـنــع حـتـى الأنـيـن
يوم شفتي ادموعهم تجري البنين
بنفوسٍ نادمه فاطمه يا فاطمه
=====================
بكسرة اضلوعچ بچت دم السماء
غير أنتـي ام الحـسن خير النساء
ندري ثانـيهـم جـلـب هـذا الـبـلاء
بـالـ(وإن)بنـت النـبي عـلّه النـداء
بهتافِ الحاطمه فاطمه يا فاطمه
=====================
عـتـرة الـهادي تـنـوح بـكـل زمـان
وسفه راحـل عـنـها يا ذاك الحنان
عن وصف زهرتنا يعجز هـالـسـان
چان حظن البضعة بي بس الأمان
بقلوبٍ عالمه فاطمه يا فاطمه
=====================
بالدمـوع وبالحـزن عـاشـت أكـيـد
أمـنـه كل ليلة ونـيـن الطـف تـعـيد
كل صباح وكل مسه صاغت نشيد
آه يـا غـربـة عـلـي بـيـت القـصـيد
فاطمه يا فاطمه فاطمه يا فاطمه
=====================
27/11/2024 يوم الاربعاء
24/ جمادى الأولى 1446 هـ
#الشاعر_الميرزا_محمد_الساعدي
لومه الوصيه وانت تدريهه
خيبر على بابج اسويهه
شحده اليجي ويوصل لعد بابج
الكالت وإن يافاطمه امحيهه
-----------
شحدهه يم بابج تجي ويوكف جدمهه
صدكي يم الباب اطشرهه والمهه
لو كطع بعقولهه وشدت عزمهه
فدوه يم الحسن اذبحلج زلمهه
هاي الاجت بالغدر معروفه
تدري بوصيه جفوفي مجتوفه
كونج حجيتي وسامع اعتابج
الكالت وإن يافاطمه امحيهه
------------
الاجت يم الباب جية الجاهليه
نكرت الدين وتبرت من نبيه
العاشت بلاشرف لاغيره وحميه
وإن كالت ندري بالدار الزجيه
جلمة حقد ترست معانيهه
تحرك الدار الفاطمه بيهه
نسمة هوى لو مست حجابج
الكالت وإن يافاطمه امحيهه
-----------
جَمعت احقادهه بيوم السقيفه
هذا يكره هذا صار يريد حيفه
التمت ابناء البواغي المو شريفه
ومن عصارة هالجمع سوت خليفه
والرِدة صارت من سقيفتهه
وبلا علم يفتي خليفتهه
ياخذ فدك ويزَيد مصابج
الكالت وإن يافاطمه امحيهه
----------
مسد صار حزامهه وحملت حطبهه
غله تملي صدورهه واسود كلبهه
تبت ايدينه الذي سعر لهبهه
ليش يحرك بابهه وشنهي ذنبهه
باب النبي والكل يعرفوهه
من غاب احمد اجو حركوهه
أهل الحقد وكفت عله اعتابج
الكالت وإن يافاطمه امحيهه
----------
مايهون صواب ضلعج يالزجيه
لكن شبيدي وتجتفني الوصيه
انه حماي الحمه وتدرين بيه
الوكفت عله الباب اراويهه المنيه
الوكفت ببابج موت اراويهه
يافاطمه والباب اخليهه
خيبر اذا لحظه الهضم صابج
الكالت وإن يافاطمه امحيهه
---------
خادم الزهراء ابو اسحاق الفحام
▪︎
بصوت. مسلم المطيري
#أبوذية
مولاي الحسين روحي فداه
يباب الدار گلبي .... ولميته
ومدري اعضاي عدله ... ولا ميته
افراش امي بديه ... ولميته
لچن بالگبر نامت هل مسيه
ابو فاطمة الطائي
#الليالي_الفاطمية
السيدة الزهراء اتگلم الإمام علي في عالم الرئية
ذبلانه احس مو من بَچي
أشگد شايل بعينك حَچي
سولفلي وضعك ياعلي
سولفلي وضعك ياعلي
*-------------------------*----------------------*
أمبين اعليك التعب سولفلي واحچي اهمومك
يالصبرك بـگـد الـزمـن متغيره حـيـل ارسومك
متحمل اجروح وألم اشگد شفت مـن گومك
ابسرعه أحسّك شيّبت يـابـو الحسن مالومك
واضح عله اجفونك سهر
گلبك حمل فرگه وقهر
*--------------------------*---------------------*
احزانك مخليه اثـر گـلـي اشفت يالوالي
اهواي احسك منكسر غالي ويحس بغالي
نـاس العليك اتئآمرا صوره الغدرهه ابالي
البابك الجاب الحَطب نفسه الجرح دَلّالي
بأصعب جرح مثلي صرت
يوم انعصر صدري وحرت
*----------------------------*----------------------*
اشگد شايل بصدرك ألم من الأجوك الدارك
عايش وحـيـد بدنيّتك ألمن تـبـث أسرارك
زمرت عصابه الأذتك اصبر يحامي الجارك
اختارلهم الباري الغدر وأنته الأمير اختارك
ادري بسهر ليلـك يـمـر
حسره وحزن صار العمر
*----------------------------*---------------------*
حاچيني يالحچيك نده بعدك احس ماطايب
ياحيدر اشسوه الزمن گلبك وراسك شايب
احچيلي بغيابي الجره جاي وعَبرتك جايب
أمحدّب اشبيه الظهر حيلك نَحـيـل وذايب
ماچن علي وليث الحرب
وچان المَثل بي ينضرّب
*-----------------------*---------------------*
الزادو اجروحك تـره اهـل الـحـقـد ادريهم
الشيّبو گـلـب النبي اسـود يـضـل ماضيهم
اصحاب السقيفه والفتن ايعينك الله اعليهم
مابيهم العنده وفه وقـطـرت رحـم مابيهم
الهم صفه نقض العهد
بابك عله الخانوا شهد
*--------------------------*----------------------*
✍خادم الزهراء (ع)
الشاعر رعد الجريخي
#اللهم_عجل_لوليك_الفرج
غريبه راح اخليج وبخوج حسين اوصيج
لو ظهره انكسر شميه بالنحر
****
يمه زينب كرب موتي وحانت الساعه الاخيره
شدي حيلج عالمصيبه مصيبتج باجر جبيره
حسين باجر يبقى وحده وناظره المن يديره
شما اصدله ايگطعونه وجسمه ينلم بحصيره
وحده من تشوفيه. بيدج مهره قدميه
همه لو كبر شميه بالنحر
**
بدمع عينج. روحي يمه ونفذي يايمه الوصيه
امي گالت شمي نحره لو گرب يوم المنيه
فوگ صدره تروح وترد باجر خيول اعوجيه
الشمر بيده من يذبحه يذبح وياه الزجيه
ويگلهم ذبحته ودو الراس لخته
راح اشبع قهر شميه بالنحر
*
عالترايب يبقى جسمه. عاري ومسلبه اهدومه
بالحوافر. راح صدره. وماكو مثل حسين يومه
ايموت ضامي ونحره دامي. وعالرمل تنزف ادمومه
آه ياشمس الظهاري باجر اتغير ارسومه
يمه انتي وبناتج فييله بعباتج
اهناك اخذي الحذر شميه بالنحر
**
الحرگ بابي راح باجر يحرگ الخيمه عليجن
عگب اهلجن محد الجن وكلها غربه شلون بيجن
الخيل تهجم عالمخيم والشمر رايح يجيجن
ايصيح بيجن وحده وحده وبحبال ايشد اديجن
عالتل من تصعدين جم خاطر تكسرين
ومن بعد الگمر شميه بالنحر
**
يالعقيله. شما اشوفج بلا عشيره ولا گرابه
الشام ياخذ راح حيلج. واه يالشام وعذابه
الشده باجر يمه زينب من يخلوج بخرابه
اهناك طفله من حلمها تفز تصرخ بابا بابا
رقيه باخر انفاس راح اتموت عالراس
باقي بخدها اثر شميه بالنحر
****
تمت
تحسين الخفاجي
ميثم العمري
بصوت. مسلم المطيري
كلف وضعي. ويصب دمعي
كلمات الشاعر
سيد زيد الفحام
بصوت. مسلم المطيري
مشتاگة الك
شيوصفه شوگ الفاگده
كلمات الشاعر
موسى البديري
بصوت. مسلم المطيري
خلتني محتار. ياوحشة الدار
كلمات الشاعر
حسن لعيبي الحريشاوي
بصوت. مسلم المطيري
انه الماشم هوى ابريته
انه المسلوبه عافيته
كلمات الشاعر
شاكر الصيمري
گعدية بصوت. مسلم المطيري
ياليل. ياليل. أرحم حالي، ياليل
كلمات الشاعر
محمد دعبل النوري
بصوت. مسلم المطيري
يابويه رديت. بس انت للبيت
كلمات الشاعر
قاسم الساعدي المندلاوي
بصوت. مسلم المطيري
گلبي يمك. ياعلي
همي همك. ياعلي
كلمات الشاعر
عمار هليل الواسطي
ميمر بصوت. مسلم المطيري
باب الله باب الزهراء ويلا لمن دفعوها
كلمات الشاعر
خالد جودي العارضي
بصوت. مسلم المطيري
عصرت باب وحافر خيل
كلمات الشاعر
فلاح طالب الماجدي
بصوت. مسلم المطيري
فاطمه يافاطمه. فاطمه يافاطمه
كلمات الشاعر
الميرزا محمد الساعدي
بصوت. مسلم المطيري
لومه الوصيه وانت تدريهه
كلمات الشاعر
ابو اسحاق الفحام
بصوت. مسلم المطيري
#أبوذية
نِـشَرْ حِـزنك عـلـى راسـي عـلامه
يـبـويه و دمْ تـهِـلْ عـينـي عـلامه
بـوجـهي ظـلّـت الـسـطْره عـلامه
أجيـك و شـوف شنهو لصـارْ بِـيّـه
#جابر_الكاظمي
#اللهم_عجل_لوليك_الفرج
بصوت. مسلم المطيري
ذبلان احس مو من بچي
كلمات الشاعر
رعد الچريخي
بصوت. مسلم المطيري
غريبه راح اخليچ
كلمات الشاعر
ميثم العمري
السلام عليكم ورحمة الله وبركاته
لكل شيء بداية ولكل بدايه لابد من نهاية وداعا ايها الأصدقاء اتمنا لكم التوفيق والنجاح أين ماكنتم اودعناكم جميعا اخوان راح احذف برنامج التلگرام دمتم في، أمان الله وحفظه اخوكم
مسلم المطيري السبت الموافق 21/11/2024
حوار امير المؤمنين مع سلمان المحمدي رضوان الله عليه
كلف وضعي / ويصب دمعي / بمصاب الزهره فجعوني
........
يسلــمان الصبـر مريــود لكن مو على الزهره
شفت منها الضلع مكسور يويلي وعالوجه سطره
سياط وبالچفوف جروح وعين مجرّحه وحمره
كلهــن عنّـي اخفتهــن لحدما ماتت بعبره
شكثر ناحت / لما راحت / تصيح بصوت ظلموني
........
يسلمان انهدم حيلي ولاچنّي القلعت الباب
لمّن غسّلت بيدي الزجية وگلبي ونّ وذاب
مرّت عالضلع ايدي وهيّست الكسر لهّاب
شاطت بالألم روحي ضلعها مكسّر وماطاب
حرت شحچي / اون وبچي / لحدما تنعمي عيوني
.........
يسلمان المصيبه شلون. تموت وماخذت ثاري
أنه المن سيفي كلها تهاب اسد وكت الحرب ضاري
الجبان الما يشيل السيف وسف يهجم عله سواري
قسم لوما النبي موصّي احز راسه الحرگ داري
دروا ياحيف / تركت السيف / غدر عدواني غدروني
...............
يسلمان الدمع شيفيد راحت فاطمة وظليت
راحت سلوتي وروحي واظلم من بعدها البيت
ادفنت ام الحسن بيدي ادفنتها وباليتم حسّيت
علي ومو چن علي المهيوب اعثر بالجدم رديت
مشت عنّي / وكثر ونّي / انوح ولا تلوموني
............
يسلمان الگبر اخفيه. الحبيبه بهاي وصّتني
استراحت من ألم دنياي انوح وابچي خلّتني
شكثر چانت تواسيني بنوايب دهري وافتني
بعد المن ابث همي. وحيد الزهره عافتني
الحزن عمري / ونفذ صبري / يريت وياها دفنوني
..............
يعينك الله يابوحسين فدائك سيدي سلمان
ابـد منلومك شتبچي. على الزهره الحزن ايمان
لچن خايف عليك هواي. اخاف تكتلك الاحزان
تنوح وتجرح بروحك وتشبّ ابگلبك النيران
سعي مشكور / يعم مأجور / قليل اللي يواسوني
سيد زيد الفحام
____
قصيدة ( مشتاكه الك ) الى السيده رقيه بنت الامام الحسين عليهما السلام
مشتاگــه ألك شيوصفه شوگ الفاكده
مشتاگــه ألك عينـي تشوفــك رايــده
شوگ اليفارگ جمــره
بالوّنــه يخلـص عمـره
**
يـا بويــه مشتــاگه شكــثر
لگلمــة يبـــويه الدافيـه
وأتمنى انـــه بهــل المسه
بحضنك أمأمنـه وغافيه
يلــي شلتنـي أعلــى المتن
عالجمـر اركــض حافيه
يابويه مــن يــوم الـــرحت
ماتـت أبـروحي العافيـه
تــدري شكــثر بيّــه حــنين ولهفـــه
تــدري شكـثر أتمنــى يمـــك اغفــه
بگليبي ظلت عبـــره
شوگ اليفارگ جمره
*
يابـويــه چفــي ألـــي چنــت
كــل ساعــه انتــه تشمّــه
يالغالــي هســه مــن الحبـل
يــا بــويـه ينـــزف دمـــه
ظليت أخـــاف مـــن الهوى
جـــرحـــي يبويــه يلچمـه
ما تدري بالسـوط أنضــرب
كلمــا صحـــت يـــا عمّــه
ســوط العده اشســوه يبويه بحالي
ســوط العده يلـــوعني بويه الغالي
ومتوني صارت حمره
شوگ اليفــارگ جمره
*
يـا بـويه تــرچيتي الذهب
البيــدك جبتــها أتــذكــر
سلبوهــا بالطــف العــده
ومنها يصــب دم احمــر
يــا بويه دمــي الي جـره
نفسه الجـره مـن المنحر
نــار وعطش خيل وشتم
واركض يبــويه واعثــر
خيل العده الرضت يبويه أبصدرك
خيل العده اتعنتنه واحنــه انعذرك
بحالي يبويه انته أدره
شوگ اليفــارگ جمره
*
ريتك تجيني بهـل المسه
ونفســك يمــر بأنفــاســي
وتشـاهــد بعينـــك ذبـــل
مـن الفرگه وردي وياسي
مرنـي يمن انت الهــوى
وأغلــى واعــز كل ناسي
وأتمنى لو جيت أبدمــع
تمســح بأيـــدك راسـي
مرني بحلم اقبــل يبــويـــه بهــايه
مرني بحلم صــارت عليه أهـوايه
وأبخدي شوف السطره
شوگ اليفــارگ جمره
*
ألفــرگــه اشــد مــن النبــل
مـرنــي يبويــه الغـــالي
كـل ساعــه وتمرني صّــور
وتغـفــه يبــويه أبــالــي
بصدرك شفت غافي السهم
ماخــذ مكــاني الخــالي
وي نحــرك الينزف دمــه
انذبحت يبـويــه آمــالي
غافي السهم ليش أبمكاني أشمالــه
غافي السهم وماخذ گلب مــو مالــه
نايم عــزيــز الــزهره
شــوگ اليفــارگ جمره
**
يـــا بـويه مريت وعدل
خضّــر ربيــع اسنينـي
گتلك يبواليمه أبــدمــع
چــا عــدمــن مخليــني
مــا ادري بـويه بالحلم
طيفــك نظــرتـه بعينـي
فزيت لن طشت الذهب
بي راســك يحــاچينـي
بويــه العمر أتلچمه وتذبحه أحـلامه
بويــه العمر بـراســك گضت أيـــامه
وبلهفـه اشمّــن عطــــره
شــوگ اليفــارگ جمره
*
الشاعر
موسى البديري
*
#الليالي_الفاطمية
الى فراق الاحبة
خلتني محتار ياوحشة الدار
وليل الصبح صار ياوحشة الدار
★★★★★
كل يوم ماخذلي محب مافاد العتاب
وياي بسك يادرب مني الگلب ذاب
يلماخذ احبابي غصب ماضلوا احباب
وارماد سويت الگلب عني الفرح غاب
اليادار اتعنه واطب
اذكرهم ودمعي يصب
بنص الگلب نار ياوحشة الدار
★★★★★
أشدلَّاك ياموت وصرت متعني للدار
يم داري واگف تلتفت شنهي الجره وصار
أحبابي بيهم غربت ضليت محتار
ماغيرهم گلي شفت لوعندك اعذار
اعزاز عندي ماگلت
من جيتني وبيهم رحت
من كل الاكتار ياوحشة الدار
★★★★★
كل يوم هادملي ركن ارحمني ياموت
مابيه اتحمل حزن لواشيل تابوت
يصير العمر كله اون والونه بسكوت
أشكي وگلبي ممتحن ماتسمع الصوت
مكسور كسرات الغصن
يكتلني شوگي من أحن
مامنهم أخبار ياوحشة الدار
★★★★★
ياوكت دلالي انكسر چن طير مذبوح
فارگ گمر بعد الگمر ماضنتي ايروح
شخلت ابدلالي الصور عافتني للنوح
جرح بجرح ميت اثر شيطيب الجروح
چن شجره مابيها ثمر
وعيون ذبلها السهر
بس ذكره واثار ياوحشة الدار
الشاعر : حسن لعيبي الحريشاوي
#اللهم_عجل_لوليك_الفرج
#الناشر_الحاج_فلاح_حسن_الليال_الفاطميه
انه الماشم هوى ابريته
انه المسلوبه عـــافيته
اموت وامـــي هم ميته.. وراي
اول روح اتمـــــــــــوت ابعصره
ابطن امي وشـــــــــاغت روحي
يــــــــــــــم الباب اختنگت امي
وانفتحت للـــــــــدنيا اجروحي
انه الفاگد امـــــــــــي وامي فگدتني
يلچمهه الضلع والــــــــدفعه تلچمني
اسولف ياجـــــرح بيه
ضاگ النفــــس بالريه
وقراها الفاتحه اعليه.. ابوي
ياهو المثلي امشــــــــــيب گلبه
عمره اشهور وعــــــاش الموقف
عمري اتبده بيــــــــــــــوم وليله
خلص حيلي ابگـــــــــد ما انزف
شكثر لوعــــــــــــــات بيه والعمر توه
ست اشهر حرام المــــــــــــثلي يتلوه
زغير واغــــرگ ابدمي
و اوگــع من بطن امي
مالحگت اگــول اسمي.. واموت
ماشايف مــــــــــــن هاي الدنيا
ياحلمي المذبــــــــــــوح بعيني
والمثلي امـــــــــــــــــه اتناغيله
بس انه المـــــــــــوت ايناغيني
بعدني اعله الچــــفن والموت وترابه
جنين وگــــمطوه بجروحه واصوابه
حضن الزهره ضل خالي
وصار المــــــوت يبرالي
ملفوف بچــــــــفن تالي.. اروح
بين النار وذاك الحـــــــــــــايط
والدخان الصـــــــــوت ايحبسه
أيد اعلـــــــــــــيه وأيد اتحامي
وطاحت بضـــلوع امي الرفسه
عصرها ومالت اعله الحـــايط ابدمهه
موجوعه وتون والنــــــــاس تشتمهه
السمه تتفطر الـــــــونهه
باكو منهه محســـــــنهه
عرش الله استحه منهه.. حرام
مامكتوبه اعلـــــــــــــــيه الخوه
امشي اويه اخواني ايشوفوني
محسن للحســــــــــــنين الثالث
والزينب اشلعهه عيـــــــــــوني
يريت اوياهم اكـــــــبر هايه امنيتي
والزينب اعيش وانــــــطي عافيتي
يزينب هذا مـــو وكتي
اريد المعـــــذره يختي
اخوچ وهــايه سالفتي.. الوداع
شاكر الصيمري
#الناشر_الحاج_فلاح_حسن
