بصوت. مسلم المطيري
اليوم ننصبلچ مأتم بالطفوف
كلمات الشاعر
كامل السعيدي
بصوت. مسلم المطيري
يامحله الوداع بهالمسيه
كلمات الشاعر المرحوم
الحاج كاظم منظور الكربلائي
بصوت. مسلم المطيري
أخبرچ يالحبيبة
كلمات الشاعر
حيدر بشار الدراجي
بصوت. مسلم المطيري
تمنيت تمنيت. ازور امي تمنيت
كلمات الشاعر
احمد العگيلي
بصوت. مسلم المطيري
بهذا الدمع.
كلمات الشاعر
السيد رياض الرسل الجابري
بصوت. مسلم المطيري
فضلچ. على راسي
يا اغله كل ناسي
كلمات الشاعر
موسى الخادم
بصوت. مسلم المطيري
تسئل الناس. وينه عباس
كلمات الشاعر
محمد هادي العقابي
بصوت. مسلم المطيري
چان البيـت يضحـك وإنتي بــي نور
رغم ما چــان بيتـچ إسمه الاحـزان
نگضـــي الليل نجـرد بس بالأيتام
ونمســك عالدمـــع وي وكـت الآذن
أطلَـع بــس بعـد بالبــاب و اشتـاگ
من اطُـب قُـرآن أشوفن يقـره قُـرآن
حتّه الرحّـى چانت تطحـن اهـموم
يمچ أنســـى ماحِس عندي عـدوان
أحــس بعده محمـد عايـــش وياي
سَدّيتـــي المچــان ونِعْـــمَ المچان
فجــأة و لن محمــد ضلعه كِسـروه
أحــس موعـد مماتي بهالكسر حان
وأحس حتـه الكساء بطيحتچ طاح
مو الأولـــي وخــايف صــاير ألوان
وحته السبحه نِحْلَت باقيه الخيط
أويَه رِكنِچ حته بيتي إنهـد الاركان
الأرض فــرغت وچـن آدم ممخلوق
احـس كلمـن عليهــا بموتتـچ فان
آنــه وياچ چِنّــه اجنــايز اثنـين
ذيچ الســاعه بــس راد إلنــه دفان
ياعلي💔
الامام علي عليه السلام
يخاطب الزهراء عليها السلام
🥀✨✨✨✨✨✨✨✨✨🥀
مو مالت اتراب ولحد
يازهرتي بنص الــورد
كون انتي تبقين
مـلچوم گلـبي و انـتچـــي
اعله اجروحي ليلية وبچي
يل ما تردين
🥀✨✨✨✨🥀
كلج ترافه والنده منج يروي احساسه
اشكال بسمار الالم للضلع لمن جاسه
الدخان خانك ريته ومنج طلبها انفاسه
والجمر جفج فاطمه لمن هويتي باسه
والجمر بجفوفج يحز
وصوتج يزهرة مايفز
بس ذاك الونين
يل ما تردين
🥀✨✨✨✨🥀
ونة الم يافاطمه بس هيه منج تُسْمَع
والنار من اتلكتج طفاها ذاك المدمع
َذرة رحم مابي تره يافاطمه ومايخشع
إلّي تهجم معتدي واللي حطبهم جمع
وبطيحتج كلهم مشوا
وهمه الاديه جتفوا
ها يم الحسين
يل ما تردين
🥀✨✨✨✨🥀
وياج الوكع ماي الكصص لمن وكعتي
الجمرات بيدج جلبن بس ما صرختي
وردتيني يمج يم حسن بسكته ندبتي
جمراتج بنص خاطري شعلن حسرتي
الحركت ايدينج جمره
بلب الكلب مستعره
خلاهه يلبين
يل ما تردين
🥀✨✨✨✨🥀
احا ينارج بالكلب موتج صدك خلاهه
تتوجه دموعي الج بنص ثوبج مصلاهه
تأذيني روحي وعلتي بس ريحتج دواهه
هنياله ياذاك الكبر برسومج الغطاهه
مغيب علينه اعلومج
وبايگ هذيج ارسومج
ونجيبهه منين
يل ما تردين
🥀✨✨✨✨🥀
بايگ هذيج ارسوم الي ياوردتي يازهره
ووياج ياريته علي من كونه صاير كبره
بعدج بگيت بلا هوا اتنفس انه العبره
انكسر كلبي ومصعبه يازهرتي يا جبره
انكسر كلبي من البعد
وطولج عليه ما يرد
وتشوفج العين
يل ما تردين
🥀✨✨✨✨🥀
🥀✨ام زينب الحسيني ✨🥀
الچانت احجاب الله هوه حجابها
رادوا ايسون طف ابابهـــــــــــــــا
،،،،،،،،،
ناس اهل تاريخ مضلم
بالصحاح اخبارهــــــــم
لو اصب النيل كلــــــــه
مايغسل عارهـــــــــــــم
حاشه الله لاتگلــــــــــي
الدينه هوه اختارهـــــم
ريت حيدر ماموصــــــه
أيحصد حته ازغارهــم
المالهم قيمه اشتضن إيـهابهـــــــا
رادوا ايسون طف ابابهــــــــــــــــا
،،،،،،،،
امده الدنيه التخلـــــي
الموش گد افعالهــــــــا
الچان بالشرده يعجبك
سوّته رجالــــــــــــــــها
حبتـــره والجبت الأوّل
همه ذوله امثالهــــــــــا
عافت البچفوفه قالـــع
خيبره وخيالهـــــــــــــا
الدنيه شو يفتر عكس دولابهـــــا
رادوا ايسون طف ابابهـــــــــــــــا
،،،،،،،،
گصص ريحة هبل بيها
وغيره ماكو براسهــــم
مانجامل علحقيقـــــــه
خلها تسمع ناسهــــــــم
تاجروا تالي التجــــاره
جنو منها افلاسهـــــــم
واليالي الفاطميــــــــــه
والله تهدم ساسهـــــــم
بالمجالس ثوره ثوره امصابهــــــا
رادوا ايسون طف ابابهــــــــــــــــا
،،،،،،،
الدفع باب الزهره بيده
كون شلت ايـــــــــــــده
ياعذر باجر يقدمــــــــه
اهناك شنهي ايفيــــــــــده
انكرها كره الصنم كلنـه
فلانهم من نريـــــــــــده
دربه حيل بعيـد عنــــــه
والمسافه بعيـــــــــــــده
يتصل درب المحب بعتابهــــــــــا
رادوا ايسون طف ابابهـــــــــــــــا
،،،،،،
الترضه عنه الزهره يرضه
الله يهل الغيــــــــــــــــــره
والبخاري بهاي صــــــــرح
روح وقره السيـــــــــــــره
امن اجوا يعتذرون فاطـــم
ضل وجها اديـــــــــــــــــره
هاي دنيتكم تگلهـــــــــــــم
موطويله زغيــــــــــــــــره
مادروا حرگوا گلوب احبابهـــــــــا
رادوا ايسون طف ابابهــــــــــــــــا
،،،،،،
شَجرةَ الملعونه همــــــــه
الله لايطيهـــــــــــــــــــــم
بليس بحضان السقيفــــه
ولده ومربيهـــــــــــــــــــم
الثاني والأول خيانــــــــه
كل فجر يسگيهــــــــــــــم
نگل للتاريخ كافـــــــــــــي
لاتلمع بيهــــــــــــــــــــــــم
قلام مأجوره اشتروا لثيابهــا
رادوا ايسون طف ابابهـــــــــا
،،،،،،،
لخادم الزهراء ع
محمد الفهداوي
-----------
#استشهاد _الزهراء عليها السلام
قصيدة بعنوان(حبيب وحبيبة ) النص وزن موشح +ابوذية
باجر اتودع حبيبه ودمعتك تصبح عجيبه
وتصفى ايامك مصيبه ياعلي
●●○○○○●●●●○○○○●●{{1}}
ياعلي ليلك سهرته بالمصاب
ودمعتك بالعين للزهره جواب
بالحزن والنوح ايامك عذاب
والوداع ايكون مؤلم بالخطاب
علي شيبه من الدمعه بلاها
الم وجروح ظل عايش بلاها
بعد المن يصد عينه بلاها
أذا بيده يوسدهه الوطيه
ادكلهه ودموعك جريه غيبتج صعبه عليه
وجرحي لغيابج رزيه ياعلي
●●○○○○●●●●○○○○●●{{2}}
الجهزتهه للكبر ماتت تنوح
بيهه أثار المصيبه والجروح
تركت أدموع الحزنهه بيهه روح
محسن الي سكطته مات ابطروح
علي اه ياعلي تركت لونها
وأثر لجفوف عصرنهه لونها
وجرح لسياط والهجمه لونها
خفتهن ياعلي لجل الوصيه
من الكبر تسمع نعيهه وانته تذكر بجيهه
ونعلتك عالظالميهه ياعلي
●●○○○○●●●●○○○○●●{{3}}
من بعدهي وحشه ا يامك تصير
خاليه من فاطمه وبلا نصير
بس بكت ناس التضد وبلا ضمير
وانته ذو الفقار بغماده نذير
بكه الفقار بكرابه لجلها
وبكه محفوظ ثاراته لجلها
رغم غدر العدوا(وان )و لجلها
حفظ لسلام والزهره ضحيه
فاطمه صاحت يفضه لان اسمك لوا تلفظه
ما يظل دين التحفضه ياعلي
●○○○○●●●●○○○○●{{4}}
راحت الزهره ابعمر وردة ربيع
من أثر فعل الخيانه والخديع
ياحماهه وحفضة الدين الوديع
ودعتهه عن حياتك للسميع
يروح اشلون من يمك وردها
وعليك احزان من راحت وردها
ودموعك ياعلي العينك وردها
دكلك زهرتك بعد المنيه
بيدك اتغسل ظلعها وحالك اتشوفه وفجعها
فاركت نورت شمعها ياعلي
●○○○○●●●●○○○○●{{5}}
يغضب الباري الغضبها اعله الطفاة
فاطمه ويرضه الرضاها بالحياة
ماتت ابهمها وحلمها همه مات
وتركت الحيدر الم والنايبات
ظلع مكسور من عدها ولمها
وعلى العدوان دعوتها ولمها
منوا من الغدر ردها ولمها
فقط فضه وعلي اسروا اميه
وزينب اتنادي الحنينه والحسن ينعه السنينه
والحسين ايدير عينه ياعلي
○●●●●○○○○●●●●○
الشاعر الحسيني حسن جاسم الطائي
بصوت. مسلم المطيري
ياصاحب الزمان
كلمات الشاعر
حسين الزيدي
بصوت. مسلم المطيري
ليلة ظلمه وگلبي طاير
أمي راحت للمگابر
كلمات الشاعر
يونس رحيل العگيلي
بصوت. مسلم المطيري
#قصائد_شهادة_فاطمة_الزهراء_ع
🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ
ابوذيه
مـشـت أمـي وأنـه اتـنـطـر طفلهه
وعـيـنـي الـدمـع بـالـعَـبـره طفلهه
اضـل لـلـمـوت مـا انـســـه طفلهه
اشـجـناه وطـاح بـعـتـاب الـمـنـيـه
*------------------------*------------------*
✍خادم الزهراء ع
الشاعر رعد الجريخي
كعديه لوفاة السيده فاطمة الزهراء ع
وره الباب .. لاذت فاطمه ويهمل دمعها
وره الباب .. طاح المحسن وكسرو ضلعها
شافت ظلم وأرهاب .. تبجي خيوط الحجاب
لاذت فاطمه ويهمل دمعها
..................................
ندري طبع الذيب ماكر وما نأّمن بيه ساعه
للحرق عتبة الهادي أبد ماترهم شفاعه
والدفع باب الثكيله اللعن والسّب متاعه
يسطرها عالخد النذل .. يعصرها ويطيح الطفل
تلهب النار وتشتعل .. من حقد هاي الجماعه
بسمار .. نابت بالصدر والدم خذاهه
بسمار .. من أبن اللقيط الخان طاهه
جرح للموت ماطاب .. تبجي خيوط الحجاب
لاذت فاطمه ويهمل دمعها
......................................
مانجامل عالحقيقه ويبقه دوم الصوت عالي
الظلم بضعة محمد و(إن) صاح وما يبالي
غيره ماعنده ورجوله وكلبه من الرحمه خالي
نحجي بصراحه وكل ثقه .. وعدنه أدّله موثقه
أهل الظلم والزندقه .. وره حيدر دوم تالي
ملعون .. كلمن شارك بغدر السقيفه
ملعون .. اليبخس حق علي ويصبح خليفه
نور الهادي من غاب .. تبجي خيوط الحجاب
لاذت فاطمه ويهمل دمعها
....................................
فاطمه آنه و أنادي كومي يافضه اسنديني
بصوت مخنوك وأحاذر لاعلي يسمع ونيني
تره الظالم من عصرني فرفح أكبالي جنيني
يرفسني حيل الناصبي .. الماكل بماعون النبي
وأبني الحسن بعده صبي .. شاف سطره وحمره عيني
وحسين .. حرك الباب صار أول طفوفه
وحسين .. يريد يطفي نار أمه بجفوفه
حركو بيت الأطياب .. تبجي خيوط الحجاب
لاذت فاطمه ويهمل دمعها
...................................
تريد زينب تشبك أمها هلبت تخفف ألمها
الزهره تحضنها وتكابر والضلع مدمي ولجمها
شلها بالدنيا يعالم االبنيه بلايه أمها
منّ الزغر شافت حرك .. من أمها ماشبعت شبك
وأكبالها تسّب وتطك .. هالعصابه شكد جرمها
والنار .. جوتها من الزغر بأمها الزجيه
والنار .. بخيمتها تشب بالغاضريه
زغيره و الكلب شاب .. تبجي خيوط الحجاب
لاذت فاطمه ويهمل دمعها
........................................
حسرة الزهره شكبرها وعلي ظل سيفه بكرابه
مجتّف بحبل الوصيه وينظر الجور العصابه
القلع بابج يخيبر على الزهره أندفع بابه
موقف صعب عاش الولي .. فاطمه أكباله تنولي
الله اليعينك ياعلي .. أسد وتحيطه الذيابه
محتار .. المحّير عدوه بكل الحروب
محتار .. وأكباله الزجيه شمعه وتذوب
لو خيط الشمع ذاب .. تبجي خيوط الحجاب
لاذت فاطمه ويهمل دمعها
.....................................
المصيبه
الزهره أبدن ماتسامح لا الأول لا الثاني
وتدعي عالماعنده غيره وذبح للمحسن أماني
وظلت اليوم المنيه من جريمتهم تعاني
كالتله حانت ساعتي
ياعلي هاي وصيتي
بالليل أريدن دفنتي
وأخفي كل آثار كبري .. لحد مايطلع المهدي
.............................................
حيدر مطر العبادي
▪︎
ام البنين ع...
اليوم ننصبلچ مئاتم بالطفوف
يم الاقمار التشضت بالسيوف
كلنه نوگف بالعزاء «» يا أميرة كربلاء
يم البنين يم البنين
«»«»«»«»«»
يافاطمه.. يالماكو بالعـــالم مره توصل وفائچ
تبجي السماء السابعه ابليلة مصابچ
يافاطمه.. العالم بأســرى انفجع لحضة وداعچ
كل الكواكب نزلت اتنــــوح ابعزائچ
وفاطمه الزهراء حظرت بين اديج
اجت تقره الفاتحه وتلطم عليــــچ
وبقت تقرالچ دعاء «» يا أميرة كربلاء
«»«»«»«»«»
نار الحزن.. ماتنطفي اوسط الگلب يلهب جمرهه
ورده ام الاقمار وخلص بالهم عمرهه
نار الحزن.. من عدهه روحي اتعذبت ونفت صبرهه
بالدنيه معدوم الفـــــرح محــد يسرهه
اجروحي لجلك يبچن ومتلچمات
انتي سجده وانتي ركعات الصلاة
الچ نجهش بالبكاء «» يا أميرة كربلاء
«»«»«»«»«»
يم الوفه.. كل الخدم لمصيبتچ تبتچي وحزينه
ننعاچ حـــد ما ترتفع رايــــــة ولينه
يم الوفه.. ماننسه جرحچ والألـم موجـود بينه
يالفــاكده اولاد اربعه ونـور الظعينه
گلبچ اتحمل مصايب مؤلمه
جارعه المر بالصبر يافاطمه
خلصن اسنينچ عناء «» يا أميرة كربلاء
«»«»«»
غيره وعزم.. عنــدچ ياام الاربعه العاشو كوافل
بالغاظريه اتسمو اصحاب المراجل
غيره وعزم.. رضعتي ولدچ وطلعو كلهم بواسل
محد وگف بوجوهه اليوث وتقاتل
رفعو الهــــامه الچ يم الحسين
حين طاحو بالمعاره امخذمين
يشهد الهم هالوفاء «» يا أميرة كربلاء
«»«»«»«»
طف كربله.. بيه اشكثر مئسات ألج وشكد مصايب
بيه حسره ودموع وبچي اولوعه اونوايب
طف كربله.. سجلچ اعظـــم تضحيه يم الاطايب
بيه شفتـي چتل اولادچ وكل الگرايب
وگفتچ ثوره وبطوله وانتصار
يشهد التاريخ عنـــــچ بفتخار
ماتصح مثلچ نساء «» يا أميرة كربلاء
«»«»«»«»
الخادم
كامل السعيدي
#تراث
يا محله الوداع إبهالمسيه وإعلـوم المنيه
بين الفاطمي والفاطميه
ــــــــــــــــــــــــــــــــــــــ
طب خيمة الحره حسين واليها
إو ناده إهنا يزينب
گعد عدها يودعها إو يسليها
إو نار الحزن تلهب
يوصيها إو يسلم أطفاله بديها
والخدر الــــمرتب
ألله إشمصيبه محبوب إو حبيبه
من تتحمس إبنار الرزيه
ــــــــــــــــــــــــــــــــــــــ
حـن گلب العقيله إو دوت بيه النار
من جور المصيبه
نادت يبن أبويه ما تگلي إشصار
گلب إختك إبريبه
چن الفلك طرنه إو بالعكس يندار
إو چن إختك غريبه
يبن أمي إشدهـانه من دهر الجفانه
شتت هالشمل بالغاضريه
ــــــــــــــــــــــــــــــــــــــ
صد حسين لخته والگلوب إتلوب
وإتغيرت الحاله
إو ناداها الشهاده فصّلتلي ثوب
من نسج الجلاله
إلچ ثـوب اليسر من العهد مكتوب
والخدرچ حلاله
خلينه إنتشارك إبهالثوب المبارك
حِلَه الخدرچ وأنه إمفصل عليه
ــــــــــــــــــــــــــــــــــــــ
نادت يبن أبويه بالعهد راضين
بالحگ إو رضينه
لا عزت عليك إرگابنه يحسين
وإنته تعز علينه
تهيأ للشهاده وإحنه متهيئين
نتنطر سبينه
إنتو إعلـه الشهاه وإحنه إعله السعاده
نيتنه إو عسن راشده النيه
ــــــــــــــــــــــــــــــــــــــ
لاچن عگب عينك يا ضـــوه عيني
خدر إختك حياته
إو خوفـي إمن الشماته إبسهم ترميني
إو تدري إبماضياته
خليني أرد أموت إوياك خلينــــي
إو لا شوف الشماته
والشـامات إله إسهام تمضي إبگلب ألأكرام
أمضه إو أشد من سهم المنيه
ــــــــــــــــــــــــــــــــــــــ
إلك عندي أمانه من أمك الزهره
هاك إسمع المضمون
لخوچ إبكربله إتحبينه إبصدره
إو تسجي ماي العيون
إومن تجدم منيته جدمي مهره
إو خل يجبل عله الكون
هذي كـربله هاي چيف البصر والراي
هاك إخذ ألأمانه إمن الزچيه
ــــــــــــــــــــــــــــــــــــــ
وصلتني ألأمـانه يا عقيــــلتنه
إو چنـي إتسلمتها
وإحگوگ الوفه وإشروط خوتنه
بوجودك شفتها
هذي كربله إو هذي شهــادتنه
تشهد وإسمعتها
تثبتلچ إراده إو تشهدلچ شهاده
صبرچ نصر دين ألله إو نبينه
ــــــــــــــــــــــــــــــــــــــ
تدنه حسين لخته إو شبگته وإتنوح
والونه ثجيلـه
گبل جرح السهم خلت إبگلبه إجروح
وإتگطع دليلـه
يخويه خل أبّدل إوياك روح إبروح
إو صد إعله العقيله
نـاداها ألأمر صار إو لو عمت ألأخطار
عگب أهلچ تلزميلي الثنيه
للشاعر المرحوم
كاظم منظور الكربلائي
اخبرچ يالحبيبه .. عشت بعدچ غريبه
تشاركنه المصايب .. مصيبه اتجر مصيبه
☆☆☆☆
ضلعچ المكسور بوّابة حزن
مثل ونّاتچ غده گلبي يون
الهجم صوب الدار والجاوب (وإن)
طب عله خيامي وشعلها بلا إذن
نفس نار الرزيّه .. دوت بالغاضريه
المخيم شب لهيبه ٠٠مصيبه اتجر مصيبه
☆☆☆☆
مثل محسن يُمّه عبد الله انچتل
اشتاگ چنه العمه مذبوح ارتحل
بين بسمار وسهم فكري انشغل
عودي من هاي النوايب هالذبل
طيور الجنه الاثنين .. المحسن وابن الحسين
مصيبتهم رهيبه ٠٠ مصيبه اتجر مصيبه
☆☆☆☆
اذكر القرط الوگع فوگ الترب
وعله خدود الارض ظل دمچ يصب
شفت منظر منه ايشِيب الگلب
شافت اعيوني رقيه تنسلب
بمدامع وابواچي .. اذكرت ذيچ التراچي
رقيه اتظل سليبه ٠٠مصيبه اتجر مصيبه
☆☆☆☆
ابنچ السجاد بحبال انچتف
مثل ابوي الحيد متچتف وسف
عيني وي عينچ دمعهه يمه جف
وانتي محنيه العلي حنو السعف
ذكرت بگيد ابويه .. گطع چفين اخويه
غيور وكله طيبه ٠٠مصيبه اتجر مصيبه
☆☆☆☆
اتوارثو نفس السياط اهل الغدر
چنه نفس السوط والدم والكسر
السوط گنفذ يمكن اهداه للشمر
وگال خل يضرب امتون ام الخدر
وعله متوني تراهي .. سياط أهل الدواهي
اختنگ صدري بنحيبه .. مصيبه اتجر مصيبه
☆☆☆☆
يمه بسمارچ كُبر واصبح سهم
والهشم ضلعچ رجع شگ الخيم
وانرسم بعيوني منظر كله دم
امن المدينه الكربله حيلي انهدم
الاجاچ بناره هاجم .. سطر خد الفواطم
ابو الغيره شيجيبه .. مصيبه اتجر مصيبه
☆☆☆☆
حيل لو عندچ تعالي النينوه
شوفي گلبي شلون بالنار انچوه
صار بس دخان من شح الهوه
وابو عبد الله ضامي ماروه
انطبگ ظهره اعله صدره .. بسحگ خياله عشره
بگت جثته خضيبه .. مصيبه اتجر مصيبه
☆☆☆☆
حيدر بشار الدراجي
قصيده جديده كامله للزهراء عليها السلام .. طور قصيدة دللول يعبد الله دللول ..
تمنيت تمنيت .. ازور امي تمنيت
وين وين .. گبرج فاطمه
ـــــــــــــــــــــــــــــ
ياخذني الحنين واركض الدارج
مشتاگه يَيمه اعرف اخبارج
عودتيني مَترجعين خطارج
دارج غبتي عنها وظلت اثارج
ترجعين ترجعين .. الج ظنه ترجعين
ليش ليش .. دارج مظلمه
وين وين .. گبرج فاطمه
ـــــــــــــــــــــــــــــ
زغيره وعالحزن يالزهره ما اگدر
من ضيم البْروحي بالهوه اتعثر
كلما كبر عمري محنتي تكبر
گلبي مثل ضلعج صعبه يتجبر
على النوح على النوح .. خذت روحي على النوح
دوم دوم .. هيه امعلّمه
وين وين .. گبرج فاطمه
ـــــــــــــــــــــــــــــ
گبرج يالحنينه ودّي ازورنّه
مو ماي الورد بدموعي ارشّنه
وبريحة اثيابج كون ابخرنّه
واگعد يمج ونتبادل الونه
تسمعين تسمعين .. عتب زينب تسمعين
بيج بيج .. زينب هايمه
وين وين .. دارج فاطمه
ـــــــــــــــــــــــــــــ
اريد بكربله يمه تحضريني
جيْتج يمي حيل وصبر تنطيني
وحدي بهالرزيه لا تعوفيني
لو شفتي الشمر للشام يسبيني
اراويج اراويج .. ضرب متني اراويج
آه آه .. حيلي ايهدّمه
وين وين .. گبرج فاطمه
ـــــــــــــــــــــــــــــ
جرح الغاضريه اعرف اشكبره
وگبالي عزيزج ينگطع نحره
عشر اخيول اشوفن تلعب بصدره
عينج عاليتامى ايگلّي يالحره
يالحْسين يالحْسين .. بعد گلبي يالحْسين
طاح طاح .. متخضب دمه
وين وين .. گبرج فاطمه
ـــــــــــــــــــــــــــــ
صعبه امخدره وبين الغرب امشي
وي طيحة اخوتي ضيعت كلشي
سهرانه الليالي وما طبگ رمشي
وي نعشج تمنيت انحمل نعشي
دواوين دواوين .. ولا ادخل دواوين
بين بين .. زمره ظالمه
وين وين .. گبرج فاطمه
ـــــــــــــــــــــــــــــ
احمد العكيلي
ميمر للزهراء (ع)
بهذا الدمع مثل الشمع
للزهره والكسر الضلع
ننحب نذوب بحسرات هالليله وانواسيها
١
عالزهره والكسر الضلع بالدمعه
ننحب عليها انذوب مثل الشمعه
ضاگت علينه الدنيه هاي الوسعه
من ثگل بابك الطاهره والدفعه
ازغيرة عمر من تنعصر
ينعصر معناها الخدر
واجب علينا بهل يوم
للزهره من نرثيها
٢
بعد الصبر والنايبه والاحزان
ناح العرش واهل العرش والميزان
يدرون بالزهره اصول الفرقان
لي هسه ظل ينحب عليها القرآن
اهل السمه تبچي بدمه
الكسر الضلع والفاطمه
حتى العرش والاملاك تبچي وتنوح اعليها
٣
حضرت شياطين الارض وسط الدار
دار الوحي اليحمل جميع الاسرار
وانعصرت الزهره وضلع ألها اندار
يشكي الظليمه من فعل هالاشرار
هجمت حقد مو عن بعد
بالحايط و مات الورد
معقوله هاي الزهراء
هجمت حقد تاذيها
٤
بيا منطق وحجه وشرع اذوها
ومابين باب وحايط ايعصروها
يدروها طاحت عالارض يدروها
ليش ام ابوها تنحب ايخلوها
طاحت شمس واهل الرجس
ياوسفه بيها ماتحس
تاليها واحد ملعون
يعصرها ويبچيها
٥
طاحت الزهره بت محمد للگاع
تنحب تون ومكسرات الأضلاع
بالدفعه حتى الباب صاير طماع
وحلم الطفوله بمحسن الطايح ضاع
راح الولد وماظل مهد
لو صايحه الزهره مدد
تنزل جميع الاملاك
للزهره وتحاميها
٦
اختم الك واسمعني يلي اتودها
بالمجلس الحاجات اخذ من عدها
بس يمها اذكر بالعزه والدها
ولا تذكر السطره وحمار ابخدها
عهد الوفه بكل عاطفه
بينك وبين المصطفه
ماتنسه بنته الزهراء
وبروحك اتخليها
شاعر اهل البيت (ع)
رياض الرسل الجابري
فضلج على راسي
يا أغله كل ناسي
ملَّكتج أنفاسي .... يا فاطمه
................................
١؛؛؛؛؛؛؛؛
ابحقج اشما ردت اسولف ... أشعر ابتقصيري
من بديت اخدم حضرتج ... إبتدأ تقديري
خيرج امغركَـني خيرج ... كله منج خيري
واعله نهجج اني باقي .... ما يهم تكفيري
ميهمني كل لايم
بس أنتي يا فاطم
بيج الكَـلب هايم ... يا فاطمه
.................
٢؛؛؛؛؛؛؛
انعم الله دوم اردد ... لحضه ما عفتني
والخدمتج يالأميره .. ابليله مِن جبتيني
اشلون اسددلج اديوني ... ما تكفي اسنيني
كلشي ما أستاهل انه ... وانتي وفقتيني
ما تنحسب هيه
افضالج اعليه
كَـد هوا البلريه ... يافاطمه
.............
٣؛؛؛؛؛؛؛؛؛؛
اني كلي اذنوب وانتي .. عني متخليتي
واقرب الناس الاليه ... هجر هجرت بيتي
شرد اجازيج واكَـلج ... وانتي روحي احييتي
فاطمه مولاتي شكراً ... مثلي من لفيتي
ميت جنت اني
عايش شخص ثاني
بس عطفج احياني ....يافاطمه
...................
٤؛؛؛؛؛؛؛
جنت وين اوين هسه ... بفضل عطفج فاطم
زاد قدري وأحترامي ... ابين هاي الوادم
وين ما حطت ركابي ... هلا بجيت الخادم
أستمع هالصوت بذني ... ودمعي ينزل لازم
كَـبلج منو ابحالي
هسه اصبحت غالي
كل ناسي تبرالي .... يافاطمه
.........................
٥؛؛؛؛؛؛؛؛؛؛؛
ما أعوفنج يزهره ... الدنيه لو ملكوني
سمعا وطاعه اكَـلج ... والعده ايسمعوني
على نحري السيف واصرخ ... أنتي نور اعيوني
فاطمه أبقى أردد ... ساعت ايذبحوني
يافاطمه ابموتي
عالي يضل صوتي
منج خذت قوتي .... يافاطمه
.............؛؛؛؛؛؛؛؛............
✍️ كلمات موسى الخادم
تسال الناس ... وينه عباس
مايجي لخته الكفيل
...............
ماكو طارش يعتنيله ايكله اخيته تريده
خله يحضر للغريبه ورايته ترف بيده
زينب بحيرتهه .. الديره مو ديرتهه
بالغرب دمعتهه .. عل اهل هماله
تنادي بحزان ... وين الاخوان
من الهضم ذاب الدليل
مايجي لخته الكفيل
...............
وين اخو زينب يجيهه الليله هيه بحيره
الموت وازاهه العقيله وينه راعي الغيره
خله يتعناهه .. هيه بي تتباهه
هل زمن اذاهه .. بس هضم ايامه
خل يلحكون ... هايه ام عون
النِفس عدهه قليل
مايجي لخته الكفيل
..............
صعبه والله وماكو اصعب منهه عل علويه
باخر انفاس وتتاني حسين ابو الحنيه
تنتضر للملگه ... الباب بيده ايدگه
عذبتهه الفرگه ... هواي اله مشتاگه
رادت العين ... تشوف الحسين
والدمع بيهه قليل
مايجي لخته الكفيل
..............
زينب تضل بهضيمه ومحد ايمر بيهه
شلون دنيه وبيها دارت بت علي تاليهه
مابقه شي عدهه .. بس دمع وبخدهه
زينب الوحدهه .. وينه راعي الرايه
خل يجي يشوف .. ذيج الجفوف
منالحبل دمهن يسيل
مايجي لخته الكفيل
..............
والله جارحهه الغياب وماتطيب جروحه
وعله درب الغاضريه عيونهه مشبوحه
خلصتهه نياحه .. وابد مامرتاحه
والگلب سباحه .. مكطع منالحركه
كرهت الشام .. من الالام
والحمل كلش ثكيل
مايجي لخته الكفيل
.............
زينب بآخر نفسهه الموت اجاهه الليله
مدللت هاشم حسافه من تعبهه نحيله
الموت سد عيونهه .. وغربه اليشيعونهه
الشام غير لونهه .. وماتت بحسرتهه
وين الاحباب .. تهيل التراب
على زينب بالعويل
مايجي لخته الكفيل
محمد هادي العقابي
بصوت. مسلم المطيري
مو مالت اتراب ولحد
كلمات الشاعرة
ام زينب الحسيني
بصوت. مسلم المطيري
الچانت احجاب الله هوه احجابها
رادوا ايسون طف.ابابها
كلمات الشاعر
محمد الفهداوي
بصوت. مسلم المطيري
باچر اتودع حبيبه
كلمات الشاعر
حسن جاسم الطائي
بصوت. مسلم المطيري
صبرت وروحي خلصت هاذ صبريش
مطر يا عيني ساعه تسيل صب رش
طير وما يصب دموع صب ريش
هيچ انه برحيلچ ميته اديه ؟
رعد الفريجي
ياصاحب الزمان ...... ياصاحب الزمان
____
يمته تشرق على البريه وينتهي هذا الظلام
وتنتهي كل المآسي ويصبح العالم سلام
وتسكت احلوگ الشماته وينقطع شر الكلام
وتاخذ ابثار اليتامه وتاخذ ابثار الخيام
___
تدري يالمهدي وغلاتك حيلي من الفركه باد
روحي خضره ومن غيابك يبست او صارت رماد
يمته يامحيي الشريعه اطمن اگلوب العباد
يمته اذبن ثوبي الاسود وينتهي هذا الحداد
____
انه لو ظاكت الدنيه بيه ادك بابك واجيك
شعندي غيرك يابو صالح بكل صلاة انه ادعي ليك
من ارفع جفوفي ابدعائي جني احس كظت اديك
اه ياشوك الملاگه الشايله بكلبي عليك
___
يمته تظهر يابو صالح وينتهي هذا العناء
وتفرح الدنيا ابظهورك ونقره الك هذا الدعاء
صوت جبرائيل ناده من السمه بهذا النداء
طلع البدرو علينا كوكباً من السماء
___
حلمي بس يمك اموتن عايش الهذا الطموح
بيه لهفت طفل ظايع مشتهي الملكه وينوح
هيج اناطر جيتك انه مفرفح محمل جروح
مدلي جفك يابو صالح منيتي الجفك الوح
____
من ارفع ايدي وبدعائي دوم اناديك العجل
وانه كلي ذنوب ودعي والله ماخذني الخجل
اتوبه يامولاي اگلك جنت عايش بالجهل
شلون لو جتني المنيه وسير عليه الاجل
__
ارزقني من قبري اجيلك معتني ولابس جفن
شاهرا سيفي وملبي دعوتك يابن الحسن
ارزقني اسولفلك البيه وهنه ابد ماينسن
خيام محروكه وتراجي هواي بس ماينحجن
حسبن الزيدي
__
ليله ظلمـه اوگلبي طاير
أمي راحت للمگابــــــر
ــــــــــــــــــــــــــــــــــــــ
ليله چانــت مو مثل باقي الليـــــــالي
بيتي خالي اوشوفي خالي اوگلبي خالي
حيدر اول مره يبچي ابصوت عالي
والله حگه الزهره كلشي بيهه غالي
بالغسل خلص عمـر
چفه مر فوگ الكسر
رنَّت ابهالموقف السبعه العوالــــــي
من حرگته حيدر جزع
گام اوعلى وجهه وگع
صار التراب امبلل ابدمعه اليهالـــي
جرحه باين بالنواظر
أمي راحت للمگابــر
ـــــــــــــــــــــــــــــــــــــ
تقره قـــــرآن أمي وتصلّي عفتــــــــــهه
فجأه سكتت اوگلت اظن تدعي ابصمتهه
أمي تدعي ابإيد وحده ابكل وكتهه
هسه حتى الإيد هايه نَــــــــزِّلَتهه
گلت يمكن نايمه
خل اگعّد فاطمه
الصدمه ما گعدتلي لمّن گعّدتـهـــــه
ظني خطه اوصب مدمعي
لا نايمه اولا تندعـــــــــــي
ميته العزيزه اوتبتسم ليّه شفتهـــه
ما بغت تكـــــسرلي خاطر
أمي راحت للمگابـــــــــر
إلنواظر
ــــــــــــــــــــــــــــــــــــــ
موش كل أُم آنه أمّي اعدال أُمَّــــــــه
جنة اللَّــــــه والفگدهه الله يرحمــــــه
الزهره ماتت هضمه ما تاليهه هضمه
حتى جبرائيل اسمعه ايصيح يمَّــــه
صاح يا أهــل الأرض
ليش ميته ام الأرض
أُنْـــزِلَت للنَّاسْ كُـنْـتُـم شـرَّ أُمَّـــــــــه
هاي اليتيمه اشجانيــه
اوعفتوهه تركض حافيه
"بأَيِّ ذَنبٍ قُتِلَت" مو هاي حرمــــــه
ماتت اتكض بالخواصر
أمي راحت للمگابــــر
ــــــــــــــــــــــــــــــــــــــ
فارگتنـــه اويا صبر بي نسد فَجـهــــــــه
كل عمرنه ابغارهه عشنه اونسجـهـــــــــه
اتخيِّلوه اشلون موقف ناري وجهـــــــه
علي يبچي اوما يحط ايده اعله وجهه
اشگد بِچينه الفاطمـــه
بس بچي حامي الحمه
بَچَّه وحدانية الله اوكل حججهـــــــــــه
اليمسح دمع ولده اربعـــه
ما گدر يمسح مدمعـــــــه
صوت انكساره ايحنحن الدنيه اويرجهه
يدوي بينـه صوت عابر
امي راحت للمگابــــــر
ــــــــــــــــــــــــــــــــــــــ
اشگد حنينه الله وحده اليدري بيهه
عشت إلهــه فاطمه منهه اوعليهـه
من نمت فوگ النعش أسمع بچيهــه
ميته بس من الچفن مدتلي اديهــــه
آ يگلب الوالـــده
عالمحنه امعوّده
اليوم وي الله سوالفهه اوحچيهــــــه
جبريل نادى امن العرش
يابو الحسن شيل النعش
أذّتنه زينب من نوايحهه اونَعيهـــــــه
بَچَّت اگلوب اومحاجر
أمي راحــت للمگابـــر
يونس رحيل العگيلي
▪︎
گعدية بصوت. مسلم المطيري
ورا الباب
لاذت فاطمه ويهمل دمعها
كلمات الشاعر
حيدر مطر العبادي
بصوت. مسلم المطيري
هالأمه عاميها الحقد
كلمات الشاعر
علي نوري الحلفي
